36b2 / dpal be'u glo bar sgrel ba'i rtsa// gro sog tsam nas sprul sku zer du 'phro// gdod nas thugs rje yi 'brur gnas// phyir 'phros hU~M hU~M rang sgrar chas// tshur la sdud tshe dbugs dang sems// oM oM
36b3 rang grol rang byung gnas// dbugs de rang bzhin gnas pa'i bar// skye med a la rig pa 'od du gsal// hU~M dang oM gnyis gzung 'dzin thugs rje zer la rol// de rtags byad la hU~M sgril kha sprod nas// la nyid a la
36b4 kha nyid oM// sku gsum thig le yi ge 'bru gsum gnas// de yi rang bzhin ye shes lnga 'od 'phro// sprul sku sha khrag sbubs na rang bzhin gnas// lce yi dbang po dag la ni// shes rab spyan gyi rang bzhin dran rig
36b5 gnas// sgo lnga dbang po dwangs byed rtsa nas gsung gi sgo mor gsal// rang grol thugs rje gdod nas rang shar ba// sprul sku bag chags sbubs na bzhugs shes bya'o// chos sku rin chen sbubs na bzhugs pa
36b6 ni// sgrol ma chu yi rgyang zhag nang nyid na// rang bzhin gsal la dwangs pa'i rtags// spang byar ldan pa rin chen dbyings su gnas// de dbus chos sku rig pa ye shes gdangs// ngo bo stong gsal rang bzhin
37a1 dwangs la rig/mtshan nyid dag la spros pa'i mtha' las 'das// rang shar rig pa rang grol 'od gsal lo// chos sku rin chen sbubs na rang chas shar// chos nyid spyan ni stong gsal 'gag
37a2 med la// rin chen rgya mtshor 'brel ba d+hu ti tsit+ta 'char// dbyer med chos sku 'od gsal gdangs kyi sgo mo sgron mar gsal// rang gsal rang grol 'char ba la// dwangs snyigs gnyis su snang bas ye shes rtsal
37a3 ma rdzogs// bag chags sbubs kyi dri mas 'od gsal lung ma thob// gzung 'dzin rtog par gzung bas rang rig mkhyen pa sgribs// chos sku rin chen sbubs na bzhugs zhes bya'o// lus ngag yid gsum ngo bo'i
37a4 gdan// dbyer med gcig ste tha dad dag las 'das par gnas// longs sku ye shes gsal ba la// snyigs ma 'od lnga zer ni rang grol rol par gnas// sprul sku thugs rje 'bru gsum snying po 'od// snyigs ma
37a5 gzung 'dzin zer 'od rang grol rol par shar// chos sku ye shes rig pa'i rang gdangs rang rig pa// snyigs ma 'od zer gsal ba phyogs bcur 'phro// 'phro yang chos nyid ma 'das rol pa thim// chos sku'i
37a6 rol par ye shes rang chas shar// de yi rol pa longs sku ste// longs sku gsung gi yig 'bru las// sprul sku thugs rje zer du 'phros// 'phro yang rtsal gyi rol snang ngo bor gcig/ bden pa dbyer med ngo bo
37b1 las// ye shes lnga yi rtsal shar bas// ma bu gnyis med rang grol lo// sku gsum rang chas rang la gnas pa la// sku gsum ye shes 'char sgo sgo gsum zang thal te// de yi lam nas spyan gsum ye shes sgrib
37b2 med rtogs// dus gsum rang grol dag tu mngon sangs rgyas// seng ge sgra sgrogs nyi zla kha sbyor las/ 'gro la sku gsum rang chas kyi le'u ste sum cu pa'o//// kye/ bcom ldan thugs rje thabs kyi bdag/ de
37b3 ltar sku gsum rang chas na// da ltar mthong stangs ji ltar lags// ma rtogs ngo sprad ji ltar bgyi// bka' stsal pa/ bag chags sha khrag sbubs tshud pas// rab rib can gyis bltas pa bzhin// log pa'i snang
37b4 bar 'khrul pa ste// snying po'i don nyid mthong mi 'gyur// dper na rang gi byad nyid kyang// me long dag gis mtshon te bstan// 'khrul pas rang ngo rang mi snang// de bzhin gdams ngag gnyis brten nas// snying
37b5 po'i don 'di bstan pa las// log rtog blo yis don mi rnyed// dpe yis shes par bya ba'i phyir// ngo sprod bzhi yi brda yang sbyar// e ma ho/ gsang bdag nges par gzung// chos sku rang byung ye shes chen po
37b6 la// gnyis med ston pa tshig las 'das// mi skye mi 'gag rang bzhin rnam par dag/ yon tan snang tshul brda yis mtshon// stong khyab 'gyur med g.yos pa med// dag cing gsal ba gos pa med// phyi nang med
38a1 pas gzung 'dzin bral// nam mkha' rdo rje rgya mtsho dang// shel dang nyi ma pad+ma yis// mtshan nyid dang ni ldan pa ru// rang rig 'khor la brda don sbyar// rtags dang don dang dpes mtshon
38a2 pa// rtags la mthun dpe dmigs yul ston// mtshon tshigs gnas pa'i dbang por bcug/ skal ldan rgyud la rig par gyis// zhes seng ge sgra las/ chos sku ngo sprad pa'i le'u ste so gcig pa'o//// kye/
38a3 bcom ldan thugs rje thabs kyi bdag/ longs sku ngo sprad gsungs pa ni// thugs rje rang byung nang nas bka' stsal pa// ye shes rtse gcig dgongs pa ste// ye shes lnga yis rang gdangs las// rgyal ba sku lnga
38a4 'khor dang bcas// chos nyid glong na 'od gsal ba// ye shes rtse gcig dgongs pa ste// gnyen lcug 'khril ldem rgyan gyis mdzes// gsal 'tsher lhun sdug 'od zer 'phro// rnam rtog mi mnga' sa le ba// snang
38a5 la dngos med ye shes lhun gyis grub// 'ja' tshon chu zla me ltar 'dra 'bag bcas// snod ldan rgyud la gdams ngag gnyis kyis spras// zhes seng ge sgra las/ longs sku ngo sprad pa'i le'u ste so gnyis
38a6 pa'o//// kye/ bcom ldan sku lnga 'od snang nas/ bka' stsal pa/ bde gshegs lnga yi snang ba ni// rang rang so so'i mtshan ma 'od du gsal// gsal la mi gnas ye shes dag pa'i spyan// mtha' dbus med
38b1 par rang bzhin 'od gsal ba// 'gag med sprul sku dus dang gnas skabs sbyar// me mar 'od khyim me long ngos la bstan// brda don rtags su shes par gyis// seng ge sgra las/ sprul sku ngo sprad pa'i le'u ste so
38b2 gsum pa'o//// de nas ston pas 'du 'bral med pa ngo sprad pa// rang rig chos sku gsal la rtog pa med// ye shes lnga yi mtshan nyid dang ldan la// snying po sku lnga ye shes lhun grub 'char// de yi snang ba ye
38b3 nas 'od gsal ba// nyi ma'i snying po 'od dang zer du chas// gdams ngag snod ldan ngo yang sprad// sprul sku gnas lugs rtogs byed pa// rdzogs chen 'od gsal kha sbyor dag la sprad// longs sku gnas lugs
38b4 rtogs byed pa// ma hA 'dra 'bag ngo yang sprad// sku gsum dbyer med ngo sprad pa// a nu ngo sprad nyi ma'i snying pos sprad// ces nyi zla kha sbyor las/ sku gsum dbyer med ngo sprad pa'i le'u ste so bzhi
38b5 pa'o//// kye/ bcom ldan thugs rje thabs kyi bdag/ sprad yul bzhi la dpes mtshon pa/ kye/ rigs kyi bu dag nges par zung// rdo rje sems dpa'i me long 'di// chos sku dngos ni ma yin te// mtshon dpe
38b6 'od gsal rtogs par gyis// sku gdung man shel rin chen zur lnga pa// man shel phyi nang med pa bzhin// chos sku phyi nang med pa yin// man shel ngo bo zang thal bzhin// chos sku ngo bo zang thal yin// man
39a1 shel dri ma med pa bzhin// chos sku dri ma med pa yin// man shel rkyen mang nang nas 'od lnga 'char ba ltar// chos sku ye shes lnga 'od khong nas 'char// de nas longs sku dpe bstan pa// me long
39a2 g.ya' dag nang du lugs sku gzhag/mdun du maN+Dal steng du dmigs rten de gzhag go/ shes rab g.yas pa'i drung du man shel phyar// bar snang rig pa'i sgron mas ye shes sgo yang blta// 'ja' tshon 'bar ba'i
