159a4 ka cog gis bsgyur ba'o//// rgya gar skad du/ sa ma pA ta na ma/ bod skad du/ khregs gcod bdun pa zhes bya ba/ bcom ldan 'das mtha' bzhi rang
159a5 grol ba'i mgon po rdzogs sangs rgyas pa'i bla ma la phyag 'tshal lo// de nas ston pa rdo rje 'chang// phyogs bcu 'jig rten rab 'byams su// zhal gyi dkyil 'khor gsal byas pas// ljags kyi dbang po'i rtse mo
159a6 la// 'od zer brgya phrag du ma 'phros// 'od kyi zer las sangs rgyas ni// nyid dang 'dra ba'i gtso 'khor ni// stong phrag brjod kyis mi lang ba// du ma 'phros pas sems can gyis// don byas nyid kyi thugs kar
159b1 'dus// rang bzhin dgongs pa lcog gzhan las// tshig min don gyi dgongs pa 'phros// kye ma sems dpa' chen po nyon// snang ba rang gis rang bcad pas// khregs gcod rnams kyi dang por byung// byas pa
159b2 med pa'i chos nyid la// byung ba med pa'i gnad mthong na// byas dang byung ba rang sa chod// 'khor ba zhen mtha' rang gnas pas// 'khrul pa bden pa rang gnas te// dus gsum rgyal ba'i dgongs pa
159b3 rnyed// 'di la rang gnad mtha' yal te// nga yis chud rtsa'i ro brgyad rnyed// thog ma rang dang rang bzhin las// bdag nyid chen po'i lta stangs las// mthong ba med pa'i yul rnyed pa// bshad par bya ba'i chos
159b4 rnams zad// thos bsam bsgom pa'i nyer len stongs// du ma 'dus pa'i tshang bshig pas// gcig par gnas pa'i ye shes mthong// de mthong tsam gyis 'khor ba'i las// ma byas gzhi la thams cad
159b5 'grub// 'dis ni byung ba'i bdag po zin// de la yon tan brgya phrag rnyed// de snyed chos la 'jig pa med// 'jig med lam du su zhugs pa// 'di la ldog pa yod mi srid// srid bral ming bzhi stongs
159b6 pa'o// khyab bdag nam mtha' rnyed pa// dbyings su tshud pas phyi nang chod// sa chu me rlung 'byung ba yi// gzhi dang lam dang 'bras bu zad// lta dang sgom dang spyod pa bzhi// rang sar dag pas 'khor rgyun
160a1 chod// bde sdug snyoms pa'i dga' bde yis// 'dod pa dag pas rang 'dod thob// de la gang gis brnyas pa med// 'di ni de la khyab byas pa'o// sems kyi byung ba'i sa med pas// bar do 'gro
160a2 ba'i lam 'gag pa// tha ma rtogs tshogs 'bras bu stor// rnyed pa med pa'i dbyings su thim// de la btsal bas rnyed mi 'gyur// ma rnyed chos la brjod pa chad// des ni byang chub myu gu bcad// gcad bya'i yul
160a3 dang shes byed mtha'// gnyis 'dzin bral ba'i ngang du chod// de yi 'brel pa zad pas stongs// stongs pa'i chos la bcad gzhi yas// yas pa 'di la sus dris pas// sangs rgyas 'bum phrag grangs med
160a4 pa'i// zhal mthong 'di dang gnyis su med// byas med snang ba'i rtsal chod pas// de ni spyad bya'i rtogs pa 'gags// de ni mi 'gyur lam zin pas// sangs rgyas rnams kyis ma byas pa'o// yang nyon sems
160a5 dpa' chen po khyod// de la nges pa ma thob na// phyi nang 'dus pa'i snang ba la// rang dbang byas la phyogs gnad bsgyur// 'di ltar byas pas spyod pa ni// seng ge bu bzhag lta bu la// phyogs dang 'dzin pa med
160a6 par rgyu// 'di la las dang bag chags kyis// nyon mongs 'gyu ba'i rta chad nas// 'gro dang 'ong ba'i lam dang bral// bem po 'dub pa'i gzugs rnams la// blang bar bya ste bzhag par min// de la sems kyis
160b1 ma yengs na// sems 'dus rtog pa khregs kyis chod// dran pa 'dus pa'i phung po gang// de nyid gang byung sar bzhag na// sdug bsngal 'dus pa'i phung po bzhig/ slar la bslang pa'i sa med pa// yang ni mig
160b2 gis gzugs shes na// stong pa'i chos 'di sa longs spyod// de ltar 'dod yon brlabs bcad nas// rdzogs pas 'di las bshad du med// smra med bsam pa'i gzhi zad pas// dus gsum 'bral ba med pa
160b3 yi// grogs 'di gzhan dang mnyam pa min// gong na med pa'i sgra dang dri// ro dang reg pa'i dngos po stor// rnyed pa'i mchog ste dgos 'dod phrad// 'di ni chos med sems zad pas// sems 'dus yid
160b4 kyis spyod pa las// 'di ni cung zad tsam thal lo// rgyal bas 'pham pa'i lam gsal nas// byas nas byung ba dum bur chod// 'dis ni 'khor ba'i mtha' ma chod// de chod yul la phar spyod pas// sbyang bya sbyong
160b5 ba'i gzhi med pas// theg pa rnams las dris pa med// 'di ni ring thung mdo 'dus te// sems kyi yul de btsal bas ni// sdug bsngal rnams kyi rtsa ba chod// khyab ma yin dus mtshungs pas// 'khrul gzhi dag
160b6 pa'i me long mthong// de mthong sde snod chos rnams shes// lo rgyus chen po rmad byung bas// ma byas thos bsam gzhi la rdzogs// sgrib bral bde ba'i lus thob nas// 'jig pa brgyad las 'jigs med
161a1 par// slar la gzhan gyi las rnams 'joms// 'di ltar spyad par 'bral med pa'i// mtha' la tshud na ldog pa med// spyod pas pha rol bde thob nas// sdug bsngal phyags mas 'debs
161a2 pa'o// bskal bar bsags pa'i las kyi mtha'// 'dir spyad gzhan las ma ltos pas// rang gi shugs la rang sa zin// 'di la gang gis glags ma rnyed// sra ba'i gos gyon mtshon nus zad// 'khor dang 'das
161a3 pa'i 'brel bcad pas// sngon gyi yul yang da ltar mthong// rdo rje 'dzin pa zhes bya ba// sngags kyi theg pa'i mthar thug pa'o// lam 'brel dus kyi gnas shes pas// 'di la spyad dang spyod pas stongs// rang
161a4 bzhin mi gnas sos dal bas// nga bdag rnams kyi khog pa stongs// 'khor rkyen rgyu 'bras rtsa ba rul// 'di la lo 'dab skye mi srid// des na ngas ni nga rang mthong// sangs rgyas rnams kyis spyod pa ni// bya ba'i
161a5 gzhi med byed med pas// 'di la 'das pa'i lam bral te// 'bras bu rnams kyi re gnas sa// stong min sems kyi goms spyad nas// ngo shes 'di la 'dod bral ba// nor med longs spyod chen po la// bya bral
161a6 gnas pa'i snying po 'o// ltas pas dus gsum dus gcig gsang// lta ba'i yul mthong lta mkhan mthong// gdos bcas rang dag zag pa med// 'byung ba'i lus zad nyon mongs stong// de yis yul la bsam
161b1 mi khyab// bsam mi khyab pas bsam med la// byas med byung med 'gro sa med// nga med gzhan med 'khrul pa med// mthong du yod pa'i gzhi la mthong// rgyun chad rkyen 'gag 'bras bu klag/ 'gro 'ong las kyi
161b2 'khrul 'phyug med// de don sems la rang bzhag pa'o// de ltar gsum shes gnyis med la// gzhi sogs grangs kyi mtha' med pas// gsum la 'khrul sa rang bzhag pas// 'gyur zhing 'phyug pa med par
161b3 bsdams// 'khrul du med pas gcig shes la// gnyis su 'dzin pa mi srid pas// 'khrul zhes 'khrul pa'i steng bzhag pas// bya byed thams cad rgyun chad do// sems dpa' yis ni yang gsol pa// 'khor ba'i
161b4 snying po de ltar na// rang bzhin ji ltar rnam par dag/ 'di nyid ston pas yang gsungs shig/ de nas rdo rje 'chang ba yis// rang bzhin gnas pa'i tshig 'di gsungs// gsang bdag sems dpa' yang nyon
161b5 cig/'di ltar snang dang stong pa yis// bsdus pa'i chos rnams ji tsam pa// rang bzhin gyis ni rnam par dag/ 'bad rtsol dri ma las 'das pas// spyod bral sgom dag lta yul stongs// ma byas rang gis sar
161b6 bzhag pas// de dag rang dag bzhag yas dag/ rgyu dag rkyen dag 'bras bu dag/ chos dag sems dag 'khrul pa dag/ dngos dag yul dag 'gyu 'brel dag/ dag nas sems kyi snang dag pas// de rang gcad
