38b2 rgya gar skad du/ sa ma re ta daharu ka ra da na b+ha tha ta natra nA ma/ bod skad du/ rin chen rdzogs pa ye shes rang 'bar ba'i rgyud ces bya ba// bam po gcig pa/ bcom ldan 'das dpal kun tu bzang
38b3 po la phyag 'tshal lo// 'di skad bshad pa'i dus na/ ma lus mi lus lus pa med pa'i rang shar ba'o// chos nyid klong chen brdal ba che// 'gyur med kun gyi snying po srog go/ dbyer med rab shar ye shes
38b4 gtso// gsang ba dag mthar thug don gyi snying po shar// don gyi ngo bo sku gsum thig ler 'bar// yang dag ngo bo dbye gsal med pa la// ye shes rgyan gyi sgo nas gsum du bshad// dang po chos nyid bar do lam
38b5 du khyer pa yang// don gyi go ba drug tu bshad par bya// dug gsum sgo gcod phyag rgyar skye// ye shes gsal gdangs sgron me 'bar bar gtad// rig pa'i 'od zer rlung sgrom hU~M du dbyung// dbugs kyi rlangs pa
38b6 a dkar spyi gtsug 'phros// 'chi ka bar do 'di ka'i man ngag gsum// srid pa bar do bag chags man ngag gsum// a ba d+hA ti stong sangs lam na yar// chos nyid rig pa 'od zer rang byung gsum// ye shes
39a1 gdangs gsal sgron me a ru 'bar// hU~M gsum ye shes rtags te rlung sgrom hU~M du 'gyur// a ni chos nyid rtags te sgron me gdangs gsal 'char// lam du 'gyer pa drug po bstan pa yang// dang
39a2 po sku gsum gnas lugs bstan pa yang// de la gsum du shes par bya// sha khrag sbubs dang 'od kyi sbubs// rin chen gsang ba'i spubs dang gsum// sha khrag sbubs la phyi nang gsang ba gsum// a ba d+hU ti
39a3 dngos med gsang ba'i gnas te gzha' ru 'bar// 'khor lo bdun rnams nang gi gnas te spros med pad+ma 'bar// kha sna bug pa phyi yi gnas te sha khrag dngos po 'bar// sprul sku gsang ba'i gnas nyid
39a4 na// sprul pa'i chos sku gnas pa ste// de yang kun gzhi'i rtsal yin pas// a pa d+hU ti'i nang na yar// ye shes a dkar sdang la brgyus// rang grol chen por kra la la// spyi gtsug bu ga dbyings nas thon// stong
39a5 gsal chen por bya la la// sprul sku nang gi gnas nyid ni// ye shes chen por bkrag shar ba// 'khor lo bdun rnams 'od du 'bar// thig le rnams ni a ru khrol// gsang ba'i dbang por a dkar
39a6 'babs// chos rnams thams cad pad+ma 'bar// bde ba stong rig lus la 'bar// tsaug bur 'dug la 'og rlung bsdams// lus rnams a ru kra la la// de yang sprul sku longs spyod sku// chos sku'i rtsal las ye
39b1 shes blangs// d+hU ti 'di 'od kyi rtsal shar bas// shangs kyi rlung sgrol 'bar ba nas// rang byung ye shes dbugs kyi rta// ma bcos rig pa hU~M du byung// chos sku'i mdangs la ye shes bkrag/ srog pa rtsa yi nang na
39b2 mar// zlog byed dbus kyi oM du grol// bde ba chen por phya la la// dbugs ni 'od rlangs rang byung la// oM hU~M ye shes rang grol lo// de nas ye shes sprul pa'i sku// sprul sku'i ngo bo hU~M oM dbugs su
39b3 'byung// sprul sku'i rang bzhin dngos med ye shes shar// sprul sku'i mtshan nyid rang grol phyogs ris med// sprul pa'i sku la shes rab spyan 'char te// rig pa stong la dang pa ye shes sprul sku'i spyan// bde gsal
39b4 rang grol ye shes sprul sku'i spyan// stong gsal chen por 'char bas ye shes sprul sku'i spyan// sprul sku'i spyan ni sna tshogs la// sgyu ma 'od kyi sbubs na phyi nang gsang ba gsum// mchog gi 'od gsal gsang ba'i
39b5 gnas te ye shes 'od du 'bar// dwangs ma lnga rnams nang gi gnas de sgrib med gsal bar shar// tsit+ta rin chen spyi yi gnas te nyi zla pad+mar 'bar// snying 'di kha phye pad+ma dngos yin te// snying tshil dkar dmar
39b6 nyi zla pad+ma'i gdan// snying tshil dmar po ye shes bkrag ste phyogs med kun la gsal// snying tshil dkar po chos nyid rtsa ste kun la longs spyod byed// snying tshil dkar bo 'od gsal bkrag ste bsam pa rang grol
40a1 yas// dwangs ma lnga yis rang bzhin dang// ye shes gdangs shar 'od kyi dwangs ma yang// dngos med dper bstan srin bu me khyer tsam// rtags ni sgron me 'bar ba'i rang 'od do// 'od gsal
40a2 mdangs shar gnyis kyi dwangs ma yang// dngos med dper bstan me long la nyi shar tsam// rtags ni lus kyi sgra dang khas spu'o// rtsa lnga rang shar dbugs kyi dwangs ma yang// dngos med dper bstan dri med spos
40a3 dud tsam// rtags ni rlung sgrom dbugs su 'gyur ba'o// thig le rang shar khrag gi dwangs ma yang// dngos med dper bstan gser gyi spu gu tsam// rtags ni lus kyi bkrag nyid do// 'bru lnga rang shar rtsa'i dwangs
40a4 ma yang// 'od du gnas de dar dkar skud pa tsam// rtags ni lus kyi bu ga tsam stong sangs so// a ba d+hU ti zhes ni brjod pa yang// chos nyid btsal de ye shes mdangs// dwangs ma'i bkrag de bde ba'i