39a3 sku nyid mkha' la 'char// longs sku dngos med longs sku dper shes bya// sprul sku dpe yis mtshon bya ba// me long ngos la bris sku 'char// gsal mdangs sna tshogs snang yang dngos ma grub// sprul sku cir snang
39a4 me long gzugs brnyan ltar// snang yang ye shes chos dbyings don// dngos med rgyu la dpes bstan pa// sku gsum dbyer med nyi ma'i snying po'i dpe// sku gsum 'bral med nyi ma zer 'od 'dra// nyi ma rgyu rkyen
39a5 med pa lhun grub ltar// sku gsum rang byung rgyu rkyen med pa yin// nyi ma 'od zer sna tshogs 'phro ba ltar// sku gsum rang byung 'od zer dpag med 'phro// nyi ma sgrib med zang thal dag pa ltar// chos sku sgrib med
39a6 zang thal dag pa'o// nyi ma'i snying pos 'gro don byed pa ltar// chos sku sku gsum rang byung 'gro don mdzad// chos sku nam mkha' ltar bur rang bzhin stong// rdo rje lta bur ngo bo 'jigs 'bral med// rgya mtsho lta
39b1 bu thugs rje rlabs mi 'gag/shel ltar dag pa pad+ma lta bur skyon ma gos// longs sku ye shes 'ja' tshon sku// chu zla bzhin du ngos gzung med// me long gzugs ltar reg pa'i dngos ma grub// sprul pa kham pa'i
39b2 mi mo khog stong na// sgo lnga bu gar btod nas mar me nang bcug pas// lus kyis bsgribs kyang sgo lnga bu ga zang thal 'od du gsal// de bzhin sprul sku bag chags sbubs nang nas// ye shes zang thal 'od
39b3 gsal sgo lngar 'char// shes rab ye shes 'gro don thugs rje lam skad do// phyi yi snang ba rtog pa rags pa ni// lus kyi 'khrul rten skye gnas kha yang brgyud// snang la rang bzhin dngos med pas// ye shes zer
39b4 la 'khrul rtog brtas// rtog pa de nyid chos dbyings sgyu ma ngo yang sprad// me long dag pa'i ngos la gzugs brnyan sna tshogs 'char// bltas pas me long ngos la sna tshogs dwangs la gsal// rang bzhin 'gag
39b5 med sna tshogs mtshan nyid stong// spros med me long nang du snang ba dag/ de bzhin rgyang zhag chu yi sgron ma la// 'dra 'bag sna tshogs phyi yi snang ba 'di// rang rig gdangs kyi 'od la bltas pa'i tshe// snang tsam nyid
39b6 na ngo bos stong pa dwangs la gsal// gsal tsam nyid na rang bzhin dag pa sprul pa'i sku// rang bzhin 'gag med gsal stong longs sku'i ngang// spros med sgron mar snang ba dag la chos sku thugs
40a1 kyi gter// snang ba sku gsum dbyer med bde chen ye shes sprad// nyon mongs ye shes klong du ngo sprad pa// sgo lnga sems ni chu dang 'dra bas bag chags sdud// ye shes me dang 'dra ste rtog sgrib
40a2 bsreg/dper na man d+ha ra ba chen po yang// zla ltar bsil bas me tog gzung bar byed// nyi ma shar ba'i dus su rgyas shing gsal 'od 'bar// de bzhin sku gsum dri med dag pa la// dri med dag pa'i
40a3 gdams ngag tshig brjod pas// don dam nyid kyi spros bral rang shar nas// zla ltar gzung 'dzin dag nas nyi zla ye shes ngo yang sprad// nyi zla kha sbyor dgongs pa tshad du skyol// ye shes sgyu ma'i ngang la rig pa'i
40a4 rgyal po ni// 'od gsal 'khor dang mnyam bzhugs me long gsal la dag pa ltar// snang la dngos med rgyu rkyen rag ma las// thun mong ma yin khyad par dgongs pas 'phags// bde 'o yangs so sangs rgyas ye
40a5 shes lus// shes byas shes pas don nyid khong chud pas// thams cad mkhyen pa'i gzigs snang ngo bor gzigs// zhes seng ge sgra'i dgongs pa nyi zla kha sbyor las/ sems rtogs rang sa dgrol ba dpes sku
40a6 gsum ngo sprad pa'i le'u ste so lnga pa'o//// kye/ bcom ldan thugs rje thabs kyi bdag/ nang rtog pa phra ba'i gzung 'dzin gyis// sems kyi 'khrul rten bag chags kha yang brgyud// rang grol ngo sprad ji ltar
40b1 lags// bka' stsal pa/ nyon mongs lnga yi snang ba yang// sgo lnga rang thad zer la bdag la gdos bcas rtog par gzung// ye shes lnga yi zer las 'khrul rten byas// de nyid ye shes ngang las ma 'das pa// rmi
40b2 lam lta bur ye shes ngo bor grol// nyon mongs dngos grub zang thal rig pa zer// dper na gangs dkar rdos par sra gyur yang// snang ba'i tshe na chu yi ngo bo yin// nyon mongs gzung 'dzin bral ba'i rig pa
40b3 de// 'khor ba rang grol sangs rgyas thugs su nges// de nyid dpe ste gdams ngag ngo sprad pa// man shel rgyal pa'i ring bsrel khri 'phang lnga// skar khung 'od la man shel nyi zer 'char// bltas pas shel gyi ngo bo
40b4 stong gsal phyi nang med// gsal dwangs 'od lnga kha dog nang nas 'char// shar yang snang la dngos med 'od du gsal// de bzhin sgo lnga 'od la rig pa shar ba'i tshe// rig pa'i ngo bo phyi nang med par gsal la
40b5 dwangs// rang bzhin med kyang nang nas ye shes 'od lnga 'char// ye shes rang snang zang thal rig pa 'gag med gsal// lha yi khye'u phyag sor nyi ma phyir bltas pas// nyi ma'i rkyen gyis thig le 'od lnga 'char// de
40b6 bzhin rig pa rang zer la sogs yul rkyen gyis// ye shes snang ba nyon mongs lnga snang yang// ye shes lnga yi ngang las gsal ba las// gzhan snang ma yin ye shes 'od gsal lo// shel 'od rnam lnga 'phro ba chos
41a1 sku'i rgyan// de las 'od kyang 'phro ba thugs rje sprul pa'i sku// shel de rang bzhin dwangs gsal rigs pa chos sku'i dpe// shel nyid rig pa'i dpe la 'od lnga sgo lnga dpe// 'od kyang zer du 'phro ba
41a2 gzung 'dzin sems kyi dpe// 'od lnga 'od kyang dbyer med gcig ste man shel ngo bor grol// gzung 'dzin ye shes dbyer med rig pa'i ngang la grol// kun gzhi rang rtsal ye shes 'od zer la// 'gyu mi 'gyu ye
41a3 gsal ba dran rig gis// ye shes mi g.yo rig pa sbubs su 'khrug/ 'gyu yang dngos med zer gyi gsal 'grib yin// rig pa chos kyi sku la sgrib med 'gyus pa med// nyi ma'i snying po sog ma'i sbubs bltas
41a4 pa// 'od lnga kha dog sna tshogs gsal 'tsher gdangs// de bzhin rig pa chos sku kha dog sna tshogs 'bar// gsal la dwangs pa sgron ma nang na gsal// sku gsum dbyer med nyi ma zer 'od dpe// bag chags
41a5 rang grol sprin bral nyi ma bzhin// de nyid lam du khyer pa dgongs pa rang shar ro// sku gsum dbyer med ye shes gdangs la ngo yang phrad// nyi zla kha sbyor seng ge sgra sgrogs las// rtog pa phra rags ye shes dpes
41a6 ngo sprad pa'i le'u ste so drug pa'o//// kye/ bcom ldan thugs rje thabs kyi bdag/ rang la gnas pa'i sku gsum snying po'i don// rang dbang rang la ma thob pas// dbang gi lam rim ji ltar
41b1 bgrod// bka' stsal pa/ dbang la rnam pa gsum du bstan// gzhi la rdzogs tshul bstan pa dang// rim par babs lugs bstan pa dang// ji ltar bskur ba'i rim pa'o// gzhi la rdzogs par bstan pa ni//
41b2 'od gsal 'gyur med chos sku la// 'gag med ye shes rnam lngar shar// rang bzhin 'od gsal gzhan snang ba'i// rin chen 'od 'bar sku gsal ba'i// nyid las mi zhan dbang gi chu bo bzhi// ma bskur rang
41b3 bzhin ye nas gzhi la rdzogs// rigs lnga sku lnga thugs rje ma 'gags pas// sgo lnga khrag 'thung he ru snga phyir shar// thugs rje rang byung dbang gi chu bo bzhi// ma btsal gzhi la ye nas rdzogs par gnas// de nyid
