CLOSE WINDOW

Gpb032.001
བོད་ཡིག

bdud bya rog mgo brtsegs gsang ba sgrol byed kyi rgyal po ki kang rog ti'i mdo snying gzer nag po'i rgyud chen po bzhugs so// rgya gar skad du/ ki kang krag tsa ne nal tshab tu seb ling// shan pa pra ling sad rag sha sen sen sa ri ling gu h+ya ta na rA dza tsit+ta ha la ma hA tan+t+ra/ bod skad du/ bdud bya rog mgo brtsegs gsang ba sgrol byed kyi rgyal po ki kang rog ti'i mdo snying gzer nag po'i rgyud chen po/bcom ldan 'das 'jam dpal gshin rje'i gshed la phyag 'tshal lo// 'di skad bdag gis thos pa'i dus gcig na/de bzhin gshegs pa thams cad kyi sku mchog/ bcom ldan 'das 'phags pa 'jam dpal gzhon nu 'og min gyi mtha' dang dbus med pa/steng 'og phyogs mtshams kun tu 'dod pa'i yon tan lnga dang/ rin po che sna tshogs kyis rnam par spras pa'i gzhal yas khang na/ 'khor gyi byang chub sems dpa' rnams dang/thabs cig tu bzhugs shing sems can gyi don mdzad pa las/ thugs zhi bas mi thul ba'i gdug pa can dang/ ya ma dam sri la sogs pa log 'dren can rnams dang/'gal byed cham la dbab pa'i ched du/ bcom ldan 'das nyid gdug pa spa bkong mi bsgrungs kun 'dus zhes bya ba'i ting nge 'dzin la snyoms par zhugs nas/ zhugs ma thag tu 'jigs byed khrag 'thung gi sku/rdo stang zil bcag pa'i 'phro ltar nag la 'tsher zhing rngam brjid ldan pa/ dur khrod kyi rgyan sna tshogs kyis bklubs shing/ gdug pa'i mtshon cha sna tshogs bsnams pa/zhabs gnyis na rag dmyal ba'i bstan pa gzir zhing/ snang srid khong stong na 'phyo ba zhig dbyings las mngon du shar te/ gnas tshad dang dpag pa las 'das shing/rtse mo kun tu ma chad pa/ dur khrod kyi long long 'phyo ba na/ 'khor gyi gtso bor gyur pa/ rdo rje 'dzin pa chen po dang/ rgyal po dang/ rgyal thebs dang/ rgyal phran dang/ nang blon dang/ phyi blon la sogs pa re re'i 'khor na yang/nad gtong ba dang khram 'debs mi bsgrungs pa'i tshogs bsam gyis mi khyab pa dag dang/ gzhan yang 'dod pa'i gtso mo'i tshogs/ rgyal mo dang/ rgyal mo'i rgyal mo dang/ rgyal thebs mo dang blon mo dang/ bran mo dang/ g.yog mo'i tshogs re re'i 'khor na yang/ 'du ba rnam bzhi nad kyi bdag mo dang/ bzhi brgya rtsa bzhi'i nad gtong ba'i tshogs bsam gyis mi khyab pa dang/ thabs cig tu bzhugs so// yum bai tA li dang/ e ka dza Tis kyang mdun gyis bltas nas/ sku la rnam par 'khril te gnas so// de nas bcom ldan 'das 'jigs byed chen pos/ 'od zer sna lnga dug lnga kun sdud ces bya ba'i ting nge 'dzin la snyoms par zhugs te/zhugs ma thag tu yum bai tA lis a ho zhes smin mtshams glog 'gyu ba'i brda gcig mdzad pas/ 'jigs byed chen pos kyang bskul ba de thugs su chud nas/ a ho su kha zhes bya ba byang chub sems kyi char yum gyi mkha' la mngon par bab nas rol pa mdzad pas 'khor rnams dang dgyes pa'i ro dus gcig tu bstar te/ 'od zer phyogs bcu'i 'jig rten gyi khams su spros pas/sems can thams cad la byang chub sems kyis dbang bskur nas bde ba la bkod de/ 'od zer de dag gis khams gsum gyi gdug pa can dang/ phyin ci log gi dug lnga dang/ mi dge ba bcu la sogs pa'i bcud thams cad bsdus nas nyid kyi sku la thim par mdzad do// de nas gnyis su med pa'i rol pa las zhe sdang gi 'od zer nag po dang/ nga rgyal gyi 'od zer ser po dang/ phrag dog gi 'od zer ljang gu la sogs pa/ri rab kyi rtse la g.yung drung gi gnas su 'phro ba las srin po yag sha dz+wa la 'bar bar gyur te/ ri rab kyi rtse na zhe sdang gi me 'bar zhing gnas so// 'dod chags kyi 'od zer dmar po dang/gti mug gi 'od zer dud ka rgya mtsho'i gting du 'phros pa las/ 'bras bu klu mo yag sha mor gyur te/ rgya mtsho'i gting na 'dod chags kyi khrag mtsho khol zhing gnas pa las/ yum bai ta lIs 'dzum pa'i mdangs kyis/klu mo rdo rje yag sha mo la gzigs nas/ 'dod chags kyi zil pa dang bcas pa'i ljags kyis brda zhig mdzad pas/ klu mo rdo rje yag sha mo yang yid g.yo ba'i 'dod chags drag po skyes te/ k+hi k+hi zhes bya ba'i 'dod chags kyi skad drag po 'brug stong dus gcig tu ldir ba tsam byung ngo// byung ma thag tu ri rab kyi rtse la gnas pa'i srin po yag sha 'bar ba yang/ yid g.yo ba'i 'dod chags drag po rab tu skyes nas/k+ha k+ha zhes bya ba'i sgra skad chen po 'brug stong dus gcig ldir ba tsam byung ngo// byung ma thag tu 'jig rten gyi khams stong gsum dus gcig tu g.yos/ rab tu g.yos/ kun tu rab tu g.yos/ chem rab tu chem/kun tu rab tu chem/ 'ur rab tu 'ur/ kun tu rab tu 'ur/ ldeg rab tu ldeg/ kun tu rab tu ldeg/ shig rab tu shig/ kun tu rab tu shig/ mtha' mtho na ni dbus dma'/ dbus mtho na ni mtha' dma' bar gyur to// 'jig rten gyi khams na gnas pa'i lha dang/ klu dang/ lha ma yin dang/ nam mkha' lding dang/ dri za dang/ mi'am ci dang/ lto 'phye chen po dang/ gnod sbyin dang/ srin po dang/ yi dwags dang/ sha za dang/ 'byung po dang/ grul bum dang/ srul po dang/ lus srul po dang/ skem byed dang/ brjed byed dang/ smyo byed dang/ grib gnon dang/ gnon po dang/ nam gru la sogs pa'i mi bsgrungs pa'i tshogs thams cad sngangs shing ngo mtshar du gyur te/bcom ldan 'das la 'di skad ces gsol to// e ma ho// 'phags pa'i nang nas 'phags pa gshin rje'i gshed// dbyings dang ye shes gnyis med 'od zer gyis// snang srid dug lnga bsdus pa'i byin rlabs ni// ki kang sgra skad 'brug stong ldir tsam na// stong gsum dus gcig g.yos pa ngo mtshar che// bdag cag rnams la thugs rjes bskyab tu gsol// zhes glengs nas/rang rang gi gnas su dengs so// de nas srin po yag sha dz+wa la ri rab kyi rtse la zhe sdang gi me 'bar ba dang/ klu mo rdo rje yag sha mo rgya mtsho'i gting nas 'dod chags khrag mtshor 'khyil ba gnyis lus ma phrad par king kang gi sgras bskul te yid kyis bshos pa las/bu ming srid lnga mtshe mar skyes so// bu mo spun bzhi mong po dang lnga'o// ming po ki kang phud byed chen po dang/ srin mo ki kang mgo brnyan ma bzhir gyur nas/srid pa gsum gyi sems can thams cad za zhing 'cha' ste/ 'jig rten phung ba la thug par gyur pa las/ bcom ldan 'das 'jigs byed gshin rje'i gshed pos 'khor lo gcig ming po la brgyab pas lus dum bu brgyad du gtubs te/bcom ldan 'das kyi sku dpag pa las 'das pa'i khong stong du snang srid bcug nas thugs rin po che'i yang rang bzhin gyi khong seng/ kun rig gi ga'u na rin po che gser gyi 'khor lo rtsibs bzhi pa gcig bton pa'i mtha' rgya mtsho chen po bzhi dang/rol mtsho bdun gyis ni bskor/ gser gyi ri bdun gyis 'khor bar bcad/ de ltar byas pa'i phyogs bzhi mtshams brgyad du/ki kang chen po gzir te/ mgo lho nub byung ste dgod/ shar lho lag pa g.yas pa dgod/ byang nub tu lag pa g.yon pa dgod/ byang shar du rkang pa gnyis dgod/ shar du mjug ma dgod/ lho ru dpung pa g.yas dgod/nub tu dpung pa g.yon dgod/ byang du chu so dgod/ rkang pa gnyis kyi bar du mig dang mche ba snying gsum dgod/ ri rab kyi grwa mtshams su sring mo bzhi dgod do// de ltar bkram zhing sbas pa las sba ru ma btub ste/lus de dum bu re re las/ ki kang re re byung ste/ shin tu yang 'jig rten g.yos so// sring mo yang sba ru ma btub ste/ grwa bzhi nas langs nas/ srid pa gsum gyi sems can la shin tu yang dus dang rnam pa med par za zhing 'cha' ba dang/sbyor ba ngan pa gtong ba las/ yang bcom ldan 'das gshin rje'i gshed pos khams gsum dbang du bsdus/ srid gsum zil gyis mnan/ stong gsum gyi stong chen po'i 'jig rten gyi khams thams cad mun nag bzhin du gtibs te/thugs ye shes kyi nyi zer gyi rtse la/ lcags kyu'i tshogs dang/ zhags pa'i tshogs dang/ lcags sgrog gi tshogs dang/ dril bu'i tshogs bsam gyis mi khyab par spros te/hUM hUM phaT/ ha la ha la dzaHhUM hoH// e a ral+li hring dza dza/ zhes 'brug stong dus gcig ldir ba tsam gyi sgra bsgrags nas dbang du bsdus pas/ ki kang ming po dang/ sring mor bcas pa/bred rab tu bred/ kun tu rab tu bred/ 'dar rab tu 'dar/ kun tu rab tu 'dar/ sngags rab tu sngangs/ kun tu rab tu sngangs nas/ bcom ldan 'das la mgrin gcig tu thal mo sbyar te 'di skad ces gsol to// e ma ho 'jigs byed chen po lags// bdag cag ki kang ming sring rnams// pha la gdug pa'i bu lags pas// snang srid srog chags ma lus kun// su 'phrad khyur mid 'cha' ba dang// sbyor ba ngan pa gtong ba dang// lo tog 'joms pa'i las 'di dag/ bdag cag rnams kyi rang las na// dpa' bo chen po ci la bkyon// sngar yang dpa' bo chen po yis// bdag gi lus gtubs phyogs bcur sbas// 'di yang shin tu ma legs so// thugs rje 'breng yang mi mnga' 'am// gtso bo chen po khyod nyid ni// thugs rje byams pa'i mnga' bdag na// 'di lta'i cho 'phrul ci la ston// gdug pa'i gsung sgra ci la sgrogs// thugs kyi sprul pa ci la 'gyed// dpa' bo chen po bdag cag la// bka' bab mi 'tshal 'bangs su mchi// 'bangs la nan tan ma chung zhig/ ces gsol to// spyi sdom srog snying 'di mdongs gsol du phul lo// a ya ma du ru tsa sha na la badzra ma ma ting la bo a tra badzra li phi ma ro tri dz+wa/ bdag cag rnams kyi srog tig ste// dpa' bo lha rjes bzhes su gsol// de skad ces gsol pa dang/ 'jigs byed chen pos 'di skad ces bka' stsal to// legs so ki kang chen po dag/ de ltar dus dus thams cad du// sems can rnams la sbyor ngan ma gtong bar/ kong tser 'jug pa'i tshes grangs dang// ki kang rgyu ba'i tshes grangs dang// dus dang dus tshod rgyu phyogs dang// so so'i ming re dpon sna re bsko yis// nga yi dam las ma 'da' zhig/ 'on kyang sems can bde ba las// khyod kyang yid bde bar ni 'gyur// de skad ces bka' stsal pa dang/ki kang rnams kyis 'di skad ces gsol to// e ma ho// 'jigs byed chen po bka' stsol cig/ byams mgon chen po bka' stsol cig/ kong tser 'jug pa'i tshes grangs gang// ki kang rgyu ba'i tshes grangs gang// rgyu ba'i dus ni gang la bgyi// dus kyi tshod ni gang la bgyi// phyogs kyi gang nas gang la rgyu// bdag cag ming sring 'di rnams kyi// ming gi mtshan nyid ji ltar lags// dpon sna bgyi na ji ltar bgyi// bdag cag dam las mi 'da' yis// dpa' bo chen pos bka' stsol cig/ de skad ces gsol pa dang/ bcom ldan 'das 'jigs byed chen po dgyes te/ zhal 'dzum pa mdzad nas 'di skad ces bka' stsal to// kwa ye ki kang ming srid rnams// nyon cig khyod rnams gus pas nyon// ngas gsung pa la sems thud cig/ kong tser 'jug pa'i tshes grangs ni// bzhi dang brgyad dang bcu gcig dang// bco lnga bco brgyad nyi shu gnyis// nyi shu lnga dang nyi shu dgu/ de la kong tser 'jug par byed// ki kang rgyu ba'i tshes grangs ni// lnga dang dgu dang bcu gnyis dang// bcu drug bcu dgu nyi shu gsum// nyi shu drug dang gnam stong la// ki kang rgyu ba shes par byos// rgyu ba'i dus rnams ston pa ni// phyogs bzhi mtshan mo rgyu ba dang// mtshan bzhi nyin mo rgyu ba ni// rgyu ba'i dus su shes par bya// dus kyi tshod rnams bstan pa ni// srod dang snga dro dang po dang// nam gyi phyi dbyings kyang dang nyi ma phyed// nam phyed nyi ma myur chen dang// skya rengs shar dang myur chud rnams// dus kyi tshod du shes par bya// de nas rgyu ba'i phyogs bstan te// nub nas shar du rgyu ba dang// shar lho mtshams nas nub byang du'o// byang nas lho ru rgyu ba dang// lho nub mtshams nas byang shar du'o// shar nas nub tu rgyu ba dang// nub byang mtshams nas lho shar du'o// lho nas byang du rgyu ba dang// byang shar mtshams nas lho nub tu'o// rgyu ba'i phyogs ni de ltar byos// de nas ming yang ngas gdags kyi// mgo las sprul pa chen po ni// bi tra bi tra bya ba ste// bya rog mgo can bya bar gdags// lag pa g.yas las sprul pa ni// drang srong rA hu la zhes gdags// mig dang mche ba snying gsum las// sprul pa sgra gcan 'dzin du gdags// lag pa g.yon las sprul pa ni// du ba mjug ring bya bar gdags// dpung pa g.yas las sprul pa ni// khyab 'jug chen po bya bar gdags// mjug ma las sprul chen po ni// biSh+Na ra tsa bya bar gdags// chu so las sprul chen po ni// tsa ra ka zhes bya bar gdags// dpung pa g.yon las sprul pa ni// ljang sngon drag po bya bar gdags// shar lho mtshams kyi srin mo la// stag srin zor gdong bya bar gdags// lho nub mtshams kyi srin mo la// bam srin dred gdong bya bar gdags// nub byang mtshams kyi srin mo la// kong srin ban gdong bya bar gdags// byang shar mtshams kyi srin mo la// 'brog srin chu srin gdong du gdags// de nas dpon sna bsko bya ba// nub kyi phyogs nas bskyod pa'i tshe// srid pa'i ma mo'i dpon snar bsko// shar lho mtshams nas bskyod pa'i tshe// dgra bla'i rgyal mo'i dpon snar bsko// byang gi phyogs nas bskyod pa'i tshe// bdud kyi dmag tshogs dpon snar bsko// lho nub mtshams nas bskyod pa'i tshe// srin po 'bum gyi dpon snar bsko// shar gyi phyogs nas bskyod pa'i tshe// dmu bdud yongs kyi dpon snar bsko// nub byang mtshams nas bskyod pa'i tshe// gshin rje yongs kyi dpon snar bsko// lho yi phyogs nas bskyod pa'i tshe// klu btsan dgra bla'i dpon snar bsko// byang shar mtshams nas bskyod pa'i tshe// bi nA ya ka dpon snar bsko// de ltar nga yi bka' phab pa// rtag tu yid la dran par byos// zhes bka' stsal pa dang/ ki kang ming sring rnams dga' mgu yi rangs te// ha ha hi hi zhes pa'i sgra dus gcig tu phyung nas/ yang dpa' bo chen po la 'di skad ces gsol to// kye ma dpa' bo chen po lags// 'jug dang rgyu ba'i tshes grangs dang// dus dang dus kyi tshod rnams dang// rgyu ba'i phyogs dang ming rnams dang// dpon sna bsko ba'i sdug las rnams// bka' stsal bzhin du gnyer len na// bdag cag rnams kyi mthun rdzas dang// 