CLOSE WINDOW

Gpb035.011
བོད་ཡིག

/ lus la sha ri ram 'byung sangs rgyas kun dang dgongs pa mnyam// gang yang dbyer med mnyam pa'i ngang la gnas pa de// dus gsum sangs rgyas ma lus dgrar langs kyang// nam mkha' nyid la nam mkha' snang bar zad// byang chub kyi sems bsgom pa'i rgyud las/ nyams su blang ba'i skabs bcu gcig pa'o//// de nas bcom ldan 'das la/ gsang ba'i bdag po phyag na rdo rjes/bcom ldan 'das dpa' po thod rgal gyi ting nge 'dzin ji ltar lags/ zhes gsol pas/ bcom ldan 'das kyis bka' stsal pa/ sems ni kun gyi gzhi ste thod rgal kun gyi snying po de nyid do// 'khor ba nyid ni rnam par rtog pa nyid de rtog pa nyid las 'khor ba med pa yin// rnam rtog zad ba mya ngan 'das pa'i rang bzhin pas na thams cad sems// mi mthun phyogs bral bdag las ci 'byung gzhan zhig gdod nas med// de la gab 'gog snyoms 'jug mkhas pa rnams kyi ye nas gter// don dam ma nor thabs kyi lung 'di dam pa'i mchog chen yin// ci zhig 'di la dpyad nas gang la dmigs shing brtag tu yod// de 'dra dus gsum dus ma byas pa ye sangs rgyas pa'i snying po nyid// 'di las gzhan nas sangs rgyas 'thob re 'khrul pa'i lam// 'di la phyin ci log bzhis bslad du 'di la ye nas med cing tshad mas gzhig tu med// 'khrul pas 'di bor 'dud rtsi rnyed na dug tu 'khrul pa gang yang tsha// 'di kun rten cing 'brel 'byung tshul te skye dang 'gag par 'gyur zhes pa// tshig pa'i sa bon bzhin du med las med pa mi 'byung rgyu 'bras med// gang la'ang brtag par bya ba yod pa min te mi brtag pa'ang min// la lar ma brtags pa las rgyal ba 'byung zhing brtag pa 'khrul// la lar brtags pa dag las rgyal ba 'byung zhing ma brtags 'khrul// de phyir dngos por zhen cing rgyu dang 'bras bur rtogs pa'i sems nyid ni// rgyu dang rkyen du snang ste de gnyis med phyir skye dang 'jig pa med// skye 'jig med phyir bdag gzhan med de 'chi 'pho med phyir rtag chad med// de bas stsal mi dgos pa'i yang dag lam 'di 'bad rtsol med pas dpyad// dpyad pa rtogs pa'i rgyun de ci la'ang brtag par mi bya rang bzhin bzhag/ des na 'khrul 'khor med cing mya ngan 'das pa med pa nyid du mngon// gnas kyi skad cig nam yang mi 'bral de tshe mnyam 'gyur de med med// snying po mchog gi lam 'di gzhi dang rtsa ba med de gzhi rtsa gzhi yi mchog/ 'di la bstod dang skur dang bsngags par bya mi dgos te bsam du med// yang dag don gyi snying po theg pa mchog gi klong chen 'di// btsal ba med par las rnams rdzogs pas bsod nams sku// yongs la khyab pas khyab bdal chen po nam mkha'i klong// bshad pa'i sgo ni bcu dang bzhi// rig pa'i phyag rgya bde ba'i gnas// brgyad dang bzhi yi sbyor ba yis// rig pa'i ye shes rang 'bar rtogs// don gyi snang ba ye shes mchog/ bde ba chen po'i ye shes 'char// de nas bcom ldan 'das dpal kun tu bzang po des 'dus pa'i 'khor tshogs don yod par bya ba'i phyir dgongs pa 'di gsungs so// sems can kun gyi dgongs pa'i snying po ste// rang sems de bzhin nyid de mthong 'gyur na// sangs rgyas rgyu las rtsol bas mi 'grub ste// da lta nyid nas shin tu rnal 'byor mthong// zhes bka' stsal to// theg pa thams cad kyi yang rtse/ rgyud thams cad kyi rgyal po/kha sa man ta nam mkha'i mtha' dang mnyam pa'i rgyud las/ chos thams cad gtan la phab pa'i le'u ste gnyis pa'o//// g+hu b+hi d+ha b+hu u b+hi sh+ta/ de nas bcom ldan 'das dpal kun tu bzang po bde ba