CLOSE WINDOW

Gpb033.010
བོད་ཡིག

rgya gar skad du/ badzra sa twa ma hA a ka sha pu Sh+ti na ma/ yo gi ni tan+t+ra/ bod skad du/ rdo rje sems dpa' nam mkha' che rgyas pa zhes bya ba rnal 'byor pa'i rgyud/ bcom ldan 'das dpal rdo rje 'dzin pa la phyag 'tshal lo// 'di skad bshad pa'i dus ni/ bcom ldan 'das de bzhin gshegs pa thams cad kyi bdag nyid/ sku gsung thugs kyi rang bzhin/ bde ba'i mchog/ btsun mo dam pa bde ba mchog gi pad+ma la dam par bzhugs so// de'i byin gyi rlabs las byung ba'i longs spyod par mdzad pa'i longs spyod chen po/ btsun mo dam pa'i pad+mo gzhal yas khang brtsegs pa/ dbyibs dang tshad dpag tu med pa na// rdo rje rnam par snang mdzad dang/rdo rje mi bskyod pa dang/ rdo rje dkon mchog dpal dang/ rdo rje tshe mtha' yas pa dang// rdo rje grub pa gdon mi za ba dang/ btsun mo dam pa yangs pa'i spyan dang// mi bskyod ma dang/ rin chen ma dang/ tshe dpag med pa dang/ grub pa gdon mi za ba dang/ gzhan yang byang chub sems dpa' sa'i snying po dang/ phyag na rdo rje dang/ nam mkha'i snying po dang/ 'jig rten dbang phyug dang/ byams pa dang/'jam pa'i dbyangs dang/ sgrib pa rnam par sel ba dang/ kun tu bzang po dang/ btsun mo dam pa sgeg mo dang/ phreng ba ma dang/ dbyangs ma dang// gar byed ma dang/ bdug spos ma dang/ me tog ma dang/ mar me ma dang/ dri chab ma dang/ dam pa'i sgo srung gshin rje gshed po dang/ rnam par rgyal ba dang/ pad+ma mthar byed dang/ bdud rtsi thab sbyor dang/ btsun mo dam pa gshin rje gshed mo dang/ rnam par rgyal ma dang/pad+ma mthar byed ma dang/ bdud rtsi thab sbyor ma dang/ de dag la sogs pa 'khor rnams dang gnyis su med par bzhugs so// de yang dper na til 'bru bzhin du gang nas khyab par bzhugs pa ste/ de dag gi 'od kyis 'jig rten gyi khams snang bar byas/gang bar byas/ khyab par byas nas lhan ne lhang nge ba ji lta ba bzhin du gnas par gyur to// de nas longs spyod par mdzad pa'i longs spyod chen po'i byin gyi rlabs las/thub pa chen po rnams stong gsum gyi stong chen po rnams su byung bar gyur te/ de dag gi mthus 'jig rten gyi khams thams cad g.yos/ rab tu g.yos/ kun tu g.yos so// shig shig/ rab tu shig shig/kun tu shig shig go/ chem chem/ rab tu chem chem/ 'ur 'ur rab tu 'ur 'ur/ kun tu 'ur 'ur ro// de nas mtha' dang dbus mnyam par gyur nas/ sems can rnams 'dul bar mdzad do// de yang smon lam gyi dbang gis sku sna tshogs pa dang/gsung sna tshogs pa dang/ thugs sna tshogs pas 'dul bar mdzad de/ skus 'dul ba la mi'i cha byad du byung nas/ bltams pa dang/ rab tu byung ba dang/ dka' thub mdzad pa dang/chos kyi 'khor lo bskor ba la sogs pa dang/ gzhan yang seng ge'i cha byad dang/ glang po che'i cha byad la sogs pas 'dul bar mdzad do// gsung gis 'dul ba ni/ lha la lha'i skad dang/klu la klu'i skad du 'dul bar mdzad do// thugs kyis 'dul ba ni/ ting nge 'dzin gyi 'od zer dang/ rdzu 'phrul gyi cho gas 'dul bar mdzad do// de bzhin gshegs pa thams cad kyi rang bzhin nam mkha' che ba rgyas pa'i rgyud las/gleng gzhi'i le'u ste dang po'o//// de nas bcom ldan 'das longs spyod par mdzad pa'i longs spyod chen po de/ rgyal po sbyin pa zhes bya ba'i ting nge 'dzin la snyoms par zhugs nas/'khor gyi nang du zhal 'dzum pa mdzad de mi snang bar gyur to// de nas bcom ldan 'das de bzhin gshegs pa thams cad kyis/ bcom ldan 'das de bzhin gshegs pa thams cad kyi bdag po la mgrin gcig tu 'di skad gsol to// e ma ho sangs rgyas thams cad kyi/ sku gsung thugs kyi bdag po mchog/ thabs mkhas thugs rjes gzung slad du// sku yi dbyig tu bdag sbyor cig/ de nas bcom ldan 'das de bzhin gshegs pa thams cad kyi bdag po de/kun tu bzang po'i gzugs su byung nas/ zhal gsum phyag drug par de bzhin gshegs pa thams cad kyis gzigs par gyur to// de nas bcom ldan 'das de bzhin gshegs pa thams cad kyi bdag po kun tu bzang po la/de bzhin gshegs pa rnam par snang mdzad la sogs pas phyi nang gsang ba'i mchod pas yang dag par mchod de/ phyag 'tshal nas 'di skad ces gsol to// bcom ldan 'das de bzhin gshegs pa thams cad kyi bdag pos/ bdag cag rnams gsang ba'i dkyil 'khor du dbang bskur bar mdzad de/ mtshan ma med pa'i chos kyi 'khor lo bskor du gsol zhes brjod pas/bcom ldan 'das de bzhin gshegs pa thams cad kyi bdag po yongs su mnyes pas khyab par gyur te/ de bzhin gshegs pa thams cad la 'di skad ces bka' stsal to// e ma ho rgyud 'di rtogs dka' bas// de dag thams cad zhu 'dod pa// legs so legs so byang chub che// legs so legs so gus pas nyon// de nas de bzhin gshegs pa thams cad kyis rab tu dga' ba'i spyan rgyas pas yang nas yang du phyag 'tshal nas 'di skad ces gsol to// e ma ho/ sangs rgyas kyi sangs rgyas// e ma ho// sangs rgyas gsungs pa legs// e ma ho// byang chub chen po'i mchog/ bcom ldan 'das kyis bshad du gsol// e ma ho sems can thams cad ni// byang chub tu ni sgrub pa'i thabs// shin tu sbyor ba'i ting 'dzin mchog/ gzu bo chen pos bshad du gsol// de nas bcom ldan 'das de bzhin gshegs pa thams cad kyi bdag pos/de bzhin gshegs pa thams cad la 'di skad ces bka' stsal to// sems can byang chub bsgrub pa'i thabs// yang dag shin tu rnal 'byor 'di// myur du bla med 'dod pa'i phyir// nyon cig nga yis bshad par bya// de nas bcom ldan 'das de bzhin gshegs pa thams cad kyi bdag pos/ zil gyis gnod pa rdo rje zhes bya ba'i ting nge 'dzin la snyoms par zhugs te/ 'khor rnams gsang ba'i dkyil 'khor du bcug nas/ dbang bskur bar mdzad do// de nas gdod chos 'chad do// kun gyi rang bzhin de bzhin nyid// kun gyis bsgrub par bya ba de// thabs su ye shes bskyed pa las// phyogs su bltas pas mthong ba med// de bzhin nyid kyi rang bzhin ni// sus kyang mthong bar mi nus te// sangs rgyas kyis kyang mi gzigs pas// rang byung ye shes gnas med snang// de nyid phyir na rang bzhin med// med pas med pa'i 'bras bu 'byung// yod dang med pa gnyis med pas// rtog med dbu ma zhes bya'o// rang bzhin de nyid kho na la// brjod pa'i rang bzhin ci yang med// dbang po'i yul du gang gyur pa// de dag tshad ma ma yin no// chos rnams kun gyi chos nyid ni// skye ba med cing 'gag pa med// rtag dang chad pa'ang yod min te// tha dad ma yin don gcig min// 'ong ba med cing 'gro med pa// spros pa nye bar zhi ba'o// dam pa'i don la dngos med de// mig dang rna ba sna dang lce// lus dang yid la sogs pa yi// dbang po rnams kyis mthong min te// mthong ba blo yis bslad pa yin// yang dag ma rtogs 'khor ba dang// mya ngan 'das la rlom sems byed// yang dag rtogs na 'khor ba dang// mya ngan 'das la rlom sems med// de bzhin nyid la gnas bcas na// g.yo dang mi g.yo rnam par dag/ gzung dang 'dzin pa rnam dag nas// phra rgyas 'gag cing skye