30a2 rgya gar skad du/ badzra man+t+ra b+hi ru san+ti ma ra tan+t+ra nA ma/ bod skad du/ drag sngags sa la 'dus pa rdo rje rtsa ba'i rgyud ces bya ba/ bcom ldan 'das mthu stobs kyi bdag po la phyag 'tshal lo// 'di skad bdag
30a3 gis thos pa dus gcig na// bcom ldan 'das rdo rje 'dzin pa chen po nyid// ri rab chen po'i yang steng/ lcang lo can gyi gnas mchog/ rab tu brgyan pa'i pho brang chen po na// yum chen mo 'byung ba lnga'i bdag mo
30a4 dang// gnyis su med par snyoms par zhugs te// sku las 'od zer sna tshogs rab tu spros nas/ 'jig rten gyi khams kyi gdug pa can dang/ dregs pa can dang/ gzi brjid can dang/ drag shul can la sogs
30a5 bdag gi gnas thams cad rab tu g.yo zhing bskyod par mdzad pas/de dag gi sde dpon dang bcas 'khor dang g.yog tu bcas pa rnams/ rlung gi shugs kyis bskyod pa bzhin du lhags pa ni 'di lta ste/ gshin rje tshe
30a6 bdag nag po chen po yum dang bcas pa dang/bdud nag po chen po me'i kha rlangs can dang yum bdud mo nag mo khrag 'dzag ma dang/ srin pa'i rgyal po gsod byed nag po yum dang bcas pa dang gnod sbyin chen po
30b1 gang ba bzang po dang/yum gnod sbyin mo sha za ral gcig ma dang/ lha'i rgyal po dbang phyug chen po dang/ ru tra'i bdag po thar pa nag po dang/ rmu rje btsan po rgyal po chen po dang/ phyi rol lha'i bdag po kA la nag
30b2 po dang/khyab 'jug chen po kun tu rgyu ba dang/ klu'i bdag po gzhon nu gtum po dang/ lha'i rgyal po li byin chen po dang/ gnod sbyin chen po lag rgyu pa dang/ bdag nyid chen po rdo rje mdzes pa dang/ klu bdud chen po
30b3 yam shud dmar po dang/gzhan yang lha dang/ klu dang lha ma yin dang/ za byed dang/ yi dwags dang/ 'byung po'i tshogs dang/ pho nya'i tshogs 'jigs par byed pas bsam gyis mi khyab par rab tu 'dus so// de
30b4 nas bcom ldan 'das kyis gdug byed chen po'i 'khor de dag rab tu 'dul bar mkhyen nas// dur khrod chen po'i dkyil 'khor mngon par sprul par mdzad de/ nam mkha'i dbyings kyi dkyil 'khor dag/ gzugs
30b5 su brnyan pa rab tu 'jigs// sgra ni mi snyan drag cing gtum// dri ni mi zhim rul myags bsung// ro ni kha skyur tsha bar bro// reg bya tsha rtsub mi sdug spyod// zhe sdang chen po'i me 'bar zhing// nga rgyal keng rus brag tu
30b6 gtams// gti mug mun nag rab tu 'thibs// 'dod chags khrag gi chu chen 'brug/ phrag dog rlung ni rab tu 'khrugs// sti ra chen po'i longs spyod la// stag gzigs can gzan ce spyang dang// kAng ka dur bya
31a1 'dab chags tshogs// sha za khrag 'thung rus pa 'joms// bam dang rul dang myags pa dang// bye dang bral dang gzhig pa dang// zos dang 'thor dang rab tu 'thor// brul dang zags dang brlag pa
31a2 dang// rtsod dang rgod dang glal ba dang// 'jigs shing gdug dang rngam pa dang// rol pa'i longs spyod rab tu sprul// kun kyang gdug pa'i sems 'chang zhing// gsod gcod shag gtub lus kyi las// tshig rtsub
31a3 brlang ba'i nga ror 'byin// khros pa'i brtul zhugs drag po yis// ma lus 'dul zhing tshar gcod pa'i// mngon par gcod la rab tu bkod// 'di ltar mthong zhing snang gyur ba// kun rdzob tsam du snang ba
31a4 las// sems can gcig gi ba spu la// cung zad gnod pa yod med de// rang gi rnam rtog bde bar spyod// nges pa'i de nyid kho na'o// cho 'phrul chen po bstan pa'i gleng gzhi'i le'u ste dang po'o//// de nas
31a5 sangs rgyas thams cad kyis// rdo rje 'chang ba'i rgyal po yis// dus gsum rgyal ba sras bcas kyis// thog ma med pa'i dus nyid nas// ma lus bstan pa bsrung mdzad pa'i// gsang bdag chen por dbang bskur
31a6 phyir// gnod sbyin lag na rdo rje 'chang// lnga brgya'i grogs dang bcas pa yis// so so gtso chen mdun nyid nas// rang gi stan las rab tu langs// mngon du spyod pa'i sprul pa mdzad// thugs kyi gnas pa'i sa bon
31b1 las// phyogs bcu nam mkha'i mthar thug kun// ljang nag rlung gis rab tu dkrogs// khrag gi rba klong 'khrug cing g.yo// sha rus gtams pa'i sa gzhi las// bskal pa'i me ri rab tu 'bar// b+han+d+ha 'bar ba'i
