106b3 rgya gar skad du/ bo d+ho tsit+ta a ti b+h+ra ma na ma/ bod skad du/ byang chub sems gsang ba'i thig pa zhes bya ba/ bcom ldan 'das dpal rdo rje sems dpa' la phyag 'tshal lo// bdag med gnyis med
106b4 mi shes sangs rgyas pas// zhen pa bzlog phyir rkyen bshad bsam yas kyang// chos nyid ngang la brjod bya brjod byed med// rtog dang lta sgom la sogs pa'i// bslab pa ma lus kun 'jig pa/ gsang ba ba yi
106b5 slab pa yin// rtog pa la sogs su 'dod pa// de la de bsog nam yang med// skyes na 'gag cig 'gag na skye// de ni bdag bcas 'khrul pa'i blo// bdag med gang skye skye rgyu ci// ma skye mi 'gagacir mi
106b6 rig/bus pa ma rabs rtogs par 'dod// gang gis gang rtogs ji ltar rtogs// rtog pa bdag med skye med cing// bdag skye 'khor ba ci phyir min// blo dang blo yul ma yin pa'i// 'khor ba skye 'gag rgyu ci
107a1 zhig/de bas rtogs pas 'khor bar 'chings// shes rtogs lta bu'i sdig pa ni// stong gsum ma lus srog bcad pas// sdig pas de brtul char mi phod// lta sgom 'bras bu de dang mtshungs// rtog
107a2 bya rtog byed gnyis med cing// rtogs lta la sogs mi skye na// dgos chen rkyen du de bsogs gsungs// ma rtogs ma sgoms ma shes na// rdo rje kun tu bzang po yin// bdag med dmigs dang rnam shes ji ltar
107a3 bskyed// dran bya dran byed med de shes dang mi shes bral// rtogs bya rtogs byed med de dgos ched de rtogs brjod// rtogs pa ma skyes pa ni rtogs pa'i mchog/ 'ching grol med pa grol ba'i dam pa
107a4 yin// bcings na grol zhing grol na 'ching// yul sems gnyis su med pa ni// byang chub sems zhes bde gshegs gsung// yul sems gnyis su 'dod pa dang// yul med sems la gsal stong dang// yod
107a5 med rtag chad 'khrul pa'i sems// 'khrul dang ma 'khrul gnyis med la// ma 'khrul dgos ched gnyis yod 'khrul// de de nyid dgos ched kyis// de mtshon 'khrul pa blo bur dang// med pa dang ni cir mi
107a6 rung// skabs kyis re zhig brjod par zad// yul sems gnyis su med pa na// de man chos med gnyis su med// snod bcud rab 'bring tha ma yis// bshad du yod dang bshad du med// bshad bya bshad byed
107b1 gnyis su med// rtogs su yod dang rtogs su med// rtogs bya rtogs byed gnyis su med/ sgom spyod 'bras bu la sogs mtshungs// bya ba med pas grol ba grol// bya med lhun grub rdzogs pa che// rtog sgom
107b2 'bras bu 'dod pa dang// thar par 'dod pa'i yid can la// byang chub nam yang yod ma yin// rdo rje sems dpa'i gsang ba'i thigs pa 'di// dga' rab rdo rje'i thugs la dbyer med thim// zhes lta ba lhag pa
107b3 byang chub sems kyi gsang ba'i thigs pa zhes bya ba ste dang po'o//// bcom ldan 'das dpal rdo rje sems dpa' la phyag 'tshal lo// 'khor 'das rnam pa gnyis la yang// chos can rtogs dang chos
107b4 nyid rtogs// bya ba yod dang lhun gyis grub// don rtogs rtags rtogs 'dus ma byas// byang chub sems dang 'phrul pa'i sems// rang byung rten byung la sogs kyis// 'khor 'das gnyis su shes med
107b5 shes// sman bdo tsam na dug bdo spang// sman bdo tsam na dug mi gnas// sman bdo tsam na dug kyang med// sman bdo tsam na dug ma spangs// de bzhin chos rnams thams cad kyang// snang bdo tsam na stong bdo
107b6 ste// snang bdo tsam na snang mi gnas// gnyis dang gnyis med la sogs dag/ kun yin gang yang ma yin dang// gang ma yin na kun mi gnas// kun yin na ni gang min man// de bas bya bral shes med
