180a2 / ces gsungs so// ngo sprod bzhi yi rgyud las/ rjes su yi rang ba'i le'u ste brgyad pa'o//// rdzogs so// rgya gar skad du/ kA ya bAk+ka tsit+ta badzra sarba sa ma p+ta
180a3 mU la tan+t+ra na ma/bod skad du/ sku gsung thugs rdo rje rtsa ba thams cad rdzogs pa'i rgyud ces bya ba/ sku gsung thugs kyi rdo rje la phyag 'tshal lo// 'di skad bdag gis thos pa dus gcig na/ chos sku rdo rje
180a4 'chang chen po de rdo rje dbyings 'og min gyi gnas mchog na/rdo rje rang byung zhing khams kyi 'khor nyid la/ stong nyid kyi gnas lugs snying po'i bstan par shar/ 'khor 'das dbyer med lhun grub rang byung
180a5 dus/ston pa gnas dus 'khor 'das dbyer med do// yang de'i tshe de'i dus na/ ston pa rdo rje 'chang chen pos skul/ de bzhin rdo rje dang/ rin chen rdo rje dang/ pad+ma rdo rje dang/ las kyi rdo rje dang/ phyogs
180a6 bcu'i de bzhin gshegs pa sras dang bcas pa dang/gzhan yang sprul pa sna tshogs te/ tshangs pa dang/ brgya byin dang/ lha dang/ mi dang/ lha ma yin dang/ klu dang/ gnod sbyin dang/ phyogs skyong dang/ lha
180b1 srin rgyu skar dang/khyab 'jug dbang phyug la sogs pas yongs su bskor te bzhugs so// de nas 'khor de dag gi nang nas/ byang chub sems dpa' lag na rdo rje stan las langs te/ gtso bo la bskor ba dpag
180b2 tu med pa byas nas/seng ge rtsal rdzogs ltar mi 'jigs par/ rang gi gtso bo la 'di skad ces gsol to// kye kye 'gro mgon rdo rje 'chang// 'og min gnas kyi dang po ni// rigs kyi sems dpa' phyogs bcu
180b3 nas// rgyal ba sras bcas rdo rje rnams// rgyal sras sprul pa'i 'khor rnams dang// tshangs pa brgya byin lha dang klu// mkha' 'gro la sogs khyab 'jug rnams// srid gsum 'gro ba dag gi tshogs// dbang med dad
180b4 pas 'dus pa'i 'khor// thams cad 'dus par mi gzigs sam// gnas lugs snying po'i gzhi ma dang// bka' sdom bkri drang yi ge'i tshogs// 'dus pa'i 'khor la mi gsung ba// nyid kyi sngon gyi thugs dam
180b5 ci// de bas 'khor tshogs la 'di gsung// zhes gsol ba yang nas yang du btab pas/ de na bstan pa rdo rje 'chang ba des// gnas lugs 'bral ba'i ting nge 'dzin la snyoms par zhugs so// de nas lag na rdo
180b6 rjes gsol pa/kye kye ston pa 'gro ba'i mgon// bdag cag 'dus pa'i 'khor rnams la// gnas lugs snying po kun bral ba'i// gdams pa rdzogs par gsung bar mdzod// ces yang yang zhus pas/ de nas rdo rje 'chang
181a1 ting nge 'dzin de las bzhengs nas/lag na rdo rje la sogs pa'i 'khor rnams la bka' stsal pa/ kye rgyal ba'i sras rnams nyon cig/ yang dag don la ming med de// tshig lam rkyen gyis ma mtshon
181a2 na// ma bcos gnas lugs don mi rtogs// ming gi don med gnas lugs de/ ma bcos phyogs med rgya med par// gang gi sgo nas gtan la dbab// snang grag thams cad snying por bstan// ces gsungs
181a3 so// sku gsung thugs rdo rje rtsa ba thams cad rdzogs pa'i rgyud las/ phun sum tshogs pa zhu lan gyi le'u ste dang po'o//// de nas rdo rje 'chang gi sprul pa rdo rje 'dzin pas/ yang rang gi stan las langs nas/
181a4 'di skad ces gsol to// kye kye ston pa rdo rje 'chang// rang byung snying po snang log 'khrul// mthu brtas bag chags mthar phyin drug/ brgyud mar 'khrul pa las spyod rnams// gnas lugs grol bar bstan du
181a5 gsol// zhes pas chos min rdo rjes bka' stsal pa/ nyon cig sprul pa rdo rje 'dzin// snying po spyi yi gnas lugs la// ngo bo nges tshig dbye ba dpe// bzhi skor gsum tshan gdams par bya// spyi gzhi'i snying po spyi sa
181a6 yin// gnas lugs chen mo ci yang med// ngo bo gzhi yin dngos po min// nges tshig thams cad 'byung ba yin// 'gyu dran 'dzin chags srid pa'i gzhi// dbye ba rang rang 'dod gzhung re// ma nges lhun grub ka
181b1 dag bzhin/mthun dpe nor bu nam mkha' sogs// phyogs res kun nas mtshon nas bstan// lnga ldan gsum ldan gcig las byung// spyi gzhi gnas lugs snying po la// gtan la 'bebs byed gzhi yis
181b2 dbab// gnas lugs snying po bcos pa med// ma bcos pa ru snying por bstan// gnas lugs snying po phyogs lhung med// phyogs lhung med pas snying por bstan// gnas lugs snying po rgya chad med// rgya chad
181b3 med pas snying por bstan// gnas lugs snying por byung ba'o// rang las byung bas snying por bstan// bzhi bskor gcig la gcig rdzogs brtsi// gzhi dang lam dang 'bras bur bsdu/ zhes gsungs so// sku
181b4 gsung thugs rdo rje rtsa ba thams cad rdzogs pa'i rgyud las/spyi gzhi'i gnas lugs mtshon pa'i le'u ste gnyis pa'o//// lag na rdo rje yang gsol pa/ kye kye ston pa 'gro ba'i mgon// gdos bcas
181b5 rmongs pa 'di rnams la// snying po gnas lugs spyi gzhi la/ gsal la 'bebs par byed pa dka'// bzhi tshan gsum tshan 'khor la gsung// zhes zhus pas yang gcig ston pas bka' stsal pa// nyon cig rdo rje
181b6 'dzin pa khyod// 'khor tshogs 'dus pa khyed rnams la// bzhi skor gsum bsdu ba yis bstan// snying po spyi gzhi spyi sa la// ming dang yi ge gdos med kyang// ming tshig yi ges mtshon la bstan// gnas lugs
182a1 snying po yi ge hUM// rgyu las ma byung rkyen gyis min// byed pa ma byas bcos pa med// dper na nam mkha' ji bzhin no// rgyu rkyen byed pas ma bcos so// snying po dngos med dngos po'i gzhi// 'gyu
182a2 dran 'dzin chags snying po'i rtsal// spyi gzhi snying por gdams byas la// 'gyu dran 'dzin chags lam du spyad// yul med mi 'bras 'bras bur 'gyur// chos nyid gzhi yis mngon du 'gyur// yar grol rtogs pa
182a3 med pa yin// spyi gzhi gnas lugs rang ma rig/ 'gyu dran 'dzin chags dngos 'dzin spyad// dngos por myong ba'i 'bras bur 'gyur// las kyi 'bras bu mngon du snang// mar 'khrul chags sdang bar 'tshams
182a4 med// snying po gcig ste ci yang med// gcig tu yin du kun gyi gzhi// kun gzhi chen por ma bcos par// bcos med dus bcos 'khrul pas 'khor// gnas lugs chen po yongs la khyab// phyogs lhung med pa
182a5 snying po'i gzhi// kun gzhi gar yang rgya chad med// spyi sa phyogs med snying po nyid// kun gzhi gzhan nas byung ba min// rang byung gnas lugs snying po rang// yi ge 'bru bzhi don la sbyar// lta sgom spyod pa 'bras
182a6 bu dang// chos min gzhi yi la chen bzla/ zhes gsungs so// sku gsung thugs rdo rje rtsa ba thams cad rdzogs pa'i rgyud las/ spyi gzhi snying po la bzhi skor du gtan la dbab pa zur tsam mtshon pa'i le'u ste gsum
182b1 pa'o//// de nas yang bka' stsal pa/ nyon cig rdo rje 'dzin sogs 'khor// snying po ngo bo gcig nyid las// mtshon par byed pa'i rnam pa bzhis// mtha' bzhi'i dras thag gcad par bya// ma bcos pa dang
182b2 phyogs lhung med// rgya ma chad par rang byung ngo// gcig la gcig rdzogs snying po'o// yi ge bzhi dang lta sgom bzhi// sku gsum gnas lugs 'gyu dran gyis// bzhi sgor gsum 'dus gcig la rdzogs// gcig med yul
182b3 med sgro 'dogs gcod// ma bcos lta ba sku gsum ka/ phyogs med khyab pas bsgom pa kha// rang byung bden med 'bras bu na// 'gyu ba rang grol chos min nga// gnas lugs grol bas chos las
182b4 'das// chos min chos 'das chos kyi sku// thig le 'gyur med longs spyod chos las med// snang ba sna tshogs sprul sku chos la min// ces dang/ rdo rje 'dzin pas yang gsol pa// kye kye ston pa 'gro ba'i
182b5 mgon// bla med theg pa a ti la// dgag sgrub blang dor sto ma sto// dgag bya bsdus bya mi sto na// 'khrul spyod skye bor mi 'gyur ram// dgag sgrub blang dor sto ba na// dgag bya bcos pa mi 'dug gam// ma
182b6 bcos bsgrub byar mi gda' ye// dor bya bcos pa dgag bya la// ma bcos pa ni bsgrub byar 'dug/ phyogs su lhung ba dor ba la// ma lhung ba ni blang bya'o// rgya chad med pa bsgrub bya la// rgya chad med pa dgag
183a1 byar 'dug/rgya chad med pa blang bya la// rgya chad pa ni dor byar 'dug/ rang byung ba ni bsgrub bya la// rang byung ma yin 'gogs pa yi// rang byung ba ni blang bya la// rang byung ma yin dor byar
183a2 'gyur// ces gsol pas/ rdo rje ston pas bka' stsal pa// nyon cig rdo rje 'dzin pa nyon// bla med theg pa a ti la// dgag bya bsgrub bya blang dor med// rang byung skye bor ci la 'gyur// rang rgyud skye bos de ma
183a3 shes// rang rgyud skye bos de shes sam// rang rgyud skye bos phyogs tsam min// dgag sgrub blang dor snying po rang// zhes gsungs so// sku gsung thugs rdo rje rtsa ba thams cad rdzogs pa'i rgyud las/ zhu lan brgal
183a4 rtags rtsa ba'i le'u ste bzhi pa'o//// yang lag na rdo rjes gsol pa// kye kye ston pa rdo rje 'chang// dgag sgrub blang dor snying po na// ma bcos pa sogs ji ltar 'gyur// rdo rje 'chang gis bka' stsal pa// rdo
183a5 rje 'dzin pas legs par nyon// lta ba'i gzhi la bcos pa med// sgom pa'i gzhi la bcos pa med// spyod pa'i gzhi la bcos pa med// 'bras bu'i gzhi la bcos pa med// lta ba'igazhi la rgya chad med// sgom
