101a3 rgya gar skad du/ sarba d+harmA tsita dz+nyA na sid+d+hi b+hak+Sha yang tsa ra a b+hi Shiny+tsa a traM tra/ bod skad du/ chos thams cad sems nyid ye shes rgyal po zhes dngos grub rang byung dbang bskur ba'i rgyud/ rig pa'i rgyal po
101a4 kun gsal ba'i// dran pa thams cad ting 'dzin mchog/ bya byed ye shes skur gsal ba'i// ma lus 'gro don rdo rjer sgrub// 'dod pa nor bu gtsug gi rgyan// rig pa'i gter chen mu kha'i gdong// tshad las
101a5 'das pa sku gsung thugs// thabs kyi rgyal po dbang bskur ba// bstan pa bcud du rdzogs byed pa'i// sems dpa' rdo rje yid kyi bdag/ 'gro ba thugs su smin byed de// tha ma'i snyigs ma la dgongs
101a6 pa// gsang ba'i rdo rje 'chang la mos// bstan pa gsum gnyis mtha' can gyi// dus su rgyud drag mos chung bas// tshig gcig don kun rdzogs pa'i bdag/ lung gsum gcig 'dus rgyud pa yi// dgu rum sbas
101b1 pa sems kyi gter// long pa u lu pra sha kas// 'jug cing spyad pa'i nyams med pas// smon lam rjes chags rnal 'byor la// tshig 'brel rkyen gyis mi rtogs kyang// 'phrul gyi me long sgo dgu bzhin// rtog
101b2 med mthong ba'i lam sprad de// sgom med don gyi gzer chen btab// bgrod med rtog pa'i 'jim las bsgral// tshig gi lam chad ye shes sgron ma 'di// ma hA de bas rigs su bltas pa bzhin// rdo rje sems
101b3 tshig lam gyi lde mig ste// 'phrul gyi rgyud pa'i zam pa ma chad par// dbang po lha yi drin gyi rtsa gsum gnas// de ru mthong nas 'dzam gling 'jing du bcas// lag na rdo rje mngon du dbang bskur te// dus mtha'
101b4 nyid kyi rgyal ba'i sa la bkod// 'phrul mig rgyud pa'i rdo rje zam pa yin// rang byung lhun rdzogs chen po la// 'dod pa'i don kun re ba med// thams cad rang sems dag pa la// gnas kyi maN+Dal skyed pa
101b5 med// rang byung ye shes 'od gsal la// rtsol ba'i lta ba rtogs las 'das// thams cad cig pa'i phyag rgyar gsal// bsam brjod bral ba'i ting 'dzin mchog/ mi 'gyur mchog gi dngos grub ste// 'jig rten 'das dang 'jig
101b6 rten pa'i// chos rnams ma lus thams cad kun// rtogs te rang bzhin lhun gyis grub// thams cad bdag nyid rang dbang las// bskur ba'i cha gnyis mi rtogs kyang// brda don sgrol
102a1 ba'i man ngag sbyin// re dogs bral ba'i sems la bstan// 'byung 'jug med pa'i sems la thim// dran pa sems kyi man ngag sbyin// rtog pa rlung gi dran skyod cing// mtshan ma'i spros pas 'tshol ba
102a2 las// bde ba thig le'i man ngag sbyin// sems kyi rnam grangs gang dang gang// de dang de yi rjes mthun par// rdo rje zam pa ma chad par// bla ma rin chen srog 'gyur des// de de'i sgo nas gter kha dbye// de
102a3 nyid sgo kun phye ba yin/dbyig gi rdzas dang phrad pa yin// dper na lha yi nor bu la// maN+Dal rtsegs pa'i sgo bzhi yod// gang nas phye yang de nyid thob par 'gyur// 'di ni thabs rgyal rin chen te// rtsal dang
102a4 bral ba'i dngos grub yin// rgyu 'bras med pa'i mthar phyin yin// sngags tshig bral ba'i nus mthu yin// tha snyad bral ba'i don mtshon yin// las gzhi bral ba'i don grub yin// 'ching bral ston pas lta ba
102a5 yin// 'da' ba med pas dam tshig yin// rtog 'dzin spangs pas sangs rgyas yin// thams cad rol pas 'khor ba'ang ste// theg pa'i rim pa ma lus dang// rgyal ba'i thugs bcud dngos kyang yin// thams
102a6 cad gcig dngos kun gyi bdag/'di ni rgyal ba thams cad kyi// thugs kyis rnag pa'i dam pa'i thabs// gcig tu 'dus pa'i bde chen yin// 'di la ngos bzung yang dag med// ting 'dzin sems kyi rim
102b1 rtsal med// lus dang ngag gi bya btsal med// gang la dmigs kyang rnam 'brel med// gzhan du snang yang gnyis snang bral// skye 'jig 'byung yang 'gag bral med// gnas dang bral yang rten pa med// yul du
102b2 snang yang 'gag pa med// longs spyod ldan yang chags pa med// bral bar 'dod pa mchog dang ldan// 'di ni rdo rje lam mchog ste// skal ldan 'bad pa med par grol// rgyal thabs sems kyi rin chen
102b3 dbang// spyi blugs tshangs pa'i dbang zhes bya// sems nyid rin chen dbang gcig gis// bskur med rdzogs par sbyin byas pas// bye ba phrag rgya'i dbang thob ste// zhing khams gnyis pa bde longs spyod// brkam
102b4 chags lnga yi sbyor ba yi// 'dod pa mos pa'i dngos grub stsol// spang len bcas pa'i ting 'dzin gyis// re dogs 'bras bu dngos dang bcas// 'thob pa rang las ma yin na// grol ba rang byung gzhan las
102b5 min// 'dod la mos pa rgyu rten can// bka' rtags tshig gi dbang bskur ni// nga rgyal 'dzin pa'i dbang thob ste// dgra bcom sa la 'jug par nus// 'dzin drug bral ba'i ye shes la// bden gzhi gsal ba'i
102b6 dbang byin zhing// rten pa las kyi rlung bzung ste// chu gzar 'bab pa'i thig pa'am// rlung gis bskyod pa'i smig rgyu'am// rgya mtsho chu la chu'i tshas// bskus shing til mar sbyar ba la// zhag drug gnyis gyur sum
103a1 'gyur gyi// bden pa gtan la phebs 'gyur te// bden pa bzhi la rim gyis sbyar// yun dang bcas pa de bzhin bya// sdug bsngal na ba'i rgyun la bya// yid brtan 'dzin pa bzlog pa yin// stong pa'i
103a2 dngos po de nyid yin// bdag med dmigs dang bral bas so// rim gyi kha zas bral byas te// zla ba gsum 'gyur tshun chad do// zag pa zad nas dbugs kyi dgang// dbugs dang lte ba sems su bcas// lo
103a3 gcig bar gyi 'dres par dgang// dbugs kyi 'gyu ba'ang de nas zad// sems kyi 'dzin pa de nas nyams// dus dang 'brel nas rkyen dbang bskur// byang chub sems dpa' blo can gyis// 'dul ba'i sdom pa
103a4 dam mnos te// bden gnyis rtogs pas lam bstan te// sems can rgyud kyi mtshan rtogs nas// zhi gnas 'brel ba'i gnas drug sbyar// lhag mthong gsal ba'i skabs gsum bgrod// zhi gnas brtan pa'i
103a5 gnas rnyed nas// ting 'dzin rnam gnyis zung du sbrel// stong pa'i nam mkha' de nyid bya// zla ba gcig gi rten 'gyur nas// de nyid stong par rtag par bya// de nyid stong pa'i rlung chen la// phal cher dbugs chen
103a6 'byin pa ste// bskal pa du ma'ang gnas pa srid// smon lam stobs drag myur du 'grub// sku byin ldan pa'i phyag brkyang nas// phyag gi gdugs kyis bkab nas ni// zhi gnas rten pa'i dbyings las
103b1 bslang// mtshan ma thabs kyis brtan byas te// mtshon pa sku yi rgyan ldan byas// bde gshegs zhing khams kun du bsgrags// rdo rje bum pa na bza' dang// rang rtags phyag rgya'i dbang bskur te// rig pa mchog
103b2 gi dbang rnams bskur// 'dod la mos pa'i tshig yin pas// nga rgyal bde ba'i mtshan ma mthong// rgyal po phyi yi rtags can la// lha dang yi ge mngon 'dod pa'i// stong nyid rnal 'byor mtshan ma can// dngos po
103b3 gnyis kyi lta bas bcing// bde ba chen po srog dang bral// bka' rtags dgu dang bco lnga yis// lus sems rtogs pa'i nga rgyal skyed// ting 'dzin sems kyi smon pa 'dis// dngos po sman dang sngags sbyar
103b4 gyis// 'jig rten gsum gyi bya ba bstan// don dang spyad pa mi mthun yang// blo yi rim pa drang ba dang// thabs kyi bdag por dbang bskur bas// gtsang ma'i lag na rdo rje dang// dpal 'byung lag na rdo rje
103b5 dang// dpa' brtul stobs kyi rdo rjer sprul// rigs gsum rigs bzhi rigs lnga dang// de bzhin rigs gcig rigs stong dang// 'dod pa'i lha ru nga sprul te// blo dang mthun pa'i bstan pa byin/ kha blon chen
103b6 po sgyur tshig dang// bA ra Na sI'i tshos ma bzhin// snyigs ma'i zhing 'dul de bzhin no// 'di rgyud pa yi sbyor ba ste// dngos 'dzin rtog pa spang bar bya// bA ra Na sI'i bsil khang du// gtsang ma'i lag na rdo rje
104a1 yis// lag mthil gtsang ma'i dris byugs nas// rigs gsum stobs kyi dkyil 'khor bris// dam pa gsum la dag par bstan// 'phrul gyi me long dgu bkram ste// dmigs pas dngos po'i rtog
104a2 pa spang// lha yi mngon rtags lag tu gtad// gang ba'i sa la nges bkod de// de yang bcos ma'i sbyor ba yin// rin chen lhun grub brtsegs pa'i khang// ri bo 'bar ba'i rtse mo la// dpal 'byung lag na rdo rje
104a3 yis// rdo rje dbyings kyi dkyil 'khor 'bar// rang bzhin dkyil 'khor sngon du byung// dam pa lnga la sngon du bstan// lha brag rdo rje'i rdzong phug tu// gtsang ma'i rig 'dzin gral la 'khod// de yang bcos ma'i
104a4 dkyil 'khor yin// ting 'dzin smon pa'i sbyor ba ste// dbang rtags sbyor bas nga rgyal smin// mnyam nyid lta ba'i tshig 'dzin cing// spyod pa snyam pa'i tshig las 'das// dam tshig ldan pa'i lam gzhi can// lta
104a5 dang dgod dang 'khyud pa yis// sbyor ba'i dam tshig bstan pa yin// zhing bcas bsgral ba'i gnas rnams ni// lha ru sgyur dang gtso bos bsgral// bdag gi ting 'dzin sbyor ba yis// bsgral bas spyod pa'i dam
104a6 par 'dod// phyi ba'i rnal 'byor ting 'dzin rnams// rim pa ji bzhin mngon 'dod de// lha dang bcas pa'i yan lag rnams// ting 'dzin sems kyi smon pa ste// bcos ma'i dkyil 'khor la brten nas// phyi
104b1 rtags yid smon dbang bskur yang// rang bzhin lam dang 'phrad mi 'gyur// bcos ma'i sbyor ba yan lag gzhan// rnal 'byor nang gi rtags brtag pa// brtul shugs spyod pa gtsor blangs nas// gnyan po'i
