CLOSE WINDOW

Gpb031.007
བོད་ཡིག

rgya gar skad du/ shrI nA thA kA la a b+hi smA sa na la lI ta yu d+ha tsakra nA ma tan+t+ra/ bod skad du/ dpal mgon po nag po dur khrod mngon par rol pa mtshon cha 'khor lo zhes bya ba'i rgyud/ bcom ldan 'das dpal sgrol byed thugs rje'i rgyal po shin tu rnam par grol ba nyid la phyag 'tshal lo// 'di skad 'gro ba bdag gis thos pa dus gcig na/ bcom ldan 'das gsang ba'i bdag po phyag na rdo rje de sangs rgyas kyi zhing khams bsam gyis mi khyab pa'i chos kyis dbyings kyi mtha' klas pa 'jig rten drug gi phyogs bcu mtha' yas mu med pa na/stong gsum gyi stong chen po'i 'jig rten gyi khams kyi bye brag du ma na ston pa yang dag par rdzogs pa'i sangs rgyas spyod yul thams cad nas thams cad du yongs su dag pa dang/rgyal po lnga ltar rdzogs longs spyod pa dang/ thub pa'i dbang po lta bu la sogs pa bsam gyis mi khyab pa'i drung na rang rang dang mthun pa'i sku dang/mtshan gyis bye brag du ma ston cing 'khod de/ sku'i bye brag de 'dra ba re re'i 'khor na yang 'dun pa sems pa dang/ rigs chen 'byed pa dang// dbugs chen 'byin pa dang/ lung chen thob pa dang/rtsal chen rdzogs pa'i rnal 'byor gyi bye brag grangs brjod kyis mi lang bas bskor nas bzhugs so// de dang de nyid 'byung ba'i dus kun tu/ rang gi ston pa la nyan cing rang gi nye 'khor na chos ston to// de yang gang zhe na/sems kyi rang bzhin 'od gsal ba/ gsang sngags kyi ngo bo de nyid do// sprul pa'i sku de dag 'das nas kyang 'byung ba'i dus de'i 'khor gyis rtog pa sel zhing gsang sngags ston to// de'i dus na thub chen po de nyid dgongs pa gsum gyi phyir mya ngan las 'da' ba'i tshul ston to// de'i dus na rdzu 'phrul can bka' 'gro ba mdzad nas 'khor bsdus pas/ gang nang du yang dag par 'jog pa lnga ma gtogs pa 'dus nas rang rang gi the tshom bcad do// 'khor 'dus pa'i nang nas rig 'dzin rgyal po nyid kyis gsang ba dam pa'i bstan pa rgyas par nam byung/ sangs rgyas nyid kyis gsang sngags mi ston nam zhus pas/ gsang sngags dus bcu gnyis kyi dus su byung/ 'byung ba 'byung bar 'gyur ro// de ltar ngas tshogs su rgyas par ma byas kyang/ dam pa'i rigs rtogs pa gsum ldan la sogs kun la rgyas par bshad pas nga mya ngan las 'das nas lo brgyad dang bcu gnyis kyi dus su 'byung zhes lung bstan nas 'das so// log pa'i bdud rnams ni kyal ka'i tshig sgrogs par 'gyur la/ de la byis pa so so'i skye bo phal che ba mya ngan gyis gdungs shing kyi hud kyi hud du cho nges 'debs so// rang gi don la sems dpa' rnams ni 'da' ba med pa'i don chud de gnas so// de nas de'i dus la bab pa'i tshe dam pa'i rigs can lnga ni 'di lta ste/ blo gros thabs dang ldan pa dang/zab pa dang/ dri ma med pa/ mtha' yas pa/ blo gros gsal ba/ rang gi mngon par shes pas mkhyen te/ rdzu 'phrul gyis lho phyogs kyi gling tan tra'i tshal drag shul can gyi ri la tshogs te// ston pa 'das pa dang/ gsang sngags kyi theg pa ma byung ba la/ gdung ba dang bcas te smre sngags cher bsgrags pas/ bde bar gshegs pa thams cad kyis gsan nas/ gsang ba'i bdag po la/ rin po che'i 'khor lo rtsibs dang ldan pa'i dbang bskur nas gsang sngags rdo rje theg pa shod cig par bka' bsgo'o// de nas gsang ba'i bdag pos zhal gyis bzhes te/ thugs rje'i rdzu 'phrul gyi rang bzhin gyi skur mdzad nas/ri ma la ya'i rtser byon no// der dam pa'i rigs can lnga po 'di ci yin snyam ste the tshom du gyur nas dris pa/ e ma ho// ngo mtshar che'o// skyes bu chen po khyod su zhig yin/ gang nas byon/ gdung rus pha ma ci yin gang la brten/don ci la byon zhes dris pas// gsang ba'i bdag pos bka' stsal pa// nga ni cis kyang mi bskyed de// 'gyur med med rdo rje sems dpa' las// ye shes thugs rjes 'gro don la// byon pas gsang bdag phyag rdor yin// srid gsum 'gro ba'i gnyen gcig yin// stong pa chen po'i dbyings nas 'ongs// pha ni sna tshogs ma 'gags thabs// ma ni shes rab brjod dang bral// rdo rje rigs chen nga yi rus// bshes gnyen phyogs bcu'i sangs rgyas kyis// dbang bskur 'gro ba'i tshig la brten// khyed kyi the tshom sel du 'ongs// 'gro ba smag rum 'khyams pa la// ye shes sgron me sbor du 'ongs// 'khor ba'i rgya mtshor bying ba la// thabs kyi gru gzings byed du 'ong// ma rig ling tog ldongs pa la// ye shes thur mas byed du 'ongs// lam stor rdzob tu 'khyams pa la// ma nor lam na 'dren du 'ongs// ma rtogs don gyis dbul ba la// rang gter yid bzhin 'don du 'ongs// rtog pa'i gzung 'dzin sgo lcags la// 'phrul gyi lde mig 'grol du 'ongs// ston pa mya ngan yongs mi 'da'// chos kyang nub par mi 'gyur te// ma rig smin mdzad 'dul ba'i phyir// 'byung 'jig dar nub thugs rje yin// zhes gsungs so// dam pa'i rigs can lnga pos dang ba'i sems kyis phyag 'tshal nas bstod do// e ma bcom ldan gsang ba'i bdag/bka' yi 'grel chen gsang ba'i mdo// chos kyi me long bdud kyi dag/ sman pa'i rgyal po yid bzhin nor// sangs rgyas kun dngos khyod phyag 'tshal/ zhes phyag 'tshal lo// de'i dus su mi mjed 'jig rten 'dir// mngon sum mtshan ma'i ltas sna tshogs dang/ 'pho 'gyur dang cho 'phrul la sogs du ma yang byung ngo// de'i dus su gsang sngags kyi rigs can lha'i tshogs dang/ drang srong dang/ gshin rje dang/ bdud dang/gnod sbyin dang/ dpal mgon po nag po la sogs pa ma mo'i tshogs dang/ lha ma srin sde brgyad kun 'dus te/ rang rang gi srog snying phul nas bran du khas blangs shing bstan pa bsrung bar dam bcas so// dpal mgon po nag po dur khrod mngon par rol pa mtshon cha 'khor lo'i rgyud las/ gleng gzhi sngon gyi gtam rgyud kyi le'u ste dang po'o//// de nas 'khor de'i nang nas srin po'i rgyal po lang ka mgrin bcu zhes bya ba/sngon gyi rgyal ba rnams la bya ba byas pa/ thub pa'i dbang po las gsang sngags kyi nges pa rnyed pa des/ ched du rang gi stan las langs nas/ e ma thugs rje'i mnga' bdag mchog/ sangs rgyas khros pa'i sku mchog dpal// nyid kyi bka' yi las mkhan mchog/ smyon pa nag po gtum bag can// bde mthong thar pa'i lam rnyed kyang// sems bskyed dbang gis gzhan don du// bzang po dus tshogs srun pa de'i// lta spyod dkyil 'khor rnam grangs dang// dbangadang dam tshig sgrub thabs dang// de yi rdzas dang snying po rtags// las la bskul dar mtha' sdud dang// phrin las bye brag 'bras bu dang// rgyu rkyen gtan la dbab pa rnams// 'dus pa'i 'khor dang phyi rabs kyi// don du bdag la bstan par mdzod// ces zhus pas// de nas bcom ldan 'das kyis zhal kyi bzhes pa'i ting nge 'dzin las mi g.yo bar mdzad de ched du brjod do// smyon pa nag po gdub rtsub can// sangs rgyas stong gis byin brlabs pas// btul te sgrib sbyangs thar lam bstan// phrin las rdzogs par lung bstan nas// rang dam sems bskyed bya ba'i phyir// bskal bzang rdzogs pa bstan pa bsrung// de nyid lta ba spyod pa gnyis// dkyil 'khor dag ni bdun du nges// ji bzhin nyid kyi dkyil 'khor dang// phyag rgya dngos grub dkyil 'khor dang// byang chub sems dang bsod nams tshogs// bka' sdod pho nya drag po las// gtad khram gnan pa'i dkyil 'khor ro// dbang bskur ba dang dam tshig bcu gsum dang// mchod rten rkang dang drag thun rdzas// bsnyen bsgrub las sbyor sngags rnams dang// rtags dang bskul ba'i bye brag gsum// sgrub pa'i thabs la gsum du nges// dpa' bo gying du sgrub pa dang// rtsa ba bdud ltar sgrub pa dang// drag po gshin rje ltar sgrub pa'o// lha ni shes pa he ru ka/ gnyen po nga'am bye brag gsum// sgrub pa'i thabs la gsum du nges// dpa' bo rta mgrin dbang gi 'dul// bdud 'dul rdo rje srin po'o// drag po 'jam dpal gshin rje gshed// las rim zhi rgyas phan gdags dang// dbang du bsdu dang dbab bsad dang// bsreg dang gnan po zor gyis rdzogs// de yi rgyu dang rkyen la dbang// btul lugs bye brag rim pa bzhin// sngon gyi go cha gyon pa'i mthus// rim pas bshad kyis chags pas zung// zhes gsungs so// gleng slong zhal gyis bzhes pa'i le'u te gnyis pa'o//// de nas gnas lugs ma bcos pa'i don 'di gsungs so// hUM/ 'das pa'i dus na sngon byung ba'i// mi bskyod zhing khams dag pa ru// dge slong thub dka' gzhon nu yis// khyim bdag ke'u ka ya'i bu// dge slong thar pa nag po dang// dan phag g.yog dang bcas pa la// ji bzhin nyid kyi dkyil 'khor gsungs// ji bzhin nyid de ma bcos na// dngos po bzhi la gnas bcas kyang// nam mkha' la ni sprin bzhin te// de ni rnal 'byor dam pa'i lam// sems kyi dkyil 'khor gang gsal bas// gsang sngags ngo bo de nyid yin// rdo rje sems dpa'i rang bzhin te// yon tan mtshan grags mang du grags// gsungs pa de yang 'di lta ste// gnas lugs ji bzhin chos nyid de// rnam rtog blo yis ma bcos par// rang bzhin rnal ma'i don rtogs na// dngos po gang la'ang ma zhen par// gzhi las ma g.yos gnas pa yis// 'dod yon zhen chags la spyad kyang// 'ching bar mi 'gyur rang sar grol// mkha' dang sprin dang cho 'phrul 'byung// snang dang rang grol 'gyur snyam med// de bzhin rtogs pa'i rnal 'byor pa// dam pa'i lam la gnas pa yin// sems nyid ma bcos sna tshogs 'byung// gsal zhing rig pa'i ngo bo'o// dkyil zhes rang bzhin spros dang bral// rnam pa mi 'gag 'khor ltar snang// thig le rang rig ye shes de// 'od ces bya ba snang ba'i rtsal// rang rig ma bsgribs rang bzhin gsal// smrar med spyod yul bral bas gsang// dus gsum sangs rgyas thams cad kyi// yon tan 'byung gnas nyid du sngags// mi dmigs ngang las kun 'byung bas// ngo bo nyid ces brjod pa'o// de la gnyen po med pa dang// 'pho 'gyur skye 'gags med pa yis// mtshan ma'i bdag rtog 'joms pa'i phyir// rdo rje zhes su bshad pa yin// de nyid rang bzhin ma bcos pa// gsal stong rig pa'i ye shes sems// dngos po kun bcos dpal zhes brjod// 'gran zla med pas bla na med// gsal la mi g.yo byang chub sems// phyogs ris bral zhing ma bcos pa// chos rnams kun gyi de bzhin nyid// ma spangs rang grol snying po nyid// de phyir mtha' las 'das pa dang// dbu mar mi dmigs pa zhes bya// gang ltar mos pa snang bas na// sangs rgyas kun gyi dngos gzhi yin// 'gro 'ong med bzhin 'dul snang bas// sprul pa kun gyis 'byung gnas yin// de la brten nas de 'byung bas// kun gyi dge ba'i bshes gnyen yin// de rtogs mun pa sel bas na// zhing khams kun tu sgron me yin// ci yang mi 'gag kun 'char bas// thugs rje thabs kyi 'byung gnas yin// chos rnams ma 'dres rang snang bas// kun gsal me long 'od po che// de lta bu yi don rtogs na// rang bzhin nyid kyi dkyil 'khor ro// bdag gzhan cha yis spyod pa yang// lta ba'i bogs su dbyung ba dang// de las mi 'da' dam tshig bshad// gtad nas ma rtogs sems can la// phan pa'i spyod pa sna tshogs pas// sgrol ba nyid dang sbyor la sogs// mkha' la khyung dang chu la nya// dbyer med thogs chags med par spyod// longs spyod med bzhin thams cad spyod// mi mgog ma 'dzin tshogs gnyis rdzogs// shes 'jug kun dang gzhan don du// lam bsgoms skad cig cha bsgoms nas// bsod nams dkyil 'khor mos slob cing// rang bzhin phab rdzogs mchod bsnyen kun// ji ltar spyad kyang nyid du grol// dpal mgon po nag po dur khrod mngon par rol pa mtshon cha 'khor lo'i rgyud las/ ji bzhin nyid kyi dkyil 'khor bstan pa'i le'u ste gsum pa'o//// de nas phyag rgya dngos grub kyi dkyil 'khor 'di gsungs so// slob dpon mnyes par ma byas shing// dbang rnams thob par ma byas par// gsang sngags 'phrin sgrub byed pa rnams// 'bras bu med cing rlag par 'gyur// yi ge sgro btags ming tshogs la// brten pa'i tshig gis rab mtshon te// khong nas gab sbas don 'byin pa// ston pa rdo rje'i thugs la gnas// 'di ni gsang chen nges pa yi// 'bras bu lam du gyur pas na// snod ldan ngang tshul bzang la bstan// lus dang longs spyod gtong la sbyin// gzhan du nam yang sbyin mi bya// rmongs la 'phyar bus gal te sbyin// dus min par mi srog zad nas// bsregs dang sbrebs bar yun ring gnas// nyams dga' phun sum tshogs pa yis// gnas mchog dam pa yin 'ong bar// tshul dang mthun pa'i rdzas rnams sogs// maN+Dal la sogs mdzes byas nas// khrus byas lha bsgom snying ga hUM// bgegs bskrad phyogs bsrung dkyil 'khor la// 'od zer 'phro 'dus dbang po dgug/ phyag 'tshal mchod pa 'di yang 'dul// oM sarba ta thA ga ta badzra shrI he ru ka badzra kro d+hi d+harma ma hA dz+nyA na maN+Da la hUM/yon spos sogs mchod pa dang// gtor ma bdud rtsi rak+ta rnams// rim pa bzhin du sngags kyis dbul// thugs las phyung la gnyis med rol// hUM/ bdag 'dra log pa'i stobs ldan gyis// thog mtha' med pa'i dus mtha' nas// srid pa'i 'khor lor 'khyams par nges// skye ba mang po'i lus blangs pas// sus kyang ma byas rang gi las// de tsam cha gcig don spyad na// de tsam don gyis sangs rgyas zin// rang lus stong pas ma phod cing// chags pa'i mtha' la mngon zhen pas// zug rngu'i nad kyis zin pa yin// srid pa'i btson rar chud pa 'di// mkha' la mdud pa brgyab pas nyes// 'khor ba'i rlung sgor khyer ba 'di// las kyi rlung gis ded pas nyes// dus gsum rgyal ba ma lus la// 'di dag mi chab 'amathol lo bshags// oM/ rdo rje sems dpa'i yid skyobs shing// rdo rje dpa' nye zhing bstan par mdzod// bde bar gyur cig kun tu bde bar gyur// shin tu bdag la thugs rjes khyab par mdzod// bdag nyid shin tu bde bar gyur cig/ dngos grub thams cad bdag la myur du gsol// phrin las thams cad dag par mdzod// sems nyid dpal du mdzod cig thugs dges bde// bcom ldan de bzhin gshegs pa thams cad kun// rdo rje sems kyi dkyil du bdag 'dril cig/ rdo rje 'byung po chen po'i dam tshig gis// sems dpa' skye med klong du dag par mdzod// oM ta keM ta keM phaT/ kro ta kro ta raM taM sna tig khaM ha la ha la yaM/ dang po 'dzin pa stong pa nyid dag par