128b2 rgya gar skad du/ ma hA a ti d+harma bo d+hi tsit+ta bin+tu sa mu dra na sha A brta tan+t+ra nA ma/ bod skad du/ rdzogs pa chen po chos nyid byang chub kyi sems/ thig le rgya mtsho gnas la 'jug pa zhes bya ba'i rgyud/
128b3 dpal kun tu bzang po la phyag 'tshal lo// 'di skad bdag gis thos pa dus gcig gi tshe/ byin rlabs cho 'phrul chen por kun ston pa// bcom ldan rgyal ba kun gyi snying po mchog/ yon tan ma 'gags rnam
128b4 par 'phrul pa'i gzhi// rang gi mtshan nyid gzhan dang dbyer med pas// dkyil 'khor gnas kyi rnam 'phrul kun ston byed// gsang ba gsang mchog gzhan las 'phags pa'i gnas// don nyid sgrib med
128b5 yon tan kun snang ba// ye shes khang bzangs rab tu brgyan pa'i tshogs// thugs rje byang sems rnam dag dkyil 'khor gnas// ngo bo gnyis med rang las rnam 'phrul zhing// yon tan phrin las bya btsal
128b6 rdzogs pa'i chos// phyogs dus ma 'gags rab tu bkod pa'i khams// zhi dang khro tshogs sprul pa yang sprul bcas// gnas skabs gzhan rgyud tha dad so so ba'i// rgyas pa'i snying po mi gnyis rdzogs byed pa// dad
129a1 brtson shes rab rtse gcig 'dus pa'i tshogs// rang gi chos kun gnas rnams ston par byed// thabs ldan byang chub sems dpa' kun gyis bstod// rigs kyi rgyal ba mang pos mdzes par
129a2 brgyan// theg mchog gsang ba'i rgyud chen gnas 'jug pa'i// sangs rgyas sras kyi zhing khams rdul snyed tshogs// 'di dag nyid kyi dkyil 'khor ji bzhin par// lha dang klu sogs sde brgyad 'dus pa dag/ byin
129a3 rlabs sngags kyis rnam grol tshogs bskyed cing// snang ba'i me long gsal ba'i don ston 'gyur// bde gshegs thugs kyi dkyil 'khor ye shes gnas// dngos tshogs rgyun gyis chos rnams ma 'dres
129a4 par// rab tu rnam dag grol bar byed pa yi// de nyid sangs rgyas theg pa'i mchog tu 'gyur// rang gi ye shes yang dag cher rgyas shing// ston pa'i byin rlabs bden gnyis zung du 'jug/ rigs tshogs dkyil
129a5 'khor kun la yang dag brjod// phyag rgya'i tshogs bcas gtso bo skur bar byed// rang dang gzhan gyi phyogs rnams so sor gzigs// de bzhin de yi gnas kun mngon 'dod pas// bcom ldan snying po ye shes
129a6 yang dag bskul// rigs rnams kun gyi bdag po rdo rje sems// rang gi gdan las chos rnams snang bar byed// rigs kyi bde gshegs rnams dang thabs cig tu// dgongs pa'i don gyis yang dag gsol
129b1 gdab cing// phyag rgya gsang sngags tshogs rnams rgya chen por// sri zhu gus pa'i tshul gyis 'dud par 'gyur// stong gsum 'jig rten khams rnams ma 'dres par// gsang chen phyag rgya'i dkyil 'khor sna tshogs
129b2 nyid// rigs dang rigs kyi 'khor los sgyur rnams las// 'khor 'das gnyis med don kun gsal byed pas// rang bzhin byin rlabs sprul pa'i tshul gyis ni// sku gsung thugs kyi dkyil 'khor gsal bar
129b3 ston// de tshe 'jig rten khams mang g.yo gyur zhing// cho 'phrul bkod pa'i ngo mtshar rmad du byung// bde dang sdug bsngal chos su 'jug pa'i chos// de dag rang gi don thob bde bar gnas// 'od kyi dkyil
129b4 'khor bya ba mtha' yas kyis// zhing khams mtha' yas rab tu gsal byed cing// de dag theg pa so so'i chos rnams kyis// de dag sgrol byed gsang ba'i don kun ston// ngo mtshar dus gsum phyogs rnams kun
129b5 bsdus pa'i// rgyud kyi snying po 'di dag spyod las 'das// thams cad yang dag don las rmongs 'gyur te// e ma ji ltar spyod pa'i mtha' bral ba'i// e ma ngo mtshar rang gnas gsal zhing rlongs// e ma rgyal
129b6 ba mdzad pa sna tshogs ston// e ma ho dgongs pa'i don nyid 'di lta bu// e ma chos rnams kun gyi gnas 'khrug 'gyur// e ma rgyu dang 'bras bu ji ltar 'brel// sku gsung thugs kyi dkyil 'khor lhun rdzogs
130a1 dag/ston pa'i don kun rgya cher bstan du gsol// de tshe 'khor gyi byang sems blo ldan tshogs// rang gi sems rtsal chos kyi dbyings sbyor zhing// phra ba'i gnas kun brtags pa'i gnas la
130a2 'jug/ngo mtshar tshogs rmongs thams cad dmas par 'gyur// sangs rgyas kun gyi dkyil 'khor ji lta bu// brjod pa'i gsang sngags tshig rnams 'brel pa'i don// byin rlabs thugs kyi 'od zer sna tshogs
