280b2 u rgyan gyi skad du/ mAn hwa/ bod skad du/ rdzogs pa chen po'i chig chod kun grol chen po zhes bya ba'i rgyud/ bcom ldan 'das lhun grub 'dus ma byas pa'i dpal kun tu bzang po
280b3 la phyag 'tshal lo// 'di skad bdag gis thos pa'i dus gcig na/ bcom ldan 'das lhun grub 'dus ma byas pa'i dpal chen po/ de bzhin nyid kyi gnas chos kyi dbyings spros thams cad dang bral ba'i pho brang
280b4 na/rang byung sprul pa'i sangs rgyas dang byang chub sems dpa' dpa' bo dang DAk+ki sems can nyid las mi gzhan pa rnams dang/ dus gsum mnyam pa nyid lhun gyis grub pa'i ngang du bzhugs so// de'i tshe 'khor
280b5 gyi nang nas rang bzhin thugs rje'i ngang gdangs las/rang byung ye shes rdo rje zhes bya ba zhu ba por langs te/ 'khor thams cad kyis bcom ldan 'das la mgrin gcig tu/ 'di skad ces gsol to// e ma
280b6 ho// bcom ldan lhun grub 'dus ma byas pa'i dpal/ 'khor 'das kun la ma lus khyab pa yi// rang byung chig chod byang chub sems kyi don// rang byung 'dus pa'i 'khor la bshad du gsol// zhes gsol
281a1 to// de nas bcom ldan 'das lhun grub 'dus ma byas pa'i dpal gyis bka' stsal pa/ kye ma nyon cig rang byung sprul pa'i 'khor tshogs rnams// snang srid kun la khyab pa'i byang chub sems// rang
281a2 byung ye shes chig chod chen po ste// 'di zhes mtshon bya'i tshig las 'das mod kyang// mtshon byed tshig gis ma bstan mi go bas// mtshon med chos de brda' don tshig gis ston// log na ston rgyu yod pa ma yin
281a3 te// rgyal ba'i thugs kyi dgongs pa gcig la ni// rang byung rang gi ngo bo bstan pa yin/ zhes bka' stsal to// rang byung ye shes rdo rjes yang gsol pa// rang byung chig chod byang chub sems nyid de// rang rang ngo
281a4 bos ji ltar ston pa la// de don 'dus pa'i 'khor la bshad du gsol// de nas bcom ldan 'das kyis bka' stsal pa// rang byung chig chod byang chub sems nyid de// ngo bo rang rtsal ma 'gags 'char tshul
281a5 las// rang byung rnam pa snang srid thams cad 'byung// mdor bsdus rig dang ma rig lam gsum ste// rang byung ma rig nyon mongs sems dkrugs nas// bdag 'dzin sdug bsngal 'khor ba'i sems can
281a6 byung// rang rig ye shes 'dzin med rtogs pa yis// bdag med mya ngan 'das pa'i sangs rgyas byung// 'khor 'das gnyis po dbyer med rtogs pa'i thabs// lam gyi theg pa phyi nang gsang gsum byung// de
281b1 rnams rang rang ngo bos bstan pa yin// don la thams cad sems rgyud gcig pa'i phyir// yang gsang chig chod a tir rdzogs pa yin// de don bshad pa'i thabs ni thug gis ston// gang zag yid ches skyed phyir
281b2 lo rgyu?s bshad// chos kyi byung sa bstan phyir rtsa bas bshad// 'char tshul tha dad byung phyir theg rnams bshad// de rnams thabs su gol phyir dgos ched bshad// dgos ched don gyis sgrol phyir man ngag
281b3 bshad// de don che ba'i yon tan gtad rgyas bshad// ces bka' stsal to// rdzogs chen chig chod kun grol chen po'i rgyud las/ gleng gzhi gleng slong gi le'u ste dang po'o//// rang byung ye shes rdo rjes yang
281b4 gsol pa/e ma ho// bcom ldan lhun grub 'dus ma byas pa'i dpal// rang byung chig chod byang chub sems nyid de// dang po lo rgyus don gyis ji ltar bshad// ma bshad skyon ci bshad pa'i yon tan gang// de
281b5 don 'dus pa'i 'khor la bshad du gsol// zhes gsol pas/ de nas bcom ldan 'das kyis bka' stsal pa// rang byung chig chod byang chub sems nyid de// dang po lo rgyus don gyis ma bshad na// dper na
281b6 rgyal rigs rgyal sa 'dzin pa'i dus// rgyal rigs ma bshad dmangs rnams yid mi ches// de bzhin rang byung chig chod byang chub sems nyid las// sems rgyud ma bshad gang zag yid mi ches// rgyal rigs
282a1 bshad pas dmangs rnams yid ches ltar// de phyir gang zag yid ches skyed phyir bshad// dang po chos sku'i thugs kyis dgongs nas bshad// bstan nas mthong ba ma yin rang bzhin dgongs pas
282a2 na// dper na nyi 'od chu nang shar ba bzhin// byin gyi brlabs kyi dgongs pas bshad pa yin// longs skus sku yi sgo nas bshad pa ste// bshad nas thos pa ma yin mtshan dang dpe byad kyi// dper na gzugs
282a3 mthong de yis kha dog shes pa bzhin// rang rang ngo bo'i sgo nas dpe don bshad pa yin// sprul pa'i sku yis gsung gi sgo nas bshad// du ma bshad pa ma yin tshangs pa'i dbyangs gcig gsungs// dper na pi
282a4 wang sgra bzhin rang rang skad// mthun pa'i chos su gsungs nas bshad pa yin// de ltar rgyal ba rnams ni dgongs pas bshad// byang chub rig 'dzin rnams ni brda yis bshad// gang zag sgrub pa po la tshig
282a5 gis bshad// thams cad sems rgyud gcig las brgyud pa e ma ho// zhes bka' stsal to// rdzogs pa chen po chig chod kun grol chen po'i rgyud lo rgyus don gyis bshad pa'i le'u ste gnyis pa'o////
282a6 rang byung ye shes rdo rjes yang gsol pa// e ma ho// bcom ldan lhun grub 'dus ma byas pa'i dpal// lo rgyus don gyis brgyud pa'i byang chub sems// rtsa ba yin pa'i don ni ji ltar yin// de don
282b1 'dus pa'i 'khor la bshad du gsol// zhes gsol to// de nas bcom ldan 'das kyis bka' stsal pa// rang byung byang sems rtsa ba len pa ni// dper na nam mkha' chen po'i klong yangs las// snod bcud
282b2 skye 'gro thams cad skyed pa bzhin// rang chig chod byang chub sems su las// sangs rgyas sems can thams cad byung ba yin// de yang thog mar 'khor 'das gang du yang// ci yang grub pa med pa'i dus tshod
282b3 du// kun gzhi byang chub sems kyi rang rtsal las// bskal pa srid pa 'degs byed gcod byed 'phen// rlung lnga byung nas rang gis 'byung lnga chags// de yi rang sgra lnga las rgyud lnga byung// de nyid ma rig bdag
282b4 'dzin sems can byung// de yis dug lnga rang rgyud bcas pas 'khor// rig pa'i ye shes sangs rgyas rang las byung// snang srid 'khor 'das sems las rang byung byung// thams cad byung bas kun gyi rtsa ba
282b5 yin// de phyir kun gzhi byang chub sems zhes btags// dper na rgya mtsho chen po'i chu bo ni// phyogs su babs nas rgya mtshor 'du ba bzhin// thams cad sems las skyes shing sems su 'dus// rang grol lhan
282b6 cig skyes pa'i ye shes yin// sems las ma rtogs snod bcud 'jig rten med// sangs rgyas sems can med cing 'khor 'das med// nyon mongs med cing dgag sgrub med// stong dang mi stong rtogs dang mi
283a1 rtog med// gzugs dang sgra dang dri dang ro reg med// rig dang ma rig yod med gang yang med// sems kyis ma bzung de rnams gang yang med// sems kyis byas pa thams cad byung ba yin// de
283a2 phyir rnam rtog sems zhes ming du btags// thams cad sems las rang shar rang grol du// dbyer med gcig tu rig na rig pa'i ye shes te// de la 'dzin rtog med pa'i gsal ba de// kun la khyab pa'i
283a3 chos skur ming du btags// yod ni gcig las med par thegs pa sna tshogs byung// sna tshogs byung yang byang chub sems su 'dus// sems la bstan du dngos po mtshan ma med// bzhag du ma 'gags cir yang
283a4 shar cing snang// snang tsam nyid na snang ba rang sar grol// rang grol rang byung yin phyir chig chod du// thams cad sems la rdzogs pas rdzogs chen zhes// don la mtshan du btags pa e ma ho// zhes bka'
283a5 stsal to// rdzogs chen chig chod kun grol chen po'i rgyud las/ rtsa ba don gyi le'u ste gsum pa'o///// rang byung ye shes rdo rjes yang gsol pa/ e ma ho// bcom ldan lhun grub 'dus ma byas
283a6 pa'i dpal// rtsa ba byang chub sems ni gcig nyid la// theg pa'i rim pa ji ltar byung ba yin// de don 'dus pa'i 'khor la bshad du gsol// zhes gsol pas/ de nas bcom ldan 'das kyis bka' stsal pa/
283b1 byang chub sems/ la theg pa'i byung lugs ni// dper na byung dpag bsam shing sdong gcig las su/ yal 'dab me tog 'bras bu skyes pa bzhin// sems nyid gcig la theg pa sna tshogs pa// theg
283b2 dman nyan thos rang rgyal theg pa byung// theg chen byang chub sems dpa' gsang sngags dang// theg mchog bla med ma hA a nu byung// de rnams thams cad rdzogs pas rdzogs chen yin// zhes bka'
283b3 stsal to// rdzogs chen chig chod kun grol chen po'i rgyud las/ theg pa'i rim pa don gyis bshad pa'i le'u ste bzhi pa'o//// rang byung ye shes rdo rjes yang gsol pa// e ma ho// bcom ldan lhun
283b4 grub 'dus ma byas pa'i dpal// gcig las theg pa du ma byung ba rnams// de rnams 'bras bu gcig gam tha dad bsgrub// de don 'dus pa'i 'khor la bshad du gsol// zhes gsol to// de nas bcom
283b5 ldan 'das kyis bkal stsal pa// gcig las du ma byung bas 'khrul pa yin// dper na spos kyi glang po gcig nyid la// dmus long rnams kyis glang por 'dod pa la// glang po ma yin sna tshogs mthong
283b6 ba bzhin// thun mong thaig pa 'bras bu mi gcig ste// 'jig rten pa rnams tshe 'di'i bde 'bras 'dod// phyi rol pa rnams phya dang dbang phyug sgrub// nyan thos dgra bcom rang rgyal 'dod pa sgrub// byang
284a1 chub sems dpa' lam sbyangs sangs rgyas sgrub// kri ya u pa bskyed rdzogs sangs rgyas sgrub// ma hA a nu dbyings dang ye shes sgrub// ngo bo gcig la theg pa sna tshogs byung// 'bras bu mi
284a2 gcig 'dod pa so sor sgrub// de rnams gcig tu ma rtogs bla med kyi// 'bras bu mi thob snang ba'i lam tsam yin// mig ldan glang po tshogs par mthong ba bzhin// rdzogs chen thams cad kyi ni don
284a3 rtogs pas// 'bras bu kun rdzogs a ti chig chod yin// de phyir theg pa'i mthar thug rdzogs chen po// zhes bka' stsal to// rdzogs chen chig chod kun grol chen po'i rgyud las theg pa'i rim pa byung
284a4 lugs bstan pa'i le'u ste lnga pa'o/// lganaswa/// rang byung ye shes rdo rjes yang gsol pa// e ma ho// bcom ldan lhun grub 'dus ma byas pa'i dpal// theg pa'i mthar thug rdzogs chen chig chod don
284a5 ni ji ltarayin// de don 'dus pa'i 'khor la bshad du gsol// zhes gsol to// de nas bcom ldan 'das kyis bka' stsal pa// theg pa'i mthar thug a ti'i dgos ched ni// dper na glen pa gcig gis mi
284a6 mang khrod// ltas mo byas pas rang nyid stor nas su// rang ngo ma shes gzhan du mthong ba bzhin// thun mong theg pa sna tshogs 'dod pa yang// rang sems sangs rgyas ma shes gzhan du 'khrul// sems las ma
284b1 gtogs sangs rgyas gzhan du 'tshol// 'jig rten pa ni nyon mongs rang gar spyod// nyan thos rang rgyal sems kyis nyon mongs spangs// byang chub sems dpa' nyon mongs lam gyis spyod// gsang sngags thun
284b2 mong nyon mongs gzhi las bsgyur// gdod kyis ja med 'bras bu thob par 'dod// spang blang chos kyis bskal par bsgoms gyur kyang// sems ma rtogs pas sangs rgyas thob mi 'gyur// theg pa sna