183a6 pa'i gzhi la rgya chad med// spyod pa'i gzh-i la rgya chad med// 'bras bu'i gzhi la rgya chad med// lta ba rang byung gzhi ma rang// sgom pa rang byung gzhi ma rang// spyod pa rang byung gzhi ma rang// 'bras bu rang byung gzhi
183b1 ma rang// nges med kun kyang rang byung yin// lta ba ma yengs rang byung ngo// sgom pa ma yengs rang byung ngo// spyod pa ma yengs rang byung ngo// 'bras bu ma yengs rang byung ngo// zhes gsungs so// yang rdo rje 'dzin
183b2 pas 'di skad gsol// kye kye ston pa rdo rje 'chang// de ltar snying po ma bcos pa// bcos pa snying po yin ma yin// phyogs su ma lhung snying po na// phyogs lhung snying po yin ma yin// rgya chad med pa snying po na// rgya
183b3 chad snying po yin ma yin// rang byung snying po nges med na// gzhan byung snying po yin ma yin// zhes gsol pas/ ston pa rdo rjes bka' stsal pa// rdo rje 'dzin pa legs par nyon// ma bcos pa dang bcos pa
183b4 gnyis// gnyis med tha snyad dbye ba med// snying po lta sgom spyod pa dang// 'bras bu la sogs bcos pa med// phyogs su ma lhung lhung ba gnyis// gnyis med tha dad dbye ba med// snying po'i lta sgom spyod pa
183b5 dang// 'bras bu la sogs phyogs lhung med// rgya chad pa dang ma chad gnyis// gnyis med tha dad dbye ba med// snying po'i lta sgom spyod pa dang// 'bras bu la sogs rgya chad med// rang byung gzhan byung gnyis su
183b6 med// snying po'i lta sgom spyod pa dang// 'bras bu la sogs rang las byung// snying po ma bcos phyogs lhung med// rgya chad med pa'i rang byung yin// ma bcos sku gsum ka dang ni// phyogs su ma lhung khyab pa
184a1 kha// rgya chad med pa'i ga dang ni/ rang las 'byung ba'i nga rnams bzhi// mtha' bzhi dras bcad bzhi bskor bya/ zhes gsungs so// sku gsung thugs rdo rje rtsa ba thams cad rdzogs pa'i rgyud las/
184a2 mtha' bzhi dras bcad zhu lan gyi le'u ste lnga pa'o//// rdo rje 'chang gis bka' stsal pa// nyon cig rdo rje 'dzin sogs 'khor// 'gyu dran 'dzin chags sbyor sgrol gyis// spyi gzhi snying por bstan byas
184a3 la// shes byed gzhi yis gtan la phob// tho chen bzhi pos gzhi zung la// tho bran 'brel pas sgro 'dogs bcad// gzhi lam 'bras bu bsdu sar dril// ma bcos pa yi gnas lugs la// spyi gzhi chu la gdams
184a4 byas la// 'gyu dran 'dzin chags lam la gdams// 'bras bu sku gsum bsdus par gdams// phyogs lhung med pa'i gnas lugs la// spyi gzhi nam mkha' gdams byas la// nyi zla gza' sprin lam du
184a5 gdams// 'bras bu mtha' ni yangs par gdams// spyi gzhi rin po che gdams te// 'dod yon 'byung ba lam du gdams// rgya chad med pa 'bras bur gdams// spyi gzhi sa la ngo sprad la// dus bzhi lam du
184a6 sbyad byas te// 'bras bu gser du shes par bya// de ltar shes bya bzhi skor la// gzhan dag rnams kyang de bzhin bskor// lta sgom spyod pa 'bras bu dang// sku gsum gnas lugs thams cad kyang// de ltar khong
184b1 du shes par bya// rtsa ba'i yi ge grangs tshad la/ 'brel pa grogs kyis sgrub pa yin// thugs rje rtogs pa bzlog pas log/ che chung ring thung 'thug po dang// yangs dang dog pa 'byung ba'i gnas// srog dang snying
184b2 po la bzla'o// zhes gsungs so// sku gsung thugs rdo rje rtsa ba thams cad rdzogs pa'i rgyud las/ don thams cad bsdus pa'i le'u ste drug pa'o//// de nas lag na rdo rjes yang/ kye kye 'gro mgon rdo rje
184b3 'chang// rtsa ba'i ye ge bstan pa dang// 'brel pa grogs su gang snang yin// thugs rje rtogs pa bzlog pa log/ che chung ring thung 'thug po dang// yangs dog 'byung ba'i gnas rnams dang// srog snying la zlo
184b4 log gnon rnams// blo dman rmongs pas mi 'tshal bas// nyi ma'i sgron mas bka' stsal 'tshal// 'gro ba'i mgon pos legs par khrol// ces zhus pa dang/ ston pa rdo rjes bka' stsal pa// nyon cig rdo rje
184b5 'dzin pa sogs// rtsa ba'i yi ge sum cu yin// thugs rje yas babs bstan pa ni// sku gsung khyab pa rgya ma chad// nga ni rang byung snying po la// gcod byed kha ldan 'joms par byed// 'khor ba myang 'das ye shes
184b6 nyid// gtan 'bebs thig le'i dus la bab// yod med gnyis las 'jug pas na// rig pa gnas lugs 'khor ba'i rgyu// gzhi mo bskyed pas mnyam nyid ma// rtsa ba nyams myong 'dzin pa yin// gnas lugs
185a1 snying po wa nas drongs/zhi ba za byed stong pa'i dbyings// sku gsum mya ngan 'das pa la// thugs rje gnas lugs shes rab shugs// 'gyu ba med pas brtan pas sa// 'gag med rtsal chen drag po
185a2 ha// skye med mkha' 'byung snying po a// rtsa ba'i yi ge bstan pa yin// 'dzin pa 'khyen byed gcod pa dang// 'brel pa khyab byed sdud pa dang// 'gro 'dror 'bod pa de skabs su phye// sum cu rtsa gnyis mtshan dang
185a3 ldan// zhes gsungs so// sku gsung thugs rdo rje rtsa ba thams cad rdzogs pa'i rgyud las/ rtsa bar yi ge la grogs gnyis bstan pa'i le'u ste bdun pa'o//// yang gcig ston pas bka' stsal pa// nyon cig
185a4 rdo rje 'dzin pa sogs// rtogs pa go rim bzlog pa ni// a ni skye med yul snang med// ha ni 'gag med 'gyu sa med// sa ni 'gyu med shes rab sha/ la ni gnas lugs ra yis 'brel// ya ni 'das pa sku gsung
185a5 la// 'a ni ye stong zas ni za// zha ni ma rig bag la zha// wa ni grol ba zas ni bzung// tsha ni yul la nyams su myong// tsas ni 'khrul ba'i rtsa ba gcod// ma ni srog snying mnyam nyid la// pas ni 'khor ba rdzun du
185a6 rtogs// phas ni ye shes gnyis su med par rig/ nas ni kun la 'jug par mthong// da ni 'khor ba bzlog pa'i dus// thas ni snang srid thig ler phebs// tas ni snang srid rdzun du phebs// nyas ni ye shes
185b1 gnas lugs shes// jas ni yul mi gnyis ka 'joms// chas ni gzugs sku gnyis dang ldan// ca ni sgro 'dogs thams cad bcad// ngas ni rang byung ye shes rtogs// gas ni tshad med rgya chad med par spyad/
185b2 khas ni phyogs lhung med par bsgom// kas ni sku gsum chos skur bltas// ma bcos ka dang khyab pas kha// rgya med ga dang rab byung nga// go rim kun nas bzlog ste bzla'o// gi gu log pas 'dzin pa
185b3 log/'greng bu log pas mkhyen pa log/ na ro log pas spyod pa log/ ya ta log pas khyab pa log/ ra ta log na 'brel pa log/ zhabs kyu log na sdud pa log/ ber ka ris log 'gro 'dren log/ de bzhin
185b4 log pa'i don de kun// 'khor ba ru nas bzlog ces bya/ zhes gsungs so// sku gsung thugs rdo rje rtsa ba thams cad rdzogs pa'i rgyud las/ go rim log pas rtog pa skye med kyi le'u ste brgyad
185b5 pa'o//// de nas yang bka' stsal pa/ rdo rje 'dzin sogs legs par nyon// yig 'bru bzlog pa 'di lta ste// a log skye med dbyings nas log/ ha log 'gag med snang ba med// sa log 'gyur med mya
185b6 ngan med// sha log shes bya'i sgrib pa med// la log gnas lugs mtshan ma med// ra log thugs rjes gzigs yul med// ma log sku gsung snang ba med// 'a log stong pa'i tshig tsam med// za log rtsa ba zad
186a1 pa med// zha log bag chags gting nas med// wa log gnas lugs 'khor sa med// dza log gzung bya'i yul snang med// tsha log nyams su myang rgyu med// tsa log 'khor ba'i rtsa ba med// ma
186a2 log 'khor ba'i bskyed gzhi med// pa log 'khor ba'i sdug bsngal med/ pha log gnas lugs gdags su med// ba log rig pas ma rig med// na log 'jug du yul snang med// da log dus med bar
186a3 mtshams med// tha log thig le yul snang med// ta log gtan la 'bebs pa med// nya log ye shes ye nas med// za log 'joms bya'i 'jig byed med// cha log cha med lung du med// ca log gcod pa
186a4 gcad du med// nga log 'byung bya 'byung byed med// ga log rgya med ya nga med/ kha log khyab bya phyogs ming med// ka log sku gsum bcos su med// sngon med phyis med gdod nas med// ma skyes pas na
186a5 'jigs 'dral med// de la brjod du rdul tsam med// ci ste rnam pa yongs kyis med// ces gsungs so// sku gsung thugs rdo rje rtsa ba thams cad rdzogs pa'i rgyud las/ yi ge 'bru log ming med yul med kyi
186a6 le'u ste dgu pa'o//// de nas ston pas bka' stsal pa// rdo rje 'dzin sogs nges par nyon// ga la ha btags chen po yin// sku gsum 'gran zla med pa dang// phyogs lhung rgya chad rang byung bas// chos kyi
186b1 sku la 'gran zla med// sku gsum shugs las byung bas na// de nyid la ni gsang ba'i sku// sku gnyis sprul sku tha dad snang// sprul sku tha dad mthun sprul na// yi ge tha dad tshig sbyar te// chos sgo dpag med 'gro ba
186b2 'dul// 'gran gyi zla med chen po'o// snying po sems nyid 'gran zla med// ci phyir gnyis pa'i chos med phyir// ka la 'a ni btags pa kun// ring po rgyun chad med pa yi// snying po'i don la sbyar bar bya// rang
186b3 rang brtsegs pa 'thug po ste// sku la sku brtsegs chos nyid che// zab mo gsang sngags bla med dpags// gnyis 'dus gnyis med grol na 'thug/ hUM zhes bya ba thung ngu ste// skad cig gdams pas de nyid
