34a2 / yang gsang thugs kyi gter chen 'di// phal la spro bar ma gsungs so// byang chub kyi sems mi 'gyur ba'i thig le tig rdzogs so////@#/ / bcom ldan 'das dpal kun tu
34a3 bzang po la phyag 'tshal lo// nam mkha'i rgyal po ye shes chos kyi sku// sems nyid chos su 'gyur bas bde ba ste// chos nyid bsam du med pas nam mkha' che// nam mkha' bsam du med pas rgyal ba'i
34a4 bdag/bsam du med pa'i nam mkha' de nyid las// mi dmigs rgyal ba'i dgongs pa rang la shar// nam mkha' mtshan nyid kun las 'das pa ni// nam mkha' la yang nam mkha' brjod du med// nam mkha'
34a5 de nyid bsgom du med pa ni// mi brjod bsam du med pa bsgom pa ste// brjod dang bsam pa kun las 'das pa ni// dus gsum rgyal ba'i dgongs pa de nyid yin// nam mkha' lus med nam mkha' sems dang
34a6 bral// mnyam dang mi mnyam nam mkhar brjod las 'das// nam mkha' med pas nam mkha' khyab pa'ang med// de nyid mtshan ma 'di zhes mi nus so// tshig med kun khyab brjod pa'i sgra dang bral// dge sdig
34b1 dbus mtha' snying po ga la yod// yul dang dbang po'i spyod yul med pa la// rgyu 'bras sgyu ma'i spyod pas rang rig 'khrul// tshig med tshig phyir 'brang ba'i don med pas// gang dag sgyu ma'i 'gro don spyod pa
34b2 yang// cha shas rim par rtogs pa skyed pa ni// 'og nas gong du rtsol ba g.yang sa che// tshig bral de la rtag dang chad med pas// ting 'dzin che ba'i lung ste nges pa'i don// ma skyes mi 'gag ye nas mnyam pa
34b3 la// mtshon du med pa'i thig le rgyal ba'i thugs// de la mtshon phyir rgyal bas gang gsungs pa// mtshon cing rtogs par byed pa de nyid kyang// tshad mar gzung zhing rtogs pa skye mod kyang// de bas mtshon med
34b4 sems ni rgyud kha 'khor// ting 'dzin bde ba'i rol chags pa yang// yod med rgyu la mi ltos chos nyid ni// zhi ba'i gnas la mya ngan mi 'da' zhing// spyod yul snang ba 'gegs pa g.yang sa che// rang sems ma
34b5 bcos ye nas chos nyid la// ting 'dzin sgyu ma'i sbyong ba rtsol ba'i gnad// rang byung ye shes dbang la mi brten pas// re zhing dogs pa'i mtshan ma rnam par zhi// nam mkha'i mtha' ltar kun la khyab pa na// byang
34b6 chub lta ba'i yon tan de nyid de// mthong thos phyogs las 'das pa'i nam mkha' ni// zhi ba'i gnas la rtag chad ye nas med// kun la khyab pas rtag pa'i ngo bor bral// gcig pas dbyer med tha snyad chad pa
35a1 med// skye 'jig med phyir rtag mtha' ye nas med// sku gsum thugs las 'das bas che ba'i mchog/ tha tshigs yul las 'das pas nyams pa med// sngags dang phyag rgya bral bas 'gyur ba
35a2 med// sgo phugs yangs dog med pas rgya chen nang pa nyid// phyi nang kun las 'das pas gsang ba'i snying po nyid// bde dang sdug bsngal med pas mnyam pa'i snying po nyid// 'byung 'jug 'jigs pa med pas
35a3 yangs nas klong// 'du 'bras dus las 'das pas yangs dog sbyin pa'i gzungs// sems nyid chos kyi dbyings pas thams cad nam mkha'i sku// rnam rtog grangs las 'das pas ye shes chen po'i
35a4 zhal// gdod nas zhi bas 'od gsal lhun gyis grub pa la// snying po byang chub don la cis kyang bcos su med// 'gyur med chags pa'i yul las 'das pa la// sangs rgyas ye shes ngo bor mtshon du
35a5 med// 'byung 'jug med pas dbang po yul las 'das// mtshan ma 'jil ba'i sku ni mi gnas ye nas dag/ bza' ba'i yul med btsal ba'i dbang pos stong// thams cad ro gcig dbyer med bde ba'i
35a6 dbyings// dus gsum mnyam pa nyid la 'byung 'jug med// mi len 'dzin dang ye nas bral ba la// kun gyi bdag nyid dus gsum dbyings mi g.yo// kun nas phyogs cha med par gnas pa ni// dus gsum