'tshal ba'i zas skal gang gis bgyi// dpa' bo chen pos bka' stsol cig/ ces gsol pa dang/ yang bcom ldan 'das 'jigs byed chen pos dgyes pa chen po'i gsung phyung nas/'di skad ces bka' stsal to// ki kang drang srong chen po rnams// de skad gsungs pa shin tu legs// ngas gsungs pa las sems thud cig/ khyod kyi pha ni srin yin pas// sha rul khrag rul nya rul dang// btsos dang rjen sha sna tshogs dang// ra mchin la sogs mar chen rnams// pha zas bu la dbog par bya// khyod kyi ma ni klu yin pas// dkar gsum mngar gsum klu sman dang// la sman rtsi sman sna tshogs dang// dri yi rgyal po ga pur rnams// ma zas bu la dbog par bya// de ltar mthun pa'i rdzas bstan nas// khyod kyi zas skal bstan pa ni// gsang sngags gnyan gyi bstan pa la// 'byol cig sdang sems ldan pa dang// dam la gnas pa'i rnal 'byor la// gdug cing rgyab kyis phyogs pa dang// dam tshig nyams dang dam las ldog/ 'di dag khyod kyi zas skal lo// zhu blag med par myur du sgrol// sgrol ba'i bdag por ngas dbang bskur// srog dang dbugs la dbang bskur ro// gsod cing gso bar dbang bskur ro// rnal 'byor dam la gnas pa dang// bstan pa gnyan po 'dzin pa dang// bka' bzhin spyod pa'i rnal 'byor pa'i// bka' las mi 'da' dam las mi 'da' bar// de yi dgongs pa myur du sgrubs// nyon cig ki kang chen po rnams// nga yi bka' las khyod ma 'da'// gal te bka' las 'das gyur na// mgo lus dum bu stong du 'gyur// rul myags tshigs nas dmyal bar 'gro// sa ma ya tsit+ta na ra kan/ zhes pa'i sgra bsgrags nas/ mi g.yo zhing mi 'khu bar byas te/ dam la stsal zhing dbang bskur nas/'jig rten bde ba la bkod de/ zas su ni sangs rgyas kyi bstan pa 'jig pa dang/ dmyal ba'i grong rten byed pa dang/ dam las zlog pa'i srog dang dbugs la dbang bskur te/ dbang lha ma srin sde rgyad dam la btags nas dbang bskur ro// rog ti nag po de yang lus srin po la/ mgo bya rog gis brtsegs pa de/ lha ma srin sde brgyad du gyur nas dus tshod dang tshes grangs la 'jug cig rgyu ba dang/ ki kang dang gshed bzhis bskyod 'gul gyis/ srog dang dbugs la dbang byed par gyur pas/ ke kang ming sring rnams rjes su yi rangs te/ 'jigs byed chen po la g.yas phyogs nas lan gsum bskor ba byas nas/pus btsugs thal mo sbyar nas 'di skad ces gsol to// a la la ho/ 'jigs byed chen pos bdag cag rnams la thugs brtse bar dgongs nas/ bdag cag rang rang gi spyod pa las dang mthun par bka' stsal pa ngo mtshar che'o// bdag cag ming sring ji ltar bka' stsal pa las mi 'da' zhing/ gnyer du gtad pa'i las rnams gdon mi za bar bgyid do zhes gsol zhing dam bcas nas/ rang rang gi gnas ga la ba der dong ngo// bcom ldan 'das dpal chen po nyid kyang/ sku rtag pa chen po'i klong na dus gsum du 'du 'bral med par bzhugs so// bdud bya rog mgo brtsegs rog ti nag po gsang ba sgrol byed kyi rgyal po ki kang rak+sha snying gzer drag po'i rgyud las/bcas ka gleng gzhi'i le'u dang po'o//// de nas 'jigs byed chen po gshin rje'i gshed po la/ 'khor gyi gtso bor gyur pa rdo rje 'dzin pa chen po dang/gzhan yang 'jig rten dang 'jig rten las 'das pa'i 'khor bsam gyis mi khyab pa dag gis g.yas phyogs nas lan brgya stong bskor ba byas te/ phyi nang gsang ba'i mchod pa chen po dag gis rnam par mchod nas 'di skad ces gsol to// bcom ldan mgon po bdag cag rnams// sangs rgyas chos dang dge 'dun dang// khams gsum sgrol byed khyod nyid la// skyabs su mchis kyis bka' stsol cig/ rab tu mi bzad 'jigs pa'i sku// gzi brjid 'bar bas phyogs khyab nas// khams gsum ma lus 'khrug mdzad pa// khyod kyi gzi brjid mchog 'tshal gyis// log sred gdul ba'i stobs 'tshal bas// ji lta bus ni 'grub par 'gyur// ji lta bus ni mnyes par bgyi// ji lta bus ni grub par bgyi// ji lta bus ni dang bar 'gyur// bdag cag the tshom chen po skyes// lnga brgya dus kyi snyigs ma'i tshe// sangs rgyas gnyen gyi bstan pa la// 'byol cing sdang sems ldan pa dang// dam la gnas pa'i rnal 'byor la// gdug cing rgyab kyis phyogs pa dang// dam tshig nyams dang ldog pa dang// 'gal byed cham la dbab pa'i phyir// dregs pa mi bsgrungs pho mo yi// ki kang dbab dang gshed bzhi yis// gso bsad las rnams rtog pa'i mchog/ dpal bos rgyas par bka' stsol cig/ bstan pa bsrung phyir bshad du gsol// zhes gsol pa dang/ 'jigs byed gshin rje'i gshed pos dgyes pa'i gsung phyung nas/ rdo rje 'dzin pa la sogs pa lam par gyur pa'i 'khor rnams la/ zhu don rtogs pa'i 'khor lo 'di rgyas par bka' stsal pa/ nga ni dus gsum sngon du byung// sangs rgyas kun gyi sngon du byung// nga ni dus gsum phyis kyang 'byung// nga ni lnga brgya tha ma'i tshe// nga yi bstan pa 'byung bar byed// bstan pa thams cad nub pa'i tshe// de tshe nga yi bstan pa 'byung// las ngan mtshams med byed pa'i tshe// de tshe nga yi bstan pa 'byung// zas ngan lci ba za ba'i tshe// de tshe nga yi bstan pa 'byung// gos ngan dug rul gyon pa'i tshe// de tshe nga yi bstan pa 'byung// gnas ngan mkhar spai'u brtsig pa'i tshe// de tshe nga yi bstan pa 'byung// gnyen ngan nye ba 'thab pa'i tshe// de tshe nga yi bstan pa 'byung// dam tshig nyams pa mang po'i tshe// de tshe nga yi bstan pa 'byung// nga ni dus gsum 'byung ba'i sku// rU tra dar ba'i dus ngan la// rog ti nag po'i rgyud byung ste// rnal 'byor gang gis bslab pa las// de la rtag tu thugs brtse'o// dam tshig nyams pa mang po la// nga yi king kang 'bebs byed pa'o// 'phags pa'i nang nas 'jam dpal nyid// lha mo'i nang nas 'od zer can// 'di gnyis ma gtogs dngos grub gzhan// rig 'dzin kun kyang dngos grub yal// nga yi lto nas srid gsum 'byin// ji lta bus ni zhi gyur yang// thams cad zhi ba nga yi sku// ji lta bus ni khros gyur yang// thams cad khros pa nga yi sku// rdo rje 'dzin sogs khyod nyon cig/ nga la gus gyur khyod rnams kun// nga yi gzi brjid mchog 'dod na// mi zad nga yi sku gsung thugs// rtag tu yid la gnas par gyis// nga yi dngos grub mchog thob 'gyur// rnal 'byor chen po sa ma ya'o// dkon mchog gsum ni gnas pa dang// de yi bka' yang bskyang ba dang// sems can kun la snying brtse dang// sangs rgyas gnyan gyi bstan pa la// 'gal byed cham la dbab pa'i phyir// rA hu la yi lung las 'di// gza' bdud gdug pa'i drag sngags 'di// ki kang dbab dang gshed bzhi yis// 'jig rten khams kun khyab gyur te// gsad dang gso ba'i las byed pa// khyab byed chen po rA hu la'i// drag po sgrol ba'i dkyil 'khor du// phung byed chen po'i dam tshig ni// slob dpon gnyan par mi 'gyur zhing// sems can thams cad srog la 'bebs// ma 'das mi 'da' 'da' mi 'gyur// phung byed chen po sa ma ya// lnga brgya dus kyi snyigs ma'i tshe// sangs rgyas gnyan gyi bstan pa la// 'byol zhing sdang sems ldan pa dang// dam la gnas pa'i rnal 'byor la// gdug cing rgyab kyis phyogs pa dang// dam tshig nyams dang dam log pa'i// 'gal byed cham la dbab pa'i phyir// sngags pas thog ma nyid du ni// sa ni yang dag brtag bya ste// ri mtho rtse dang g.yang sa dang// dur khrod ro khang ya ga can// 'thabs pa stong pa la sogs par// blang sbyang gzung dang bsrung ba dang// byin brlabs mtshams bcad rdzogs byas nas// bsgrub pa'i dam rdzas bsham pa ni// bse gab kha sbyar gyi nang du// dkar gsum mngar gsum klu sman dang// la sman rtsi sman la sogs pa// dri yi rgyal po ga bur dang// 'di rnams bse gab nang du bstsal// de nas b+han+d+ha'i klad phor du// sha sna sna tshogs dag dang ni// ske tshe shang tshe nyung nag til// thal chen gsur chen khrag chen rnams// ba yi 'o ma dang sbyar bstsal// gzhan yang gu gul nag po dang// 'bras dang chan dang sgrub sman rnams// chang dang sbyar la bstsal bar bya'o// de nas 'gal byed dam sri'i gzugs// sbrul sngon dag gi shun pa la// ming rus bla dwags gzugs bris te// b+han+d+ha kha sbyar nang du'o// tsa ra rog po 'gal kha la// rwa la rog ti'i snying po bri'o// ske ru gang dmigs bris la gdags// dmigs pa de la bcas pa dang// de yi drung du bzhag pa ni// gdong kha bzhi ru sdom nas su// yugs sa mo yi klad phor du// stag dom ban glang nya yi snying// sha rul khrag rul ra mchin bzhag/ mdzo mo'i 'o ma la sogs dang// sems can sna tshogs sha rnams dag/ klad phor nang du bstsal bar bya// khrag sna dag dang sbyar bar bya// bdud bya rog nag po mgo brtsegs pa'i rog ti nag po gsang ba sgrol byed kyi ki kang rak+sha'i mdo snying gzer drag po chen po'i rgyud las/ mthun rdzas ling+ga bca' thabs gal chen gnad kyi le'u gnyis pa'o//// de nas dpa' bo gshed chen gyis// snyigs ma dus kyi tha ma'i tshe// sangs rgyas gnyan gyi bstan pa la// 'gal byed cham la dbab pa'i phyir// gso gsad mchod tshul bstan pa la// dang la rgyu 'jug bshad bya ste// bzhi la kong tsher 'jug byed cing// lnga yi srod la ki kang rgyu// brgyad la kong tser 'jug byed cing// dgu yi snga dro ki kang rgyu// bcu gcig kong tser 'jug byed cing// bcu gnyis byang la ki kang rgyu// bco lnga kong tser 'jug byed cing// bcu drug nyin gung ki kang rgyu// bco brgyad kong tser 'jug byed cing// bcu dgu'i nam phyed ki kang rgyu// nyi shu gnyis la kong tser 'jug/rtsa gsum myur chen ki kang rgyu// nyi shu lnga la kong tser 'jug/ rtsa drug tho rangs ki kang rgyu// nyi shu dgu la kong tser 'jug/ gnam stong myur chung ki kang rgyu// kong tser 'jug pa gso bya ba// ki kang rgyu ba bsad pa'i las// las kyi bye brag de dag kyang// gso ba'i las ni 'di lta ste// ma nor tshes grangs shin tu gces// tshes grangs bzhi yi mtshan mo dag/ nub kyi phyogs su kha bltas la// mngar gsum klu sman sna tshogs kyis// mchod cing kong tse zhi bar bsam// bsad na sha khrag dmar gyis mchod// ki kang gtum khro drag por dmigs// tshes grangs brgyad kyi nyin par dag/ shar lho mtshams su kha bltas la// mngar gsum klu sman sna tshogs kyis// gser phye dag ni mchod bya zhing// drang srong kong tshe zhi bar bsam// sha khrag dmar gyi dam rdzas dang// bya rgod dag gi shas mchod cing// drang srong ki kang gtum rngam bskul// tshes grangs bcu gcig mtshan mo dag/ byang gi phyaugs su kha bltas la// dkar gsum mngar gsum klu sman gyis// mchod cing kong tse zhi bar bsam// sha khrag dmar dang nyung nag dang// nas dang til gyis mchod bya zhing// ki kang gtum khro drag por bskul// tshes grangs bco lnga'i nyin par dag/ lho nub mtshams su kha bltas la// dkar gsum mngar gsum klu sman gyis// mchod cing kong tse zhi bar bsam// sha rul khrag rul nya rul dang// btsos dang rjen sha sna tshogs kyis// mchod cing ki kang gtum khror bskul// tshes grangs bco brgyad mtshan mo la// shar gyi phyogs su kha bltas la// dkar gsum sman gyis mchod bya zhing// kong tse zhi ba chen por bsam// sha khrag dmar gyi dam rdzas dang// nas gro til gyis mchod bya zhing// ki kang gtum khro drag por bskul// nyi shu gnyis kyi nyin par ni// nub byang mtshams su kha bltas nas// dkar gsum klu sman sna tshogs kyis// mchod cing kong tse zhi bar bsam// sha rul khrag rul dam rdzas kyis// mchod cing ki kang gtum khror bskul// nyi shu lnga yi tho rangs dag/lho yi phyogs su kha bltas la// dkar gsum klu sman sna tshogs kyis// mchod cing ki kang zhi bar bsam// sha khrag btsos rjen sna tshogs kyis// mchod cing ki kang gtum khror bskul// nyi shu dgu yi nyin par dag/byang shar mtshams su kha bltas la// dkar gsum klu sman mchod bya zhing// kong tse zhi ba chen por bsam// sha rul khrag rul snying khrag dang// ra mchin dmar gyis mchod bya zhing// ki kang gtum khro drag por bskul// las kyi bye brag de dag kyang// bsad pa'i las dag mi brtson na// dkar gsum mngar gyi mchod bya zhing// bden bdar zhi ba chen por bsam// shAn+ting ku ru'i sgra yang brjod// gso ba'i las ni de ltar ro// phung byed gsod pa'i las rtsom na// sha khrag dmar gyis gong bzhin mchod// ki kang gtum khro drag por bskul// khams gsum phung byed sgrol bdag ste// srog ser las kyi bdag po yin// lnga brgya dus kyi snyigs ma la// rtag tu mchod bskul sus byed pa// srog ser las rnams gdon mi za'o// bdud bya rog mgo brtsegs rog ti nag po gsang ba sgrol byed kyi rgyal po ki kang rak+sha'i mdo/ snying gzer drag po'i rgyud chen po las/ gso gsad mchod tshul rtog pa gnad kyi le'u gsum pa'o//// de nas dpa' bo gtso chen gyis// lnga brgya dus kyi snyigs ma'i tshe// sangs rgyas gnyan gyi bstan pa la// 'tshe byed cham la dbab pa'i phyir/ phung byed mdo bskul chen po ni// gza' bdud 'jug cing ki kang 'bebs byed pa'i// gza' bdud chen po mi srun pa// khyab 'jug chen po kun tu rgyu// 'jigs byed rog ti sprul pa'i sku// lus po gcig la mgo bo dgu// mgo lus med par mig gis gang// ro stod mi la ro smad sbrul// lus ni brjid pa dud ka'o// lag na chu srin zhags pa thogs// ba ni srin la ma ni klu// klu srin tshogs pa'i mthu bo che// lho nub mtshams nas sku bzhengs te// zla ba'i rjes gcod shar du rgyu// nyi ma'i rjes gcod nub tu rgyu// nyin mo rgyu bas mtshams bzhi 'joms// mtshan mo rgyu zhing phyogs bzhi 'joms// bar snang khams la rgyu tsam na// 'jig rten khams kun sreg par byed// lo nyes 'khrug pa rims nad gtong// nyi ma zla ba lto ru za// rgya mtsho'i gting na gnas pa'i tshe// klu rnams kun kyang dkrug cing slong// thog dang ser ba sa g.yos gtong// 'jigs byed chen po mi bsgrungs pa// ming brgya po la mkhan stong po/ yang/ mig brgya po la kha stong po// dus tshod tshes grangs kun gyi bdag/ lha 'dre kun gyi nang byan mkhan// lha srin