40a5 gnas// de yang dngos po ma grub ye shes 'od du 'bar// phra sbom tshad ni rta rnga brgyar bkas tsam// ring thung tshad ni bcu drug tshangs par 'thon// ngo bo stong gsal ye shes 'od du 'bar// rang bzhin sku gsum
40a6 'bras bu sku gsum du gyes// yal ga gsum du gyes te gdangs gsal rig pa'o// mtshan nyid rtsal dang rang grol rang byung gsum// de yang bshad cing bstan pa dngos por dbye ba med// mchog gi 'od gsal
40b1 gsang ba'i gnas nyid na// longs spyod rdzogs pa'i chos kyi sku bzhugs te// ye shes gdangs la phyi nang dbye ba med// ye shes bkrag la kha dog sgrib byed med// ye shes rang bzhin dngos po rdzas su
40b2 med// gdangs gsal ye shes kun gyi dngos gzhir gyur// dwangs ma lnga yi gnas na longs spyod rdzogs sku bzhugs// spros pa med par kun la longs spyod byed// dngos med phyi nang kun tu gsal bar
40b3 shar// gos med sdug bsngal sna tshogs nges med spyod// bdag med rtag la rgyu med rig pa shar// 'gyur med rang grol gdangs gsal long spyod sku// tsit+ta rin chen phyi'i gnas longs spyod rdzogs pa
40b4 yis// sprul sku bzhugs pas mno ba thams cad rang yal chen por gnas// bsam pa thams cad rang grol chen por gnas// bya ba thams cad rang grol nam mkha'i bya lam 'dra// gzung 'dzin thams cad nyi
40b5 ma'i 'od zer 'dra// skyid sdug thams cad rgya mtsho'i rba rlabs 'dra// 'khor 'das thams cad nam mkha'i rang bzhin 'dra// chos nyid can gyis sa phyogs med por gzigs// de yang cos sku'i rtsal la ye shes
40b6 gdangs chen shar// ye shes gdangs la chos sku rtsal chen shar// ye shes gdangs la 'od gsal bkrag mdangs shar// 'od gsal bkrag las 'bru la rtsa lnga 'bar// 'bru lnga'i 'od las rtsa bran stong sangs
41a1 lam// rtsa bran rtse la rig pa rang 'od 'bar// sgo lnga'i 'od las snang ba sgyu ma 'char// de yang ma bcos 'das pa'i lam ste ye shes rlung nyid do// dbang po 'bru lnga bkrag shar dwangs ma lnga ru
41a2 shar// dwangs ma lnga yi mdangs shar a ba d+hU tir shar// a ba d+hU ti rlangs shar dbugs dang rig ba 'gyur// dbugs dang rig pa'i lam nyid khas sna gnyis nas 'char// de yang rang byung las kyi rlung ste 'khor
41a3 ba'i lam nyid do// dngas ma lnga yi rtsal shar don snying lnga ru shar// don snying lnga yi rtsal shar sha khrag rus pa smin// de yang las kyi dad pas 'byung ba'i snyigs ma'o// rin chen gsang ba'i gnas la phyi nang gsang
41a4 ba gsum// kun gzhi klong yangs gsang ba'i gnas te chos dbyings chen por brdal// ye shes rtsa lnga nang gi nas te phyogs med spros dang bral// rin chen sgron ma phyi'i gnas te gdangs gsal dwangs ma sangs
41a5 gzung 'dzin dmigs pa med pa'i gdung sel rin chen gnas// kun gzhi'i gnas nas chos sku'i chos sku rnams// sems la rgyu rkyen med pas 'khor 'das rtsa ba chod// sems la dngos po med pas dbyer med
41a6 snying por shar// sems la 'gyur ba med pas kun gyi rten du gnas// sems la kha dog med pas kun gyi nyi mar shar// sems la spros pa med pas 'khor 'das thams cad khyab// ye shes rtsa lnga'i nang gi
41b1 gnas nyid na// chos kyi sku yi longs spyod rdzogs sku bzhugs// rtsa lnga nang gi a dkar rtsa gcig ni// gsal ba kha dog med par bar snang gdangs dang 'dra// snang ba rang bzhin med pa chu yi zla ba 'dra// grol
41b2 ba dngos po med pa bar snang zer bu 'dra// de yang skye med stong gsal chen po'o// rin chen sgron ma phyi yi gnas nyid na// chos kyi sku yi sprul pa'i sku bzhugs te// snang la rang bzhin med pa ye shes sprul pa'i
41b3 sku// gsal la rtogs pa med pa ye shes sprul pa'i sku// ye shes chen po'i spyan 'char te// chos nyid spyan la 'byed pa med par gsal// ma bcos rig pa'i spyan ni phyi nang 'gag med gsal// ma ltas ye
41b4 shes spyan ni sgrib byed med par gsal// 'gyur med chos sku'i spyan ni khyab brdal chen por gsal// don gyi dwangs snyigs dbye ba bstan pa yang// sprul sku'i dwangs ma 'bru lnga'i rtsal te rang gsal 'bar
41b5 ba'o// sprul sku'i snyigs ma gzung 'dzin shes pa sna tshogs 'char ba'o// sprul sku'i dwangs ma snang ba a de stong sangs chen po'o// sprul sku'i snyigs ma hU~M hU~M oM dbugs te// bde sdug 'char ba'o// sprul sku'i dwangs
41b6 ma rang snang gsal ba phyi rol sgyu ma 'bar// sprul pa sku'i snyigs ma chags zhing chen pa dngos por snang ngo// longs sku'i dwangs ma 'od gsal gdangs// longs sku'i snyigs ma 'od gsal bkrag/ longs sku'i
42a1 dngas ma rtsa lnga'i gdangs// longs sku'i snyigs ma a dkar bkrag/ longs sku'i dwangs ma gsal ba'i gdangs// longs sku'i snyigs ma snang ba'i 'od// chos sku'i dwangs ma phyogs med klong// chos
42a2 sku'i snyigs ma ston pa'i ngang// chos sku'i dngas ma stong gsal dbyings// chos sku'i snyigs ma spros med brdal// chos sku'i dwangs ma 'gyur med dgangs// chos sku'i snyigs ma snang med gsal// chos sku'i snying