104b2 sbyor ba gtsor bzhag ste// blang dor 'dzin pa'i sems kyis su// mnyam nyid rdo rje'i tshig la gnas// lag na rdo rje'i brtul shugs kyis/ sems dpa' rdo rje che la gnas// blo dang mthun pa'i don bsgrags
104b3 te// sum cu rtsa gsum lha yi gnas// chos bzangs lha yi pho brang du// mchod sdong gtsug gi me tog dang// rdo rje gsang ba'i me tog dang// lha mo brgyad kyi me tog gis// rdo rje 'dzin la mngon gtor te// dgyes
104b4 pas phog ste 'dzum pa yis// mdangs kyi bltas te dkyil 'khor yang// snod dang 'tshams pa rim par sbyar// dad dang ldan pa'i mos pa can// smon pa'i sbyor ba des 'phangs pa// de ba ma hA shri can dang// brgya
104b5 byin 'khor gyi bu thu bo// lha lnga rigs dang mnyam sbyar bas// gzugs brnyan dkyil 'khor mngon dga' ba'i// ye shes gzugs brnyan mngon shar ba// bum pa'i dbang byin sras bu byas// mi ldog sa la de nas
104b6 bkod// de nas 'khor gyi gtso bo yis// gnang ba zhus te bka' bzhin sgrub// snod bcud rtag pa thos bsam gyis// grol ba'i ting 'dzin sbyor ba skyed// ldang ba'i sems kyi des skyed nas// gsang ba'i ye shes
105a1 gus bstod zhus// de nas dbang po khri la 'dzegs// tshul dang mthun pa'i mos pa skyed// gsang ba'i me tog 'thor 'thung mchod// gsang ba'i gzugs brnyan dkyil 'khor du// mtshon pa'i gzugs
105a2 brnyan der bzhag ste// gsang ba nang gi rig 'dzin du// nges par lung bstan ming phog ste// bdud rtsi'i spyod pa thams cad byas// mdog 'gyur nus pa'i stobs rnyed nas// rdo rje'i khri chen thog tu bskyon// lha mo
105a3 'bar ba'i kha la bzhag/rol pa rtse dgu skyod pa bstan/ kha na ma tho'i las rnams lam// bag med sems nyid rol par bya// bde ba myu gu'i rig 'dzin te// don dam bden pa rtogs pa yin// stong nyid bde
105a4 ba'i man ngag sbyin// rol pa'i ka ra bcu gnyis bstan// sgyur ba'i man ngag rnam gsum bstan// bkug dang mnye dang bsdams pa dang// gzung dang sprad dang bcing ba dang// sprad dang gar gyi phyag rgya
105a5 dang// gnyis bzhi ldan pa'i thabs chen kyi// dam pa'i bden pa mngon du bstan// stong pa de nyid tshul la gnas// sngags kyi spyod par byin gyis rlobs// tshe yi rig 'dzin dbang thob ste// 'chi ba med pa'i tshe
105a6 dang sbyor// sras kyi thu bo nyer bzhag lnga// bum pa'i khang thog rtsibs brgyad 'bar// sum cu rtsa gsum gnas chen po// sprul pa brgya byin gnas sgyur te// brgya byin bu mo grags chen po// lha rgyal kun gyi gzungs
105b1 chen te// bde bar mchod nas nye bar bzhag/ gzugs brnyan gsang ba'i dkyil 'khor de// chags pa bde ba'i sa bon zhing// 'dod pa'i yul du gdab par bya// gnyis med ye shes klong du 'char// 'dod
105b2 chags sreg pa'i me yin te// rdo rje rlung gi snying po bskul// dbyings phyug 'khor lo me yi bsro// thig le rdzogs pa phyed nas bskul// rtsa mdud dngas mes rgyas 'gyur na// ji ltar 'dod pa bde ba 'byung// ye
105b3 shes 'dres pa'i thig le can// dbugs rngub bsdu ba'i man ngag sbyin// rdo rje 'dzin pa'i rig 'dzin yin// ting 'dzin 'bar ba'i dkyil 'khor du// sems dpa'i bstan pa lung phog ste// gnas med dkyil
105b4 'khor dam par bzhugs// de nyid dkyil 'khor der zhugs nas// rang bzhin dkyil 'khor la gsal du// don grub las kyi dbang bskur te// rgyal tshab skyes bu'i sar bzhag nas// 'bum phrag gsum gyi
105b5 bstan pa bsgrags// chos kyi 'khor lo gsum gsungs te// bcos ma'i sbyor ba 'di yis ni// rnal ma'i dngos grub rnyed ma yin// brtul shugs spaung len byed pa'i dbang// 'di yis de nyid mi thob ste// dper
105b6 na spre'u rgyal po bzhin// sbyor ba gzhan gyi dngos mi 'gyur// 'di dag bcos ma'i sbyor ba ste/ smin kyang 'bras bu mi 'grub ste// bim pa ra yi 'bras bu bzhin// bcos ma'i sbyor bas dngos mi 'gyu// bA ra Na
106a1 si'i klong phug tu// sha ri bu yi ston pa'i sa// ba ta'i bu gsum dbang bskur te// tshe stod dgra bcom zag pa zad// tshe smad ngan song gsum du lhung// bya rgod phung po'i 'gram logs
106a2 'dab// dgon phug bye ma'i 'dabs sna ru// dngos por lta ba'i rigs can te// bram ze sa la rgan mo'i bu// dge slong sa ri bya ba de// nga ni sdug bsngal zag pa zad// rgyal tshab skyes bu'i sa 'dzin zer// dgra
106a3 bcom lnga brgya stong gcig 'dus// skyes bu chen por dbang bskur bas// 'khor ba'i gnas rab dgu ru rgyud// brten pa'i tshig gi dbang 'di ni// 'dod la mos pa'i brkam chags can// rgyal tshab ma yi bde
106a4 'thob pa'o// gang gA'i rgya mtsho mdo le la// ded dpon blon gyi bu thu bo// bram ze nor gyi rgyal mtshan 'dzin// phyi yi rdo rje rtags 'dzin pa// bka' rtags tshig gi dbang bskur te// bden pa tshig gis nus pa
106a5 bzhag/'khor ba'i rgya mtsho rgal ma nus// bskur bas thob pa'i dbang rnams ni// zag bcas nus mthus 'khor ba'i chos// shar phyogs in tra'i lung pa na// rgya lung rdo rje brtsegs pa ru// rigs can in+t+ra bo
106a6 d+hi dang// sa ga rgyal po'i bu thu bo// klu yi bu mo rgya mtsho dang// sing ha u pa ra dang ni// lha yi bu ni dge ba can// dri ma med pa'i 'od la sogs// tshom bu lnga bcu stong dang bcas// phyag na rdo rje mngon bsgrubs
106b1 te// spang len brtul shugs spyod pa'i dbang// dge bar bskur nas sdig pa med// gnang ba sgrub cing lung la brten// de yang spyod log dngos grol te// mtshan ma g.yon gyi lam la zhugs// brkam chags rang
106b2 ga sred pa spangs// chags pa g.yon gyi lam gyi khrid// bde chen lam dang de bral lo// rgya phug 'khor lo brtsegs pa'i khang// 'da' na ko sha gling phug tu// gser gyi brag phug yu ba can// de nang rdo rje gdan
106b3 steng ste// rin chen 'bar ba gsal byed kyi// phyogs mtshams rgyas pa'i gur phug ste// yi ge med pa'i 'bru gsum stim// rna brgyud lung gi gter chen bkrol// phyogs mtshams bcas pa'i 'khor lo
106b4 bcas// rin chen 'phrul gyi me long bstan// rgyu ba med pa'i rig pa skyed// rang bzhin gsal ba'i 'od la zhugs// longs spyod rdzogs pa'i rgyan dang ldan// spyi blugs tshangs pa'i dbang bskur te// bde chen sa
106b5 la bkod pa'o// bcos ma'i sbyor ba la brten nas// rnal ma'i sbyor ba rtogs par bya// 'dra 'bag lha'i lus bzhin du// rtags kyi de nyid don mtshon bya// bcos ma'i dbang bskur rtags kyi brda'// mtshon nas
106b6 rtags ni spang bar bya// rnal ma'i dbang bskur chen po 'di// bral ba'i rnal 'byor gang dag ni// gang zhig mig dang bral ba yin// 'di nyams rnal 'byor lam 'tshol ba// rgya mtsho 'jing la stegs bcas
107a1 nas// nam mkha'i dngos por snyeg pa 'dra// bde ba chen po'i man ngag 'di// dmus long mdun nas gzugs snang zhing// skal ngan las kyis bsgribs pa la// srog lus bral yang khar dbyung
107a2 min// blo ngan dad pa chung ba dang// ngang gi blo 'phangs dma' ba dang// thos pa chung ba'i blo sbram dang// theg pa dman la zhugs pa dang// rang rkyen ngan pas dregs pa dang// ngar 'dzin dregs pas gtsor
107a3 'chel dang// 'jig rtain bya ba'i rgyur sgrub dang// thabs kyi bcud chen 'dzag pa dang// brkam chags ngan pas 'dzin pa dang// snod kyi dri ma ma dag pas// bsgrub bya dam par mi sems dang// bla ma srog tu mi
107a4 'dzin dang// tha ma'i spyod pa nyams pa rnams// grib bzhin byung 'khor spang bar bya// srog lus bral yang las kyis bral// mtsho chen gser gyi 'og gzhi ltar// mi 'gyur brtan pa'i sems kyis bzung// gal
107a5 te bcas pa'i rgya ral na// na rag rdo rje'i gdan bzhi ste// chad pa'i rigs su nges pa yin// rnam smin 'jig rten 'di las byung// dam can rdo rje mkha' 'gro'i tshogs// bos pa bzhin du 'dus gyur nas// sha
107a6 khrag la sogs dngos su za// dam shod gling gi dur khrod bzhin// mkha' 'gro rna nyan kun gyis sdud// des na thabs chen man ngag 'di// rjes su mthun pa'i dam bcas bzung// rin chen gter gyi snying po
107b1 'di// kun bzang rgyal ba thams cad kyis// gsang ba'i bdag po bka' bsgo ba// gsang 'dzin rdo rje sems dpa' ni// sum cu rtsa gsum bum thogs te// srog shing rdo rje rtse dgu 'bar// gser gyi 'khor lo
107b2 'bar la bzhag/gsang ba'i ting 'dzin bdag por bsgrags// dga' rab rdo rje bdag nyid kyang// de ba bzang skyong bu thu bo// kun dga' snying po bya ba yin// lag na rdo rje gsang bdag gis// 'khor lo 'bar
107b3 ba'i lte bar bzhag/nam mkha'i mtha' dang mnyam pa'i rgyud// klong dgu bam po nyi khri gsungs// spyi blugs tshangs pa'i dbang bskur nas// dus mtha' nyid kyi sa la bkod// 'dzam gling 'jing du rgyal thebs
107b4 byas// sems rgyud rig pa'i thor cog can// rgyal gyi rigs can dra ma'i yul// rgya phug da na ko sha'i gling// phyag tu gsang ba'i gnas rab bcas// lung gsum rgyud pa'i rtsa ba'i don// dgu gsum sbas pa'i
107b5 man ngag 'di// sems la glen zhi bde la 'god// yid la bcangs shing lus la bcangs// bka' yi bde chen ma mthong ba// phyi nang rgyud pa'i lung la brten// lus ngag sems kyi bya btsal gyis// brkam
107b6 chags 'dod pa'i chu bo skyed// bde chen srogs dang bral mthong nas// gsal bar gnas su dbugs chen phyung// 'phrul mig rdo rje zam pa 'di// bka' yi thugs kyi nying khu 'di// ngang pas 'o ma bsdus
