204b5 rgya gar skad du/ kA ra shA ri raM dz+wa la tsi ti ka[xxx] ka tan+t+ra nA ma/ bod skad du/ sku gdung 'bar ba tsha tsha dang mchod rten gyi rgyud ces
204b6 bya ba/bcom ldan 'das gsang ba'i bdag po la phyag 'tshal lo// 'di skad bdag gis thos pa'i dus gcig na/ ri ma la ya gnas lcags yod pa'i rtse mo seng ge'i za 'gram lta bu'i gnas na/ bcom ldan
205a1 'das gsang ba'i bdag po rdo rje 'dzin chen po la/lang ka'i bdag po blo gros thabs ldan dang/ klu'i rgyal po gtsug na rin chen blo gros rgya mtsho dang/ tshangs pa gtsug phud 'dzin blo gros mtha'
205a2 yas dang/gnod sbyin skar mda' gdong blo gros dad sel dang/ li tsa byi dri ma med par grags pa blo gros rab zhi dang/ chos kyi rgyal po chen po'i pho brang na thams cad theg pa chen po'i don la thabs cig tu
205a3 bzhugs so// de nas dge slong chen po li tsa byi dri ma med par grags pa rang gi gdan las bzhengs nas/ bcom ldan 'das gsang ba mchog gi bdag po rdo rje 'dzin chen po la 'di skad ces gsol ba 'deb
205a4 so// sems can sangs rgyas lam 'dod na// dge ba'i las las khyad 'phags dang// bde gshegs zhabs tog bya ba'i phyir// mchod rten bzheng na ji ltar bya// rnying nas gsar par bzheng na ci// bdag gis
205a5 sprul pa'i ston pa la// thos bzhin khyod kyis khyad par du// gsang sngags lam gyi mchod rten gsungs// zhes zhus so// de nas gdul dka' 'dul ba'i ded dpon chen po gsang ba'i bdag pos 'di skad ces
205a6 gsungs so// theg pa thun mong mchod rten dang/ khyad par rgyud lung man ngag lugs// thun mong byung tshul man ngag las/ khyad par gsang ba'i lugs rnams ni// gzugs sku gnyis kyi man ngag rnams/ khyed la
205b1 bshad kyis rab tu nyon// ces gsungs so// tsha tsha dang mchod rten gyi rgyud sku gdung 'bar ba las/ gleng gzhi dang gleng bslang ba'i le'u ste dang po'o//// de nas bcom ldan 'das gsang ba'i bdag
205b2 pos theg pa thun mong gi mchod rten gyi byung tshul 'di dag gsungs so// mchod rten lo rgyus lnga yod de// de yang gang dang gang zhe na// mchod rten bla na med pa'i rgyu// yid kyi mchod rten zhes bya dang// rang bzhin
205b3 gyis grub mchod rten dang// sprul par byung ba'i mchod rten dang// gzugs brnyan rtsigs pa'i mchod rten no// bla med mchod rten zhes bya ba// sangs rgyas rdo rje sems dpa' yi// sku gsung 'dzam gling phrag
205b4 brgya las// gling bzhir chags pas mchod rten snang// shar du byams pa brtsegs pa la// lho phyog snying rje rin chen brtsegs// nub tu dga' ba pad+ma brtsegs// byang du btang snyoms don yod grub// 'di dus
205b5 shAkya thub pa ni// srid rtser byang sems bcu drug dang// dgra bcom bskor nas bzhugs pa'o// yid kyi mchod rten zhes bya ni// nam mkha'i dbyings sam rgya mtsho'i gling// mkhas pas dkyil 'khor mchod rten
205b6 ni// byang chub sems kyi yid kyis bri// phyag gis rgyas gdab grangs bzung zhing// ngag gis sngags brjod byin gyis brlabs// yid kyis rin chen mchod rten bsam// snang zhing stong la stong zhing gsal// rang
206a1 bzhin grub pa'i mchod rten ni// srid pas grub dang sprul pas grub// srid pas grub pas ri rab nyid// de yang ji ltar grub ce na// chos rnams stong pa'i rang bzhin las// ak+Sho b+h+ya'i byin rlabs
206a2 dang// nam mkhas gsal ba'i go yang 'byed// dmyal ba'i 'jig rten gnas sar chags// don yod grub pa'i byin rlabs las// de las rlung gi dkyil 'khor chags// rlung lha ba dan thogs rnams
206a3 gnas// rin chen 'byung ldan byin rlabs las// de steng me yi dkyil 'khor chags// me lha'i tshogs rnams de na gnas// snang ba mtha' yas byin rlabs las// chu yi dkyil 'khor rgya mtshor gyur// klu yi gnas
206a4 kyang de na yod// rnam par snang mdzad byin rlabs las// sa gzhi chen po chags pa la// gling bzhi ri rab grub pa na// gling bzhi gling phran mi yi gnas// ri rab rgyal chen rigs bzhi sogs// gnod sbyin gza'
206a5 skar lha chen gnas// rtse la 'thab bral man chad nas// gzugs khams gnas ris bcu bdun dang// gzugs med ming bzhi phung por gnas// nyan thos rnams kyang de na bzhugs// bkri ba'i don du mdzad
206a6 pa'i gnas// sprul pas grub pa'i mchod rten ni// shAkya thub pa lhums zhugs dus// u dum wa ra sbu gur gyur// 'dzam gling sprul pa'i mchod rten gcig/ shAka thub byang chub shing drung bltams// u dum wa ra kha
206b1 yang 'bus// yid bzhin lhun grub mchod rten byung// shAkya thub pa rab byung mdzad// u dum wa ra ldum bur gyur// nub tu dpe med bsam 'das byung// chu 'gram byang chub dka' thub mdzad// u dum wa ra sdong
206b2 por 'dril// nub tu rmad grags chos dbyings mdzad// rtswa mchog grong khyer gshegs pa'i tshe// sdong po las ni yal ga gyes// byang phyogs yon tan rin chen brtsegs// lang ka pu rir gshegs pa'i tshe// yal ga
206b3 las ni lo mar gyur/khams gsum bde rgyas sgron ma byung// bdud btul tho rangs sangs rgyas dus// lo ma las ni me tog shar// shar du byams ldan bsod nams gter// mya ngan 'da' ba'i tshul bstan
206b4 pa// mthar legs g.yung drung rdzogs pa shar// rang bzhin mchod rten ye shes sku// thugs rje'i byin rlabs rmad po che// mtshan ma'i sdug bsngal yongs bsal zhing// sems can kun la byams thugs
206b5 ldan// sprul par 'byung ba'i mchod rten ni// byang phyogs rna thos sras kyi spyan// g.yas mthong sreg la g.yon mthong 'jig/ mig mi bzang gis gar bltas sar// mi nad phyugs nad mu ge 'bebs// rgyal pos
206b6 bcom ldan 'das la zhus// bdag gis ma bsgrubs gnod pa'i mig/ ji ltar thabs kyis bsgyur du gsol// bcom ldan 'das kyis rnam thos bu'i// phyag tu ring bsrel mchod rten byin// mig ngan smin
207a1 mtshams shA ri rAm// mchod 'bul byas pas shin tu ge/ sprul pa'i mchod rten ting 'dzin sku// byams shing snyoms pa'i kun gyi mgon// thugs rje chen pos bskyod du med// nub byang rgyal po'i mig
207a2 nad sel// gzugs chen mchod rten brtsigs pa ni// rgyal po d+harma a sho kas// ri gsum rtse gdong lung gsum mdo// ri lung mang po 'dus pa'i rgyun// pho brang btab pas bstun nad zin// rmi lam 'byung zhing
207a3 mchod rten bzhengs// nad las thar te rgyal srid 'dzin// tha chung sras grongs phung po bsregs// tsha tshwa btab cing mchod rten bzhengs// dgra bcom 'bras bu thob par gyur// sras 'bring nad kyis zin de
207a4 'das// bdun tshigs bdun gyis rigs drug drangs// thal ba tsha tsha btab nas ni// bla na med pa'i byang chub thob// li tsa bi yis mi shes sam// de nas li tsa bi dgyes nas// da ltar shar gyi phyag rdor
207a5 khyod// dus der bzhugs pa ngas ma mthong// bag chags sol la gsang bar shod// ces gsungs so// sku gdung 'bar ba mchod rten gyi rgyud las/ mchod rten byung tshul lo rgyus kyi le'u ste gnyis
207a6 pa'o//// de nas gsang ba'i bdag pos dam pa'i rigs can rnam pa lnga la thun mong mchod rten gyi man ngag 'di dag gsungs so// mchod rten bya ba'i sa btsal ba// snum zhing 'bol la mnyes pa'i
207b1 sar// yungs kar dag la sngags 'di yis// lan bdun brjod la mtshams bcad do// oM a mr-i ta ha na ha na hUM phaT/ seng lding lcags phur sor brgyad la// rdo rje phur par bsams nas ni// lan bdun
207b2 sngags brjod dbus dang ni// gra bzhir btab la gzhag par bya// oM badzra kI la ya sa rba duSh+tAM hUM phaT/ de nas thig skud rin chen la// rdo rje skud par rab bsam nas// rgya khyon cir na thig gis bskor// sngags
207b3 'di lan ni gsum brjod pas// sa gzhi rin chen gyur par bsam// oM badzra sU tra hUM phaT/ oM badzra kha na kha na hUM phaT/ des ni rdo rjes bsam pa yi// lag chas sa ni rko ba'i sngags// tshar nas gnas gtsang phyin
207b4 nas ni// bdud rtsi 'khyil pa'i phyag rgya ni// rdo rje rtse gsum mnan nas ni// lan bdun sngags bzlas tho bas brdung// oM badzra mung+ga ra a ko Ta ya a ko Ta ya hUM phaT/ tsan+dan gur gum dri chab chus// 'jim pa