41b4 ye shes rang shar rang la shar ba de// ye shes lus can ngang la gnas shing ngang du grol// ye shes chen po dbang gi chu bo bzhi// ma btsal ma bskur gzhi la ye nas rdzogs// de nyid mtshon pa gsung gi yi ge
41b5 ni// a oM sa hU~M ha rin chen yi ge lnga// ma btsal gsung gi zer 'od ye gnas pas// dpa' bo 'bru lnga dbang gi chu bo bzhi// ma btsal ma bskur rang la ye nas rdzogs// de phyir sku gsum rang dbang ye shes
41b6 gzhan mi rig/rgyu rkyen gzhan gyi dbang gis sku gsum bgrod ma yin// dper na bra bo nas kyi 'bras bu bskyed 'dod ltar// sku gsum rang la rdzogs pa la// byas shing ma bcos pas zad med 'phel ba
42a1 med// seng ge sgra sgrogs theg dman zil gyis gnon pa'i rgyud las// chos sku dbang bzhi rdzogs lugs bstan pa'i le'u ste so bdun pa'o//// kye/ dbang gi babs lugs bka' stsal
42a2 pa// rim pa'i bka' babs bshad pa la/ khyab bdal ye shes snying po'i don// shes rab rang bzhin chos nyid ye shes rtsal// chos sku 'gyur med rol pa'i ye shes lnga// rigs bzhi ngo bor shar ba'i longs sku'i
42a3 gtso// de bzhin gshegs pa kun snang ye shes la// chos sku rang gi ngo bor yas babs dbang gi chu bzhi rdzogs// sku gsum mkhyen pa ma 'gags pa// gzhi nyid chos skur 'gyur ba med pa las// shes rab
42a4 'gag med longs sku'i dbang thob bo// shes rab 'gag med sku bzhi shar ba des// nyid las mi zhan sku bzhi zhal gzigs pas// thugs kyi rang bzhin rig pa rang gsal mkhyen// shes rab rang bzhin
42a5 longs spyod rigs lnga sku lnga yis// dbang gi chu bo rang dbang yas babs thob// de bzhin rigs bzhi sems dpa' sems ma la// rang dbang yas babs ye shes bskur nas thob// nga ni sprul par shar te
42a6 rdzogs pa'i tshe// thugs kyi klong na rang dbang rang babs thob// ngas mthong zhing rtogs te gsal ba'i tshe// de tshe ngas rtogs pa'i rang dbang ni// skad cig gcig la de bzhin nyid du thob// de bzhin khams
42b1 gsum 'gro drug thams cad la// dbang gi chu bo bzhi gnas pas// ma bskur dbang gi chu bo ye nas rdzogs// rig na rig pa'i rtsal dbang rang la thob par 'gyur// de phyir ngas ni 'gro la ye rdzogs lung bstan
42b2 to// zhes seng ge sgra nyi zla kha sbyor las// longs sku'i dbang yas babs kyi le'u ste so brgyad pa'o//// kye/ bcom ldan thugs rje thabs kyi bdag/ sprul sku yas babs bka' stsal pa// sprul sku dga' rab
42b3 rdo rje la// sprul sku rdo rje sems dpa' yis// ye shes lha yi rang dbang mngon du bskur// de nyid du yid ma de nyid thob pa'i dbang yas babs so// rgyal po in+d+ra bo d+hi la// gsang bdag rdo rje 'chang chen
42b4 gyis// po ti glegs bam gsum gyi rang dbang mngon du bskur// slob dpon pad+ma 'byung gnas kyis// rig pa rang gi rang dbang rang la thob// slob dpon bi ma mi tra la// paN+Di ta rnams rang dbang thob par
42b5 bskur// sprul pa dbang gi chu bo bzhi zhes bya'o// seng ge sgra sgrogs dgongs pa las/ sprul sku bka' yis yas babs le'u ste so dgu pa'o//// kye/ bcom ldan thugs rje thabs kyi bdag/ rdo rje 'dzin pas
42b6 zhus pa/dbang gi babs lugs de ltar na// dbang gi bskur thabs ji ltar bgyi// bka' stsal pa/ dbang la bskur thabs rnam bzhi ste// bum dbang gsang dbang shes rab tshig dbang ngo// dbang gi rang
43a1 bzhin ye shes rang gnas pa// bla ma brda dang byin rlabs mtshon te bstan// rtogs te rang ngo shes pas rang dbang rang la thob// khyad par dbang rdzas shes rab la brten nas// gzhi rdzogs rig
43a2 pa'i rtsal dbang bzhi bskur dang// thun mong dbang rdzas bzhi la brten byas nas// rdo rje slob dpon gdams ngag brten te bskur// khyad par shes rab rig pa'i rtsal dbang ni// thob lugs skal ldan rnams la
43a3 'di ltar rdzogs par bskur// bzhi rdzogs rig pa'i rtsal dbang ni// rgyud 'dzin bum pa'i dbang lnga stong nyid rig par bskur// mkha' klong rnam dag ngang la yum lnga ye shes spyan// 'gag med 'od kyi bum pa
43a4 lngar gsal ba// longs sku rigs lnga bzhugs pa'i skur gyur pas// bum pa zhes bya'i stong nyid dbyings// de don stong nyid rig pas dngos po'i mtha' las log/ rgyal ba rang rtags phyag rgya'i dbang bskur
43a5 ba// bum pa lnga yi klong na rigs lnga bzhugs lugs bshad// shes rab bdag nyid ye shes lnga gsal zhing// thugs rje bdag nyid phyag rgya lngar gsal ba// kun kyang ma bskyed gzhi nas sku lnga phyag rgya lnga// yin
43a6 pa yin par rig pas dngos po mtshan ma kun// sku dang ye shes rig pa'i rtsal dbang rang la thob// mtshan ma rang sar dag nas ye shes mkhyen pa 'char// de nas rgyal thabs spyi blugs dbang bdun ni// 'khor
43b1 lo sgyur rgyal rin chen bdun brgyan te// de yi stobs shugs 'gro don byed pa ltar// rgyal thabs rin chen bdun gyi dbang bskur ba// rang byung sku gsum dngos po mi gnas par// dgos 'dod rang la 'byung
43b2 ba sbyin pa'i phar phyin te// de nyid nor bu rin chen lta bu'i dbang du rang la rig/ rang rig ye shes rang bzhin rnam dag tshul mi 'da'// tshul khrims pha rol phyin pas ni// btsun mo rin chen lta bur rang dbang
43b3 rang la rig/rang rig chos sku 'gran pa'i zla med la// sku lnga snang yang gnyis med mtshan ma ngang gis bcom// rtog pa'i chos min bzod pa'i pha rol phyin// dmag dpon rin chen lta bur rang dbang rang la
43b4 rig/rang rig ye shes yon tan rtsal med rang la rdzogs// thugs rje shugs 'chang mi brjed gzungs thob pa// brtson 'grus pha rol phyin gyur te// rta mchog rin chen lta bur rang dbang rang la rig/ rang rig
43b5 ye shes rang gi ngo bo ma g.yos pas// bsam gtan phar phyin glang po rin chen lta bur rang dbang thob// rang rig ye shes chos sku phyogs lhung mtha' las 'das// shes rab 'gag med rtsal gyis so sor
43b6 gcod// shes rab phar phyin 'khor lo lta bur rang dbang rang la rig/ rang byung ye shes thabs la 'gag med kun gyi re smon sa// ye shes yon tan brgyan pas ye shes pha rol phyin// blon po rin chen lta bur
44a1 rang dbang rang la thob par rig/de ltar tshig gis mtshon nas rang dbang rang bskur bas// de ltar rtogs shing rig pa rtsal gyi dbang// grub pa'i mtha' la yon tan sgo ma 'gags// rang rig
44a2 rang gis rtogs pa'i rtsal ma 'gags// rtogs pa de nyid rang rig ye shes dbang thob bo// rigs kyi bu nges pa zung zhig/ ye shes spyi blugs rgya rtags phyag rgya'i dbang// rig pa'i rtsal dbang bskur bas thabs
44a3 gsum ni// gsang ba chos sku rang la shar ba ni// ye shes 'od gsal bum pa lngas mtshon nas bskur// nang longs sku rang la grub pa ni// yum lnga bum pa lnga yi brdas mtshon bskur// phyi sprul sku da lta rang rang ngo
44a4 sprad pas sku// seng ge sgra nyi zla kha sbyor gyi dgongs pa'i rgyud las/ chos sku rang la thob pa don gyi brda mtshon gyi dbang bzhi rdzogs rig pa rtsal dbang gi le'u ste bzhi bcu pa'o//// kye/ bcom ldan thugs
44a5 rje thabs kyi bdag/thun mong rdzas la brten pa'i dbang// de yi mtshon lugs ji ltar lags// bka' stsal pa/ de yi ye shes mtshon bya rnams// bum pa dbyings kyi rang bzhin gyis// ye shes gzungs su 'dzin
