135a1 rgya gar skad du/ sarba d+harma pu tra A+e ka tan+t+ra nA ma/ ta thA ga ta badzra satwa sa ma ti/ bod skad du/ rgyal ba rdo rje sems dpa'i dgongs pa bstan pa thams cad kyi bu gcig pa zhes bya ba'i rgyud/ thog ma'i ston
135a2 pa 'od mi 'gyur ba bcom ldan 'das la phyag 'tshal lo// 'di skad bdag gis thos pa'i dus gcig na/ chos kyi dbyings kyi zhing khams rnam par dag pa chos nyid dus gsum skye 'gag med pa na/ rig pa dngos
135a3 med chos kyi sku la nyon mongs pa'i dri ma med pa/sku la mdun rgyab med pa/ thugs rje la dbri bkol mi mnga' ba/ rin po che gsang ba'i sbubs na rang bzhin rnam par dag pa'i snang ba la/ rang snang ngo rtag pa'i
135a4 'khor dag 'du 'bral med par bzhugs so// 'di skad bdag gis thos pa'i dus gcig na/ yul chos nyid la ye shes 'od du gsal ba/ ye shes kyi gzhal yas khang chen po'i sbubs na/ longs sku'i zhing khams
135a5 ye shes kyi snang ba 'od dang bcas pa ni/yul chos nyid la ye shes 'od du gsal ba/ ye shes kyi snang ba 'od dang bcas pa ni/ rin po che 'od 'bar ba sku sangs rgyas bzhi bcu rtsa gnyis rang bzhin gyis 'od
135a6 gsal ba/gzigs snang gsum ma 'gags par/ thugs rje nyi ma dang 'od zer bzhin du 'byung zhing/ ye shes kyi snang ba 'od lngar gsal ba dang 'du 'bral med par bzhugs so// snang ba 'od du gsal ba de'i
135b1 tshe/rdo rje sems dpa' rang gi rig pa'i rang gdangs su shes nas/ ye shes rang sa zin nas sangs rgyas so// de'i tshe pad+ma bde ldan gyi grong khyer du sangs rgyas rdo rje sems dpa' la/ thugs rje rang byung gi sku
135b2 drug thun mong ma yin pa'i 'khor dang bdun/ye shes mkha' 'gro ma lnga/ sa la gnas pa'i byang chub sems dpa' gsum gyis bskor nas/ sku dang ye shes kyi snang ba ma 'gags pa/ gsal ba'i dgongs pa la
135b3 zhugs so// de'i tshe gsang ba'i bdag pos 'di skad ces zhus so// kye kye bcom ldan rdo rje 'chang/ sangs rgyas kyi yul lnga gsung du gsol/ zhes zhus so// dz+nyA na pany+tsa ka la ha tsak+Shu/ ri rab kyi rtse mo la grong khyer
135b4 gnyis na/mi rgod lnga bzhugs pa'i man ngag go/ de nas bcom ldan 'das kyis bka' stsal pa/ e ma ho/ rdo rje 'dzin pa legs par nyon cig/ rang la tshur bstan nas chos kyi sku'i yul/ rang gi byang khog gi
135b5 stod yin no// e ma ho// ye shes kyi yul rang gi byad yin no// longs sku'i yul rang gi mgo yin no// sprul sku'i yul rang gi rgal tshig yin no// yang sprul thig le'i yul rang gi lus thams cad yin
135b6 no// gsang ba'i bdag po phar la bstan nas/ rig pa'i yul dbyings yin no// sgron ma'i yul nam mkha' yin no// ye shes kyi yul me long yin no// 'od kyi yul rang gi rig pa yin no// longs sku'i yul tshom
136a1 bu'i dkyil 'khor bcas pa yin no// thig le'i yul be ta li yin no// zhes gsungs pas/ gsang ba'i bdag pos yul chos kyi dbyings su rtogs so// mtshan mar snang ba thams cad 'od kyi
136a2 dkyil 'khor du rtogs so// 'od lnga sangs rgyas kyi rang lus yin par rtogs so// rang gi rig pa ye shes su rtogs so// de nas gsang ba'i bdag pos 'di skad ces zhus so// e ma ho sangs rgyas thugs rje
136a3 can/sangs rgyas kyi gnas lnga bstan du gsol/ zhes zhus so// de nas bcom ldan 'das kyis bka' stsal pa/ gsang ba'i bdag po sangs rgyas chos kyi sku rang gi snying gi dkyil na bzhugs so// ye shes
