72b5 /// rgyal po rgyas rgyud snying por gyur ba'o// rdzogs so// // rgya gar skad du// badzra satwa ga ga sa me ma hA tan+t+ra nA ma/ bod skad du/ rdo rje sems dpa' nam mkha' che'i rgyud ces bya ba/ dpal rdo rje
72b6 sems dpa' la phyag 'tshal lo// 'di skad bdag gis thos pa'i dus gcig na// bcom ldan 'das de bzhin gshegs pa kun tu bzang po sku mdun dang rgyab med pa/ rnam par thar pa'i dbu gsum dang ldan pa/
73a1 phyag drug gis nor bu rin po che 'od 'bar ba zur brgyad pa 'dzin pa ste/ yum kun tu bzang mo dang gnyis su med par 'og min gyi gnas mtha' dang dbus med pa yum gyi gzhal yas khang na/
73a2 gdan glang po che la sogs pa'i steng na pad+ma dang nyi zla brtsegs pa'i gdan la// rdo rje sems dpa' la sogs pa'i de bzhin gshegs pa rnam par snang mdzad dang/ dkon mchog 'byung gnas dang/ snang ba mtha'
73a3 yas dang/gdon mi za bar grub pa la sogs pa btsun mo dang bcas pa dang/ 'khor gyi byang chub sems dpa' sa'i snying po dang/ nam mkha'i snying po dang/ 'jig rten dbang phyug dang/ phyag na rdo rje la sogs
73a4 pa btsun mo dang bcas pa dang// byang chub sems dpa' byams pa dang// kun tu bzang po dang/ sgrib pa rnam par sel ba dang/ 'jam pa'i dbyangs la sogs pa btsun mo dang bcas pa dang/ gzhan yang khro bo
73a5 chen po gshin rje gshed po dang/stobs po che dang/ rta mgrin dang/ bdud rtsi 'khyil pa la sogs pa btsun mo dang bcas pa dang thabs cig tu bzhugs so// gleng gzhi'i le'u ste dang po'o//// de nas rdo
73a6 rje sems dpa' la sogs pa'i de bzhin gshegs pa thams cad kyis/bcom ldan 'das de bzhin gshegs pa kun tu bzang po la 'di skad ces gsol to// bcom ldan 'das kun tu bzang po/ bdag nyid chen
73b1 po lhun gyis grub pa'i dkyil 'khor ji ltar bskyed pa lags/gnas ni ji ltar bskyed pa lags/ zhes gsol pa dang/ bcom ldan 'das de bzhin gshegs pa kun tu bzang pos bka' stsal pa/ rdo rje sems
73b2 dpa' la sogs pa 'khor gyi de bzhin gshegs pa rnams nyon cig/bdag nyid chen po lhun gyis grub pa'i gnas ni// skad cig ma gcig gam thang cig la yum gyi mkha' dag pa'i gzhal yas khang du bskyed
73b3 do// de la bdag nyid chen po lhun gyi grub pa'i dkyil 'khor la gnyis te/ dkyil 'khor du lhun gyis grub pa'i dkyil 'khor dang/ bdag nyid chen po lus kyi dkyil 'khor ro// gleng bslang ba'i le'u ste gnyis
73b4 pa'o//// de nas yang rdo rje sems dpa' la sogs pa de bzhin gshegs pa rnams kyis/ bcom ldan 'das de bzhin gshegs pa kun tu bzang po la 'di skad ces gsol to// bcom ldan 'das
73b5 de bzhin gshegs pa kun tu bzang po/bdag nyid chen po lhun gyis grub pa'i dkyil 'khor ji ltar lags/ de bzhin gshegs pa kun tu bzang po/ bdag nyid chen po lus kyi dkyis 'khor ji ltar lags/
73b6 zhes gsol pa dang/ bcom ldan 'das de bzhin gshegs pa kun tu bzang pos bka' stsal pa/ bcom ldan 'das rdo rje sems dpa' la sogs pa 'khor gyi de bzhin gshegs pa rnams nyon cig/ rig pa'i skad
74a1 cig ma de nyid la rigs lnga dang/rigs kyi yum lnga dang/ sems dpa' brgyad dang/ sems ma brgyad dang/ khro bo dang khro mo brgyad du gsal bar nga rgyal byas pa nyid do// bdag nyid chen po lus
74a2 kyi dkyil 'khor ni/lha rnams rtsa rnams la gsal bar byas pa ste/ bdag nyid chen po lhun gyis grub pa'i dkyil 'khor ro// bdag nyid chen po lhun gyis grub pa'i dkyil 'khor gyi le'u ste gsum
74a3 pa'o//// de nas yang bcom ldan 'das 'khor gyi de bzhin gshegs pa rnams kyis/ bcom ldan 'das de bzhin gshegs pa kun tu bzang po la 'di skad ces gsol to// gcom ldan 'das de bzhin
