CLOSE WINDOW

Gpb032.015
བོད་ཡིག

mun khung du sgron me btegs pa lta bu'i le'u ste bcu gsum pa'o// // rgya gar skad du/ ti la ka gu h+ya a ti na tan tra nA ma/ bod skad du/ thig le gsang ba'i brda' rgyud ces bya ba/dpal rdo rje 'chang chen po la phyag 'tshal lo// 'di skad bdag gis thos pa'i dus gcig na/ bcom ldan 'das rdo rje 'chang chen po de/ me ri 'bar ba'i rtse mo/ sri la mu kha dur khrod kyis brgyan pa'i gnas na/thun mong gi 'khor/ dga' rab rdo rje la sogs pa/ byang chub sems dpa' bdun dang/ thun mong ma yin pa'i 'khor/ rdo rje rnal 'byor ma rnams dang lhan cig tu bzhugs so// de yi tshe/bcom ldan 'das brjod bral brda'i ting nge 'dzin la snyoms par zhugs so// de'i tshe gsang ba'i bdag pos zhus pa/ kye kye bcom ldan rdo rje 'chang/ 'dus pa'i 'khor tshogs don ched du// ting nge 'dzin la ma mnal bar// brda yi rim pa gsung du gsol// ces zhus so// de nas bcom ldan 'das brjod bral gyi ting nge 'dzin las bzhengs nas/ 'di skad ces bka' stsal pa/ blo ldan rnams kyi don ched du// zab mo'i brda' rgyud ngas bshad nyon// ces gsungs so// thig le gsang ba'i brda' rgyud las/ gleng gzhi'i le'u ste dang po'o//// de nas gsang ba'i bdag pos zhus pa/ kye ston pa rdo rje 'chang/ gzhi yi 'dul tshul brda ru gsung/zhes zhus pas/ ston pas gsungs pa/ sngon yul rang gsal bde ba can zhes bya ba na/ rgyal po kun snang zhes bya ba la/ 'dings pa'i stan med de/ rgyal mtsho stan du bting/ bgo ba'i gos med de/nam mkha' gos su gon bza' ba'i zas med de/ 'byung bzhi zas su zos/ nyin mtshan med par ce spyang gi mig yin pas/ mun pa rgyab tu bor/ snang ba khongs par bcangs/ skyon dang bral te rin po che'i spyan la bstim/lus ngag gsum gyi rtsal che bas/ seng ge btson du bzung/ snang ba gzhan du bskyab tu med pas/ nyi ma mchan khung du sbas/ thams cad bsad cing zos pas/ tha mi gcig kyang ma chag nas/gcig pur lus pas/ gleng ba'i zla med de/ dgra zin med pas/ shin tu skyed kyang sdod ma tshugs skad do// thig le gsang ba'i brda' rgyud las/ gzhi mtshon pa'i brda' bstan pa'i le'u ste gnyis pa'o//// de nas yang gsang ba'i bdag pos zhus pa/ kye bcom ldan rdo rje 'chang/ snang ba sna tshogs ji ltar 'char// 'khor 'das gnyis su ji ltar 'char// ma nor brda' 'di 'khor la gsung// zhes gsol to// ston pas bka' stsal pa/ sngon yangs pa can gyi khyim du/ nyi ma'i spyan las/ rang gis ma tshor bar/ spyan gyi nang nas mdzes pa'i lha mo lnga/ yul me long can du shar nas/ de gnyis sbyor ba bkye bas/rin po che brtsegs pa'i pho brang/ 'khor los sgyur ba'i rgyal po bzhi dang bcas pa skyes te/ chu shing snying po can bya ba'i rgyal po dang/ de yi btsun mo dang sras su bcas pa phyis skyes nas/ chu yi lbu ba gces pa mdzes pa'i rgyan dang ri mor song ste/kun tu snang gi nyi ma dang chas nas bzhugs skad do// de nas rgyal po 'khor dang bcas pas/ 'bangs don du chis byas/ skyid kyi pho brang bshig skad do// rgyal thebs 'bangs la bzhag/ rgyal po bzhi 'khor 'khor dang bcas pas dgung la gshegs skad do// thig le gsang ba'i brda' rgyud las/ longs sku'i snang ba brdar bstan pa'i le'u ste gsum pa'o//// de nas ston pas gsungs pa/ sngon khye'u kun tu rgyug bya ba la/ zhing thams cad skye ba bya ba yod de/ nor bu can bya ba dang/ gzha' tshon bya ba dang/ me long can bya ba dang/ gsum yod de/ khye'u bzhi bdud ha li ka nag pos/sa bon du sme sha kun bskyed kyi sa bon btab/ rdza mkhan mos zhing bcus/ lus stsal bas/ 'bras byed bral/ sme sha can du skyes so// mun pa'i mi drug longs spyod skad do// thig le gsang ba'i brda' rgyud las/'khrul