172a3 /// sdud pa'i gsang bdag rdo rje sems dpa' yis// ston pa'i ston pa kun tu bzang po la// gang gis gang la dbang bskur byin rlabs dang// chos sku
172a4 rang byung ye shes dbyer med pa'i// zhal bstan 'bras bu nges pa ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// rang bzhin lhun grub rang byung dbyer med
172a5 pa'i// chos sku gsal gdangs 'gag med ston pa des// rang byung zer gyi ston pa kun bzang la// rang bzhin lhun grub dbang bskur byin rlabs pa// gnyis med thig le chen por sangs rgyas pa'o// yan lag
172a6 zer gyi ston pa kun bzang des// sdud pa'i gsang bdag rdo rje sems dpa' la// rang bzhin dbang bskur gnyis med byin rlabs pa// gnyis med thig le chen por sangs rgyas pa'o// chos sku rang byung ye shes
172b1 nam mkha' la// kun tu bzang po ngang nyid nam mkha' 'byung// nga las 'byung dang nga nyid nam mkha' la// nga las nga nyid nam mkha' ngas bstan pa// chos sku rang rig med pa'i mkha' nyid dang// rang byung ye
172b2 shes rang rig mkha' nyid gnyis// dbyer med gcig ste nam mkha' nyid kyi ngang// gcig dang tha dad dag las grol ba'o// rang bzhin dbang bskur la yang rnam gnyis te// spyi yi rang bzhin lhun grub dbang
172b3 bskur dang// khyad par rang bzhin lhun grub dbang bskur ba'o// spyi yi lhun grub dbang bskur rnam bzhi ste// rang bzhin lhun grub bum pa'i dbang bskur dang// gsang ba'i dbang dang shes rab ye shes
172b4 dbang// dbyer med mtshon pa'i dbang ste bzhi pa'o// rang bzhin lhun grub bum pa'i dbang bskur ba// chos sku rig med phyi ste bum nyid dang// rang byung ye shes nang ste bum nyid gnyis// phyi nang gnyis su med
172b5 pa'i bum pa'i dbang// rdzogs chen dbang po yang rab gyur pa la// rang bzhin gnyis med bum pa'i dbang bskur bas// gnyis med thig le chen por sangs rgyas pa'o// rang bzhin lhun grub gsang ba'i dbang
172b6 bskur ba// chos sku rig med rang gsal shes rab gsang// rang byung ye shes rig pa thabs te ba// thabs dang shes rab gnyis med gsang ba'i dbang// rdzogs chen dbang po yang rab gyur pa la// rang bzhin
173a1 gnyis med gsang ba'i dbang bskur bas// gnyis med thig le chen por sangs rgyas pa'o// shes rab ye shes lhun grub dbang bskur ba// chos sku rig med stong pa shes pa rab// rang byung ye
173a2 shes rang rig ye nas shes// chos sku ye shes shes rab ye shes dbang// rdzogs chen dbang po yang rab gyur pa la// shes rab ye shes gnyis med dbang bskur bas// gnyis med thig le chen por sangs rgyas
173a3 pa'o// bzhi pa rang bzhin lhun grub dbang bskur ba// chos sku rig med ming bral mtshon med dang// rang byung ye shes ming med mtshon byed pa// mtshon pa gnyis med mtshon pa brda yi dbang// rdzogs chen dbang
173a4 po rab tu gyur pa la// rang bzhin gnyis med brda yi dbang bskur bas// gnyis med thig le chen por sangs rgyas so// khyad par lhun grub dbang bskur la yang bzhi// rang bzhin bum pa'i dbang dang gsang
173a5 ba'i dbang// shes rab ye shes dbang dang mtshon pa bzhi'o// rang bzhin lhun grub bum pa la yang bzhi// chos sku rang byung ye shes dbyer med dang// dbyer med ming med mtshon pa'i bzhi pa'o// chos sku'i dbang
