177b4 /// rgya gar skad du/ kA ya tri A lo ka tan tra nA ma/ bod skad du/ sku gsum gyi snang ba gsal bar ngo sprod pa'i rgyud ces bya ba/ bcom ldan 'das snang ba ston pa'i dpal la
177b5 phyag 'tshal lo// 'di skad bdag gis thos pa'i dus gcig na/ dur khrod kyi gnas/ 'byung ba lnga yi bdag nyid/ 'gag pa med pa'i 'od kyi gzhal med khang zhes bya ba na/ dpal khrag 'thung gi rgyal po de/
177b6 mkha' 'gro rnams dang thabs cig tu bzhugs so// de'i tshe gsang ba'i bdag pos zhus pa// chos sku'i mtshan nyid ji ltar gnas// 'khor la ngo sprad ji ltar bgyi// longs sku'i mtshan nyid ji ltar lags// sprul
178a1 sku'i mtshan nyid ji ltar gsal// bdag gis 'khor la ji ltar bstan// sku gsum 'du 'bral yod dam med// 'gro ba'i rgyud la ji ltar sbyar// grangs dang go rim ji ltar lags// skyon dang yon
178a2 tan ji ltar gsal/khrag 'thung chen pos gsung du gsol// ces zhus so// de nas bcom ldan 'das kyis/ sku gsum gsal ba'i ngang nas bka' stsal pa/ e ma ho gsang ba'i ngo sprod bzhi// sprad lugs thabs
178a3 dang skyon yon dang/go rim grangs rnams rnam par bshad/ d+harma kA ya dz+nya ti ya/ sa sa ta ta ra du pa sa/ zhes gsungs so// ngo sprod bzhi'i rgyud las/ gleng gzhi'i le'u ste dang po'o//// e ma ho gsang
178a4 bdag nges par zung// chos sku rang byung chen po la// gnyis med mtshon pa'i yul mi gnas// me skye mi 'gag rang bzhin rnam par dag/ yon tan snang tshul brda' dang ngag gis mtshon// stong khyab 'gyur med
178a5 g.yo ba med// dag cing gsal la gos pa med// phyi nang med par gzung 'dzin bral// nam mkha' dang ni rdo rje dang/ rgya mtsho shel dang nyi ma yi// mtshan nyid gong dang ldan pa'o// rang rig 'khor la brda' don
178a6 sbyar// mthun dpe mig gi yul du ston// mtshon bya rna ba'i dbang por chug/ ces gsungs so// ngo sprod bzhi yi rgyud las/ chos sku ngo sprod pa'i le'u ste gnyis pa'o//// de nas bcom ldan
178b1 'das kyis/thugs rje rang gi ngang nas bka' stsal pa/ ye shes lnga yi rang gdangs bcas// chos nyid klong nas 'od gsal ba// ye shes rtse gcig pa yi dgongs pa ste// mnyen lcugs 'khril ldem rgyan
178b2 gyis mdzes// gsal 'tsher lhun sdug 'od zer 'phro// rnam rtog mi mnga' cir yang sa le mkhyen// snang la dngos med ye shes lhun gyis grub// gzha' tshon chu zla me long 'dra 'bag bcas// snod ldan rgyud la
178b3 gdams ngag rnam gnyis sprod// ces gsungs so// ngo sprod bzhi yi rgyud las/ longs sku ngo sprod pa'i le'u ste gsum pa'o//// de nas bcom ldan 'das kyis/ sku lnga 'od snang gi nang nas bka' stsal
178b4 pa// bde gshegs lnga yi snang ba ni// rang rig mtshan nyid 'od du gnas// gsal la mi gnas ye shes dag pa'i spyan// mtha' dbus med pas 'od du gsal// 'gag med sprul sku dus dang gnas skabs
178b5 sbyar// me mar 'od khyim me long ngos la bstan// brda' dang don du shes par gyis// zhes gsungs so// ngo sprod bzhi yi rgyud las/ sprul sku ngo sprod pa'i le'u ste bzhi pa'o//// de nas ston pa 'du 'bral