108a1 pa'am// 'jog pos rin chen phyung ba ste// rgya mtsho gling gi kha byab bzhin// bka' yi bdud rtsi bsdus pa yin// spyi blugs tshangs pa'i dbang chen ni// thabs kyis rgyal ba'i rim par bstan// rjes
108a2 su mthun pa'i bzhi dang bcas// 'jug pa rgyu yi rim pa dang// sman pa'i chad par kun spangs pa'i// kun rdzogs tshangs pa'i dbang bstan dang// brda don 'grol ba'i rim pa yin// thugs brtol rna brgyud man
108a3 ngag sbyin// 'phrul gyi me long dgu bskor bzhin// rgyal bas dngos grub man ngag sbyin// gsal byed rin chen rab 'bar bstan// mi 'gyur bstan pa'i dbang bskur la// dran pa rkyen gyi man ngag sbyin// dran
108a4 rtog rlung gis skyed byed pas// g.yo 'dzin rlung gi man ngag sbyin// sems nyid mi bstan spros 'tshal bas// bde ba thig le'i man ngag sbyin// bde chen rang byung byin rlabs pas// mi 'gyur brtan pa'i spyod pa
108a5 brtan// brtan nas mi 'gyur lhun gyis tshe// bde chen rig pas bsgrub par bya// dang po'i yan lag brtan byas pa// gnas dang slob dpon dkyil 'khor dang// slob ma dag dang 'jug rnams dang// dus dang
108a6 'jug pa'i yon tan no// gnas ni rnam pa gnyis gsungs te// gzhi yi gnas dang rten pa'i gnas// thams cad rang rig sems nyid de// rgyu gnyis bral ba'i dngos gzhi nyid// bde gshegs rgyal ba ma
108b1 lus dang// rgyu drug sangs rgyas thams cad kyi// bzhugs gnas rmad 'byung khyad par can// tshad dang bral ba'i rin chen khang// mi 'gyur rdo rje'i rgyu las byung// rang byung ye shes gzhal yas khang// gnas nyid
108b2 gnas la gnas pa med// de las 'byung zhing de ru 'dus// de nyid de yi rang bzhin gnas// byang chub sems nyid bde chen po// rmad 'byung thig le'i gnas zhes bya'o// rten gnas khyad par bstan bya ba// don
108b3 grub rdo rje rigs can 'di// dang po bde ba'i gzhi yin pas// ye shes rgyu las byung ba yi// za ma tog gi rgyal mtshan nam// dpal phug rdo rje'i rgyal mtshan nam// ba ra NA sI'i bsil khang ngam// don grub rin
108b4 chen sul mangs sam// rgya phug ko sha gling phug gam// don grub bkra shis khang bu'ang rung// ye shes stobs dang rig pa'i byin rlabs dang// bde ba'i gnas su bdud rtsi bcud spel na// rnal 'byor tshe 'dzin
108b5 rig pa'i byin rlabs stong// des na snyigs ma'i rgyu can dang po ste// rkyen lnga rnam 'byor yin na rten bzhir gzung// dkyil 'khor rang 'byung ye shes te// ma bcos dngos gzhi dkyil 'khor gsum// thams cad
108b6 ye shes rang rig gsal// mkha' ltar khyab pa'i bde chen po// ye shes dpag med yon tan gsal// snying po len pas ma d+ha la// rang la rdzogs pas lhun gyis grub// yon tan rdzogs pas yon tan
109a1 rdzogs// thig ler 'dus pas gtso yi rgyan// snod bcud 'dus pas thig le che// 'bar ba dpag med gzhal yas khang// gdod nas grub pas rab gnas rgyas// ngo bo gsal bar 'byung 'jug
109a2 med// bdag nyid gsal bas skyed pa med// rgya dbyibs bral bas yongs su rdzogs// yon tan lhun grub gru bzhi yin// rang rig ye shes chen po la// ma lus kun 'dus zla gam yin// mtshan ma'i bag chags
109a3 ma lus 'joms// gru gsum drag po'i gzhal yas yin// 'dzin rtog bral bas ngang gis zhi// zhi ba chen po'i gzhal yas yin// ye shes 'bar ba lham me ba// dngos po 'joms pa'i khri chen yin// lhan ne lhang
109a4 nge 'od du zhu// gnyis med thig le'i rang bzhin can// rdo rje nyi ma lha chen po// 'di ni rang bzhin rnal ma yi// dkyil 'khor chen po 'dod yin te/ khro dang zhi ba la sogs pa'i// gnas pa'i dkyil du lus bdag
109a5 pa// las rnams ma lus kun bsgrubs pa'i// rnal ma'i dkyil 'khor chen po ru// zhugs pa med par dngos grub pa'i// rnam ma'i 'byor pa dam pa tsam// dang por sems dpa'i rnal 'byor pas// bsdongs te
109a6 sems kyi ma mtshon na// rgyal po phru gu 'khyams pa bzhin// rang gi mtshan nyid mi rtogs so// bdag nyid khams kyi rang bzhin can// mya ngan 'das pa'i bdag nyid can// ma lus gcig rdzogs 'khor lo
109b1 yin// bdag nyid rdzogs pa'i dkyil 'khor ni// kun gzhi chos sku chen po yin// longs spyod rdzogs pa ma 'dres yid// tshogs drug sprul pa rgya chen po// brkam chags lnga nyid rigs lnga yin// rnam shes gcig
109b2 bdag rigs gcig nyid// shes pa'i bye brag rnams mtha' yas// rgyal ba rdul snyed 'jig rten sgrol// tsit+ta rin chen dkyil 'khor ni// 'og min gnas chen mu mtha' yas// sgra skad ma lus rnams mang
109b3 yang// mi bzad rgyan gyi 'khor lo'i gsung// gzung mchog sku yi dkyil 'khor rdzogs// dran rtog sems kyi rgyu ba kun// mi zad rgyan gyi 'khor lo thugs// snod bcud ye shes dkyil 'khor yin// sems nyid
109b4 rab 'byams dkyil 'khor yin// dus gsum khams gsum bdag nyid can// brkam chags drug gi mtshan nyid ni// rgyu drug gnas pa'i sems can yin// rtsa drug sa bon bdag nyid can// tsit+ta 'khor lo rin
109b5 po che// zag pa zad pa'i mtshan nyid de// rtsa gsum 'dus pa'i thig le gcig/ rtsa bzhi thig ler bcas pa ni// ye shes lnga yi bdag nyid sems// rtsa brgyad thig le'i rang bzhin ni/ khyad par dbang po'i lam
109b6 dang 'brel// rtsal rnams bde ba'i thig le las// dwangs ma phyi nang mtshan nyid can// nam mkha'i khams kyi phyogs cha na// ye shes gnyis med thig le'i ngang// dbus kyi thig le chen po'o// phyogs mtshams
110a1 brgyad kyi mdun sgo na// sa bon drug dang sgo dang so// thig le so so'i nus pa can// dbus kyi thig thung a yi rang bzhin// de dang 'brel ba'i thig le brgyad// rang 'byung ye shes bde ba
110a2 bcud// thig le 'khyil pa'i tshul du gnas// rtsa brgyad 'khor ba'i rtse 'khor lo// gnye mo 'khril ba'i tshul bzhin te// dbang po dwangs ma'i bcud dang 'brel// bde gshegs dkyil 'khor brjod las
110a3 'das// mtshan dang dpe byad rang bzhin rdzogs// sprul pa'i 'khor lo gzugs khams te// dbus kyi thig le sgron ma'i kha// spyi bo gtad nas 'khyil pa'i gzugs// thig le bzhi dang yang dag 'brel// spros
110a4 'dzin bde ba'i sgyu mas gang// mkhas pas bde ba spyad par bya// rtsa bzhi 'brel ba'i thig le brgyad// bsam gtan bzhi yi sde pa can// phyi rol 'khor lo 'dab brgyad can// thig le bcu drug de dang
110a5 'brel// dang po nyid ni 'dren ma yis// bzhi dang bcu ni 'dod pa yi// thun mong bde ba nyid yin no// gnyis ni rig pa'i rdzing gi 'gram// 'dus pa'i mdud 'chad me yi 'gram// thig le gnyis ni sgo med
110a6 yin// rgyud rnams kun gyi thun mong gi/ bde ba myong bar bya ba yin// g.yas g.yon 'dus pa'i thig le mchog/ longs spyod 'dud pa'i rtsi yis zin// chos kyi thig le dang po'i bcud// gnyis su 'khyil zhing
110b1 'dzag pa'i rtsi// thig le 'khyil ba bzhi gnas te// bde ba chen pos 'gengs dang 'dzag/ 'khor lo bzlog dang rtsa gsum rgyas// rang byung bde ba rgyas par bsre// rlung dang ye shes dwangs ma'i bcud// 'dres pa
110b2 rdo rje nyi ma'i tshul// 'khyil nas bde ba'i ros gang na/ khams gsum ye shes chen po ste// ji bzhin rlung bus phebs pa yin// bar gcod rkyen dang bral ba yin// longs spyod 'khor lo 'dod pa'i khams// bde
110b3 ba chen po'i gzugs med pa// dngos po med pa'i snying po can// bde ba 'byung ba gu li tshogs// longs spyod bde ba'i thig le can// rnam dag chos sku'i rang bzhin yin// rang rig bde ba chen po la// rgyu drug
110b4 longs spyod gnas la sogs// mya ngan 'das pa'i sku gsung thugs// ma lus rdzogs pa'i dkyil 'khor te// rang gi sbyor ba'i ting 'dzin la// spyan drangs mos pa'i yid smon yin// blo yi sbyor ba rtag pa
110b5 ste// bcos ma'i thabs kyis sbyor ba yis// ji bzhin dngos la mi 'jug par// bcos ma'i brnyan ma mngon byed na// don du dmigs nas 'jug byed kyang// dper na spre'u dang spre 'bag bzhin// de yis de yi
110b6 don mi 'grub// bcos ma'i dkyil 'khor spang bar bya// des na rang 'byung dkyil 'khor 'di// ji bzhin mngon sum kho na bas// 'di la de bzhin nan tan bya// bkra gsal gzugs dang brjod bral
111a1 sgra// dngos bral rang bzhin med pa'i dri// mu kha thig le dbyings kyi ngang// sna tshogs dbyings nyid b+ha ga'i klong// kun 'dus bde chen dkyil 'khor drug/ bde ba chen po gcig gi ngang// ye shes
111a2 mu mtha' med par 'jug/'di ni rang bzhin dkyil 'khor yin/ 'di la slob dpon rnam gnyis te// brda don sgrol ba'i slob dpon yin// shes rab mchog ldan ting nge 'dzin thob pa// dman pa'i blo spangs
111a3 khyad par kun shes can// bstan pa'i bcud phyung theg pa'i ya thog la// bde gshegs sras dang sman pa'i sangs rgyas dang// re thag las shing mi rtog thugs rje ba// nang gi dri ma sbyangs pas 'jig rten chos
111a4 brgyad spangs// smon lam ma nor dag pas bka' yi mnga' bdag can// shes rab dang ldan brtson 'grus khyad par 'phags// ma nor don rtogs gdung rgyud ma chad pa// snod bcud rtog cing gzhan gyi sems
111a5 shes pa// snod ldan mchog tu smin byed thugs rje'i bdag/ 'di 'dra'i bla ma rjes su bzung byas te// srog lus bral yang bla ma yid kyis bzung// rgyal ba'i sras chen chos kyi rgyal tshab yin// ma nor don gyi bla ma
111a6 ni// rang sems slob dpon kun gyi bdag/ thams cad rang rig rgyal po bas// sems nyid sangs rgyas kun gyi dngos// rdo rje slob dpon rin chen bdag/ rgyal ba kun gyi bla ma ni// rang rig ye shes chen po