sde brgyad dmag dpon byed// 'byung ba lnga yi bdud chen po// mtshan ni rnam pa dgu ru grags// steng 'og phyogs mtshams kun du yang// rgyu zhing ki kang 'bebs par byed// lho nub mtshams nas bskyod tsam na// srin po rag sha pa ti bya// ki kang ba ta chen po bya// srin po'i ki kang chen po 'bebs// shar lho mtshams nas bskyod tsam na// drang srong chen po rA hu la// drang srong gi ni ki kang mchog/ki kang bdag nyid can zhes bya// byang shar mtshams nas bskyod tsam na// 'jigs byed rA tsa sgra gcan 'dzin// bi nA ya ga pho nyar 'gyed// ki kang dbab pa'i las la brtson// nub byang mtshams nas bskyod tsam na// du ba mjug ring chen po ste// 'jig rten sgrol ba'i mthu bo che// 'jig rten g.yo 'gul byed pa'i bdag/ lho yi phyogs nas bskyod pa'i tshe// khyab 'jug chen po bya ba ste// dus tshod tshes grangs kun du rgyu// sprul pa'i sku ni ki kang 'bebs// shar gyi phyogs nas bskyod pa'i tshe// dmu bdag chen po ha li ka/ bi nu rA tsa'i ki kang bdag/ dmu yi ki kang 'bebs par byed// byang gi phyogs nas bskyod tsam na// bdud po rog ti 'bar ba'i gzugs// bdud kyi ki kang 'bar ba 'bebs// ki kang 'bar ba tsa ra ka/ nub kyi phyogs nas bskyod tsam na// srid pa'i ma mo rnams dang rol// ma mo'i ki kang kun gyi bdag/ljang sngon chen po'i ki kang 'bebs// lho nub mtshams nas bskyod tsam na// rog ti bya rog mgo brtsegs te// skar chen 'bar ba'i 'od chen po// sngon du su 'phrad khyur mid za// khyod ni khro chen sprul pa ste// lho nub mtshams nas sku bzhengs nas// lha srin sde brgyad dmag dpon byed// nub nas shar du bskyod tsam na// srid pa'i ma mo'i dmag dpon byed// nad ngan sna tshogs ki kang 'bebs// lho shar mtshams nas bskyod pa'i tshe// dgra bla rgyal pos ma'i yang dmag dpon byed// thog dang bu yug ki kang ni// dam sri gdug pa'i snying la 'bebs// byang nas lho ru bskyod pa'i tshe// bdud dmag kun gyi dmag dpon byed// bdud kyi ki kang dgra la ya// lho nub mtshams nas bskyod pa'i tshe// srin po 'bum gyi dmag dpon byed// srin po'i ki kang dgra la 'bebs// gri thabs sna tshogs ki kang ya// shar nas nub tu bskyod tsam na// dmu bdud yongs kyi dmag dpon byed// dmu rdo 'bebs pa'i las byed cing// gar rbad dmu yi ki kang gtong// nub byang mtshams nas sku skyod nas// gshin rje yongs kyi dmag dpon byed// skye 'gro yongs kyi bla tshe sdud// gshin rje'i ki kang dbang med 'bebs// lho nas byang du bskyod tsam na// klu btsan dgra bla'i dmag dpon byed// thog dang ser ba'i sna 'dren cing// thog ser mdze nad ki kang 'bebs// byang shar mtshams nas bskyod pa'i tshe// 'thibs grir gsod pa'i ki kang 'bebs// mdun du gang byung khyur mid byed// gza' bdud chen po khyod bskul gyis// dam tshig bdag po sa ma ya// bi tri pa tra'i dus la bab// sgra gcan 'dzin gyi dus la bab// du ba mjug rings dus la bab// khyab 'jug chen po'i dus la bab// bi nu rA tsa'i dus la bab// tsa ra ka yi dus la bab// ljang sngon drag po'i dus la bab// bya rog mgo brtsegs dus la bab// bdud bya rog mgo brtsegs rog ti nag po gsang ba sgrol byed kyi rgyal po ki kang rak+sha'i mdo snying gzer drag po'i rgyud las/ phung byed mdo bskul drag po'i le'u ste bzhi pa'o//// de nas bcom ldan gshed chen pos// lnga brgya dus kyi snyigs ma'i tshe// sangs rgyas gnyan gyi bstan pa la// 'gal byed cham la dbab pa'i phyir// tshes grangs dus la bab pa'i tshe// drag sngags thun gzer dbab bya ba// 'jug dang rgyu ba'i dus shes nas// mchod dang drag po'i thun gzer dbab// de la 'jug pa'i tshes grangs ni// bzhi dang brgyad dang bcu gcig dang// bco lnga bco brgyad nyi shu gnyis// nyi shu lnga dang nyi shu dgu// de rnams dag la 'jug byed cing// rgyu ba'i dus ni 'di lta ste// lnga dang dgu dang bcu gnyis dang// bcu drug bcu dgu nyi shu gsum// nyi shu drug dang gnam stong la// ki kang drag po rgyu bar byed// bzhi la zhugs nas lnga la gdon// brgyad la zhugs nas dgu la gdon// bcu gcig zhugs nas bcu gnyis gdon// bco lnga zhugs nas bcu drug gdon// bco brgyad zhugs nas bcu dgu gdon// nyi shu gnyis 'jug gsum la gdon// nyi shu lnga 'jug rtsa drug gdon// nyi shu dgu la zhugs byas la// gnam stong drag po'i thun zar dbab// bzhi la kong tse mchod byas la// lnga la ki kang dbab par bya// tshes grangs lnga yi srod dag la// dpung pa g.yon pa ma mor sprul// nub nas shar du rgyu bar byed// ling+ga shar du bzhag nas kyang// nub nas ma mo'i drag sngags brdeg/ ma mo 'phel ba bzhi gtong ste// gdon mi za bar las 'grub po// ma mo'i las rnams grub pa'i rtags// sprin yang kham nag 'phang bstod nas// 'khrug cing ser ba dum bur 'ong// 'tshub nag chen po g.yo bar byed// gang dmigs rten la brdeg pa'i sngags// A+oM trag rak+sha snying kha rag/ trag ma ma rag mo hril/ yam shag rbad/ hril shar b+h+yo/ nr-i mA ra ya hUM/ phung byed las 'di gsang ba'i mchog/ srid pa sbub par the tshom med// dmar zor mtshon cha sna lnga dang// nyi shu rtsa lngas ling+ga brab// log sred gnas pa'i phyogs dag tu// sdang mig blta zhing sdigs mdzub bsgreng// byas pa tsam gyis phung bar byed// brgyad la kong tse mchod byas la// dgu la ki kang dbab par bya// tshes grangs dgu yi snga dro la// lag g.yas dgra bla'i rgyal mor sprul// shar lho mtshams nas nub byang du// drang srong ki kang rgyu byed pas// ling+ga ming rus bla dgas la// bya rgod sha dang dmar chen du// sbyar la nub byang mtshams su bzhag/ nyung dkar bya rog gshog phur dang// gser phye dag la drag sngags bzlas// shar lho mtshams nas brdeg par bya// A+oM trag rag sha a sa me ru ru ma ma ru lu ru lu hur thum/ma ma trag rag sha hril shar phrom ni/ mA ra ya b+h+yo rbad/ 'di bsad las grub rtags rnams kyang// nam mkha' dbal skya thabs mtha' yang sangs nas// sprin yang lug gi lto tshil 'dra// ser ba nya mig tu 'ong zhing// thog ser bu yug myur du 'bab// brtsam pa tsam gyis las grub pas// sum cu rtsa gcig sngags rgod la// nam yang the tshom mi bya'o// bcu gcig kong tse mchod byas nas// bcu gnyis ki kang dbab par bya// tshes grangs bcu gnyis nam 'jing la// chu so bdud du sprul nas kyang// byang nas lho ru rgyu byed pas// ling+ga lhor bzhag dmar dang sbrag/ byang nas lcags phur blang drag dang// nyung nag ske tse shang tshe dang// phung byed bdud kyi drag sngags bzlas// oM pa sha mi ki yag sha phur pa du ka la/ rA hu la hur thum shar hril rbad su/ ru ru pra pra thums thums/ nr-i mA ra ya rbad ya/ phud byed dmod mo 'di grub rtags// sprin yang shing lo gshib 'dra dang// mthing nag sems can gzugs rbad dang// ser ba kham nag zur gsum dbyibs// drag tu dbab cing rlung tshubs ldang// lcags thog 'bar bas myur du 'joms// phung byed drag sngags 'di btab nas// ri rab chen po'i 'jig 'gyur na// thog zer las la smos ci dgos// bco lnga kong tse mchod byas nas// bcu drug ki kang dbab par bya// tshes grangs bcu drug nyin phyed na// mgo bo srin por sprul byas nas// lho nub mtshams nas byang shar du// srin po'i ki kang rgyu byed pas// ling+ga byang shar mtshams dag tu// btsos dang rjen sha sbyar la bzhag/ lho nub srin po'i phyogs dag na// sha rul khrag rul nya rul dang// gze ma rag sha'i thun dag gis// shul rings dag tu brdeg par bya// A+oM sen sen rak+sha yak+sha khrag la hur thums/mu sha tsa thun/ du ma rngub nr-i mA ra ya rbad a/ rag+sha'i sngags rgod 'di 'grub rtags// sprin pa kham nag kun tu 'khrigs// g.yag dang mdung shing shar ba 'dra// rlung dmar thog dang ser ba yang// btsan dmar rbad kham mchongs shing 'ong// nyi shu rtsa gsum drag sngags 'di// bzlas pa tsam gyis 'grub par 'gyur// brgya byin nyid kyang rlag par byed// bco brgyad kong tse mchod byas nas/ bcu dgu ki kang dbab bar bya// tshes grangs bcu dgu'i nam phyed na// mjug ma dmu bdud chen por sprul// shar nas nub tu rgyu byed pas// ling+ga dmar bcas nub tu bzhag/ shar nas gro dang til dkar dang// nas sngon rma bya'i snying khrag dang// dmu bdud rol pa'i drag sngags bzlas// A+oM traM traM shi grin rA tsa dun te/ rA tsa dun te ba shag dril hrIl/ rbad su ri shar ha li nan b+h+yo// nr-i mA ra ya rbad/ dmu bdud sngags bzlas grub rtags ni// sprin yang phying pa brkyang 'dra la// kham nag lan 'ga' 'khrug cing 'ong// ser ba gong gsum gcod byed cing// bya 'phur 'dra zhing gong gsum gcod// lce 'bebs rgya mtsho 'khrug par byed// tshangs pa'i gnas kyang 'jig par 'gyur// sa g.yos dmu rdo kun tu 'bebs// nyi shu gnyis la kong tse mchod// nyi shu gsum la ki kang dbab// nyi shu gsum gyi snur chen la// lag pa gshin rjer sprul pa yis// nub byang mtshams nas lho shar rgyu// ling+ga dmar bcas shar lho bzhag/ sha khrag tsit+tar bcas pa la// phung byed ma mo'i drag sngags bzlas// nub byang mtshams nas brdeg par bya// A+oM ya ma rA tsa sa do me yaM bya tsa ye/ sing ga ye ru tsa du tsa ram hril shar ya ma ri b+h+yo/ nr-i mA ra ya rbad ya/ bzlas pa tsam gyis 'grub 'gyur bas// phung byed sngags rgod grub pa'i rtags// srin pa dmar nag hral hral po// sems can sna tshogs gzugs su snang// tshub nag drag por bcas pa dang// ser ba thu lum rtse med kyang// sngon du 'bab pa the tshom med// log sred yul du thun 'phang zhing// sdigs mdzub bsgrengs nas kha bstan pas// thog ser ji tsam 'dod par 'gro// nyi shu lnga la kong tse mchod// nyi shu drug la ki kang dbab// nyi shu drug gi tho rangs kha// skya rengs dang po shar tsam na// dpung g.yon klu btsan dgra lhar sprul// lho nas byang du rgyu byed pas// ling+ga dkar dmar bcas pa dag/ byang phyogs dag tu gzhag par bya// dkar dmar rdzas dang til dkar la// klu btsan dgra lha'i drag sngags bzlas// lho nas phung byed chen po bskul// A+oM nA ga sen sen dum pa le/shag pa ku pa tsa badzra sA d+hu sa ma ya/ hril shar b+h+yo// nr-i mA ra ya du rbad du ya/ 'di gsang las grub rtags rnams kyang// sprin pa phyar sgye dril 'dra dmar// rlung dang 'dres pa'i ser ba yang// spra tshugs dril ba bzhin du'o// thog dang bu yug rlung nag kyang// sum cu rtsa gsum sngags kyis 'grub// log sred gtan phung sngags 'di la// rtog dpyod yid gnyis gang za bas// nga yi dngos grub thob mi srid// sngags pas the tshom med na 'grub// nyi shu dgu la kong tse mchod// gnam stong ki kang dbab par bya// gnam stong nyi ma snur chung la// snying dang mche ba mig dang gsum// byang shar mtshams nas lho nub tu// bi nA ya kar sprul te rgyu// ling+ga sha rul khrag rul dang// ra mchin bcas pa lho nub bzhag/ thal chen khrag dang nyung dkar la// sgra gcan 'dzin gyi sngags bzlas nas// sngags pas byang shar mtshams nas brab// A+oM ya snying/ ya ma khrag/ ya ma du/ rA hu la/ hur hur/ pra tsar mud nan/ dgra sri dzar sang ni/ de pe ye nan/ hril shag se na ya b+h+yo// nr-i mA ra ya b+h+yo/ bzlas pa tsam gyis grub pa'i rtags// sprin pa dung ka mgo bo che// lhug pas bar snang kun khebs nas// 'khrug cing thog ser myur du 'bab// 'brug sgra drag pos stong gsum khengs// de ltar grub pa'i rtags byung na// thog dang ser ba gang yang rung// dmigs pa'i rten la myur bar bya// grub rdzas dngos grub dang blang la// bdag dang gnyis su med par bya'o// thog ser gtong ba'i dus su yang// kong tse ki kang yang kang ni// brtson ldan sngags pas shes byas la// rdzas la sngags bzlas zor du 'phang// zor 'phang mdzub ris gar byas pa// nyi ma re res 'joms par byed// ser ba rbad kham du 'ong bas// sngags pas drag sngags grub par bzlas// rog ti nag po 'di grub na// ri rab chen po'ang 'jig pa dang// rgya mtsho chen po skem pa dang// yams nad mdze shu ltas ngan dang// thog ser las rnams ci 'dod pa// dus med par yang 'bebs par nges// srog ser las rnams gang rtsom yang// so dgu pa yi sngags la sogs// sde tshan brgyad po'i thun gyis dbab// sde tshan brgyad po'i sgrub thun la// drag por nyams su gang len pa// da ni nga yi gdang brgyud 'dzin// bdud bya rog mgo brtsegs rog ti nag po'i gsang ba sgrol byed kyi rgyal po ki kang rag+sha'i mdo/ snying gzer drag po'i sngags rgyud chen po las/ bshad pa srog thun thog ser gyi rtog pa'i le'u ste lnga pa'o//// de nas bcom ldan gshed chen gyis// lnga brgya dus kyi snyigs ma'i tshe// sangs rgyas gnyan gyi bstan pa la// 'gal byed cham la dbab pa'i phyir// phung byed drag po'i dkyil 'khor mchog/dpa' bo chen pos rab bshad pa// stong gsum mi mjed 'jig rten 'di// ming gcig sring bzhi sgrub pa ni// gdang chen drod ldan rnal 'byor gyis// thog mar gnas rab brtag bya ba// ri brag gnyan zhing dgon pa'am// ri mtho thibs pa bkra mi shis// gcan gzan gdug pa'i kha yal bar yin nam dang// e dbyibs 'dra bar mkhas pas brtag/ de nas bslang ba'i las chen ni// snang dang mi snang la sogs pa'i// gang dag bdag por gyur pa las// mchod sbyin gtor rtsal 'di skad brjod// dgongs shig sa bdag sde dpung bcas// don ldan rnal 'byor bdag nyid kyis// 'jig rten log sred 'dul ba'i phyir// brten pa gnas kyi sa slong na// rten gnas bdag por gyur pa khyed// ma skrag phrag dog ma skye bar// gdug 'dul las kyi grogs byos shig/ de nas lha mo dran bya ba// sngon tshe bcom ldan gshed chen gyis// thugs rjes sa la gshegs nas ni// rU tra gshin rje kun bsgral nas// bstan rgyas 'gro drug smin pa ltar// rnal 'byor dbang phyug bdag nyid kyang// 'dir gnas log sred kun 'dul bas// sa bdag 'khor bcas dpang mdzod cig/de nas sa ni sbyang bya ba// khru gang brkos te gter stsal la// sa yi ro lnga gang