chen po des/'khor rnams 'dus pa dang/ nye ba'i 'dus pa dang/ snang 'jug dang/ zhen pa'i blo 'dzin pa la sogs pa 'khor tshogs thams cad la 'di skad ces bka' stsal to// rang 'byung dag pa'i sangs rgyas// chos dang chos nyid sna tshogs pa// rig pa nyid yin rnam par dag/ 'dus pa'i 'khor tshogs dang sems kyis// sna tshogs rang byung nyid du lta// zhes gsungs so// de nas 'dus pa'i 'khor tshogs kyis mgrin gcig tu dngas pa'i sems kyis/sems dpa' rdo rje bskul lo// sems dpa' rdo rje nye ba'i gnas nas 'thon te 'di skad ces zhus so// rig pa rnam dag bcom ldan 'das// sku gsum rdzogs pa'i ye shes che// mdzad pa phyogs bcu mu mtha' med// thugs rje rang snang phyogs ris med// btang snyoms chen po kun tu bzang// rig pa mchog gi dkyil 'khor nas// rdzogs pa'i ye shes thabs chen gyis// gsal ba'i ye shes sgo phye nas// dpal gyi mgur nas gsungs bsgrags pa// 'dus pa'i 'khor la gsal bar gsungs// zhes zhus so// de nas bcom ldan 'das dpal kun tu bzang pos/ sems dpa' rdo rje la 'di skad ces gsungs so/khaM k+Sha nam mkha'i mtha' dang mnyam pa yi// mtha' yas 'gro ba kun dang ldan// rig pa mtha' med kun tu bzang// gang yang ma yin rig pa gsal// rtsol ba'i sems bral mngon sangs rgyas// rgyu 'bras gnyis med lhun gyis grub// rnal 'byor shes pa rang gsal ba// byed pa nyid kyis mthong bar gyis// shes pa'i rnam pa gang skyes kyang// rnam byung nyid las gzhan ma yin// bsam gyis mi khyab dus nas shes// 'khor ba'i shes pa blo bur ba// grub pa ma yin rkyen gyis snang// brjod pa'i brnyan ma nyid dang mtshungs// rnam par rtog pa'i sems nyid ni// gang ltar brtags pa bzhin du mthong// du ma rigs kyi rtog pa dag/sgo rnams kun tu rgyu ba ste// me gcig skar khung du ma bzhin// don gyi rnam byang du ma med// rig pa dbyer med dkyil 'khor 'dir// mtha' bral lta ba'i don ldan gyis// rang gzhan dgongs pas gnas par bya// rang byung thugs rje g.yo med kyis// 'gro rnams ma lus rdzogs par mdzad// sku gsum lhun grub 'bras bu ni// gzhan ma yin te mtha' dang mnyam// rigs brgyud dbang po tshig chod dam// sbyangs pa'i 'phro can gang yang rung// sems kyi rnam grangs gang sgo nas// spyi blugs dbang la gnas bya ste// rna rgyud man ngag nod par bya// bgrod med lam la gnas byas la// bya med sa yi yon tan 'phel// rim med cig car 'jug pa yi// rang byung ye shes bla ma'i sa// che ba'i che ba chos kyi sku// rtsol med gnas pas mngon sangs rgyas// 'gro ba'i rig pa gang dag la// bsam bral nyid du 'dug par bya// shes pa rang lugs thal byung pa// dus gsum mi g.yo gnas gyur na// rgyal ba'i ye shes gsal mthar phyin// ces bka' stsal to// de nas sems dpa' rdo rjes 'di skad ces gsol to// rnam rtog sna tshogs snang ba dang// rang byung rtog med ye shes gnyis// tha dad ngo bo ji ltar gcig/ 'dus pa'i tshogs la bshad du gsol// ces zhus so// de nas bcom ldan 'das dpal kun tu bzang po bde ba chen po des 'di skad ces bka' stsal to// sna tshogs 'khor ba'i rtog pa dang// rdzogs nyid ye shes rang bzhin rtog pa nyid// rtog pa gang yin ye shes nyid// tha dad yod pa ma yin te// ye shes mtha' mnyam rang bzhin ni// kun spangs kun gyi dngos gzhi can// 'dzin pa du ma'i rtog pa nyid// byang chub sems su brjod pa yin// brjod med sems kyi rang bzhin la// brjod pas go bar mi 'gyur bas// brjod med don gyis go bar bya// kun bzang sems nyid rnam par dag/ mtshon cha mtshon byed gang yang med// btsal med rang bzhag nyid kyis mtshon// mtha' la snang ba'i shes pa dag/ bka' yi shes pas drang bya ste// gtad 'dzin med pa'i ngang bzhag na// yid la mi byed bya ba btang// blo yis mi phyed rang bzhin gsal// 'dzin pa'i rgyu 'bras gang yang med// 'bras bu nyid kyis 'bras bur 'gyur// re dog rtsol ba'i mthar mi 'gyur// 'dzin med rang bzhin sman chen gyis// 'khor ba gcong snying kun dang bral// rnam rtog ye shes 'od gsal nyid// rang gnas ye shes ye nas dag/ rin chen dag pa'i gling bzhin du// sems kyi ye shes ye nas dag/ rim med sems kyi rang bzhin la// bgrod pa'i lam gyis mthong ba med// rnam grol 'bras bu rang byung nyid// bgrod med rnam grol rdzogs pa'i lam// gdod nas rtsol med lhun gyi grub// ye shes nyi ma'i snying por gsal// ma lus thig le chen po nyid// gzugs gnyis med pa'i mi g.yo ba// rgyu dang 'bras bur rtog 'dzin cing// mi shes sgyu ma'i mtshan mas bcings// sems nyid mkha' 'dra lta ba'i klong// ye shes yangs pa brdal ba che// blang dor gnyis med rtsal ba bral// byang chub sems kyis lta thag bcad// ting 'dzin zhi bas nyams su blangs// byang chub sems kyi lta ba ni// gzhi rtsa med pa'i chos nyid byang chub sems// zab cing phra bas dpag pa'i yul las 'das// yangs shing khyab pas nam mkha'i mtha' dang mnyam// sbom zhing rags pas snang srid dbang du bsdus// de 'dra'i chos sku bla med byang chub sems// ma byung ma skyes 'od kyi snying po can// 'gro ba yongs kyi dpal mgon byang chub sems// sgra dang tha snyad tshig gi spyod yul med// dpag med bsam 'das mi gnas mya ngan 'das// don gyi snying po bla med byang chub sems// smra bsam brjod med rig pas pha rol phyir// mi skye mi 'gag rang rig byang chub sems// mi gnas bdag med ye nas rnam par dag/ ma bcos lhun grub bde chen snying po mchog/ sbyir yang snang ba bde chen longs spyod sku// rang byung ye shes sprul sku byang chub sems// bdag med spros bral don dam lhun gyis rdzogs// nyag gcig ma 'gags snying po byang chub sems// ma skyes dbyings nas rang byung kun la khyab// mkha' ltar dngos med zhi ba gcig tu grags// nyi ma'i snying po dngos med mya ngan 'das// rang byung 'gag med skar tshogs grangs mang yang// bdag nyid chen po mi 'gyur bdag nyid sku// thugs rje thabs mkhas nas mkha'i sprin gyi tshul// phan gnod yod med snying po byang chub la// las dang thugs rje nam mkha'i sprin gyi tshul// zhe gtsang med pa chos nyid byang chub sems// rig pa'i rtsal chen ma 'gags rang rig yongs la khyab// rdo rje sems dpa'i thugs rje 'od po che// nyi ma thog tu chu sprin ga bur bzhin// rdo rje sems dpa'i zhal chems nyag gcig ma// dga' rab rdo rje mkhas pa'i skye mchog gis// las 'phro skal bar ldan pa'i thugs brgyud nas// bsnan phri med pa'i rin chen gter 'di chongs// snod ngan bu dang rgyud ngan slob ma la// chu srin gre ba bzhin du dam du sdoms// zhes bka' stsal to// de nas byang chub sems dpa' sems dpa' chen pos/ rgyud dag pa'i rdo rje sems dpa' la zhu ba drug zhus pa/kye thugs rje chen po khams gsum gyi sems can thams cad ni nad pa lta bu'o// dug lta bu'o// mun pa lta bu'o// sbyor rtsi lta bu'o// tsher ma lta bu'o// ro myags lta bu'o/ zhes zhus pas/ rdo rje 'dzin pa nyon cig/ngas sdaum pa tshig gsum nges bstan gyis// legs par yid la zungs shig/ 'khor ba'i rgya mtsho thag rings