ba med// brjod med rnam par mi rtog pa// yi ge med pa'i gsung mchog ste// sgra yig rnam par spangs nas ni// sems kyi rgyu ba'ang bkag pa'o// de bzhin gshegs pa thams cad kyi rang bzhin nam mkha' che rgyas pa'i rgyud las/gleng bslang pa'i le'u ste gnyis pa'o//// rang bzhin gnas pa'i ngo bo las/ khyad par 'ga' yang yod pa min// de bzhin nyid ni chags med de// ma skyes mi gnas mi dmigs shing// mi rtog bde dang ldan pa'o// de bzhin gshegs pa thams cad kyi rang bzhin nam mkha' che rgyas pa'i rgyud las/ chos nyid mi 'gyur ba bstan pa'i le'u ste gsum pa'o//// de nas bcom ldan ldan 'das de bzhin gshegs pa thams cad kyi bdag po dgyes pa chen pos/ nyid kyi che ba dbyung bar bzheng nas/ sku dang ye shes kyi bdag nyid 'di lta bu gsungs so// kun la khyab pa'i rang bzhin ni// sangs rgyas kyis kyang ma gzigs te// mngon sum mi gnas kun tu khyab// kun tu 'od do 'dus ma byas// rtag pa de nyid rdo rje'i sku// kA ya dag pa'i rgyal mchog ste// chos nyid sku zhes bshad pa yin// de rtogs gsal bar byed pa ni// rang byung ye shes chen po ste// kun gzhi la sogs gyur pa ni// thabs kyi rim pas 'byung ba ste// pad+ma spyan te 'dus byas so// mi rtag mngon byang chub pa'i sku// pa tra bsags pa'i sku mchog ste// stong pa nyid kyi ye shes pas// skad cig gcig mngon rdzogs byang chub// gnyis su med med pa chos kyi sku'o// byin gyis rlabs las byung ba yi// rang bzhin dkyil 'khor chen po na// kun rdzob don du sems bskyed nas// snang ba mi 'gog pa yi thabs// sngags dang phyag rgyas rab brtan pas// rdo rje dbyings kyi dkyil 'khor shar// longs spyod sku des rten 'brel mchog/yi ge 'khor lo tshogs chen te// mtshan dang dpe byad ldan par gnas// rgyun gyis rtag pa bsod nams sku// ye shes rnams dang yang dag ldan// mgon po bdag nyid chen pos ni// rdo rje 'khor lo bskor ba na// ljags kyi dbang po bkram nas ni// chos kyi 'khor lo skor bar byed// rig pa'i skyes bu chen po las// smon lam las ni rten 'brel bas// 'jig rten khams ni thams cad du// sprul pa'i sku ni snang bar byed// ye shes rnams dang yang dag ldan// mi rtag de nyid 'dus byas pas// bltams nas mya ngan 'da' bar ston// log par rtog pa thams cad la// thugs rje'i zhing du 'brel pas na// sku gsung thugs kyi rim pa yis// 'gro ba'i rgyud rnams smin par mdzad// de bzhin gshegs pa thams cad kyi rang bzhin nam mkha' che rgyas pa'i rgyud las/ 'bras bu'i bdag nyid sku dang ye shes bstan pa'i le'u ste bzhi pa'o//// de nas bcom ldan 'das de bzhin gshegs pa thams cad kyi bdag pos/ bsgrub par bya ba'i don gyi thabs sku dang gsung dang thugs kyi dkyil 'khor 'di rnams gsungs so// chos rnams kun gyi de bzhin nyid// pho mo ma yin ma ning min// mtshan med ma yin rigs rgyud min/ kha dog ma yin dbyibs ma yin// sku gsung thugs kyi rgyu yin te// med pa ma yin med pa yi// 'bras bu 'byung bas snying po yod// kun la khyab pa'i dbyings nyid las// dkyil 'khor sna tshogs brjod mi lang// chos dang longs spyod rdzogs sku dang// bsam yas sprul sku sna tshogs pa'i// rnam par 'phro ba'ang spros pa med// rnam dag sku ston ma yin te// srid gsum 'gro ba thams cad la// ji ltar 'dul ba'i sku yang ston// stong nyid dbyings las g.yos pa med// ces brjod pas/ sku'i dkyil 'khor thams cad yang mi snang bar gyur te/de nas yang gsung gi dkyil 'khor 'di dag gsungs so// brjod du med pa'i bdag nyid las// 'dul ba'i dbang gi ji snyed pa// rtog 'dul sgra skad de snyed 'phro// theg gcig thig gnyis theg dang gsum// theg pa lnga dang bsam mi khyab// theg pa mtha' dag ngas bstan te// dbus mtha' rnam par bkag pa'o// gsung gcig dkyil 'khor yang dag ni// bsam gyis mi khyab kun tu 'phro// thams cad gsung gi dkyil 'khor mchog/ brgyad khri bzhi stong mtha' yas pa// gsang ba'i dbyings su thim mdzad do// zhes brjod pas/ gsung gi dkyil 'khor de dag thams cad/chos kyi dbyings su thim nas mi gsal bar gyur to// de nas thugs kyi dkyil 'khor chen po 'di gsungs so// de bzhin nyid kyi phyag rgya las// phyag rgya chen po rnam 'phros te// de bzhin rigs dang rdo rje'i rigs// rin chen rigs la sogs pa yi// phyag rgya chen po 'od du 'bar// u dum bA ra'i me tog bzhin// brgya lam na ni re 'ga' 'o// sgyu ma'i dkyil 'khor thams cad kyang// rang snang ba yi rig pa ste// gzhan na yod pa ma yin no// zhes brjod pas/ thugs kyi dkyil 'khor thams cad mi dmigs par gyur to// de bzhin gshegs pa thams cad kyi rang bzhin nam mkha' che rgyas pa zhes bya ba'i rgyud las/ sku dang/ gsung dang/ thugs kyi dkyil 'khor mi rtog par bstan pa'i le'u ste lnga pa'o//// de nas de bzhin gshegs pa thams cad btsun mo'i tshogs dang bcas pas/ bcom ldan 'das de bzhin gshegs pa thams cad kyi bdag po la lan gsum du bskor ba byas te/phyag btsal nas/ 'dun pas mgrin gcig tu/ 'di skad ces gsol to// sku gsung thugs kyi bdag po mchog/ ma 'ongs rnams kyi don slad du// thabs kyi mchog tu gang gyur pa// gzu bo chen pos bshad du gsol// de nas bcom ldan 'das dgyes pa chen pos zhal 'dzum pa mdzad de/ shin tu sbyor ba'i ting nge 'dzin la snyoms par zhugs te/de bzhin gshegs pa thams cad la gsang ba dam pa 'di lta bu gsungs so// gang zhig bsgrub par 'dod pa ni// thos bsam bsgom la rab gnas shing// shes rab can du gang gyur pa// snying rje'i mthu las byung ba la// byang chub sems dang yang dag ldan// gtong dang tshul khrims la sogs pa// spyod pa rgya mtsho'i gzhir gyur te// dbang skur cho ga phun sum ldan// rnal 'byor rgyud ni thams cad las// thabs kyi rim par gang gyur pa// rin chen rigs su gang ldan pas// bla ma'i kha nas rtogs par bya// yang dag bsgrub par 'dod pa la// ji skad gsungs pa'i yon tan ldan// mang du thos shing shes rab ldan// 'khor gyi 'jigs bral skyo ba med// seng ge thugs rje rab ldan pas// dam pa'i don nyid ma nor bslab// de bzhin gshegs pa thams cad kyi// theg pa'i mchog ste bla na med// mchog tu gyur pa bsgrub par bya// yang dag mthong bas rtogs 'gyur na// rang bzhin med par cir yang snang// rang bzhin med pa'i don de ni// blun po rtog ge'i spyod yul min// rang bzhin rang bzhin ma mthong na// sgrib pa kun las nges grol te// ting nge 'dzin gyi bde ba las// rang byung kun ngam lhun gyis grub// dngos po'i dbang gis 'di zhes ni// rdo rje sems pas ma gsungs te// sems can bsam pa'i dbang gis na// gsang ba rnam pa du ma gsungs// gsang ba dbyings kyi dbus dag tu// nyi zla pad+mar bcas pa'i gdan/ bskyed dang rdzogs pa gang ldan pas// dkyil 'khor thams cad bsgom par bya// mtshon cha rnams kyis drangs nas ni// sa chung 'khril ba'i bde bar gnas// rim pa rim pa ma yin pa'i// rin chen steng dang 'og gi sgo// rab tu brtan pa'i a dkar te// til 'bru tsam du bsgom par bya// yang