bsgom mo// dbang po 'od du zhu mchod pa'i rdzas rnams brlab/ oM badzra ma mr-i ta a ho sarba man hUM hrI tha/ oM ma hA b+ha ling ta te tso b+ha ling te hUM/oM ma hA rak+ta rA ga shU n+ya tA sa mu dra maN+Dal hUM/ zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las/ sngon du 'gro ba'i rim pa bstan pa'i le'u ste bzhi pa'o//// de nas sgrub pa'i rim pa 'di gsungs so// e ma ngo mtshar rmad kyi chos// rdzogs pa'i sangs rgyas kun gyi gsang// skye ba med las thams cad skyes// skyes pa nyid na'ang skyes pa med// stong pa nyid du rab gsal ba'i// snying rje'i yul ni bsgom bya zhing// hUM gsal 'byung ba'i dkyil 'khor bsam// b+h+rUM las dur khrod 'jigs pa'i gnas// rang bzhin phyi nang mtha' dbus bral// snang stong gar yang rgya ma chad// dur khrod thod pa'i rgyu las grub// ye shes lnga yi 'od zer 'bar// 'khor lo rtsibs bzhi mu khyud dang// gru chad bar khyams sgo gnyis brtsegs// bskal pa me'i rab tu 'khrugs// dregs pa khyo shug bsnol ba dang// dri za srin po gshin rje bdud// dom dang khyung mchog ma he stag/ gzig gis brdzis te nyi dal bsam// phyi rol zhing dang nyi ma bsam// zhing skam gdan gyi bye brag ldan// dbus su rgyu las rdo rje 'bar// 'phro 'dus 'od las rtsa sngags kyis// badzra khrag 'thung he ru ka/ dbu gsum phyag drug zhabs bzhi bgrad// g.yas g.yon dkar dmar dbus mthing zhal// kham nag dbu skra khro rtags brgyan// rdo rje kha T+wAM rnge chung g.yas// b+han+d+ha rgyu zhags dung khrag g.yon// dur khrod chas rdzogs gar dgu'i stabs// yum mchog mthing nag 'khril 'khyud sbyor// thugs las hUM bzhi gdan las spros// sgong skyes yul du rigs bzhi bskyed// zhal gcig phyag gnyis khro tshul 'gying// smug ser dmar ljang rtsa ba gnag/ 'khor lo rat+na dbyug pa dang// pad+ma dgra s+t+wa ral gri 'phyar// thod khrag 'thung zhing yum dang 'khril// ye shes me yi klong du bsgom// rigs bzhi thugs kyi 'od zer las// sngags brjod brdzus skyes 'khor rnams bskyed// nang gi rtsibs mchan gru chad la// dkar mo rkun mo rmongs mo dang// thal byed spos mo g+hasma rI// sma sha tshe 'phel brgyad po bsgom// khyams kyi phyogs mtshams rim pa ru// seng stag wa dang khyi gdong tshogs// bzhad dang kang ka bya rog 'ug/ mtshams su dgod de 'jigs pa'i gzugs// sring 'gro gdong 'gro 'jig rten gsal// ro langs ma rnams sgo bzhir bsgom// srin mo smug nag la stsogs te// drag mo nyer brgyad phyi khyams la'o// bskyer la dbang bskur byin brlab bya// rang byung ye shes dkyil 'khor ni// rang gi snying ga'i 'od zer las// dbyangs dang ldan pa'i lha mo yis// phyogs dus kun nas spyan drangs te// phyag 'tshal dbang bsdu bkug bstims nas// dang po thun mong rdzas lngas mchod// de nas khyad par rnam gsum dbus// sman gyis mchod rjes dngos grub blang// gtor ma dbul zhing gsang nan sbreng// rak+ta tshar gsum phul nas kyang// ma mo rnams kyis bstod tshig dbul// rtog pa rgyun gyi gdul bya rnams// ye shes ma 'dres yongs rdzogs bstod// smon lam btab la 'dzab bsnyen dbul// oM ru lu ru lu hUM b+h+yo hUM/ phyi nang gsang ba'i bzlas pa yis// 'phro 'du tshul dang phung po brten// yab yum zhal sbyor tshul gyis ni// 'bum mam bye ba rdzogs par bya'o// zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las/ yi dam gyi lha phyag rgya dngos grub kyi dkyil 'khor bstan pa'i le'u ste lnga pa'o//// de nas bsnyen pa lha'i ting nge 'dzin 'di gsungs so// gnyen po lnga dang gnyis yin te// spyi dang so sor gtang ba'o// spyi ni nga nyid gsang ba'i bdag/ mi rtog ngang las dran rdzogs su// mthing nag zhal gcig phyag gnyis brjid// rdo rje khro tshul sdigs mdzub rngam// dur khrod chas rdzogs me dpung klong// nyid dang 'dra ba'i gnod sbyin tshogs// du mas bskor bar gsal bsgoms nas// snying po 'di dag rtag tu bzlas// oM ni lam b+ha ra d+ha ra badzra pA Ni a dz+nyA pa ya ti hUM/ yag sha badzra pA Ni hr-i da ya hUM phaT/ drag po lnga ni gshin rje gshed// mthing nag zhal gsum phyag drug brjid// g.yas dkar g.yon dmar dur khrod chas// 'khor lo ral gri tho ba g.yas// thod pa sdigs mdzub phur pa g.yon// yum dang gnyis su med par bsam// nyi zla pad+ma gshin rje gdan// dur khrod me yi gling na rngam// gsang sngags 'di dag rgyun du bzlas// oM a kro ti ka ya mAn+ta ka ha na ma tha b+hany+dza hUM phaT/ dpa' bo gying la rta mchog dbang// dmar smug zhal gsum phyag drug brjid// dkar ljang zhal ldan rta mgo ljang// pad+ma rdo rje mda' zor g.yas// thod khrag dpal be'u gzhu 'dzin g.yon// dur khrod rgyan ldan yum dang 'khril// nyi dkyil chu bdag steng nas bgrad// gsang sngags 'di dag rgyun du bzlas// oM pad+mAn+ta kr-ita badzra kro d+ha ha ya grI ba hUM/ ha ha hi hi hu lu hu lu hUM phaT/bdud 'dul rdo rje srin por bsgom// sngo nag dbu dgu phyag bco brgyad// spyan ni 'bar ba nyi shu dgu// kham nag ral la srid rtser 'bar// rdo rje'i gshog pas bar snang khengs// ba spu lcags kyu bsregs pa 'dra// sdom dang sdig pa dug sbrul 'phro// 'jigs pa'i gzugs kyis sa gzhi khengs// rdo rje thod skyogs tir dbyug zhags// nyi zla khyung dang 'ug pa khra// rdo rje mdung rtse gsum pa dang// za ma tog dang rdul g.yab dang// rnga chung ri rab spyi skor 'phen// klu dbang 'bum gyis brgyan cing bklubs// dus mtha'i me ltar 'bar ba'i dbus// khro gnyer sdang mig rnam par rngam// zhabs brgyad 'bar bas lha brgyad gnon// rdo rje srin po khro bo'i sku// lha dang bdud las rnam par rgyal// gsang sngags 'di yang rtag tu bzlas// oM rak+sha he ru ka rU tra ma ta ma hA ha taM kro d+ha dz+wa la hUM phaT/ oM b+hu ra ku ra i tsi ki yi uts+tsha sma kro d+ha hUM phaT// de ltar bsnyen pa'i snying po ni// chos skyong mgon po'i drag sngags yin// rab tu gsang ba'i phrin las yin// zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las/gnyen po stobs kyi lha bstan pa'i le'u ste drug pa'o//// de nas rtsa ba byang chub sems kyi dkyil 'khor 'di gsungs so// e ma'o 'khor du 'dus pa rnams// rang gi yid bzhin rin po che// yod pas ma stor bas dran// tshol bar 'dod na ji ltar tshol// sngon tshe nga yi bshes gnyen mchog/ byams mgon dam pa zhig gis bstan// e ma'o khyod kyis mi shes sam// sgron mas mun khung gser tshol ltar// gsang ba'i snying po'i mdzad brtol nas// thi le gcig gis kun la khyab// thams cad nges par 'dus chen ston// 'jig rten brtan g.yo la sogs kun// khrag 'thung lnga bcu brgyad du gnas// mya ngan 'das dang 'khor ba'i chos// btsal med ma bcos rnam par dag/ thig le yungs kar tshad tsam bsgom// de las 'od zer rdul snyed 'phro// mun sel dngos po kun sbyangs nas// thams cad ma bcos sku ru gsal// slar 'dus thig le'i ngang du thim// brtan nas 'od du zhu bar bsam// ma bcos gnyug ma'i ngang du gsal// rdzogs pa'i rlung las sbyang ba ni// rdo rje sems dpa'i tsit+ta'i nang// bde ba'i pad+ma 'dab bzhi bsam// de steng bde chen sa rlung dang// rnam par dag pa'i zla steng dang// rdo rje rin chen rang bzhin yin// dbus na rdo rje sems dpa' ni// thig le 'od zer lnga dang ldan// mgrin pa mgon po'i rlung dkyil gnyis// sprul pa nyi ma'i me rlung gnyis// pad+ma'i rigs dang las rigs so// lnga ldan dbus su thig le bsam// yang la yang du 'dres bsam nas// rig pa sems kyi rlung zin pas// yang 'gro mar 'phrogs rtsol ba 'gog/yang na 'khor lo rnam pa lnga// bde chen sum cu rtsa gnyis haM// brtan pa'i thig le yi ge la// longs spyod bcu drug lnga ldan oM// chu yi sa bon yi ge baM// snying gar brgyad 'dis bzhi 'dus hUM// brjod bral thig le yi ge muM// sprul pa drug cu rtsa gnyis dbus// drod du mi bzad a dang muM// steng rlung mnan la 'og rlung 'then// yi ge yon tan stobs kyi 'grub// sa nyid chu la thim pa yis// kun tu mnyam blo zag med pa'i// lam gyi ye shes dang po skye// chu nyid me la thim pa yis// zag med ro myong bde ba sdud// me nyid rlung la thim pa yis// 'gyur med rang bzhin gsal ba nyid// glog gi snang ba lta bur 'byung// rlung nyid rnam shes nam mkhar thim// rang gsal rig pa mar me 'dra// phyi nang mun pa rnam par sbyangs// nam mkha' lta bur mthong bar 'gyur// phyi mas rim pas rtogs pa 'char// bsgom pa snang bzhugs sprad la bsgom// 'chi ka ma yi gdams pa'o// e ma'o dngos po med pa las// sangs rgyas nyid dang thugs rje'i ngang// ji ltar snang ba ma 'gags pa'o// bdun pa'i dus na rigs kyi bu// yid la byed pa thob ces te// sems gsum skye zhing mtha' kun grol// rten pa gzhi yi rnam par gnas// rigs chen byed pa'i rnal 'byor pas// 'phro 'du gsal stong ting 'dzin thob// sems bzhi rtogs te mtha' bcu shes// dbugs che 'byin pa'i rnal 'byor bas// 'jigs pa lnga bral khyad par gsal// yongs su mi rtog ting nge 'dzin// rmi lam lta bur chos lung ston// 'jig rten nor bu rin chen gyis// gang bar spyod pa'i ltas mthong 'gyur// sgyu ma spyod pa'i skyes bu de// 'khor los sgyur ba'i cha byad du// rin chen bdun dang dpung tshogs kyis// dbang sgyur thabs kyi pa ston// lung chen thob pa'i rnal 'byor pas// seng ge dag la zhon nas ni// thams cad gnon pa'i rtags mthong 'gyur// sgra brnyan 'dra bar lung ston 'gyur// 'bras bu nyid la lam shes pas// lam gyi sa ni bde rdzogs te// gzhan dag smin par bya ba'i phyir// ji ltar 'dod ltar thabs sbyor mchog/rtsal chen rdzogs pa'i rnal 'byor pas// kun snang ting 'dzin nyid thob pas// snang phyed nyi zla'i 'khor lo bskor// thams cad gsal byed ltas mthong na// gdeng du gyur ba'i ngo bo yin// de nas rgyal tshab skyes bu des// chos kyi rgyal po gang de yi// gdung 'tshob dga' ldan theg chen ston// mi gnas bcu dus drug yang cho 'phrul snang// sa bcu don la gnas nas kyang// gsang sngags don mchog ma rnyed na// rnam pa thams cad mkhyen mi 'gyur// rnyed ma thag tu de rnyed 'gyur// grol bar 'dod na bla ma bsten// rig pa rang byung ye shes nyid// byang chub sems kyi dkyil 'khor rdzogs// zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las/thabs lam byang chub sems kyi le'u ste bdun pa'o//// de nas bsod nams tshogs kyi dkyil 'khor 'di gsungs so// nyon cig 'dus pa'i 'khor tshogs kun// bsod nams tshogs kyi dkyil 'khor ni// zhing khams rin chen yod pa ru// ston pa kun tu bzang po yis// sras mchog 'jam dpal chen po la// bshad pa bzhin du rtogs gyur na// gang la byas kyang lam gyi grogs// dper na me la shing bsnan bzhin// mdzad spyod gsum po gdeng ldan nam// rnal 'byor spyod lam tshul gyis rol// de ni ji lta bu zhe na// 'byor pa sa yi rnal 'byor lnga// bza' btung gos rgyan bro gar dang// glu tshig tan g+han rnam lnga'o// skye shi med par mdzad spyod dang// 'ching grol med par mdzad spyod dang// mi 'gyur rol pa'i mdzad spyod do// de yi bye brag rnam gsum ste// snang ba lha la lha rol dang// rang snang ye shes rol pa dang// rang bzhin nyid la rol pa'o// de la yon tan rnam lnga ste// bza' dang btung ba'i longs spyod kyis// bde chen sku dang bdud rtsi 'grub// rgyan dang bgo ba'i longs spyod kyis// 'bar ba'i rgyal po mthu stobs 'grub// bro gar bskyod bsgul longs spyod kyis// sra la 'dzul dang stong la rgyug/ glu tshig sgra yi longs spyod kyis// chos kyi dngos grub thob par 'gyur// ta na g+ha na longs spyod kyis// rang 'byung ye shes thob par byed// de phyir 'byor pa'i longs spyod bya// sems nyid rang snang 'dod yon brlabs// bde gshegs dkyil 'khor spyan drangs la// ting 'dzin rdzas kyis rim bzhin mchod// bro gar glu tshig rgyan rdzogs bya// ro la mu stegs ro la dgug/ bsgral ba'i shes pa gnas chen spar// yab yum mkha' la sras su bskyed// des ni bsod nams tshogs chen ldan// lhag mas 'jig rten mkha' 'gro mchod// ces gsungs so// dpal mgon po nag po dur khrod mngon par rol pa mtshon cha 'khor lo'i rgyud las// tshogs kyi dkyil 'khor gyi le'u ste brgyad pa'o//// de nas bka' sdod pho nya'i dkyil 'khor 'di gsungs so// de ltar gdengs ldan sngags pa yis// dur khrod la sogs rgya mtsho'i mdo// ri rab ri yi rtse mo'am// nags tshal rtsub pa'i sa phyogs sam// sbrul dang gcan gzan gdug pa rnams// gnas pa de lta bu yi sa dag la// maN+Dal 'dom gang gru bzhi brtsig/ bdud rtsi khrag gis chags chag gdab// dur skra'i rus chen thig btab la// dur khrod tshon gyis dkyil 'khor bri// lcags khang lnga dang bar khyams sgo// lcags ri nag po khor yug phyi// khrag dang bshang gci sha chen dang// rkang dang klad pa klad rgyas dang// rnag dang chu ser la sogs pa// 'dam gyi phru ma brgyad kyis bskor// dbus su yab yum mchog phur dgod// mkhar bzhi sprul pa dregs bzhi la// lcags sam gdug shing phur pa dgod// lho sgor thod pa mtshan ldan du// dpal bshos khrag sna snying gi cha// la phug la du sbyar ba yi// byang du thod par gtor ma dang// thod rus rkang rus klad pa dag/ 'bru mar sbyar ba'i mchod pa bsham// shar sgor 'bru yi phung po spung// nub tu sha sna snying sna bzhag/ dbus su thod pa mtshan ldan gnyis// steng 'og bsnyen bsgrub sngags bzhi bri// snying gsum bdud rtsi dar bri phyi// bam gyi sha khrag rus pa dang// rba gsar rdzas kyi ro ras kyis// khyams la sogs pa grwa bzhir dgod// tshil chen me mar chen po dang// rak+ta gsang nan bsnan yang/chang gis sbyar// thod pa'i rnga dang rkang gi dung// shun gyi rgyal mtshan phyogs bzhir dgram// zhing gi bla re'i maN+Dal dbub// bdag nyid khro bo ma rung bsgom// thugs ka'i hUM las 'od 'phros pas// rdo rje ra ba gur du gtams// me ris brgyan pa'i dbus nyid du// 'od las sgyur pa'i gzhal yas bsam// bla ma dkon mchog yi dam lha// zla ba'i gdan la sngon bsam la// sngon bzhin mchod la gsol ba gdab// 'od zhu bdag gis sgrib pa sbyangs// mchod gtor rgyan rnams byin gyis brlabs// lhar