108a1 dang// brjod med kun bzang rdo rje dgye// shes brjod lta bu'i sdig pa med// brjod bya rjod byed la sogs dang// shes bya shes byed gnyis med na// chad med thams cad lhun grub sku// mnyam
108a2 nyid bsam 'das gnyis med du// rang nyid shes shing ma gyur na// tshig tu ji skad brjod gyur yang// dbul bos phyug po'i nor 'grangs 'dra// rang la ma phan gdung bas 'dzin// de bas rang nyid gnyis med
108a3 na// shes bya shes byed la sogs med// sbyangs nas rtogs thob phyir 'dod dang// rtogs thob thabs la brten pa dang// bya ba ma bral thabs kyis kyang// yang dag 'bras bu thob pa med// bya med byed bral
108a4 'bras bu de// chos nyid don rtogs bde chen 'grub// 'dod pa ma zad 'bras bu dang// 'dod pas grub pa'i 'bras bu dang// 'dod pa med pas len pa ni// bya bral lhun grub shes par gyis// mdor na chos
108a5 rnams thams cad ni// 'khor dang mya ngan 'das pa ste// 'khor ba'i sems rig 'khrul ba'i sems// mya ngan 'das rig byang chub sems// sems kyi yul dang rang rig yul// spyod yul dag dang ma dag
108a6 gyis// 'khor 'das gnyis su rgyal bas man ngag// spyod yul dag pa'i rnal 'byor ni// 'khor bar nam yang mi 'khor te// rtogs pa brten par ma gyur na// rten ni khams gsum gnas gyur kyang// sems
108b1 dgongs rnam dag rdzogs sangs rgyas// gal te brtan par ma gyur na// tshogs drug 'jug pa lhod pa yis// dmyal ba'i gnas su de mi skye// chos nyid rtogs dang ldan pa yis// byol song gnas su de mi
108b2 skye// 'dod pa'i gdung ba lhod pa yis// yi dwags gnas su de mi skye// 'dod yon lnga la chags med cing// spyod kyang bstan por ma mthong ste// 'khrul zhig rang bzhin med rtogs pas// lha yi gnas su de mi
108b3 skye// mi yi lus kyi rtogs mthu yis// gal te rten na mi lus te// gang du skyes kyang rnam dag gsal// gang du gsal yang mngon sangs rgyas// de la 'khor ba'i ming mi gdags// de bas gsang sngags bdag
108b4 nyid che// don med sgra phyir de 'brangs nas// de ni 'thoms nas dmyal bar 'gro// de rtogs dmyal ba'i sa bon zad// de ring phan chod rgyal ba'i sras// gzung 'dzin dben pa rgyal ba ste// de na rtog pa'i sras
108b5 zhes bya'o// rtog pa zad la rtogs zhes ste// rtog pa skyes na 'gag par nges// de ni skye 'jig 'khor ba'i chos// mngon par shes pa la yang gnyis// chos can mngon par shes pa dang// chos nyid mngon par
108b6 shes pa ste// shes par bya byed gcig las med// gcig po'i don de 'di ltar ste// shes bya shes byed gnyis yod na// chos can yin de chos nyid min// de rang nyid la bye brag mang// theg pa re la lta ba re// de
109a1 re sgom re mngon shes te// chaus nyid mngon par shes pa ni// shes dang shes bya gnyis med la// chos can shes bya yang dag ldan// de spangs na yang de med de// de yod na yang de med do// rnam pa
109a2 dag na lam chen rnyed// gnyis su med na bde chen thob// gzung 'dzin dag na ye shes che// bya ba bral na rdzogs pa che// byed pa bral na lhun gyis grub// sems dang chos nyid ye nas gnyis med la// rtog par
109a3 'dod pas nam yang thar pa med// mdor na sems can sangs rgyas kyang// sems chos gnyis su yod med las// rdo rje kun bzang mi gsung ngo// sems dang chos ni gnis med na// lta rtogs la sogs gang
109a4 gis kyang// de bas bya bral lhun rdzogs mod// de bas dman pa'i theg phran kun// sems kyi chos rtogs rtogs pas dman// de bas bya byed drang don mod// ces/ chos sems gnyis su med pa'i gsang thigs