44a6 pa mtshon// de yi byang chub chu rgyun gyis// sdig 'dag sgrib sbyangs bar chad rkyen sbyor zlog par mtshon// yum lnga mtshon phyir rin chen lnga las bum pa byas// zhi ba mtshon phyir zlum la bum pa dkar// sku gsum
44b1 mtshon phyir mgul chings sor gsum dang// rnam dag mtshon phyir zhabs la pad+ma'o// tshad med bzhi mtshon kha khyer bzhi la// tshul khrims mtshon phyir dri yang byug/ sbyin pa mtshon phyir chu gtsang 'o kha chu// sdig sgrib
44b2 dag byed byang chub chu zhes byas// bzod pa mtshon byed tsan dan dri yi bsgos// ye shes mtshon pa ni pa ra sha/ zhes dag pa'i chur brjod// de bzhin gshegs pa lnga yi thugs// ye shes lnga ldan mtshon pa'i snying po
44b3 lnga// mnyam nas bum pa'i snying por byas// dz+nya na rat+na gar b+ha zhes bya ye shes snying po mtshon// sku gsum ye shes yon tan mtshon pa ni// nor bu rin chen re 'dod skong byed pas// phun sum tshogs pa'i gzhi ni
44b4 rin chen lnga// 'phreng ba lnga ni bum pa'i mgul rgyan 'phyang// yon tan tshad med gter dang ldan// pany+tsa rat+na sid+d+hi rin chen sna lnga dngos grub thob byed mtshon// rang byung ye shes 'phrin las lnga mtshon pa// dug lnga
44b5 gnyen po sman lnga brda yis mtshon// pany+tsa be sha sing d+hi a mr-i ta// bdud rtsi sman lnga dug lnga gnyen po ye shes mtshon// rang byung ye shes phun sum tshogs pa'i don// dri bsrung lnga yi 'od zer bsam 'das spro// du ba
44b6 pany+tsa spra ra sid+hi// bde gshegs 'phro zhing 'du ba mtshon// sbyangs pa'i 'bras bu sku gsum ngo mtshon pa// 'bru lnga snying pos bum pa bkang bas mtshon// pany+tsa pa la bi tsha sha/ stobs lnga 'dus pa 'bras bu bla na med
45a1 ces su mtshon// rang byung sku gsum dpe byad mtshan gyis brgyan// mdzes pa mtshon pa kha rgyan me tog 'bras bu ldan// zhes/ yon tan rab mdzes mtshon pa bum pa'i rgyan// ka yang 'brig sha me 'o
45a2 pa zhes pa// bum pa'i kha rgyan sku gsum yon tan mtshon// sku gsum ye shes 'phrin las nyon mongs 'joms// 'gro don dug lnga nad las gso phyir na// cod pan dar sogs mgul rgyan sprul sku mtshon// shes
45a3 bya ma rmongs mtshan bzangs sum cu'i don// lha yi dar dpyangs mdzes ldan pa// rin chen bum pa dar gyi phrog lnga mgul chings ni// rat+na pa tra a pi sha/ ye shes rgyan gyis brgyan pa mtshon// rang byung sku gsum ye
45a4 shes lnga// bsod nams ye shes rig pa dang// shes bzhin dbyings dang ye shes dang// shes rab snying rje sgro mtshon pas// drwa ba'i 'phreng ba bya ba'i phyir// tshon skud kha dog rnam lnga ye shes mtshon// brtson 'grus
45a5 phar phyin ting 'dzin gzungs zhes bya// yon tan gzungs su gyur pas bum pa gdags// pany+tsa bir+ya su tra mi brjed gzungs thob mtshon// sku gsum gzhal yas ye shes gzhugs mtshon phyir// b+h+ruM las rin chen
45a6 'od gsal gzhal yas mtshon// thabs dang shes rab zung 'jug nyi zla'i gdan gyis mtshon// sku gsum skyon bral pad+ma'i gdan gyis mtshon// rig pa a yis mtshon pas chos sku mtshon// he nyid 'od gsal
45b1 rigs lnga mtshon pa ni// oM hU~M traM aM hri las yum lnga yab kyang mtshon// bum pa phyi yi snang bar shar te 'gro don mdzad pa'i sprul sku mtshon// sku gsum ye shes rtsal mi 'gyur ba bsam gtan pha rol phyin// sku
45b2 gsum snang du yod la reg tu med pa ye shes sgyu ma'i ngang// rig pa 'od gsal shes rab pha rol phyin// ye shes rol pa cir yang 'char bas ting 'dzin cir yang bsam pas mtshon// de lta'i rang byung ye shes
45b3 dkyil 'khor de// dang po ma bskyed da lta mi gnas phyis mi 'gag/ ngang gis yongs su dag pas dbang gi gdams ngag des mtshon te// pradz+nyA pA ra mi ta skye med sku gsum chu zla lta bus mtshon te bstan// a b+hi
45b4 Shiny+tsa zhes pa dag pa'i sgras// rang bzhin dag pa'i sku gsum rang la rang dbang mtshon nas bskur// shes rab yum lnga bum par mtshon pa ni// nam zla kun tu bzang mo phyag rgya bum pa yis mtshon byang sems
45b5 chus// stong nyid zhe sdang dag byed mtshon te rnam snang ngang du grol// chu nyid mA ma ki yi phyag rgya bum pa'i ye shes kyis// nga rgyal dge bar mtshon te rin 'byung ngang du grol// me nyid gos dkar phyag rgya ye shes bum
45b6 pa yis// gnyis med rtags mtshon byang chub sems// 'dod chags byams par mtshon te mtha' yas ngang du grol// dam tshig sgrol ma phyag rgya ye shes bum pa yis// gnyis med rtags mtshon byang chub sems//
46a1 phrag dog sdom par mtshon nas don grub ngang du grol// sangs rgyas spyan ma phyag rgya ye shes bum pa ni// gnyis med rtags mtshon byang chub sems// gti mug 'od gsal mtshon nas rdo rje sems
46a2 pa'i ngang du grol// zhes seng ge sgra sgrogs theg dman zil gyis gnon pa'i dgongs pa ye shes zung 'jug/ nyi zla kha sbyor gyi rgyud las/ thun mong rdzas la brten pa dbang gi le'u ste zhe gcig pa'o//// kye/
46a3 bcom ldan thugs rje thabs kyi bdag/ bla mas mtshon te ji ltar bskur// bka' stsal pa/ glo bur dri ma dag bya'i phyir// bdud rtsi chu rgyun byang chub sems mtshon nas// bum chu slob bu blugs pas ni// sgrib pa mi
46a4 rtog dag nas mi bskyod ngo bor mtshon// oM badzra d+h+ri ka a b+hi Shany+tsa hU~M/ dbu rgyan rig pa rin chen dgos 'dod mtshon// slob bu la byin bag chags sgrib pa yis// longs sku ma rtogs grol nas rin 'byung thob// swa
46a5 rat+na d+h+rika a b+hi Shiny+tsa traM// rdo rje stong nyid ye shes mtshon byas nas// slob bu la gtad las kyi sgrib pa dag/ mi rtog ye shes mtha' yas thob// aM a ro lig a b+hi Shiny+tsa a/ sku gsum bzhugs gnas dril bus
46a6 mtshon// slob bu byin pas skye gnas sgrib pa dag/ thugs rjes sku ma rtogs pa dag nas don grub thob// ha pradz+nyA d+h+ri ka a/ bum pa spyi bor gzhag pas sku yi dbang thob lus sgrib dag rnam snang sku thob/ oM tra tsakra
46b1 a b+hi Shany+tsa oM// slob bu ming gis rang rig rtogs pa mtshon// dz+nyA na tsit+ta bAka kA ya sa ma ya s+t+waM// ming gi dbang byin rang dbang rang la byin// shes bya sgrib dag rdo rje 'chang dbang thob// rig pa'i dbang lnga yon
46b2 tan rang la rdzogs// ma rig lnga 'das ye shes lnga dbang thob// sangs rgyas lnga ni rnam dag lam// ma bskur sku gsum ma rig pa'i dbang zhes bya// rig pa'i ye shes lnga la dbang bas rig pa'i dbang// sgrib pa
46b3 rang grol zab pa rig pa'i dbang// seng ge sgra yi rgyud las/ rig pa'i dbang po sku la mtshon pa'i le'u ste zhe gnyis pa'o//// kye/ bcom ldan thugs rje thabs kyi bdag/ 'phrin las gsung gis mtshan
46b4 pa'i dbang// sku gsum snying po 'bru lnga gdod nas gnas// oM hU~M a traM hri// ye shes lnga mtshon slob bur gtad// 'phrin las ma rdzogs dag nas sprul sku thob// thugs nyid skye med rdo rje mtshon// de nyid slob bu
