118a6 rgya gar skad du/ shrI kA la ma hA kA ya bAka tsit+ta kro d+ha tan tra nA ma/ bod skad du/ dpal mgon po nag po chen po sku gsung thugs khros pa'i rgyud ces bya ba/ khrag 'thung 'dus pa'i gtso bo bud+d+ha he ru ka la
118b1 phyag 'tshal lo// 'di skad bdag gis bstan pa'i dus gcig na/ chos nyid rnam par ma phye ba'i zhing khams rgyan yongs su bkod pa/ dkar ser dmar ljang mthing ga'i e gru gsum 'bar ba drag po'i gzhal
118b2 yas khang na/gsal 'tsher lhun sdug gzi byin 'phro ba/ khrag 'thung rig pa'i he ru ka lnga krod+hI shwa rI rig pa'i yum lnga dang 'khril cing/ mkha' 'gro rgya mtsho'i tshogs dang bcas te ye nas lhun grub tu bzhugs skad
118b3 do// bzhugs so bzhugs par gyur// 'di skad bdag gis thos pa'i dus gcig na/ khrag 'thung rig pa'i rtsal phyir 'khyams pas ma rig bdag 'dzin gyi rU tra lngar gyur te/ gshin sa dang/ gshin chu dang/ gshin mo dang/
118b4 gshin rlung dang/ gshin e nag po lnga dang// de rnams kyi chung ma srid pa sha za/ srid pa khrag 'thung/ srid pa drod 'phrog dang/ srid pa dbugs len/ srid pa'i rgyal mo mu kha le dang lngas khams
118b5 gsum kun gyi srog gcod cing sprul pa dang yang sprul sna tshogs par bkye ste// 'dod chags zhe sdang gti mug dang/ nga rgyal phrag dog dpung bskyed nas sa chu me rlung nam mkha' la gnas bcas te sems can
118b6 kun gyi snying la zhugs nas 'gro ba sdug bsngal gyis nyam thag pa de'i tshe de'i dus na khrag 'thung rig pa'i he ru ka lnga las/thugs rje rang byung gi 'od zer steng 'og phyogs mtshams med par 'phros so// ma rig pa
119a1 bdag 'dzin 'joms pa'i mtshon chas ni khengs// drag po sngags kyi rang sgra ni drag la ldir che/ 'jigs byed khro gtum gyi sku ni che la mang bas ma rig bdag 'dzin gyi rU tra lnga dang srid pa srog
119a2 gcod kyi chung ma lnga/sprul pa yang dang sprul pa sna tshogs pa rnams stong gsal 'dzin med du brgyal te ji ye bzhin par brgyal ba sangs nas khrag 'thung yab yum lnga rang du shes so// oM sku'i dbang bskur bas
119a3 gshin rje chung ma dang bcas pa khrag 'thung lha lnga yab yum du bsgyur te/'jigs byed phyag bzhi pa yab yum gyis sangs rgyas bstan pa'i mgon byed par khas blangs so// AHgsung gi dbang bskur bas zhi rgyas
119a4 dbang drag bzhi ru bsgyur te/'jigs byed chen po'i phrin las kyis sgrub pa po'i mgon byed par khas blangs so// hUM thugs kyi dbang bskur bas skye med 'o gsal 'dzin med du sangs rgyas te sems can kun gyi
119a5 snying la gnas bcas pas sems can kun gyi mgon byed par khas blangs so// sku brjod las 'das pas nam mkha'i mtha' dang mnyam pa'o// gsung brjod las 'das pas phrin las bzhi las
119a6 'dus pa'o// thugs brjod las 'das pas bsgral tshad byang chub pas so// mtshan yang ye shes mgon po phyag bzhi pa zhes grags skad do// grags so// grags par 'gyur bas/ nag po'i phyogs kyi ma mo dang/
119b1 lha dang/ klu dang/ bdud dang/ gza' dang/ tshangs pa dang/ gshin rje dang/ btsan dang/ gnod sbyin dang/ mi srun pa du ma lhags te/ da ni sangs rgyas 'byung ngo// 'dis bstan pa srung bar 'gyur ro// da ni
119b2 chos dar ro// ha la ha la zhes mi dga' ba'i tshig tu ma smra zhing nad rigs du ma'i rlung 'tshubs so// der khas blangs rjes su dregs pa zil gnon gyi ting nge 'dzin las bzhengs te/ oM AHhUM kro d+ha mA ra na mA ra na
119b3 zhes pa'i sgra bsgrags pas/shar du sa g.yos/ lho ru glog 'khyug/ nub tu 'brug ldir/ byang du thog babs/ sku khros pas zhal gyi dkyil 'khor gzugs med kyi khams nas khro zhing gtsigs/ sku lus gzugs
119b4 khams na 'khyil ba phyag bzhin snying dang/ral gri dang/ thod khrag dang/ rtse gsum bsnams pa/ zhabs gnyis phyed skyil du bzhugs te pad+ma nyi zla'i gdan la 'dod khams rigs drug mnan nas khro bo khyung gis
119b5 'jig rten gyi khams bkang ngo// gsung khros pas oM AHhUM ma hA kA la e ka dzA ti ma ma hUM hUM dgra bgegs mA ra ya mA ra ya hUM hUM phaT phaT/ ces stong gsum du bsgrags so// thugs khros pas gzi brjid
119b6 bskal pa'i me ltar 'bar te log pa'i dgra bgegs zhe la bcangs na skye med chos sku'i zhing du sgrol bar dam bcas pas mi srun pa thams cad brgyal rengs khrag tu skyugs so// dkar po'i phyogs kyi lha dang mi
120a1 dang lha ma yin dang dri zar bcas pa'i 'jig rten yi rangs te mchod pa'i sprin gtibs shing bstod pas hUM raM raM/dmar nag me yi dkyil 'khor nas// pad+ma nyi zla ro steng du// dpal ldan ye shes
120a2 mgon po ni// sku mdog mthing nag gsus po che// zhal gcig phyag bzhi phyed skyil bzhugs// g.yas gnyis tsit+ta ral gri bsnams// g.yon gnyis thod khrag kha T+wAM bsnams// zhal gdangs ljags 'dril mche ba
120a3 gtsigs// khro gnyer spyan gsum dmar la 'khyug/ ag tsam smin ma dbu skra ser// thod skam rin chen sbrul gyis brgyan// mi mgo'i do shal stag lpags dkris// 'jigs byed chen por phyag 'tshal
120a4 bstod// ces dpal nag po chen po'i sku gsung thugs khros pa'i rgyud las/ 'byung 'khrul rang shes gleng gzhi'i le'u ste dang po'o//// de nas 'og min b+han+d+ha 'bar ba'i gzhal yas khang skam rlon gyi mi
120a5 mgo'i rtsig pa brtsigs pa/khrag dang zhag tu 'khyil ba/ zhing lpags kyi bla re la zhing chung gi 'phan 'phyar ba/ rak+ta'i mtsho la tsit+ta me tog bkram pa na/ e ka dzA dkar mo dang/ dmar mo dang/ ser mo dang/ ljang