109a5 ste//// man ngag gnyis pa'o// bcom ldan 'das log par dad sel la phyag 'tshal lo// rtsod dang gdams dag bshad dang gsum// dbye ba 'di yis shes par bya// rang bzhin dag pa'i kun gzhi
109a6 dang// rtogs pa dag pa'i kun gzhi dang// 'dzin pas bsags pa'i kun gzhi la// 'khor ba'i kun gzhi 'das pa'i gzhi// gnyis ka'i kun gzhi dbye ba yis// 'byung ba dang ni 'byung chen dang// 'byung chung
109b1 gzhi ste so sor dbye// 'byung ba chos nyid 'byung chen nam mkha' la// 'byung chung re re la yang lnga// chos nyid 'khor 'das kun gyi gzhi// byang sems 'das pa kun gyi gzhi// 'khrul sems 'khor ba kun gyi
109b2 gzhi// sems dag sems las byung ba dang// sems dang sems las thim pa dang// 'khor 'das gnyis su mkhas pas rig/ ci yi phyir na sems shes na// sems byung ba yi sems zhes dang// sems thim pa
109b3 yi sems zhes dang// sems 'dzin pa yi sems zhes so// gang ltar byung yang de de nyid// de de nyid kyang 'khor 'das gnyis// phyi dang nang gi mu stegs te// 'khor ba yin par rgyal bas gsungs// 'das pa
109b4 gnyis te don dang rtags// drang don nges don zhes kyang gsungs// lam dang lam gyi grogs kyang gsungs// lam ni rnam par dag pa ste// de mtshon gal te srid pa yis// lam grogs a nu man chod la// nang
109b5 gi mu stegs zhes bya ste// bsam yas bsdu na bzhi ru 'dus// phyal dang rgyang 'phan mu rdug dang// mu stegs bzhi ste rtag chad gnyis// phyal ba dge sdig rgyu 'bras dang// snga phyi mi shes kun tu rmongs// rgyang 'phan
109b6 rgyu 'bras mi shes te// 'di yi btsan phyug mthu stobs bsgrub// mu rdug pa yi rgyu 'bras med// snang srid 'di ni blo bur ba// dper na rlung tshub lta bu'o// de bas thams cad chad par 'dod// mu stegs pa ni rtag
106b3 par 'dod// a ni snang lugs chen po ste// ti ni chos nyid snang lugs so// snang ba 'od gsal thogs rdugs med// rig pa 'gyur med rang bzhin snang// skye med rtogs pa'i rnal ma la// ngang gis ma bcos
106b4 chos skur gsal// rig pa 'gyur med ti ru snang// skye ba med pas a ru snang// ti ni yin par gsal bar ya cha// a ni skye ba med pa ya cha// ti ni 'od gsal 'gag pa med pa ya cha// zhes gsungs so// thig
106b5 le 'dus pa phyi ma'i rgyud las/a ti la ngo sprad pa'i le'u ste brgyad pa'o//// de nas yang dag bshad bya ba// dga' rab rdo rje khyod nyon cig/ 'khrul ba'i gzhi la ngo sprad pa ni// thog ma med pa dus kyi
106b6 dbyings// sgrub rtsal ming yang ma grub pa'i// chaus dbyings dam pa zad med pa'i// rol pa la 'gags pa med pa las// rang shar chen po'i ston pa 'khrungs pa ya cha// rang shar chen po'i ston de/ rnon po'i ston
107a1 pa zhes su grags// rig pa rno la gcod pa ya cha// 'gyu ba thol gang ston par shar// ston pa 'od srungs su sku 'khrungs pa ya cha// ston pa 'od srungs kyis nang kyis bslus pa ya cha// 'dod la
107a2 chags sdang skyes pa ya cha// 'dod la chags sdang 'khrul pa'i rgyu ru 'khrul pa ya cha// gzhi 'od gsal 'gag pa med pa ya cha// 'dod la chags pas lus su grub pa ya cha// skye med rang 'od yin pa la// dkar
107a3 dmar lnga rgyur snang ba yis// bung ba me tog phye leb me ru ru smig sgyus bslus pa ya cha// zhes gsungs so// thig le 'dus pa phyi ma'i rgyud las/ 'khrul pa 'khrul gzhi la ngo sprad pa'i le'u ste dgu
107a4 pa'o//// de nas yang dag bshad bya ba// nyon cig ro langs bde ba khyod// kun bzang ngo sprod bstan pa ni// phyi nang gsang ba gsum du ngo sprad ces gsungs so// phyi yi kun bzang ngo sprad pa// grags pa