du nyung dkar tshad du ste// mkhas pas cho ga ji bzhin bsgom// yang dag nyid de yang dag blta// yang dag mthong na rnam par grol// yang dag ma mthong 'jig rten sems// mi shes blun pas byis pa 'dra// byis pa rnams la brjod par bshad// rnal 'byor pa la gdams ngag go/ shes rab thabs la brten nas ni// dkyil 'khor thams cad 'grub pa yin// gsang ba dag la 'jug pa na// 'dod pa'i dga' ba ma yin te// ting nge 'dzin las skyes pa yi// dga' ba dang ni blang bar bya// 'di ni dga' ba chen po ste// yang dag bde ba chen po yin// che ba'i ye shes rnyed dka' ba// shes rab thabs la brten las 'grub// shes rab thabs kyi phyag rgya las// bde ba'i rol mo rnam 'phro bas// 'od zer lcags kyus drangs pa rnams// rim pa rim pa ma yin pas// snying gi pad+mar yang dag gzhug/ yang dag muM ni dri med dkar// tsa na ka yi 'bru tsam la// 'od zer spro bsdu'i sbyor ba yis// dbang po la sogs g.yo ba kun// dri med nyid du nges sbyar na// thugs kyi ye shes lnga blta zhing// yang dag dri ma med mthong na// de bzhin nyid pas de bzhin gshegs// de bzhin gshegs pa thams cad la// dri med 'di las gzhan mi mnga'// 'das dang da ltar byung ba kun// 'di yis lhun gyis grub par 'gyur// de bzhin gshegs pa thams cad kyi// sngags kyi snying po kun bsdus pa// oM hU~M swA aM hA ste// gnas lnga dag tu rnam bkod nas// 'od zer lcags kyus drangs nas su// ye shes rnams kyis gzugs su bsgyur// dkyil 'khor la ni dkyil 'khor thim// thams cad rdzogs pa'i dkyil 'khor la// ting nge 'dzin gyi mchod pa 'bul// mnyes nas grub pa'i tshul 'chang ba// yon tan mi zad gter gyur te// tshe ring bde ba phun sum tshogs// longs spyod 'byung zhing ngan song sbyong// de bzhin gshegs pa thams cad kyi// sku dang ye shes thob par 'gyur// shes rab gsum la sbyangs pa yis// ye shes myu gu skyed par byed// sa thob 'jigs pa lnga dang bral// 'khor ba las ni mya ngan 'das// sgrib pa mtha' dag gcod byed pa// dri ma med pa'i ye shes kyis// da lta nyid du sangs rgyas 'gyur// ye nas gnas pa'i de bzhin ni// rgyal bas mdzad pa ma yin la// 'gro bas byas pa ma yin te// ye nas sangs rgyas chen po'o// de bzhin nyid de 'dus ma byas// rang byung yin te kun ngo bo// med pa ma yin med pa yod// yod pa min te dngos yod min// bya med bya dang rnam par bral// lhun grub bde ba'i ngang du gnas// de bzhin pa zhes mi rtog kyang// gzhag tu med pa'i ngang la bzhag/ de yang rnal 'byor rgyud rnams dang// bla ma'i kha nas shes par bya// bla ma sangs rgyas kun dang mnyam// dam pa 'di nyid gang bsgrub pas// bla ma mnyes na grub pa'i mchog/ thog mar bla ma mnyes byas te// dbang bskur ba yang thob byas te// sku gsung thugs kyi gsang ba rnams// ldan par byas te sngags bsgrub pa'o// shin tu dben pa'i ri dgon dang// rnam pa'i mchog rnams ldan pa dang// rnam pa sna tshogs chu klung dang// sgra yi tsher ma med pa yi// nyams dga'i gnas su bsam gtan bya// shin tu sbyangs shing goms 'gyur bas// bde chen nyin mtshan dgu yis ni// byang chub thob par gdon mi za// kun tu 'od kyi sa la gnas// de bzhin gshegs pa thams cad kyi rang bzhin nam mkha' che rgyas pa chen po'i rgyud las/ de bzhin gshegs pa thams cad rang bzhin phra mo'i rnal 'byor bstan pa'i le'u ste drug pa'o//// de nas bcom ldan 'das de bzhin gshegs pa thams cad kyi bdag po de yang/ shin tu sbyor ba'i ting nge 'dzin la snyoms par zhugs te/sgrub pa'i thabs thig le'i rnal 'byor du bya ba 'di gsungs so// ri rtse nyams ni dga' ba dang// shin tu gsang ba'i brag phug tu// bde ba'i stan la 'dug nas su// gsang ba dam pa 'di bsgom mo// gsang ba dbyings kyi dbus dag tu// gzhal yas brtsegs pa bsgoms nas ni// rang gi dkyil 'khor bsgom par bya// yan lag bzhi dang rab ldan zhing// dkyil 'khor bzhi ni bskyed bya ste// tsakra bzhi dang gang sbyor bas// phyag rgya bzhi po rnam par bsgom// de nyid gsum dang rab ldan te// shes rab ma yi rjes 'brangs nas// sbyor ba'i cho ga mkhas par bslab// sbyor ba'i cho ga las byung ba'i// yang dag dri med dbus su blta// shin tu phra ba'i dam tshig ste// mi gsal gsal ba'i bdag nyid can// dkyil 'khor kun gyi bdag nyid yin// yon tan kun gyi gter 'gyur te// mchog tu gyur pa 'grub par byed// gsang ba dbyings kyi dbus dag tu// bskyed pa'am rdzogs par gang 'dod pas// rang gi dkyil 'khor rnam bsgoms te// thugs ka'i gsung gi phyag rgya las// rdo rje khro ba mang 'phros te// ye shes 'khor lo rab bskul nas// mchod rten rtse mor gsung du gyur// rdo rje'i lam byung yum gyi mkhar// chos sku byang chub sems su gnas// de nyid bzung bas bzung ba ni// rin chen 'dzin pa zhes bya'o// gzung ba rdo rje 'dzin pa ste// de la rtog dang dpyod pa dang// dga' dang de bzhin bde ba dang// rtse gcig pa ni rnam ldan pa'o// rin chen rgyun gyi shes pa ni// mi rtog pa yi shes rab ste// mos las byung ba'i mi dmigs pa'o// shes rab dbang dang rnam ldan pas// shes rab gyur pa ye shes so// don dam mthong bar 'dod pa ni// 'di ma mthong bar de mi mthong// 'di yis ye shes bskyed pa ste// de yis don dam rnam par mthong// de nas bcom ldan 'das de bzhin gshegs pa thams cad kyi bdag pos de bzhin gshegs pa thams cad la yang thabs zab mo 'di lta bu gsungs so// nam mkha'i dbyings nas 'byung ba yi// rin chen kha dog sna lnga pa// yungs kar phra mo'i 'bru tsam ste// phyi nang gsum gyi sna rtser ni// rnal 'byor can gyis rtag tu bsgom// rang snang ba yi ting 'dzin te// gzugs brnyan sgyu ma sgra brnyan dang// smig rgyu la sogs rnam pa can// snang dang mi snang dbyer med de// yod dang med pa'ang dbyer med pa'o// snang du 'dra yang tha dad do// don dang rtags la sogs pa rnams// snang ba tha dad gnyis su snang// yang dag yang dag ma yin pas// bsam pa'i dbang gis der 'gyur to// de ni de bzhin gshegs pa yi// brda' zhes rnam par bstan pa yin// gang zhig rtse gcig ma gyur pas// mtha' ru ma skyes ting 'dzin bsgom// dngos po 'di rnams ma skyes pas// chos dang chos nyid med pa ste// nam mkha' lta bur bdag med pas// ye nas stong pa'i rang bzhin no// stong pa'i rang bzhin mtshan ma med// de bas smon pa des bral lo// rnam par thar pa gsum dang ldan// chags med bzhi yi lam gnas 'jug/ stong pa nyid du rnam rig nas// rang byung ye shes ngang gis 'char// 'bras bu kun tu 'od sa thob// yon tan nam mkha'i mtha' dang mnyam// che bas che ba'i zab mo la// yon tan cir yang bsngag pa med// yon tan chen po'i bsam gtan ni// bsam gtan nyid pas bsam du med// ma bsams ma sbyangs chos nyid las// rang don chen po nam mkha' 'byung// kun tu 'od kyi sa thob nas// zhing khams brgya dang bral ba yi// dkyil 'khor thams cad 'bar bar snang// dkyil 'khor de dag thams cad kyang// reg cing gzung du med pa la// 'ja' tshon