129a3 rgya gar skad du//// bo d+hi tsit+ta de shi ka e ka sha ma hA ko sha tan+t+ra nA ma/ bod skad du/ byang chub sems phyogs chen po nam mkha' mdzod kyi rgyud ces bya ba/ dpal kun tu bzang po la phyag 'tshal lo// 'di
129a4 skad bdag gis thos pa'i dus gcig na/chos kyi dbyings kyi pho brang du/ rig pa chos kyi skus/ rang gi rtsal shes rab longs spyod rdzogs pa'i sku rigs lnga'i bde bar gshegs pa rnams la/ ting nge 'dzin gyis
129a5 bshad pa med par bshad pa'o// de nas rigs lnga'i bde bar gshegs pa rnams kyi/ 'og min lcang lo can gyi pho brang du/ sangs rgyas gzhon nu mtshan rab tu shes pa la/ ting nge 'dzin gyis bshad pa med pa
129a6 bshad pa'o/de nas byang chub yid 'dres kyi tshul du/ sangs rgyas gdugs dam pa nyid kyi thugs las phyung ste ljags kyi rtse las spros nas/ rdzogs pa chen po nam mkha' mdzod kyi rgyud// chos nyid nam mkha' 'di
129b1 gsung bar mdzad do// de yang bskal pa bzang pa'i byang chub sems dpa' 'od zer zhi bas/ bcom ldan 'das la gsol pa/ thugs ye shes kyi dkyil 'khor rang byung du 'od 'bar ba/ mkhyen pa'i shes rab
129b2 phyir mi ldog pa drug dang ldan pa/seng ge lta bu'i lta stangs can/ gzi byin khong nas 'char ba/ dpal bde ba chen po la phyag 'tshal lo// sku gsung rgyal ba'i dgongs pa mthar phyin pa// yon tan dpag med sku
129b3 la phyag 'tshal 'dud// mtha' yas mu med chos kyi don brjod pa/ shes rab mthar phyin rang bzhin rnam par dag/ bde chen 'gyur med sku la phyag 'tshal 'dud// mnyam nyid mi g.yo 'gyur med chos kyi
129b4 sku/thugs rje'i 'od zer spyan gsum rnam par dag/ yon tan rgyas pa gser gyi mdog 'dra la// nyi ma stong gi 'od zer 'phro ba'i tshe// byang chub myu gu sprul pa grangs med 'phro// 'gro don mthar phyin khyod la phyag
129b5 'tshal bstod// rdo rje rtse mo nam mkha'i mtha' dang mnyam// rdo rje'i gdan ni zab cing gting dpag dka'// rdo rje'i sku ni sna tshogs cir yang ston// rdo rje'i gsung ni rnam pa cir yang sgrogs// rdo rje'i thugs ni
129b6 'gyur med mya ngan 'das// bdag 'dra dman pas bstod par mi 'os kyang// nyid kyi zhal mthong gsung thos thugs mkhyen pas// 'gro ba mtha' med drang ba'i don slad du// kun bzang rdzogs chen sku la phyag
130a1 'tshal 'dud// ces dam pa'i dbu'i gtsug tor du bzhag nas/ bskal pa bang po'i byang chub sems dpa' sems dpa' chen po 'od zer nye bar zhi bas/ yi dam gyi lha la phyag 'tshal te smre sngags
130a2 drag tu bton nas yi dam gyi lha la phul bas/badzra sa ma ya dzA zhes mdun gyi nam mkha' la 'od kyi sku snang ba zer dang bcas par byon nas lung bstan pa// lta ba gcod par byed pa 'di lung ston to// kye ho byang
130a3 chub sems dpa' sems dpa' chen po khyod rang gi 'od zer nye bar zhi ba ni/byang chub snying po 'bri gu ta chen po bag chags kyi sbubs su nye bar zhi bas/ 'bri gu ta'i sgrib shing du bag chags nyer len gyi phung po
130a4 'byung bas/snang ba sgrib shing du 'char gyis/ khyod 'di nas lha'i yul yangs pa chen po'i grong khyer bde ba can dang pad mo can gyi gnas su song la/ sangs rgyas mi 'khrugs pa zhes bya ba bzhugs kyi// de la
