158a2 kun la med pas gsang bar bya'o// sa brgyad pa'i byang chub sems dpa' las 'phro skal bar ldan la gnas so// i ti//// rgya gar skad du// dz+nyA na ma hA ko Sha e d+harmA/ bod skad du/ ye
158a3 shes mdzod chen chos kyi dbyings// dpal rdo rje sems dpa' la phyag 'tshal lo// skye med rnam par dag pa'i skabs// gdod nas ma skyes snying po a// sgro skur lta ba kun dang bral// thams cad gcig gi rang
158a4 bzhin la// spong 'gegs byis pas bslad pa med// dbyer med ye shes lnga ldan la// sbyong bgrod gnyis lta rang sar grol// skye 'gag gnyis su med pa la// sgyur dang spyod lnga rnam par dag/ mtha' bral lhun
158a5 gyis grub pa'i skabs// 'di ni thams cad mtshungs pa'i lam// 'gro ba kun la rang bzhin gnas// thams cad rang rig byang chub sems// 'di ni lung gi tshad ma'o// rnam dag sems kyi rang bzhin ni// nam
158a6 mkha' bzhin du spros dang bral// 'gyur ba ma yin drang por gsal// ma skyes pas na 'gag pa med// de btags yod dang med pa'i chos// med de med pa'i snying po can// yod de rtag pa'i mtha' las
158b1 'das// mtha' bral don gyi snying po 'di// yod dam byas pa'i dngos dang bral// med dam byas pas rig cing gsal// dngos bral rig gsal lta ba'i dbyings// yod med gnyis med phyogs ma ltung// spang bya
158b2 blang bya gnyis med rdzong// btang snyom mngon gyur med pa nyid// brjod bral dri med dag pa'i glong/ khyab brdal ma bcos lhun gyis grub// don dam rnal 'byor spyod yul 'di// tshig la zhen pa'i spyod
158b3 yul min// mdun rgyab phyogs rnams gang mthong ba// bde chen kho na nyid du gsal// thams cad lhun grub thig le'i ngang// mtshan ma'i spyod yul rtog las 'das// dus gsum gcig ste khyad par med// yang
158b4 dag don la gnas pa'i phyir// a ti yo ga bde chen ni// 'du 'bral gnyis med kun tu bzang// rnam par rtog med lhun gyis grub// bya med blo las 'das pa'i skabs// 'khor ba ma bkag gnas su
158b5 dag/mtshan ma ma spangs rang sar grol// 'khrul pa ma bsal rtsad nas chod// dug lnga ma bsgyur chos nyid klong// rtsol sgrub med par ye sangs rgyas// yin pa'i don la yin par shes// nges pa'i don chen zab
158b6 mo 'di// rgyal po rat+na'i mdzod bzhin du// dgos pa'i don rnams 'byung bar nges// don gyi mdzod chen snying po 'di// kun la til mar bzhin du gnas/ khyab bdal don 'di sus rtogs pa// rgyal sras bzhin
159a1 du dbul ba sangs// rtsol bral yongs su rdzogs pa'i skabs// mkha' klong rnam dag chos kyi dbyings// kun bzang yangs pa skye med klong// ye shes lnga sogs 'od zer 'phro// rdo rje sems dpa'
159a2 'dus ma byas// dag pa'i klong na bsrung mtshams med// mnyam pas rim pa bkod pa med// rtogs pas lta ba'i yul las 'das// gsal bas bsam gtan spros dang bral// yul las 'das pas spyad du
159a3 med// lhun gyis gnas pas bsgrub tu med// ma yengs dran pas rang sar grol// sngags dang phyag rgya rnam par dag/ stong nyid ngang la mchod bshags med// 'khor 'das khyab bdal chen po la// 'phrin las
159a4 rnam bzhi gdod nas rdzogs// rdzogs chen dbyings su thams cad rdzogs// lam lnga pha rol phyin bcu rdzogs// 'gro ba mu stegs rim dgu rdzogs// snang srid thig le gcig tu rdzogs// 'khor 'das byang chub
159a5 sems su rdzogs so//// gsal khyab shes bya tshig chod skabs// ngang dang rang bzhin bdag nyid gsum// dbyings dang klong dang rdzong chen no// gzhi dang lam dang 'bras bu gsum// ma skyes ma
159a6 'gags lhun gyis grub// lhun grub ma nor dag pa'i rdzong// phyogs med rang grol dong sprugs dbyings// gsal khyab gnyis med bde chen klong// sku gsum lhun grub snying po a// rgyas 'debs phyag rgya dag
159b1 pa'i skabs// mi 'gyur ba yi lta ba la// g.yos pa med pa'i rtsi yi bzung// g.yos pa med pa'i ting 'dzin la// ma 'gags pa yi rtsi yis zung// ma 'gags pa yi spyod pa la// lhun gyis grub pa'i rtsi yis
159b2 zung// don gyis rtsi yis gang gnas pa// lta ba'i don la gnas pa yin// des na srid gsum rnam par dag/ des na 'byung ba ye sangs rgyas// des na dug lnga sku lngar thim// des na 'dod yon ye shes
159b3 lnga// thams cad rdzogs pa'i chos chen po// mi 'gyur yangs pas don dam rdzong// lta ba 'di la gang gnas pa// sangs ma rgyas pa gcig kyang med// brjod bral gnyis su med pa'i skabs// lta ba'i dgos don
159b4 zab mo 'di// thams cad 'byung ba'i mi zad gter// za ma tog gi nor bu bzhin// lhun gyis grub cing tshang ba'o// mi 'gyur kun rdzogs nam mkha' che/ khyab bdal lhun grub thig le gcig/ brjod bral rang
159b5 grol gnas su dag/rdo rje sems dpas mtshon du med// gnyis su med pa'i don mdzod de// yang dag bden pa'i snying po a// thugs rje rang byung gdam pa'i skabs// rtogs ldan 'ga' yi spyod yul
159b6 'di// rmongs pa rnams ni skrag par 'gyur// bum pa nang gi mar me bzhin// skal ldan rnams kyis sba bar bya// blun por mi go nyon re mongs// nges pa'i don chen ma rtogs par/ kha lta rnam shes phyur po
160a1 can// tshig 'ga' shes pa'i po rtse ba// gzhan gyi chos la smod byed de// rgyal ba'i bkas kyang mi skyobs te// rgya mtshor ltung ba'i pha bong bzhin// thugs rje zhags pas bskyang thag yas// e ma nges
pa'i don la 'thud/

CLOSE WINDOW