31b2 gzhal yas khang// gdug cing 'jigs su rung ba ni// stobs chen rnams kyang nyer mi spyod// phrin las ma lus rdzogs mdzad lus// phyi nang mtha' dbus kun la khyab// bstan la rab sdang pha rol pos// phung po
31b3 zhabs kyi gdan du bting// 'od gdan gtsang ma gsum dang bcas// che ba mchog gi skur mdzad de// rig can mthar gnas dbur mnan cing// stong pa bco brgyad dag cing snang// phyag gis dregs pa'i lha brgyad
31b4 bsgral// b+han+d+ha tsit+ta g.yas g.yon bsnams// thugs kyi dbang rtags dang pos gzung// thugs rje mi 'gyur mthing nag mdog/ mi 'jigs rig par mnan pa'i zhabs// bdud bzhi phyogs dang bcas pa
31b5 gnon// ma lus dbang du sdud pa'i phyir// ral pa kham nag srid rtse 'bar// 'bar ba'i spyan gyis khams gsum gzigs// gdangs pa'i shangs kyis srid gsum rngub// shangs kyi rlung sgras stong gsum khyab// rno
31b6 dbal tshems kyis gdug pa sgrol// ljags 'dril rkan sgra drag por brdebs// khro gnyer 'od kyis dbang du sdud// dpa' ba'i chas kyi rab tu brgyan// bsrung ba'i lha rnams sku la rdzogs// stobs ldan de nyid mnyes
32a1 mdzad pa'i// 'byung ba che la dbang sgyur ma// dbu gsum phyag drug zhabs bzhi ma// gri gug tri shUl bdud rtsi g.yas// b+han+d+ha zhing chen g.yang gzhi g.yon// gtso bdag tshul 'dzin rab tu sgeg/ dgyes
32a2 mdzad rab tu rol pa las// 'dul byed sprul pa rab tu 'phro// phyogs bcu 'jig rten khams kun gyi// gtum po gdug pa'i tshul 'chang ba'i// drag sngags bdag po ma lus kun// rang nyid so so'i 'khor bcas
32a3 pa'i// brten dang gnas la re rer snang// rang dbang med par 'dud cing g.yo// oM badzra sarba duSh+tAn e ka ya ma ma b+he ra b+ha gr-i h+Na hU~M phaT/ bdud dang gshin rje srin po dang// gnod sbyin lha dang log lta can// rmu rje
32a4 che dang phyi rol phyogs// gdug byed mkha' la rgyu ba dang// byol song ltos 'gro lus 'dzin dang// nga rgyal 'chang dang sprul pa can// mtha' 'khob gnas mtha' ma lus rgyu// lha bdud mi ma yin gyi gnas// kha ba
32a5 can du phyogs shing bsreg/las kyi lus kyi nus pa'i 'byin// ma lus pa rnams thams cad kun// shugs drag rlung gis bskyod pa bzhin// rab tu 'dar zhing mdun du gnas// thugs rje bdag pos dgongs mdzad
32a6 kyang// gtum rngam 'jigs byed chen po'i sku// gsang tshig drag po gsung gi sgras// ma lus tshim par bka' stsal pa// e ma 'jig rten khams kun gyi// drag sngags bdag po dregs pa can// sngon gyi rdo rje 'chang
32b1 chen dang// rang gi bka' las ma 'da' bar// khyed rnams rang gi 'khor dang bcas// so so'i lus dang btags pa'i ming// rigs dang brten dang byed pa'i las// sde dang cha lugs longs spyod rnams// 'jigs
32b2 byed gnas 'dir myur du ston// khyed rnams 'di las 'da' byed na// nga yi srog gi dam tshig gis// khyod kyi lus sems srog dang bcas// ma lus gtan nas brlag par bya// zhes bka' stsal nas/ drag sngags kyi
32b3 tshogs 'di dag kyang bka' stsal to// oM sarba duSh+tAn+ta ka ha na da ha pa tsa hU~M phaT/ ya ma rA dza mr-i ta ga s+ya ma ma/ k+She ta mA ra ya hring hring dzaHdzaH/ du phrag rA dza dug dun ma ting mA ra ya hring hring dzaHdzaH/ rak+sha rag mo ma ma ra
32b4 ti ka mA ra ya hring hring dzaHdzaH/yak+Sha a pa sma ra rak+sha mi ru sham pa mA ra ya hring hring dzaHdzaH/ ma ha de ba shwa ra rA dza mA ra ya hring hring dzaHdzaH/ ma trang+ka ru tra kA la mA ra ya hring hring dzaHdzaH/ mun mun pa tsa tsit+ta mA ra ya hring hring
32b5 dzaHdzaH/tirti ka ma te ma hA de ba mA ra ya hring hring dzaHdzaH/ bi Sh+tu phi tra rok+ti dza mA ra ya hring hring dzaHdzaH/ nA ga rA dza ku ma tsan+d+ha mA ra ya hring hring dzaHdzaH/ rA dza b+hu long e sa ya mA ra ya hring hring dzaHdzaH/ ma hA khu lo sa b+ho mA ra ya hring
32b6 hring dzaHdzaH/badzra sA d+hu/ so aM tsa mA ra ya hring hring dzaHdzaH/ a b+hi shu traM li mA ra ya hring hring dzaHdzaH/ nr-i hur thums dzaH/ sha tru~M mA ra ya rbad ces brjod cing sku 'jigs byed 'bar ba ni slar yang 'jigs su rung