130a5 brkyang phyag phul la zhus shig/yang dag par rdzogs pa'i sangs rgyas mi phyed pa'i lta ba lung ston par 'gyur ro// zhes lung bstan pas/ de nas byang chub sems dpa' sems dpa' chen po 'od zer nye bar zhi
130a6 bas/lha'i yul yangs pa chen po grong khyer bde ba can pad+mo bde ba can du phyin pa dang/ rang gi 'bri gu ta gyen du bgreng pa dang/ bag chags kyi phung po ye shes kyi dbang du gyur te/ de ma thag tu sangs rgyas mi
130b1 'khrugs pa'i zhal mthong ste/brkyang phyag phul nas thal mo sbyar te gsol ba btab pa/ yi ge dgu ldan/ rtogs pa drug ldan/ rang sa bzhi ldan/ mchongs sa lnga ldan/ ye shes cig chod/ snang ba rang log/ 'jug
130b2 pa rang sa/dus tshod rgyal sa/ chos chen po yang gsang ba rmad du 'byung ba bstan du gsol zhes gsol to// badzra sa ma dzaHzhes lung bstan pa/ kye ma ho byang chub sems dpa' nyon cig/ lta ba'i rdzong la grub
130b3 mtha'i gter sbos shig/spyod pa rang byung gi rdzong la ye shes thug phrad kyi gter sbos shig/ gzhi'i thig le bzang po la// lta ba'i yi ge dgu pa gces so// lam gyi thig le bzang po la// bde gshegs kyi nying
130b4 khug gces so// 'bras bu'i thig le bzang pa'i rtse mo la// sgom nyams drug pa'i man ngag gces so// smin par byed pa bzang po'i rgyan la// gsang ba'i dkyil 'khor gsum gyi bsdus don gces so// bzang po
130b5 rgyan dang ldan pa la// rkang med mkha' la 'gro ba gces so// ye shes zang thal gyi dgongs pa la// lam la bar chad kyi sgrib pa med do// byang chub kyi snying po la skye shi med pas 'khrul ba'i bar do med do// sku
130b6 gsum rang bzhin gyis rnam par dag pa la/las dge sdig gis phan gnod med do// de nas byang chub sems dpa' 'od zer nye bar zhi bas/ sangs rgyas mi 'khrug pa la bstod pa phul te zhus pa/ e ma ho
129a3 sangs rgyas bde chen sku// tha dad na 'brel ba med de dbab tu mi 'dod par thal lo// 'brel pa yod zer na// bdag nyid gcig gam 'dri'o// bdag nyid gcig na// bdag rig pa gcig
129a4 gam// rig pa bdag tu gcig/ bdag rig pa gcig na// gong skyon 'ong// de las byung ba'i 'brel ba yod zer na// rgya chad pa'i skyon 'ong ngo// de las byung na rig pa bdag las byung ngam// bdag las rig
129a5 pa byung// byung ba'i skyon 'ong// sprul shugs nas byung ba'i 'brel pa dang 'dra ste// ldog tu mi 'dod pa'i skyon 'ong ste rgya chad par thal// mi shi ba'i lus la rig pa mi 'byung ba dang 'dra ste// phyis don byed mi nus
129a6 pa'i skyon 'byung ngo// yang na bdag nyid las rig pa byung na byung pa'i nad kas// 'brel med du thal lo// rig pa las bdag byung na// shes rig rdzas su thal lo// rang gi shes par bya ba ni// thig le lhun grub
129b1 chos can zhes dam bca'// ci'i phyir ma 'gags rag shar ba'i phyir// thig le rdzas yod du thal zer na// lhun grub rdzas yod ma spangs pa'i phyir// 'jig par thal zer na lhun grub 'jig ma bkag ces
129b2 bya// khyod lhun grub min nam zhes 'dri// yin zer na 'dod thog/ min zer na mu stegs rtag chad du thal zhes 'gal lo// sgra'i 'khor lo las brgal ba dang po'o//// 'thad pa sgrub pas gtor zer
129b3 nas// snang ba 'di rang mi shar du 'thad de// 'thad pas 'o na 'thad pas snang ba shar mang du 'byung bar thal// bya ba byed pa'i rig pas gtong zer na// 'khrul pa'i shes pa la thag bas sbrul gyi bya ba byas nas