gsal thugs las smug nag b+h+rUM// 'phro 'dus sngags brjod dur khrod gnas// gong gi tshul 'dra rab tu 'jigs// stong gsum shong zhing yangs par bskyed// mi rta la sogs ro rlon gyi// gdan steng dun las khro bo'i sku// oM b+hur kumar ma hA kA la kro d+ha hUM phaT/ rak+sha kro d+hI shwa rI rag+mo hA// mgon po tshogs bdag chen po ni// ljang nag zhal gsum phyag drug ste// g.yas ser g.yon dmar ljang nag 'jigs// kham nag dbu skra gyen du 'khyil// spyan dgu sdang mig skar ltar 'khrug/ shun gos thod pa'i phreng ba can// stag dang glang chen thal ba zhag/gdug pa'i rgyan tshogs chas kyis mdzes// g.yas kyi dang po gsal shi 'phyar// bar pa rdo rje rtse lnga pa// tha ma lcags phur 'dril zhing 'debs// g.yon gyi dang po thod khrag 'thung// bar pa rno dbal shun gyi mdung// tha ma sbrul zhags srog la rngam// zhabs bzhi gyad kyi dor thabs can// nye gnas kro d+hI shwa rI ma// 'jigs tshul zhal gcig phyag gnyis rngam// zhing dang re lde thod sbrul brgyan// g.yas pa rgyu zhags yab la 'khyud// g.yon pa thod skyogs khrag gis bkang// rus bcud rkang pa klad pa dang// 'bru mar chang gis sbyar ba yi// rtag par rang gis longs spyod 'dzin// 'khor bzhir khro bo gnod sbyin dang// srin mo ma tshogs 'jigs pa bskyed// phyi rim nye 'khor nyi shu brgyad// srin mo nye gnas chen mo brgyad// kau ri tsau ri pra mo ha// be ta lI dang puk+ka sI// g+hasma rI dang sma sha ni// tsaN+Da li la sogs pa kun// rngams shing rngam pa'i ma tshogs kun// shin tu 'jigs pa'i gzugs su bsgom// srin po'i bu mo dri za brgyad// seng stag wa spyang bzhad kyi mgo/ kang ka bya rog 'ug pa'i tshogs// zhing la rngams shing ston pa'i tshul// dur khrod pa yi sgo srung bzhi// brtson mo gdong mo gar log mo// 'jug par byed pa'i ma mo bzhi// gsang sgo 'dzin cing bka' sgo srungs// dur khrod bdag mo gru 'degs bzhi// bskam ma shin tu bskam ma dang// ra ro ma dang khrag 'thung ma// chags pas gdung ba'i tshul du gnas// phyi rim slas dang byi mo bran// ma mo bran mo gnod sbyin mo// srin mo sha za khrag 'phrog ma// bdud kyi ming 'dzin bla rkun mo// blon mo dmag dpon sde dpon mo// ru dpon pho nyar mngag par bya// ci bgyid bka' nyan dregs pa'i 'khor// rbod gtong rngam pa'i tshul du bsgom// nad kyi bskal pa tshub mar gtong// gdug pa'i mtshon cha lus la 'gyed// mkhar dang 'obs pas phyi rol na// 'bu dang shin tu 'bu chen po// sbrang ma sbrang rgod bung ba dang// sbrul dang sdig pa sdom la sogs// kang ka ru rtse 'ug pa khwa// bya gcan sha zan tshogs 'phur zhing// ce spyang stag seng dom dred 'phar// dur khrod ro yi longs spyod la// blta zhing rgyug cing ro la 'khren// rgyu ma 'dren cing rus pa 'cha'// de ltar gsal bar gyur pa dang// rang bzhin yul nas bkug cing bstim// phur bas bsgral zhing zhal du gsol// phyal du sbyangs la gnas su gdon// 'khang pa'i smre sngags bka' 'khor dbul// rang dam bca' zhing dam tshig dbog/ mna' bor las la mngag par bsam// brtan par byas la mchod pa bstab// mnga' gsol phrin las gzhol ba dang// bsnyen dang nye ba'i bsnyen pa bzlas// zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las bka' sdong pho nya'i dkyil 'khor bstan pa'i le'u ste dgu pa'o//// de nas de dag gi dkyil 'khor gyi cho ga 'di gsungs so// hUM/ lang ka yul gyi grong rdal gyi// dbus kyi ri bo ma la ya// ko ga tha dmar rgya mtsho'i do// byan lag mchong ri gnam lcags 'bar// drag shun can gyi rtse mo na// rdo rje thabs kyis blta ba'i yul// chos 'dzin rigs kyi bsgrub gnas su// dpal chen rdo rje srin po yis// bdud kyi sde rnams btul nas kyang// gsang sngags 'khor lo bskor ba'i tshe// ming gi dbang bskur bran du khas blangs pa// rdo rje ro langs dur khrod tshogs kyi bdag/ mgon po nag po chen po dang// nye gnas krod+hI shwa rI ma// yab yum gnyis su med pa'i 'khor// lang ka'i bdag po la sogs pa'i// 'dus pa rnal 'byor pho mo'o tshogs// sangs rgyas bstan pa bsrung ba'i phyir// gnas 'dir spyan 'dren gshegs su gsol// oM bUr ku da ma hA kA la kro d+hI shwa rI nag mo ti lam e a ra li hring hring dza dza/oM rag+sha shri he ru ka bi shwa badzra krod+ha dz+wa la maN+Da la phaT phaT ha la ha la hUM phaT/ ta keM ta keM phaT kro d+ha kro d+ha raM d+ha ra ha ra ha ra yaM tig sna tig sna baM/ badzra yag+sha kro d+ha ham+ta khA hi khA hi hUM hUM sa ma ya man+d+ha ya/ ma hA su kha hUM pra be sha phaT/ badzra a mr-i ta ma hA kro d+ha aM aM/ oM b+h+yo e a ra li dza dza/ e ma'o dpa' bo thugs rje chung// shin tu bde ba'i gnas dag nas/ snam du 'thon pa thugs rje chung// de yang ci mdzad myur du mdzod// myur du bsgral na yun du bde// 'bangs su mchi yis dag lus 'bul// 'bangs la nan tan ma chung zhing// slan chad bka' bzhin rjes su bgyid// gal te bka' bzhin ma bgyis na// dam pa'i lung las 'gal 'gyur te// bdag cag rnams kyi mgo lus snying// rul myag tshig nas skam gyur cig/ i dan te nar khan pa ra hri tra Tha ya nam b+ha tin na sa ma ya rag sha si ti bi na badzra a mri ta kro ta na ra kan/ma sring bu mo chung ma rnams// 'bangs su 'dul lo tshis ma chung// pad+ma pra be sha kha thaM kha thaM pra be sha phaT/ hUM/ dbus su mchis skal ma mchis kyis// 'bar ba'i dkyil 'khor mtha' la zhog/ phud la 'tshal skal ma mchis kyis// lhag ma zhal chab bron la zhog/ ye nas gdung ba'i ma sring rnams// deng nas rgyal ba'i bka' yin gyis// khyed kun nga yi las mkhan te// bka' yi las byung myur du sgrubs// bdag kyang deng sngon las log spyad pa yis// dpag tu med pa'i 'khor ba'i sdug bsngal brgyud// da ni las 'phro gnyid sad pas// bde ba can gyi zhing du myur 'gro ba'i// rjes su bstan pa'i bka' las nyams pa de// ji ltar ma byams bu la gdung ba bzhin// dam tshig can la dung dung gdung bar gyis// gang zhig sring byams ming la gdung ba bzhin// yal dam can la lhang lhang brtse bar gyis// mdza' mo ji ltar grogs la gdung tshul bzhin// rnal 'byor can gyis kril kril brtse bar gyis// ji ltar g.yog rnams dpon la brtse ba ltar// dam pa rnams la yid bzhin nor ltar khur// brtse bar byed na ma ru bya// gdung bar byed na sring du bya// brtson par byed na bran du bya// rigs rgyud 'dzin na bu mor bya// 'du 'bral med na slob mar blta// bskul bar mgyogs na pho nyar bya// bka' bzhin byed na bka' la gdags// zhes sngon gyi tha tshig bstan pa'o// dpal mgon po nag po dur khrod mngon par rol pa mtshon cha 'khor lo'i rgyud las// spyan drangs shing sngon gyi tha tshig bstan pa'i le'u ste bcu pa'o//// de nas de dag la mchod cing mnga' gsol ba 'di gsungs so// hUM/ dang po bstan pa bsrung bar zhal bzhes pa'i// bdud 'dul dbang phyug ma hA kA la'i tshogs// srin yul lang ka pu ri yi// grong khyer gtan nas brlag mdzad cing// lha ma srin gyi bu mo ni// glog ma srin 'dul zhal bzhes pa'i// lha chen mgon po nag po khyed// spyan 'dren 'dir spyon phrin las mdzod// dur khrod gsang ba mchog gi gnas 'dir bzhugs nas kyang// rnal 'byor bdag gis bcol ba'i phrin las mdzod// sa ma ya s+t+waM/ lcang lo can gyi ma hA b+han d+ha ru// byang chub sems dang mAM sa rak+ta dang// dri chen ku ku chu ste rnam pa lnga// gnyis sbyar ba yi pany+tsa a mr-i ta// nag po chen po 'khor dang bcas la 'bul// pany+tsa a mr-i ta khA hi/ ba ling ta khA hi// hUM/ rnal 'byor kun gyi dpal mgon mchog/bstan pa bsrung bar zhal bzhes pa// ma hA kA la mthu rtsal can// dka' thub chen po tshur gson cig/ legs ldan nag po ma rungs pa// sha khrag dmar gyi mchod pa bzhes// rang gi rgyal srid la gnas te// khram la btab pa'i dgra bgegs rnams// rol cig dgongs shig dam tshig gtso// khyod kyi dam tshig dus la bab// bse sbyang khram la btab pa yi// gshed ma bzhi la las gnyer gtod// ma dang sring mo chung ma la// dpa' bo khyod kyis rol par mdzod// dam tshig chen pos ma gtong zhig/ zhe sdang can gyi bdag po rnams// sems can kun gyi tshe 'phrog pas// dgra bo nyams pa'i srog dang phrol// sha dang khrag la longs spyod kyis// gnod sbyin chen po ma rungs pa// bse sbyang khram la btab pa yi// gser dngul dbyig nor kun long la// rang gi 'dod pa'i longs spyod kyis// sgrub pa'i rnal 'byor bdag nyid la// yid bzhin lta bu'i dngos grub stsol// rigs ngan sme sha can gyi tshogs// ba glang khyi sha rta sha dang// mi sha glang chen la sogs bzhes// srin mo khrag 'thung ma kun la// bsad pa'i khrag ni drod mor bcas// bzhes shig dgra bo'i khrag la 'thung// sprul pa'i phra men chen mo rnams// thod rus rkang dang 'bru mar dang// rkang dang a mr-i ta dang sbyar// rdzu 'phrul grub pa'i rdzas rnams bzhes// rigs ngan gdug pa'i ma mo rnams// sha chen bshang gci khu ba khrag/ dam rdzas 'bar ba 'di bzhes la// bdag gi nad rnams bzlog tu gsol// dmigs pa'i dgra la rims nad thong// srid pa'i bud med ma rungs khyed// bro gar glu tshig mchod par bzhes// dmigs bya 'jo tshul stabs kyis phrogs// shor pa gzhon nu bdud mo'i tshogs// rnal 'byor chen mo'i bka' byung bas// sngags sgra drag po'i mchod pa bzhes// dgra bo'i phung po rdul du rlog/log 'dren can gyi tshogs kun nyon// yang dag nyid du kun ring na// me chu las gnyis gang byas na// gnyis kyi dbang du mi 'gyur zhing// rnal 'byor pa yi las 'di sgrubs// gsang tshig ston pa'i tshogs rnams nyon// bshang gci khrag dang sol khu yis// brgya'am stong du gso nas ni// ling+ga bcad nas sangs rgyas 'jig/ dam rdzas mchod pa bzhes su gsol// bcol ba'i las rnams grub par mdzod// mnga' bdag chen po ma rungs pa// rdo rje sems dpa'i sprul pa ste// khro bo'i rgyal po gying chen po// mnga' bdag bdud kyi rgyal po zhes// bstod cing mthun pa'i rdzas 'di 'bul// sngon gyi bskal pa bzang po la// khas blangs dam bcas mna' bor ba'i// sngon du rigs 'dzin gong mas bsgrubs// da lta rnal 'byor dam la spyon// bam ril thod pa mkhar gyi rtser// ru mtshon nag po pu ru ru// mtshon cha mang po char du 'bebs// bdud bya nag po ldir zhing 'jum// dur khrod rgyan cha mang po rnams// mche gtsigs rngam pa'i zhal gdangs nas// khro bo khro mo sprul par 'khrigs// srin po srin mo rkan sgra rdebs// gnod sbyin pho mo 'brug sgra sgrogs// za byed pho mo glog ltar 'khyug/ so so'i mos pa tha dad pa'i// dam rdzas mchod pa 'di bzhes la// ji ltar bcol ba'i phrin las mdzod// mAM sa rak+ta go ro tsa na ba su ta g+ha na tsit+ta khA raM khA hi/ phrin las gzhol ba gang 'dod sbyar// bsnyen dus smon lam 'di ltar gdab// ho// mgon po khyed mchod byin brlabs kyis// phyogs dang dus ni thams cad du// sems can legs don 'byor pa la// dgra bgegs rnam pa kun med shog/rta dang ba glang nor dang 'bru// bu tsha pha ma gnyen bshes rnams// dge zhing tshe ring nad med par// thams cad 'byor pa ldan par shog/ 'gro ba nyes med bde gyur cig/ nad dang mu ge kun bral nas// rgyal po dge zhing des pa dang// chos kyis rgyal srid skyong bar shog/ bde bar gshegs pa'i bstan pa 'di// phyogs bcu kun tu rgyas pa dang// myur du sems can thams cad kyang// chos kyi snod du 'gyur bar shog/ dge ba thams cad spyan bsngo zhing// mgon po khyod mchod byin brlabs kyis// bdag cag 'khor dang bcas pa rnams// longs spyod rnam gnyis rdzogs par smon// bdag cag byang chub mchog thob nas// khyod dang mi 'bral 'grogs par shog/ ces gsungs so// dpal mgon po nag po dur khrod mngon par rol pa mtshon cha 'khor lo'i rgyud las// bsnyen pa'i las gzhung bstan pa'i le'u ste bcu gcig pa'o//// de nas yang dag bshad bya ba// gsang sngags bstan pa 'di gsungs so// oM b+hu ra kur ma hA pad+ma rde b+hur tsi b+hur byig ge byem nas se/ e ho sho mos kro d+ha hUM hUM phaT swA hA/oM b+hu ru ku ru rma a bra rna// bu da tsi gi phyi ma se kha sho mo kro d+ha hUM hUM phaT phaT/ bsnyen pa dang ni nye bsnyen no// oM b+hu ru ku ru i phyi u ts+tshuSh+ma kro d+ha hUM phaT/ oM b+hur kur ti phaT/ sarba sid+d+hi pha lahUM a/ oM badzra tsit+ta sa ma ya a mr-i ta hUM phaT/a hrIHbadzra rag ta gr-i h+Na gr-i h+Na ra ga ma hA kA ru Ni hUM phaT/ oM badzra kro d+ha rA dza ya ha na ha na da ha da ha pa tsa pa tsa gri sna mi ge na hUM phaT// sgrub dang sgrub chen blang ba dang// mthing nag dar chen nang du ni// yungs kar rgyal po khrag sna dang// tsan+dan dmar po sbyar ba dang// tsan+dan dkar po bzang drug dang// bdud rtsi sbyar ba'i thums po gsum// dang po bar dang tha mar gtums// hrIHlas bdud rtsi sbyar ba dang// rA las chags pa'i rang bzhin dang// hUM las khro bor brlag pa'i sngags// oM badzra kro d+ha dz+wa la sa ma ya hUM yak+sha dz+wa la sa ma ya// rak+sha dz+wa la sa ma ya/ tsi tra dz+wa la sa ma ya hUM phaT/ phyogs bzhir sprul pa bskyed pa'o// de kas dgug dang bsad pa 'grub// oM b+hur kur ma hA kA la nr-i thum laM thum ril rbad bu ni dza dgra bo'i snying la ya// trag rak+sha thum ril rbad// dgra bo'i snying kha rag ni dza b+h+yo/ rbad pa'i gsang sngags mchog yin no// dmigs pa'i rnam shes dgug pa yin// oM ma hA kA la ni dza snying la thum ril ru pa ya// rbad su rbad su nr-i shag tsit+ta ya rbad// mugs shag kling du rbad/ snying la nr-i dza dza/ srog la srog rtsal brems brems ya yA/hab hab nr-i mA ra ya rbad phaT/ rnam shes bsad pa'i dkyil 'khor yin// drag po'i phur pa skabs su gdab// oM ma hA kA li ma b+h+yo/ ru lu ru lu sa ma ya b+h+yo// trag rak+sha la mun tra b+h+yo// ru lu mA ra ya thun b+h+yo// trag mo drag snying khrag mA ra ya thun yA/ trag ma trag mo thun ya/ shri ge g+ho dza shag rbad/ mu ro tsit+ta ni shag rbad/ re ge sho na ni shag rbad/ ya me to sha ne shag rbad/ tsit+ta re ma ni shag rbad/ sho na dun khram badzra ma ti srog la rbad rbad/ma tshogs thun dang drag