284b3 tshogs thabs su zhen pas bsgribs// a ti shes rab chen po'i spyan mig gis// kun shes kun rig chos kun mngon par rtogs// spang blang med de 'khor 'das dbyer med grol// de phyir bla med rtogs phyir a
284b4 ti dgos// zhes bka' stsal to// rdzogs chen chig chod kun grol chen po'i rgyud las/ dgos ched don gyi le'u ste drug pa'o/// khanaTargaH// rang byung ye shes rdo rjes yang gsol pa// e ma ho// bcom
284b5 ldan lhun grub 'dus ma byas pa'i dpal// a ti ma rtogs theg pa gzhan rnams kyis// thabs su grol bas don la ji ltar bsgribs// de don 'dus pa'i 'khor la bshad du gsol// zhes gsol pas/ de nas
284b6 bcom ldan 'das kyis bka' stsal pa// 'khor ba'i sems can rang sems ma rig 'khrul// dge bcu spyad cing mi dge bcu spangs kyang// thad ka'i 'bras bu tsam las sangs rgyas ma mthong bsgribs// 'khrul pa
285a1 bzlog 'dod mu stegs theg pa yin// rtag chad mtha' la zhen pas don la bsgribs// mi dge sbyangs pas 'bras bu ngan song 'gro// de phyir mu stegs log pa'i chos su gol// nyan thos rang rgyal
285a2 gzung 'dzin zhen pas bsgribs// ngan rtog 'gyu byed rtog pa 'gag tsam las// rnam mkhyen sangs rgyas nam yang mi thob gol// dbu ma bden gnyis mtha' la zhen pas bsgribs// tshogs bsag sgrib sbyangs
285a3 bskal par 'bad byas nas// sa lam rtogs 'dod sangs rgyas re bas 'gyangs// kr-i yog bsnyen bsgrub mtha' la zhen pas bsgribs// don dam rtogs nas kun rdzob bsgoms pas gol// kun rdzob ma
285a4 grol bar du sangs mi rgya// ma hA a nu dbyings rig mtha' zhen bsgribs// gnyis med don la gnyis su phyai bas gol// gnyis med gcig tu ma gyur sangs mi rgya// a ti mtha' yas
285a5 phyogs cha can du gol// thams cad rang sems 'khor 'das dbyer med la// spang blang byed pa'i theg pas 'khor bar 'khyams// thig le nyag gcig rtsol med lhun grub la// sa lam rtsi ba'i rmongs pa don la
285a6 g.yel// sangs rgyas dgongs pa blo las 'das pa la// dmigs stong mtshan ma'i bzlas sgom byed pa 'khrul// de phyir gzhan gyis ma rtogs bla na med// rgyu med rkyen gyis ma byung a ti ru// kun shes rtsis gdab
285b1 bral ba'i byang chub sems// theg pa ma lus kun kyang 'di ru grol// phyogs bral kun kyang rang byung gdod nas dag/ mtshon pa'i yul 'das ma bcos chos kyi sku// grol ba'i mtha' bral bla med mngon sangs
285b2 rgyas// de phyir yang gsang chig chod yid re ches// theg pa thams cad 'di las byung bas na// kun gyi rtsa ba yin par yid kyang ches// theg pa thams cad 'di ru rdzogs pas na// kun gyi yang rtse yin par yid
285b3 kyang ches// theg pa kun gyi don ni 'dir thug pas// kun gyi snying po yin par yid kyang ches// sangs rgyas thams cad 'di yi dgongs par grol// da lta sangs rgyas thob par yid ches so// kun la khyab cing
285b4 mtshon pa'i yul las 'das// kun shar kun grol chos nyid yangs pa'i klong// gol ba med de mtha' bral blo 'das don// bla med mngon sangs rgyas la a ti dgos// zhes bka' stsal to// rdzogs pa chen po
285b5 chig chod kun grol chen po'i rgyud las/dgos ched bstan pa'i le'u ste bdun pa'o//// hA nas/u0f7f// rang byung ye shes rdo rjes yang gsol pa// e ma ho// bcom ldan lhun grub 'dus ma byas pa'i d
285b6 pal// dgos ched don ldan a ti chig chod la// mthar thug man ngag don gyis ji ltar bshad// de don 'dus pa'i 'khor la bshad du gsol// zhes gsol pas/ de nas bcom ldan 'das kyis bka' stsal
286a1 pa// rdzogs chen chig chod byang chub sems nyid de// ma rtogs rtogs phyir man ngag don gyis bshad// dper na rgya mtsho'i nor bu len pa la// ded dpon mkhas pa ma brten mi lon
286a2 bzhin// 'dir yang bla ma ma brten don mi rtogs// bla ma sangs rgyas thams cad 'dus pa'i sku// chos sgo brgyad khri bzhi stong bla ma'i gsung// chos nyid yangs pa'i thugs rjes kun la khyab// bla ma med pa'i
286a3 sangs rgyas chos ma byung// de phyir bla ma mchog la brten pas 'grub// chos sku'i ngang nas grol la phan gdags phyir// rang snang ma dag gdul bya'i snang ba ru// gzugs skur byon nas de yis snang bar
286a4 mdzad// nges med sna tshogs rang gis rtog pa la// snga ma'i skyon la mi blta yon tan bsam// sku yis ci mdzad legs pa nyid du blta// ci gsung bden par bka' bzhin rjes su sgrub// cir dgongs thams cad
286a5 mkhyen par yid ches bya// dngos po rtog pa zhen med ma lus dbul// sgo gsum srog la mi blta bla ma'i phyogs// ci mnyes zhabs tog byas shing phul ba yis// sangs rgyas chos rjes dus 'dir 'dzin par
286a6 'gyur// bla ma la log dam nyams bdud kyi bu// tshe 'dir bar chod sa phyogs bkra mi shis// mnar med sems can rdo rje dmyal bar 'gro// de bas bla ma gus pas brten byas pas// tsan+dan ga bur reg pas dri
286b1 'go ltar// brten cing gus pa tsam gyis byin rlab 'byung// rang byung chos nyid don de rtsol med 'char// bcud ldan bla mas man ngag gnad ldan ni// snod ldan slob ma skye shis 'jigs pa yis// 'jig rten
286b2 'khor ba'i chos la rgyab kyis phyogs// gcig gam bdun nam dgu las mang mi rung// zang zing bya ba thams cad blos su bskyur// mi med dur khrod ri phug dben pa ru// mi rtag skyo shas skye ba'i chos bshad
286b3 la// thabs kyis man ngag shes rab don rtogs bya// shes rab man ngag thabs kyi don rtogs bya// gnyis su ma yin mtha' bral ye shes che// dper na wa la drangs pa'i chu bzhin du// rdzogs chen sa la
286b4 'chugs thabs med pa yin// sngon 'gro'i man ngag sems nyid srang du gzhug/ sprin med mkha' la nyi ma shar ba bzhin// chos nyid don de mngon gsum gsal ba yin// dngos gzhi'i man ngag sems nyid
286b5 gtan la dbab// mgron po lam nas rang yul slebs pa bzhin// rjes kyi man ngag 'bras bu la bzla ba'i// thog ma bar dang mthar dge chos spyod pas// rdzogs chen byar med lhun grub mngon sangs
286b6 rgyas// zhes bka' stsal to// rdzogs chen chig chod kun grol rgyal po'i rgyud las/ man ngag gnad don mdor bsdus kyi le'u ste brgyad pa'o//// hazhasaH// rang byung ye shes rdo rjes yang gsol pa// e
287a1 ma ho// bcom ldan lhun grub 'dus ma byas pa'i dpal// man ngag gnad kyi don gsum bstan pa la// thog mar sngon 'gro gnad kyis ji ltar ston/ de don 'dus pa'i 'khor la bshad du
287a2 gsol// zhes gsol to// de nas bcom ldan 'das kyis bka' stsal pa// dang po sngon 'gro thun mong khyad par gnyis// thun mong sngon 'gro skyabs yul bla ma la// bdag gzhan bla med 'bras thob bsam pa
287a3 yis// sgo gsum gus pa'i dad pa zhe thag pas// bde gshegs ma lus thams cad 'dus pa'i sku// snga ma sangs rgyas 'gro mgon skyabs mchog la// bdag sogs sems can sangs rgyas ma thob bar// lus
287a4 ngag yid gsum gus pas skyabs su mchi// zhes pas tshig don skyabs 'gro gsol 'debs bya// bar chod sel zhing byin rlab 'jug pa yin// 'gro drug gnas pa'i ma rgan sems can la// bdag gzhan bde
287a5 sdug brje ba'i snying rje yis// bde thob sdug bsngal bral nas sangs rgyas par// bya'o mnyam pa'i byang chub sems mchog bskyed// rang 'dod grol nas gzhan phan 'gro don 'byung// gnyis pa khyad par sngon 'gro
287a6 lus ngag yid gsum gyi// 'khor 'das ru shan 'byed pa'i man ngag ni// lus kyi ru shan 'byed pa phyag bskor dang// rdo rje skyil krung byas la grims kyis sgrim// des ni 'khor ba'i lus la zhen log skye// ngag
287b1 gi ru shan 'byed pa hU[¿] phaT dang// mi smra brjod med lkugs pa rlung drag bzung// des ni 'khor ba'i ngag la zhen pa zlog/ yid kyi ru shan 'byed pa skyo shas dang// dmigs pa gtan pa'i 'ben la ma yengs
287b2 bya// des ni 'khor ba'i yid la zhen log skye// grims kyis bsgrims pas 'khor ba'i sdug bsngal yin// de yis 'khor ba'i ru shan phyed pa yin// de nas lus kyi ngal ba bya byed spang// byar med ngang du lus kyi
287b3 'dzin pa stor// 'dzin pa byung tshe lus la bde ba skye// ngag gi ngal ba smra brjod thams cad spang// brjod med ngang du ngag gi 'dzin pa stong// yid kyi ngal ba dmigs gtad thams cad spang// dmigs med ngang
287b4 du yid kyi 'dzin pa stor// lus ngag yid gsum bde bar ngang gis 'gro// lhod kyis slod pa myang 'das bde ba ste// slod pas grol bas myang 'das ru shan phyai// de yis gang zag tshogs rdzogs byin rlabs
287b5 'jug/grims gyis bsgrims la lhod kyis slod pa yin// 'khor 'das gnyis kyi bde sdug ru shan phyed// man ngag gnad kyi chig chod tshig gcig yin// ces bka' stsal to// rdzogs chen chig chod kun grol
287b6 chen po'i rgyud las/man ngag sngon 'gro'i le'u ste dgu pa'o////// rang byung ye shes rdo rjes yang gsol pa// e ma ho// bcom ldan lhun grub 'dus ma byas pa'i dpal// de ltar sngon 'gro'i
288a1 man ngag rdzogs byas nas// dngos gzhi gnad kyi man ngag ji ltar ston// de don 'dus pa'i 'khor la bshad du gsol// zhes gsol pas/ de nas bcom ldan 'das kyis bka' stsal pa/ dngos
288a2 gzhi'i gnad kyi man ngag don la ni// dbang bzhi'i brda' bstan snang ba'i nyams bzhi 'char// nyams len gnad bzhis rtogs pa'i ngo sprad pas// grol ba'i 'bras bu sku bzhi lhun grub ste// dbyer med
288a3 zang thal yang gsang chig chod don// ming tshig tha snyad kun las 'das mod kyang// ming tshig brda yis ma bstan mi go bas// de phyir gang zag rab 'bring tha ma la// brda dang gnad kyi man ngag tshig gis
288a4 bstan// gang zag rab la brda yis bstan pa ni// snang ba thams cad sems las byung ba ste// sems nyid chig chod rtogs phyir bla ma la// spros bcas snang ba'i dbang bskur zhu zhes pas// nyi ma 'char kha'i dus
288a5 su gsol ba gdab// bla ma nyi ma 'char khar maN+Dal bsham// pad+ma 'dab brgyad lte ba gcig pa la// tshon sna lnga yis mu khyud mdzes pa bri// de yi dbus su bum pa kha rgyan can// me tog mdzes pa tshogs
288a6 gtor mchod yon bsham// bla ma dkon mchog DAk+ki mnyes par bya// de nas slob mas gos gon phyag btsal la// thal mo sbyar te gsol ba 'di skad gdab// e ma ho// kun bzang bla ma sprul pa'i sku mchog
288b1 la// deng nas bzung ste gus pas gsol ba 'debs// snang ba bde chen spros bral dkyil 'khor du// rig pa mngon sum rtog pa'i dbang bskur zhu// zhes pas lan gsum bar du gsol ba gdab// de nas snga
288b2 mas dad ldan rigs kyi bu// rdzogs chen chos la 'jug par spro lags sam// spro lags zhes slob mas lan du gdab par bya// de nas slob ma'i dam bca' dbog pa ni/ khyod kyi 'khor ba blo yis btang nas