74a4 gshegs pa kun tu bzang po// lus kyi rtsa rnams ji ltar lags/ zhes pa dang/ bcom ldan 'das de bzhin gshegs pa kun tu bzang pos bka' stsal pa/ bcom ldan 'das 'khor gyi de bzhin gshegs pa
74a5 rnams nyon cig/lus kyi rtsa rnams ni/ rgya mdud zer stubs bzhi dang seng dkar bsgril// bde chen rtsa dang srog rtsa drug/ srog rtsa sgril mar gnas pa ste// gcig ni yid rtsa kun tu bzang// mig rtsa gnyis dang rna
74a6 rtsa gnyis// sna rtsa gnyis dang lce rtsa gnyis// rnam shes bzhi yi rtsa bzhi dang// dbang po bzhi yi rtsa bzhi 'o// rnam shes bzhi yi yul rtsa rnams// rtsa rnams khod gzugs can no// de la dus bzhi lha mo'i rtsa// thog
74b1 mar rtsa rnams srid par chags// srid pa gnas dang chags pa dang// tshe 'phos pa ni 'jig pa'i rtsa// zhig pas stongs par gyur pa'i rtsa// dus bzhi lha mo'i rtsa ru shes// srid pa sbyor tshe reg par shes// de na
74b2 dbang po long ga'i rtsa// reg bya'i mtshan nyid gang yin shes// de ni lus kyi dbang po rtsa// reg bya rang gi ngo bo nyid// lus kyi rtsa ru shes par bya// nyams su myong ba'i mtshan nyid de// yul dang dbang po rnam shes
74b3 gsum// 'dus pa las ni byung ba'i rtsa// rtsa rnams ma lus mu stegs pas// bdag tu btags pa ma yin dang// rtag par btags pa ma yin dang// chad par btags pa ma yin dang// mtshan mar btags pa
74b4 ma yin pa// de ni lus kyi rtsa rnams yin// rtsa'i le'u ste bzhi pa'o//// de nas yang bcom ldan 'das de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po/
74b5 rtsa de rnams tshul ji ltar gnas pa lags/ zhes gsol pa dang/ bcom ldan 'das kyis 'khor gyi de bzhin gshegs pa rnams nyon cig/ seng dkar rtsa ni sgril ma la// a dang k+Sha/ bde chen rtsa yi tshul la
74b6 gnas// srog pa rtsa ni sgril ma la// mi bskyod rtsa dang kun bzang rtsa// tha dang k+Sha ru shes par bya// rtsa gnyis pa yi rang bzhin te// rdo rje dbyings kyi dbang phyug ma// kun tu bzang po'i rtsa shes bya// de yang tha dad
75a1 a ru btags// rgya sdus bzhi ni Ta ta dang// Da da dang ni D+ha d+ha dang/ na Na bzhin ni shes par bya// ka kha dang ni ga g+ha dang// pa pha dang ni ba b+ha brgyad// mig rtsa gnyis dang sna rtsa gnyis// lce rtsa
75a2 gnyis dang rna rtsa gnyis// rnam shes bzhi dang dbang po gzugs can bzhi// mig dang rna ba sna dang lce// dbang po bzhi yi rtsa la ni/ tsa tsha dza dz+ha bzhi dang ni// ya ra dang ni wa la bzhi// gsang ba'i dbang po ling
75a3 ga'i rtsa// nga nyo ma o bzhi dang ni/ sha Sha sa ha bzhi po dang// de dag kha dog dbyibs kyi tshul// rtsa rnams yi ge'i tshul// rtsa rnams yi ge'i tshul du gnas pa'i le'u ste lnga pa'o//// de nas yang 'khor gyi bcom
75a4 ldan 'das de bzhin gshegs pa rnams kyis/bcom ldan 'das de bzhin gshegs kun tu bzang po la gsol ba/ bcom ldan 'das de bzhin gshegs pa kun tu bzang po/ sems can thams cad kyi rang
75a5 bzhin ji lta bur gnas pa lags/zhes gsol ba dang/ bcom ldan 'das de bzhin gshegs pa kun tu bzang pos bka' stsal pa/ bcom ldan 'das 'khor gyi de bzhin gshegs pa rnams nyon cig/ 'byung ba
75a6 chen po bcom ldan 'das// chub par gnas pas bcom ldan 'das// 'gro ba kun la rang bzhin gnas// ye nas rgyal ba'i dkyil 'khor nyid// phyin ci log tu rnam btags kyang// grol ba rang byung gzhan
75b1 las min// rang bzhin gyi sa gnas pa'i le'u ste drug pa'o//// de nas yang 'khor gyi de bzhin gshegs pa rnams kyis/ bcom ldan 'das de bzhin gshegs pa kun tu bzang po la gsol ba/ bcom ldan