pa'i brda' bstan pa'i le'u ste bzhi pa'o//// de nas yang gsang ba'i bdag pos zhus pa/ kye ston pa rdo rje 'chang/ 'khrul snang ye shes ldog phyir du// bzlog pa thabs kyi brda' rnams gsung// zhes gsol to// ston pas bka' stsal pa/ sngon yul mun pa'i gling bya ba na/ rdza mkhan kun bskyed bya bas/ ston mo chen po gcig bkye bas/ sha dug byung nas na ba la/ yul me long nyi ma can bya ba na/ sman pa kun tu gso mkhyen bya ba yod pa bkug nas/ sman pas nad pa'i rtsa gzigs pas/ nad 'du ba rnam pa bzhi langs/ dug khaung du song bar mkhyen nas/ nad pa rnams la sman rgyu gcig tu bsres nas btang bas/nad sos thub par gyur to// thig le gsang ba'i brda' rgyud las/ ston pas gang zag gi blo dang sbyar nas/ theg pa rim pa dgu gsungs pa dang don gnyis su med par bstan pa'i le'u ste lnga pa'o//// de nas yang ston pas bka' stsal pa/ sngon rgya nag po'i yul/ rta shi nag po'i nags tshal bya ba na/ mu stegs mun pa'i go cha can bya ba gcig gis/ ltad mo gcig byas pas/mun pa'i mi drug gis thog chod nas yod pa la/ rgya dkar po'i yul nas/ gyad kyi mi brgyad kyi rgyal po dang dgu byon nas/ mun pa'i mi drug gis khrom bskor ma nus par/ rgyal po 'khor bcas la bltas pas/yid shor te rgya dkar po'i mi dgu po'i phyir 'brangs pas yon tan so sor lobs te/ rgya nag po'i spyaud pa ni bor/ rgya dkar dang chos bstun pas/ mu stegs mun pa'i go cha can yi mug nas lcebs so// mun pa'i mi drug la me long gcig bstan pas/ mar me re re shar skad do// thig le gsang ba'i brda' rgyud las/ 'gro drug blo dang sbyar nas theg pa rim pa dgu bstan pas rtogs pa so sor skyes pa'i le'u ste drug pa'o//// de nas yang bka' stsal pa/ sngon byung yul pad+mo bde ba'i stsal du/ shel gyi khye'u nyi ma'i spyan gyis/ ngo mtshar ba'i ldum ra gcig byas pas/ ya mtshan gyi shing gcig skyes te/ lo 'dab me tog 'bras bu dus gcig tu smin te/sems can gyi gsos su gyur skad/ shing de yi rtse mo na bya khu byug skad snyan cing spu ka sdug/ spu kha bcu dang ldan pas/ skad phyogs bcur sgrogs pas kun gyi sgra sgrog pa phrogs so// shing de'i rtsa ba na gser gyi seng ge 'brug gi sgra can la/ ral gri kha mangs kyi mche ba skyes pa/ mig phyogs bcur blta zhing skad sgrogs pa/ gcan gzan phra mo kun srog gcod pa gcig yod skad/ shing de'i sked pa na mu tig gi phreng ba 'grul bu bcu drug tu bcas pas/ kun gyi rgyan du mdzes skad/ shing de'i khog pa nas bar snang gi nam mkha' la/ rin po che gser gyi nyi ma shar bas/ 'gro ba kun gyi snang ba byed skad/shing de'i yal ga bzhi phyogs bzhir gyes pa'i rtsa ba na/ seng ge gcig gi kha na me long gcig thogs/ de'i nang na shel gyi sku 'od kyis gang ba cig gsal cing 'dug skad/ yal ga gcig gi rtsa ba na/ g.yu yi lu ma'i nang na gser gyi nya mo mig med pa gcig 'dug de mi 'gul ba cig 'dug skad/ yal ga gcig gi rtsa ba na/ bya khyung gcig la srin po mgo dgu mig gcig pa zhon nas/ lag pa bdun gyis 'gro ba kun gyi srog gcod pa/spyi bo nas thog 'bebs pa gcig 'dug skad/ yal ga gcig gi rtsa ba na me long gcig gi nang na/ shel gyi khye'u zhal drug pa gcig la/ lha mo lngas bskor nas/ sbyor ba gcig 'dug skad do// yal ga phra mo thams cad nas/ gser gyi bye chung skad snyan pa sna tshogs sgrog pa gcig 'dug skad/ de kun gyis mi mthong ste/ ti pa ra'i bu mar me'i spyan gyis mthong ngo// mthong nas ya mtshan gyi ldum ra de kun la sgrogs so skad/sgrogs pa thos nas ya mtshan skyes te/ kun de la blta skad do// thig le gsang ba'i brda' rgyud las/ rtsa ba'i rgyud dang yal ga'i rgyud kyi don brda' ru bstan pa'i le'u ste bdun pa'o//// yang