33a1 bar bstan to// sangs rgyas thams cad kyi zhing khams stong gsum kyi stong chen po'i 'jig rten gyi khams thams cad ma rungs pa'i sgra chen po dang/ 'od dang glog 'bar ba dang rlung gi shugs drag pos
33a2 gang bar gyur to// bdud dang gshin rje la sogs pa'i phyogs bcu'i dregs pa can rnams kyang rang rang gi 'khor dang bcas te/ rab tu 'dus nas rang rang gi rigs kyi dregs pa dag phul te/ bcom ldan 'das
33a3 nyid kyi mdun du nye bar gyur nas/bka' rab tu bsgrub par brtson par gyur to// drag sngags 'dus pa rtsa ba'i rgyud las byin brlabs chen pos dbang du bsdu ba'i le'u ste gnyis pa'o//// de nas bcom
33a4 ldan 'das la 'jig rten gyi khams kyi bdud kyi rgyal po me'i kha rlangs can zhes bya ba/mdog nag po// kha nas me 'bar ba/ lag na khram shing dang bdud zhags nag po thogs pa/ zhing lpags kyi gos gyon pa/ yum
33a5 bdud mo nag mo khrag 'dzag ma zhes bya ba/lag na khram shing dang thod pa rlon pa thogs shing/ gos su mi lpags gyon pa/ bdud rta nag po la khyo shug gnyis char zhon nas/ bcom ldan 'das kyi spyan sngar bdud kyi
33a6 rigs kyi lha'i tshogs dang bcas nas rings par lhags so// de bzhin du 'chi bdag gshin rje zhes bya ba/ mdog nag thod pa gri gug 'dzin// chung ma gshin rje za byed ma// gri gug thod pa phyag gis 'dzin// khyo
33b1 shug zhing lpags rlon pa bgos// ma he chu glang zhon nas ni// gshin rje pho mo'i tshogs dang bcas// 'gal byed gzor zhing myur du lhags// srin po gsod byed yab yum yang// mdog nag zhing gi pags pa
33b2 bgos// ral gri gri gug g.yas kyis bzung// g.yon gyis mi mgo thod khrag thogs// stag dang seng ge zhon pa skyod// srin pa'i tshogs bcas myur du 'khod// gnod sbyin gang ba bzang po dang// chung ma sha za ral
33b3 gcig dang// mthing nag mgyogs byed rta la zhon// zhing lpags gyon te phyag gnyis kyis// ral gri dar nag zhing lpags bzung// gnod sbyin tshogs dang bcas te 'khod// drag sngags bdag po'i sde dpon
33b4 te// shar lho nub byang phyogs dag gi/ gnas su gtso la 'dud cing 'khod// dbang phyug chen po zhes bya ba// 'jig rten lha yi sngags dag gis// dkar po ba dan shel gri thogs// dar dkar gos can gnam ru
33b5 zhon// dregs pa lha yi bdud 'khor bcas// rings par bcas de shar phyogs 'khod// thar pa nag po zhes bya ba// mdog nag mchod gtor dug thun 'dzin// dom nag gzhon te zhing lpags bgos// sde dang bcas
33b6 te lho phyogs 'khod// rmu rje nag po zhes bya ba// dar nag dang ni zhags pa thogs// ber nag gyon te rmu rta zhon// rang gi sde dang nub phyogs 'khod// mu stegs nag po chen po yang// kha T+wAM dang ni tri shUl bzung// mi
34a1 lpags bgos zhing ma he zhon// rang gi sde bcas byang du 'khod// khyab 'jug rog ti zhes bya ba// mthing nag khram shing dgra s+t+wa 'dzin// sprin nag bgos shing 'brug sngon zhon// gza' bdud 'khor
34a2 bcas steng phyogs 'khod// klu rgyal sog ma med ces pa// gos nag sbrul lpags na bza' can// bum pa dang ni rus sbal 'dzin// chu srin zhon te klu tshogs bcas// 'og gi phyogs su 'khod cing 'dug/ gzhan yang
34a3 li byi lag dgu dang// the se gtso dang yab shud kyi// so so'i sngags kyi bdag po dang// dkar ser dmar po'i mdog ldan zhing// shel gri thogs shing lag dgu 'gyed// dar dmar mdung ring lag gis 'dzin// rta
34a4 dkar bya rgod ra skyes dang// rta dmar zhon te zhing lpags bgos// so so'i sde dang g.yog bcas shing// phyogs kyi sgo bzhir gnas bcas 'khod// gzhan yang lha klu gnod sbyin dang// ma mo gshin rje srin po
34a5 bdud// ru tra mu stegs 'gong the dang// ging rmu gza' dang rgyan bran sman// snang srid lha srin dregs pa can// ded dpon chen po rnams kyi 'khor// phyi dang nang dang gsang ba dang// yang gsang dang ni drag po
34a6 dang// btags shing chags pa smas pa dang// las byed shan pa thor shong dang// che grags rtsal dang ma mo dang// mun thibs stong 'khrugs srog gcod dang// glen zhing dbang che la sogs rnams// bcom ldan rdo rje
34b1 'chang ba yi// bka' bzhin rjes su sgrub byed pas// ma thogs dur khrod gnas chen du// 'dar zhing myur ba'i shugs dang bcas// rang gi nus pa rab bstan te// bka' nyan gsung bstod rjes 'brangs gnas// de