lta bur kun tu snang// sna tshogs yon tan brjod mi lang// mi zad rgyan gyi 'khor lo yin// de bzhin gshegs pa thams cad kyi rang bzhin nam mkha' che rgyas pa'i rgyud las/ thig le'i rnal 'byor bstan pa'i le'u ste bdun pa'o//// de nas bcom ldan 'das de bzhin gshegs pa thams cad kyi bdag pos shin tu rnal 'byor 'di lta bu gsungs so// ye shes rnam par grol ba'i lam// lhun gyis gnas pa'i bde chen te// dge dang sdig las rnam par grol// sangs rgyas byang chub snying po 'di// lhag ma med pas yongs su rdzogs// 'gyur ba mi yin drang por gnas// dpag cing mtshon du med pa'i phyir// byang chub nyid la byang chub med// gang la bsod nams sdig med na// de la byang chub rab tu gsungs// e ma ho shin tu ngo mtshar che// gzugs med gzugs sku 'byung ba rmad// 'di ma mthong bar gzhan mi mthong// snying po 'di la ma lus rdzogs// de phyir rdzogs chen zhes bya ste// rang byung ye shes btsal med pas// grol nas grol pa'i lam yang ston// nyon mongs pa 'di byang chub lam// cir yang mi dmigs gti mug ste// ma rig pa nyid ye shes gsal// rig pa'i ye shes gang ldan pas// yi ge med pa'i don la blta// snang med don la dpag mi lang// snang med snying po mchog gi sku// 'bras bu kun gyi lam gyur pa// ston pa rdo rje kun gyi thugs// mtshon du med pas rgyal ba'i lam// byar med sgros spangs thig le la// mi rtog btang snyoms gzhag par gzhag/ snang ba med pa'i chos nyid la// ma btsal bzhag na bsgom pa yin// gzhan la bstan du med pa'i phyir// rang rig rang byung rang zhir bzhag/ mi chags mi rtog mi gnas pas// ting 'dzin ro la chags mi bya// dngos med ming yang med pas na// yi ges bstan cig mtshon du med// stong nyid bsgom med zhi gnas la// 'du shes med pas mnyam gzhag pa// zhi gnas lhag mthong 'brel pa'o// mos pas spyod pa'i sa la gnas// mi rtog pa yi shes rab ste// bslab pa gsum dang rnam ldan pa'o// zag pa med pa'i phung por ldan// chos kyi dbyings kyi rang bzhin ni// mtshon cing dpag tu dka' ba ste// gsang ba dam pa 'di lta bus// mnyam par bzhag ste bsgrub par bya// rang bzhin nyid ni nam mkha' ste// kun gyi rjes su song ba'o// de ni rdo rje'i sku mchog ste// sems dpa' nyid kyang nam mkha' 'o// nam mkha' nam mkha' las byung ba// nam mkha'i rtog pa skye med cing// nam mkha' la ni nam mkha' bsgom// spyi dang 'jig rten nam mkha' dang// nang dang phyi yi nam mkha' dang// lus dang shes pa'i nam mkha' 'o// nam mkha' nyid la nam mkha' bsgom// 'bras bu nam mkha' chen po 'byung// rdo rje sems dpa' nam mkha' che// kun bzang yangs pa chos kyi dbyings// rnam dag lam chen kun sgrol phyir// mi skye mi 'gag cir mi dgongs// de bzhin gshegs pa thams cad la// dam pa 'di las gzhan mi mnga'// 'das dang da ltar 'byung ba kun// 'di nyid mnyes nas lhun gyis grub// thabs dang rnam par bral ba ni// nan gyi mkha' la mdud pa 'dor// zhes brjod do// de nas yang bcom ldan 'das dgyes pa chen po de/mi rtog pa'i ting nge 'dzin la snyoms par zhugs te/ yang thabs zab mo 'di lta bu gsungs so// dngos po med par bsgom bya ba// de bzhin gshegs pa kun gyi thugs// ngo bo sems kyi rang bzhin te// dngos po gang yang yod ma yin// sems dang sems las byung ba rnams// nam mkha' nyid de rang bzhin med// kun la khyab pas kun du 'od// sems la sems kyis yongs su bsgom// bltas pas mthong ba med pa ni// de nyid mthong ba chen po ste// shes byed dam par gyur pa'o// sems nyid rdzogs pa'i sangs rgyas te// sangs rgyas gzhan du ma tshol cig/ sangs rgyas gzhan nas tshol ba ni// mar 'dod chu nyid bsrubs pa 'dra// de bzhin gshegs pa thams cad la// gsang ba dam pa 'di med pas// gang zhig lam gzhan 'jug pa de// bskal pa dag ni stong du yang// sngags kyi 'bras bu mi 'thob bo// dbang dang dam tshig ldan pa la// thabs mkhas snying rjer rab ldan pas// yid gnyis the tshom med pa na// nges par legs pa'i dgongs pa 'grub// 'di la mi bya ci yang med// mi bza' ba ni yongs med de// smra bar mi bya cung zad med// bdud rtsi lnga dang sha lnga dang// bza' btung thams cad ris med bya// dbang po g.yo ba nang du sbyar// mnyam par bzhag pas btul nas su// lus sems khog slod gyi nar bzhag/lus sems tshad mar gang 'jog pa// de la 'dzin pa'i phur pa dam// dngos grub mchog tu gyur pa'o// de nas bcom ldan dgyes pa chen po'i des/ nyid la nyid du brjod pa 'di ched du brjod do// dngos po'i rang bzhin skye med cing// stong pa nyid kyi rang bzhin las// gzhi rtsa med dbyings skad cig ma// 'khor ba la sogs 'bras bu rnams// skad cig mas ni byed 'gyur te// rten cing 'brel bar 'byung ba'o// skad cig rgyu 'bras med par dbyings// der myos rgyun de 'chad mi bya// babs na de bzhin nyid min gzhag/ gal te de bzhin de la sgrib// de yi snying po de bas na// de las de 'byung ngo mtshar che// 'khor ba dang ni mya ngan 'das// skad cig ma la brten 'gyur te// nus pa bskyed pa gdon mi za// rtog pa'i rgyu ni ji snyed pas// skad cig mas ni byed 'gyur te// rgyu 'bras rnam par zhi ba ni// nges sgom yin te mchog gi sa// snga ma'i rgyun ni 'gag pa las// phyi ma'i stobs ni chung byed pa// skad cig ma la brtag par bya// 'di ni rgyal ba thams cad kyi// thabs kyi mchog tu gsungs pa de// bsgom lam byung ba'i shes par ldan// rnal 'byor can gyis rtag tu bsgom// de dang de yi khyad par las// nam mkha'i dngos grub chen po 'thob// sku dang gsung dang thugs kyi mchog/ yon tan mi zad thob par byed// de nyid sangs rgyas kun dang mnyam// sangs rgyas byang chub sems dpa' yis// sras dang spun du dgongs pa 'gyur// zhing khams dkyil 'khor thams cad kyi// zad mi shes pa'i gter du 'gyur// de bzhin gshegs pa thams cad kyi rang bzhin nam mkha' che rgyas pa'i rgyud las/shin tu rnal 'byor gyi le'u ste brgyad pa'o//// de nas bcom ldan 'das de bzhin gshegs pa thams cad kyi bdag po dgyes pa chen po de/seng ge rnam par bsgyings pa zhes bya ba'i ting nge 'dzin la snyoms par zhugs te/ shin tu rnal 'byor gyi thabs 'di gsungs so// dngos po med pa dngos por grags// dngos rnams nyid na dngos med pa'o// e ma ho kun tu bzang po yi// rdo rje sku dang gsung dang thugs// skye ba med pa'i tshul gyis su// skye ba 'di ni rab tu bsgrags// A+oM ma hA shU n+ya tA dz+nyA na badzra swa b+hA wa At+ma kou0f85 haM/ phung po khams dang skye mched dang// gang zhig g.yo dang mi g.yo ba// dkyil 'khor kun tu bzang po'i zhing// mi zad rgyan gyi 'khor lo ldan// zad par bya ba'i don du ni// gsang sngags 'di ni brjod par bya// A+oM d+harma d+hA tu swa b+hA wa At+ma kou0f85 haM// gru bzhi pa la sgo bzhi pa// lte ba rtsibs su bcas pa la// dkyil 'khor 'bar ba bsgom par bya// rgyan du dkyil 'khor ma lus bsgom// sku gsung thugs ldan gzugs kyang dgod// yan lag bzhi dang rab ldan