186b4 rtogs// gsang sngags gsang ba'i snying po la// mtha' bzhi dras bcad gnyis med bstan// tshigs chung don chen bstan pa chung// skad cig 'khor ba rgyun chad thug/ ka la ka brtsegs chos kyi sku// sku gsum
186b5 brtsegs pa 'thug po la// thugs rje yas bab 'thug por shes// a la a btags ye shes dbyings// dbyings la ye shes skye med pas// rtog pa mas bzlog 'thug po yin// ka la 'a btags ring ba
186b6 de// thugs rje rgyun chad med pa yin// sku gsung stong pa'i thugs rje yin// 'gro don 'brel pa yas bab yin// a la 'a btags skye med stong// skye med stong pa chos kyi dbyings// chos dbyings dam pa zad mi
187a1 shes// rtog pa mas bzlog ring po yin// ka la ha btags chen po don// sku gsum 'gag med rtsal chen ni// sku de 'gag med chos kyi sku// thugs rje yas bab 'gran zla med// a la ha btags
187a2 skye 'gag med// skye 'gag med par don btags las// yul med ming med 'gran zla med// rtog pa mas bzlog chen po yin// hUM zhes bya ba thung ngu la// snying po'i klong du thams cad 'dus// thugs rje rtogs
187a3 pa'i don gnyis 'dus// 'dus pa ma yin 'bral ba med// rgyu rkyen byed pas ma byas pas// des bstan ci yang ma yin par/ de go shes rab chos pas so// skad cig thams cad bye brag byed// ces gsungs
187a4 so// sku gsung thugs rdo rje rtsa ba thams cad rdzogs pa'i rgyud las/ ring thung gi don bstan pa'i le'u ste bcu pa'o//// rdo rje ston pas bka' stsal pa// nyon cig rdo rje 'dzin sogs kun// yi ge'i tshogs
187a5 rnams de dag la// pho dang mo dang ma ning ngo// bzhi tshom bdun dang phyed tshom gcig khog pa mgrin pa rkan dang lce// so dang spyi bo sna dang mchu// yangs dang dog dang phrad las 'byung// snang ba gang snang yi ge'i
187a6 tshogs// thugs rje yas bab ka na a// log pa 'bru log sum cu dngos// grogs gsum log la de yi grogs// log la log pa zhes bya ba// rgyu dang log pa ma yin te// rkyen gyis log pas chos kyi sku// dper
187b1 na rdza'am gser lta bu// de bzhin rgyu ma 'gyur ba la// rkyen gyis 'gyur ba sreg pa bzhin// chos rnams kun gyi snying po 'di// gser dang mkha' bzhin mi 'gyur bas// mi nub stor bral med pa yi// chos kyi dam
187b2 pa don po mchog/chos rnams thams cad yi ge ste// srog dang snying por 'dus pa'o// srog ni gzugs te snang ba'o// btags pa min te snying po nyid// btsal bas mi rnyed brag cha 'dra// tshol mkhan tshol cig
187b3 rigs kyi bu// bsam ngo btsal bas ci yang min// gnas lugs don la ma yengs shig/ ci yang ma yin thams cad dang// rang ngo shes la ma yengs shig/ bden rdzun yin min ma rtogs shig/ blo gtad tshol khro
187b4 ma khyer cig/ces gsungs so// sku gsung thugs rdo rje rtsa ba thams cad rdzogs pa'i rgyud las/ 'byung gnas log gnon kha sprod gdams pa'i le'u ste bcu gcig pa'o//// de nas ston pa rdo rjes bka'
187b5 stsal pa/nyon cig rdo rje 'dzin pa sogs// 'brel pa 'brel par nga yis bstan// snying po tho chen bzhi dang 'brel// tho bran bzhi dang kun tu 'brel// dper na dra ba mig mangs bzhin// lta sgom spyod pa 'bras
187b6 bur 'brel// dbang dang dam tshig sngags dang 'brel// dkyil 'khor lha la bsnyen sgrub 'brel// theg pa srid pa mtsho bas 'brel// 'byung ba nad dang sde brgyad 'brel// sgyu ma lus dang man ngag 'brel// sgyu ma
188a1 dri za mig yor dang// rmi lam chu zla smig rgyu dang// sprul pa sgra brnyan mig skyon 'brel// srog dang snying po bsad gsor 'brel// bkra shis dur khrod chos dang 'brel// dge bcu pha rol phyin pa
188a2 'brel// sa lam gzhi dang rgyu 'bras 'brel// thugs rje byin rlabs cho 'phrul 'brel// 'khor 'das dge sdig kun dang 'brel// yod med rtag chad drug dang 'brel// thabs shes dben gcig dbyings shes
188a3 'brel// rtsa rlung thig le gsal stong 'brel// zhi gnas lhag mthong thams cad 'brel// zhi rgyas dbang drag mngon spyod 'brel// 'brel pa 'brel par lo gnon gyis// tho chen tho bran yul mi bzla// bden
188a4 mnyam rdzun mnyam gnyis med bstan// ces gsungs so// sku gsung thugs rdo rje rtsa ba thams cad rdzogs pa'i rgyud las/ tho chen kun 'brel mdor bstan pa'i le'u ste bcu gnyis pa'o//// de nas lag na
188a5 rdo rjes 'di skad ces gsol to// kye kye 'gro mgon thugs rje can// 'brel pa'i ngo bo nges tshig dang// dbye ba dang ni mthun pa'i dpe// 'brel pa log non sgyu ma brgyad/ srog dang snying po bsad gso
188a6 yis// chud blangs bsrungs pas phan gnod pas// sangs rgyas bstan pa gzug pa'i phyir// rmongs pas mi 'tshal rgyal bas gsungs// zhes zhus pas/ rdo rje 'chang bas bka' stsal pa// 'khor tshogs 'dus pa
188b1 rdo rje nyon// 'brel pa'i ngo bo gcig pa yin// nges tshig de 'brel rgyun chad med// 'brel pa'i dbye ba rnam pa bzhi// bdag nyid rgyu 'bras phan tshun dang// de las de byung 'brel ba'o// dper na drwa ba mig mangs
188b2 bzhin// gnas lugs snying po kun dang 'brel// snang srid 'khor 'das 'brel par gcig/ dper na gser dang gzugs brnyan 'dra// ngo bo gser las 'gyur ba med// bdag nyid gcig pa'i 'brel ba
188b3 yin// gnas lugs snying po kun gyi rgyu// sa bon myu gu 'bras bu 'dra// sa bon 'bras bu logs na med// pha gdung bu rus logs pa na// yod na pha yi ming yang med// rgyu dang 'bras bu'i 'brel pa
188b4 yin// gnas lugs snying po mtshon byed pa'i// ga nas a sogs sum cu'i bar// 'greng bu na ro tsheg shad dang// ra btags ya btags zhabs kyu rnams// rgyud ngan sang sring gnyen 'brel 'dra// phan tshun
188b5 dag gi 'brel pa yin// gnas lugs snying po ma ltar te// 'gyu dran 'dzin chags rang byung bu// dper na ma bu gnyis kyi tshul// de las de byung 'brel pa yan// 'gro ba drug sogs 'khrul pa rnams// bde bar
188b6 gshegs pa'i rigs yin pas// rig sngags zhes ni rab tu brjod// gnas lugs snying po gzhi gcig pas// ngo bo nyid ces 'brel pa che// 'khor 'das zung du 'brel pa yin// gzungs sngags zhes ni rab tu
189a1 brjod// sangs rgyas snying po 'gro ba yin// rang la rang chas rang la gsang// rang ngo rang gis ma shes pas// gsang sngags zhes ni rab tu brjod// thams cad gnas lugs snying po rang/ gnas
189a2 lugs ma bcos phyogs lhung med// rgya chad med de rang byung bas// snying po sngags zhes rab tu brjod// 'brel pa'i ngo bo gnas lugs spyi// 'brel pa'i nges tshig kun dang 'brel// dbye ba de bzhin sngags
189a3 bzhi'o// mthun dpe dra ba la sogs lnga// zhes gsungs so// sku gsung thugs rdo rje rtsa ba thams cad rdzogs pa'i rgyud las/ 'brel pa ngo bo nges tshig sngags dang sbyar ba'i le'u ste bcu gsum pa'o//// rdo rje
189a4 'chang bas bka' stsal pa// nyon cig rdo rje 'dzin pa sogs// sgyu ma'i 'bras bu bstan pa ni// spyi sa snying po ci yang med// dang po 'byung sa med de stong// stong pa nyid la phu mda' med// dper na nam mkha'
189a5 phyogs mtha' med// spyi sa snying po ci yang min// mtshan mar mi 'dzin bla na med// de la man pa ci la bdag/ smon pa med ces bla dgas tsam// rang byung rang snang gzhan snang med// mtshan mar mi 'dzin yul
189a6 snang ste// yul snang yod du rang la med// mtshan ma med ces rab tu brjod// ces gsungs nas/ lag na rdo rje la bka' stsal pa/ lag na rdo rje sgyu ma'i chos brgyad po de dang po gang nas byung/ bar du gang na
189b1 gnas/mtha' ma gar 'gro zhes gsungs so// lag na rdo rjes gsol pa/ sgyu ma de dang po rten 'brel las byung/ bar du mig dang dbang po 'khrul pa la gnas/ tha ma kun rdzob bden par 'gro lags so// zhes
189b2 gsol pas/ston pas yang bka' stsal pas/ sgyu ma rten 'brel las ji ltar byung// bar du dbang po ji ltar 'khrul/ kun rdzob tu ni ci ltar bden// zhes gsungs so// badzra pA Nis gsol pa/ sgyu ma yang dang po
189b3 rdzas dang sngags kyi rten 'brel las byung/bar du dbang po 'khrul pas ngo mtshar ba'o// mtha' ma kun rdzob yin pas gtan du mi gnas lags so// zhes gsol pas/ rdo rje 'dzin pa rdzas gang yin/ ngo mtshar
189b4 gang kun rdzob gang bden ces pas/badzra pA Nis yang gsol pa/ rdzas ni 'byung bzhi'o// ngo mtshar ni dbang po lnga la'o// kun rdzob ni 'khrul pa'o// zhes gsol bas/ rdo rje 'chang gis bka' stsal pa/ badzra pA Ni
189b5 'byung ba bzhi gang las byung/dbang po gang la 'dzin/ 'khrul pa bden nam zhes gsungs pas/ badzra pA Nis yang smras pa/ 'byung ba bzhi nam mkha' las byung/ dbang po'i mtshan nyid 'dzin pa bden/ 'khrul pa
189b6 'gro ba la bden lags/zhes gsol pas/ rdo rje 'chang gis bka' stsal pa/ rdo rje 'dzin pa nam mkha' gang las byung/ mtshan nyid cir 'dzin/ zhes gsungs so// lag na rdo rjes gsol ba/ kye kye 'gro ba'i
190a1 mgon po lags// ma dpogs ma 'tshal ma rigs na// byung sa mi gda' mtshan mas 'khrul/ kun rdzob mi bden don dam rags// zhes gsol pas/ 'gro mgon rdo rjes bka' stsal pa/ nyon cig
190a2 rdo rje 'dzin pa khyod// legs so legs so rigs kyi bu// dang po sgyu ma byung ba med// bar du sgyu ma gnas sa med/ mtha' ma sgyu ma 'gro sa med// sgyu ma de la mthong snang med// dper na sgyu ma'i mkhan po