75b2 'das de bzhin gshegs pa kun tu bzang po// rdzogs pa chen po'i don thabs gang gis rtogs par bgyi/ de bzhin gshegs pa kun tu bzang pos bka' stsal pa/ bcom ldan 'das 'khor gyi de bzhin gshegs
75b3 pa rnams nyon cig/rtog med mnyam nyid chos kyi sku// chos sku nam mkha' lta bu las// 'ja' tshon lta bu'i skur bzhengs pa// gzung ba ma zin chu zla 'dra// thabs dang shes rab rtsa gnyis la// A li kA li yi ge
75b4 gsal// 'khor lo bzhi yang gsal ba las// gnyis su med par gyur pa las// kun tu bzang po'i rol pa yis// A li kA li zab tu bstan// de ni i dang mdzes pa'i ta// pa dang yan lag spros pa
75b5 bzhin// 'jig rten yongs kyi spyi yul la// sangs rgyas gsung gi zab mo 'byung// e ma'o sangs rgyas spyod yul 'di// btsal bas rnyed pa'i gnas med do// drug gi chos bzhin mi 'grub pas// ldongs pas
75b6 nam mkha' bsnyegs pa bzhin// gong nas gong tu tshangs pa'i lam// bya bral chos dang mthun pa min// ci ste lam las grol 'gyur na// nam mkha'i mtha' bzhin 'thob pa med// mngon par byang chub pa'i le'u ste bdun pa'o//// de nas yang bcom
76a1 ldan 'das 'khor gyi de bzhin gshegs pa rnams kyis gsol ba/bcom ldan 'das de bzhin gshegs pa kun tu bzang po/ kun tu bzang po'i rol pa las// rdzogs pa chen po ji ltar
76a2 byung// zhes gsol ba bzhin gshegs pa kun tu bzang po/ kun tu bzang po'i rol pa las// rdzogs pa chen po ji ltar byung// zhes gsol ba dang/ bcom ldan 'das kun tu bzang pos bka' stsal pa/ cir
76a3 yang mi gnas mi rtog pa// A li kA li las byung ba// de ltar de bzhin de yi phyir// de la de bstan de yang thob// de ni snying po de bas na// de las de byung ngo mtshar che// sngon gyi de dang da lta'i de// de bzhin de yi
76a4 gnas su che// de ltar de yis lam 'dra bar// de ni de yi rang bzhin no// de dang 'dra ba yongs kyi lam// zla ba las byung rten dang bcas// kun gyi mnyam nyid yin pa la// phyogs su bltas pas mthong ba
76a5 med// gdod nas rang bzhin rnam par dag/ yongs su rdzogs pa'i le'u ste brgyad pa'o//// de nas yang 'khor gyi de bzhin gshegs pa rnams kyis gsol ba/ bcom ldan 'das de bzhin gshegs pa kun
76a6 tu bzang po// gdod ma nas rang bzhin gyis rnam par dag pa la// thabs shes rab la brten pa ji ltar lags// bcom ldan 'das kun tu bzang pos bka' stsal pa/ bcom ldan 'das 'khor gyi de bzhin
76b1 gshegs pa rnams nyon cig/che ba'i ye shes rnyed dka' ba// shes rab thabs la brten pas 'grub// ming tsam gzhan la bstan 'dra yang// mngon sum bde ba rang las 'byung// rang bzhin che ba la gnas
76b2 pa'i le'u ste dgu pa'o//// de nas yang 'khor gyi de bzhin gshegs pa rnams kyis gsol ba/ bcom ldan 'das de bzhin gshegs pa kun tu bzang po rdzogs pa bya btsal dang bral ba'i don ji ltar
76b3 lags/bcom ldan 'das de bzhin gshegs pa kun tu bzang pos bka' stsal pa/ 'khor gyi de bzhin gshegs pa rnams nyon cig/ bcom ldan 'das 'khor gyi de bzhin gshegs pa rnams/ rdzogs pa chen po
76b4 bya btsal dang bral ba'i don ni// dbyings nyid gting mtha' med pa nas/ yid rang byung gi ye shes chen po btsal ba med par ye nyid rang shar ba ste gdod ma nas rtsol sems dang bral ba'i don no// bcom ldan
76b5 'das 'khor gyi de bzhin gshegs pa rnams kyis yang gsol ba/rdzogs pa chen po ye rtsol sems dang bral ba lags na/ bcom ldan 'das de bzhin gshegs pa kun tu bzang po/ sangs rgyas kyi che ba'i yon
76b6 tan stobs dang/mi 'jigs pa dang/ mtshan dang/ dpe byang rgyu ci las byung lags/ bcom ldan 'das de bzhin gshegs pa kun tu bzang pos bka' stsal pa/ bcom ldan 'das 'khor gyi de bzhin gshegs