130a3 pas// 'jig rten 'di dag ngo mtshar rmad du byung// zhing khams kun gyi sangs rgyas rgya chen rnams// zab mo gsang tshig bden gnyis 'jug pas rmongs// the tshom rtog pa'i dri ma kun bsal mdzod// rigs kyi
130a4 bde bar gshegs pa kun gyi gtso// gnyis med shes rab yum dang sbyor mdzad de// rgyal ba'i 'khor tshogs rang rig sprul par bcas// zhing khams dag pa'i gnas rnams sdud mdzad pa'i// bcom ldan lha yi
130a5 lha mchog dgongs su gsol// de tshe rigs kyi bde gshegs thams cad kyi// gnyis tshogs gnyis med kun tu ston byed cing// dang po mchog las bskul bar mdzad// de bzhin gshegs pa dgongs pa kun gyi
130a6 gzhi// ye shes bsam yas ma 'dres chos rnams ston// thabs kyi bye brag 'gro gnas ji lta bar// gsang ba bla na med pa'i rgyud chen pos// rang bzhin snang ba'i don kun bstan du gsol// rgyal ba mnyam nyid
130b1 bde gshegs kun gyi sku// dgongs pa kun ldan dgongs pas mnyes gyur nas// shes rab dbyings dang gnyis med sbyor ba'i mthus// dkyil 'khor sna tshogs kun tu sprul byed cing// thabs kyi phyag rgya theg pa
130b2 sna tshogs ston// rdzogs pa chen po chos nyid byang chub kyi sems/ thig le rgya mtsho gnas la 'jug pa'i rgyud las/ bstan pa'i sgor snang mdzad pa'i tshul de le'u ste dang po'o//// de nas 'khor gyi gtso bo
130b3 mchog/rigs kyi rgyal ba sangs rgyas kun// rang gi dkyil 'khor snang mdzad cing// gnyis med sbyor bas gtso mchog bskul// mchog bltas mchog tu gyur pa yin// rtse mo rgyud 'di ji lta bu// byang chub sems
130b4 kyi che ba dang// rang bzhin ji ltar gnas pa nyid// chos rnams kun gyi gzhir gyur zhing// lam rgyud de yi 'thad pa gang// ngo bo smra bsam las 'das pa// lta ba rnam dag tshul ji lta bar// sgom pa po la gdams
130b5 pa dang// spyod pa don nyid mi skye bar// mtshon byed dpe las yang dag 'das// de dag blo gros dpe gang yin// thams cad mkhyen pa'i ye shes dang// lta sgom 'brel pa tshul ji ltar// 'thad pa gtan tshigs
130b6 dang bcas pas/khyad par dka' don sgrub par byed// lta ba kun tu bzang po nyid// spyod pa la sogs rgyud 'jug pa// ma 'dres yongs su rdzogs pa'i tshogs// thabs la mkhas pas yul ji ltar// theg pa'i
131a1 rim pa sna tshogs kun// rang gi 'bras bu ji ltar 'grub// ye nas lhun gyis grub pa la// rtsol bcas bya ba mi skyed dam// thig le chen po lhun grub tu// chos rnams ma btsal rdzogs pa nyid// de
131a2 las de byar sgrub pa'i chos// ngo bo gcig pa ji ltar 'byung// chos nyid dbyings dang dbyings rnam dag/ ye shes kun tu bzang po'i tshogs// lhun gyis grub pa'i don ji ltar// thig le chen por ngang rdzogs
131a3 pa// mi 'jigs gzung ba rnam bral ba'i// bya bral chos kun ji ltar rdzogs// rgyud chen gsang ba 'dir 'jug pa'i// bstan pa'i sgo rnams ji lta bu// de yi mtshan don las rnams dang// lam zla theg pa rdzogs
131a4 pa'i don// thabs kyi phyag rgya kun gyi tshul// dam pa rnams kyis brtag dka'i chos// dman 'jug grol ba bzung ba'i gnas// thams cad thams cad las byung ba// dus 'dir bstan pa'i gnas chen
131a5 yin// zhes blo gros mthun pa'i sgo nas rtse gcig gsang ba'i gsol ba btab pa'o// rdzogs pa chen po chos nyid byang chub kyi sems thig le rgya mtsho gnas la 'jug pa'i rgyud las zhus pa'i le'u ste gnyis
131a6 pa'o//// de nas sangs rgyas kun gyis bstod byas shing// phyogs rnams dbang bskur rang gi gsang sngags ston// zhing khams mtha' klas mchog gi dkyil 'khor sbyor// mya ngan rba klong rnam rtog dra
131b1 ba sel// kun tu bzang po rigs kyi 'khor lo dag/ phyogs rnams kun tu gzigs shing dgongs mdzad de// rang gi gsang ba bla na med pa'i tshul// ston pa 'jig rten sgron mar gyur pa kun gyis rab bsngags
131b2 pa// chos la chos kyi snying por gyur pa 'jam dpal gzhon nu nyid// rnam dag byang chub sems kyi rang bzhin gnyis med sgom pa ni// bya bral bde ba'i klong du ma bcos ji bzhin btang snyoms gnas// tshul
