184b3 rgya gar skad du/ bo d+hi tsit+ta bin d+ha pra b+ha ni tan tra nA ma/ bod skad du/ byang chub kyi sems kun 'dus 'od kyi rgyud ces bya ba/ sems nyid rdzogs pa chen po la phyag 'tshal lo// de nas sangs rgyas thams
184b4 cad rab tu brgyal/dngangs pa dang// skrag par gyur te cang mi smra bar 'khod do// de nas de bzhin gshegs pa thugs rje ye shes kun tu khyab pa zhes bya ba'i 'od kyi 'phreng ba rnam par snang mdzad de rab tu
184b5 bskul bar gyur to// de nas sangs rgyas thams cad kyis mgrin gcig tu 'di skad ces gsol to// e ma ho sangs rgyas kun kyi thugs// rab tu gsang zhing dri ma med// 'di dag the tsom skye ba'i rgyu// gsang
184b6 sngags lta spyod ngo mtshar che// zhes gsol to// de nas bcom ldan 'das dpal kun tu bzang po de bzhin gshegs pa kun gyi rang bzhin des/ gsang sngags kyi che ba bstan pa'i phyir 'di skad ces gsungs
185a1 so// rab tu mi gnas gsang ba'i lung// dbyer med gsang ba'i don rtogs pas// dge sdig blang dor dbyer med pas// sdig pa spyad pas dam pa'i mchog/ theg chen gsang bar zhugs pa
185a2 yis// mtshams med lnga po rdzogs byed cing// rnal 'byor gnas la bkur ba dang// dam rdzas zas su spyod pa dang// lha khang mdo sde bsreg pa dang// ye shes rnam grol rdzogs pa'i klong// theg pa 'di la gnas
185a3 pa yis// de ma thag par grub par 'gyur// zhes gsungs pa dang// sangs rgyas thams cad brgyal bar gyur to// de nas de ma thag rgyal bas byin gyis brlabs te// gsang ba shin tu rnal 'byor dri ma med
185a4 pa thugs su chud de/dran pa slar rnyed nas ngo mtshar zhing zhus pa'i tshul gyis 'di skad ces gsol to// e ma ho sangs rgyas thams cad kyi// mi 'byed blang dor med pa'i thugs// theg pa'i snying po rtogs dka'
185a5 ba// gnyis med goms pa'i stobs kyis grub// de nyid kun gyi yul min te// thugs rje dgongs pas rig pa bstan// las dang bag chags mi dgos pas// gang yang 'gag pa med par spyod// ces gsol
185a6 to// de nas de bzhin gshegs pa thams cad kyi rang bzhin des// de dag la 'di skad ces gsungs so// rdzogs pa kun 'dus 'od kyi rgyud// snga ma dag tu ma gsungs pa'i// phyi ma zab mo bsdus pa'i
185b1 rgyud// 'di yi rang bzhin rtogs par dka'// 'on kyang khyed rnams grol ba'i phyir// snying po'i rnal 'byor bshad par bya// thog ma med pa'i dus kyi dbyings// chos rnams kun gyi gnas yin pas// kun 'byung
185b2 dngos po yongs kyi lam// dus gsum rdzogs pa'i ngo bor gnas// gsang ba kun 'dus sems kyi lung// gdod nas dag pas nam mkha'i klong// sgro skur dag pas chos kyi dbyings// gdod nas kun gyi ngo bo
185b3 bshad// chos sku gnyis med rdzogs pa'i klong// dgongs pa'i klong la phyogs ris med/ khyab pa chen po nam mkha'i 'od// brdal khyab mkha' ltar mu mtha' med// 'du 'bral med pa dran pas bstan// rgyu rkyen
185b4 ma tshangs kun bral bas// skye 'jig med par 'dus ma byas// gdod nas rig pa gnyis med pas// sna tshogs rang bzhin kun tu bzang// thig le chen por ye bstan pas// gang ltar snang yang chos kyi
185b5 dbyings// ma bsags lhun grub ngo bo'i phyir// cir yang snang la dngos bzhi med// rang bzhin gang du'ang ma nges te// brtag cing spyad pa kun las 'das// brdal khyab chen po kun chub pas// rnam pa tha dad
