127a4 rgya gar skad du/ sen+ti ma hA sa man+ta b+ha dra dz+nyA na pa ti gu h+ya nA ma tan+t+ra/ bod skad du/ rdzogs pa chen po kun tu bzang po ye shes gsal bar ston pa'i rgyud phyi ma'i phyi ma zhes bya ba/ bcom ldan 'das rdo
127a5 rje 'chang sangs rgyas kun tu bzang po la phyag 'tshal lo// de nas dpal kun tu bzang pos rigs lnga'i sangs rgyas la bka' stsal pa/ rig pa stong gsal gyi don nyams su len pa ni/ dang po sems gzung
127a6 dgos pas/sems gzung ba la 'di lta ste/ nyon cig rdo rje sems dpa' sogs/ tho la gzung ba dang/ ri mo la gzung ba dang/ 'jam po'i rlung la gzung ba dang/ thig le la gzung ba dang/ gdugs la gzung
127b1 ba dang/'khor lo la gzung ba dang/ yig 'bru la gzung ba dang/ 'gro ba bzang mo shes rab ma la gzung ba dang/ rdo rje slob dpon la gzung ba dang/ drag rlung la gzung ba dang/ nam mkha' la gzung
127b2 ba'o// de la tho la gzung ba ni/ tho btsugs la de la mig phyir 'phreng la/ de la shes pa gtad la thun gsum mam lnga'am bdun la sogs pa bsgom mo// ri mo la sems gzung ba ni/ ri mo'i nang du shes pa
127b3 bskyil la bzung ngo// 'jam rlung la gzung ba ni/ steng rlung mnan/ 'og rlung bsdams bar rlung rang sar bzhag la dbugs phar 'gro tshur 'gro a haM la gtad la gzung ba'o// thig le la gzung ba ni/ smin phrag
127b4 tu thig le ser yer re ba'am/sna rtser bsams pa la gzung ba'o// gdugs la gzung ba ni/ 'og tu rgya gdugs bsam/ steng du rang nyid bsams la/ gdugs de 'khor ba la shes pa gzung ngo/ 'khor lo la
127b5 gzung ba ni/nan tan ma zin na bla mas shog bu'i gdugs byas la de bskor sna ru spos dud gtang/ rna bar dril bu gsil la gzung ngo// yig 'bru la gzung ba ni/ sems kyi gnas gzhi ru/ hUM ngam a lta bu'i
127b6 yi ge la ma yengs par gtad la gzung ngo// 'gro ba bzang mo shes rab ma la gzung ba ni/ yab yum mkha' gsang brlab par byas la/ dbang po gnyis sprad de byang chub sems rdo rje'i sked par sleb pa la gzung
128a1 ba'o// rdo rje slob dpon la gzung ba ni/ spyi bor bla ma bsam la de la gzung ngo// drag rlung la gzung ba ni/ shes pa 'grang ldog byas la gzung ngo// nam mkha' la gzung ba ni/ mdun gyi nam
128a2 mkha' la shes pa gtad la khab mig tu skud pa 'dzud pa'am/gzhu bdungs pa lta bu dran pa hur byas la gzung ba'o// de rnams ma yengs par byas la gzung bar byed pa'o// zhes gsungs so// rgyud phyi ma'i phyi ma
128a3 las le'u ste dang po'o//// de nas yang bka' stsal pa/ de nas log non bstan pa ni/ sems gzung ba la rlung skyes na/ shes pa rgod skra zing por 'ong/ gnyid mi phebs so// de la bsku mnye bya/ zas
128a4 bcud can bsten no// mkhris pa skyes nas ser por mthong ba la sogs byung na bsil gtang ngo// bad kan skyes nas sbe ba dang/ 'khrog pa dang/ dang ga mi bde ba byung na/ bcag khams bsang ngo// zhes
128a5 gsungs so// rgyud phyi ma'i phyi ma las le'u ste gnyis pa'o//// de nas yang bka' stsal pa ni/ de ltar sems zin nas rig pa stong gsal du shes pa lta ba'o// de'i ngang du gsal ba sgom pa'o// de las ma
128a6 yengs par spyod pa'o// de 'chi ba'i dus su dran pa dang skye ba bskyed de gdams ngag gis 'pho bar bya'o// de las 'bras bu sku gsum ye shes lnga'o// zhes gsungs so// rgyud phyi ma'i phyi ma las le'u ste gsum
128b1 pa'o//// de nas yang bka' stsal pa/ rgyud 'di ni rgyud snga ma'i kha skong ba zhes bya ba yin pas/ rdo rje sems dpas gces spras kyis gzung zhig bcang bar bya'o// zhes bka' stsal te chos nyid kyi ngang du gyur
to/

CLOSE WINDOW