35b1 bdag nyid rdo rje sems dpa' che// lta ba 'di med spyod pa sgyu mas bcings// phyin ci log dang ma log byang chub ste// rnam rtog gnyis kyi mtha' las 'das pa ni// bsam dang bral ba'i byang chub sems chen
35b2 po// nam mkha' lta bu'i byang chub sems nyid ni// yod med dbu mar mi dmigs brjod du med// nam mkha' tsam du'ang brjod du med pa la// tshig dang nam mkha' su yis tshig tu brjod// sems dang tshig
35b3 las 'das pa'i sbyor ba ni// mngon sum mi gnas ye nas stong pas dben// ye shes de nyid kun tu gsal ba na// thams cad rnam par dag par gcig pa'i phyir// las dang mtshan nyid so sor ma nges
35b4 pas// gcig dang du ma'i mtha' las 'das pa'o// chos kyi dbyings nyid yul las 'das mod kyang// 'dzin pa med pa'i mtshan nyid kun la bkra// gzugs kyi mtshan nyid ye nas mthong ba gang// rtog pa'i
35b5 mtshan nyid med na dmigs pa gang// gzha' tshon sgyu mas 'phags pa'i sku bskyed de// bsti gnas sgyu mas re ba'i rtsol ba yang// rnam dag lam chen lhun gyis grub pa la// bsod nams med kyang 'grub ces
35b6 rgyal bas gsungs// chos kyi dbyings ni mi bskyod gnas che ba// kun la khyab pas sgra med tshig las 'das// sprul pa mang po rgya mtsho'i tshogs chen gyis// bya med don las rdul tsam bskyod mi nus// zhi la phra ste
34a2 mngon du rnyed pa dka' 'o// rig pa nyams kyi goms tshad kyis// ma lus dran rig nyams su 'bar// ma bcos btang bzung med pa'i sems// rin chen gling la bgrod pa'am// rgya mtsho'i snying por gnas pa ltar// sna tshogs zhen pa
34a3 rang log nas// rig pa'i nyams ni gcig tu gsal// zhes gsungs so// nam mkha'i mtha' dang mnyam pa'i rgyud chen po las// rdo rje snying po gtan la phab pa'i le'u ste lnga bcu nga lnga pa'o//// de nas
34a4 yang sems dpa' rdo rje dam pa la// 'dus pa'i tshogs kyis 'di skad ces gsol to// dus gsum rgyal ba thams cad kyis// ye shes rang bzhin khyod yin pas// sangs rgyas kun gyis mdzad par shar// rgyud
34a5 kun 'dus pa'i rtsa ba zhes// rgyal ba rnams kyi gsungs pa'i don// mgon pos bdag cag rnams la gsungs// zhes gsol to// de nas sems dpa' rdo rje dam pas 'di skad ces bka' stsal to// e maho
34a6 sangs rgyas thams cad kyis// rang byung thig le mtshon pa'i thabs// bka' rgyud ma lus thams cad kyi// dam pa'i snying po dri ma med// e maho ye shes mchog gi don// e maho shin tu rtogs par dka'// e
34b1 maho rgyal ba kun gyi lam// e maho mchog tu mya ngan 'das// 'di ni sangs rgyas thams cad kyi// ye shes snying po dri ma med// rdo rje nam mkha'i dkyil lta bu// dam pa rnams kyis dgongs pa nyid// rdo rje sems
34b2 dpa' nam mkha' che// dus gsum 'gyur med rang gi dbyings// rang byung phyogs ris yul med pas// mi skye mi 'gag cir mi dgongs// phyi nang spyod yul thams cad kun// rang thig le'i dar du bsdu// de nyid
34b3 phyogs med rang snang bas// sangs rgyas sems can re dogs med// sna tshogs sku gsung thugs su bsdus// de nyid rig pa skye med de// rang byung snying po klong thob pas// phyogs 'dzin rnam rtog zil gyis
34b4 mnan// ji snyed phung po lnga bdag nyid// de nyid gzung 'dzin bdag nyid de// dag dang ma dag gcig tu 'dres// bsgom du med pa'i thig ler gsal// mi dmigs yul med thig le nyid// sgro skur 'das pa'i
34b5 don rtogs nas// yod med re dogs chad pa'i lam// phyogs med rang byung kun la 'jug/ ma rtogs 'khor ba'i rtsa ba ni// rang sems tsit+ta'i dkyil 'khor lnga// pad+ma skyon bral yon tan ltar// ma lus rmad byung
34b6 sangs rgyas sa// 'khor 'das ma lus kun gyi rtsa// rang sems ma bcos snying po ste// brtags pas nam mkha' las 'das pa// mtshon cing brtag pa'i yul las 'das// rtsa ba med pa'i rig pa nyid// chos
35a1 rnams kun gyi rtse mo ste// thabs kyis rtogs na byung rgyal nyid// ma lus re dogs bcad pa yin// ma lus bdag nyid yin rtogs nas// bdag nyid rtogs pas pha rol phyin// bde bas bde rtogs