42a3 po kun gzhi'i klong// longs sku'i snying po 'od gsal gdangs// sprul sku'i snying po 'bru lnga bkrag/ chos sku'i 'od zer bkrag/ longs sku'i 'od zer ye shes rtsal// sprul sku'i 'od zer sgo lnga'i gdangs// don gyi
42a4 ma bu sprad pa yang// sprul sku'i ma ni rig pa'i bkrag/ sprul sku'i bu ni yid kyi blo// sprul sku'i ma ni sgo lnga'i gdangs// sprul sku'i bu ni snang ba'i yul// sprul sku'i ma ni gnas pa'i a// sprul sku'i bu ni hU~M
42a5 dbugs// des na dbyer med longs sku'i rtsal// longs sku'i ma ni stongs sangs dbyings// longs sku'i bu ni phyogs med gsal// longs sku'i ma ni stong pa'i rtsal// longs sku'i bu ni ye shes 'od// longs sku'i
42a6 ma ni dngas ma lnga// longs sku'i bu ni phung po lnga// des na longs sku rang 'od 'bar// chos sku'i ma ni 'gyur med klong// chos sku'i bu ni ye shes gdangs// chos sku'i ma ni stong pa'i rtsal// chos sku'i bu ni rig
42b1 pa'i 'od// chos sku'i ma ni sgron ma'i gdangs// chos sku'i bu ni snang ba'i gdangs// chos sku'i ma ni d+hU ti'i 'od// chos sku'i bu ni thig le'i rtsal// chos sku'i ma ni stong sangs lam// chos sku'i bu ni rtsa bran
42b2 tshogs// des na thams cad chos sku'i 'od// don gyi ngo sprad bstan pa yang// 'od gsal lta ba'i thabs can ni// nyi ma phyed dus gyur pa'i tshe// gtan bde lus dang gan rkyel nyal// chos kyi sgron mas shes rab
42b3 dgab// ye shes sgron mas thabs kyi sbubs su dril// lta ni stong gsal rig pas lta// nyi ma'i snying po steng la mer te mchog gi 'od gsal rtags// gsal ba'i gdangs la 'od kyi sbus su 'khyil te 'od
42b4 gsal thig le rtags/gsal ba'i zer rnams phyogs med 'phro te ye shes rtsal lnga'i rtag/ de rnams da lta nyams su blangs ba dang// 'od kyi zer la rig pa bcings kyi 'jus la 'gro// da lta tshig rtsub ngang gis
42b5 rang gis dor// 'od mdangs sbubs la bltas la nyams dga'i shes pas 'gro// snying po'i dkyil du phyin la phyogs med chen por lta// srid pa'i bar do lta sgom spyod pa'i thabs// bar do'i snang ba med par
42b6 sangs rgyas so// de rnams rang grol shes na 'das pa'i lam// rin chen shes la ngo sprad na// skar khung nyi ma shar ba'i tshe// gdangs la gsal ba'i shel phyar te// grib ma'i gseb tu 'od lnga 'char// 'od lnga'i
43a1 mdangs la 'od kyang 'phyar// gdangs gsal shel ni d+hU ti'i rtags// 'od lnga dwangs ma lnga yi rtags// 'od kyang 'phro ba sgo lnga'i rtags// 'od rang gsal 'dug pa la// sgom zhing btsal du med pa
43a2 yin// gdangs gsal shes pa nyid sems nyid brtags// 'char ba'i 'od lnga 'od gsal rtags// 'od kyang 'phro ba rig pa'i rtags// gdangs gsal shel ni 'bru lnga'i rtags// 'char ba'i 'od lnga dug lnga'i
43a3 rtags// 'od kyang 'phro ba'i 'khrul pa'i rtags// des na dug lnga 'khrul pa yang// spang du med de sems nyid rang// sgrub tu med de chos sku dang// btsal du med de ye shes gdangs// ye shes me long ngo sprad
43a4 pa// me long nang du snang ba rgyun mi 'chad// me long ngos la gos shing 'gyur ba med// nam mkha' stong pa'i me long la// snang ba'i gzugs brnyan ci shar yang// nam mkha'i klong la gos shing 'gyur ba med// sgo
43a5 lnga 'phrul gyi me long la// snang ba'i gzugs brnyan ci shar yang// sgo lnga'i klong la gos shing 'gyur ba med// 'bru lnga'i ye shes me long la// rig pa'i 'du 'phro ci shar yang// 'bru lnga mdangs la gos shing 'gyur
43a6 shi med// kun gzhi snying po me long la// skye shi 'gyur ba'i chos can ci shar yang// kun gzhi'i klong la gos shing 'gyur ba med// me long gdangs gsal chos kyi sku// lta mkhan ye shes rig pa'i
43b1 gdangs// gzugs brnyan sprul pa'i sku yi sa// des na me long dag la 'phrul gyi sku// dang po 'chi ba'i ltas bstan te// nam mkha' g.yu 'brug sgra chad na// zhag ni nyi shu rtsa gcig thub// bar ni glog lcam 'od
43b2 yal na// zhag ni bcu bzhi bcu drug thub// sa yi sems pa'i phra ngan na// zhag ni lnga'am bdun nas 'chi// de ni mtshan ma'i 'chi ltas te// de rnams zlog pa'i thabs chen yang// nam mkha' g.yu 'brug sgra chad
43b3 na// thun mong zlog pa'i thabs chen yang// tshogs 'khor rab 'bring tha ma btang// khyad par zlog pa'i thabs chen yang// bde gshegs spyi gtsug steng du byon// byang chub chu rgyun spyi bo'i gtsug tu thim// snang
43b4 srid thams cad 'od kyi phung por zhu// dug gsum phung po 'od po che// bar gyi glog lcam 'od yal na// thugs kyi dkyil nas ye shes nyi ma shar// 'od zer thams cad pa spu'i gseb nas 'bar// ting nge 'dzin