34b2 ltar 'khod pa'i 'jig rten pa'i dregs pa'i bdag po sngags kyi stobs dang ldan pa de dag gis/rang rang gi 'khor dang/ rigs kyi sde dang/ mthu dang/ longs spyod kyi khyad par dag kyang/ bcom ldan 'das kyi spyan
34b3 sngar bstan nas/'di skad ces kyang gsol to// bcom ldan 'das rdo rje 'dzin pa chen po// bdag cag la sogs pa 'jig rten gyi khams na gnas pa'i/ ma rungs pa'i tshogs gdug pa can sdang ba/ gnod pa dang/
34b4 shugs pa dang/ 'tsho ba dang rtsod pa'i bsam pa dang ldan zhing/ byams pa dang/ snying rje dang/ phan pa'i sems skye bar mi nus rnams kyis te/ rang rang gi khams dang/ byed pa dang/ rigs dang/ las kyi bya ba dang/
34b5 rten dang/ nus pa dang/ dbang gi khyad par dag dang/ mthun pa'i bstan pa mi bzad pa stobs dang ldan pa dag bka' stsal par gsol zhes gsol to// drag sngags 'dus pa rtsa ba'i rgyud las tshogs kyi dkyil
34b6 'khor rab tu bkod pa'i le'u ste gsum pa'o//// de nas rdo rje 'dzin pa yis// sku yi che ba rab ston cing// gsung gi snying pos gnad skul te// thugs kyi dgongs pa gtsor mdzad nas// 'jig rten dregs
35a1 pa can dang mthu stobs can// 'dus pa'i 'khor la bka' stsal pa// hU~M 'jig rten dregs pa'i tshogs chen rnams// nga yi bka' bzhin nyan par bgyi// nga ni chos sku bde chen te// ye nas ma bcos
35a2 lhun gyis grub// snang ba'i sku la dngos po med// ye shes sku ste sku yi mchog/ nga ni sngags gsung mthu chen te// ye nas tha snyad sgra dang bral// brjod pa'i gsung la 'dzin pa med// ma 'gags gsung ste gsung gi
35a3 dpal// nga ni bden pa'i thugs mchog ste// ye nas mtshan med yang dag bral// gnyis med thugs las rtsol ba med// skye med thugs te thugs kyi dpal// nga ni yon tan tshogs chen te// lhun gyis grub cing
35a4 bsam mi khyab// smon med dgos pa ma lus 'byung// dngos grub chen po bskyed pa'i gzhi// nga ni phrin las mdzad pa'i ste// yongs rdzogs brtson pa'i bdag nyid can// zhi rgyas dbang dang mngon du spyod// sna tshogs
35a5 gzhan don lhun gyis rdzogs// 'jig rten sngags bdag dregs pa can// gtso chen dbang sgyur khyed rnams kyang// nga dang dus gsum sangs rgyas kyi// thugs dang ye shes gnyis su med// gsung dang dbyer ba yod ma
35a6 yin// sku la so sor mi blta ste// yon tan mnyam pa nyid du rdzogs// phrin las gcig ste thun mong bsgrub// thog ma med nas da lta'i bar// nyon mongs las kyi rgyu 'bras kyi// gnas ngan len gyi phung por smin// nga
35b1 rgyal dregs pa'i lus ngag sems// stobs dang nus pa dpag med rdzogs// che btsan dbang phyug ldan gyur kyang// yang dag nges pa'i don ma rtogs// don dam bden pa khong ma chud// spros bral dge la blo ma
35b2 phyogs// rang rig rgyal ba'i stobs ma rnyed// skye med dbyings kyi rtsal ma shar// bde chen gnas kyi gdeng ma thob// mtshon med bcud kyi ro ma myos// chos nyid sku yi gzugs ma mthong// ye shes glong gi sgo ma
35b3 phyed// de bas rigs kyi bu rnams kyis// rang gi gnas la rab tu rtogs// lus la bdag tu yod ma 'dzin// ngag la brjod par ma smra zhig/ sems la dngos por gang ma rtog/ gnas yul rigs khams sde dang
35b4 dpung// brten rdzas longs spyod dbang skal rnams// nga dang nga yir gzung bya min// thun mong dang ni tha dad gcig/ de dag ma lus stong pa ste// stong pa nyid kyang de dag go/ de las gud na gzhan med de// gzhan
35b5 las gud na'ang de med cing// ma skyes ma 'gags mtshan nyid med// ma phri ma bsnan ma bslad cing// ma bcos ma bsgyur ma byung la// ma skyes ma bsgrubs ma bshad pa'i// don chen de ni rang nyid las// phyi nang snga
35b6 phyi steng dang 'og/phyogs mtshams 'khor 'das lus dang sems// kun nas rnyed pa ma yin te// 'di na'ang yod pa ma yin no// sha khrag pags dang rus pa dang// snying dang glo ba snod rnams dang// dbang po yan
36a1 lag bcas pa la// bde chen dam pa de mi gnas// de las gzhan na'ang gnas min te// gnas ma grub la gnas zhes brjod// gnas yod mnyam na der rtogs shig/ ci 'dra ci zhig ji lta bu// gang