136a4 zang thal gyi sku byad kyi dkyil na bzhugs so// longs spyod rdzogs pa'i sku rang gi klad pa'i dkyil na bzhugs so// thugs rje sprul pa'i sku rang gi gzhungs pa'i nang na bzhugs so// thig le rang byung gi sku rang gi
136a5 rtsa thams cad kyi nang nas zhugs so// kyai rdo rje 'dzin pa khyod nyon cig/ sangs rgyas sku lnga ye shes lnga rang gi snying gi dkyil na ye nas gnas so// sems can thams cad la sangs rgyas kyi sku ye nas gnas
136a6 so// rig pa 'od lnga'i lus su ye nas gnas so// gsang ba'i bdag po legs par zung zhig/ sems can thams cad kyi snying gi dkyil na/ ye shes kyi sku 'od khyim gyi tshul du snang ngo// rang gi snying gi dkyil na
136b1 chos kyi sku mi 'gyur ba/ye shes kyi snying por shar bar ye shes lhang nge ba bzhugs so// 'byung ba 'od du 'byung zhing gsal ba zer du gsal lo// dag pa'i snang ba la ye shes phyogs bcur shar nas/ nub pa med
136b2 par bzhugs so// rang gi snying gi dkyil na chos sku la mtshan ma'i yul med pas/ mtha' la thug pa med par bzhugs so// chos sku la dri ma med pas rang gi rig pa la 'gag pa med do// ma 'gags par snang
136b3 ba la thogs rdug med do// rdo rje 'dzin pa chen po sangs rgyas kyi sku de rang gi snying gi dkyil na ngo bo stong par bzhugs so// ye shes gsal bar bzhugs so/ kha dog phyed par bzhugs so// gsal la 'tsher bar
136b4 bzhugs so// 'od du 'phro bar bzhugs so// sku mi g.yo bar bzhugs so// ye nas phyogs dang ris med par sku dag pa chen por bzhugs so// rigs kyi bu legs par nyon la yid la zung zhig/ sangs rgyas kyi
136b5 sku brten pa rang gi byang khog gi stod la brten no// bzhugs pa rang gi snying gi dkyil na bzhugs so// gsal ba nam mkha'i ngang la gsal lo// de ltar rang gi snying gi dkyil na sangs rgyas mngon sum du
136b6 bzhugs so// de ngo shes pas sangs rgya'o// rang gi klad pa'i nang na sangs rgyas khro bo'i sku thams cad mngon sum du bzhugs so// rang gi klad pa'i nang na thams cad 'od kyi kha dog lngas khengs nas yod
137a1 do// zhes gsungs so// de nas gsang ba'i bdag pos 'di skad ces zhus so// kye kye bcom ldan 'das rdo rje 'chang/ sangs rgyas kyis gsal ba lnga gsung du gsol/ zhes zhus so// bcom ldan
137a2 'das kyis bka' stsal pa/e ma ho// gsang ba'i bdag po nges zung zhig/ sangs rgyas kyi zhing khams 'od lngar gsal lo// sangs rgyas kyi lus 'od lngar gsal lo// 'od kha dog lnga nub pa med par gsal
137a3 lo// 'od lnga rang gi snying gi nang na gsal lo// ye shes lnga 'od lngar gsal lo// zhes gsungs so// bstan pa thams cad kyi bu gcig pa'i rgyud las/ gleng gzhi'i le'u ste dang po'o//// bud+d+ha badzra/ ma hA
137a4 tsit+ta/rin po che za ma tog na/ yid bzhin gyi nor bu rin po che bzhugs pa'i man ngag la/ de nas yang gsang ba'i bdag pos 'di skad ces zhus so// kye kye bcom ldan rdo rje 'chang/ sangs rgyas ngo sprod lnga lnga
137a5 gsung du gsol/zhes zhus so// bcom ldan 'das kyis bka' stsal pa/ gsang ba'i bdag po/ rang gi mig lha'i bu'i phyag sor gis bkab la/ phyag sor la ma yengs par bltas pas/ sangs rgyas kyi zhing
137a6 khams rnam par dag pa mngon sum du 'char ro// rang gi mig me long gi nang du bcug nas bltas na/ sangs rgyas kyi zhing khams mngon sum du 'char ro// 'khar por lags par chus bkang nas/ rdo rje sems
