20a1 / ye shes rang byung sprul pa'i sku shar ba'o// shes rab spyan gyis spyi dang rang gi mtshan nyid so sor gzigs// brjod pa tshig gi gsung gis 'gro la chos ston
20a2 to// seng ge sgra dgongs pa nyi zla kha sbyor rgyud las/ sku gsum rang bzhin bstan pa'i le'u ste bcu pa'o//// kye/ bcom ldan thugs rje thabs kyi bdag/ sku gsum nges tshig gsung du gsol// bka' stsal ba/
20a3 chos sku'i ngo bo gnyis med shes rab bdal khyab la// longs sku mtshan nyid 'od gsal mi rtog ye shes so// sprul sku ngo bo thugs rje mi 'gag pa// chos sku nges tshig khyab dang rten byed la// longs sku zhi dang
20a4 'khor smin longs spyod do// sprul sku nges tshig thugs rje sna tshogs sprul// yun thung ma nges phyir na sprul zhes bya// dbye ba chos sku'i chos sku ni// mi 'gyur rig pa spros bral bdal khyab pa// chos kyi sku yi chos sku
20a5 yang dag bshad// rig pa'i shes rab sku lnga mkhyen ma 'gags// chos sku'i longs skur rgyal ba kun gyis bshad// gdul bya sogs med sku lnga ngo bo nyid shar ba// chos sku'i sprul pa sku yi nges bshad yin// de la
20a6 ngo bo rang bzhin thugs rje gsum zhes bya// khyab bdal gzhi yi chos skur de bshad do// longs sku chos sku rnam snang chen po sku gcig sku lngar shar// des na kun tu zhal zhes bshad pa yin// longs sku longs sku'i
20b1 rigs lnga sangs rgyas la// longs sku'i sprul sku sems dpa' sems ma'o// de rnams mtshan nyid bye brag bshad pa ni// 'bras bu mngon du gsal ba'i dus zhes bya// sprul sku'i chos sku rdo rje sems dpa' la//
20b2 sems dpa' sems ma longs skur bshad pa ni// zer gyi thugs rje sprul pa zhes su bya// de rnams thugs rje 'byung ba'i sku gsum zhes su bshad// rdo rje sems dpa' thugs las thub drug spros// thub drug sprul
20b3 sku bye ba mched pa ni// 'gro ba 'dul ba'i sku gsum zhes su bshad// kye kye gsang bdag nges par bshad kyis zungs// nga ni rdo rje sems dpa' chos kyi sku// nga yi dbu yi thor tshugs dang// mdzod spu bu ga
20b4 shangs kyi rlung sgrom nas// de rnams 'byung ba'i 'jam dpal dri med dang// seng ge sgra dang sems dpa' snying po la sogs pa// sprul pa'i longs sku yin par ngas bshad do// thub drug dga' rab rdo rje la sogs
20b5 pa// sprul pa'i sprul pa yin zhes bya// seng ge sgra dgongs pa nyi zla kha sbyor las// sprul sku gsum gyi dbye ba'i le'u ste bcu gcig pa'o//// kye/ bcom ldan thugs rje thabs kyi bdag/ sku gsum rang
20b6 bzhin gsung du gsol// bka' stsal pa/ sku gsum rang byung ngo bo ma byas pa// ma bcos ma bslad mi 'gyur ba// rang bzhin rnam dag 'dus ma byas// ye shes 'od gsal nam mkha' lta bu la// chos nyid rnam
21a1 dag rdo rje lta bu'i sku// rig pa rang shar zang thal ye shes klong// rang bzhin gzhi gnas ye shes chen po la// mtshan nyid 'dzin pa'i ye shes rnam pa lnga// mi 'gag so sor ngang la 'od du
20a1 gsal// dkon mchog gsum dang nam yang ma bral bar// yang dag mchod pa bla med mchod// rang gi dam tshig rtag tu srungs// grogs su rang gi brtson 'grub
20a2 sten// gal te de las 'gal 'gyur te// rdo rje sems dpa'i dgongs pa 'di// khong khro sdug btsir ser sna che// rig pa rgyu dang thabs kyis 'tshol// rnyed na sri zhu rdul tsam med// tshig dang bsam pa cho rol
20a3 smra// chos nyid don dang rtag tu 'gal// de 'dra'i sdig can lag tu btang na ni// dkon mchog gsum gyi dbu 'phangs smad// sangs rgyas bstan pa gnyan po bshig/ chos sgor zhugs nas dmyal ba
20a4 bsgrubs// bdag gzhan gtan du brlag par byas// phung mkhan de dang ma sdongs shig/ khams gsum dmyal ba ma sgrub cig/ rdo rje'i ri mo ma bshig cig/ ces bar chad bgegs kyi mtshan nyid dam
20a5 bsal thabs kyi yi ge'i le'u ste bcu drug pa'o//// bcom ldan 'das sna tshogs kun tu bzang la phyag 'tshal lo// bgrod du med pa'i lam gyi cha rkyen yang// bsam du med pa'i snang srid ngang gis rkyen// cha ni
20a6 chos sku gcig pa la// rkyen ni 'khor 'das gnyis su snang// cha ni rang byung ye shes la// rkyen ni rtog pa'i ye shes shar// cha nyid rkyen la rkyen nyid cha// snang ba dang ni stong pa dang// bde ba dang ni sdug bsngal
20b1 dang// mya ngan 'das dang 'khor ba dang// yod med gnyis dang gnyis med dang// mtha' rnams kun bzang dgongs pa'i rkyen// sprod dang spros bral ngang gi lam// gzugs kun nga rang nyid kyi gzugs// sgra
