38a5 bcom ldan 'das rdo rje bskal pa'i bdag po la phyag 'tshal lo// srid bar bcas pa'i 'jigs rten dang// thugs rjer bcas pa'i pho brang kun// sprul pa'i 'khor lo 'od 'bar ba'ang// mngon sum
38a6 sangs rgyas mkha' la shar// phyogs bcu'i 'jig rten mang po nas// spyan drangs la sogs rtsol ba'i gnad// bde ba gsal ba'i thig le las// sangs rgyas gzhan du mi rtsol lo// sems dang chos las sangs
38b1 rgyas gzhan na med// mnyam nyid nam mkha' lta bu'i rang bzhin las// sna tshogs mtshan ma rdul du brlag ba'i phyir// phyag rgya'i tshogs kyang bskal pa'i me ltar 'bar// ye nas lhun gyis grub pa'i rang bzhin
38b2 las// rtsol ba'i sdug bsngal rgya mtsho'i rlabs dang 'dra// chos so cog gi ngo bo nyid// ma btsal gzhag pas rdul du brlag/ thams cad bdag nyid rang gi lha// dkyil 'khor kun tu zhugs pa la// dus gsum
38b3 mnyam sbyor 'byung 'jug med// ma btsal lhun gyis grub par 'gyur// phyi nang spyod yul ma lus pa// mnyam dag lhun gyis grub pa la// dus gsum mnyam par gzhag pa ni// bcing du med pa'i phyag rgya
38b4 yin// mi phyed thig ler gcig pa la// dus gsum 'byung 'jug med pa ni// sangs rgyas kun dang mnyam pa'i phyir// bsrung du med pa'i dam tshig mchog/ khams gsum ngo bo rang rig dbyings// phyogs bcu rgya
38b5 dang bral ba yi// bcos pa med pa'i 'khor lo la// ma bkod shar ba'i dkyil 'khor mchog/ thams cad mngon sum shar ba yang// byin rlabs mthu la mi ltos par// yid bzhin lhun gyis grub pa ni// bsngo
38b6 dang bral bas mchod pa'i mchog/rtog pa'i rgyal mtshan shar ba'i phyir// thams cad ngo bo bdag nyid sku// don la rim pas mi 'grub pas// thog pa med pa dbang gi mchog/ phyogs bcu'i 'jig rten rab
39a1 'byams na// g.yo zhing bskyod pa'i chos rnams kun// rang byung sbrul pa bsam yas kyis// bya byed med pa'i 'phrin las phul// mi dmigs byams pa chen po ste// mtha' yas thugs rje chen po
39a2 yin// rab 'byams bde la dga' ba ste// stong nyid gsal ba btang snyoms so// gsang sngags chen po'i khyad par ni// rang rig rgyal ba'i thugs rje yis// bag chags rdul du rlog pa dang// mtshan ma zil
39a3 gyis gnon pa ni// khyud chen mkha' la thogs med pas// steng 'og rim gyis mi bgros de// snang ba dus gcig gsal ba ni// skye 'gro 'dul ba'i gnyen po yin// seng ge'i skad la 'jigs med pa// gcan
39a4 gzan rim gyis mi 'dul te// gzhan gyis rtsol pas mi chud pas// dud 'gro 'dul ba'i gnyen po yin// rang bzhin gsal ba'i byang chub sems// rgyu 'bras rim gyis mi bgrod de// bde chen mkha' la thogs
38a5 med pas// dgongs spyod rtogs par ma gyur pas// gsang ba nyid du de brjod do// gang du ma bcos rdzogs chen po// thog ma mtha' ma dbus med pa// rdo rje nam mkha'i dkyil lta bu// brtag cing spyad pa las 'das
38a6 pa// de mtshon brda don thams cad de// sangs rgyas byang chub sems dpa' dang// bstan pa'i theg pa thams cad dang// snang srid phyi nang snod bcud kun// rang byung rdzogs pa chen po'o// mtshon dpe brdar gyur
38b1 ma yin med// bla ma dag ni bdag nyid dang// dran rtog rgyu ba kun kyang brda// brda la chags par gang gyur ba// de nyid rang gis gang bcings ba// brda nyid don du shes byas la// don nyid bya btsal med par
38b2 grol// 'du shes med pa'i rang bzhin ni// ma yengs yan par gzhag pa yin// phyi brda snang ba sna tshogs te// nang brda rig pa gang skyes nyid// brda nyid ma bcos dbyings la thim// phyi nang ma btsal rang bzhin
38b3 gzhag/ces gsungs so// nam mkha'i mtha' dang mnyam pa'i rgyud chen po las// rgyud snga ma dang phyi ma bshad pa'i le'u ste lnga bcu nga brgyad pa'o//// de nas yang sems dpa' rdo rje dam pa la// 'dus
38b4 pa'i 'khor tshogs kyis 'di skad ces gsol to// dus gsum rgyal ba thams cad kyi// sku gsung thugs kyi gsang ba'i gter// bde ba chen po mtha' dbus med// nam mkha'i mtha' dang mnyam pa'i rgyud// bde