173a6 bskur byin rlabs ni// skye med rang gsal 'gyur med ye nyid bum// bcos pa med pa'i rang bzhin rang gsal ba// skye med bcos pa med pa'i bum pa'i dbang// rdzogs chen dbang po rab tu gyur pa la// chos
173b1 sku rang gsal bum pas dbang bskur bas// chos sku 'gyur ba med par byin rlabs te// sangs rgyas chos sku'i dbang bskur ro// ma skyes rang byung ye shes dbang bskur byin rlabs ni// ma skyes mi 'gyur ye shes
173b2 ye nyid bum// ma bcos pa yi rang bzhin ye shes ye nyid pa// ma skyes mi 'gyur ye shes bum pa'i dbang// rdzogs chen dbang po rab tu gyur pa la// rang byung ye shes bum pa'i dbang bskur bas// rang byung
173b3 ye shes mi 'gyur byin rlabs te// sku yi ye shes gsung gi dbang bskur ba'o// chos sku ye shes gnyis med bum dbang ni// skye med ma skyes gnyis med ye shes ye nyid bum// bcos med ma bcos gnyis med
173b4 rang gsal ba// chos sku ye shes gnyis med bum pa'i dbang// rdzogs chen dbang po rab tu gyur pa la// skye med ma skyes gnyis med dbang bskur bas// gnyis med thig le chen por byin rlabs te// sku
173b5 yi thugs kyi gnyis med dbang bskur ba'o// ming med gsum mtshon bum dbang byin rlabs ni// chos sku ye shes gnyis med ming med brda// sku gsung thugs kyi dbyer med ming med brda// ming med gsum la
173b6 mtshon pa brda yi dbang// rdzogs chen dbang po rab tu gyur pa la// ming med gsum mtshon brda yis dbang bskur bas// ming med gsum gyi ngang du byin rlabs te// ming med lhun grub brda yi dbang bskur
174a1 ba'o// rang bzhin lhun grub gsang ba'i dbang la rnam bzhi ste// chos sku gsang ba'i dbang bskur byin rlabs ni// spros med rang gsal brjod med ye shes ye nyid gsang// brjod du med pa'i rang
174a2 bzhin rang gsal ba// spros med brjod du med pa'i gsang ba nyid// rang bzhin chos sku lhun grub gsang ba'i dbang// rdzogs chen dbang po rab tu gyur pa la// chos sku rang gsal gsang ba'i dbang bskur
174a3 bas// chos sku spros pa med par byin rlabs te/ chos sku gsang dbang chos sku'i dbang bskur ba'o// rang byung ye shes gsang ba'i dbang bskur ni// ma spros rang gsal ye shes ye nyid gsang// ma brjod rang
174a4 bzhin rang gsal ye shes pa// ma spros ma brjod ye shes gsang ba nyid// rang bzhin lhun grub ye shes gsang ba'i dbang// rdzogs chen dbang po rab tu gyur pa la// rang byung ye shes gsang ba'i dbang bskur
174a5 bas// ma spros ye shes chen por byin rlabs te// rang byung ye shes gsang ba'i dbang bskur ba'o// chos sku ye shes gnyis med gsang dbang ni// spros med ma spros gnyis med ye shes ye nyid gsang// brjod
174a6 med ma brjod dbyer med rang gsal ba// chos sku ye shes gnyis med gsang ba nyid// rang bzhin lhun grub ye shes gnyis med gsang ba'i dbang// rdzogs chen dbang po rab tu gyur pa la// chos sku ye shes
174b1 dbyer med dbang bskur bas// spros med ma spros gnyis med byin rlabs te// gnyis med gsang ba'i dbang bskur ba'o// ming med gsum mtshon gsang dbang bskur ba ni// chos sku ming med gsang dbang
174b2 mtshon pa dang// ye shes ming med gsang dbang mtshon pa dang// gnyis med ming med gsang dbang mtshon pa yi// ming med rnam gsum gsang dbang mtshon pa'i dbang// rdzogs chen dbang po yang rab gyur pa