36a2 nas 'ongs shing gang du song// gang na 'dug cing ci zhig byed// dbyibs dang kha dog ming dang mtshan// rigs dang khams la rab tu rtogs// de la de yis der bltas pas// mthong ba med pa blta ba yi// gang la
36a3 gang gis gar bsgoms pas// bsgom dang bral la sgom zhes bya// ci la su zhig spyir spyod pas// spyod dgu mi gnas spyod pa che// su las sus thob ci bsgrubs pas// ma grub rang gnas 'bras bu ste// ma lus med
36a4 cing rnam pa yi// yon tan yongs rdzogs dbang phyug go/ zhi dang rgyas dang mngon du spyod// dbang du bsdu ba phrin las yin// rang la rdzogs shing rang gis grub// thag chod pa dang bstan pa dang// tshad ldan mthar phyin
36a5 la bzla dang// 'das dang ma 'das ston pa dang// bshad dang nyan dang sdud pa dang// gnas dus yon tan skyon rnams ni// rang gi de nyid rtogs pas 'grub// ces bka' stsal to// drag sngags 'dus pa rtsa ba'i
36a6 rgyud las don dam pa'i gnas nye bar bstan pa'i le'u ste bzhi pa'o//// de nas rdo rje 'dzin pa yis// dgos pa chen po 'di gsungs te// ye nas ma byung ma skyes pa'i// chos nyid don gyi snying po ni// gzung
36b1 'dzin mtha' bral don rtogs te// nga bdag 'dzin pa'i rnam rtog gis// dregs shing gzir ba'i ru tra de// ma bsgral ba ni nyes pa ste// thabs dang shes rab snying rje gsum// mthun zhing mtshungs ldan sras kyis
36b2 bsgral// dam pa'i don de ma rtogs par// dngos por spyad pas 'khor bar ltung// mkhas rtogs ldan pas spyad pa yis// 'phags pa mnyes shing sems can sgrol// tshogs nyid rdzogs te sku gsum thob// rnam
36b3 rigs mthong bas la thag bcad// brtul zhugs drag pos bsgrub pa brtsam// dbang du bsdu dang gdul ba'i phyir// 'jig rten las kyis bsdus pa'i rgyud// nga dang ston pa rnams kyis bshad// chos dbyings rang
36b4 gnas dur khrod du// rig pa 'dzin pa rnams kyis ni// sangs rgyas bstan pa'i don du sdud// snyigs ma rab tu bdo ba'i dus// bsdod cing btsugs las ltos pa'i chos// skyon dang yon tan tshul du 'byung// bstan
36b5 pa 'jig byed las ngan can// drag sngags stobs kyis bsgral byas nas// rdzogs pa'i sangs rgyas thob par 'gyur// dkyil 'khor gnas pa'i rten yin no// lha dang sngags dang ting nge 'dzin// rdzas rnams rgyu dang
36b6 rkyen du 'gyur// ling ga nya'o dmigs pa'i rten// ming rus byang bus rnam shes dang// bla tshe 'khor ba'i rten yin te// 'gugs 'dren gyis ni de dag 'gugs// pho nyas las kun sgrub par byed// sngags dang rdzas kyi
37a1 dpal skyed cing// thun rdzas rnams kyis myos pa dang// rengs lkugs mtshon 'bebs rdul du rlogs// gnad du 'bebs shing snying nas 'dren// lha dang 'byed cing rtsa ba gcod// byang chub sems kyi
37a2 dngos po ni// don po khrag gi lan bu'i mgo// kun gzhi til 'bru tsam zhig gnas// rtsa ba rlung gnas 'dra bas te// phur pa me sbal lta bu yis// bsdus shing bsregs te gcad pa yis// dmigs pa rten dang bral
37a3 bar byas// bkrag dang gzi mdangs rang la 'dus// phrin las rnam bzhis gzir ba la// dge sdig ngo bo nyid du mnyam// lta spyod ldan pas zhing bcus te// pha rol bla med gnas su bsgral// bar ma do yi rnam shes
37a4 ni// hU~M dang phaT kyi 'phro 'du yis// sbyang dang spar ba'i las rnams bya// phyogs bcu rgyal ba'i sras su bskyed// phung po lhag ma tsam nyid ni// rten gsum gyis ni rab tu sbyang// chos sku'i gzugs brnyan bstan par
37a5 bya// 'dis ni pha rol bla na med// sprul pa dus gsum sangs rgyas dang// rgyal sras byang chub sems dpa' yi// spyod pa rlabs chen spyad pa'o// zhes bka' stsal to// drag sngags 'dus pa rtsa ba'i rgyud las sgrol ba'i
37a6 ting nge 'dzin gyi dmigs pa'i le'u ste lnga pa'o//// de nas rdo rje 'dzin pa yis// las kyi bye brag 'di gsungs te// thog mar 'di la shis pa'i gnas// dur khrod chu gling ri yi sul// khros shing gdug pa'i
37b1 gnas de ru// rab tu mnag cing gdeng ldan pas// dam tshig ldan pa'i sgrub po ste// yongs su rdzogs pa'i slob ma yis// sngon du bla ma mnyes byas shing// lhag pa'i lha nyid stobs dang ldan// rdo rje 'dzin pa he ru