byung yang// mi spo drag po'i dkyil 'khor ni// khru lnga pa yi tshad du bya// dri dang ldan pa'i rnam lngas byug/steng du bdag nyid rab gnas la// gzung zhing gyad tshul rngam stabs kyis// rdo rje keng rus gtams pa dang// gru gsum drag po'i gnas su brlab// de nas dkon mchog 'khor bcas la// mchod sbyin rgya chen bsngo bya ste// phyi nas bskang bshags drag tu bya// de nas gdug byed rab bcing ba// rnal 'byor gshed chen thugs ka nas// mthing nag hUM gi khyad par las// stong gsum khro bor rab gsal te// rngam sgras 'jig rten kun bkang nas// gdug pa g.yo 'gul ming yang med// gnod mdzes gsang sngags drag po yis// gang dmigs log sred ma gtogs pa// gdug pa ma lus mtshams bcad do// A+oM sum b+ha ni sum b+ha hUM/gr-ih+Na gr-ih+Na hUM/ gr-ih+Na pa ya gr-ih+Na pa ya hUM/ A na ya ho b+ha ga wAn bid+ya rA dza hUM phaT/ de nas drag po'i dkyil 'khor du// brtul zhugs ldan pas 'di skad brjod// gdug 'dul drag po'i dkyil 'khor du// 'gal byed ma lus bsgral slad du// dkar gsum dme khrag dam rdzas 'dis// phung byed dkyil 'khor chag chag 'debs// oM me hA dz+wa la maN+Dal hUM/ de nas tshon dang ku ku ra// phag chen rgyu ma gsum sgril la// thal chen byugs la 'di skad brjod// dur khrod drag po'i dkyil 'khor 'dir// 'gal byed gdug pa bsgral slad du// srin po rol pa'i thig btab pas// srid gsum dkyil 'khor nyid du gsal// A+oM ma hA dz+nyA na maN+Dal hUM/ bsgrub pa'i dkyil 'khor bri bar bya// dbus su gru gsum e bskyed la// 'khor lo rtsibs bzhi mtha' bskor du// gdug pa sbrul gyis bskor bar bya// bar khyams sgo bzhi bcas pa dag/gshed po nyid kyi khong par bri// e zur gsum gyi rtse rnams la// sgyed rdo dkar dmar nag po la// gsum btsugs gshin rjer dbang bskur ro// rtsibs la srin mo'i mtshan ma dgod// bar khyams dag la dgod bya ba// drang srong rnams kyi mtshan ma'o// de ltar bri ba'i las bstan nas// de yi steng du bsgrub bya'i rdzas// zangs sam thod pa mtshan ngan du// khrag sna snying sna sna tshogs dang// dkar thab ra yi mchin pa dang// ba yi 'o ma dme khrag gsum// chu bdud tshang ba dag dang ni// sa rdo drubs dang gong bu dang// sngo sna phal dag ci 'byor stsal// mA ra ya yi ling+ga dang// yul gyi pho chu rdzi ba rdzing sa yang dang// yul gyi ming yang bris la stsal// tsa ra rog po 'gal kha ba// cha su gong bzhin gsal byas la// stegs bu'i rtsar gdags gnas spo bya// klad phor bzhi ni khrag bkang nas// gdong mo bzhi yi mdun du bzhag/klad por de dag rnams su ni// ya ma dam sri'i ling+ga dang// yul gyi ming dang srung sngo kun// sngags kyis btab pa phor par rtsal// de la srin mo bzhis brten bsgrub// thod pa mA ra ya yi thod par bya// zang bu ma ra'i bu sring dag/ gzed mor shi ba'i thod par bya// dre'u dang mdzo yi thod pa dang// sprad la bsgrub nas mnan pas 'grub// ling+ga dang bcas thod pa dag/ de rnams dgug cing drang bar bya'o// hUM gshed chen ya ma rA tsa ni// ya ma dam sri nyams pa'i gshed// bstan pa rgya mtsho bsrung mdzad lha// gru gsum rtse la gshegs su gsol// srog bdud dmar po bdud kyi bu// gshin rje rgyal po me ru tse// bstan pa gnyan po bsrung mdzad lha// gru gsum rtse la gshegs su gsol// gshin rje nag po dgra yi gshed// nag po rag+sha glog phreng can// bstan pa rgya mtsho bsrung mdzad lha// gru gsum rtse la gshegs su gsol// A+oM kro ta bi tsa rA tsa hUM/oM he re te pa ga tsa hUM/ A+oM ya ma rA tsa sa to me ya hUM/ thod pa ling+ga drang bya ba// dang la ma nyes dpang btsugs la// de nas drag po'i las la gzud// bstan pa 'jig pa 'gugs mdzad pa// nyams pa'i srog gshed srog gi gshed// ya ma rA tsa'i dus la bab// thugs las gshin rje 'bum 'gyed cing// rol pa'i stabs kyis ma mo 'dul// phrin las dam nyams bla tshe 'gugs// dgra bo'i bla tshe khyer la shog/gang dmigs rten la myur du stims// nyams pa'i srog gshed srog gi bdud// ma ru tse yi dus la bab// thugs las gshin rje 'bum 'gyed cing// rol pa'i stabs kyis ma mo 'dul// phrin las nyams pa'i bla tshe 'gugs// phrin las phyogs bzhi mtshams brgyad nas// dgra bo'i bla tshe khyer la shog/ gang dmigs rten la myur du stims// dgra bo'i srog len srog gi bdag/ gshin rje nag po'i dus la bab// thugs las gshin rje 'bum 'gyed cing// phrin las phyogs bzhi mtshams brgyad khyab// rol pa'i stabs kyis ma mo 'dul// phrin las dam nyams bla tshe 'gugs// dgra bo'i bla tshe khyer la shog/gang dmigs rten la myur du stims// sprul pa'i gshin rje thod pa 'dren// drongs shig stims shig myur du stims// A kar sha ya nr-i hUM dza dza/ bstan pa 'jig pa drang bkug nas// dmigs pa'i rten la bstim byas la// gtad do gtad do'i tshig sgra dang// shor ra re yi ngag phyung ste// rnam gsum phyag tu gtad byas la// ri bo gsum gyi rtse la bskyal// bskal par thar pa'i dus med pa'i// gshin rje yul du bskyal ba las// sdug bsngal mang po ya re nga// ki kang mang pos srog bcad nas// gshin rje rnams kyi lto ru sbyin// rA hu la yis khyur mid bya// bdud mo bzhi yis rngam zas bya// lhag ma lus pa med pa ru// gshin rje rnams kyis bzhes su gsol// thod pa ling+ga la sogs pa// dmigs pa'i rten kun drangs byas la// sgyed po gsum la bskur bar bya'o// bdud rog ti nag po bya rog mgo brtsegs gsang ba sgrol byed kyi rgyal po ki kang rak+sha'i mdo snying gzer drag po'i rgyud chen po las/dkyil 'khor bca' gzhi'i gsang chen gnad kyi le'u drug pa'o//// de nas bcom ldan gshed chen gyis// lnga brgya dus kyi tha ma'i tshe// sangs rgyas gnyan gyi bstan pa la// 'gal byed cham la dbab pa'i phyir// phung byed dkyil 'khor spyan drangs te// chos dbyings mi mngon rnam dag dbyings kyi lha// bstan pa rgya mtsho ma lus bsrung ba'i phyir// stong nyid ngang las khro gtum skur bzhengs shig/ 'khor dang bcas pas spyan 'dren gyi// gru gsum mthing nag ri bo gsum 'dus pa'i// gnas 'dir spyan 'dren tshul bzhin gshegs su gsol// A+oM bud+d+ha d+harma sang ge b+h+yaH/kro te b+h+yaHA ral+la/ bi ba sarba bi sa ra hUM dza/ dbyings dang ye shes rol pa'i dkyil 'khor nas// gru gsum mthing nag e yi gnas mchog 'dir// ya mAn+ta ka yab yum gshegs su gsol// zhe sdang me ltar 'bar ba'i dkyil 'khor nas// yak+sha dz+wa la 'bar ba gshegs su gsol// 'dod chags khrag mtsho khol ma'i dkyil 'khor nas// klu mo rdo rje glog 'gyu gshegs su gsol// tshang skong rgya mtsho klong dkyil gting rum na// ma mo las la 'khrug pa'i dkyil 'khor nas// phung byed ljang sngon drag po gshegs su gsol// shar lho drang song rol pa'i dkyil 'khor nas// drang srong mthu chen sgrol bdag gshegs su gsol// byang phyogs bdud dpung 'khrug pa'i dkyil 'khor nas// bdud dpon rog ti 'bar ba gshegs su gsol// lho nub srin po rol pa'i dkyil 'khor nas// srin po byi tri pa tra gshegs su gsol// shar phyogs dmu bdud tshogs kyi dkyil 'khor nas// phung byed b+hi nu rA tsa gshegs su gsol// nub byang gshin rje rol pa'i dkyil 'khor nas// du ba mjug ring chen po gshegs su gsol// lho phyogs klu btsan 'khrug pa'i dkyil 'khor nas// mi bsgrungs khyab mjug chen po gshegs su gsol// byang shar bgegs chen gtum khro'i dkyil 'khor nas// bgegs dpon gza' bdud sgra gcan gshegs su gsol// mgo dpung yan lag dur khrod dkyil 'khor nas// sde brgyad rol pa'i mthu chen gshegs su gsol// stong gsum shar phyogs nam mkha'i dkyil yangs nas// sring gcig stag srin zor gdeng gshegs su gsol// gling bzhi lho phyogs nam mkha'i dkyil yangs nas// sring gcig bam srin dred gdong gshegs su gsol// gling bzhi nub phyogs nam mkha'i dkyil yangs nas// srin gcig kong srin bam gdong gshegs su gsol// 'jig rten byang phyogs nam mkha'i dkyil yangs nas// sring gcig 'brog srin chu srin gshegs su gsol// dregs pa mi bsgrungs pho mo 'khor dang bcas// mthun pa'i dam rdzas gnyan la spyan 'dren gyi// bstan pa bsrung phyir ma thogs myur du gshegs// A+oM sarba ta thA ga ta sa ma ya/ e h+ye hi/ pra b+ha ba/ a ra li/ he tri sarba pra bud+d+ha/ dzaHhUM ba hoH// bi sa ra he hi dza dza/thugs rjes log 'dren 'dul mdzad dkyil 'khor tshogs// gshed po yab yum lcam dral sras dang bcas// dregs pa mi bsgrungs pho mo la sogs pa// bstan pa bsrung phyir gnyis med bzhugs su gsol// A+oM sarba ta thA ga ta/ ya mAn+ta ka/ dzaHhUM baM hoH// kA ya bAg tsit+ta/ sa ma ya tiSh+Tha lhan/ oM A hUM/ thugs rjes gdug pa ma lus 'dul mdzad pa// dregs pa 'dul mdzad 'bar ba'i dkyil 'khor mchog/khro bo'i rgyal po 'jigs byed gshin rje'i gshed// brjid pa'i 'od phung ldan la phyag 'tshal lo// mnyam nyid thugs mnga' gdug 'dul yum chen mo// chags pa'i rol pas thugs rje'i 'od zer 'phro// g.yas g.yon 'khril sbyor brjid pas 'khor 'khor ba yang rnams 'dul// dbyings nas khro mchog sku la phyag 'tshal lo// dug lnga kun 'dul thugs rje'i byin rlab kyis// lcam dral sku 'khrungs 'jig rten kun gyi mes// ki kang sgra sgrogs srid gsum spa bkong ba'i// thugs rje rol pa'i gsal la phyag 'tshal lo// rngam chen srid gsum sgrol ba'i stobs mnga' ba'i// srog ser las kyi mnga' bdag phung byed tshogs// lcam dral 'gal byed 'dul ba'i 'khor dang bcas// rnal 'byor gdung ba'i yid kyis phyag 'tshal lo// a la la ho// ma hA gu h+ya sa ma ya// phu ru sha ma ho// gdug pa ma lus 'joms shing sgrol// gshin rje rU tra kun 'dul ba// bcom ldan mgon po yab yum la// dme gtor khrag dang rab sbyar ba'i// dur khrod rdzas kyi mchod pa 'bul// 'jig rten mi 'gyur zhe sdang sku// gdug byed srin po'i tshul can la// sha khrag gsur bcas 'di 'bul gyi// rngam pa'i zhal du thim par bzhes// ba su rigs brgyad kun 'dul ba'i// thog sman rak+ta'i lcam gcig ma// dkar gsum dri dang bdug pa 'di// dmigs shing dbul lo bzhes su gsol// dug lnga 'chol ba'i dbon sras mched// sde brgyad 'jigs byed kyang rol pa'i lcam dral la// dkar gsum rdzas kyi mchod pa 'bul// gtsang sme med par rol du gsol// A+oM sarba a mr-i ta ba ba ha re ni swA hA A+oM AHhUM/sa ma ya s+t+wam/ ha ha he he ma trang kha/ ka rug sha/ sarba k+She baM ti kha kha sha tab la kha ram khA he kha le b+h+yo b+h+yo// ha he rak+sha khA hi/ rak+ta ru ti ru ba ling ta kha ram/ pi ba a ra li/ pi ba sar+b+ba bi sa ra/tra trad sa snyad gan+d+ha swA hA// sngags pa rnal 'byor ldan pa yis// dzaHhUM baM hoH'i phyag rgya dang// be con sdigs mdzub rab bsgrengs nas// dbyings nas bskul zhing spyan drangs la// gnyis med bstim rdzogs mchod par dbul// nga yis bsten pa'i gsang sgrub 'dis// lnga brgya tha ma'i dus su 'byung// de dus dad mos gang bsgrub pa// sku gsung thugs kyi dngos grub mchog/ nges par thob cing gzi brjid che// 'jig rten 'dir yang gsad gso dang// srid pa sbub par the tshom med// bdud rog ti nag po gsang ba sgrol byed kyi rgyal po ki kang rak+sha'i mdo snying gzer drag po'i rgyud las/ phung byed phrin las kyi rgyud chen po'i le'u bdun pa'o//// de nas bcom ldan gshed chen gyis// lnga brgya dus kyi snyigs ma'i tshe// dmyal ba rdo rje byed pa dang// sdang sems ngan pas mnar ba kun// gos su re ba gyon nas ni// zas su lci ba'i zas la za// srog gcod sdig la dga' ba dang// de 'dra'i las kyis mtshams sbyar nas// ru tra'i gnas kun rgyud mar len// de 'dul gnyen por bka' 'di srungs// bdud po rog ti nag po ste// bya rog mgo brtsegs ki kang 'di// gshin rje gshed po nga nyid kyis// dam btags dam bstsal zas su ni// bstan pa 'jig pa rnams byin pas// 'di nyid bsgrub pa'i dus su ni// dang la gtso bo yab yum bskyed// de nas 'khor rnams rim gyis so// de la thog mar sngags pa yis// ku sha'i stan la mnyam gnas la// 'khor 'das chos rnams dmigs med cing// ye med bdal ba'i ngang nyid las// khyab gdal snying rje'i ngo bo ni// bde gshegs kun gyi thugs nyid de// mthing nag ya yi 'phro 'du las// bde gshegs sku gsung thugs bskul zhing// mthing nag be con nyid du gsal// 'od zer sna lnga'i 'phro 'du las// 'byung ba'i dkyil 'khor rim gyis chags// e yaM khaM sUM raM ke b+h+ruM// dur khrod rol pa'i dkyil 'khor ni// yi dwags kiM thod lang long 'phyo// rtsibs bzhi lte dbus e yi gnas// bar khyams sgo bzhi rab tu gsal// e tsakra maN+Dal// mthing nag e yi pho brang du// mi ro rta ro'i gdan stengs su// bcu pa sku yi bskyed sngags kyis// gshin rje gshed nyid 'bar ba'i sku// A+oM a kro te ka ya mAn+ta ka hUM// stag zil chu nag rlab 'dra ba'i// mthing nag gru gsum srid rtser 'bar// thod skam nyi zla rab gsal ba'i// sbrul nag thod kyis rnam par brgyan// spyan dkyus shin tu ring ba ni// g.yon gsum thugs rjes thur du gzigs// ngan song sdug bsngal phyags mas 'debs// g.yas gsum sdang mig zhe la gnon// 'jig rten dregs pa'i tshogs rnams 'dar// dbus gsum mtha' 'das mi g.yo'i spyan// gzigs pa med pa'i tshul gyis gzigs// spyan mig dmar ser shin tu lci// 'bras bu mthing nag 'dril la 'tsher// smin ma glog 'gyus stong khams gsal// rdzi ma lcags kyu shin tu 'khrugs// snyan nas 'brug sgrogs stong gsum 'gengs// shangs nas rlung 'tshubs rdo rjer 'phro// zhal gdangs gru gsum hom khung dbyibs// tshems kyis skye shi rtsad gcod pa// mche ba bcu gnyis dkar la 'tsher// zur gsum ri rab phur bus bsnol// ljags kyis dug gsum ril mid mdzad// ag tshom me stag dmar pos mdzes// bcu bdun gdug pa'i gsung sgra yis// stong gsum sprul pas 'gengs pa'o// phyag drug 'bar ba'i g.yas dang po// be con 'phyar zhing nam mkhar gdengs// g.yas par g.yas kyi tha ma na// ral gri lcags kyu rab bsnams pa// g.yon gyi dang po b+han dmar rngub// bar ma de bzhin sdigs