8b3 / yang dag bsgrub pa'i zhal rnams dbye// ye shes rin po che 'bar ba las// chos rnams thams cad rang shugs kyis spyod pa bstan pa'i le'u ste lnga pa'o//// de nas bde bar gshegs pa yis// yi ge
8b4 rang 'bar ba brjod do// lus rnams stongs bzhi'i lus/ khog pa stong pa a yis gang// spyi gtsug a ru na ra ra// gzhi ma mthing kha a yis gang// sprul sku bsgoms pa ji bzhin no// sdug bsngal bral te bde
8b5 ba'i sku// gser gyi rdo rje 'bar ba la// hU~M sngon 'bar bas ra gseb gtams// yid bzhin nor bu 'bar ba las// oM dmar gdangs pa 'bar ba'o// ye shes pad+ma 'bar ba la// aM gar gdangs pa shin tu
8b6 gsal// zhe sdang gti mug 'dod chags bral// ye shes rin po che 'bar ba las/ yi ge 'bar ba'i le'u ste drug pa'o//// de nas bde bar gshegs pa thams cad yang dag pa 'di brjod do// rang byung sems
9a1 dpa' lta ba yin// byang chub sems kyi rang bzhin no// dngos po med pa kun gyi dngos// rang byung shar ba kun gyi gzhi// rgyu rkyen med pas kun gyi srog/ thog mtha' med pas kun gyi
9a2 skyabs// mchog gi 'od gsal 'bar ba yang/ kha dog med par snang ba shar// dngos po med pas gsal bar shar// bris pa med pas kun gyis gdangs// rdzas su ma grub ye shes 'od// ye shes rtsa lnga rang
9a3 bzhin dang// spros pa med pas stong pa dang// phyogs ris med pas gdangs la sangs// rang bzhin med pas dwangs la stong// byas pa med pas ye shes lam// dpa' bo 'bru lnga rang bzhin dang// dngos po
9a4 med pas shes rab 'char// bris pa med pas sna tshogs 'char// rang bzhin med pas sna tshogs gsal// ye shes yin pas gos pa med// lta ba nam mkha' 'dra ste 'gyur ba med// sgom pa nyi zla 'dra ste gsal
9a5 'grib med// spyod pa ser bu 'dra ste ngos gzung med// sems nyid bar snang 'dra ste phyogs ris med// 'od gsal nyi ma 'dra ste gsal la gdang// rtsa lnga nyi zer 'dra ste 'phel 'grib med// 'bru lnga chu gzugs
9a6 'dra ste dngos po med// rig pa smig sgyu 'dra ste rang bzhin med// sgo lnga 'khor 'das rgyab gyes pas// dug lnga gsad pa'i thabs chen yang// nam mkha'i mthong nas zhe sdang sbrul nag 'khyug/ shes rab ye shes
9b1 gdangs gsal mda' gzhu dgang// chos kyi dbyings su ye shes mde rtse gtad// gnyi med ye shes mda' ni 'gyur ni phyogs bcur 'phang bar bya// bar snang mkha' la gti mug phag rgod 'gyur// stong sangs ye
9b2 shes chen po mda' gzhu'i bdag/skye med dbyings su ye shes mde rtse bstad// gnyis med ye shes mda' ni 'gyur med brdeg/ yid bzhin sgrom bu'i nang na phrag dog spre'u rtse// dngos med rang byung chen po'i
9b3 mda' gzhu dgang// rlung bsgoms nang du hU~M gi mde rtse gtad// bde ba ye shes rang byung mda' 'phang ngo// rgya mtsho'i gting nas 'dod chags ngang mo 'phur// chags med rang grol chen po'i mda' gzhu
9b4 dgang// pad+ma dbyings kyi aM gi mde rtse gtad// ye shes mde rtse mda' ni rang grol 'phang// ri rab rtse la nga rgyal glang chen 'khun// spros med ye shes chen po'i mda' gzhu dgang// sra brtan rgya gram lte ba mde