120a6 gu nag mo 'bum gyi gtso mo thod mkhar brgya'i bdag mo/srid pa las kyi 'byung khungs ma zhes bya ba'i bu mo tsan ti dbang phyug ma zhes bya bas rus pa'i byin gsol/ rak+ta dmar gyi skyems drangs nas phyag dang
120b1 bskor ba byas shing ye shes mgon po nyid las 'khril te/dgyes chen su la ma hA a mr-i ta/ e ma ngo mtshar rab 'jigs so// ma rungs dregs pa'i tshogs rnams la// zhing bcu sgrol ba'i las
120b2 bcol gyis// thugs rjes dgongs nas brgyal rengs slong// khrag skyugs phrin las dag la bkod// ces ni zhu ba rab bzhugs pas// 'jigs byed ye shes mgon po yis// gtum khros dgyes pa'i 'dzum
120b3 bton nas// d+harmA kA la shan ting ku/ zhes pa'i sgra yis brgyal bslangs nas// rang rang phyogs kyi sa la 'khod// de nas seng gdong gis gus pa'i tshul gyis 'di skad gsol// hUM gtso mchog 'bar ba'i phyag
120b4 bzhi pa// mthing nag rab 'jigs ye shes mgon// dregs pa'i tshogs bdag skyabs su mchi// brgyal rengs khrag skyugs grol mdzad cing// kun la drin chen lha mo'i sku// yum mchog tsa ti dbang phyug gtso// sku
120b5 mdog nag mo khro tshul can// zhal gcig phyag gnyis thod skam brgyan// phyag g.yas gri gug dgra snying 'byin// phyag g.yon thod khrag gtso la stob// mche gtsigs khro gnyer spyan gsum dmar// gcer bu
120b6 skra grol rus pas brgyan// zhabs gnyis yab la 'khril cing sbyor// gnyis med bde chen he ru ka/ khrag 'thung yab yum phyag 'tshal bstod// che mchog nyid kyi spyan snga ru// khas blangs khrag 'thung yab yum gyi//
121a1 bka' nyan las byed srog 'bul lo// si na ra hUM phaT tri hring dza/ bsad pa'i gtor ma bdag la zhu// gar rbad rlag byed bsgrub mchog skyong// sa ma ya/ srin po ha la pha ri dang// DA ki sha za nag
121a2 mo'i bu// sha za khrag 'thung bya rog gdong// gus pa'i tshul gyis 'di skad gsol// che mchog sprul pa khrag 'thung rgyal// dregs pa'i tshogs bdag skyabs su mchi// zhi rgyas dbang drag phrin las sku// dkar ser
121a3 dmar ljang mthing ba yis// las grub yab yum phyag 'tshal bstod// bstan srung gtso bo yab yum gyi// bka' nyan las byed srog 'bul lo// kA ka mu ka hUM sa ma ya srog dung dza dza/ sha chang dmar gyi gtor ma
121a4 zhu// bstan pa bsrung zhing bsgrub mchog skyong// srin mo blag 'bar mi thod can// bdud po sgos bye'i bu mo ni// 'bar ma nag mos 'di skad gsol// che mchog sprul pa phyag bzhi pa// bka' nyan las byed srog
121a5 'bul lo// ma ma nag po dza li ru hring dza dza// rag ta sha khrag gtor ma zhu// bla tshe 'phrog nas bsgrub mchog skyong// klu mo glog lcam 'bar ma dang// srin po rag sha ha li'i bu// rA hu la yis 'di skad
121a6 gsol// chos sku 'gyur med nag po che// phrin las lhun grub phyag bzhi pa// gnyis med bde chen yab yum gyi// bka' nyan las bgyid srog 'bul lo// rak+sha rA hu la pa hring dza/ sha khrag 'di la gtor ma
121b1 zhu// bla srog 'byed cing bsgrub mchog skyong// klu chen brgyad kyis 'di skad gsol// khrag 'thung khyung gi tshogs rnams la// gus btud bka' nyan rang srog 'bul// nA ga nA ga rA dza phu hring dza// dug rlangs
121b2 'byed cing bsgrub mchog skyong// shar phyogs rgyal pos 'di skad gsol// bdag ni khrag 'thung bka' la nyan// rang srog 'bul zhing dam nyams sgrol// king kar ra ra ra hring dza/ bshos bu gser skyems gtor
121b3 ma zhu// smyo 'bog gtong zhing bsgrub mchog skyong// sa ma ya na ra kan/ lho phyogs gshin rjes 'di skad gsol// bdag ni khrag 'thung bka' la nyan// rang srog 'bul zhing dam nyams sgrol// ya ma rA dza hring
121b4 dza// snying sna dag gi gtor ma zhu// srog rtsa gcod cing bsgrub mchog skyong// nub phyogs btsan gyis 'di skad gsol// bdag gi khrag 'thung bka' la nyan// rang srog 'bul zhing dam nyams sgrol// badzra sa du tsa
121b5 hring dza/bshos bu sha khrag gtor ma zhu// gzer thabs gtong zhing bsgrub mchog skyong// byang phyogs gnod sbyin 'di skad gsol// bdag ni khrag 'thung bka' la nyan// rang srog 'bul zhing dam nyams
121b6 sgrol// yak+sha nag po dun hring dza// bya dmar sha khrag gtor ma zhu// tshe srog sdud cing bsgrub mchog skyong// sa ma ya na ra kan/ dpal nag po chen po sku gsung thugs khros pa'i rgyud las/ srog 'bul khas blangs
122a1 kyi le'u ste gnyis pa'o//// tsa ti nyid kyis yang gsol pa// tshe srog sprul pa dregs pa'i gtso// ma sring smin byed dbang ni gang// dam tshig bsrung tshul ji ltar bgyi// khyed ni 'dul byed lha ni
122a2 ci// spyi bsgrub bsnyen pa ji ltar bgyi// sku gsung thugs kyi las mkhan dpung// mnyes shing 'du ba'i bsgrub rdzas rnams// 'dus pa'i 'khor la gsung du gsol// nag po chen pos bka' stsal pa// kye
122a3 kye 'dus pa'i 'khor tshogs nyon// rin chen bdud rtsi'i sa dag la// dkyil 'khor mda' gang gru bzhi bya// chos 'byung nyis brtsegs pad 'dab bzhi// de yi phyi rim 'khor lo bzhi// yang na pad+ma 'dab brgyad
122a4 bya// thod phreng rdo rje ra bar bcas// me ri dmar nag bskor ba la// pad+ma 'khor lo phyogs kyi tshon// gtor tshogs su mthong sin+d+hu ra// mchod lnga gsur che ltag sprod gling// legs par sta gon tshogs bcas
122a5 te// spyan drang bzhugs gsol mchod gtor dbul// zhi khro gzhung bsrang dbang bskur ro// zhes snang srid drag po dur khrod brgyad dang bcas pa'i dkyil 'khor du gyur te tsa ti dbang phyug gis yang gsol pa/