mdzub bsgreng// tha mas sa gzhi rab mnan nas// rak+ta'i rgya mtsho 'khrugs pa'o// ba spu rtsang phur gshibs pa las// me stag thu lum rab tu 'khrugs// stobs dang byA g+h+ra car ma dang// tshangs pa'i g.yang gzhin na bzar bklubs// ru d+hi rak+ta thal bas mtshan// gdug sbrul rigs bzhis yan lag dkris// rnam drang thod rlon 'bar bas kyang// se ral kha ru brgyan pa'o// zhabs ni na rag dmyal khams gzir// me dpung gdug pa'i klong dkyil na// rngam brjid stobs kyis gnas par bsam// sbyor sgrol yum gyi sku bskyed pa// kun gzhi dbyings kyi ngo bo ni// khro mchog nyid kyi g.yas g.yon du// dmar smug ma gnyis spro bsdus pas// sbyor sgrol yum mchog khros pa'i sku// ro langs g.yon nas 'khril shing sbyor// dmar chen gtso bo'i zhal du stob// sgrol byed mthing nag g.yas phyogs nas// tsit+ta kha T+wAM phyag na bsnams// rgyan dang cha lugs yab dang mthun// me dpung klong na de bzhin gshegs// ma bai tA li rak+sha man hUM b+h+yo// ma e ka dza Ti trag sha b+h+yo// de nas gtso bo'i thugs ka nas// 'od zer sna lnga'i spro bsdu yis// mthing dmar gnyis ka 'od du 'bar// spro bsdus dbyug to thod rlon gsal// dbyug to 'od kyi khyad par las// bdud pa sku yi bskyed sngags kyis// g.yas phyogs zla gam rak+ta'i dkyil// keng rus gram bu'i gdan steng du// yak+sha dz+wa la zhe sdang sku// sngo nag sku gcig dbu gsum brjid// dbu g.yas seng chen kha gsal dang// dbu g.yon phag rgod rngam tshul can// dbus ma srin po'i mche gtsigs can// dbu skra ral pa dmar nag la// rgyu skar tshogs kyi thod gdengs can// spyan gsum smin ma me 'bar zhing// snyan nas 'brug sgra drag po 'byin// shangs nas nad 'thul sprin du 'khrugs// zhal gdangs ljags 'dril mche gtsigs shing// ba spu kha T+wAM rtse mo las// thog ser thu lum 'khrugs pa'o// phyag g.yas dbyug to phyar zhing brdeg/ phyag g.yon khrag mtsho 'khrug cing rngub// brkyang bskum zhabs bgrad 'chi bdag gzugs// sbrul gdug ko rlon tshogs rnams dang// thal ba'i rgyan gyis mtshan pa'o// A+oM yak+sha dz+wa la ni hUM/ thod rlon 'od kyi khyad par las// bdun pa'i sku yi bskyed sngags kyis// g.yon phyogs zlu gam rak+ta'i dkyil// keng thod yi dwags gdan steng du// klu mo rdo rje glog 'gyu ma// dmar nag sku gcig dbu gnyis brjid// dbu gcig ban glang 'brug sgra 'don// dbu gcig chu srin sgra yang 'byin// ral pa sprugs pa'i skra gseb nas// sdom sdig chu srin char du 'bebs// ba spu thog 'bebs me 'bar zhing// kha rlangs yams nad sprin du 'khrigs// phyag g.yas sbrul zhags nag po bsnam// phyag g.yon khrag zor mdang 'phen zhing// mdze shug yan pa'i stong slag la// sbrul nag brjid pa'i go zu can// tha ma nya phran cha gas mdzes// ba su rigs brgyad 'khor du sdud// klu phran tshogs dang bcas pa bskyed// A+oM nA ga ser rak+mo hUM/ de nas gtso bo'i g.yas phyogs nas// klu srin gdug pa lcam dral gyis// 'dod chags skad ngan ki kang sgrub// yid g.yos chags pa'i gzer mda' yis// snang srid srog mdangs kun phrogs nas// slar 'dus 'bru brgyad 'od du 'bar// ma tsa du ra a yan sha/nub phyogs bar khyams khrag mtsho la// dmar ljang ma yi 'phro 'du las// 'bru lnga phung byed bskyed sngags kyis// ljang sngon drag po khros pa'i sku// kha gdangs mche gtsigs mig bgrad cing// sna 'bud rna krongs ral pa gzings// g.yas na chu srin zhags pa thogs// g.yon na lcags sgrog dmar po can// thog ser gri thabs gtong ba'i bdag/ ma rak+mo baM hUM/ shar lho bar khyams khrag mtsho la/ dkar ser tsa yi phro 'du las// drang srong dkar ser khros pa'i sku// kha gdangs mche gtsigs mig bgrad cing// sna 'bud rna krongs ral chen gzings// g.yas na chu srin zhags pa thogs// g.yon na tri shUl g.yab nag 'dor// thog ser yams nad gtong ba'i bdag/ tsa ba de pe le hUM/ bar khyams byang phyogs khrag mtsho la// mthing nag du yi 'phro 'du la// bdud po rog ti mthing nag sku// kha bgrad mche gtsigs de bzhin te// g.yas na chu srin zhags pa thogs// g.yon na bdud zhags nag po thogs// thog ser yams nad gtong ba'i bdag/ gyad tshul stabs kyis gnas pa'o// du ram mi ki hUM/ bar khyams lho nub khrag mtsho la// dmar nag ra yi 'phro 'du las// srin po byi tri khros pa'i sku// kha bgrad mche gtsigs de bzhin te// g.yas na chu srin zhags pa thogs// g.yon na ur mo gri chen gdengs// nad dang 'khrug pa thog ser bdag/phya rang gzugs chen 'gyings shing gnas// rag+sha tri a hUM// bar khyams shar phyogs khrag mtsho la// dung ka a yi 'phro 'du las// phung byed dmu bdud brjid pa'i sku// kha bgrad mche gtsigs de bzhin te// g.yas na chu srin zhags pa thogs// g.yon na stag chen mi mgo thogs// dmu rngo thog ser yams kyi bdag/ rang las btsan thabs byed pa'o// a trir ma tra ma hUM/ bar khyams nub byang khrag mtsho la// sngo nag ya yi 'phro 'du las// gsod byed mjug rings khros pa'i sku// kha bgrad mche gtsigs de bzhin te// g.yas na chu srin zhags pa thogs// g.yon na thod dbyug 'phyar zhing brdeg/ skye 'gro'i tshe srog thog ser bdag/brda' mi 'phrod pa'i btsan thabs can// rol pa'i stobs kyis gnas pa'o// ya ma sa na yam hUM// bar khyams lho phyogs khrag mtsho la// ser nag na yi 'phro 'du las// khyab 'jug ser nag brjid pa'i sku// de bzhin kha bgrad mche gtsigs nas// g.yas na chu srin gdug pa phyar// g.yon na sbrul nag sum sgril sdog/ thog dang ser ba sa g.yos dang// drag shul stobs kyis gnas pa'o// na ga ri hUM/ bar khyams byang shar khrag mtsho la// dkar dmar sha yi 'phro 'du las// mi bsgrungs sgra gcan khros pa'i sku// kha gdangs mche gtsigs mig bgrad cing// sna 'bud rna krongs ral pa gzings// g.yas na chu srin gdug pa phyar// g.yon na khram shing rdo rje can// thog ser 'thib gri'i las mkhan pa// rol pa'i stabs kyis gnas pa'o// sha i san tri hUM/ phung byed chen po 'di rnams ni// re re bskul kyang dgu dpung che// phung las sna tshogs bsam mi khyab// gza' bdud rgyu skar thabs kyis rol// phan gnod las la brtson pa'o// ki kang rol pa sde brgyad dpon// thog ser yams nad sna tshogs dang// sa g.yos 'khrug pa 'byung lnga'i bdud// kun tu khyab cing kun la 'jug/ srid gsum sgrol ba'i las mkhan de// sngags pas gsal bsgom drag bskul nas// rtsibs bzhi 'khor lo'i gdan stengs su// ma tsa sha yi 'od 'phros pas// 'byung bzhi skye dgu'i srog bsdus nas// ser nag ma yi ngo bo las// bdun pa sku yi bskyed sngags kyis// stag srin ser nag stag gi mgo/ ral dmar gser gyi zor bas brgyan// stag lpags rlaun pa'i ya bas bskor// snyan nas 'brug sgra drag po sgrogs// spyan nas khrag gi mchi ma 'dzag/ shangs nas rdzi 'bud lo nyes gtong// zhal gdangs glog 'gyu ljags las kyang// khrag chen ser ba drag tu 'bebs// ngan skyugs pho log sbos nad gtong// kha rlangs sprin las thog ser 'bebs// thugs las ltas ngan sprul pa 'gyed// g.yas na bse phur 'dril zhing 'debs// g.yon na khrag zor dal kha 'bebs// chibs su sreg byed nyi ma chibs// shar phyogs 'khor lo'i rtsibs steng na'o// rag mo tsit+ta sha la ma b+h+yo// smug nag ra yi ngo bo las// bdun pa rgyu yi bskyed sngags kyis// bam srin smug nag dred mgo ma// ral nag lcags kyi khro chu 'dzag/ dred kyi g.yang gzhi ya bas bskor// snyan nas 'bru sgra drag po 'byin// spyan nas khrag gi mchi ma 'dzag/ shangs nas rdzi 'bud lo nyes gtong// zhal gdangs glog 'gyu ljags las kyang// gnam lcags ser ba drag tu 'bebs// ngan skyugs glang sna'i nad gtong zhing// kha rlangs sprin las lcags thog 'bebs// thugs las ltas ngan sprul pa 'gyed// g.yas na gnam lcags s+t+wa chen 'phyar// g.yon na gdug pa'i sbrul zhags thogs// rol pa'i stabs kyis zla ba chibs// lho phyogs 'khor lo'i steng na'o// ram mo ru ru kha rag b+h+yo// dmar nag tsa yi 'phro 'du las// bdun pa sku yi bskyed sngags kyi// kong srin dmar nag glang mgo ma// ral dmar khrag gi gru char 'bebs// ban glang g.yang gzhi ya bas bskor// snyan nas 'brug sgra drag po 'byin// spyan nas khrag gi mchi ma 'dzag/ shangs nas rdzi 'bud lo nyes gtong// zhal gdangs glog 'gyu ljags las kyang// khar thog thu lum drag tu 'khrug/ ngan skyugs khrag nad gzer ba gtong// kha rlangs sprin las btsa' mug gtong// thugs las ltas ngan sprul pa 'gyed// g.yas na zangs gri dmar po thogs// g.yon na glog zhags bsdog cing 'phen// klu rgyal sdig pa chibs su chibs// nub phyogs 'khor lo'i steng na'o// rag+mo tsa mu sha ma b+h+yo// ljang nag sha yi ngo bo las// bdun pa sku yi bskyed sngags kyis// 'brog srin ljang nag chu srin mgo/ ral nag lcags kyi char 'bebs shing// chu srin g.yang gzhi ya bas bskor// snyan nas 'brug sgra drag po 'byin// spyan nas khrag gi mchi ma 'dzag/ shangs nas rdzi 'bud lo nyes gtong// zhal gdangs glog 'gyu ljags las kyang// lcags thog thu lum drag tu 'bebs// ngan skyugs lhog rgal gag pa gtong// kha rlangs sprin las yams nad gtong// thugs las ltas ngan sprul pa 'gyed// g.yas na rdo rje be con phyar// g.yon na 'ja' zhags bsngog cing 'phen// phyag rgyal rmig pa chibs su bcibs// byang phyogs 'khor lo'i steng na'o// rag+mo shig kha rag lam b+h+yo// kun kyang srin mo'i cha lugs can// srid gsum sems can srog la za// 'jig rten phung ba'i ki kang 'bebs// srid pa dkrugs pa'i las mkhan ma// rnal 'byaur sems dpa'i stobs kyis bskul// sems can phal gyis ma yin no// bdud rog ti nag po bya rog mgo brtsegs gsang ba sgrol byed rgyal po ki kang rag+sha'i mdo/snying gzer drag po'i rgyud chen po las/ bshan pa rag+sha sgom khog rtsa ba'i le'u brgyad pa'o//// de nas dpa' bo gshed chen gyis// lnga brgya tha ma dus kyi snyigs ma'i tshe// sangs rgyas dkon mchog gnyan gyi bstan pa la// 'ga' byed log sred cham la dbab pa'i phyir// shan pa gtso 'khor bskul ba'i las bshad pa// hUM// 'jam dpal lha mchog ya man+ta ka ni// gru gsum mthing nag e yi pho brang du// rta ro gcal bkram mi ro'i khri steng na// ri rab brjid pa'i sku mchog rab bzhengs pa// 'phags pa ya mAn gshed po 'bar ba'i sku// stang zil chu nag rlabs ltar gnag la 'tsher// ral pa mthing nag dbus su thor tshugs bcings// thod skam sbrul gdug nyi zla'i thod kyis brgyan// mi bzad spyan dgu shin tu 'bar ba ni// g.yon gsum thugs rjes thur du gzigs pa yis// ngan song sdug bsngal thar lam gnas su 'dren// g.yas gsum sdang mig dmar po bzlog pa yis// khro gtum btsan drag phyogs med zil gyis gnon// dbus gsum mtha' bral mi gzigs gzigs tshul gyis// rtag tshang mtha' 'das chos sku sa la ba// spyan sprin dma' ser 'bras bu mthing nag 'dril// smin mtshams glog 'gyu stong khams 'od gsal byed// rdzi ma lcags kyu shin tu 'khrugs shing 'bar// gsan pa ma 'gags snyan 'brug sgra 'byin cing// shangs nas rdo rje'i rlung tshubs mthing nag 'byin// zhal gsum hom khung gdangs pa'i zhal nas ni// mche ba phur bu bsnol ba'i tshems gtsigs pas// rU tra la sogs log lta zad par sgrol// ljags ni hom gzar dug gsum ril mid mdzad// bcu bdun hUM sgras stong khams dregs pa 'dul// ag tshom me 'bar gdug pa'i me stag 'phro// 'jigs byed drug gi g.yas kyi dang po na// be con phyar zhing nam mkhar rab tu gdengs// g.yas pa ral gris skye shi rtsad nas gcod// tha ma lcags kyus log sred tsit+ta 'dren// g.yon gyi dang po b+han+d+ha rak+ta rngub// bar bas sdigs mdzub rtse la me chen 'khrug/g.yon gyi tha mas 'jig rten sa gzhi gnon// ba spu rtsang phur gshibs pa'i rtse mo las// me stag thu lum thog ser rab tu 'khrug/ ko rlon tshogs dang khrag zhags thal bas mtshan// ba su rigs bzhi thod rlon rgyan gyis brgyan// zhabs bgrad gyad tshul na rag dmyal khams gzir// me dpung klong na rngom brjid stabs kyis bzhugs// thams cad ma lus khro rgyal khyod kyi sku// de 'drar bdag bsgom bdag gis rang bor nas// khyed kyi sku ru 'gyur bar byin gyis rlobs// bdag la gnod byed dgra dang bgegs kyi tshogs// thul cig choms shig lnga phung rdul du rlog/ hUM/ kun gzhi rnam dag dbyings kyi ngo bo ni// g.yon nas khro mchog sbyor ba'i yam chen mo// bai tA rak+sha mi bzad khros pa'i sku// rgyan dang cha lugs gtso bo yab dang mthun// ri rab chen po khong pa'i khong bdag mo// kham nag ral pa nam mkha'i thor tshugs te// ri rab mchog gi thod gdengs brjid bag can// spyi bo'i gtsug nas sna lnga'i 'od zer 'phro// skra mtshams sprul pas stong khams khyab par byed// dpral ba'i dbyings su 'brug sgra drag po sgrogs// smin mtshams glog 'gyus stong khams gdug pa bsreg/spyan nas mchi ma rak+ta'i gru char 'bebs// shangs nas bu yug rdzi 'bud thog ser 'bebs// zhal nas nad rlangs log sred tshogs la 'bud// thugs kyi dkyil nas thog mda'i char chen 'bebs// g.yas pa'i phyag gis gtsor 'khyud 'khril zhing sbyor// g.yon pas thod khrag 'jigs byed zhal du stob// gru gsum mthing nag 'bar ba'i klong dkyil nas// gtso la 'khril sbyor bai tA ro langs ma// mnyam nyid sun 'byin dkon mchog smad pa dang// bstan pa 'jig byed log sred dam nyams 'di// choms shig rdungs shig ma thogs myur du sgrol// hUM/ g.yas nas yum bskyed dza ti ral gcig ma// sku mdog mthing nag g.yu yi ral pa can// bdud kyi bu mo nga rgyal drag shul che// 'jig rten khyab gnas mtshan mo mun la rgyu// me yi bskal pas gshin rje las la 'khol// khrag gi skyugs 'thor myos mdzad dbang du sdud// skye 'gro'i tshe srog dbang byed dbugs la mos// kun gyi dbang po sdud cing nyams pa len// 'dom gang tsam nas snying 'byin las mkhan ma// g.yas kyi phyag na zhing chen tsit+ta 'byin// g.yon pas spu gris dam nyams srog gcod ma// rol pa'i stabs kyis drag