160a2 / ye shes mdzod chen chos kyi dbyings// rdo rje sems dpas gsungs pa'o// rdzogs so// // rgya gar skad du/ dz+nyA na pra ka sa e d+harmA/ bod skad du/ ye shes gsal ba chos kyi
160a3 dbyings// dpal rdo rje sems dpa' la phyag 'tshal lo// skye med don dam gsal ba'i skabs// gdod nas gsal bas snying po a// bying rgod gnyis kyi skyon dang bral// bsgom bya chos nyid gud na med// 'di
160a4 ni don dam bde chen ngang// ma bcos ma yengs rang sar grol// dran pa rang grol don dam dbyings// so ma lhug pa gyi na tsam// ming tsam bsgom zhes de la bya// dran rig shes pa ma 'gags la// 'dzin rig
160a5 yul las rnam par grol// ma byung ma skyes g.yos pa med// spros bral bsam 'das brjod med ngang// dus bzhi mnyam par sbyor ba'i skabs// srong la dran pa'i gzung thag gzung// nam phyed shes bya bum par
160a6 gzhug/tho rangs dbang po rang yan gzhag/ nyi phyed mtshan ma rang sar grol// dus bzhi don dam snying po la// dran pa shes bzhin rtsi yis bzung// dper na glang chen lcags kyu bzhin// ma yengs dran pas rang
160b1 sar grol// gser bum til gyi sgron me bzhin// 'gyur med rig pa nang na gsal// gser gling brdal ba'i klong chen bzhin// gang ltas rdzogs pa chen po'i klong// dug sprul 'bar ba'i mdud pa bzhin// rtsol
160b2 sgrub med par rang sar grol// bying rgod skyon rnams sel ba'i skabs// grol ba nyid la grol bar shes// dper na gser la gser mthong bzhin// ji bzhin ma nor gzhag thabs la// ma goms ngal dub thun
160b3 ches pas// bying rmugs rab tu 'thibs pa dang// lci zhing don rnams mi gsal te// sgo lnga yul la 'phro ba dang// yid 'khrul dran rtog bag chags ldang// rnam rtog rkun bur 'dzags pa rnams// bying rgod skyon
160b4 du gtang mi bya// bying ba'i skyon rnams gseng ba ni// sa mtho ser bu bsil ba'i sar/ khrus bya lus bcag rgyang mig blta// glu blang gar bya sgra rnams bsgrags// rgod pa rnams kyi bsdu ba ni// gtad
160b5 dang gzung dang rang sar grol// rang byung rang zhi nam mkha'i dpe// lta ba dran pas mtha' bral ngang// nyams myong rgyun chad med pa'i skabs// de tshe nyams ni g.yo dang goms// thob dang brtan pa'i nyams bzhi skye// nam
160b6 mkha' dngas pa'i zla ba bzhin// kun la snyoms la rtog sgrib med/ kha skom zas dang bral byas kyang// mdangs dang dbang po gting nas gsal// bzod thob chos brgyad spong len med// 'dod yon lnga las rnam
161a1 par grol// nyon mongs zher 'dzin rtog pa zad// lus yang shing bal dbugs mi tshor// rtags mtshan lung byung dga' brod med// med kyang de la ji mi sems// gnyis su med pa'i don chen
161a2 'di// gsal khyab yangs pas nam mkha'i klong/ khyung chen nam mkhar lding ba zhin// spro bsdu med par ye sangs rgyas// lta ba rdzong chen drug gi skabs// kun gzhi skye med snying po la// 'khrul dang ma 'khrul rtog
161a3 las 'das// rtog 'das don gyi snying po la// bsgom bya chos nyid gud na med// bsgom bya ming du btags pas nor// ci phyir brjod pa kun dang bral// rnam rtog gnyen por mi rtog bsgom// de ka rtog pa chen po
161a4 yin// rtog pa'i mtshan ma ci skyes kyang// de nyid chos nyid yin shes na// dug la sman du shes pa bzhin// chos sku gzhan nas btsal mi dgos// snang ba med pa'i chos nyid ni// ma btsal bzhag na bsgom pa
161a5 yin// de dang der ni rnam btsal kyang// de las de bzhin de mi 'byung// gnyis med bde ba chen po'i skabs// gsal la rtog med ting 'dzin las// bsgom bya blo yi rtog pa yin// sgom byed skur 'debs lta ba
161a6 ste// bsgom bya sgom byed gnyis med ngang// de phyir gnyis med bde chen la// rtag chad gzung 'dzin gnyis su med// kun rdzob don dam gnyis su med// blang dor spyod 'bad gnyis su med// dbyings dang ye
161b1 shes gnyis su med// thams cad gnyis su med pa'i klong// gnyis su med par thams cad rdzogs// rgya chad phyogs lhung med pa'i rdzong// lhun grub ye shes rang shar skabs// 'gyur ba ma yin drang por
161b2 gsal// lhun gyis gnas pas bde ba che// rang byung ye shes rgyu rkyen bral// rang gi mthu yis rig pa las// chos ni gzhan nas 'byung mi 'gyur// tshig tsam gzhan la brten 'dra yang// dngos su bde chen rang
161b3 las shar// thugs rjes gsang ba gdam pa'i skabs// bde chen rang shar ting 'dzin 'di// rkun po'i nor bzhin gsang bar bya// 'dod pa ma phrel bar du ni/ kha 'jam sri zhu ngo bstod zer// 'dod pa'i don de
161b4 'phrel nas su// rgyab kyis phyogs nas slob dpon gsang// rang gi ngo bo smra byed pa// tshag pa mo yi 'du shes skye// de 'dra'i don du gsang bar bya// ye shes gsal ba chos kyi dbyings// rdo rje sems dpas
gsungs pa'o/

CLOSE WINDOW