111b1 yin// 'di ni sangs rgyas thams cad kyi// mchog tu bkur zhing rjes su gzung// rang rig ye shes rgyal po 'di// gsang sngags gter gyi mdzod 'dzin cing// bstan pa rgya mtsho sgrogs pa'i bdag/ man ngag
111b2 rin chen gter gyi klong// ye shes sgron ma lham me ba// 'jig rten kun gyi ston pa'o// bla ma sangs rgyas rin chen sems// ma bcos de nyid lam ston pa'i// bla ma sangs rgyas kun gyi dngos// rdo rje slob dpon
111b3 dam pa yin// slob ma rin chen sems rang bzhin// kun gyi rang bzhin dngos de nyid// de nyid de yi phyag rgya can// de yi dbang gis de thob cing// der 'dus de la rag las pas// de dag de yi rigs las
111b4 byung// brkam chags drug ldan rkyen bzhi'i bdag/ rnam dag bde lam 'thob dang bcas// thams cad sems kyi de dag nyid// spyod yul sems kyi rang bzhin can// slob ma rdo rje'i rigs can te// lhun grub bla
111b5 ma'i rang bzhin te// de yi bka' rtags rdo rje can// thams cad mi 'gyur rdo rje'i dbyings// des na slob ma rdo rje'i bu// rigs su nges pa'i bka' rtags yin// thams cad slob ma rdo rje nyid// de nyid bla ma rdo
111b6 rje'i stobs// rdo rje'i ngang gcig rdo rje nyid// rdo rje'i ye shes khyab gdal bas// des na rdo rje lhun grub pa'o// bla ma'i rim pa'i rnal 'byor can// de nyid sdud dang 'thor ba yi// rig pa nyams su der bzhag
112a1 na// sbyor ba ma nor rigs can nam// rigs rgyud dag pa'i rnal 'byor pa// man ngag rin chen gter du 'chang// bla ma rin chen srog tu 'dzin// ting 'dzin shes rab rtsal du rdzogs// lhag pa'i
112a2 ye shes nyi ma shar// dad dang brtson 'grus rgyu 'bras rdzogs// rtsol bas lus ngag brlag stong du// gyur kyang don gyi 'don mi gtong// bde ba 'bebs pa'i yan lag yin// bla ma rdo rje srogs gyur te// lus
112a3 ngag sems kyi rgyu med par// rdo rje'i lus su gyur nas 'grub// rdo rje bla ma gzhan sems can// rgyal sras yid kyi blo can des/ khengs sems 'jig rten spyod lus ngag/ bgegs kyis tshor na bla ma de// gter
112a4 khyim rig pa'i sgo sdom ste// man ngag nyams pa'i rgyu yin pas// lus dang bral ba'i yan lag rgyus// glang chen lus su mi thob ltar// man ngag nyams pa'i thabs rnams kyis// byang chub lus su thob mi
112a5 'gyur// des na bla ma srog yin pas// lus ngag sems kyi dus gsum du// rang srog bral ba'i las mi byed// grags dang rnyed pa'i sems log gis// nyams par gyur pa'i mthu shes pa// nang dang phyi rgyud
112a6 sems sbyangs pa// 'khrul pa'i sems brgyad rnams spangs shing// don mthar phyin pa'i brtson 'grus so// mi ldog nges pa'i rigs rgyud can// rdo rje'i lus la rgyan mthong na// bdag sems dga' ba'i tshor ba
112b1 skye// grags sems rgyal ba'i chos thos na// rjes su mthun pa'i yid kyis mos// bla ma rdo rje skal ldan des// lus ngag spyod pa ci byas kyang// g.yo sgyu med pas dga' 'byed cing// mthong dang dran pa'i shes
112b2 rgyud kyis// thun mong dri ma kun 'joms shing// nyi ma'i 'od bzhin zhi byed pa// bla ma rdo rje sku gsung la// rtag tu rang gi yid 'dogs shing// thugs kyis ji ltar sems pa bzhin// gus pa'i sems kyis
112b3 mnyes byed cing// rtag tu mchod pa 'bul byed pa// de ni rigs kyi bu yin te// bde ba'i zhing gyur skal ldan de// rdo rje rin chen dag la bskyon// bde gshegs nyid du nges lung bstan// dus mtha'i 'bras bu
112b4 sa la bkod// de nas rdo rje bla ma des// don rtogs gsal ba'i mngon sum mam// lus dang sems kyi brda rtags sam// chos skyong mkha' 'gro 'am sems dpa' yis// thabs kyi gnas pa'am rdo rje'i gdan sa
112b5 ru// rig nas skal ldan de ni sar// smin par bya phyir rim par bya// 'di la ci stsal yan lag dang// thabs rim phra sla krid kar ma// rtsol sgrub lus dang sems kyi las// dngos gang thig le'i mtshan nyid
112b6 ni// 'dod rtsol spros pa thams cad 'gags// brjod par bya ba'i lung bstan min// skal ldan sems kyi dkyil 'khor du// bde chen shar ba'i rnal 'byor ram// de rtogs klung du 'bebs 'dod
113a1 pas// gsang sngags 'phrul gyi lan chen nam// bstan pa blo yi rim pas bsam// rang 'dod tha mal smad las kyi// rim pa gang ci de bzhin du// thabs kyi rgyal pos mthar phyin bya// gsal ba
113a2 rin chen 'phrul snang ngam// bcud len sman dang ma gi ta// gang ldan de ni 'bad rtsol med pa'i las// rtsol sgrub 'bad rtsol ci byed kyang// de ni bya rtsol med pa yin// A+oM badzra su laM maM paM/ ma ma ru ru tsi ta a
113a3 be pra ba la swA hA/'di ni mkha' 'gro ston pa yi// dang po rtags kyi mngon shes yin// don dang ldan pa'i gnod rigs nas// thabs chen sbyor bar rtsal bar bya// skal ldan blo yi khyad par gyis// so so'i bstan
113a4 pa rim pa bzhin// 'dod pa'i smon pas rjes 'jug na// so so'i grub mtha' rim pa bzhin// dbang bskur shes rab rim par bskyod// rnam rtog spros pa thams cad bcad// sems kyi dmigs pa
113a5 zin 'gyur te// rnam rtog smin pa'i dngos por 'gyur// yang na dang po don cig la// sems kyi bye brag kun skye na// sems dpa' las su 'jug pa ste// de nas tshangs pa chen po'i dbang// dam pa 'di ni skur
113a6 gyur na// 'di ni skad cig dus mtha' yis// sems dpa' chen po nyid du 'gyur// dngos su ye shes kun khyab can// zag pa med pa'i rtse mor phyin// yon tan ma lus rdzogs pa'o// rnam rtog grub mtha' ma sgyur
113b1 ba'i// tha mal dngos 'dzin rtog pa can// lha klu gnod sbyin la sogs pa// 'dod pa'i smon pas rjes sgrub na// dngos mi spong ba ma 'dres par// sbyang dang srung ba la sogs pa'i// drag po'i rtsol bas sems
113b2 stobs bsgyur// rang gi sems rtogs spros byed na// de nas de bde chen po sbyin// de ni rig pa'i dus mtha' yis// rgyal ba'i sras su nges pa yin// bde gshegs nyid dang skal ba mnyam// ye shes nam mkha'i
113b3 mtha' dang mnyam// rig pa'i rgyal po klu ltar bar// sngon du 'jug pa'i stobs med kyang// rtsal chen rig pa'i ngang la rdzogs// seng ge lte thag bskyigs pa'am// bya rgod gshog ru bcum pa bzhin// sems la
113b4 shar yang stobs ma rdzogs// rtog pa rlung gis sbal ba yis// sems kyi rgyu ba ma zin te// dngos po rlungs su ma phebs shing// rig pas rtsal chen ma byang ba'o// 'di la rim pa med pa ste// dang por dngos
113b5 gzhi'i dkyil 'khor bstan// kun rdzogs dkyil 'khor lus la rdzogs// 'phrul gyi man ngag rna bar gzhug/ sems lung bsgom pa'i man ngag bstan// rgya rtags gdab pa'i cho ga bya// bkra shis yan lag kun
113b6 ldan pa'i// sems dang mthun pa'i gnas chen der// gsal byed rin chen 'bar ba de// rtsi stan ra yi 'o mas bya// gser chu zhun mas rtsi btab ste// baiDUr so ma ta yi rtsis/ kha byugs dri ma bral bar bya// dan
114a1 shing dkar po'i sol ba yis// bzhu ba'i dngul chu zhun mas byug/ skye ba bdun pa tshangs pa'i zhag/ 'phrul gyi 'o ma mar me yi// dud pas mig la byugs gyur na// mig sprin bteg nas bltas gyur
114a2 na// stong chen mi mjed rgyu gcig pa'i// gang gi phyogs de gsal bar 'gyur// de nas sgo brgyad ldan pa'i khri// yid mthun byug pa kun byas te// lag na rdo rjes byin brlabs te// rtsibs brgyad 'khor lo gru
114a3 bzhi bya// sgo dbye las rnams thob par bya// dang po sems bskyed 'jug gi bar// bstan pa'i lus su ma reg pas// lag na rdo rjes byin brlabs pa'i// bsrung dang gsad pa rig pa gdags// longs spyod kun
114a4 la'ang sbyor bas gdab// A+oM badzra yak+Sha kro ta hUM hUM phaT/ A+oM badzra yag sha kro ta dz+wa la/ ha la ha la hUM hUM phaT/ A+oM badzra tsakra rak+Sha rak+sha mu ru tsu re/ rak+Sha rak+Sha/ hUM hUM hUM/ de nas srog 'dzin bla ma la// lus dang bcas
114a5 pa'i longs spyod 'bul// dngos dang 'dod pa'i sems 'dzin gtang// mos dang 'dod pa'i bde ba skyed// skal ldan rigs kyi bu de ni// dam pa gcig la bstan par bya// 'jig rten khams ni ma lus
114a6 las// rab 'byams kun tu dkrugs 'gyur na// rkyen dang las kyis 'phrad gyur nas// mang yang gsum las 'da' mi bya// gdams ngag rims kyis so sor sbyin// rgyal thebs thu bo de la bskur// dang por
114b1 dus dang bral ba nas// mthar phyin thun mtshams bcu phrag bdun// gnyis dang ldan pas mthar phyin 'gyur// zla phyed 'bring gi thun mtshams te// gzhan du yang grags de nyid kyis rdzogs so// de las gzhan
114b2 par yang na ste// spyod pa'i yan lag nyams pa'o// dang por bcu gcig zhag gi dus// nus pa'i tshogs bsags bar chod bsrung// rdo rje go chas lus srung ngo// 'pho ba'i dus mtshams nyi shu drug/ thun mtshams
114b3 brgyad du sgom bya ba// dngos po phyi nang thams cad la// bu des ji ltar bzung ba yis// rnam rtog zhen pa'i yul de la// brtags pas de nyid ngos bzung bya// de bzhin thun mtshams brgyad la ni// bcu drug dag
114b4 tu rnam phye ste// bdag nyid rgyan dang bcas pa'i lus// gsal ba'i yul lus brtag bya ste// mi g.yo sems dpa' thams cad bzung// rtse gcig rtogs pa'i dngos por dmigs// de nas thun phyed brgyad pa