174b3 la// ming med gsang dbang mtshon pa'i dbang bskur bas// ming med gsum gyi ngang du byin rlabs te// ming gsum med pa'i brda yis dbang bskur ba'o// shes rab ye shes lhun grub dbang la bzhi// g.yo med
174b4 gsal skye med pa shes rab nyid// 'gyur ba med pa'i rang bzhin rang gsal ye// bcos pa med pa'i chos nyid bde ba shes// skye ba med pa'i shes rab ye shes nyid// chos sku lhun grub shes rab ye shes
174b5 dbang// rdzogs chen dbang po rab tu gyur pa la// chos sku shes rab ye shes dbang bskur bas// chos sku 'gyur ba med pa'i byin rlabs te// chos sku bde ba chen pos dbang bskur ba'o// ma g.yos rang gsal
174b6 ye shes shes rab nyid// mi 'gyur ba yi rang gsal ye// ma bcos ye shes bde ba shes// ma skyes pa yi shes rab ye shes nyid// ye shes lhun grub shes rab ye shes dbang// rdzogs chen dbang po rab tu gyur
175a1 pa la// lhun grub shes rab ye shes dbang bskur bas// ye shes mi 'gyur ngang du byin rlabs te// rang byung ye shes bde ba'i dbang bskur ba'o// g.yo med mi g.yo gnyis med shes rab
175a2 nyid// 'gyur med mi 'gyur gnyis med rang byung ye// bcos med ma bcos dbyer med lhun grub shes// gnyis med lhun grub shes rab ye shes dbang// rdzogs chen dbang po rab tu gyur pa la// gnyis med
175a3 shes rab ye shes dbang bskur bas// g.yo med mi g.yo gnyis med byin rlabs te// gnyis med shes rab ye shes dbang bskur ba'o// ming med gsum mtshon shes rab ye shes dbang// rdzogs chen dbang po
175a4 ya rab gyur pa la// ming med gsum gyi brda yis dbang bskur ba'o// ming med gsum gyi ngang du byin rlabs te// ming gsum med pa'i dbang bskur ba'o// brda yi dbang bskur la yang rnam bzhi ste// chos sku
175a5 ming med chos sku mtshon dbang dang// ye shes ming med chos sku mtshon dbang dang// ye shes ming med ye shes brda dbang dang// dbyer med ming med gnyis med brda dbang dang// ming med gsum la mtshon
175a6 pa'i dbang bskur bas// ming med mtshon pa med par byin rlabs te// nam mkha' ming med brda yis dbang bskur ba'o// zhal bstan 'bras bu nges pa la yang gnyis// spyi dang khyad par gnyis kyi zhal bstan
175b1 pa'o// spyi yi rang byung chos sku'i zhal bstan pa// nam mkha' ming du ma btags nam mkha' yi// nam mkha' snying por nam mkha' bltas byas nas// de tshe nam mkha' nyid du gyur pa yi// 'bras bu sangs rgyas
175b2 nyid du nges thob pa'o// khyad par zhal bstan la yang rnam gsum ste// rang bzhin lhun grub chos sku'i zhal bstan pa// nam ni rig med chos sku'i rang bzhin las// chos sku rig med nam mkha'i rang bzhin
175b3 te// lhun grub chos sku nam mkha' blta byas nas// de tshe chos sku nam dang gnyis med pas// 'bras bu sangs rgyas chos sku nges thob pa'o// lhun grub rang byung ye shes zhal bstan pa// mkha' ni rang byung ye shes
175b4 la// rang byung ye shes nam mkha'i rang bzhin te// lhun grub rang byung mkha' la bltas byas na// de tshe rang byung ye shes nyid dang gnyis med pa'i// 'bras bu rang byung ye shes nges thob pa'o// chos sku ye shes
