10a4 / 'od gsal dkyil 'khor bri la mchod rdzas rgyas par dgram// steng nas 'od gsal dkyil 'khor dbub// bar du rtsa lnga 'dra 'bag bri// bum pa'i nang du rigs lnga bskyed// lha mo bcu rnams gyer la
10a5 rigs drug lam nas drang// khyod ni zhe sdang las kyi dbang btsan gyis// dmyal ba'i nang du ma skyes sam// dmyal ba'i nang du skyes srid na// ye shes lha mo thugs rje dang// yi dam lha yi byin rlabs kyis// tsha
10a6 grang sdug bsngal bral nas kyang// dmyal ba'i 'jig rten gnas stongs te// lha dang slob dpon spyan sngar khug/ ser snas yi dwags su skyes srid na// 'og ma yang 'gre'o// lha mo bkres skom/ yi dwags/ byol
10b1 song las/glen lkugs/ 'dod chags/ mi yi/ lha mo/ 'gyur ba/ mi yi/ phrag dogs dang/ lha min/ lha mo/ 'thab rtsod/ lha min/ nga rgyal/ lha yi/ yi dam/ ltung ba/ lha dang/ slob dpon/ ma mo bcu rnams
10b2 gyer la gshed po dgram// dkyil 'khor bcu rnams gyer la sgrib pa bral// lha mo bcu rnams gyer la dkyil 'khor gzhug/ thub drug tshogs la rdzogs par bya// lha dbog sngags dang phyag rgya brtan// phyi nang
10b3 mchod pa rgyas par bya// de nas bzlas pa'i dgongs pa ni// yi dam thugs kar 'od gsal bsgom// 'od 'phros tshe 'das lus la phog/ sgrib sbyangs ye shes a ru gyur// don ni stong gsal chen por
10b4 blta// brtags pas 'gyur med chos kyi sku// de nas spar ba'i dgongs pa ni// dag pa sprul sku dam pa yang// snang ba thams cad 'od du lam// dngos po thams cad a ru grol// a ni ma skyes stong gsal
10b5 grol// mdzad spyod lam du gyer ba yang// chos nyid stong pa'i gzhu brdungs la// ye shes gsal ba'i mda' stongs te// dbyer med thabs dang shes rab dgang// tshe 'das bag chags tshogs la brdeg/ bde ba
10b6 chen po'i ngang du gsal// ye shes snying po stong gsal te// snang srid stong par phya la la// tshe 'das dngos med a nu grol// thams cad rang shar chen por gsal// gdangs gsal longs skur spar ba ni// snang
11a1 ba thams cad rang sems ye shes gdangs// bar snang khams su ye shes 'ja' lnga shar// 'ja' lnga lam nas ye shes a thon nas// thams cad stong sangs chos nyid dngas ma shar// chos kyi
11a2 dbyings su gzhu brdungs pa// ye shes gsal ba'i mda' stongs la// a dkar ye shes mde rtse blang// ye shes 'ja' lnga sbubs su 'bar// stong gsal chen por phya la la// ye shes snying po tshad du bskyal// snang
11a3 srid ye shes 'od kyis gang// 'od zer thams cad a ru 'khrol// thams cad bde stong thig ler 'bar// 'gyur med chos skur spar ba yang// dngos po thams cad stong pa'i gdangs// snang ba thams cad ye
11a4 shes bkrag/gzung 'dzin thams cad ye shes zer// chags zhen thams cad chos nyid rtsal// nga bdag thams cad dbyer med dbyings// ting 'dzin 'phro 'du rig pa'i 'gros// thams cad ma bcos chos kyi
11a5 sku// nam mkha'i dbyings su a 'od gsal 'phangs la// yaM dang karma rak+Sha phaT/ stong nyid ngang las ye shes thugs rje shar// me mar brgya rtsa gtang la me mar mchod pa bya// lha mo bcu rnams gyer la khrus
11a6 nas dbyung// ma mo bcu rnams gyer la spar gsum dgongs pa bya// dpa' bo bcu rnams gyer la ye shes mda' 'phang ngo// sbyin sreg rgyas par byas la mtshan byang bsreg/ smon lam rgyas par btab la dkyil