rnam par dag pa'i zhing du bsgral ba dang/ 'khor ba'i 'dam rdzab la rdo rje rdzong bca' ba dang/sdug bsngal gyi bye brag nor bu rin po cher sgyur ba dang gsum la/ rigs kyi bu phyi snod kyi 'jig rten thams cad 'byung ba lngas bsdus pa/ sngon byung gi dus na sangs rgyas kyi zhing yongs su dag pa/ ma byas par snang la//// dam tshig thams cad kyi rgyal po sa ma ya bkod pa'i rgyud rdzogs so//// rgya gar skad du/ san ti ma hA dmu ri nA ma tan+t+ra gu h+ya/ bod skad du/ rdzogs pa chen po bar do gsang pa'i rgyud ces bya ba/ dpal rdo rje kun tu bzang po skye med ye shes lhun grub la phyag 'tshal lo// 'di skad rtogs pa'i dus gcig na/ bcom ldan 'das rdo rje 'chang gis sangs rgyas kun tu bzang po skye ba med pa yum gyi mkha' la/rdo rje sems dpa' la sogs pa dang thabs cig tu bzhugs so// gleng gzhi'i le'u ste dang po'o//// de nas dpal rdo rje sems dpas/ bcom ldan 'das la gsol ba/kye bcom ldan 'das dpal kun tu bzang po/ gsang sngags kyi gnad ni bar do yin te/ bar do'i gnad bshad du gsol// zhes gsol pas/ rgyal ba kun tu bzang pos bka' stsal pa/ nyon cig rdo rje sems dpa' nyon// bar do'i gnad ni 'di lta ste// rang bzhin gnas kyi bar do ni// da lta'i dus su shes par bya// ting nge 'dzin gyi bar do ni// sgom pa'i dus su shes par bya// rmi lam dag gi bar do ni// bag chags dus su shes par bya// skye shi dag gi bar do ni// 'chi kha'i dus su shes par bya// srid pa dag gi bar do ni// dbugs chad dus su shes par bya// de la lus ni rnam lnga ste// rang bzhin gnas pa'i bar do yang// 'khrul ba sha khrag lus su gnas// ting nge 'dzin gyi bar do yang// 'degs pa'i rig pa'i lus su snang// rmi lam dag gi bar do la// sog pa bag chags lus su gnas// skye shi dag gi bar do la// snang bzhi 'od kyi lus su gnas// srid pa dag gi bar do la// gcod pa yid kyi lus su gnas// zhes gsungs so// bar do'i snang lugs kyi le'u ste gnyis pa'o//// de nas gzhan yang sems dpa' nyon// rang bzhin gnas kyi bar do la// thig le stong gsal sprad pa ni// dwa phrug ma dang phrad pa bzhin// ye shes bzhi cha ngo yis gzung// ting nge 'dzin gyi bar do la/ sgeg mo me long lta ba bzhin// ma yengs gsal ba'i ngang la gzhag/ rmi lam ngag gi bar do la// bag chags nying mtshams sbyar ba ni// chu bo rgyun chad med pa bzhin// 'byongs ma 'byongs kyi don la brtag/ ma 'byongs 'dug na nan tan sbyar// skye shi dag gi bar do la// skong chad pa yi wa 'dzugs bzhin// rtsol bcas rtsol med gnad kyis ni// rab ni chos sku dag la 'pho// 'bring ni gzugs kyi sku la 'pho// de ltar mi ldan tha ma yang// zhing khams khyad par can du 'pho// yi ge k+Sh+wAM ni 'bru gcig pa// phyag na rdo rje'i snying po ste// srung byed 'bru yis skye mched dgag/ ma yengs tshangs bug dag nas 'pho// phyi nang gsang ba'i 'chi rtags kun// byung bar nges na 'pho ba la// kun tu yang ni bya ba min// de ni rtsol bcas 'pho ba yin// rtsol med 'pho na 'di dag bya// sngar nas goms pa shin tu gces// de yi ngang la stong gsal du// ngang gis gzhag nas 'pho ba yin// dbugs chad gyur na de dang phrad// bsun ma lta bur 'ong ba yin// dran pa de ni skyel ma yin// de la skye mched dgag mi dgos// rtsol ba bral bas rtsol med yin// yi dam lha dang zhing khams su// dran pa rang gis 'gro ba na// dran pa sangs rgyas zhes su bzhed// de la 'phro ba'i tha snyad med// 'pho ba gnang gi le'u ste gsum