37b2 ka/nye dang ldan pa gnyis su med// tshad dang ldan par gyur pa ste// yang dag nges pa'i rtags mthong nas// rab tu 'bad par bya ba ni// smin 'byor gdug cing shis pa'i sa// las la mngag pa de dag la// dregs
37b3 pa gtso 'khor dmigs pa'i rten// 'dom gang la sogs tshad dang ldan// lte ba las ni 'khor lo'i rtsibs// bzhi'am drug gam brgyad du 'god// bar khyams phyogs bzhir sgo bzhir bcas// rim pa gsum gyi thod
37b4 phreng ldan// rang gi rigs la sngags pa yi// dbyibs dang kha dog rgyan dang rtags// thams cad ldan pa nyid du bya// dregs pa can rnams sku yi rten// bris sam brkos sam brtsigs pa dag/ rang gi gnas su mdzes
37b5 par dgod// gsung gi snying po'ang de bzhin no// thugs rten rang rang phyag cha 'am// sngon nas bsags pa'i rdzas yin no// rang sngags bsags pa'i 'khor lo dang// mthun gzugs srog gi rgyal mtshan
37b6 rnams// nang du mtshon pa'i rten du gzugs// de dag tsit+ta so so ru// dmigs pa'i snying po dril te gzhug/ gsang zhing sbas pa'i rten du 'gyur// de yi byang shar phyogs mtshams su// nga yis sngar bshad rgyud
38a1 nyid la// e dbyings bzhi dang brgyad bcu gnyis// khru gang mdzub gang thur du brko// gdug cing drag po'i rdzas kyis byug/ gdug cing bsreg pa'ang de yis so// de nyid dgod pa'i rdzas rnams
38a2 ni// rgyud med gzugs ngan ka pA la// seng ldeng gser shing yan lag skyes// dpal ldan drag po'i phur pa dang// shes nag gnam ru gnag po dang// gi ling dkar dang gdong dmar dang// zla mi gcig dang srid
38a3 shig dang// tsa ra ka dang mgrin snyan dang// sa spyod chu spyod rnams kyi lus// phyi nang bar dang gsang bas brgyan// bsreg chen spyi yi mnyes pa'i rdzas// rgyan ldan gzugs dang rnga gling sgras// bsung chen dri dang sha
38a4 khrag ro// tsha rtsub reg dang 'dra bcud bshos// sha chen dam rdzas bdud rtsi'i tshogs// rab tu bstar zhing 'bad pas sbyar// dpa' zhing rtul phod skyes bu yis// nga yi sngon gyi phrin las bzhin// khro la khros pas zhi
38a5 mdzad de// tha mas gnas pa'i 'byung chen lnga// drag po sngags kyi 'byung bar bsgom// keng rus 'bar ba'i ri rab bam// dur khrod 'jigs pa'i gzhal med khang// b+han d+ha gnas rigs gsum gyis brtsigs// sti
38a6 ra gsar rnying tshogs kyis gtams// rak+ta dmar po brub cing 'bab// tshil chen dud pa 'khyil zhing 'phyur// dbang po don snying 'phyo zhing 'brul// bdud rtsi bshang gci dri bsung ldan// yan lag nying lag rkang zhing
38b1 snyil// shun dang pags pa brgyangs shing 'phyar// phyogs bzhi mtshams dang steng dang 'og/ gcus dang 'phyang ba bskum dang brgyangs// rgyal mtshan dang ni za ra tshags// ba dan bla re lhab lhub dang// phur pa dang ni
38b2 ltab ma dang// yol ko ka ma la gtams ni// rab tu mdzes pa'i rgyan gyis brgyan// gzhal yas 'bar ba de 'dra ba// rab tu sngags pa'i 'di las bshad// dregs pa'i bdag po yum dang bcas// sbyor zhing dgos
38b3 pa de nyid kyis// bdag gi rang bzhin yongs su bskyed// 'phro dang chas kyi khyad par dang/ bsdu dang rang gi gnas su brtag/ skur gyur gang gi mtshan nyid ngo bo dang// byang chub sems kyi bya ba yis// yum dang
38b4 bcas pa yongs su rdzogs// de yi las kyang sngar bzhin du// rgyal mdzad rang gi phyag rten du// dmigs pa myur lhags de yi 'khor// bdud dang gshin rje srin po dang// gnod sbyin drag po'i klu dang lha// rang rang
38b5 chung mar bcas pa dag/ngas bshad bzhin du 'jigs par bsam// sgo bzhir gnas pa de dag ste// lha dang ma mo rgyal po ging// btsan 'gong rmu dang mu stegs dang// rang gi sde dang dpung du bcas// ma lus
38b6 dregs pa can gyi tshogs// 'di las rab brjod gang yin pa// de nyid du ni gsal bar bya// nga yi sku dang gsung dang thugs// ye shes rigs kyi dbang bskur zhing// byin gyis brlabs nas rgyas
39a1 btab ste// de la rang bzhin gnas pa bstim// yongs rdzogs sku yis bstan pa bsgrub// phyag 'tshal mchod pa 'bul zhing bstod// rab tu mnyes pa rgya cher bya// phyi dang nang dang gsang ba yis// bsdu
39a2 dang sbyor dang sgrol ba dang// gnas dang ring dang rim pa dang// bskyed dang dbab pa mnyes pa yi// gnas lugs lhun grub ma bcos pas// drag sngags rol pa ma 'gags spyod// rang gi las la sbyar ba