20b2 kun nga rang nyid kyi sgra// dran rtog nga rang nyid kyi sems// nga rang nyid kyi rol pa la// spang blang nga rang rang nyid shar// bzang ngan nga yi lam gyi grogs// nga nyid ma yin gcig kyang med// thams cad lam du
20b3 sems dpas gsungs// thams cad ye nas rang gi rgyan// mtshon phyir de skad bstan pa tsam// thams cad nga yi rkyen yin te// gcig ma tshang na don mi 'grub// thams cad sel med cha dang rkyen// gang yang rung
20b4 ngo ci yang yin// thams cad chos skur rang gi rang// kun kyang mnyam nyid yin pa la// kha cig yang dag don rmongs pas// ye nas rdzogs pa'i cha rkyen la// sdod kyi rdzas dang cha rkyen sogs// gza' dang rgyu skar
20b5 dus tshigs dang// gnas dang dus dang bdag la sogs// tshogs pas 'bras bu grub par 'dod// bsags nas tshogs pa'i rdzas de dang// bsgrubs nas grub pa'i 'bras bu de// sangs rgyas theg par bgrang ba
20b6 min// dpar na lus nyid gcig pa la// yan lag la sogs cha rkyen yang// rang gi stobs kyis rang la rdzogs// de bzhin snang srid sel med par// chos nyid cha rkyen ngang gis rdzogs// khams gsum srid
21a1 gsum dus gsum du// chos sku rang gi ngo bo las// yod pas sems dpas ma gsungs so// gang yang dran mthong de kho na'o// sman gyi rgyal po ma gi tas// gang la rigs pas sman du
20a1 'gyur/issing
20a2
20a3
20a4 byang chub sems thigs pa nyi shu rtsa gnyis pa'i rgyud zhes bya ba bzhugs so/
1a1 /
20a1 rgya gar skad du// tra ta ke rA dza tan tra// bod skad du mngon shes rig pa'i rgyal po'i rgyud// he ru ka dpal 'jam pa'i dbyangs// gsang bdag che la phyag 'tshal nas// mngon shes rig pa'i gnas
20a2 dgu 'di// dus gsum rgyal ba'i thugs gter bas// rdza shing snod la yongs mi bstan// u rgyan yul gyi thor cog can// brtse gdung lhun grub pa'i gnas// d+ha na ko sha'i gling gong du// gu lang gser gzo'i
20a3 don du bshad// gzhi mo'i don la mkhas pa dang/ 1/ chos dang chos nyid 'byed dus dang/ 2/ chos nyid zla la len 'debs dang/ 3/ gyabs kyis chod pa'i lta ba dang/ 4/ klong du gyur pa'i sgom pa dang/
20a4 5/ gdeng gis zin pa'i spyod pa dang/ 6/ brdar sha chod pa'i gol sgrib dang/ 7/ thabs kyis zin pa'i dam tshig dang/ 8/ rang la rnyed pa'i 'bras bu dgu/ 9/ mngon shes rig pa'i gnad yin pas// skal
20a5 ldan las 'phro can gyi gter// gzhi mo'i don la mkhas pa ni// ma byung ma skyes sngon rol na// sems kyi ngo bo ji ltar gnas// mkha' dang 'ja' tshon tshul du gnas/ 1/ chos dang chos nyid 'byed dus
20a6 ni// mkha' dang 'ja' tshon gcig pa la// gzha' tshon yul du bcas pas 'khrul// med las yod gzung rgyu nyid kyis// rmi lam tshul du sdug bsngal myong// rigs drug skye 'gul de las byung/ 2/ chos nyid zla
20b1 la lan 'debs ni// gdod nas dag pa'i rang bzhin nam mkha' la// bskal pa stong du bsags pa'i mun nag thibs po yang// rig pa'i rgyal po ye shes nyi zer gyis// skad cig yud tsam cig gis dengs pa
20b2 bzhin// gsal stong dus gcig rtogs pas bde ba shugs la 'byung// dper na dom phrug ma dang phrad pa bzhin/ 3/ gyabs kyis chod pa'i lta ba ni// snang srid 'khor 'das thams cad la// sems las ma
20b3 gtogs chos med phyir// rang sems bde bar ngo shes pas// snang srid bde bar shar ba yin// gcad bya gcod byed gnyis med pas// mkha' la nyi ma shar ba 'dra/ 4/ klong du gyur pa'i sgom pa ni// yul
20b4 rnams kun la 'jug byed pa// mtshan ma'i bye brag thams cad la// bde ba chen po'i ros khyab phyir// gser 'gyur rtsi yi snying po 'dra/ 5/ gdeng gis zin pa'i spyod pa ni// tshogs drug spyod yul thams cad
20b5 la// me tog bung ba phrad pa bzhin// gang 'phrad bung bas sbrang rtsi rnyed// snang srid bde bar shar ba yin/ 6/ gdar sha chod pa'i gol sgrib ni// gcig la gnyis su snang ba'i phyir// grod pa phyi nang bzlog pa 'dra/
20b6 7/ thabs kyis zin pa'i dam tshig ni// 'ching ba'i las rnams spyad pa yis// grol bar 'gyur ba'i thabs zhes bshad// dug la sngags kyis bsad pa 'dra/ 8/ rang la rnyed pa'i 'bras bu ni// thog ma med pa'i
21a1 dus mtha' nas// rang la rang chas yod pa'i phyir// rang ngo shes shing rtogs pas chog/ rmi lam sad pa'i dus bzhin no/ 9/ mngon shes rig pa'i rgyal po'i rgyud// rig pa'i gnad dgu zhes bya ba
rdzogs so/

CLOSE WINDOW