107a5 sgra yi kun bzang ngo// nang du kun bzang ngo sprad pa// rig pa'i ye shes kho na'o// gsang ba'i kun bzang ngo sprad pa// thig le gnyis snang med pa'o// rang gi mtshan nyid 'di lta ste// rna ba chos nyid kun bzang
107a6 phyi// rig pa'i shes rab kun bzang nang// phyi nang med par shar ba la// kun tu bzang po gsang ba ste// phyi chos nyid 'dod pa des// kun bzang mthong ba med pa ya cha// mthong ba ma yin rang chas yin pa ya
107b1 cha// thig le bar mtshams med pa ya cha// zhes gsungs so// thig le 'dus pa'i phyi rgyud las/ kun tu bzang po phyi nang gsum du ngo sprad pa'i le'u ste bcu pa'o//// de nas yang dag bshad bya ba// nyon
107b2 cig ro langs bde ba khyod// rdo rje sems dpa'i ngo sprod bstan pa ni// phyi nang gsang ba gsum du bshad// phyi ltar bshad pa de nyid do// nang du rang byung ye shes la// gsang ba thig le rang shar ro// phyi yi chos
107b3 la rtog spyod pa// de ni nga yi don med rnyed// rang grol shes nas rtogs pa ya cha// rang gi mtshan nyid lta ba ni// rtag gi ye shes sems dpa' phyi// don ni rang rig ye shes nang// phyi nang med de gsang ba'o// nga
107b4 ni rang byung ye shes khyod nyon yin pa ya cha// zhes gsungs so// thig le 'dus pa'i phyi ma'i rgyud las/ rdo rje sems dpa' ngo sprod kyi le'u ste bcu gcig pa'o//// de nas yang dag bshad bya ba// nyon cig
107b5 ro langs bde ba khyod// rang gi mtshan nyid ma shes na// spyi yi dgongs pa 'dug ge na// 'dug na spyi dang khyad par med// med na gcig rtogs kun kyang grol// des na rang gi mtshan nyid la// ngo sprod gser la
107b6 nag tshur 'dra// dper na ne tsos chos bshad 'dra// mig ni kun tu bzang po la// rnam shes dga' rab rdo rje la// snang ba rdo rje sems dpa' 'o// rna ba kun tu bzang po la// rnam shes dga' rab rdo rje'o// dgra
108a1 ni rdo rje sems dpa' la// sna ni kun tu bzang po'o// rnam shes dga' rab rdo rje la// dri ni rdo rje sems dpa' 'o// lce ni kun tu bzang po la// rnam shes dga' rab rdo rje'o// ro ni rdo rje sems
108a2 dpa' la// lus ni kun tu bzang po'o// reg ni dga' rab rdo rje la// chos ni rdo rje sems dpa' 'o// yid kyi rnam shes dga' rab rdo rje la// yul ni rdo rje sems dpa' 'o// dbyer med kun tu bzang po
108a3 la// yid ni dga' rab rdo rje 'o// rnam shes rdo rje sems dpal la// dbyer med kun tu bzang po'o// kun gzhi kun tu bzang po la// rnam shes dga' rab rdo rje ste// yid kyi rnam shes rdo rje sems dpa' 'o// sgo
108a4 lnga ye shes rnam pa lnga// longs sku'i ngo sprod bstan pa'o// yid dang yid kyi rnam shes ni// sprul pa sku yi ngo sprod bstan pa'o// kun gzhi chos sku'i ngo sprod bstan pa'o// thod rang gi 'dug tshul yin pa la// snang ba
108a5 la sgrub pa ya cha// sems la re ba snying re rje// zhes gsungs so// thig le 'dus pa'i rgyud phyi ma las/ kun tu bzang po// rdo rje sems dpa'/ dga' rab rdo rje/ ston pa gsum rang la ngo sprad pa'i le'u ste bcu
108a6 gnyis pa'o//// de nas yang dag bshad bya ba// nyon cig ro langs bde ba khyod// 'gro ba rigs drug ngo sprad ni// dmigs pa'i yul dang mthun pa ni// dmigs pa'i 'od zer ser po la// chags pas
108b1 mi yi lus su skye// dmigs bya'i 'od zer ljang khu la// chags pas lha dang lha ma yin// dmigs pa rang snang 'od zer mthing kha la// chags pas byol song skyes pa'o// dmigs pa rang snang dmar po la// chags