288b3 su// byar med mngon sum don la ma yin par// rang byung dkyil 'khor blta bar dam chos shig/ de las 'gal na khyod nyid rlag par 'gyur// ces pas rdo rje bdud rtsi'i mna' chu blud// dam las 'gal na
288b4 bdud la ma 'gal sman// des na bdud rtsi btung la dam bca'o// de nas dkyil 'khor bstan la ci 'dug dri// bag chags rjes ma 'brengs na snang ba grol// rtse gcig mig gis dkyil 'khor 'di la
288b5 ltos// brda yi don la ngo sprod bya ba ni// lte ba gcig las gyes pa'i pad 'dab brgyad// rnam shes tshogs brgyad sems las byung ba'i brda/ kha dog dkar dmar sna tshogs byung ba 'di// snang ba ma 'gags cir
288b6 yang 'char ba'i brda// de yi dkyil 'khor du ma 'byung ba ni// byang chub sems las thams cad bskyed pa'i brda// nang du bum rdzas sna tshogs blugs pa ni// rnam rtog sna tshogs sems su 'dus pa'i brda/ kha rgyan
289a1 me tog mchod gtor bshams pa ni// snang ba sems kyi longs spyod brda ru bstan// de nas bla mas bu khyod su yin dri// nga ni skal ldan rigs kyi bu yin bya/ khyod kyis gos 'di ci la gon pa
289a2 yin// lus la gon zer gon pa ci la brten// dris pas lus la brten nas byung bar zhes// de bzhin snang ba 'di yang sems las byung// snang ba sna tshogs 'dug kyang sems su gcig/ de ltar sems kyi
289a3 don de rig par gyis// zhes pas brda bstan dbang bskur bya ba ni// hUM hUM hUM hUM hUM/ skye med chos sku'i dkyil 'khor klong yangs su// 'gag med snang ba bum pa'i lha tshogs kyis// mngon sums zhal ston rdo rje lu
289a4 gu rgyud// snang ba dbang du 'dus par byin gyis rlobs// zhes pas spros bcas brda yi dbang bskur bas// slob mas yon dbul dga' ston chen po bya// sna tshogs gcig tu rtogs phyir bla ma la// rta dang glang po
289a5 rin chen 'bru sogs dbul// nor mchog phul bas don mchog rtogs par 'gyur// gang zag 'bring po brda yis ma grol na// lta ba chig chod gnad kyi man ngag ni// lus gnad 'dug stangs rdo rje skyil krung
289a6 bya// gnyug ma'i gnas lugs rtogs phyir drang po gces// ngag gi rlung stangs mi smra dal bar bya// 'khrul ba'i snang ba grol phyir brjod med gces// yid kyi lta stangs rig pa mig la gcun// mngon sum mthong
289b1 phyir nam mkha'i dbyings la blta// blta ru med pa'i lta ba chen po ste// mi skye mi 'gag nam mkha'i ngo bo nyid// phyi yi nam mkha' dag pa'i ye dwangs dang// nang gi sems nyid dag pa'i rang dwangs dang// bar gyi
289b2 rtsal ma dag pa'i ngang dwangs gsum// dbyer med 'dres nas nam mkha' lta bu ru// mthong ba chos nyid mngon sum snang ba yin// gsum rig don gsum the tshom med pa yis// rig pa rang gsal rdo rje lu gu
289b3 rgyud// mthong snang de ltar shes pa'i nyams myong du// 'byung bzhi thams cad nam mkha'i ngang las byung// nam mkha' la ni 'byung ba thams cad dag/ dag pa'i nam mkha' phyi yi sems su rig/ dug lnga thams cad
289b4 rang gi sems las byung// sems nyid la ni dug lnga thams cad dag/ dag pa'i yid de nang du sems su rig/ snang ba thams cad sku lnga'i lam las byung/ sgo lnga'i lam ni lus kyi snying rtsar 'dus// dag pa'i rtsa
289b5 sgo bar gyi sems su rig/de ltar phyi nang gsang gsum gcig tu rig/ snang rig sems gsum dbyer med gcig tu rtogs// ma rtogs 'khrul pa sems las gsum du bzung// phyi yi snang ba nang gi 'dzin
289b6 mkhan sems// bar gyi lus la sgo lngar bltas pas 'khrul// 'khrul pa'i rtog pas gsum du phyed gyur kyang// sems nyid gcig las gzhan gyi bar chad med// phyi nang gsang gsum dbyer med 'dres pa
290a1 las// rig pa rdo rje lu gu rgyud ces btags// ngo bo chos nyid yin te mngon sum du// gsal bas chos nyid mngon sum rtogs pa'o// de yi don la ma yengs lta ba yin// yang dag nyid la yang dag
290a2 lta ba ste// yang dag mthong na rnam par grol ba'o// de nyid gtan la phebs pa'i rtags tshad ni// dngos kyi rtags su lus ngag yid gsum la// rang gzhan kun gyis mthong ba'i zhen log skye// tshe 'di'i lus dang
290a3 bya ba blos su gtong// ngag gis mi smra lkugs pa lta bur 'gyur// yid ni 'khor ba'i chos la skyo shas skye// bla ma rjes su dran cing 'gro la snying rje 'char// rgyu 'bras yid ches sdig spang dge ba sgrub// nyams rtogs
290a4 lus po yang du song ba dang// ngag gi dbugs ni rgyu ba mi dran dang// yid la mthong thos dran rig thams cad pa// rang sems nam mkha' lta bu'i don 'di yin// snyam pa rang gi shes pa'i rtags la'ang// snang
290a5 sems chos nyid don la 'byor pa'i tshad// mthong ba'i lta ba rang rig mngon sum don// dbyings rig gnyis med nam mkha'i klong na gsal// de la snang ba mi 'gro mthong snang tshad// shes pa'i rtags ni snang
290a6 srid thams cad kun// rang gi sems su rig cing sems nyid ni// rig cing gsal bas nam mkha' lta bur rtogs// rmi lam du yang bzung na zin pa ni// snang ba sems su gtan phebs lo bdun na// phung po mi
290b1 snang lhag med sangs rgyas 'thob// rmi lam mi zin sems su shes tsam la// bar do dang po la ni grol bar 'gyur// don la 'gyur ldog med na tshad la phebs// snang ba dbang du 'dus pas sprul sku yin// yid
290b2 dpyod sangs rgyas mi re mngon sum e ma ho// snang ba thams cad rang sems yin pa la// gang zag tha ma gnad kyis ma grol na// man ngag tshig tu bkrol nas bstan pa ni// dngos po gshis kyi gnas lugs ma
290b3 mthong bas// snang ba sems su ma shes 'khor bar gol// rang sems sangs rgyas ma rtogs myang 'das bsgribs// 'khor 'das gnyis la rig dang ma rig gis// skad cig gcig gi bye brag bar las
290b4 med// rang gi sems la gzhan du mthong bas 'khrul// 'khrul pa de nyid sems su ma rig na// chos nyid don de nam yang ma rtogs pas// lta ba 'khrul pas sems kyi phu dag dkrugs// rang byung rang shar
290b5 rang gis rang la blta// snang ba 'di dag dang po gang las byung// bar du gang na gnas shing mthar gar 'gro// bltas pas dper na gzings kyi bya rog gis// gzings nas phur nas gzings su log pa
290b6 bzhin// snang ba sems las shar zhing sems su grol// sems nyid kun shes kun rig dri med 'di// gsal stong nam mkha' lta bur gdod ma nas// rang byung ye shes mngon sum gsal ba ru// gtan la
291a1 phebs na de ka chos nyid yin// yengs su med kyi de ka'i ngang la zhog/ snang ba sems kyi ngang du ltas mo ltos// bltas pas ma mthong bzhag pas ma zhogs pa// nam mkha' lta bu'i chos nyid rang ngo
291a2 sprad// de ltar ma rtogs 'khrul pa'i snang ba byung// dper na skyes bu gnyid log rmi lam na// skyes pa bud med bde sdug longs spyod snang// gnyid sad dus na rang sems yin par shes// de bzhin snang srid ma
291a3 lus thams cad kun// rang sems rmi lam lta bur 'khrul par shar// shar yang sems las logs na snang ba med// don la rmi lam lta bu yin pa la// med bzhin mngon sum log par bltas pa yin// dper na
291a4 mtho mi thag pa sbrul du mthong// mthong ba tsam gyis dngangs skrag brgyal bar byed// brtags shing dpyad na mtho dang thag par shes// sems la sems kyis skrag pa 'khrul snang sems// dper na rlung mkhris
291a5 bad kan mig skyon gyis// bar snang stong par skra 'dzings snang ba bzhin// rang sems ma rtogs nyon mongs las rkyen dbang/ khams gsum snod bcud rigs drug sdug bsngal gyis// ma dag snang bar ngan rtog
291a6 sna tshogs shar// shar yang sems las logs na grub pa med// sems la sems kyis ngan par bzung ba yin// dper na rlung dang nyi zer char rgyun las// bar snang 'ja' tshon gsal bar snang ba bzhin// rang
291b1 gi tshogs gnyis bsags pa'i bsam pa yis// rgyal ba'i zhing khams lha dang lha mo ru// dag pa'i snang ba bzang rtog sna tshogs 'bar// shar yang sems las logs na grub pa med// sems las sems kyis
291b2 bzang por byas pa yin// don la snang ba dngos po grub pa med// dper na chu zla me long gzugs brnyan la// snang yang de la dngos po med pa bzhin// rang sems ma 'gags snang ba ci shar yang// dngos po
291b3 dkrug pa ci yang med pa yin// dngos po med bzhin yun ring a 'thas pas// sa rdo ri brag la sogs bem por snang// snang tsam nyid na don la bden med rdzun// dper na sgyu ma mkhan gyi sgyu ma'i
291b4 gzugs// sprul pa sna tshogs ston yang rdzun pa bzhin// snang ba kun rdzob chos 'di sna tshogs kyang// gcig kyang bden par ma grub 'jigs pa yin// des na snang srid 'khor 'das thams cad kun// rang gi
291b5 sems nyid gcig gi mthong snang yin// gang tshe rang gi sems rgyud 'gyur tsam na// phyi ru 'gyur ba de yi mthong snang 'byung// des na thams cad sems kyi mthong snang ste// rigs drug rnams kyis so so'i las su
291b6 mthong// mu stegs pa yis rtag chad gnyis su mthong// theg pa rim dgus rang rang theg par mthong// sna tshogs mthong zhing sna tshogs mi gcig pa// tha dad bzung bas chags sdang 'khor bar 'khrul// rtog
292a1 tshogs nyon mongs las kyis sems dkrugs shing// de nyid ma shes sdug bsngal 'dam du bying// snang ba thams cad sems su rig pa na// mthong snang shar yang 'dzin med sangs rgyas yin// des
292a2 na snang ba sems su phu thag chod// snang ba sems su gzhi rtsa ma chod na// sdong po'i yal ga bcad kyang yal ga skye// rtsa ba gcig chos yal ga mi skye bzhin// rnam rtog bkag kyang rnam rtog sna tshogs skye// rnam rtog
292a3 sems su shes na ngang gis grol// snod kyi 'jig rten bem por snang ba sems// bcud kyi sems can rigs drug snang ba sems// mtho ris lha mi'i bde ba snang ba sems// ngan song gsum gyi sdug bsngal snang
292a4 ba sems// ma rig nyon mongs dug lnga'i snang ba sems// rang byung rig pa'i ye shes snang ba sems// ngan rtog 'khor ba'i bag chags snang ba sems// bzang rtog mya ngan 'das par snang ba sems// bdud dang
292a5 'dre yi bar chad snang ba sems// lha dang sid+d+hi legs par snang ba sems// rnam par rtog pa sna tshogs snang ba sems// mi rtog rtse gcig stong par gnas pa sems// dngos po mtshan ma'i kha dog snang ba
292a6 sems// mtshan ma med cing cir mi dgongs pa sems// gcig dang gnyis gsum gnyis med snang ba sems// yod med gang du ma grub snang ba sems// sems las ma gtogs snang ba gang yang med// sems
292b1 nyid ma 'gags snang ba gang yang 'char// shar yang mtsho yi chu dang chu rlabs bzhin// gnyis su med de sems kyi ngang du grol// gdags bya ma 'gags ming tsam cir btags kyang// don la sems nyid gcig
292b2 las yod ma yin// gcig po de yang gzhi rtsa bral ba yis// snang ba gang ltar shar yang phan gnod med// snang ba thams cad sems kyi klong yangs yin// skye 'gag gnas gsum bral bas kun la khyab// ma skye