207b5 sbrus byas lan bdun brjod// oM a mr-i te hUM phaT/ a dkar bdud rtsi'i chu ru dmigs// chu de gtor la 'jim pa brdzi// sngags 'di lan bdun gtor bar bya// oM shud+d+he bi sho d+ha nA ya swA hA/ de nas 'jim pa
207b6 brdzi ba'i dus/de nyid rdo rje rin chen bsam// oM badzra pra mar ta na ye hUM phaTaswA hA/ de nas 'jim pa'i gong bu la// sngags 'di gsum brjod byin brlabs pas// 'od lngas don mdzad 'phros 'dus nas// rin
208a1 chen lngar ni gyur par bsam// oM na maHsa man bud+d+hA nAn/ a pra ti ha ta shA sa nA nAn/ oM badzra A yu She swA hA/ de nas 'jim pa byin rlabs kyi// sngags 'di nyi shu rtsa gcig bzlas// mchod rten
208a2 gcig byas tsam gyis ni// bye ba byas par 'gyur ba'o// oM na mo b+ha ga wA te be ro tsa na pra b+ha rA dzA ya/ ar ha te saM myag saM bud+d+hA ya/ oM sUk+Sh+me sa me sa ma ye/ sa ma te sa ma ro se/ a na pa ra ne ta ra ma pe ya
208a3 sho/ma hA te dzo rA dza ku le ni rbA ni/ sarba ta thA ga to hr-i da ya/ a d+hiSh+ThA na a d+hiSh+ThI te swA hA/ rigs lnga so so'i sngags gzhug gam// yi dam sngags sam gang byed sngags// bris te tsha tsha'i nang du gzhug/ gro gar gur
208a4 gum dag gis bri// oM d+ha ra d+ha ra ya d+ha ra ya badzra d+h+rig/ oM sha shwa ta pa re sha shwa to e h+ye ni dzi na dzig/ oM badzra sUr+ya ta tra mo/ bam d+ha ma na ma sa ma ya twa ma a haM rat+na d+h+r-ig/ oM badzra d+harma sa ma ya hUM lu hUM lu a ro
208a5 l-ika/oM phu phu hi hi d+ha ra d+ha ra pra dz+nyA d+h+r-ig/ yang na sngags thung 'di bris te/ tsha tshwa chung ngu'i nang du gzug/ oM tri ya d+hI kA nI/ sarba ta thA ga tA nAn/ tad+ya thA/ oM sUk+Sh+me sUk+Sh+me/ shAn+te shAn+te/ dAn+te dAn+te/ ni ra ku le/ ya sho ya
208a6 sho/te dzo ba ti/ sarba bud+d+ha/ a d+hiSh+Thi te swA hA/ de nas 'bi 'bi gzhug pa'i sngags// gsum brjod thabs dang shes rab 'brel pa yi// chos dbyings nyid du grub par bsam// de yi sngags ni 'di yin no// oM a
208b1 mr-i tA yu she swA hA/de nas 'bi 'bi bya ba'i sngags// ma zin bar du brjod par bya// oM trai yat+te sarba ta thA ga to hr-i da ha ya/ gar+b+he dz+wa la/ d+harma d+hA tu gar+b+he sang ha ra na/ A yu na saM sho d+ha ya pA bam/ sarba ta thA ga ta sa
208b2 man+to bi ma la bi shud+d+he swA hA/mar dang nyung rtsi 'bul ba'i sngags// nyon mongs rdul bral byang chub bsam// oM a ra dze bi ra dze swA hA/ rkol phor nang du gzhug pa'i sngags// thabs dang shes rab 'brel pa chos
208b3 dbyings bzhugs// oM d+hA tu gar+b+he swA hA/ rkol phor sa la brdab pa'i sngags// mchod rten grub pas 'gro don bsam// oM d+ha ra ma ra te badzra mud ga ra a ko Ta ya hUM/ de nas mchod rten dbyung ba'i sngags// shel
208b4 sgong dag pa lta bur bsam// oM badzra d+ha rod pra ba ya swA hA/ rgyu yi chos rnams rdzogs pa la// gzugs kyi sku ni rnam pa gnyis// 'bras bu'i chos rnams rdzogs pa las// chos kyi sku ru byin gyis brlabs// oM sarba
208b5 ta thA ga ta nirma kA ya sa ma ya s+t+waM/oM sarba ta thA ga ta saM b+ho ga kA ya sa ma ya s+t+waM/ oM sarba ta thA ga ta d+harma kA ya ma hA su kha badzra su ta sa ma ya s+t+waM/ de nas srog shing gzug pas ni// mi nub brtan par gyur par
208b6 bsam// oM badz+wa A yu she swA hA/ 'khor lo bcu gsum gzug pas ni// sa ni bcu gsum gyur pa'o// oM bra mar+d+ha nA ya swA hA/ dar gyi cod pan btags pa yis// thabs dang shes rab ldan par bya// oM pa ta ka
209a1 lam pa swA hA/ba dan sna tshogs 'phyar ba yis// sems can chos kyi snyan pa sgrogs// oM pa ta ka swA hA/ chu srin rgyal mtshan btsugs pa yis// bdud bzhi las rgyal 'khor ba 'dzin// oM kum b+hi
209a2 ra rA dza swA hA/gdugs kyi sems can ma lus kun// bla na med pa'i skyabs dang ldan// oM pra ha ma ta nA ya swA hA// me tog phreng ba bcings pa yis// sems can mi brjed gzungs rnams 'dzin// oM rat+na mA le traM
209a3 hUM/mtshan dang dpe byad rab ldan pas// blta bas mi ngoms ldan pa'i sngags// na ma s+t+rai ya te d+ha nu ga te/ pra ti ta shru sa ge ta be ta/ ta thA ga tA ya/ ar+ha te samya ka saM bud+d+hA ya/ tad+ya thA puSh+thi swA hA/ gdan rnams ma
209a4 lus dbul ba'i sngags// rin chen nyi zla sems can pad// oM sun+d+ha ri dza ya swA hA/ gzhal yas khang du gshegs pa'i sngags// oM da ra da ra ku ta ka ra dza ye swA hA/ rin chen gzhal yas chos kyi pho brang du// nyi
209a5 zla rin chen gdan la bzhugs su gsol// oM su pra tiSh+Tha badzra ye swA hA/ de la dbang rnams ma lus pa// rdzogs par bskur te gnas par bya'o// oM badzra d+hA tu shwa ri a d+hiSh+ThI te a b+hi Shiny+tsa mAm/ sku dang gsung thugs
209a6 yon tan las// phrin las rdo rje nyid gyur bsam// oM sarba ta thA ga ta kA ya wak+ka tsit+ta ma hA sa ma ya s+t+waM/ oM sarba ta thA ga ta gu na karma ma hA sa ma ya s+t+waM/ de nas mchod pa sna tshogs rnams// mnyes par ma lus
209b1 dbul bar bya// oM badzra a mr-i te ar+g+ham pra tIts+tsha swA hA/ oM badzra d+hU pe swA hA/ oM badzra puSh+pe swA hA/ oM badzra Alo ke swA hA/ oM badzra gan+d+he swA hA/ oM ba lin+ta te dzo ba lin ta swA hA/ zhes gsungs so// sku gdung 'bar ba
209b2 mchod rten gyi rgyud las// mchod rten gdab thabs man ngag gi le'u ste gsum pa'o//// de nas bcom ldan 'das gsang ba'i bdag pos thun mong gi mchod rten las kyi rim pa 'di dag gsungs
209b3 so// chos dbyings mngon gyur ye shes sku brnyes shing// sku gsung thugs kyis 'gro ba'i don mdzad pa// thugs rje'i ci 'dul yid bzhin re skong ba'i// phyogs bcu'i sangs rgyas ma lus gshegs su
209b4 gsol// nyon mongs dug sel yon tan 'byung ba'i gnas// gsung rab bcu gnyis 'phags lam rgyal ba'i bka'// bcom ldan shes rab pha rol phyin la sogs// rnam dag dbyings kyi dam chos gshegs su
209b5 gsol// chos sku gzugs brnyan byang chub sems kyi ngang// gling bzhi 'dul mdzad mchod rten chen po brgyad// bsod nams zhing dang 'gro ba 'dren pa'i gtso// sku gdung ring bsrel ma lus gshegs su
209b6 gsol// sa bcu rgyal sras che la mnga' brnyes shing// byams dang snying rjes brtson 'grus go bgos nas// shes rab thabs kyis 'gro ba'i don mdzad pa// byang chub sems dpa' ma lus gshegs
210a1 su gsol// bden bzhi'i don rtogs log lta'i skyon spangs shing// tshul khrims dri med dug lnga'i skyon bsal nas// 'phags lam don brtson yon tan rgyan mnga' ba// dgra bcom rang rgyal ma
210a2 lus gshegs su gsol// byang chub sems ldan bde bar gshegs pa'i 'khor/ khams gsum sa drug gnas la mnga' mdzad pa// bcom ldan 'das kyi bstan pa srung mdzad pa// srid gsum srung ma'i tshogs
210a3 gyur gshegs su gsol// zhes spyir spyan drang bar gsungs so// chos dbyings rnam dag bzang mo'i dkyil 'khor 'dir// nyon mongs ma gos nam mkha'i rang bzhin la// rtogs pa'i ting 'dzin chags pa'i skur
210a4 bstan nas// chos sku zab mo'i mchod rten gshegs su gsol// byams pa chen po dpag tshad med pa'i chos// gdug pa'i tshogs rnams thams cad 'dul slad du// me long lta bu chos kyi don rtogs nas// rdo rje
210a5 brtsegs pa'i mchod rten gshegs su gsol// dga' rab don phyir 'khrul pa kun spangs shing// 'jigs med rin chen bang rim brtsegs pa la// sprul pa'i yon tan tshogs kyi phreng bas brgyan// rin chen
210a6 brtsegs pa'i mchod rten gshegs su gsol// nyon mongs skyon bral pad+ma'i gdan steng na// dga' ba brtsegs pa'i bang rim bdud bzhi 'joms// bum pa chos dbyings spros pa med pa'i dbyings// pad+ma
210b1 brtsegs pa'i mchod rten gshegs su gsol// nyon mongs 'khor ba'i sdug bsngal las kyis sbyangs// rnam par rtog pa'i mtshan ma kun bcom nas// bsod nams dge tshul bsags pa'i mchod rten
