98a1 /// rgya gar gyi mkhan po su ren+d+ra bo d+hi dang/ zhu chen gyi lots+tsha ba ban+de ye shes sdes bsgyur cing zhus te gtan la phab pa'o//// ! shis par brjod pa'i
98a2 tshigs su bcad pa/dkon mchog gsum la phyag 'tshal lo// lha yi bkra shis don grub cing// phyogs rnams bkra shis byed pa des// khyed kyi don rnams grub gyur cig/ thams cad myur du mthun par
98a3 shog/phreng ba mgo la 'dug pa ltar// lag pa g.yas na dpal yod shog/ g.yon na'ang dpal ni gnas gyur cig/ yan lag kun la'ang dpal yod shog/ tshong pa dag ni nor tshol zhing// phyogs bcu dag tu
98a4 'gro ba rnams// rnyed pa chen po rnyed gyur cig/ de dag bde ba skyid par shog/ dgos pa la la gang gi phyir// shar phyogs su ni 'gro ba na// gang dag phyogs der gnas pa yi// rgyu skar khyed la skyong gyur
98a5 cig/smin drug dang ni snar ma dang// mgo dang lag dang nab so dang// rgyal dang skag ces bya ba ste// de dag rnams ni shar phyogs pa// rgyu skar bdun po de dag ni// 'jig rten skyong ba grags ldan pa// shar
98a6 phyogs logs na yod ces bstan// de dag khyed la kun tu srungs// de dag bdag po rgyal po ni// yul 'khor srung zhes grags pa ste// de ni dri za kun gyi bdag/ nyi ma lhan cig srung bar shog/ de la bu ni mang
98b1 yod la// mkhas shing ming yang mthun pa ste// dgu bcu rtsa gcig zad par yang// dbang po zhes bya stobs po che// de rnams khyed la nad med cing// shis pa lhag par skyong gyur cig/ shar phyogs logs kyi
98b2 phyogs cha na// lha mo gzhon nu brgyad yod de// rgyal dang rnam par rgyal ma dang// don grub ma dang mi 'pham dang// dga' mchog ma dang dga' bde dang// dga' can ma dang dga' 'phel ma// de dag khyed la
98b3 nad med cing// shis pa lhag par skyong gyur cig/ shar phyogs logs kyi phyogs cha na// gzhi 'dzin ces bya'i mchod rten yod// rgyal ba skyob pa dgra bcom pa// de rnams kyis ni bzhugs shing mkhyen// de yang
98b4 khyed la nad med cing// shis pa lhag par skyong gyur cig/ phyogs na khyed cag bde bar shog/ khyed cag sdig par ma gyur cig/ lha rnams kun gyis rab bsrungs nas// nor rnams rnyed de ldog par shog/ dgos
98b5 pa la la gang gi phyir// lho phyogs su ni 'gro ba na// gang dag phyogs der gnas pa yi// rgyu skar khyed la skyong gyur cig/ mchu dang gre dang dbo dang ni// me bzhin nag pa lnga pa yin// sa ri dang ni sa ga ste// de
98b6 dag rnams ni lho phyogs pa// rgyu skar bdun po de dag ni// 'jig rten skyong ba grags ldan pa// lho phyogs logs na yod ces bstan// de dag khyed la kun tu srungs// de dag bdag po rgyal po ni// 'phags skyes
99a1 po zhes bya bar brjod// de ni grul bum kun gyi bdag/ gshin rje lhan gcig srung bar shog/ de la bu ni mang yod la// mkhas shing ming yang mthun pa ste// dgu bcu rtsa gcig zad par
99a2 yang// dbang po zhes bya stobs po che// de rnams khyed la nad med cing// shis pa lhag par skyong gyur cig/ lho phyogs logs kyi phyogs cha na// lha mo gzhon nu brgyad yod de// dpal ldan ma dang grags ldan
99a3 ma// grags pa thob dang grags 'dzin ma// legs par langs dang rab snga dang// legs par sad dang bde sgrub ma// de dag khyed la nad med cing// shis pa lhag par skyong bar shog/ lho phyogs logs kyi
99a4 phyogs cha na// pad+ma zhes bya'i mchod rten yod// rtag tu gzi brjid kyis kyang 'bar// rtag tu thams cad gsal bar byed// de yang khyed la nad med cing// shis pa lhag par skyong gyur cig/ phyogs na khyed cag
99a5 bde bar shog/khyed cag sdig pa ma gyur cig/ lha rnams kun gyis rab bsrungs nas// nor rnams rnyed de ldog par shog/ dgos pa la la gang gi phyir// nub phyogs su ni 'gro ba na// gang dag phyogs der