46b5 snying khar gtad// thugs kyi ma rig dag nas ni// rig pa skye 'jig med pa rdo rje thugs dbang thob// oM na ma sa sarba ta thA ga ta tsit+ta badzra sa ma ya tiSh+Thi a b+hi Shiny+tsa hU~M/ rdo rje rtag tu bcang ba rig pa'i mtshan nyid
46b6 mtshon/kha T+wAM cang ti ka pA las// thabs dang shes rab phyag rgya mtshon/ kha T+wAM kha ni shes rab yum// Da ma ru ni yab nyid thabs// shes rab rig pa brda ru mtshon// ka pA la ni gzhal yas khang// mtshon te slob
47a1 bu la gtad nas// lhan cig skyes pa'i ma rig dag/ ma rtogs ma rig rig par grol nas mkha' spyod tshe 'dir thob// mi 'jigs 'jigs par mi bya ste/ khyod ni 'khor ba'i 'jigs
36b2 las thar// bdal ba nyid na nub pa med// byang chub sems klong yangs pa'i dkyil 'khor rdzogs so//// rgya gar skad du// a ra li dri ku sha na hi tan tra na
36b3 ma// bod skad du// a ra li rnyog pa med pa'i rgyud ces bya ba// dpal rdo rje 'dzin pa nyid la phyag 'tshal lo// 'di skad bshad pa'i dus gcig na// rang byung rig pa'i rgyal po nyid// sangs rgyas kun gyi bdag
36b4 nyid de// zab mo rnyog pa med pa'i sku/ lhun gyi grub pa'i ngo bo nyid// rig pa lhun grub gzhal yas khang// dpag med rgyal ba'i gnas chen na// rang bzhin rnyog pa yod med kyis// rgyal ba kun dang lhan cig
36b5 bzhugs// de nas rig pa'i rgyal po nyid// rnam dag bde chen kun bsgral phyir// kun 'dus rang rig rnam par dag// zab mo rdzogs lung gnyis su med// ji snyed chos kyi rnam grangs kyi// snying po gcig tu
36b6 rdzogs pa'i lung// rin chen chu zla ji bzhin ltar// a ra li ste bdag nyid che// rdzogs pa mkha' la 'gro ba'i mchog// rnyog pa kun bral ye shes lung// sgro dang skur pa rnam par gcod// dri med nam mkha'i rang
37a1 bzhin ltar// gsal la dmigs 'jug spangs pa'o// 'jig rten log pa'i bsam gtan pa// kun kyang dwangs ma'i blo dang bral// ma bcos rdzogs pa'i rang bzhin las// dung las ser por
37a2 'dzin pa ltar// rnyog pa gsum gyis rnyogs pa las// rang gsal rnyogs pa'i 'dam du bying// rdzogs pa'i don la gnyis med na// brnyogs pa'i blo yis gnyis su phye// rnyogs pas rnyogs par long btags
37a3 pas// 'khor ba thog mtha' med par gnas// kun kyang rnyog med chos kyi dbyings// dri med gsal ba'i bde chen po// rang rig ma bcos bsam mi khyab// dwangs ma'i chu ltar rang bzhin gnas// chu de rnyog pa'i
37a4 rang bzhin nam// rnyog pa chu yi rang bzhin nam// tha dad yin nam ma yin cha// rtogs pa'i ngo la chu rnyog cing// ye shes rtogs pa'i rnal 'byor la// de nyid de yi rang bzhin te// mi mkhas blo la tha dad
37a5 snang// rtogs pa'i blo la gnyis su med// rten med bde chen chags mchog nyid// rgyas btab yai rdzogs brten par gnas// mi mkhas rten bcas bde mchog la// dang po de ltar goms nas ni// phyi nas rdzogs
37a6 pa nyid du 'gyur// stong dang bde chen gnyis med pas// skal ldan rgyal sras thugs la btab// 'da' med mi g.yo brtan par gnas// sku gsung rdzogs pa'i don med na// rtsol sgrub dka' thub thabs chen
37b1 gyis// re dogs mtshan ma'i 'byung 'jug gis// sku gsung lhun rdzogs don dang 'gal// bde chen longs spyod don bral na// btang snyoms dbu mar don gol nas// ye shes longs spyod mi myong zhing// bde ba
37b2 chen po srog dang bral// stong chen mi gnas rgya med na// rjes chags 'jig rten nyid du 'gyur// stong gsum bral ba'i thabs med na// rtag chad dbu ma'i mtha' mi sel// bde chen rang rig mi rtog pa// mi rtsol
37b3 g.yo med ci dgar gnas// lus ngag sems kyi bya ba kun// dwangs ma'i chu ltar ma rnyogs gsal// rdzogs pa'i ye shes klong du thim// lhun gyis grub pa'i don la 'jug// thams cad rang sems gnyis med
37b4 na// rnyog pa'i dri ma kun gyis stong// rang bzhin dag pa'i sems nyid la// sgom pa slad phyir sgom mi bya// thabs las byung yang gzhan min pas// gzhan gyis bsal yang rang la rdzogs// ma rnyogs dang ma'i
37b5 brnyan ma ltar// gsal yang 'du shes kun dang bral// bde chen nyams myong rjes su dpags// nam mkha'i khams dang rab mnyam pa'i// bde ba mchog gi don la zhugs// bde chen rig pa'i rgyas thebs
37b6 na// rtog pa'i zug rngu g.yo mi 'gyur// rang rig rang byung gsang ba'i nyams// gsal bar shes shing rig pas go/ rgyu ba med de mngon par rtogs// snang srid ye shes rang gsal pas// ji bzhin rig pa'i ngo bo
38a1 gsal// a ra li rnyog pa med pa'i rgyud las// bde ba chen po dang phun sum tshogs pa'i le'u ste dang po'o/// de nas rang byung rgyal po des// ji bzhin don la mngon 'jug pa// rang
38a2 rig gsal ba'i nyams// ye shes gsal ba bsam mi khyab// ma bcos thabs la brten pa yis// rnal ma'i don la sbyor bar nus// dngos la thams cad gcig pa dang// rol pa'i don la blang dor
38a3 med// rtogs pa'i don la gcig pa'i phyir// gang mtshon thabs kun de nyid yin// rtogs pa'i don la zhen pa dang// phyogs 'dzin chos la zhen pa dang// dngos 'dzin stug po'i zhen pa yis// dngos po'i rnyog
38a4 par 'dod pa yis// yod pa'i chos ldogs gzhig pa yis// stong zhes gang dmigs med par zhen// mtha' 'di dngos med rnyog pa nyid// bde chen don dang bral ba yis// stong snang gnyis med nyams myong
38a5 'phra// zhen dang 'du shes mi gnas pa// btang snyoms dbu ma'i rnyog pa yin// 'di ldan ting 'dzin ma rabs sems// bral bas rig pa gtar dang ldan// rtag dang chad dang mi gnas dang// drang srong ltung dang
38a6 'du shes med// ma rabs tha mal 'du shes yin// bde ba chen po'i lus nyid dang// stong pa chen po'i lus nyid dang// rang rig ye shes chen po lus// gcig la rdzogs so khyad par che// dang po de la gnyis med
38b1 na// zhen 'dzin ther zug nyid du lta// bems po ye shes rig med pas// de nyid myong med nyid du 'gyur// gnyis la gnyis med chad pa dang// ye shes med pas nam mkha' nyid// bden bral btang snyoms nyid
38b2 du 'gyur// 'di yang log pa'i shes pa yin// gsum la gnyis pa'i chos med na// rnal 'byor spyod par ltung ba dang// yang dag nyid du grub pa dang// bde chen bral ba'i sangs rgyas nyid// longs spyod med pas
38b3 btang snyoms 'gyur// bde chen rig pa'i ngo bo la// lus gsum dus gcig rdzogs pas na// 'bras bu ma btsal lhun gyis rdzogs// dwangs pa'i dus dang snyigs pa'i dus// 'phra men ngos 'dzin man ngag
38b4 bstan// rten dang bcas rung ma bcas rung// thams cad snying por thim pa'i phyir// bde mchog byang chub sems kyis so// bde chen rig pa'i klong du 'khyil// rten pa las kyi rlung zin na// gnyis med rig pa
38b5 'char bar 'gyur// ma rtogs bsam pa tha dad kyang// 'di yang rang rig ye shes yin// bskyod pa rlung gi phyag rgya yis// rin chen phung po rtsi bskyod pa// bcos mar ngos bstan rnal 'byor nyid// ma bcos
38b6 gsang ba'i rang bzhin yin// phyag rgya chen po spangs rgyud sbyor// bde chen klungs su zhugs pa nyid// rtse nas rtse ru shar ba'i 'od// nam mkha' khyab pa'i 'od du 'bar// 'di dag sman pa'i sbyor ba yis// dman