shul tsan thabs can// srog gcod brtson pa'i las mkhan 'khor dang bcas// log sred tsit+ta phyung zhig srog rtsa dmar nas drongs// zhe sdang me ltar 'bar ba'i dkyil 'khor nas// srin po yak+sha dz+wa la 'bar ba ni// nga rgyal phrag dog zhe sdang tshul 'chang ba'i// srog bdag sku gcig dbu gsum rnam par rol// dbu gcig mche gtsigs srin po nga cho can// dbu gcig sang chen gtum pa'i 'brug sgra sgrogs// dbu gcig g.yag rgod ha la rngam tshul can// gdug byed ral pa sprugs pa'i skra gseb nas// rgyu skar 'bum gyi tshoms bu 'khrug cing 'bar// sdang mi bzlog cing smin ma me ltar 'bar// snyan nas 'brug sgrogs khams gsum 'thibs kyis mnan// shangs nas dud 'thul gru gsum zhal gdangs shing// ljags 'dril tshems gcig rgyu drug ril mid mdzad// ba spu kha T+wAM 'khrug pa'i rtse mo las// thog ser bu yug tri shUl char du 'bebs// phyag g.yas tir dbyug nam mkhar gdengs pa yis// zhe sdang srin po 'jig rten lam las sgrol// phyag g.yon khrag mtsho 'khrug cing zhal du gsol// 'dod chags khrag mtsho 'khrug pa'i dkyil 'khor nas// yum chen klu mo rdo rje yak+sha mo// 'dod chags gti mug 'dul ba'i khyad par ni// sku mdog dmar nag dbu gnyis brjid pa ste// dbu gcig ban glang 'jigs byed phaT sgra can// dbu gcig chu srin dmar 'tsher lhang lhang 'don// rgyan dang cha lugs mi bsgrungs yab dang mthun// phung byed klu rgyal kun gyi yang phyi mo// tsi tsi dz+wa la'i nad kyi bdag mo ste// 'jigs byed ral pa sprugs pa'i skra gseb nas// sdom dang sdig pa mi bsgrubs char chen 'bebs// rdo rje lce 'bebs thog gi bu yug can// kha rlangs sprin phung 'khrigs pa'i byin brlabs las// klu nad bsam yas gtong zhing phung byed ma// g.yas pas sbrul zhags dam nyams kun 'ching zhing// phyag g.yon rgya mtsho 'khrug cing nad gtong ma// thugs dam dus la bab po sa ma ya// klu thun sna tshogs dam nyams dgra la ya// 'dod chags zhe sdang rol pa'i dkyil 'khor nas// mi dge bcu 'dus dug lnga'i don sras po// lus po gcig la mi mthun mgo dgu skyes// mi mthun mgo dgu rtsa gcig du ma 'khril// mi mthun mgo dgus sbyor ba kun gtong ba// srog dang ser ba mi mthun las dgur ston// mgo gcig srin po bi tri pa tra'i mgo/ srin po'i ki kang drag po'i ser chen 'bebs// mgo gcig phung byed srin po rA hu la// skyin thang kyang 'dang ki kang thog ser drag tu 'bebs// mgo gcig 'jigs byed gza' bdud sgra gcan 'dzin// srog gcod gtibs gri ki kang drag tu 'bebs// mgo gcig du ba mjug rings chen po ste// 'jigs byed kun sgrol gtan phung ki kang 'bebs// mgo gcig khyab 'jug chen po sprul pa'i sku// lha srin gdug pa kun gyi ki kang 'bebs// mgo gcig dmu bdud byiSh+Nu rA dza ste// glo bur 'khrug pa'i ki kang chen po 'bebs// mgo gcig bdud po tsa ra ka yi mgo/ drag po las kyi ki kang hur thum 'bebs// mgo gcig 'jigs byed ljang sngon dmag dpon te// thog ser gri thabs sna tshogs ki kang 'bebs// rog ti nag po bya rog mgo brtsegs te// sa g.yos sad ser btsa' dang mu ge dang// phung byed nad ngan sna tshogs ki kang 'bebs// bka' las 'das pa'i log lta dam sri la// ki kang sna tshogs dbab pa'i dus la bab// ral pa dmar po sprugs pa'i skra gseb nas// 'jigs byed phung byed gza' bdud char du 'bebs// sku mdog dud ka ba spu'i dkyil 'khor nas// rdo rje'i lca 'bebs ser chen 'od kyi bdag/mgo lus mig mangs khams gsum bya ra mkhan// smin ma glog 'gyu bar snang 'od kyis 'gengs// sna nas bzhi brgya rtsa bzhi'i nang rlangs 'thul// gdug pa'i kha rlangs bar snang sprin du 'khrigs// sen mo lcags kyu g.yas na chu srin phyar// 'dzin shes gtong mi shes pa'i zhags chen gyis// log sred kun 'dul dam nyams 'dzin par byed// bka' las 'da' byed dam nyams smod pa la// srog la chan thob lo la ser ba phob// glo bur ye 'drog dam sri'i snying la ya// shar phyogs 'khor lo 'bar ba'i rtsibs steng du// sring gcig chen mo stag srin zor ba gdong// bka' las mi 'da' 'bar ba bzhad mo che// ral dmar spyi bcings gser gyi zor bas brgyan// sku la stag lpags g.yang gzi go zu gsol// snyan nas 'brug sgra spyan nas khrag 'dzag cing// shangs nas rdzi 'bud btsa' 'thibs lo nyes gtong// ljags nas glog 'gyu mun pa'i go skabs 'byed// zhal gdangs khrag chen ser ba drag tu 'bebs// khrag zhag ngan skyugs pho log sbos nad gtong// kha rlangs sprin 'khrug gser gyi thog 'bebs ma// thugs las ltas ngan sna tshogs sprul pa 'gyed// g.yas na zor phur 'dril zhing snying la 'debs// g.yon na khrag zor dmar po dgra la 'phen// khyed kyi chibs su sreg byed nyi ma chibs// bstan pa 'jig byed dam nyams dgra bo la// pho log ki kang dus 'dir myur du phob// lho phyogs 'khor lo 'bar ba'i rtsibs steng du// sring gcig chen mo bam srin drang mo gdong// sku mdog smug nag 'bar ba bzhad mo che// lcags kyi ral nag khro chu'i tho lum 'phro// sku la dred lpags g.yang gzhi ya bas bskor// snyan nas 'brug sgrogs spyan nas khrag 'dzag cing// shangs nas rdzi 'bud btsa' 'thibs lo nyes gtong// kha rlangs sprin las lcags kyi thog 'bebs ma// ljags las glog 'gyu mun pa'i go skabs med// zhal gdangs khrag chen ser ba drag tu 'bebs// khrag zhag ngan skyugs glang sna'i nad gtong ma// thugs las ltas ngan sna tshogs sprul pa 'gyed// g.yas nas gnam lcags dgra s+t+wa 'phyar zhing brdeg/ g.yon na sbrul zhags gdug pas dam nyams 'ching// khyed kyi chibs su bsil byed zla ba chibs// lce ring nad gtong spyugs pa'i glu dbyangs mkhan// bstan pa 'jigs pa'i log sred 'byung po la// glang sna'i ki kang dus 'dir myur du phob// nub phyogs 'khor lo 'bar ba'i rtsibs steng nas// sring gcig chen mo kong srin ban glang gdong// sku mdog dmar nag 'od 'bar bzhad mo che// zangs kyi ral chen thu lum rab tu 'phro// sku la ban glang g.yang bzhi na bza' mnabs// snyan nas 'brug sgrogs spyan nas rak+ta 'dzag/shangs nas rdzi 'bud btsa' 'thibs lo nyes gtong// ljags nas glog 'gyu bar snang 'od kyis 'gangs// zhal gdangs khrag gi bu yug rab tu 'thor// khrag zhags ngan skyugs khrag nad sna tshogs zer// kha rlangs sprin phung zangs kyi thog 'bebs ma// thugs las sprul pa'i ltas ngan dgra la gtong// g.yas na zangs gri dmar pos srog rtsa gcod// g.yon pas glog zhags dam nyams kun 'ching ma// khyed kyi chibs su klu rgyal sdig pa bcibs// bstan pa 'jig pa'i dam nyams log sred la// khrag nad gzer ba dus 'dir myur du phob// byang phyogs 'khor lo 'bar ba'i rtsibs steng du// sring gcig chen mo 'brog srin chu srin gdong// sku mdog ljang nag 'od 'bar bzhad mo che// lcags kyi ral chen tsha tsha rab tu 'khrug/ chu srin g.yang gzhi'i stod g.yogs ya bas bskor// snyan nas 'brug sgrogs spyan nas khrag chen 'thor// shangs nas rdzi 'bud lo nyes 'khrug pa gtong// ljags nas glog 'gyu stong khams 'od kyis sreg/ zhal gdangs khrag gi char chen rab tu 'bebs// khrag zhag dug skyugs lhog rgal gag pa gtong// kha rlangs sprin las rdo rje thog 'babs ma// thugs las ltas ngan sna tshogs sprul pa 'gyed// g.yas na rdo rje be con 'phyar zhing brdeg/ g.yon na 'ja' zhags skye 'gro kun 'ching ma// khyed kyi chibs su khro rgyal smig pa bcibs// bstan pa 'jig pa'i dam nyams 'byung po la// lhog rgal gag pa ma thogs myur du phob// kun kyang srin mi mi srun 'jig byed ma// nam mkha'i dkyil nas 'brug gi sgra sgrogs shing// bar snang khams nas glog 'gyu mthu mo che// ri rab rtse nas thog 'bebs drag shul can// 'dzam bu'i glingabazhi phung byed mkha' 'gro yang kha 'khor ma// 'jig rten khams su ki kang sna tshogs 'bebs// dmigs kyi gnyer gtad log sred 'byung po 'di// btang snyoms yal ba med pa'i rtse gcig mthus// thul cig choms shig nad ngan sna tshogs phob// bdud rog ti nag po bya rog mgo brtsegs gsang ba sgrol byed kyi rgyal po ki kang rog ti'i mdog/snying gzer drag po'i rgyud chen po las/ bshan pa pho mo srog bskul gyi le'u dgu pa'o//// de nas bcom ldan gshed chen gyis// lnga brgya dus kyi snyigs ma'i tshe// sangs rgyas gnyan gyi bstan pa la// 'gal byed cham la dbab pa'i phyir// drag po gsang sngags rab bshad pa// A+oM a kro te ka ya mAn+ta ka ha na ma tha b+hany+dza hUM phaT/ khro mchog nyid kyi gsang sngags so// A+oM sarba ta thA ga ta kro ta ya bi dza ya/ dz+wa li ir ni dz+wI hwa pra ta shwI raM sti hUM phaT/ lus bsrung go bgo ba'i gsang sngags yin no// A+oM badzra be tA laM rag+sha rag+sha ma swA hA/ ro langs khro ma'i gsang sngags so// oM e ka dzA Ti dza/ trag rag+sha/ mu tra mu tra ru lu ru lu hUM b+h+yo b+h+yo/ e ka dza Ti'i gsang sngags so// oM pa sha mi ki phor pa/ du dun ma ga shi kri ha na dz+wa la ta mur dzi tsi ci yang ti kra ti dur yaM swA hA/ mgo dgu spyi'i gsang sngags so// A+oM tsa ti pra ti kar ni rA hu la/ bi kran+ta hUM ta ka raM shar ma ta mA ra phaT/ las kyi bskul ba'i gsang sngags so// A+oM badzra yak+sha dz+wa la ni/ ka la pra tsa ra/ tsit+ta rak+ta mur nan swA hA/ srin po gdug pa'i gsang sngags so// A+oM yak+sha rag+mo u tsASh+ma/ nA ga le dum pa le tsit+ta ku lu ru lu b+h+yo/ glog 'gyu ma'i gsang sngags so// ma rag mo/ pan yaM shig/ mA ra ya nr-i dza dza/ tsa bad tsa le/ pra be sha/ ma ra tri dza dza/ dur me mi ki rA hu la/ hur thum ma ra dza dza/ rag+sha tri a tsit+ta rbad/ mA ra ya nri dza dza// a tri raM raM du na shag/ mA ra ya a nr-i dza dza/ ma ma sa na yaM/ ra tsa ram shar/ mA ra ya nr-i dza dza/ nA ga ri shi hril shag/ badzra sad dun/ra ma hrIl mA ra ya nr-i dza dza/ shi i san tri yaM du/ rA hu la hril/ shag ra ma sha ra/ nr-i mA ra ya dza dza/ sde brgyad rol pa'i dgug sngags so// A+oM many+dzu shrI ya mAn+ta ka/ pe tA li rag+sha e ka dza Ti/ snying kha rag/ su badzra yag+sha man rag mo// nA ga dum pa le/ sha shu ma rag+to// tsa bad sa le/ dur ma mi ka rag+sha nr-i raM traM/ ya ma pan yaM/ nA ga ri shi sha in+t+ra/ rag+mo tsit+ta du du tsa sa mu sha kha/ rag lam b+h+yo// ma ma raM/ hril hril/ shar shar/ru tsa du tsa shu tri phrom dud kar phrom/ sa man+ta ka a ka ra/ du ru du ru phrom/ ya ma snying/ ya ma khrag/ ya ma du/ yug ti smin khrag du tsar/ shar shar/ hril hril/ ya ra ma hril b+h+yo/ rak+sha b+h+yo// nA rag b+h+yo// gdug pa'i dril sngags drag po yin// bdud rog ti nag po bya rog mgo brtsegs gsang ba sgrol byed kyi rgyal po ki kang rog ti'i mdo/ snying gzer drag po'i rgyud chen po las/ shan pa srog sngags kyi le'u bcu pa'o//// de nas bcom ldan gshed chen gyis// lnga brgya dus kyi snyigs ma'i tshe// sangs rgyas gnyan gyi bstan pa la// 'gal byed cham la dbab pa'i phyir// phung byed rol pa'i las bshad de// sde brgyad dregs pa'i dkyil 'khor 'di// bka' thob bsnyen pa rdzogs pa yis// dur khrod ro yi ngas blangs la// mdze can bsregs pa'i rus sol dang// bi Sha'i thal ba mdzo rtol dang// sbrul dang sbal pa'i snying khrag dang// bi Sha'i 'dab ma'i sngo khu dang// skyer pa'i rtsa shun bkus pa la// pho rog sgro mar sgro smyug gis// mgo dgu rol pa'i gzugs bris la// kha bgrad gzugs chen dung ka chu srin can// mgo lus mig gang mjug ma sbrul// sde brgyad dpon snar mkhas pas bri// bstod dang mchod pa kun rdzogs nas// kong tsher 'jug pa'i tshes grangs la// nub nas mkhas pas dgra nas kyang// gro ga'am dur khrod ras chen la// khrag chen dag gis gang dmigs bri// de nas rnal 'byor bdag nyid kyis// gshed po khros pa'i skur bskyed de// srid pa'i ma mo kun mngag ste// gang dmigs rnam shes rlung 'dra ba// rten la phab ste rab bcings nas// dkar dang dmar chen rdzas sbyar la// ljang sngon zhal du 'di skad bstab// ma mo rol pa'i dkyil 'khor nas// dmag dpon chen po sku bzhengs shig/ chu srin gdug pa zhal gdangs shig/bstan pa 'jig byed dgra bo 'di// sgrol ging dmag dpon chems gyis chems// ma mo'i tshogs kyi zhal du bstab// gtad do gtad do slar ma btang// ma rag mo hab hub khram kha mA ra ya/ khri bzlas ljang sngon lag tu gtad// bskal par thar dus med pa'o// de bzhin kong tse'i tshes grangs la// mgo dgu rol pa shar lhor dgram// nub byang mtshams nas 'di skad bstab// shar lho mtshams nas sku bzhengs pa// drang srong chen po zhal gdangs shig/ bstan pa 'jig byed dam nyams 'di// rA hu la yi zhal du bstab// dgra lha'i rgyal po'i lag tu gtad// gtad do gtad do slar ma btang// tsa sang sa le rA hu la hab hub khram kha mA ra ya/khri bzlas drang srong lag tu gtan// phung byed 'khor bcas rol par dmigs// bskal par thar dus med pa'o// de bzhin kong rtse'i tshes grangs la// bdud po mgo dgu byang du dgram// gang dmigs lho nas 'di skad bstab// byang nas phung byed sku bzhengs pa// bdud dpon khros pa zhal gdangs shig/ bstan pa 'jig byed 'byung po 'di// tsa ra ka yi zhal du bstab// bdud po rol pa'i phyag tu gtad// gtad do gtad do slar ma btang// du raM mi ki tsa ra hab hub khram kha mA ra ya/ khri bzlas phung byed lag tu gtad// bdud dpung 'khor bcas rol par bsam// bskal par thar dus med pa'o// de bzhin kong tse'i tshes grangs la// srin po mgo dgu'i lho nub dgram// byang shar mtshams nas 'di skad bstab// lho nub mtshams nas sku bzhengs pa// srin po mgo dgu zhal gdangs shig/bstan pa 'jig pa'i 'byung po 'di// bi tri pa tra'i zhal du bstab// srin po'i tshogs kyi lag tu gtad// gtad do gtad do slar ma btang// rak+sha tri a rbad hab hub khram kha mA ra ya/ khri bzlas srin po'i lag tu gtad// rak+sha tshogs kyis rol par bsam// bskal par thar dus med pa'o// de bzhin kong tse'i tshes grangs la// dmu bdud mgo dgu shar du dgram// nub nas log sred 