114b5 la// stong pa nam mkha'i 'du shes dngos// tshad pa'i stong pa nyi tshe de// brtag cing de nyid ngos gzung bya// de dag rim pa'i don rnams ni// thun mong blo yis ngos zin nas// rdo rje mi zlog go bskom te// bu khyod
114b6 rmongs pa'i dri ma can// bskal par sbyor ba'i sdug bsngal nyid// dngos nas de nyid bde bar gsal// dngos dang gcong rong 'khor ba'i mun pa nyid// de nyid ye shes sgron mar spar// snying ma'i gnas ngan
115a1 khams gsum nyid// rgyal ba'i zhing khams bde bar bskyar// nga yi tshig 'di bdud rtsi'i bcud// ye shes sgron ma'i 'od 'bar can// rig pa'i steng du nan tan bya'o// de nas mthar phyin thun
115a2 mtshams ni// nyi shu rtsa bzhi 'am bcu gnyis la// 'jug cing zhugs pa'i yon tan ste// mthong ba'i lam dang ldan par bya// phyi rol nang na gnas pa yi// thams cad spangs pa'i gzhi med de// de nyid don de yin
115a3 phyir ro// phyi rol yul la sogs pa yin// gnyis pa'i dngos po mi dmigs pa'i// thams cad sems nyid kho na ste// de yang dngos grub yod ma yin// dang por gnyis pa med pas na// de ni gnyis med brtag
115a4 pa yin// gnyis par gnyis su med pas na// gnyis med drang ba'i dag pa yin// gsum pa kun med thams cad ldan// bde chen rang rig ye shes la// 'dod pa kun spangs chags chen po// ye shes kun grub
115a5 bde ba'i klong// sgyu ma lhun grub yul la rol// de ni bcos med kun rdzogs pa'o// de ni rnam par de sgrub na// yul gyi rnam pa sems nyid de// de nyid de la gsal ba dang// de ma grub par de ldog pas// de
115a6 nyid de yi rang bzhin te// de rig de snang de de kho na'o// nyi ma'am rin chen 'bar ba bzhin// 'od dang ngo bo de nyid las// yul dang gzhan gyis byas pa yin// rig pa'i ye shes skur gsal pa// sems nyid dri
115b1 ma med pa la// nam mkha'i khams dang sbyor ba'i sems// 'dzin pa'i rlung dang de nyid rlung// las rlung rten pas spar ba bzhin// des na de bzhin bde bar snang// snang yang sbyor ba med pa yi// gnyis med bde
115b2 ba'i ye shes yin// rang 'byung ye shes rtsal med pas// bde ba chen po'i ngang du 'char// lus dang bral ba'i ye shes ni// dus gsum mthar thug 'byung mi 'gyur// de bral de nyid mi srid de// ngo bo gcig pas
115b3 mnyam rdzogs yin// 'du 'bral med pa'i ye shes ni// rgyud dang bral bas rang bzhin can// de ni srid par mi rung ste// bdag la yon tan rdzogs pa dang// me dang tsha bar 'brel pa bzhin// mngon sum bde ba
115b4 chen por gsal// bde chen bde bar rgyas 'gyur na// yul du snang yang thig le'am// rig par snang yang rtog pa ste// yul dang bral yang rtogs gegs yin// gnyis su snang yang mtshan ma yin// spros pa bkag
115b5 kyang rmugs pa yin// rang la rdzogs kyang nga rgyal yin// yon tan brjod kyang brkam chags skye// de nas bde chen rol pa'i rgyas// thig le dbyings su gdab par bya'o// des na yul med sems med
115b6 pas// yul gyi mtshan nyid bstan par bya// rtog med ngang la shar ba yi// lus dang bral ba'i ye shes ni// tshig la sgro btags tha snyad yon// bstan bya rtogs pa las grol ba'i// ye shes chen po'i mtshan nyid
116a1 can// yul 'dzin rtog pa dag byed pa'i// ma bcos ngang gi ye shes gsal// de nyid rtog pa rnams spangs te// sems nyid gsal bas yul dang bral// don du gsal bas bag chags bral// de
116a2 nyid mthong bas the tshom med// rgyu ba med par klungs su phebs// rang gis gsal bas rtog sgrib med// gang yang yin pas gol sa med// rnam dag sems kyi ye shes yul// bde bar gshegs pa ye shes
116a3 yum// yon tan kun ldan bu mo de// thabs kyis mnyes pa'i sum rdzogs nas// bde chen phyag rgya mtshon pa'i rgyu// bde ba chen por mngon du bsam// bde ba chen por bstun par bya// rin chen gter gyi man
116a4 ngag sbyin// skal ldan bde ba'i rgyu can te// ngan rtog 'dod pa'i bag chags ni// rang 'byung bde ba chen por 'byung// rang lus 'dod rgyal chen por 'byung// rnam rtog ye shes ngang nyid la// ma bcos bde
116a5 ba'i thig ler shar// rdo rje me tog thabs che rtsi// sgyur byed a kar rta bzhin no// rang 'byung dkyil 'khor lus la dgod// rlung dang me dang bde ba'i khams// 'khor lo lnga ni rim dang rim// stobs dang drag
116a6 po'i thabs kyis kyang// bde ba'i lag gi 'du byed kyis// de ni rim bzhin bde ba dbab// rgod ma'i kha dang rdzong chen rdzogs// sbyar zhing rtsa gsum gyen du brlabs// 'bar ba myu gu drang zhing zhib// nying khu'i
116b1 bde ba'i rdzong du dbab// bde ba chen po'i bcud rlabs pas// tsit+ta rgyas shing 'khor lo dbang// rin chen rdzing gi pad ma rgyas// thung ngu a la 'bab tsam phob// lus 'dar mi ma 'dzum zhing 'bar// sems kyi
116b2 dmigs pa sdur gyur pa// sems nyid tshor ba bde ba ste// bde ba rang 'byung klong du dbab// gtsug tor sgyur ba rdo rje yis// de ba rang tsa 'jam dpal mu tra dang// bde byed in dra bo d+he dang// u ba ra ha de ta
116b3 ga ak+Sha// de ba a men tsan tra lngas// tshig dbang nos nas tha ma'i lus// rgyal ba dal lnga'i rigs su byas// mngon sum bde ba'i dbang 'di nos// rgyal ba'i phyag rgya mngon du btab// rgyal ba nyid kyi rol pa
116b4 mdzad// de bzhin tha ma'i skal ldan gang// thog mar rin chen tshig dbang bskur// thams cad rang 'byung thugs su dbang// de nas bde ba'i thabs sbyin to// ye shes bde ba'i 'khor lo las// rim gyis las
116b5 ni spyad bya ba// ka ra ni yi bstan chos las// gsungs pa bde ba rgyas pa'i chos// brgya phrag gnyis dang bcu phrag gsum// de la sogs pa'i ma lus chos// mgo dang lus dang yan lag rnams// bde ba'i 'khor
116b6 lo rim pas rim// gnas dang mthun pa'i spyod pa bya// bde ba chen po'i dbugs 'byung na// bde gshegs rgyal ba thams cad kyi// rang bzhin bde ba'i 'khor lo nyid// rgyal dang bral ba'i staung gsum
117a1 pa// thams cad ye shes bde bar dbab// bde mchog mu kha'i man ngag sbyin// mtshan ldan gang rung rgyas ma des// mgo la bde ba'i rol pa bya// rtsa mdud bgrod dang bde ba bkug/ brang dang
117a2 og ko sbyar byas nas// bde ba 'dod pa sum lag gis// ye shes rgyal po rig par bya// mgo bo skrug cing smin ma langs// mig dmar de bzhin mdog dmar te// ye shes rim pa spor bar bya// sbyor ba'i yan
117a3 lag snga ma bzhin// rtsa mdud lag gi bzung bya ste// ka ra'i chos kyang rim par bya// rtsa mgo lag gis gnan byas te// 'phar la bcad cing rgyu ba dbral// myu gu kha ni shin tu dbye// sngang dang ba spu sdang ba
117a4 dang// chu yi zil pa mdog bde ba// rang lus mchog gi thad kar dbyung// de nas bde ba'i rim pa bzhin// legs pa'i sems kyi bcwa[(]bai rtsa[)]par bya// 'dab bzhi lte ba'i ye shes gnas// ma phyin bde
117a5 bas gang 'gyur zhing// mi 'khrugs bde bas g.yos 'gyur te// rin chen ye shes rdzing rgyas te// 'dod dang bsam gtan bde ba'ang 'byung// 'khyil ba'i thig le bzhi sgo nas// 'jig rten spong ba'i bde ba'ang
117a6 'byung// rdo rje sgo rtsa khams sa'i bcud// bde ba'i ma nu'i rtsa sgo gsum// 'phel ba zla ba'i gzugs can gnyis/ kha sbyar bde ba rgyas par bya// lag pa gnyis kyi 'khrig sgor gsum// 'phel ba nu ma mchan khung
117b1 ste// tsa na kra dang su ga gling// 'du byed las kyi sbyor ba yis// bde ba 'phel dang thig le rgyas// mu kha bzhin du 'dzag par 'gyur// 'khor lo kha sbyor bkug dang dgug/ 'dod kun bral ba'i yan lag
117b2 'khyud// ka ra'i sbyor ba'i dmigs sprod kyis// su ka dang ni su ka dbye// thig le 'khyil pa'i sgo dbye na// dang po mi srid dri ma'ang 'khyor// lus kyang kha dog dmar por 'gyur// g.yo dang 'phar ba la sogs
117b3 'byung// shes pa ltag pa skye bar 'gyur// kun tu rtog pa nyams par 'gyur// gang gtad dmigs pa'i yul de zin// lus la rlung gi 'phen pa zhugs// rlung gis las rnams 'dod pa 'grub// der ni rdo rje chu
117b4 lam gnas// ye shes chen po 'byung ba yin// lus ni bskyed cing smin par bya// rdul phran zil pa rlung gis bskyod// gnas gsum bde ba'i bstim gnas su// thig le rdo rje'i gzugs su chags// spros kyang
117b5 bde ba'i gnas su bsdu// rdo rje rgyal po thabs chen yin// rdo rje yis ni gzhib bya zhing// 'bar bas rtse mo dril phyi bya// lag gi sbyor ba'i mu kha dbye// rig ma lha mo rdo rje yi// pad ma kha dbye rjes mthun
117b6 par// 'phrad sbyor ut+pal ta kos bya// a kar rgya spos du ru ka/ klu 'brug 'bras bu'i snying po dang// ra yi mar dang de bzhin bya// sgo nga gnyis kyi sbyar bya ste// lag gi sbyor na rna phur bya'o// rtse gsum 'dod pa'i
118a1 dbus su gzung// de bzhin g.yas g.yon blug par bya// na yid bzhon la rab tu bya// sman nam gzhib pas snum par bya// gal te bde bar 'byung 'gyur na// rin chen rdzing du mchu btsugs
118a2 te// rngubs shing 'phar bas brlab bya na// des na de tsam 'grub par 'gyur// 'dar dang rgyal pa la sogs te// mthun pa'i rtags rnams byung gyur na// 'khril dang 'dod pa'i pra krid bya'o// rang 'byung bde ba
118a3 mngon sum bya'o// thabs kyi pha rol phyin par bya// thabs kyi phyag rgya chen por bstan// bcud chen 'dres pa rlung gi bsdu// thig le 'khyil ba sgo phye na// stod smad rgyas pa'i rlung bsdus te// bems po rlung gis