185b6 yul las 'das// mtha' dang dbus su mi 'byed pas// gol dang sgrib pa'i chos mi gnas// phyag rgya chen por ye gnas pas// sgom dang mi sgom yul las 'das// rig pa'i 'khor lo rab bskor bas// mtha'
186a1 med bar ni rab tu 'khyil// gdod nas lhun gyis grub pa la// rgyu rkyen rtsol la rag ma lus// bde chen rol pas bdag gnas pas// mtshan ma'i bde la rten mi 'cha'// sku gsum mtshan mar lo
186a2 brtags pas// mtshan ma'i 'bras la rag ma lus// gcig dang tha dad bcos su med// theg chen sems nyid rdzogs pa la// ma bcos thabs kyis der bzhag na// bsam dang bsam bya kun bral nas// rnam
186a3 grol rdzogs pa'i sa la sbyor// stong pa'i mtha' la zhen pa dang// bde ba'i 'dod la chags pa dang// btang snyoms don la gang zhen pa// log pa'i grong khyer chen po yin// gang yang zhen pa med pa ni// gang yang
186a4 byang chub snying po'i lam// bar chad med pa'i thams chen ni// sems nyid rdzogs pa'i lam yin no// rang sems byang chub snying po las// gzhan med thig ler gcig pa'i phyir// gnyis med gsang ba'i rang
186a5 bzhin dag khyab pa chen po'i tshul du bzhugs// kun 'dus rig pa sems kyi gter// ma btsal thabs kyis grub pa yin// dbang bskur ye shes rgyal po la// ma chags thabs kyi sbyor ba yis// gang ltar gnas
186a6 pa de ltar gnas// ma bcos rang gzhag thabs kyis go/ phyag rgya chen por kun gnas pas// bskyed cing sgom la rag ma lus// brjod bral snying po mthar phyin pas// sngags dang kha ton bya las 'das// dus
186b1 gsum mi 'gyur bstan pa'i phyir// cha shas dben pa'i ngo bos stong// sku mchog 'od dpag med pa'i klong// mtshan dang dpe byad cha las 'das// mtshan ma'i sgro skur kun zhi yang// ye shes 'bar ba'i 'od kyis
186b2 mdzes// rgyal po thabs kyis mdzes pa ltar// ma byas thabs kyis don rnams rdzogs// zhes gsungs so// kun 'dus 'od kyi tan tra las// sgro skur med pa'i le'u ste dang po'o//// de nas de bzhin
186b3 gshegs pa kun tu bzang pos/kho na nyid kyi ting nge 'dzin la snyoms par zhugs pas/ lta dgongs mthar phyin gyi don 'di gsungs so// chos kun gdod nas mtshan nyid med// ye shes nam mkha'i rgyal po
186b4 las// bde chen gsal ba'i nyi shar bas// rnam par rtog pa'i sgro skur gcod// ye shes 'khor lo 'od po che// phyogs med kun la gsal bar 'char// rig pa'i rgyal po kun 'dus pas// bde sdug rtog pa'i
186b5 mtha' las 'das// zhen pa'i 'du shes kun bral bas// bsam gyis mi khyab chos kyi dbyings// sangs rgyas sems can gnyis med pas// bsgrub cing sgrib pa gsal du med// ma lus sgro skur kun zhi
186b6 bas// chos kun ye shes dgongs pa'i klong// snang srid bla ma'i phyag rgya bas// ma brjod ngo bos chos tshur ston// skye med phyag rgya kun thebs pas// 'dus byas mtshan ma med pa'i lam// bdag nyid ngang las ma
187a1 yengs pas// ji ltar mdzad kyang g.yo ba med// btsal zhing spyad pa'i chos med pas// spyod lam ma bcos de bzhin nyid// phra zhing shes par dka' ba'i phyir// brtag cing nyan pa'i yul las
187a2 'das// dam pa'i dgongs pas kun gsal bas// nyes pa'i skyon gyis gos pa med// sku gsum rdzogs pa'i klong brdal bas// 'gro don snying rje bya dang bral// dus gsum chos nyid snying po la// thun dang bcos
187a3 tshad khar ma lus// rig pa'i ye shes lhun rdzogs la// drod dang rtags la rten mi 'tshal// ma bzhag rang gsal mi g.yo bas// lta zhing sgom du'ang yod ma yin// ye shes srog gis kun zin pas// skye shi tha snyad