162a1 par bya ba ma yin no// de ltar dag pa'i snang ba la// bems spyad kham du bslangs pa yis// sa chu me rlung dag par snang// dag pa'i lugs dang dag pa yis// dag pa'i yul dang dag pa'i
162a2 dus// dag pa'i tshad dang dag la gnas// de ltar bems po'i lam du yang// su yi slob bar shes pa ni// bslangs pas long dang longs lugs dang// len pa'i dus dang longs pa'i tshad// bslangs pa'i 'bras
162a3 bu skye dang skyes// nges par skyes pa rnams nas ni// phyi yi snang ba chos kyi skur// gnas pa mthong bar 'gyur bas na// mthong ba de la gang goms pa// sku gsum rgyal ba'i zhing khams mthong// 'di ni mthong ba'i
162a4 lam la gnas// 'brel ba dag pa nges thob pas// dngos su spyod pa nyid las so// nang gi sems dang sems las byung// sems kyi snang ba gnyis dag la// rang sar bzhag dang rang grol dang// rang byung rang
162a5 shar rang gis yul// rang gi rtse la rtsa ba bcad// rang gnas rang gis thob pa la// sems rgyan stongs dag med pa dang// 'gro 'ong 'byung 'jug shes pa yis// 'gyu ba yal ba'i bar phye dang// gzung dang btang
162a6 dang glod pas shes// sbyor ba dang yang 'bral ba dang// stor dang bsdu ba'i gnas bstun nas// sems kyi me long gzugs brnyan 'dra// snang yul gzung bar med pa ni// ye nas de ltar gnas pa la// shar ba
162b1 rnams kyi thog ma la// byung ba rnams kyis bar gsal bas// shes pa rnams kyi tha mar snang// de yang 'bras bu'i dus las ni// gnad la phab pas nges gzung bya'o// phyi nang bcud dang bar dkrugs dang// nang
162b2 du gnad la bor ba dang// gang yul gang mthong gang gnas pa// gang gi mthong dang gang gi tshor// gang la shar dang gang thob dang// 'khrul pa rnams kyi tha ma la// 'khor ba'i thog ma shes pas gsal// snang
162b3 byed bsdu dang rmugs pa dang// yul las dkar dang gnas su bzhag/ lam du bzhag dang gzhi la bskyal// bltas mthong med pas snang ba la// bsgyur dang bcad pa'i las rnams 'grub// zas dang gos dang
162b4 'gro ba'i rta// bcud du dr-il bas shes pas na// 'gyur gyur thob rnams las nyid dang// yang dag pa ni las kyi mtha'// khregs kyi gcad pas bya ba rdzogs// rang gi dpal dang gzhan gyi gegs// tshad ldan bla
162b5 mas mkhyen pa la// legs par dris shig dad sems can// 'dis ni 'khor ba'i zad dus shes// bya ba rdzogs pa'i rnal 'byor pa// de nas gsang bdag sems dpa' che// ston pa nyid la yang zhus pa// kye kye
162b6 ston pa rdo rje 'chang// rang bzhin dag pa de ltar na// snying po lam du ji ltar blang// 'di la bdag ni zhu ba bgyid// ston pas gsungs pa sems dpa' chen// yang ni 'di ltar ya mtshan can// snying po thams
163a1 cad 'dus pa'i gnad// sangs rgyas gzhan gyis ma gsungs pa'i// don 'di ngas bstan khyod kyis nyon// spyi dang rang gi khyad par las// theg pa rnams kyi the tshom sa// 'di las byas byung med
163a2 rtogs pa'i// sems las 'gyu ba yang zad na// sems kyi 'gyu sa gzhig pa dang// de yis rjes la gar song gnas// snying po 'dus pas sgros zad pa// tshig la gnas pa med pa ni// gnas pa'i dus na glod pa
163a3 yis// rlung la mkhas pa kho na'o// dran pa 'gyus pa'i snying po ni// rang sor bzhag pa kho na'o// yul rnams bsdus pa'i snying po ni// thad kar bcad pa kho na'o// gnas lugs bsdus pa'i snying po ni// sems byung
163a4 btsal ba kho na'o// grol lugs bsdus pa'i snying po ni// byas pa med pa kho na'o// shar lugs rnams kyi snying po ni// bltas pas mthong ba kho na'o// de ltar de ni 'bras bu'o// lam ni ched du byed pa
163a5 dang// shugs las byung ba nyid dang ni// rang bzhin gnas pa nyid dag go/ ched la yang ni bya bas byas// lus dang ngag dang yid kyi yang// gnad dang de yi bya ba bla ma'i lung gis shes// lus ni 'dug dang
163a6 langs pa'i khyad par las// bya ba dang ni byed pa'i las la brtson// ngag ni a li kA li mnyam sbyor bas// sgra dbyangs tshig gi 'brel gyi sbyar// yi ni 'phang dang dgug dang bsgrogs pas ni// so so'i dus dang
163b1 sbyar bas rgyal ba'i dgongs pa 'grub// shugs 'byung lam ni bzhag pa tsam gyis 'grub// de la 'bad cing rtsol ba rlung sgo dgag/ rang bzhin gnas pa'i lam ni byung gyur te// g.yo dang 'gyur dang bsgyur ba'i
163b2 las mtha' can// de la rang gi bya ba med pas legs bzhag pa'o// slong ba'i dus dang bslang bar bya ba'i gnad// 'gyur ba'i sems la mtshan med chos gsal ba// g.yo dang 'byal dang 'phrig pa'i dus kyis
163b3 shes// 'di la rang bzhin bzhag dang byas pa'i gnad gnyis las// lam la byung dang gdeng du tshud pa la// rtogs pa'i lung dang de yi mtha' yis phye// gnyis su yod pas de yi mtha' gsal ba// bar dang dang
163b4 po nyid las gsal phye ba// de yis lus dang yan lag so so'i dus// 'di ltar sbyar ro rnal 'byor sems dpa' che// rig pa gnas pas de la nyes spyod pa// lus la gnas dang yul dang 'gyu ba las// rab
163b5 dang 'bring dang tha ma yi// 'jug pa'i rnal 'byor pas mthong na// gang la mthong ba tsam gyis 'khrul ba'i 'khor rgyun gcod// rang gi gnas pa mig gi byed pa can// mngon sum pa dang de yis 'gyur shes
163b6 ni// goms pa'i shugs ni rang gis las so// yang ni rdzogs sangs rgyas pa la// gnas pa tsam gyis thig le'i dril lugs zhus// ston pas gsungs pa 'di la legs nyon cig/ chos nyid gnas pa tsam
164a1 las rang byin brlab pa ni// 'khrul pa'i 'du byed khyad par gnas pa la// rgya yis gdab dang khungs su btsud pa yis// de ma yin las de yi snang shar ba// de la lus gnad sems gnas mtha'
164a2 la gnas pas bdag/'khor dus 'brel dus rang gnas pas spyad// ming gi gnas pas 'di dang mnyam par sbyar// chos gnas de la gang zag gnas pas shes// gnas thabs gsum gyi gnas pa sbyar ba
164a3 nyid// de yi gnas pa mgon pos gnas// 'di las 'gyur ba'i sa med kho na'o// gong ma'i zla mthong gsang bas che ba dang// dang po las kyi grangs kyis che ba dang// ye nas gnas pas rang bzhin che ba
164a4 dang// snga ma las 'gyur don gyi che ba nyid// rang gis mthong dang gzhan la bslabs pa yis// gong ma'i bde nas 'og ma'i zla dang bral// thad ka dus kyis 'gyur la nges phye bas// rdzogs nas de yis don las
164a5 chen por gsal// 'gyu dang yul la mi gnas chen po nyid// bde ba 'dod bral nam mkha'i yul gnas pa// 'di ni rdzogasapa chen po'i rnal 'byor du// spros dang zug rngu bral ba'i thig le la// 'di ni gcig tu
164a6 gnas pas zla dang cha shes bral// gcig tu bsdoms pas du ma chod// 'di la ming gis mtha' rnams zad// 'di ni nyag las gcig tu dril// spros pa med pa'i bde chen gnas// rtsa yi gnas nas 'phra 'gyur
164b1 'khrig/sgon ma las ni dngos su'o// yul la zla dang bcas pa nyid// mngon du gyur nas 'phel rnams rdzogs// 'di la zad pa'i las zad pas// 'gyu ba'i rlung de khrig pa thig/ khyab pa dngos po thig le'i
164b2 yul// 'di las mangs dang nyungs pa dang// 'phel 'grib rnams kyis dang po la// bya ba bral ba'i mngon du ltos// 'di nas mched dang yas pa dang// 'byams dang rlung du gyur pa las// sangs rgyas kun gyi