122a6 dpal ldan 'jigs byed chen po kye// 'jigs pa'i dkyil 'khor 'di ru ni// dregs pa pho mo slar gzhug pa// dpa' bo bla mas gsung du gsol// dpa' bo chen pos bka' stsal pa// ho dpal ldan khrag 'thung
122b1 yab yum gyi// 'jigs pa'i dkyil 'khor 'dir bzhugs legs// sangs rgyas bstan pa bsrung pa'i phyir// drag po'i phrin las grub par mdzod// oM ma hA kA la e ka dzA ti/ A be sha ya ma ma hUM
122b2 hUM// ye shes babs nas ldeg pa dang// ri rab 'gul zhing rgya mtsho 'khyams// sa rnams g.yos shing byin phebs pas// sangs rgyas zhing khams mtha' yas na// sgrub byed kun gyi rtags thon na// de nas bum pa
122b3 rab thogs te// nga yis bka' nyan dregs pa'i tshogs// 'jigs byed dkyil 'khor 'di la ltos// bdag ni yab yum he ru ka/ 'jigs pa'i nga ro me 'od 'bar// dpal dang ldan pa'i dbang bskur ro// oM
122b4 badzra rat+na pad+ma karma bud+d+ha// ma hA kA la e ka tsa ti a b+hi Shiny+tsa aM/ dbang thob sangs rgyas kun zhal mthong// bka' nyan bstan bsrung khas blangs so// phyag g.yon thod pa rab gtad do// byang sems dkar dmar
122b5 her ka'i bcud// bdud rtsi lnga ni khrag 'thung rdzas// dngos grub myur thob dbang bskur ro// AHma hA kA la e ka tsa ti ma hA su kha a mr-i ti/ a b+hi Shiny+tsa A/ dbang thob sngags dang dam tshig spyod// sngags kyi
122b6 sgor zhugs bu ltar dgongs// me long sin d+hu ra bstan te// dri med shel sgong rang rig sems// snang grag me long gzugs brnyan las// yab yum gnyis med sbyor cing rol// gsal la ngo stong dbang bskur
123a1 ro// oM hUM ma hA kA la e ka tsa ti/ pradz+nyA dz+nyA na a b+hi Shiny+tsa hUM/ dbang thob mchog gi sa la gnas// chos byed thugs dam tsam gyis 'gro// e ma ltos shig ltos shig sems la ltos// lus ni gsal
123a2 stong nga yi sku// ngag ni grag stong nga yi gsung// sems ni rig stong nga yi thugs// ngo bo mthong na 'khor ba med// rang bzhin mthong na sangs rgyas yin// thugs rje drag po'i las byas na// zhing bcu thar pa'i sa
123a3 la bkod// khrag 'thung rig pa'i he ru kas// nga yang de ltar smin par byas// sku gsung thugs khros pa'i rgyud las/ dbang gi le'u ste gsum pa'o//// tsa ti dbang phyug yang gsol pa// dbang gi
123a4 rim pa de ltar na// dam tshig bsrung tshul gsung du gsol// khrag 'thung chen pos bka' stsal pa// spyi ru dam tshig 'bum sde de// yan lag grangs ni dam tshig dang// bsgrub pa'i dam tshigs nyi shu bsrung// rtsa ba
123a5 sku gsung thugs yin no// bla ma yi dam rang re dang// mched lcam sems can ma khrel bsrung// zla dang zhar dang sku gsung thugs/ yan lag grangs kyis ma nyams na// dam can 'go bas mthu rtsal
123a6 'byung// mang pos bkur bas grags pa ste// yid du 'ong zhing sangs rgya'o// dam tshig nyams par gyur pa na// rdo rje dmyal ba chen por skye// mi bzad sdug bsngal myong bar 'gyur// dam tshig nyams pa'i snga ltas
123b1 su// rims dang yams nad 'tshe ba 'byung// dbang po 'gag cing mdze shu dang// yid du mi 'ong sna tshogs pas// dam tshig nyams pa rlag par byed// des na phyag dang bskor ba dang// sngags bshags ting
123b2 'dzin dag la 'bad// dam ldan bsnyen bsgrub rem la ni// sprin ltar 'du zhing bu ltar brtse// ci bcol phrin las kun sgrub pa'o// sku gsung thugs khros pa'i rgyud las dam tshig gi le'u ste bzhi
123b3 pa'o//// tsa ti dbang phyug yang gsol pa// dam tshig rim pa de ltar na// 'dul byed lha ni gsung du gsol// khrag 'thung chen pos bka' stsal pa// nga yi 'dul byed lha nyid ni// khrag 'thung rig pa'i he ru
123b4 ka/ma bskyed dbyings na gsal bar bzhug/ 'bral ba med cing gnas pa med// rang gi sems nyid rtogs par gyis// nga la skye ba'i yul med pas// 'chi ba zhes bya mi 'ong ngo// nga la 'gro dang 'ong med
123b5 la// 'du 'bral zhes bya ming nas med// nga la gsal dang 'grib pa med// nga la dgyes dang mi dgyes med// nga la bsgrub pa'i rdzas kyang med// bzlas par bya ba'i sngags kyang med// thams cad rang gi byed pa
123b6 yin// me long gzugs brnyan ltar shes na// snang grag 'dul byed lha yin no// brag cha lta bu shes pa yin// tshig rnams 'dul byed lha yin no// rig pa'i don nyid rtogs pa na// thams cad 'dul byed lha
124a1 yin no// zhi khro bskyed rim gsal ba na// nga nyid 'dul byed lha yin no// nga nyid yab yum gsal ba na// dregs pa 'dul byed lha yin no// khrag 'thung rigs lnga'o snying pos ni// nga nyid 'dul
124a2 zhing thams cad bsgrag/mchog dang thun mong dngos grub 'byung// sku gsum thugs khros pa'i rgyud las 'dul byed lha'i le'u ste lnga pa'o//// tsa ti nyid kyis yang gsol pa// 'dul byed lha ni de ltar
124a3 na// spyi bsgrub rim pa gsung du gsol// phyag bzhi pa yis bka' stsal pa// dkyil 'khor dbang dang mthun pa la// phyogs mtshon sgo dang bcas pa bri// dbus su thod pa kha sbyar nang// gri snying bya rog nal snying
124a4 dang// 'khor lor bcas pa dar nag gril// nas kyi tshom bu gtor mar bcas// yab yum gtso 'khor nyid yin no// he ru ka yi nga rgyal gyis// snying gar srog phul sngags bsams te// 'od zer dmar pos
124a5 dbang bsdus la// gsal ba'i sems kyis 'bum du bskyal// oM ma hA kA la e ka tsa ti g+hu na hri da hUM phaT ma hA kA la kha kha mu kha hUM/ sa ma ya srog dung dza dza/ ma ma rag mo dz+wa li ro tring dza/ san ra hu hring hring dza/