292b3 mi 'gag nam mkha' lta bur blta// bltas tsam nyid na mthong ba gcig yang med// ma mthong ba de don gyi lta ba yin// gang tshe nam mkha' bltas pas ma mthong na// de tshe nam mkha' mthong zhes tha snyad
292b4 btags// de bzhin sems kyi gnas lugs rtogs pa ni// don dam chos nyid mthong zhes tha snyad btags// mthong ba'i lta ba phyogs rtogs lta ba yin// med// ma mthong ba de don gyi lta ba yin// gang tshe nam
292b5 mkha' bltas pas ma mthong na// de tshe nam mkha' mthong zhes tha snyad btags// de bzhin sems kyi gnas lugs rtogs pa ni// don dam chos nyid mthong zhes tha snyad btags// mthong ba'i lta ba phyogs rtogs
292b6 lta ba yin// ma mthong mthong ba phyogs bral lta ba yin// des nas byang chub sems kyi gnas lugs ni// gsal la dngos med nam mkha' lta bu yin// rang shar rang grol a ti chig chod yin// de ltar thams
293a1 cad rang byung ye shes te// snang ba thams cad sems nyid chig chod yin// de lta thams cad rang byung ye shes te// snang ba thams cad sems nyid chig chod du// a ti yang gsang mngon sum ngo sprod
293a2 do// sems nyid gcig la rol pa sna tshogs shar// shar tsam nyid na rtog med ngang gis grol// rnam pa kun ldan rnam pa med pa'i don// yod med gang du mi gnas rang bzhin gsal// gsal snang sna tshogs
293a3 'dzin pa med pa'i sems// rang sems sprul pa'i sku ru lhun gyis grub// sangs rgyas sprul pas phrin las sna tshogs byed// mtshan dpe bzang po drug cu'i cho 'phrul tshogs// de dang de yis snang ba ston par
293a4 'gyur// rtsol rtog med pa'i thugs rjes kun don mdzad// bya ba thams cad chos kyi dbyings nas spyod// 'di nyid nyams su blangs na kun grol te// dbang po dag la rno rtul med pas rtogs// til dang 'o ma
293a5 mar gyi rgyu yin kyang// ma bsrubs ma btsir mar ni mi 'byung bzhin// 'gro kun sangs rgyas snying po'i rgyu yod kyang// nyams su ma blangs sems can sangs mi rgya// nyams su blangs na ba glang rdzi yang
293a6 grol// 'chang mi shes kyang mngon sum gtan la phebs// rang gi kha ru myong ba'i bu ram la// gzhan gyis de yi ro bshad mi rtogs bzhin// 'di nyid ma rtog paN+Di ta yang 'khrul// theg dgu bshad pa shes bya
293b1 mkhas gyur kyang// ma mthong rgyang gi gtam rgyud bsnyad pa bzhin// sangs rgyas la ni skad cig nyer ma reg/ des na a ti yang gsang chig chod don// mngon sum gnad kyi man ngag shin tu zab// kun
293b2 bzang thugs kyi me long sa ma ya// zhes so// e ma/ gang zag rab la brda yis bstan nas su// snang ba sems su rtogs pa rnal 'byor pa// mngon sum rang gi thog tu ngo sprad pas// nyams snang gong du
293b3 'phel ba'i snang ba yi// sems kyi ngo bo stong pa nyid yin de// stong nyid chig chod rtogs phyir bla ma la// spros med stong pa'i dbang bskur zhu zhes pa'i// nyi ma shar ba'i dus su gsol ba gdab// bla mas dben
293b4 pa'i gnas su maN+Dal bsham// de steng me long shel gong dag pa bzhag/ rma bya'i mdongs gzugs tshogs gtor dkon mchog mchod// slob mas stod kyi gos phud phyag btsal nas// langs te thal sbyar gsol
293b5 ba 'di skad gdab// e ma ho// kun bzang bla ma longs spyod rdzogs sku la// bdag nyid khyed la gus pas gsol ba 'debs// chos nyid skye ba med pa'i pho brang du// zag med nyams rtsal chig rdzogs dbang
293b6 bskur zhu// zhes pas gsol pa lan gsum gdab par bya// de nas bla mas rig pa sems kyi bu// chig chod don la 'jug pa spro lags sam// zhes brjod slob mas lan du spro zhes bya// de nas slob ma'i dam
294a1 bca' dpog pa ni/khyod kyis mtshan ma'i 'khrul phyir ma 'brengs par// rtsol med chos nyid don la ma yengs pa'i// dmigs med sgom pa'i nyams len dam chos shig/ de las log na khyod nyid
294a2 rlag par 'gyur// ces pas dam chu blud la dam 'char gzhug/ de nas brda yi dkyil 'khor bstan pa ni// snang ba sems su 'dzin pa'i sgrib g.yogs phud// sems nyid stong gsal ye shes mig bye la// snang
294a3 stong rig pa'i dkyil 'khor 'di la ltos// me long de la gsal yang 'dzin rgyu med// de bzhin snang ba 'char yang stong pa'i brda// shel la sgro yi 'od lnga shar ba 'di// stong pa'i rang rtsal ye shes 'char ba'i
294a4 brda// shar yang dngos por ma grub snang stong yin// de nas bla mas bu khyod su yin dri// nga ni rig pa sems kyi bu yin bya/ khyod kyi stod kyi lus 'di ci yin dri// stod ni gcer bu smad ni gos yod zer// de
294a5 bzhin sems nyid 'di yang shes par gyis// lus la brten nas gos byung snang ba 'di// sems la brten nas byung bar shes pa'i brda// gos kyi gtums pas lus 'di mi mthong bzhin// sems nyid snang bas
294a6 'khrul pas sems ma mthong// gos phud lus de gang yin mthong ba bzhin// snang ba gang dag de ru sems nyid mthong// de ltar brda bstan dbang bskur bya ba ni// hUM hUM hUM/ snang ba longs sku'i dkyil 'khor
294b1 mdzes pa ru// gsal ba 'dzin med shel 'od sna tshogs kyis// sku dang ye shes stong pa'i sgron ma mchod// sems nyid skye med rtogs par byin gyis rlobs// zhes pas spros med brda yis dbang bskur la// slob
294b2 mas yon dbul nyams myong dga' ston bya// snang ba stong par rtogs phyir bla ma la// bu dang chung ma nye 'khor tshogs rnams dbul// mi mchog phul bas don mchog 'grub par 'gyur// gang zag 'bring po brda
294b3 yis ma grol na// bsgom pa chig nod gnad kyi man ngag ni// stangs gsum sngon bzhin byas pa'i mig gis blta// longs sku'i gzigs stangs thad ka'i dbyings la blta// dbyings rig gnyis su med pa'i
294b4 mngon sum la// ma yengs khrel le gnas lugs rang sar gzhag/ sems nyid stong pa nyid du grol nas su// mngon shes snang ba thams cad dngos med du// chos nyid stong pa'i rang dngas nyams snang du// 'od
294b5 dang 'od khyim 'ja' 'od snang bar 'char// nyams snang de nyid gong nas gong du 'phel// thig le thig phran rtsibs shar gyen 'greng dang// thig le'i nang du sku dang 'od kor 'char// shar yang snang ba tsam la
294b6 dngos po med// de nyid yun du brkyangs pas zag bcas kyi// snang ba med par ye shes snang bar 'char// 'ja' 'od la sogs mthong snang thams cad la// 'dzin pa med par grol nas stong gsal du// ye shes
295a1 snang bar lam me zhen pa zhen// rang snang stong pa'i dbyings la rig pa'i ngang// ye shes gnyis med tshul 'chang rtog med nyams// gang ltar byas kyang de bzhin kun tu snang// snang ba tsam las
295a2 'dzin med nam mkha'i ngang// gsal 'grib med pas dbyings rig 'dres pa ste// rang sems snang ba stong pa nyid du grol// stong pa nyid la sgom rgyu ci yang med// sgom rgyu med pa dmigs med don gyi sgom// sgom
295a3 rgyu can ni dmigs gtad mtshan ma'i chos// bsgom pa ma yin gzung 'dzin 'khrul pa yin// dmigs gtad mtshan ma med pa'i ngang bsgom de// 'od gsal 'dzin pa med pa'i longs sku yin// rang byung ye shes
295a4 chen po mngon gyur pa'o// de nyid gtan la phebs pa'i rtags tshad ni// dngos kyi rtags su lus ngag yid gsum la// rang bzhin kun gyis mthong bar lus po yang// ngag ni gsong por ma bslabs chos skad
295a5 'ong// yid la mngon par shes pa thogs re 'char// bla ma'i mos gus lhag par che ba 'ong// nyams kyi rtags su rang lus 'od du 'gro// rang gi sgra rnams brag cha lta bur 'char// sems ni 'od gsal gyur
295a6 nas lus ni snang// nyams snang stong pa don thog grol ba'i tshad// snang ba'i 'phel nyams dngos por mi snang bar// 'od snang 'ba' zhig ngang du mthong ba tshad// cir yang 'dzin med stong pa'i rang bzhin du// ngo
295b1 bo nyid kyis rang sar grol bar rtogs// nyin mtshan med de rmi lam du zin na// chos nyid stong par nyams kyi tshad la phebs// de nyid bskyungs na lo gsum zag bcas kyi// phung po mi snang longs skur sangs
295b2 rgya'o// tshad la ma phebs bar dor grol bar 'gyur// nyams snang 'phel 'grib zad nas tshad la phebs// chos nyid stong gsal longs sku mngon gyur pas// chos nyid go yul mi 'jog myong bas grub pa e ma
295b3 ho// sems kyi ngo bo stong pa yin pa la// gang zag tha mal de nyid ma rtogs na// de yi man ngag tshig tu sgrog pa ni// sems nyid stong pa'i nyams snang rang shar la// dbyings rig gnyis med nyams su mi shes
295b4 par// nyams la mngon par zhen na mtshan mar gol// mtshan mar bzung na chos su bzung yang 'khrul// zhen pa yod na stong pa nyid kyang gzugs// snang ba stong pa nyid du mi grol bas// snang stong gnyis med
295b5 don de ma rtogs na// kun rdzob yin te rtag chad mtha' la shor// snang ba sems su shes kyang ma grol bas// gsal stong rang byung ye shes ma mthong sgribs// de don rtogs phyir bsgoms pas gtan la
295b6 dbab// mthong nyams tshor nyams shes nyams gang shar la// de yi steng du ma yengs de nyid bsgom// bsgom pas de nyid gtad med yal nas 'gro// 'khrul dang ma 'khrul ngo bo gcig pa ste// 'gro la sems
296a1 rgyud gnyis su ma grub pas// sems nyid ma bcos rang sar bzhag pa yis// dper na smig rgyu'i chu la steng du phyin pa tsam// chu med smig rgyu yin pas yal nas 'gro// chu yod na ni med par mi
296a2 'gro bzhin// nyams snang 'char tshul dngos por shar na yang// de nyid rang la brtags shing dpyad pa tsam// gzhi med rtsa bral stong par grol nas 'gro// dngos po yin na 'char du ga la btub// chu zla gsal
296a3 bar snang yang 'dzin rgyu med// nyams snang gsal yang 'dzin pa'i yul ma grub// 'dzin pa med pa gsal yang stong pa yin// stong pa yin pas ma 'gags cir yang 'char// shar yang stong pa nyid la stong par
296a4 shar// rang shar rang grol chu dang chu rlabs bzhin// sna tshogs shar yang sems nyid stong par grol// stong pa nyid la dngos po mtshan ma med// med bzhin gsal bas nam mkha' lta bu yin// nam mkha' ma
296a5 'gags sprin dang 'ja' tshon shar// shar yang nam mkha'i ngang la nam mkhar grol// de bzhin snang ba 'di dag sems la shar// sems kyi klong na gnas shing sems su grol// sems nyid ci yang ma grub ngo
296a6 bos stong// stong pa'i rang bzhin gsal la 'gag pa med// 'gag med rnam par dag pa sems nyid de// dang po byung sa med de rgyu yis stong// bar du skye sa med de rkyen gyis stong// tha mar 'gag pa med de ngo
296b1 bos stong// dug gsum snga phyi med par mnyam pas stong// dbyibs dang kha dog med de ngo bos stong// thog mtha' 'gro 'ong med de rang bzhin stong// snang ba ngos gzung med de mtshan mas stong// sems la phyi