164b3 yul mthong ba'o// sgron ma stong las snang bar 'gyur// sems kyis bya ba las 'das nas// bde dang sdug bsngal gcig bral bas// nga dang rang bzhin 'od dang ni// kha dog so sor gsal ba las// rig pa'i
164b4 dbyings dang 'brel bas na// 'di la rnam par phye ba yis// gzhi yis byed 'gyur mig dang 'brel// khungs ni bzhi la byung ba la// da lta sems can lus la gnas// lam ni 'khrig pa rtsa las yang// du ma
164b5 brtsegs pa'i rang bzhin can// 'dis ni 'khor ba'i mun pa sel// dang po med las yod par snang// bar du 'ong dang thig le nyid// tha ma sku dang ye shes so// de las stong par gyur pa las// zad pa rnams
164b6 kyis 'bras bu ste// 'khor ba'i thog mtha' des chod nas// rdzogs pa'i rtse mo mthar phyin pas// de las phyogs med thugs rjes 'gros// kun don ma lus rdzogs byas nas// rang gi sa la gsan pas
165a1 stongs// cig car ba dang rim gyis so// rdo rje 'chang la yang zhus pa// rtse gcig pa las chos nyid lam// khregs kyis gcod pa ji ltar lags// thugs rje can la bdag nyid 'tshal// de nas ston
165a2 pa rdo rje 'chang// nges pa'i 'bras bu lam zhugs phyir// rtse gcig 'dus pa'i dgongs pa gsungs// chos nyid rtse mo dal ba yis// 'khor ba 'dus pa'i rtog pa gcod// rang sems 'dus pa'i rtse mo
165a3 yis// 'das pa'i mnyam pa'i don rnams gcod// rang gnas 'dus pa'i rtse mo yis// chos rnams zad par gcod par byed// sku mer rang dag rtse mo yis// bya byed 'bad rtsol thams cad gcod// rtse mo'i ngos
165a4 la 'od 'phros pas// 'khor 'das gnyis ka dus gcig gsal// stong ba rtse mo gcig pa la// rtog dang mi rtog dus gcig mthong// gnas pa'i las mtha' rdzogs pa'o// lus la rtsa rnams 'dus pa
165a5 yis// lus rdzogs gnas dang 'phel dang nyams// 'gyur dang 'jig dang 'pho bar byed// chos nyid ye shes 'phen pa dang// 'phar dang 'gug dang 'dzin pa dang// 'gril dang gong 'og sdebs rnams
165a6 byed// ngag la sgra don 'dus pa yis// yin dang min dang yod dang med// mthong dang ma mthong shes ma shes// gnyis ltos rnams kyis byed pa can// sems la 'khor 'das gnyis 'dus pas// sangs rgyas
165b1 sems can rgyu 'bras dang// chos dang chos min rim pa dang// bde dang sdug bsngal gzhi ma byed// de ltar 'dus pas rnam par gyes// 'di la bsam gyis mi khyab pa'o// gang la rtog pa'i mtha' shes na// de
165b2 las chos nyid yul gnas pas// 'bral ba med pa'i don nyid las// chos dang gang zag mtha' che bas// 'phrul pa'i rtogs pa dus gcig 'gag/ lus kyi mi rtog dal rten pas// rtogs pa rnams kyi 'brel ba
165b3 chod// ngag gi mi rtog smra gcad pas// brjod med don gyi gzhi ma rnyed// sems kyi mi rtog rang sa bzhag/ des ni rkyen rnams chos nyid 'gyur// gsum sdoms sku gsung thugs la gnas// de yi 'bras bu bde
165b4 skangs pa'o// bsam pa 'phro dag 'dus pa dang// mched dang yas dang 'bar ba dang// rtog dang mi rtog 'du mched can// yul la 'jug dang gnas pa dang// de las 'phros dang mched pa yi// dran bsam
165b5 rnams kyis gzhi ma byed// rang bzhin 'gyur dang glo bur bas// rkyen rnams du ma sogs par byed// de las bde sdug phung por 'gyur// 'khor ba'i sa bon 'bras bur ro// de nyid bstan par 'dod pa
165b6 yis// tha mal so so'i las bzlog ste// lus dang ngag dang yid kyis gnad// gzhan la bzlog pa rnal 'byor bas// bya dang byed pa med pa las// rang bzhin dus na cog pu la// mtshan nyid bzhi dang ldan pas
166a1 bya// gnyid la 'khor lo lta bu la// 'gro na nam mkha' lding gi lugs// 'dug na g.yas dang g.yon du'o// bye brag gzhan la mkhas pa yis// ji ltar rigs pa sbyar bas 'grub// ngag ni rang
166a2 bzhin smra dang bral// nyal na yi ge 'phrel ba bzlas// 'gro na rlung gis yi ge brten// 'dug na a yi rnam pa la// bye brag gzhan la mkhas pa sbyar// yid ni rang bzhin thun mong la// gar song phyi lam rjes
166a3 rnams gcod// nyal na tsit+tar 'jug par rmis// 'gro na rmi lam mkha' la spur// 'dug na thig le dra bar gzhug/ bye brag gzhan la mkhas pa yis// gang la mos pa man ngag gis// gnas rnams bsgyur ba rnal
166a4 'byor bas// de yis dngos gzhi 'brel sbyar ba// 'gyu ba'i yul dbyung dran pa gsad// bsam pa'i yul lha sems rgyun gtod// yul dang shes pa sbyar bas shes// 'phro las mched pa'i dus mtha'
166a5 bcad// gang snang rang gis thog tu dbab// gcig gi 'brel pa gcig gcad na// de la nyams kyis shes pa skye// dag pa chen po gzhi nyid la// bde ba sum cu rtsa gnyis 'char// de las 'bar dang bde las
166a6 shes// thob pas 'khor lo can la 'jug/ 'gro dang 'ong ba'i shugs rgyun 'gag/ de la sogs kyis rnams 'phel bas// phar dang gzhan gyis bya ba bde// log dang ma log spor gnas dang// ji ltar 'gyur ba
166b1 grangs las shes// bsod nams las kyi bye brag rnams// ji ltar 'dod pa shes pa dang// 'chi 'pho skye ba'i grangs nyid kyang// 'phen dang sdud pa las shes nas// de yi rang bzhin rnal 'byor pa yis
166b2 yang// yid gzhungs dran pa gsal po yis// rgyun du rtsis pas mngon par gsal// bsam gtan nyid kyi yon tan no// zhes bkod pa chen po a ti rdzogs pa'i rgyud las// khregs gcod las kyi mtha' gcod
166b3 pa'i skabs// bskal pa dum bu'i rgyud las man ngag tu phyung ba khregs gcod bdun pa zhes bya ba rdzogs so//// dge'o////
166b4
166b5
166b6 ye shes 'khor lo gsang ba'i rgyud ces bya ba bzhugs/
1a1 /
159a4 ma lha nud ti sha ha a/ zhes gsungs so// thig le 'dre rgyud chen po las/ las kyi rnam smin bstan pa'i le'u ste nyer lnga pa'o//// rdo rje mkha' 'gro la sogs kyis// bcom ldan rdo rje sems dpa'
159a5 la// 'chi ba bslu ba gsung du gsol// zhes zhus pas/ rdo rje sems dpas bka' stsal pa// nyon cig rdo rje mkha' 'gro ma// zab mo brda yi ngo sprod bstan par bya// nyi zla gnyis la rtse nus na// 'chi ba bslu bar
159a6 gdon mi za// drang srong chen po nye nag de// rang gi dngul dkar me long la// nang nub gnyis su blta ba la// kho yi byad la 'dre gdon zhugs// 'dre de bslu bar bya ba ni// lta ba'i stobs kyis bslu ba
159b1 dang// spyod pa'i stobs kyis bslu ba dang// sgom pa'i stobs kyis bslu ba dang// rten 'brel rdzas kyis bslu ba 'o// mkha' 'gro ma yi tshogs rnams nyon// gangs dkar rtse yi seng ge la// rtsal gsum rdzogs
159b2 pas sder chags zil gyis mnan// zin gnon stobs kyi 'dre de bslu// rin chen thig le rang 'bar la// bskyed rdzogs rnam gsum zil gyis mnan// zil gnon stobs kyis lta ba ni// rgyu rkyen med pas chos
159b3 min yin// phyi nang med par thig le'i don// rang grol ye shes 'bras bu ste// gnyis med ye shes thig le la// gnyis snang gdon gyis 'dre de bslus// chos las ma byung 'bras bu yang// mi srid srid pa'i chos
159b4 yin no// kun bzang slob dpon ma brten pa// mi srid srid pa'i sangs rgyas yin// dmyal ba'i gnas kyi sdug bsngal sogs// rang grol shes pas sangs rgyas pa// mi srid srid pa'i chos min yin// sdug