39a3 ni// bdud kyi khram dang gshin rje'i lto// srin po'i dmar dang gnod sbyin byad// lha yi chad dang ma mo'i rims// gza' yi ki kang klu yi dug/ tshe tshad pa dang khri mon bcug/ gcan gzan 'dzums dang lcags sgrog
39a4 tshud// nad dang mtshon nyid khong zhugs dang// dug 'thungs thog babs bzhin du drag/ thar zhes bya ba gdags su med// bdud ni ma brtags srog la rgol// gshin rje 'khor ba'i 'khor los gcod// srin po ral
39a5 gri'i so yis 'gems// gnod sbyin gnam lcags thog gis 'joms// lha ni 'dod pa'i mdung gi sor// ma mo dpag med mda' bzhin 'bigs// gza' bdud stobs chen sgyogs kyis brdeg/ klu ni sa 'og ral
39a6 gri sogs// thams cad 'dul zhing gcod pa'i sngags// mun pa gling 'khrugs bdud kyi skad// ngu 'bod lta bu gshin rje ste// ro len dur ba srin pos 'gren// lce mdud drag po gnod sbyin no// bka' chad drag stsal
39b1 lha yi dmod// ngu 'bod gdung ba ma mo ste// 'brug sgra glog 'byin gza' bdud do// klu yis sbrul nag dug gis 'joms// 'jig rten lha srin rang sgra yis// phal pa rnams la dmod par byed// de ni drag sngags
39b2 dmod pa'o// zhes bka' stsal to// drag sngags 'dus pa rtsa ba'i rgyud las dmod pa nye bar bsgrub pa'i le'u ste drug pa'o//// de nas rdo rje 'dzin pa yis// so so'i drag sngags dmod pa bstan// phung bshig
39b3 bdud kyi drag sngags ni// rabs chad nag po'i thod pa ru// shel nag snying du nya'o stsal// dur khrod ras nag rgya yis gdab// tshon sna lnga'am nag pos bcings// gri lcags spug ma srog rtsar gzhug/ yungs kar
39b4 yungs nag til nag dang// ske tshe shang tshe zi ra dang// zangs lcags rdo yi phye ma dang/ dug khrag ngar dang bcas pa rnams// mu su ra yi thod par bsdu// bdud kyi srog tig sngags kyis mngag/ bdud po nag po kha
39b5 mun de ba mi la cho// ka la mu tri mA ra ya/ dgra bo snying ling tsit+ta rbud/ nr-i bzlum khyigs/ bram bram ro la 'dus/ zer sprugs/ ro sprugs/ bdud rjes chod/ bdud mos rol/ bdud bus gtor/ ba~M khyigs/ bra ma ni/
39b6 sha tru~M mA ra ya rbad/ mun pa gling khrugs zhes bya ba// ma 'ongs bdud kyi rang skad de// rtag tu brjod cing sbug mar brab// gang la dmigs pa de myur du// snang srid bdud kyis srog nas 'dren// mi nag go mtshon
40a1 bcas pa dang// sngags nag bud med mon dang rdo// khyi nag rta nag bya nag dang// rgod nag dre nag shel nag dang/ ri nag mtsho nag shel nag tshogs// dmag dang 'khrug dang 'thab pa dang// khrid
40a2 dang gsod dang sha ba dag/las byed grub pa'i rtags su 'gyur// de nas nya'o bstabs shing bsgral// gro mtshon phur pa rnams kyis gtub// lhag ma bdud rtsi sha rag sbyar// ku ku nag po'i zas su sbyin// rol par
40a3 mi byed bskyar la bsgrub// ru tras myos shing 'thib nas 'chi// 'chi bdag gshin rje'i drag sngags ni// rgyud med pho mo ka pA la// za ma tog tu kha sbyar la// nang du de nyid tsit+ta gzhug/ pho thod steng nas spyi bor
40a4 phug/bcing dang dgab pa drang ba dag/ sngar bshad rdzas kyis brab cing brdeg/ ya ma me ta k+She/ ra tsa sa to me/ ru tsa na yo ni/ ro ma tsa ni/ sa ma rA dza/ mu ka snying khrag rtsal rbad/ ya ma dbugs la rngubs/ ro tsa ya ma
40a5 rA dza/rA dza ba~M ril rbad/ ya ma rA dzaHhri snying gong chod// ya ma snying/ ya ma khrag/ ya ma du ba~M ril rbad/ gshin rje bsdus shing dril ba'i sngags// rab tu bsngags te tsit+tar brab// sha khrag chen pos mnyes par
40a6 bya// gsod byed nag po'i tshogs rnams kyis// don snying rlon par ster ba dang// snying dang thod pa 'phar ba 'byung// de nas las la sbyar byas na// gang la dmigs pa myur du sgrol// gtum khro sr-in po'i dmod pa
40b1 ni// myur shi'i thod par de snying nang// dmigs pa rnams kyi gzugs brnyan de// ming sngags ldan pa btsal byas te// le brgan kha dog dar gyis dril// sngo dmar skud pa'i dra bar bzhug/ sti ra gsar pa kha phye
40b2 la// dbang po don snying nang grol gyi// srin po skang zhing dmod pa bzlas// rag sha srin po sa mun dzaH rag sha ru tra hur hur b+h+yo// ru gnyan nag po dgra la b+h+yo// dgra bo mu la shin ni sod sod/ hab le hob le kha thun