124a6 rak+sha rA hu la hring dza/ ging ka ra hring dza/ ya ma rA dza hring dza/ badzra sa du hring dza/ yak+sha nag po hring/ mi tshor bzlas na snang srid g.yo// 'gro ba kun gyi srog 'bral lo// ci bsam 'grub cing bstan pa bsrung// sku
124b1 gsum thugs khros pa'i rgyud las spyi bsgrub kyi le'u ste drug pa'o//// tsa ti nyid kyis yang gsol pa// spyi bsgrub rim pa de ltar na// sku gsung thugs kyis las mkhan gsung// nag po chen pos bka'
124b2 stsal pa// che mchog khros pa'i nus mthu yis// rU tra lnga btul nga yang lnga ru 'gyur// chung ma lnga ni btul ba yis// gtum pa'i dbang phyug tsan ti ka/ glog 'bar ral gcig sha za ma// ye nas lhun grub dgongs
124b3 pa shes// bstan bsgrub sems can mgon du bsgyur// dregs pa 'dul phyir sku che'o// phrin las bsgrub phyir gsung che'o// sangs rgyas zhing sbyor thugs che'o// ye shes mgon po yab yum grags// nga nyid stong pa
124b4 nyid yang che// nga nyid gsal 'tsher lhun nyid sdug/ nga nyid kun khyab bde chen 'khril// sku yi las mkhan bya rog gdong// bka' dang bstan pa khyod kyis srungs// gsung gi las mkhan 'bar ma
124b5 nag/bka' dang bstan pa khyod kyis srungs// thugs kyi las mkhan rA hu la// bka' dang bstan pa khyod kyis srungs// chos byed bsgrub mchog dam pa yis// bos pa'i dus na snyan ma sra// g.yab pa'i tshe na spyan
124b6 ma brtul// lus dang grib ma bzhin du 'grogs// brten pa'i tshe na phrag ma dog/ rbad pa'i tshe na mthu ma chung// gsod ba'i tshe na ngang ma ring// tsit+ta gtor ma ltag sprod lnga// dar nag gling du gser chen du// sha lnga
125a1 bdud rtsi lnga tshogs na// sha la sbrang bzhin khyed rnams 'dus// chos byed dam tshig can la ni// ci yang med las dam la 'dus// sngags pa dam tshig mi bsrung na// bsrungs kyang skal nyams las ma
125a2 byed// bya rog 'bar ma seng ge gdong// gza' bdud rgyal po gshin rje btsan// gnod sbyin klu dang mi srun tshogs// sangs rgyas bstan pa'i bka' 'di srungs// rnal 'byor yongs kyi dgra bla mdzod// rig 'dzin
125a3 kun gi srog shing gis// dam nyams kun gyi srog rtsa chod// bdud 'dul rnams kyi dbang phyug che// gtsug lag khang gi srung ma rnams// legs nyes kun gyi ltang 'dzin che// nag po stong gi tshogs kyis bskor// sha za
125a4 'bum gyi tshogs kyis bskor// gnod sbyin du ma'i tshogs kyis bskor// bdud pho nyi khri'i tshogs kyis bskor// mi srun drag po mthu chen rnams// bstan 'jig dgra bo zas su gtad// dam nyams sha zo khrag ni
125a5 'thung// snying phyung srog chod dus mtha' sdus// nor phrogs grang sgyel nye dang phyes// lo zlar ma bzhag za mar sgrol// ces yab yum chos nyid mnyam pa'i ting nge 'dzin la bzhugs te khrag 'thung rig pa'i he ru ka
125a6 la thim/dpal nag po chen po'i sku gsung thugs khros pa'i rgyud las/ las mkhan gnyer gtad pa'i le'u ste bdun pa'o//// de nas lha dang mi dang lha ma yin dang snang srid kyi lha srin sde brgyad rnams kyis/
125b1 bsad pa'i sha dang btsos pa'i chang// btsong sgog la phug spod rigs dang// kham bu ku shu bcol ti dang// rgun 'brum ka ra bu ram dang// rak+ta la sogs khrag sna stong// ma hA tsit+ta la sogs snying sna stong// mAM sa la
125b2 sogs sha sna stong// su ra la sogs chang sna stong// b+han d+ha nang khrol rus pa'i tshogs// dar nag rgyal mtshan gsur chen spos// rol mo'i tshogs kyis rab mchod nas// 'jigs byed chen po khrag 'thung
125b3 gis// gnyer gtad bka' bsgo spun gsum la// mgrin gcig bsdebs nas 'di skad gsol// chos dbyings skye med ngang shed nas// thabs dang shes rab gdug pa 'dul// drag po 'jigs byed skur bstan
125b4 pa'i// mgon po yab yum phyag 'tshal bstod// sngon tshe khrag 'thung spyan snga ru// bstan pa bsrung bar khas blangs pa'i// srin po'i gzugs 'chang gdug pa 'dul// bya rog gdong la phyag 'tshal bstod// nag po'i
125b5 las mdzad mkha' 'gro'i gtso// srin po'i gzugs kyi dug char 'bebs// sha za khrag 'thung rab 'bar ma// nag mo bya zhon ma la phyag 'tshal bstod// 'jig rten las grub dregs pa can// rang sngags dmod pa'i
125b6 mtshon cha yis// srog dbugs 'bral ba'i mthu bo che// rA hu la la phyag 'tshal bstod// de skad bstod cing 'di skad gsol// dus ni bskal pa phyi ma'i dus kyi tshe// chos la dgra dang 'tshe ba byed pa yis// gtsug
126a1 lag chos dkor gnyan po rlag par byed// phyir rabs sngags pa nang dme byas pa yis// zhing bcu gdug pa rU tra dar bar 'gyur// de tshe sgrol ba'i las bsgos ji ltar 'tshal// sgrub gnas zla ba gang
126a2 la bya// dkyil 'khor bsgrub rdzas ci dang ci// 'bod rbad gsad pa'i las mtha' gang// rtags dang mtshan ma ji ltar 'ong// ma grub spogs chog ji ltar bgyi// phrin las bzhi dang las tshogs dang// dngas ma srog
126a3 gi yi ge rnams// 'dus pa'i 'khor la gsung du gsol// sku gsung thugs khros pa'i rgyud las sgrol ba las zhus kyi le'u ste brgyad pa'o//// de nas las kyi mgon po yis// bya rog dag la rab zhon
126a4 nas// phyag gnyis gri gug thod khrag bsnams// stag lpags mi mgo g.yang gzhi gsol// kA kha mu kha kro ta mA ra ya/ bya rog khros pa'i gsung sgrog cing// 'dus pa'i 'khor la bka' stsal pa// zhing bcu rU tra dar
126a5 dus su// snying stobs brtson 'grus ngar ldan gyis// sems bskyed bstan srung dam bcas la// dur khrod lha khang brag nag phug/ zla ba tha chung bzhi po la// dur khrod la dkyil 'khor bya// spyi bsgrub dag dang