175b5 dbyer med zhal bstan pa// nam ni rig med chos sku'i rang bzhin dang// mkha' ni rang byung ye shes rang bzhin gnyis// gcig dang tha dad dag las grol gnas te// gnyis med ming bral ngang du bltas byas
175b6 na// de tshe dbyer med gnyis su med par 'gyur// chos sku ye shes dbyer med nges pa'o// rin po che rgyas pa chen po'i mdo las/ dbang bskur ba rnam bzhis 'bras bu sangs rgyas pa'i zhal bstan pa'i le'u ste dang
176a1 po'o//// sdud pa'i gsang bdag rdo rje sems dpa' yis// ston pa'i ston pa kun tu bzang po la// lta spyod sgom pa'i 'bras bu dbyer med pa'i// spyi yi ming btags nges pa ji lta bu// ston
176a2 pa'i ston pa kun tu bzang po yis// sdud pa'i gsang bdag rdo rje sems dpa' la// chos rnams thams cad 'byung ba'i gzhir gyur pa// rang rig rig med stong pa'i rang bzhin can// mtha' dang dbus med don
176a3 dam snying po'i ngang// brjod du med pa'i rang bzhin yul las 'das// dngos po mtshan ma med pa'i bdag chen po// 'gyur ba med pa ma bcos kun gyi las// tha snyad kun dang bral ba thig le'i klong// sgro skur
176a4 kun bral tshig gis mtshon du med// yod med stong dang mi stong gzhal du med// rgyu rkyen ma bskyed zag pa med pa'i sku// kun la khyab pa'i rgya yongs ma chad pa// zad med rin chen gter gyi mdzod gyur
176a5 pa// tshogs brgyad yul du ma gyur rmad du byung// rmad byung byang chub sems kyi rang bzhin 'di// gcod med mi gcod dbyer med shes rgyus 'dra// snang ba 'di nyid yin te mthong ba med// mthong med mthong ba lta
176a6 ba'i mchog tu yin// rang byung ye shes rtsal gyi yan lag snang ba rnams// lta ba'i ngang du dbyer med spyod snang ba// rig med rang gsal stong pa'i ngang du spyod// rang rig rang gsal mtha' dbus med
176b1 la spyod// brjod med rang bzhin rtog med yul la spyod// dngos po mtshan med dbyings kyi don la spyod// 'gyur med ma bcos kun gyi lam du spyod// tha snyad kun bral thig le chen por spyod// sgro skur bral ba
176b2 dbyings kyi ngang du spyod// gzhal du med pa'i stong pa'i dbyings su spyod// rgyu rkyen ma bskyed zag med sku ru spyod// kun kyang rgya yongs ma chad pa ru spyod// zag pa med pa'i rin chen gter du spyod// rmad byung byang
176b3 chub sems kyi rang bzhin 'di// spyod pa med pa'i ngang du spyod pa ste// spyod med spyod pa spyod pa'i spyod mchog yin// rtsal gyi yan lag chos rnams kun// bcos med ma bcos ji bzhin ngang la bzhag/ rig pa ma
176b4 bcos ji bzhin nyid du gzhag/bcos med ma bcos gsal ba'i ngang la gzhag/ gzhag tu dngos med dmigs pa'i ngo bo med// dngos po med pa'i rang bzhin gzhag pa med// gzhag sa med pa'i gzhag pa
176b5 ni// bsgom du med pa'i sgom pa chen po ste// bsgom du med pa'i sgom pa chen po ni// sgom pa kun gyi nang na bsngags pa yin// yan lag rtsal gyi chos kyi snying po nyid// bsgrub pa med pa'i lhun gyis grub pa
176b6 rnams// lhun grub spangs thob med pa'i 'bras bu yin// spangs thob med pa'i 'bras bu chen po'i 'bras bu yang// 'bras bu'i nang na 'bras bu mchog chen yin// lta ba'i lta ba ltar med lhun rdzogs yin// lta
177a1 ba'i spyod pa rang bzhin yongs rdzogs yin// lta ba'i bsgom pa dmigs su med pa yin// lta ba'i 'bras bu thob pa yin// spyod pa'i lta ba rang bzhin yongs rdzogs yin// spyod pa'i spyod pa mtshan ma