210b2 brtsegs// byang chub rdzogs pa'i mchod rten gshegs su gsol// shAkya thub pa sprul pa'i sangs rgyas kyis// sku yi 'od zer sprul pas sgrib pa sbyong// yon tan tshogs kyi cha las skur brten pa// 'od 'byung sprul
210b3 pa'i mchod rten gshegs su gsol// byang chub tshogs kyis rab tu brgyan pa'i sku// 'dzam gling kun nas bsod nams sprin tshogs 'du// bkra shis dge ba bsod nams tshogs bsags shing// mi mthun sgrib
210b4 pa'i bag chags bsal ba'i phyir// bkra shis brtsegs pa'i mchod rten gshegs su gsol// dge tshul bsod nams mchod rten gshegs su gsol// yon tan tshogs kyi mchod rten gshegs su gsol// nyon
210b5 mongs mun sel mar me gshegs su gsol// zhes so so'i spyan drang bar gsungs so// de nas bzhugs su gsol ba gsungs// 'ja' tshon spel legs bkod 'dra ba'i// dge bcu dag pa'i pad+ma'i gdan steng
210b6 du// rim bzhin 'tshams par bzhugs su gsol// chos dbyings pho brang rin chen gzhal yas 'dir// 'ja' tshon spel 'dra'i gdan bzang bting lags kyi// bla med yid dang rang bzhin mchod rten dang//
211a1 sprul pa'i gzugs can ma lus mchod rten kun// dog cing tshor ba mi mnga' bar// sku gsung rdo rje lta bur byin brlabs nas// 'gro ba sems can rnams la sman slad du// brtan par bzhugs
211a2 nas thugs rjes dgongs su gsol// de nas phyag 'tshal rim pa gsungs// chos sku mkha' la ye shes dkar bkram zhing// thugs rje'i phrin las gzugs sku'i char 'bebs pa// 'khor ba'i mun sel bdud
211a3 bzhi 'joms mdzad pa// dus gsum bde gshegs rnams la phyag 'tshal lo// dmigs med chags bral bdud rtsi 'dus ma byas// rgyu 'bras bstan dang lam dang gnyen po'i chos// sdug bsngal zad mdzad srid
211a4 pa'i mun sel ba// dam chos bdud rtsi rnams la phyag 'tshal lo// bcom ldan shAkya seng ge'i byin rlabs las// srid rtse rin chen sna lnga'i gzhal yas na// rigs bzhi'i phyag rgya mchod rten bzhir snang ba// 'gro
211a5 don rdzogs par mdzad la phyag 'tshal lo// ji ltar u dum wA ra'i me tog ltar// bde gshegs mdzad pa mthar phyin grub pa'i rtags// 'khor ba zad mdzad thar lam 'dren pa'i gtso// bla med mchod rten brgyad
211a6 la phyag 'tshal lo// rnam dag dbyings kyi byin brlabs rgyal ba'i gdung// ma rig mun sel nges par legs pa'i gzhi// sprul pa'i mchod rten srid pas bkur ba'i gnas// ring bsrel 'jig rten rgyan la phyag
211b1 'tshal lo// thabs mkhas thugs rjes 'gro ba'i don mdzad cing// bden gnyis don rtogs sa bcu mchog brnyes shing// gzhan don rnam par grol ba'i sku mnga' ba// byang chub sems dpa' rnam la phyag 'tshal
211b2 lo// nyon mongs dug spangs tshul khrims rgyan mnga' zhing// slob dang mi slob 'phags lam don bsgoms te// rig pa gsum gyi mtshan ma'i dgra bcom pa// nyan thos rang rgyal rnams la phyag 'tshal lo// srid pa
211b3 gsum gyi bdag po'i gzugs 'dzin cing// lha klu gnod sbyin bdag por zhal 'ches pa'i// rnam bzhi 'khor du gtogs la phyag 'tshal lo// shar phyogs mngon dga'i sangs rgyas zhing khams na// rdo rje ri bo
211b4 lhun po'i mchod rten bzhugs// 'od zer 'bar ba nyi ma stong gi gzi// sangs rgyas rdo rje'i 'khor la phyag 'tshal lo// lho phyogs dpal ldan yid bzhin zhing khams na// rin chen ri bo lhun po'i mchod rten
211b5 bzhugs// 'od zer 'bar ba nyi ma stong gi gzi// sangs rgyas rin chen 'khor la phyag 'tshal lo// nub phyogs bde ldan dga' ba'i zhing khams na// pad+ma ri bo lhun po'i mchod rten bzhugs// 'od zer 'bar ba
211b6 nyi ma stong gi gzi// sangs rgyas pad+ma'i 'khor la phyag 'tshal lo// byang phyogs rnam par dag pa'i zhing khams na// las kyi ri bo lhun po'i mchod rten bzhugs// 'od zer 'bar ba nyi ma stong gi gzi// sangs rgyas
212a1 don grub 'khor la phyag 'tshal lo// sngar 'das rgyal ba'i ring srel yum gyi dbyings// 'gro don lhun grub bsod nams dbyings kyi gtso// mtshan ma med las mtshan ma'i skur yang
212a2 gsal// sangs rgyas rab bdun da ltar bstan pa'i skur// 'khor lo bdun te phyag rgya'i mtshan mar gsal// log par dad sel gser thub 'khor ba 'jigs// thams cad skyobs dang 'od srungs mar me
212a3 mdzad// shAkya thub pa la sogs sangs rgyas sku// 'gro don lhun grub mdzad la phyag 'tshal lo// rtsing po'i blo yis mchod rten 'dzin pa yang// nges par mkhyen pa'i khyad par ka Ni ka/ 'jig rten ye shes mun sel
212a4 zla ltar gsal// 'di lta'i rmad mchog dam pa chos kyi dbyings// de phyir bla na med pa'i mchod rten la// lus rab btud de sri zhus bdag phyag 'tshal// dang ba'i yid kyis dmigs te mchod pa 'bul// 'di
212a5 dag thugs rjes dgongs te shes su gsol// 'gro don yon bdag sems can ma lus rnams// mtho ris bgrod nas sangs rgyas 'grub par shog/ de nas mchod pa 'bul ba gsungs// ye shes tshogs rdzogs
212a6 sku gsum lhun gyis grub// bzhi bcom drug ldan mi gnas mya ngan 'das// thugs rje sprul pas 'khor ba'i 'dam skems pa'i// phyogs bcu'i sangs rgyas rnams la mchod pa 'bul// ye shes nyi mas ma rig mun
212b1 sel ba'i// dri med bdud rtsis 'khor ba'i nad rnams 'joms// don dam dmigs med bde bar gshegs pa'i gnas// 'phags pa'i lam gyur chos la mchod pa 'bul// byams dang snying rje dga' dang btang
212b2 snyoms tshul// bde gshegs rdor rin pad+mo las kyi rtags// rin chen bzhi las mngon du gyur pa'i sku// rigs bzhi mchod rten rnams la mchod pa 'bul// lho phyogs 'dzam gling rin chen dkyil 'khor
212b3 'dir// ye shes dpag yas thugs rjes 'brel ba'i sku// rang byung sprul pa'i mchod rten chen po dang// yid bzhin lhun gyis grub la mchod pa 'bul// nub phyogs bde ldan pad+mo'i dkyil 'khor na// thabs kyi
212b4 bye brag ring bsrel skur bstan pa// dpe rnams bsam las 'das pa'i mchod rten dang// rmad grags chos kyi dbyings la mchod pa 'bul// byang phyogs dpag yas yid bzhin dkyil 'khor na// thams cad
212b5 dga' byed dpal zhing chos kyi gdung// yon tan rin chen brtsegs pa'i mchod rten dang/ khams gsum bde rgyas sgron la mchod pa 'bul// shar gyi lus 'phags ye shes dkyil 'khor na// byams pas 'khor
212b6 ba 'dren mdzad ring bsrel sku// byams ldan bsod nams gter gyi mchod rten dang// mthar legs g.yung drung rdzogs la mchod pa 'bul/ khri 'phang dang por dran pa nyer gzhag bzhi// lus dran sems dran
213a1 chos dran rjes su dran// spyi dang rang gi mtshan nyid mngon rtogs pa'i// rig pa shes rab mkhyen la mchod pa 'bul// bang rim gnyis par yang dag spong ba bzhi// sdig rnams mi bskyed dge ba'i
213a2 chos spel zhing// dge ba'i chos bskyed chos don rdzogs mdzad pa// rtog pa'i bag chags bral la mchod pa 'bul// bang rim gsum par rdzu 'phrul rkang pa bzhi// 'dun dang sems dang dpyod dang brtson 'grus
213a3 rnams// spong ba'i 'du byed ldan pa'i rdzu 'phrul gyis// thogs med 'gro don mdzad la mchod pa 'bul// bang rim bzhi par snang ba dbang po lnga// dad brtson dran dang ting 'dzin dbang po dang// shes rab dbang
213a4 pos chos la dbang bsgyur nas// 'dod dgu dge rtsa spyod la mchod pa 'bul// 'gyur med bum rten 'degs pa'i stobs lnga ste// dad dang brtson 'grus dran dang ting 'dzin stobs// shes rab stobs kyis nyon
213a5 mongs zil gyis gnon// mthu dbang mngon du gyur la mchod pa 'bul// bum par mngon 'phags byang chub yan lag bdun// dran dang tshor byed brtson 'grus dga' ba dang// shin tu sbyangs dang ting 'dzin
213a6 btang snyoms kyis// 'grub 'gyur thogs pa med la mchod pa 'bul/ kha khyer 'phags pa'i lam gyi yan lag brgyad// lta dang rtogs dang ngag dang las kyi mtha'// 'tsho dang rtsol dang dran dang ting 'dzin
213b1 gyis// 'phags lam gnas rab 'jug la mchod pa 'bul// srog shing mkhyen pa bcu yi bdag nyid de// thabs dang shes rab rig pa'i rtsal mchog gis// dam chos bdud rtsi 'dzin la srog tu gyur// shes rab