77a1 pa rnams/sangs rgyas kyi che ba'i yon tan stobs dang mi 'jigs pa la sogs pa ni/ theg pa 'og ma pa'i skabs nyid kyang/ rdzogs pa chen po bya btsal dang bral ba de nyid bya btsal bya ba'i dka'
77a2 blas med par rdzogs pa chen po'i don rtogs pa thag tu/bya btsal dang bra ba'i rdzogs pa chen po rang las byung ngo// zhes bka' stsal to// yang 'khor gyi de bzhin gshegs pa rnams kyis gsol pa/ bcom ldan
77a3 'das rdzogs pa chen po'i don de/ma 'ongs ba'i rnal 'byor gyis bsgom na ji ltar bsgom/ bcom ldan 'das kyis bka' stsal pa/ 'khor gyi de bzhin gshegs pa rnams/ rdzogs pa chen po'i don ma 'ongs ba'i
77a4 rnal 'byor pas bsgom na chos nyid gdod ma nas ma skyes pa la rang gi blo ma skyes pa bzhag nas bsgom pa yin no// yang 'khor gyi de bzhin gshegs pa rnams kyis gsol pa/ bcom ldan 'das chos nyid ma
77a5 skyes par bzhag pa las/cho 'phrul chen po stobs dang mi 'jigs pa la sogs pa ji ltar 'byung ba lags/ zhes gsol ba dang/ bcom ldan 'das kyis bka' stsal pa/ cho 'phrul chen po dka' ba min// yon
77a6 tan kun dang stobs kyi rnams// ji bzhin rtog pa phra ba yis// de ma thag tu rang las 'byung// snang ba med pa'i chos nyid la// ma btsal bzhag na bsgom pa yin// de dang der ni rnam btsal na// de las de
77b1 bzhin de mi 'byung// bya btsal dang bral ba'i le'u ste bcu pa'o//// bcom ldan 'das la/ 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po/
77b2 chos nyid rang bzhin gyis gnas pa'i don ji ltar lags/ zhes gsol ba dang/ bcom ldan 'das kyis bka' stsal pa/ 'khor gyi de bzhin gshegs pa rnams/ chos nyid rang bzhin gyis gnas pa ni/ rdo rje
77b3 sems dpa' nam mkha' che// kun bzang yangs ba chos kyi dbyings// rnam dag lam chen kun sgrol phyir// mi skye mi 'gag cir mi dgongs// byams pas don nyid rnam sbyang phyir// snying rje chen po cir mi
77b4 mdzad// che ba che ba'i zab mo nyid// yon tan cir yang bsngags pa med// don rnams ji bzhin mi bskyed de// bya ba med pas grol ba dgrol// rang byung ye shes btsal med pas// grol nas grol ba'i lam yang
77b5 ston// chos nyid rang bzhin gyis gnas pa'i le'u ste bcu gcig pa'o//// yang 'khor gyi de bzhin gshegs pa rnams kyis gsol ba/ bcom ldan 'das de bzhin gshegs pa kun tu bzang po/ rang gi byang
77b6 chub kyi sems brjod pa dang bral ba'i don ji ltar lags/zhes gsol ba dang/ 'khor gyi de bzhin gshegs pa rnams la bka' stsal pa/ rang gi byang chub kyi sems brjod pa dang bral ba ni/ kun gzhi'i chos
78a1 nyid gdod ma nas ma skyes pa ste/mchog tu gsang ba'i chos nyid ni// rna dbang gzhan la thos mi 'gyur// de bzhin lce yi dbang pos kyang// de la brjod du rdul tsam med// ces bka' stsal
78a2 to// rang gi byang chub kyi sems brjod pa dang bral ba'i le'u ste bcu gnyis pa'o//// yang 'khor gyi de bzhin gshegs pa rnams kyis gsol ba/ bcom ldan 'das de bzhin gshegs pa kun tu bzang po/
78a3 rang gi byang chub kyi sems de las kyis 'khol ba lags sam/ mi 'khol ba lags/ zhes gsol pa dang/ bcom ldan 'das kyis bka' stsal pa/ 'gro ba'i sdug bsngal byang chub sems// kun tu chub pas rnam
78a4 par rol// de la bskyed pa med bzhin du// nam mkha'i mtha' dang mnyam par gnas/ khyad par cir yang mtshungs pa la// las so zhes ni rnam par btags// ci ste las kyi dbang gyur na// rang byung ye shes
78a5 yod ma yin// rgyu nyid rdo rje rkyen dang 'dra// ma skyes pas na 'jig pa med// gdod nas snying po byang chub la// rtsal ba'i bsam pas dbyings mi bskyod// byang chub kyi sems 'gro ba las kyis mi 'khol ba'i le'u