118a4 'phen sdud bya// g.yo ba nyams su myong 'gyur nas// rna chen rdzing gi rngub par bya// rdo rje'i rdzing la thug pa rngub// rlung rnams bsdams pas ye shes drang// bu ga'i gsum 'babs thig le yi// bde bas rin chen
118a5 brgyus pa bzhin// rdo rje me yi gzugs su 'bar// bde ba'i ye shes rang 'bar skye// thig le rdo rje khar dbyung min// ye shes lus can rdo rje'i gzugs// thams cad ye shes lus can yin// bde ba chen por
118a6 lhun grub pa'o// 'dod rgyal thabs kyi rim pa yang// thams cad rang 'byung ye shes pas// yul dang shes pa gang sgo nas// tshangs chen rdo rje'i dbang bskur bya// rang la rdzogs pa'i lhun grub sbyin// brkam
118b1 chags 'dod la mos pa dang// spyod yul thams cad sems nyid pas// thams cad sems nyid reg byar bya// rig ma'i reg bya bde ba yin// bde ba rang rig chen po ste// de nyid ma lus kun dngos can// spang
118b2 len med pa'i ye shes te// ma bcos lhun grub nyid du shar// dus mtha'i skad cig de nyid kyis// 'jig dang rten dang 'jig rten 'das// bde ba ting 'dzin thams cad thob// rgyud rnams la bstan ma lus
118b3 pa'i// chos kun ma lus dus gcig rdzogs// de ni spyi blugs tshangs pa'i dbang// e ma ho rdo rje'i rigs kun bdag/ gus pa'i sems kyis bla ma zung// tshangs pa chen po'i ye shes kyis// rang 'byung ye shes
118b4 klong brtol pa'i// ma bcos bde ba'i dkyil 'khor 'di// spros med rig pa'i mkha' la zhog/ bde ba chen po'i ye shes te// rgyal ba kun gyi gsang ba'i yum// rdo rje 'phrul gyi thabs chen rtsi// 'di ni spa zhing
118b5 brnag par bzung// sangs rgyas ma lus 'dus pa'i mkha'// b+ha ga yangs pa'i thig le klong// dus gsum rgyal ba'i gsang mchog dbyings/ khams gsum ma lus bde ba'i zhing// ye shes rol pa'i mkha'
118b6 dbyings 'di// mi 'gyur brtan pa'i sems kyis bzung/ khams gsum bde ba chen po spyod// thams cad ye shes rol pa yi// bde ba chen por sgyur byed pa// ye shes rol pa'i thig ler thim ho// de nyid thabs
119a1 rgyal rtogs pa yis// ye shes dkyil 'khor lam du gzhug/ bde ba chen po'i rol pa bya// rang byung rdzogs pa'i dkyil 'khor du// bde ba'i ye shes mngon du zhugs// rig pa'i rgyal por bde bar
119a2 shar// ye shes klong du dmigs pa sgrol// ma bcos rang snang lhun grub pa'o// bkra gsal sku yi dkyil 'khor du// rang rig bde ba chen por 'khyil// chags med ye shes brjod dang bral// tshig gi lam chad
119a3 dgra gnyen tshul// brtag bral ma chags rdo rje'i gsung// rnam dag ye shes dkyil 'khor du// rnam dag ye shes gsung du 'khyil// dngos bral rang bzhin med pa'i dri// rtog 'dzin bral ba'i chags med
119a4 pas// yon tan dkyil 'khor mkha' 'dra bar// 'dzin med ye shes klong du 'khyil// mu kha bde ba chen po'i dbyings// 'dzin med longs spyod rnam dag pa'i// ma lus sgrub byed thig le yi// yon tan rdzogs
119a5 pa'i dkyil 'khor du// rol pa'i ye shes thig ler 'khyil// bde sdug dbyings phyug b+ha ga'i klong dkyil du// las kyi dkyil 'khor ye shes sgron mar 'bar// bde mchog dbyings su bsdus pa'i thig
119a6 ler thim// ma lus rdzogs pa'i dkyil 'khor mchog/ mi rtogs bde ba'i dkyil 'khor du// ma lus dkyil 'khor thig ler thim// gang snang rang rig ye shes nyid// ma bcos mkha' mnyam dkyil 'khor
119b1 du// chags med thig le'i dbang bskur te// gsang ba'i ye shes rmad po che// spyod yul ma lus thams cad kun// ye shes chen po'i ros gang ba// rnam pa sna tshogs ye shes nyid// ye shes lnga yi bde ba rgyas// mi
119b2 'gyur rdo rje tshangs pa'i dbang// kun rdzogs bde ba chen por thim// thams cad ye shes mnyam nyid la// phyogs gcig bde ba 'dod pa'o// phyogs su ltos pas grub pa med// rnam pa'i mtshan nyid rang bzhin
119b3 rlung// bde ba chen por lhun grub pa// thams cad rgyas pa'i dbang chen te// ye shes rol pa'i phyag rgya can// rang lus ma bcos de bzhin nyid// rgyal ba'i sku ru lhun grub pa// phyag rgya sku yi dbang chen yin// rgyu
119b4 drug 'khor ba'i lus rnams dang// ye shes sprul pa rgya mtsho'i sku// ma lus rang bzhin lhun grub pa// sku mchog rgyan gyi 'khor lo'i dbang// mya ngan 'das dang 'khor ba yi// sgra skad rab 'bring ma lus pa// ma
119b5 lus lhun grub rdo rje'i gsung// gsung gi phyag rgya chen po'i dbang// dran rtog ma lus rdo rje'i sems// thugs kyi ye shes mkha' mnyam pa// lhun grub bde ba chen po'i thugs// spyi blugs ye shes rgyal po'i
119b6 dbang// rang rig ye shes rgyun mi 'chad// bde ba chen po mi 'bral gzungs// rang lus ye shes rin po che// ma lus bde chen lnga rgyas btab// rnam pa ma lus mchog ldan pa'i// ye shes stong pa chen po'i
120a1 go/ye shes 'khyil pa rdo rje bum// bde ba chen po'i chos gang ba// ma lus dag pas chu yi mchog/ gsang ba'i ye shes dkyil 'khor che// ma lus 'dus pas bcud kyi bdag/ gsal ba'i ye shes
120a2 bde chen po// ma lus kun 'dus rig pa'i dbang// rang 'byung rgyal po'i ming gi mtshon// thams cad rang 'byung btsal gyi thob// bskur bas thob pa'i dbang rnams bral// bskur med gzhan nas ma yin
120a3 te// thob med ma lus mngon du thob// mi 'gyur rdo rje tshangs pa'i dbang// kun rdzogs bde ba chen por thim ho// dus gsum rgyal ba thams cad kyi// thugs la brnag pa'i man ngag chud// thams cad bstan pa
120a4 rang la rdzogs// lhun grub bde chen mi rtog pa// ma bcos de nyid bde ba'i klong// lhun grub rang byung ye shes mkha' khyab pa// ma bkag rig pa'i mkha' la rdzogs// rang 'byung rig pa'i bde chen po// yon
120a5 tan lhun grub rdzogs pa'i klong// spros med thig le chen por shar// mi rtog ye shes ma lus gsal// 'dzin rtog bral ba'i chags med yul// rang rig cir yang mi rtog pas// ye shes rgyal po ma lus
120a6 gsal// cir yang mi rtog bde ba chen por min// cir yang mi rtog dmigs su med// yi ge rnam rtog sems kyi rgyu ba med// ye shes rang rig ma rig dpyad lus kun bral ba'o// rang rig rnam pa ye shes
120b1 sku// bde klong mngon du gsal ba nyid// rtog med ye shes rol pa ste// rnam dag sgyu ma'i ye shes klong// rang rig ye shes sgyu ma'i ngang// rang 'byung sgyu mar mngon du gsal// lhun grub sgyu ma ma bcos pa// bde
120b2 chen sgyu ma'i rang rig gsal// rang sems lhun grub rin po che// rang rig mkha' khyab rdo rje'i sku// sgyu ma'i ye shes sprul pa'i sku// gsal byed khams gsum gzugs brnyan 'cha'// ma hA rak+Sha a h+yak+Sha a// 'bru
120b3 gsum ldan pa'i sngags dang bcas// rdo rje rin chen dbugs su gzhug/ bar chod rlung yang dbral bar bya// bco lnga tho rangs dus su bstan// 'phrul tshig rig pa'i ngang gis bsdeb// brda don bral ba'i rgyal bu
120b4 bzhin// nor bu sa nas brda bkrol te// 'khor lo bzhi la dbang byed cing// stobs brgyad mthu yi bdag por bskur// de bzhin skal ldan rigs kyi bu// rang snang brda don grol thob nas// rang gi mtshan nyid
120b5 ma bcos pa// sngon du bstan pa'i man ngag sbyin/ khams gsum mngon du gsal ba yi// sgyu ma'i ye shes lhun grub pa// 'phrul gyi ye shes bstan bya zhing// chags med ye shes klong du gzhug/ thabs kyi ye shes
120b6 mngon sum du// skad cig dus mtha' lhun gyis grub// lhun grub bde chen tshangs pa'i gsung// thams cad rdzogs pa'i bde chen po// rang 'byung lhun grub rdo rje ste// rdo rje gsum lus kun gyi dngos// 'dus pa
121a1 thig le dgu yi bdag/snying po la 'dus rdo rje rgyal// bde chen drug bsdus rig pa brgya// kun grol bde ba'i lam la gzugs// lung gsum brgyud pa'i 'od chen 'di// lnga dang dgu dang gsum gyi
121a2 'od// ma lus bzhir 'gyur dngos med pa// brjod bzhi tha snyad kun bdag nyid// yi ge rnam rtog rgyu ba bral// nam mkha' dngos med stong pa bzhin// bral kyang ma lus sems kyi gter// 'dod yon
121a3 longs spyod rgyal ba'i yum// de nyid longs spyod gter gyi bcud// bde ba'i longs spyod rang rig mchog/ zhing khams gzhal yas bde ba'i gnas// gsang ba'i gnas chen gnas pa'i bdag/ rgyu dang bral ba'i
121a4 dngos gzhi can// ngo mtshar rmad 'byung de nyid bcud// ma lus 'dus pa'i rin po che// brjod bya ma lus kun 'dus pa'i// rgyal ba bstan pa kun gyi gtso// thugs kyi bcud 'dus de nyid lam// spyod yul bral
121a5 ba'i rang rig nyid// bde gshegs rgyal ba kun gyi thugs// dngos gzhi bral ba'i rang rig nyid// bde gshegs rgyal ba kun gyi thugs// ma lus 'phros pa kun gyi rgyu// zag pa med pas 'dus ma byas// bstan
121a6 pa kun 'dus thig le'i bcud// rig ma'i ngang gsal ye shes sgron// 'phel 'grib med pas nam mkha'i dbyings// sdug bsngal med pas bde klong 'khyil// spang du med pas slang dang bral// re ba med pas
121b1 dogs pa bcom// shes gyud bcad pas yul dang bral// brkam chags lnga bral rang 'byung bas// 'khor ba rnam dag ye shes klong// byed rtsol ting 'dzin rim spangs pas// 'bras bu gzhan 'dod yul dang
121b2 bral// dge dang mi dge rnam rtog spangs// mnyam rdzogs chen po'i thig le can// gtsang dang sme ba'i lo tog 'dod// thams cad ma lus ye shes la// spyod pa rnam dag rtog med pa// ji ltar 'dod dgu bde
121b3 ba spyod// mi rtog bde chen shar ba nyid// de nyid spyod pa rgya mtsho ste// lus ngag gtso ru 'jal byed pa// de yang spyod nyid spyod med pa// rang 'byung lhun grub de nyid la// yan lag kun rdzogs khyad par che// mi