187a4 yul las 'das// theg chen snying po'i lam rtogs pas// brgyud pa'i lam la 'jug mi byed// ma byas don kun lhun rdzogs pas// sgo gsum btsal ba'i 'du shes bcad// ting 'dzin rig pa'i 'khor lo
187a5 la// sgro skur mtshan ma'i chos mi gnas// mi bskyod bde chen rgyal po la// gang ltar gnas kyang nyam mi nga// dngos po phyi nang chos kun ni// gdod nas dri med dag pa la// de yang dngos grub ma yin pas// gang
187a6 ltar ma bcos yin par dbye// byas kyang sgrib par mi 'gyur la// ma byas gol bar mi 'gyur gyis// rdo rje snying po bstan pa can// nges pa'i don las ma yengs na// chos nyid don las ma 'das pas// gang yang
187b1 ma bcos gzhag par bya// mthong dang ma nges bar mtshams su// bde ba chen po'i don 'char zhing// 'bad rtsol med par lhun gyis grub// gang dgar bzhag kyang g.yo mi 'gyur// lta dgongs dbyer med gang
187b2 rtogs pas// dus gcig rnam grol lhun grub pa'o// zhes gsungs so// kun 'dus 'od kyi tan tra las/ lta dgongs dbye ba'i le'u ste gnyis pa'o//// de nas bcom ldan 'das de bzhin gshegs pa kun
187b3 tu bzang po rang byung ye shes bstan pa'i ting nge 'dzin la snyoms par zhugs nas/'di skad ces gsungs so// chos rnam ma lus ji snyed pa// rgyu la mi ltos snying po'i snying// rkyen la mi ltos 'bras bu'i
187b4 'bras// gsang ba'i gsang ba mkha' ltar dag/ theg pa'i snying po rdzogs pa'i lung// ma lus gcig dang tha dad med// ye shes mkha' dra khyab pa'i klong// bstan pa'i rtsa ba chos kyi dbyings// dur khrod bdal
187b5 ba'i snying po mchog/yul sems bral ba'i rang bzhin gyis// de bzhin nyid de sgro skur med// theg chen sems nyid mkha' ltar dag/ ma 'dres gsal bar snang ba'i phyir// lhun grub rol pa cir yang snang// snying
187b6 po gcig tu kun rdzogs pas// rdzogs khyab brdal ba chos kyi sku// rgyu dang rkyen las mi ltos pas// mi 'jig rdo rje 'gyur ba med// ma bsgribs gsal bar kun mkhyen pas// ye shes kun gsal mchog gi
188a1 ngang// thams cad sems su lhun grub pas// sangs rgyas sems can gnyis su med// ma bcos bsam spyod kun bral bas// chos nyid sems nyid gnyis su med// bde chen rigs par 'od
188a2 gsal bas// btang snyoms stong pa rnam par bcad// rig pa 'khor lo gter gyi mchog/ ma bskor zhi ba dbyings su 'khyil// 'khor lo 'od 'bar snying po can// mtshan dang dpe byad kun las 'das// che ba'i
188a3 che mchog chos kyi sku// dus gsum 'du 'bral med par gnas// rdzogs pa kun 'byung lam gyi phugs// zhen pa dus gcig bcad pa'i phyir// mngon sum rdzogs pa'i rang la gnas// nges pa rnyed pa de
188a4 ma thag/'byung med ye shes mkha' ltar dag/ snying po rdzogs lam bar chad med// gang yang dam par mi len pas// dman pas gzhan du dor ba med// ye shes lnga rdzogs snying po nyid// ma 'dres dbyings la
188a5 rdzogs pas brgyan// zab mo kun 'dus sems kyi gter// rdo rje bla ma'i lung thob cing// nges pa'i blo dang ldan pas na// dbul po gter dang phrad pa ltar// mthong ba tsam gyis chog pa yin// nges pa'i blo dang
188a6 ldan med cing// theg chen rdzogs pa'i rigs min na// long ba gter dang phrad pa ltar// bstan kyang shes par ga la 'gyur// mi skye mi 'gag snying po la// rang byung ye shes gsal bas gnas// yid bzhin nor