213b2 don kun rig la mchod pa 'bul// 'khor lo bcu gsum stobs bcu nyer gzhag gsal// shes rab spyan ldan thams cad mngon gzigs pa'i// shes bya'i bag chags sbyong la thogs pa med// ye shes phun sum
213b3 tshogs la mchod pa 'bul// char khebs skyabs chen thugs rje'i bdag nyid de// 'dul ba'i dus dang sems can rgyud mkhyen rnams// 'jig rten rnams la phan 'dogs rab brtson pa'i// phyi mthar yun ring
213b4 bzhugs la mchod pa 'bul// dad brtson shugs kyis lus ngag sems btud de// brtson 'grus drag pos rin chen sna lnga dang// 'byung ba lnga las grub pa'i mchod rten sogs// sku gdung ring bsrel rnams la
213b5 mchod pa 'bul// sku gsung thugs las sprul pa'i rgyal ba'i sras// thugs rje'i shugs kyis phyi mtha' gzhan don mdzad// skye 'gag med pa'i don gyi blo sbyangs la// byang chub sems dpa' rnams la mchod pa
213b6 'bul// rnam grol thar lam mchog tu rab brtson pa// zung bzhi ya brgyad rig pa'i skyes bu'i tshogs// rten cing 'brel pa rig pa'i sangs rgyas pas// 'phags pa'i dge 'dun rnams la mchod pa 'bul// dge
214a1 ba bcu bskyed skal ldan sangs rgyas zhing// tshangs pa'i skal gyis ngan song mthar spangs te// rdzu 'phrul shugs kyis 'gro ba'i don mdzad pa// 'jig rten srung ma'i tshogs la mchod pa 'bul// rdo
214a2 rings them skas chu srin rgyal mtshan dang// gdugs dang ba dan dar gyi cod pan dang// pad+ma nyi zla sil snyan lha yi rdzas// tshangs pa'i dbyangs ldan dmigs pa dag pas mchod// ting 'dzin sngags dang phyag rgya'i
214a3 mthu gyur pa'o// yon chab bdug spos me tog mar me dang// bshos gsang dri chab la sogs sbyar ba dag/ mchod yon rnam lnga'i tshogs kyi mchod pa 'bul// dngos su 'byor dang yid kyis rnam sprul
214a4 pa'i// 'jig rten 'das dang 'jig rten grub pa'i rdzas// kun bzang rnam dag mchod pa'i sprin phung gis// nam mkha' gang bar dmigs te mchod pa 'bul// 'jig rten 'khor ba'i gnas nas drang ba
214a5 dang// 'gro don mdzad pa'i thugs dam bskang slad du// ye shes nyi mas mtshan ma'i skyon spangs nas// byams pa'i thugs rjes mchod pa bzhes su gsol// rgyal ba 'khor bcas ring bsrel mchod 'os
214a6 rnams// spyan drangs phyag 'tshal mchod cing bkur ba'i mthus// sngon bsags lam gyi sgrib pa kun sbyangs nas// 'gro drug tshogs rnams mngon par sangs rgyas shig/ de nas ar+g+ha'i gsol mchod
214b1 bshad// mchod rten sku yi cha lugs ni// 'og gi rmang bting ye shes bzhi// gyen du khri 'phang rnam thar gsum// chags med pad+ma'i gdan steng na// bum pa bzang po chos kyi rje// gser gyi bre phul 'od zer
214b2 'phro// srog shing drang srong bla na med// 'khor lo bzhi dang ye shes brgyad// 'bar ba me dpung rdo rjes bskor// bkra shis dpal tshogs gzhal yas 'dir// bla med mchod pa'i gdan bshams shing// chu bo
214b3 gang+gA'i rgyun bzhin du// ar+g+ha'i rgyun yang mi 'chad de// bkra shis mchod pa 'di 'bul na// thugs rjes dgongs nas bzhes su gsol// mchod rten gsung gi cha lugs ni// man ngag tshig gi snying po
214b4 brjod// bzlas brjod gsung rab bcu gnyis brjod// don dam sgra skad kun la mkhas// rgyal ba rgya mtsho 'khor dang bcas// gsung gi mchod rten thams cad la// bkra shis dpal tshogs gzhal yas
214b5 'dir// bla med mchod pa'i rgyan bshams nas// chu bo gang+gA'i rgyun bzhin du// ar+g+ha'i rgyun yang mi 'chad de// bkra shis mchod pa 'di 'bul na// thugs rjes dgongs nas bzhes su gsol// mchod
214b6 rten thugs kyi cha lugs ni// dpe med bsam 'das nam mkha' che// ting 'dzin nyid las cir yang gsal// ye shes nyid yin cir yang rtogs// shes rab nyid dpal mkhyen rab gsal// thams cad mkhyen
215a1 pas lhun gyis grub// don dam sems rtog yid las 'das// bkra shis dpal tshogs gzhal yas 'dir// bla med mchod pa'i rgyan bshams nas// chu bo gang+gA'i rgyun bzhin du// ar+g+ha'i rgyun yang
215a2 mi 'chad de// bkra shis mchod pa 'di 'bul na// thugs rjes dgongs la bzhes su gsol// bla med mchod rten cha lugs ni// rin chen 'bar ba'i srid rtse ni// tsin+ta ma Ni ye shes bzhi// bkra shis dpal
215a3 tshogs gzhal yas 'dir// bla med mchod pa'i rgyan bshams shing// chu bo gang+gA'i rgyun bzhin du// ar+g+ha'i rgyun yang mi 'chad de// bkra shis mchod pa 'di 'bul na// thugs rjes dgongs te bzhes su
215a4 gsol// yid kyi mchod rten cha lugs ni// nam mkha'i dbyings dang rgya mtsho'i 'jing// byang chub sems kyi mchod rten bris// snang zhing stong la stong zhing gsal// yid kyi mchod rten thams cad la// bkra shis
215a5 dpal tshogs gzhal yas na// bla med mchod pa'i rgyan bshams shing// chu bo gang+gA'i rgyun bzhin du// ar+g+ha'i rgyun yang mi 'chad de// bkra shis mchod pa 'di 'bul na// thugs rjes dgongs nas bzhes su
215a6 gsol// rang bzhin mchod rten cha lugs ni// thugs rje'i byin rlabs rmad po che// mtshan ma'i sdug bsngal rab bsal nas// sems can kun la byams thugs ldan// bkra shis dpal tshogs gzhal yas
215b1 'dir// bla med mchod pa'i rgyan bshams nas// chu bo gang+gA'i rgyud bzhin du// ar+g+ha'i rgyun yang mi 'chad de// bkra shis mchod pa 'di 'bul na// thugs rjes dgongs nas bzhes su gsol// sprul pa'i mchod
215b2 rten ting 'dzin sku// byams shing snyems pas kun gyi mgon// thugs rje chen pos skyo dub med// nub byang rgyal po'i mig nas sel// sprul pa'i mchod rten thams cad la// bkra shis dpal tshogs gzhal yas
215b3 'dir// bla med mchod pa'i rgyan bshams shing// chu bo gang+gA'i rgyun bzhin du// ar+g+ha'i rgyun yang mi 'chad de// bkra shis mchod pa 'di 'bul na// thugs rjes dgongs nas bzhengs su gsol// gzugs 'dzin
215b4 mchod rten shes rab sku// bdud kyi 'khor dang gshin rje'i 'khor// srin po'i tshogs dang lha ma yin// gnod sbyin ma lus thams cad kyi// gzi byin mthu stobs 'phrog mdzad pa'i// gnod sbyin srin po'i rgyu srang
215b5 gcod// gzugs chen mchod rten thams cad la// bkra shis dpal tshogs gzhal yas 'dir// bla med mchod pa'i rgyan bshams shing// chu bo gang+gA'i rgyun bzhin du// ar+g+ha'i rgyun yang mi 'chad de// bkra shis
215b6 mchod pa 'di 'bul na// thugs rjes dgongs nas bzhes su gsol// de nas mchod rten bstod pa gsungs// bla med mchod rten bstod pa ni// tshogs chen rdzogs pa chos kyi sku// bla med byang chub thugs rje'i
216a1 gnas/khams gsum 'gro rnams don gyi phyir// ye shes gzugs sprul mchod rten 'di// gzhi rmang dge bcu pad+ma dag pas 'jam// dran pa nyer gzhag rmang gi khri 'phang brtan// sdig pa spangs
216a2 pa'i bang rim gnyis pa las// rdzu 'phrul rkang pa bang rim gsum pa ste// rnam grol dbang po bang rim bzhi pa bzang// thugs rje'i tshad med chos kyi char khebs lding// bden bzhi'i bstan pa 'jig rten skyong
216a3 bzhis btsugs// stobs lnga'i bum pa'i dbyings sdug kun tu zlum// byang chub yan lag pad+ma shin tu mdzes// ting 'dzin bslabs pas gang tshe brai legs pa// 'phags lam bre legs gru bzhi rim pas
216a4 sdug/shes bcu srog shing gzhung tshugs med par drang// stobs bcu'i 'phang lo gshib pas sgrib pa spangs// bla med brnyes pa'i gdugs mchog mkha' la 'phags// yang dag rdzogs pa'i byang chub cod pan
216a5 ldem// ma 'dres nyer gzhag gdugs kyis rnam par mtho// dbyangs rab yan lag gsung snyan dril bu 'khrol// chos 'khor bskor ba'i gsar bye'u ba dan 'phur// mi 'jigs bag skyong rdo rings seng ge
216a6 brjid// thabs ldan sprul pas skye bo 'dul bar mdzad// rdzogs pa chen po'i tshul du lham me ba// byang chub snying po'i rten la phyag 'tshal bstod// yid kyi mchod rten bstod pa ni// 'khor ldog med pa'i gnas
216b1 dang spyod yul ni// nam mkha' sa gzhi la ni gzhi blangs te// ye shes bzhi yi khri 'phang bzhi ni brtsigs// mtshan med bum rten la ni gzhi blangs te// chos dbyings mkha' las 'phags pa'i bum pa