190a3 dang// sgyu ma'i slob ma mchan bu dang// 'dus pa'i khrom sogs mthong ba gnyis// mthong snang tha dad 'dzin yul gnyis// stag dang seng ge wa mo sogs// rnam pa sna tshogs cir yang snang// sgyu ma mkhan la
190a4 mthong ba med// sgyu ma'i slob bus sgyu mar shes// 'jigs dang bag tsha chags sdang shes// phal pa rnams la 'jigs skrag dang// chags sdang rol mo bden par 'dzin// sgyu ma byed pa'i mkhan po la// yul mi
190a5 gnyis ka grub pa med// sgyu ma'i slob bu de bstan shes// phal pa chags sdang dngos por mthong// dngos por 'dzin pa 'khrul pa'i chos// 'khrul pa yin pas yod pa med// sgyu ma de ni smon pa med// sgyu ma mtshan
190a6 ma med pas mtshan ma med// sgyu ma stong pa yin pas stong pa nyid// sgyu ma yin lugs cir yang med// sgyu ma'i snang lugs cir yang med/ gcig tu ma yin ci yang med// de bzhin 'gyu dran 'dzin chags pa'i// ci
190b1 yang ma yin ci yang bzhi// ma bcos snying po 'gyur ba ci yang min// dran pa ci yang ma yin ci yang min// snying po phyogs su ma lhung ci yang min// snying po rang byung ci yang med// dang po 'gyu ba 'byung sa
190b2 med// bar du 'gyu dran gnas sa med// mtha' ma 'gyu dran 'gro sa med// byung sa med do gzhi yi dras thag chod// yul med med bral ci yang med// ces gsungs so// sku gsung thugs kyi rgyud las/ sgo gnyis
190b3 sgyu ma dris lan 'gyu dran gnas lugs ci yang ma yin pa'i le'u ste bcu bzhi pa'o//// de nas ston pas bka' stsal pa// nyon cig badzra pA Ni sogs// dper na mtshan mo'i rmi lam gnyis// mdza' bo yid
190b4 sdug grogs dang bu// shin tu longs spyod rkyen ldan nas// lo mang bde la spyod gyur la// bu shi nor brlag mya ngan byas// sad par gyur na gnyis ka med// de bzhin ma rig gnyid log ste// snod bcud dgra
190b5 gnyen chags sdang dngos// bden pa'i don du 'jig rten 'di// dge sdig las spyod yin min rtsi// shes rab gnyis sad gnyis ka med// de bzhin sgyu ma'i mkhan po yis// sgyu ma'i tshogs sprul yod pa med// sgra
190b6 brnyan smig rgyu gzugs brnyan dang// mi g.yor chu zla sprul pa rnams// yod nas mi snang med pas snang// snang ba rang gis spyod ma yin// dbang po rnam shes tshogs drug ni// rmi lam sgyu ma sprul par ltos// mthong
191a1 ngam mthong na lta ba'i gdeng// legs par mthong na bsgom par bya// ma mthong bar du ci zhig bsgom// sgom ngo shes pa shin tu dka'/ goms dang 'dris pas spyod pa spyad// dge sdig las kun
191a2 gang byed kyang// rmi lam sgyu ma'i spyod par shes// dus gsum 'bral med 'bras bur 'gyur// snying po chos sku mngon gyur yin// lta ba'i gnas lugs ma rtogs par// bsgom par byed pa'i blun po
191a3 rnams// dper na rgyus med lam 'dren 'dra// de bas mkhas pas legs par ltos// sgyu ma phrog yin gang snang kun// gang brtags snying po ma yin no// sgyu ma'i gzugs dang sgyu ma'i sgra// sgyu ma'i dri dang sgyu ma'i
191a4 ro// sgyu mar shes na sgyu ma bsgom// rmi lam gzugs dang tshor ba dang// 'du shes 'du byed rnam par shes// rmi lam shes na rmi lam bsgom// de bzhin sprul pa sna tshogs brgyad// mthong ngam shes na bsgom par
191a5 bya// ma bcos rang byung lta ba rtogs// phyogs lhung rgya chad med par bsgom// zhes gsungs so// sku gsung thugs rdo rje rtsa ba thams cad rdzogs pa'i rgyud las/ sgyu ma'i lta bsgom bstan pa'i le'u ste bco lnga
191a6 pa'o//// de nas ston pas bka' stsal pa// nyon cig rdo rje rigs kyi 'khor// de las srog snying sgrub pa ni// 'jig rten 'das dang ma 'das pa'i// bsgrub par bya ba rnam pa brgyad// 'jam dpal sku yi
191b1 sgrub pa dang// pad+ma gsung gi sgrub pa dang// yang dag thugs kyi sgrub pa dang// bdud rtsi yon tan sgrub pa dang// phur pa phrin las sgrub pa dang// ma mo rbod gtong sgrub pa drug/ 'jig rten sgrub pa rnam pa
191b2 gnyis// dmod pa drag sngags sgrub pa dang// 'jig rten mchod bstod sgrub pa'o// sgrub pa chen po re re la// brgyad brgyad dag tu shes par byos// sku dang gsung dang thugs dang ni// yon tan phrin las rbod
191b3 gtong drug/drag sngags mchod bstod rnam pa brgyad// 'jam dpal sku yi sgrub pa ni// 'khor lo bzhi la rdzogs pa yin// gnas pa'i 'khor lo gnas lugs bzhi// srid pa'i 'khor lo 'brel pa'i
191b4 tshogs// sprul pa'i 'khor lo rgyud pa'i chos// gcod pa'i 'khor lo srog snying gnyis// gnas pa'i 'khor los gnas lugs bstan// srid pa'i 'khor los snang lugs bstan// sprul pa'i 'khor los sprul
191b5 lugs bstan// gcod pa'i 'khor los phrin las bstan// 'jam dpal sku yi sgrub pa rdzogs// zhes gsungs so// sku gsung thugs kyi rgyud las/ sku'i sgrub pa'i le'u ste bcu drug pa'o//// de nas yang
191b6 ston pas bka' stsal pa/nyon cig rdo rje rigs kyi 'khor// pad+ma gsung gi sgrub pa yang// rgya chad phyogs lhung med par bstan// rta skad mtha' mas spyod pa bstan// sngags dang dam tshig dbang du bsdu// rta skad
192a1 dang po gnas lugs te// yi ge 'bru bzhi shes par bya// ka kha ga nga tshogs kyis bstan// tho chen gnas lugs gdams par gyis// rta skad bar mas lta ba brtag/ tshom bu bzhi tshoms brtag pa
192a2 gnyis// chos kyi sgo mo sgra skad gsung// ka dang a sogs grogs kyi shes// rta skad mtha' ma phrin las bzhi// srog dang snying pos srog phrogs te// rta skad dang pos bsngag par bya// rta skad gnyis pas dran du
192a3 gzhug/rta skad gsum pas dbang du bsdu// rta skad mtha' ma'i go rim mo// zhes gsungs so// sku gsung thugs kyi rgyud las/ gsung gi le'u ste bcu bdun pa'o//// de nas yang ston pas bka' stsal pa/
192a4 nyon cig rdo rje 'dzin pa sogs// yang dag thugs kyi sgrub pa yang// ru lu 'bru brgyad dgongs par 'dus// ru lu'i ngo bo chos nyid yin// ru lu'i 'phro 'du spro lugs dang// ru lu'i rnam par dpe go dang// ru
192a5 lu'i mthar rdzogs 'bras bu rdzogs// ru lu'i chos nyid gnas lugs te// dpal chen rang bzhin bstan par bya// rang bzhin ye nas bcos pa med// de la rgya chad phyogs lhung med// ma bcos pas na rang byung
192a6 yin// rang bzhin ci yang yin par shes// ru ni chos nyid dbyings su gcig/ lu ni gnas lugs skye ba med// ru lu skye 'gag med pa yin// hUM ni thams cad snying po la// b+h+yo ni ma mo'i b+ha gar shes// ru lu chos
192b1 nyid don du sbyar// ru lu'i 'phro 'du bstan pa ni// ting 'dzin gsum gyis khog phub la// sems dpa'i rang bzhin gsal byas la// ru lu stags su spro ba dang// ru lu mtshon char spro ba'o// mchod sbyangs dregs
192b2 pa tshar bcad yin// bskyed dang rdzogs pa'i don zhes bya// ru lu dbyangs su shes bya ste// dung nge breng nge sha rtsa ba// gar rtsa ba dang cang ka de// bang ka ste la sogs pa'i dbyangs// srod dang tho rangs dus drug
192b3 blangs// nyams dga' zil gyis gnon pa yin// ru lu lha yi rnam pa yin// ru lu dkyil 'khor chen po yin// ru lu phrin las rang bzhin yin// ru lu spyan drang bstod pa yin// ru lu chos nyid de ltar yin// ru
192b4 lu don rtogs blta ba yin// goms pa mthar phyin 'bras bu yin// snang ba thams cad sku ru rtogs// grags pa thams cad gsung du shes// gnyis su med par rtogs pa thugs// dpal chen re ba mi byed
192b5 de// ngan song gnas la dogs mi byed// las 'dzin khur 'grogs rang ngo shes// zhes gsungs so// sku gsung thugs kyi rgyud las/ ru lu 'bru brgyad kyi le'u ste bco brgyad pa'o//// de nas ston pas
192b6 bka' stsal pa// nyon cig lag na rdo rje sogs// bdud rtsi yon tan sgrub pa ni// bdud rtsi rnam pa bzhir 'dus te// chos nyid bdud rtsi bstan pa dang// lha sngags bdud rtsi bstan pa dang// dam rdzas bdud rtsi
193a1 bstan pa dang// sman mchog bdud rtsi bstan pa'o// chos nyid bdud rtsi zhes bya ba// ma rig 'khrul pa bdud yin gyis// gnas lugs ye shes rig pa rtsi// thos par byas pa'i bdud rtsi
193a2 yin// gnas lugs ma bcos rgya chad med// phyogs med rang byung su za ba// rigs drug nyon mongs bdud kyi rtsi// nyon mongs brgyad khri bzhi stong bdud// chos sgo brgyad khri bzhi stong rtsi// chos nyid bdud rtsi che
193a3 mchog yin// lha sngags bdud rtsi bstan pa ni// phung po rnam lnga bdud yin te// che mchog rigs lnga'i rtsi yis btang// dam pa rigs brgyas rtogs tshogs bsgyur// oM AHhUM/ sarba pany+tsa a mr-i ta hUM hrI tha/ lha
193a4 sngags bdud rtsir shes par bya// yon tan bsam gyis mi khyab pas// don mchog bdud rtsi zhes bya'o// dam rdzas bdud rtsi bstan pa ni// dam rdzas rnams la skyon med de// rnam rtog bdud la rtog med
193a5 rtsi// mnyam nyid yon tan che mchog rtsi// sman rnams bdud rtsi zhes bya ba// 'du bar gyur pa bdud rnams la// sman la sel med mkhas pas btang// nad kyi bdud la sman gyi rtsi// bdud rtsi'i yon tan bsam