137b1 dpa'i me long bstan na/sangs rgyas kyi zhing khams mtshon cha'i rtse mo bzhin du 'phro ba 'char ro// nam mkha'i snying po la rang gi mig bcug nas bltas pas sangs rgyas kyi zhing khams phra la dwangs pa 'char
137b2 ro// grong khyer grangs med sna rtse nyi ma la bstan nas/ de rang gi mig la bltas nas/ sangs rgyas kyi zhing khams 'char ro// kye gsang ba'i bdag po legs par nyon la dgongs shig/ yid gtod cig/ nga rdo rje
137b3 sems dpa'i gdams pa rin po che 'di ni 'jig rten du 'byung bar dka'o// 'di ni las zad pa'i gang zag las can la bstan no// zhes gsungs so// gsang ba'i bdag po rang gi snying gi nang na/ sangs
137b4 rgyas thams cad kyi sku nyung 'bru tsam la/spyan phul thag tsam du gnas so// gdams so// sangs rgyas kyi sku 'od lnga'i khang pa can gyi nang na gnas pa de la/ rdo rje sems dpa'i me long la bltas pas rang la
137b5 mngon sum du 'char ro// de ngo shes pas chog go/ ma 'ongs pa'i sems can la de bzhin du ston cig/ ces bka' stsal to// bstan pa thams cad kyi bu gcig po'i rgyud las mngon sum du bstan pa'i le'u ste
137b6 gnyis pa'o//// dz+nyA na ye shes tsak+Shu/ mig d+harmA/ chos kA ya/ sku tsit+ta/ snying rat+na/ rin chen gser ni chos nyid la zer ba yin g.yu'i ni ye shes yin no/ lha khang la/ snying nang gi sangs rgyas yin no rin po che ni chos sku yin no// lnga'i mchod
138a1 rten rang byung du rgyu rkyen byed pa po spangs pa byon nas mu tig gi rang gi rig pa gsal ba 'di yin no 'khor lo la bzhugs pa'i man ngag go/sangs rgyas 'od lngas bskor nas yod pa yin no//
138a2 sangs rgyas 'od lnga'i lus su yod do// 'od lnga snying gi nang na yod do/ 'od lnga rang 'od yin par ngo shes nas sangs rgya'o// de nas gsang ba'i bdag pos 'di
138a3 skad ces zhus so// e ma e ma sangs rgyas thugs rje can// sku gsum gyi ngo bo gsung du gsol/ zhes zhus so// kye rdo rje 'dzin pa khyod nyon cig/ ma yengs par nyon cig/ rigs kyi bu nyon
138a4 cig/phung po phung po lhag ma med par sangs rgyas pas 'dod pa'i mis 'di ltar shes par bya'o// rang gi snying gi nang na 'od kha dog lnga'i dkyil na sangs rgyas rigs lnga'i sku tshom bu'i dkyil 'khor dang bcas pa
138a5 sku nyung 'bru tsam la spyan spyan rang gi snying nang na yod phul thag tsam sna tshogs gcer grol du bzhugs so// sku de yang ngo bo gsal la zang thal ba/ 'dzin rtog dang bral ba'i ye shes su bzhugs so// de ltar rang gi snying
138a6 gi nang na sangs rgyas sku nyung 'bru tsam du bzhugs kyang 'khrul snang 'gags pa'i dus su/sku che ba nam mkha'i mtha' dang mnyam pa'am/ 'bring po ri rab tsam gyis khengs nas rang la 'char ro// de la ma
138b1 'jigs shig/de ngo shes pas chog go/ kye gsang ba'i bdag po legs par zung zhig/ rang 'chi khar chos nyid rang snang gi nam mkha' la/ sangs rgyas kyi sku mngon sum du 'char ro// de ngo shes pas chog
138b2 go/rang gi rig pa 'od lnga dang 'du 'bral med par 'grogs pa yin no// rang gi rang 'od ngo shes pas sangs rgyas kyi sku thob pa yin no// rang la sangs rgyas rang chas su yod pa de/ srid pa'i me long la bltas