126a6 mthun pa yis// phung sa gsum la 'brub khung ste// khru gang rgya la dug khrag rtsang// rabs chad pho mo'i thod pa la// spu gri sngags kyi 'khor lo bri// pho thod steng la mo thod 'og/ bkang rdzas dang ni dri ma dang// dug sna
126b1 khrag sna thad phrom pa// grog mkhar spungs sa phye dang bsre// dgra bo'i 'dra 'bag ling+ga bya// ras sam gro ga dag la ni// ling+ga bris la snying gar gzhug/ thod nang bsgyel la 'brub khung nang// gzungs thag btags la
126b2 lha dang dbye// oM ma hA kA la a mr-i shag phye shag phye ma ma trag rU tra mA ra ya phaT/ sme rdzas dug gis bdug byas nas// skam rlon thun rdzas thod pa bcad// lug nag g.yag nag bya rog gsob// rgod dang bya rog rgod
126b3 dang mda'// 'khor lo stag gzig dgra snying bcas// nal gsob snying dang sbal mig can// gtor ma sha khrag chang gis bran/ sku gsung thugs khros pa'i rgyud las/ dkyil 'khor bsgrub rdzas bca' gzhi'i le'u ste
126b4 dgu pa'o//// yang ni bshad kyis legs nyon dang// pad+ma nyi zla'i gdan steng na// rje dpon gsal bar sngags 'di bod// oM ma hA kA la ka kha mu kha hU sa ma ya srog dung dung dza dza// ma ma rag mo dz+wa li ru hring dz+wa/
126b5 rag sha rA hu la sa hring dza// gdan drang bzhugs bstod mchod gtor dbul// sangs rgyas bstan srung mthu bo che// yab yum 'khor bcas dgongs shing gshegs// bdud kyi bar chod bsal ba dang// gdug pa dgra
126b6 bgegs bsgral ba'i phyir// drag po'i gzhal yas dkyil 'khor 'dir// gnyis med gdan zhugs 'phrin las mdzod/ sa ma ya/ A ka ra sha ya hwi dza A be sha ya tiSh+Tha lhan// khams gsum dregs pa'i mthu bo
127a1 che// 'jigs byed me 'bar yab yum sku// las mgon ging tshogs phyag 'tshal lo// bza' dang bca' dang btung ba dang// bshos dang kha zas sna tshogs dang// sgra dang dri dang ro dang reg/ bdud rtsi sha
127a2 khrag gtor ma 'bul// dgyes par dgongs la bzhes su gsol// ma hA kA la DAki nI sa ma ya/ d+hU pe puSh+pe gan+d+he hUM/ nai bit+ya A lo ke shap+da hUM/ ma hA kA la sa ma ya sarba pU dza ho/ b+ha ling ta khA hi ma hA maM sa khA hi/ ma hA
127a3 tsit+ta khA hi/ma hA su ra khwa hi/ pra be karma/ sarba ar+tha sid+d+ha ye swA hA/ de ltar dus bzhir mchod cing bod// sku gsung thugs khros pa'i rgyud las/ bod pa'i le'u ste bcu pa'o//// yang ni bshad kyis legs par
127a4 nyon/oM ma hA kA la e ka tsa ti g+hu na hri ta dgra bo aM ku sha ya dza dza badzra ma hA kA la a nu kaM/ dgra bo'o srog b+h+yo rbad/ kha la rag sha rbad/ snying kha la rag sha rbad/ srog la rag sha rbad/ snying khrag bal mo kha la rag
127a5 sha rbad/dza yA dza yA/ yeM yeM/ ldeng ldeng/ hram hram/ lhang lhang/ dgra bo'i srog la thum ril rbad/ ru ru shi ti kri ma ru sod// thums ma rag du sba sod/ kha dug sha Sha ma sod/ dgra bo'i srog la thums rbad sod rniya ya
127a6 rniya ya tsa dun sod// a mu kaM sa ka rbud mA ra ya srog la thunab+h+yo/ dgra bo che ge mo mA ra ya rbad sod// ram ta de'i bde ba byi nu tsan tra ru ba ni rA hu la dgra bo'i snying la khrag rbad// he ka li ma hA tsan d+ha tsan d+ha mA ra ya
127b1 rbad// 'bar ma seng gdong gza' bdud kyis// dgra bo gnas pa'i sa phyogs su// kha bltas nga ro drag pos rbad// bskul 'di gtang zhing mi lpags rdeb/ hUM// mi mngon dbyings nas bzhugs pa yi// bstan srung
127b2 dpal ldan nag po che// rigs lnga khrag 'thung sprul pa ste// chos skyong mgon po mthu bo che// bka' srung chen po dam tshig can// sku mdog mthing nag 'bar ba la// zhal gcig phyag bzhi 'jigs pa'i
127b3 gzugs// dbu skra kham nag gyen du brdzes// sbrul dang thod pa'i phreng ba bcings// zhal nas 'jigs pa'i khro gnyer gyis// bdud dpung ma lus skrag par mdzad// spyan gsum dmar la 'khrug pa yis// sdang mig
127b4 phyogs bcu kun tu blta// shangs nas drag po'i 'thor rlung 'bud// sma ra ag tshom smin ma ser// zhal gdangs ha ha hUM phaT sgrogs// mche gtsigs ljags 'dril rkan sgra rdeb// phyag g.yas dang po dgra snying
127b5 'dzin// 'og ma ral gri dgra srog gcod// phyag g.yon thod pa snying khrag 'thung// 'og ma kha T+wAM dug gsum 'joms// thung la sbom zhing gel ba'i gzugs// sku la mi mgo'i phreng bas brgyan// yan lag sbrul gyi
127b6 chun pos bcings// sku smad stag gi pags pas dkris// zhabs gnyis brdabs pas dgra bgegs 'dul// pad+ma nyi zla ro gdan la// dpa' bo'i stangs stabs tshul gyis bzhugs// me dpung 'bar ba'i klong dkyil
128a1 nas// khams gsum ma lus dbang du sdud// zhal nas me 'bar 'u ru ru// dbu skra ral mun ltar gtibs// spyan nas glog dmar khyugs se khyug/ snyan nas 'brug sgra di ri ri// drag sngags thog
128a2 ser chems se chem// dpal ldan mgon po drag shul can// mthun rdzas mchod pa 'di bzhes la// bdud dpung thal bar rlag par mdzod// bgegs dpung ma lus bsgral ba dang// dgra bo'i srog rtsa chod la
128a3 shog/hUM/ yum mchog tsa ti dbang phyug ma// zhal gcig phyag gnyis sku mdog nag/ gcer bu skra grol rus pas brgyan// phyag g.yas gri gug dgra snying 'byin// phyag g.yon thod khrag gtso la stob// zhal
128a4 gdangs spyan gsum mche gtsigs khro// zhabs gnyis yab la 'khril cing sbyor// bde chen stong gsum gar bsgyur la// gdug pa'i bu mo drag rtsal can// mthun pa'i dam rdzas 'di bzhes la// dam nyams dgra bo'i