pos bsad// bar du dril byin bya ba yin// oM ri li ri li snying li li ri shig phru lu lu/ srog mA ra ya rbad/ tsit+ta'i dkyil du nr-i dza thun/ khrag gi ser chen phob phob/ces pa zer sngags drag po yin// zhes gsungs so// dpal mgon po nag po dur khrod mngon par rol pa mtshon cha 'khor lo rgyud las/ gsang sngags bstan pa'i le'u ste bcu gnyis pa'o//// de nas bsnyen bsgrub kyi rim pa 'di gsungs so// bdag nyid lha yi nga rgyal gyis// dkyil 'khor dbus kyi phur pa la// dkar nag dmar ba'i gzungs thag sgril// mthing nag dar gyi phur ma gsum// bskul dang chags dang gzhil ba'i rdzas// ba wang dag la hri hri dza dag bri// hUM dang bcas pa'i yungs kar la// khrag la mchod sgong hri dang ma// de bzhin lcags thig yi ge bdun// yum dang sbrel ba'i bla rdo yin// sman la yi dam snying po'am// dpa' bo 'bru lnga bris la bzhug/ gzungs thag sbrel la chad par bya// thugs kar rdo rje srin po 'jigs// mtshon cha 'khor lo bskor bar bsam// sngags kyi 'od zer rno la myur// lcags kyu'i tshul du sbros nas kyang// rang bzhi mgon po'i snying ga nas// snying dkyil sna lnga 'od dang 'brel// dun las rang gi snying pos bskor// de nas bzung nas mi gtong bar// gnas nas bkug la rten la bstim// bdag gi bka' nyan gsung sdod pa// zhi ba'i zhal dang ldan par bsam// 'bum phrag gcig tu rdzogs par bya// de nas nye ba gnas kyis bsnyen// thun gyi sngags kyi 'od zer nyid// rdo rje srin po'i mtshon char spro// mgon po dbang med bkug nas kyang// rang snying srog nas drod langs shing// lus ngag yid gsum tsha zhing bsreg/ dbang med drung 'dug las rnams byed// 'bum phrag gcig tu rdzogs par bya// de nas nye ba'i rtags ni 'byung// sman gyi thum po bdud rtsi yis// sku yi tsha ba gzhil phyir gtor// sku gsum gsung yang rang bzhin rnal ma ni// bdag la nye zhing las rnams byed// tshogs dang bdud rtsi gtor mas mchod// dngos grub bdag blang bya ba'i phyir// bsgrub pa'i rim pa bag tsam sbyar// rak+ta de ni rten la gtor// thugs rjes chags pa bskyed par bsam// 'od zer lcags kyu dbang gi mchog/ 'phros te rang bzhin mgon po la// dam tshig bskul zhing mchod par bya// sid+d+hi rtag pa'i mdog lta bu// bsdus shing rang la bstim par bya// phyed shas tsam gyi gnad la phebs// rten gyi thod pa kha phye la// myos pa'i rdzas dang bu ram dang// bdud rtsi 'o bskol zhas zas dang// de bzhin mchod pa kun dang bstar// dmar ljang dar gyi ling+ga bri// rdzas nyid bdud rtsir brlabs nas kyang// nang du srog gsum yi ge bsgom// mgon po'i gzhu bsrang snying po bzlas// drug gi sngags kyi 'od 'phro zhing// brgyad kyis sid+d+hi'i mthu byin bsdu// 'bum phrag rdzogs nas srog gsum bzhu// sid+d+hi rdzas la bdag nyid rol// dam can gtor ma tshogs kyis mchod// sman gyi mchod pas stobs ldan 'gyur// bsnyen pa'i rdul tshon zhal phye la// drag po'i las la sbyar bar bya// dpal mgon po nag po dur khrod mngon par rol pa mtshon cha 'khor lo'i rgyud las/bsnyen bsgrub gnad kyi le'u ste bcu gsum pa'o//// de nas 'brub khang drag po'i dkyil 'khor 'di gsungs so// maN+Dal 'dom gang gru bzhi pa// rak+ta khrag gis dmar por byug/ dbus nas mnyam pa'i shing gzhag la// maN+Dal zlum po bskor nas kyang// mtho gang tshad du gyen du brtsig/ dbus nas khru gang gru gsum la// nang ras gsum ldan thur du gru// tha ma thod pa'i phreng bas brgyan// dug shing rtsa dmar nyi shu brgyad// rdo rje 'khor lo ral gri dbyug tho rgya gram lngas// 'og ma dag la bskor bar bya// dmigs pa dgra yi rdzas rnams dang// bag phye sa sbyin bsres pa'i gzugs// bcu gnyis sor tshad mi rus mngag/kan+d+ha'i shing la dug gis bri// dred mo'i skra thag sngo dmar gyis// bcings la gzugs brnyan rtsang la gdags// bcings la mgo brnyan dag la gdags// dur khrod g.yam pa khru gang la// dbus nas mtho gang gru gsum bru// 'brub steng bzhag la thod mkhar brtsegs// rgya ni de dang mthun pa la// dpangs su khru gang sor bzhi btod// rang ngos thel la sgo bstan la// logs bzhi 'phrin las glo dkar bzhi// phyogs bzhi mkhar bzhir phyed phyed bya// dur khrod tshon gyi ri mo yis// stag dang mi rta bya rgod mgo/ srin po'i thod pas ba gam bya// nang du rten gyi phur pa lnga// yang na bka' rten brag nag dreg/ dur khrod sa la srin po'i gzugs byas la// tshon gyis bsgyur la phyag mtshan gtad// gru bzhir ru mtshon nag po bzhi// phyogs bzhir bdud bya nag po lding// smyug ma tshigs lnga'i mda' gcig la// dri med drag po btsug nas kyang// bya rgod srin bya khra 'ug khwa// lnga bsgron mda' la dar nag gdags// g.yu mig nam mkha' nag po la// rgod kyi sgro gsum dar gyis brgyan// dbus kyi mkhar steng gzhag par bya// g.yas g.yon yab yum gtor ma gzhag/snying gsum dar sgral lus la bcang// gying gi mkhar gyi steng logs gsum// lcags phur bcu gnyis dar gyis brgyan// ral gri mtho gang gri khrag byug/ pho snying sna tshogs gtor ma bca'// lho phyogs gnod sbyin mkhar steng du// bse mdung smug po dar gyis brgyan// zor mda' mon thod g.yas g.yon dgod// ru skyogs nang du dam rdzas bsog/ rta dmar bya dmar dri bo'i don// mar khu sbrang rtsi 'o ma khrag/sbyar ba'i bdud rtsi'i gtor ma bsham// nub phyogs srin po'i mkhar steng du// sprul sha dug dang bag phye sbyar// sbrul mgo gsum ldan 'khyil ba bca'// kan+d+ha'i dgra gzugs steng du gzhag/g.yas su sha rul khrag rul dang// snying sna tshogs dang thod pa dang// g.yon du ba dmar 'o ma la// klu sman btab la 'khar gzhong bzhag/ byang du za byed mkhar stengs du// tshon drug nam mkha' dar nag brgyan// gtor ma tshil chen sprin khebs can// ling+ga rma bya'i gdugs dang bcas// mkhar rnams kun gyi rgyu dag ni// bka' rten chos khi dur khrod dang// gnod sbyin sbrul dang rgyal po'i mkhar// phyug po'i bang mdzod ri mtho rtse// sa sna bdun la klu chus sbru// byan glag mchongs kyi ri bo la// dug shing yal ga dur khrod kyi// sha rul la sogs bcad phor dgram// ko ka thang dang mtsho 'gram la// dpal gtor bdud rtsi rak+ta dang// spos chen snum chen la sogs dgram// gru bzhi ha ta'i rgyal mtshan te// zhing gi bla re maN+Dal dbub// mon thod nang du dug sna dang// khrag sna phye gsum mtshon dbal brdar// chang gis sbyar la byang du dgod// de bzhin rigs ngan thod pa ru// yungs kar yungs nag ske tshe dang// tsha ba sna tshogs lho ru dgod// de ltar bca' gzhi rdzogs pa dang// phyogs bcing gsol ba sngar bzhin gdab// dpal gyi las gzhung rdzogs par bya// de brgyad 'bru brgyad rbad bsad bsgyur// zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las/ drag po 'brub gzhung bca' gzhi'i le'u steng nas dgab// nyi shu rtsa gcig phyir bskyed la// thog zug rgyal ba'i dal du bsgom// bskor ba phyin ka log tu bya// dug g-i sgro ba gtan par bru// dug khrag snyigs pas rjes gcod bya// slar log tshogs mchod bkra shis bya// des ni las la the tshom med// ces gsungs so// dpal mgon po nag po dur khrod mngon par rol pa mtshon cha 'khor lo rgyud las/ gtad khram gnan pa'i las bstan pa'i le'u ste bcu bdun pa'o//// de nas drag po gshin rje ltar sgrub pa 'di gsungs so// dang po gdeng ldan sngags pa yis// dur khrod chen po rab 'jigs pa'i// nags ri tsher ma rab tu rtsub// gdug pa'i tshogs su lha srin yod// sngar shi mi ro spungs pa'i gnas// dug dang mtshon cha'i thun sgrub ni// tha chung bzhi yis mar ngo la// sngon 'gro las kun rdzogs byas nas// dur khrod gnas su maN+Dal ni// 'dom gang gru bzhi chag chag gdab// rabs chad phung khyim gri sa la// 'brub khung lcags khang rtse gsum bran// rtsang dang thod phreng me ri bri// dug khrag dur sol sbyar byugs la// dbus su mon thod ja ril du// srub ma'i lo ma zhing chen ras// skyin thang chu shul ju tshe phub// gangs dus rgya mtsho lbu ba la// grog mkhar sa dang rang gi mkhar// dug khrag sbrus la ling+ga bri// kan d+ha'i shing la dug khrag gis// ming rus lo khams khram sngags bri// sngo dmar phur pa ske nas gdags// rgya tshil gu gul dud pas bdug/ lcags phur dug gis ngar blud la// 'chi bdag gshin rjer bsgoms la gtad// gri thod dam dmar thid sme bar// ra dug re'u lcag spyang dug dang// btsan dug ba sbru thar nu drug/ mi rta khyi phag ra yi khrag/ gcan gzan mche sder mtshon cha'i dpal// lcags rgod zangs rgod rdo phye sbyar// gu gul nag po'i tsha ba sbyar// chang gis sbyar la dar sna gdags// lcags sam thod pa'i snod nang du// dpal bshos khru gang rak+tas brgyan// nag gsum khrag dang snying gis brgyan// thod par bshos bu gru gsum dang// gru bzhi mkhar thabs zung gsum bcu// rta nag ra dkar khram sram yin nam gyi snying// ra rgya'i sha khrag brgyan pa bzhag/ dmar gtor tshil chen sprin khebs can// dkar gtor rtsi sman klu la bsham// phyogs bzhir mchod pa'i bye brag tshogs// gcan gzan rgyan rnams bdud ltar bya// stong nyid ngang las gshin rje bsgom// b+h+rUM las lcags khang steng shod du// 'od las gyur pa'i gzhal yas khang// gzas pa'i gdan la stag chen khri// me dpung 'bar ba'i klong dkyil du// dun la yi ge bcu bzhi pa// 'chi bdag zhal gcig phyag gnyis pa// mthing nag dbu skra kham nag 'phro// sku la ber nag brtsegs pa gsol// g.yas na tsan+dan bing chen la// g.yon pa thod pa khrag gis bkang// yab yum gnyis med 'khril bar bsgom// 'khor gyi ded dpon shan pa drug/ kun kyang khro bo'i cha lugs can// smig pa'i khri la brkyang bskum bgrad// nag po khram shing zhags pa thogs// dkar po shel gyi 'khor lo 'phyar// nag mo ban dmar dung can 'jigs// ljang nag sbrul zhags sbas 'dzin klu// dmar skya btsan zhags mdung dmar 'dzin// ljang ser rdo rje snying 'dzin gying// phyi rol ma mo rngams pa ltar// rang bzhin gnas nas bkug la bstim// phyi nang mchod pa sngags kyis dbul// zhes gsungs so// dpal mgon po nag mo dur khrod mngon par rol pa mtshon cha 'khor lo'i rgyud las/gshin rje'i dkyil 'khor bstan pa'i le'u ste bco brgyad pa'o//// de nas de yi rim pa yang// yab yum gsang ba'i srog sngags bzlas// bsnyen pa tshad la phebs pa dang/ yab yum bar du dregs pa gzhug/ bskul dang dmigs pa ting 'dzin gzhug/ thun la dmar nag yi ge ma// sngo nag ha dang sngo skya ca// sngags kyi 'od zer dregs pa'i zhal// thun la bstims pa yi ge zhu// nad dug mtshon du gyur par bsgom// dmigs pa zhugs pa'i rtags byung na// drag sngags thun gyi thun du dbab// zhag bdun rdzogs nas phur pa gdab// ling+ga thod pa bcas pa de// ro khung mun pa'i gting du gnan// nya stod drag po'i zor kha 'phang// de yi gsang sngags 'di dag yin// oM badzra yak+sha kA la kA la/ ma hA g+ha na g+hu ti hri da ya/ badzra ging ka ra rak+sha ka li mu ma mu sham khrag la mugs sham hri dzAH/ dzAHdun ru tra ru thum b+ha ti rA dza tsa pa la a shug me/ ma traka rak+sha nag mo ting lam ma b+h+yo/ nA ga hu ti sa nA ga ru ru ha shu la tsa tri shaM dza yaM/ badzra sa tu tri nA ga dun tri/ srog la thum ril/ rtsal breng shag/ tsit+ta thun rmugs khrag thibs rbad/li shag rbad ni hur thums dzaH/ khram rbad ya thum ri li li b+h+yo/ s+t+waM b+ha ya nan/ zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las/ drag po las sbyor gyi le'u ste bcu dgu pa'o//// de nas dpa' bo ging gi sgrub pa 'di gsungs so// bstan pa spyi yi blo can gyis/ rta mchog dbang du bsgoms nas kyang// mtshan ldan dur khrod gnas bzung nas// las bzhi tshang ba'i dkyil 'khor bri// tha mar dmar nag ro nyes bsdam/ dbus su thun khung thur du bru// nang ris gsum ldan mtshon cha rtsad// mi thod dug dang chang gis sbyar// khrag sna mche ltar mtshon dbal brdal// dag nag gur phub ro nyes bsdam// dar sogs g.yas la dmigs pa gzugs// thun gyis de la brgyangs la bzhag/ dur g.yam ro sol rgya gram bri// thun khung kha bcad steng du dgab// gri bo'i thod pa dmar chod du// dpa' bo'i snying dang zangs thig dang// srog snying bcug la dar gyis gril// bse phor sha sna snying sna khrag/ rin chen 'bru yi gtor ma bsham// bka' stod dpa' bo ging chen po// dmar nag 'jigs pa'i bse khrab gsol// bser rmog gyon pa dpa' bo'i chas// phyag na zangs gri tsit+ta bsnams// 'khor ni dregs pa'i spu gri bzhi// srin po sa ma rA dza dang// gshin rje ya ma rA dza dang// bdud po ha nu phag sha dang// gnod sbyin dz+wa la garba dang// dkar sngo dmar dang ljang gu'i mdog/ gri thogs tsit+ta za ba'i tshul// dgug cing bstims la mchod pa 'bul// sgo phugs med pa'i sngags 'di bzlas// oM tro ta ni tro ta ni pa tra shu la shu la d+ha sha grib/ yak+Sha grib ging ka ra ging ka ra ging tsa to ging tsa to/ bar ta te bar ta te sha ba te sha ba te/ shrA ra ma shrA ra ma/ rak+sha tsa rak+sha tsa/ snying kha rag snying kha rag trag rak+sha trag rak+sha/dgra bo'i snying la b+h+yo b+h+yo/ rbud rbud/ dgra bo ma gtong cig rtsa rtsa nan/ nA ga ro ya mi pa ril rbad// ma ra nri snying la mugs/ snying la mugs/ srog la rtsa ba ma/ su ru su bam ril rbad/ drag po gnad kyi gsang sngags 'di// dam can nye snying las la 'dzud// thun gyi drod las 'od zer 'phros// dmigs pa bkug bstim nad rlangs kyis// bu ga dgu nas thim zhing gsod// 'bum phrag bzlas pas the tshom med// oM a ba lo ki te ya na ma sho hri ti snying kha la rag sha/ khas blangs sa ma ya thum thum/ ru lu ru lu ma he b+h+yo// nad dang thun gyi byin brlab 'di// brgya pa'i bar du bcu bcu sbrel// gsang sngags mtshon cha 'di nyid gdags// du na du na/ ga du ga du/ a ka ni rbad tra ka la sa ma ya hUM b+h+yo// dral dral snying la dral// srog srog snying la srog/ snying thig srog la rbad/ sa ma ya/ tshal pa tshal pa rbad rbad/ zhag grangs bcu gsum tshang ba dang// ling+ga gsum du gtub byas te// gcig la thun brab gcig ni bsreg/ gcig ni dur mchad