159b5 bsngal sangs rgyas rang snang ba// mi srid srid pa'i ye shes yin// khyung chen gzan ma mi dgos pa// mi srid srid pa'i srog chags yin// zhes gsungs so// thig le 'dre rgyud chen po las/ lta ba'i bslu ba'i le'u
159b6 ste nyer drug pa'o//// de nas rdo rje mkha' 'gro mas// rdo rje sems dpa' kun rig rje// spyod pa'i stobs kyis bslu ba gsung du gsol// ces zhus pas/ rdo rje sems dpas bka' stsal pa// nyon cig rdo
160a1 rje mkha' 'gro ma// rma bya rgyal po gser 'od kyis// ma zos pa yi zas med pas// dug la kham gcig za ma myong// lan cig nags khrod gnas su phyin// dug gi rgyal po ha lo de// kha dog lnga dang
160a2 ldan nas 'dug/de la kham gcig zos pa dang// rma bya'i rgyal po gser du snang ba de// spu kha lnga dang ldan par 'gyur// rang skad kring kring sod ces bya// de nas rma bya'i rgyal mo yis// dug gi rgyal po de la
160a3 zos// rang skad gdangs dang chas pa yis// rma bya rgan rgon gsos su gyur// dug gis 'tsho ba'i rma bya rnams// de yang mi srid srid pa'i chos// zhes gsungs so// theg pa'i rgyal po 'dre rgyud 'dis// grub mtha'i
160a4 rgyal por rang shar bstan// spyod pa'i rgyal po dug lnga rang shar la// lam gyi rgyal po rang shar rang grol bstan// nyams kyi rgyal po snang srid thig ler brdal// 'dod chags zhe sdang rang rgyud grags su
160a5 'gyur// theg brgyad kun brtags rnams ni dug lnga spong// theg chen rgyal po 'di ni mnyams nyid grogs su 'gyur// zhes gsungs so// thig le 'dre rgyud chen po las/ spyod pa'i stobs kyis bslu ba'i le'u ste
160a6 nyer bdun pa'o//// de nas rdo rje mkha' 'gro mas// bcom ldan rdo rje sems dpa' la// sgom pas bslu ba gsung du gsol// ces zhus so// rdo rje sems dpas bka' stsal pa// nyon cig rdo rje mkha'
160b1 'gro ma// drang srong dur khrod dag na gnas pa la// stag dang dom gyis mi sdug byas// drang srong snying rlung zhugs nas ni// de nas sman pa btsal ba las// sman pa'i rgyal po gzhon nu khugs// snying rlung can de'i
160b2 sman du ni// sman chen lnga po gcig tu sbyar// drang srong de la gtang ba las// snying rlung zhi nas bde ba skyes// bde ba'i nyams kyis gzung ba ni// rgod drug rnyi la zin pa 'dra// sgom pa'i stobs kyis bslu ba
160b3 ni// rig pa drang tshugs bde gsal de// zhe sdang gti mug bsgom par bya// rlung gis bde ba bskyed pa'i phyir// rlung gzung bde ba bsgom par bya// dug lnga rang gsal mi rtog sgom// ma rig rlung ni zhi gnas rlung
160b4 la gnas// rlung zin pas ni bslus par 'gyur// phyi rlung glod la nang rlung bsdam// mkha' la gtad pas rtog pa zhi// zhi gnas bsgoms pas bslu bar 'gyur// zhes gsungs so// thig le 'dre rgyud chen po
160b5 las// sgom pas bslu ba'i le'u ste nyer brgyad pa'o//// de nas rdo rje mkha' 'gro mas// bcom ldan rdo rje sems dpa' la// rten 'brel rdzas kyis bslu ba bstan par zhu// zhes zhus so// rdo rje sems
160b6 dpas bka' stsal pa// nyon cig rdo rje mkha' 'gro ma// rten 'brel rdzas kyi bslu ba ni// mi rta khyi yi rus pa la// rang gi dri mas byugs nas ni// ngar glud khru gang tshad du bya// gang gi gos kyang de la bskon// sa
161a1 phyogs rgya gram dag tu ni// khung bu brus te sba bar bya// mi de 'chi ba zlog par 'gyur// de yis rang gdangs ma gsal na// 'khor gsum yongs su dag pa bya// des kyang thub par ma gyur
161a2 na// tshogs kyi 'khor los bslus par 'gyur// 'byung po'i gtor ma btang bas kyang// 'chi ba bslus par 'gyur pa yi// tsha tshwa 'bum du btab pas kyang// 'chi bas bslus par 'gyur ba yin// chu yi gtor ma
161a3 'bum btang na// des kyang bslus par 'gyur ba yin// de rnams dag gis ma bslus ni// las kyi rnam par smin pa yin// rnam smin rtags de gong du shes// zhes gsungs so// thig le 'dre rgyud chen po las/
161a4 'chi ba sbyor bas bslu ba'i le'u ste nyer dgu pa'o//// de nas rdo rje mkha' 'gro mas// bcom ldan 'das rdo rje sems dpa' lags// 'pho ba'i gdams ngag gsung du gsol// ces zhus pas/ rdo rje
161a5 sems dpas bka' stsal pa// nyon cig rdo rje mkha' 'gro ma// 'pho ba'i gdams ngag bstan pa ni// dbang po rab 'bring tha ma gsum// sku gsum rang lugs shes nas ni// rab ni skad cig gsum la
161a6 'pho// dbugs chad pa yi skad cig ma// rang snang shar ba'i skad cig ma// mngon du gyur ba'i skad cig ma// rang grol 'ub chud skad cig ma// dus bzhi mnyam par sbyar nas ni// rab kyis 'pho ba'i dus yin
161b1 te// dus gsum gcig ste khyad par med// dus bzhi rang grol dgongs pa'i mchog/ skad cig rnam pa bzhi po de// mthun pa kri ya'i tshul tsam yin// rang shar rang grol 'du 'bral med// 'ub chub byang chub klong
161b2 du gsal// thig ler brtsegs pa'i rtse mor phyin// sa rnams ma bgrod rang sar sleb// lam rings ma sbyangs rang sa non// 'du 'bral med pa'i ye shes shar// dbang po rab kyi 'pho ba yin// dbus kyi ri bo
161b3 mchog rab de// rin chen sna lngar shar ba yis// mun pa bya ba yul na med// nyi zla zung gcig 'du 'bral med// ces gsungs so// thig le 'dre rgyud chen po las/ dbang po rab kyi 'pho ba'i le'u ste sum cu
161b4 pa'o//// rdo rje mkha' 'gro mas zhus ba// bcom ldan rdo rje sems dpa' lags// 'bring po'i 'pho ba bstan du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro
161b5 ma// rin chen gser gyi bum pa ni// zhugs mar 'bar ba rtag tu gsal// gser gyi bum pas zhun mar bsgribs// kha phye bltas na zhun mar gsal// nang gsal phyi mi gsal ba la// bum pa'i gzer bu chad
161b6 pa dang// phyi rol 'od kyi snang bas khebs// brda yi rtags ni 'di lta ste// phyi lus bum pa'i nang shed na// rang rig thig le rtag tu gsal// rang lus bum pa'i rang snang bsgribasam// gdams ngag thebs pas
162a1 mthong bar 'gyur// blo yi pad+ma kha phye nas// don gyi ye shes rtag tu gsal// thig le ye shes khong gsal yin// dbugs chad pa yi dus nyid na// bar dor rang gdangs 'od du gsal// 'od de
162a2 longs sku 'gyu ba sprul pa'i sku// gnyis med rang shar shes pa chos kyi sku// sku gsum 'du 'bral med par 'bab// bar ma do ru sangs rgyas pas// 'pho ba zhes su bshad pa yin// zhes gsungs so// thig le
162a3 'dre rgyud chen po las/dbang po 'bring po'i 'pho ba'i le'u ste sum cu so gcig pa'o//// de nas rdo rje mkha' 'gro mas// bcom ldan rdo rje sems dpa' la// tha ma'i 'pho ba bstan du gsol// ces zhus
162a4 pas/rdo rje sems dpas bka' stsal pa// tha ma'i 'pho ba bstan pa ni// drang srong gcig dang bram ze gnyis// kho yi yul na bde chen gling// de na nor bu rin chen yod// drang srong yul ni skyo med yin// de ru
162a5 gnyis po tshogs pa las// bram zes drang srong rgad po la// nor bu rin chen gtam byas pas// drang srong nor bu'i mching bu la// yid byung kho la nga khrid byas// bram ze dag gi zhal na re// nga ni sna la 'gro ba
162a6 yin// khyod ni phyogs nas 'od dgos zer// yid ches pa yi rtags dgos byas// nga yi yum gyi drang lam na// 'jig rten zam pa kun rgyu yod// de yi zam pa'i dkyil du ni// nor bu rin chen sbas la bzhag/ de