9b5 rtse gtod// stong pa chen po'i klong du mda' 'phang ngo// chos sku 'gyur med snang ba'i rgyan du shar// chos sku ye shes gting gsal 'gyur med cing// dus gsum sangs rgyas rnams kyis gtan la 'bebs pa
9b6 med// las can rigs 'dzin rnams kyis don la mthong ba med// mkhas pa dge bshes rnams kyis nyams su myong ba med// khams gsum sems can rgyud la lhan ne lhag ge gnas// dper na nam mkha' stong
10a1 pa kho rang las// dngos po kha dog dbyibs su grub pa med// sems nyid 'gyur med ye shes chen po la// rtogs shin mthong du kho rang rang las med// ye shes rin po che rang 'bar ba las/
10a2 gdams pa'i le'u ste bdun pa'o//// de nas bde bar gshegs pa thams cad kyis// sbyang med rnam par dag pas 'di brjod do// dang po phyi bshags rgyas par bya// de nas rten gyi dri ma bca'// phyi ru maN+Dal
10a3 drug byas la// a nri su tri pri tu bri// gtor ma drug la byin brlabs la// ting 'dzin rigs drug lam nas drang// lha mo bcu yis dri ma 'khrud pas dbyung// dkyil 'khor rtsa ru gzhag la khro bo bcu yi bcos pa
8b3 gtad// stobs kyis bstan pa 'bras bu'i mchog tu bshad// ngo bo rang byung ye shes 'phel 'grib med// sangs rgyas gnas skabs gzhi ru dbye ba tsam// ci ste 'dus ma byas shing bdag gzhan dben// de bas thob
8b4 tu med pa'i 'bras bu thob// dang po gnas su med pa'i lugs de la// gnyis pa rtags su med pa'i rtog pas rtogs// gsum pa blta ru med pa'i lta ba de// bzhi pa sgom du med pa'i sgom pas sgom// lnga pa thob
8b5 tu med pa'i 'bras bu de// drug pa mkhyen du med pa'i mkhyen pa shar// rdo rje sems dpas 'bras bu mchog tu gsung// 'bras bu'i ngo bo ye nas yin pa la// rtogs pas thob ces rdo rje sems dpas
8b6 gsungs// dper na ma he ra tshig bu bzhin no// the gu sbrul la sogs pa de bzhin no// ye nas gzung 'dzin dben zhing 'dus ma byas// yin pa ngang gis gzung 'dzin 'dus byas 'khrul// rang gi gzung 'dzin
9a1 dag cing 'dus ma byas rig pas// spangs nas thob pa med de 'bras bu mchog tu gsungs// de yod sangs rgyas de med sems can med// de rtogs bstan nas yid kyi g.yo ba bral// tha dad 'du
9a2 shes rdul tsam mi skye na// mthar thug 'bras bu thob tshul de ltar thob// dang po rtogs pa'i ye shes rang byung ste// nyi ma gcig la cha bcur gnas pa la// cha gcig ye shes cha dgu tha mal te// rim gyis ma spangs
9a3 ma bsgrubs bcur 'gags bcur gnas pa// gsang sngags 'bras bu thob tshul de ltar thob// snang ba shar nas mun pa brlag pa bzhin// gnyis med rtogs nas gzung 'dzin log pa dang// lhun grub rtogs
9a4 nas bya btsal log pa dang// gcig tu rtogs nas re dogs log pa dang// mnyam nyid rtogs nas dgag sgrub log pa dang// 'bras bu rtogs shes rdo rje sems dpas gsungs// de yang gzhan nas thob pa ci
9a5 yang med// rang gi ngo bo ye nas de ltar gnas// gnas pa rtogs nas brtan pa thob pa la// mthar thug 'bras bu thob tshul de ltar shes par gyis// rang gis shes nas gzhan ni 'di lta ste// yang dag don 'di
9a6 ston pa'i slob dpon de// lhan cig gnas na sri zhu smos ci dgos// yang na bzhugs pa'i yul phyogs dris nas kyang// phyogs der mchod cing phyag 'tshal bstod par byed// sngon du bzhugs pa'i grong ngam gnas