138b3 pas/sangs rgyas rang la mngon sum du 'char ba yin no// ma nu sems can sarba thams cad bud+d+ha sangs rgyas dz+nyA na ye shes kA ya sku pany+tsa lnga'o// rigs kyi bu sangs rgyas rang la yod pas gzhan du ma tshol zhig/ sangs rgyas
138b4 'od lnga'i lus bzhugs pas gsal 'grib dang bral lo// sangs rgyas sku la 'gyur ba med pas skye 'chi dang bral lo sangs rgyas la 'chi 'pho med par sangs rgyas sangs rgyas sdug bsngal med par ye shes lngar yod pas te/ thams cad
138b5 rang ngo shes pas sangs rgyas pas dka' thub dang bral ba'o// sangs rgyas 'od kyi sku la gsal la rtog pa med pas snang la rang bzhin med pa/ bde ba rgyun cha med pa rang gi snying gi dkyil na bzhugs
138b6 so// bstan pa thams cad kyi bu gcig pu'i rgyud las/ sangs rgyas gsum bstan pa'i le'u ste gsum pa'o//// ADa dpangs mtho ba th+yang spangs pa chen po swa mtha' rnam par grol ba rbA las kyis mi sgrib pa sa[xxx] bde ba
139a1 chen po n+yaN 'ub chub pa d+yau0f85 ye shes nyi ma rang la snang ba s+yang sa le ba D+yarma lhang nge ba kyab lhan ne ba a+ya sangs rgyas dpangs mtho/sgom pa mi g.yo ba rgyun gyi ting nge 'dzin no// h+ya// gang na zhen med D+yA/[ xxx]lta ba mi g.yo ba shes
139a2 rab 'gyur ba med pa yin/'od lnga gsal ba yin/ t+yah+ya/// ng+khaDa gyaM/ pyaMrnA t+ya/ ts+ya/ na a khya gya A Uk+ShA k+ShuH de nas sangs rgyas rdo rje sems dpa'i zhal nas/ bud+d+ha/ sa ma ti ro ma hA dz+nyA na tsit+ta/ kA ya/
139a3 b+h+yi t+ya/ dz+nyA na/ tsit+ta/ bud+d+ha/ badzra/ ma hA/ tsak+Shu/ b+h+yi t+ya/ a ma la/ ma hA/ pany+tsa/ kA ya/ d+harma/ yal/ a/ gsungs nas cang med do/[ xxx ]de nas dga' rab rdo rjes 'di skad smras so// kye rdzogs pa'i sangs
139a4 rgyas thugs rje can// sems can kun gyi sdug bsngal bsal du gsol// ces zhus so// oM A a+a/ m+ma/ ska/[ xxx ]a+aoM/ hUM hUM/ s+sa/ k+ka/ t+ta/ hUM/ gwagyad+yagya/ myas+yaAH de
139a5 nas bcom ldan 'das kyis bka' stsal pa/gsang ba'i bdag po sangs rgyas rang la yod do// de ngo shes na sdug bsngal thams cad dang bral lo// ces gsungs so// bstan pa thams cad kyi bu gcig pa'i
139a6 rgyud las sangs rgyas kyis gdams ngag bstan pa'i le'u ste bzhi pa'o//// b+h+yid t+ya/ A/ ta thA ga ta/ ku la/ pany+tsa/ pa ni/ bud+d+ha/ ku la/ pany+tsa/ tsit+ta/ pA ni/ bud+d+ha/ kA ya/ hA mA lA/ Aswa/ gsungs nas
139b1 dgongs pa la gshegs so// nam mkha'i dkyil nas nyi zla'i khang pa rin po che 'od 'bar ba lnga/ bzhugs pa'i man ngag de nas yang gsang ba'i bdag pos 'di skad ces zhus so// kye kye sangs rgyas rdo rje 'chang/
139b2 sangs rgyas kyi bzhugs tshul gsung du gsol/ bcom ldan 'das kyis bka' stsal pa/ phyag na rdo rje khyod ma yengs par nyon cig/ rang gi snying gi dkyil na sangs rgyas thams cad kyi sku nyung 'bru tsam la spyan
139b3 phul thag tsam du bzhugs so// rang gi snying gi nang na sangs rgyas rgyal ba rigs lnga 'khor dang bcas pa thams cad seng ge dang/ glang po che dang/ rta dang/ rma bya dang/ shang shang gi gdan la sku mdog lnga dang
139b4 ldan pa/phyag mtshan rdo rje rtse lnga pa bsnams pa/ nor bu rin po che dang/ pad+ma 'dab ma brgyad pa dang/ rdo rje rgya gram dang/ 'khor lo rtsibs brgyad bsnams pa/ rin po che 'od 'bar ba'i sku rang gi snying gi nang na