pas// gsang ba'i pad+mar me tog brlan// byang chub sems ni 'byung ba'i tshe// mkhas pas sngags ni phaT ces brjod// A+oM a kA ro mu khaM sarba d+harmA nAM Ad+ya nu t+pan+na twa da/ oM AHhU~M swA hA/ sngags de rnams ni gsungs ma thag/ snang ba'i dngos po kun 'gags nas// tha mar nyams su myong bar byed// chos rnams gang yang mthong bar byed// btsal ba med par byang chub che// de nyid dngos grub mchog gi sa// thams cad lta bas rgyas btab nas// spyod pas ci la chags med pa'o// lta ba dang ni spyod pa dang// gnyis su med par byas te bsgrub// thams cad zil gyis gnon pa yi// ngo bo nyid kyi rang bzhin gyis// thams cad ma lus phyag rgyas btab// ngo bo nyid kyi rang bzhin la// dmigs su rdul phra med pas na// de dmigs shes pa'ang yod mi rung// rang bzhin rang bzhin med pa la// rang bzhin med pa yongs su bsgom// rang bzhin med pa'i rgyu nyid las// 'bras bu rang bzhin med pa 'byung// spros pa nye bar zhi ba de// gsang ba dam pa 'di yis bsgrub// de ma thag tu ye shes 'gyur// dbyings dang ye shes gnyis med na// chos sku bde ba chen por 'gyur// de nas bcom ldan 'das de bzhin gshegs pa dgyes pa chen po des/ dam pa'i don bsgrub pa'i thabs gsang ba chen po 'di gsungs so// kun la khyab pa'i rang bzhin ni// tha dad du ma med pa ste// cir yang dmigs su med pa'o// shes rab thabs kyis phyag rgya ldan// bdag gi de nyid rim gyis ni// rlung gi rim pa yang dag 'jug/ sbyor ba'i yan lag bzhi dang ldan// mtshams kyi 'od zer lcags kyu yis// rgyal ba'i tshogs drangs k+ShuM du gyur// chos kyi dbyings su zhu mdzad do// zhu ba myos nas mi rtog bde// 'khor ba mya ngan 'das pa yi// mtha' ni gang la yang mi gnas pa'o// shes rab ye shes dbang chen de// shes rab ces par mya ngan 'das// ye shes zhes pa 'khor bar gsungs// dga' dang gzhan dga' dpa' bo'i dga'// dga' ba 'dus pa'i bdag nyid can// dga' ba yang dag las byung ba'i// mi rtog bde dang ldan pa'o// stong pa shin tu stong pa ste// dngos med stong pa chen po la// dngos dang dngos med gnyis ka med// thams cad stong pa zhes bya'o// stong pa'i rang bzhin mtshan ma med// de yi phyir na stong pa min// mi stong pa yang ma yin te// mtha' dbus gang yang ma yin pa'o// mtshan nyid med pa'i phyag rgya dang/ ldan pas yon tan skyed par byed// gsang ba'i pad+ma las byung ba// me tog nyi zlar bcas pa las// dbyibs dang kha dog ldan pa yi// phyag rgya chen po rdzogs pa'o// lhun grub bde ba'i ngang gnas na// ci la yang thogs pa med par spyad// rang bzhin grub pa med pas na// chos rnams gang yang grub par byed// kun tu bzang mo'i b+ha ga la// kun tu bzang po rol pa yis// sgyu ma lhun grub yul las rol// blun po rtog ge'i shes pa ni// yod dang med pa'i chos la spyod// de yis rnam par mi 'grol te// 'dod pa dngos su spyod pa yin/ de bzhin gshegs pa thams cad kyi rang bzhin nam mkha' che rgyas pa'i rgyud las/ de bzhin nyid dang shin tu rnal 'byor dam pa bstan pa'i le'u ste dgu pa'o//// de nas bcom ldan 'das de bzhin gshegs pa thams cad kyi bdag po dgyes pa chen po des/ rdo rje lta bu'i ting nge 'dzin la snyoms par zhugs te/ gsang ba'i don 'di lta bu rdo rje'i tshig tu gsungs so// brjod du med pa'i bdag nyid chos// yi ge'i tha snyad rnam par dag/ ming dang tshig las 'das pa yi// de kho na nyid shes par bya'o// de kho na nyid bsgrub pa'i thabs// thos bsam sgom la rab sbyangs pas// mnyam pa'i don la dmigs par bya// yang dag mthong nas rnam par grol// kun rdzob sems bskyed tshad med bzhi// rnam 'byor pa yis bsgom par bya// nyan thos byang chub sems dpa' dang// bla na med pa'i theg pa yis// tshad med bzhi po tha dad 'gyur// bla med theg pa'i tshad med dag/ don la dmigs pa zhes bya ste// btang snyoms chen por bsgom par bya// yod dang med pa dbyer med cing// chags sdang gnyis dang bral ba yi// dbu ma chen po bsgom par bya// bla med don la gnas bcas la// nyon mongs las rnams kun spyad kyang// byas la mi sog tshogs 'gyur te// phyi nang snod bcud rnam par dag/gang la'ang chags dang ma chags med// btang snyoms chen po'i ngang gnas na// yul gyis myos sbag mi 'byung zhing// mnyam nyid mi 'phrog bya dang bral// bsgom pa ma rnyed 'grub mi 'gyur// de phyir gsang ba 'di bsgom mo// rnam thar gsum po'ang bdud kyi las// 'khor ba nyid kyi rang bzhin las// don dam btsal bas rnyed mi 'gyur// drug gis yang dag don mi mthong// shes rab thabs su gang 'brel pas// yod med dbu ma mi dmigs shing// mnyam bzhag btang snyoms chen por bsgom// zhes brjod pas// dngos po thams cad sgyu ma dang 'dra bar gzigs te/ gzugs stong pa'o// stong pa nyid kyang gzugs so// gzugs las stong pa nyid gzhan ma yin no// stong pa nyid las kyang gzugs gzhan ma yin no// de bzhin du phung po dang/ khams dang/ skye mched la sogs pa rnams dang/ rang bzhin gyis stong pa'o// tha mi dad pa'o// dbyer med pa'o// bden pa'o// zhi ba'o// spros pa dang bral ba'o// de lta bas na chos thams cad ni sems la gnas so// sems ni nam mkha' la gnas so// nam mkha' ni ci la'ang mi gnas so// zhes gsungs so// spros pa nye bar zhi ba yi// chos kyi dbyings kyis kun tu khyab// tha dad du ma med pas na// kun tu khyab pa'i spyi nyid ste// sems nyid ye shes gzugs bsgyur ba// thabs kyi rim pas 'byung ba'o// thabs las thabs byung thabs bsam yas// 'brel pa bdun gyi rim pa yis// sku dang ye shes rdzogs par 'gyur// thabs dang brten pa'i ting nge 'dzin// de lta bu yi ngang du 'byung// don dam bla med bsgrub pa'i thabs// srog dang rtsol ba zhes bya ste// dbugs dgag stong pa zhes su bshad// dgag pa dang ni stong pa dang// gnyi ga gnyi ga ma yin pa// brtag pa rnam pa gsum zhes bya// phyi rol rtsol ba'i dus su ni// phyi ma'i nam mkhar thim pa ste// srog gi nang gi dus su ni// gzhi rlung nyid la thim par bya// gzhi rlung de nyid nam mkha' yi// dbyings kyi dbang phyug ces bya ste// rnam pa bcu pa'i rgyud yin no// de ni dbang phyug lnga gnyis te// phyi rol g.yo ba'i rnam pa kun// dbugs nyid las ni des sbyar te// rten dang brten pa'i bdag nyid pas// rtsa dang rgyal po'i tshul du gnas// thams cad g.yo ba rlung du sbyar// rlung nyid phyi nang mkha' la bstim// de nyid rdo rje sems dpa' ste// nam mkha' la ni nam mkha' bsgom// nam mkha' nyid la nyid spyod de// gzhan du bya ba ci yang med// mkha' las rlung byung na bun tshul// byung yang nam mkha' las byung ste// mthar yang nam mkha' nyid la thim// gnyis dang drug la sogs pa yi// rnam pa tha dad du ma yang// srog dang rtsol ba nyid du 'du// rlung gi rgyu 'dul rlung gzhi nyid la bstim// langs nas mkha' rlung nyid la brtag/ brtags pas dngos po med mthong ba// de nyid yang dag mthong ba yin// de nas ston pa kun mkhyen gyis// rdo rje'i