78a6 ste bcu gsum pa'o//// yang 'khor gyi de bzhin gshegs pa rnams kyis gsol pa/ bcom ldan 'das de bzhin gshegs pa kun tu bzang po/ byang chub kyi sems rtsol sems dang bral ba de re ba 'jog pa
78b1 dang smon lam gnas lags sam/zhes gsol ba dang/ bcom ldan 'das kyis bka' stsal pa/ yon tan chen po'i bsam gtan ni// bsam gtan nyid pas bsam du med// ma bsam ma sbyangs chos bzhin
78b2 du// rnam rtog nyid las ye shes skye// 'phra ba'i sgo mor ming btags shing// sems kyi dben pas lam tshol zhing// dgon pa'i rgyud du dben 'dzin zhing// btags na rnam par rtog 'gyur bsgom// rgyu dang
78b3 'bras bur ming btags shing// dge sdig gnyis ka rnam par sel// 'jig rten 'di la 'byung ngo zhes// blang dor brod pa mchog tu bskyed// ces bka' rtsal to// byang chub kyi sems rtsol sems dang bral ba'i
78b4 le'u ste bcu bzhi pa'o//// yang 'khor gyi de bzhin gshegs pa rnams kyis gsol ba/ bcom ldan 'das de bzhin gshegs pa kun tu bzang po/ byang chub kyi sems rtsol sems dang bral ba/ bsam du med pa de nyid gnyis su
78b5 med pa'i skyon dang bral ba lags sam ma lags/zhes gsol pa dang/ bcom ldan 'das kyis bka' stsal ba/ chags dang ma chags tshig gi lam/ dbu ma bzhin te brag cha 'dra/ bde
78b6 dang sdug bsngal rgyu mthun zhes/bcom ldan 'das kyis bka' stsal to/ byang chub kyi sems gnyis su med pa'i skyon dang bral ba'i le'u ste bco lnga pa'o//// yang 'khor gyi de bzhin gshegs pa rnams kyis
79a1 gsol pa/bcom ldan 'das de bzhin gshegs pa kun tu bzang po/ byang chub kyi sems bdag nyid chen po de/ rang las ye shes byung ba lags sam ma lags/ zhes gsol ba dang/ bcom ldan
79a2 'das kyis bka' stsal pa/'dod chags zhe sdang gti mug kyang// byang chub chen pa'i lam las byung// kun spyod yod tan rnam lnga yang// chos nyid ma skyes nyid kyi rgyan// ces bka' stsal to// ye shes chen po
79a3 rang las byung ba'i le'u ste bcu drug pa'o//// yang 'khor gyi de bzhin gshegs pa rnams kyis gsol pa// bcom ldan 'das de bzhin gshegs pa kun tu bzang po/ thabs dang shes rab gnyis su med
79a4 pa'i lta ba dang/yongs su rdzogs pa'i dgongs pa'i don ji ltar bu lags/ zhes gsol pa dang/ bcom ldan 'das kyis bka' stsal ba/ nam mkha'i rtog pa skye med cing// rtog pa de nyid nam mkha' 'dra// ma
79a5 chags nam mkha' sngo ba lags// rang don chen po nam mkha' 'byung// zhes bka' stsal to// yongs su rdzogs pa dang sbyor thabs kyi le'u ste bcu bdun pa'o//// yang 'khor gyi de bzhin gshegs pa
79a6 rnams kyis gsol ba/bcom ldan 'das de bzhin gshegs pa kun tu bzang po/ thabs dang shes rab kyi sbyor thabs chags pa dang bral ba lags sam ma lags/ zhes gsol ba dang/ bcom ldan 'das kyis
79b1 bka' stsal pa/da lta'i bde dang phyi ma'i bde// mngon sum pa dang rgyab la 'byung// de yang rnam pa'i skyon yin pa'i// de la brten par mi bya'o// zhes bka' stsal to// chags pa dang bral ba'i le'u ste bco brgyad
79b2 pa'o//// yang 'khor gyi de bzhin gshegs pa rnams kyis gsol ba/ bcom ldan 'das de bzhin gshegs pa kun tu bzang po/ chags pa dang bral ba'i byang chub kyi sems de gdod ma nas che ba'i snying po
79b3 la rang bzhin gyis gnas pa lags sam ma lags/zhes gsol pa dang/ bcom ldan 'das kyis bka' stsal pa/ dus gsum gcig ste khyad par med// sngon med phyis med gdod nas 'byung// chos skus khyab
79b4 pas gcig pa'i phyir// che bas chen po rang bzhin gnas// zhes bka' stsal to// gdod ma nas che ba'i snying po rang bzhin gyis gnas pa'i le'u ste bcu dgu pa'o//// yang 'khor gyi de bzhin gshegs pa