gsum la gtad// ki kang drag po rgyu ba la// thun khrag dgra la zor du 'phang// ging sgrub drag pos gsang sngags 'di// nus min spyad na rang la ngan// des na rab tu bsngags te sba// zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las/ dpa' bo ging sgrub kyi le'u ste nyi shu pa'o//// de nas sgrub pa'i rtags kyi rim pa 'di gsungs so// rten 'phar 'gul ldeg me stag 'phro// sgrub po mkha' la 'phur ba dang// sa la mi thogs chur mi 'bying// legs ldan mdun du ci bya zer// rabs kyi rtags su shes par bya// phung po me 'bar mda' la sgra// sman phud khol zhing rak+ta lud// rten gyi zhal bzhad nyams 'byung 'bring// sgrub khang g.yo zhing 'gul la 'tsheg/yams dang nad kyi na bun 'thul// bya dang gcan gzan 'thab cing 'khor// ro dom 'chol zhing nang na 'gyur// tha ma rmi lam ston par 'gyur// dgra bcom tshogs su 'ong ba dang// ban+de nag po mon pa dang// rlung nag 'tshub dang chu nag 'brug/ g.yag khyu khyi dmag bya nag dang// mchod rten nag po me stag 'phro// skar mda' mang po ltung bar 'gyur// bsnyen nas nye ba'i rtags su shes// go tshol mtshon cha mang po brdung ba dang// dmag 'dren g.yul 'gyed lings la chas// las la tshud pa'i mtshan ma yin// gzhan yang gshin rje sgrub pa la// mon dang ban+de tshub ma g.yag/ btsan btsun stag seng lha khang 'od// bud med dri'u nag chu rlung 'byung// nya sbrul klu yi cho 'phrul ston// mi rta dmar po me dang 'od// khra spyang ban de tshong pa 'byung// mngon du khug nas ling+ga 'gul// bya yis bya la 'debs pa dang// gar 'ong bla yi cho 'phrul ston// spu 'byi 'dogs dang gsod pa dang// sha la longs spyod god la rol// brag chen rtsad nas bton pa dang// gdung brgyud rtsad nas gcad par nges// sdong po bcad na dgra nyid 'chi// yal ga bcad na 'gab la ngan// don po bsad cing snying phyung na// the tshom med pa'i rtags yin no// rgyan 'phrog gos bshus grogs la ngan// nag po ldog pa'i mtshan ma ni// mun pa sros dang mdze pho rgol// g.yag rgod rdung zhing gcan gzan rmug/ chu sna ldog pa khros par shes// mul dang sprang long longs spyod 'gyed// 'byor pa 'dod yon gtor tshogs gtong// gzhan yang nyes legs las rnams ston// cis kyang las 'gyangs ldog gyur na// kan+d+ha'i shing la mgon po'i gzugs// mtho gang tshad las skye mched rdzogs// spyi bor ru lu bzlog pa bri// lag pa g.yas g.yon bsnyen sngags gnyis// rkang pa sgrub dang bsad pa'o// thun sngags khog rang lus la bri// de la dgug cing bstims byas la// zhag gsum dpal gtor 'og tu gzir// bsnyen sgrub sngags la las bzlog brdeg/ drag shul 'byung po'i nyi ma la// ral gris phyal la gnyen pos brdeg/ dug shing gdug pa'i me yis bsreg/ bka' rten sa dang thal ba sbyar// gzugs bya khog par ling+ga gzhug/ bdud rtsi gtor ma mchod pa bstab// dur khrod dbus su dong brus la// mgon po'i gzugs gzhug ngur g.yam dgab// mchod rten nag po khru gang la// gu gul dud pas bdug la gnan// lha nyid gnad la dbab pa'i las// ya bag sha ra rab tu gsang// zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las/ grub rtags kyi le'u ste nyi shu rtsa gcig pa'o//// de nas dbang gi rim pa 'di gsungs so// nyams dga' byed pa'i sa phyogs su// maN+Dal byas la me tog dgram// gtor ma mchod pa'i rdzas kun dgram// rin chen bum pa mdzes pa la// kha rgyan mgul chings ldan par bya// sna tshogs dri dang rin po che// snying po 'bru sna chu yis dgang// nang du mgon po'i dkyil 'khor bskyed// mchod pa'i rdzas kun tshang ba dang// slob mas nor rdzas yin phul la// ho/ dpal mgon nag po ye shes sku// lhun gyis grub pa'i dkyil 'khor du// bdag nyid 'jug par 'tshal lags kyis// dpa' bo thugs rjes gzung bar mdzod// de skad gsol pa lan bzhi gdab// ho/ legs ldan nag po'i dkyil 'khor 'dir// 'jug par 'dod pa'i bu khyod nyon// las rnams 'grub cing bsam 'grub la// bla med theg chen 'bras bu 'byung// gnas skabs bstan pa bsrung ba'i phyir// zhum med dkyil 'khor 'jug nus sam// slob mas nus par khas blangs shing// sdom pa rim par blang bar bya// chos kun rang bzhin dag pas na// bdag kyang rang bzhin rnam par dag/ de bzhin gshegs pa thams cad kyi// thugs dam dbyings mchog rnam dag cing// sems can 'byam klas ma lus kun// mchog nyid sgrub par sbyor bas na// rgyal ba rgya mtsho kun 'dus pas// sku yi dbyig tu bdag skyed cig/ ye shes rin chen dbu rgyan can// gzi brjid phung po bla na med// sangs rgyas rin chen 'byung ba yis// rnam par rgyal la phyag 'tshal lo// dbyig gi ye shes gtso mchog nyid// rdo rje dam pa mchog 'dzin pa// khyod ni dam tshig gtso lags kyis// dbang phyug rgyal por dbang bskur ro// bcom ldan thams cad mchog ni bdag lags te// mchog nyid sgrub phyir rdo rje blang bar bgyi// rdo rje rgyal po khyod bzhugs pas// sku gsung thugs kyi rdo rje ste// rdo rje dam tshig mchog nyid kyis// phun sum tshogs pa bsgrub par bgyi// chos kun rdo rje'i mtshan nyid de// rdo rje la yang mtshan nyid med// rdo rje lta bu'i rnal 'byor pas// don kun rdo rje lta bur gsol// 'di ni sangs rgyas gsung dbyings nyid// ye shes sems dpa'i dam tshig rnams// rdo rje sems dpa'i dka' thub dam// rtag tu bdag gis bcangs par bgyi// brgya ba'i tshul gyis sgrib pa sbyang// mgon po'i gzhung bsrang bsnyen pa bya// de nas 'jug pa'i cho ga bya// kye// rdo rje chos dbyings kun gyi gtso// mi rnams chags pa chen po ste// ma lus kun gyi 'byung nas mchog/ bde ba mchog gi dam pa lags// khyod ni dam tshig kun gyi gtso// rdo rje sems dpa' skyed mdzad pa// sems can don sgrub phrin las mdzod// thugs rjes mnyam sbyor grub par mdzod// sangs rgyas yon tan 'byung ba'i phyir// rdo rje rin chen bla na med// rdo rje chos kyi glu blang bas// las kyi rdo rje byed par 'gyur// hUM hUM hUM bi shwa badzra kro d+ha dz+wa la maN+Dal la phaT phaT ha la ha la raM kro d+ha yaM tig sna tig sna khaM ta keM ta keM phaT/ oM AHhUM sa ma ya ho/ i dan te na ra kan pa ra hr-i da yaM/ na ma ba ti nan/ sa ma ya rag+sha/sid+d+hi bi na badzra a mr-i ta kro d+ha kan/ sngon tshe gang nas 'brel ba yi// bdag gi nye gnas gang lags pa'i// las kyi 'phro dang thugs rje'i lha// de lta nyid du babs gyur cig/ hUM hUM gu h+ya badzra tsit+ta hUMM/ oM ni ye shes lhun gyis grub// mu ni ye nas rang sangs rgyas// hUM ni rtsa ba byang chub sems// dkyil 'khor rnam gsum dbyer med pas// ha zhes mthong bas yongs su dag/ ma 'dres yongs su rdzogs par mthong// rdo rje zhes su ming btags nas// rdo rje theg pa'i gsang sgor bzhag/ hUM mkha' dbyings rnam dag bum pa chen po na// dpal ldan mgon po'i dkyil 'khor rdzogs par bzhugs// gnyis med ye shes byang chub sems rtags chus// dri ma kun sbyangs khams gsum zil gyis gnan// byin brlabs mthu yis dbang rdzogs thob par shog/ oM b+hur kur ma hA kA la ma hA la/ a b+hi shiny+tsa b+h+rUM b+h+rUM/ dngos sam bdud rtsi bum pa la// rdo rje sems dpa' yab yum gyi// byang chub sems kyi bde ba bzhin// hUM/ dkyil 'khor rnam gsum dbyer med don// yab yum gnyis med bde ba'i don// byang chub sems kyi thig le 'dis// bde chen thabs kyi rgyal por dbang bskur ro// oM badzra a mr-i ta a ti sarba ma na tra Tha/ de nas bstan pa bsrung ba'i phyir// drag po'i rdzas rnams thams cad la// mgon po 'khor bcas bskyed bstims la// yon tan brjod la sbyin par bya// bsnyen sgrub rim pa'i sngags brjod cing// man ngag thams cad sbyin par bya// des ni ci bsam 'grub pa dang// rig 'dzin sa la smin pa yin// zhes gsungs so// dpal mgon po nag po dur khrod mngon par rol pas mtshon cha 'khor lo'i rgyud las/dbang bskur ba'i le'u ste nyer gnyis pa'o//// de nas dam tshig gi rim pa 'di gsungs so// dam tshig la yang rnam gnyis te// rtsa ba gsum dang yan lag gnyis// rdo rje slob dpon mig gi zas// 'khor ba 'dren pa'i ded dpon mchog/ mi shes rmongs pa'i blo bris mkhan// lam stor rnams kyi sa mkhan mig/ gdung ba sel ba'i rin po che// yid bzhin nor bu lta bur gzung// de la 'gal ba rdul dang bral// rang 'byung ye shes yi dam lha// mun khung sel ba'i mig bzhin gzung// chu bo gal du gsad mi bya// spyi gsang ba dang bar gsang ba// gnyer gtad pa dang 'os pa dang// skye bo'i tshogs la dben par bya// yan lag lta ba sdom pa dang// spyod pa rgyun gyi dam tshig go/ nam mkha' lta bu'i rang bzhin gyis// mi skye mi 'gag ngo bo blta// phag rgod lta bu'i rang bzhin gyis// gtsang sme re dogs mi blta bar// mun khung dug gi gser 'gyur bzhin// rnam rtog ye shes chen por blta// seng ge rtsal rdzogs ji bzhin du// ma bgrod sa rnams non par blta// de phyir lta ba'i dam tshig bzhi// rang byung sems kyi bye brag yin// spyod pa rgyun gyi dam tshig drug/ dus kyi spyod lam ji bzhin du// gsang ba'i lam min gzhan mi 'gra/u0f7c/ rig pa'i bdag min phyag mi 'tshal// mi smra bar ni sha chen bsnyen// bstan pa spyi yi sku dgra la// byams shing gdung ba'i spyod pa spangs// rang bzhin zhe sdang ldang mi dgos// mi dge mtshams med la sogs spangs// gzhan yang gsang sngags rdo rje dang// bkod pa'i rtsa ba rang bzhin bsrung// nyams par gyur na 'bras gnyis stor// ngan song gnas su ya re nga// bsrungs na dngos grub rnam gnyis po// yid bzhin nor ltar rang las 'byung// zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las/ dam tshig gi le'u ste nyer gsum pa'o//// de nas bsrung zhing phan gdags pa 'di gsungs so// mdzod bdag mgon po yid bzhin sku// yo byad spel bar bya ba yi// dben pa'i gnas su maN+Dal bya// byams dang snying rje sngon btang la// 'gro drug dbul sel sems bskyed de// mchod sbyin bya phyir nor bu bsgrub// bka' rten chos kyi rgyal po'i mkhar// phyug po'i bang mdzod sa rnams la// maN+Dal byas la legs par byug/ rin chen dri yi sman gyis byug/ 'bru dang me tog tshom bu dgod// rin chen zur brgyad lte bar ldan// dbus su n+ya gro ta t+ya ta'i shing dag la// bzhog la rin chen sna lnga yi// dpal mgon legs par kun ldan bri// ljang ser zhal gcig phyag gnyis pa// rin chen phreng ba bum pa dang// yid bzhin ne'u le'i rkyal pa bsnams// 'khor dang de yi rang bzhin bskyed// gter 'chang ne'u le'i rkyal pa bsnams// nang du ci 'dod rdzas kyis dgang// mdzes pa'i rgyan rtags gdugs kyang dbub// rab gnas byas la dbus su gzhag/ bskyed dang spyan drang bstim mchod dang// ji ltar 'dod pa'i gsol ba gdab// sngags 'dir 'bum phrag gsum du bzlas// 'grub par 'gyur te gdon mi za// rmi ltas bzang po byung ba dang// 'phral snang bsam pa 'grub pa dang// 'bru phyugs thams cad 'phel bar 'byung// mchod la bzang pos mchod byas la// nor bus gang ba'i dngos grub blang// oM b+hu ru ku ru i phyi uts+tshus ma kro d+ha hUM/ba su d+ha ra rat+na sid+d+hi pha la hriM hriM hUM/ de nas nor rdzas bang mdzod dang// rta dang glang po ba glang 'bru// yo byad bsod nams rgyas par 'gyur// rigs dang rgyud 'phel grags snyan 'thob// gzhan yang gnad kyi rim pa bshad// mgon po'i bsnyen sgrub rdzogs pa dang// bsnyen dang nye bsnyen sgrub pa gsum// dril nas gong gi rdzas la bstim// sar ba phur pa lnga la gdags// yul khams phyogs bzhir tho gzug bsrung// gnod byed bgegs kyi ling+ga la// dug sna gu gul mu zi dang// brun gsum tshil gsum gzhobs gnyis bdug/ yungs kar dug khrag phur par brdeg/ mgon po'i 'od zer gnod byed bsreg/gsang sngags 'bum phrag rdzogs pa dang// bka' rten mgon po'i 'og tu gnan// gzhan yang gong gi rdzas bkod rnams// thod par blugs la snying po bstim// zho chang kha zas gnod la bdug/'bru bcud phyogs bzhir dud pa btang// mi phyugs srung ba ske ru gdags// klu gnyan sa bdag gnod pa la// rdzas dang phag tshil gla rtsis bsrung// dri spos sbyar la lus la byug/ sman dang ba dmar 'o ma la// bsngags la khong du gtang bar bya// bsnyen pa rdzas dgod dud pas bdug/ drag po'i sngags kyi dpal gyis bskrad// sri'u rin chen rnam lnga la// sman sna lnga la sbyar la gdab// rtsa ba khyad par sngags gsum la// gsang ba'i spu gri 'di dag gtugs// sarba du stan trig nan/ myags thum ril rbad/ e hur thum dza/ ha na ha na da ha da ha/ pa tsa pa tsa gr-i h+Na gr-i h+Na ha ra ha ra/ mA ra ya rbad/ stobs dang nus pa thams cad s+t+wam b+ha ya nan// zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las/ bsrung zhing phan gdags pa'i le'u ste nyer bzhi pa'o//// de nas dbang drag las kyi rim pa 'di gsungs so// dbang chen stobs kyi sbyor ba 'di la// ri rgyal rtse nas sa dang ni// rgyal sa zin pa'i mkhar sa dang// chos srid thob pa'i khri stegs dang// btsun mo mtshan ldan ma la gyis// bka' rten dri can dur khrod kyi// sa la dpa' khrag mtshal gyis spru// 'brub khung khru gang zla gam bkod// mtshal dang tsan dan rgya skyegs byug/ rgyal blon stobs dang mu stegs dang// bgegs chen gcan gzan gdug pa'i sa// rdzas la gzugs bya ming byang dgod// thod pa srubs med nang du gzhug/ 'brub khung nang du de bcug la// bsnyen bsgrub sngags gsum dril ba la// dbang du bsdu ba'i sngags 'di bzlas// ma hA kA la pA shaM ku hriM hriM pa sha ma na ya hring hring dzaHdzaH/ rA ga dun dun/ bdag nyid mgon po legs ldan che// dmar nag rA ga'i mdog ldan pa// lcags kyu zhags pa dmar po sngog/ thugs kar hUM las sngags kyi mdog/gang la bya ba rten la phab// dbang chen dbang gi 'od kyis bkug/ khab len rdo la lcags 'du ltar// thams cad dbang du 'dus par bsam// shing thog go la star bu dang// rgun 'brum me tog dmar po dang// sha khrag gsar pa'i gtor ma 'bul// tshil chen mngal khrag rgya skyegs dang// tsan+dan dkar dmar g+hi wang dang// bse zho bag tsam ling+gar byug/ seng ldeng me la bsro zhing bzlas// thon nas thod pa dar nag gril// rang gi mal 'og dag du sba// sngags kyi tshad ma 'bum