gsung du bka' stsal pa// don gyi rang gi ngo bo nyid// dngos po'i dbang gi chos dbyings te// sems can bsam pa'i dbang gis na// chos kyi dbyings dang zhi gnas dang// ye shes shes rab rnam bzhir snang// dngos po'i dbang gis kun tu 'od// bsam pas tha dad du mar snang// rnam grangs don dam zhes bya ste// rim pa rim pas 'jug pa'o// shin tu rnal 'byor 'di nyid ni// gzhan la brten pa ma yin te// lam gyi nang nas nye lam ste// thabs kyi mchog tu gyur pas na// cig char 'jug pa zhes bya'o// ye nas gnas pa'i de bzhin nyid// ye sangs rgyas pa zhes bya ste// chos rnams ma lus dbyings su rdzogs// thams cad kun 'dus rnam par dag/ yod med dbu ma mi dmigs shing// mi 'gyur mi shigs rdo rje ste// yangs la rgya che kun tu bzang// 'gyur ba ma yin drang por gnas// rnal 'byor lta ba de zhes bya// bar du sgom pa'i thabs gsungs pa// ting nge 'dzin dang spyod pa'o// ting nge 'dzin ces bya ba ni// gsang ba'i don la 'jug pa ste// spyod pa dngos su gsungs pa ni// ma dang bu mo sring mo sogs// rtag tu sems ni sbyar bar bya// glang chen sha dang sha chen dang// rta sha khyi sha ba glang sha/byang chub sems la sogs pa rnams// bza' zhing spyad par bya ba ste// de la mi bya ci yang med// mi bza' ba yang ci yang med// thams cad lta bas gnyis med cing// ting nge 'dzin la gnas gyur na// mi spyad pa ni gang yang med// thabs dang brtan par gyur pa dang// ma mar sems ni bcos dgos so// de bzhin gshegs pa thams cad kyi rang bzhin nam mkha' che rgyas pa'i rgyud las/ zab mo'i thabs bstan pa'i le'u ste bcu pa'o//// de nas bcom ldan 'das de bzhin gshegs pa thams cad kyi bdag nyid dgyes pa chen po des/ ma 'ongs pa yi rnal 'byor pa/ shes rab kyi rgyags pa rnams dang/tshul bzhin du dbang bskur ba'i sgrub pa po rnams kyi don du/ gsang ba dang gsang chen dang/ ye shes snying po gsum rdzogs par bya ste// thabs zab mo 'di gsungs so// rang bzhin gnas pa'i de bzhin nyid// ye nas gnas pa'i chos nyid de// sa la mi bgrod sbyang du med// lhun rdzogs rang byung gcig pur gnas// dpa' bo dngos po thams cad za// stong pa nyid kyi rang bzhin las// ting nge 'dzin du mnyam gzhag pa// lus kyi chos kyi rang bzhin la// klad pa dang ni klad rgyas dang// skra dang spu dang sen mo dang// sha dang lpags pa tshil bu dang// rgyu ma gnye ma la sogs pa// mi dmigs gtsang ba'i rang bzhin can// bltas pas dngos po mthong med ste// sgyu ma mig yor tshul shes shing// bden pa gnyis su ma mthong ste// de nyid yang dag mthong ba yin// mi rtog shes rab gang skyes pa// gsang ba'i don la zhugs pa yin// ngag gi chos su snang ba kun// ji snyed sgra dang tha snyad dang// yi ge'i skad dang brda' la sogs// gdags bya dang ni 'dogs byed dang// gdags pa'i tshig la sogs pa yi// dngos po gang yang ma rnyed de// 'ga' yang mthong ba med pa ni// de nyid mthong ba chen po yin// tshig las mi rtog shes rab bskyed// dngos po med par grags pa yin// sems kyi chos su gang gsungs pa// sems dang sems las byung ba yi// dran dang rtog pa la sogs pa'i// brtags pas dngos po med mthong ba// zag pa med pa'i shes rab ste// ye shes myu gu bskyed pa'o// lam lnga rdzogs pa'i rim pa la// stong nyid ye shes chen po ste// pad+ma'i spyan du rnam par grags// shin tu sbyor ba des mthong bas// chos sku bde ba chen po 'thob// de nas bcom ldan 'das de bzhin gshegs pa thams cad kyi bdag pos 'di skad gsungs so// phyogs bcu na bzhugs shing/dus gsum du gshegs pa'i/ rgyal ba thugs rje ro gcig pa rnams kyang/ zab mo'i thabs 'di lta bar 'tshal lo// 'das pa'i sangs rgyas dang/ da ltar dang ma 'ongs pa'i sangs rgyas rnams kyang/thabs zab mo 'dis mngon par rdzogs pa 'tshang rgya'o// rigs kyi bu rnams kyis kyang tshul bzhin du yid la bya'o// lta ba ngan pas kyang dman pa'i 'du shes ma skyed cig/ shes rab 'chal ba la sogs par gyur ta re/de ci'i phyir zhe na/ de bzhin gshegs pa'i dgongs pa ni nam mkha' dang mnyam pa'o// zla med pa'o// gzhan gyis mi dpogs pa'o// mi mnyam pa dang mnyam pa'o// chos nyid dang 'dra ba'o// de bas na nam mkha' ni thams cad kyi rjes su song ba'o// de bzhin du chos rnams kyi chos nyid kyang thams cad kyi rjes su song ba ste/ kun la khyab pa'o// sangs rgyas kyi bdag nyid do// de bzhin nyid do mthong ba ni sangs rgyas so// nga 'o// nga dang 'dra ba nyid do// gya nom pa'o// bla na med pa'o// de nas sangs rgyas pa bdag nyid chen po sgrub pa 'di gsungs so// rigs kyi bu'am rigs kyi bu mo gang la la/rdzogs pa chen po slob par 'dod pas/ shin tu rnal 'byor gyi don 'di bsgom par bya'o// de bas na chos thams cad ni rang gis rang mi shes te/ gzugs kyis gzugs mi shes so// sgra yis sgra mi shes so// de bzhin du phung po dang khams dang skye mched la sogs pa thams cad rang rang gi ngo bo la blta bar bya'o// de nyid mthong ba ni ma rig pa'i sgrib pa bral te/ btags pa'i tshig mi skye ba'o// bden pa mthong ba'o// byang chub sems dpa'i sa la gnas pa'o// de nyid ma mthong ba'i tshul gyis mthong ba na/ sangs rgyas kyi sa la gnas pa'o// bde bar gshegs pa'o// mi gnas pa'i mya ngan las 'das pa'o// de nas bcom ldan 'das de bzhin gshegs pa thams cad kyi rab tu dga' ba'i spyan rgyas par gzigs mos mnyes par gyur to// de nas bcom ldan 'das de bzhin gshegs pa thams cad kyi bdag pos/ de bzhin gshegs pa de dag dang/byang chub sems dpa' rnams la 'di skad ces bka' stsal to// g.yo dang mi g.yo dngos po kun// chos kyi dbyings kyi rang bzhin te// srid dang zhi ba dbyer med phyir// thams cad nam mkha'i rang bzhin no/dang po gnas khang nyams dga' bar// yo byad lnga ni rdzogs par ldan// 'du 'dzi thams cad spangs nas su// lus kyi bca' ba rnam ldan bya// lus ngag lteng ka bzhin gnas pa// sems kyang lteng chu bzhin du gnas// gzugs la sogs pa'i dngos po rnams// rang bzhin gyis ni stong pa ste// dngos po'i mtha' ni med ces bya// gang yang rang bzhin med brtags na// thams cad chos kyi phyag rgya yis// lta ba'i rgya ni btab byas la// de nas gzhi yi snying po bsgom// spyod pas gang yang thogs med cing// ting nge 'dzin tu mnyam gzhag na// mchog gi dngos grub thob par 'gyur// sems la dmigs pa bdag med par// sa le sa le bsam byas la// rang bzhin gyis ni 'od gsal te// stong pa nyid kyi bdag nyid ste// 'jig rten pa yi lam du ni// rjes su dpags pa'i shes pa ste// shes pa gsum po gyur pa ni// bsam med dran med sgyu ma'ang med// ting 'dzin tshul khrims shes rab po// de nyid mos pas spyod pa'i sa// sa yi rim pa tha dad ste// sa rnams yongs su bkod pa yang// stong nyid ye shes bskyed pa ste// ting nge 'dzin gyi rim pa yin// ting nge 'dzin gyi khyad par las// sa nas sa 'phar mngon byang chub// de dang de yi rim pa yis// kun tu btags pa'i