131b3 khrims la sogs spyod pa rgya mtsho'i gzhir gyur pa// tha dad ji snyed lam grol lam du bshad pa yang// bde gshegs yum du gyur cing kun gyi mtshungs pa'i lam// de med mi 'byung de phyir de ni rnal 'byor mchog
131b4 gi lam// 'gro zhing shes dka' kun gyi lam ste mi rtog rtog las 'das// mi gnas mi dmigs spros med bsam dang bral// tshig gis mi thogs dbyibs dang kha dog dbang po'i spyod yul med// brtan zhing
131b5 brtag par dka' la brjod du rdul tsam med// sngon gyi drang srong rnams kyi lam du med// sngon gyi drang srong rnams kyi lam du gang 'jug pa// sgom chags rtsol ba'i lam gyi nad kyi zin ta re// ston pa'i lung bzhin
131b6 tshig gi mtha' spyod lam du de mthong na// de nyid rtogs pa'i rgyun 'brang ri dwags smig rgyu bsnyegs pa 'dra// brjod med yang dag lam ni tshig gis mtshon du med// yang dag bstan pa tshig nyid tsam de
132a1 'khrul// dag dang ma dag gnyis med 'dres shing dbyer med mtshungs// de bas gnyis snang spang blang dgag bsgrub med pa'i tshul// rnam pa cir yang mi 'byed ye shes gti mug dang// thogs med
132a2 gsal ba'i mar me bsam pa kun dang bral// ngang gi g.yo rmugs dwangs shing ting 'dzin rgyal por gnas// mngon du mthong bas mthong byed de nyid thob pa'i mig/ de phyir thams cad mkhyen pa'i spyan zhes de la
132a3 bya// de bzhin dbang po drug gi yul gnas de nyid 'das// mtha' dang dbus med yangs pa'i rang bzhin te// mi len mi spong mnyam pa'i rgyal por gnas// sems dang bag chags gnyis med 'dres shing
132a4 mtshungs// 'dzin pas brtags shing snang ba'i chos rnams ni// rang gi rgyan du snang bas mi 'dor spang mi byed// rnam pa spyir yang mi dgongs thabs kyis de la rol// kun dang mi mthun yongs kyis spang ba'i chos
132a5 dag pas// nyon mongs lnga dang mtshams med lnga yi dngos nyid med// rnam dag lam der zhugs pas mnyam pa'i rgyal po thob// 'du byed la sogs kun kyang spang blang dor mi byed// lo rgyus don nyid tshad ma'i
132a6 blor bzhag nas// ting 'dzin gsum tshogs rtags rnams grub 'dod pas// rtsol bral lung las gol te 'khrul pa yin// bya bral lhun rdzogs bde ba'i yul la gnas// ye shes rang byung che ba'i snying po
132b1 nyid// mi g.yo mi 'gyur bsnyad pa kun dang bral// zin pa'i bdud rtsis rtsol ba'i sdug bsngal 'joms// bya bral yul la kun tu ji bzhin gnas// ma bcos mtshan ma'i rtog tshogs mtha' rnams kun dang
132b2 bral// zin pa'i ma 'gags yon tan dus gsum 'bri ba med// ma spangs nyes tshogs rtog pa'i yul rnams dag/ sgrib med phyi nang kun tu ye shes chen po'i gnas// rtsol sgrub mtha' 'das sangs rgyas kun tu
132b3 bzang// ye nas rnam bkod lhun gyis grub pa'i chos// de dag de rgyud rang gi rnam dag ston// thig le chen por chos rnams spros pa med// de dag byang chub sems kyi rang bzhin la// rang bzhin ngo bo yul kun
132b4 gsal bar ston// thams cad byed dang bya ba'i chos rgyud las// skye 'gag rnam brtags rang bzhin don gyis bral// yul dang yul can mtshan ma'i tha snyad de// bsam rtog kun las 'das pa'i ye shes
132b5 nyid// ces gsungs so// rdzogs pa chen po byang chub kyi sems/ theg le rgya mtsho gnas la 'jug pa'i rgyud las/ de kho na nyid kyi don gtan la 'bebs pa'i le'u ste gsum pa'o//// de nas 'khor gyi
132b6 bde gshegs rnams// ston pa'i bstan pas tshim gyur zhing// dga' mgu yi rang bstod byas te// rgyud mchog snying po bzung bar byed// de tshe byang chub sems dpa'i 'khor// mang po 'dus pa thams cad
133a1 kun// the tshom rtog pa'i dra bas bsgribs// don kun slar yang gsol ba 'debs// bcom ldan snying po'i dkyil 'khor 'dir// rgya chen theg pa'i tshul rnams kyis// 'gro rnams khams dang skye
133a2 mched tshogs// dbang po'i bye brag tshim 'gyur te// rang gi 'bras bu rdzogs par snang// de las bstan pa'i don gsang ba'i// rgyal ba rnams kyi dgongs pa'i mchog/ rigs rnams ye shes chen por 'gyur// de
133a3 nyid tshul rnams ji lta bu// blo gros zhen pa'i 'gro ba dag/ ma 'ongs dus su 'jug 'gyur cing// bde gshegs yul la slob pa rnams// thabs kyi phyag rgya gsang ba'i sgos// shes rab ye shes 'brel pa'i