39a1 pa nyid du sbyor ba yin// dman pa dam pa sbyor ba'i lung// ngo mtshar ma mtshan thabs chen yin// gang yang phyogs kyi zhen pa yis// thabs kyi sems dang thabs kyi rim// bcings pa mthar 'dod
39a2 bcings pa ltar// ched du byas pa'i rnyog pas bsgribs// rang gsal rol pa'i sems med na// bag la nyal ba'i zhen pa yis// mngon par mi rgyu 'phra bar gnas// rtog med rang bzhin rnyog pa yin// gang
39a3 du'ang mi 'dzin dbu ma'ang spangs// ro med bde sdug myong tshor med// mi gsal mi gnas rgyu bral ba// btang snyoms rnyog pa nyid du 'dod// rnyog pa kun bral ye shes ni// ma spangs kun bral rdzogs pa
39a4 yin// ji bzhin rig pa'i phyag rgyar sbyor// a ra li rnyog pa med pa'i rgyud las// rnyog pas brnyogs pa'i le'u ste gnyis pa'o//// de nas rang byung rgyal po nyid// rig pa gsal bar glod pa'i sems// ma
39a5 bcings ma grol dngas ma'i yid// bde chen phyag rgya btab ste gnas// dwangs pa'i chu la rkyen ldan na// de bral bar du 'khrigs pa yin// ma brnyogs bzhag na dngas pa yin// de bzhin rin chen rdzogs pa'i
39a6 sems// lus ngag sems kyis gang btsal ba// brnyogs pas dwangs pa'i blo dang bral// bde chen rang rig mi g.yo ba// ma btsal rang bzhag 'byung bar 'gyur// dang po ma bcos don ldan pas// ma btsal gyi
39b1 nar bzhag pa yin// thams cad ye shes gsal ba'i tshe// bzhed du byas pa'i zhi ba yin// rol pa snang la mi g.yo ba// ngos gzung ma yin phyogs rigs med// thams cad ma 'dres mkhyen pa'i tshe// rang bzhin
39b2 rnyog pa'i zhi ba yin// bde ba chen po gnyis med pa// rang rig ye shes gcig tu 'brel// bar ma'i sems de bstan du med// btang snyoms rnyog pa sel ba yin// rang rig ye shes sku gsung rdzogs// rtog med
39b3 ma bcos chos kyi sku// bde chen nyams myong longs spyod rdzogs// ye shes rol pa sprul sku yin// rang rig bde chen phyag rgya yis// btab pa med par lhun gyis rdzogs// ji ltar gnyis snang 'dzin pa'i yid// ye
39b4 shes gcig tu rang snang ba// dri ma dus gcig chad pa yin// tho rangs thun mtha' dang po'i tshe// cha mnyam rnyog pa kun gsal te// lus gsum ldan par rdzogs pa yis// ma btsal ma rnyog chu bzhin du// ma
39b5 bcos bde chen dran par bzhag/mtshan ma'i 'du shes gang byung ba// ye shes rdzogs pa nyid du lta// yengs pa med pa'i rab zhi ba// rtsol ba'i dri ma rnam par dag/ rin chen gsal ba'i 'od kyis khyab// rang
39b6 rig ye shes 'od gsal gyis// ma lus ye shes snying por gsal// rnyog pa med pa'i dus nyid dang// ma btsal lhun gyis grub pa'i dus// rol pa phyogs med shar ba'i dus// nges par rtags de zin par
40a1 bya// dang po glen pa'i spyod pa bya// de nas bag yangs rgyal po ltar// smyon pa'i spyod pa gza' gtad med// rang byung thabs kyi spyod pa yis// dang po'i dus su sbyor bar bya// rnyog pa'i dus su spyod
40a2 lam nyid// 'phra men rigs byed nges pa bstan// 'di ltar rjes su gsung pa yin// ma btsal ba dang ma yengs pa// mi 'jug pa nyid gces pa yin// mi bden gang dgar bzhag pa'i sems// ma byas rang
40a3 bzhin rdzogs par ldan// dus mtha'i cha la mngon par rtogs// a ni ma skyes chos kun stong// ra ni chags pa bde mchog sems// li ni rang rig ye shes nyid// gcig la gsum rdzogs lhun gyis grub// ngo
40a4 mtshar chos sku a ra li// rnyogs med ye shes dwangs ma'i yid// nyi ma'i dkyil ltar gnas pa yi// thabs kyis bstan pas sems kyis rtogs// skal ldan cig gi don du gsungs// a ra li rnyog pa med pa'i
40a5 rgyud las// ye shes ngos bzung ba dang rnyog pa sel ba'i le'u ste gsum pa'o//// de nas rig pa'i rgyal po nyid// ma bcos rdzogs chen rang bzhin nyid// chos rnams 'dus pa'i snying po yin// rin chen
40a6 'phrul gyi khyad par gyis// gcig don rtogs pas kun don rtogs// bde chen rol pa nyid du shar// rin chen 'phrul gyi lde mig gis// brtag pa'i zhen pa rnam par bzlog/ brjod pa'i tshig gi dang po la// chos
40b1 rnams byang chub sems su bsgyur// tha mal zhen pa dag par byas// sems nyid rdzogs pa'i thig ler brtag/ brjod pa sgra tshig bar gyi brdas// brjod bral yul med phyag rgya yis// sgro skur bsam pa kun bcad
40b2 pa'i// sems nyid chos nyid don du bsgyur// brjod pa'i tshig sgra tha ma'i brdas// thun mong chos nyid zhen bcad nas// rtag stong bde mchog phyag rgyas btab// chos nyid bde ba chen por sprad// dkyil 'khor
40b3 gsum la 'jug pa yi// skad cig gsum ldan gang zag gis// dus gcig phrad pa'i don gyi lam// ma yengs rnyog med chos nyid klong// mtha' thug med par rang bzhin gzhan// snying po rang byung rdzogs pa
40b4 la// ma lus ye shes rdzogs par mthong// dri med rang byung a ra li// snying po rdzogs pa'i nam mkhar gcig/ nam mkhar 'gro ba'i ye shes nyid// a ra li zhes grags pa ste// bsgribs pa med cing rnyog pa
40b5 med// nam mkha'i dri med lta bur gzung// rtog spyod zhi bas nam mkha'i lam// dri med sems kyi nam mkha' la// bde chen rig pas khyad par 'phags// rdzogs dang khyab dang stong gnas dang// bsam med
40b6 bsam mi khyab sbyor ba// rdzogs pa dri med snying po la// rnyog pa'i dri ma rang bzhin dag/ rang gsal yul la mi rtog pas// rang rig snying po nyi ma shar// phyogs ris med pa'i ye shes 'od// rang bzhin kun tu
41a1 khyab par 'char// ma skyes phyag rgya chen po yis// rgyal ba'i dgongs pa rdzogs par ston// rnyog pa'i dri ma gang snang ba// ye shes dag pa'i mig gis lta// ma bcos rdzogs pa'i phyag rgya yis// snang
41a2 ba ye shes snying po bstim// rol pa rol snang phyogs ris med// ston ka'i nam mkha' ji bzhin du// dri med gsal ba'i bsam gtan bya// rang sems rdzogs pa gnyis med la// ma yengs gom par gnas pa
41a3 yin// a ra li rnyog pa med pa'i rgyud las// bsgyur ba gsum bstan pa'i le'u ste bzhi pa'o//// de nas rang byung rgyal po nyid// bsam gyis mi khyab chos kyi dbyings// phyag rgya chen po'idagongs pa
41a4 bstan// gnyis med gsang ba rang gi ro// bsam brjod bral ba'i 'du shes kyis// brjod bral rang bzhin go bar bya// byung tshor mtshan ma'i snang ba kun// ma bcos dbyings la thim par bya// zhi ba rang byung ye
41a5 sangs rgyas// rtog pa tsam ldan lhun gyis grub// shes bya rig pa'i rtsal rdzogs na// gdam ngag lung dang bral gyur na// mtshan ma'i sgra tshig 'chal ba yis// ngan 'gro log pa'i g.yang sar 'gro// rang sems ye
41a6 shes kun gyi bdag/lung chen zab mo kun dang 'brel// rna brgyud lung gi rjes 'brangs nas// nges pa'i don la de ma thag/ ma btsal rang byung thugs las 'char// dbang po yul las yen par zhog/ chos dang
41b1 chos nyid dbyer med pas// rang sems 'od gsal bde mchog la// rtsol sgrub 'khor ba'i log chos yin// rang sems ma bcos bde mchog la// skyon yon zad rdzogs lhun grub pas// sems nyid sangs rgyas
41b2 kun gyi rje// btsal med gdod nas rang 'khrungs yin// longs spyod rol pa rang las 'char// ma lus kun gyi bdag nyid pas// tshogs dang longs spyod thams cad yin// tshogs dang longs spyod rang 'khrungs