177a2 yongs rdzogs yin// spyod pa'i bsgom pa rang bzhin rnam dag yin// spyod pa'i 'bras bu blang dor med pa yin// sgom pa'i lta ba dmigs su med pa yin// sgom pa'i spyod pa rang bzhin rnam dag yin// sgom
177a3 pa'i bsgom pa yengs su med pa yin// sgom pa'i 'bras bu spang thob med pa yin// 'bras bu'i lta ba bltar med lhun grub yin// 'bras bu'i spyod pa spyad du med pa yin// 'bras bu'i bsgom pa bsgom du med pa
177a4 yin// 'bras bu'i 'bras bu thob pa med pa yin// lta spyod grangs su bstan pa dbyer med gcig/ dbyer med ming dang bral ba nam mkha' yin// rin po che rgyas pa chen po'i mdo las/ lta spyod spyi'i dbyer med
177a5 kyi le'u ste gnyis pa'o//// sdud pa'i gsang bdag rdo rje sems dpa' yis// ston pa'i ston pa kun tu bzang po la// khyad par lta spyod sgom dang 'bras bu yi// dbyer med ming btags nges pa ji ltar
177a6 lags// ston pa'i ston pa kun tu bzang po yis// sdud pa'i gsang bdag rdo rje sems dpa' la// khyad par ming btags la yang rnam pa gnyis// rang bzhin lhun grub nyid la ming btags dang// rtsal gyi yan
177b1 lag dag la ming btags pa'o// lhun grub nyid la ming btags rnam gsum ste// chos sku ming dang rang byung ye shes dang// chos sku rang byung ye shes dbyer med pa'o// rang byung chos kyi sku la ming btags
177b2 pa// rang gsal 'gyur ba med pa lta// skye ba med pa'i rtog med ngang du spyod// yengs pa med pa'i rtog med chos sku sgom// thob pa med pa'i 'bras bu lhun grub thob// rang byung ye shes nyid la ming btags
177b3 pa// rang rig rang gsal mi 'gyur lta ba lta// ma skyes pa yi ming rtog ngang las spyod// ma yengs mi dmigs rang gsal sgom// 'bras bu rang byung ye shes lhun grub thob// chos sku rang byung ye shes dbyer med
177b4 la// lta spyod sgom dang 'bras bu'i ming btags pa// chos sku rig med rang gsal 'bras bu dang// rang byung ye shes rang rig mi 'gyur gnyis// gcig dang tha dad dag las grol ba yi// 'gyur med mi 'gyur
177b5 dbyer med chen po ste// chos sku rig med rang gsal skye med dang// rang byung ye shes rang rig ma skyes gnyis// gcig dang tha dad dag las grol ba yi// skye med ma skyes dbyer med chen por spyod// chos sku
177b6 rig med rang gsal yengs med dang// rang byung ye shes rang rig ma yengs gnyis// gcig dang tha dad dag las grol ba yi// yengs med mi yengs gnyis med chen por bsgom// chos sku rig med
178a1 gsal thob med pa dang// rang byung ye shes rang gsal ma thob gnyis// gcig dang tha dad dag las grol ba'o// thob med ma thob dbyer med 'bras bu thob// rtsal gyi ming btags la yang rnam
178a2 gnyis te// yan lag snying po nyid la ming btags dang// theg dman so so rnams kyi ming btags pa'o// yan lag snying po nyid la ming btags gsum// yan lag chos kyi sku la ming btags pa// rig med
178a3 spros gsal spros pa med pa lta// rig med rang gsal skye ba med pa spyod// rig med rang gsal rtog pa med pa sgom// rig med rang gsal 'bras bu chos sku thob// yan lag rang byung ye shes ming btags