ma rig dang// lhan cig skyes pa'i ma rig pa// sgrib pa gnyis ni zhes bya ste// byang nas tshogs gnyis rdzogs pa yi// sku lnga ye shes rnam ldan pa// da lta nyid du thob par 'gyur// yon tan rnam par phye ba yin// de bzhin gshegs pa thams cad kyi rang bzhin nam mkha' che rgyas pa'i rgyud las/zab mo'i man ngag bstan pa'i le'u ste bcu gcig pa'o//// de nas bcom ldan 'das de bzhin gshegs pa thams cad kyi bdag po la/ de bzhin gshegs pa thams cad kyis 'di skad ces gsol to// e ma ho sangs rgyas thams cad kyi// byang chub sems ni gang yin pa// don dam ci yang med pa las// kun rdzob dag tu bshad pa mdzod// ces brjod pas/ de bzhin nyid kyi don la rol cing dgyes te/de bzhin gshegs pa thams cad kyi bdag pos/ de bzhin gshegs pa rnams la 'di skad ces bka' stsal to/ kha cig kun gyi rang bzhin zhi ba la// phyogs su bltas pas grub med de// rang bzhin gyis ni rtogs pa dang// gnyen po 'am yang na gtan tshigs kyis// shin tu zhib par brtag bya'o// de nas de bzhin gshegs pa'i bdag pos/ gtan tshigs kyi sgo nas bsgrub pa'i dbu ma'i brtags pa 'di gsungs so/kha cig g.yo dang mi g.yo kun// dam pa nyid du rang bzhin med// rang bzhin med las cir yang snang// bdag dang gzhan dang gnyi ga dang// rgyu med pa las rkyen bral phyir// nam mkha'i me tog ji bzhin du// nam yang skye bar mi 'gyur ro// gang zhig rdzogs chen 'dod pa yis// ting nge 'dzin du mnyam gzhag na// spyod pa ma rabs ldan pa la// gsang ba'i don nyid bsgom par bya// langs nas phyi rol yul rnams la// 'khor lo nyid du shes par bya// don dam kun rdzob sems bskyed nas// mtshan med mtshan ma rnams bsgoms pas// chos kyi sku dang gzugs sku 'grub// zhing dang thugs rjes 'brel ba'o// yang na gcig dang du ma yi// rang bzhin med de gzugs brnyan bzhin// dngos po gang dang gang la yang// mtshan ma yod pa ma yin no// rang bzhin rang bzhin med mthong ba/ ngo bo nyid du gnas pa yin// mu bzhi skye ba rnam bral phyir// rang bzhin med de skye med blta// drang por 'dug la yang dag ltos// yang dag mthong na rnam par grol// rten cing 'brel bar gang byung ba// rang bzhin med pas gzugs brnyan 'dra// sngon dang phyi ma'i mtha' spangs te// 'gro ba sgyu ma bzhin du snang// ngo bo nyid kyis ma skyes pas// skye dang 'gag par mi 'gyur te// mthong bas chos nyid de bzhin gshegs// rten cing 'brel 'byung zab mo'i don// dam pa'i don du bsgom par bya// srid gsum rang bzhin med mthong na/ khams gsum 'gro rnams sngon du 'gyur// gsang ba zab mo'i don nyid la// 'dzin pa med pa med pa yis// yod pa med par shes 'dug na// da lta nyid du sa gsum rdzogs// bya med bya dang rnam par bral/ khams gsum las 'das rin po che// yon tan thams cad 'byung ba'i gnas// zad mi shes pa'i gter du 'gyur// mi rtog gsang bar kun 'dus phyir// rtog pa thams cad dag pa yin// gzung dang 'dzin pa las byung ste// phra rgyas thams cad gang yin pa// lhun gyis gnas pas bkag pa yin// 'di ni a dang mdzes pa'i ta// ta las yan lag spros pa bzhin// 'jig rten yongs kyi spyod yul las// sangs rgyas gsung gi zab mo 'byung// srog dang rtsol ba las byung ba'i// spro dang bsdu ba de bzhin te// dbugs ni phra mo nyid du bya// de nas ma skyes ting 'dzin bsgom// kun gyis bgrod pa'i lam rgan phyin// cig char 'jug pa'i don nyid las// gzhan du 'jug par mi bya'o// de nas byang chub sems dpa' la sogs pa theg pa gzhan rnams ngo mtshar du gyur rmad du gyur/'dus pa rab tu 'dus so// de nas bcom ldan 'das de bzhin gshegs pa thams cad kyi bdag pos/ byang chub sems dpa' la sogs pa de dag thams cad la 'di skad ces bka' stsal to// shin tu rnal 'byor gyi don 'di ni nam mkha' dang mnyam pa ste/ sangs rgyas kyi spyod yul/ nyan thos la sogs pa dang thun mong ma lags pa/ mchog tu gsang ba nyid las/khyed rnams kyang ma skrag dngangs par ma byed cig/ spyod yul 'di las 'da' bar dka'o// de bzhin nyid dang kun la gnas su zin kyang/ shes rab dang snying rjer mi ldan zhing/ skal ba med pa rnams 'jug par ma byed cig/de ni nyams par gyur te/ zab mo'i don mi rtogs gnas med pa yin te/ dper na de phi pu tra bzhin no// de bas na rigs gang yin pa mtshan ma las yongs su gzung ba zhes brjod pas/thams cad rang rang gi gnas ga la bar 'khod par gyur to// de nas bcom ldan 'das de bzhin gshegs pa thams cad kyi bdag pos/ shin tu rnal 'byor gyi don du/ rtsol pa dang bral ba'i thabs 'di gsungs so// thams cad lta bas bkag nas su/ snying rje'i mthu las byung ba yi// byang chub sems ldan gsang sngags pas// snang ba dgag pa ma yin te// dbang po yul la yin par bzhag/ bltas pas ma mthong ci yang med// dngos kun sgyu ma 'drar shes na// ma mthong mthong ba'i rnam pa can// bya bral lhun grub ji bzhin gnas// rang byung kun ngam lhun gyis grub// ji bzhin pa zhes mi rtog kyang// rnam par snang mdzad kun tu bzang// rnam par mi rtog kun 'dus phyir// tshor ba bsgom na ci zhig bya// zin pas rtsol ba'i nad spangs te// lhun gyis gnas pas bzhag pa yin// bsgoms pas rtsol ba'i nad yin te// rtsol sems bde bar rang las 'byung// snang ba med pa'i chos nyid ni// btsal ba med pa'i btsal bas 'grub// phyi nang g.yo dang mi g.yo kun// byang chub snying po nyid yin pas// rtsol ba'i bsam pas dbyings mi bskyod// ma btsal bzhag na bsgom pa yin// de dang de ru rnam btsal na// de las de bzhin de mi 'byung// de ni snying po de bas na// de bas de 'byung ngo mtshar che// phung po lnga nyid sangs rgyas gtso// 'byung ba lnga nyid rigs kyi yum// dbang po yul dus rig pa rnams// byang chub sems dang khro bo'i tshogs// nyon mongs lnga po byang chub lam// thams cad kun tu bzang po'i zhing// sangs rgyas nyid las gzhan ma yin// dam pa nyid du btsal med ste// kun rdzob tu yang btsal ma yin// dam pa'i don la gang 'jug pas// gsang ba a yi don nyid la// gsang ba oM nyid dmigs pa na// gdams ngag nges pa zab mo yis// btsal ba med pa'i btsal ba dang// mi bsgom pa yi bsgom pa dang// mi gnas pa yi tshul du gnas// mnyam gzhag med pa'i tshul gyis ni// rtag pa nyid du rnam par gzhag/ dge dang mi dge gnyis med de// byang chub nam mkha'i mtshan nyid do// byang chub btsal pas rnyed min te// byang chub 'dod la byang chub med// yang dag don gyi snying po 'di// bsgoms pas rnyed par mi 'gyur te// ma bsgoms pas kyang rnyed mi 'gyur// btsal ba med pa'i bsgom pa yis// nyal ba'i 'khor lo nyid du bya// chos rnams ma lus sems kyi ngang// sems de rang bzhin bzhag nas bsgom// dngos med byang chub sems kyi ngang// 'dus ma byas pas bde ba'i klong// sems nyid bsam med brjod las 'das// ye sangs rgyas pas bsgom du med// drang srong mkhas pa'i rig pa yis// de la ma btsal phab na bsgom// rig pa dbyings la yan pa ni// btsal ba'i nad bral bsgom