pa'o//// de nas yang bka' stsal pa// srid pa yi ni bar do ru// mun par mar me bteg pa ltar// stong gsal zil bas mngon shes 'char// stong gsal ye shes ngang du gnas// de la gzugs skus 'gro don byed// de la da lta bskyed rim la// blo yis sbyang ba shin tu gces// rgyu med sangs rgyas 'byung mi 'gyur// bar do ye shes ma zin na// zhag ni bdud phrag bdun par du// sngon 'byung srid pa'i sha tshugs can// dbang po kun tshang thogs med ldan// de lta bu cig gnas pa las// duHkha dpag tu med pa yod// de dus skyabs tshol dran pa 'byung// lha dang bla ma skyabs su song// da lta gsang tshan brtags nas ni// dbang bskur lam byas der dran te// skyabs su de nyid 'ong ba yin// bla ma dang ni dgongs ldan pas// bdun tshigs byas pa nyan pa yin// zas su dri za nye 'khor can// bdun phrag re na 'chi ba yi// sdug bsngal dag dang bcas pa'o/ mtshams med las tshang mar 'gro ste// rtogs ldan yar la sangs rgyas pas// yar dang mar gyi bar do med// tha mal bar do gong ltar yin// zhes gsungs so// srid pa bar do'i le'u ste bzhi pa'o//// de nas gzhan yang bka' stsal pa// bar do'i gdams ngag 'di lta ste// rang bzhin gnas pa'i bar do la// rab ni stong gsal ngang la sbyangs// zhor la thun mtshams bskyed rim sbyang// ting nge 'dzin gyi bar do la// de yis ngang las ma yengs bya// yang dang yang du dran pa bskul// rmi lam dag gis bar do la// gsal zhing 'byongs sam ma 'byongs blta// ma sbyongs nan tan gnyen por sbyang// skye shi dag gi bar do la// 'chi khar 'phrang gsum gcad bya ste// mngon par zhen pa'i 'phrang nyid ni// 'chi khar gang la chags kyang 'phrang// yi dwags gnas su skye bar nges// des na ma zhen 'phrang gcad bya// gnyis pa log par 'dren pa'i 'phrang// de ma gcad na dmyal bar skye// des ni zhe sdang log 'dren gcad// gsum pa gti mug 'dus byas 'phrang// de ma gcad na byol song skye// de bas chos nyid gsal gdab bya// rtogs ldan rang gi dran pa sbyang// rkyen gzhan bla ma grogs kyi gdab// gzhan yang bsam pa bzang po'i gnas// ngan pa mi dmigs ngang la gzhag/ ces bka' stsal pa dang/ rdo rje sems dpas bcom ldan 'das la bstod pa dang mchod pa byas te/ bdag gis rgyud 'di ji ltar gzung bar bgyi zhes gsol bas/ rgyud 'di ni bar do gsang ba'i rgyud ces bya bar gzung bar bya'o// rgyud 'di ma 'ongs pa'i dus su rnal 'byor pa dam la gnas pa rnams kyi gzung bar bya// mtshan mo'i bag chags gos pa med// mtha' yi chos rnams rtsi gdab med// gang mthong yul la zhen mi 'byung// gang la nyam nga med pa'i don// 'dod zhen gza' gtad yul dang bral// 'khrul bas mi sgrib bde ba'i mchog/ 'dod pa'i yon tan 'byung ba'i gzhi// ma bcos 'bras bu lhun gyis grub// snang ba gsum gyi dkyil 'khor nas// sku gsum 'bras bu shugs kyis shar// gdul bya gsum la dgongs nas su// zhing khams ma lus bde bar spyod// don ldan 'bras bu bde bar 'char// zhes gsungs so// rin po che snang byed las/ spyod 'bras bstan pa'i le'u ste bcu drug pa'o//// sdud pa sems dpa' rdo rje des// ston pa gsang bdag chen po la// mtshan gyi rnam grangs gtad rgya ji lta bu// ston pa gsang bdag chen po des// sdud pa sems dpa' rdo rje la// dgos don ma lus kun 'byung ba'i// rin chen lta bu'i rgyud yin no// 'char sgo gnyis su snang ba'i phyir// snang byed chen po'i rgyud kyang yin// theg pa thams cad 'byung ba'i phyir// rin chen gter gyi mdzod chen yin// rang