37b1 rgya gar skad du/ sarba a ta/ bod skad du/ kun 'dus/ bcom ldan 'das bya bral bde ba'i ngang la phyag 'tshal lo// chos sku ye nas rnam par rab dben pa'i// rnam rtog bla dgas yul las 'das
37b2 pa'i phyir// yod med stong pa'i mtha' ni dbyings su gcig/ dbyings nyid gcig la lta ba'i khyad par dgur snang ste// snang 'dod rtsol ba'i sems ni sdug bsngal nad// chos nyid dang gi gnas pa'i rang bzhin
37b3 las// thugs rje chen po'i mkha' ltar khyab pa ni// thabs kyis rol pas 'dod dgur bsgyur ba'i dpal// chos rnams sna tshogs ji bzhin snang ba las// tha snyad thams cad byang chub mchog gi lam// snying po
37b4 byang chub mchog tu nges pa las// gzung 'dzin bgrod pa'i yul ni ga la yod// tha snyad tsam du 'du shes bya mod kyi// dam du bcas pa'i yul yang rdul tsam med// dam du bcas pa'i yul med gsal ba
37b5 na// dam du bcas kyang yul med nam mkha' 'dra// 'dod dgur sgyur ba'i snying rje thabs chen la// bsam dgu lhun gyis grub par byed pa yang// ye shes klong du shar ba'i rnal 'byor pas// sa mchog 'di ni ma
37b6 bsgrubs lhun gyis grub// bag la nyal ba'i skyon rnams ma lus kun// ye shes 'od gsal rang la shar ba'i phyir// theg chen 'di ni mkha' la nyi shar bzhin// mtha' yi mun pa med par ye nas gsal// sgom
38a1 pa'i yul la 'dzin pa'i gnas med pas// sgom bcas de dag 'dzin pa'i sdug bsngal yin// sgom pa'i gnas med rig ba rang dbang na// bsgoms kyang skyon med thams cad nam mkha'i
38a2 klong// gang yang ma bkol kun gyi re ba klong// mnyam pa nyid kyi man ngag gter chen gyis// kun la khyab cing thams cad rang rdzogs// de la cha shas rim pas bza' ba med// ye nas bdud rtsi chen po yin pa
38a3 la// gzhan nas btsal bas 'grub par mi 'gyur zhing// ma btsal lhun gyis grub pa'i dbyings 'gyur la// rnam pa kun tu che bas byang chub lam// thams cad dgongs spyod ye nas dag pa la// 'khrul dang ma
38a4 'khrul cis kyang nyams pa med// thams cad 'dus te cir yang mi snang bas// dus gsum rgyal ba'i dgongs pa de na gsal// byang chub kyi sems kun 'dus rdzogs so////
37b1 / de dag gsang ba'i don nyid ni// skal ldan rgyal sras dpag med la// ting 'dzin rig pa mchog gi rgyud// de nas thugs rje byin rlabs kyis// dus gsum rgyal ba'i sku gsung thugs// tshig
37b2 dang yi ger mngon sprul nas// rang rgyud dag pa'i skye bo la// 'khor ba snying por dgrol ba'i phyir// rna brgyud 'phrul tshig ngag gi rgyud// gang gi gang la gang brgyud pas// 'di ni rgyud ces bya bar brjod// chos
37b3 rnams ma lus thams cad dang// bka' rgyud theg pa ma lus kyi// brjed bya don gyi snying po ni// ma lus rdzogs pa chen po nyid// ji snyed theg pa ma lus pa'i// thabs kyis bsgrubs pa'i 'bras bu ni// ji snyed sku
37b4 gsung thugs snang ba// ma bcos chos sku'i ngo bor 'dus// ji snyed sangs rgyas sems can dang// bstan pa'i phung po ma lus dang// phyi nang snod bcud ma lus pa// rtsa ba rang sems rdo rje nyid// de nyid rdzogs
37b5 chen thig le'i rgyud// klong dgu'i bstan pa rgya mtsho'i rgyud// ma lus 'phros pas rtsa ba ste// yan lag rtogs pa kun dang 'brel// gcig don rtogs pas kun don rtogs// dper na lus dang yan lag