tsho drug/ dbang du 'dus pa'i rtags rnams 'byung// rgyal sngon stobs can gdug pa yang// ji ltar bsgo ba'i bka' rnams nyan// khams gsum mdzes ldan phyag rgya ma// chags skyes mdangs kyis pad+ma 'bul// rbod gtong sbe bgegs gdon chen kun// ji ltar bsgo ba bran bzhin byed// mche sder rA can lce dug spos// khyi bzhin phyi nas 'brang bar 'gyur// 'bru dang rin chen zas bcud la// gong bzhin sbyar kyin bsgrub byas na// snang srid zas nor bdag la 'du// kun sdud dbang gi sbyor ba bshad// dpal mgon po nag po dur khrod mngon par rol pa mtshon cha 'khor lo'i rgyud las/dbang sdud thabs kyi le'u ste nyer lnga pa'o//// de nas dbab bsad kyi las 'di gsungs so// drag po'i gsang sngags sbyor ba yang// gong gi 'brub khung nang du shis// kan d+ha'i shing la 'khor lo bri// dbus su yul zhing ser srung lha// mu khyud 'khor lo dang por bri// rtsibs bzhi dregs pa'i snying po bri// tha ma chu ris zlum po la// srin po ming sring dbab sngags dgod// yul gyi rdzas dang gnyan ra'i chu// byugs la thod pa'i nang du gzhug/ dug khrag 'bru zlum sbyar ba'i khrag/ gong gi rdzas dang sbyar la bya// zhag grangs nyi shu rtsa gcig tu// drag po'i sngags dril ting 'dzin gsal// bcu gcig rdzogs nas thun brabs la// klu la rta gzhug zor 'phang bskul// de yi gsang sngags 'di dag yin// oM b+hu ru ku ru i phyi uts+tshus ma kro d+ha hUM phaT/ kro d+ha dz+wa la sa ma ya phrom phob// yag sha dz+wa la sa ma ya phrom phob/ raka a dz+wa la sa ma ya phrom phob// tsid tra dz+wa wa sa ma ya phrom phob// oM badzra rag sha sa ma snying ya ma khrag rA hu la phroM phroM hril hril shar shar// mA ra ya rtsa sha thibs ru sing traM hril/sog se traM thibs b+h+yo/ yul khams brlag par the tshom med// gzhan yang khram thod gsar pa la// mon tshil rta dang zangs lcags rgod// gri lcags thog lcags gser dngul dang// chang gi sbyar la sngags 'di bzlas// zhu 'phel chad 'phro chags pa na// me dang lcags kyi gza' skar la// dri dang chu blugs dgra la 'phang// de yi gsang sngags 'di dag yin// dz+wa la raM rA hu la si si badzra rag sha sa ma ya raM raM mA ra tsa sha khrag la mu shaM ma b+h+yo/mA ra ya rbad/ badzra shad shad/ dgra bo'i srog la mA ra ya raM rbad// des ni las la the tshom med// ces gsungs so// dpal mgon po nag po dur khrod mngon par rol pa mtshon cha 'khor lo'i rgyud las// drag po dbab bsad kyi le'u ste nyer drug po//// de nas gnyen po lha'i thugs dam bskul ba 'di gsungs so// hUM/ khro bo'i rgyal po gdong drug hUM sgra can// yan lag drug ldan khro bo gshin rjai gshed// ye shes rgyan gyi ma rig mun pa sel// gtum chen gshin rje 'joms la 'tshal lo// yun gyi lhar yang khyod la gsol 'debs na// dregs can stobs gzhom zil gyis mnan pa dang// ma mo mkha' 'gro rnams la dbang bsgyur nas// nad gtong srin po'i tshogs rnams thal bar rlog/ khyod kyis thugs rjes bdag la byin gyis rlobs// hrIH rgyal ba kun gyi chos sku pad+ma'i gsung// chos rje 'od dpag med pa rdo rje'i thugs// spyan ras gzigs dbang hrIHlas rngam chen sku// ngag gi dbang phyug rta gdong zhabs kyis gnon// rdo rje rta yi rta stabs dbu yang dbu yis// 'jig rten klong dgu'i 'dod pa ston// 'jig rten dregs pa gtum pa'i tshogs// rdo rje rtog pa bya sgron gyis// snang mdzad ngag gi dbang phyug sku// byang chub chen po cang shes gtso// lha chen dgu yi cho 'phrul gyis// rdo rje rta gdong sprul pa'i tshogs// nam mkha'i khams rnams gang bar mdzod// 'khor ba ma sgrol bar du ni// snying rje'i go cha ma bsnyel bar// 'khor ba'i so mtha' chod par mdzod// hUM/ rgyal ba kun gyi gsang 'dzin pa// thugs rje kun gyi bdag po rdo rje 'dzin// drag po brtul zhugs chen po can// dpa' bo 'jig rten gsum las rgyal// sngon gyi go cha chen po yis// dus gsum sangs rgyas thams cad kyis// gdul dka' ma lus 'dul mdzad pa// bdud kyi bdud ste bdud rnams 'joms// sems dbang chen po 'bar ba'i sku// 'jigs su rung ba'i dpa' byad can// hUM rngam 'khrug pa'i nga ro yis// dur khrod bdag po rab tu bcom// zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las/ gnyen po lha'i thugs rje bskul ba'i le'u ste nyer bdun pa'o//// de nas chos skyong bskul ba 'di gsungs so// b+h+yo/ nyi ma lho nub pha gi na// srin yul pu rangs nag po'i dkyil// lang ka yul gyi grong rdal na// ko ka thang dmar rgya mtsho yi// dbus na ri bo ma la ya// drag shul byan lag 'phyongs kyi ri// gnam lcags yod pa'i rtse mo na// chos 'dzin rigs kyi sgrub gnas te// rdo rje thabs kyis blta ba'i yul// gsur chen dud pa sprin du gtibs// gnam lcags chu ser mtsho ru 'khyil// sha rus phung po ri ltar spungs// ce spyang lings su rgyug cing 'dral// bya gcan mang po 'phur zhing lding// dur khrod mkha' 'gro 'du ba'i gnas// rab tu 'jigs pa'i yul mkhar na// 'jigs pa'i thod mkhar ldems se ldem// shar phyogs bam ril stag thod mkhar// stag thod 'dzum mdangs mu lu lu// lho phyogs bam ril mi thod brtsigs// mi thod spyugs pa tse ri ri// nub phyogs bam ril rta thod brtsigs// rta thod mtsher dang lhang se lhang// byang phyogs bam ril thod mkhar brtsigs// bya thod tsheg sgra di ri ri// srin po thod pa'i kha bad can// las kyi 'od zer dbal du 'phro// ngos la nga rgyal glog dmar 'khyug/ rtse la bdud bya nag po lding// ru mtshon nag po pu ru ru// gnam lcags 'bar ba'i sgo mo gsal// 'jigs pa'i sku mkhar nang shed na// rta ro mang po gcal du bkram// mi ro mang po khri ru brtsigs// mi ro rta ro'i gdan steng na// mnga' bdag bdud kyi rgyal po bzhugs// gsang bdag phyag na rdo rje yis// phrin las drag por dbang bskur bas// sku mdog dbus zhal ljang nag brjid// zhal gsum 'jigs pa'i cha lugs can// g.yas ser thugs rjes 'gro ba skyobs// g.yon dmar chags pas dbang sdud 'gugs// dmar nag ral pa srid rtser 'bar// ral pa 'khrugs pa'i skra gseb na// gnam lcags thog ser skar mda' 'phro// spyan dgu me 'od skar ltar 'khyug/nad kyi rkyal pa tshub mar 'tshub// zhal gdangs dbang gi mche ba gtsigs// rngam pa'i nga ro 'brug ltar sgrogs// drag po'i rkan sgra bdud ltar rdeb// gsang ba'i spyugs pa 'khor la 'bod// gdug pa'i mtshon cha lus la 'phro// drag po'i phyag drug gdengs pa la// g.yas kyi dang po gsal shing gis// srid pa gsum yang dbang du sdud// bar pa rdo rje gsor zhing 'phyar// dgra bgegs mgo lus tshal par gshog/tha ma gnam lcags dbal phur 'debs// dmigs pa'i snying la gzer chen 'bebs// g.yon gyi dang po dung chen du// srid gsum snying khrag blug cing 'thung// bar pa rno dbal shun gyi mdung// zhing bcu'i snying la gzer chen 'debs// tha ma sbrul nag zhags pa yis// bla srog 'gugs shing yan lag 'ching// zhabs bzhi brkyang bskum 'byung po gnon// zhing gi g.yang gzhi'i stod g.yogs la// gti mug glang chen pags pa gyon// zhe sdang stag gi sham thabs la// gdug pa sbrul gyi ska rags bcings// thod sbrul thal zhag thal bas brgyan// gdug rtsub me yi klong na bzhugs// dbal gyi 'od zer phyogs bcur 'phro// sngon gyi dam bca' ma bsnyel bar// bcol ba'i las rnams 'grub par mdzod// g.yon gyi phyogs nas sku byung ba// nye gnas kro d+hI shwa rI ma// gtum pa'i srin mo 'jigs tshul can// zhal gcig phyag gnyis thal ba'i mdog/ khrag ral dmar po mun ltar gtibs// sku stod zhing chen g.yang gzhi la// nyi zla gza' skar 'ja' tshon 'khrug/ sku smad stag dang re ldi la// sbrul nag chu srin thod pas brgyan// g.yas pa sbrul zhags yab la 'khyud// g.yon pa thod skyogs khrag gis bkang// rus bcud rkang mar klad pa la// 'bru mar chang gis sbyar ba dag/ rtag par rang gi longs spyod byed// yab la stob cing dgra la 'phen// sngon gyi dam bcas ma bsnyel bar// bcol ba'i phrin las 'grub par mdzod// che mchog thugs kyi sprul pa ni// las kyi mon pa nag po bzhengs// zhal gcig phyag gnyis gcer bu'i tshul// g.yas pa gri gug sngon po brdar// g.yon pa b+han d+ha snying khrag 'thung// zhabs ni dam nyams steng na bgrad// sho ra re ste ma gtong zhig/ ched 'ga' drag tu bskul ba'i tshe// rab tu byung ba'i cha byad can// g.yas pa gseg shang par bu bsnams// g.yon pa bdud kyi par bu nag po'o// chos gos nag po phyin log gyon// chos kyi glegs bam khur du khur// drag po'i sngags zlos di ri ri// longs spyod mi snying dmar la byed// sho ra re ste ma gtong zhig/ de yi thugs kyi dgyes sde mo// byang shar mtshams su gnas bcas nas// dkar mo kang ka mchu ring khros pa'i tshems// rnam par snang mdzad mi g.yo gtsug tor can// phyag na rdo rje bka' sdod pho nya mo// 'khor gyi ma tshogs thams cad las la 'gyed// sho ra re ste ma gtong cig/ mthing nag dar gyi 'jol ber can// chu dar ljang gu thod du bcings// tsan+dan smug po'i gying beng can// khros pa'i cha byad chen po yis// sho ra re ste ma gtong cig/ ched 'ga' drag tu bskul ba'i tshe// gcer bu kham nag gyen du brdzes// kha nas khrag 'dzag thod phreng can// mi gnas me yi phung po 'bar// g.yas pa gsal shing dgra la brdeg/ g.yon pa lcags kyus don snying 'byin// mi ro rlon pa'i gdan la bzhugs// sho ra re ste ma gtong zhig/ ched 'ga' drag tu bskul ba'i tshe// gdong bzhi thod nag phreng ba can// nag po rol can 'tshig cing khro// phyag bzhi gdengs pa mtshon 'bru'i lag/ zhabs gnyis zhabs bzhi cho 'phrul rkang// g.yas kyi dang po gri gug 'debs// 'og ma bse mdung ba dan 'phyar// g.yon gyi dang po rgyu zhags thogs// 'og ma zangs gri rno dbal 'phyar// mi snying za zhing thod rlon 'phen// khyod kyi zhabs kyi long bu nas// stag smad rgyal mo skyugs se skyug/ gnod sbyin 'khor rnams las la 'gyed// khyod kyi sta zur g.yas g.yon nas// pho seng g.yas la mo seng g.yon// ral pa sngon po nyigs se nyig/ mche ba gangs ri gtams pa 'dra// khro bo tshogs kyi sprul pa 'gyed// khyod kyi rtsib logs g.yon pa nas// 'phar ba rkan ldag khyugs se khyug/ dred mo lag rdebs chems se chem// phra byed tshogs kyi sprul pa 'gyed// khyod kyi smin khyug g.yas g.yon nas// bya khyung rgyal po ga ru Ta// phyag na rdo rje'i bka' sdod cing// srin mo'i tshogs kyi sprul pa 'gyed// sho ra re ste ma gtong zhig/ dur khrod chen po'i klong dkyil nas// srin mo nye gnas chen mo brgyad// kau rI tsau rI pra mo ha// be ta lI dang puk+ka sI// g+hasma rI dang sma sha nI// tsaN+Da lI ste srin mo kun// rngam zhing gtum pa'i ma tshogs la// 'jigs pa'i gzugs can mtshon cha thogs// srog la hur thum dus la bab// srin po'i bu mo dri za brgyad// seng stag wa spyang bzhad kyi mgo/ kang ka bya rog 'ug pa'i tshogs// zhing la rngam zhing stod pa'i tshogs// nyams pa long la glo snying zo// cho 'phrul sna tshogs dgra la thong// dur khrod ma yi sgo srung bzhi// gdong mo btson mo gar log mo// 'jug par byed pa'i ma mo bzhi// rnal 'byor 'khor bcas bar chad srungs// nyams pa dgra yi yan lag chings// dur khrod bdag mo gru 'degs bzhi// bskam mo shin tu bskam pa dang// ra ro ma dang khrag 'thung ma// chags pa'i tshul la bla srog len// dam nyams dgra bo'i dbugs long la// smyo 'bog gtong ba'i dus la bab// lha yi ded dpon ka ru na// chung ma bu mo srin mo rnams// phrogs nas dbang du byas pa yi// bcu gnyis dang ni bco brgyad sogs// ma mo phra men gnod sbyin mo// srin mo sha za khrag 'thung ma// dam nyams dgra bo'i bkra mdangs phrogs// bdud kyi ming 'dzin gla rkun mo// dam nyams 'di yi bla long la// sngon mo dmag dpon sde dpon mo// ru dpon pho nya mdag par byas// ci bgyis bka' nyan pho nya'i 'khor// srin po'i dam tshogs dgra la thong// rbod gtong rngam pas dgra snying khos// bam ril thod mkhar phyi rol nas// khrag dang sha chen bshang gci dang// rkang dang klad pa klad rgyas dang// rnag dang chu ser 'obs dang ni// 'bu dang shin tu 'bu chen dang// sbrang ma sbrang rgod bung ba dang// dug sbrul sdig pa sdom la sogs// dgra bo'i khang khyim rmang nas shig/ dgra bo'i lus la bal ltar g.yengs// kang ka ru rtse rkang ldag dang// khrag 'thung mchu dmar khwa skyegs dang// bya rog 'ug pa khwa rbod rnams// bya gcan mang po 'phur zhing lding// dgra bo'i bla yi steng du ldings// sha la za zhing rgyu ma drongs// dbang po'i dngas ma mig 'bras phyung// ce spyang stag seng dom dang dred// 'phang ba rkang ldag la sogs pa'i// gcan zan gdug pa'i tshogs rnams kun// dam nyams sha rus bcud la rol// myur du sod la khrag la 'thung// dur khrod mkha' 'gro ma mo kun// spyugs glu len cing dmag tshogs khye// dam nyams srog dbugs mdangs la ya// bcol ba'i 'phrin las grub par mdzod// ces gsungs so// dpal mgon po nag po dur khrod mngon par rol pa mtshon cha 'khor lo'i rgyud las/ dbus kyi gtso bo bskul ba'i le'u ste nyer brgyad pa'o//// de nas 'khor bskul ba 'di gsungs so// b+h+yo/ shar phyogs thod mkhar 'jigs pa nas// khro bo'i tshogs dang sprul pa'i 'khor// khro chen badzra ging ka ra// sku mdog mthing nag 'jigs pa'i sku// phyag g.yas mtshon cha'i 'khor lo sgyur// dmigs pa'i mgo lus dum bur gtubs// g.yon pa thod pa rlon pa ru// snying khrag 'thungs shing dmigs pa gnon// khyod kyi thugs dam dus la bab// khyod kyi bka' 'khor las byed ni// gri thogs ging chen bco brgyad 'gyed// gsang ba'i bdag pos dbang bskur nas// rdo rje chos kyi ming btags pas// zhe sdang 'bar ba'i dkyil 'khor nas// mthing nag khros pa'i cha byad can// ltas ngan sna tshogs sprul pa 'gyed// rdo rje myu gu zhes bya ba// gri thogs chen po'i dus la bab// rgyal ba'i dgongs pa kun 'dus pas// 'od phung khros pa'i khro bo bzhi// mi bzad 'bar ba drag po'i gzugs// khrag mig dmar po ldog cing khro// rdo rje drag po 'khor lo rtsal// gri thogs chen po'i dus la bab// dam can khrag gi ral pa can// pad+ma'i me tog 'bum gyis brgyan// dur khrod