133a4 tshogs// ngo bo nyid pa'i don ston mdzad// dus 'dir rgyas pa'i tshul gyis ni// dbang bskur las ni gsang ba'i don/ khyod kyi thugs rje brtse ba can// rjes 'jug 'khor rnams gzung bar mdzod// de ltar yang
133a5 dang yang dag tu// gsol btab phyag 'tshal bstod byed cing// gsang ba bla na med pa'i rgyud// don kun ngo bos ston byed pa// mthar phyin chos kyi don las byung// de nyid rgyas par gsol 'debs so// de
133a6 phyir thams cad mkhyen pa gtso// rang byung bde gshegs rigs rnams dang// dkyil 'khor chen po'i longs spyod cing// rgyud 'di kun tu rgyas par ston// zhing khams bsam gyis mi khyab par// snod bcud ye
133b1 shes rang snang ba// sangs rgyas dkyil 'khor nyid kyi gzugs// ji snyed rab tu brtag byas pa// de rnams rang las gzhan du min// 'jig rten sgron ma dam pa yis// rang gi bstan pa gsal byas te// de dag
133b2 gnas 'jug rtog grol yang// thabs kyi phyag rgya gzhir snang ba'o// dus rnams kun tu nga yi dbyings// ye shes che las gzhan mi bskyod// de dag ji ltar 'dul ba bzhin// theg kun rgyud chen 'di las
133b3 'byung// sangs rgyas zhing khams bsam yas su// sangs rgyas kun sogs dkyil 'khor che// ye nas ma bcos byang chub sems// rang bzhin ngo bo snang ba nyid// dus gsum sangs rgyas kun gyis kyang// byang
133b4 chub sems la phyag 'tshal zhing// rang bzhin mi gnyis bzung byed do// mchod bstod 'dud cing che ba brjod// chos rnams ma lus rnam brtags na/ kha dog med cing dbyibs dang bral// de bzhin gzugs
133b5 bcos chos rnams dang// zhen rtog mtha' las rnam grol zhing// phyi rol 'byung sogs khams rnams dang// yul kun rang gi gnas kyis stong// de 'dzin shes pa dang ldan pa'i// 'gro rnams phung po khams dag
133b6 dang// skye mched chos kun mtha' dag dang// dus kun du ni ma grub phyir// sangs rgyas kun gyis ma gzigs pas// der bcas chos rnams thams cad kun// rang gi ngo bos rnam par dben// 'gro rnams zhen
134a1 pa bzlog pa'i phyir// tha snyad mtshan ma sna tshogs dgongs// theg pa'i dbye ba grangs med bstan// rang byung sems kyi rnam 'phrul gyis// thams cad ngo bo gcig par gnas// de dag rtog pa las
134a2 bzlog cing// dbyings kyi rang gnas ma skyes pas// don kun gsal ba mtshan ma'i sgo// yon tan snang ba'i gzhir gyur pa'o// de las phyi rol nang dag dang// 'byung dang 'byung las gyur pa'i tshogs// gnyis
134a3 'dzin blo yis rtog byed kyang// rang bzhin mi gnyis ye shes che// de ltar chos kun mya ngan 'das// byang chub snying po rgyan gyur pas// 'jam dpal gzhon nu'i ngo bo nyid// brtag pa'i yul las 'das
134a4 pa'o// 'di don mnyam pa chen po'i chos// rnam dag byang chub sems ni sgom 'dod pas// der gnas de las 'da' med pas// de nyid yang dag grol ba'i mchog/ de ltar yul sems gnyis med pa'o// byang
134a5 chub sems 'di rnam dag nyid// zung du 'jug pa'i tshul gyis ni// bde ba'i ye shes zag med gnas// de las de skyes de nyid chos// de dag de yi tha snyad las// rtog pa'i rgyun de rtog pas stong// dus rnams
134a6 kun tu mi 'gyur pas// sgom pa chen po'i tha dad do// chos nyid ji bzhin 'di gsal bar// ma bcos bde ba'i ye shes gnas// bya bral bde ba'i klong nyid du// ma bcos ji bzhin btang snyoms nyid// ces
134b1 gsungs so// rdzogs pa chen po chos nyid byang chub kyi sems/ theg le rgya mtsho gnas la 'jug pa'i rgyud las/ chos nyid bstan pa'i le'u ste bzhi pa'o//// de nas byang chub sems kun gyis// sdom pa
134b2 gnyis med rgya chen por// thams cad chos kyi de bzhin nyid// kun tu bzang po chos rnams kun// thabs kyis grol ba'i don ji bzhin// tshogs rnams kun la ston par mdzad// byang chub sems kyi dkyil 'khor
134b3 'di// tshul khrims sdom pa ma lus kun// spyod tshul bzang po rdzogs byed pas// thabs kyi theg pa khyad par mchog/ de bzhin rtags dang rnam brtags pa'o// las kyi bya bas ji snyed par// so so'i theg pa sna