129b4 'khrul te// rtan du sbrul gyi bya ba byed par thal// ltos pa'i rig pas gtong zer na// 'phang las ltos na mdung ring// mdung las ltos na mda' rgyang ring ste// nges pa med par thal lo// rgyud kyi gtan la
129b5 'bebs zer na// rgyud rang yin nam logs pa gcig dri'o// rang yin zer na gtan la dbab pa dang 'bebs pa mi rung ste/ ral gri ral gri rang gis so la chod pa thal lo// gnyis yin gong du 'brel rtag
129b6 go/de yang lung yang de 'gro'o// mtshon pa gnyis pa'o//// tshad mas gtan la 'bebs zer na/ tshad ma de rang yin nam min ces 'dri'o// rang yin zer na gtan la dbab tu mi btub skyon gtang
130a1 ste// gser gyi ser po gtan la 'bebs pa dang// ser pos gser gtan la 'bebs pa dang ces 'byung ngo// tshad ma logs cig yin no zer na/ chos tshad ma dang// don tshad ma dang 'jal bya'i
130a2 shes pa cig/gzhal bya'i yul mang du smra na 'di skad bya'o// 'ub kyi bsdus nas yul la 'jal lam// shes pa la mjal// gnyis ka la 'jal ces 'dri// yul la 'jal na yul nyams su myong nas 'jal
130a3 lam// ma myong nas 'jal// ma myong nas 'jal na mo gsham bu che chung// ri bong rwa rno rtul kyang shes par thal// shes so zer na dbang po'i mngon sum gyis gsal// ces skyon btang ngo// nams su myong nas
130a4 'jal na// chu bo'i ro myong yang// chu bo'i rol tshol ba dang 'dra ste thug med du thal lo// shes pa la 'jal na shes pa dngos po yod nas 'jal lam med kyang 'jal// dngos po yod zer na mngon sum gyis
130a5 gsal// med nas 'jal na ri bong rwa la mtho tshad gzhal du btub par thal// yod rung med rung 'jal na// lung du ma bstan par thal lo// mtshon pa gsum pa'o//// de ltar sgros btags cham la
130a6 phebs nas// rang gi mtshan nyid bstan par bya// rang snang du rang shar bas// yul las gzhal du med// rang byung ye shes shar bas// nang la gzhal du med// 'du 'bral med pas yul dang yul can du gzhal
130b1 du med// thams cad ye nas rang sar grol bas 'brel ba rtsir med// shes rig gi yul las grol bas// rgyud lung rig pas gtan la dbab sa med// ces gsungs so// mtshan pa bzhi pa'o//// shes pa
130b2 'khrul te// rgyal ba rigs lnga 'od dkar dmar lnga rten pas 'khrul// bsgrubs pas gol te// rang sna chos sku la bde ba 'dod cing sgrub pas 'khrul// sgom pas rlag/ ye nas rang gsal sgoms bas rang gsal
130b3 stong pas rlag/yul can gyi gol te spang blang gi lan no// snang ba sgrib g.yogs kyi chod// snang ba rang gsal la 'byung ba ltar mthong bas chod// rang byung min te ye shes med// chos nyid yin te sku min// snying
130b4 po yin te ye shes min// de ltar shes pa ni rang byung yin la ye shes yin// chos sku yin/ snying po yin/ thig le yin/ nyag gcig yin/ zhes gsungs so// 'da' he na'i 'du khang du// mkhas pa 'jam dpal
130b5 bshes gnyen la thig le nyag gcig grub mtha' bstan// rtsol ba'i sgra'i 'khor lo 'di// chu srin pir gyi gre ba ru// ru sbal nag po 'i chud pa bzhin// bskal pa khrugs kyang khar ma dbyung// zhes gdams
130b6 so// rmongs pas mi go dris lan khong du chud// sbyangs pa'i sgra dang song 'gyur 'byung ba dang// byung ba can dang sgra skyon rnams brgyud// man ngag khong du bcas te 'ga' tsam bris pa'o// mtshon cha'i 'khor lo dum
bu bzhi pa rdzogs so/

CLOSE WINDOW