mkha' 'gro tshogs kyi bdag/ rdo rje chos kyi las mkhan po// gri thogs chen po'i dus la bab// ser nag 'jig pa'i sbrul gyis brgyan// kha nas me 'bar stong gsum bsreg/ rin chen bdud dpung tshogs kyi bdag/rin chen myu gu zhes bya ba// gri thogs chen po'i dus la bab// chos bzang lha yi mdun sa ru// lha yi dmag dpon chen po ni// ljang nag lus la cho 'phrul can// rdo rje las rab drag po rtsal// gri thogs ging chen bco brgyad 'gying// nam gyi phar phyed tshur phyed na// skyes pa dar ma'i srog gcod cing// bud med mngal phug srid kha sdoms// spyugs glu len cing 'khor los gcod// rdo rje zla rtsal mthu bo che// gri thogs chen po'i dus bab// sku mdog dmar gsal khrag gi mdog/ ce spyang mang po'i sprul pa 'gyed// mi bzad lag ring chen po ste// rdo rje nyi ma mdangs chen po// gri thogs chen po'i dus la bab// rngam pa'i nga ro drag po ni// nam mkha'i khams nas 'brug ltar sgrogs// mche ba rngam pas dgra snying 'byin// rdo rje seng chen mthu bo che// gri thogs chen po'i dus la bab// nag po mi bzad spyan gsum po// shwa na khyi gdong 'jigs pa'i gzugs// lcags kyi spyang mo mgo dgu zhon// rdo rje spyang ki mthu bo che// gri thogs chen po'i dus la bab// mi rtog pa la gnas pa'i sku// thogs pa med pa'i rdzu 'phrul gyis// mtshon cha sna tshogs char du 'bebs// rdo rje nam mkha' mthu bo che// gri thogs chen po'i dus la bab// ljang sngon drag po gsal shing can// phyogs bzhi dag tu rgyug byed cing// phyogs mtshams steng 'og rnam par 'joms// rdo rje phyogs 'dul mthu bo che// gri thogs chen po'i dus la bab// mthing nag khro bo'i cha byad can// mi mgo stong gi phreng bas brgyan// mi ro bam pa'i gdan la bzhugs// dur khrod bdag po chen po bya// gri thogs chen po'i dus la bab// gri thogs ging chen bcu gnyis po// la la khrag gi thig le can// la la zhag gi zo ris can// la la thal chen tshom bu can// phyag na lcags gri rnon po brdar// glo snying 'byin cing nang khrol za// dmigs pa'i dgra la khro tshogs chos// dpal mgon po nag po dur khrod mngon par rol pa mtshon cha'i 'khor lau'i rgyud las/ khro bo'i tshogs bskul ba'i le'u ste nyer dgu pa'o//// de nas gnod sbyin gyi tshogs bskul ba 'di gsungs so// b+h+yo/ nyi ma nub phyogs pha gi na/ bse gdong khra bo'i nang shed na// lcags mkhar sngon po gnam du ldems se ldem// g.yas na pho seng brgya ni kha yang 'thab// g.yon na mo seng brgya ni mche ba bdar// 'og na zhe sdang dug mtsho'i rba rlabs me re re// steng na bse yi bya glag brgyad khri bzhi stong lding// sked nas nyi ma zla ba'i 'od zer 'char// rtse la nga rgyal glog dmar khyugs se khyug/ bse 'brug ldir ba gnam nas 'khyug cing ldir// bse ser lug tsam rtag tu char du 'bebs// de 'dra'i mkhar gyi nang she na// ma rungs gdug pa kun kyi gtso gyur pa// yab gcig gnod sbyin rgyal po zangs thogs bzhengs// sku mdog dmar nag brjid pa la// dbu la rgya mdud 'khor lo brtsegs// ral pa dmar po sprin ltar gtibs// spyan mig dmar po dam nyams dgra la zlog/ 'jigs pa'i zhal ni bgrad pa la// mche ba gnam lcags dgu brgyas gtams// sku la shun gyi g.yang gzhi gsol// phyag na gser gyi ral gri bsnams// g.yon pa bse yi mdung dmar bsnams// ba dan dmar po glog ltar 'khyug/ 'jigs su rung ba'i dpa' byad can// sngon du zhe sdang las la grub// do nub drag po'i dus la bab// de yi yum chen bran mo ni// bse gdong zangs mgrin rdzu 'phrul can// sngon dmar lus la 'ja' yis brgyan// ral pa sngon po bu yug 'tshub// g.yas pa byad thag dgra la 'phen// g.yon pa sngon dmar bgegs la 'debs// kha rlangs sngon po du bar 'thul// 'jigs pa'i spyugs glu tse re re// srin po 'bum tshogs dmag tu bskul// sngon kyang 'dod chags las las grub// do nub drag po'i phrin las mdzod// khyod kyi bka' nyan las byed pa// bse yi gyad chen dmag dpon bzhi// lha srin sde brgyad las la bskul// nyams pa dgra yi gshed ma gyis// sa bdag bse yi lha mo bzhi// bud med sde bzhis dmag sna drong// 'du ba rnam bzhi nad mtshon rgyob// snying zan srog 'dril srog len sogs// 'khor gyi ging chen bzhi bcu gnyis// bse khrab bse rmog 'od du 'bar// stag ral g.yas la gzig shubs g.yon// phyag na ral gri rno 'joms thogs// srog rtsa bcad nas snying khrag 'thung// bse phub dmar po me 'od snang srid 'gengs// srid gsum lha 'dre 'khrug cing bskul// hUM chen drag po ging gi tshogs// sha khrag sna tshogs ging la mchod// bcol ba'i las rnams grub par gyis// zhes gsungs so// dpal mgon po nag po dur khraud mngon par rol pa mtshon cha 'khor lo'i rgyud las/ gnod sbyin gyi tshogs bskul ba'i le'u ste sum cu pa'o//// de nas rag sha srin po'i tshogs bskul ba 'di gsungs so// b+h+yo/ drag po lcags mkhar nang shed na// rak+sha dz+wa ma glog phreng can// ham sham bse gdong gdug pa'i bu// khyab 'jug chen po kun tu rgyu// 'jigs byed chen po kun tu rgyu// lus po gcig la mgo bo dgu// mgo lus med par mig gis khengs// ro stod srin la ro smad sbrul// sku mdog brjid pa'i dud kha ba// g.yas pa rdo rje gri gug gis// nyams pa'i khog gshog snying nas phyung// g.yon pa chu srin zhags pa yis// bla srog zung zhig dam du chings// nyi ma zla ba lto ru za// nyi ma'i rjes gcod shar du rgyug/ zla ba'i rjes gcod nub tu rgyug/ nyin mo rgyug cing bla srog sdud// mtshan mo rgyu zhing srog dbugs gcod// dmag dpon chen po'i dus la bab// gza' mchog chen po'i dus la bab// dbang phyug chen po'i dus la bab// nam mkha'i dkyil nas 'brug bsgrags shing// bar snang khams nas glog chen 'khyug/ sa yi dkyil du thog chen 'bebs// rgya mtsho'i gting du ser chen sgril// dam nyams dgra yi yul 'khor choms// lo la khrag gi ser ba phob// srog la glo bur ye 'phrog thong// phyogs bzhi nam mkha'i dkyil yangs nas// ngan sngags bdag mo gdong mo bzhi// cho 'phrul sprul pa dgra la 'gyed// pho lhog nad sogs nad mtshon rgyob// phyogs bzhi mtshams bzhi steng 'og nas// srid pa'i rgyal po chen po bcu// mdog ni ma nges khros pa bzhin// mtshon cha sna tshogs 'khor lo sgyur// bstan pa bsrung bar dam bcas pa'i// dam tshig chen po'i dus la bab// dam nyams srog rtsa dmar po chod// ri rab g.yo bsnyil 'u ru ru// rgya mtsho zho 'chol chi li li// gnam sa dkrug pa'i dus la bab// srog rtsa chod cing snying mgo chod// mdze 'bras smyo 'bog la sogs kyis// dgra bo'i rtsa lag rlung la skur// zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las/ srin po'i tshogs las la mngag pa'i le'u ste so gcig pa'o//// de nas za byed ma mo'i tshogs bskul ba 'di gsungs so// b+h+yo// nyi ma byang shar pha gi na// brag dmar mtsho khol me re re// dug rlangs na bun phyu ru ru// mtsho chen sngon dmar rba rlabs chi li li// bse mkhar smug po gnam du zangs se zang// dur bya kang ka sna tshogs lding zhing 'jum// ce spyang li du'i tshogs rnams di ri ri// nad kyi mtshon sprin sngon dmar thibs se thib// ma gcig dpal ldan ri ma ti// ya mtshan bud med rngam pa'i mdog/ sku mdog mthing nag 'jigs pa la// khrag gi ral pu mun ltar gtibs// spyi bo'i gtsug na zla gam gsal// lte ba'i dbus nas nyi ma 'char// srid gsum kun gsal bla tshe rku// snyan cha seng sbrul dril bus brgyan// thams cad zil gnon gdug pa 'dul// sku stod zhing chen g.yang gzhi la// rus phreng khrag dang zhag gis brgyan// sku smad re lde'i sham thabs la// sbrul dang thod phreng dril bus brgyan// chibs su dre'u rta rkang gsum chibs// drag mo mtshon cha'i lte le can// g.yas na gshin rje'i khram bam bsnams// g.yon na nad kyi rkyal pa bsnams// btsan gyi shwa rdel phyogs bcur 'thor// tshub nag stong dkyil nang na bzhugs// khyod kyi dam tshig dus la bab// shar phyogs khams kyi za byed ma// sangs rgyas rigs kyi rnal 'byor ma// dkar mo ral can 'bum sde rnams// khyod kyis shar phyogs dgra bgegs thul// lho phyogs rigs kyi za byed ma// ser mo ral can khros pa'i gdong// rin chen rigs kyi rnal 'byor ma// khyod kyis lho yi dgra bgegs thul// nub phyogs khams kyi za byed ma// dmar mor ral can pho nyar bcas// pad+ma rigs kyi rnal 'byor ma// khyod kyis nub kyi dgra bgegs thul// byang gi phyogs kyi za byed ma// ljang nag ral can rngam pa'i tshogs// las kyi rigs kyi rnal 'byor ma// khyod kyis byang gi dgra bgegs thul// zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las/ ma mo'i tshogs bskul ba'i le'u ste so gnyis pa'o//// de nas drag po gshin rje ltar bskul ba 'di gsungs so// b+h+yo/ dur khrod chen po'i gnas mchog nas// rak+ta'i rgya mtsho'i rba klong 'khrug/ thod mkhar sgo med nang shed na// mi ro rta ro gcal du bkram// gzas pa'i gdan la stag chen khri// me dpung klong nas sku byung ba// mA hA kA la mgon po che// bdud 'dul dbang phyug 'dul ba'i ging// sku mdog dug chen 'khyil ba 'dra// spyan gsum sdang mig me ltar 'bar// dgra bo'i lus srog dbang po 'byin// shar nas rims dal rlung dmar g.yog/ stong khams thams cad nad kyis khengs// zhal gdangs rno dbal mche ba gtsigs// dmigs pa'i dgra bo ril mid byed// rngam pa'i nga ro 'brug stong sgrogs// bdud dang mu stegs brgyal bar byed// sku la ber nag brtsegs pa gsol// dpa' brtul stag gi slag pa la// dar lce me tog 'ja' tshon 'khyug/dpa' brtul dur khrod chas kyis brgyan// g.yas pa tsan+dan bing chen gyis// dam nyams dgra bo rdul du rlogs// phyag g.yon thod khrag dmar chen 'thung// drag po'i rdzu 'phrul bsam mi khyab// khyed kyi dam tshig dus la bab// de yi yum chen srin mo'i sku// mthing nag brjid pa'i tshul gyi 'khril// sbrul nag ral pa mun ltar gtibs// dur khrod na bza' sku la gsol// g.yas pa rgyu zhags bla srog 'gugs// g.yon pa thod khrag dal yams 'bebs// mon pa nag po'i tshogs kyis bskor// 'od zer glog stong skar mda' 'khrug/ khyod kyis dgra bgegs myur du sgrol// bdud yul kha rag mgo dgu nas// bdud nag ri nag spungs pa yang// bdud mkhar nang nas 'dir byon la// dgra la thibs nad thong la sgrol// rgya yul nam mkha'i phyad phyod nas// srog bdag 'od lha dkar po yang// shel mkhar nang nas 'dir byon la// dgra la smyo 'bog thong la sgrol// mang yul byang shar mtsho gling nas// ma mo rdo rje sder mo yang// mthing nag gur nas las la chos// dbu la dal yams thong la sgrol// klu yul na ra sing chen nas// klu gnyan nag po srog len yang// rin chen mkhar nas sku bskyod la// dgra la mdze shu phol 'bras thong// btsan yul zangs thang dmar po nas// btsan rje shu po lag ring yang// bse mkhar nang nas sku bskyod la// dgra la gri thabs thong la sgrol// shar phyogs rin chen gling thang nas// ging chen rdo rje legs pa yang// lung thang mkhar nas 'dir byon la// dgra la pho lhog hur thum thong// zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las/ sgrol ging chen po las la bskul ba'i le'u ste so gsum pa'o//// de nas dpa' bo ging chen gyi bskul ba 'di gsungs so// b+h+yo/ dur khrod thod pa'i sku mkhar nas// gsang bdag thugs kyi sprul pa ni// gsod byaid ging chen las la bskul// sku mdog dmar po khros pa la// gdug pa'i me 'od lams se lam// dbu la bse rmog dmar po gsol// nyi ma 'bum gyi 'od zer 'phro// le brgan dar gyi cod pan la// sprul pa'i 'od zer mang po 'khyug/ spyan mig dmar po bzlog pa yis// bdud dang mu stegs zil gyis gnon// khros pa'i gad mo rkan brdabs pas// ma tshogs srin po 'dar spyug spyug/ gsang ba'i spyugs pa tshe re re// sgrol ging dmar po las la 'gyed// phyag g.yas zangs gri rno dbal gyis// nyams pa dgra bo'i srog lus 'brol// g.yon pas tsit+ta phyung nas gsol// ye shes ging gi 'khor gyis bskor// sprul pa'i ging tshogs stong gsum sreg/ las kyi ging phran las la 'gyed// dpa' bo ging chen las la chos// shar phyogs srin po'i yul rtse nas// pra ma rA dza srin po'i gtso// sku mdog dkar po shel 'od 'phro// shel gyi zangs gris dgra la 'debs// tsit+ta phyung nas zhal du gsol// srin po'i 'khor tshogs las la chos// lho phyogs gshin rje'i yul rtse nas// ya ma rA dza gshin rje'i gtso// sku mdog nag po mun rum 'dra// lcags kyi zangs gri dgra la 'debs// tsit+ta phyung nas zhal du gsol// gshin rje'i dmag tshogs dgra la chos// nub phyogs srin po'i yul rtse nas// ha nu dpag shu bdud kyi gtso// sku mdog dmar po me 'od 'dra// zangs kyi ral gri dgra la 'debs// tsit+ta phyung nas zhal du sol// bdud kyi 'khor tshogs dgra la ya// byang phyogs gnod sbyin yul rtse nas// yag shag ra ba gnod sbyin gtso// sku mdog ljang nag mthing 'od 'bar// ser gyi ral gri dgra la 'debs// tsit+ta phyung nas zhal du gsol// gnod sbyin 'khor tshogs las la chos// zhes gsungs so// dpal mgon po nag po dur khrod mngon par rol pa mtshon cha 'khor lo'i rgyud las/ ging chen las la bskul ba'i le'u ste so bzhi pa'o//// de nas rabs brgyud gtan tshigs kyi le'u 'di bshad do// 'das pa'i dus na sngon byung ba'i// bskal pa rdzogs ldan bya ba la// mi bskyod zhing khams mngon dga' ba'i// lho phyogs 'dzam bu'i gling de ru// khyim bdag ko'u ka ya zhes// bya ba de la bu gcig yod// de ming thar pa nag po bya// kho bo dad pa'i sems g.yos te// yul phyogs de yi dgon pa na// dge slong thub dka' gzhon nu zhes// bya ba gsang sngags don rtogs pa// yon tan kho na des thos te// dan phag g.yog dang bcas pa yis// de drung phyin te gdams pa zhus// de nyid kyis kyang gdams pa gnang// ji bzhin nyid de ma bcos na// dngos po bzhi la spyad byas kyang// nam mkha' la ni sprin bzhin te// de ni rnal 'byor dam pa'i lam// de skad gdams pa phog pa las// khyi bdag dga' mgu gnas su dengs// don gyi bden thob ma rnyed par// sgra bzhin 'dod yon lnga la zhen// nam zhig dpon g.yog ma mthun te// rtsod gyur dge slong dpon la dris// thub dkas rang bzhin so so nas// dan phag