121b4 dmigs sgyu ma'i bde mchog ni// gnyug mar gsal na lta ba yin// gdeng du phebs nas sgom pa'i mchog/ snying por chub pas dkyil 'khor yin// rang la rdzogs na dbang bskur yin// de nyid nyams len spyod
121b5 pa'i mchog/bde mchog mi g.yo 'bar ba'i klong// mi ldog bde ba'i klong gyur pa// de ni sgrub pa'i dngos grub mchog/ mi 'da' ba yi dam tshig ste// phyag rgya sgrub pa'i lung chen po// ma lus thim zhing zhugs
121b6 'gyur bas// bde ba chen po'i mchod pa yin// rang la rdzogs pas phul pa yin// byin gyis brlabs pas ye nas dag/ rtag tu mchod pas rol pa'i gnas// gnyis med gyur pas mdzes pa'i rgyan// ma lus
122a1 rdzogs pa'i rin po che// rmad byung ngo mtshar dkyil 'khor che// kun rdzogs pho brang snying po der// bla ma rin chen srog 'gyur des// thams cad rtogs pa'i gdeng ldan na// dbang phyug rgyal pos
122a2 zhugs pa yin// byas dang ldan pas rab gnas yin// rang nyid gsal bas spyan drangs yin// 'dzin dang bral na dri ma dag/ mos dang ldan na smon lam 'phangs// chags dang bral na bla ma mnyes// dgu rum
122a3 sbas pa'i thig le de// gdeng du bstan na de nyid mchog/ bsrung mtshams ma yin ston mtshams kyi// dam tshig 'di yang rmad 'byung gi/ thun mong dam tshig khyad par can// bsrung ba med pa'i sdom pa can// rtogs
122a4 dang ldan pa'i rnal 'byor la// dngos su grub par mi dgos te// rdo rje tshig gis brjod par bya// rang lugs gling gi rin chen bro// rgya mdud sna bzhi sgo dang bcas/ khrol na gter khyim bdag po
122a5 mdzod// longs spyod gter la rol pa bzhin// rdo rje tshig gi mdud khrol na// byang chub gter gyi mnga' bdag mdzod// de nyid khrol na dmigs phye ba// bde chen rdzogs na dkyil 'khor mthong// thabs
122a6 kyis zin na mnga' bdag ste// rdo rje rgyal po thod pa yin// bde gshegs nyid dang skal pa mnyam// byang chub rdo rje'i rigs nges pa'o// mthar phyin ting 'dzin rim pa'i sa// ma bgrod dman la zhugs
122b1 pa'am// grub mtha' shes par ma sgyur pa'i// thun mong blo can ba ta'i gzeb// sgrol ba'i thabs dang dam tshig bstan// phyag rgya chen po rdzogs par bskyed// kun khyab ye shes 'bar ba'i sku// chos dang
122b2 longs spyod sprul pa dang/khro dang zhi ba'i dkyil 'khor dang// 'dus pa'i yeshes lus chen po// gsal bar bskyed la mngon du bya// gza' dang spyod pa'i dam tshig sbyin// bde thob thun mtshams bar pa'i
122b3 sa// mngon sum 'jug pa'i dbang rnams rdzogs// dge sdig las kyi rnam rtog med// rnam smin ngan pas mi gos pas// rang gi chags med bde thob pas// lhun grub mnyam rdzogs nyid la ral// rang gsal
122b4 bde ba'i longs spyod bsgrub// ma chags spyod pa'i ye shes rtogs// rang sems dub pa'i stobs dang ni// rnam rtog bral ba'i byang chub sems// nyid 'gyur bde ba'i longs spyod byos// 'byung ba bzhi la smin grub
122b5 pas// nam mkha'i rdo rje zas su gyur// de ni rdo rje rgyal po yi// gnyis med rdo rje tshim par bya'o// rdo rje tshig gi lam nas smra// don rtog phra ba'i tshig gis dman// bshang gci khu ba la sogs te// rtog dang kha na
122b6 ma tho'i zas// sa la sogs te 'byung ba bzhi// dngos po'i rdzas ni thams cad la// sbrang rtsi ba yi 'o ma dang// bzang drug lce pog dkar po dang// tsha dang rdo rje'i khu bar bcas// chu yis gtor te zos 'gyur
123a1 na// rtsi ru chags shing gnod mi nus// dug la'ang sngags kyis btab la bza'// de yi rjes su sems 'jug pas// sems nyid rnam rtog bral bas bya// dus gsum lus ngag mi 'jug
123a2 ste// 'jug pa'i thun mtshams dus kyis bya'o// rjes su mthun pa'i las byas te// rang rig lhun grub rdo rje'i ngag/ smra brjod kha na ma tho'i las// 'dod rtog ngan pa'i tshig smras kyang// ma lus ye shes rdo rje'i
123a3 sgra// ma lus sgra la tshig don med// de skad brjod de bag yangs kyi// rdo rje ngag gi spyod pa bya'o// rdo rje lus kyi spyod pa ni// e ma ho mnyam rdzogs thig le sku yi bcud// chags med rdo rje lus kyi las// lus kyi
123a4 las la gnyis med de// thams cad ye shes rang rig byas// gang byed rtog med ngang du shar// thams cad sgyu ma lhun grub pas// ma chags 'dzin med ngang gis bcad// dper na mig 'phrul sgyu ma bzhin// de
123a5 yis de la dgod pa bde// de la rgyu drug thams cad bsdus// rnam rtog 'dzin pa dngos su bsgral/ srog gcod ma byin len pa dang// 'dod log la sogs lus kyi las// bag tsha kha na ma tho dang// thams cad
123a6 der ni nyams su blang// mngon sum bshad pa'i las rnams kyis// la thag chod cing the tshom bral// nyams myong bde ba'i rgyal po'o// gang zag rnal ma'i don thob pa// 'dod dang ldan pa'i thabs chen gyi// bde
123b1 des byang chub 'tshol byed pa// thabs kyi bya ba'i tshig gis min// zhi dang rgyas pa'i rang bzhin can// rtsol ba med pas rang 'byung yin// de ni lus bral ye shes so// rang 'byung ye shes kun gyi bdag/ lung bcu
123b2 rdzogs pa'i thig le can// rang yul rtog pa'i ye shes te// de bzhin ye shes bdag bzhi can// rgyu rkyen bral bas dngos grub med// chos kun nam mkha'i rang bzhin can// lus dang bral bas yan lag
123b3 med// dngos gzhi bcad pas rtags dang bral// kun spangs kun gyi dngos gzhi can// rtog pa'i gsal rlung ye shes rgyus// bde chen shar ba'i ye shes rlung// de nyid de ldan de grub ste// g.yo ba med par kun
123b4 khyab can// shar ba med par kun tu gsal// 'di ni smon lam shes pa bzhin// rgyud bzhi bral ba'i rang rig de// rgyu la rtsal 'dzin thabs su 'phro// rig pa'i rang gsal bde bar 'khyil// spros pa ma
123b5 bkag thig ler sdud// ma bcos lhun grub chen por shar// ma skyes sems kyi thig le la// rtsol sgrub bral ba'i ting 'dzin gsal// bya ba med pa'i don kun rdzogs// rgyu 'bras rdo rje'i ngang la bsdus// thams
123b6 cad rang sems ngo bo'i phyir// 'dzin rtog spros pa thams cad zhi// byed rtsol rig pa'i ngang gis 'grub// rtsol sgrub bral ba'i lam mchog yin// dgyes chen sdud pa'i thig le yin// rgyu drug rtogs pa thams cad
124a1 dang// mya ngan 'das pas rgyal ba'i thugs// ma lus bde chen rig pa'i ngang// ji bzhin ma bcos ngang du gsal// lhun rdzogs spros pa med pa yi// gcig 'dus ma lus kun gyi bdag/ rnam par
124a2 rtog pa'i rgyu ba bral// dus gsum bral ba'i rang rig nyid// rtsol dang bral bas rgyun mi 'chad// rnam rtog mtshan ma ji snyed pa// ji bzhin mi 'gyur de nyid gsal// gnas 'gyur rgyal po'i lung chen yin// byed
124a3 rtsol thams cad ma spangs pas// 'jig rten 'das dang 'jig rten pa'i// sems kyi rig pa ma lus 'dus// sgrub pa'i lam mchog kun gyi bdag/ 'dod pa'i 'bras bu kun dngos can// rtsol sgrub dor ba rgyu
124a4 'bras kyi// lus can ma lus thams cad 'dus// 'dod rtsol byed pa rgyu rkyen bral// blang dor mos 'dod rtsol dka' ba'i// mthar phyin che ba'i 'bras 'dod pa// rmongs pa'i da rgod nam mkha' la// gser
124a5 gyi thems gas 'tshol dang 'dra// sdug bsngal las grol 'dod sems kyis// 'dod pa'i log lta spyi 'brel brtag/ 'di ni rin chen gter gyi dngos// don gcig rnam pa kun sems bdag/ 'grol med lhun
124a6 grub rnam grol lam// kun rdzogs ji bzhin 'bras bu'i mchog/ rgyu 'bras dbyer med thig le'i ngag/ bya med lhun rdzogs sems kyi gter// dpe byad mtshan chen rgyan rdzogs te// mtshon cha'i phyag rgya dri ma
124b1 med// dran rtog mi 'gyur gsal ba'i thugs// sku gsung thugs kyi phyag rgya can// 'dod sogs ting 'dzin bde ba'i ro// yan lag ting 'dzin stobs dang bcas// mi rtog bde ba gcig tu 'khyil// ma lus kun
124b2 grub dbye ba can// mi rtog ye shes bde ba'i thugs// dpag med ting 'dzin 'bum phrag sgo// skal ldan dang po nyid nas rdzogs// rgyu drug 'gro ba ma lus pa'i// lus snang rnam pa ji snyed pa// gzugs snang
124b3 rags pas bsdus pa kun// thams cad 'khyil pa'i ye shes sku// tshad las 'das pa'i sku rdzogs te// ma lus 'dus pa sku yi bcud// grags stong 'dzin pa chags bral gsung// rgyu drug sgra skad la sogs
124b4 te// rab 'bring yi ge brjod pa rnams// ma lus skye med rdo rje'i gsung// rmad 'byung lhun grub chen po nyid// mi rtog brda 'jal thams cad go/ thams cad ston pa'i rig pa'i sgo// sgyu ma chu zla bde ba'i
124b5 klong// mi rtog thabs kyi ye shes 'di// ma bcos rang byung chen po la// rnam pa'i ye shes thabs kyi rol// rgyal ba'i dgong pa klong brdol ba'i// rnam pa'i ye shes bde chen 'di// mngon du snang la mthong ba
124b6 med// rang la rdzogs na grub pa med// 'di dang bral na rtog pa'i bdag/ mtshan ma'i bdud pa grol mi 'gyur// de nas skal ldan rigs can des// bde ba chen po'i rgyas btab pa'i// mi rtog ye shes lhun grub
125a1 pa// bde ba'i rol pas bsgrub pa bya// rlung dang rtog pa bslad pa yis// rgyun dang bcas pa'i ye shes te// bde chen ye shes rlung du dpag/ rlung ni rnam pa gnyis yin te// rig pa'i rlung dang
125a2 bems po'o// bems po la ni rnam gsum ste// srog 'dzin shes pa'i rten nyid dang// lus zungs bcud dang 'dres pa dang// snyigs ma lus kyi las byed pa// gyen du rgyu dang thur du rgyu ba'o// rig pa'i rlung ni