38b5 ba chen po gang gi don// thabs kyi khyad par ji lta bu// ji snyed rtag pa ji ltar rtag/ don la snga phyi yod mi yod// ma lus mgon po gtso bo ches// 'dus pa'i tshogs la nges par gsungs// zhes gsol to// de
38b6 nas de bzhin gshegs pa gsang ba'i bdag pos zhus pa'i don mkhyen nas 'di skad ces bka' stsal to// gang gis g.yo ba'i don bstan nas// 'bar dang 'dzag pa'i rnam pa can// bde ba chen po thob par
39a1 'dod// bde ba zag bcas thob par 'gyur// gnas dang langs dang gcig tu sdud// 'dzin dang sprod dang spor ba dang// khyab dang yun rings gnas pa dang// 'dren dang pha rol 'jug pa
39a2 nyid// g.yo ba rlung gi las su bshad// gang gis rgyu ba bcad pa las// brtags pa'i snang ba kun 'grub ste// bde ba'i ro yis lus gang nas// 'dar dang brgyal ba la sogs 'byung// dngos po gang rung snang
39a3 ba la/rig pa rtse gcig brtags pa'i tshe// dbang po rgyu ba rang log nas// bde ba chen po lus su smin// rnam smin yid dang ting 'dzin dang// ye shes lha mo mnyam sbyar nas// rang lus bde ba chen por
39a4 smin// rim snang bde bas tshim par byed// ji ltar thabs la bstan pa yin// sbyor ba'i yan lag ma lus pa// dang po gzud cing sems sbyang phyir// cho ga'i rim pa bstan pa yin// bde ba chen po rgyu rkyen
38a5 med/brjod par bya ba rdul tsam yang med do// btsal du med pas bde ba'i klung// bcos su med pas lam dang bral// 'bras bu yin pas rgyu 'bras med// mi skye mi 'gag cir mi dgongs// zhes
38a6 pa'o// a nu yo ga'i a nu yo ga ni// kun nas snang ba'i thig le byang chub kyi sems rnam par dag pa'i mkha' b+ha ga rgya mtsho rnam par dag pa'i dbyings so// dbyings de las rig pa de nyid langs te/ dbyings de
38b1 nyid mtshan ma med par rig pas rig cing/rig pa nyid kyang stong pa mtshan ma med par rtogs te/ rig pa dang dbyings gnyis mtshan ma med pa gnyis su med par rtogs pa dang/ sha dang dam rdzas la sogs pa
38b2 rnams kyang/lha dang lha mo'i dkyil 'khor du dbyer med par rtogs pa ni a nu yo ga'o// kun bzang yangs pa chos kyi dbyings// dbyings las rig pa de bzhin langs// rig pa nyid kyang dbyings yin
38b3 te// dbyings nyid kyang ni rig pa ste// rig pa dbyings gnyis dbyer med par// gnyis su med pa a nu yin// zhes pa'o// a nu yo ga nyid ni/ gong ma de nyid las langs ma langs med par ma bcos dbyer
38b4 med par lta bas rtogs nas/spyod pas sha rnam par lnga dang dam rdzas rnam pa lnga la sogs pa la yang spyad kyang skyon gyis mi gos par blta la/ dbang po dang dbang po'i spyod yul du gyur pa thams cad lha dang lha
38b5 mo'i dkyil 'khor du gyur kyang skyon med la/ma gyur par dbyings kyi ngo bor 'dug kyang skyon med pa lta bu zhig tu/ 'dam gyi phur bu ltar 'dril ba ni a nu yo ga dngos so// gdod nas byang chub snying po
38b6 nyid// rnam dag lam chen 'jings yin te// kun spyod snying po'i snying bo lta// kun spyod snying po'i rang bzhin du// rtog pa de nyid a nu'o// zhes dngos bstan pa'o// a nu'i ma hA bstan pa/ gzod ma dang bral ba'i
39a1 chos nyid spros pa dang bral bar rig pas rtogs te/shes pa ni shes rab yin// gzhi ma dngos po med par rtogs pa de nyid thabs dam pa yin/ skad cig ma gcig la rig pas de bzhin du rtogs
39a2 nas// 'khor ba dang mya ngan las 'das pa'i rang bzhin/ rig pa'i skad cig ma gcig la mnyam pa nyid gnyis su med par rtogs te/ thabs dang shes rab kyi ngang la gnas pa ni ma hA'o// ji bzhin rtogs pa phra
39a3 ba min// rig pa'i cho 'phrul skad cig gis// 'khor dang mya ngan 'das pa'i chos// sku gsum gnyis su med par rtogs// a nu'i ma hA zhes bya'o// yo ga ni snang ba thams cad 'byung ba lnga'i byin gyis brlabs
39a4 nas byung bar blta/'byung ba lnga rigs kyi yum lnga'i byin gyis brlabs las byung bar blta/ rigs kyi yum lnga chos kyi dbyings rnam par dag pa'i byin gyis brlabs las byung bar blta/ chos nyid dbyings rnam
par dag pa yi ge a'i byin gyis brlabs las byung bar blta/

CLOSE WINDOW