162b1 mthong bas ni nga dang 'phrad// ces brda ru gsungs so// slob ma slob dpon rnam pa gnyis// sangs rgyas sa dang 'khor ba'i gnas// sangs rgyas yon tan 'khor ba'i skyon// dbyer med yin te ngo ma phrad// snga ma
162b2 phyi ma gnyis su gzung// 'di dang bar do gnyis su bstan// bar do sems can thams cad 'grim// 'od lnga'i zam la thams cad 'byung// sku gsum ngo sprod shin tu gces// des shes pas ni mngon sangs
162b3 rgyas// rig pa 'gyu bar ngo sprad pas// 'gyu ba'i rlung ni sprul sku yin// 'od kyi gdangs ni longs sku yin// dbyer med rang snang chos kyi sku// gzer gsum btab pas rang sar grol// rdo rje brtsegs pa'i rtse
162b4 mor phyin// mu mtha' med cing khyab brdal lo// nor bu rin chen gling du sleb// zhe 'dod mdud pa de ru grol// ces gsungs so// thig le 'dre rgyud chen po las// dbang po tha ma'i le'u ste so gnyis
162b5 pa'o//// de nas rdo rje mkha' 'gro ma// bcom ldan rdo rje sems dpa' la// ngo sprod ma byas ji ltar 'pho// zhes zhus pas/ rdo rje sems dpas bka' stsal pa// nyon cig rdo rje mkha' 'gro ma// 'od lus
162b6 yid lus sha khrag lus// rang rang rgyu mthun las kyi 'pho// rgyu nyid rdo rje rkyen gyis 'pho// nyi ma stong bas gsal ba'i dkyil 'khor de// 'ug rtsogs mig la mun mthong 'dra// thag pa sbrul 'dzin rang gdangs
163a1 so// rgad po gter stengs nyal te ltogs drir shi/ rgan mo grong kha 'grims kyang 'grangs ma myong// bu tshas stong khams 'phyos kyang ltad mo'i thag ma chod// rgod po rnyil zil pa ngo mtshar che// zhes
163a2 gsungs so// thig le 'dre rgyud chen po las// ngo sprod ma byas pa 'khor bar khyams pa'i le'u ste so gsum pa'o//// de nas rdo rje mkha' 'gro mas// bcom ldan rdo rje sems dpa' la// de ltar 'gro ba'i
163a3 gdams ngag de// srid pa lags sam ji ltar lags// zhes zhus pas/ rdo rje sems dpas bka' stsal pa// nyon cig rdo rje mkha' 'gro ma// rang gdangs mkha' la snang ba de// mi srid srid pa'i chos cig
163a4 yin// rang 'dre dngos su ston pa de// mi srid pa yi srid pa yin// sdig ma byas par 'khor ba de// mi srid pa yi srid pa yin// dge ba ma byas mtho ris thob// mi srid pa yi srid pa yin// chos ma byas par
163a5 sangs rgyas pa// mi srid pa yi srid pa yin// bskyed rim ma byas longs sku de// mi srid pa yi srid pa yi// slob dpon med pa'i ston pa de// mi srid pa yi srid pa yin// rtogs pas chog pa'i byin rgyud 'di// mi
163a6 srid pa yi srid pa yin// sgom pa byas pas 'khor bar 'khyams// mi srid pa yi srid pa yin// rtogs pas grol ba'i ngo sprod la// dge sdig gnyis kyis phan gnod med// mi srid pa yi srid pa yin// sa yi me mar
163b1 stong btang kyang// nyi ma dag la stong ma nus// rgya mtsho'i steng du dar chags kyang/ chu las 'das pa rdul tsam med// dug lnga'i sdong po rang rig kyang// rtogs pas dug lnga grogs su 'gyur// shing phung che na me
163b2 phung che// gzung 'dzin che na rtogs pa sla// mi srid pa yi srid pa yin// khyung phrug mngal thon ma dang mnyam// mi srid pa yi srid pa yin// seng phrug mngal 'tshar ma dang mnyam// mi srid pa yi srid pa yin// zhes
163b3 gsungs so// thig le 'dre rgyud chen po las// rtogs sgom khyad par gyi le'u ste so bzhi pa'o//// de nas rdo rje mkha' 'gro mas// bcom ldan rdo rje sems dpa' la// srid pa lus kyi chags lugs bstan
163b4 du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// sngon tshe dbus kyi ri bo mchog rab te// rgya mtsho chen po'i dbus su srid// dpag tshad brgyad khri bzhi stong
163b5 yang// rgya mtsho chen po'i steng du byung// dpag tshad brgyad khri bzhi stong yang// 'og gi rgya mtsho'i gting du srid// srid pa rang snang zhes su bshad// kha dog lnga las grub pa'i ri// sra sra 'dra ste 'jig pa
163b6 yin// las kyi rlung dang nyi ma yis// skad cig tsam la brlag par 'gyur// de ni brda yi bshad pa'o// don ni 'di ltar shes par gyis// 'gyu ba kun gzhi'i dbus nas 'khrul// kha dog lnga las grub pa'i
164a1 lus// kun gzhi dag las gnas bcas nas// 'byung ba lnga las grub pa'i lus// pha dang ma yi thig le de// dang po mdzod spu'i bu gar chags// de las rtsa gnyis chags pa ni// rang snang me long
164a2 gnyis su shar// de las rtsa gnyis gyes pa ni// kun gzhi'i dbus su grub pa yin// stod na rtsa phran brgyad khri bzhi stong gnas// chos kyi sgo mo brgyad khri bzhi stong brda// chos kyi sgo mo brgyad khri bzhi stong
164a3 yang// rang las shar bar bstan pa yin// smad nas rtsa bran brgyad khri bzhi stong shar// nyon mongs brgyad khri bzhi stong yang// rang byung 'khor ba'i brda ru shar// stod smad gnyis su shar ba yang// 'khor 'das
164a4 gnyis kyi brda ru bsnan// stong du sgo dgur shar ba yang// theg dgu rang la grub pa'i brda// rtsa yi 'then thag bcu gcig kyang// bcu gcig sa rnams bgrod du med pa'i brda// mgrin gnas rtsa chen bcu drug
164a5 kyang// bcu drug sa rnams rang la rdzogs pa'i brda// kha sna gsum gyi rtsa ru 'dug pa ni// dbugs kyi rgyun srang gcig yin pas// theg dgu gsum 'dus ngo bo gcig/ rtsa gsum 'du 'bral med par
164a6 'khril// sku gsum spyan gsum 'du 'bral med pa'i brda// zhes gsungs so// thig le 'dre rgyud chen po las// lus kyi rdzogs lugs bstan pa'i le'u ste so lnga pa'o//// rdo rje mkha' 'gros gsol
164b1 pa// rdo rje sems dpa' ston pa'i gtso// sku gsum rdzogs lugs bstan du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// gangs ri brtsegs pa'i rtse mo na// srog
164b2 chags rgyal po seng ge de// rtsal gsum lus la rdzogs par gnas// sder chags mang po'i 'khor gyis bskor// u dum 'bar ba zas su za// nyin mo mtshan mo ming ma thogs// ltogs 'khyags gnyis ni ma grub
164b3 bo// um dum 'bar ba zas kyi cho ga/ gangs dkar brtsegs pa gnas kyi mchog/ seng ge dkar mo srog chags mchog/ ces brda bstan pa'o// spyi bo bde chen gzhal yas khang// klad pa gangs ri brtsegs
164b4 pa'i steng// de yi dbus na chos min rgyal po'i thig le gnas// sku gsum rang grol bde chen rdzogs// gzugs sku gnyis kyi 'khor gyis bskor// rtsa 'dab sum cu rtsa bzhi la// thig le chos min khyab cing
164b5 brdal// khyab brdal chen po'i 'khor lo yin// phyi nang med dpas chos min sku// gnyis med zang thal 'ub chub sku// snang zhing srid pa rnam dag pas// 'khor bar rang grol chos las min// bde ba chen po
164b6 gnas kyi mchog/ye shes zang thal bdud rtsi'i mchog/ thig le chos min 'bras bu'i mchog/ ces gsungs so// thig le 'dre rgyud chen po las// thig le chos min rang la rdzogs pa'i le'u ste so drug
165a1 pa'o//// de nas rdo rje mkha' 'gro mas zhus pa// ston pa rdo rje sems dpa' lags// longs sku'i rdzogs lugs bstan du gsol// ces zhus pas/ rdo rje sems dpas bka' stsal
165a2 pa// nyon cig rdo rje mkha' 'gro ma// dug gi dpon po ha la'i tshal// nam mkha'i 'ja' tshon gnas mchog na// rma bya rgyal po rab dga' gnas// spu kha lba dang rab tu ldan// ha la 'bar ba'i sngags btab