139b5 da lta bzhugs so// rang gi klad pa'i nang na sangs rgyas khro bo'i sku/ badzra he ru ka dang/ bud+d+ha he ru ka dang/ rat+na he ru ka dang/ pad+ma he ru ka dang/ karma he ru ka dang/ khrag 'thung gi lha tshogs thams cad mngon sum
139b6 du bzhugs so// kye gsang ba'i bdag po/ rang gi klad pa'i nang na khrag 'thung gi lha tshogs thams cad sna tshogs gcer grol du bzhugs so// rang gi lus 'di la sangs rgyas kyi grong khyer nyi khri chig stong yod
140a1 do// grong khyer de dag thams cad ni sangs rgyas kyi skus thams cad khyab nas yod do// rang gi rtsa yi nang bde bar gshegs pa'i skus khengs nas bzhugs so// kye gsang ba'i bdag po legs par
140a2 nyon la yid la zung zhig/gangs sam g.ya' las byung ba'i man shel dri ma med pa gcig nyi ma la 'phyar bas/ 'od kha dog lnga lhug par 'char ro// de yang 'di lta ste/ kha dog mthing ga dang/ dkar po dang/
140a3 dmar po dang/ ljang gu'o// don de lta bu rang gi snying gi dkyil na bzhugs so// rang 'chi ba'i dus su 'od lnga gsal la 'tsher ba rang bzhin bkrag la nyam nga ba/ sos kha byang thang chen po la smig rgyu 'gyu ba
140a4 bzhin mer mer por 'ong ngo// de la ma 'jigs shig/ 'od las zer mtshon cha'i char pa babs pa 'ong ngo// de la ma skrags shig/ 'od kyi nang thams cad nas chos nyid kyi rang sgra 'brug stong ldir ba 'dra ba grag
140a5 la sgra che ba 'ong/de la ma dngangs shig/ de gsum la ma 'jigs ma dngangs ma bred pas na sangs rgya'o// de gsum la 'jigs skrag nas bred pa de ni/ rdzogs ldan mun pa nag po'i rgyal khams bya ba/ nyin mo nyi
140a6 ma'i snang ba med pa/mtshan mo zla ba'i snang ba med pa/ nang nub ma'i snang ba med pa/ rlung char dang mun pa nag po'i gseb na shin tu sdug bsngal lo// de nas 'khor ba srin gyi kha chu dang 'dra bar 'khor zhing sdug
140b1 bsngal lo// des na gdams ngag 'di'i gnad shes pa gal che'o// 'di ma shes na phan med do// zhes gsungs so// bstan pa thams cad kyi bu gcig pu'i rgyud las/ sangs rgyas kyi bzhugs tshul bstan pa'i
140b2 le'u ste lnga pa'o//// de nas yang gsang ba'i bdag pos 'di skad ces zhus so// kye kye bcom ldan 'das rdo rje 'chang/ sangs rgyas kyi mngon rtags gsung du gsol/ ces zhus so// bcom ldan 'das kyis
140b3 bka' stsal pa/phyag na rdo rje khyod nyon cig/ sangs rgyas la gnyis mngon par rdzogs par sangs rgyas pa dang/ yang dag par rdzogs par sangs rgyas pa'o// mngon par rdzogs par sangs rgyas pa de la/ 'od
140b4 dang/sgra dang/ gdung dang/ sku 'ong ngo// 'od gyen la 'greng nas skas kyi tshul du byung na/ dbugs chad pa dang sangs mi rgya bar zhag lnga nas sangs rgya'o// 'od khang khyim gyi tshul du byung na/ zhag lnga nas brtan
140b5 pa thob nas sangs mi rgya bar/dbugs chad pa dang sangs rgya'o// sgra la gnyis te sgra 'ur zer na zhag lnga la sangs rgyas so// sgra thur zer na zhag bdun nas sangs rgya'o// gdung lnga la gdung dkar por gyur na rdo
140b6 rje sems dpa'i zhing khams su skyes nas mngon par rdzogs par sangs rgya'o// gdung ser por byung na rin chen 'byung ldan gyi zhing khams su skyes nas mngon par rdzogs par sangs rgya'o// gdung kha dog dmar
141a1 por byung na snang ba mtha' yas kyi zhing khams su skyes nas mngon par rdzogs par sangs rgya'o// gdung kha dog ljang gur byung na don yod grub pa'i zhing khams su skyes nas mngon par sangs