216b2 bgyis// dpag tu med pa'i srog shing legs btsugs nas// pha rol phyin bcu'i 'khor lo legs btags nas// mtha' gnyis bum pa'i gdugs ni yas 'bubs la// mnyam nyid dar dpyangs kyis ni rab
216b3 brgyan te// mtha' dang dbus med mi dmigs mi rtog pa// ma bcos lhun grub gnas pa'i chos kyi sku// skyon bral yang dag nyid la phyag 'tshal bstod// rang bzhin mchod rten la bstod pa ni/ yid bzhin lhun
216b4 grub bkra shis gzhal yas khang// chags med ye nas dag pa chos kyi dbyings// srid gsum mi 'khor mchod rten ka ni ka/ gzhi yi rmang bting ya mtshan rdo rje brag/ gyen du khri 'phang khyad par dkon mchog
216b5 gsum// ha 'dab dmar smug 'khyil cing ldem pa la// shel gyi bum pa dri med rnam par dag/ gser gyi bre phul yangs pas chos kyi dbyings// srog shing ma skyes sems kyi ngo bo nyid// ma 'khor ma byung chos kyi
216b6 dbyings dang 'dra// rma bya chen mo yid 'ong gzugs sgra sgrogs// stong zhing gsal ba'i me long 'od po che// sku gsum dbyer med byams snyoms kun gyi mgon// mi g.yo mnyam nyid chos mchog dpe las
217a1 'phags// sku gsung thugs kyi chos tshul rab kyi dbyings// rin chen sangs rgyas sku mchog mngon bstan nas// thugs rjes sprul pas 'od zer spyi gtsug rdzogs// las dang nyon mongs sdug bsngal
217a2 zhi mdzad pa/khams gsum mi ldog g.yung drung byang chub mkhar// dgra bcom ba gam bzhi po spyi rdzogs yangs// ye shes glo skar thabs kyi mda' 'phangs pas// 'chi bdag gshin rje ma rig sems can
217a3 gcod// bsam gtan skyogs sgo yangs pas srid pa'i 'khor rnams 'joms// lcog dmar dpe med srid gsum rtse las yang dag 'phags// mda' yab rtag par rdo rje me ltar 'bar// dbyar zhing sa brlan drod
217a4 gsher zil mi 'go/dgun zhing sprin phung rlung 'tshubs rdul mi 'go/ gnyan te klu rgyal chen po sbrul mi 'khri// gzar te ha lu man+tha spre'u mi 'dzeg/ ye shes mchod rten chos dbyings rnam dag sku// de bzhin nyid kyi
217a5 sku la phyag 'tshal bstod// sprul pa'i mchod rten la bstod pa/ bla med ye shes srid gsum mun sel ba// kun la sgrib pa mi mnga' thugs rje dpal ldan pa// skye dgu rnams la sman slad rgyal ba'i ring
217a6 bsrel snod// chos skur byin gyis brlabs nas mchod rten tshul bstan pa// rnam par 'gro ba'i rigs ldan sa gzhi lta bu la// byang chub sems mchog rdo rje gdan bsgrubs te// chos la dran pa nyer gzhag bang
217b1 rim ni// sdug bsngal tshogs las yid byung lam gyi thog mar bshad// bang rim gnyis pa nyon mongs yang dag spong ba bzhi// mi dge chos rnams rab sdom rnal 'byor rten yang byed// bang rim gsum pa ting
217b2 'dzin rdzu 'phrul rkang pa ste// sems kyi tha ba 'dul zhing bzod pa'i mchog tu gyur// bang rim bzhi pa bsam gtan dbang po lnga rnams ni// mthong ba'i lam gyi gnas yin de nyid stobs thob pa// bum rten khyad
217b3 par tshul grub 'jig rten ches mchog ste// thar pa'i rgyu mtshan dam pa de las lhag pa med// bum pa byang chub yan lag dbyibs sdug snying po'i don// shin tu spras pa med phyir kun nas zlum po gnas// de la
217b4 brten pa'i 'phags pa'i yan lag lam rnams ni// bre legs zur phyin lta bur yon tan rdzogs par snang// srog shing dpag bsam ye shes smon lam chen po yin// shin tu brten par gnas pa rmad byung chos kyi
217b5 sku// 'khor lo rim par brtsegs legs shes bcu'i rim gsum ste// ma 'dres bco brgyad chos kyang de 'dra'i tshul du snang// rnam thar brgyad kyis zur bsam rin chen mgur chu bzang// phan 'dogs skyon ma
217b6 mchis pas nyon mongs med pa'i tshul// rnam grol shes rab ye shes 'od ldan gzugs kun zil gnon pa// bla med yon tan rgyan gcig chos sku bzang la 'os// steng gi rin chen gdugs mdzes rnam kun
218a1 mkhyen pa'i mchog/bsnyel ba med pa'i rgyus bzung thugs rje khyad par byung// de phyir yang dag rim bzhin dam chos sgra sgrogs pa// mi shes gnyid las sad mdzad yan lag bcu gnyis
218a2 ldan// nor bu'i phreng ba spel legs pha rol phyin bcu ste// 'jig rten 'das pa'i dpal dang bkra shis kun mnga'i zhing// sa steng gdugs kyis skyabs ltar tshad med bzhis khyab pa// rgyal ba mi rnams la yang
218a3 dgongs pa mnyam par 'gyur// yid bzhin nor bu'i 'od 'bar mngon par mkhyen pa drug/ 'khor ba'i mnga' la rtag gsal kun tu snang mdzad pa// mi 'gyur kha lo sgyur mchog tshogs chen yongs
218a4 rdzogs phyir// dam chos rgyal por mnga' gsol gser gyi cod pan 'phur// byang chub sems kyi zla tshes dkar po'i chos rgyu dang// ye shes chen po'i me long dus gsum sgrib med dag/ rgyu 'bras bzang por
218a5 'brel pas bstan pa yongs kyi dbus gnas pa// 'gro ba'i skyon rnams sel la phyag 'tshal bstod// rgyal chen phyogs bzhir bkod pa snyems pa mi mnga'i tshul// bsrung med stobs bcu'i rtsal yangs brjid pa
218a6 seng ge ste// rgyal bas bdud kyi tshogs btul mkhyen ldan pa'i// ye shes lhun gyis grub la phyag 'tshal bstod// theg gsum thar pa'i skas btsugs rnam thar sgo ldan pa// so so'i dbang po rim bzhin bsgral
218b1 nas kyang// byang chub chen po'i gdung rgyud 'phel mdzad pa// spyan mnga' rnam par sbyangs la phyag 'tshal bstod// rang bzhin bzod mthar rnam dag de bzhin nyid// spros pa'i dri mas ma gos dkar ba'i tshul
218b2 gcig kyang// rin chen rnam par spras pa'i mtshan mchog rdzogs pa'i sku// 'gro don lhag par mdzad la phyag 'tshal bstod// bde gshegs sku gdung dbyibs bcas chos sku rnam par dag/ gang gis mthong thos
218b3 dran gus mchod cing reg pas kyang// mtho ris nges dpal thar mchog bde thob pas// yon tan rmad byung tshogs mnga' khyod la phyag 'tshal bstod// bsam gyis mi khyab gnas te brjod par mi nus
218b4 bzhin// dad pas 'ol byi cha shas gus par bstod pa la// don med sku rmongs 'phang smad nongs par gyur to 'tshal// bde gshegs mngon sum spyan la nongs skur shin tu bshad// yon tan rgya mtsho mnga' las
218b5 gal te thigs tsam zhig/don dang tshig gi sgo nas tshul 'dra brjod zhe na// dge ba bzang po de ni bdag gi gter chen de// skye dgu mgron du gnyen phyir byang chub mchog tu bsngo// zhes ni phyi rabs 'byung rnams
218b6 lung bstan to// de 'dra'i tshul du shes rab kyis gus pas bstod do// gzugs chen mchod rten la bstod pa// bcom ldan shAkya seng ge'i ring bsrel snod// srid gsum mchod gnas bla med yul gyi rgyan
219a1 bzhugs pa/'od bzang 'tsher bas shel gyi dkar po bzhin du sba// gzi chen lham me lhan ne lhag ge phyogs bcu gar yang gsal// bkra shis byin chags rgyang rings su mthong yang// sdig sbyangs
219a2 dpal bskyed yid 'ong spro kun bde ba thob// mthu chen gnyan pos yul ljaungs stong khams byin chags shing// lha mi 'jig rten gsum gyi mgon skyabs rten gyi mchog/ ye shes tshogs chen rgyas pas bde
219a3 gshegs chos kyi sku// rnam rtog mtha' dang bral bas yon tan kun gyi gzhi// dran pa nye bar gzhag pa rmang gi khri 'phang dang po brtan// brtson 'grus gang dag spros pa'i khri 'phang gnyis pa legs// ting 'dzin
219a4 rdzu 'phrul rkang pa'i khri 'phang gsum pa dge/rnam grol dbang po lnga yi khri 'phang bzhi pa brjid// bum rten stobs lnga bum pa byang chub yan lag bdun// bre legs gru bzhi 'phags pa'i lam gyi yan lag
219a5 brgyad// srog shing stobs bcu gdugs kyi 'phreng ba bcu// gdugs phreng gsum po ma 'dres dran pa nye bar gzhag pa la// snying rje chen pos 'phags pa'i chos kyi char khebs lding// bla med go 'phang brnyes pa'i
219a6 gdugs kyi gnas 'phang mtho// 'jig rten mun sel dag pa'i ye shes zla ba gsal// dbyangs snyan tshangs pa'i gsung gi dril bu sgra snyan 'khrol// yang dag rdzaugs pa'i byang chub dar gyi cod pan 'phur// bden
219b1 bzhi bshad pa'i 'jig rten skyong zhing btsun// rnam dag tshul khrims phung po me tog 'phreng ba bzang// skyon bral bsrung ba med gzhi chos kyi them skas mdzes// chos kyi 'khor lo bskor ba'i ba dan dkar