188b1 bu'i snying po ltar// 'phel dang 'grib pa ga la yin// zhes gsungs so// kun 'dus 'od kyi tan tra las/ rang byung ye shes bstan pa'i le'u ste gsum pa'o//// de nas de bzhin gshegs pa kun tu bzang
188b2 pos// don gyi snying po zhes bya ba'i ting nge 'dzin la snyoms par zhugs nas/ 'di skad ces gsungs so// thog mtha' med pa'i ngo bo ni// kun tu bzang po'i 'khor lo ste// dus gsum stong par gnas pa'i
188b3 phyir// stong dang mi stong yul las 'das// sangs rgyas sems can dbyer med de// de bzhin nyid du gcig pa'i mtshan// theg pa mkha' 'dra lto bo che// stong pa nyid du'ang mi gnas pas// sku gsum mtshan mar
188b4 rtags pa'i lam// thob par bya ba'i yul med pas// gang yang mi byed snying por rdzogs// ma lus kun dang dbyer med pas// gsal dang sgrub pa ga la yod// 'khor dang mya ngan 'das pa med// mtha' dbus
188b5 rtogs pa'i rgyun las 'das// dri med mkha' ltar rab zhi bas// rang byung 'du shes kun dang bral// thig le chen po rgyas thebs pas// cha shas med de snying por mtshungs// lhun grub rig pa kun rdzogs
188b6 pas// sgrub cing rtsol ba bya mi dgos// gdod nas dag pa'i rang bzhin pas// sgrib byang gnyen po brten dang bral// snying por thams cad rtogs pa'i phyir// tshad mar gtan la dbab mi dgos// rin chen 'od
189a1 ltar lhun rdzogs pas// tshogs bsags dngos grub blang du med// ye shes rang byung dri med pas// dge sdig mtshan ma sel mi byed// bde chen klong la kun gnas pas// rtsol ba'i bde la rag ma
189a2 lus// snying po bar che mi gnas pas// sgom zhing dmigs dang bral bar gnas// dus gsum theg pa'i snying po las// ma yengs dgongs par gnas pa yin// dus gsum rgyal ba rnams kyis kyang// 'di
189a3 med rgyal ba 'byung mi srid// theg pa'i snying por kun rdzogs pas// lam gcig bsgrod pas thams cad rdzogs// ma bcos dgongs pa'i don rtogs na// lung sogs tshad ma rnams mi dgos// ma bcings
189a4 bcings par mthong bas na// mtshon pas bcings pa dus gcig gcad// dbang po ye shes gsal ba yi// bde mchog ro myong ngo mtshar che// bstan pa'i snying po ma rtogs na// btsal bas nam mkha'i mtha'
189a5 'tshol 'dra// ye shes 'khor lo rang dbang na// mtshan ma'i dbang thob thig le'i rgyu// bag chags dag pa'i me long la// rnam grol dbang po rang bzhin gsal// cir snang ye shes dag pa la// bltas shing rig
189a6 pa mngon par 'char// mkha' la 'od kyis brdal ba ltar// phyogs med rgyas par gsal ba bya// snying po kun 'dus 'khor lo can// ma lus rdzogs pa chen por gnas// zhes gsungs so// kun 'dus 'od
189b1 kyis tan tra las// snying po rdzogs pa'i le'u ste bzhi pa'o//// de nas de bzhin gshegs pa kun tu bzang pos dgongs pa de kho na nyid bstan pa'i ting nge 'dzin la snyoms par zhugs nas/ 'di skad ces
189b2 gsungs so// snang srid phyi nang snod bcud kun// rang byung thig ler rgyas thebs pas// ye shes chen po'i klong du 'khyil// thim 'gyur gsal yang mi mngon pa'o// rnyog pa'i rgyu bzhi bral gyur na// de med 'bras
189b3 bu mi 'byung bas// mi dmigs snying po rdzogs pa'i lam// ma bcos bzhi bzhag snying por gnas// ye shes 'od kyis kun khyab pas// thams cad rang byung nyi mar gsal// mkha' la thugs rje ji bzhin du// ye