ston pas bka' stsal pa/ lha khang gcig gi nang na/ gtso bor shel gyi sku kun tu zhal du bzhugs skad/ de'i thugs ka nas mar me gcig la 'od lnga shar nas/ 'od kun tu gsal ma nus par/lha khang gi sgo na 'od bya pho tsam gcig kun la snang zhing 'dug skad/ de'i thugs ka nas mar me gcig la 'od lngar shar bas na/ 'od kun tu gsal ma nus par/ lha khang gi sgo na 'od bya pho tsam gcig kun la snang zhing 'dug skad/de la bltas pas lha khang gi gtso bo mthong skad/ der ya mtshan skyes nas gtso bo la bltas pas/ byin rlabs zhugs pas phra ma dang bral bas/ 'khor gsum yongs su dag pa byas te/gangs dkar shel gyi brag phug tu song skad do// thig le gsang ba'i brda' rgyud las/ don gyi bden pa mthong bas rang bzhin gyi dgongs pa la gnas pa'i le'u ste brgyad pa'o//// yang bka' stsal pa/khye'u mar me can bya ba la/ khye'u snang ba dam pa'i dpal zhes bya ba/ mar me bzhi btang bas/ yul bzhi mun pa sel ba'i ngo sprod bzhi/ yul rnam dag pad+ma'i tshal bya ba na/ lha mo pan ta shan ma zhes bya ba dang/lha'i bu gzhon nu sred byed ces bya ba 'dug pa mthong ngo// der mar me gcig la bltas pas/ yul me long g.ya' dag gsal bya ba na/ rgyal po gzugs can snying po pad+ma'i spyan bya ba la/ rgyal po sde bzhi 'khor dang bcas pas bskor te/grong dang grong mi phyed par 'khor gyis tshig rgyud mi 'chad par byed pa mthong skad do// mar me gcig la bltas pas/ snga phyi dus gcig dran te/ sa rnams dus gcig tu mthong skad/gcig la bltas pas/ shel gyi khye'u mar me can la kho rang gis ma tshor ma mthong bar/ rin po che'i khang pa na/ rin po che'i khye'u lnga/ rtag tu zhabs tog byed pa dang ma 'bral bar mthong skad do// thig le gsang ba'i brda' rgyud las/ ngo sprod bzhi'i dgongs pa brdar bstan pa'i le'u ste dgu pa'o//// de nas ston pas bka' stsal pa/ sngon ri rab kyi rtse mo/ rgya mtsho nyi ma'i spyan bya ba na/ klu'i rgyal po nor bu 'od ldan bya ba yod skad/kho skyo nas ri rab kyi rtse mo nas/ yar mar bltas pas/ rnam dag pad+ma'i tshal bya ba na/ rin po che khang pa nyi zlas brgyan pa bya ba mthong skad/ der byon pas/ sngar gyi gnas pas nyams dga' nas/bltas pas/ rlung can gyi grong khyer na/ blon po rkun byed bya ba 'dug pa mthong skad do// der byon de blon pos bskos pa khas blangs skad/ rgyal blon gnas par khas blangs skad/ de nas blon po rkun byed kyis/rgyal po'i spyan snga na gros dang blo byas nas/ mur byed kyi rta la zhon nas/ 'gyur byed kyi 'phrang la phyin/ rtsod pa'i sgo gsum du byon nas/ rin po che sna lnga btsal/ rgyal po la phul bas/ mnyes pa dang tshim pa byung nas/ blon po yi mug rgyal pos le lo shor bas/ rgyal po thugs non pa'i blon po la chab bstsal/ rgyal blon bral bas mchod pa ma chag kyang/ 'thab zla med pas shin tu bde ste/rgyal po yul rim par phyung nas/ rnam dag pad+ma'i tshal na bzhugs skad do// thig le gsang ba'i brda' rgyud las/ sems dang ye shes kyi brda' bstan pa'i le'u ste bcu pa'o//// de nas yang ston pas bka' stsal pa/ sngon yul sme sha'i grong khyer rtsub 'gyur gyi tshal na/ ri rab kyi khong seng rin po che'i gzhal med khang na/ rgyal po kun snang bya ba yod pas/ pho brang gi sgo bcad de gdan la bzhugs pas/sgo bcad pa'i stobs kyis blon po btson du zin skad/ dmangs bya byed can cham la phebs skad/ phyis kyang blon po zin skad/ dmangs chab la bstsal nas gcig pur bzhugs kyang skyo ba med skad do// thig le gsang ba'i brda' rgyud las/ nyams su blang ba'i brda' ste le'u ste bcu gcig pa'o//// de nas yang ston pas bka' stsal pa/ sngon ri rab kyi khong seng na/ nyi zla mdzes