219b2 po sba// bdud bzhi rgyal mtshan snyel ba'i rtags su chu srin rgyal mtshan grags// mi 'jigs bzhi yi rdo rings seng ges brjid// 'di 'dra'i dam chos ngo mtshar rmad du byung// thabs mkhas thugs rje'i dbang gis
219b3 mchod rten tshul du sprul// nam mkha'i dbyings nas 'ja' tshon gsal ba ji bzhin du// yon tan blo yi khyad par kha dog dbyibs su sgyur// dpal ldan rin chen 'byung gnas ya mtshan chen po la// dus gsum
219b4 rgyal ba rnams kyi mchod rten skur byung tshul// dpal 'byung ka ni ka dang ting 'dzin tshul gcig la// bsod nams gzi brjid chen pos yul khams byin brlabs shing// sangs rgyas sprul pa chen po'i mchod rten
219b5 rnams// phrin las rdzogs par mdzad la phyag 'tshal bstod// de nas sku khrus gsol ba ni// rnam dag skyon bral byang chub sems kyi dbyings// rnam dag skyon bral yon tan tshogs kyi gter// bkra shis bstod
219b6 cing phyag 'tshal bstod pa'i gnas// bdud bzhi'i dpung rnams rab tu tshar gcod phyir// chos dbyings dag pa'i sku la sku khrus gsol// nyon mongs 'khrul pa'i rtog pa dag gyur cig/ ji ltar me long ngos la
220a1 gzugs brnyan snang 'gyur yang// chos kyi sku las rdul tsam g.yos pa med// rin chen sna lngas bsgrubs pa'i mchod rten dang// sa'am chu'am 'on te bar snang la// sems can don du rin chen
220a2 skur bstan pa// mchod pa dmigs par bcas te sku khrus gsol/ khams gsum gnas pa'i bag chags dag gyur cig/ dad rmang gzhi btsugs rnam dag dbu ma 'jams// dran pa nyer gzhag rmang gi khri 'phang
220a3 mtho// theg pa rnams kyi bang rim brtsegs pa la// chos dbyings spros med bum pa zlum po ste// smon lam chen po'i ting 'dzin srog shing btsugs// dge ba'i longs spyod nam mkha' gdugs kyis bkang// byang
220a4 chub sems dpa' zla tshes rnam par dag/mdo sde bcu gnyis 'khor lo'i phreng bas brgyan// snang dbyings chos kyi sku la sku khrus gsol// shar phyogs byams pa'i 'khor lo sku khrus gsol// zhe sdang gdug pa'i
220a5 skyon rnams kun bsal nas// rtag tu byams pa'i ting 'dzin thob par shog/ lho phyogs rin chen chos sku brtsegs pa las// nga rgyal gdug pa'i tshogs kun bsal ba'i phyir// byang chub mchog gi chu bos sku khrus
220a6 gsol/khams gsum 'khor ba'i nga rgyal skyon bral nas// rtag tu 'dod pa'i yon tan tshogs dang ldan gyur shog/ nub phyogs rnam dag pad+ma byang chub chos kyi dbyings// 'dod chags skyon bral pad+ma'i khri
220b1 brtsegs na/khams gsum gnas pa'i bag chags byang bar bya// chos kyi sku la ye shes sku khrus gsol// sems can rnams kyi 'dod chags byang gyur cig/ byang phyogs rnam dag las kyi zhing khams
220b2 nas// 'dod chags sred spangs yon tan rdzogs par ston/ rin chen in+d+ra lta bu'i mchod rten la// las kyi sgrib pa sbyang phyir sku khrus gsol// sems can rnams kyi 'dod pa 'grub gyur cig/ de nas mchod rten
220b3 dbang skur ba// rtog pa ye shes dbang mchog gis// dbang mchog dam pa bskur ba ni// srog shing tshugs pa shes pa bcu yi dbang// 'khor lo pha rol phyin pa bcu yi dbang// char khebs thugs rje chen po'i
220b4 dbang// gdugs ni mtha' gnyis skyob pa'i dbang// rgyal mtshan bdud bzhi las rgyal dbang// ba dan khams gsum ma chags dbang// me tog phreng ba tshul khrims dag pa'i dbang// cod pan khams gsum
220b5 dbang du sdud pa'i dbang// rin chen sna brgyad rgyud las byas pa'i dbang// sems can ma lus re 'dod skong ba'i dbang// sku mdog mu tig dkar po dri med ltar// gdugs mchog sha ri ram gyi dbang bskur
220b6 ro// gzugs su snang ba rnam par snang mdzad sogs// phyag rgya chen po'i tshogs kyis dbang bskur ro// ye shes lnga yi 'od zer 'phro// ye shes lnga yi dbang bskur ro// thams cad du yang skye ba med// chos nyid
221a1 kun bzang dbang bskur ro// zhes gsungs so// sku gdung 'bar ba mchod rten gyi rgyud las/ thun mong las kyi rim pa bstan pa'i le'u ste bzhi pa'o//// de nas bcom ldan 'das gsang
221a2 ba'i bdag pos khyad par du gdab pa 'di gsungs so// lha nyid sgom dang rgyu byin brlab// gdab cing rab gnas bya ba'o// de nas bdag nyid byin brlab pa// bdag nyid pha ma lta bu'i sems/ khams gsum
221a3 gnas pa'i sems can rnams// bu yi 'du shes nyer gzhag nas// bsod nams tshogs dang ye shes tshogs// tshogs chen zung la lam sbyang phyir// dngos rnams rang bzhin mi rtogs pas// bdag kyang stong pa
221a4 nyid du gnas// de bas bdag nyid las kyi lha// rigs lnga zhi khro gang mos su// bskyed la thugs ka ye shes sems// dbang bskur sku gsung thugs byin brlab// spyan drang gzhug cing brtan par bya// de ni
221a5 bdag nyid bsgom par gsungs// oM AHhUM swA hA/ de ltar gsal ba'i rnal 'byor las// 'byung lnga'i rgyu rnams byin gyis brlabs// phyag rgya khong stong rab sbyar nas// a yis 'byung ba rnam pa lnga// stong nyid ngang
221a6 las cir yang snang// ye shes sgyu ma gang 'dod gyur// nam mkha' dag la 'debs 'dod na// phyag rgya thal mo khong stong sbyar// gang zhig sa la 'debs pa ni// phyag rgya spyan gyis 'dul byed bya// chu la 'debs na
221b1 mA ma kI'i// rdo rje bsdams nas mthe'u chung bsgreng// me la 'debs par 'dod pa na// phyag rgya thal mo khong stong las// sor mo me dpung tshul du bya// rlung la 'debs par 'dod pa na// phyag rgya thal mo
221b2 g.yab par bya// 'byung lnga'i byin gyis brlab pa'i sngags// yum chen rnam pa lnga yi sngags// oM bi ra dza badzra swa hA/ dbyings phyug mas nam mkha' byin gyis brlab pa'o// oM badzra d+hA ri dza a ta ka ra swA hA/ sangs
221b3 rgyas spyan gyis sa byin gyis brlab pa'o// oM rma ri na ni badzra d+hA ra swA hA/ mA ma kIs chu byin gyis brlab pa'o// oM badzraag+ni gar sha swA hA/ gos dkar mos me byin gyis brlab pa'o// oM badzra a na li a no la pra tsa
221b4 la mo hUM li t+ya da dar swA hA/dam tshig sgrol mas rlung byin gyis brlab par bya ba'i sngags so// 'byung ba rnam pa lnga po yang// ye shes rdo rje'i rang bzhin las// cir yang snang du rung bar brlab// bdag nyid lha
221b5 yi thugs ka nas// raM yaM khaM gi yi ge las// brkos por sbyangs nas gzhal yas khang// nyi zla gdan dang bcas par bsam// gdab lugs rnam pa lngar shes te// yi dam phrin las rten 'brel dang// lha rnams
221b6 bsgrubs shing tshe 'das sbyang// phyi nang 'byung ba rnam lnga la// g.yon pas phreng ba'i grangs bzung zhing// g.yas pas brkos por btab pa yis// gzhal yas lha dang bcas par bsgom// hUM badzra d+h+r-ig muM d+hA tA+e shwa
222a1 rI// oM dzi na dz-ig/ lam dwe sha ra te/ swa rat+na d+h+r-ig/ maM mo ha ra ti/ aM a ro lig pyaM rA ga ra ti/ ha pradz+nyA d+h+r-ig/ taM badzra ra te/ nam mkha' mi bskyod yab yum nyid// sa ni rnam par snang mdzad la// chu
222a2 ni rin 'byung yab dang yum// me ni snang ba mtha' yas te// rlung ni don grub yab yum la// 'byung lnga rigs lnga sangs rgyas pa'o// gang zhig phrin las sgrub 'dod na// zhi ba rnam par snang mdzad la// rgyas pa
222a3 rin chen 'byung ldan de// dbang la snang ba mtha' yas la// drag po don yod grub pa'o// yang na bde gshegs he ru ka/ rin chen khrag 'thung pad+ma las// gti mug can ni zhi ba la// nga rgyal che la rgyas pa
222a4 de// 'dod chags dbang du 'dus pa dang// phrag dog zhe sdang drag por snang// chu rlung rgyu ba zhi ba las// sa rlung rgyu dus rgyas pa grub// me yi rlung gis dbang du 'gyur// rlung gi rlung la drag por snang// srog
222a5 'dzin las rnams kun la bsngags// oM shAn+tiM ku ru swA hA/ oM puSh+tiM ku ru swA hA/ oM ba shang ku ru swA hA/ oM mA ra ya phaT/ 'od dkar bkug nas gdug pa zhi// ser pos tshe dang bsod nams 'phel// dmar pos
222a6 'gro ba bzang mo dbang// nag pos dgra bgegs gsod par byed// ye shes lha rnams bsgrub pa ni// snying po bris la tsha tshwar gzhug/ bskyed bstim mchod bstod bzlas par bya// mchog gi dngos grub ster bar