189b4 shes tshad med de bzhin te// sgro 'dogs skur 'debs kun bcad pas// de bzhin nyid du rnam par bdal// snying po'i snying po rdzogs pa'i lam// bar chad med par gsal gyur na// phyi nang snod bcud ma lus
189b5 pa// skyes bu mig nad bral ba yis// 'khrul pa'i bag chags sad pa ltar// ye shes gzhan las mi 'byung ngo// gang zhig 'di ltar rtogs gyur na// 'jigs pa'i skal ba'i rdzas bzhin du// thams cad stobs
189b6 'gyur ma yin pa// nyes stobs bag chags mi gnas so// thams cad ye shes rgyas btab pas// ma lus kun dang gnyis med pa// dam pa 'ga' yis rtog pa las// dman pas de ltar mi rtogs so// rang byung
190a1 snying po gnyis med pa// thogs med rig pa shar ba bzhin// gdod nas bde chen rgyal po la// ma bcos rig pa yan du khye// lhun grub phyogs bral chen po la// zhen pa'i 'du shes bral ba
190a2 yis// ye shes gsal bas mdangs phyung nas// rig pa'i snying po dus gcig 'jug/ spros med lhun rdzogs snying po'i klong// nam mkha' yangs ba'i snying po ltar// ma 'dres yongs rdzogs snying po la// rig pa
190a3 glong ba tsam la gnas// ye shes klong chen kun gnas pas// rmongs pa'i 'khor ba'i 'dam las grol// mtshan nyid 'di zhes rtag par dka'// ma rig ye shes 'od gsal bas// sgrib byang ye shes bskyed du
190a4 med// sgrib dang rnyog pa kun dag pas// gnyen pos bcos shing dgag tu med// gsang ba'i thig le rang bzhin dag/ ma tsal rang dgar gnas mod kyang// gang yang ma yin mi gnas pas// phyogs kyi rkyen
190a5 gyis mi gos so// ji ltar rdzun pas du ma dag/ bden tshig gcig gis sel ba ltar// don dang 'brel ba'i tshig gcig gis// brtags pa'i grong khyer bcas bcom pa'o// ji ltar tha dad du ma'i gzugs// mi
190a6 'gag ro myong gcig pa ltar// rnam pa'i khyad par ma bkag par// bde chen gsang ba rdzogs par gsal// don gyi khyad par rgya chen las// gcig gis de don rtogs pa ltar// rig pa rdzogs pa'i khyad par
190b1 gyis// gcig don rtogs pas kun don rtogs// 'jig pa'i dus kyi me bzhin du// ye shes rtogs pa'i khyad par la// ji ltar snang ba'i chos rnams kun// ye shes stongs su gyur pa yin// ye shes ma gyur
190b2 med pas na// sgrib pa'i khyad par gcig mi gnas// gang zhig rtogs pa'i stobs med na// gang ltar spyad kyang brtags pa kun// long ba mig bral lam zhugs ltar// gang ltar spyad pa g.yang sar
190b3 'gyur// dngos 'di gcig las ma g.yos kyang// phan gnod nus pa'i khyad par gyis// sman gyi rgyal po ga bur ltar// bcings dang grol bar snang ba yin// rdzogs chen theg pa'i snying po 'di// rang byung thig le
190b4 rdzogs pa'i lung// bsam gyis mi khyab chos rnams kun// bsam med yongs su rdzogs par brtag/ rnam pa'i khyad par gang dag las// ma btsal de dang mnyam par skye// btsal nas khyad par gang dag
190b5 kun// bcings ba'i mdud par snang ba yin// ma bcos sems nyid rdzogs pa'i lam// de nyid rdzogs la gnas par bya// rten dang bgrod dang rim par 'byung// 'jig rten log pa'i las la bslad// bya bral
190b6 rdzogs pa'i lam las grol// bskyed pa mtshan ma'i lam la gnas// 'jig rten rtsol ba'i lam pa yis// rang sems rdzogs pa mthong mi 'gyur// zhes gsungs so// kun 'dus 'od kyi tan tra las/ rig pa
191a1 dbyer med par bstan pa'i le'u ste lnga pa'o//// de nas de bzhin gshegs pa kun tu bzang pos/ ye shes sgro skur med pa'i ting nge 'dzin la snyoms par zhugs nas// 'id skad ces gsungs