pa yin// de bas gsang ba dri ma med// yang dag 'od gsal bsgom par bya// 'od gsal zung 'jug gnas gyur na// mtshan ma sna tshogs bag la sad// A li kA li'i phyag rgya yis// kun tu bzang po'i rol pa 'grub// dngos med dngos la mi gnas shing// dbu ma mi dmigs ming yang med// sems kyi rgyu ba med pas na// thams cad thams cad stong pa'o// de bzhin gshegs pa thams cad kyi rang bzhin nam mkha' che rgyas pa'i rgyud las/zab mo'i man ngag rtsol ba dang bral bas/ bsgom pa'i le'u ste bcu gnyis pa'o//// de nas bcom ldan 'das de bzhin gshegs pa thams cad kyi bdag pos/bden pa gnyis so sor bstan pa'i ched du/ de bzhin gshegs pa thams cad la bos nas 'di skad ces bka' stsal to// don dam pa yi ngo bo nyid// tha dad du ma ma yin te// sems can bsam pa'i dbang gis na// thabs kyi rim pa du mar 'gyur// log par rtog pa'i bdag nyid can// byed pa po la sogs pa yi// rgyur 'dod mtha' ru 'dzin pa dang// lta ba drug cu rtsa gnyis ldan// kun rdzob yin te don dam min// tshig tu spros bral zhes bya'o// phyi rol don du lta ba gnyis// bdag tu 'dzin pa la sogs pa// kun rdzob yin te don dam min// phung po khams dang skye mched dang// rten cing 'brel ba la sogs pa// yang dag rdzas su 'dod pa ste// rdul las grub pa'i bdag nyid do// de las de byung chos bdag nyid// don dam pa yi rang bzhin no// gzung dang 'dzin pa rnam spangs nas// shes bya nang gir 'dod pa dag/ rdul nyid phyogs chas mi 'grub cing// gcig min du ma ma yin no// kun tu brtags pa'i bdag nyid ni// yang dag min te kun rdzob yin// gzhan gyi dbang gi ngo bo nyid// yongs su grub pa zhes bya ba// don dam bden pa zhes bya ba'o// stong pa chen po'i rang bzhin ni// chos bdag med pa mnyam nyid pas// rang sems gzod nas ma skyes pa// rang bzhin can ni kun rdzob ste// don dam stong pa nyid yin pas// rang bzhin rang bzhin med pa'o// bya ba dad ni gnyi ga rgyud// phyi rol spyod pa'i bya ba dag khrus dang gtsang sbra la sogs pa// kun rdzob yin te don dam min// mtshan ma dag la rten bcas nas// mtshan ma med pa sgrub pa dang// nang nyid dag par sbyor ba ni// yang dag bden pa zhes bya'o// rnal 'byor rgyud ni thams cad kun// rang la rang bzhin med pa ste// 'khor lo bdag nyid thams cad du// kun rdzob yin te 'gog pa yin// don dam bden pa zhes bya ba// gsang ba yin te rang bzhin med// gsang ba'i thig le kun gyi dbyings// de ni sangs rgyas kun gyi dngos// 'di ni sangs rgyas thams cad kyi// gsang ba dam pa dri ma med// yon tan thams cad 'byung ba'i gnas// thams cad rang bzhin med pa'o// shin tu rnal 'byor chen po ni// ting nge 'dzin dang spyod pa dang// thabs kyi rim pa kun rdzob te// theg pa theg pa zhes bya'o// don dam stong pa nyid yin pas// rang bzhin rang bzhin med pa'o// lha dang ting 'dzin spyod pa 'grel// lam kyi nang na nye lam ste// thabs kyi mchog tu gyur pas na// rdzogs pa chen po zhes bya'o// phyi rol yul las log nas ni// ji bzhin pa yi ngang la 'jug/ 'du shes med pa'i shes pa can// nang du 'du ba'i rtog med sgom// rtsol ba med pa'i sems dpa' yis// btsal ba med pa'i rdo rje bsgom// de bzhin gshegs pa thams cad kyi rang bzhin nam mkha' che rgyas pa'i rgyud las/ bden pa gnyis so sor bstan pa'i le'u ste bcu gsum pa'o//// de nas bcom ldan 'das de bzhin gshegs pa thams cad kyi bdag pos/ shin tu rnal 'byor gyi don gsang ba bsdus pa 'di gsungs so// dngos po'i rang bzhin thams cad ni// chos kyi dbyings kyi thig le ste// de nyid bsgrub pa'i thabs su ni// me shel gzugs brnyan la sogs brtag/ brtags pas dngos po med mthong ste// yang dag mthong nas rnam par grol// gzugs dang sgra la sogs pa rnams// yang dag ma yin kun rtog yin// shel rab thabs las thams cad 'byung// gang zhig dngos med shes rab ste// rang gi mtshan nyid thabs yin no// thabs dang shes rab snyoms 'jug pa// bde ba'i bsam gtan chen po yin// sgyu ma'i ro la ma chags na// de ni chags pa chen po yin// srog dang ma byin len pa dang// rdzun dang rtsub pa'i ngag la sogs// thams cad ma lus spyad pa ste// spyad na ye shes thob par 'gyur// sku gsung thugs su gang bsgrubs pas// phra mo'i thig le rdzogs par bsgom// de nas grub pa mthong ma thag/ ma skyes pa yi ting 'dzin bsgom// de yang rang bzhin mtshan ma med// gnyis med gnyis su med min zhi// mi 'gyur ba dang dri ma med// nam mkha' lta bur bdag med pa'o// de nas bcom ldan 'das de bzhin gshegs pa kun tu bzang po thod rgal gyi ting nge 'dzin la zhugs te ched du brjod pa 'di ched du brjod do// rigs kyi bu gang la las shin tu rnal 'byor gyi don 'di thos pa med pa'i tshul du thos pa dang/ mthong ba med pa'i tshul gyis mthong ba la sogs pa'i rtogs shig/ 'di ni de bzhin gshegs pa thams cad kyi gsang ba'i don zab mo yi ge med pa'i rgyud ces bya'o// 'di yi don ni bla ma'i zhal las shes par bya'o// dngos grub kyang bla ma la gnas so// de bzhin gshegs pa thams cad kyi rang bzhin nam mkha' che rgyas pa'i rgyud las/shin tu rnal 'byor gyi don bsdus pa'i le'u ste bcu bzhi pa'o//// de nas de bzhin gshegs pa thams cad kyi bdag po chen po la 'khor rnams kyis mgrin gcig tu bstod pa/thams cad sku yi bdag po mchog/ mtshan dang dpe byad rdzogs par ldan// shin tu rnal 'byor don 'chang ba// thams cad sku khyod phyag 'tshal lo// thams cad gsung gi bdag po mchog/ yi ge med pa'i gsung mchog ste// gsang ba zab mo'i don 'chang ba// thams cad gsung khyod phyag 'tshal lo// thams cad thugs kyi bdag po mchog/ ye shes lnga yi bdag nyid can// rdzogs pa chen po'i don 'chang ba// thams cad thugs khyod phyag 'tshal lo// zhes brjod pas/ de bzhin gshegs pa nyid mnyes par gyur te/ gsang ba'i bdag po phyag na rdo rje la bos nas/ khyod kyis shin tu rnal 'byor gyi don 'di/byang chub sems dpa'i rigs can gyi 'gro ba rnams la chos kyi 'khor lo skor cig ces gsungs pas/ phyag na rdo rje bcom ldan 'das kyis gsungs pa bzhin du bgyi'o// zhes brjod do// de nas chos kyi rgyal tshab chen por dbang bskur ro// de nas bcom ldan 'das de bzhin gshegs pa thams cad kyi bdag po 'khor dang bcas pa thams cad shin tu rnal 'byor gyi don la zhugs te mi snang bar gyur to// de bzhin gshegs pa thams cad kyi rang bzhin nam mkha' che rgyas pa'i rgyud las/bdag po mnyes pa dang yongs su gzung ba'i le'u ste bco lnga pa'o//// de nas de bzhin gshegs pa thams cad kyi rang bzhin nam mkha' che rgyas pa zhes bya ba ste/man ngag gi snying po zhes bya ba rnal 'byor ma'i rgyud las/ rdzogs pa'i yang rdzogs pa/ zab mo'i yang zab mo/ shin tu rnal 'byor gyi don mthar thug pa rdzogs so//// rgya gar gyi mkhan po dz+nyA na gar b+ha dang/ bod kyi dge slong bai ro tsa nas bsgyur cing gtan la phab pa/ phyis skad gsar bcad kyis bcos pa'o////

CLOSE WINDOW