'di skad bstab// shar gyi phyogs nas sku bzhengs pa// dmu bdud mgo dgu zhal gdangs shig/ bstan pa 'jig pa'i 'byung po 'di// ha li ka l-i'i zhal du bstab// dmu bdud tshogs kyi phyag tu gtad// gtad do gtad do slar ma btang// a tri ram traM dun shan hab hub khram kha mA ra ya/ khri bzlas dmu bdud lag tu gtad// ha li tshogs kyis rol par bsam// bskal par thar dus med pa'o// de bzhin kong tse'i tshes grangs la// ya mAn mgo dgu nub byang dgram// shar lho mtshams nas 'di skad bstab// nub byang mtshams nas sku bzhengs pa// phung byed mgo dgu zhal gdangs shig/ bstan pa 'jig pa'i dam nyams 'di// du ba mjug ring zhal du bstab// gshin rje'i tshogs kyi phyag tu gtad// gtad do gtad do slar ma btang// yams na ya ma ra tsa khri shi dun khram kha mA ra ya/ khri bzlas gshin rje'i lag tu gtad// mjug ring khros pas rol par bsam// bskal par thar dus med pa'o// de bzhin kong tse'i tshes grangs la// klu btsan mgo dgu lho ru dgram// byang nas log sred 'di skad bstab// lho yi phyogs nas sku bzhengs pa// klu btsan mgo dgu zhal gdangs shig/bstan pa 'jig pa'i log sred 'di// khyab 'jug chen po'i zhal du bstab// klu btsan dgra lha'i phyag tu gtad// gtad do gtad do slar ma btang// nA ga ri shi sa dun hab hub khram kha mA ra ya/khri bzlas klu btsan lag tu gtad// khyab 'jug chen pos rol par bsam// bskal par thar dus med pa'o// de bzhin kong tse'i tshes grangs la// bgegs dpon mgo dgu byang shar dgram// sngags pas gshed po'i tshul 'chang ba// dam rdzas ling+ga bcas pa dag/ lho nub mtshams nas 'di skad bstab// byang shar mtshams nas sku bzhengs pa// bgegs dpon mgo dgu zhal gdangs shig/ bstan pa 'jig pa'i log sred 'di// sgra gcan 'dzin gyi zhal du bstab// bi nA ya ka'i phyag tu gtad// gtad do gtad do slar ma btang zhig/ sha i san tri yam du bya/ rA hu la hab hub khram kha mA ra ya/ khri bzlas bgegs chen lag tu gtad// sgra gcan 'dzin gyis rol par bsam// bskal par thar dus med pa'o// de nas dkar dmar rdzas chen dang// gang dmigs rten du bcas pa de// phung byed sku la dril nas kyang// ki kang drag po'i phyogs dag gam// khams la dgra dar phyogs su sba// de nas thun zor drag bskul na// tshangs pa'i tshe dang ldan gyur yang// myur du 'chi bar the tshom med// phung byed rgyal po 'dis rol nas// gza' bdun rgyu skar 'dis rol na// rtag tu gdug pa'i sbyor ngan gyis// gang dmigs gtso 'khor rigs rgyud bcas// thang gcig yid kyis rlag par byed// bdud rog ti nag po bya rog mgo brtsegs gsang ba sgrol byed kyi rgyal po ki kang rog ti'i mdo/snying gzer drag po'i rgyud chen po las/ gza' gtad drag po'i le'u bcu gcig pa'o//// de nas bcom ldan gshed chen gyis// lnga brgya dus kyi snyigs ma'i tshe// sangs rgyas gnyan gyi bstan pa la// 'gal byed cham la dbab pa'i phyir// gtan 'pho las kyi 'khor lo 'di// thog mar brtag pa'i gnas chen du// cho gar ldan pa'i sngags pa yis// sde brgyad rol pa'i dkyil 'khor ni// dur khrod thal bas tshul bzhin bri// rdzas tshogs drug 'bum bzlas byas te// mtshan ma bzang ba mthong ba na// log sred pha mes thod pa'am// rabs chad mdze can thod pa dang// gzed dang yugs mo'i thod pa la// mkhas pas 'khor lo bri bya la// lces bsad bsregs pa'i rus sol dang// gser dang gnam lcags la sogs pa// brdar khu bi Shar bcas pa la// 'bum bdun pad+ma rak+tar sbyar// khA kha rig byed sgro rtsa yis// pho thod gong ma dag la ni// rim bzhin zlum por kun tu bskor// gnyis pa rtsibs brgyad dag tu bkod// gsum pa bcu gnyis 'khor bar bya// de nas drag po'i sngags gzhan la// phung byed pho yi sngags dgod de// lte dbus ya dkyil bsgrub bya zhing// de mtha' yak+sha'i sngags kyis bskor// gnyis pa rtsibs brgyad steng du yang// phyogs bzhi mtshams brgyad ji lta bar// gdug pa'i yi ge 'bru brgyad dgod// rtsibs mchan bsgrub bya'i ming rus yul// tshang bar sngags pas bri bar bya// gsum pa bcu gnyis dag la yang// phyogs bzhi gdug pa'i gsang sngags de// khyim gsum bzhi po tshang bar dgod// rtsibs mchan bcu gnyis dag la yang// mtshams bzhi gdug pa'i gsang sngags te// gong gsum grong gsum kyang mtshon bzhi tshang bar dgod// 'bru thad rim pas legs par bri// tha ma bcu bdun sngags kyis bskor// de mthar phyag zhabs yang dag bri// skye shi bzhi yang srog la gtan 'pho ba'i// khrus mkhan pho yi 'khor lo yin// mo thod dag la 'di lta ste// rim pa gong dang 'dra ba la// gnyis pa rtsibs bzhi legs par bri// de nas bdun pa'i mo sngags ni// lte dbus ya dkyil bsgrub bya bri// de mtha' glog 'gyu'i sngags kyis bskor// gnyis pa'i rtsibs stengs 'bru bzhi bzhag/rtsibs mchan bsgrub bya'i ming rus yul// legs par b+h+yo yi bar du bris// gsum par phung byed ma bzhi'i sngags// tshul bzhin 'khor bar dgod par bya// bzhi pa rol pa'i gsang sngags dang// ral gcig ma yi sngags kyis bskor// zhal dang phyag zhabs de bzhin bri// phung byed ma yi 'khor lo yin// rnam gnyis 'khor lo de bzhin dang// 'ug pa'i sgo nga'i mar gyis byug/ de ltar bri ba'i 'khor lo de// mo thod gan rkyal ri gsum rtse// pho thod kha sbub kha sbyar la// nang du dkar dmar rdzas la sogs// gser sgong rnams kyis rab tu dgang// de nas phung byed sngags kyis brab// dus la bab na dmigs rten sgrol// thun dbab mtshon gdab mtshon gyis bshig/ kha brgyad sbyin sreg las la bya// sol thal rten du byas pa dag/ snying shun brub la khar bcu gnas// sbrul gyis kha bcing 'khor lor gzhug/ de nyid shun la gril nas kyang// dus tshod gnad la bab pa'i tshe// sngags pas yul gyi dbyings su sba// thab zor sngags kyis rab bskul nas// srid pa lto zlog khrus kyis dbyung// grong khyer pu shu'i rtsar sbas nas// sngags zer thun gyis rab bskul na// lce 'bab grong khyer ra bcu 'jig/ de bzhin ri mtho rtser sbas nas// steng du tho ba rtsig thun bskul na// dmigs rten yul phyung 'khrug pas phung// dur khrod dkyil du sbas byas nas// bi Sha'i thun gyis rab bskul na// mdze skran dmu cha yams su 'byung// lce dbab sad ser smos ci dgos// dre'u dang mdzo yi thod pa yi// bar du 'khor lo de bcug nas// lo gshed zla dang tshes grangs dang// dus tshod gnad la bab pa'i tshe// log sred dur gyi byings su sba// de nas sngags thun zor bskul na// 'gal byed gtso bor bcas pa ste// tshangs pa'i tshe dang ldan gyur yang// 'di tsam thang gcig yud kyis rlag/gtso 'khor bcas pa rtsad chod de// gtan 'pho rmig med the tshom med// bdud rog ti nag po bya rog mgo brtsegs gsang ba sgrol byed kyi rgyal po ki kang rog ti'i mdo// snying gzer drag po'i rgyud chen po las/bshan pa 'khor lo nag po'i le'u bcu gnyis pa'o//// de nas bcom ldan gshed chen gyis// lnga brgya dus kyi snyigs ma'i tshe// sangs rgyas gnyan gyi bstan pa la// 'gal byed cham la dbab pa'i phyir// ki kang phur pa'i las bshad pa// rnal 'byor brtul zhugs chen po yis// phun sum tshogs pa kun ldan nas// sde brgyad rol pa'i dkyil 'khor ni// thig gis yul bcad ji bzhin du// ro bsregs thal chen sol phye dang// rak+ta skyer shun skam phye dang// bi Sha'i 'dab skams phye ma yis// e dang 'khor lo mgo dpung bcas// sgo bzhi mdzes pa'i dkyil 'khor ni// mkhas pas kha dog gsal bar dbri// phyi rol e rgyar mda' tshad pa'o// nang du dmigs rten tsa ra gdags// de nas drag po'i phur pa yi// rgyu dang dbyibs tshad byin rlab dang// dgod dang sgrub pa'i khyad par bstan// de la rgyu yi bye brag ni// lcags sna lnga dang mchog chen rkang// mdzo mo'i shing dang shwa na'i rkang// shir shing phag rgod mche ba dang// glang shing glang chen mche ba dang// skyer shing ma he'i rwa rtse dang// seng ldeng smug po la sogs yang// phur pa'i dbyibs ni ri rab rtse// rtsa ba mgo la co to rtse// rgya mdud gnyis pa logs brgyad mdzes// rtse mo zur gsum dpal dang ldan// lcags sna'i phur pa dag la ni// mkhas pas sor tshed bcu drug pa'o// mchog chen rkang la bcu gnyis tshad// mdzo mo la sogs brgyad po ni// sor brgyad tshad du shes par bya// seng ldeng las byas sor bzhi'i tshad// de ltar tshad ldan rdzas mchog de// mkhas pas byin gyis brlab bya ba// stong nyid ngang las skur bzhengs pa// rnal 'byor gshed po'i thugs ka nas// ya bzhi 'od 'phros slar 'dus pas// lag mthil g.yas g.yon mthe bor gnyis// ya ma rA tsa yab yum dang// sku srin pho mo'i skur gsal ba'o// ya ma ra tsa sa do me ya/ ma ma e ka dza Ti sa ma ya ho// sa ma ya s+t+waM/ yak+sha dz+wa la ni/ snying khrag yag mo nA ga le/ sa ma ya ha// sa ma ya s+t+waM/ thal mo lan gsum drag brdabs pas// 'od zer spro bsdus 'bru brgyad las// g.yas mdzub gung mo srin lag dang// mthe'u chung de bzhin mdzub mo dang// gung mo srin lag mthe'u chung rnams// bi tri pa tra rA hu la// sgra gcan mjug rings yab 'jug dang// biSh+tu ra tsa tsa ra ka/ ljang sngon la sogs rim bzhin te// de nas 'bru bzhi 'od 'phros pas// mtheb snying g.yas g.yon dag dang ni// de bzhin mdzub snying g.yas g.yon la// stag srin bam srin kong srin dang// 'brog srin la sogs rim bzhin bsgom// de nas phan tshun dam bsnol ba'i// bar du phur pa de bcug nas// rting pas dril shing sngags 'di bzlas// A+oM kA ya shrI ma hA badzra dIp+ta tsakra ha na ha na A+oM/de nas thal sbyar rtse sprad pa'i// bar du phar tshogs de bcug nas// dril tshul bstan cing sngags 'di bzlas// hriHbAg bu mur ba A/ de nas thal sbyar dam bsnol nas// gung mo bsgrengs te rtse sprad pa'i// bar du phur bcug sngags 'di bzlas// hUM tsit+ta badzra s+t+wa hUM/ gru gsum 'od kyi spro bsdu dang// dregs pa pho mo'i 'od zer gyis// bde gshegs sku gsung thugs bsdus nas// 'khrul rtog log lta kun bsregs nas// phur pa gtso 'khor skur gsal byed// sku gsung thugs dang ldan par brlab// de nas byug bdug drag tu dril// sngags 'dis srid gsum sgrol bar bskul// oM badzra kro ta rog ti yak+sha kI li kI la ya/sarba big+h+nAn mA ra ya hUM phaT/ phung byed sgrol bdag pho mo de// sngags pas 'di skad dgod par bya// hUM/ srid gsum sgrol ba'i dkyil 'khor ni// yum mchog mkha' dkyil e klong du// 'jigs byed sku mchog dregs pa 'dul// byad tshul stabs kyis bzhugs su gsol// phung byed yab sras lcam dang bral// rtsibs rgyad mgo dpung yan lag dang// sgo bzhi keng rag gdan stengs su// rngams shing tshub pas bzhugs su gsol// bskyed pa rtsa ba'i sngags mjug la// sa ma ya tiSh+Tha lhan/ zhes brjod/ e dang de bdun rtsibs brgyad dang// sgo bzhi keng rag gdan stengs su// mi mthun rdzas phur bcu bzhi dgod// dus gsum dkar nag dud pas bdug/thun rdzas mchod pa rim pas bzhag/ sgrub dang khyad par drag po'i las// bsgrub pa skyed chog bzlas pa ni// sngags bsnyen 'og tu 'bum bzlas nas// sde brgyad kun la dpang btsugs shing// tha tshig can rnams drag mngags nas// grub pa'i rtags rnams yid brtan 'byung// de nas khyad par drag po'i las// ki kang rgyu ba'i dus dag la// mda' tshad e brgyad gang yin par// log par blta ba'i 'byung po de// kha sbub gan rkyal gang yang rung// snying gi thad kar ming rus brgyad// mgo dpung yan lag gnas brgyad du// sde brgyad rol pa'i thun brgyad dbab// de nas drag po'i phur pas brdeg/lcags phur rlangs la 'di skad gdang// hUM mkha' klong e yi pho brang nas// khro mchog rgyal po sku bzhengs te// sku stod gshed po 'bar ba'i sku// sku smad zur gsum kI la ya// srog gshed khros pa'i dpal dang ldan// lte ba'i dkyil du kI la ya// A+oM many+dzu shrI a kro te ka ya mAt+ta ka a mu kaM dza kI li kI la ya/ sarba big+ha nAn che ge mo mA ra ya/ oM be tA li rag+sha kro d+hI shwa ra'i u tsuSh+ma/ snying kha rag e ka dza Ti ma ma trag sha b+h+ya// kI li kI la ya che ge mo mA ra ya phaT/ hUM/ khrag mtsho rus khi'i gdan steng nas// srin po me 'bar khros pa'i sku// sku smad zur gsum dpal dang ldan// srog rtsa bcad pa'i dus la bab// A+oM yak+sha dz+wa la ni snying khrag tsa tsa ra tsa rbad/rag+sha yag+sha kI li kI la ya sarba big+h+nAn che ge mo mA ra ya hUM phaT/ yag mo nA ga le snying dun ti tsa tsa ra tsa rbad/ kI li kI la ya sarba big+h+nAn mA ra ya phaT/ hUM/ nub kyi phyogs nas sku bzhengs pa// sku stod ljang sngon dbu dpung che// sku smad zur gsum dpal dang ldan// dpung pa g.yon la kI la ya// dgug sngags dang po'i mjug tu yang// gdab sngags 'di bzlas gsal bsgom brdeg/kI li kI la ya sarba big+h+nAn che ge mo mA ra ya hUM phaT// hUM// shar lho mtshams nas sku bzhengs pa// sku stod drang srong dbu dpung che// sku smad zur gsum dpal dang ldan// lag pa g.yas la kI la ya// gug sngags gnyis pa'i mjug tu yang// gdab sngags 'di zlas myur du brdeg/ kI li kI la ya sarba big+h+nAn che ge mo la A be po sha na mA ra ya hUM phaT/ hUM/ byang gi phyogs nas sku bzhengs pa// sku stod bdud po dbu dpung che// sku smad zur gsum dpal dang ldan// gsang ba'i gnas su kI la ya// gsum pa sngags mjug 'di bzlas brdeg/ kI li kI la ya sarba big+h+nAn che ge mo ku ru she mA ra ya hUM phaT/ hUM/ lho nub mtshams nas sku bzhengs pa// sku stod bi tri dbu dpung che// sku smad zur gsum dpal dang ldan// klad pa'i dkyil du kI la ya// bzhi pa'i sngags mjug 'di bzlas brdeg/ kI li kI la ya sarba big+h+nAn che ge mo sa d+han d+ha sha mA ra ya hUM phaT/hUM/ shar gyi phyogs nas sku bzhengs pa// sku stod ha ling dbu dpung che// sku smad zur gsum dpal dang ldan// gzhang dang rkub tu kI la ya// dgug sngags lnga mjug 'di bzlas brdeg/kI li kI la ya sarba bi g+ha nAn che ge mo hab hub kha rag mA ra ya hUM phaT/ hUM/ nub byang mtshams nas sku