165a3 za// srog chags rgyal po rma bya yi// zas kyi rgyal po bong nga yin// gnas kyi rgyal po ha la'i tshal// 'khor ni rma bya rnams kyis bskor// ces brda bstan pa'o// de yi don ni 'di lta ste// mgrin pa longs spyod
165a4 'khor lo na// dug lnga'i khang bzangs bya ba'i gnas// ston pa'i rgyal po rdo rje sems dpa' gnas// kha dog lnga yi bdag nyid can// dug lnga ye shes lnga dang ldan// longs sku'i rgyal po rang chas yin// lam gyi
165a5 rgyal po dug lnga yin// gnas kyi rgyal po longs spyod 'khor lo yin// rtsa chen bcu drug sems dpa' sems ma yin// longs sku sgom pas yid smon 'dus byas yin// zhes gsungs so// thig le 'dre rgyud chen po
165a6 las/longs sku rdzogs lugs kyi le'u ste so bdun pa'o//// de nas rdo rje mkha' 'gro mas// bcom ldan rdo rje sems dpa' la// sprul sku'i rdzogs lugs bstan du gsol// ces zhus pas/ rdo rje
165b1 sems dpas bka' stsal pa// legs par nyon cig mkha' 'gro ma// rgya mtsho chen po'i klong dkyil na// brag dang gangs kyi sa mtshams su// 'dab chags rgyal po khyung chen gnas// zas kyi rgyal po klu chen
165b2 za// 'khor kyang klu za mang pos bskor// mtsho bran drug gi dbus shed na// srid pa drug gi mtsho dkyil na// khyung gi rgyal po de na bzhugs// ngo mtshar che ste mthong ba nyung// zhes gsungs so// de yi don ni 'di
165b3 lta ste// kun gzhi srid pa'i mtsho mo la// snying ga rin chen zur brgyad na// 'khor ba mya ngan 'das sbyor ba// 'gag pa med pa'i shes rab shar// nyams myong rgyal po ye shes rlung// sprul sku thugs phrad thams cad
165b4 gsal// thub pa drug gi gtso bo ste// kun gzhi phyogs med zang thal na// thig le zang thal rang gsal gnas// ye shes rlung gis 'thor bar 'gyur// rtsa brgyad thig le'i yon tan las// thig le ye shes
165b5 brgyad gnas so// 'bras bu rang shar ngo mtshar che// zhes gsungs so// thig le 'dre rgyud chen po las/ sprul pa sku'i rdzogs lugs bstan pa'i le'u ste so brgyad pa'o//// de nas rdo rje mkha' 'gro
165b6 mas// bcom ldan rdo rje sems dpa' la// sku gsum 'brel ba ji ltar lags// zhes zhus pas/ rdo rje sems dpas bka' stsal pa// nyon cig rdo rje mkha' 'gro ma// sngon yul yangs pa can zhes bya ba na// srid
166a1 pa'i rgyal mo me long gdong zhes bya ba gser gyi nor bu rin po che rgyan sna tshogs 'phro ba cig yod de/de la ming btags pas/ srid pa'i mun sel 'od 'bar ba zhes bya bar btags so// dus nam
166a2 zhig na nyi ma nub pas/nor bu la nyi ma stong shar bas/ mun pa smag rung grol lo// zhes brda bstan to// de yi don ni 'di lta ste// kun gzhi rin chen dpe dang 'dra// chos sku longs sku sprul sku gsum// nyi ma
166a3 'od dang zer bzhin gsal// 'du 'bral med pa'i byin rlabs brgyud// bde chen mdzod na snying po gnas// de yi zer la longs skur gnas te mgrin// de yi 'od las sprul sku snying// rtsa yi rgyal po rten gyi thag
166a4 pas sbrel// rang chas sku gsum ngo sprod bstan pa yin// zhes gsungs so// thig le 'dre rgyud chen po las/ sprul sku rdzogs lugs bstan pa'i le'u ste so dgu pa'o//// de nas rdo rje mkha' 'gro
166a5 mas// bcom ldan rdo rje sems dpa' la// de ltar ma rig ji ltar lags// zhes zhus pas/ rdo rje sems dpas bka' stsal pa// nyon cig rdo rje mkha' 'gro ma// sngon yul yangs pa'i dur khrod du// rgan mo long
166a6 ma gcig la rta rlung gi gshog pa can bya ba cig yod pas/sngar rgan mos zhon te 'ongs pas// rgan mos rta ma thub nas rgan mo phyi'i rgya mtshor bskyal lo// der rgan no sdug bsngal gyis zin no// zhes brda bstan
166b1 pa'o// kun gzhi 'phrul gyi me long nas// ma rig pa yi 'dzin pa rgyas// srid gsum rlung gis rta pos bskyod// srid gsum rtsa ba de ru smin// rlung ngo ma shes 'khor ba smin// sdug bsngal chu bo gzhung dang
166b2 'dra// lte bug rtsa dang gsang ba'i rtsa// 'og sgo'i rtsa ni brgyad khri dang// bzhi stong dag tu srid pas na// nyon mongs brgyad khri bzhi stong smin// gsang ba'i bug pa gsum shar ba// ngan 'gro rnam gsum sgo ru
166b3 shar// ces gsungs so// thig le 'dre rgyud chen po las/ ngan 'gro rang lus la ngo sprod pa'i le'u ste bzhi bcu pa'o//// rdo rje mkha' 'gro mas zhus pa// sgra yi gdams pa gsung du gsol// ces zhus
166b4 pas// rdo rje sems dpas bka' stsal pa// nyon cig rdo rje mkha' 'gro ma// sgra yi don ni 'di lta ste// sngon yul gsal ldan zhes bya ba na// rgyal po gcig la rin po che'i 'phreng ba gcig yod pas/ de la ngo sprad
166b5 na dgos dgu 'byung ngo// ka kha ga g+ha nga/ tsa tsha dza dz+ha nya/ ta tha da d+ha na/ Ta Tha Da D+ha Na/ pa pha ba b+ha ma/ ya ra la wa/ sha Sha sa ha/ k+Sha/ a ma Ta tha Da Na/ dz+ha bai hUM b+he/ de la sgra phyi ltar
166b6 bshad pa dang/nang ltar bshad pa dang/ gsang ba ltar bshad pa dang/ rang gi ngo bo ltar bshad pa'o// de yang sgra'i dbyings dang/ sgra'i sgrub byed dang/ sgra phan pha'i rkyen can dang// sgrub par byed pa'i tshad ma'o// zhes gsungs
167a1 so// thig le 'dre rgyud chen po las// sgra 'dus pa'i le'u ste zhe gcig pa'o//// de nas rdo rje mkha' 'gro mas// gsang ba'i bdag po chen po la// sgra yi 'khor lo ji ltar lags// zhes
167a2 zhus pas/rdo rje sems dpas bka' stsal pa// nyon cig rdzo rje mkha' 'gro ma// ka ni sku gsung 'byung ba'i sgra// 'phrin las kun gyi bdag po bsgrub// sku gsum yin pa de sel// yi ge zhe gnyis dbyings su
167a3 bshad// grogs ni 'dogs dang gong 'og btsan// sgrub byed sku gsum 'du 'bral med// mthun rkyen nyi ma'i snying po'o// a ni skye ba med pa sgrub// dbyings ni yi ge rtsa bzhi po// phan pa'i rkyen ni bzhi stong
167a4 ngo// bsgrub bya rang gi so la bzhag/ gzhan sel skye ba can du bshad// ma ni mnyam nyid chen pos sgrub// mi mnyam pa yi sgra dag sel// grogs ni rang gi 'dogs las shes// dbyings ni yi ge'i 'khor lor
167a5 shes// shas ni shes rab sgrub par byed// shes rab ma yin gzhan sel te// phan pa'i rkyen ni gong 'og ltos// dbyings ni gong du shes par bya// has ni thig le 'gag med sgrub// mi 'gag pa yi thig le
167a6 sel// grogs dang dbyings ni gong du bstan// ces gsungs so// thig le 'dre rgyud chen po las/ gzhi'i yi ge'i 'khor lo bstan pa'i le'u ste zhe gnyis pa'o//// de nas rdo rje mkha' 'gro mas// gsang
167b1 ba'i bdag po chen po la// sgra yi lhag ma gsung du gsol// ces zhus pas/ bka' stsal pa/ nyon cig rdo rje mkha' 'gro ma// ka kha la sogs pa thams cad kyang// dbyings ni rang rang tshom bu gcad// sgrub byed
167b2 'a mos 'bod pa yin// phan rkyen 'dogs kyis shes par gyis// gzhan sel gnod pa mi mthun pa// yi ge nyi shu rtsa lnga dang// kha yar yi ge drug po ni// dbyings kyi khyud nas ran tu 'brel// ces gsungs
167b3 so// thig le 'dre rgyud chen po las// ka kha la sogs rkyang pa'i le'u ste zhe gsum pa'o//// de nas rdo rje mkha' 'gro mas// bcom ldan rdo rje sems dpa' la// 'dogs kyi sgra rnams gsung du
167b4 gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// sha ta ma le ka ra/ ga yi sgra las grub pa ni// gi gu yin par shes par bya// ra dang na las sgrub pa ni// na ro yin