134b4 tshogs pas// don mthun snod kyi rim pa bzhin// lus kyi sdom pa rnam gsum dang// ngag gi sdom pa rnam gsum dang// yid kyi sdom pa rnam gsum dang// rnam grol theg pa kun gyi gzhi// ma bcos khyad par
134b5 las byung ba'i// sgo gsum mngon par 'du byed pa// 'di yis rab tu grol byed cing// theg pa kun gyi rtsa bar bsngags// so so thar pa'i sdom pa dang// byang sems tshul khrims rgya chen po// ma lus kun sbyor
134b6 yul du gnas// de dag theg pa'i khyad par mchog/ sangs rgyas kun gyis dgongs mdzad do// spyod pa thabs bcas gsang ba'i tshul// de ltar pha rol phyin sdom pa// sngags kyi theg pa grangs med
135a1 rnams// bstan pa so sor snang ba'i tshul// ma lus kun 'dus rnam par dag/ lam du bsnyad pa thams cad la// don kun thog mar byung ba ni// de ltar ma 'ongs tshogs grol byed// dus gsum
135a2 rgyal ba bde gshegs kyi// yul rgyud kun gyis mtshungs pa yi// gsang ba rmad du byung ba'i rgyud// de dag rgyu 'bras kun gyi gzhi// thams cad don kun ston byed pas// dkyil 'khor sna tshogs rol pa dang// lha
135a3 mo'i tshogs bcas lus kun spyod// de med mi 'byung de phyir ni// rnam par grol ba mchog gi lam// chos gcig yongs su gsal gyur na// chos sku bkod pa mtha' yas grol// bde dang sdug bsngal rgyu mthun
135a4 cing// las kun rnam par dag pas na// sangs rgyas kun gyis bstan pa'i sgo// nam yang 'gag par mi 'gyur ro// 'di dag tha dad la 'dzin pas// rang gi chos kun rnam par bsgribs// de las gzhan du spyod
135a5 byed cing// skye bo'i tshogs rnams rab tu 'ching// zhes gsungs so// rdzogs pa chen po chos nyid byang chub kyi sems/ thig le rgya mtsho gnas la 'jug pa'i rgyud las/ dbyings kyi le'u ste lnga
135a6 pa'o//// de nas chos dbyings rnam dag las// rigs bcas dkyil 'khor kun bzhengs te// ma bcos byang chub sems nyid sku// thabs dang shes rab 'brel par gnas// 'di dag gnyis med zung
135b1 'jug pa'i// rang bzhin bstan pa'i don gsal mdzad// chos kun smra bsam las 'das pa// rang bzhin gdod nas sangs rgyas gnas// lta ba smra bsam las 'das phyir// de dag mtha' las rnam par
135b2 grol// kun tu bzang po gsang ba nyid// de nyid nges pa gsum gyi tshul// rang bzhin phra zhing rtags dka' bas// rgyal ba rnams kyi dgongs pa nyid// mi rtog rtog pa'i yul las 'das// mi gnyis rdzu 'phrul
135b3 dpag tu med// zhi gnas lhag mthong mngon shes sogs// yon tan ma 'gags kun snang ba// thog med rang gi byin rlabs shugs// mi gnas mi dmigs spros bral zhing// so so'i mtshan ma kun spyod
135b4 yul// thams cad ye shes snang ba'i rgyan// de dag rang gi byin rlabs che// bsam bya bsam bya'i rtog tshogs rnams// nor bu 'od kyi snang ba bzhin// dpe bcas mtshon pa'i sgo rnams kun// de dag rab tu rgyas
135b5 pa nyid// byang chub sems nyid bde ba'i rgya// dkyil 'khor rigs rnams kun gyi gnas// dus gsum 'gag med ye shes che/ kha dog dbyibs rgyan gsal ba nyid// tshig gis mi phebs dbyibs dang rgya/ kha dog
135b6 dbang po spyod yul min// kun snang gcig tu rnam bral ba// de nyid de dag yul kun dang// phyogs dus phyogs rnams bstan pa'i sgo// tha snyad tshig las 'das pa'o// 'di ltar bstan cing brtag dka' la//
136a1 brjod bya rdul tsam gang la zhig/ de dag mtshan nyid gzung dka' bas// zung 'jug rgyal ba kun gyi yum// 'di dag sgom byed rnal 'byor pas// sngon gyi drang srong chen po ltar// lam kun rnam par
136a2 mngon byed pa// de nyid yul gyis 'ching 'gyur zhing// sgom chags rtsol rtsal dang bcas pa'i// las kyi nad chen 'khrul pa'i rgyu// de dag mtha' bzhi rnam spyod cing// brtags pa'i chos rnams kun grol
136a3 byed// cha shas cha shas med pa'i tshul// rang bzhin byang chub sems kyi gzhi// bla med theg pa rdzogs 'dod pas// thams cad rang bzhin byang chub sems// nang du dmigs pa'i ting nge 'dzin// de gsal ye
136a4 shes chen po mthong// spyod pas don kun 'tshe byed cing// ston pa'i lung bcas tshig gi rgyun// mtha' rnams kun gyi las spyod pas// lam kun 'phrul zhing grol ba'i gnas// de nyid rtog pa'i rgyun 'brengs