125a3 gcig yin te// bye brag brgyad dang dpag med pa'i// rlung ni gcig gi 'phen pa yin// rten pa las rlung zin gyur na// kun kyang rig pa zin pa yin// bde ba'i rol pa ye shes sku// 'bad rtsol bral ba'i bde
125a4 chen las// lhun grub thabs la rten pas grub// ye shes rang rig chen po ste// ngang gi mi ldog thabs kyi mchog/ skal ldan ye shes rgyal po des// bar pa'i thun mtshams bcu gnyis kyis// ye shes rig pa'i
125a5 phur pas thebs// rtog pa gzhon pa'i rlung dang 'phrad// 'dod pa dmigs pa'i yul dang 'phrad// mthar phyin dus mtshams gcig gis kyang// ye shes thig le'i dngos grub thob// bde ba chen por sgyur
125a6 ba'i thabs// 'di ni thar pa'i lam mchog ste// rgyu 'bras med pa'i mthar phyin ni// dang po rig pa'i rlung gzung ste// nyon dang mtshan gyi thun gnyis la// nyi khri chig stong drug brgya bcu// 'pho ba'i thun mtshams
125b1 bcu gnyis te// kun 'dar 'pho ba gcig yin te// snyigs ma bcu yi gcig 'pho yin// dwangs ma'i 'pho ba bstan par bya// 'di nyid rim pa 'di yin te// ye shes 'ja' tshon lta bu'i 'od// bde ba chen po'i ye
125b2 shes te/khams gsum rang 'byung chen po ste// mi g.yo thig le dag byas te// rngubs pas rkyal ba drud pa ltar// spros pa de nyid bshos pa ltar// ye shes rlung gis stong par bya// a pad+ma 'das nas ldang gi
125b3 bar// g.yo ma rang byung thig le bya// de nas thig le'i rtags 'byung ste/ khams snyoms rang lus bde ba rgyas// nyams dang bral nas mkha' la 'dug/ tshor ba bde ba chen por skye// rgyu ba gsal zhing bye brag
125b4 shes// de nas bde ba 'phro ba yi// ye shes rlang la rngub par bya// de nyid thabs kyi ye shes dgug/ dper na rags pa gyen[(]bai 'gyu'i[)]rlung// kun 'dar phra ba'i rlung bzhin du// gsang ba'i pad+ma'i lto ba
125b5 nas// na sa 'dus pa'i lto ba nas// shin tu phra zhing ngal ba yi// ye shes rlung gi lhun grub pa// bde ba chen po'i rgyu ba bya// rlung gi thun phyed phyed dag tu// stobs kyis sdang bar nus 'gyur na// de nas rgyu ba med
125b6 pa bslab// lus bsrang bde ba'i bag yangs kyis// oM dang hUM du sbyar byas te// gsang bar lte bar dmigs bya ste// rngub dang 'byung ba'i rim gyis te// gnas pa'i bde ba rgyas par bzung// lus zungs
126a1 dbugs bcud nyid du bsre// de la mthun pa'i rtags 'byung ste// reg pas lus zung rgyas 'gyur te// bde ba chen po'i ye shes skye// na sa sgo dang dbang po'i lam// kun tu spyod nus 'jug ldang
126a2 med// 'pho ba med pa'i dgag pa'ang 'grub// dbang po'i lam nas rang rig tu// ye shes chen po'i 'dres nas 'bar// de nyid stobs kyi ma lus 'dres// bskal pa du ma'i dbugs kyang bsdud// gnod pa med
126a3 par gdams pa'ang 'grub// 'di ni thabs chen gang ba'i las// bde ba chen por rgyas thebs pas// rol pa'i klong du phebs pa yin// de nas bdag nyid rang 'byung gi/ bde ba chen po'i thig ler 'char yang
126a4 gsal// rang gi mtshan nyid ma bcos pa'i// bde ba'i dkyil 'khor rang lus gsal// rang byung bde ba'i phur pas thebs// phyogs bcu ma lus thams cad kun// ye shes chen po'i 'od kyis khyab// ye shes sku
126a5 yi 'od la zhugs// rang byung gsung gi zer la rol// lhun grub bde ba chen po'i thugs// mi 'gyur ye shes rlung du phebs// de nas bde chen 'khor lo bskor// rang byung ye shes rnam pa'i lus// rang gi mtshan
126a6 nyid ma bcos pa// bde ba chen por sku gsum thig ler shar// bde ba chen por rang rig nyid du 'grub// ma btsal rdzogs pa'i ye shes sku// bkrag gsal bde ba chen po'i gzugs// rang rig sgyu ma'i ye shes
126b1 gsal// chags med cir yang ma rtogs pa// thams cad rang byung ye shes sku// 'gyur med ma bkag klong du shar// de nyid mthun pa'i las cig la// mthun pa'i dmigs pa bsgom par bya// de bzhin dngos po
126b2 ma lus pa// dran pa'i thag pa gdag bya ste// rang byung bden pa'i lung phog ste// spyod yul zhing la'i phyag rgyas btab// gang 'dod de de'i lung gsal byas// gang zhig gang dang ldan 'gyur ba// de yang de des
126b3 smin par 'gyur// de nyid de yi phyag rgya can// de ni de med dgrol bar 'gyur// 'di ni de de'i thabs chen yin// pad+ma can gyi gser gling khang// gzugs brnyan mthong yang skrag cing 'bros// dran las sdug
126b4 bsngal drag po bskyed// dga' ba'i gling dang 'khrug pa'i gling// gnas pa bde dang zhe sdang bskyed// dad pa'i skal ldan smin par bya'o// drug gam mthun mtshams bcu gnyis la// man ngag 'bad pa'i rtsol bas
126b5 bsgrub// de nas rang byung bde chen te// spyod yul thams cad ma 'da' la// thams cad ye shes rnam par gsal/ khyab gdal chen po'i ngang la rdzogs// ye shes rig pa'i klong du gdags// mkha' ltar khyab
126b6 pas mu mtha' med// skye 'gro rdo rje'i sa ru chub// ma bcos thig le mngon sangs rgyas// rang byung snying po rdo rje'i sku// yon tan lhun grub rdo rje'i rgyan// bkod pa med par rang rdzogs pa/ khams gsum bde ba'i
127a1 longs spyod dang// rin chen lhun grub byang chub zhing// rgyal ba'i dgongs pa sems kyi gter// ma lus 'dus pa'i thig le can// bdag nyid sangs rgyas kun gyi dngos// rdo rje rgyal po kun da
127a2 med// log rtog dngos po tha dad pa// lhun grub bde ba klong na gsal// ma 'dres gsang ba'i bde chen po// gang dang gang gi gang rnams ni// de de de nyid de de ru// de nyid de la de der snang// de nyid de yi rang
127a3 bzhin pas// de rtag de la lhun gyis grub// ma lus rnam dag lhun grub pa// rig pa rang 'byung 'ang de rdzogs par// dang po'i thun mtshams bcu gnyis te// gdon mi za bar bcu yis 'grub// zla phyed zla ba lnga
127a4 yi zhag/rnam pa mtshan nyid 'dod rnams la// rgyu ba bral ba'i mngon sum la// rim gyis cig car goms par bya// spang len 'dzin rtog re dogs dang// bde spyod gtsang sme zlog srid pa// grub mthas log rtog
127a5 'dod rtsol pa// grags pa'i tha snyad g.yo ba'o// rang 'byung rgyal pos thogs med par// spyod pa rgya mtshor ci bder spyod// gang ltar spyod pa rdzogs longs spyod// lus ngag bya ba ma lus pa// yul dang gdul bya
127a6 blo yi rim// nyams par mi 'gyur thabs kyis spyad// rang byung spyod pa'i rgyal por bya/ khyung chen nam mkhar 'phur ba bzhin// chags med nyam nga'i sems med cing// gnas med gnas par mi bya'o// rig pa
127b1 rang 'byung mkha' ltar khyab// skye med lus ni rdo rje'i sku// bde ba'i thabs kyis bsgrub par bya// bems po'i rlung nyid lung bstan pa// sdud dang dngas pa'i rlung de nyid// lus gzungs rlung la bstim par
127b2 bya// dngas ma'i lus gzungs bcud du 'dres// mi shigs rlung dang gcig tu gyur// za ba'i khams dang bral gyur nas// thun mtshams zas la rten pas ni// thig le 'khyil ba'i sgo phye nas// srog gzungs bcud
127b3 dang 'dres gyur te// rin chen rdzing gi dan rgyu'i lam// bu ga gnyis pa lan chod du// rdo rje til 'bru'i gzugs su 'khyil// ye shes rlung dang khu ba khrag/ dngas pa 'khyil pa bde ba'i bcud// yongs su 'khyil
127b4 par rang 'bar gzugs// snyigs ma bral na stobs dang ldan// rang byung bde ba chen po'i zas// mi 'gyur bde ba lhun gyi tshe// thob nas rang 'byung lhun grub tu// skad cig de la 'grub par bya// 'di ni rab
127b5 'bring mthun mtshams kyis// nges par 'grub ste gzhan du na// zla ba bzhi yis gdon mi za// 'di ni ngo mtshar ya mtshan gyi// rmad byung thabs kyi 'phrul chen yin// bde gshegs ma lus dgongs pa yi// rgyal
127b6 ba rnams ni kun gyi bcud// rdo rje zam pa rna brgyud 'di// bstan pa kun gyi nyid khu 'di// bka' yi rgyal por phyung ba ste// rgyud kyi rgyal po lung gi mdo// man ngag sems kyi tshad 'dzin pa// bstan pa'i 'khor lo
128a1 'dus pa'i gtso// rgyal ba mngon du ston pa yi// ngo mtshar 'phrul gyi lde mig yin// thabs rgyal ba dang bral ba yi// skal ldan rnams ni mun par lhung// bskal pa bye ba mtha' klas pa// btsal
128a2 kyang 'grub par mi 'gyur ro// 'di na dngos grub ya mtshan gyi// mngon sum 'phrul gyi lde mig ste// dus mtha'i skad cig de nyid la// gang yin de yi sngon du ston// rang byung nyag gcig mngon sum las// 'di
128a3 las gzhan pa'i shes pa med// man ngag bstan pas rgyal ba'i gral du 'jog/ 'di ni tshig dang bral bas te// thun mtshams gsum dang ldan pa yis// rdo rje 'dzin pa nyid du 'grub// gzhan du bstan pa'i mtshan
128a4 nyid kyis// nges par gdon mi za bar 'grub// gnas ni brag dang chu la bzhag/ srog dang bral ba'i kha bzhin sdom// 'di gnas ldan pa'i sems can ni/ khams gsum byugs kyang gcig ldan min// 'di ni
128a5 srid bzhin dgra la ston// dregs pa'i chos brgyad gtsor bzhag nas// nyams pa'i sems kyis 'chi 'gyur na// 'di la rdo rje dmyal gnas su// nges 'gyur the tshom med par nges// des na bstan pa'i bka' dang
128a6 bstun// bka' yi bcud 'dus thugs kyi nyid khu 'di// lag na rdo rjes rna brgyud sems la bstim// rdo rje'i zam pa bstan nas 'phrul gyi lung bcu phob// lung bstan skal ldan rnams kyi sems la thim// rna
128b1 brgyud spyi blugs tshangs pa dbang gi rgyud rdzogs so////


CLOSE WINDOW