128a5 snying khrag gzhibs// dus la bab po tsa ti ma// he ru ka yi spyan snga ru// khas blangs yab yum da rgyugs shig/ oM ma hA kA la tsa ti ma ma hUM hUM/ dgra bo'i bla rtsa thuM ril b+h+yo/ hUM ye shes mgon po yab yum gyi// sku yi
128a6 las mkhan drag rtsal can// me dpung 'bar ba'i klong dkyil nas// las kyi mgon po mthu bo che// mthing nag rab 'jigs bya rog gdong// zhal gcig phyag gnyis bya rog gdong// spyan gsum dmar po sdang
128b1 mig log/dbu skra dmar nag gyen du brdzes// zhal gdangs mchu ni khrag gis byugs// dgra bo'i snying khrag dron mo 'thung// rno gdug mche ba zla tshes gtsigs// dgra bo'i srog rtsa dmar po za// mi mgo'i phreng ba sku
128b2 la gsol// zhing chen pags pa stod du gon// stag gi sham thabs smad du dkris// gdug pa sbrul gyi ske rags can// sku lus sbom thung gsus po che// ma rungs kun 'dul mthu rtsal can// khyod kyi thugs dam dus
128b3 la bab// sngon gyi khas blangs dam bcas ltar// sangs rgyas bstan pa bsrung 'tshal gyis// sha khrag dmar gyis brgyan pa yi// dam rdzas bdud rtsi 'di gsol la// mgyogs byed bya rog chibs bskyod cig/ dgra la
128b4 rbad kyis sod la shog/phyag g.yas gri gug dmar po yis// dgra srog dmar po chod la shog/ phyag g.yon thod par khrag thogs la// dgra bo'i snying khrag dron mo gsol// sder mo lcags kyu 'bar ba yis// glo snying
128b5 nang khrol phyung la shog/sprul pa'i bya rog mang po'i tshogs// da rung dgra bo'i sha la chums// pho nya dgra bo'i bla la b+h+yo// sha za srin po mthu stobs can// dgra bo'i rtsa khrag khong nas 'thung// nag po 'khor bcas
128b6 dgra po nag po yi// las byed mi srun seng ge'i gdong// khas blangs bzhin du dam ma 'da'// bsad khrag 'khyil pa'i rba klong nas// nag po khrag ral sku bskyod cig/ rlung rta nag po chibs su chibs// sku mdog
129a1 nag mo 'jigs su rung// dar nag ber chen sku la gsol// phyag g.yas dar nag ba dan phyir// nag po'i ru dang lhabs se lhab// phyag g.yon thod par dma' gtor khyer// dam can pho mo sprin ltar
129a2 sdud// g.yu ral gseb nas seng chung 'phyo// 'jigs byed sprul pa sna tshogs 'gyed// gung gnyis rgyu zhing rlung 'tshub// bam ro pho mo spyi gtsug 'gro// rkang pas gtor khyer dgra la 'phen// las kyi mgon po'i bka'
129a3 'khor ni// mi srun drag po dgra bgegs 'dul// seng ge'i gdong can dgra la ya// dgra bo'i sha khrag gtor ma longs// nam phyed srog gi dngas ma chod// nyin phyed dbugs kyi rta pho phrogs// rlung dmar nad kyis
129a4 dgra rtsad chod// snying khrag dron mo zhal du gsol// bcol ba'i las 'di grub par mdzod// oM ma hA kA la si na ra hUM phaT ya ma rA dza dun tri phu tri dgra bgegs mA ra ya sod swA hA/ lam bsdubs ya ma chod/ kham 'thung
129a5 ra ma gtor/mA ra ya rbad sod// dpal ldan mgon po nag po yi// thugs kyi las mkhan mthu bo che// mgo dgu bya rog gdong pa can// 'jigs byed chen po ma rungs pa// sku mdog dud ka 'bar
129a6 ba la// ro stod srin po ro smad sbrul// mgo lus med par mig gis gang// sde brgyad kun gyi dmag dpon mdzad// phyag g.yas chu srin zhags pa thogs// phyag g.yon rA yi mda' gzhu 'dzin// las su gdug pa'i
129b1 dgra bgegs 'joms// sa chu me rlung dkrugs pa yis// dam nyams dgra bo myal thag chod// sha khrag til dang 'o ma dang// klu sman mchod pa 'di zhes la// bstan pa 'jig pa'i dgra bo 'di// lus srog dum bur
129b2 gtubs la shog/dus la bab po rA hu la/ rag sha ra hu la/ dgra bo'i dbugs chod/ thum ril rbad sod// b+h+yo/ dpal ldan mgon po nag po yi// shar phyogs sgrol ging mthu bo che// tshangs pa dung gi thor tshugs
129b3 can// shar phyogs gnam sa phyed kyi bdag/ dkar po zhal gcig phyag gnyis pa// g.yas pa dar mdung dgra la 'debs// g.yon pa mtshon cha'i 'khor lo bskor// chibs su rta dkar ze dmar chibs// sku la dar
129b4 dkar 'jol ber gsol// stag shubs g.yas la gzigs shubs g.yon// khyod kyi thugs dam dus la bab// bshos bu gser skyems 'di gsol la// bstan pa 'jig pa'i dgra bo 'di// smyo 'bog nad kyis sod
129b5 la shog/ging kar dgra bo'i srog la breng shag rbad b+h+yo/ dpal ldan mgon po nag po yi// lho phyogs sgrol ging mthu bo che// gshin rje dmar po 'gong po'i rje// lho phyogs gnam sa phyed kyi bdag/ dmar po zhal
129b6 gcig phyag gnyis pa// g.yas pa spu gris dgra srog chod// g.yon pa btsan zhags dgra la 'debs// chibs su btsan ra dmar po chibs// rgyab na bse yi phub phub dmar khur// steng na bse yi bya khra lding// khyod
130a1 kyi thugs dam dus la bab// snying sna'i gtor ma 'di bzhes la// bstan pa 'jig pa'i dgra bo 'di// shan pa'i spu gris gtubs la shog/ ya ma tri ling rbad/ dgra bo'i snying la dgu rmugs rbad// b+h+yo/
130a2 dpal ldan mgon po nag po yi// nub phyogs sgrol ging mthu bo che// btsan gyi rgyal po rdzu 'phrul can// nub phyogs gnam sa phyed kyi bdag/ sngo nag zhal cig phyag gnyis pa// g.yas pa rdo rje dgra la
130a3 gsor// g.yon pa dgra snying dmar po 'dzin// sku la za 'og ber chen gsol// chibs su seng ge sngo nag chibs// sprul pa lcags spyang sngon po 'gyed// khyod kyi thugs dam dus la bab// bshos bu sha khrag 'di
130a4 gsol ba// bstan pa 'jig pa'i dgra bo 'di// gzer thabs nad kyis sod la shog/ hri badzra sa du/ dgra bo'i bla la rgyug rgyug rbad// b+h+yo/ dpal ldan mgon po nag po yi// byang phyogs sgrol ging mthu bo che// gnod
