254a6 / zhes gsungs so// 'bru bshad las kyi 'khor lo las/ 'khor ba rgyun gcod rgyun 'byung las gdams pa'i skabs te so lnga pa rdzogs so//// byang chub sems bde ba chen po la phyag
254b1 'tshal lo// sems kyi dbyings nas ris pa'i bcud shar bas// thams cad gcig tu sbyor bas rgyal ba kun gyi mes// mi 'gyur rtag par bzhugs pas g.yung drung byang chub sems// ma bsgribs gsal
254b2 bar shar bas mi nub rgyal mtshan te// skye 'jig 'du 'bral med pas gsang chen rdo rje'i phyir// mkha' ltar dag cing ma bsgribs kun la shar// bde chen mnyam par gzhag pas kun bral ji ma yangs// rig
254b3 pas mtshon du med pas yod mtha' kun dang bral// ma bsgribs gsal bar shar bas med mtha' kun dang bral/ yod med gnyis las bral bas brjod pa'i tshig dang bral// ma nor nges par mthong na bde ba
254b4 chen po'i gnas// mya ngan 'das pa gsang ba byang chub kyi sems nyid bde ba chen po'i nang nyid du bstan te/ bde ba mchog gi longs spyod bstan pas 'grub// mi gnyis bde mchog bla na med pa ni// rang srog
254b5 chen po rnams kyi spyod yul min// dgongs ba'i khyad par ji snyed bstan pa yang// rang sems rtogs las dgongs pa thams cad gsal// lta ba'i khyad par ji snyed bstan pa yangs// rang sems mthong bas lta
254b6 ba thams cad bsal// sems ni med pa'i rgyu las 'od gsal ba// gsal bas ma mthong ci yang med// de nyid 'dres ba'i dkyil 'khor la// yod med gnyis su bstan du med// dang por med pa'i rgyu yin
255a1 na// de la rtog pa'i rdzas ci yod// rtsa ba 'dus pa'i bdud rtsi de// skye shi med pa'i gter du bstan// 'khor ba rgyun thag gcod pa'i gri// ye shes spu gri chen po yis// tha snyad thams cad rtsad nas
255a2 gcod// thams cad bdud rtsi yin par ni// bde ba chen po'i thugs la gnas// mi 'gyur lung gi snying po ni// thog ma med pa'i dbyings nas gsal// mthong ba med pas chos kyi sku// bde chen khyal par gsal
255a3 bas longs spyod rdzogs pa'i sku// sgyu ma'i tsho 'phrul ci yang snang bas thugs rje sprul ba'i sku// sgyu ma'i cho 'phrul ji ltar snang ba yang// zad pa med pa'i klong nas shar nas klong du nub// brnag pa thugs las rdol
255a4 nas tshad mar go nas ni// gsung yang so sor yod ma yin// brda dang zur gyis mtshon pa bas// yang rtse lung gis sbyi brdol te// rdo rje ri rab lhun rtse nas// rnam rtog med pa'i nyi shar te// 'khor ba'i 'dzin
255a5 pa thams cad kyang// 'dzin chags med pa'i dbyings su grol// bcom ldan 'das kyi mdzod chen po// ma nor ba yi byang chub sems// dus gsum gyi rgyal ba thams cad kyis gter gyi dbyig/ ma btsal rang la
255a6 rnyed pa'i lung bstan to// rnam dag thams cad 'byung ba'i rgyu// rnal 'byor rnam thar lcags dgu la// lde mig gcig gis dgu 'byed cing// yang dag gter gyi sgo phye nas// zad pa med pa'i dbyings
255b1 la spyod// bka' gsal thugs kyi thig pa 'dis// mi mchog snod rab rna brgyud de// zla gsang sems kyi dkyil 'khor la// shin tu gsang bar bzhag pa yin// ma bcos sems kyi man ngag 'di// dbyings
255b2 nas shar cing mkha' la nub// mi 'gyur rdo rje snying po 'di// btsal bas ma rnyed rang la byung// gdod nas dag pa'i brtson 'grus la// rnam rtog bgegs kyi bya ba med// rang la shar ba'i ye shes ni// je gsal
255b3 je gsal nub pa med/khams gsum las 'das byang chub rin po che// mtshan ma'i dngos po dus gsum mi snang bas// ston pas btsal kyang rnyed par ga la 'gyur// thig le chen po chub par gnas pa ni// ye