296b2 nang med pas gzung 'dzin stong// sems la dngos po med pas rtag lta stong// gsal la 'gag pa med pas chad lta stong// mtha' dbus phyogs cha med pas gnyis ka stong// phyogs med rtsis las 'das pa
296b3 gnyis kas stong// nye skyon yangs pa med pas gnyen pos stong// gdod nas grub pa med pa bdag gis stong// ye nas 'pho 'gyur med pa stong pas stong// de ltar stong pa nyid kyi rang bzhin la// sems can blo
296b4 la nyams myong gsal rig kyang// de la mtshan ma'i dngos po rdul tsam med// 'das pa'i snang ba nam mkha'i bya rjes 'dra// da lta'i snang ba dngos med bar snang 'dra// ma 'ongs snang ba cha med yul dang
296b5 'dra// dus gsum skye 'gag med pa gdod ma nas// ye nas yin pa'i gnas lugs shes par bya// dus gsum mnyam pa nyid du stong pa'i sems// skye 'jig 'pho 'gyur med pas nam mkha' 'dra// mtha'
296b6 dbus phyogs cha bral bas nam mkha' 'dra// gang stong gsal 'grib med pas nam mkha' 'dra// kun khyab ngos gzung med pas nam mkha' 'dra// sna tshogs ris med 'char bas nam mkha' 'dra// don la 'gro
297a1 'ong med pas nam mkha' 'dra// nam mkha' lta bu'i sems la ci shar yang// dper na rmi lam dag gi bde sdug rnams// sad sad stong ste bde sdug rang grol bzhin// rnam par rtog dang mi rtog sna
297a2 tshogs kyang// gnas lugs dran pas stong ste rtsol ba med// mdor na gzung 'dzin mtshan ma'i nyams snang kun// ji ltar snang yang rig sems yin te stong// sems nyid gdod nas ma skyes skye med la// dus
297a3 gsum dus med stong pa cig chod du// ye shes mig gcig dri med shes par gyis// gzung 'dzin zhen pa bral ba'i rig pa yis// stong 'dzin dri ma bral ba'i ngang nyid du// gnyis med ye shes rol par spyod pa
297a4 yis// rang sems longs spyod rdzogs skur lhun gyis grub// kun snang byang chub sems kyi chos nyid la// bde chen rgyal po gnyis med rol ba'i dpa'// stong nyid snying rje'i mnga' bdag yang dag don// rnam par
297a5 rtog pa rang byung 'od po che// de nyid rtogs na dge sdig med par grol// 'di nyid ma rtogs dge sdig gang spyad kyang// mtho ris ngan song 'khor ba las mi 'phags// 'di nyid rtogs na sdig pas gnod mi
297a6 skyel// bar snang stong par chu ni mi 'chags bzhin// stong pa nyid la sdig pa'i yul ma grub// dge ba dag gis phan par mi nus te// mtshan mo mun pa'i gling du mar me gcig khyim gang tsam gyi mun pa sel gyur
297b1 kyang/khri gdugs nyi ma mkha' la gdal ba'i tshe// mar mes 'phel 'grib gang yang mi nus bzhin// rang sems stong gsal ye shes rtogs tsam na// dge bas phan gnod gang yang ma grub bo// de bas a ti
297b2 yang gsang chig chod de// tsit+tar phul cig sa ma ya ho// e ma gang dag rab la brda yis bstan pas grol// snang sems stong par rtogs pa'i rigs kyi bu// stong pa chos nyid don la ngo sprad pa// rig pa tshad la
297b3 phebs pa'i snang ba yis// rang grol chig chod rtogs phyir bla ma la// gnyis med rang grol dbang bskur zhu zhes pa'i// snga dro'i dus su slob mas gsol btab la// bla mas nam mkha'i dbyings kyi dkyil 'khor
297b4 du// ting nge 'dzin gyi mchod pa rgyas par dbul// de nas slob mas gcer bur phyag btsal la// 'greng tshug thal mo sbyar te gsol ba ni// e ma ho// kun bzang bla ma chos sku rang grol la// dus gsum dus
297b5 med gus pas gsol ba 'debs// stong gsal 'gag med spros bral dkyil 'khor du// rang grol gnyis med chen po'i dbang bskur zhu// zhes gsol ba lan gsum gdab par bya// de nas bla mas stong nyid
297b6 sems kyi bu// rang grol don la 'jug par spro lags sam// zhes brjod slob mas lan du spro zhes bya// de nas slob mas dam bca' dbog pa ni/ khyod kyis snang stong zhen 'dzin spangs nas su// stong gsal
298a1 rang grol chos sku'i don la ni// rang bzhin lhug par spyod par dam chos shig/ de las log na khyod nyid brlag par 'gyur// ces pa dam chu byin la dam bca'o// de nas brda yi dkyil 'khor
298a2 bstan pa ni// stong pa stong 'dzin zhen nyams phyir phud la// rang grol dri med mig gis dal la ltos// dkyil 'khor chen po nam mkha' yangs pa yin// nam mkha' gsal yang dngos po med pa bzhin// sems
298a3 nyid gsal la dngos po med pa'i brda// nam mkha' dngos med dbyings na gsal ba bzhin// sems nyid stong pa ci yang 'char ba'i brda// nam mkha' gsal rdzogs dbye ru med pa bzhin// sems nyid gsal
298a4 stong dbye ru med pa'i brda// nam mkha' mtha' 'bral ye stong yin pa bzhin// sems nyid ma bcos spros bral yin pa'i brda'o// de nas bla mas bu khyod su yin dri// nga ni rang byung ye shes yin bya'o/ khyod kyi
298a5 gcer bu'i lus ni ci yin dri// nga yi lus 'di gos med gcer bu'o// zhes pa slob mas brjod la bla ma yis// lus po gcer bu gdod nas yin pa la// de la gos bskon ngo tsha'i 'dzin pa byung// de bzhin
298a6 sems nyid gdod nas ye stong la// de la snang bar bzung bas 'khrul pa byung// lus po chas med ngo tsha'i 'dzin pa bral// lus kyi ngo bo gang yin gcer bur gsal// de bzhin sems la 'dzin med 'khrul pa
298b1 grol// sems kyi ngo bo zang thal gcer bur rtogs// de ltar brda bstan dbang bskur bya ba ni// hUM hUM/ rang grol chos sku'i dkyil 'khor rnam dag tu// gsal stong nam mkha' don gyi lha tshogs kyis// rang byung
298b2 ye shes rtsol med kun tu bzang// ma bcos lhun gyis grub par byin gyis rlobs// zhes pas rang grol brda yi dbang bskur la// slob mas yon dbul rtogs pa'i dga' ston bya// bdag 'dzin rang sar grol
298b3 phyir bla ma la// rang gi lus ngag yid gsum thams cad dbul// sgo gsum phul bas sku gsum 'bras bu thob// gang zag 'bring gis brda yis ma go na// de la man ngag gnad kyis bstan pa ni// stong gsum
298b4 sngon bzhin byas pa'i gzigs stangs ni// sprul sku'i gzigs stangs mig gnyis mar la blta// gsal stong gnyis su med pa'i ngang la bzhag/ de nyid don la yun du bskyangs pa las// snang ba nyams kyi 'phel
298b5 nyams 'char tshul yang// rang bzhin med pa'i stong pa nyid du grol// stong pa nyid la stong nyid zhen pa med// zhen 'dzin med pa'i stong gsal chen po ru// gsal le seng nge ye re cir mi dgongs// gzung 'dzin
298b6 mtshan ma'i bag chags gang yang med// 'od gsal bar ni dus gsum dus med par// gnyug ma rang grol bde ba chen po'i ngang// ji ltar byas kyang gsal 'grib med par rtogs// snang stong gnyis 'dzin rang
299a1 sar grol ba yis// rang 'byung rig pa'i ngo bo lhag mthong bas// ma bcos lhun grub chos sku de ka yin// de nyid don thog tshad la phebs pa'i rtags// dngos rtags rang bzhin kun gyis mthong
299a2 snang du// lus kyi dngos 'dzin med cing chur mi 'bying// lus la de ltar med pa'i mtshan rtags dang// ngag gis ma bslabs chos dang gzhan phan 'ong// yid la zag pa med pa'i mngon shes 'char/ khyad par
299a3 rang nyams lus ngag yid gsum la// gang yang 'dzin pa mi dran brjed nas su// stong gsal 'dzin med ngang du ci byung yang// thams cad de kar khrol khrol song nas su// ri brag la sogs zang thal snang ba
299a4 yod// de nyid ngang la nyin mtshan bye brag med// rmi lam 'khrul pa gtan nas chad nas 'gro// 'di nyid bskyangs na lo gcig mngon sangs rgya// 'bras bu phyogs su ma gol kun grol sems// rang grol chig chod
299a5 lhun grub e ma ho// gang zag tha ma gnad kyis ma grol na// man ngag chig chod bkrol nas bstan pa ni// sems nyid ye nas rang grol chen po la// stong dang mi stong bsgoms pas gol sar lhung// snang bar
299a6 bltas na mtshan ma'i phyogs su 'khrul// de la bzung na rtag par lta bar gol// stong par bltas na ye shes gsal cha med// de la zhen na chad par lta bar gol// gnyis med bltas na gcig tu ngos 'dzin
299b1 byung// gcig tu grub na mang po dag kyang 'ong// des na stong dang mi stong yul las 'das// ma bcos rang grol 'di ka chos nyid yin// 'di la phyogs cha'i 'dzin pa ci yang med// 'dzin med shugs 'byung ngang
299b2 de skyong ba yin// gal te 'char tshul dgag tu med pa yis// ji ltar shar yang 'dzin med rang grol tu// dper na chu la ri mo bris pa bzhin// dran stong skad cig snga phyi grol nas 'gro// gdod nas ngo bo ye grol
299b3 yin pa la// stong nyid bsgoms pas chos sku ma mthong bsgribs// stong nyid 'dzin rgyu med par bsgom pa ni// sgom du yod pas gzung 'dzin 'khrul bas bcings// chu rnyog bsal bas slar la rnyog pa
299b4 bzhin// rtog pa bsal phyir rtog med sgom pas slong// rtog pa zhen pas stong nyid sgom pas phung// chu rnyog ma bcos bzhag pas dwangs pa bzhin// snang ba ma bcos rjes ma 'brangs pas grol// sems nyid
299b5 gzhi med rtsa bral don rtogs nas// dngos 'dzin zhig pas snang bas 'ching mi nus// chu zla snang yang snang stong dus mnyam zhing// glo bur thol skyes rnam rtog snang ba yang// snang tsam nyid na grol ba mngon du
299b6 gsal// sems nyid stong nas rang grol gzhi rtsa med// gzhi med don la stong nyid ming du btags// ji ltar mo gsham bu yi mtshan nyid bzhin// ming la stong pa don du grub pa med// stong pa ma yin gsal bar
300a1 shar ba yin// shar yang dngos med nam mkha'i me tog bzhin// gsal ba tsam las 'dzin pa'i yul ma grub// ye stong ye grol rang bzhin lhun grub yin// gcig tu ma grub du ma bral ba
300a2 la// kun rdzob don dam snang stong gnyis su phye// mig nad can la mkha' zla gnyis snang bzhin// log lta can gyis snang stong gnyis su rtogs// rab rib can gyis mkha' la skra mthong yang// skyon med mig gis
300a3 ci'ang mthong ba med// kun rdzob 'khrul pa yod med gnyis snang yang// don dam ngang du yod med gnyis su med// don dam gnyis med mtha' bral brjod 'das la// snang bsam bsgom bya shes bya'i yul ma
300a4 yin// de la chos kun stong par rtogs pa kun// phyogs rtogs yin phyir chos nyid don ma yin// rang sems gnyis med mtha' bral stong pa la// stong pas stong pa bsgom du ga la yod// mig gis mig ni mthong
300a5 bar mi nus bzhin// bsgom bya sgom byed gnyis su ma grub ste// rang shar rang grol rang byung lhan skyes yin// sbrul gyi mdud pa bzhin du rang bzhin grol// rgyu yis ma bskyed rang bzhin nyid du grol// rkyen gyis
300a6 mi 'jig 'gyur ba med par grol// stong par ma zhen rang gsal nyid du grol// dngos por ma grub skye ba med par grol// yod par ma grub skye bar med par grol// med par ma stong 'gag pa med par
300b1 grol// phyogs su ma lhung dbyer med gcig tu grol// gcig tu ma grub mtha' dang bral bar grol// yin pa ma yin min pa med par grol// bcos ma ma yin lhun grub nyid du grol// grol dang ma grol brjod du