136a5 pas// ri dwags smig rgyu snyeg pa 'dra// gal te de dag la gnas nas// don mthun gsang ba 'di skyo zhing/ de dag mtha' rnams 'gag 'gyur te// g.yeng med brtson 'grus chen por spyod// mtshon du med pa'i
136a6 chos rnams kun// bgrod med yang dag lam du 'jug/ de dag mthar bcas mtshon byed pa// don mthun gsang ba'i gnas ma yin// 'di ltar 'khor dang mya ngan 'das// phyi nang dal sogs gnyis kyi
136b1 chos// dag dang ma dag bstan pa kun// tshig nyid tsam ste 'khrul pa'i gnas// thams cad mnyam nyid zung 'jug pas// sku gsung thugs kyi dkyil 'khor nyid// rgyu 'bras rgyun chags rnam dag cing// byang chub
136b2 sems nyid bde ba'i gzhi// rnal 'byor chen po'i don spyod pas// 'di dag dgag sgrub med pa'i tshul// sangs rgyas theg pa bsam yas mod// gnyis 'dzin 'khrul pa'i gnyen po ste// yang dag lam nyid ma
136b3 'khrul par// bstan pa theg pa'i tshul rnams bral// zhes gsungs so// rdzogs pa chen po chos nyid byang chub kyi sems// thig le rgya mtsho'i gnas la 'jug pa'i rgyud las dbyings rnam par dag pa'i le'u ste drug
136b4 pa'o//// de nas sangs rgyas thams cad kun// rang bzhin mi gnyis ye shes kyis// chos kun gsal bar ston byed cing// rang gi ye shes rnam par sbyor// dus gsum rnam par mkhyen pa'i tshul// bsod
136b5 nams tshogs mchog mtha' yas pa// stong pa byang chub sems kyi lung// dus gsum rgyun gzer 'du 'bral med// ye shes tshogs kyi gnas 'jug cing// zab mo rgya chen gnyis med pa'i// thams cad mkhyen
136b6 nyid ma 'dres pa'o// sku yi ye shes chen po yis// rnam pa cir yang 'byed pa med// de dag yul kun rnam dag pas// gti mug kun gyi rang bzhin no// thog med gsal ba'i mar me bzhin// rang gnas ngo bos
137a1 kun tu ston// de dag bsam pa kun bral ba'i// thig le chen po ye shes nyid// phyogs rnams kun tu rgya chen tshogs// zhing khams bsam gyis mi khyab par// sangs rgyas dkyil 'khor grangs med
137a2 do// dus kyi bya ba ma 'dres pa// kun gsal rang gi chos las grol// lta sgom 'brel pa gnyis med pa'i// ye shes chen po'i gnas 'jug pa'i// rang bzhin ji ltar dag pa yi// tshul rnams mtha' yas rnam par
137a3 grol// bya ba thams cad spangs pa'i chos// de dag byin rlab nor bu'i tshul// rang byung rang gis mi g.yo ba// rgya mtsho gsal ba'i ting nge 'dzin// bying rmugs mtha' las rnam par dag/ sangs rgyas kun gyi
137a4 dgongs pa nyid// ting 'dzin rgyal po'i gnas brnyes pas// bde ba kun gyis rab tu brgyan// mngon sum mthong med mthong ba'i tshul// de dag de nyid chos la spyod// phyogs rnams kun nas ma 'gags
137a5 pa'i// dkyil 'khor chen po ye shes sku// de las de snang de nyid las// de dag rnam par bkod pa'o// 'di ltar kha dog la sogs rdzas// chos rnams de nyid snang ba'i 'od// mar me'i sdong po mtha' yas
137a6 bzhin// thugs rje chen po'i 'od mtshungs so// de yi thams cad mkhyen pa'i mchog/ yul bcas gnyis med gzigs pa'i spyan// shes rab snying rje gnyis med pa'i// ting 'dzin mtha' yas rtse gcig
137b1 pa'o// 'di ltar rang dang gzhan dag tu// gnyis ka'i rgyun las 'byung ba yi/ khams gsum ye shes kun spyod pas// phung po'i chos rnams dag par byed// rnam shes dbang po yul gyi tshogs// der gnas der
137b2 gsal de nyid 'das// ye shes chen po thig le yis// don kun gsang ba ston byed pa'o// zhes gsungs so// rdzogs pa chen po byang chub kyi sems/ thig le rgya mtsho gnas la 'jug pa'i rgyud las ye shes chen
137b3 po'i le'u ste bdun pa'o//// de nas sras tshogs thams cad kyis// mngon par bstod pa'i dkyil 'khor nyid// mtha' dang dbus med thams cad kun// kun tu bzang po rgyas pa las// ji ltar
137b4 rang gi rigs rnams dang// dkyil 'khor tshogs rnams 'khod par 'gyur// mtha' dbus med pa'i snying po 'di// zhing khams kun gyi chos nyid de// 'di ltar chos can ma 'gags pas// rang bzhin byang chub
137b5 sems kyi lung// tha dad med las tha dad pas// nang dang phyi rol kun tu snang// mtha' dang dbus med spangs pa nyid// rnam gsum tshul gyis zung du 'jug/ zhing khams yongs su dag pas na// rigs kyi