37b6 bzhin// 'dis ni rtsa ba'i rgyud ces bya// gang du ston pas gsungs pa'i don// 'khor la thog mar grags pa nyid// rtogs par dka' ba'i gsang ba la// rgyal tshab skyes bus phyis gsungs pa// de ni rgyud kyi phyi
38a1 mar 'dod// snga ma rtogs par dka' ba'i don// phyis rtogs pas kyang phyi ma yin// 'khor gyi dngos po rgyal tshab la// 'dus pa'i 'khor tshogs phal pa yis// phyis nas zhus pas phyi ma yin// snga
38a2 ma mya ngan 'das pa ste// phyi ma 'khor ba nyid du gsungs so// snga ma sbas pa'i rang bzhin la// phyi ma gsal bar byed pa'o// 'di ni phyi ma zhes su bshad// sangs rgyas kun gyi gsang chen ni// chos so cog gi snying
38a3 po ste// kun gyi rtogs par dka' ba nas// gsang ba nyid du de gsungs so// dus gsum rgyal ba thams cad kyi// sku gsung thugs kyi rgyud chen ni// rdzogs chen bstan pa'i snying po ste// dman pa'i yul du ma
38a4 gyur bas// dgu rum sbas pa'i don gsang ba'i// yang dag sangs rgyas rdo rje 'chang// sku gsung thugs kyi bde chen po// dpag med sangs rgyas byang chub sems// ma lus rdul snyed kun gyis
37b1 kyang// a ti yo ga'i lnga la/ a ti yo ga zhes ba ni chos rnams kyi chos nyid byang chub kyi sems bde ba chen po rang gi rang bzhin du gnas pa/ a ti yo ga'o// thams cad kun 'dus bde chen klung// rgyu 'bras mi
37b2 'byed mnyam pa'i ngang// snod bcud thams cad bcos pa med// rang bzhin gnas pa A ti yin// a ti yo ga'i a ti yo ga ni/ rang bzhin gnas pa gong ma de smra bsam med pa'o// mchog tu gsang ba'i chos
37b3 nyid 'di// rna dbang gzhan la thos mi 'gyur// de bzhin lce yi dbang pos kyang// de la brjod du rdul tsam med// a ti yo ga'i a nu yo ga ni// byang chub kyis sems ma bcos pa rang bzhin gyis gnas pa de'i
37b4 ngang la mi gnas par/dbyings las rig pa de bzhin du byung nas rang gi gnas pa de rtogs pa'o// spyod pa gnyis su med par spyod pa'o// rang bzhin pa la gnas mi nus// rig pas rang bzhin de mthong
37b5 nas// mi 'jug spyod pa mnyam gnas shing// gnyis la 'dzin pas a nu'o// a ti yo ga'i ma hA yo ga ni/ snod bcud kyis bsdus pa'i chos nyid byang chub kyi sems skye 'gag gi mtha' las 'das pa/ mtha'
37b6 dbus med pa/mnyam pa'i ngang la gnas pa'o// 'dod chags zhe sdang rnam gsum yang// byang chub chen po'i lam las byung// kun spyod yon tan rnam lnga ni// chos nyid rig pa'i rgyan zhes gsungs so// a ti yo
38a1 ga'i yo ga ni/chos thams cad kyi chos nyid rig pas brtags pas gnyis su med par don dam par sbyor la/ kun rdzob du rig pa nyid cho gas lha dang lha mor sbyor ba'o// dbyings las de bzhin
38a2 rig par shar// shar yang de gnyis gnyis su med// bskyed spyan drang ba'ang gnyis med sbyor// de las byung ba'ang de bzhin gnas// zhes lnga gsungs so//// a nu yo ga'i lta ba lnga phye ba/ a nu yo ga'i A
38a3 ti yo ga ni/'khor ba dang mya ngan las 'das pa'i chos mtha' dang dbus med pa thams cad// kun gzhi byang chub kyi sems btsal du med pa'i klung// brjod du med pa'i 'jings/ bcos su med pas lam dang
38a4 gnyen por sbyang du med pa/rgyu la mi ltos pas rgyu 'bras gnyis su dbyer med pa/ snang srid ye nas sangs ma rgyas pa med pas/ 'khor ba dang mya ngan las 'das pa gnyis su med pa/ tshig dang yi ge'i tha snyad
las 'das pas/

CLOSE WINDOW