178b6 med pa'i dgongs pa dang ldan pas/dus gsum 'du 'bral med pa'i don gsungs so// rang rig chos sku gsal la rtog pa med// ye shes lnga yi mtshan nyid don dang ldan// snying po sku lnga ye nas lhun gyis
179a1 grub// de yi snang ba ye nas 'od du gsal// nyi ma'i snying po 'od dang zer du bcas// brda' dang ngag de snod ldan 'khor la bstan// ces gsungs so// ngo sprod bzhi yi rgyud las/ sku gsum 'du
179a2 'bral med par ngo sprad pa'i le'u ste lnga pa'o//// kye ma ho// gsang ba'i bdag po nges par zung// nyi zlas brgyan pa'i rin chen khang pa na// rang rig chos sku mtshan nyid ye shes lnga// de yi nang na snying po
179a3 sku lnga grub// de yi spyan gyis ri rab rtse la gsal// de rnams rang chas yin gyis gzhan du ma tshol cig/ de yi brda bzhi don dang sbyar ba gces// shel dang 'dra 'bag me long gzugs snang du// nyi ma'i dpe
179a4 bzhin rgyud la nges pa bskyed// chos kyi sku dang longs sku sprul sku dang/ sku gsum 'du 'bral med dang rnam pa bzhi// sprod pa'i yul bzhi nges pas na// sprod byed thabs kyang bzhir nges pas// chos sku gzhi
179a5 yin thams cad 'byung// longs sku'i snang ba de la 'char// de yi gsung gi snang ba las// thugs rje 'byung bas sprul pa'i sku// de rnams ye nas 'du 'bral med// thugs rje rang gi go rim yin/ e ma ho// rang
179a6 byung chen po'i go rim ni// sprul sku longs sku de yi yon tan dang// chos sku rin chen sbubs te go rim bzhi// gsang bdag sems dpa'i 'khor la gsum pa sgrogs// zhes gsungs so// ngo sprod bzhi yi rgyud las/
179b1 gang zag gi rgyud la sbyar ba dang/ grangs nges pa dang/ go rim nges par bstan pa'i le'u ste drug pa'o//// de nas yang gsungs pa/ kye ma rdzogs chen ngo sprod ma byas na/ sprul sku'i gnas lugs ci la
179b2 rtogs// ma hA'i ngo sprod ma byas na// longs sku'i gnas lugs ci la rtogs// a nu'i ngo sprod ma byas na// sku gsum 'du 'bral mi shes so// thig le nyag gcig ngo sprod kyis// chos sku'i rnam dag rtogs mi
179b3 srid// e ma ho// sprul sku'i ngo sprod bar do chod// longs sku ngo sprod lnga ldan shes// 'du 'bral med pa'i ngo sprod kyis// rdzogs ldan dgongs pa'i rtogs pa thob// chos sku'i ngo sprod rin chen sbubs// rdzogs ldan
179b4 chen po'i nges pa shes// e ma ho// ngo sprad yul ni ye nas rang chas la// rtogs pas 'du 'bral med pa'i gnas// rim par mngon du 'char bas na// ngo sprad rtogs pa thob ces bya// rig pa zang thal rtog med
179b5 dang// ye shes spyan gyi bum pa lnga// snying po lnga ni nang nas gsal// mthar thug dgongs par ngas bshad do// ngo sprod bzhi yi rgyud las/ skyon dang yon tan bstan pa'i le'u ste bdun pa'o//// de nas
179b6 lag na rdo rje dang/mkha' 'gro ma rnams dang/ gzhan yang nges pa'i 'khor rnams kyis/ stan las yangs te bskor ba len gsum du byas nas/ e ma ho sku gsum 'du 'bral med/ ngo sprod bzhi yi rgyud 'di
180a1 gtan la phab// ngo shes yid ches thag chod nas/ rang grol ngang du 'du 'bral med par gnas// ma rig mun pa sel mdzad thugs rje 'od kyi bdag/ khro gnyer rim par ldan gyi gtso
la 'dud/

CLOSE WINDOW