9b1 khang la// skor ba la sogs phyag mchod dngos su byed// dran nam mthong na nad 'byang lus kyang yang// sngon gyi spyod lam dran na mos pa skye// nam yang 'bral ba'i bsam pa mi skye na// dgon par khrid la tshig re
9b2 bstan// yun du bsrings la bags kyi bstan pa las// rdol chos ltug par zhu na bstan pa min// ngang gis snod dang sbyar la bstan par bya// zhes 'bras bu thob tshul gyi yi ge'i le'u ste lnga pa'o//// mnyam
9b3 nyid ngang gi khro la phyag 'tshal lo// 'bras bu khyad par 'phags pa lnga yis 'phags// ma spangs mi gnas mi ltos rag ma lus// tha snyad kun dang bral ba'i 'bras bu de// rang byung lhun grub 'dus ma byas pas
9b4 na// 'bras bu'i rgyal po khyad par 'phags te che// bya byed med de 'dus ma byas pas 'phags// re dogs med pas nyon mongs log pas 'phags// bdag gzhan med pas gzung 'dzin med pas 'phags// rgyu
9b5 rkyen med pas gnyen pos mi 'jigs 'phags// blo dngos phrad pas gnyis med gsal te 'phags// chos nyid ye 'byam gnyis med gnad du chud// rang dbang rang gis thog ste gzhan mi gnas// che btsan
9b6 'gran zla med pa'i 'bras bu de// ye shes rtse mos thams cad 'jog ste 'phags// chos nyid ye 'byam gnyis med gnad// yid la ma bsam blo yis ma byas pas// rang dbang med pa'i 'bras bu rang byung
10a1 che// gang na ma byung gang du ma phyin par// rang sar rang grol 'bras bu bde ba'i mchog/ yid kyi g.yo ba bral ba'i 'bras bu de// rdo rje sems dpas 'bras bu'i mchog tu gsungs// ji srid yid kyi
10a2 g.yo ba ma bral bar// sangs rgyas 'dod pas sgrub pa'i gang zag de// 'khor ba'i mtha' las thar par ma gsungs so// des kyang rdzogs chen 'bras bu khyad par 'phags// yid kyi g.yo ba bral ba'i 'bras bu
10a3 de// rdzogs pa chen po'i 'bras bu yin par bshad// yid kyi g.yo ba ma bral 'bras bu de// rdzogs pa chen po ma yin bskyed rim yin// bskyed rdzogs shan kyang de ru shes par gyis// re dogs ma zad 'bras bu
8b3 bskyed rim yin//// bcom ldan 'das dpal kun tu bzang po bde ba chen po la phyag 'tshal lo// ston pa thugs rje che mnga' bas// thugs kyi dkyil nas bcud
8b4 phyung nas// byin gyis brlabs kyis bshad pa yis// rig pa thabs kyi brgyud pa 'di// lta ba khyung chen lding ba'i rgyud// 'khor rnams kun la bstan pa ni// khyung chen gshog drug rdzogs nas snang srid mkha' la
8b5 lding// phyogs bcu sa phyogs gang la'ang nyam nga med// snang srid khyung chen gshog rdzogs mkha' la bde// gshog drug lus la rdzogs pas ltung ba'i nyam nga med// de bzhin man ngag snying po byang chub
8b6 sems// thams cad rdzogs pas thig le chen po'i ngang// 'di la gcig med thig le chen po'i ngang// 'di la gcig med du ma med pa'i don// snying po nyid du gyur pas de bzhin nyid du bde// 'di la sangs
9a1 rgyas sems can gnyis pa gdod nas med// lta ba gshog rdzogs mkha' la lding zhes pa'o// byang chub sems kyi man ngag khyung chen lding ba'i rgyud// rdo rje tshig gi yang dag don bstan pa/ khyung chen