300b2 med par grol// brjod med blo 'das rang grol chen po ste// blo 'das yid ches bral ba'i don de nyid// mtha' brgyad bskyon gyis ma gos mnyam pa nyid// rnam par rtog med chos sku lhun gyis grub// sangs
300b3 rgyas thog ma tha ma med pa ru// ngo bo nyid du kun tu bzang por grol// 'di nyid rtogs nas bsgoms dang ma bsgoms med// bsgoms kyang yon tan skye rgyu rdul tsam med// dper na nam mkha' ye stong stong par
300b4 bsgom mi dgos// bsgoms kyang de las stong du mi 'gro bzhin// sems nyid chos sku stong gsal 'dzin med la// bsgoms kyang de bas bzang du 'gro rgyu med// ma bsgoms bzhag kyang ngan du 'gro rgyu med// nyi
300b5 ma'i snying po sa yis byings gyur kyang// nyi ma'i ngo bo gsal 'grib med pa bzhin// sems nyid 'khrul snang mtshan ma'i chos spyod kyang// stong gsal chos sku'i ngang la gsal 'grib med// 'bras bu rgyu ru mi
300b6 zlog rdul bzhin du// rnam dag chos kyi sku la 'gyur ba med// 'gyur med kun la khyab pa'i thugs rje can// sgom du med de shes bya'i yul las 'das// yengs su med de ngo bo nyid kyis gsal// snang stong rang grol chos
301a1 nyid chos kyi sku// sangs rgyas las kyis mi bsgrub sngon gyur pa// rdo rje sems dpa' dus 'dir mthong ba yin//// e ma ho// stong pa rang sar grol ba'i skyes bu mchog/ gang zag rab la
301a2 brda yis bstan pa ni// rang grol lhun grub don la ngo sprad pas// chos nyid zad sar skyol ba'i snang ba yis// lhun grub chig chod rtogs phyir bla ma la// lhun grub de nyid dbang bskur zhu zhes pa'i// nyin gung
301a3 dus su bla ma la zhus pa// bla mas dben pa'i gnas su slob ma khrid// slob mar gcer bu nyid du phyag btsal la// thal mo sbyar te gsol ba 'di skad gdab// e ma ho// kun bzang bla ma bde ba chen po
301a4 la// rang gsal chos sku'i ngang nas gsol ba 'debs// lhun grub bde ba chen po'i dkyil 'khor du// kun mkhyen rdzogs sangs rgyas par byin gyis rlobs// zhes pas gsol ba lan gsum gdab par bya/ de
301a5 nas bla mas rang grol chos nyid bu// lhun grub don la 'jug pa spro lags sam// zhes brjod slob mas lan du spro zhes bya// de nas bla mas dam bca' dbog pa ni/ khyod kyis grol rgyu'i 'dzin pa zad nas
301a6 su// zag med sangs rgyas lhun grub bde ba yin// rtog med mkhyen pa'i don la dam chos shig/ de las 'gal na khyod kyi 'tshig par 'gyur// ces pas dam tshig 'gyur med bstan byas la// de nas brda yi
301b1 dkyil 'khor bstan pa ni// khyod kyis 'dod zhen blo 'dzin rang grol la// sgrib med ye shes ma bltas ma mthong ba'i// bcos pa med pa'i lhun grub dkyil 'khor ltos// blta ru med de gsal ba 'di ka
301b2 yin// gsal la mi rtog chos sku'i dkyil 'khor la// phyogs ris med de kun khyab gzugs ma grub// gsal 'grib med de zang thal 'di ka ru// thams cad ngo bo nyid du rdzogs pa yin// mnyam yangs lhun
301b3 gyis grub pa'i dal la ltos// zhes pas chos nyid brda yi dkyil 'khor bstan// de nas bla mas bu khyod su yin dri// nga ni bdag med kun grol yin byas la/ khyod kyi lus 'di ci yin dri bar bya// nga yi lus 'di
301b4 gcer bu zang thal te// ces pa slob mas brjod pa bla ma yis/ khyod kyi lus 'di bla phyi bar gsum du// ma bcos rang byung gcer bu yin pa bzhin// sems nyid dus gsum dus med thams cad du// ngo bo ma
301b5 bcos rang gsal chos sku yin// lus la gos kyi gos phud ngo tsha bcos// gos med gdod nas gcer bu ngo tsha bral// sems kyi 'dzin pa snang stong 'khrul pas bcings// 'dzin med sems la rtog dang 'khrul pa
301b6 med// kun grol mnyam yangs bde ba chen po yis// rtog pa med pa'i 'char tshul mkhyen pa yin// de ltar bstan pa brda dbang bskur ba ni// hUM kun grol bde ba chen po'i dkyil 'khor du// 'dzin med cir mi
302a1 dgongs kyi lha tshogs kyis// shugs 'byung yon tan gdod nas rab rdzogs pa'i// lhun grub bde ba chen por byin gyis rlobs// zhes pas lhun grub brda yi dbang bskur la// slob mas yon
302a2 dbul dga' ston chen po bya// kun don yon tan rdzogs phyir bla ma la// bdag gzhan ma lus longs spyod thams cad dbul// thams cad phul bas thams cad mkhyen nyid thob// gang zag 'bring pos brda yis
302a3 ma go na// man ngag gnad kyi sgo nas bstan pa ni// lus ngag yid kyi 'dug stangs gang bde la// dbyings rig gnyis med rang grol chos nyid ngang// bcos pa med par gnas lugs bskyangs pa
302a4 yis// sems nyid stong par grol nas nyams snang zad// stong nyid ma 'gags phyogs med kun tu gsal// gsal la ngo bo cir yang ma grub pa'i// 'di zhes bsam brjod yul las 'das pa'i don// min par
302a5 byas kyang de nyid byed ma shes// yin par byas kyang gsal du 'gro rgyu med// gang ltar byas kyang 'dzin pa med pa yi// ka dag lhun grub bde chen mngon gyur nas// rnam par rtog med cir yang gsal ba'o// chos
302a6 nyid zad pa'i snang ba zhes bya ste// snang bar ming du btags kyang gsal cha yin// gsal la 'dzin med 'char ba mkhyen pa yin// de la rnam rtog rdul tsam ma mchis pas// rnam rtog mi mnga' ci yang sa ler
302b1 mkhyen// mkhyen pa'i ye shes byang chub mngon sangs rgyas// lam rtags yon tan chos dang ye shes zad// gdod nas ma bcos kun tu bzang po'i sku// grub tu med pa'i lhun grub yon tan rdzogs// sangs rgyas
302b2 'di ka yin no chig chod don// ma bcos tha mal shes pa chos nyid la// thams cad lhun gyis grub pas chos kyi sku// sa lam sbyang bgrod med pa'i rdzogs pa che// thams cad rang grol lhun grub yin pa la// gang
302b3 zag tha mas de ltar ma rtogs na// gnad kyi man ngag tshig gis sgrol ba ni// sems nyid gdod nas skye 'gag med pa yi// rgyu med rkyen zad 'bras bu ma grub pa'i// rang bzhin lhun grub chos sku yin pa
302b4 la// snang dang stong dang grol rgyu ma grub ste// rgyu med chos la snang stong blos btags tsam// btags pa thams cad med ste don med la// grol rgyu'i chos dang grol mkhan gnyis su byas// nyon mongs ye shes grol
302b5 ba'i 'bras bu 'dod// ye shes lam yin mthar thug don ma yin// shes bya'i chos rnams gzung 'dzin 'khrul ba ste// mthar thug don la grol rgyu grol sa med// thams cad chos nyid skye med rang bzhin
302b6 yin// gser gyi gling na sa rdo'i ming yang med// ji ltar byas kyang gser las ma 'das bzhin// chos nyid ngang las gar yang gol sa med// de nyid med pas 'dzin pa'i yul ma grub// bya yis gar 'phur nam
303a1 mkha' las ma 'das// ci shar ci byung ci snang chos nyid ngang// chos nyid dbyings la stong par ming btags kyang// dbyings dang rig pa gnyis med chos sku yin// chos kyi sku la gnyis med gcig
303a2 ma grub// mtha' las 'das te phyogs med mnyam pa nyid// yod med gang du'ang ma yin ngo bo nyid// ngo bo nyid la 'di zhes mtshon du med// gal te mtshon bya mtshon byed yod srid na// dngos po yin phyir chos
303a3 nyid don ma yin// chos nyid ka dag mtshon pa'i yul las 'das// mi stong don de smra bsam brjod las 'das// lung rigs tshig dang brda yis mtshon mi nus// tshig dang tha snyad glo bur sgro btags tsam// de
303a4 nas sems don tshig gis mtshon du med// chos nyid mtshon pa'i nam mkha' dper bzhag kyang// re zhig phyogs tsam mtshon pa'i brda tsam ste// sems nyid rig bcas stong pa mtha' bral te// nam mkha' rig
303a5 med stong pas mtshon mi nus// nam mkha' nyid kyang rang gi sems yin pas// de phyir sems don nam mkha' mtshon du med// mtshon bya mtshon byed blo las 'das pa'i don// med pa ma yin rig cing gsal la
303a6 dngos// yod pa ma yin cir yang ma grub stong// stong gsal 'dzin med nyams kyi snang ba dang// shes dang shes bya'i chos kyi blau zad nas// 'dzin med gsal ba 'di ka sangs rgyas yin// de las logs na
303b1 sangs rgyas yod mi srid// 'dus ma byas shing lhun gyis grub pa ste// mkhyen dang brtse dang nus mthu ldan pa yis// sku dang ye shes gzhan gyi snang ba tsam// mkhyen pa'i stobs las shugs kyis 'char ba
303b2 yin// gzugs sku'i 'gro don gdul bya'i snang ngor byon// me long dag la gzugs brnyan gsal ba bzhin// dag pa'i gdul byar dag pa'i sku ru byon// me long g.yas sgrib gzugs brnyan mi gsal
303b3 bzhin// ma dag gdul byar ma dag sku ru 'byon// gzugs sku'i 'gro don gdul bya'i snang ngo ste// nyi ma shar tshe mun pa sel ba bzhin// rtsol ba med par rang bzhin 'gro don rdzogs// rdzogs pa'i sangs rgyas
303b4 stong gi dgongs pa gcig/yang gsang chig chod lhun grub rdo rje'i gdan// thams cad kun gyi snying po 'di rtogs na// bla med 'bras bu re dogs med pa ste// dper na don gnyer sgrub po yul sleb nas// lam
303b5 gyi dgra yi re dogs bral ba bzhin// de ltar rang sems chos nyid mngon gyur pas// myang 'das re ba 'khor ba'i dogs pa bral// 'di nyid ma rtogs bskal par bsgrubs gyur kyang// 'bras bu mi thob thob
303b6 'dod 'gyangs// 'di nyid myur du lam bgrod dper na ni// bskal par bsags pa'i mun nag 'thug pos 'gyangs// skad cig sgron ma gcig gis sel ba bzhin// skad cig rtogs pa'i shes rab chen po
304a1 yis// tshogs rdzogs sgrib pa ma lus rang sar dag/ chos nyid mngon gyur 'khor ba dong nas sprugs// 'bras bu ma bcos sku gsum lhun gyis grub// de phyir a ti yang gsang la bzla'i chos// 'di
304a2 nyid ma rtogs gzhan rnams grub mthas bcings// gzung 'dzin rtog pa rigs pas bdud kyis khyer// dge sdig gnyis kyis chags sdang 'khor bar 'khyams// phyi rol pa rnams log pa'i lam du gol// yang
304a3 dag don la sgrib pa 'thug po bsags// nyan thos nga rgyal gzung 'dzin mtha' ru gol// thams cad mkhyen pa'i ye shes gtan du sgrib// phar phyin dbu ma bden gnyis mtha' ru gol// chos sku mngon gyur lam
304a4 gyi chos kyis sgrib// gsang sngags theg pa bskyed rdzogs mtshan mar gol// don dam dmigs med kun rdzob dmigs pas sgrib// a ti phyogs gcig snang ba'i nyams la zhen// la la bshos kyis stong par
304a5 bltas pas gol// 'ga' zhig blos byas rgyas btab stong par gol// phyogs med don la phyogs su zhen pas bsgribs// a ti chig chod gol sgrib kun las grol// rin chen gling na rdo yi ming med
304a6 bzhin// rang bzhin med pa gang yang med pas na// gol rgyu gol sa ci yang yod min te// chos rnams thams cad ming tsam brda btags tsam// yang dag don la chos nyid ngang du gcig/ 'byung ba thams cad
304b1 nam mkha'i ngang du gcig khams gsum ma lus sku gsum zhing khams yin// mtha' gol sgrib med ye dag chos sku yi// thig le nyag gcig a ti yang gsang mchog/ theg pa'i mthar thug rgyud kyi snying po