178a4 pa// ye shes rang gsal rang rig ma spros lta// ye shes rang gsal rang rig ma skyes spyod// ye shes rang gsal rang rig mi yengs sgom// ye shes rang gsal rang rig 'bras bu thob// spros med ma spros gnyis
178a5 su med pa lta// skye med ma skyes gnyis su med pa spyod// rtog med mi rtog gnyis su med pa sgom// chos sku ye shes gnyis su med pa thob// so sor ming btags bye brag gcig gi ngang// theg dman rnams kyi so
178a6 sor ming btags pa// lta spyod sgom dang 'bras bu so so yi// so so rang rang rtogs pa'i ming btags pa'o// rin po che rgyas pa chen po'i mdo las/ khyad par lta spyod sgom pa'i ming btags pa'i le'u ste gsum
178b1 pa'o//// sdud pa'i gsang bdag rdo rje sems dpa' yis// ston pa'i ston pa kun tu bzang po la// kun gyi gzhi ma lhun grub ming med la// sa chu me rlung nam mkha' 'byung lnga la// chos kyi sku ni rang byung ye
178b2 shes kyi// dbyer med ming btags snang ba ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// chos sku 'gyur med 'degs pa sra bas sa// chos sku 'gyur med
178b3 sdud pa ltems pas chu// chos sku rgya chad med pa smin byed dro ba me// chos sku 'gag med bskyod med yang bas rlung// chos sku rang gsal 'byed med stong pa'i mkha'// ye shes mi 'gyur 'degs pas sra bas
178b4 sa// ye shes mi g.yo sdud pas ltems pas chu// ye shes rgya ma chad pa smin byed dro bas me// ye shes ma 'gags ma bskyod yang bas rlung// ye shes rang gsal mi 'byed stong bas mkha'// chos sku 'gyur med
178b5 'degs pa'i sa nyid dang// ye shes mi 'gyur 'degs pa'i sa nyid gnyis// gcig dang tha dad dag las grol ba'i sa// chos sku g.yo ba med pa sdud pa'i chu dang ni// ye shes mi g.yo sdud pa'i chu nyid
178b6 gnyis// chos sku ye shes dbyer med grol ba'i chu// chos sku rgya chad med pa'i smin me dang// ye shes rgya ma chad pa'i smin me gnyis// gcig dang tha dad dag las grol ba'i me// chos sku 'gag med bskyod med
179a1 yang rlung dang// ye shes ma 'gags ma bskyod yang rlung gnyis// gcig dang tha dad dag las grol ba'i rlung// chos sku dbyer med stong pa nam nyid dang// ye shes mi 'byed stong pa mkha' nyid
179a2 gnyis// gcig dang tha dad dag las grol ba nam mkha' 'o// rin po che rgyas pa chen po'i mdo las/ 'byung ba lnga la chos sku ye shes dang dbyer med pa'i ming btags pa'i le'u ste bzhi pa'o//// sdud pa'i
179a3 gsang bdag rdo rje sems dpa' yis// ston pa'i ston pa kun tu bzang po la// chos rnams thams cad bsdu na du ru 'dus// yan lag rtsal gyi byin rlabs 'bras bu dang// rang la ye shes ci yi 'char ba
179a4 dang// shar nas byin rlabs 'bras bu ji lta bu// ston pa'i ston pa kun tu bzang po yis// sdud pa'i gsang bdag rdo rje sems dpa' la// byang chub sems kyi kun gzhi lhun grub 'di// kun la khyab kyang thig le
179a5 gcig pa'i phyir// chos rnams thams cad gnyis su 'dus// gnyis 'dus gnyis kyi ming btags snang ba ni// rang byung snying po yan lag snying po gnyis// 'khor ba'i chos dang mya ngan 'das chos gnyis// ma
179a6 'dres pa dang yongs su rdzogs pa gnyis// 'khrul par snang dang ma 'khrul snang ba gnyis// dngos dbang bsam dbang gnyis dang snod bcud gnyis// phyi nang gzung 'dzin gnyis su snang ba la// ming btags