141a2 rgya'o// gdung kha dog mthing gar byung na rnam par snang mdzad kyi zhing khams su sangs rgya ba yin no// sku la gnyis zhi ba'i sku byung na snang ba 'di 'gags pa dang sangs rgya'o// khro bo'i sku byung na zhag lnga nas sangs
141a3 rgya'o// de bzhin du 'od dang/ sgra dang/ gdung dang/ sku 'byung ngo// zhes gsungs so// bstan pa thams cad kyi bu gcig bu'i rgyud las/ mngon rtags bstan pa'i le'u ste drug pa'o//// de nas yang
141a4 gsang ba'i bdag pos 'di skad ces zhus so// kye kye bcom ldan rdo rje 'chang// sku yi gnas lugs gsung du gsol// ces zhus so// de nas yang bcom ldan 'das kyis bka' stsal pa/ gsang ba'i bdag po zhu
141a5 ba legs so// rang gi snying gi nang na dbus rnam par snang mdzad sku mdog mthing ga yab yum 'khor dang bcas pa 'od lnga'i dkyil na yod do// rang gi snying gi shar na rdo rje sems dpa' yab yum 'khor bcas
141a6 bzhugs so// rang gi snying gi lho na rin chen 'byung ldan yab yum 'khor dang bcas pa bzhugs so// rang gi snying gi nang nub na snang ba mtha' yas yab yum 'khor dang bcas pa bzhugs so// rang gi snying gi
141b1 byang na don yod grub pa yab yum 'khor dang bcas pa bzhugs so// rang gi klad pa'i nang thams cad khro bo'i skus khengs nas yod do// rang gi rig pa ma 'gags par gsal ba 'di la chos kyi sku yin
141b2 no// sangs rgyas rgyal ba rigs lnga rang gi snying gi nang na bzhugs so// longs sku yin no// rang gi klad pa dung khang dkar ba'i nang na bzhugs pa de sprul pa'i sku yin no// rang gi klad pa'i nang gi dbus na 'od
141b3 kha dog lnga yod do// 'od lnga'i nang na sangs rgyas kyi sku bzhugs so// rang gi gzhungs pa'i nang na sangs rgyas kyi sku ru bzhugs so// rang gi lus rtsa'i dra bar yod de// rtsa'i nang na sangs rgyas kyi grong khyer yod
141b4 do// de thams cad sangs rgyas kyi skus khengs nas yod do// 'od lnga sangs rgyas kyi zhing lus su shes sangs rgya'o// khug pa lnga shes na dbugs ma chad pa la sangs rgya'o// zhes gsungs so// de nas rdo rje sems
141b5 dpa'i zhal nas slob dpon dga' rab rdo rje la rigs kyi bu ngas 'jig rten khams su rang nyi shu rtsa lnga sprul pa'i skur bzhugs so// sems can gyi lo stong brgyad lon no// zhes gsungs so// nam mkha' 'od kyi
141b6 bkang nas phung po lhag ma med par sangs rgyas so// der dga' rab rdo rje brgyal nas/ kye ma kyi hud zer nas skad phyogs bcur bos pas brgyal ba sangs tsam na/ sangs rgyas rdo rje sems dpa' chos nyid rang
142a1 snang gi nam mkha' la/ye shes sgyu ma lta bu'i sku byon nas phyag g.yas pa'i sor mo brkyangs nas/ d+harma rat+na sid+d+ha pa ya/ zhes pa'i sgra byung nas rin po che g.yu'i za ma tog sen gang ba gcig dbu thog
142a2 tu babs so// de kha phye nas gzigs pas/ gser gyi shog bu la g.yu'i yi ge bris pa gcig 'dug nas de bltas pas/ sangs rgyas rdo rje sems dpa'i zhal chems/ tshig gsum pa zhes bya ba phung po lhag ma med
142a3 par sangs rgya ba 'di 'dug go/der dga' rab rdo rjes de bltas pas/ dga' rab rdo rje phung po lhag med du sangs rgyas so// bstan pa thams cad kye bu gcig pu'i rgyud las/ sku lnga bshad pa'i le'u ste bdun
pa'o/

CLOSE WINDOW