99a6 gnas pa yi// rgyu skar khyed la skyong gyur cig/ lha mtshams dang ni snron dang yang// brtson 'grus brten ldan snrubs dang ni// chu stod chu smad byi bzhin dang// gro bzhin de ni bdun pa yin// rgyu skar bdun po de
99b1 dag ni// 'jig rten skyong ba grags ldan pa// nub phyogs logs na yod ces bstan// de dag khyed la kun tu srungs// de dag bdag po rgyal po ni// mig mi bzang zhes bya bar shes// de ni klu rnams kun gyi
99b2 bdag/chu lha lhan cig srung bar shog/ de la bu ni mang yod la// mkhas shing ming yang mthun pa ste// dgu bcu rtsa gcig zad par yang// dbang po zhes bya stobs po che// de dag khyed la nad med cing// shis pa
99b3 lhag par skyong gyur cig/nub phyaugs logs kyi phyogs cha na// lha mo gzhon nu brgyad yod de// rna cha sra mkhregs ma dang ni// pad+ma dkar dang skya reng dang// cha med gcig dang dgu pa dang// rol dang gnag dang
99b4 stabs myur srid// de dag khyed la nad med cing// shisapa lhag par skyong bar shog/ nub phyogs logs kyi phyogs cha na// nub ces bya ba'i ri bo yod// nyi ma zla ba gnyis ka'ang nub// nub pa'ang khyed la nor
99b5 sbyin 'gyur// de yang khyed la nad med cing// shis pa lhag par skyong gyur cig/ phyogs na khyed cag bde bar shog/ khyed cag sdig par ma gyur cig/ lha rnams kun gyis rab bsrungs nas// nor rnams rnyed de
99b6 ldog par shog/dgos pa la la gang gi phyir// byang phyogs su ni 'gro ba na// gang dag phyogs der gnos pa yi// rgyu skar khyed la skyong gyur cig/ mon gru dang ni mon gre dang// khrums stod dang ni khrums smad
100a1 dang// nam gru dang ni tha skar dang// bre nye dang ni bdun pa yin// rgyu skar bdun po de dag ni// 'jig rten skyong ba grags ldan pa// byang phyogs logs na yod ces bstan// de dag khyed la kun tu
100a2 srungs// de dag bdag po rgyal po ni// mi la zhon pa lus ngan po// gnod sbyin kun gyi bdag po ste// nor bzang lhan cig srung bar shog/ de la bu ni mang yod la// mkhas shing ming yang mthun pa ste// dgu bcu
100a3 rtsa gcig zad par yang// dbang po zhes bya stobs po che// de dag khyed la nad med cing// shis pa lhag par skyong gyur cig/ byang phyogs logs kyi phyogs cha na// lha mo gzhon nu brgyad yod de// rabs chags lha
100a4 mo stong lha mo// sa dang de bzhin pad+ma can// rgyal po che la nye gnas dang// re dang khre yod dpal ldan ma// de dag khyed la nad med cing// shis pa lhag par skyong bar shog/ byang phyogs logs kyi phyogs cha
100a5 na// spos dang ldan pa'i ri bo yod// gnod sbyin 'byung po kun gyi gnas// rtse mo sna tshogs lta na sdug/ de yang khyed la nad med cing// shis pa lhag par skyong gyur cig/ phyogs na khyed cag bde bar shog/ khyed
100a6 cag sdig par ma gyur cig/lha rnams kun gyis rab bsrungs nas// nor rnams rnyed de ldog par shog/ rgyu skar nyi shu rtsa brgyad po// phyogs bzhi dag na bdun bdun gnas// lha yi bu mo sum cu gnyis// phyogs
100b1 bzhi dag na brgyad brgyad gnas// dge sbyong brgyad dang bram ze brgyad// yul rnams na ni grong rdal brgyad// dbang por bcas pa'i lha brgyad rnams// de dag khyed la kun tu srungs// khyed cag 'gro na'ang bkra
100b2 shis gyur// ldog pa na yang bkra shis shog/ gnyen la lta ba bkra shis shog/ gnyen gyis lta ba'ang bkra shis shog/ dbang bcas gnod sbyin rgyal chen dang// dgra bcom pa dag snying brtse bas// thams cad du ni
100b3 bkra shis dang// bdud rtsi shis pa thob par shog/ tshangs pa dag ni de bzhin nor rgyas dang// zag pa med pa rnam par grol rnams dang// klu dang gnod sbyin rtag tu snying rjes srungs// ston brgya mtshungs par tshe
ni skyong bar shog/

CLOSE WINDOW