179b1 gnyis su 'dus pa'o// nam mkha'i rang bzhin kun khyab ming med 'di// ming gsum med pa'i ming gsum btags pa ste// ming gsum btags pa'i ming la gsum 'dus pa// chos sku rang byung ye shes dbyer
179b2 med gsum// lhun grub thams cad lta ba yin par 'dus// 'khrul snang thams cad spyod pa yin par 'dus// gnyis med thams cad sgom pa yin par 'dus// yi ge med pa'i rgyu dang rten med lung// nges pa
179b3 med pa'i man ngag gsum du 'dus// chos sku mtshan nyid yongs rdzogs rnam dag yongs rdzogs dang// rnam rtog yongs rdzogs rdzogs pa gsum du 'dus// rgyu dang lam dang 'bras bu gsum du 'dus// sangs
179b4 rgyas chos dang dge 'dun gsum du 'dus// chos sku ye shes sems dang gsum du 'dus// lta sgom spyod gsum sgom thugs gsum du 'dus// lta ba chos sku sgom pa longs sku dang// spyod pa sprul pa'i sku ste gsum
179b5 du 'dus// lta ba shes pa rab ste spyod pa thabs// sgom pa gnyis med gsum du 'dus// lta ba zhi gnas spyod pa lhag mthong dang// sgom pa zung du 'brel ba gsum du 'dus// lta ba kun tu bzang mo spyod pa kun
179b6 tu bzang po gnyis// sgom pa gnyis med yin pa gsum du 'dus// lta ba bka' la spyod pa bstan bcos dang// sgom pa man ngag gsum du 'dus// lta ba ston pa spyod pa bstan pa dang// sgom pa sdud pa phun
180a1 sum tshogs pa'o// bzhi med bzhi ru chos rnams 'dus pa yang// chos kyi sku dang rang byung ye shes dang// sems dang bag chags bzhi ru 'dus pa'o// lnga med lnga ru chos kun 'dus pa yang// rang
180a2 bzhin ngo bo lnga ru 'dus pa'i phyir// rigs lnga lnga ru chos rnams 'dus pa'o// rang byung ye shes yan lag byin rlabs las// dngos po 'khor bar snang ba'i 'bras bu dang// mtshan ma theg par snang ba'i 'bras bu
180a3 dang// rang la ye shes ci yis 'char ba ni// 'khrul ba'i chos su snang ba thams cad kun// 'khrul pa'i rtsa gcad rtsa ba chod pa yis// rang byung ye shes rang rig grangs med dang// rang la ye shes rig pa grangs
180a4 med skye// skyes pa'i byin rlabs 'bras bu ni// chos rnams ma bsags thugs su chud pa dang// chos rnams ma mnyan ston pa 'byung ba dang// ma bsgoms pa ru ye sangs rgyas shes pas// sngon ma mthong ba'i chos
180a5 sku 'bras bu mthong// mthong ba'i byin rlabs 'bras bu sangs rgyas pa'o// rin po che rgyas pa chen po'i mdo las/ byin rlabs kyi 'bras bu 'byung ba'i le'u ste lnga pa'o//// sdud pa'i gsang bdag rdo rje sems
180a6 dpa' yis// ston pa'i ston pa kun tu bzang po la// 'khrul pa'i rtsa gcad rtsa chod don mthong na// rtags dang mngon shes 'byung ba ji lta bu// ston pa'i ston pa kun tu bzang po yis// sdud pa'i gsang bdag rdo
180b1 rje sems dpa' la// dang po rtags ni 'di rnams 'byung ba ste// 'khor ba'i chos la skyo sems skye ba 'byung// sems can rnams la snying rje skye ba dang// rang gi yul dang gnas la mi chags shing// thag ring
180b2 gzhan du 'gro bar 'dod pa 'byung// gnyis pa la yang rtags rnams 'byung ba yang// gos dang zas kyi 'du shes chung ba dang// nyon mongs la sogs chags sdang chung ba dang// snying rje phan sems rab tu che ba
180b3 dang// rmi lam rtags ni mang du 'byung ba ste// gsum pa la yang 'di ltar 'byung ba yin// yo byad longs spyod thams cad 'gog pa dang// dge mi dge la rnam par rtog pa med// nyon mongs sgrib pa rnam par dge