bzhin rgyun du gnas pa'i rgyud// rtsal gyi rang bzhin khyad par don// gdung 'tsho rgyud kyi don 'dzin gyis// ngang ring rgyud bzang dad pa che// dam tshig gzhung srung rnam smin mdzem// ser sna chung la gtong phod che// rin chen snod dang ldan dag la// rgyud kyi rgyal po gtad cing gdams// man ngag gsang tshig thub pa dang// 'khrul ba rtsad gcod skyes bu la// rgyud kyi rgyal po bshad cing gdams// rin chen la sogs 'dod pa'i yon// ma chags ser sna med la gdams// ces gsungs so// rin po che snang byed kyi rgyud las/ mtshan dang gtad rgya bstan pa'i le'u ste bcu bdun pa'o//// rin po che snang byed ces bya ba'i rgyud rdzogs so//// slob dpon bi ma la mi tra dang/ lo tsa ba gnyags dz+nyA na ku mA ras sgyur zhing gtan la phab pa'o// khri srong lde btsan byang chub sems dpa'i rigs// ting 'dzin bzang po snod dang skal bar ldan// 'khrul rtsad chod nas ldog pa'i thabs dang ldan// lta ba rtogs nas sgro 'dogs chod pa'i tshe// snyan brgyud gdams pa skal ldan dag la brgyud// rtsa rgyud bshad rgyud ma bu la sogs rnams// snang dang mi snang bdag med dbyings su sba// skal ldan las 'phro can gyis rnyed par smon lam gdab// ces gdams so// nam zhig skal ldan gang zag gis// snyan brgyud bshad rgyud 'dzom par shog/u0f35a+thi+-i/ dngos grub dam pa sems la chongs//// / theg pa'i snying po thugs kyi bcud// bstan pa'i bcud 'dzin theg pa'i mchog/ skal ldan 'gro ba'i don ched du// mtha'i mun pa bsal nas ni// rnam grol 'bras bu thob par mdzod// ces lung bstan to// de nas lha'i bus/ gsang bdag chen po la zhus pa/ rnam dag dri ma dang bral ba'i// byams mgon thugs rjes chen po khyod// 'gro ba rnams la ma bzhin brtse// kun mkhyen khyod kyi spyan sngar 'dud// dus 'dir thugs rjes skyab tu gsol// zhes zhus pas gsang bdag chen pos// rab dga' snying po la gsol ba// dus gsum sangs rgyas thugs kyi bcud// rin chen sgron ma thabs ldan pas// gu lang gzer bzo'i don ched du// lhun grub 'bras bu thob par mdzod// ces gsungs so// de nas rab dga' snying pos 'od gsal gnas su/ rdo rje sems dpa' la 'di skad ces gsol to// ma bcos skye 'gag med pa'i don// de don bdag gis ma rig pas// kun mkhyen khyod kyis bstan du gsol// ces gsol pa/ rdo rje sems dpas bka' stsal pa/ nam mkha' rdo rje a dang gsum// gting ltar mi gsal rin po che// sprin dang mun pa ling thog gi/ de don mthong ba shin tu dka'/ zhes gsungs so// de nas rab dga' snying pos sum cu rtsa gsum gyi gnas su lha'i dbang po brgya byin gyi spyan sngar phyin nas/ lha'i dbang po yang dag pa'i don du ji lta bu/gsol pa/ bstan du med pa'o// lha'i dbang po bstan du med pa'i don ni ji lta bu/ gsol pa/ nam mkha' lta bu'o// gsol pa/ nam mkha'i don ji lta bu/ gsungs pa/ ma bcos/ ma byung/ ma skyes pa'o// de nas rnam par dag pa'i zhing khams na sangs rgyas rdo rje 'chang zhes bya ba dang/ rin po che snang ba'i zhing khams na sangs rgyas rin chen zhabs zhes bya ba dang/ 'od snang ba zhes bya ba'i zhing khams na sangs rgyas 'od kyi rgyal po zhes bya ba dang/grub pa rnam dag ces bya ba'i zhing khams na sangs rgyas grub par snang ba zhes bya ba dang/ stug po bkod pa'i zhing khams na sangs rgyas gtsug phud can zhes bya ba dang/skar ma bkram pa'i zhing khams na sangs rgyas bsam gyis mi khyab pa dang/ 'das pa'i sangs rgyas dang/ ma 'ongs pa'i sangs rgyas dang/ da ltar gyi