222b1 'gyur// 'jig rten lha rnams sgrub 'dod na// gang bsgrub srog sngags tsha tshar bzhugs// bskyed la spyan drang mchod pa 'bul// lha lnga nges par 'grub 'gyur la// thun mong dngos grub ster ba dang// srog ser
222b2 gtad sogs 'grub pa'o// ser ba bcad dam ngag mnan nam// phas kyi rbod gtong bzlog pa sogs// las rnams ma lus 'grub pa yin// thams cad kun gyi gzhir 'gyur ro// gang zhig tshe las 'das pa
222b3 la// rus pa gos sam dri ma la// gur gum la sogs chus bkrus nas// mchod rten nang na yi dam lha// mdun na sgrib pa sbyong ba gnas// oM da ha da ha sarba na ra ka ga te he tu hUM phaT/ oM pa tsa pa tsa sarba pre ta ga
222b4 te he tu hUM phaT/oM ma tha ma tha sarba tir ya ka ga te he tu hUM phaT/ de nas sku gdung byin brlabs la// me long ngos la tsan+dan gyis// sngags ni tshar yang bdun bris la// re re la ni brgya rtsa brgyad// bzlas nas
222b5 bum pa'i nang du blugs// de bzhin bum pa khengs pa'i chu// dkar rtsi sbyar nas mchod rten byug/ yang na 'dag pa'i gseb tu btang// ye d+harmA he tu pra b+ha bA he tun+te ShAn ta thA ga to h+ya ba data/ te ShAny+tsa yo ni ro d+ha e
222b6 baM bA dI ma hA shra ma NaH rgyu 'bras chos rnams rdzogs pa ru// sngags 'dis byin gyis brlab par bya// oM badzra ku sha mr-i ti ud pa ta sa myeg a rid ti/ i tra pa ya ma bo d+hi ang gar d+ya Ar+ya ba ti u rnam ga pa ri
223a1 sur na ru phyi ti ku ru swA hA/'bras bu'i chos rnams rdzogs bya'i phyir// mnyam pa'i phyag rgyas 'od 'phros las// chos rnams rdzogs par byin gyis brlabs/ sku dang ye shes gnyis su gsal// oM
223a2 badzra dz+nyA na pany+tsa kA ya/g+hu ya gar b+ha ma tra shu tri ni/ ku ru dz+nyA sarba ba ga/ a mo ka la ya swA hA/ zhes gsungs so// sku gdung 'bar ba mchod rten gyi rgyud las/ gsang ba chen po las kyi rim pa sna tshogs pa grub par
223a3 bstan pa'i le'u ste lnga pa'o//// de nas bcom ldan 'das dpal gsang ba'i bdag po chen pos lus kyi mchod rten 'di gsungs so// he ru ka yi gnas bcu nas// gdug pa thabs kyis bsgral ba'i
223a4 phyir// dur khrod chen po'i gnas brgyad du// rang byung mchod rten chen po ni// shar phyogs rgya gar yul na ni// ma ga d+ha yi ljongs dag na// dur khrod chen po bsil ba'i tshal/ lum ba'i tshal du sku bltams
223a5 nas// ba su ki dang sgrogs pa dang// shir sha'i shing dang lha dbang dang// yid bzhin lhun grub bde byed bstan// dus gsum sangs rgyas rab bdun byung// mkhas shing snying stobs che ba'i gnas// gtum drag
223a6 in+d+ra bo d+hi'i gnas// 'byung po rag sha seng mdog bzhugs// shar lho mtshams ni bal po'i yul// ta na ya ma kha byang kri// lhun grub dur khraud byin za dang// shi bu ka ran tsa ta 'bim pa dang// mchod rten kha
223b1 shor bya khi kha// ston pa dka' thub mdzad pa de// bal rje na le 'be ba yod// de na zas kyi longs spyod che// bkra shis mchod rten hu lu ka/ 'byung po gu gu ta nags gnas// lho phyogs sing ha'i yul dag
223b2 na// dur khrod chen po sku la rdzogs// tsu ta'i shing na gshin rje dang// keng rus can te sin+d+hu'i mtsho// ston pa rab tu byung ba'i gnas// mthong thos rdzu 'phrul mang po ldan// pad+ma drag po g.yo ba dang// mchod rten
223b3 ri bo ta la nyid// 'byung po ser skya ral pa can// lho nub mtshams kyi tho gar yul// dur khrod chen po gsang chen na// rigs ldan dang ni gtum pa dang// shang ni ral twa srin po dang// ston pas bdud rnams
223b4 btul ba'i gnas// mthu dbang rab tu che ba'i yul// phyag na rdo rjes dbang bskur zhing// rgyal po ku ku rA dza'i gnas// mun pa drag po drag kyang yul// mchod rten mgo mangs bsod nams gter// 'byung po
223b5 nag po dbang ldan bzhugs// nub kyi phyogs na za hor yul// dur khrod khu byug kong dgu na// shing bu kang kol klu dbang gnas// kar ko ta dang g.yo bstan dang// rgya mtsho rba klong can dag na// rgyal po tshangs
223b6 pa byin gyi dbang// rdo rje 'bar ba mya ngan 'das// mchod rten bde byed gzhon nu bzhugs// rin chen sna brgyad yod pa'i gnas// 'byung po rdo rje sna yon yod// nub byang mtshams su kha che'i yul// dur khrod chen
224a1 po he chen rol// klu bdag dung skyong sprin dbang phyug/ bar ka par ta'i nags tshal na// ston pa khab tu bzhengs pa'i gnas// rgyal po ma skyes dgra yi yul// 'dod pa'i yon tan phun sum
224a2 tshogs// ki ki ki la sgra yang sgrogs// mchod rten thar legs chen po yin// 'byung chen gcer bu ral pa can// byang gi phyogs na u rgyan yul// dur khrod pad+ma brtsegs pa na// a shwad shing la gnod sbyin
224a3 dang// 'jog po dang ni cher sgrogs dang// ston pas chos kyi 'khor lo bskor// u rgyan thor cog can gyi yul// bying chu'i rgya mtsho chen po ni// u rgyan rgyal po u pa rA// tshang tshing na ni chos kyi gter// gzi
224a4 yi mchod rten chos 'khor can// 'byung po'i tsa na dbus na yod// byang shar mtshams na li yi yul// dur khrod 'jig rten mngon rdzogs na// dpal ldan pad+ma chen po dang// mi bzad drag po gang ba dang// mchod
224a5 rten gau te shan zhes bya// ston pas cho 'phrul bstan pa'i gnas// chu byin me 'bar 'phrul snang mang// li rje btsan po'i rgyal khams yin// de ltar dur khrod chen po brgyad// mchod rten chen po brgyad rnams
224a6 bzhugs/sangs rgyas sku yi rten yin te// rigs lnga'i sangs rgyas sku gdung dang// sprul pa sku yi sku gdung dang// nyan thos rang rgyal byang chub sems// mya ngan 'das pa'i sku gdung snod// mchod rten bum par
224b1 gnas pa yin// sku gdung rnams kyi rgyu bshad na// de rgyu'i snying po byang chub sems// rkyen ni sngags dang phyag rgya dang// ting 'dzin bzang mos 'grub pa de// mdor na bskyed dang rdzogs par snang// stong nyid
224b2 rab tu 'byongs las byung// 'bras bu rgyu dang 'brel ba ni// byang chub sems rtog ring bsrel byung// gzugs sku 'byongs na yi dam sku// ye shes rtogs na 'ja' tshon 'od// bla ma mnyes na yi ge'i
224b3 'bru// mkha' 'gro 'dus na sgra yang sgrogs// sku rnams 'byongs na sku gdung nyid// gsung rnams 'thebs na yi ge sngags// thugs nyid 'byongs na ring bsrel shar// mtshan rtags mthar phyin tshogs rdzogs
224b4 nas// dung gi gzugs su snang ba yin// mdo bzlas ngag la 'thebs pa ni// me tog gzugs kyang 'byung ba yin// mdor na dge ba'i las brtson na// dge rtags ci yang snang ba yin// sku gsum 'grub pa'i rgyu
224b5 yin pas// ma 'ongs chos la bsgom bsgrub rnams// brtson pas byas nas 'bad pas 'grub// rang lus mchod rten chen por shar// lto ba rmang gzhi legs pa la// yan lag bzhi po bang rim nyid// mgo ni bum
224b6 par gnas pa yin// phung po lnga dang 'byung ba lnga// dbang po rnam shes mchod rten lha// lus kyi tshul du sangs rgyas pa'o// rdzogs pa a nu yo ga yi// srog shing gsum gyi mchod rten la// me rlung gnyis kyi rmang
225a1 gzhi bting// 'khor lo bzhi yi bang rim la// dbu yi gtsug tor bum par shar/ khams kyi bdud rtsi lha yi bu// dri chen rnam snang byang chub sems// mi bskyod sha chen rin chen 'byung// pad+ma rak+ta
225a2 snang mtha' yas// dri chu las te 'byung bzhi yum// sngags kyi yi ge ngag tu gnas// 'od kyis 'gro ba'i sgrib pa sbyangs// snying po rlung ni thugs su gnas// 'gro ba ma lus gnas 'dir gnas// 'gro ba ma lus
225a3 gnas 'dir 'dus// oM AHhUM/ 'jug dang ldan dang gnas pa yis// sku gsum mi zad rgyan 'khor 'grub// oM AHhUM swA hA/ lnga yi bdag nyid bcu ming can// 'di ni rnam shes gzhol ba'i lha// rigs lnga 'khor
225a4 bcas sangs rgyas pa'o// a nr-i su tri pre du/ 'dod pa'i khams na gnas pa rnams// yi ge drug gis rab tu sbyangs// oM gzugs khams bsam gtan gnas pa kun// sngags kyi mchod rten nyid du
