125b1 des sras ye shes seng ge la gtad/ des rngog ston 'od 'bar la gtad/ des rong pa gnubs chung ba dang/ nyang ban rin chen gtsug tor la gtad pa'o//// rgya gar skad du/ san+ti ma hA sa man+ta b+ha dra
125b2 tsi ta gu h+ya nA ma tan+t+ra/bod skad du/ rdzogs pa chen po kun tu bzang po ye shes gsal bar ston pa'i rgyud phyi ma'i phyi ma zhes bya ba/ bcom ldan 'das rdo rje 'chang sangs rgyas kun tu bzang po la phyag 'tshal lo// de
125b3 nas bcom ldan 'das dpal kun tu bzang pos stong gsal chen po'i ting nge 'dzin la zhugs nas/rdo rje sems dpa' la sogs pa'i 'khor rnams la bka' stsal pa/ kye ma ho// nyon cig rdo rje 'dzin tshogs
125b4 rnams// rig pa stong gsal rtogs 'dod na// dang po sems nyid gzung ba dang// de nas lam du blang bar bya// zhes bka' stsal to// de nas rdo rje sems dpas gsol pa// kye kye bcom ldan rdo rje
125b5 'chang// rig pa stong gsal rtogs pa yi// sems gzung lam du blang ba ni// de don rim pa ji ltar lags// de skad gsol ba'i tshig gsan nas// rdo rje 'chang gis bka' stsal pa// sems gzung rim pa 'di
125b6 lta ste// mtho dang ri mo 'jam rlung dang// thig le gdugs dang 'khor lo dang// yig 'bru dang ni shes rab ma// slob dpon drag shul nam mkha'o// zhes gsungs so// rgyud phyi ma'i phyi ma las le'u ste dang
126a1 po'o//// de nas gzhan yang bka' stsal pa// dang po mtho la gzung ba ni// mdun du rtsig pa la gtad de gzung/ ri mo dag la gzung ba ni// ri mo'i nang du gzung bar bya// 'jam rlung
126a2 dag la gzung ba ni// steng 'og bar rlung rang sar gzung// thig le dag la gzung ba ni// smin mtshams dag gam sna rtse ru// thig le dag la gtad la gzung// de bzhin gzugs la gzung ba ni// rgya gdugs
126a3 steng na bdag nyid 'dug/de nyid 'khor ba dag la gzung// 'khor lo dag la gzung ba ni// shog bu'i 'khor lo bla mas gzung// sna ru bdug pa rna bar sgra// ma yengs gtad la gzung bar bya// yig 'bru dag
126a4 la gzung ba ni// sems kyi gnas sa gzhi ru yang// a sogs yig 'bru dag la gzung// shes rab ma la gzung ba ni// mkha' gsang brlab cing dbang po sprad// thig le gnyis shor gnyis la gzung// slob
126a5 dpon dag la gzung ba ni// spyi bo'i gtsug tu bsam la gzung// drag rlung dag la gzung ba ni// shes pa'i 'greng ldog byas la gzung// nam mkha' dag la gzung ba ni/ khru gang dpangs la gtad de
126a6 gzung// zhes gsungs so// rgyud phyi ma'i phyi ma las le'u ste gnyis pa'o//// de nas yang ni bka' stsal pa// nyon cig rdo rje sems dpa' rnams// sems 'dzin pa yi dus nyid du// yon tan skyon du snang
126b1 ba'i phyir// skyon rnams bcos pa 'di ltar bya// rlung skyes par ni gyur pa la// shes pa rgod cing gnyid mi phebs// de la bsku mnye bcud can brten// mkhris pa bskyes par gyur pa na// ser po dmar por snang ba
126b2 dang// bad kan skyes na spo 'khrog byed// de dag mi bde gyur pa na/ kha zas bsil btang bcos par bya// sems 'dzin pa yi dus nyid du// g.yeng ba 'brel bskyungs thag bcad la// bde ba'i stan la 'dug
126b3 nas ni// drag tu ma yengs gzung bar bya// sems ma zin pa'i bar du yang// mtshan ma kha thon sems 'dzin dang// sems las rgyu 'grul bcad de spangs// de nas sems 'dzin brtan pa dang// rig pa stong
126b4 gsal lta ba ste// de yi ngang la bsgom par bya// de las 'bras bu sku dang ni// ye shes dag tu snang ba ste// rang don chos skur nor song nas// 'gro don gzugs sku gnyis kyis byed// de ni lam du bslang ba'i
126b5 don// zhes gsungs so// rgyud phyi ma'i phyi ma las le'u ste gsum pa'o//// de nas dpal kun tu bzang po chos kyi sku des/ rdo rje sems dpa' la sogs pa'i 'khor rnams la bka' stsal pa/ rgyud 'di ni
126b6 ma tshang ba kha skong ba phyi ma'i phyi ma zhes bya ba yin te/'khor ba thams cad myang 'das las bsgral zhing sku dang ye shes su la bzla ba'i phyir shin tu gces spras kyis gzung zhing bcang par bya'o// zhes bka' stsal
127a1 pa dang/'khor rnams yi rangs te/ stong gsal chen po'i ngang du sangs rgyas par gyur to// rgyud phyi ma'i phyi ma las le'u ste bzhi pa'o//// rdzogs pa chen po kun tu bzang po ye shes gsal
127a2 bar ston pa'i rgyud phyi ma'i phyi ma zhes bya ba rdzogs so//// rgya gar gyi slob dpon shrI sing+ha pra b+hA tA dang/ bod kyi lo tsA ba gnubs yang dbang gter gyis bsgyur cing zhus te gtan la phab
127a3 pa'o//// rgyud 'di yang dben du ma hA kA la bka' bsrung gtad de/ sbas nas yon tan rgya mtsho skye ba bdun pa gcig dang 'phrad de/ bstan pa'i snying po 'jug par gyur cig///


CLOSE WINDOW