191a2 so// rig pa'i rgyal po bstan pa'i bdag/ bstan pa'i theg pa yongs kyi klong// bstan pa'i rtsa ba klong dgu'i gter// gcig la rdzogs te tha dad med// snying po'i snying po rdzogs pa 'di/ khyad par gnas pa
191a3 bstan pas gsal// theg pa'i khyad par ci bstan pa// 'dul thabs drang ba'i khyad par nyid// kun la mthun par snang mod kyang// mdo don ye shes rdzogs pa gcig/ sangs rgyas kun gyi gter gyi dbyig/ rin
191a4 chen phung po phyogs med klong// btsal bsgrub med de gdod nas rdzogs// yon tan chen po dpag mi rig/ dus gsum sangs rgyas yon tan kun// snying po gcig la rdzogs par blta// de ni gsang ba'i thabs
191a5 dag gis// tshig gi don gyis mtshon par bya// rgyud dang khyad par mngon sum ma lus pa// lhun grub rtogs la khyad par med par gnas// ma rtogs skal med don la bzhugs pa'i phyir// de dag bstan pas tha
191a6 ma thob pa yin// rang byung brdal ba chen po khyab gnas pa// skal med dman pas rtogs par ga la 'gyur// snying po 'od 'bar kun la khyab gnas kyang// dmigs pa med la mi snang de bzhin no// 'on kyang
191b1 blun po'i 'khrul pa gsal ba ltar// skad cig ma la don kun rdzogs pa yin// lhun gyis grub pas rang nyid don byar med// gcig tu gnas pas gzhan don bya dang bral// ji bzhin bzhag pas yengs med ngang
191b2 du snang// 'khrul dang ma 'khrul khyad par gyis// zla sprul dung la zhen bzhin no// bya bral rdzogs pa'i thig le la// rang gzhag pa yi gtan tshigs kyis// rang byung sems nyid rdzogs pa'i lung// de ma thag par
191b3 yongs su shes// ma bcos kun 'dus thugs kyi rgyud// gsang ba'i zhi ba zab mo'i lam// ji bzhin ma btsal bzhag pa yis// rgyu ba ma lus dus gcig gcad// byis pa ma rabs 'du shes kyis// rdzogs pa'i
191b4 klong la cir shar yang// ye shes rtogs pa'i khyad par 'phags// ye shes srog gsum 'khor lo bskor// thig le chen po gdod nas gnas// nam mkha'i mkha' la longs spyod pas// bde dang sdug bsngal blang
191b5 dor med// ces gsungs so// kun 'dus 'od kyi tan tra las/ sems kyi rang bzhin bstan pa'i le'u ste drug pa'o//// de nas de bzhin gshegs pa kun tu bzang pos// 'khrul ba ngos bzung ba zhes bya ba
191b6 'di gsungs so// sangs rgyas sems can gnyis med la// ma rtogs 'dzin pa'i khyad par gyis// gcig la rkyen dang phrad pa yis// nus pa'i khyad par so sor snang// rmongs 'khrul rkyen gyi khyad par gyis// snang
192a1 ba gcig la gnyis par mthong// tha dad gdod nas mi gnas pas// de dag tsam gyis grol ba yin// snang ba'i phyogs med kun khyab phyogs med kyang// ldongs la mun pa'i tshogs su
192a2 snang// bsgrubs pas grub par ma gyur kyang// mthong bas mun pa bsal mi dgos// rgyal bu long ba'i mtshan dpe ltar// 'gro kun ye shes ngo bor gnas// gzhan la rnyed par mi 'gyur te// mthong ba tsam la
192a3 rag las pa'o// ji ltar gcig gis gcig btsal bas// phrad kyang ma shes kun tu stor// bden pa'i tshig gis 'akrol 'gyur bas// ma shes de nyid bstan par zad// bden pa'i ngag de ma thob pas// gang ltar
192a4 btsal zhing lam bkrol kyang// bskal ba bye phrag brgyad bcu ru// de dag shes rtogs mi 'gyur ro// bden pa'i ngag dang phrad pa'i tshe// gang phrad dus de der nges 'gyur// ji ltar snang ba'i sbyor ba yis// shin tu