180b4 ba dang// rmi lam rtags rnams sna tshogs 'byung ba dang// rang rtags mngon shes cho 'phrul sna tshogs 'byung// dbang po rab 'bring ma rtsal gyi 'byung// byung yang rang byung rtsal snang byung ba yin// re dang dogs
180b5 pa kun spangs chos nyid dang// de dag chos nyid ngang du spyad bya'o// rin po che rgyas pa chen po'i mdo las/ rtags dang cho 'phrul 'byung ba'i le'u ste drug pa'o//// sdud pa'i gsang bdag rdo rje sems dpa'
180b6 yis// ston pa'i ston pa kun tu bzang po la// rang bzhin don mtshon brda yis bstan pa 'di// su la bstan cing gtad pa ji lta bu// ston pa'i ston pa kun tu bzang po yis// sdud pa'i gsang bdag rdo rje sems
181a1 dpa' la// theg chen sgor zhugs blo 'phang mthong ba dang// ngang dge spro zhing snying rje phan sems che// nga rgyal khengs sems chung la dad pa che// dam tshig srung zhing pha rol spyod dang bstun// dgra la
181a2 'dzur zhing bla ma thabs kyis tshol// bla ma'i don la yid ches nges par 'jog/ bla ma khur zhing bla ma nges mchod de// nges mchod rtag tu ser sna med pa 'byung// byung ba'i rtags su gtong phod che ba ste// yul
181a3 mkhar khyim dang bang mdzod 'bru rnams dang// gser dngul zangs lcags mu tig g.yu la sogs// yo byad rnams la chags sems med par gtong// lus srog bu smad g.yog 'khor bcas pa yang// bla ma
181a4 mnyes par bya phyir 'bul bar byed// de lta bu yi snod ldan bzang la bstan// skyo dub med pa'i dad pa brtan la bstan// gyong sems med pa'i mnyen lcug drang la bstan// rmongs pa med pa'i shes rab che la
181a5 bstan// gsang tshig thub pa'i skyes bu chen po la// rang bzhin don mtshon brda yi rgyud 'di gtad// gdams ngag 'tsho shes rnal 'byor chen po la// sangs rgyas mtshon pa'i bstan pa'i rgyud 'di gtad// rang
181a6 bzhin lhun grub kun tu bzang po dang// rang byung yan lag rdo rje sems dpa' gnyis// tha dad med de dbyer med gcig gi ngang// gcig la bstan cing brtan pa med par gtad// rin po che rgyas pa chen po'i
181b1 mdo las/gtad rgya bstan pa'i le'u ste bdun pa'o//// sdud pa'i gsang bdag rdo rje sems dpa' yis// ston pa'i ston pa kun tu bzang po la// 'di la ming btags nges pa ji lta bu// ston pa'i ston pa
181b2 kun tu bzang po yis// sdud pa'i gsang bdag rdo rje sems dpa' la// chos rnams thams cad 'di las byung ba'i phyir// byung ba'i byung khungs chen po zhes kyang bya'o// lam med lam du khrid nas ston pa'i
181b3 phyir// lam rgyus lam mkhan chen po zhes kyang bya'o// chos rnams thams cad 'khrul nas snang ba'i phyir// 'khrul snang chen po'i rgyud chen zhes kyang bya'o// chos rnams thams cad ma lus 'dus pa'i phyir// rdzogs
181b4 pa chen po'i rgyud chen zhes kyang bya// ji ltar 'dod pa bzhin du 'byung ba'i phyir// rin po che rgyas pa chen po zhes kyang bya// byang chub sems rin po che rgyas pa chen po'i mdo las/ ming btags pa'i le'u ste brgyad
181b5 pa'o//// byang chub kyi sems rin po che'i rgyud rgyas pa chen po'i mdo zhes bya ba rdzogs so////
181b6 byang chub sems yid skyob pa zhes bya ba bzhugs so/
1a1 /


CLOSE WINDOW