41b3 yin// rang sems bstan pa kun gyi bdag/ brjod bral rig pa'i sgo mo las// byin brlabs bstan pa rgya cher 'chad// bstan pa rang 'khrungs rdzogs pa'i lung// rang sems rdzogs pa'i rang bzhin ni// bsam
41b4 sbyor blo dang bral ba yin// de dag gnas tshul nges pa ni// gang yang thog med cir mi 'jug// spro bsdu med pas snying por rdzogs// snang ba mi 'gag rang bzhin nyid// rnyog med bder bzhag ma btsal
41b5 bas// rang bzhag nyid kyi go ba ste// dus gcig rdzogs par gnas pa yin// ma bcos de bzhin bzhag pa dang// ma yengs 'du 'bral med pa dang// ma btsal rnyog sel lhun gyis grub// rang bzhin bzhag pas
41b6 bzhag pa yin// bde chen stong nyid rang rig sems// 'da' ba med pa'i dam pa gsum// spyod lam sems nyid dgongs pa dag/ bcos med rang sems snying por thim// gsal bas rnyog pa kun
42a1 bral zhing// 'du shes med pas dbyings la rdzogs// 'byung 'jug spangs pas yengs pa med// dus gcig gsal bas rim pa med// a ra li rnyog pa med pa'i rgyud las// rna brgyud gdams pa'i
42a2 le'u ste lnga pa'o//// de nas rang byung rgyal po ste// dus gsum rgyal ba kun kyi bdag/ rdzogs pa'i rang bzhin gnyis med nyid// ma brjod rang bzhin gsal bar 'chad/ gang phyir rnyog pas rnyog pa
42a3 ste// dngos po nyid kyang rnyog pa ste// de med de yang de dang mtshungs// gnyis ka'i mtha' 'das de nyid rnyogs// 'dzin pa ma lus rnyog pa yis// dri ma rnyog pa'i ngo bo nyid// bde chen nam mkha'i khams ltar
42a4 gsal// rnyog pa med pas gsal du'ang med// dgra med 'jigs pa spang med tshul// sngon du bla ma nyes pa yis// rang sems dri med ngos bzung nas// ye shes rdzogs pa'i ngo bo la// glo bur rtsol bas rnyog mi
42a5 bya// dngas bar 'dod tshol rnyog pa ltar// de bzhin dri med rin chen sems// rang bzhin ches byas rtsol bas rnyogs// de dag bral ba'i thabs bstan pas// dri med 'od gsal lhun grub 'gyur// bde chen khyab
42a6 pa'i ros gang zhing// gsal la 'byung 'jug spyad pa'i sems// gang du ma btsal gyi nar bzhag/ 'di ni rin chen gnyis med sems// rang rig 'od gsal rnam par dag/ ye shes lhun gyis rdzogs pa
42b1 la// gdod nas rnyog pa'i dri ma med// de ltar lhun gyis grub pa yis// phyi nas slad pa mi 'byung des// nyi ma'i dkyil dang mun pa ltar// rnyog pa log rtog snang ba yin// de nyid shes pas de ldog pas// mngon
42b2 du gyur pa nyid kyis gsal// 'di ltar nges pa'i thabs med na// rtsol ba'i zhan pas ci spyad kyang// bskal ba stong phrag bsam yas su// lhun grub 'bras bu mi rnyed de// blun pos bu khur ji bzhin du// log pa'i
42b3 lta bas brnyogs pas bsgribs// phyin ci log gi g.yang sar lhung// rin chen 'bar ba'i gter dang bral// ched byas zhen pa'i tha ram bcug/ rang gis ched byas zhen pa'i tha rams bcug/ rang gis ched byas
42b4 rang gis 'jig/re ba 'jog cing dmigs pas sbyong// sa la bgrod cing lam la brten// dag pas dag pa bsgrub tu med// ma dag dag par 'gyur mi srid// dag pas dngas pa'i nam mkha' ltar// rang
42b5 sems gnyis med shes par gyis// a ra li rnyog pa med pa'i rgyud las// dri ma rnyog pa'i le'u ste drug pa'o//// de nas rang byung rig rgyal// ye shes chen po a ra li// rnyog bral bde mchog gsang
42b6 ba'i thugs// ma skyes snying po brda yis bstan// rig pa'i thig le bde bas brgyan// rang sems rdzogs pa kun gyi thugs// rang rig nyams myong rnam par dag/ gnyis snang ma yin rol pa nyid// snang ba ma
43a1 bkag 'dzin pa 'gags// shes pa mi 'gag rtag pa 'gag/ brtag med rang snang 'du shes med// mi rtog rnam grol bde chen thugs// bskyod pa med pa ci dgar zhog// 'jug med rang byung
43a2 gsal ba'i yid// rnyog bral bsam pa'i ngo bos stong// thig le chen po 'du 'phro med// gsang ba rang rig bsam mi khyab// ye shes gsang ba rig pa'i nyams// bdag la gnas pa gzhan gyis gsal// gzhan
43a3 med rig pa bde chen sems// bdag gzhan rnam rtog 'khrul ba'i sems// 'khrul med sems la bdag gzhan med// 'khrul pa bcad pa'i ye shes nyid// rang byung rol pa nyid du snang// snang brtags zhan pa
43a4 ma lus pa// ye shes rig pa'i stobs kyis dag/ rang rig mi skye 'gag pa med// bsam pa kun zad zag pa med// ye shes goms pa'i klong na gnas// thugs rje byin rlabs mkha' ltar khyab// ye shes chos kyi
43a5 dbyings la sbyor// zhen pa ma lus kun bcad pas// ye shes phyogs med gsal bar 'char// ti ni gsal ba rig pa'i lung// rjes su zhugs pas rang bzhin grol// bcings med grol ba thabs kyi lam// gang
43a6 ltar bsam pa phyin ci log/gang ltar rtogs pa log pa'i lam// bcings pa med pas grol ba med// rang bzhin rig pas grol ba med// rnyog bral ye shes gsal gyur na// ye shes spyod pa spong len
43b1 med// thugs rje'i spyod pa phyogs ris med// 'jig rten kun gyis spangs pa'i chos// thabs ldan skyes bus gang spyad pa// ye shes mchog tu gcig pa'i phyir// ye shes rdzogs pa'i spyod par bshad// dngos
43b2 dbang ji bzhin don rtogs na// bsam pa'i phyag rgya 'dul dbang du// ma nges de ltar ci yang rung// ye shes rol pa mchog tu nges// a ra li rnyog pa med pa'i rgyud las// de bzhin nyid la gnas pa dang spyod
43b3 pa'i le'u ste bdun pa'o//// de nas rang byung rgyal po nyid// chos kun rang sems rdzogs pa'i lung// a ra li la rdzogs par gnas// thog ma tha ma med pa'i dngos// sprin med mkha' ltar gsal ba
43b4 nyid// ye shes rgyas 'debs bdag nyid la// snyoms 'jug nyid du rig par bya// rnyog bral dwangs pa'i ye shes nyid// khyab pa chen po chos kyi sku// nam mkha'i mtha' ltar snyoms par gnas// dang por ye shes
43b5 ngos bzung nas// phyi nas rang byung g.yo med gzhag/ yengs pa med pa'i rang bzhin nyid// lhun gyis gnas pa rdzogs pa yin// thogs pa med pa'i ye shes kyis// kun kyang rang byung snying por mthong// bde
43b6 mchog rtsol bral byang chub sems// ci dgar bzhag kyang g.yo ba med// rang byung g.yo med ye shes nyid// thams cad spyod yul bde chen du// dbang bskur gang de'i thabs thob pa// de phyin chad ni lhun grub
44a1 nyid// mtha' bral ye shes gang rtogs na// mtha' dbus 'du shes cir mi 'jug/ sems las gzhan med ye shes las// lhun gyis gnas pas btsal du med// ma yengs bar chad med pa'i
44a2 lam// 'du 'bral med par gzhag par bya// 'di ltar rang bzhin zhi ba la// bsam pa'i 'du shes rgyu ba chad// yal ba phyal ba 'du shes med// btang snyoms stong ba ched byas sogs// rdzogs pa'i ye shes chen
44a3 po la// de dag ma lus kun gyis stong// de dag rjes su gang 'jug pa// log pa'i bsam gtan nyid du 'gyur// gang bsgoms rtog dpyod kun brtags pa// sgom pa'i log pa'i lcags kyis bsdams// rang
44a4 bzhin rtogs pas sgom mi dgos// gang dgar bzhag kyang mi g.yo ba// rang byung rdzogs pa'i drod tshad yin// dus gsum rdzogs pa'i ngo bo la// ji bzhin gsal bar gnas pa yin// btsal med mar med chu bo
44a5 ltar// de bzhin sel med sangs rgyas nyid// yengs shing brtags pas sems can no// gdod nas rdzogs la de med pas// mtha' dbus snying po cir mi dgongs// gang ltar yin pa de ltar yin// snang brtags