193a6 mi khyab// ces gsungs so// sku gsung thugs kyi rgyud las/ bdud rtsi'i le'u ste bcu dgu pa'o//// de nas ston pas bka' stsal pa// nyon cig rdo rje 'dzin pa sogs// phur bu thal 'byin dgongs pa
193b1 ni// chos nyid ye shes phur pa dang// gsang ba byang sems phur pa dang// tshad med sprul pa'i phur pa dang// mtshan ma rdzas kyi phur pa bzhi// gdab pa'i yul dang gdab pa'i thabs// thebs pa'i tshad dang
193b2 ma theb skyon// thebs pa'i 'bras bu phur bu rdzogs// chos nyid ye shes phur pa de// yul ni chos kyi dbyings la gdab// gdab thabs shes bya bzhi bskor thabs// thebs tshad gzhi lam gnyis su
193b3 med// ma thebs nyon mongs rgyud drug 'khor// 'bras bu yul med chos kyi sku// gsang ba byang sems phur pa de// rtog tshogs yum gyi mkha' la gdab// mkha' la rgyal ba'i sras rnams bskyed// de la phur pa
193b4 ma thebs na// sems dpa'i dkyil 'khor bskyed mi nus// 'bras bu mtshon pa'i longs sku 'byung// tshad med sprul pa'i phur pa ni// rigs drug 'khor ba'i yul la gdab// ma btab 'khor ba drug tu
193b5 'khyams// btab pas thugs rje thabs kyis zin// thugs rje'i dpyang thag chad pa'i phyir// 'bras bu 'gro don sprul skur rdzogs// mtshan ma rdzas kyi phur pa ni// bstan dgra dmigs pa'i tshul gyis
193b6 gdab// thebs tshad phrin las rnam bzhir brtag/ ma thebs ma shes dgra bgegs der// 'bras bu sku lnga ye shes 'thob// yang dag dgra bgegs zhi ba'i phyir// phur pa phrin las rim par bstan// sku
194a1 gsung thugs kyi rgyud las/phur pa gdab pa'i le'u ste nyi shu pa'o//// de nas ston pas bka' stsal pa// nyon cig rdo rje 'dzin pa sogs// ma mo rbod gtong sgrub pa ni// chos nyid gzhi
194a2 yi ma mo dang// rtogs pa ye shes ma mo dang/ 'khrul pa las kyi ma mor 'dus// ma ni snying po'i gnas lugs yin// mo ni 'khor 'das gnas lugs yin// ma ni ma bcos kun gyi gzhi// mo ni gzhi las cir
194a3 yang srid// ma ni phyogs lhung rgya chad med// mo ni rang byung kun gyi gzhi// ma ni snang srid nga las byung// chos nyid kun gzhi'i ma mo yin// ma ni chos kyi sku yin no// mo ni longs spyod rdzogs pa'i sku// ma mo kun
194a4 gyi yum yin no// 'khor 'das ma lus 'byung sprul sku// ye nas ma shes ye shes yin// 'byung lnga phyi yi ma mo yin// sha khrag drod dbugs nang ma mo// rang sems kun srid gsang ba yin// kun gyi las byed las
194a5 ma mo// ri rab srid pa'i yum drug nas// gang rgyu srin mo la sogs pa// gdul bya rten gyi ma mo yin// rtsa la zhon nas khrag la rgyu// don snying yan lag dbang por brgyud// 'byung 'jug dwangs snyigs las byed
194a6 pas// rnam shes nang gi ma mo yin// rang sems rnam shes rta zhon nas// yid rgyud 'gyu dran 'dzin chags kyis// chags sdang ye shes las byed pas// gsang ba sems kyi ma mo yin// ye shes ma mo dbyings kyi
194b1 yum la rbad// dbyings dang ye shes gnyis su med// ma rbad dbyings kyis ye shes 'khor// las kyi ma mo dgra la rbad// dgra bgegs bdun rgyud rtsa ba chad// ma rbad bstan pa'i chos la gnod// ye shes ma mo
194b2 skye ba med// las kyi ma mo 'gag pa med// ma mo'i rigs te bsam mi khyab// phyi nang gsang ba'i ma mo nas// nges pa don gyi ma mo dang// dbyings kyi ye shes ma mo dang// phan gnod phyi yi ma mo dang// phan
194b3 gnod nang gi ma mo dang// phan gnod gsang ba'i ma mo dang// sprul pa dam tshig ma mo rnams// rtsa la gnas shing khrag la rgyu// rtsa rlung ma mor zhal 'chos dang// sha za khrag 'thung srog la gcod// bkrag
194b4 mdangs 'khrog cing dbugs rngub pas// pho nya rbod gtong ma mor byas// zhes gsungs so// sku gsung thugs kyi rgyud las// rbod gtong ma mo'i le'u ste nyer gcig pa'o//// de nas bcom ldan 'das
194b5 kyis 'jig rten pa thams cad dbang du bsdus nas/de yi las la rnam gnyis gsungs// nyon cig rdo rje 'dzin pa sogs// 'jig rten las la rnam gnyis te// 'jig rten mchod bstod sgrub pa ni// 'jig rten
194b6 pho mo tshogs la ste// pha mes rgyud nas chags pa dang// slob dpon rgyud nas chags pa dang// rigs rgyud sngon nas chags pa dang// 'dug sa gnas shing chags pa dang// legs nyes zhal lces chags pa
195a1 dang// mgon skyabs stong grogs lha brgyad ni// phyaugs su mchod cing bstan pa dang// lus dang grib bzhin 'grogs pa yin// shin tu nye bar bsten thabs la/ khang bu bca' zhing rten btsugs
195a2 la// tshul bzhin mchod cing dam bsres pas// ji ltar bcol ba'i las byed de// 'jig rten mchod bstod sgrub pa yin/ khyi snying phru la chags ltar 'khor// zhes gsungs so// sku gsung thugs kyi rgyud las/
195a3 'jig rten mchod bstod sgrub pa'i le'u ste nyer gnyis pa'o//// de nas yang bcom ldan 'das rdo rje 'chang chen pos bstan pa'i ru gzugs pa'i phyir/ dregs pa thams cad dbang du bsdu ba'i ting nge 'dzin/
195a4 rdo rje 'od 'phros pa zhes bya ba la snyoms par zhugs so// de ma thag tu lha dang klu dang gza' rgod dang/ bdud dang/ gshin rje dang/ ma mo dang/ gnod sbyin dang/ btsan dang/ srin po la sogs pa thams cad
195a5 kyi gzugs kyi ba spu dang/skra thams cad langs/ snying ni 'dar// sems dang yid rnam shes stong pa ltar bsngangs te/ skad cig ma la bcom ldan 'das kyi spyan sngar lhags nas 'dar zhing yed yed phyag dang
195a6 bskor ba byas te/rang rang gi srog gi snying po mdongs gsol du phul ba las/ de dag kun kyang bcom ldan 'das kyis dbang du bsdus so// de yang lha yi gtso bo zhe sdang can tshangs pa nga rgyal can khyab 'jug
195b1 dang/'dod chags can ma hA de wa dang/ gti mug can dbang phyug chen po gsum mo// klu rigs kyi gdug pa can lnga la klu bdud nag po dang 'chi bdag go/ gza' du ba mjug rings lcags kyi mdog/ gza'
195b2 phur snying 'byin rkang gcig mgo dgu po/bdud ngo bzhin nag po 'dzum med/ nag po me dug gi kha rlangs can dang/ bram thog ri ti 'gong g.yag la sogs dang/ ma mo ral gcig khrag 'thung dang// dbugs len mdangs 'phrog rtsad
195b3 gcod ma rnams dang/gshin rje dmar nag reg chod rnams// btsan a gi ba bzhi sde brgyad dang/ gnam lcags thog 'bebs la sogs rnams dang/ gtsug na me 'bar la sogs gnod sbyin rnams dang/ lang ka mgrin sngon gdong
195b4 dmar la sogs srin po rnams dang/srog bdag rgyal po dkar nag dang/ dge bsnyen klu tsha la sogs pa thams cad dbang du bsdus te/ sangs rgyas kyi bstan pa bsrung zhing legs nyes kyi stangs 'byed du dbang bskur ro// dam la
195b5 gnas shing bstan pa bsrung bar gyis shig/ces gsungs so// sku gsung thugs kyi rgyud las/ dregs pa can dbang du bsdus te las khrims phog pa'i le'u ste nyer gsum pa'o//// de nas bcom ldan 'das kyis bka' stsal pa/
195b6 nyon cig rdo rje 'dzin pa sogs// dmod pa drag sngags sgrub pa la// srog dang snying po gnyis kyis bsgrub// srog ni gzugs la snying po min// 'jig rten 'das dang ma 'das pa'i// srog dang srog gi snying po las// mi gtong
196a1 'dzin pa srog yin te// rang dbang med pa'i snying po yin// 'da' bar dka' ba dam tshig yin// sku gzugs snang bar gsal bas srog/ btags pa de mtshon snying po min// ming la drag sngags
196a2 bdun gyis bod// re re la yang bdun bdun no// de bod dmod pa drag sngags bdun// rigs nas bod dang ming nas bod// gsang mtshan mtshang nas bod pa dang// rang btags srog nas bod pa bdun// gang
196a3 zag sgrub par shes par bya// de la lha yi bod pa bdun// d+he ba ming la rdul ni rigs// ke 'u gsang mtshan shi sa mtshang// a ni rang rtags srog snying yin// sa ma ya ni dam tshig go/ de rnams gcig tu dril nas
196a4 bod// tshangs pa khyab 'jug ma hA de// dbang phyug la sogs lha rnams la// de las 'das pa'i drag sngags med// klu yi rigs kyi bod pa bdun// nA ga nas drangs ming yin te// tsa tas drangs na gsang mtshan
196a5 yin// hu ya zhes ni rigs nas bod// shu ya bya ba mtshang yin no// phu ni ya ste srog snying yin// sa ma ya ni dam tshig la// de rnams dril bas klu la bod// gnod sbyin la yang bod pa bdun// yak+Sha nas drangs ming
196a6 yin te/len gyis drags na mtshang yin no// dzaM gyis drangs na gsang mtshan yin// ku be ra ni rigs su shes// k+Sha ni rang rtags srog snying yin// sa ma ya ni dam tshig la// gcig tu drags na dril ba
196b1 yin// gnod sbyin sgrub 'dod de ltar bod// srin po bdud kyi 'di lta ste// raka shas drangs na ming yin te// pra mas drangs na gsang mtshan yin// ru nas drangs pa mtshang du 'jug/ tra zhes bya ba rigs yin
196b2 no// tri ni rang rtags srog tu bya// sa ma ya ni dam tshig la// de rnams gcig tu dril ba'o// srin po sgrub 'dod de ltar bsgrub// ma mo bdun ni 'di lta ste// ma mo drangs pa ming yin te// kA la rigs nas bod pa
196b3 yin// ru ru mtshang nas baud pa yin// trag ni rang rtags srog yin la// ma hA ru ru gsang mtshan yin// sa ma ya ni dam tshig go/ gnyis gsum drug ka dril bas bod// bdud kyi bod pa bdun po ni// phra mas