137b6 dkyil 'khor rnam par dag/phyogs bcur rgya yongs ma chad pas// mtha' dbus kun tu bzang po'i sku// rol pa sna tshogs cir yang snang// dmigs pa'i rnam pa las 'das pa'o// 'di las spang yul blang ba
138a1 dag/dgag sgrub dor ba'i gnas med pas// dus kun mnyam pa'i rgyal po yis// thams cad chos tshogs mnyam par sbyor// sems dang bag chags gcig min cing// de bzhin gnyis su'ang
138a2 gzung med pas// tha dad min la tha dad pa'i// sna tshogs chos kun 'byung ba'i gzhi// de dag 'dzin pas rnam btags nas// snang ba'i chos rnams la spyod cing// rang gi rgyan gyis snang ba kun// mi 'dor
138a3 gzhan nas sgrub mi byed// de lta 'du byed rgya chen tshogs// rnam shes mtshan ma dang bcas pa// phung khams sna tshogs bskyed pa'i gzhi// chos rnams kun gyi rtsa ba yin// gcig la du mar snang byed pas// du ma
138a4 gcig gi ngo bo nyid// rnam shes sgo rnams la brten cing// dbang po yul du rgyan gyis 'byung// des na phyi nang ma lus pa// tha snyad rtog pa'i rgyun bcas pa'o// rnam kun bdag med cir yang snang// yul 'bras
138a5 gang du'ang mi dmigs pas// thabs kyi phyag rgya sna tshogs kun// lta ba kun tu bzang por gsal// rnal 'byor rab tu 'brel ba'i mthus// yun rings rab tu spong bas grol// 'di dag dkyil 'khor chen po'i
138a6 gzhi// rang gi chos kun rtogs pas gsal// mthar thug min la mthar thug ces// der 'dzin 'ching bas bcings pa dag/ nam mkha'i mtha' yas bskal pa'i bar// yang dag ye shes la gol 'gyur// gnyis
138b1 med mnyam pa'i tshul gyis ni// thams cad spang blang med par spyad// skye bo kun gyis smod byed cing// rgyur bcas theg pas yang dag gol// de dag rnam par grol ba'i lam// 'dod chags zhe sdang gti mug
138b2 che// nga rgyal phrag dog yul can pas// rang bzhin dman rnams 'ching bar 'gyur// theg mchog bla med tshul gyis ni// shes rab che dang snying rje che// thabs mkhas rnam par spyod pa'i mthus// de dag chos kyis
138b3 grol bar 'gyur// ji ltar rnam par sbyangs byas pas// rdzas rnams mthu dang ldan pa ltar// rang rtogs ye shes sbyangs pa yi// dngos po thams cad smos ci dgos// rnam dag lam der zhugs pas na// de kun
138b4 rang gi gnas rnams spyod// mnyam pa'i rgyal po 'grub byed pa'i// phyag rgya gsang tshul sngags pa'i mchog/ thabs dang shes rab cher ldan pa// de gnas dus kun 'brel ba'i gzung// thabs las thabs kyi phyag
138b5 rgya dang// shes rab shes rab phyag rgya nyid// de dag zung du 'brel ba'i rgya// don kun gsang ba ston byed pa'o// rang rgyud phyogs gcig grol byed pa'i// tshul rnams chos kyi mthar 'dzin pa'o// ming tshogs phung
138b6 po khams rnams dang// skye mched kun gyis bdag gnas 'gyur// de dag ji bzhin rnam spyod pa'i// chos rnams mthar thug rtogs pa'i gzhi// sdug bsngal kun 'byung 'gog lam dang// de dag mtha'
139a1 rnams grol byed pa'i// rab tu spyod la gnas kun brgyan// mtha' bral yul rnams kun spyod pas// rang gi yang dag mngon sum rgyas// ma rig 'du byed sdug bsngal tshogs// 'gro drug gnas
139a2 kun rig 'khor ro// tha dad dkyil 'khor rol pa'i rdzogs// theg pa che las gzhan snang ba// 'bras bu sangs rgyas kun gyi dngos// zhes gsungs so// rdzogs pa chen po chos nyid byang chub kyi sems/ thig le
139a3 rgya mtsho gnas la 'jug pa'i rgyud las// kun tu bzang po'i le'u ste brgyad pa'o//// de nas rgyal ba kun gyi gsang// ye nas lhun gyis grub pa'i dbyings// phyag rgya'i dkyil 'khor rang snang
139a4 ba// 'di dag 'bras bu rdzogs pa'i phyir// kun tu bzang po'i sku gsung thugs// de bzhin nyid bcas rab tu ston// ji snyed sems can thams cad kyi// zhen rtog snang 'dzin mtha' yas pas// phyogs rnams
139a5 kun tu rtog pa'i rgyun// sna tshogs yul bcas rnam par 'dzin// thog ma tha ma med pa'i dbyings// rang bzhin ye shes gnas 'jug pas// rgyu 'bras theg pa sna tshogs kyi// don kun so sor snang ba yin// blo
