129b2 rgya gar skad du/ ma hA sarba d+harma sarba hr-i da ya/ bud+d+ha na ma ma hA kA la tan+t+ra nA ma/ bod skad du/ bstan pa thams cad kyi snying po sems can thams cad la sangs rgyas rang chas chen por bzhugs pa'i rgyud ces
129b3 bya ba/sangs rgyas 'od mi 'gyur ba la phyag 'tshal lo// 'di skad bdag gis thos pa'i dus gcig na/ chos kyi dbyings spros pa dang bral ba'i ngang na/ rang byung rig pa'i rgyal po sangs rgyas 'od kyi phung po chen po/
129b4 rgyal ba rigs lnga dang 'du 'bral med par bzhugs so// 'di skad bdag gis thos pa'i dus gcig na/ mtshan rdzogs rdo rje 'chang gi zhing khams na/ 'od mtha' med kyi yul can na/ rnam par grol ba'i sangs
129b5 rgyas 'od kyi phung po brgyan ma bkod par snang ba zhes bya ba bzhugs so// de'i tshe gsang ba'i bdag pos 'di skad ces zhus so// kye kye sangs rgyas 'od kyi phung po chen po/ sangs rgyas kyi gnas gsum gsung du
129b6 gsol/zhes zhugs so// de nas rnam par grol ba'i sangs rgyas 'od kyi phung pos bka' stsal pa/ kye gsang ba'i bdag po khyod nyon cig/ sangs rgyas chos kyi sku rang gi snying ga'i dkyil na bzhugs so// ye shes
130a1 zang thal rang gi mig gi dkyil na bzhugs so// sangs rgyas khro bo'i sku rang gi klad pa'i dkyil na bzhugs so// zhes gsungs so// de nas sangs rgyas 'od kyi phung pos 'di skad ces gsungs
130a2 so// kye gsang ba'i bdag po rang gi snying gi dkyil na sangs rgyas 'od kyi phung po chen por bzhugs so// sangs rgyas brten pa rang gi lus la brten no// bzhugs pa rang gi snying gi dkyil na bzhugs
130a3 so// gsal ba rang gi mig na phar gsal lo// rang gi klad pa'i dkyil na sangs rgyas khro bo'i lha thams cad bzhugs so// de nas yang gsang ba'i bdag pos 'di skad ces zhus so// kye sangs rgyas 'od kyi phung
130a4 po chen po/sangs rgyas kyi rang lus gsung du gsol/ zhes zhus so// de nas 'od kyi phung po chen pos bka' stsal pa/ kye gsang ba'i bdag po sangs rgyas kyi lus 'od lnga'i phung por yod do// 'od kha dog lnga phra
130a5 la dngas pa gsal la 'tsher ba rang bzhin bkrag la nyam nga ba/me re re yod do// rang gi rig pa 'od kyi phung por bzhugs pa 'di sangs rgyas yin no// sangs rgyas kyi lus 'od kyi phung por shes par
130a6 bya'o// sangs rgyas kyi lus 'od kyi phung por med na/ snang gsal gyi mtha' 'gags/ mu stegs chod pa'i lta ba dang khyad med/ de nas gsang ba'i bdag pos 'di skad ces zhus so// kye sangs rgyas 'od kyi phung po
130b1 chen po/sangs rgyas kyi lta ba gsung du gsol/ zhes zhus so// de nas sangs rgyas 'od kyi phung pos bka' stsal pa/ sangs rgyas kyi lta ba ni 'od kyi phung po la blta'o// sangs rgyas lta ba rnam gsum ni/ chos sku la
130b2 lta ba'i lta ba dang/ye shes la lta ba'i lta ba dang/ dag snang la blta ba'i lta ba dang gsum mo// chos sku la blta ba'i lta ba ni/ rang gi shes pa rang so la gnas pa'i dus na chos sku yin no// rdo rje sems dpa'i me
130b3 long la rang gi mig 'jug nas bltas pas/sangs rgyas kyi zhing khams 'od kha dog phra la dwangs pa gsal la 'tsher ba/ rang bzhin bkrag pa/ nyam nga ba med par 'tshe bar mdog gsum du 'char ba de/ sangs
130b4 rgyas kyi zhing khams la blta ba'i lta ba yin no// zhes gsungs so// de nas yang gsang ba'i bdag pos 'di skad ces zhus so// kye sangs rgyas 'od kyi phung po/ sangs rgyas kyi yon tan gsum gsung du gsol/
130b5 ces zhus so// de nas sangs rgyas 'od kyi phung po chen pos bka' stsal pa/ sangs rgyas mig nas 'thon nas/ 'khor ba ru log nas yul ye shes su 'char ba de/ rang gi rig pa 'od kyi phung por bzhugs pa'i