196b4 drangs na ming du bos// du ru ye ya rigs su 'jug/ tsan tis drangs na mtshang yin no// badzra thibs ni gsang mtshan no// du tri rang rtags srog snying yin// sa ma ya ni dam tshig yin// gnyis sam drug sdeb dril
196b5 ba yin// rgyal rigs bdun ni 'di lta ste// gang gis drangs pa ming yin te// rA dza rigs nas bod pa yin// b+ha ga song nas bod pa yin// badzra gsang mtshan tri srog snying// sa ma ya ni dam tshig go/ sdeb nas
196b6 kun tshang dril ba yin// ging gi bdun yang 'di dag ste// ging ka ming la rA tsa rigs// sham ni mtshang la tri ni rtags// tsa pa gsang mtshan bod pa yin// sa ma ya ni dam tshig go/ de rnams gcig tu dril bas
197a1 bod// the brang sa d+hus drangs na ming// tri'u mtshang la trI du rtags// badzra gsang mtshan ya tri rigs// dam tshig dral ba bdun yin no// gshin rje'i bdun ni 'di rnams te// hri sti ming la tri sna
197a2 mtshang// ya me gsang mtshan ya ma rigs// yak+Sha rang rtags srog snying rigs// sa ma ya ni dam tshig la// gcig nas drug sdeb dril ba yin// 'jig rten kun 'jug khyab 'jug gza'// ka tas drangs na ming
197a3 nas bod// rA hu la ni mtshang yin no// tsa pa ti drangs gsang mtshan la// ya mas drangs na pha ma'i rigs// pa sha rang rtags srog snying yin// sa ma ya ni dam tshig go/ ming nas dam tshig bar du mtshang// dril
197a4 nas bod rbad las sbyor yin// dregs pas sgrub pa de bzhin byos// legs par ma shes rang srog phung// legs par rtogs shing mkhas par gyis// ming nas bod pa rnal ma yin// mtshang ni mtshang tshig brus pa
197a5 ste// mi 'ong ba yi rang dbang med// gsang mtshan rgyal ba slob dpon dka'// bka' las mi 'da' 'ong bar 'gyur// dam tshig sngon gyi khas blangs yin// dam las mi 'da' 'ong bar 'gyur// srog nas bos
197a6 pas rang gis rang// bskul nas rang dbang med par 'ong// rigs ni pha yi cho 'brang ste// nye bar 'ong nas las byed de// dril nas bod pas 'grub par byed// rkyang ba gnyis sdeb gsum du dril// bzhi tshang lnga
197b1 dril drug ka dril// sham bu'i sngags dang bdun ldan na// dmod mo'i las 'grub gdon mi za// zhes gsungs so// sku gsung thugs kyi rgyud las/ drag sngags dmod pa'i le'u ste nyer bzhi pa'o//// de nas
197b2 ston pas bka' stsal pa// nyon cig rdo rje 'dzin pa sogs// sgrub pa 'das dang 'jig rten la// srog snying gnyis kyi bsgrub pa bya// srog ni sku gsal gzugs gsal yin// snying po dpa' bo 'bru lnga dang// ya ma
197b3 nA ga tri la sogs// drag sngags mi mtshang bod pa ste// bsnyen pa bsgrub dang las sngags yin// srog ni gsal ba gsum gyis 'phrog/ dang po yid la gsal bar bya// dngos po lta bur gsal bar
197b4 bsam// gnyis pa dbang po'i yul la gsal// bltas shing dngos po lta bur mthong// dper na chu nang zla ba bzhin// dngos med dngos por gsal ba'o// gsum pa lus kyi reg byar gsal// che chung ci yang
197b5 dngos su snang// yul gsum gsal ba rab kyi tshad// 'jig rten pa yi tshad yin no// gdams ngag myur du gdab pa yin// dngos po'i bdud kyis bslus pa ste// yul med gdams pa rab tu gces// gsal
197b6 stong don rtogs dngos su 'khor// srog gi don po dgu dang ldan// mthong dang reg dang phra ba dang// 'dres dang gtam dang gcugs pa dang// bsgo dang nyan dang las byed dngos// 'jig rten srog gi don po
198a1 dgu'o// sems shar rang byung ma bcos pa// rgya chad phyogs med lhun grub pa// mnyam nyid gnyis med ngos med dang// 'gyur med chos sku chen po ni// nang ltar srog ni gzhi la dgu// rnam shes
198a2 don ster mthong ba med// yul med ming bral yin pa med// ci yang ma yin min pa med// yin pa med dang spang blang med// shin tu gsang ba'i srog thob yin// lta ba mthong na sgom byed mkhan// lta spyod rang
198a3 sems dngos su spyod// nor bu rin chen 'chang ba 'dra// sku gsung thugs kyi rgyud las/ sgrub pa don po dgu phyi nang gsang ba gsum du thob pa'i tshad bstan pa'i le'u ste nyer lnga pa'o//// de nas ston pas
198a4 bka' stsal pa// nyon cig 'dus pa rdo rje'i 'khor// de bzhin sgrub pa'i las byed pa// lo dang zla ba gza' skar la// dus 'dzom dus ni bzang 'jug bya// byi phag gnyis ni bsdus pa'i lo// stag yos gnyis ni
198a5 bskyed pa'i lo// rta sbrul gnyis ni smod pa'i lo// bya sbrel gnyis ni gcod pa'i lo// glang lug khyi 'brug gdug pa'i lo// ma bu dgra grogs rang gshed brtag/ ra ba 'bring po tha chung ste// bsnyen bsgrub las
198a6 gsum mkhas pas 'jug/'bod rbad bsad gsum 'grub par byed// rgyal blon khams dang rgyu dus kyi// thebs ldog las kun mkhas pas brtag/ shar lho nub byang skar skor bdun// gang tshes nya stong lo
198b1 gza' bsten// bzang ngan dus tshod mkhas pas brtag/ nga yi theg chen yangs pa 'di// phan gnod las kun mdor bsdus bstan// 'gro drug phyi nang rgyu 'bras kyi// theg pa sa lam grub pa'i mtha'// 'bros
198b2 dang log non bzhi nas brtsi// yul med ming bral 'dod phugs gtib// bden nyams rdzun nyams dang po yin// zhes gsungs so// sku gsung thugs kyi rgyud las/ 'brel pa log non gyi le'u ste nyer drug
198b3 pa'o//// de nas bcom ldan 'das kyis bka' stsal pa/ nyon cig rdo rje 'dzin rigs 'khor// gsang sngags rdo rje'i theg pa 'dir// thams cad 'brel te 'dus pa yin// rgyu dang lung dang man ngag
198b4 gsum// yi ge gsum gyi dgongs pa yin// bskyed dang rdzogs dang rdzogs pa che// rdzong 'phrang gsum gyi mtha' la gtug/ rnal 'byor gsum gyis nyams su blang// lta sgom spyod pa 'bras bu yin// bskyed pa'i
198b5 rdzong dang bskyed pa'i 'phrang// rdzogs pa'i rdzong dang rdzogs pa'i 'phrang// rdzogs chen rdzong dang rdzogs chen 'phrang// yo ga gsum du rig par bya// bde gshegs snying po sems nyid do// ma bcas rang yan rgya
198b6 phyogs med// 'khor 'das snang srid de las bskyed// kun gzhi sems kyi rdzong chen ma hA yin// dus gsum rgyal ba'i dgongs pa de ka rgyud/ khams gsum rigs drug 'khrul 'khor sdug bsngal rgyud// ye shes
199a1 'khrul pa'i 'phrang las bskyed pa'o// don dam ngo bo ma skyes kyang// kun rdzob lha yi dkyil 'khor du// rim gyis bskyed pa ma hA yo ga yin// kun gzhi snying po sems la rdzogs// rang bzhin lhun
199a2 gyis grub pa'i rdzong// lung mchog ma bcos rang byung lung// rgya chad phyogs lhung med par rdzogs// spyi sa kun gzhi rdzong chen las// 'gyu dran 'dzin chags 'phrang rtog 'khrul// a nu yo ga'i lung zhes bya// snying
199a3 po'i don la kun ka rdzogs// bcos dang ma bcos gnyis ka'i rdzong// phyogs su 'dod pa'i 'phrang las thar// bskyed dang rdzogs pa gnyis ka'i rdzong// gong 'og phyogs 'dod 'phrang las thar// rang byung rdzogs
199a4 chen 'gran med rdzong// re ltos grub pa'i 'phrang las thar// 'gran med rdzogs pa chen po yin// ye nas shes la bcos pa med// ces gsungs so// sku gsung thugs kyi rgyud las/ yo ga gsum gyi rdzogs 'phrang
199a5 gi le'u ste nyer bdun pa'o//// de nas yang bka' stsal pa/ nyon cig lag na rdo rje 'dzin// gsang sngags 'bras bu bla med 'di// lta spyod gnyis su shes par gyis// bskyed dang rdzogs dang rdzogs pa
199a6 che// bskyed pa rgyud kyi lta ba ni// thams cad shes rab gnyis med blta// sku gsung thugs dang yon tan dang// phrin las rnam pa lnga ru spyod// rdzogs pa lung gi lta ba ni// dbyings dang ye shes gnyis med
199b1 blta// kun bzang yab yum sras ltar spyod// man ngag rdzogs chen lta ba ni// rang byung ye shes phyogs med blta// dgag sgrub spang blang med par spyod// thabs kyi rdzong la shes rab 'phrang// lta ba'i rdzong la spyod
199b2 pa'i 'phrang// sku gsung thugs kyi 'phrang la gzung// dbyings kyi rdzong la ye shes ltos// bzang ngan med pa'i 'phrang du spyod// rang byung rdzong la phyogs med ltos// spang blang med pa'i 'phrang du spyod// thabs shes
199b3 dkyil 'khor lta ba la// don dam skye med kun rdzob dgras/ 'dod pa'i 'phrang la 'jigs pa'i bdud// 'khor ba'i g.yang sar lhung bar mchi// kun rdzob dus na don dam yin// thabs kyi nges na shes rab
199b4 yin// bskyed pa'i dus na rdzogs pa yin// sku dang ye shes de ltar 'grub// lha yi dkyil 'khor dbyings su 'dod// yum dang sras kyi dgra de 'phrang// 'dod pa'i 'phrang la 'jigs pa'i bdud// 'dod pa 'khor
199b5 ba'i g.yang la ltung// dbyings dang rig pa'i ye shes so// dbyings dang ye shes gnyis su med// dbyings kyang rang las byung shes pas// ye shes yul med rang byung rig/ yab yum sras kyi 'dod pa bral/ lta
199b6 spyod gnyis kyi mtha' las grol// rdzogs pa'i dus na rdzogs chen yin// snang srid sems su blta ba la// phyogs med phyogs blta gsang ba'i ngag kha 'khyams nag 'khyams 'jigs pa'i 'phrang// thar med rdo
200a1 rje'i g.yang la lhung// rang sems rgya chad phyogs lhung med// rang byung chos sku ye nas yin// lta ba'i rdzong la spyod pa'i 'phrang// sbyor sgrol phyi nang gsang ba gsum// thabs kyi rdzong dang shes rab