139a6 bur 'khrul pas brtags pa yi// lo rgyus snga ma la brten te// rtsol ba brgyad bcas bya ba'i sgos// bde ba chen po'i gnas kun sgrib// rang gi lta ba ting 'dzin dang// spyod pa sa dang lam rim dag/ kun tu
139b1 brtags pa'i 'khor los te// de las de bzhin nyid mi skye// rtsol bral lus[(]tsha lus[)]gol ba'i phyir// 'khrul pa'i ngo bos brtags pa'o// thig le chen po'i rang bzhin la// phyi nang chos rnams lhun grub
139b2 pas// kun bzang sku gsung thugs kyi bdag/ rigs rnams kun gyi rgyan gyis mdzes// sku yi sku ste sku yi mchog/ gsung gi gsung ste gsung gi mchog/ thugs kyi thugs te thugs kyi mchog/ rang bzhin ma bcos
139b3 snga ma'i dbyings// bya bral lhun rdzogs bde ba'i zhing// yul rnams rnam par dag pa'i tshogs// de dag snang las rnam grol zhing// stong pa nyid dbyings mi gnas pa'o// de ltar snang dang stong pa dang// las
139b4 gzhan mtha' rnams dag pa'i gzhi// ye shes rang byung che ba'i mchog/ snying po theg pa bla na med pa'o// dus rnams kun tu mi g.yo zhing// de bzhin 'gyur ba med pa'i chos// tha snyad rtog pa las 'das
139b5 pa'i// rang byung byang chub sems kyi rgya// zin pas kun tu 'khor 'gyur zhing// zin pas de mtha' rnam par dag/ bdud rtsi chen po rang bzhin no// thabs kyi rtsol ba gzhan nas med// gnyis med ye shes bdud
139b6 rtsi'i rgyun// sdug bsngal rnam rtog gnyis med do// bya bral mtshan ma med pa la// snang ba'i don kun rnam par rol// de ltar ye nas ma 'dres shing// theg pa'i mtha' rnams dag byed pas// lhun gyis grub pa'i
140a1 don kun nyid// dus rnams kun gyi rang bzhin no// zhes gsungs so// rdzogs pa chen po byang chub kyi sems/ thig le rgya mtsho gnas la 'jug pa'i rgyud las/ lhun gyis grub pa'i le'u ste dgu
140a2 pa'o//// de nas sangs rgyas thams cad kyis// mchod pa'i tshogs rnams bkod pa las// phyogs rnams kun tu mchod byed cing// rang gi ye shes ston par mdzad// byang chub sems dpa'i tshogs rnams
140a3 kyis// don rgyas gsang ba'i rgyud bzung zhing// de rnams ye shes zag pa med// byin rlabs skad cig mthu yis rtogs// gsang ba'i rgyud chen mthar phyin pa// dus gsum rgyal ba'i bka' bzhin du// kun tu
140a4 bzang po'i bstan pa nyid// rang gi shes rab kyis bzung zhing// nges par mchod cing bstod pa'i gnas// rgyud chen gsang ba mthar phyin pa// don kun ston pa'i mtshan ji ltar// kun bzang lha la gsol
140a5 'debs shing// byang chub sems kyi mchod par rol// de dag bstan pa'i don bzhin du// mthar phyin rab tu rdzogs par mdzad// yongs kyi chos rnams thams cad ni// thig le chen po'i rang bzhin nyid// zab
140a6 cing rgya che grangs med mod// rgya mtsho chen po'i rang bzhin te// yon tan tshogs rdzogs sgrib pa med// spro ba med cing bsdu ba med// skye ba med cing 'gag pa med// dngos med mtshan ma cir mi gnas// de ltar
140b1 don kun gnas 'jug pa'i// mi gnyis ting 'dzin yul las 'das// theg pa sna tshogs ston pa'i gzhi// gsang ba'i mtha' rnams ma 'gags pa'o// rnam par mi rtog bsam gtan ni// nam mkha' bzhin du ye
140b2 gnas pas// rtog pa'i smra bsam yul las 'das// zhes gsungs so// de nas rigs kyi de bzhin gshegs pa rnams kyis/ phyogs thams cad mngon par bstod cing rjes su yi rangs te/ spyi bos blangs
140b3 so// thams cad ston pa bla na med// thams cad theg pa bla na med// gsang sngags phyag rgya'i dkyil 'khor du// ma lus chos rnams kun sbyor zhing// rigs kun mngon par rdzogs pa dag/ bcom ldan snying po
140b4 khyod las byung// ye shes chen po kun spyod pas// rigs kyi rigs te rigs kyi mchog/ ces pa dang/ rgyal ba kun gyis byang chub sems dpa'i tshogs rnams la dbang bskur zhing/ bstan pa'i snying po dam pa
140b5 'di rjes su gdams so// rdzogs pa chen po chos nyid byang chub kyi sems/ thig le rgya mtsho gnas la 'jug pa'i rgyud las/ yongs su bsdu ba'i le'u ste bcu pa'o//// rdzogs pa chen po chos nyid byang chub
140b6 kyi sems/thig le rgya mtsho gnas la 'jug pa'i rgyud ces bya ba rdzogs so//// rgya gar gyi mkhan po bi ma la mi tra dang/ g.yu sgras zhus shing gtan la phab pa'o////


CLOSE WINDOW