130b6 yon tan yin no// rang 'od ngo shes na sgom sgrub mi dgos par sangs rgya ba de/ sangs rgyas kyi chos sku 'dus ma byas su bzhugs pa'i yon tan yin no// rang gi rig pa rang ngo shes na las dge sdig gis mi sgrib
131a1 par sangs rgya ba de/rang byung gi ye shes rgyu dang rkyen gyis ma bskyed pa'i yon tan yin no// zhes gsungs so// de nas sangs rgyas 'od kyi phung pos 'di skad ces bka' stsal pa/ kye gsang ba'i
131a2 bdag po/rang gi rig pa chos kyi sku la skye 'chi med pa yin no// sangs rgyas kyi dgongs pa la sgom du med pa yin no// sangs rgyas kyi dgongs pa ngo shes na las dge sdig thams cad dag nas sangs rgya ba yin
131a3 no// zhes gsungs so// de nas yang gsang ba'i bdag pos zhus pa/ kye sangs rgyas 'od kyi phung po chen po/ sangs rgyas kyi gnas lugs gsum gsung du gsol zhes zhus so// de nas sangs rgyas 'od kyi phung
131a4 pos bka' stsal pa/kye gsang ba'i bdag po khyod nyon cig/ sems can thams cad la rang gi snying gi dkyil nas stong pa rig pa snying po can du gnas so// rig pa 'od kyi khang pa na 'od mtha' med pa'i yul
131a5 can du gnas so// zhes gsungs so// de nas yang gsungs pa gsang ba'i bdag po sangs rgyas kyi 'char lugs gsum nyon cig/ sangs rgyas kyi me long la bltas pas/ sangs rgyas kyi zhing khams 'char
131a6 ro// rang gi rig pa la bltas pas/ rtags 'phral la 'char ro// rang gi rig pa lam yangs pa rang lus 'od lnga las/ nyams su blangs pas dag snang lhug par 'char ro// zhes bka' stsal to// de nas yang
131b1 gsang ba'i bdag pos 'di skad ces zhus so// kye sangs rgyas 'od kyi phung po sangs rgyas kyi grol ba gsum du gsung du gsol/ ces zhus so// sangs rgyas 'od kyi phung pos bka' stsal pa/ rang 'chi ba'i dus su
131b2 dag snang ngo shes pas 'khrul snang dag snang du grol te/sha khrag gi lus rin po che 'od 'bar ba'i skur grol lo// sems rtogs bcas ye shes mi rtog par grol lo// de nas yang gsang ba'i bdag pos 'di skad
131b3 ces zhus so// kye sangs rgyas 'od kyi phung po sangs rgyas kyi dgongs pa gsum gsung du gsol/ zhes zhus so// de nas sangs rgyas 'od kyi phung pos bka' stsal pa/ kye gsang ba'i bdag po khyod nyon cig/ snang
131b4 ba rang log 'ong bas bag chags sbyang mi dgos/ye shes tshang khab tu 'ong bas ched du bsgom mi dgos so// rang gi rig pa la skye shi med pas 'khor ba'i sdug bsngal mi dgos/ zhes bka' stsal to// ma sangs
131b5 rgyas rang chas kyi rgyud las/sangs rgyas dngos su bstan pa'i le'u ste dang po'o//// de nas yang gsang ba'i bdag pos 'di skad ces zhus so// kye sangs rgyas 'od kyi phung po/ chos kyi phung po brgyad khri bzhi
131b6 stong gsungs kyang/chos thams cad kyi rtsa ba gdams ngag la 'dus/ gdams ngag thams cad kyi dmar thag gcad ces zhus so// de nas yang sangs rgyas 'od kyi phung pos bka' stsal pa/ rang 'chi ba'i tshe/
132a1 drod rkang pa'i mthil nas yal/ spyi bo tshangs pa'i bu ga nas yar 'thon/ sems glo ba'i nang nas 'thon nas dbugs sna sgor chad/ sangs rgyas snying gi nang nas byon nas mig nas phar la don pa'i
132a2 dus su/snang ba thams cad 'od du 'char te/ shar ba de rang gis sangs rgyas su ngo shes pas rang 'od dang sku la thim nas sangs rgya bas/ gdams ngag thams cad dmar thag snang srid thams cad sku dang 'od du
132a3 shar ba'i dus bcad do// zhes gsungs so// de nas gsang ba'i bdag pos 'di skad ces zhus so// e ma sangs rgyas 'od kyi phung po chen po/ gdams ngag de nam dgos na zhes zhus pas/ gdams ngag 'chi