130a5 sbyin lcags kyi ber ka can// byang phyogs gnam sa phyed kyi bdag/ nag po zhal gcig phyag gnyis pa// g.yas pa lcags kyi ber ga bsnams// g.yon pa dgra snying dron mo za// sku la re nag slog pa gon// chibs su
130a6 bdud rta nag po chibs// bdud kyis khram thogs dgra la 'gyed// khyod kyi thugs dam dus la bab// bya dmar sha khrag 'di gsol la// bstan pa 'jig pa'i dgra bo 'di// tshe srog dus mtha' sdus la
130b1 shog/yag sha nag po rgyug phreng/ dgra bo thums ril rbad sod// b+h+yo// gzhan yang mgon po'i bka' 'khor na// nag po'i dmag tshogs nyo re re// nag mo zor 'phen sha ra ra// sha za khrag 'thung phungs se
130b2 phung// gnod sbyin srog gcod ra la la// bdud pho khram thogs ye re re// drag po'i pho nya sha ra ra// rgya mo mon mo lhems se lhem// bya rog mang po thibs se thib// ce spyang du 'bod di ri ri// mthun pa'i dam rdzas
130b3 kun bzhes la// bstan dgra phung gsum g.yab kyis thob// bdun rgyud rtsad nas chod la shog/ ma hA kA la yi sha tsa yak+Sha mA ra ya sarba duSh+tAM sarba sha trUM/ aM ku sha ya dza/ mA ra ya/ na sha ya/ thum ril thad/ sku
130b4 gsung thugs khros pa'i rgyud las rbad bskul gyi le'u ste bcu gcig pa'o//// yang ni bshad kyis legs par nyon// ma hA kA la ka kha mu kha/ dgra bo'i srog thums ril rtsa la breng shig/ tsit+ta rmugs/
130b5 khrag thibs rbad/ ling shag rbad/ nri hur thums dza khram rbad/ ri tra kham tsi ta shag dgra ba'i tsit+ta gzer thim rbad/ badzra yak+sha spre ta na b+ha ra ru sa gri na ru pa hUM phaT/ thibs khams shag dun/ dgra bo'i rtsa srog snying la
130b6 gzer thums mA ra ya la rbad sod/rag mo nr-i shang ku ru ru lu thums rbad/ rag mo kha la rtsa dun b+h+yo/ rag ta thun rbad/ rtsa la rtsa thun b+h+yo/ rtsa rtsi ta rbad/ snying la dun/ rag mo kha la tsa tsa dun b+h+yo/ tiSh+Tha bam rim/ sa ma
131a1 ya dun b+h+yo/sod sod/ skam thun mtshon la rlon thun nad// bsams la a mU ka la brdeg/ me rlung mtshon gyis gtubs par bsgom// sku gsung thugs khros pa'i rgyud las gsad pa'i le'u ste bcu
131a2 gnyis pa'o//// yang ni bshad kyis legs par nyon// oM ma hA kA la kha mu kha kro d+ha a mu kaM nr-i shang ku ru rbad/ snying la thums ril tsit+ta rbad/ srog la myags chod rbad/ sod sod snying phyung srog rtsa
131a3 rbad// thums nr-ir dgra bo sod rbad/ ma hA kA la dgra bo'i srog la mA ra ya rbad/ hab hab hub hub ma ma rag mo hab hab hub hub sa mA ra hUM phaT/ hab hab hub hub/ rag sha rA hu la hab hab hub hub/ ging
131a4 kar hab hab hub hub/ya ma ra dzI hab hab hub hub/ badzra sa du hab hab hub hub/ yag sha nag po hab hab hub hub/ phur pa brdab cing gri gug gtubs/ oM ma hA kA la ka kha mu kha/ dgra bo'i snying la ram/ srog
131a5 la ram/rtsa la ram/ ma hA kA la sa ma ya rbad/ ru pa da ha da ha dz+wa la raM/ pa tsa pa tsa dz+wa la raM/ ban+d+ha ban+d+ha mA ra ya dz+wa la raM/ ma hA sha ya ni srog la ni/ dgra bo'i snying la ya ya/ dgra bo mA ra ya hUM phaT/ las kyi dkyil
131a6 'khor 'brub khung can// drag po'i me spar ling ro dbul// oM ma hA kA la gu na hri da/ dgra bo da ha da ha stam b+ha ya nan/ pa tsa pa tsa stam b+ha ya nan/ ya ma ya ma ha ya stam b+ha ya nan/ ma hA kA la ka kha mu kha mi rus ma
131b1 a nan ya g+ha ti ra/dza ha ta/ sa gu mA ra ya// stam b+ha ya hUM phaT// ling ro bsregs pa'i thal ba la// dgra bo'i gzugs ni byas nas kyang// mchod rten gzhi mdo them 'og mnan// dgra bo gnas pa'i phyogs dag
131b2 tu// khrag zor gtor zor thun zor 'phen/ sku gsung thugs khros pa'i rgyud las gtub bsreg mnan gzer las mtha'i le'u ste bcu gsum pa'o//// yang ni bshad kyis legs par nyon// bag dro byin
131b3 che chos nyid gnas// lus bde nyams 'bar rig pa dngas// gtso bo ye shes yab yum rtags// dngos sam rmi lam nyams snang la// zhal ston byin rlob ming yang ston// phyi ma khrag 'thung rig pa yi// lha la bstim
131b4 nas mngon sangs rgyas// spyi bsgrubs rtags ni 'di ltar 'byung// mi nag bud med bya rog zhon// nga dang 'bar ma yin pa'o// rta nag zhon na seng ge gdong// smigs mangs sbrul zhugs me 'od gza'// rta dkar
131b5 mdung can rgyal po ste// ra dmar zhub can gshin rje'o// zab slag seng ge chibs pa dang// gnod sbyin rta nag lcags mkhar thogs// sbrul mgo sbal pa thogs pa klu// me 'bar rlung 'tshub ce spyang bya// spre'u khyi dang
131b6 bya khra dang// spyang ki g.yag nag la sogs stag/ ban sngags rta nag mi nag dang// a tsa ra dang bya rog dang// bud med rgyal mo mon mo dang// thog 'tsheg thug choms 'di yis khengs// bad po dus kyi rtags yin
132a1 no// dmag 'dren grong bsgyel btson bzung dang// rta phyug ra lug dgra khrid dang// bya rog khra yis sems can gsang// rbad pa dus kyi rtags lnga yin// rta phyugs ra lug ri dwags gsad/ dmar
132a2 gsod nang khrol ster dang za// mgo bcad snying phyung ro dang ni// bse dris khengs nas khrag dri bsnams// rang yang 'grangs shing shes pa hur// gsad pa dus kyi rtags yin no// ling+ga gas shing sums pa dang// khrag
132a3 rul mnam zhing gzugs mi gsal// gtum rngams dus kyi rtags yin no// me ni dmar gsal 'bar skyen na// bsreg pa dus kyi rtags yin no// blo bde rmi lam nyal song na// mnan pa dus kyi rtags