10a4 'khor bsdu// re dogs zad na 'bras bu rdzogs chen yin// gzung 'dzin ma zad 'bras bu bskyed rim yin// gzung 'dzin zad pa'i 'bras bu rdzogs chen yin// a nu man chad sems can blo yis
10a5 chos// a ti rdzogs chen sangs rgyas dngos po'i chos// drang don nges don gnyis su shes par gyis// de bas 'bras bu rdzogs chen 'phags te che// rang 'byung ye shes ye nas gnas pa la// rtogs pa'i ye shes
10a6 bstan pa rdzogs chen no// chos nyid dngos po'i gnas lugs rdzogs pa la// blo nyid dngos po 'gyur ba chen po yi// ye nas chos nyid gcig pas rdzogs pa la// gcig rtogs gzung 'dzin bral ba chen
10b1 po'o// bya byed bral de lhun gyis grub pa de// rdzogs pa yin la chen po yin par shad// bya byed bsgrubs nas grub pa'i 'bras bu de// rdzogs pa yin yang chen po med pa gsungs// so so skye bo'i blo la gnas pa
10b2 na// rdzogs pa ma yin chen po min par gsungs// dngos po'i gnas lugs ye nas gnas pa de// chen po yin yang rdzogs pa min par bshad// ci ste rtogs pa'i ye shes ma ldan pas// de ltar rang gi blo la go
10b3 bar gyis// yang dag don gyi khyad par de tsam mo// rang gi shes rab rtsal gyis ma chod na// mang du smras pas slar yang tshig gis sgrib// nga yis khyod la bstan pa'i tshig bcad 'di// su la bstan kyang ma rtogs mi
10b4 srid de// skal ldan brgya la 'ga' dang phrad par shog/ skal med brgya la phrad par 'dod na yang// mkha' 'gros bar chad sna tshogs bstan nas kyang// 'di dang skal med phrad par ma gyur cig/ rdzogs chen
10b5 'phags tshul gyi yi ge'i le'u ste drug pa'o//// lhun grub rdo rje'i sku la phyag 'tshal lo// a nu man chod skyon yang 'di lta ste// bdag gzhan gnyis kyi 'du shes ma bral ba// gzung 'dzin logs par 'dod pa
10b6 shin tu dman pa ste// bya byed 'du shes sgoms nas sangs rgyas sgrub 'dod pa// skye bo phal pas ltas kyang rmongs par gsal// nyon mongs rtsa ba re dogs yin pa la// re dogs lam du khyer nas byang chub sgrub
11a1 par 'dod// khong par dug zos lus la bde bar 'dod// 'dod kyang bde ba mi myong sdug bsngal myong bar 'gyur// re dogs ma zad bar du grol ba thob mi srid/ a nu dbyings dang ye shes sgor
11a2 zhugs nas// gnyis med bde ba ji bzhin blo 'jog 'dod// de yang nyon mongs rdzogs chen mthong ba min// ma hA thabs dang shes rab sgor zhugs nas// bsnyen bsgrub bzhi yis sku lnga thob par 'dod// de
11a3 yang nyon mongs rdzogs chen mthong ba min// yo ga cho ga dgu sgo nas// 'bras bu sangs rgyas thob par 'dod cing rtsol// u pa ya yi lta spyod ni// kri yar spyod cing yo ga sgrub// 'bras bu sku gsum ye shes
11a4 sgrub// bya spyod pa yi kri ya ni// dag pa rnam gsum sgor zhugs nas// rigs gsum sangs rgyas grub par 'dod// mdo sde byang chub sems dpa'i theg pa ni// bden pa gnyis kyi sgor zhugs nas// kun tu 'od
11a5 kyi sa thob 'dod pa'o// shes pa 'gegs pa'i rang rgyal ni// rten 'brel bcu gnyis sgor zhugs nas// yid bzhin bde ba mchog thob 'dod// sdug bsngal spong ba'i nyan thos ni// bden pa bzhi yi sgor zhugs
11a6 nas// dgra bcom 'bras bu thob par 'dod// 'dod pa ma zad bar du ni// nyon mongs zad par mi 'gyur te// nyon mongs 'bras bu khams gsum yin// 'dus byas rten 'brel 'bras bu de// sangs rgyas theg