35a2 bde chen rtogs// dam tshig bde rtogs bde ba'i mchog/ srog ni nam mkha'i rdo rje ste// 'khor lo bskor ba ma lus gcod// phyi nang snod bcud thams cad kun// mnyam pa chen po'i ngang du bskor// ma lus chos
35a3 rnams thams cad kyi// ngo bo sems su gcig pas na// gsang ba'i thabs chen gcig bstan pas// ma lus kun rtogs rgyal po'o// ma bcos rig pa'i thig le la// bde ba chen po'i thig le brtag/ bcos pa
35a4 med pa'i thig le bde// ji snyed snga phyi chos rnams ni// yul dang shes pa gnyis 'dus te// de nyid ma bcos thig ler 'dus// de nyid rtogs pas ro gcig go/ ma lus bdag nyid kun rdzogs pas// dag dang
35a5 ma dag tshig mtha' 'das// bdag nyid chu ltar gzhan med pas// ma bcos rnal du gnas pa nyid// ji snyed tha snyad ma lus pa'i// rig pa kun kyang tha snyad spyad// re dogs 'jigs pa kun bral ba// ma lus
35a6 kun gyi rtogs bya nyid// ma bcos rig pa'i don nyid ni// rna brgyud 'phrul gyis rim par bstan// rdo rje gser gyi zhen ba krol nas// tha ma ma bcos ngo bor bstan// khams gsum yid bzhin nor bu ste// stong
35b1 la yon tan kun 'byung ba// nam mkha'i nor bus dbang bskur nas// rgyal ba kun gyi dbang po yin// ma lus rdzogs pa'i thig le ste// snying po'i dam las ma 'das na// dmangs kyi chad pas mi 'jigs
35b2 ltar// mtshan ma'i skyon gyis mi 'jigs so// ma lus kun byed byang chub sems// rgya mtsho nyi ltar 'jigs med pas// re dogs spangs pa'i spyod pa nyid// 'chi med bdud rtsi rgyal po ste// 'di ni rgyal ba thams
35b3 cad kyi// rgyud do cog gi rtsa ba ste// rdo rje 'dus pa'i snying po yin// zhes gsungs so// nam mkha'i mtha' dang mnyam pa'i rgyud chen po las// rgyal ba kun gyi dgongs pa'i rtsa ba 'dus pa'i lung gi le'u ste nga drug
35b4 pa'o//// de nas de bzhin gshegs pa gsang ba'i bdag po chen po de dgongs pa rnal du bzhag pa'i don 'di gsungs so// skal ldan rig pa'i rgyal sras kyis// ma lus bya ba kun byas nas// dam pa'i
35b5 bla ma brten byas te// rna brgyud bdud rtsi 'thungs pa yis// 'khor ba'i re dogs kun bcad nas// phyi nang 'jug pa'i yul med pas// ma bcos byang chub sems kyi klong// snying po shar med nub pa med// thog
35b6 ma tha ma med pa'i sems// ma lus thig le'i klong brdal bas// bcos pa med kyi ci bder zhog/ phyogs bcu'i rgyal ba thams cad kyi// snying po rang byung don rtogs nas// dgongs pa rnal du bzhag pa
34a2 yis// yang sprul rgyal sras khyod kyis su// 'dzam gling dbus su rgyas par gyis// rgyal 'theb gsang ba'i snod ldan la// rna brgyud rig pa gsang ba'i rgyud// thugs rjes sprul pa'i
34a3 sgo nas ston// gsang 'dzin rig pa'i snod ldan rnams// ma bcos gsang ba'i don go nas// rnam grol 'bras bu thob par 'gyur// mnyam pa'i don la mnyam gzhag na// de ma thag tu rig pa 'char// gsang
34a4 ba'i snod ldan rigs 'dzin bzhin// dus tshigs phyir mar 'byung bar 'gyur// bstan pa bcud kyi mdzod 'dzin cing// rigs 'dzin sa la gnas pa'o// rdzogs chen a ti'i bstan pa 'di// bsnubs kyang nub
34a5 par mi 'gyur te// don la 'gyur ba med pa'i phyir// nam mkha' bzhin du 'jigs 'dral med// gdod nas chos nyid spros dang bral// gzhan gyi nub par mi 'gyur te// rna brgyud 'phrul tshig mi ldan par// sgra
34a6 bzhin spyad nas smu ba dang// lta spyod log pa'i nga rgyal can// ma bcos rang snang rol pa dang// rnam rtog zhen pa'i btags pa dag/ bye brag ma byed rmongs pa'i blos// bab col bsres nas log par smra// rgya
34b1 mtshor lhun gyi pha bong bzhin// rdo rje'i khab tu ha ra han// des na thos bsam sgom gsum gyis// gtan la phob la nyams su long// zhes bka' stsal to// gsal ba mtha' dang mnyam pa las/ lung bstan rdo