255b4 shes snying po 'di las gzhan na med// sems la dbang thob ye shes lung du shar/ man ngag gter du sman pas 'bras bu kun gyi bcud// skyes bu bde mchog su yi blo// dur khrod khu byug klong du
255b5 'khyer// 'khyil ba'i 'khyil bar bstan pa ni// dgongs pa kun gyi yang thog nas// ye shes sku mchog dpal gyi sku// rang gi gnas shes mkha' la sbas// grub pa'i rnal 'byor dbyings na gnas// rang bzhin
255b6 rnal 'byor ma g.yos ma g.yos te// sprul pa'i rnal 'byor ci yang shar// mang por skyes nas gong bur sgom// de nyid bstan pa dbye la sdud// mang por bcos kyi rang spros te// sku yi dbyig tu sdud pa'o// sangs
256a1 rgyas srog gi 'khor lo che// bdud rtsi nges pa'i lung med na// 'phags pa'i gdung brgyud gcod par nges// 'di ni tsit+ta'i dkyil 'khor yin// zur gsum shel gyi dkyil 'khor la// mkhas ba rdo
256a2 rje thig 'debs pa// 'di ni lung gi phug ces bya// yum bzhi phyag rgyas btab nas kyang// rdo rje lcags chen mche ba dgu// ge sar 'ub chub brlabs kyis brlob// rang byung dpa' po'i thugs ka nas// gsang
256a3 ba'i ye shes mngon shar bas// 'di ni bsgrub bya gtsor yin te// bdud rtsi zhes kyang 'di la bya// dur khrod khu byug klong dkyil nas// me mar gyis ni lung mnos nas// lcags kyi sgrib bur gter bcas
256a4 shing// chu srin gdug pa'i kha rgyud de// spu gri so ni btab pa la// bsod nams mthar phyin rnal 'byor dang// 'du 'bral med pa'i don rtogs nas// dbyings kyi bde la rab gnas shing// yid bzhin nor bu
256a5 rin chen ltar// 'dod dgu rang la 'char ba'i phyir// ji skad smras pa 'gro ba'i don// nges don 'dab gshog rgyas pa la// dkri don dpyad thag ci la gces// grub pa'i nam 'phangs chod pa la// gdong bsgrub
256a6 'dab gshog skyod mi dgos// byang chub sems ni gtan byang la// sbyangs ba'i gnyen pos sbyang mi dgos// ye nas rnam par dag pa la/ khrims kyi sdoms pas ci zhig bsrung// 'bras bu ltos pa med pa byang chub
256b1 sems 'di ni/dbyings dang ye shes gnyis su med pa'i byin gyis brlabs las byung ba yang ma yin/ thabs dang shes rab las rten te 'byung ba yang ma yin/ rgyu 'byung ba lnga las skyed pa yang ma yin// rten cing
256b2 'bras bu sku gsung thugs la yang rten mi 'cha' 'o// gnas ni yang dag pa'i ye shes bya ba tsam la yang mi gnas so// pad+ma ge sar gyi gzhal yas khang pad+ma ge sar gyi klong// byang chub sems kyi dkyil nas ma
256b3 nor ba'i rak+ta shar ba'i dus na// chos thams cad byang chub sems su dbye ba med par lhun gyis grub pa'o// yid ye shes kyi dkyil 'khor gyur pa ni// byang chub kyi sems yul tsam du snang ngo// rnam pa gcig tu
256b4 'bras bu gang la yang ltos pa med pa'i byang chub kyi sems ngo bo nyid kyis lhun grub pas/chos kyi dbyings las 'byung ba yang min// sangs rgyas kyi che ba'i yon tan gyis byin gyis brlabs las 'byung ba yang
256b5 min/thabs dang shes rab las 'byung ba yang ma yin/ rgyu rkyen lnga las bskyed de 'byung ba yang ma yin/ de dag kun gyi bcud kyi snying por byang chub kyi sems shar te/ sems la mthong zhing rtag tu med pa na/
256b6 phyogs su bltas shing ming med ji ltar yang gdags/ rtsa ba'i snying po la rtag tu goms par blta'o// byang chub kyi sems thig pa nya mo bag la nyal rdzogs 'thun pa'i sgo nas bstan// rig pa
so/

CLOSE WINDOW