225a5 nges// gzugs med sangs rgyas a ru sangs rgyas pa/ khams gsum ye nas mchod rten sbyangs// zhes gsungs so// sku gdung 'bar ba mchod rten gyi rgyud las/ rang lus mchod rten du bstan pa'i le'u ste drug
225a6 pa'o//// de nas bcom ldan 'das kyis man ngag rdzogs pa'i mchod rten 'di gsungs so// kun gzhi'i rnam shes mchod rten la// nyon mongs yid kyi bang rim bcas// yid kyi rnam shes bus pa
225b1 la// sgo lnga'i rnam shes 'khor lor gsal// kun gzhi rnam dag chos kyi sku// rang byung ye shes rdzogs pa'i yid// nyon mongs rnam lnga ye shes 'khor// sgo lnga snang ba rol par bshad// 'khor ba nyid ni mya ngan
225b2 'das// snang srid gzhi bzhengs chos kyi sku// byas pa med par ngang gis grol// rang byung ye shes mchod rten du// 'khor 'das ma lus rdzogs par gnas// ma byas lhun gyis grub pa'o// sku gdung 'bar ba
225b3 mchod rten gyi rgyud las/man ngag rdzogs pa'i mchod rten gyi le'u ste bdun pa'o//// de nas gsang ba'i bdag po la dge slong li tsa byi dri ma med par grags pas zhus pa/ bcom ldan 'das ma 'ongs
225b4 pa'i sems can skal ba dman pa rnams kyi don du/mchod rten gyi smon lam rgya chen po yon gyi bdag po rnams kyis go bar gsung du gsol/ zhes zhus so// de nas bcom ldan 'das kyis rtsod dus kyi blau dman
225b5 pa rnams kyis go bar bya ba 'di gsungs so// bcom ldan 'das de bzhin gshegs pa dgra bcom pa yang dag par rdzogs pa'i sangs rgyas rnam par snang mdzad dang/ bcom ldan 'das mi 'khrugs pa dang/
225b6 bcom ldan 'das rin chen 'byung ldan dang/ bcom ldan 'das snang ba mtha' yas dang/ bcom ldan 'das don yod grub pa dang/ bcom ldan 'das shAkya thub pa la sogs te/ ston pa chos kyi rgyal po chen po sku
226a1 gsum dang ye shes bzhi mnga' ba/stobs dang ma 'dres pas brgyan pa thams cad la/ ming 'di zhes bgyi ba lus ngag yid dang bas gus par phyag 'tshal lo// don dam pa'i chos gsung rab mdo
226a2 sde bcu gnyis dang/sde snod gsum gyis bsdus pa rgyu dang 'bras bur bcas pa thams cad la gus par phyag 'tshal lo// byang chub sems dpa'i dge 'dun 'phags pa byams pa dang/ 'jam dpal dang/ spyan
226a3 ras gzigs kyi dbang phyug dang/phyag na rdo rje dang/ sa'i snying po dang/ nam mkha'i snying po dang/ sgrib pa rnam par sel ba dang/ kun tu bzang po la sogs te sa bcu rim par bzhugs pa thams cad la phyag
226a4 'tshal lo// 'phags pa nyan thos kyi dge 'dun/ 'phags pa shA ri'i bu dang/ 'phags pa mo'u 'gal gyi bu dang/ 'phags pa rab 'byor dang 'od srungs la sogs te/ skyes bu zung bzhi dang/ gang zag ya brgyad
226a5 kyis bsdus pa thams cad la gus par phyag 'tshal lo// mchod rten dang sku gdung dang ring bsrel la sogs pa/ de bzhin gshegs pa mya ngan las 'das pa'i slad du/ sems can rnams kyis bsod nams thob
226a6 par bgyi ba'i slad du/thugs rje chen pos khyab pa'i byin gyis brlabs te/ bzhugs pa thams cad la yang gus par phyag 'tshal lo// dpal tshangs pa dang/ brgya byin dang/ rgyal po chen po bzhi dang/ phyogs
226b1 skyong bcu la sogs pa la yang gus par phyag 'tshal lo// dam pa'i chos bsrung zhing lha dang mi'i srid par sbyor ba'i srung ma dam tshig can thams cad la gus par phyag 'tshal lo// 'phags pa thams cad ming 'di
226b2 hes bgyi ba la dgongs su gsol/mchod rten ni de bzhin gshegs pa thams cad kyi sku gzugs brnyan rgyu dang 'bras bur bstan te/ rgyu'i chos bang rim dang po dran pa nye bar gzhag pa bzhi dang/ bang rim
226b3 gnyis pa yang dag par spong ba bzhi dang/bang rim gsum pa rdzu 'phrul gyi rkang pa bzhi dang/ bang rim bzhi pa dbang po lnga dang/ bum rten gyis stobs lnga dang/ bum pa byang chub kyi yan lag bdun dang/ kha
226b4 khyer gyis 'phags pa'i lam yan lag brgyad dang/'bras bu'i chos kyi 'khor lo bcu gsum gyis/ de bzhin gshegs pa'i stobs bcu ma 'dres pa'i dran pa nye bar gzhag pa bzhi dang/ char khebs kyis thugs
226b5 rje bstan pa dang srog shing gi shes pa bcu bstan te/de bzhin gshegs pa chos kyi sku'i gzugs can de lta bu bgyi ba'i rgyu ni/ da ltar gyi sa dang 'jim pa 'di dag gser dang dngul dang shel la sogs pa/ rin
226b6 po che sna tshogs su dmigs te de dag las grub pa'i mchod rten 'phang du dpag tshad tsam la rgya dpag tshad phyed tsam gyi nang na/sku yi gzugs brnyan tsha tshwa btab pa rnams/ dpal rnam par snang mdzad la sogs
227a1 pa/sangs rgyas dang byang chub sems dpa' sha stag bzhugs pa'i zhal nas/ gsang sngags dang/ rig sngags dang/ gzungs sngags kyi 'od zer byung ste/ sems can rnams kyi sgrib pa sbyong zhing don
227a2 mdzad pa de lta bus/phyogs bcu'i 'jig rten gyi khams lag mthil ltar mnyam pa thams cad du gang bar mos shing de bzhin du gyur cig/ de ltar bzhugs pa'i 'phags pa thams cad la ming 'di zhes bgyi ba
227a3 dang bdag cag la sogs pas/lus rdul snyed du gyur pa'i lus dang ngag dang yid rab tu dang bar gus pa'i phyags 'tshal lo// dpal kun tu bzang po'i mchod pa'i sprin phung rgyas pa thams cad kyis mchod
227a4 do// sku dang gsung dang thugs dang phrin las kyi yon tan khyad par can mnga' ba rnams la// sems dang bas dmigs te chags pa med pa'i dbyangs snyan pas bstod do// 'phags pa thams cad ming 'di zhes
227a5 bgyi ba dang/bdag cag la sogs pa la dgongs su gsol/ ming 'di zhes bgyi ba dang bdag cag la sogs pas/ chos kyi sku dang gzugs kyi sku mthong zhing thob par bgyi ba la/ sdig pa mi dge ba'i chos
227a6 ci mchis so 'tshal 'thol zhing bshags so// 'phags pa rnams kyi sku de dag mnyes pa dang/ sku de dag thob par gyur pa'i so so skye bo yan chad kyi dge ba'i rtsa ba thams cad la rjes su yi rang ngo// thugs rje'i
227b1 dbang gi sprul pa'i sku 'byung ba thams cad chos kyi 'khor lo bskor bar gsol lo// gang gis chos kyi 'khor lo bskor nas sems can gyi don mdzad nas/ 'dul ba'i ched du thabs kyis mya ngan las 'das par ston
227b2 par bzhed pa de dag thams cad mya ngan las mi 'da' bar gsol ba btab bo// ji ltar 'phags pa rnams kyis sems can gyi don du byang chub tu thugs bskyed cing// de dge ba'i rtsa ba bla na med
227b3 pa'i bsngos pa de ltar/ming 'di zhes bgyi ba dang bdag cag la sogs pas kyang/ byang chub tu sems bskyed cing/ dge ba'i bla na med par bsngo'o// sku gdung 'bar ba mchod rten gyi rgyud las/ smon lam dge
227b4 ba bsngo ba'i le'u ste brgyad pa'o//// de nas gsang ba'i bdag pos rnying pa spo ba 'di gsungs so// sku gdung rnying pa spo ba ni// sbyor ba dngos gzhi rjes yin no// de la sbyor ba'i bsam pa ni// bgres
227b5 shing gnas nas 'o brgyal bas// de brten gzhan la sdig sod pas// mos pas bzang por bzhed par bya// dngos gzhi 'di ltar bya ba ste// rnying pa gshegs la gsar ba bzhengs// gshegs pa'i cho ga rab
227b6 gnas gso// mchod cing mnga' gsol gshegs par zhu// sdig sgrib nyams bshags gshegs su gsol// rten 'brel snying pos 'jig par bya// sa rdo dkor yin ma yar bar// bzhengs pa'i gnas su ma lus
228a1 bskyal// de nas gsar pa bzhengs pa ni// dus rings ma lon sngar tshad lhag/ sdig bsags spangs te dge la gnas// bzhengs nas rab gnas ldan par bya// rjes la bkur sti phu dud
228a2 sogs// mchod rten mchod pa rgyas par bya'o// zhes gsungs pas/ dman pa'i lus kyi sems dpa' rnams// gsang ba'i bdag po la bstod pa/ kye gsang ba'i bdag po khyod// bla med rang bzhin yid gzugs
228a3 sprul// sngags dang mchod rten kun tshang ba'i// mchod rten 'bar ba'i rgyud gsungs pas// mtha' yas sems can tshogs rnams rdzogs// sangs rgyas nyid du 'di 'gyur ro// zhes bstod do// de nas ston pas
228a4 gsungs pas/dam pa'i rigs can dra ma rnams// sku gdung 'bar ba'i rgyud 'di ni// sngo dman rnams kyis go bar bya ba'i phyir/ khyed la man ngag gnyis su gtad// ces gsungs pa la rjes su yi rang ngo// sku
gdung 'bar ba'i rgyud las/

CLOSE WINDOW