34b2 rje'i le'u ste bcu bdun pa'o//// de nas sems lhag lha yi bus// brda dang mtshan gyi bshad pa de// bcom ldan 'das la yang zhus pa// gsang ba'i bdag pos yang dag bshad// a ni skye ba med pa
34b3 la// ti ni 'gag pa med pa'i brda// yo ga rdzogs chen chos kyi rtsi// shin tu rnal 'byor lha yi lha// lha yi bu khyod 'di lta ste// dgra gnyen med par goms gyur na// 'di dang bar ma do la grol// grol nas grol
34b4 ba'i lam yang ston// sprad pa gsum gyi gdam ngag gis// rdo rje sems dpa'i khang pa bstan// thig le khong du gdams pa ni// zag med ye shes bde bar bstan// sku gsung thugs phrad nyams myong gis// nam
34b5 mkha' rgya mtsho nor bu bstan// dmigs pa spo ba'i bsam gtan gyis// shes pa drims pa'i brda ru bstan// tshor ba rjes med sgom pa ni// phyogs med log pa'i brda yis bstan// dus tshod bzhi cha'i rig pa
34b6 ni// shes pa blog pa'i brda yis bstan// btang snyoms chen po'i gdams ngag ni// mkha' 'gro rgyud kyi brda yis bstan// g.yo med bum chu'i gdams ngag ni// thig le dbus gnas lag brdas bstan// dran
35a1 pa rgyun chags gdams ngag ni// dgu bsdams pa yis gdams pas bstan// gti mug lam khyer gdams ngag ni// dran pa me long brda yis bstan// tshogs drug rang sar grol ba ni// sna tshogs
35a2 ci rung brda yis bstan// dug lnga rang sar grol ba ni// dngul dkar me long brda yis bstan// steng sgo dag la brten pa ni// rlung dang 'khor lo brda yis bstan// 'og sgo dag la brten pa ni// bo la ka ko la
35a3 yis bstan// dkyil 'khor drug gi gdams ngag ni// spyod yul drug gi brda yis bstan// skye sa pa skye med gdams ngag ni// phyag rgya bsgreng ba'i brda yis bstan// gag med rol ba'i gdams ngag ni// rdo rje
35a4 gdan gyi brda yis bstan// gnyis su med pa'i gdams ngag ni// yi ge a yi brda yis bstan// brda sprad brda ni bung ba dang// brda bral klong du gzhag par bya/ kun dga' snying po 'di ltar te// mtshan don
35a5 ming de brgyad du gzungs// ma bcos lhun grub zam mo'i phyir// ma bcos ye shes gsang ba'i rgyud// nyon mongs zhen pa'i 'phreng thag gcod// de phyir ye shes rdzogs pa'i rgyud// kun tu bzang po rig
35a6 pa'i thugs// ye shes 'od kyi rgyud ces bya// kun 'dus mnyam pa chen po yis// rgya mtsho ltar mnyam rnyog med rgyud// chos rnams gsal ba'i ye shes sgron// nyi zla lta bur dri med rgyud// 'di la mtha' dbus med
35b1 pas na// nam mkha' mtha' dang mnyam pa'i rgyud// bde chen mdzes pa'i rgyan byed pas// skye med rin chen lta bu'i rgyud// gsang ba kun 'dus rig pa'i gter// gsal ba'i rgyud 'di phyi mar bshad// e ma ye
35b2 shes bsang ba 'di// theg pa kun gyi yang rtse dang// dgongs pa kun gyi zhe phugs yin// lung rnams kun gyi rgyal po la// gsung rab kun gyi nges don no// rgyud kun ma lus don 'brel te// bstan pa yongs kyi
35b3 snying po yin// chos rnams kun gyi mthar thug go/ gu lang lung gi gser gzo ru// seng ge 'o ma blugs pa bzhin// bka' yi bcud bsdus gsang ba 'di// snod ldan ngang tshul bzang la gtad// lha yi bu yi
35b4 sems la zhog/thugs rjes 'od zer phyogs bcur spros// snod min dam tshig mi ldan pa// grib bzhin 'khor yang gsang bar bya// chu srin pir gyi gre ba bzhin// ye shes gsang ba bstan mi bya// ye shes gsang
35b5 ba zab mo'i rgyud// gsang bar bkrol ba'i don 'brel 'di// de ba bzang skyong bu la gtad// gnas ni brag dang chu la gzhag/ ces gsungs so// gsal ba mtha' dang mnyam pa las/ brda dang mtshan gyi sgo nas
35b6 bstan pa ste bco brgyad pa'o//// gsang ba gsal ba mtha' dang mnyam pa'i rgyud ces bya ba/ bcom ldan 'das phyag na rdo rjes gsungs pa rdzogs so////


CLOSE WINDOW