132a4 yin no// 'ur rdo skad che me stag 'phro// zor 'phen dus kyi rtags yin no// snying dang lag med yang yang rmi// las 'grub mi 'gyang rtags yin no// bya rog 'thab dang dmag rogs 'dzings// mi nag khro dang bud
132a5 med 'du// 'tshub nag thag nag rmi ba dang// tshig pa za zhing mi dga' dang// khro tshig byed na 'khu ldog rtags// mda' mdung rdo dang ser ba babs// skyes pa bud med la sogs pas// gos dang lag cha med pa
132a6 dang// yang na rwa chegs rdung byed dang// khral 'dod rgyan 'gyed shags 'gyed dang// rang yang ltogs shing skom pa dang// bya rog spu med g.yag ru chag/ dar nag mdung bsnyil rmis pa dang// zlog pa byung ba'i
132b1 rtags yin no// dang po 'phrul che bar du lhangs/ mtha' ma sha yi longs spyod rmi// nus pas bstan pa srung bar byed// grags pas kun gyis 'khur bar 'gyur// rnal 'byor dam tshig ma nyams nas// las kun
132b2 'grub par the tshom med// sku gsung thugs khros pa'i rgyud las/ rtags kyi le'u ste bcu bzhi pa'o//// yang ni bshad kyis legs par nyon// oM ma hA kA e ka tsa ti lhun hri ta hUM phaT/ ma hA kA la ka kha mu kha ru
132b3 tra ti nan rtsa khrag tsit+ta rgyas/sreg khri khrag hur thums dza/ ma hA kA la dgra bo'i rtsa khrag tsit+ta hur srog la thum ril rbad/ nr-i thums thums tsit+ta rkud rbad/ srog la rmugs/ tsit+ta rbud rbad myogs/ tsit+ta ku la rbad/ rbad
132b4 yam/rbad thums/ rbad raM/ rbud myogs/ rbad la ma thud myogs/ rbad lam rbud myags/ rbad ma hA kA la dgra bo'i srog la myogs thums ril rbad// rtags dang ldan pa las 'gor na// rang nyid he ru ka ru
132b5 bsgom// zhi khro skul zhing skam thun brab// lce dril drag sngags mgo gzhug bzlog/ nyin par sngags des rU tra gsad// the tshom med pa'i drag sngags 'di// blo la mi gzur rang la gzan// sku gsung thugs khros pa'i
132b6 rgyud las spogs pa'i le'u ste bco lnga pa'o//// yang ni bshad kyis legs par nyon// nad gdon zhi ba'i las byed na// rje 'bangs 'khor bcas dkar por bsgom// rgyas pa'i dus su ser po ste// dbang gi
133a1 dus su dmar po la// drag po ljang nag 'od zer 'phro// 'jam zhing rgyas shing dbang gi shing// drag po'i shing rnams bsag bya ste// zlum po gru bzhi zla gam dang// gru gsum dkyil 'khor steng du
133a2 cig/sku bskyed bsreg rdzas dbul zhing bstod// zhi ba shIn+taM ku ru swA hA/ ba su rat+na puSh+tiM ku ru swA hA/ a mri nr-i ba shaM ku ru swA hA/ rU tra mA ra ya phaT// lan grangs brgya rtsas las kun 'grub// he ru ka yis 'khu ldog
133a3 'chings// rang 'og gnan pas ban dgra 'chings// rten gtor bcas pas sri'u gsos// gtor thor 'phangs na rbad 'dre bzlog/ phur pa'i rtse yis ser ba thub// rde'u dkar nag zho chang srung// tsha tshas gzhan gyi
133a4 ngag ni non// bum pas ngag mnan byas pa khrol// rdzas sna bzhi yis ltas ngan 'grub// rdzas sna gsum gyis jag pa bcings// lha mos nor rnams ster bar byed// rdzas sna gsum gyis mig mthong 'grub// rdzas
133a5 sna bcu yis ser ba phebs// khyung gis char pa phebs par byed// rdzas sna dgu yis bud med khugs// tshogs gtor bshos bus thugs dam skongs// gang byed rtsa sngags sham bur bsgyur// sku gsung thugs khros
133a6 pa'i rgyud las/las tshogs kyi le'u ste bcu drug pa'o//// yang ni bshad kyis legs par nyon// hUM dang ma gnyis rje yi srog/ yab yum dbyings nas shar ba ste// he ru ka dang gnyis su med// hUM ru hUM sa
133b1 las mkhan srog/gtso bo yab yum gnyis med ni// gnyis su med pa'i sprul pa'o// ra yA tsa du ging bzhi'i srog/ 'chug med srog gi gnad bskul bas// glag khra gzan la 'thums pa bzhin// gang la dmigs
133b2 pa'i dgra bo de// rlag par byed cing rang la 'du// ci bcol bsgo ba'i las kun byed// sangs rgyas bstan pa nga yis bsrung// dbang ldan bsrung ba mi sgrub re// zhes sku gsung thugs khros pa'i rgyud las/ dngas ma
133b3 srog gi le'u ste bcu bdun pa'o//// yang ni bshad kyis legs par nyon// nag po khros pa'i gsang rgyud 'di// spyi gtsug ngag tu khur nas kyang// klog dang 'chang dang kun chub kyis// mchod pa'i tshogs
133b4 kyis rab mchod la// sangs rgyas bstan pa rgyud 'dis srung// rgyud 'di bzhugs pa'i sa phyogs su// dregs pa'i tshogs rnams rab 'di zhing// 'di la bsrung zhing bsgom zlos na// sha la sbrang bzhin 'du bar
133b5 byed// bu ltar brtse zhing las kun 'grub// thogs med nus pa'i rtsal skyed do// dpal nag po chen po sku gsung thugs khros pa'i rgyud las/ rgyud gtad pa'i le'u ste bco brgyad pa'o//// sku gsung thugs
133b6 khros pa'i rgyud le'u bco brgyad pa gsungs pas/lha dang mi dang/ lha ma yin dang/ mi srun drag po'i 'khor rnams yi rangs te/ nag po chen pos gsungs pa la mngon par bstod do// sku gsung thugs khros pa'irgyud
134a1 rdzogs so//// e ma ho// u rgyan pad+ma bdag la yang// sku gsum thugs ni khros pa'i rgyud// bsil tshal dur khrod mgon po yis// gsungs shing bkrol nas bdag la gtad// ye shes 'tsho
134a2 rgyal thugs la chongs// phyi rabs don du gter du sbas// las can gcig gis rnyed nas kyang// sangs rgyas bstan pa bsrung bar shog/ gsod byed gri gug gi rgya yod do// sa ma ya/ rgya rgya rgya/ gter rgya/ sbas rgya/
134a3 gtad rgya'o/// 'dir dpal mgon ma ning nag po'i las rgyud le'u bcu gsum pa/ dngos grub bstan gzigs le'u bcu gcig pa rgya gter byon/ mgon po nag po snying gi dngos grub bstan gzigs rtog
134a4 pa ldang rgya'i gter byon rnams 'ongs dgos kyang dpe ma 'byor///


CLOSE WINDOW