192a5 sgribs la yun ring ba'i// mun pa 'thibs po ma lus pa// skad cig tsam la 'joms par byed// gang du shes pa mun pa'i tshogs// de ma thag pa rnam par bcad// bzhi gcig stobs kyis 'phags pa'i
192a6 phyir// spyod pa'i 'khor lo rgyun mi bcad// ma lus ye shes 'od gsal la// blang dor dmigs 'dzin kun las 'das// mtshan ma'i sgro skur kun zhi bas// rang gzhag ye shes bsam mi khyab// ye shes 'od kyis
192b1 kun khyab pas// gsal dang mi gsal chos mi gnas// kun 'byung snying po zhi ba'i lam// ye shes 'khor lo rgyun mi 'chad// gnas skabs khyad par ma 'dres kyang// ye shes chen po gcig tu 'khyil// kun
192b2 'dus 'od kyi dkyil 'khor la// ma lus rdzogs pa'i tshul du gnas// chu yi khyad par bsam yas ba// ma 'dres lhun gyis rdzogs pa ltar// gnyis med gsal ba bsam mi khyab// de bzhin nyid kyang de
192b3 lta'o// rin chen sems la dbyer med kyang// yon tan khyad par bsam mi khyab// gang dag nyid la dbyer med kyang// yon tan khyad par snang ba ltar// lhun grub nyid las mi g.yo yang// rnam pa lhun grub
192b4 phyogs ris med// rten med mkha' mnyam ye shes la// rten bcas skye 'gag nor ba'i lam// dus gcig rdzogs pa'i ye shes la// rim skye rtag 'dod nor ba'i lam// rdzogs chen phra men rnal 'byor
192b5 pas// rnam grol 'bras bu gang la thob// kun 'byung theg pa'i snying po la// mkha' ltar gnas pas dgag tu 'ang med// lhun gyis grub pas sgrub tu'ang med// ma yengs gnas pas sgom du'ang med// bdag
192b6 yin nyes pas bgrod du'ang med// mkha' ltar dag pa'i rang bzhin la// ye shes gsal ba mdzes pas brgyan// gnyis med bde chen lhun gyis grub// rgya gsum 'debs pas 'gyur mi srid// ces gsungs
193a1 so// kun 'dus 'od kyi tan tra las/ 'khrul pa dang ma 'khrul pa'i khyad par gyi le'u ste bdun pa'o//// de nas de bzhin gshegs pa kun tu bzang pos dbyer med pa'i ting nge 'dzin la
193a2 snyoms par zhugs nas// ched du 'di skad ces gsungs so// thams cad rnam dag chos kyi dbyings// rnyog bral ye shes bde chen la// gnyis 'dzin log pa'i stobs kyis bsgyur// rnam rtog 'khor ba'i g.yang
193a3 sar lhung// mi g.yo dang po'i rang bzhin la// rkyen gyis brlabs snang ji bzhin no// rin chen dag pa'i rang bzhin la// gang dag phrad par der gyur kyang// de dag yin pas snang 'gyur te// min pas gang gi ngo
193a4 bo min// de bzhin ma bcos lhun grub pa// yon tan lhun grub rdzogs pa'o// rdzogs pa chen por 'gal 'gyur bas// phyin chad ma btsal rang dgar gnas// bya dang mi bya med pas na// blang dor ma lus 'khor
193a5 ba'i lam// zhes gsungs so// kun 'dus 'od kyi tan tra las/ de kho na nyid snying po'i le'u ste brgyad pa'o//// de nas bcom ldan 'das dpal kun tu bzang pos// lhun gyis grub pa'i ting nge 'dzin la
193a6 snyoms par zhugs nas// 'di skad ces gsungs so// gdod nas rdzogs pa'i snying po la// 'bad rtsol zhen pa mi gnas kyang// lhun grub bsam mi khyab sbyor bas// bdag gzhan don kun skad cig
193b1 rdzogs// ma bcos ji bzhin phra ba yis// rtogs spyod 'du shes phyogs dang bral/ khyab pa chen po mkha' ltar dag/ de bzhin nyid de chos kyi sku// longs spyod nam mkha'i mthar thug ste// ji snyed pa yi rnam par
193b2 dag/bde chen ye shes ro myong bas// longs spyod rdzogs pa chen po nyid/ khyab pa nam mkha'i mthar thug pas// sprul ba chen po rgyun mi 'chad// ma lus sprul par rgyud 'chang ba// gzhan pa cung zad yod ma