43b5 gyi bzlog thabs so// thun mong rdzas kyi bzlog thabs kyang// slob dpon rnams la gsar ba'i dbang bskur zhu// sa la sems pa'i pra ngan na// thun mong rdzas kyis ldog pa yang// mi rus khyi rus rta rus
43b6 gsum// ras kyi thum bu'i khud du dr-il// phyi ru sreg cing che nges gdab// chos ston rab 'bring rgyu dang sbyar la bya// ting nge 'dzin gyi bzlog pa yang// phung po yi dam lha ru bsams// khog pa a dkar yig 'brus
44a1 gang// ba spu'i gseb nas a dkar yig 'bru 'phro// tshe dang longs spyod a dang yig 'brus bsdus// bdag la thim pas shin tu gsal bar gyur// cis te las dbang gyur na// 'pho ba'i thabs
44a2 chen bstan pa yang// grong po grong 'jug 'pho thabs ni// bdag nyid 'od kyi phung po 'bar// nam mkha'i mthongs su bde gshegs sku bsgoms la// 'od kyi 'jam rnams bde gshegs thugs khar thim// yi
44a3 dam lha yang gsal la 'gag med shar// 'du byed las kyi bskyod srid na// grong bo grong 'jug 'pho thabs chen po yang// nang gi 'brel thag bcad na phyi yi stobs rnams 'chor// mkhal ma chu yi rtsa nyid mcher
44a4 pa sa'i rtsa la thim// kha sna chu mang rkang lag 'dar zhing smad rnams lci ba'o// mcher pa sa yi rtsa rnams snying nyid me yi rtsa la thim// lus kyi stobs shor sha rnams shor nas 'gro// snying nyid me yi kha rnams mchin pa
44a5 shing gi rtsa la thim// lus kyi sha khrag yal nas phyi ru drod rnams 'bar// mchin pa shing gi rtsa nyid glo ba rlung gi rtsa la thim// phyi nang rngam pa'i dgod cing sgyu ma'i zas dang bral// glo ba rlung gi rtsa rnams dwangs ma lnga
44a6 la thim// phyi ru rngam pa 'byung len nang du rngub mi shes// gsang ba'i mkhar lnga zhig na dbang po'i sgo lnga 'gags// rtsa yi dwangs ma zhig bas lus rnams gtad dang 'byar// khrag gi dwangs ma yal bas dang po'i
44b1 mdog bzhin nyams/drod kyi dwangs ma yal bas lus kyi drod rnams yal// dbugs kyi dwangs ma yal bas dbugs kyi rgyu ba chad// 'od kyi dwangs ma yal bas rig pa brgyal nas 'gro// brgyal ba sangs nas
44b2 mchog gi 'od gsal 'jig pa'i 'od dpung mthong// de yang chos sku'i gdangs yin the tshom med pas 'gro// thig le rnams ni gdug pa'i gcad gzan mthong// de yang ye shes bkrag yin nyams nga med pa'i shes pas 'go// ye
44b3 shes rtsa lnga bkrag pa'i mtshon char babs// de yang ye shes zer yin tsham tshom med pas shes pas 'gro// mi shes thig le drug rnams lam du 'char// dpa' bo 'bru lnga ye shes klong du
44b4 mthong// da lta goms shing shes pas bya ba rtsigs su che// grong 'kho grong 'jug 'pho thabs ni// mdun du yi dam 'dra 'bag bzhag/ yi dam khong pa hU~M gis dgang// rlung sgrom nyid nas hU~M 'phros te// yi
44b5 dam thugs kha hU~M la thim// hU~M rdzogs lus dang thugs khar thim// stong gsal chen por me re re// dam nyams gshis ngan bdud byung na// lus rnams ye shes 'od du 'bar// mno ngar rtsa 'u sor gnyis
44b6 pa// ltag pa'i bdud khung nyid du brdeg/ dag pa sprul sku'i 'pho thabs yang// lus po 'od kyi 'ja' ru bsgom// khog pa a dkar yig 'brus dgang// ba spu'i gseb nas a dkar 'phros// snang srid a ru me
45a1 re re// rig pa a ru bkra la la// thams cad stong par phya la la// nyin par nyams su blangs pa'i thabs// nyal khar nyams su blangs pa yang// snying gi dkyil nas shes rab nyi ma shar// ba spu'i
45a2 gseb nas 'od zer phyogs bcur 'phros// dran rig thams cad stong par wa la la// ma yengs nyal bar nyams su blangs// chos kyi sku ru 'pho thabs ni// rig pa rin chen sgron med gtad// gsal ba thams
45a3 cad ye shes sgron me yin kha dog med// dper na bar snang stong par nyi ma shar ba 'dra// snang ba thams cad sems nyid rang snang yin// dper na rgya mtsho nang gi chu gzugs 'dra// dngos po thams cad chos nyid
45a4 klong// dper na nam mkha'i che 'phrul sprin dang 'dra// bcos bas mi 'chos kun gzhi 'gyur med klong// bltas pas mi mthong chos sku rang gsal bkrag/ sgom pas mi rnyed snying po byang chub sems// 'pho 'gyur
45a5 med do bde chen klong// bgrod 'jug med do chos dbyings nyi ma brdal// nam mkha' mthong na stong nyid dran par gyis// smig sgyu mthong na sgyu ma dran par gyis// bar snang mthong na lta ba dran par gyis// chu
45a6 gzus mthong na bsgom pa dran par gyis// sdug bsngal mthong na dge sbyor dran par gyis// sna tshogs mthong na nges med dran par gyis// sems can mthong na rang grol dran par gyis// na tsha mthong na yi dam dran
45b1 par gyis// 'byung ba mthong na 'od gsal dran par gyis// bred cing dwangs par mthong na rmi lam dran par gyis// the tshom za ba mthong na bka' rgyud dran par gyis// rin chen rdzogs pa klong yangs che//
45b2 rtsa rlung thig le rdzogs par bstan pas thig le gsum gyis bskor// ces rang la rang grag go/ rin chen rdzogs pa ye shes rang 'bar ba'i rgyud ces bya ba thig le gsum gyi 'bras bu mchog chen po rdzogs