200a2 rdzong// rig pa rang byung gnyis med rdzong// bskyed pa rgyud kyi rdzong du shes// bsnyen bsgrub cho ga sgrub pa'i lam// sbyor sgrol nyams len spyod pa'i 'phrang// rgyud kyi lugs su mkhas pas spyad// dbyings kyi rdzong
200a3 dang ye shes rdzong// lus gnyis sbyor ba'i ting 'dzin 'phrang// sgyu lus 'pho shes rdzong 'phrang ni// rdzogs pa lung gi rdzong 'phrang ngo// gnas lugs bzhi skor rdzogs pa'i rdzong// chos can gcig la chos kun
200a4 rdzong// mi yengs mnyam gzhag sgom pa'i 'phrang// cir spyad rang byung spyod pa'i 'phrang// man ngag rdzogs chen rdzong 'phrang yin// gsang ba'i dgra gsum bsad pas 'jigs pa'i bdud bzhi choms// 'gro drug
200a5 g.yang sa bcad pas 'da' dka'i 'phrang las grol// ces gsungs so// sku gsung thugs kyi rgyud las/ yo ga gsum gyi lta spyod rdzong 'phrang du bstan pa'i le'u ste nyer brgyad pa'o//// de nas yang bka'
200a6 stsal pa/nyon cig rdo rje rigs kyi 'khor// srung ba 'tsho byed rgyal po ni// rnam rgyal sa yi bdud rtsis bya// 'byung 'khrugs nad dang rkyen byed bgegs// byang chub sgrub pa'i grogs chen yin// dge bshes rnal
200b1 'byor sngags 'chang nas// byis pa pho mo gtsang ma dang// wa spyang brun yang bag cig gtang// bdud rtsi rnam lnga tshil chen gtang/ khyi phag sha tshil brun yang gtang// byang chub sems rnams tshogs tshad
200b2 bsag/bzang drug la sogs 'bras bu gsum// chos kyi sman gyis gtso bo bya// mar bag gro dang bsil sman dang// cong zhi mu zi ra mo shags// gu gul rgya tshil ma gi ta// tsan dan ga pur la sogs
200b3 te// grogs kyi rta ni bsag par bya// bdud rtsi dri chen khal gcig gam// ci 'byor ci mang legs bskams dang// bum pa brtsegs mar ldugs pa'i tshe// mar khu'i kha brus btab byas la// tshil chen bcud can
200b4 rus pa gzhug/shin tu dod nang bum pa gzhug/ sa mtshams bum pa brtsegs byas te// gsang sgo bum pa lnga mas brib// shin tu gdug pa'i shing brtsigs te// me bcug 'bar ba'i bar dag du// chu gtor glud
200b5 gtor phud gtang la// bden pa bdar la mtshams bcad de// bum pa yi dam dkyil 'khor dmigs// dri chen lha tshogs khros par dmigs// lcags sam gtsub shing me bton la// gdug pa'i shing la spar
200b6 bar bya// bsnyen sgrub yi dam gzhung du bsrang// gtor tshogs mchod pa ci ldan dbul// dri rlangs mi gtang kha sbub bsdam// zhag gcig dag tu me mi gcad// mi shi dngos grub tshul du blangs// rang bza' lha la
201a1 mchod pa bya// bdud rtsi mar khu rin chen snod// lo 'am zla ba'i zhag grangs su// gzhan la mi bstan gsang bar bya// dngos grub mi yal dam tshig yin// ces gsungs so// sku gsung thugs kyi
201a2 rgyud las/rdzas bsag cing bdud rtsir bzhu ba'i le'u ste nyer dgu pa'o//// de nas lag na rdo rje stan las langs nas/ gtso bo'i mdun du 'dug gdong du bltas nas mig mi 'dzum par thal mo sbyar te
201a3 gus par btud nas 'di skad ces gsol to// kye kye ston pa rdo rje 'chang// bdud rtsi mar khu de la ni// yon tan ji tsam 'byung ba lags// grogs su gang dang sbyor bar bya// zhes gsol pas/ rdo rje 'chang gis
201a4 bka' stsal pa// nyon cig rdo rje 'dzin pa khyod// bdud rtsi mar khu bza' bar bya// tshe dang bsod nams 'phel ba dang// 'byung ba snyoms nas lus bde ste// bgegs kyis mi tshugs rims mi 'ong// 'gro ba
201a5 rnams kyi mgon du gyur// kun la phan thogs nor bu 'dra// gnod pas mi tshugs nam mkha' 'dra// 'chi bas 'jigs pas tshe bsgrub ste// bdud rtsi mar khu bre re la// zhun chen bre re rtsa ba'i phrad// mar rnying bre
201a6 re de bzhin phrad// a ru ra stong ba ru skyur// rdog po 'ga' 'ga' grogs su gtang// bzang po drug ni bong dang sbyar// zhib par btags te sbrus byas la// ril bu mthe bong ril ma tsam// cong zi chos sman rkang
201b1 par gtang// lo dang lo dus ri lu bza'// cong zi chu ba 'o ma grogs/ stong nyid lta bsgom gsang sngags bzlas/ kham zas spangs pas chog pa ste// drag shul mi bya shes pa bsgrib// yid dang ngag gis brtson
201b2 'grus bya// tshe lo dpag tu med pa thub// bcud mchog bdud rtsi mar khu 'di// lo gcig zos pas lo brgya thub// longs spyod nor gyi bdag por 'gyur// lo gsum zos na sum brgya thub// gling gcig nor la
201b3 dbang byed 'gyur// lo bzhi zos na ma mo dang// mkha' 'gro ma yis grogs byed de// mi mo rnams la dbang byed 'gyur// lo lnga zos na skyes pa 'du// rgyal po'i rgyal srid ster bar 'gyur// lo drug lo bdun
201b4 zos pas ni// 'og gi klu la dbang byed 'gyur// lo brgyad lo dgu 'di zos na// dug dang dug gis tshugs med 'gyur// lo bcur zos na mtshon dang me// bsad pas mi sod tshe la dbang// mi med ri dwags
201b5 wa spyang bya// mi rgod sa gcing gnas pa yin// gzhung dang tshul du 'di bsgrubs na// nges par tshe yi rig 'dzin 'thob// ces gsungs so// sku gsung thugs kyi rgyud las/ bdud rtsi tshe sgrub bcud len gyi le'u ste
201b6 sum cu pa'o//// de nas yang bka' stsal pa/ nyon cig rdo rje 'dzin pa che// gdug pa klu dang 'gras pa'i mis// 'dze 'phro gcad pa tshur log pas// bdud rtsi mar khu bdud rtsir sbyar// gu gul tshil chen
202a1 rta bon dang// gla rtsi bo ngas lus byug bza'// gsang bdag bya khyung rta mgrin bsgom// yi dam bsnyen sgrub sngags bzlas gdab// zhag grags bdun du zos bsgrub na// yang na mdze yi nad
202a2 las thar// bdud rtsi mar khu de nyid dang// cong zi gu gul rgya tshar sbyar// sngags bzlas zos na gag pa thub// skrangs 'bur nad las grol bar byed// bdud rtsi bzang drug sle tres dang// shu dag dkar po gla rtsi
202a3 sbyar// sngags bzlas zos na rims las thar// bdud rtsi sgog skya gla rtsi dang// nyung dkar mi rus mu zi sbyar// zos pas 'brum bu dkar nag gi/ nad rims las ni thar bar 'gyur// bdud rtsi a ru ra dang
202a4 ni// zangs g.ya' a ba lca 'brum dang// zhim thig le dang sbyar zos na// mig gi nad las grol bar byed// bdud rtsi skyer pa'i mkhr-is pa dang// ti rtse mu zi sbyar byugs na// me yi nad las grol bar
202a5 'gyur// bdud rtsi sgog skya rdog gcig ma// nyung 'bras mar khu nyung dkar sbyar// dug las grol bar byed pa yin// bdud rtsi kyi gu'i klad pa dang// ro tsha na tshil khu ba dang// dom gyi mkhris pas dug nad
202a6 sel// lo drug sbyar ba'i dug las thar// bdud rtsi mkhris pa thar nur sbyar// za 'phrug gang nar byug pas grol// 'o mar bdud rtsi mu zi byug/ shu ba'i nad las grol bar byed// bdud rtsi sgog skya byi tang ka/ gla
202b1 rtsi sbyar na srin las grol// bdud rtsi lga dang pi pi ling// pho ba ris dang bu ram sbyar// ku ku rA tsa'i pags pa gding// gtum mo me yi ting 'dzin bya// grang ba'i nad las thar bar byed// bdud rtsi tsan dan
202b2 dkar po dang// cu gang dkar po dri chu dang// kha ba'i sman dang sbyar la gtang// tsha ba'i nad las thar bar 'gyur// bdud rtsi gu gul rgya tshil dang// ti tshe ra gzhob ko gzhob dang/ khrag rul btsan dug la
202b3 sogs sbyar// skrangs pa'i nad las grol bar byed// bdud rtsi sman lga ra dug rtsa// pho logs nad las thar bar byed// bdud rtsi gu gul srub ka sbyar// 'bras kyi nad las grol bar byed// bdud rtsi gla rtsi mu zi
202b4 dang// shu dag kyi lce dang sbyar na// sha 'khrig thal mig nad las thar// bdud rtsi ra mo shag sbyar na// lus bde bcud len shin tu bzang// bdud rtsi 'o ma sbyar zos na// shin tu sha mdangs dkar ba
202b5 yin// bdud rtsi tsha sna bu ram dang// gze mar sbyar na mkhal nad 'tsho// bdud rtsi mar khu ru rta dang// rma bya'i sgro dang sbyar bas na// rna ba'i nad las grol bar byed// bdud rtsi bya yi zas dang ni// a ru ra dang
202b6 gla rtsir sbyar// snying gi nad las grol bar byed// bdud rtsi brag zhun sbyar bas ni// mchin pa'i nad las thar bar byed// bdud rtsi ka ra sro lor sbyar// glo yi nad las grol bar byed// bdud rtsi bcud dang sbyar
203a1 bas ni// rlung gi nad las thar bar byed// bdud rtsi dur bying rgya tshwar sbyar// bu yi nad las grol bar byed// bdud rtsi klad pa sna tshogs sbyar// mgo yi nad las thar bar byaid// bdud rtsi snum
203a2 dang sbyar byas na// bsku mnye byas te de bzhin phan// bdud rtsi cu gang ka ra sogs// gzer ba'i nad las grol bar byed// bdud rtsi byang chub sems dang sbyar// bdud rtsi pad+ma'i khrag dang sbyar// bdud rtsi ru rta
203a3 ra mo shag/rkang mgyogs dngos grub 'thob par byed// bdud rtsi 'ug pa srin bya'i mig/ zos na mtshan mo mthong ba yin// ces gsungs so// sku gsung thugs kyi rgyud las/ bdud rtsi zos pa'i yon tan gyi le'u
203a4 ste so gcig pa'o//// de nas rdo rje 'dzin pa yis// rdo rje 'chang la 'di skad zhus// kye kye ston pa rdo rje 'chang// de ltar 'tsho byed sman gsungs nas// skor 'go phan gnod las rnams gang// rang gshed
203a5 spar kha sme ba khams// bstan pa bsrung phyir gsung du gsol// ces gsol pas/ rdo rje 'chang gis bka' stsal pa// nyon cig rdo rje 'dzin pa sogs// spar kha sme ba lo gza' skar// dus tshod mtshon chas srog la