bzhengs pa// sku stod ya ma dbu dpung che// sku smad zur gsum dbal dang ldan// lag pa g.yon la kI la ya// drug pa'i sngags mjug 'di bzlas brdeg/ kI li kI la ya sarba bi g+ha nAn che ge mo khu ru ru pe sha mA ra ya hUM phaT/ hUM/ lho yi phyogs nas sku bzhengs pa// sku stod khyab 'jug dbu dpung che// sku smad zur gsum dpal dang ldan// dpung pa g.yas la kI la ya// bdun pa'i sngags mjug 'di bzlas brdeg/ kI la kI la ya sarba bi g+ha nAn che ge mo kha lo shan rak+ta mA ra ya hUM/ hUM/ byang shar mtshams nas sku bzhengs pa// sku stod sgra gcan dbu dpung che// sku smad zur gsum dpal dang ldan// snying gi dkyil du kI la ya// dgug sngags mtha' ma'i mjug dag la// gdab sngags 'di bzlas gsal bsgom brdeg/ kI li kI la ya sarba bi g+ha nAn che ge mo bi ta bal su mA ra ya hUM phaT// shar phyogs nam mkha'i dkyil yangs nas// sring gcig stag srin phung byed ma// lo tog nad kyi mnga' bdag mo// long rtsa g.yas la kI la ya// ma rag+mo tsit+ta sha la thib/tsa dun ha ra la b+h+yo// kI li kI la ya sarba bi g+hA nAn che ge mo mA ra ya hUM phaT/ lho phyogs nam mkha'i dkyil yangs nas// sring gcig bam srin dred mo'i gdong// glang sna nad kyi mnga' bdag mo// a so li ka g.yas la ya// rag+mo ru ru kha rag hed tsit+ta ma ma b+h+yo// kI la kI la ya sarba bi g+ha nAn che ge mo mA ra ya hUM phaT/ nub phyogs nam mkha'i dkyil yangs nas// sring gcig kong srin ban glang gdong// khrag nad gzer ba'i mnga' bdag mo// a so li ka g.yon la ya/ rag mo tsab sham kha thums tsa ra na b+h+yo/ kI la kI la ya sarba bi g+ha nAn che ge mo mA ra ya hUM phaT/ byang phyogs nam mkha'i dkyil yangs nas// sring gcig 'brog srin chu srin gdong// lhog rgal gag pa'i mnga' bdag mo// long rtsa g.yon la kI la ya// rag mo shig shig kha rag lam/ bal phyur du ya ma b+h+yo// kI li kI la ya sarba bi g+hA nAn che ge mo mA ra ya hUM phaT/gdab tshul bstan pa tsam gyis kyang// srid pa gsum yang skad ngan 'don// dmigs rten gang bcas smre sngags 'don// sdug bsngal mi bzod ya re cha// bub 'gyel brgyal te 'dug pa la// phur pas gnas rnams thal phyung la// dbang po bla rten bag bzhi nyams// bkrag dang gzi mdangs phur pas bsdus// rog ti nag po 'khor bcas kyis// dbang po gnas yul bcas pa dang// sha dang rus pa pags pa sogs// rngams shing bcad de btog cing za// srog gshed pho mos srog gcod cing// srin po pho mo'i sprul pa rnams// la la yis ni dbugs ma rngub// las la yis ni khrag la 'jib// la las srog pa rtsa nas 'dren// la las klad khrag dkrug cing 'thung// ki kang phab nas bsad pa la// rjes shul med par za byed cing// mA ra ya yi yul dag tu// ser ba sna tshogs sgong ltar 'dril// ki kang sna tshogs dus med phob// de nas mtshon cha rnon pos shigs// lha tshogs kun la thim par phul// sbyin bsreg gnan pa'i las rdzogs bya// rngam stabs drag pos rnam par gzir// drag po'i las 'di kun rdzogs na// rdo rje 'dzin pa nyid kyang 'jig/bdud rog ti nag po bya rog mgo brtsegs gsang ba sgrol byed kyi rgyal po ki kang rog ti'i mdo// snying gzer drag po'i rgyud chen po las/ mngags pa srog phur gyi le'u bcu gsum pa'o//// de nas bcom ldan gshed chen gyis// lnga brgya dus kyi snyigs ma'i tshe// sangs rgyas gnyan gyi bstan pa la// 'gal byed cham la dbab pa'i phyir// phung byed srog zor las bshad pa// sngags pa rnal 'byor ldan pa yis// drag por brtag pa'i gnas chen du// gshed kyi zla ba tshes gcig la// 'jig rten gdug pa'i lha srin la// mchod sbyin bsngos te bka' bsgo la// de nas drag po'i las 'di brtsams// dkyil 'khor 'dom gang tshad ldan pa'i// de dbus gru gsum khru do'i tshad// sor tshad drug pa rim gsum ste// dpangs kyang sor tshad drug drug pa// tha ma kun tu zlum por bskor// dur khrod sol phye khrag chen gyis// gru gsum kun tu smug nag tu'o// zla gam bam chen khrag gis byug/ tha ma rak+ta thal chen dang// dug dang dkar dmar rdzas sbyar byug/ dkyil du be con phyag rgya bzhag/dang po rdo rje mda' gzhus mtshan// gnyis pa thod pa dgus mtshan pa'o// gsum pa me ris mtshan pa bri// dur khrod ro yis thal bas byug/ de nas gdug pa'i shing rdzas ni// dur khrod shing dang skyer pa dang// nim pa'i shing dang yungs kar shing// gdug pa'i bse shing seng ldeng dang// bra ma'i shing dang dug shing ste// dang la dur khrod shing dag la// ro ras shun gyis byug pa yis// tshad med ci rigs sbams nas dril// gru gsum dbus su de rdzas bsgreng// gru gsum phyi snam me ri la// gdug pa'i rno rtsang nyi shu gcig/ sor tshad bcu drug ldan pa la// rtse la dug byug mkhas pas dgram// yugs sa mo yi skra dag la// bshan pas phyir phyogs bkal ba yi// phung byed khram thag nag po yis// rtsang sdom 'gag mig bcu gnyis bya// zla gam gru bzhi'i steng du yang// dkar dmar la sogs rdzas rnams bzhag/ bskyed mchod bzlas dang bstod pa bya// de nas log sred 'byung po'i gzugs// phyi sa gos kyi dum bu'am// rkang rjes mchil snabs gang rnyed dang// lan tshwa ldong ros sa zhag dang// bag phye dag la khag gis sbrus// gcig la mtho gang tshad ldan te// sor brgyad ldan pa bcu gnyis bya// dpral ba snying ga yan lag la// ming rus bla dgas gsal bar bri// de nas g.yel med ting 'dzin dang// snying rje gdug pa'i ngan sems kyis// phung byed gtso 'khor kun mngags te// gang dmigs rten la bkug bstim nas// khrag thag 'gag mig bcu gnyis la// dmigs rten bcu gnyis ske nas gdags// gcig ni nub tu kha bltas te// dmar dang sbrag la shar du bzhag/ de nas gnad la dbab pa'i tshe// yugs sa'am bshan pas me spar nas// bdud rtsi sna lnga la sogs te// dkar dmar rdzas dang sngo khu dang// rin chen sna lnga dug la sogs// ming rus rten du bcas pa la// rtsa ba'i sngags bzlas mjug tu yang// ma ma sarba sha truM che ge mo ag+ne ye dz+wa la mA ra ya hUM phaT/ 'di bzlas sngags pas seng ldeng la// brgya brgyar bsreg na las kun 'grub// de nas rdzas dang thal 'jim de// mi sog me sogs kyang khem gyis blang byas nas// drag sngags bzlas shing ling+ga ling+ga brab bsham sha yang/ ljang sngon drag po'i sreg zor yin// de nas cho ga ji bzhin du// dus tshod gnad la bab pa'i tshe// ling+ga nub byang mtshams su bzhag/ sngags pa shar lho mtshams su gnas// skyer pa'i shing la me spar te// rdzas dang ling+ga la sogs la// sngags bzlas brgya brgyar bsreg byas nas// thal 'jib me sog khem gyis brab// drang srong chen po'i sreg zor yin// de nas cho ga ji bzhin du// dus tshod gnad la bab pa'i tshe// ling+ga dmar sbrag lho ru gzhag/ sngags pas byang gi phyogs gnas la// nim pa'i shing la me spar te// rdzas dang ling ga la sogs la// sngags bzlas brgya brgyar bsreg byas la// thal 'jim sngags kyis de bzhin brab// thal 'jim mi sog g.yas pas brab// tsa ra ka yi sreg zor yin// de nas cho ga ji bzhin du// dus tshod gnad la bab pa'i tshe// ling+ga byang shar mtshams su bzhag/ sngags pas lho nub mtshams su gnas// nyung dkar nyung nag shing dag la// yugs sa'am bshan pas me sbar te// rdzas dang ling+gal sogs la// sngags bzlas brgya brgyar bsreg byas nas// thal 'jim de bzhin sngags kyis brab// bi tri pa tra'i sreg zor yin// de nas cho ga ji bzhin du// dus tshod gnad la bab pa'i tshe// ling+ga dmar bcas nub tu bzhag/ sngags pa shar gyi phyogs gnas la// gdug pa bse yi shing dag la// yugs sa'am bshan pas me sbar te// rdzas dang ling ga la sogs pa// sngags bzlas brgya brgyar bsreg byas nas// thal 'jim sngags kyis de bzhin brab// biSh+Nu rA tsa'i sreg zor yin// de nas cho ga ji bzhin du// dus tshod gnad la bab pa'i tshe// ling+ga shar lho mtshams su bzhag/sngags pa nub byang mtshams su gnas// seng ldeng shing la me spar te// rdzas dang ling+ga la sogs la// sngags bzlas brgya brgyar bsreg byas nas// thal 'jim sngags kyis ling+ga brab// mjug rings drag po'i sreg zor yin// de nas cho ga ji bzhin du// dus tshod gnad la bab pa'i tshe// ling+ga dam rdzas byang du bzhag/ sngags pa lho yi phyogs gnas la// bra me'i shing la me spar te// rdzas dang ling+ga la sogs la// sngags bzlas brgya brgyar bsreg byas nas// thal 'jim sngags kyis ling+ga brab// khyab 'jug chen po'i sreg zor yin// de nas cho ga ji bzhin du// dus tshod gnad la bab pa'i tshe// ling+ga dam rdzas cha gcig dang/sbyar la lho nub mtshams su bzhag/ sngags pa byang shar mtshams gnas la// bi Sha sna tshogs shing dag la// yugs sa'am bshan pas me sbar te// bdud rtsi sna lnga la sogs la// dkar dmar rdzas dang sngo khu dang// rin chen sna lnga dgu la sogs// dur khrod ras dang gro ga dang// khrag gis bris pa'i ming rten la// rtsa ba'i sngags kyi mjug tu yang// ma ma sarba sha trUM che ge mo ag+ne dz+wa la mA ra ya hUM phaT/ de bzlas sngags pas seng ldeng la// brgya brgyar bsreg na srid gsum phung// tshangs dang brgya byin la sogs kyang// nges par srog las gtan 'pho'o// de nas rdzas dang thal 'jim de// mi sog g.yas pa'i khem dag gis// drag sngags bzlas shing ling+ga brab// sgra gcan 'dzin gyi sreg zor yin// de nas dmigs rten ling+ga la// rtsang gis gtub cing thag pas sbrel// de nas rdzas dang bcas pa dag/re dul nag pos bril nas kyang// phyogs ngan gshed kyi lag tu gtad// yang na nA ga gnas sar sba// sreg zor hom brgyad 'di rdzogs na// 'jig rten phung las kun grub ste// thog ser yams nad sna tshogs dang// btsa' mug lo nyes 'khrug pa'i sa// log sred nyid phung yul khams phung// bshan pa nag po'i srog las 'di// lnga brgya dus kyi mtha' ma'i tshe// gab gsang don gyi blo can dang// sngags bsnyen rdzogs dang phyag rgya gsal// dam tshig brtser ldan mkhas pas bya// dam med ras chod gzu lums can// bka' thob med pa'i rang byan mkhan// gang des 'di rtsom rang nyid rlag/ bdud rog ti nag po bya rog mgo brtsegs gsang ba sgrol byed kyi rgyal po ke kang rog ti'i mdo/snying gzer drag po'i rgyud chen po las/ bshan pa hom nag gi le'u bcu bzhi pa'o//// de nas bcom ldan gshed chen gyis// lnga brgya dus kyi snyigs ma'i tshe// 'gal byed cham la dbab pa'i phyir// khus 'debs drag po'i las bshad pa// cho ga kun ldan sngags pa yis// khru do'i tshad mdzes dkyil 'khor la// 'di la thig dag bri mi dgos// dme khrag dag gis dmar por byug/ steng du tsa ra'i shun gding zhing// de steng log sred 'byung po'i gzugs// smos pa'i rgyu yi bye brag la// 'dra 'bag khru gang tshad du bya// dpral ba snying ga yan lag la// ming rus bla dgas rdzogs par bri// khong par tsa ra'i snying yang gzhug/ de nas zhing chen g.yang gzhi la// dug dang pad+ma rak+ta yis// dpral ba 'gram pa g.yas g.yon dang// snying ga lte ba rnams su yang// gshed po be tA tsa ti dang// klu srin gdug pa'i gsang sngags bri// ske dang bla dpung g.yas g.yon dang// gsang gnas mkhal khung g.yas g.yon du// sde brgyad gsang sngags 'khor bar bri// yan lag bzhi yi mthil dag la// gdong mo bzhi yi gsang sngags bri// de ltar bris pa'i rgyal mtshan de// nub phyogs ngos su mkhas pas bsgreng// mthun pa'i dam rdzas rdzogs par bsham// de nas cho ga rdzogs byas te// rlag byed rol pa'i tshogs mngags nas// gang la bya ba'i dngos po de// dbang med sngags kyis dgug nas kyang// dmigs pa'i rten la nges par dbab// de nas dus la bab pa'i tshe// 'doms dang snying ga mgo rnams la// tshil chen gu gul rgyal tshil gyis// me btang dud pa cher byung la// rgyal mtshan brdab cing 'di skad brjod// hUM nga ni rdo rje 'dzin pa ste// sangs rgyas sras kyi thu bo yin// rgyal ba rnams kyi gdung brgyud 'dzin// sems can don la gcig tu brtson// lha srin gdug pa 'khor bcas kyis// dam nyams log sred 'byung po 'di// bsgral ba'i zhing la 'di gtogs kyi// gtan phung gshed ma khyed kyis mdzod// lha srin gdug pa ming krug tu// log sred 'byung pos ma langs sa// de skad brjod cing g.yab nag dor// khus 'debs ngo yi nye dmigs bgrangs// drag sngags bzlas shing rgyal mtshan brdab// khrag dang dug mtshon char du dbab// de nas dus tshig brgyad 'byor nas// dmigs rten khong gshag tsit+ta phyung// gtub cing lha tshogs zhal du bstab// gzugs phung thun rdzas bcas pa dag/tsa ra'i pags pas dril nas kyang// phyogs ngan gshed kyi lag tu gtad// yang na bu shu mar pa'am// smos pa'i gnas su sbas byas nas// dus dus zor gyis drag bskul bya// btsan thabs myur ba'i las yin no// lnga brgya dus kyi snyigs ma'i tshe// dad mos nyams su 'di len na// ltas dang cho 'phrul 'di 'dra 'byung// bud med mi rengs btsun chen dang// dge bshes rta pa min pa dang// mdze can mi rengs nag po 'byung// de dag gus shing 'dud pa dang// phyag byed gdug pa'i mtshon thogs na// sngags rdzogs las rnams grub pa'i ltas// mtshon med phar la byin pa dang// mi gus log par blta ba na// las rnams gang yang mi 'grub bo// nyi zla klad la 'khor ba na// gang yang the tshom med par 'grub// mngon sum pa yi cho 'phrul yang// 'brug sgra thog dang ser ba dang// nam mkha' 'khrug cing 'khyil ba dang// nyi zla 'od dang bral ba dang// 'tshub na bu yug sa g.yos dang// gcan gzan gdug pa'i sgra 'byin na// rnal 'byor las rnams 'grub pa ste// phan gnod bye brag shes par bya'o// bdud rog ti nag po bya rog mgo brtsegs gsang ba sgrol byed kyi rgyal po ki kang rog ti'i mdo/snying gzer drag po'i rgyud chen po las/ phung byed khus 'debs kyi le'u bco lnga pa'o//// gza' bdud chen po khyab 'jug gi rgyud ces bya ba rdzogs so//// 'di ni shin tu gnyan cing rtsub ste khro chu khol ma dang 'dra bas gsang rgya'o////

CLOSE WINDOW