38b2 so// thig le ma 'gag chos skur shar// ye nas yin pa'i thig le la// sku gsum rtsa ba lam pa'i chos// gzhi las 'das pa'i thig le la// sku gsum ka nas ma grub pas// rgyu lam 'bral
38b3 bu nga yi dur// rig pa'i sku gsum chos las grol// lta sgom spyod pa nga yi dur// nga yi sgrib shing lta sgom yin// lta ba srog gi rtsa ba ma chod pas// rig pa'i ye shes sgrib pa yin// sems kyi sku gsum ma bstan
38b4 na// gol sgrib ma shes skyon du 'gyur// chos kyi sku gsum ma bstan na// gol sgrib 'dus byas skyon du 'gyur// thig le'i gsum ma bstan na// 'bras bu rang chas med pa'i skyon du 'gyur// sku gsum snang bar ma
38b5 bsgyur na// theg pa spy-i la bogs mi thon// ces gsungs so// bskal pa 'od ldan gyi rgyud las// sku gsum gtan la dbab ba'i le'u ste lnga pa'o//// de nas yang bcom ldan 'das kyis bka' stsal
38b6 pa// gsang ba'i bdag po khyod nyon cig/ lta ba ja log bstan pa ni// lta ba ni kun kyang mthun te kun ka min// so ma rnal ma ma bcos pa// phyi yi lta ba yin par bshad// stong pa khyab par mi 'gyur ba// nang gi
39a1 lta ba yin par bshad// rang bzhin mi 'gyur ngo bo gsal// rgyu rkyen med pa'i don de ni// gsang ba'i lta ba ja log yin// kun tu bzang po'i lta ba ni// shes bya gshis kyi 'dug tshugs la// rgya
39a2 chad phyogs zhen rang grol te// thig le khyab bdal chen po yin// zhes gsungs so// bskal pa 'od gyi rgyu las// lta ba ja log tu bstan pa'i le'u ste drug pa'o// yang bka' stsal pa// sgom pa ja log bstan pa
39a3 ni// sems kyis sems la lta ba dang// gnyen pos chags sngang 'gegs pa dang// mi gtsang rus thig la sogs pa// gnyen po rten nas sgom pa ni// phyi yi sgom par shes par bya// rtsa rlung thig le 'bebs pa
39a4 dang// rig ma dngos dang 'od kyi rig/ rang lus thabs su sgom pa dang// gtum mo sbor ba rlung gi las// gsang ba'i sgom par shes par bya// lha dang lha mo sgom pa dang// ye ge 'phro 'du'i sgom pa ni// nang gi
39a5 sgom pa yin par bstan// sgom pa ja log 'di lta ste// 'gyu ba phyogs med 'gro 'ong la// thugs rje gzungs kyi thag pa yin// rten gyis 'then pa'i rten sgom dang// rtsen rter ltas pa'i lta sgom ni// kor kor skong
39a6 pa'i steng sgom ni// thams cad lam du byas 'gyur na// sgom pa ma yin ye shes yin// ye shes blo las 'das pa de// 'char ram mi 'char bltas pas chag/ de yang dper na tsan dan gyi nags tshal me spar
39b1 bas// shing ma zad kyi bar du me ma shi zer te// dpe de dang 'dra bar// thugs rje gzungs kyi thag pa me lta bu de// sgom mnyam pa'i blo la yar btang bas// blo ma zad kyi bar du ye shes rtag tu 'bar te// blo zad
39b2 pas ye shes kyang 'bar ma nus so// chos rnams ja log dag tu bstan pas na// dpe yang ja log dag tu bstan pa ni// dper na dmyal ba'i gnas chen na// lcags kyi khro chu chen po la// shing gi gzhi dag ga la
39b3 grub// chu la me 'bar ga la sri// lcags kyi khro chu me ru 'bar// chu yis me la skol ba med// me srid de srid pa'i ja log yin// kun tu bzang po rang grol shes rab slob dpon med// ces gsungs
39b4 so// bskal pa 'od ldan gyi rgyud las// lta sgom sbyod pa ja log tu bstan pa'i le'u ste bdun pa'o// de nas bka' stsal pa// theg pa ja log bstan pa ni// phyi ltar bshad pa sems kyi chos// rgyu mtshan nyid kyi theg
39b5 pa dang// nang chos la brten pa'i theg pa dang// sngags phyi pa thub pa'i rgyud// gsang ba zabs la rten// ma hA a nu bskyed pa dang rdzogs pa'i chos thams cad// ja log dag tu bstan pa ni// 'jug pa'i sgo med
39b6 mthong yul kyang med// sgrub pa'i thabs la ma brten te// grub pa'i 'bras bu rang byung tha dad 'dod// dus dang gnas skabs dag gi 'bras bu 'dod// yang dag don las gol ba yin// de la ja log 'di lta
40a1 ste// 'jug pa'i sgo med ye shes khong nas shar// bsrung dang sdom pa dam tshig ja log ste// gny-is med zang thal med pas gang dang ci yin bsrung du med// dam tshig chen po bsrung ba'i khar mi
40a2 'bab// rtogs par bya ba'i yul med thabs re ltos khar mi snang// thabs kyi rgyal po rang grol chen po yin// 'bras bu rang byung lhun ye gnas la// btsal kyang sgrub pa'i 'bras bu 'phel 'grib
40a3 'gyur// thams cad 'dug tshul ye nas bcos med yin// rtog pa shar ba'i dus na ye shes thog babs yin// rang shar grol ba'i dus na ga pur sman 'gyur 'dra// zhes gsungs so// bskal pa 'od ldan gyi rgyu
40a4 las// theg pa rim dgu ja log tu bstan pa'i le'u ste brgyud pa'o// de nas lus sems ja log bstan pa ni// thog ma'i lus ni zang ma stong pa yin// bar gyi lus ni 'od du gyur ba yin// 'od lus 'gyur bas