pa'i sgo khang bya ba gcig yod skad do// de 'phen par byed pa'i rlung gis bteg nas 'gro skad/ de yi nang na sgom chen kun tu mi g.yo ba gcig bzhugs skad do// ji tsam du 'du 'dzi dang g.yengs ba byung yang/ kho dgos pa las bkugs kyang mi 'gro bar gnas skad/thig le gsang ba'i brda' rgyud las/ dgongs pa la yengs ma yengs med par bstan pa'i brda'i le'u ste bcu gnyis pa'o//// de nas yang bka' stsal pa/sngon rin po che las byas pa'i khang pa gcig na/ khye'u nam mkha'i snying po bya ba 'dug pas/ khang pa'i mthongs na/ sgo nas kho yi byad kyi mdangs shar nas/ kho la khang pa yod med med par 'dug pa la/ khang pa zhig pas kyang gar yang ma bros par rang sa de na 'dug skad do// theg le gsang ba'i brda' rgyud las/ chos sku zangs thal gyi brda'i le'u ste bcu gsum pa'o//// ston pas bka' stsal pa/ sngon ko sa la'i rgyal po gsal rgyal gyis/gyir ling 'phrul gyi rta la/ gser gyi sgro gcig btsud nas/ tshar gyis 'gro ma shes par 'dug skad/ thig le gsang ba'i brda' rgyud las/ a nu man chad bzang rtog gis 'ching bar bstan pa'i le'u ste bcu bzhi pa'o//// de nas ston pas bka' stsal pa/ sngon khye'u kun tu gsal gyis/ rang gi byad kyis snang ba ma shes pas// gyer ling 'phrul gyi rta pho de/ sbrul dang rnga mong gis gdangs pas/rang gi byad kyi rnam par shes pas/ dgrol mi dgos pa rang grol du song skad/ thig le gsang ba'i brda' rgyud las/ rdzogs chen rang grol du bstan pa'i le'u ste bco lnga pa'o//// de nas ston pas bka' stsal pa/sngon yul yangs pa chen po/ pad+mo bde rtsal gy-i grong khyer na/ rgyal po nor bu 'od ldan bya ba nor bu rin po che'i za ma tog yod skad/ de yi nang na rin po che phra mo bsam gyis mi khyab pa gcig yod skad/de nas rgyal po zhabs 'chag tu byon pas/ rgan mo ling thog bya ba dang phrad nas smras pa/ de yi bar du rkun mo mi lngas za ma tog khyer te/ sme sha'i grong khyer drug tu mun pa'i mi drug gis/nor bu la bkur sti la sogs byas pas/ nor bu las dgos 'dod ma byung skad/ mun pa'i mi drug kyang yid byung skad/ phyis khye'u snang ba dam pa bsam gyis mi khyab pa bya ba'i sdam po mi gcig byung skad/ rgan mo mu lto mar rig/ sngon ji ltar brkus pa'i lo rgyus brjod pas/ rgyal po thugs nur skad nas rgan mo la chab bstsal/ rkun mo bran du bcad/ mun pa'i mi drug kyang bsad/ sme sha'i grong khyer drug bcom/ rgyal po dang nor bu za ma tog kyang phrad skad/ thig le gsang ba'i brda' rgyud las/ 'khrul lugs dang grol lugs brda' bstan pa'i le'u ste bcu drug pa'o//// de nas yang ston pas bka' stsal pa/ sngon gyi shel gyi khang bu dri med zang thal gyi nang na/rgyal bu kun tu gzigs bya ba gnas pa la/ rin po che'i bum pa ni mar me'i snying po lnga yang/ khos gcig tu ma mthong bar gcig pur gnas so// skad do// thig le gsang ba'i brda' rgyud las/mya ngan las 'das pa'i dgongs pa brda' bstan pa'i le'u ste bcu bdun pa'o//// de nas yang ston pas bka' stsal pa/ sngon nam mkha' stong pa'i ngang las/ mar me stong shar bas/'od 'dres nas snying po ma 'dres par so sor gsal te/ mar me la rang 'od las gzhan med skad do// thig le gsang ba'i brda' rgyud las/ rang snang las gzhan snang med par bstan pa'i le'u ste bco brgyad pa'o//// de nas bcom ldan 'das kyis rgyud yongs su gtad pa 'di gsungs so// e ma ho gsang ba'i brda' rgyud 'di/ kun gyi thun mong ma yin pas// kun tu mi sgrib rang gsal pas/ rin chen gter 'di rtag tu chongs/ zhes gsungs so// thig le gsang ba'i brda' rgyud las/ rgyud yongs su gtad pa'i le'u ste bcu dgu pa'o//// thig le gsang ba'i brda' rgyud ces bya ba rdzogs so/

CLOSE WINDOW