132a4 ba'i dus su dgos/'chi ba'i dus kyi dmar thag gar bcad ces zhus pas/ sangs rgyas 'od kyi phung pos bka' stsal pa/ gsang ba'i bdag po rang 'chi ba'i dus su/ 'chi lugs gnyis yin te/ kun tu bzang
132a5 po'i ngang du 'chi ba dang/kun tu bzang mo'i ngang du 'chi ba'o// kun tu bzang mo'i ngang du 'chi na nad thams cad sreg pa rtsa la zhugs nas/ 'chi bas na tsha zug gzer chung bar nyal der 'chi bas so// kun tu
132a6 bzang po'i nang du 'chi na/nad snying la 'dus nas/ na tsha zug gzer shin tu che bar 'chi ba yin te/ na tsha zug gzer lhag pa re la/ rtogs pa'i shes rab lhag pa re skye bas/ bdag 'chi ba'i dus kyi dmar thag
132b1 kun tu bzang po'i ngang du 'chi ba la bcad do// de nas yang gsang ba'i bdag pos 'di skad ces zhus so// kye sangs rgyas 'od kyi phung po/ gdams ngag byas pa gcig sangs rgyas pas/ sangs rgyas pa'i dus
132b2 kyis dmar thag gar gcad ces zhus so// de nas sangs rgyas 'od kyi phung pos bka' stsal pa/ kye gsang ba'i bdag po/ sangs rgya ba la gnyis yin no// chos nyid ma dang phrad pa dang/ ye shes rang sa zin
132b3 pa'o// chos nyid ma dang 'phrad pa ni/ 'phrul snang 'gags nas dag snang 'char ba yin no// ye shes rang sa zin pa ni/ 'od lnga ngo shes pas rang gi snang ba la thim nas sangs rgya bas/ bdag sangs rgya ba'i dus
132b4 kyis dmar thag chos nyid ma dang 'phrad pa'i dus su bcad do// zhes gsungs so// ma sangs rgyas rang chas kyi rgyud las/ dmar thag gsum bstan pa'i le'u ste gnyis pa'o//// de nas yang gsang ba'i bdag
132b5 pos 'di skad ces zhus so// kye sangs rgyas 'od kyi phung po chen pos/ sangs rgyas kyi mtshan lnga gsung du gsol/ ces zhus so/ de nas sangs rgyas 'od kyi phung pos bka' stsal pa/ kye gsang ba'i bdag po khyod
132b6 nyon cig/sangs rgyas kyi mtshan rnam pa lnga ni/ yang dag par rdzogs pa'i sangs rgyas nyag gcig dang/ thog ma'i sangs rgyas 'od mi 'gyur ba dang/ rig pa kun tu bzang po dang/ sangs rgyas gzhon nu bum pa'i
133a1 sku dang/rang bzhin lhun grub kyi sangs rgyas dang lnga yin no// kye nyon cig/ rang gi rig pa ngo bo stong pa kun tu bzang mo'o// rig pa gsal ba kun tu bzang po'o// kun tu bzang po dang/ bzang
133a2 mo dbyer med pas sangs rgyas nyag gcig yin pas/rang gi snying gi dkyil nas/ sangs rgyas 'od kyi phung po la skye 'chi med pas gzhon nu bum pa'i sku'o// rig pa rang gi ngo bo ma 'gags par gsal ba kun tu
133a3 bzang po'o// sems can thams cad rang gi snying gi dkyil na sangs rgyas bzhugs pas rang bzhin lhun gyi grub pa'i sangs rgyas yin no// sangs rgyas chos kyi sku rten pa rang gi lus la bstan no// bzhugs pa
133a4 rang gi snying gi dkyil na bzhugs so// gsal ba rang gi mig na phar gsal lo// sangs rgyas rang chas kyi rgyud las/ sangs rgyas kyi mtshan bstan pa'i le'u ste gsum pa'o//// de nas yang gsang ba'i
133a5 bdag pos 'di skad ces zhus so// de nas yang rnam par grol ba'i sangs rgyas 'od kyi phung pos bka' stsal pa/ kye gsang ba'i bdag po rang gi ye shes rang ngo shes pa de sangs rgyas la gsum mo// 'jug pa dang
133a6 grol ba dang mthar phyin pa'o// 'jug pa gnyis yin no// dag snang rang la tshur 'jug pa ni/ rang 'chi ba'i tshe rang gi sangs rgyas rang la 'char ba de yin no// rang phar la 'jug pa ni/ rang gi sangs rgyas 'char
133b1 ba'i tshe rang ngo shes pas sangs rgya ba'o// rang gi rang bzhin gyis 'od gsal la dus rtag tu blta ba'o// grol ba la gsum yin no// rig pa sbubs nas 'thon pas phyi nang gi chos thams cad grol lo// rig pa
133b2 sems dang dral bas gzung 'dzin gyi rnam par rtog pa las grol lo// rig pa rang lus thob nas/ rang gi ye shes rang sa 'dzin nas/ ma rig pa rig pa'i ye shes su grol lo// mthar phyin pa sangs rgyas nas