44a6 kun bral dwangs ma'i yid// yengs med gsal bas bsam gtan yin// ma bcos rdzogs pa'i ngo bo la// ma bslad rig pa rang bzhin zhog/ mi 'jug mi 'byung yul dang bral// thig le nyid las spro bsdu
44b1 med// de ltar dus gsum ma yengs pas// bde chen rdzogs pas sangs rgyas so// bde ba'i yul chen 'od 'bar ba// rgyu rkyen bral bar thabs kyis rtogs// rten 'brel shes pa glod pas grol// bsgrims par
44b2 'ching 'gyur gzhan du min// bkag pas mun pa 'gog pa nyid// zhen pas tha mal 'du shes nyid// btang snyoms rnyog pa bde rigs me// de dag ma gsal bral bar gnas// bsgoms shing btsal bas rtsol
44b3 rnyog rgyu// ma btsal tha mal gling nyid gsum// bsam gtan gzugs med byol song gnas// 'di dag rang bzhin kun dag nas// kun kyang legs par smin par bya// rnyog med dag pa'i chu bzhin no// a ra
44b4 li rnyog pa med pa'i rgyud las// bde ba chen po nyid las mi g.yo ba'i le'u ste brgyad pa'o//// de nas rang byung rgyal po nyid// rnyog med bde ba'i don la bzhugs// ngo mtshar gnyug ma snying po nyid// dwangs
44b5 snyigs med par gnas par bya// gang zhig rgyu dang mi rgyu las// dwangs snyigs blo ni gsal bar 'byung// rnam par rtog bral rin chen sems// gang btang 'gyur med dbyings la bzhugs// gar bzhag g.yo med
44b6 bde ba'i sems// gang ltar bzhag kyang btang bzhag bral// brnyogs dang ma brnyogs cir brtags kyang// ma bcos sems la de dag med// gsal la mi g.yo thig ler gsal// 'byung 'jug med par
45a1 gsal bar gnas// zab mo brtag par dka' ba'i sems// ji bzhin ma bcos de ltar gnas// rang byung thugs rje'i byin brlabs las// ji ltar 'dod pa de ltar snang// 'dod pa'i dngos po
45a2 mthong tshor rnams// de dag rol par snang ba yin// rang sems mthong snang ye shes dag/ de dag gang dang gang 'thad par// rin chen gsang ba'i gter sprad pas// 'bad pa med pas grol ba yin// gtang dang
45a3 bzung dang gang dgar bzhag/dus gcig rdzogs na grol bar 'gyur// chos sku a ra li dag nyid// byin brlabs ma bskyed rdzogs pa yin// de yod kun rdzogs ye nas gnas// de med rin chen gter dang
45a4 bral// gter med mthongs las yengs pa med// btang gzung bral ba'i rang bzhag sems// mi g.yo byin brlabs 'od ltar 'phro// ma btsal rdzogs pa'i rang bzhin sems// dwangs snyigs med pa'i snying
45a5 por thim// 'dres pas dag pa'i 'od kyis khyab// bde chen gsang bral rnyog bral blo// ce dgar nas kyang g.yo ba med// rten med sems kyi rang bzhin las// brten dang rten par dbyer med de// bde chen nam
45a6 mkha'i khams su gsal// bskal ba thog mtha' med pa ru// yengs pa med par ci dgar zhog/ las dang dri ma'i bag chags kun// rang dag lhun rdzogs snying por gsal// a ra li rnyog pa med pa'i rgyud
45b1 las// ma bcos bde bar gnas pa'i le'u ste dgu pa'o//// de nas rang byung bde ba'i rgyal// ma bcos rdzogs pa'i a ra li// thams cad gsang ba'i klong chen nyid// bdag nyid rtsol bral don la
45b2 bzhugs// rnyog bral dwangs ma'i snying por ni// ma lus gcig dang tha dad min// dus gsum rgyal ba'i dgongs pa'i don// rna brgyud dgongs pa'i tshig bkrol nas// rtogs pa'i klong chen yongs brdal
45b3 ba'o// rig pa rdzogs chen zab mo la// gol dang sgrib pa'i chos med pas// ma brnyogs dag pas dwangs pa ltar// ma lus 'byung yang tha dad yin// de dag rang bzhin gang yin pa// rgyas btab dbyer med dus
45b4 na gsal// ma lus sangs rgyas dbyer med med de// de dag shes dang ma shes las// blo yi khyad par gsal bar 'byung// bde mchog ma yengs brtan par gnas// de dag tsam gyis rdzogs pa yin// rnyog med
45b5 rig pa bde ba'i sems// bcings med bder bzhag nyid dang mtshungs// 'bad med rang bzhag goms pa'i tshul// gser ltar mi 'gyur gdams pa'i lung// btsal bas 'ching 'gyur btang na grol// thams
45b6 cad de ltar gnas pa yin// bde chen thig ler mtshams sbyar nas// ma yengs gnas na lhun grub ste// bdag nyid rnam grol mkha' la 'gro// gdams ngag legs par thob 'dod pas// rin chen phung po phul
46a1 byas pas// brda don bkrol nas rgyal gral bzhag/ bde chen dbang phyug phun sum tshogs// dang por nges pa'i don thob nas// rin chen bla ma sna rtse'i rim// bgrod med rin chen sems kyi
46a2 lam// sgom du yod med brda bkrol nas// dbu ma drang pa'i lam la sbyar// bka' bzhin rjes su nan tan bya// rin chen lam gyi stobs med na// tha mal gnas dang mtshungs 'gyur na// bgrod rtsol 'jig rten
46a3 lam 'gyur zhing// mi 'gal rnal ma'i don la sbyar// de nas bar chad med pa yis// dri med gsal ba'i bsam gtan bya// lhag pa'i bsam pa dri med sems// ma bcos lhug par gnas pas rdzogs// dbang
46a4 po gang yang nub 'gyur zhing// nyams myong rim pa bsam mi khyab// gdod nas btsal med don rtogs pas// tha mal pa ni mi rtag rkyen du gyur pas te// mi rtag rkyen gyis shi ba'i ro dag la// dang po 'di nyid
46a5 'dod chags rgyu yis las rnam grol zhing// gang yang ma bkag rdzogs pas na// 'gog dang chad pa'i mtha' dang bral// bde chen nyams myong don ldan pas// btang snyoms mtha' dag bsal ba yin// stong dang
46a6 snying rje rgyas btab pas// rang rig sems pa'i mtha' dang bral// gdod nas phyogs ris mi gnas pas// phyogs med 'od gsal lhun grub yin// mi rtsol de bzhin gcig pa'i phyir// sa lam theg skyon dus
46b1 gcig bral// ma bcos don las 'da' mi bya// a ra li rnyog pa med pa'i rgyud las// mtha'i skyon med par gnas pa'i le'u ste bcu pa'o//// de nas rang byung a ra li// rnyog med thig le rdzogs pa'i
46b2 sku// a ti yo ga sems kyi lung// sgro skur bcad pa sems nyid klong// bstan pa'i snying po dus gcig rdzogs// bsam gtan dri med rdzogs pa'i rgyud// thos pa tsam gyis kun grol nas// 'bad med lhun rdzogs
46b3 sa la sbyor// brda don bkrol bas bcings pa bcad// bde chen mthong bas rdzogs sangs rgyas// 'jigs pa med pas bdud rnams btul// ma brjod bstan pa rgya mtsho'i klong// rig pa mkha' 'gro ye shes
46b4 rdzogs// rin chen lhun rdzogs snying po 'di// dad dang dam tshig ldan pa dang// chos la phyogs ris med pa dang// bla ma srog tu 'dzin pa dang// lus srog rdzas la 'phangs med dang// ting 'dzin shes rab rdzogs
46b5 pa dang// man ngag gter du 'dzin pa dang// dam pa'i don las ma yengs dang// sgro dang skur pa zhi ba dang// rtogs nas don la sgom pa la// gsang ba'i gter kha dbye bar bya// gang zhig yon tan mi
46b6 ldan zhing// skyon ldan dam med slob ma la// brtag dang dam tshig mi shes par// rgyal thabs gsag ba'i dbang bskur zhing// rna brgyud thugs kyi lung byin te// rdzogs chen klong dgu'i rgyud bshad na// 'dam shod
47a1 gling gi dur khrod du// mkha' 'gro rna nyan 'dus pa ltar// lhung zhing srog gcod phung bar 'gyur// a ra li rnyog pa med pa'i rgyud las// bstan pa dam pa la gdams pa'i le'u ste bcu gcig
pa'o/

CLOSE WINDOW