79b5 rnams kyis gsol ba/bcom ldan 'das de bzhin gshegs pa kun tu bzang po/ rang bzhin gyis gdod ma nas ma skyes pa'i byang chub kyi sems de smon lam dang bral ba lags sam ma lags/ zhes gsol ba
79b6 dang/bcom ldan 'das kyis bka' stsal pa/ srid pa gsum na sbyor ba yang// ming tsam sgyu mar snang ba ste// 'khor los sgyur ba'i gnas chen yang// sgyu ma sbyor ba'i bsti gnas yin// rnam spyod dus la bltas
80a1 pa rnams// dus 'di 'byung bar mi 'gyur te// bya bral smon pa spyod pas na// stong pa'i mtshan nyid gsungs pa bzhin// zhes bka' stsal to// kun tu smon lam dang bral ba'i le'u ste nyid shu
80a2 pa'o//// yang 'khor gyi de bzhin gshegs pa rnams kyis gsol ba/ bcom ldan 'das de bzhin gshegs pa kun tu bzang po/ byang chub kyi sems smon lam dang bral ba de la/ lung bstan pa mchis sam
80a3 ma mchis/zhes gsol ba dang/ bcom ldan 'das kyis bka' stsal pa/ gcig ste rnam pa yongs kyi med// rnal 'byor nam mkha' bya lam gnas// ma byung ma skyes snying po la// sgro btags chos kun ga la
80a4 yod// phyi nang gnyis ka phyi nyid nang// zab mo'i cha shes rtogs yul med// srid pa'i ming tsam log pa'i stobs// de bas ting 'dzin mnyam dang bral// de la tha tshig snga phyi dang// rang bzhin phung po khams
80a5 bzhin gnas// dus gsum de dang mi 'bral bas// tha tshig ming du btags pa med// ye shes chen po'i thig le'o// zhes bka' stsal to// byang chub kyi sems la lung bstan du med pa'i le'u ste nyi shu gcig
80a6 pa'o//// yang 'khor gyi de bzhin gshegs pa rnams kyis gsol ba/ bcom ldan 'das de bzhin gshegs pa kun tu bzang po/ byang chub kyi sems mnyam pa nyid la dbang sgyur du mchis sam ma mchis/ zhes
80b1 gsol pa dang/bcom ldan 'das kyis bka' stsal pa/ mi g.yo ba ni sku yi rgya// mi bskyod pa ni ye shes te// mi len pas na bdag med cing// mi bde tshig bral mnyam nyid do// gang dang gang gi yul du
80b2 yang// kun 'khol kun spyod bdag las byung// 'di la skyes pa 'am bud med// ces bka' stsal to// mnyam pa nyid la dbang sgyur du med pa'i le'u ste nyi shu gnyis pa'o//// yang 'khor gyi de bzhin
80b3 gshegs pa rnams kyis gsol ba/bcom ldan 'das de bzhin gshegs pa kun tu bzang po/ byang chub kyi sems mnyam pa nyid la dbang bskur du mchis sam ma mchis pa lags/ spong len mchis sam ma
80b4 mchis/zhes gsol ba dang/ bcom ldan 'das kyis bka' stsal pa/ 'di la sdug bsngal drag shul gyis// gnas par bya ba'i gzhi med de// a dang par ni rnam ldan na// sgyu ma bde ba bskyod par 'dod// de
80b5 yang 'dzin pa'i skyon yin te// rang bzhin gcig tu ma nges pas// ji ltar bltas pa de ltar snang// snang 'dod rtsol sems bde ba yang// de ni sgrib pa'i skyon chen yin// byang chub yan lag kun gyi sgo// cha
80b6 lugs bsgoms pas chu zla bzhin// ma chags ma gos 'byung 'gyur yang// bsgoms pas byis pa'i spyod yul bzhin// dkyil 'khor khro gnyer cha lugs kyi/ khro bdag chen po'i gzugs bzung nas// yi ge
81a1 mngon du gyur na yang// zhi ba de nyid mthong ba min// ta la'i mgo bo bcad pa dang// sa bon me yis bsregs pa yang// de yi dbang du mi 'gyur gyi// rnam grangs brgya stong mtha' yas pa// gang
81a2 ltar bskyed kyang me tog skye// mtshan ma med pa'i dbang gis na// bsti gnas de las 'byung mi 'gyur// zhes bka' stsal to// byang chub mnyam pa nyid la spong len med pa'i le'u ste nyi shu gsum
81a3 pa'o//// yang 'khor gyi de bzhin gshegs pa rnams kyis gsol ba/ bcom ldan 'das 'das de bzhin gshegs pa kun tu bzang po/ byang chub kyi sems spong len med pa la bde ba chen po thob par bya