10a4 par bgrang ba min/bcom ldan 'das dpal kun tu bzang po bde ba chen po la phyag 'tshal lo// ston pa thugs rje che mnga' bas// thugs kyi dkyil nas bcud phyung nas// byin gyis brlabs kyis bshad pa yi// rig
10a5 pa thabs kyi brgyud pa yis// man ngag seng chen mchongs pa'i rgyud// 'khor rnams kun la bstan pa ni// seng ge rtsal rdzogs gang dkar rtse la mchong// phyogs bcu kun bde gang la thogs pa med// rtsal gsum
10a6 lus la rdzogs pas de bzhin kun tu mchong// gang la thogs pa med pas de bzhin kun tu bde// de bzhin man ngag snying po byang chub sems// ye shes rtsal drug rdzogs pas gang la nyam nga med// thams
10b1 cad thig le gcig pas de bzhin ngang la mchong// de la thogs pa med pas dor med kun tu bde// gang la thogs pa med pas man ngag seng chen mchong// zhes so// byang chub kyi sems man ngag seng chen
10b2 mchongs pa'i rgyud// don rdeg tshig gi yang dag don bstan pas// seng ge rtsal rdzogs gang la thogs med ltar// man ngag don rdzogs byang chub snying po nyid// gang ltar mchong yang thogs med kun tu bde// gang
10b3 la blo mi gnas pas thogs med sa la 'dug// man ngag seng chen mchongs te gang la thogs pa med// byang chub myu gu nyid la dran rtog rgyu ba med// dran bde shes pa'i snying po de don gyis// brdas mtshon dam
10b4 pas ngang la ngang nyi bzhag// man ngag chen mchongs te gang la thogs pa med// ma yengs btang snyoms rab ldan shes pa'i mchog// gzung 'dzin gnyis bral snying po'i don la bzhag// ji ltar yang dag ma yin
10b5 gang ltar mi 'jog pa// man ngag seng chen mchongs te gang la thogs pa med// gang la mi sems sems pa'i don dang bral// cir snang cir med 'di zhes bstan pa med// mi g.yo gang yang mi sems nyams kyi
10b6 myong chags med// nam ngag seng chen mchongs te gang la thogs pa med// 'gyur med dbyings na thogs med ye shes mchongs// mi rtog mi 'dzin bsgom par bya ba'i yul dang bral// ji ltar yang 'jig pa med pa
11a1 bde ba chen po'i ngang// man ngag seng chen mchongs te gang la thogs pa med// gang la chags med spyod med snang ba rang bzhin med// de bzhin blo gnas ma yengs rtog dang bral// ngang la ngang
11a2 gnas bde ba'i ngang la gnas// man ngag seng chen mchongs te gang la thogs pa med// sems la sems lta gang la mthong med gsal// ma mthong mthong ba de don rnam par dag// rig pa rgyun gsal ngang la ngang
11a3 gnas pas// man ngag seng chen mchongs te gang la thogs pa med// gsal la gsal lo rtog pa las 'das shing// gsal rtog med de ma yengs ngang gnas pa// rig pa lhun chags bde ba chen po'i
11a4 mchog// man ngag seng chen mchongs te gang la thogs pa med// lta ba ltar med man ngag bzhag pa med// 'di zhes mthong med don nyid sgom du med// bde ba'i ngang la ngang gnas dgongs pa'i mchog// man
11a5 ngag seng chen mchongs te gang la thogs pa med// seng chen dgu mchongs man ngag don gyi dbyig/ gdeng chen man ngag don ldan yang// thugs rab gsal ba'i dkyil 'khor 'dir bcangs na// skye ba 'di la
11a6 'bras bu mngon sangs rgyas// 'di gzung thugs kyi dkyil du gter du chongs// zhes bstan to// byang chub sems kyi man ngag seng chen mchongs pa'i rgyud// i thi/ rdzogs so////


CLOSE WINDOW