bden no zhes gsungs pas// thar pa nag po khams 'khrugs te// gnyis ka'i dpon du 'dra ba la// mnyam mo zhes kyang mi brjod par// nges pa rang nyid sun phyung bas// khams 'dir ma chags bya snyam ste// de nas dpon g.yog gnyis spyug btang// gsang sngags rdo rje'i bka' bsgo log/sgra bzhin spyad cing 'dod dgur 'joms// lta ba thams cad log par 'gyur// thams cad log pa'i rgya mtshor zhugs// log pa'i dka' thub drag po dang// log pa'i brtul zhugs chen po yis// sha rlon za zhing lpags rlon gyon// sha za'i jag pa mang bsogs te// thams cad bsad cing sha rlon zos// rig byed sngags kyi brda spros te// mo rigs phrad pa thams cad spyang// dngos po gshis las 'das shing 'khrul// gnas pa'i dus med tshe zad nas// skye ba lnga brgyar ce spyang lus su skyes// gnyen pos bsad cing tshe 'phos gyur// ngan spyugs phyi yi srin bu dang// mi gtsang nang gi srin bur skyes// gnyen pos bsad cing tshe 'phos 'gyur// ro dang stong phrag re lde yi// nang na gnas pa'i srog chags gyur// de mthar mngal gyi srin bur skyes// na rag rdo rje dmyal bar gyur// tshe tshad tshe lo brgyad khrir gnas// thub pa chos kyi rgyal po yis// las su bstan pas der shes te// 'gyod pas rim bzhin tsha dmyal brgyad// rim bzhin gong nas gong du 'phos// bde ba bral zhing yun ring 'khor// de nas bsad cing thon thar nas// nad mtshon mu ge'i bskal pa brgyud// gzhan gyi longs spyod phyir bsad de// gshin rje'i 'jig rten 'jungs pa dang// sha za ma dang srul por skyes// de ltar skye ba brgyud pa'i mthar// lho nub lang ka pu ri yi// smad 'tshong ma yi mnga' du chags// bu de thon pas ma de 'chi// yul phyogs de yi mi dag gis// pha med do bu ko nu 'di// bzhag na yul phyogs sme bas na// ma yi ro mchan gzhug par bsgos// dug shing nal bya'i rtsa ru bskyal// bu des ma yi nu ma drangs// de nas khrag dang chu ser drangs// de nas ma ro zad par zos// rang rgyud khro bo 'jigs par bsgom// ma yi pags pa gos su gyon// de nas pa tra lus chen brtas// dur khrod ro yi sha khrag zos// thod phreng sor phreng rgyan du byas// ro yi pags pa gos su gyon// dur khrod gnas pa'i mkha' 'gro rnams// chung ma slas dang bran du byas// ma zan rU tra de yi ni// kha nas tsha ba'i dbugs byung bas// nad dang rims kyis thams cad gsod// sna nas grang ba'i dbugs byung bas// phyogs bcu kun tu mas 'khrug byed// mig gi dug gis thams cad gsod// sngags kyi zer mas thams cad sgrol// rang lus thal kha 'jigs pa la// mgo gsum lag drug gshog pa can// mig gsum skra ni me ltar 'bar// gnam la bya bzhin sa la byi// chu la nya bzhin 'phyo bar byed// sen mo kang ka'i mchu sder gyis// gang zin sha rus myags par byed// rang gi nga rgyal gtum skad sgrogs// de tshe 'gro ba thams cad kyang// log lta snang bcu'i lam la btsud// nga rgyal che ba'i mthus snyems pas// lang ka'i yul gyi grong rdal bcom// ko ka thang dmar mtsho yi do// byan lag mchong ri ma la ya// gnam lcags yod pa'i rtse mo ru// srin po'i rgyal po dbang du bsdus// ru tra ma tra mA ra tra// rang gi gtum skad drag tu bsgrags// srin po'i rgyal po chen po des// mngon shes gsang sngags 'byung bar mthong// kun kyang 'khor dang g.yog rje byas// ded dpon ma taM ka ru tra// rang gi nga rgyal che ba rtsom// lha yi ded dpon ka ru Na// ngan thabs tsha ba'i dbugs kyis bsad// ro de 'dzam bu'i gling du bor// dge gnas mchod rten brgyad du snang// 'khor rnams g.yog bzhi gtso mo dang// byi dang bran slas pho nya 'khor// g.yo 'gul thams cad dbang du byas// bam ril thod pa'i mkhar brtsigs nas// bdud kyi rgyal mtshan phyogs su btsugs// bdud kyi ru mtshon rtse la phyar// 'dam gyi phru bas yongs su bskor// rdzu 'phrul ston cing hUM skad sgrogs// e ma ho// sngon gyi gtsang ma 'phags pas kyang// bdag la bka' nyon zer ba la// mi nyan slar la gnas su log/ ngag gi dbang phyug de bzhin byas// 'gran zla med ces de bzhin sgrogs// rU tra nag po smin par gyur// de nas de yi dus nyid na// thub dka' rdo rje snying por smin// dan phag rtsal chen rdzogs par gyur// de bzhin gshegs pa thams cad kun// snying po byang chub nyid du 'dus// stong nyid ngang du stong pa'i sgra// sangs rgyas mdzad pa ma rdzogs par// mngon par sangs rgyas ci phyir yin// de bzhin nyid dang kun snang dang// yi ge'i rang bzhin skul bar mdzad// stong nyid me long mi rtogs las// ma skyes mi snang 'gag gzugs snang// mkha' la snang mdzad ji bzhin du// dbyings las phyag rgya'i skur snang bzhengs// go 'byed phyag rgyas kun bsdus nas// bde gshegs dgongs pa mthun par bgros// rnam bzhi las kyis bskos btab nas// bcom ldan shAka thub can du gshegs// rgyu 'bras las kyi dge sdig brjod/ brtul bas ma thul kho na re// mi thub pa yi ngag smras te// bu chung rang gi gnas su dengs// sngon khyod lta bus nga ma thul// de bas rang gi dka' thub kyis// zer bas gtsang rigs slar log go/ de nas sangs rgyas thams cad kyis// rta mgrin dbang bskur thad du gshegs// rdo rje rta thabs kho na yis// kho rang nyid kyi gtam sgra bsgrags// mgrin bu rang gi zas zo dang// des ni rta mchog slar la gshegs// kha nas khong du rta mchog med// dpal gyis bzhengs te hUM sgra bsgrags// kho yis skad ngan gdung ba bton// gnyen po rdo rje hUM bsgoms pas// de la skyabs nyid tshol cig gsungs// rta mchog spyi gtsug 'thon te gshegs// de nas 'dus pa chen po kun// dbang drag gnyis kyis 'dul bar dgongs// de dag thams cad kun 'dus nas// dur khrod gar gyi phyag rgyar bzhengs// khyod kyi rgyu rkyen 'bras bu dang// skyon dang yon tan kun dris pas// sangs rgyas kun gyis 'di skad gsungs// rgyu ni smug po'i ro las byung// rkyen ni log pa'i dka' thub kyis// 'bras bu sdug bsngal ngo bor smin// rigs ni dman rigs 'khor ba'i rigs// ngo bo yi dwags srin po de// ma btul 'khor ba'i mtha' 'phel bas// bdud rnams btul na bstan pa dar// las ngan 'phro bcad dmyal yun thung// thugs rjes bzung na bsod nams tshang// stong gsum ma lus bton pa bas// 'bum gyi char yang mi phod gsungs// de nas sangs rgyas thams cad kyis// nga la thul cig ba ru bskul// khams gsum rdo rje bya sgron mngag/ dbang gi khro bos bar snang dgang// bam rol thod pa mkhar gyi phyi// bshul bzhad kyang ba'i 'obs chen brgyad kyis bskor// sngon du bshad pa'i 'khor tshogs dang// kho bdag lings la yongs nas ni// 'khor ni phal cher las la gram// skabs su dngos min sprul pa'i sras// rdo rje gzhon nu sme ba brtsegs// mthing nag 'jigs pa'i khro bo de// blang dor med pa'i mdzad spyod kyis// bshang ba thams cad bdud rtsir bsgyur// thams cad stong nyid bdud rtsi sbyangs// nye gnas bu mo la sogs pa// ma chags thabs kyi sbyor ba yis// rigs dang mthun pa'i sras de mthong/ de bzhag gzhan rnams ring du sprad// ye shes sprul pa'i 'khor du ldan// 'dod pa'i dbang mo bskams ma la// 'dod pas zhe sdang the tshom skyes// dpal gyis srin skad gsungs bsgrags pas// the tshom chod de sku la 'khril// 'jig rten dregs pa'i srog sngags de// ye shes lha yi snying por brlabs// lhums su rdo rje srin po bzhag/dpal chen gshegs nas kho 'ongs pas// gnas dang 'khor kun med bzhin 'jigs// bdag gi dbang mo 'khor rnams kun// sngon dang mi 'dra nges snyam pas// chags pa'i dbang mos 'di skad brjod// e ma dpa' bo sgeg po khyod// bdag gi mngal ni mi bde bas// khyod kyi dngos po phyin pa las// 'khor gyi nang du 'di gsung ngam// brjod pas mdangs la chags gyur te// dga' ba'i thabs kyis gnyis med 'khril// de nas bu tra 'thon byung nas// kho rang lta bu'i rigs su byung// nag po dpon g.yog yi rang dga'// myur bar bu tra lus bltam ste// srin skad thang gsum bsgrags pa las// dpal gyi rngam sgra drag tu gyur// drag po drag mo 'khor tshogs brgyal// sangs nas bltas pas cha lugs 'gyur// sngo nag dbu dgu bco brgyad phyag/ sngon du brjod pa nyid du gyur// nag po'i stobs dang dbang thang phrogs// de nas rU tra nag po des// rang gi nga rgyal hUM skad kyis// rang gi bdud kyi dmag tshogs bsdus// 'du 'du gram gram 'di la thung// mdza' bshes rtag par ma byung na// skyid pa'i grogs kyis mi phan pas// gang 'dar las rnams dus la bab// brjod pas bdud dmag bye ba 'dus// mtshon cha'i dpal ni sprin ltar gtibs// bso dang cho yi sgra bsgrags te// ma la ya yi rtse la chas// de nas rdo rje rta gdong gis// rdo rje 'gros bu'i stangs stabs mdzad// gar dgu'i 'bar ba'i glu blangs pas// khyo bo sgrol la chung ma drongs// phyogs ris med pa'i snying rjes bskul// rdo rje rta gdong gzi brjid kyis// bdud dmag thams cad zil gyis mnan// ru mtshon sprin phung stong nyid sangs// mi snyan sgra rnams sngags sgrar bsgyur// bdud kyi 'khor tshogs thams cad kun// rta mgrin dam la skyabs su dong// de nas rU tra thabs zad de// rang gi rdzu 'phrul sngags lnga yis// rU tra lnga yi mthu bskyed kyang// dpal gyi de bas mthu che bas// mthu stobs med par brgyal bar gyur// dpal gyi thugs rje'i gsung du brjod// srog gi dbang po mi bzod kyang// sngon 'byung dus nas 'brel pa yis// gang der mdun gyi phyogs nas bsgral// rtse gsum 'bar ba'i phyag rgya bcas// rU tra'i ri bo bcom dbang gis// phyag rgyas rol te phyal du sbyangs// thugs dam dbang gis mtshams sbyar te// rang gi dam pa rnam gnyis dang// mthar thug med pa'i sangs rgyas dang// dpag tu med pa'i byang chub sems// stug po bkod pa mthong ba'i sa// thog ma med pa'i dus mtha' yi// zhen pa'i mun pa sangs gyur te// skye ba dus mtha' med snyed nas// lus blangs nas ni ci spyad dran// snam du bton nas zhabs drung 'khod// rab tu dka' yang nongs tshul du// gang der shin tu gdung zhing rmos// thugs rjes bskul zhing 'khor 'bangs phul// kun la rang tshig gsang du byin// mnas bor nas ni skabs su yang// gsang ba'i srog snying byin gyis brlabs// rang stobs 'gyod pa drag po dang// gzhan gyi ston pas spyo bas sbyangs// rdo rje theg pa'i gsang sgor bzhag/ 'khor rnams kun la'ang de bzhin te// dbang bskur gsang ba'i ming rnams btags// bskal bzang bstan pa rdzogs pa ru// dgongs pa mya ngan 'das kyi bar// 'jig rten tshul gyis bstan pa srung// 'di nyid 'das pa'i 'og tu ni// zhing khams thal bas khengs pa ru// thal ba'i dbang po dbyangs zhes byar// lung bstan thob ste 'tshang rgya'o// de phyir dpal mgon nag po yi// rabs rgyud gtan tshigs rgyas par bshad// ces gsungs so// dpal mgon po nag po dur khrod mngon par rol pa mtshon cha 'khor lo'i rgyud las/ rabs rgyud gtan tshigs kyi le'u ste so lnga pa'o//// de nas 'khor la rgyud gtad pa 'di gsungs so// e ma ho 'khor du 'dus pa'i tshogs// chos sku rnam dag brjod med pas// gdul dka' drag po 'dul ba'i phyir// bde gshegs longs spyod rdzogs skur bzhengs// sprul pa gang la gang 'dul ston// gsang sngags thugs rje rol par shar// rtags dang thugs rje sbyin bdag dpal// de yi phrin las 'gro ba'i mgon// gnas lugs rtogs pas 'gyur ba med// chos nyid ngang du mtshan ma yi// rnam rtog bsdus bcom dur khrod yin// gnas lugs mngon par rdzogs sangs rgyas// ye shes rol pa cir yang 'char// zhen snang rtog pa'i bag chags dang// zhing bcu gcod pa'i mtshon cha yin// 'khor lo rnam pa gsum yin te// gnas pa rtsa yi tsakra dang// rten 'brel srid pa'i 'khor lo dang// las grub sngags kyi 'khor lo'o// dang po bde chen longs spyod dang// chos dang sprul pa skye gnas lnga// gnas lugs chos sku'i 'khor lo'o// sems kyis de rtog de nyid grol// rten 'brel srid pa'i 'khor lo ni// nam zla dus bzhi lo zla zhag/'jig dang stong dang chags pa rnams// skye rga na 'chi bzhi ldan pas// mgal me lta bur 'khor zhing gnas// shing rta'am zo chun lta bu'o// las grub 'khor lo gsum yin te// bsnyen pa gnas 'gyur lha yi 'khor lo dang// sgrub pa gnas 'gyur sngags kyi 'khor lo dang// sbyor ba rten 'brel rdzas kyi 'khor lo'o// dang po lhar gsal rtsa ba'i drod thob cing// de bzhin nyid dang phyag rgya dang// byang chub sems dang tshogs rnams so// sngags kyi rtsa ba yan lag ni// bsnyen sgrub rtsa ba'i las sngags so// bka' sdod las dang gnan pa yi// bsnyen mchod bskang dang dmu thun dang// dmigs pa rten gyis rdzas rnams te// rang rang rten 'brel mthu yis grub// de ltar rnam pa kun tshogs pas// las rnams thams cad grub pa ni// sha ma ta yi 'jig rten na// mtshon cha'i 'khor lo lta bu ste// rgyu dang rkyen gyis 'khor bar 'gyur// rgyud ces bya bar gang gsungs pa// rgyu dang thabs dang 'bras bu dang// lta spyod dkyil 'khor dbang dam dang// sgrub dang phyag rgya phrin las sngags// de mtshon pas na rgyun mi 'chad// bde bar gshegs pa'i dgongs pa dang// rnal 'byor shes rgyud 'brel bas rgyud// yid bzhin nor bu lta bu 'di// sbyor ba du ma rtsa ba'i gnad// byang chub sems dang khro tshogs dang// rig 'dzin lnga dang mkha' 'gro'i 'khor// gshin rje bdud dang dmu btsan rgyal po dang// srin po dang ni lha mo dang// lto 'phye dang ni mi'am ci// gnyan dang sa bdag 'khor srun gza'// ging dang byad stems dregs pa'i 'khor// gsang ba'i bka' rgyud rol pa las// sgrub dang 'chang dang gnyer ba dang// khrag gi gsum pa gzung bar bshad// rnal 'byor sgrub pa'i gros gyis shig/ nga yang dam las mi g.yel srung// de phyir gsang ba'i rgyud don gtad// ces gsungs te mi snang bar gyur to// 'khor 'dus pa thams cad rjes su yi rangs shing mngon par bstod do// dpal mgon po nag po dur khrod mngon par rol pa mtshon cha 'khor lo'i rgyud las/ las gdams shing gtad pa'i le'u ste so drug pa'o//// dpal mgon po nag po dur khrod mngon par rol pa mtshon cha 'khor lo'i rgyud rdzogs so//// rgya gar gyi mkhan po bram ze gsal ba'i rgyan dang// bal po'i rgyal po ba su d+ha ras bsgyur ba'o////

CLOSE WINDOW