9a2 gshog rdzogs mkha' lding gang la nyam nga med// rdzogs pa'i rdzogs pa byang chub snying po nyid// thams cad rang bzhin nyid de gang la nyam nga med// ma bcos thig le gcig pas snang srid ye sangs rgyas// don gyi
9a3 khyung chen chos kyi dbyings na lding// thig le ngang ste gang la nyam nga med// snangs srid phyi nang rang bzhin kun sangs rgyas// gdod nas ma bcos snying po de bzhin nyid// gdags pa'i tha snyad kun la gang yang
9a4 spangs pa med// 'di zhes bstan pa'i don med ston pa cang mi gsung// lta ba khyung chen lding ste gang la nyam nga med// lta bas bltar med yid la 'di bzhag med// sgom du cang med gzung 'dzin yul mi
9a5 gnas// ma bcos de bzhin nyid nas man ngag don gyi klong// gang la ngang gis gnas par rig pa rang la gsal pa'i zer// man ngag khyung chen lding ste gang la nyam nga med// snying po mchog tu gyur pa'i byang chub
9a6 sems nyid ni// gdod nas rnam dag gang ltar 'char mi mdzad// mi spong mi len bkag dang ma bkag med// mnyam pa chen po mdzad spyod rnam par dag// spyod pa khyung chen lding ste gang la nyam nga med// gzhi
9b1 rtsa thig le gcig pas gsal ba'i tha snyad med// dam tshig khyung chen lding ste gang la nyam nga med// ma btsal lhun grub rang bzhin ye sangs rgyas// rang byung ye shes thig le nyag gcig ma// gzhan nas btsal du
9b2 med de ye nas snying po byang chub sems// thams cad 'di nyid 'di las gzhan min pas// 'phrin las khyung chen lding ste gang la nyam nga med// mi g.yo ma yengs gang la sems pa med// mi 'dzin mi rtog de bzhin
9b3 nyid du gsal// rig pa rgyun chags gsal ba ngang gi gzer// gang du mi 'gyur de bzhin nyid du gnas// sgom pa khyung chen lding ste gang la nyam nga med// chos rnams ngo bo snying po byang chub sems// gting dpag
9b4 gcad dka' nam mkha' rgya mtsho'i klong// yon tan kun 'byung yid bzhin nor bu'i tshul// snying po gcig ste chu zla'i nyi zer 'dra// kun kyang yongs brdal thugs rje chen po'i ngang// thugs rje byung chen lding ste
9b5 gang la nyam nga med// snying po mchog tu gyur pa'i byang chub sems nyid ni// rgyu la rag ma lus pas rkyen gyis 'jig mtha' med// kun gyi rgyu nyid 'bras bu'i mchog gyur pas// tshogs gnyis ma bsags rang
9b6 bzhin lhun gyis rdzogs// rgyu 'bras khyung chen lding ste gang la nyam nga med// nges pa'i khyung dgu lding pas snang srid ye sangs rgyas// 'khor ba rtsa ba bcad kyang mya ngan 'das pa med// sa lam sgo phugs med par
10a1 khyab gdal thig le'i ngang// 'di zhes bstan du med pas yang dag rgyud kyi mchog// khyung chen lding ba man ngag don gyi rgyud// nges pa'i don ston kun grol thugs kyi gter// bag chags sgrib sel
10a2 rnam dag chu bo'i rgyun// nyon mongs bdud 'dul bdud rtsi chen po'i bcud// rgyud dang ston par bcas la bstod phyag 'tshal// gang la sems gnyis med cing chags pa kun bral 'di// yang dag thugs kyi sras
10a3 mchog khyod la gtad// nges par 'di bzung thugs la thugs kyi chongs// zhes bstod do// byang chub kyi sems man ngag khyung chen lding ba'i rgyud// sa ma ya so phag shi thams/ rdzogs so////


CLOSE WINDOW