40a5 sha khrag lus su tshud// 'od kyi dus su 'od kyi 'dzin pa ni// 'od kyi lus su 'dzin pa'i sems su snang// yid kyi snang ba gyur bas sha khrag 'dzin pa ltar// sha khrag lus dang rten 'brel pa// sems kyi mtshan ma
40a6 'di ltar shes par bya// rgyu ni pha yi sred pa ma yi len pa'i rkyen// gnyis 'dus sems kyi sred pa de ltar chags// chags pa'i rkyen gyis tshor ba ma rig pa// yid dang rnam shes dbugs dang bag chags
40b1 brtas// bag chags 'gyur ba sems kyi ja log yin// 'od lus yid dang sha khrag lus// bar dor ma tshud bar du sha khrag lus la gnas// gnas skabs bag chags lus sems bden 'dra ste// brtan du mi
40b2 bden bag chags dkar nag brje// gzhan nas rje ru med de rang gis rang la sgod// sems kyi ja log 'gyu ba ma shes shing// lus kyi ja log 'od gsal ma shes shing/ lu kyi ja log lhun grub ma shes
40b3 na// rtag tu chos sbyod byas kyang 'bras bu gtan mi bde// zhes gsungs so// bskal pa 'od ldan gyi rgyud las// lus sems ja log tu bstan pa'i le'u ste dgu pa'o//// de nas yang bka' stsal
40b4 pa// thugs rje'i byin rlabs ja log bstan pa ni// sku gsum rang snang thugs rje ste// sbrul pa'i sku'i thugs rje'i byin brlabs ni// 'char tshul rnam pa gsum du 'byung// bdag rig gzhan rag thams cad
40b5 pa/spyi ru sprul nas 'gro ba 'dren// dpal ldan sangs rgyas pad+ma skyas// rgyas sku lnga'i bdag nyid can// de ni thun mong sprul sku yin// byin gyis brlabs su snang ba'o// khyad par rang snang sprul sku ni// mchog gi
40b6 dang po sku gsum 'chang// sangs rgyas sku lnga'i bdag nyid can// lus mtha' dus mtha' srid mtha' rtogs// lus kyi mtha' ni rtogs pa'o// srid gsum dag pa chen po pa// dus gsum gcig ste khyad par
41a1 med// de nas rang grol sprul sku'i snod las sprul pa'i sku byung bas// 'byung ba chen po bcom ldan 'das// phyin ci log tu rnam brtags kyang// grol ba rang 'byung 'di nyid yin// don byed ma
41a2 'gags sbrul pa'i sku// 'di nyid yang dag sbrul sku yin// zhes gsungs so// bskal pa 'od ldan gyi rgyu las// thugs rje sprul sku'i byin rlabs ja log tu bstan ba'i le'u ste bcu pa'o// de nas bka' stsal
41a3 pa// longs sbyod rdzogs sku'i thugs rje yang// rnam pa gsum du rig par bya// thun mong khyab par longs sku dang// sgrub pa'i yid kyi longs sku dang// ngo bo nyid kyi longs sku gsum// sangs rgyas rnam mdzad
41a4 che// ye shes skar ma lham me pa// gzhi la gnas pa'i sku lnga po// 'gro ba rgyud la char ltar snang// yig 'bru spro bsdu'i byin rlabs kyis// thugs rje mi bde sel pa ni// sgrub pa'i yid kyi longs sku yi// byin
41a5 rlabs yin par shes par bya// 'byung chen rnam lnga longs skur snang// snang ba chen po gsal ba che// byin rlabs yum lngas 'gro don byed// phyi yi ngo bo longs skur shar// de ni thun mongs longs sku'o// khyad par
41a6 rang snang longs sku yin// rig pa'i ye shes rang gdangs la// 'gyu ba'i longs spyod rtag tu byed// rtag lta khong khro longs sku yin// bar do longs sku dngos su 'char// sangs rgyas sku lnga'i bdag por snang// de
41b1 ni rang snang longs sku yin// zhes gsungs so// bskal pa 'od ldan gyi rgyud las// longs sku ja log tu bstan pa'i lale'u ste bcu gcig pa'o//// chos sku ja log bstan pa ni// thun long chos sku rnam
41b2 gsum// dbyings med kha dog med pa dang// gnyis med dbye ba med pa dang// dbyer med chos sku rnams gsum ni// dpe ni nam mkha' dang 'dra ste// sprin dang char gyi tshul gyis ni// sku gnyis byung nas don
41b3 byed pa// phyi yi sku gsum thugs rje yin// khyad par rang snang thugs rje byin rlabs ni// rnam pa gnyis su shes bya ste/ rig pa'i ye shes rang gdangs la/ 'gyu ba 'gag pa med pa de// byin rlabs 'gag pa med
41b4 pa yin// gnyis pa rangasnang rang grol te// ye shes zang thal ye yin pas// longs sku 'gag pa med pa yin// thugs rje ja log ma shes na// thugs rje 'od kyi re ba ni// de ni phyi dus btab pa yin// rnam grol
41b5 gsum pa la mkhas pa'o// shin tu zad pa sad pa'i bdag/ ces gsungs so// bskal pa 'od ldan gyi rgyud las// chos sku ja log tu bstan pa'i le'u ste bcu gnyis pa'o//// yang bka' bstsal pa// ja log
41b6 rnam gsum lam du dkyer ba ni// thig le chos med zang thal chen po las// rang byung ye shes rgya ma chad pa yi// snang 'gag pa med par shar ba de// rang byung rang snang yin par ye shes na// yin par shes pas
42a1 rgya chad phyogs lhung med// yin par ma shes rgya chad phyogs su lhung// rangasnang dag pas lus bzhi'i khar mi 'gro// zhes gsungs so// bskal po 'od ldan gyi rgyud las// rang snang lam khyer gyi le'u
42a2 ste bcu gsum pa'o//// de nas bka' stsal pa// rang rig ye shes lam du bkyer ba ni// rang gi 'gyu ba phyogs med 'char ba de// rig pa khyab gdal chen po'i rtse la du shes par bya ba ni// 'gyu ba skyes