193b3 yin// 'di dag sems nyid rdzogs pa la// gdul bya bsam pa'i khyad par du// rgya mtsho rlabs dang rin chen ltar// skal ldan rnams kyis shes par bya// thams cad lhun grub chos dbyings pas// thugs rje yul
193b4 yod ma yin kyang// gdul bya'i dus na rin chen ltar// ma lus kun la snang ba yin// sgra skad che chung ma lus ba// ye shes rdzogs pa'i gsung gis ni/ khyab pa chen por byin brlabs kyis// bstan pa'i chos nyid
193b5 ston pa yin// mkhyen pa'i ye shes skad cig la// ma rdzogs khyad par mi gnas pas// ji lta ba las ma g.yos kyang// ji snyed ma bkag rdzogs par mkhyen// bya bral rdzogs pa'i 'phrin las kyis// ma lus
193b6 mdzad pa phyogs ris med// thams cad mdzad par gnas gyur pas// ye nas rdzogs pa'i mdzad pa yin// ma lus lhun grub chos kyi dbyings// dbye ba'i khyad par yod min yang// nyi ma'i 'od dang snying po
194a1 ltar// rang gzhag tsam la rdzogs pa yin// 'dus byas ma yin rdo rje yin// rang byung nyid pas rgyu rkyen bral// rim pa med pas dus gcig rdzogs// lhun gyis grub pas gzhan mi rtsol// ji ltar
194a2 'od kyi gzhal yas la// dus gsum gsal bar 'char ba'am// rin chen sprin gyi snying po las// drag po rlung gi sgras mtshon nas// bdud rtsi char ba'i snying po'i mthus// ma lus bsam pa rdzogs par
194a3 gnas// snying po rdzogs pa'i rang bzhin las// mos pa'i khyad par snang ba dang// phyogs med rang gis byin brlabs kyis// ji ltar 'dod pa sor sor snang// zhes gsungs so// kun 'dus 'od kyi tan tra las/
194a4 lhun gyi grub pa'i le'u ste dgu pa'o//// de nas de bzhin gshegs pa thams cad kyi rang bzhin des// 'khor gyi tshogs la 'di skad ces bka' sgrags bar mdzad do// de bzhin gshegs pa thams cad
194a5 kyi// ye shes snying po thugs kyi rgyud// ma bcos ji bzhin thams cad kyi// nyon mongs zhen pa'i 'phreng thag chod// mun pa'i dri ma kun gsal nas// mkha' ltar dag pa dus gcig snang// rig pa'i snying po kun
194a6 'dus 'od// phyogs mtshams med par rgyas par gnas// gsang ba phyi ma'i man ngag ste// rdzogs chen rtsa ba yang snying 'di// dus gsum sangs rgyas thams cad kyi// gsang mdzod thugs kyi rgya mtsho yin// rnam
194b1 grol 'bras bu rdzogs 'dod pas// thams cad la ni me long bzhin// bltas kyang gzungs brnyan mi snang ngo// bstan pa rgya mtsho thugs kyi mdzod// skal ldan rig pa 'ga' tsam la// 'phrul tshig brda yis bstan
194b2 pa snang// 'on kyang rin chen bstan pa ltar// rtogs pa tsam gyis chog pa yin// yang gsang thugs kyi nyi ma 'di// grags pa'i chos brgyad ma chags shing// rnyed dang bkur sti de bzhin pas// rin chen dbyig
194b3 dang lus srog dag/'phangs med gser gyi rang bzhin ltar// bla ma dam pa srog 'dzin cing// ting 'dzin shes rab rtsal rdzogs pas// bla ma rin chen dbyig ltar bkur// man ngag snying ltar 'tsho ba
194b4 dang// mched la gus sems dad par ldan// rin chen 'phrul gyi thabs ldan na// zang zing ser snas bcings pa med// 'di la gsang ba gter du gtad// 'di dag rang bzhin mi ldan par// g.yo rgyus man
194b5 ngag 'dod pa dag/bskal pa bye ba phrag brgyar yang// thugs kyi gter chen spro mi bya// zhes gsungs so// kun 'dus 'od kyi tan tra las/ gsang ba'i gter gtad pa'i le'u ste bcu pa'o//// byang chub kyi
sems kun 'dus 'od kyi tan tra rdzogs so/

CLOSE WINDOW