133b3 sems can du mi ldog pa'o// sangs rgyas rang chas kyi rgyud las grol tshul bstan pa'i le'u ste bzhi pa'o//// de nas yang gsang ba'i bdag pos 'di skad ces zhus pa/ e ma ho// bde gshegs 'od kyi
133b4 phung po chen po/sangs rgyas kyi min pa gsum gsung du gsol/ ces zhus so/ de nas sangs rgyas 'od kyi phung pos bka' stsal pa/ gsang ba'i bdag po byas pa'i chos kyi ma byas pa'i sangs rgyas thob pa min
133b5 no// sangs rgyas 'dus ma byas pa yin pas byas pa'i chos kyi sangs rgyas thob pa min no// de nas gsang ba'i bdag pos zhus pa/ rnam par grol ba'i sangs rgyas 'od kyi phung po/ sangs rgyas kyi yin pa gsum
133b6 gsung du gsol/ces zhus so// rang gi rig pa 'od phung chen por bzhugs pa 'di sangs rgyas kyi brda'o// sangs rgyas kyi sku la sku dang ye shes rgyun chad med pa bzhugs pa yin no// rang gi rig pa la skye 'chi
134a1 med par dus gsum mnyam pa nyid du gsal bar bzhugs pa yin no// rig pa ngos bzung dang bral bas chos kyi sku'o// rig pa shes rab kyi mkhyen pa ma 'gags pas longs sku'o// rig pa cir
134a2 yang 'char bas sprul pa'i sku'o// rig pa mig nas 'thon pas longs sku kha mig rna ba can gyis snang srid thams cad khongs nas 'char ro// sangs rgyas longs sku dpangs su khru bcu drug pa zheng du khru brgyad pa
134a3 'char ro// de ngo shes pas sangs rgya'o// ma sangs rgyas rang chas kyi rgyud las/ sku dang ye shes kyi le'u ste lnga pa'o//// de nas yang gsang ba'i bdag pos zhus pa/ e ma ho/ rnam par grol ba'i sangs rgyas
134a4 'od kyi phung po/sangs rgyas kyi chog pa gsum gsung du gsol/ ces zhus so// sangs rgyas 'od kyi phung po chen pos bka' stsal pa/ kye kye gsang ba'i bdag po/ sangs rgyas kyi chos thams cad 'das pa yin
134a5 pas sgom pa dang bzlas pa dang 'bad rtsol thams cad dang bral nas rang ngo shes pas chog go/sangs rgyas kyi sku rdul dang bral bas ci dga' byas pas chog go/ rig pa 'od kyi phung por bzhugs pas ye shes su
134a6 'char te chog go/de nas gsang ba'i bdag pos zhus pa/ sangs rgyas kyi 'ong ba gsum gsung du gsol/ ces zhus so// sangs rgyas kyis bka' stsal pa/ rang 'chi ba'i dus su sangs rgyas kyi sun ma gsum 'ong
134b1 bas de ngo shes par gyis shig/sangs rgyas pa dang mngon par shes pa drug rang byung du 'ong ngo// mngon par shes pa shar ba dang/ thugs rje rang byung du 'ong ngo// sangs rgyas rang chas kyi rgyud las/ ngo shes pas
134b2 sangs rgya ba'i le'u ste drug pa'o//// de nas yang gsang ba'i bdag pos zhus pa/ kye sangs rgyas 'od kyi phung po chen po/ 'chi khar sangs rgya ba'i gdams ngag mngon sum du gsung du gsol/ ces zhus
134b3 pas/sangs rgyas kyis bka' stsal pa/ gsang ba'i bdag po mdzod spu'i bu ga nas ye shes kyi 'od zer/ tho rangs kyi skar chen tsam shar ba bzhin 'char ro// de ngo shes pas chog go/ de la ltos shig/ lha'i phyag
134b4 sor la sangs rgyas kyi zhing khams 'char ro// de la ltos shig/ de ngo shes par gyis shig/ rang gi lus la sangs rgyas kyi sku 'char ba'i gnas sum cu so drug yod do// sku de rnams la ltos shig/ rang 'chi ba'i tshe
134b5 rang gi ye shes 'char ba de/de rang gis ngo shes pas chog go/ ma sangs rgyas rang chas kyi rgyud las/ gdams ngag can gnad kyi sgo nas sangs rgyas pa'i le'u ste bdun pa'o//// sngags kyi srung mas srungs
134b6 shig/sangs rgyas rang chas kyi rgyud chen mo las/ ltas pas sangs rgya ba rdzogs so////[xxx]aM pawa dwa bud+d+ha tsit+ta ro ma hA/ kA la/


CLOSE WINDOW