42a3 tshad ye shes grogs su 'gyur// 'gyu ba rig pa'i rtsal du ma rtogs na// zhi gnas bsam gtan ye shes ga la skye// bsam gtan ye shes 'gyur ba rang grol yin// phyogs lhung med pa'i rangarig rang gis
42a4 ltos// ma ltas mthong ngo zer ba glen pa'i nga rgyal yin// bltas nas ma mthong zer na rkun po smyon pa 'dra// zhes gsungs so// bskal 'od ldan gyi rgyud las// rang rig lam khyer gyi le'u ste bcu bzhi
42a5 pa'o//// de nas yang bka' stsal pa// gsang ba'i bdag po khyod nyon cig/ chos sku thugs rje ja log bstan par bya// chos sku'i thugs rje ja log pas// snang dang mthong dang 'dzin ma dag/ 'ug mig srin
42a6 bya'i mig dang ni// thig gu sbrul du mthong ba bzhin// chos sku'i thig le tsha grang la sogs 'gro drug gis// bdud du 'khrul pas sems can sbyong// thub drug mthong yang chos kyi rgyal po sogs// 'dren du 'ong
42b1 bas slar la srog gcod mthong// rigs lnga'i phyag mtshan mthong bas ni/ spu gri la sogs rang lus gshog la sogs// phyag mtshan sku mdog slar yang bdud du che// rab bdud dgongs pa sgrags pas ni// rtog
42b2 song chos la sogs pa'i sgra ru 'gyur// snang 'dzin mthong ba log pa'i 'bras bu yin// da ltar snang 'dzin rang las 'dud du che ba med// med par ma shes sangs rgyas dgra ru langs// chos sku rgyab log byas shing
42b3 rig pa bdud du babs// 'gyu ba phung mkhan dbugs med zang thal de// rang srog rang gis mi chod ci la srid// 'gyu ba srog gcod gdams ngag ma shes na// ngo sprod kha 'jam rang gi byas chos yin// rig pa'i
42b4 chos nyid ye shes sku mkhar nas// shes rab 'gag med pa'i mi po yis// 'gyu ba'i mig la mda' gcig ma brgyab na// rtag tu ngo sprod byas kyang sangs rgyas dgra ru sdang// zhes gsungs so// bskal pa 'od ldan
42b5 gyi rgyud las// thugs rje ja log 'gyur ba mda' bsdeg gi le'u ste bco lnga pa'o//// de nas yang bka' bstsal pa// 'gro ba'i bla ma ston pa yin// sprul pa'i sku ste sku yi mchog/ longs spyod rdzogs sku'i
42b6 bdag nyid can// chos sku dngos su ston pa yin// bla ma chen pos bstan pa ni// sku gsum rang lus mtha' yang rtogs// sprul pa'i sku ru shes par bya// dus kyi mtha' dang gnas skal mtha'// rab 'bring tha ma
43a1 yang rab kyis// mtha' gsum mtha' ni gcad pa'i phyir// dus gsum dus med rtogs pa'o// dad la rang lus dus kyi mtha'// 'gyu ba phyogs med 'gro ba de// rang rig ye shes lhag mthong
43a2 gis// lhangs kyis ltos dang sal gyi 'byung// lus ni sngar zhen sgrib ba yin// nyon mongs sgrib pa rang grol du// lhangs kyis ltas na lus mtha' rtogs// rtog ge kha 'jam shor ba dang// mas 'dzeg chos sbyod
43a3 lhan pa can// lus kyi mtha' ni ma rtogs so// gnas kyi mtha' ni bar do la// las kyi sgrib pa rang grol ba'i// 'gyu ba rkyang pa bya sgro 'dra// lhun grub lhung po g.yos tsam na// lus bzhi sgrog skyibs byed ba
43a4 'dra// bya sgro rlung gis khyer tsam na// grog po'i nang du 'gro ba ltar// dus kyi mtha' ni bar do ru// sangs rgyas kun tu bzang po de// thog ma'i 'khrul pa bar do brda// tha ma 'jig rten shes nas ni//
43a5 rang grol rang snang rang shar nas// gyi lugs dag tu sangs rgyas dang// 'gyu pa rkyang pa 'di gnyis la// bar na ci yang med pa yin// thugs rje ja log shes par gyis// dus kyi mtha' ru shes par gyis// kun bzang
43a6 dgongs pa bstan pa ni// gnas skabs skad cig ma yongs yin// skad cig thams cad byed brag phyed// skad cig gcig la rdzogs byang chub// shes bya'i sgrib pa der grol nas// thig la chos ming yangs pa'i
43b1 klong// snang 'dzin dag bas mngon sangs rgyas// zhes gsungs so// bskal pa 'od ldan gyi rgyud las// ja log skor gsum le'u ste bcu drug ba'o// kyai rigs kyi bu// go bar dka' ba'i tshig 'di zung zhing// bya
43b2 bla ba'i las 'di gyi shig/thig le chos min yangs pa chen po'i klong na// nga rig pa chos min gyi sku ni// dus thams cad du bltar med pa yin no// bltas na bdud la bsgoms par brlag go/ spyad na 'chal la
43b3 sgrubs na gtor// thams cad du ma bsgribs pa'i ye shes de// ka nas pa'i ye shes la// rgyu rkyen gyi 'khrul pa'i pa'i tshig mi 'jug/ rgyu rkyen med par rag ma lus// gnyan pos chom pa'i gnas skabs
43b4 med// gzhi yi thig le chos min gyi sku de// bral bzo'i khar ma gtong zhig/ ye nas gzhi lam dbyer med 'di// 'bad rtsol chu la ma bskur cig// thams cad ye nas grol ba 'di// thun du chug la ma sgom
43b5 zhig/snang ba rang grol gyi thig le ye brdal 'di// gnyis snang gi kha ru shor te mchi'o// zhes gsungs so// skal pa 'od ldan gyi rgyud las// go bar dka' ba brda'i le'u ste bcu 'dun pa'o//// de nas