81a4 ba'i thabs mchis sam ma mchis/zhes gsol pa dang/ bcom ldan 'das kyis bka' stsal ba/ gleng bral 'di la gnas pa yi// rnal 'byor de nyid skal ba bzang bdag dang gzhun du mi 'byed pas// sgyu ma lhun
81a5 grub yul la rol// zhes bka' stsal to// byang chub kyi sems spong len med pa las/ sgyu ma tsam du bde ba chen po thob par bya ba'i thabs bston pa'i le'u ste nyi shu bzhi pa'o//// yang 'khor gyi de bzhin
81a6 gshegs pa rnams kyis gsol ba/bcom ldan 'das kun tu bzang po/ sgyu ma tsam du bde ba chen po thob par bya ba'i thabs mchis na/ 'gro ba thams cad la rang bzhin gyis sangs rgyas pa mchis sam/
81b1 zhes gsol pa dang/ b+ha ga wan gyis bka' stsal pa/ go ba'i yul na bde ba che// 'di nyid rnam dag 'jig rten yin// de la phyogs kyi 'od 'dus pas// phyogs bzhi mtshams dang bla 'og 'grub// ma nges 'ja'
81b2 tshon kha dog las// rigs kyi khyad par mngon du snang// de bzhin g.yo rdul mi g.yo bar// 'byung ba lnga las gtso chen yin// zhes bka' stsal to// 'gro ba thams cad rang bzhin gyis sangs rgyas pa'i le'u ste nyi
81b3 shu lnga pa'o//// yang 'khor gyi de bzhin gshegs pa rnams kyis yang gsol ba/ bcom ldan 'das de bzhin gshegs pa kun tu bzang po/ 'gro ba thams cad rang bzhin gyis sangs rgyas pa la/ tshogs
81b4 dbul ba dang rang bzhin gyis yongs su rdzogs pa mchis sam ma mchis/zhes gsol pa dang/ bcom ldan 'das kyis bka' stsal pa/ 'das dang ma byon da ltar gyi// tha snyad ming la mi gnas te// skye 'gag
81b5 med pa rnam brtags na// 'di ni dus gsum chen por sbyor// mnyam pa'i rig pas bkod pa med// gcig pa'i phyogs su bsngo dang bral// tshogs kyi rgyan du dgram pa yang// rang bzhin gnas pas 'drim pa
81b6 med// lhun gyis gnas pas mi bsngo zhing// gdod nas dag pas bdud rtsi yin// 'du byed bcu gnyis khyad par du// rang bzhin lhun gyis grub pa la// sku gsum ye shes shar bas na// lhag pa'i bsam pas
82a1 gzung du med// ces bka' stsal to// tshogs rang bzhin gyis lhun gyis grub pa dang yongs su rdzogs par bstan pa'i le'u ste nyi shu drug pa'o//// 'khor gyi de bzhin gshegs pa rnams kyis yang
82a2 gsol ba/bcom ldan 'das de bzhin gshegs pa kun tu bzang po/ tshogs kyi bdag po dang rgyan rang bzhin gyis grub par gnas pa mchis sam ma mchis/ zhes gsol ba dang/ bcom ldan 'das kyis bka'
82a3 stsal pa/yid kyi bsam pa yon bdag ste// bstabs pa'i stobs ni bkram pa'o// mthong bar gyur pa dngos gyur la// de ni mnyam gzhag rdzogs pa'o// yud tsam bzung bas sbyor ba yin// dga' bar gyur pas
82a4 dam tshig ste// thabs kyi gar stabs bskyod pa yis// gnyis med sbyor bas phul ba yin// ces bka' stsal to// tshogs kyi bdag po dag rgyan rang bzhin gyis lhun gyis grub par bstan pa'i le'u ste nyi shu bdun
82a5 pa'o//// khor gyi de bzhin gshegs pa rnams kyis yang gsol pa/ bcom ldan 'das de bzhin gshegs pa kun tu bzang po/ gtor ma la sogs pa'i las rgya mtsho la mnyam par gzhag pas grub pa mchis
82a6 sam ma mchis/zhes gsol pa dang/ bcom ldan 'das 'das kyis bka' bstsal pa/ mi gzung gtong bas gtor ma yin/ bya ba med pas las rnams zin/ mi rtog ye shes bgegs bsal nas/ mi gsung
82b1 mnyam bzhag sngags tshig go/zhes bka' stsal to// gtor ma la sogs pa'i las rgya mtsho bya mi dgos par mnyam par bzhag pas 'grub par bstan pa'i le'u ste nyi shu brgyad pa'o//// yang 'khor gyi de
82b2 bzhin gshegs pa rnams kyis gsol pa/bcom ldan 'das de bzhin bshegs pa kun tu bzang po/ gtor ma la sogs pa'i las byas pas nyon mongs par 'gyur ba mchis sam ma mchis// zhes gsol pa
