47a4 /// rgya gar skad du/ dz+nyA na ga ya hi pa re/ bod skad du/ ye shes snang ba'i mdangs rang 'bar ba'o// bcom ldan 'das dpal kun tu bzang po la phyag
47a5 'tshal lo// 'di skad bshad pa'i dus na// thams cad mnyam pa nyid dbyer med par shar ba'o// brdal ba ye shes klong du dag/ 'gyur med chos kyi sku ru snang// dbyer med rang grol chen po dag/ thams cad
47a6 ye shes rol bar gnas pa'o// de nas de bzhin gshegs pa thams cad kyis// thams cad ye shes kyi nyi mar lus pa med par sangs rgyas pa'o// de nas rdo rje kun tu bzang pos ye shes kyi mdangs phyung
47b1 nas// kye kye phyogs bcu'i ngo bo ye nas stong// 'khor ba thams cad dag pa'i zhing// sangs rgyas thams cad 'khor ba'i lam// bde ba thams cad sdug bsngal rgyu// lha sgom thams cad 'khrul pa'i
47b2 gzhi// rtogs pa'i nyams myong thams cad bslu ba'i bdud// sa la thams cad 'khrul ba'i gnas// sku gsum 'bras bu ngan song rgyu// zhes gsungs so// de nas de bzhin gshegs pa thams cad kyis// yang
47b3 dag pa 'di brjod do// 'gyur med snying po chos kyi sku// 'khor 'das kun gyi snying por shar// lta ru dngos po grub pa med// gtan du kha dog dbyibs las 'das// rtogs su snying po rang bzhin med// spyad du
47b4 rdzas su grub pa med// des na 'gyur med chos kyi sku// ye shes snang ba'i mdangs las// gnad bstan pa'i le'u ste dang po'o//// de nas kun tu bzang pos brjod pas// chos sku'i rang 'od
47b5 brdal ba che// ye shes nyi ma sgrib med shar// dbyings kyi rnam pa phyogs dang bral// klong chen yangs pa kun gnas ces brjod// de nas kun tu bzang pos brjod pa// phyogs ris med pas mtha' dang
47b6 bral// yangs dog med pas tha snyad bral// ngos bzung med pas gnyis snang bral// byas pa med pas 'dus byas bral// zhes gsungs so// de nas rdo rje sems dpa' brjod pas// kun gzhi stong pa'i ngang nyid
48a1 las// dngos po snang ba ci ltar lags// chos sku snang ba 'gyur ba med pa la// skye shi 'byung ba ji ltar lags// ye shes kha dog med pa la// snang ba 'char ba ji ltar lags// sems nyid spros pa
48a2 med pa la// 'khor 'das 'byung ba ji ltar lags// rig pa dngos po med pa la// gnyis snang 'byung ba ji ltar lags// chos nyid 'du 'bral med pa la// zhen chags 'byung ba ji ltar lags// kun gzhi stong
48a3 pa'i ngang nyid las// bag chags sog pa ji ltar lags// ye shes snying po zang thal la// ma rig 'byung ba ji ltar lags// chos sku chos dbyings chen po la// dug lnga 'byung ba ji ltar lags// chos sku thig le
48a4 nyag gcig la// sa lam 'byung ba ji ltar lags// ye shes snying po rang byung la// sdug bsngal 'byung ba ji ltar lags// ye nas snying po dbyer med la// 'bras bu 'byung ba ji ltar lags// zhes brjod do// ye
47a4 shes snang ba'i mdangs las// rlung rin po che'i mdzod ja log rang snang gi 'od ljang khu// nam mkha' rin po che'i mdzod ja log rang snang gi 'od mthing kha// mdzod rnam pa lnga ja log/ rang snang dbyed med kun khyab kyi dkyil
47a5 'khor chen po// mdzod ja log gi le'u ste drug pa'o// ngo sprod ja log tu bstan pa ni// ngo sprad du med par ye nas ja log pas// mdzod la ngo sprad du med par ja log/ snang ba med pa'i chos nyid// rig pa la ngo
47a6 sprad du med par ja log/rig pa khong gsal chen po// gnyis med la ngo sprad du med par ja log/ ye nas dbyer med mi phyed pa ngo sprad pa'i le'u ste bdun pa'o//// gzhi'i ja log bstan pa ni// gzhi ja
47b1 log pas bzang du ma song// lam ja log pas bgrod du med pa// 'bras bu ja log thob tu med pa'o// khrul pa ja log/ 'khrul ma myong rang rtsal rang shar ba yin pas so// de ltar rang rtsal yin pas so// de
47b2 ltar rang rtsal yin pas 'khrul myong bar ja log ste// thams cad rol pa'i rol lugs shes pas// thog mar ma 'khrul// bar du ma 'khrul// tha mar 'khrul// phyis kyang 'khrul bar mi 'gyur ro// 'khrul pa ja
47b3 log tu bstan pa'i le'u ste rgyad pa'o//// lta ba ja log bstan pa ni// lta ba ja log lta ba'i lta stangs ja log/ ye lta chen po'i sgom pa ja log sgom nyams ja log ste// ye sgom nyams chen po spyod pa ja
47b4 log gnyis snang med par ja log/dbyer med kyi gnas lugs chen po// 'bras bu ja log thob sa med pas ja log ste ye nas thob zin pa chen po// lta sgom ja log gi le'u ste dgu pa'o//// 'bras bu
47b5 ja log bstan pa ni// dmyal ba ja log me long lta bu'i ye shes// yi dwags ja log kun rtog ye shes// byol song ja log dbyings stong pa'i ye shes// mi ja log mnyam pa nyid kyi ye shes// lha dang lha ma yin ja
47b6 log rang gsal la mi gnas ye shes// snang ba rnam pa lnga ja log dbyings rnam par dag pa'i ye shes// rgyu rnam pa lnga ja log gzhi gnas kyi ye shes chen po// bzhi rnam pa lnga ja log ye shes chen po'i thig
48a1 le// 'khrul pa ja log gi le'u ste bcu pa'o//// dug lnga ja log bstan pa ni// gti mug ja log chos kyi sku// 'dod chags ja log sprul sku// zhe sdang ja log longs sku// nga rgyal ja log rdo rje lta
48a2 bu'i sku// phrag dog ja log mngaun par byang chub pa'i sku// gti mug chos kyi sku'i ye shes// 'dod chags rang byung gi ye shes// zhe sdang snying po'i ye shes// nga rgyal rig pa'i ye shes// phrag dog kun tu mi 'gag
48a3 par rang shar chen po// rig khong gsal chen po// dug lnga ja log tu bstan pa'i le'u bcu gcig pa'o//// sku gsum ja log gi rgyud chen po 'di// phyag nas phyag tu rim brgyud pa'i// gang zag blo yis ma shigs
48a4 pas// kun la bstan na skur pa 'debs// de yi 'bras bu don nyid la// skur pa btab pa'i dbang gis ni// ngan song gsum du 'khyam par mchi// de bas blo lngan brtags la sbyin// snod med gcig dang ma sprad
cig/

CLOSE WINDOW