203a6 dbab// me chu shing dang sa lcags la// rang gshed rang la 'bab dus bya// kung la phur pa shing gis gdab// glang lug 'brug dang khyi yi gshed// shar skar drug dang stag yos lug/ shang la nyi ma mig dmar
203b1 dang// rta sbrul lho skar drug dang sbyar// ji la zla ba lag pa des// byi phag byang skar drug la'o/ khyi 'brug shar skar bzhi yis so// skag la pa ba sangs bya sprel// nub skar drug dang sbyar bar bya// kung la skag
203b2 gi thod par bya// skag la shang gi thod par bya// ji la bu yi thod par bya// shang la j-i yi thod par bya// 'u la kung gis thod par bya// gshed kyi zla ba bstan pa ni// dpyid ston ra ba stag sprel keg/ ston dpyid
203b3 'bring po bya yos keg/dpyid ston tha ma 'brug gi keg/ dbyar 'bring dgun 'bring bya rta'i keg/ dbyar dgun tha ma glang lug keg/ dbyar gun ra ba phag sbrul keg/ zhag keg dus tshod mkhas pas brtag/ rang
203b4 gshed dus la bab dus bya// pho mo skor skar dgra grogs gshed// gza' rgod 'gyu dus phung bar nges/ zhes gsungs so// sku gsung thugs kyi rgyud las/ ngan thabs gshed ma gtsug lag rtsis kyi bstan pa
203b5 bsrung ba'i le'u ste so gnyis pa'o//// de nas yang bka' stsal pa/ gsang sngags rdo rje'i theg pa 'dir// so so'i skye bo lha min nas/ khams gsum 'gro ba rigs drug dang// log lta mu stegs rtag chad
203b6 dang// nyan thos sde pa rang rgyal nas// byang sems dbu ma sems tsam dang// kr-i ya u pa yo ga ste// ma hA a nu a ti rnams// theg chen rdo rje 'di dang 'brel// don rnams la shan mkhas pas dbye// dang po rab
204a1 tu dga' ba nas// bcu pa bcu gsum sa lam yang// theg chen gnas lugs 'di dang 'brel// don 'brel don la brtsi bar bya/ gnas lugs snying po bzhi skor la// chos sku'i dgongs pa shes
204a2 par bya// shes rab pha rol phyin zhes bya// de yi don la rnal 'byor brtson// brtson 'grus pha rol phyin pa yin// gnas lugs don la yengs pa med// bsam gtan pha rol phyin pa yin// gnas lugs ma
204a3 bcos phyogs lhung med// tshul khrims pha rol phyin pa yin// snying po'i don rtogs cir yang bzod// bzod pa'i pha rol phyin pa yin// de yi gdams pa 'khor la sbyin// sbyin pa'i pha rol phyin pa yin// gnas
204a4 lugs snying po bzhi skor shes// ye shes pha rol phyin pa yin// chos sku'i snying po gnas lugs so// smon lam pha rol phyin pa rdzogs// gnas lugs tho chen bzhi yis mtshon// thabs kyi pha rol phyin pa
204a5 yin// 'khor 'das rgya thos mya ngan 'das// stobs kyi pha rol phyin pa yin// gsang sngags 'bras bu bla med 'dir// thams cad rgyun chad med par 'brel// rgyud do cog gi rtsa ba yin// de lung 'khor 'dus pho
204a6 mos blangs// lung mchog dgongs pa 'dus pa yin// tshegs med pa ru gsang ba shes// man ngag tshegs chung don chen yin// des ni rang dbang rang rig thob// dbang mchog rgyal po rang dbang yin// gnas
204b1 lugs snying po bzhi skor yin// 'da' ba'i sa med dam tshig mchog/ snying po'i dkyil la bzhi skor 'khor// dkyil 'khor 'phros pas dkyil 'khor mchog/ gnyis su med pa mchod pa'i mchog/ rnal mar rtogs
204b2 pas rnal 'byor mchog/kun la bsngags pas gsang sngags yin// kun gyi las rdzogs phrin las yin// mtshon nas brjod med bsgom pa yin// de ltar spyod pas spyad pa yin// rang ngo rang shes lha dang
204b3 mjal// chos sku 'bras bu lha yi mchog/ ces gsungs so// sku gsung thugs kyi rgyud las/ thams cad 'brel pa rdzogs tshul gyi le'u ste so gsum pa'o//// de nas yang lag na rdo rjes rdo rje 'chang la
204b4 'di skad gsol/kye kye rdo rje chos kyi sku// rgyud chen 'di yi dpe ni gang// de la mtshan du ji skad gzung// dus tshod gang du dar bar byed// ces gsol pas// rdo rje chos skus bka' stsal pa// nyon cig rig
204b5 'dzin rdo rje 'dzin// rdo rje pho mo 'dus pa'i tshogs// nga yi rgyud chen kun yangs 'dir// dper na nam mkha' ji bzhin te// phyogs bcu mi dmigs phyogs bcu'i gzhi/ kha dog ma yin kha dog gzhi// dper
204b6 na nam mkha' chen po 'dra// dper na chu yi rgya mtsho 'dra// dper na rin chen gser dang 'dra// dper na nor bu rin chen 'dra// dper na mun pa nyi ma 'dra// dper na skye 'khrungs sa dang 'dra// dper na dra ba mig
205a1 mangs 'dra// dper na rma byas dug dang 'dra// dper na sman mkhas sman dang 'dra// dper na 'jim pa'i gzugs dang 'dra// dper na sangs rgyas spyan dang 'dra// dper na sgyu ma mkhas pa
205a2 'dra// de yi rgyud chen kun grol 'di// bdud dang bdud rtsi lta bu yi// me dang shing bu lta bu yin// rgya mtsho gza' skar lta bu yin// phreng ba phreng thag lta bu yin// shel gong dar dang za 'og 'dra// de bzhin rgyud
205a3 chen kun 'brel 'dir// kun gzhi'i gnas lugs ston pas na// snying po spyi gzhi'i rgyud du zung// thams cad gang yang bcos pa med// ma bcos pa yi rgyud du zung// gang gi phyogs su lhung ba med// phyogs
205a4 lhung med pa'i rgyud du zung// gar yang rgya chad med par bstan// rgya chad med pa'i rgyud du zung// thams cad rang las byung bas na// rang byung chen po'i rgyud du zung// thams cad 'di dang 'brel pa ste// 'brel pa
205a5 chen po'i rgyud du zung// sku gsung thugs las 'gyur med pas// rdo rje chen po'i rgyud du zung// rtsa ba thams cad 'di la rdzogs// rtsa ba rdzogs pa'i rgyud du zung// lta ba sgom pa spyod pa 'bras// yi ge 'bru la
205a6 ngo sprod pas// ngo sprod chen po'i rgyud du zung// yi ge'i tshogs kyis thams cad 'grol// yi ge 'gros kyi rgyud du zung// rten de la brten gdams ngag brten// rten 'brel chen po'i rgyud du zung// yul mi gnyis
205b1 kyi sgro 'dogs gcod// 'brel pa log non rgyud du zung// bden mnyam rdzun mnyam rang med ston// rgyu zad rkyen zad rgyud du zung// zhes gsungs so// sku gsung thugs kyi rgyud las/ dpe dang mtshan gyi le'u
205b2 ste so bzhi pa'o//// de nas yang ni gdams pa ste// rdo rje 'dzin pa rdo rje'i 'khor// zung zhig gtad do rdo rje 'dzin// legs par chongs shig rigs kyi bu// nga ni mya ngan 'das 'og tu// chos la dar nub
205b3 gsum 'ong gi/dus kyi snyigs ma las ngan byed// de dus nga yi rgyud 'di 'byung// sems can bsod nams bri ba'i rtags// tshe thung nad mang longs spyod chung// nyon mongs rags te nad 'khrug 'ong// kun la
205b4 gces pa'i rgyal khrims nyams// nga spyad nga sgrin g.yo sgyu yis// de tshe rab tu byung ba kun// 'dul khrims g.yo dang khram du byed// sde pa'i gnas brtan dmag dpon byed// dge slong sgom chen khram pa
205b5 byed// dga' spyod byams sgom dag la bstod// sngags pa dam tshig mi bsrung zhing// phyi rol mu stegs sgrub pa byed// ngan sngags 'ba' zhig nang dme byed// gtso bo rtsad 'chang mna' la za// dmangs kun rang
205b6 dga' ngo tsha bral// pho ni khril shor jag choms byed// mo ni cho shor lus tshags lhod// kun kyang dkon mchog dkor la 'bagags// byis pa rgan spyod las la brtson// gnyen du bcas pas dgra ru
206a1 'ongs// zas ngan dug gi kha len byed// lhar bsten pa ni bdud du 'babs// gdon du klu dang sa bdag sdang// sna ni btsan dang rgyal pos 'dren// nad du rims dang dug gis 'debs// chos
206a2 skor dgra tshad byed pa ste// ar bas lam 'phrang bsrung zhing 'tshe/ khrims la bag tsam gnas pa'i tshe// nga yi rgyud kyis grol bar byed// rgyud chen nor bu nam mkha' 'di// nor bu nam mkha' 'di thos
206a3 pas// thos pas dred pa'i gting 'khyags dang// thos chung blo sbram rtog mang dang/ kha dkar gting nag brag gangs 'dra// gzhogs smod snying 'dod rdo gser chu// skyer tsher dar gyis gtums 'dra la// srog
206a4 chags kun pa'i kha bzhin sdom// che rgyud dregs pas bcings pa bzhin/[ u0f7c]/ btsun pa btsad po slob dpon dang// rje dpon sngags kyi snod min gsod// bstan yang drin med snod ngan gnyis// bu dang chung ma
206a5 gnyis las sba// 'jig rten rgyur 'gyur 'bred snon byed// ser snas gtong phod tshul la sdom// lta log mu stegs skyon can gzhi// dam med slob dpon mnyes mi byed// rum zhugs sems can rlung bzhin
206a6 sdom// dad pa skyon med gsang ba thug/ bla ma rnam gnyis rtag tu 'khur// bla ma mnyes byed gtong phod che// srog lus bu smad nor mi 'phangs// le lo g.yo med dam tshig brtson// tshi chen bkrag med theg chen
206b1 blo// bag yangs spyod pa gsang ba thub// dbang po skyon med yan lag bde// lus drang khams bzang nyams su len// gzhan gyis mi 'gyur gcig la gdams/ kha gcig gting gcig byis pa'i spyod// de 'dra'i
206b2 skal ldan bu yis spyod// ces gsungs so// de nas ston pa nyid mya ngan las 'das so// lag na rdo rje la sogs pa 'dus pa rnams rjes su yi rang nas mngon par bstod do// sku gsung thugs rdo rje rtsa ba thams
206b3 cad rdzogs pa'i rgyud las yongs su gtad pa'i le'u ste so lnga pa'o//// rdzogs so//// u rgyan gyi slob dpon pad+ma dang/ bod kyi dge slong nam mkha'i snying pos bsgyur cing gtan la phab
pa'o/

CLOSE WINDOW