304b2 ste// sangs rgyas dgongs pa chig chod e ma ho// zhes bka' stsal to// rdzogs chen chig chod kun grol chen po'i rgyud las/ dngos gzhi man ngag gi le'u ste bcu pa'o//// rang byung ye shes rdo rjes yang
304b3 gsol pa// e ma ho// bcom ldan lhun grub 'dus ma byas pa'i dpal// de ltar dngos gzhi gnad kyis rtogs byas nas// mthar 'don rjes 'jug man ngag ji ltar ston// de don 'dus pa'i 'khor la bshad
304b4 du gsol// zhes gsol pas/ de nas bcom ldan 'das kyis bka' stsal pa/ rang byung chig chod thig le nyag gcig la// kun rdzob bzhi'am snang stong sems gsum byung// de gsum so sor bzung bas ma rig
304b5 'khrul// de rnams dbyer med gcig tu rtogs pa la// dbyings rig gnyis med lta sgom spyod gsum byung// de rnams 'bras bu sku gsum mthar thug ste// sku gsum lhun grub chig chod rdzogs sangs
304b6 rgyas// 'bras bu ma thob bar du rtsal sbyangs nas// bag chags gzung 'dzin phra mo dag bya'i phyir// de nyid mtha' 'don rjes kyi man ngag ni// rang snang dang ni gzhan snang gnyis las su// rang snang snang srid
305a1 'khor 'das ma lus pa// ye nas rang sems mtha' bral rtogs pa yis// blta ru med pa'i lta ba phyogs med la// yengs pa med pa'i gnas lugs bltas pa yis// mthong ba med pa'i chos nyid
305a2 rang sar mthong// bsgom du med pa'i rang gsal ngang sgom gyis// dmigs su med pa'i chos sku mngon du gyur// chos sku rtsol med rang bzhin lhug par spyod// lhug pa ma bcos rang dag sangs rgyas yin// ye
305a3 nas yin te blo yis dpyad mi dgos// gnas lugs shes pa ma bcos rang lugs la// rtag chad med pa'i ngang la rang sar zhog/ bya btsal med pa'i ngang la lhag par skyongs// de ka'i ngang la bya rgyu ci yang
305a4 med// dben pa'i gnas su 'dug gam gtan la dbab// rdzogs pa chen po bya bral klong chen yin// lus kyi bya bral gcer nyal 'phrig men yin// lus kyi dngos 'dzin dag tshe bya bral yin// 'dzin pa ma dag
305a5 bya rgyu yod pas na// gcig pur dben par sdod la rnal du phob// 'dzin med lus de lus med lus kyi mchog/ gang du mi gnas zang thal nges med spyod// rdzogs chen don la brjod du med pa yin// ngag gi
305a6 brjod med rang gsong lhug par smos// ji skad smras kyang 'dzin bral brjod med yin// ngag la 'dzin pa 'dug na brjod bya yin// mi smra dgos don gzhan dang blo mi bsre// 'dzin med ngag de tshangs pa'i skad kyi
305b1 mchog/cir yang ma nges zang thal gsong por smra// rdzogs pa chen po bsgom du med pa yin// yid kyis sgom med gtad med rang gsal skyongs// yid kyi gzung 'dzin dag tshe sgom med yin// ji srid gzung
305b2 'dzin yod tshe sgom du yod// ma yengs lta sgom dag la brtson 'grus kyis// gzung 'dzin med pa'i sems de sems dpa' mchog/ ci yang mi rtog zang thal ye shes gsal// rdzogs pa chen po kun grol chig chod
305b3 yin// lus ngag yid gsum rang grol lhug par skyongs/ gang du 'dzin pa med na rang grol yin// 'dzin med lus ngag sangs rgyas sku gsung thugs// 'dzin pa 'dug na ma grol sems can yin// dben par
305b4 gcig pur lta sgom gtan la phob// gzung 'dzin med na rnal 'byor dbang phyug che// he ru ka dang gnyis med bcom ldan 'das// mngon par sangs rgyas lhun grub zang thal lo// chig chod don la gnyis su ma
305b5 grub kyang// gnyis po gzhan snang thabs la spyod pa ni// mi dge spang zhing dge la shugs kyis spyod// dge sdig 'bras bu 'dod pa'i blo ma grub// dam tshig bsrung sdom spyod pa shugs kyis legs// nyes ltung
305b6 nyams chag skyon dang 'dzin pa med// bla ma'i mos gus 'gro la snying rje skyed// bdag dang sems can bla ma'i log lta med// 'gro kun don du thabs kyis smon lam gdab// dmigs med shes rab stong nyid ngang
306a1 du bsngos// dper na sgyu ma mkhan gyi sprul pa bzhin// bden rdzun med pa'i gzhan snang thabs la spyod// spyod kyang thabs kyis mi 'ching dug la sngags// thabs shes dug gis mi 'chi dug kyang
306a2 sman// sngags kyis ma thebs dug can kha zas ni// che zos chung zos thams cad 'chi ba bzhin// dngos po gshis kyi gnas lugs ma rtogs na// dge ba'i chos la spyad kyang 'khor bar 'khyams// sems nyid
306a3 nyag gcig rtsa bral don rtogs na// thabs shes gnyis med zung 'jug chos sku yin// byams dang snying rje'i dkyil 'khor yangs pa yin// pad+ma lta bu'i gar gyi rnam 'phrul gyis// thabs kyis mi mnga' shes rab
306a4 'khor ba yin// don gcig gnyis med chos kyi don du spyod// spyod pa mthar phyin khrul pa med pa yin// chos sku bde ba chen po e ma ho// rdzogs chen nyams len gyi cha lag tu/ rang gzhan gnyis don dug lnga
306a5 lam du khyer// 'dod chags lam khyer 'dod yul gzungs ma la// dang po 'dod chags bskyed pa rang nyid ni// bde ba'i rang bzhin gzungs ma mdzes la blta// rdo rje pad+ma bskyod pas 'dod chags 'char// rnam
306a6 pa lte ba'i gnas su thig le 'bab// de nas 'dod chags bzung ba thig le rnams// hig gis gsang ba'i gnas su phab la gzung// bshang ba bsdams la dmigs pa u rgyan gtad// de yis 'dod chags bde
306b1 ba chen por zin// bde ba ma skyes bskyod pas tshad med skye// de nas ma zin 'dod chags nang du sgram// hig ces brjod pas rlung sems spyi bor drang// gsang gnas hig de yar la spyi bor sim// lus ngag bde
306b2 ba'i thig les gang bar bsam// yan lag sprug cing lus po bsig par bya// de yi ngang la ka dag don la bzhag/ 'dod chags bde stong ye shes chen por 'char// thun mong yon tan rgas sra gnyer ma
306b3 med// stobs rgyas tshe yi dngos grub thob par 'gyur// zhe sdang drod kyi lam khyer bstan pa ni// dang po zhe sdang bskyed pa skyil krung bya// zhe sdang skye yul thams cad bsam byas pas// zhe sdang 'bar nas lus po
306b4 drod du 'bar// rnam pa snying gi kha ru 'bar nas yong// de nas zhe sdang snying gar 'dus pa de// raM du bsams la ste bar phab la gzung// steng 'og rlung gnyis lte bar bsdus byas la// raM las me byung lus rnams
306b5 'bar bar bsam// de yis zhe sdang drod kyi ngo bor grol// de nas zhe sdang ma zin rang sar gzhil// raM zhes brjod pas rlung sems rang sar gzhil// lus po me yi gong bur gyur par bsam// de yi ngang la ka
306b6 dag don la bzhag/zhe sdang drod kyis gsal stong ye shes 'char// thun mong yon tan lus yang drod skyes shing// gos med gcer bur tshugs shing 'phur shes 'gyur// gti mug gnyid kyi lam mkhyer bstan pa
307a1 ni// dang po gti mug bsam pa dus gsum gyi// rtogs pa bcad la rtse gcig ngang du sdud// rnam pa smin mtshams nyid du 'dus nas 'ong// de nas gti mug gnyid du 'thibs pa de// yi ge a ru
307a2 snying gar phab la bzung// glo g.yas phab la bde bar nyal byas te// rlung sems skye med a yi ngang la bzhag/ de yi gti mug rig stong 'od gsal 'char// de ma zin na gti mug gsang ba ni// a zhes brjod
307a3 pas rlung rig nam mkhar 'phang// nam mkha' lta bu'i stong gsal chen por gsal// de ka'i ngang la ka dag don la bzhag/ de yis gti mug ye shes chen por 'char// thun mong yid gzugs mngon shes
307a4 'char bar 'gyur// nga rgyal na tsha lam du khyer ba ni// dang po nad bsdu sems can thams cad kyi// nad rnams thams cad bdag la 'dus par bsam// rnam par rang re'i gar na lhangs kyis 'ong// de nas nad
307a5 bzung na sar thal mo brdeg/nad rnams phaT tu bsams la mgrin par bzung// rlung sems gcig tu dril la ma yengs bya// de nas ma zin nad dkrug phyir gtor te// gang na dkrug cing mnyes pas nad de
307a6 rnams// sngon dmar dud pa bzhin du 'khrug bsam zhing// phaT ces brjod pas gar nar gseng phug la// phyi ru rang bzhin med par thon par bsam// de ka'i ngang la ka dag don la bzhag/ de yis nga rgyal nad
307b1 de chos nyid 'char// thun mong yon tan lus kyi zo mdog bde// phrag dog lha 'dre lam du khyer ba ni// dang po lha 'dre gdug pa gang gnod 'dre// gang na yod pa'i gnas nas bsam byas pa// yid la khugs nas
307b2 rnam pa snying la'ang// de nas lha 'dre 'dzin pa ha ru bsam// rlung sems rtse gcig de la ma yengs gtad// lha 'dre ma bzod lhang lhang byed du 'ong// de nas ma zin lha 'dre rgyang du ni// ha zhes brjod pas rlung
307b3 sems rgyang du 'phang// lha 'dre nam mkha'i dbyings su yal bar bsam// de ka'i ngang du ka dag don la bzhag/ phrag dog lha 'dre 'od gsal chen por 'char// thun mong yon tan dngos grub thams cad
307b4 ster// rdzogs chen dug lnga mi spang lam du khyer// dug lnga sems su gzhi rtsa chod gyur na// dug lnga skyes kyang dug med chos nyid yin// 'dod chags chos nyid rang rtsal shar ba yin// zhe sdang chos nyid gsal ba'i
307b5 ngang sangs yin// gti mug chos nyid gnas pa'i ngo bo yin// nga rgyal phrag dog chos nyid rol pa yin// chos nyid ngang las bdag gzhan gnyis med phyir// dug lnga rang grol man ngag e ma ho// zhes bka' stsal
307b6 to// rdzogs chen chig chod kun grol chen po'i rgyud las/ mthar 'don rjes kyi man ngag gi le'u ste bcu gcig pa'o//// rang byung ye shes rdo rjes yang gsol pa/ e ma ho// bcom ldan lhun grub
308a1 'dus ma byas pa'i dpal// a ti yang gsang rang byung chig chod de// che ba'i don gyis ji ltar bshad pa lags// de don 'dus pa'i 'khor la bshad du gsol// zhes gsol pas/ de nas bcom
308a2 ldan 'das kyis bka' stsal pa// rdzogs chen chig chod kun grol chen po 'di// nam mkha' bzhin du kun la khyab pa ste// 'di nyid la ni ma rdzogs gang yang med// rdzogs pa'i sangs rgyas kun gyis gsungs
308a3 pa'i chos// thams cad mthar thug 'di ru bstan pa yin// 'di nyid gzhan dang mi 'dra khyad par che// tshig rgyud ma yin don rgyud snying po yin// byas bcos tshig gi rgyud pa'i theg pa rnams// bskal par
308a4 dka' spyad mngon gyis sangs rgyas re/'di nyid mthong ba tsam gyis brol ba ste// bla ma'i drin thob dben pa'i gnas nyid du// zhag bdun don rtogs zla bdun phyir mi bzlog/ mthong bas grol te lo bdun mngon
308a5 sangs rgyas// theg pa gzhan rnams sdig spang dge spel yang// spang blang chos kyis sangs rgyas thob par re// don rgyud 'di la dge sdig phan gnod med// mtshams med lnga yi las byas sdig can spang// bskal
308a6 pa'i mun nag sgron me gcig 'joms bzhin// 'di nyid mthong na sdig med mngon sangs rgyas// 'di nyid ma rtogs dge ba bcu spyod kyang// thad ka'i bde las 'khor ba las mi 'phags// de phyir 'di nyid
308b1 mthong bas grol ba ste// sdig pa ma spangs ye dag chen po yin// dge ba ma byas ye rdzogs chen po yin// sangs rgyas ma bsgrubs lhun grub chen po yin// theg pa gzhan rnams gzhon dus sgom pa las// rgas