43b6 yang bka' stsal pa// gsang ba'i bdag po legs par nyon cig/ thig le yangs pa'i klong rum nas// snod bcud thams cad ye shes su dril bas na// 'byung brda lnga dus gcig la zad pas// btso sreg la
44a1 sogs pa'i khar 'grongs med do// de'i klong bya btsal dang bral bas// ye shes kyi rang lugs la phung po ma grub pas// na tsha bkres skom gyi sdug bsngal rang grol bas// chos spyod bcu'i las byar
44a2 med do// chos las 'das pa yin pas// ye shes chos kyi sku zhes bya'o// rig pa chos min gyi ye shes ka dag pa la// sku gsum ka nas ma grub pas// chos sku nam mkha' lta bu la re stos med na// ye shes khong
44a3 shar gyi rang grol yin no// 'byung ba lnga zad phung po lnga las grol// rang rig pa'i ye shes khong nas shar// 'di la bya btsal rtsol sgrub ci yang med// med pas thig le chos med yin// zhes gsungs so// bskal
44a4 pa 'od ldan gyi rgyud las// rang grol rang shar gyi le'u skabs bco brgyad pa'o//// de nas yang bka' stsal pa// gsang ba'i bdag po nyon cig/ thig le chos kyi sku yi snang ba la// re zhing sgrub dang 'bras bu
44a5 'dod// de ni nga yi gol sa ste// nga yi gzhi las 'chos pa de// thig le chos min dam tshig 'das// 'gyu ba phyogs med 'char ba ni// thig le chos min nga yi lam// de yi ngang du lta ba de// de ni thig le chos min
44a6 lta stangs yin// ye shes zang thal rang shar la// dus med rtag tu lta ba de// de ni nga yi dam tshig yin// rang las 'gyus pa rang grol bas// de ni nga yi dgongs pa yin// ye nas yin par shes pa de// de ni nga
44b1 yi mkhyen tshad yin// rang las rang grol rang sad pa// de ni nga yi 'bras bu yin// lhun grub thig le chaus min la// gnyen pos bcun la sgom du med// de ni nga yi grub mtha' yin// de ni kun gyi rang grol
44b2 du// lhangs kyi rtogs pa'i ngo bo ni// stong gsal kun khyab sna tshogs 'byung// kun gyi gzhi mar gnas pa'o// thams cad kyi bdag nyid du 'dug pa'o// thun mong ma yin pa'i 'dug tshul// yin tshul dbye ba med
44b3 pa// rtogs tshul thig le chos min du rtogs pa// shar tshul rnam rtog ye shes su 'char ba// grol tshul rig pa chos min gyi ye shes// rig pa khong grol du rang shar ba// thob tshul thig le dang ye shes
44b4 mkhyen tshang thob pa'o// zhes gsungs so// bskal pa 'od ldan gyi rgyud las// rig pa ye shes gtan la dbab pa'i le'u ste bcu dgu pa'o//// de nas yang bka' stsal pa// rdo rje sems dpa' nyon cig/ rang rig
44b5 pa'i ye shes la dpes bstan gyis// zhes gsungs nas// rig pa chos min gyi ye shes de la// sgrib g.yogs gdod nas dag pas// dpe shel sgong dag pa lta bu'o/ ma brtsal ba grub pas nor bu rin po che lta
44b6 bu'o// sna tshogs su snang yang rang bzhin med pas// chu zla lta bu'o// de'i rtsal mi 'gag pas// rlung lta bu'o// rgya gar yang ma chad cing// phyogs gar yang ma lhung bas nam mkha' lta 'o// 'bad rtsol med pas
45a1 khyung chen lta bu'o// skad cig la rang sa non pas seng ge mchongs ba lta bu'o// snang ba thams cad rang grol du snang ba ni thag pa sbrul lta bu'o// phyogs ris med pa nyi ma phyed kyi dkyil lta
45a2 bu'o// zhes gsungs so// bskal pa 'od ldan gyi rgyud las// rang rig pa'i ye shes la dpe ngo sbrad pa'i ste nyi shu pa'o// yang bka' rtsal pa/ gsang ba'i bdag po khyod nyon cig/ lta ba kha 'jam shor ba
45a3 dang// thig le chos min klongs pa gnyis// 'dra 'dra 'dra ste nor bar mchi// sgom ba sems 'dzin sbyod ba dang// 'gyu ba lam du slongs pa gnyis// 'dra 'dra 'dra ste nor ba mchi// ye shes lha yi lung ston
45a4 dang// bar chod bdud kyi khung ston gnyis// 'dra 'dra 'dra ste nor ba mchi// tshogs drug lhug pa'i rnal 'byor dang// rang rgyud lhug pa'i rnal 'byor gnyis// 'dra 'dra 'dra ste nor ba mchi// snang ba lam du khyer ba
45a5 dang// zhe 'dod lam du khyer ba gnyis// 'dra 'dra 'dra ste nor bar mchi// gsang spyaud byed pa'i smyon pa dang// gnod gyis brlams pa'i smyon pa gnyis// 'dra 'dra 'dra ste nor bar mchi// bka' rgyud dad pas
45a6 gdungs pa dang// chos pa 'og rus byed pa gnyis// 'dra 'dra 'dra ste nor bar mchi'o// zhes gsungs so// bskal pa 'od ldan gyi rgyud las/ 'dri min ngor bzung ba'i le'u ste nyer cig pa'o// de nas yang bcom
45b1 ldan 'das kyi bka' stsal pa// gsung dri ma med pa'i gsung// thugs dri ma med pa'i thugs// sku dri ma med pa'i klong nas bshad pa// thams cad rang grol du 'byin pa'i thugs la chong dang// kha sbub dang/ dug
45b2 can dang// zhabs rtol dang// gzhog ral dang bzhi la// shes rab bzhis sgau phye// ye shes gsong gi sgo ston// thabs kyi 'dren sgor phyung// nges pa'i gsang sgo brtol// rig pa ye shes kyi gsang lam du
chug/

CLOSE WINDOW