108b2 pas yi dags skyes pa'o// dmigs pa 'od zer dkar po la// chags pas dmyal bar skyes pa'o// spyi yi mtshan nyid bstan pa ni// dug lnga chags pa'i rgyu yin te// 'od lnga 'byung ba lnga po'o// rang gi mtshan nyid
108b3 bstan pa ni// lus ni 'od zer ljang khur 'phro// sna ni 'od zer ser por 'phro// mig ni 'od zer mthing khar 'phro// rna ba 'od zer dkar por 'phro// lce ni 'od zer dmar po'o// de la chags nas 'gro drug
108b4 la// rol ba 'gag med bsam mi khyab// sgo lnga grol na 'od las grol// rnam shes grol na rgyud las grol// ngo bo grol na gzhi las grol// sgo lnga zang thal chen po yin pa ya cha// rnam shes rang grol yin pa ya
108b5 cha// dbyer med thig le bsam bya min pa ya cha// zhes gsungs so// thig le 'dus pa phyi ma'i rgyud las/ 'gro drug rang grol ngo sprad pa'i le'u ste bcu gsum pa'o//// de nas yang dag bshad bya
108b6 ba// nyon cig dga' rab rdo rje khyod// thub pa drug gi ngo sprad pa// dbang po brgya byin bya ba grub pa'o// thag bzangs ris ni rang rig ye shes so// shAkya thub pa mnyam nyid ye shes so// kha 'bar so sor rtog
109a1 pa'o// rta mchog stong nyid ye shes so// glang mgo me long ye shes so// de yang spyi yi mtshan nyid yin pa ya cha// dbang po brgya byin rab lus yin pa ya cha// thag bzangs yid du snang ba ya
109a2 cha// shAka thub sna ru snang ba ya cha// kha 'bar lce ru snang ba ya cha// rta mchog mig la gnas pa ya cha// glang mgo can rna ba yin pas ya cha// thub drug gzhan nas tshol ba de// de yang yid smon blo yi chos// zhes
109a3 gsungs so// thig le 'dus pa'i rgyud phyi ma las// thub pa drug la ngo sprad pa'i le'u ste bcu bzhi pa'o//// de nas yang dag bshad bya ba// nyon cig dga' rab rdo rje khyod// sbubs gsum dag la ngo sprod
109a4 bstan pa ni// phyi nang gsang ba gsum du bstan// ces gsungs so// phyi yi sbubs ni 'od gsal ba// longs sku'i sbubs ni snang ba'o// nang gi sbubs ni rang lugs so// snang gsum rang rtags snang
109a5 ba'o// gsang ba'i sbubs ni rig pa la// ye shes gsung thugs rang grol lo// phyi yi spyan gsum bstan pa ni// g.yas pa thabs dang g.yon pa shes rab spyan// dbus na ye shes spyan gnas pa// de ni phyi yi spyan
109a6 gsum bstan pa ni// nang gi spyan gsum bstan pa ni// snying khar thabs la dmar por shes// zung du 'brel ba ye shes spyan// gsang ba'i spyan gsum bstan pa ni// thig le ye gsal thabs kyi spyan// de nyid
109b1 dngos med shes rab spyan// 'du 'bral med pa ye shes spyan// spyan gsum rang chas yin pa la// gzhan nas thob tu re ba ya cha// grol ba'i dgongs pa phyi nang gsang ba gsum// 'od las grol ba zal thal
109b2 yul// lus las grol ba ye shes spyan// rig pa grol ba ye shes te// de ni sol ba rnam gsum yin// zhes gsungs so// thig le 'dus pa'i rgyud phyi ma las/ grol ba'i dgongs pa bstan pa'i le'u ste bco lnga
109b3 pa'o//// de'i tshe de'i dus na/ ro langs bde bas// rdo rje sems dpa' la rgyud 'di ni yi ge ma bu la ma brten pas/ 'di la tshig tsam du ji ltar rtags par bgyi/ zhes zhus pas/ rgyud 'di ni srid
109b4 gsum gsal bar byed pas thig le 'dus par zung zhig/ye shes rab 'brangs rdo rje'i rgyud du zung// thig le zang thal rgyud du zung// thig le rjes ston rgyud du zung// zhes gsungs pas/ ro langs bde ba rjes
109b5 su yi rang ba'i le'u ste bcu drug pa'o//// tshig dang yi ge la 'jam dpal shrI sing has bris pa'o// ngo bo'i rgyud/ thugs rje'i rgyud/ tshig dang yi ge'i rgyud la/ 'di tshig dang yi ge'i rgyud do// rdzogs
109b6 so////


CLOSE WINDOW