167b5 par shes par bya// nga yi sgra las sgrub pa ni// 'greng bu yin pa shes par bya// zha yi sgra las phul ba ni// zhabs bskyed dag tu rab tu bstan// ya yi sgra las sgrub pa ni// ya tag dag tu shes par bya// ra yi sgra
167b6 las sgrub pa ni// ra ta'i sgra zhes bshad pa yin// a yi mig gi sgra yis ni// yi ge'i mig tu byung ba yin// dpung pa brtsegs dang rkang pa bshad// lag pa ber ka ris sgrub// ces gsungs so// sngon gangs
168a1 dkar gyi ltongs na srog chags mang po gnas so// srog chags dbyings su rab tu bshad// de nang sgrub pa'i srog chags ni// seng ge dkar mo zhes su grags// pha rkyen g.yu yi ral pa
168a2 can// gzhan sel dbye las sogs pa'o// de ni sgra yi tshad ma'o// zhes gsungs so// thig le 'dre rgyud chen po las/ sgra'i le'u ste zhe bzhi pa'o//// de nas rdo rje mkha' 'gro mas// ston pa rdo rje sems
168a3 dpa' la// log dang 'thug dang ring po dang// che dang thung ba'i yi ge dang// pho yig mo yig bshad du gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// Ta log rig
168a4 pa rang grol lo// tha log thig le rang la shar// na log rtog pa rang sa zin// d+ha log dus gsum gcig tu rtogs// Na log mnyam nyid rang snang ngo// rang rang brtsegs pa 'thug po ste// thig le ye khyab rtsol
168a5 med yin// gang la 'a brgyan ring po ste// ye shes rgyun chad med pa yin// gang la has brgyan chen po'i sgra// chos sku 'du 'bral med pa'o// hUM zhes bya ba thung ngu ste// chos min klong du 'dus pa'o// zhes gsungs
168a6 so// thig le 'dre rgyud chen po las/ sgra rang so'i le'u ste zhe lnga pa'o//// de nas rdo rje mkha' 'gro mas// bcom ldan rdo rje sems dpa' la// de rnams sgrub byed sel ba rnams// go rim nges pa bstan du
168b1 gsol// ces zhus pas/ rdo rje sems dpas bka' stsal pa// nyon cig rdo rje mkha' 'gro ma// 'dren dang 'brel gcod mkhyen pa'i sgra// stod kyi grogs su shes par gyis// sdud dang 'brel dang khyab ba'i
168b2 sgra// smad kyi grogs su shes par gyis// sgrub byed dbyings dang phan rkyen dang// gnod pa can sel tshad ma'i sgra// rang rang grogs kyi skabs su sbyar// ces gsungs so// thig le 'dre rgyud chen po las/ 'dogs
168b3 kyi sgra'i le'u ste zhe drug pa'o//// de nas rdo rje mkha' 'gro mas// ston pa rdo rje sems dpa' la// ye shes rgyal po rtog 'das pa'i// gnas lugs bdag la bshad du gsol// ces zhus pas/ rdo rje
168b4 sems dpas bka' stsal pa// nyon cig rdo rje mkha' 'gro ma// rang byung ye shes chos min la// rang rig ye shes sa le gsal// lhag mthong rig pa'i ye shes kyis// snang srid stong gsum thig les
168b5 khyab// 'brel khyab dwangs pa nam mkha'i dpe// chos las ma byung 'byung ba'i sems// rgyud las ma bsten ngo bo'i sku// lung dang ma 'brel kun khyab la// man ngag rtog ge'i tshad ma ci// mngon dang lkog gis don
168b6 mi mthong// mngon sum 'khrul pa rang ga 'di// 'di nyid rang shar thig le yin// dkon gyur bar don 'di rang shar// sgom pas lkog gyur mun pa 'jil// mngon sum rang shar sgom mi dgos// tha snyad tshig gi
169a1 sgra las grol// nyams myong phyogs rtogs tshad ma ci// nyams grol gyur na tshad ma'i don// dbyer med stong par dbu ma'i sgra// phyogs cha ma grub phyogs med la// de ni thig le ye brdal yin// rgya
169a2 mtsho dar dang rlabs nang chu// sprin dang char pa mkha' snang nyid// dug lnga rgyud drug thig ler brdal// ma rig pa nyid ye shes gzhi// zhes gsungs so// thig le 'dre rgyud chen po las/ gnas lugs rang shar gyi
169a3 le'u ste zhe bdun pa'o//// de nas rdo rje mkha' 'gro mas// rdo rje sems dpa' ston pa'i rgyal// de yi lam ni bstan par zhu// zhes zhus pas// rdo rje sems dpas bka' stsal pa// nyon cig rdo rje
169a4 mkha' 'gro ma// ma rtog ma rigs ma rtogs pas// de yi rang shar lam gyi mchog/ thun tshad gzung dang sems sgom rnams// de ni lam gyi gol sa yin// rang grol lam gyi rgyal po la// 'jug rtsol byed pa lam
169a5 sgrib yin// gong du thob 'dod sgrib pa gnyis// de nyid ma shes gol pa yin// gol dang sgrib pa rang shar la// rang grol rang shar lam chen po// rig pa'i gsang lam bzhi shes nas// de ni rang grol rang byung
169a6 yin// thig le chos min rang la gnas// rang gnas rdo rje gsang ba'i lam// 'pho ba dus kyi gdams ngag yin// 'pho ba rang grol mya ngan 'das// gzhan las ma byung rang las shar// zhes gsungs so// rnam
169b1 rtog dug lnga ye shes lnga ru sprod// rgyu rkyen dpe las 'das par ma shes na// dpe las 'das pas don gyi dpe de 'gog/ dpe zla med pas nyag gcig po// ma bcos phung po rdzogs chen sku lngar rdzogs// spyan lnga
169b2 sku lnga ye shes lnga// a nu man chad dag las grol ba yi// rang sgo'i thig le'i ngo sprod rab tu gces// zhes gsungs so// thig le 'dre rgyud chen po las/ lam gyi le'u ste zhe brgyad pa'o//// de nas rdo rje
169b3 mkha' 'gro mas// ston pa rdo rje sems dpa' la// 'bras bu'i don ni ji ltar lags// zhes zhus so// zhus pas ston pas bka' stsal pa// nyon cig rdo rje mkha' 'gro ma// spyi dang rang gi mtshan nyid gnyis// spyi
169b4 ni lkog gyur mun pa 'jil// ci phyir phyi dus 'debs pa'i phyir// log rtog phyi dus 'debs pa dang// phyogs rtogs phyi dus 'debs pa gnyis// 'khor ba rnam pa bzhi yin te// rgyu ltar 'khor ba mu stegs
169b5 dang// ma rtogs pa yi 'bras bu'o// mtshan nyid sde gsum dkar por 'khor// mtho ris thar pa'i lam yang gnas// rgyu ltar 'khor ba thog ma'i dus// 'bras bu ltar 'khor gsang sngags pa// longs sku'i
169b6 'bras bu thob pa yin// dag pa yang dag ma dag gsum// yang dag 'bras bu yang dag gsum// snga ma phyi ma da lta gsum// sgom mkhan bsgom bya sgom dus gsum// spyod mkhan spyad bya spyod dus gsum// thob
170a1 mkhan thob bya thob dus gsum// gnas sa rtogs sa gol sa gsum// gzhi dang lam dang 'bras bu gsum// rang yin rang snang rang sgrol la// rang shar rang byung rang rig yin// dus gsum
170a2 dbyer med chen po yin// bsre ba 'dres pa'i 'dres tshad gsum// rang sgo zang thal chos min gsum// ma rig gzung 'dzin chags sdang gsum// bag dang chags dang 'khor bar gsum// mtho ris ngan song rnam
170a3 pa gsum// sangs rgyas sems can spyi sa gsum// chos dang sdig pa slob dpon gsum// de gsum gang snga 'brel ba gces// zang thal dbyer med chos min gsum// shes rab ye shes thig le gsum// rang
170a4 byung rang gnas rang rig gsum// nyi ma 'od dang zer dang gsum// byin dang rlabs dang rgyud pa gsum// ston pa bstan pa 'khor dang gsum// gnas dang dus dang chos dang gsum// lung dang rgyud dang man ngag
170a5 gsum// sdig pa bag chags las dbang gsum// dge ba las dbang 'bras bu gsum// sgom pa brtan pa las 'bras gsum// thog ma tha ma bar do gsum// sangs rgyas chos dang dge 'dun gsum// tshul
170a6 khrims sbyin sogs mi lus gsum// mtshams med dmyal ba'i las 'bras kun// 'khrul pa'i don dang gnas lugs gces// 'khrul ba 'khrul gzhi dngos po'i don// thams cad 'di ru shes par gyis// rang