82b3 dang// bcom ldan 'das kyis bka' stsal ba// bla ma mchod dang gtong ba dang// de bzhin bsod nams thams cad dang// ma chags mi g.yo'i sems med na// byas na 'ching ba chen por 'gyur// zhes bka'
82b4 stsal to// gtor ma la sogs pa'i las byas na nyon mongs 'ching ba chen por bstan pa'i le'u ste nyi shu dgu pa'o//// yang 'khor gyi de bzhin gshegs pa rnams kyis gsol ba/ bcom ldan 'das de bzhin
82b5 gshegs pa kun tu bzang po/rang bzhin lhun gyis grub pa lags sam// zhes gsol ba dang/ bcom ldan 'das kyis bka' stsal pa/ de la de byar sgrib par 'gyur// ji ltar de la de rtogs na// de la de nyid
82b6 grub pa med// ces bka' stsal to// rang bzhin lhun gyis gnas pa'i le'u ste sum cu pa'o//// 'khor gyi de bzhin gshegs pa rnams kyi yang gsol ba/ bcom ldan 'das de bzhin gshegs pa kun tu
83a1 bzang po/rang bzhin gyis lhun gyis grub pa mi 'gyur bar gnas pa'i don ji ltar 'gyur ba lags/ bcom ldan 'das kyis bka' stsal pa/ lhag ma med pas yongs su rdzogs/ 'gyur ba ma yin
83a2 drang por gnas// nam mkha' bzhin du mnyam 'gyur zhing// gzhan las stobs 'gyur chos ma yin// mtshungs pa med pa'i ye shes kyi// lhun gyis gnas pa'i bde chen de// rang gi mthu yis rig pa las// chos
83a3 ni gzhan nas 'byung mi 'gyur// sla zhing dka' la sla phyir dka'/ mngon gsum mi gnas kun tu khyab// mngon sum 'di zhes brtan par ni// rdo rje sems dpas mtshon du med// ces bka' stsal to// chos nyid
83a4 kun tu mi 'gyur bar bstan pa'i le'u ste sum cu gcig pa'o//// 'khor gyi de bzhin gshegs pa rnams kyi yang gsol ba/ bcom ldan 'das de bzhin gshegs pa kun tu bzang po/ rnam par rtog pa'i
83a5 dga' ba la chags na skyon du 'gyur ba mchis lags sam// zhes gsol pa dang// bcom ldan 'das kyis bka' stsal pa/ ngo mtshar rmad byung rol pa 'di// bya bral nam mkha' ji bzhin te// cir yang mi
83a6 dmigs gti mug las// de ma thag tu rang las 'byung// 'di ni sems can mtshangs pa'i lam// 'gro ba kun la rang bzhin gnas// byis pas bslad pa'i 'khrul ba'i phyir// sman nyid sman pa 'tshol ba
83b1 bzhin// zhes bka' stsal to// rnam par rtog pa'i dga' ba la chags na/ skyon du 'gyur bar bstan pa'i le'u ste sum cu gnyis pa'o//// yang 'khor gyi de bzhin gshegs pa rnams kyis gsol pa/
83b2 bcom ldan 'das de bzhin gshegs pa kun tu bzang po/ ma 'ongs pa'i rnal 'byor pa rnams kyis rdzogs pa chen po'i don nyams su ji ltar blang bar bgyi/ zhes gsol ba dang/ bcom ldan 'das kyis bka'
83b3 stsal pa/'khor gyi de bzhin gshegs pa rnams nyon cig/ ma 'ongs pa'i rnal 'byor pas rdzogs pa chen po'i don nyams su 'di ltar blang bar bya'o// rdzogs pa chen po'i don ni/ rgyu dang/ rkyen dang/ 'bras bu
83b4 gang la yang mi ltos te/ye nas lhun gyis grub pa'i chos nyid la// ma btsal ma yengs par ni gnas par bya'o// de nyid mngon du gyur pa sangs rgyas yin// rdzogs pa chen po'i rang bzhin ni// ci yang mi
83b5 dmigs gti mug chen po la// ma yengs btang snyoms chen por gnas pa las// de ma thag tu sangs rgyas rang las 'byung// yul du snang ba med pa'i chos nyid la// blo yis btsal du med de rtsol sems
83b6 med// de yi ngang la ma yengs yun rings mnos// de nyid 'bras bu chos kyi sku// bsam med brdal ba'i ngang nyid la// ye shes gdeng du ma bsags mnyam gzhag na// sbyangs ba med pa'i 'bras bu lhun gyis
84a1 grub// ma 'ongs pa'i rnal 'byor pas rdzogs pa chen po'i don nyams su blang bar bstan pa'i le'u ste sum cu gsum pa'o//// rdo rje sems dpa' nam mkha' che'i rgyud rdzogs so////


CLOSE WINDOW