sangs rgyas dang/ gsang bdag chen po dang/kun tu bzang po dang/ rnam par snang mdzad dang/ bcom ldan 'das la sogs pa rnams mgrin gcig tu byin gyis brlabs nas/ theg pa'i snying po thugs kyi bcud// rin chen sgron ma khyod yin pas// sangs rgyas kun gyi bstan pa shar// ces gsungs so// de nas lha'i dbang po la sogs pas khrus chab gsol nas/ lha'i dbang pos 'di skad ces gsol to// sangs rgyas kun gyi thugs kyi sras// snying po rang bzhin chos kyi sku// kun mkhyen dri ma dang bral bas// 'gro ba'i bsam bzhin re ba skong// lha rnams dag par khrus gsol nas// nyon mongs sgrib pa kun byang nas// 'gro ba mos pa drang ba'i phyir// ston pa'i sgron mar dbang bskur bas// ma rig mun pa dang bral byed// de skad gsol pa dang/ rab dga' snying po de/ brgyad khri bzhi stong chos kyi sgo// skad cig nyid la gsal bar snang// de skad ces gsol to// rang byung kun mkhyen me long nyid// mkha' 'dra ye shes lhun gyis grub// mnyam nyid ye shes brdal ba'i klong// skal ldan mos pa'i re ba skong// 'gro bi' mun sel don du 'gro// zhes gsungs so// rin po che sgron ma las/ yang sprul ston par 'byung ba'i le'u ste bcu gcig pa'o//// de nas sems dpa' rdo rje des// rab dga' snying po la rgyud yongs su gtad pa 'di gsungs so// dgongs pa'i don 'dzin skyes bu la// rgyud kyi rgyal po 'di gtad do// yon tan ma lus kun 'byung ba'i// yid bzhin rin po che yi rgyud// snod ldan re ba skong ba'i mchog/ rmongs pa'i mun pa sel ba yi// snang gsal ye shes sgron ma'i rgyud// dgongs pa gcig nas gcig brgyud pa'i// rgyud kyi rgyal po 'di gtad do// nam mkha' dang mnyam snying po'i rgyud// gsal ba'i go byed nyi zla'i rgyud// rgyud kyi rgyal po 'di gtad do// rgyud la ma g.yos rgya mtsho'i 'jings// rgyud kyi rgyal po 'di gtad do// 'dzam gling dbus kyi snying po ru// rin chen lta bu'i gang zag la// rgyud kyi rgyal po bshad cing gdams// shes rab snying rje ldan pa yin// nges pa'i yid ches skyes pa la// snying po mchog gi don nyid bstan// lta spyod log pa'i nga rgyal can// snying po nyid kyi sgra 'gyur bas// 'byung ba'i mtshan ma'i dbyings su sba// de nas rgyud kyi rgyal po 'di// rigs bzang lta spyod 'brel ba yi// snod ldan don du 'byung bar 'gyur// nam zhig dus kyi tha ma la// bka' rgyud don la mkhas gsal ba'i// rigs can 'brel bar 'byung ba'o// de yi dus kyi gang zag rnams// rgyal po blun po gdug pa dang// rigs ngan phra ma can gyi sar// sgrub pa 'di yi dus min pas// snying po 'byung ba'i dbyings su 'gro// gsal ba 'od dang nub pa 'byung// rgyal pos bla yi khrims ma thug/blon po bka' gsang gnyer ma thub// nyan thos 'dul ba'i khrims ma thug/ btsun mos rang gi lus ma thub// 'byung bas mtshan ma'i rtags ma thub// de yi dus su bstan pa yi// nyi zla'i 'od ltar gsal gyur na// bstan pa'i snying po dar bar 'byung// snod ldan dag kyang 'byung bar 'gyur// zhes gsungs so// rin po che sgron ma'i rgyud las/ rgyud gtad pa dang lung bstan pa'i le'u ste bcu gnyis pa'o//// rin po che sgron ma zhes bya ba'i rgyud rdzogs so//// slob dpon bi ma la mi tra dang/ lo tsA ba gnyag ku mA ras rgyal po yon mchod kyi don du dbu tshal gser khang du bsgyur ba'o// chos skor mda' 'ug 'dod pa dang// rgyal po grong sprang byed pa dang// chos gos 'og tu gri 'dzugs dang// che btsun dug la spyod pa'i tshe// nyi zla'i 'od ltar 'byung bar 'gyur////

CLOSE WINDOW