308b2 nas mi nus sgom pa mi 'ong zer// 'di nyid la ni na so rgan gzhon med// rgyud pa ldang mi shes pa'i rgas po yang// dgos pa'i gtam de thos pas go ba bzhin// 'di nyid thos pa tsam gyis grol
308b3 bar 'gyur// 'di nyid ma gtogs na so dar gyur kyang// byis pa yin te sangs rgyas don ma rtogs// 'brug gam sa g.yos nyi zla gzas zin dus// bla ma'i drin thob rgyud 'di klog pa na// rtags de gang mthong
308b4 sems can thams cad kyis// 'di nyid thob nas byang chub mngon du byed// de phyir 'di nyid khyad par 'phags pa ste// bsgom mi dgos te thos pas sgom du 'char// ma bsgoms bzhag kyang mi gsal dgag tu
308b5 med// thos pa tsam gyis ye sgom chen po yin// 'di nyid bcangs pa tsam gyis grol ba ste// mthing shog dag la gser gyis yi ge bri// bla ma'i drin thob dar sna lnga yis gril// gang gis rtogs pa'i sems can
308b6 sangs rgyas te// rgyal ba kun gyi 'gro don phrin las 'grub// de phyir 'di nyid gzhan las khyad par 'phags// theg pa gzhan rnams mig dang sna dang lce// dbang po 'gag na don med chos mi 'ong// 'di la
309a1 dbang po dag la rno rtul med// glen lkugs 'on pa dmus long dag la yod// tsan+dan ga pur reg pas dri 'go ltar// gang gi mgul du btags pas grol bar 'gyur// thos bsam mi dgos rtogs
309a2 grol ngo mtshar che// bsgom bsgrub mi dgos rtsol ba'i nad dang bral// 'di nyid 'chang ba sangs rgyas sras yin no// dgos 'dod thams cad 'byung ba'i nor bu ste// dus gsum sangs rgyas thams cad 'di las
309a3 byung// 'di 'dzin rnal 'byor skal ba chen po yin// e ma/ ke ri ke ri/ sa man+ta/ b+ha li b+ha li/ swa ti swa ti/ su ru su ru/ kun d+ha li ma su ma su/ i ka ri li su b+has ta yA+e/ tsa ki ri/ b+hu ling ta ki ta/ ce ye sa mun+ta/
309a4 tsar+ya su ka me/ b+hid sa ne bya ku li/ ka re ke 'du ka na/ ma ta ni be ta ni/ pa ra la ma ta hi si ni/ sa ma b+hud ra ta ma/ g+ha tsa ra ta sa/ sUr+ya b+ha ta sa/ e ba sha na sa ran pa ti sa/ gu si ti ya tha ma/ g+hu ra g+hu ra sa ga
309a5 kha ra na la/na ra na ra/ i tha ra b+hu d+d+ha b+h+ya d+d+ha tshi/ sha ba gye laM/ sa ra ri ri la khe/ pa ta la sa sirna/ be sa be sa ra sa sa laM/ I I/ mA mA/ rwa rwa/ AH rang byung kun bzang yab dgongs so// oM AHhUM/ e ma/ ke ri
309a6 ke ri/ma ta b+ha li/ sa mi ta/ su ru su ru/ kun d+ha li ma su a ka ri li b+ha le/ tsa ka b+hu le ta/ lce ye sa mun+ta/ tsar+ya su g+ha ti/ sa ma bya da g+hu ye/ ka ri d+ha ka ri/ tra ka ma ha ri be/ ha ta na pa ra li hrIH sa man kha ra ka
309b1 te la na/sa b+hud ra ta me ka ra tsa baM taM/ d+ha sa ha ba sur+ya g+ha ta ra A/ na ma ba ra b+hi hi/ ti sa gu ra laM/ ma smin sa gu ti la/ ra na laM nga na ra na ra/ i tha ra pa ta lam/ sirna sirna g+he sa ra laM/ sa g+he laM/ ba sA/ ri rwi
309b2 li lwi/a I/ ma mI/ ra rwa/ A/ kun bzang yum gyi dgongs pa'o// dbang po'i zhen pa bzlog pa'i phyir/ karma rak+sha g+hi haM ti/ phung po'i zhen pa bzlog pa'i phyir// be ga ra Na so gad gling// yul kun zhen pa
309b3 bzlog pa'i phyir// spu ti ri la b+ha tu tri// sems kyi dngos po sprug pa'i phyir// raM pa ka la sa mi khye// byung tshor gnas su dgag pa'i phyir// ma tang pha phaT ra me ta// 'du tshogs snang ba ngos gzung phyir/ kha d+ha rak+Sha
309b4 sa smig klu// rig pa btson rar gzhag pa'i phyir// e kha ra na b+he tsag sha/ 'khrul pa'i rang rgyud khungs gcad phyir// ya ri mu ta sa gu li// rigs drug rim gyis bsgral ba'i phyir// ya sing nga stung ba la
309b5 ya// 'khor ba dong nas gdon pa'i phyir// ma ma ko ling sa mi ta// chos can thur du gzhug pa'i phyir// g+ha ri yaM b+ha ri ma ti// ro yi yul khungs spung pa'i phyir// bu ga si ha sa g+ha lA// zhen pa'i phreng thag gcad
309b6 pa'i phyir// ra mi li bi le ta sa// lug rgyud ar la gtad pa'i phyir// big gu ma la sa taM ki/ lha yi phyag rgya blta ba'i phyir// sa ma ti laM d+he ra sa// lta sgom log pa dag bya'i phyir// badzra swa ta tri to me// sa
310a1 lam dus gcig gcad pa'i phyir// g+he b+ha spur g+ha rna ma ye/ yid dpyod lta ba khungs gcad phyir// d+harma a tom si gu li/ sku gsum lam du blang ba'i phyir// ra mi sa ma kha gad tshe// snang ba dngos su
310a2 blang ba'i phyir// ru pa sa mi mi ta laM// sgra yi zhen pa mtha' gcad phyir// 'di teg pa la ki li sa// bsam gtan chen po'i sa gnon phyir// g+ha tsa pa la i taM sa// phrin las mtha' ru dbyung ba'i phyir// ka ra e ma
310a3 a nu sa// sangs rgyas mngon zhen bzlog pa'i phyir// sa dri ma ma karma pa// rgyal sras rnams kyi gnas btsal phyir// nga la de pa ki li pa// a A/ kun bzang yab yum gnyis med dgongs pa'o// rang byung don
310a4 rgyud sras gcig 'di// mthong thos reg pa tsam gyis 'gro ba rnams// sku gsum 'bras bu tshe 'dir thob pa'i rtags// 'di 'dzin skyes bu nam zhig tshe 'phos dus// nga yi sku gsung thugs kyi rten lnga ni// sems
310a5 can kun gyi tsit+ta'i dkyil na yod// 'od lnga 'bar te phyi rtags dkar ser dang// 'ja' 'od dmar ljang mthing ga 'ong ba yin// nam mkha' dngas na nges par thugs thob rtags// nang rtags phung po bsregs
310a6 pa'i dud pa ni// sngo dkar gyen 'greng g.yon du 'khyil ba dang// me 'od dkar gsal mdangs dang ldan pa 'byung// sreg pa'i shing ni tsan+dan rgya shug bya// gsang rtags bsregs shul gdung rigs lnga 'byung
310b1 ste// sha ri raM ni mgo bo dag las 'byung// sha yi rten du rdo rje'i gdung du bzhag/ yon tan skye med chos sku thob pa'i rtags// chu ri raM ni khrag gi dngas mar 'byung/ khrag gi rten du rat+na'i gdung du bzhag/ de ni
310b2 yon tan sna tshogs 'phel ba'i rtags// ba ri raM ni snying dgongs dag las 'byung// rus pa'i rten du pad+ma'i gdung du bzhag/ de yi yon tan longs sku thob pa'i rtags// nya ri raM ni rkang gi nad las byung// yan
310b3 lag rten du las kyi gdung du bzhag/de yi yon tan sprul sku thob pa'i rtags// pany+tsa raM ni don snying lnga las byung// 'byung 'dus rten du yang dag gdung du bzhag/ de yi yon tan sku lnga thob pa yin// gdung gi
310b4 grangs tshad ma nges gcig pa yang// gzhan rkyen ngan pa'i grib kyis yal yang 'gro// gdung rigs lnga byung rab yin thugs thob rtags// yi ge byung na 'bring yin gsung thog rtags// lha sku byung na tha ma sku thob
310b5 rtags// de ltar dngos dang dngos med rang gzhan la// rtags dang yon tan byung ste sku gsung thugs// da lta mngon gyur don rgyud khyad par 'phags// 'di yod 'gro ba thams cad sangs rgyas yin// de phyir
310b6 sangs rgyas bstan pa'i srog shing ste// 'di ma rtogs pa'i sangs rgyas sngar ma byung// chig chod byang chub sems rgyud gcig la ni// 'brel dang ma tshang med pas phun tshogs rgyud// rin chen sna lngas bris la gtsug
311a1 tu bcing// yang gsang kun grol rang byung rgyud chen 'di// dus gsum rgyal ba'i rig 'dzin sprul pa'i sku// dga' rab rdo rjes u rgyan ko sha'i gling// bskal bzang sangs rgyas stong gi bstan pa
311a2 skyong// mtsho skyes pad+ma thod phreng nyid la gtad// mi masnged 'dzam bu gling gi rdo rje gdan// byang phyogs chu 'khyags yul du lha srin 'dul// gsang sngags dar dus skal ldan bu la gtad// de yis 'gro kun gang
311a3 la gang 'dul bya// skal ldan 'ga' yis spyod yul yin pas gtad// skal med sngo chung theg dman sreg 'gyur bas// ster ba'i snod ni rab tu brtag pa gces// log lta can la mi bstan snying du bstim// zhes
311a4 bka' stsal to// der rang byung sprul pa'i 'khor tshogs rnams// bcom ldan 'das kyis gsungs pa la rang rang gi chos nyid du yid rang byung chig chod ye shes rang du kun grol lo// rdzogs chen chig chod kun
311a5 grol chen po'i rgyud las/yon tan gtan rgya'i le'u ste bcu gnyis pa'o//// theg pa thams cad kyi snying po bsdus pa'i yang tig/ yang gsang chig chod kun grol chen po zhes bya ba'i rgyud/ u rgyan gyi paN+Di
311a6 ta pad+ma 'byung gnas bzang pos u rgyan kyi skad las bod skad du sgra rang 'gyur du bsgyur ba rdzogs so//[ xxx ]// e ma ho// ngo mtshar rmad kyi rgyud chen gsang ba 'di// de
311b1 snga 'jig rten khams na srid pa tsam// rgyud sde gzhan rnams byas bcos tshig gi rgyud// 'di ni don rgyud byar med sems kyi rgyud// shin tu zab ste yod pas grol ba 'di// yi ger mi bri snying gi dkyil du
311b2 bcang// gzhan la spel na don rgyud khrid du spel// dpe rgyud mi sbyin gsang ba'i bka' rgyas gdab// thugs gter mang ste yang gter gsum las med// yang gter mang gi dgongs gter gcig po
311b3 'di// bdag 'dra u rgyan pad+ma thod phreng gis// rgyal bas lung bstan bod yul dbus su 'ong// lha srin btul nas mnga' bdag bsam pa bsgrubs// sprul pa bstan nas lho nub srin po 'dul// gter mang sbas
311b4 nas ma 'ongs 'gro don byas/khyad par yang gsang dgongs gter snying bcud 'di// snyigs ma'i 'gro ba drang don rgya mon mtshams// klu bdud rus sbal nag po'i lto bar sbas// lnga ldan byang chub sems dpa'
311b5 shes rab can// u rgyan thugs kyi sras dang 'di 'phrad shog/ sa ma ya/ g+hu h+ya/ kha tham/ gtad rgya/ gter rgya/ sbas rgya/ gsang rgya/ dam rgya/ rgya rgya rgya rgya rgya rgya rgya// e
311b6 ma bdag 'dra rin chen gling pa yis// lus srog blos su btang nas su// dka' las tshegs la ma ltaus par// lung bstan rgya gar yul du phyin// u rgyun thugs kyi dgongs gter de// mkha' 'gros lung bstan
312a1 bdag gis rnyed// zab mo'i chos phyung gter dpe bshus// 'brel tshad don ldan dam chos 'di// bod yul phyogs su 'gro don byed// sangs rgyas bstan pa dar bar shog/ a+thi+-i/ e ma kun gyi
312a2 mthar thug yang gsang rdzogs chen 'di// drin can bla ma dus gsum sangs rgyas kyis// blo dman skyes bu shAn+ti pha la la// bka' lung man ngag gtad rgya rdzogs par gnang// sngon gyi smon lam 'phral rkyen
312a3 tshogs// bdag gzhan bla med byang chub myur thob nas// dmigs med chos sku'i ngang du sangs rgyas shog/ bla ma'i phyag dpe la bshus shing/ shog ser la'ang gtugs pa lags so// man+t+ra gu h+ya/ chos 'di'i
312a4 brgyud pa ni/chos sku kun tu bzang po/ longs sku rdo rje 'chang chen/ sprul sku rdo rje sems dpa'/ rig 'dzin dga' rab rdo rje/ gu ru shrI sing+ha/ u rgyan pad+ma 'byung gnas/ chos rgyal rin chen gling pa/ des shAn+ti pha
312a5 la bdag la gdams pa yongs su rdzogs par gnang ba'o// des zur hAM shAkya 'byung gnas la/ des bdag la'o// gsang sngags snga 'gyur rgyud 'bum 'di// snying ston gzhon nu dpal bzang pos// lhag bsam
312a6 rnam par dag pas bzhengs// dge ba byang chub chen por bsngo'o////


CLOSE WINDOW