170b1 gzhi rang 'khrul rang dngos gsum// gzhi dang lam dang 'bras bu gsum// thams cad rang shar yin gyis de ltar shes par gyis// zhes gsungs so// thig le 'dre rgyud chen po las/ gnas lugs 'khrul ba
170b2 'bras bu'i le'u ste zhe dgu pa'o//// de nas bcom ldan rdo rje sems dpa' yis// thun mong dngos grub bstan pa ni// rdo rje slob dpon smod pa dang// sangs rgyas bstan pa 'jig pa dang// rnal 'byor dam
170b3 sri byed pa la// 'gal ba chan la dbab pa gsungs// de dag dgug par bya ba ni// rkang rjes sa dang ro ras la// rgya mtsho chu yis gzugs bris la// rlung gis khyer ba'i shing lo la// de la gong dang 'dra bar
170b4 bris// nub nas byung ba'i rlung mar la// nyi ma nub tu nye ba la// lcags kyus khrid nas dgu yi nub// rang gi 'og tu bcug gyur na// de dag khugs par gdon mi za// de nas gsad par bya ba ni// de yi nang
170b5 par bton nas ni// dug gi shing bu sna tshogs dang// phur bu lcags phur snying khar gzugs// gnas lnga dag tu btab la bzhag/ gu gul dud pas myos su gzhug/ yungs kar dug chus yang yang bran// de nas
170b6 gzugs de thig btab la// nyi shar dus tshod mtshon gyis gtubs// pho mo'i mtshan ma thad kar gtub// des ni snying 'gas 'chi bar 'gyur// de nas mnan pa'i las bya ste// rnga la sbrul dang sbal pa
171a1 g.yogs// rdo rje bya khyung thugs kar btags// rta mchog gtsug gi kha la'o// rang lus phyag na rdo rje'o// gong gi ling ga ming rus bcas// rnam snang dag dang bcas pa yis// ri lu brgya dang rtsa
171a2 brgyad byas// chu mig re ru dor byas na// mnan gtad brgya dang rtsa brgyad yin// kha ral zhab mas rkang pa dkri// nyin mo nub nas mtshan mo 'dres// chu dang grib ma bstun par bya// de nas bskrad pa'i las bya
171a3 na// rta dre'u gnyis kyi mtshul pa la// dgra yi ming rus gzugs su bri// nyi shu lnga la 'thab tu gzhug/ dug chus bran nas chu la ni// shar rlung dag dang bcas la bskur// des ni skrod par gdon mi za// dbye bar
171a4 bya ba'i las dag ni// 'ug pa'i mgo dang bya rog mgo/ gnyis par ming rus gzugs byas la// dmar thag chad pa'i dus dag tu// thod pa gnyis po 'thab tu gzhug/ dgra bo dbye bar gdon mi za// bcing ba
171a5 dag gis las bshad pa// gro ga'am yang na ro ras la// dgra yi ming rus gzugs su bri// lcags kyu'i phyag rgyas bsdams byas nas// zhags pa'i phyag rgyas sngon dmar bsdam// gu gul nag pos bdug par
171a6 bya// nyin mtshan gung gi dus tshod la// rang gi rkang pas khrid nas ni// dong khung nang du bcug byas na// nges par 'gro mi shes par 'gyur// gal te skams pa'i las byas na// dug dang ske tshe lan tshwa dang// 'bru
171b1 mar shing mar rab bsregs la// thod pa dum bu drug pa ru// dgra gzugs bcug la bzhag nas ni// dug gi tsher mas gzugs la dbug/ gong mas thod pa dgang bar bya// tsher ma'i me yis bskam byas
171b2 la// dgra yi sgo 'am rgya ram mnan// nges par skams par 'gyur ba yin// zhes gsungs so// da ni brtul zhugs brtan par bya// pha dang khu bo mes po de// rab bstun myur du bsgral byas na// rdo rje sems
171b3 dpa'i zhal yang mthong// ma dang sring mo bu mo de// 'dod chags rab tu sbyar byas na// snang ba mtha' yas dngos grub thob// tshangs pa chen po'i tshe tshad thub// rdo rje slob dpon dag la ni// brdzun tshig sna tshogs
171b4 smras pa na// nges par skye med dngos grub thob// rdo rje slob dpon ma mched lcam// gsad gcad tshig tu brjod pa ni// don yod grub pa'i dngos grub thob// khyim tshes slob ma'i nor brkus na// rin chen 'byung
171b5 ldan dngos grub thob// rig pa brtul zhugs chen po byas// thig le nyag gcig dngos grub thob// rang rig ye shes brtul zhugs byas// 'gro drug rang grol dngos grub thob// snang ba rgya yan brtul
171b6 zhugs spyad// skye ba med pa'i dngos grub thob// rig par rang grol brtul zhugs spyod// 'chi med rdo rje'i dngos grub thob// chos nyid 'od gsal brtul zhugs spyad// skye ba med pa'i dngos grub thob// 'khor
172a1 ba rang snang brtul zhugs spyad// thams cad mkhyen pa'i dngos grub thob// gzung 'dzin gnyis kyi brtul zhugs spyad// theg pa chen po'i dngos grub thob// tshes brgyad srog la 'ug mig
172a2 blangs// mig la byugs na mi med mthong// 'ug pa'i mig dang srin bya dang// byi ba'i mig gsum bsres byas la// mngar gsum dag la ri lu bya// srod la zla gcig sran tsam mur// mun pa thams cad mthong
172a3 bar 'gyur// sa g.yos byung ba'i dus su ni// rang gi 'doms nas sa blangs te// gnas lngar gtor bar byas 'gyur na// tshe ni 'dab tu 'gyur ba'o// nyi ma shi ba'i dus dag tu// skyobs su 'gro byas 'chi
172a4 las thar// chos ston sbyin pas phyug por 'gyur// snying rje skyes na sems bskyed na// tshe ring mtho ris thob par 'gyur// zla ba shi na'ang de bzhin no// mdo bton pas ni dgra las grol// lce spyang mig dang 'ug
172a5 pa dang// byi la pha wang ri bong dang// nub mo mthong ba'i mig dag la// mngar gsum dang sbyar ri lu byas// gnam stong dag nas bzung nas su// zla ba gcig tu zos 'gyur na// skye ba snga phyi dran pa dang// mun
172a6 pa'i 'jigs las grol bar 'gyur// chu yi byi ba sngon mo blangs// a mu ka yi dri chu dron mo blugs// g.yag po ru ru'i rang bcug na// dri chu 'gags nas 'chi bar 'gyur// rta dang dre'u khyi'i 'bras bu dang// mdzo
172b1 dang rtol gyi mkhris par sbyar// dgra la byin na skye brgyud chad// skye ba snga phyi dran pa'i mig/ nub mo so sor 'chi ba'i snying/ u rings thod pa'i mig phyung nas// sla nga byi rling nang du btso// de zos rims nad thams
172b2 cad thub// mi yi tshil bu rta tshal dang// khyi tshil rtsi bo che dang sbyar// gla rtsi mu zi sbyar byugs na// 'brum bu'i gdon dang sa bdag thub// ces gsungs so// thig le 'dre rgyud chen po las/ thun mong khyad par sbyor
172b3 ba'i le'u ste lnga bcu pa'o//// de nas rdo rje mkha' 'gro ma rnams kyis bskor ba lan mang du byas nas// rdo rje sems dpa' ston pa kun gyi rje// bdag cag mkha' 'gro'i gas rnams la// 'dre rgyud chen po
172b4 bshad pa legs// sangs rgyas pa yi 'bras bu thob// bdag cag rab tu yi rang ngo// mgon po gsang ba'i bdag po khyod nyid kyis// 'gro ba rnams kyi don du gsungs pa yi// 'dre rgyud chen po bstan pa
172b5 'di// bdag gis legs par gzung bar bya// ston pa rdo rje sems dpa' yis// mkha' 'gro rnams la bka' stsal pa// yang gter bla na med pa'i chos// gsang ba bla na med pa mngon du gyur ba'i rgyud/ ngas
172b6 khyod la bstan to// legs par bstan tau// rab tu legs par chongs shig/ legs par zung zhig/ bsgrub pa'i chos ma yin pa khong du chud par gyis shig/ ces gsungs nas/ mi mngon dbyings su gshegs
173a1 so// thig le 'dre rgyud chen po las/ yongs su gtad pa'i le'u ste nga gcig pa'o//// yongs su gtad pa'i rdzogs so//// rgya rgya rgya/ thig le 'dre rgyud rin po che spungs pa zhes bya ba bla ma
173a2 ngom bi was/gu ru rnal 'byor pa ram rta 'dam la/ lho stag tshang ser ger brgyud/ des rnal 'byor pa la brgyud do// des sta ston brgyud do// a+thi+-i////


CLOSE WINDOW