40b3 b+h+yo// rag sha dzaH tri ta dzaH du ra du ra shan dzaH rag sha rbad// nr-i mA ra ya sod// dmod pa rdzas la bzlas shing brdeg/ mi nag shan pa'i tshogs rnams kyis// khrid dang gsod dang don snying ster// las la sbyar ba tshul
40b4 bzhin gyis// dgra bo'i don po myur du sgrol// drag sngags gnod sbyin drag sngags ni// rta dkar snying dang thod pa ni// nya'o gzhug pa'i snod du bsngags// rag chen la phug mu sa la// snying sna khrag sna sbyar bas
40b5 mchod// gnod sbyin srog tig dmod la brjod// yak+Sha ba hu da ri dzaH/ ma ga la bag sha dzaH ru ru ma ru tra ma ti dzaH yak+Sha snying la shad shad du dzaH yak+Sha srog la breng thuM dzaH ming shar tshogs dang 'od dang sgra// rlung dmar
40b6 dag dang bu yug 'ong// gsang ba'i rdzas kyis drag tu brdeg/ lhag ma bsregs shing rlung gis gtor// de nyid khrag tu skyugs te sgrol// drag rtsal lha yi drag sngags ni// lha g.yag dkar po'i snying nang
41a1 du// brnag pa'i gzugs dang ming rus bris// sngon dmar skud pas ske nas gdags// rje rigs thod pa'i nang du gzhug/ dar dkar gyis ni kha bcad la// tshon skud sna lngas bcing bar bya// bya rgod
41a2 dar ma'i sgro rtsa ni// srog rtsar bcug la dkyil du brtol// dkyil 'khor mda' gang gru bzhi la// dbus bu gru gsum thur du bru// lha rdo gsum gyi sgyed po la// gong gi thod pa gzhag par bya// mthun rdzas bshos
41a3 gtsang rngon cha dang// ru dkar snying dang shel dkar snying// bya dkar snying dang ru mtshon dang// ba dan dkar po rten du gzugs// yungs kar sngags kyi mda' chog ni// thun gyi rdzas su gzhag par bya// drag sngags
41a4 snying gi nang du brab// stobs ldan rdo rje 'dzin gsal bas// lha rnams 'dus pa'i sngags rnams sbreng// ma hA de ba ti dzaHti dzaH/ sa ma phra man rag sha ka~M ka la ya hU~M/ de ba rA dza ma hA ni dzaH/ dgra bo ma ra ya thun
41a5 rbad thun rbad/shag sen dzaHdzaHshag sen dzaHdzaHhU~M hU~M/ tsa tur mu kha rag sha ma na/ kang ka ma ya hU~M/ ma hA de ba a mu ka mA ra ya sod/ 'jig rten grags pa mthu rtsal can// lha yi bod rbad gsad gsum dril// drag tu
41a6 bzlas shing snying nas brab// rtags ni rgyal po rje dpon dang// skyes pa stag chas dar ma dang/ zhub can pho tshogs 'ong ba ni// gsod gcod byed dang snying 'byin dang/ dngos su snying phyung 'phang ba 'ong// rtags byung
41b1 snying nas ling ka dbyung// mtshon gyis gtub la me la bsreg/ thal ba nya'o byas nas ni// thod par bcug la lha rten nam// 'jig rten lha chen gnas sar mnan// lha yi dal yams dgra la phebs// nang bdag ma
41b2 mo'i drag sngags ni// nr-i dri'i mo yi thod pa ru// de yi snying nang ling ga gzhug/ mthing nag dar gyis kha gcod la// thod pa tshon skud lnga yis bcings// dkyil 'khor mthing nag gru gsum dbus// thod pa bcug la
41b3 bsgrub par bya// smug nag gsum gyi snying khrag gis// ma mo 'khor dang bcas pa mchod// yungs kar yungs nag ske tshe sogs// drag po'i thun rdzas tshogs tshad la// ma mo rnams kyi dmod pa'i sngags// ma ma snying kha
41b4 rag/ma ma snying kha rag/ ma ma rak+sha/ ma ma rag sha/ trag rag sha snying khrag la hubs dzaH snying khrag rtsa la dun dun/ trag rag sha ma ma dzaHdzaH dam dam dgra snying rbad bu nan ma ma nr-i snying tsit+ta la thun/ trag
41b5 rag sha trag rag sha mo thun thun/mugs mugs myogs myogs rbad rbad dzaHdzaHma ma thun/ snying khrag thun/ sha ti ta ma ma rag mo// sa ma ya b+h+yo b+h+yo/ ma mo'i srog tig bsdus pa yis// gsad pa las kyi ngan sngags 'di// gri lcags
41b6 las byas sbu gu'am// bya rgod sgro rtsa'i nang nas bsngags// ma sring mon mo phal mo dang// byi mo la sogs bud med tshogs// bya nag rgod nag tshogs chen lhags// dngos su sha dang mgo sug ster// tsit+ta dngos su
42a1 'phar ba dang/bsad rtags yongs su rdzogs pa dang// snying la phur pas gdab cing bsad// dug shing ma la sbyin sreg bya// thun khrag dmigs pa'i dgra la 'phang// thal ba bsdus la nya'o bya// dur
42a2 khrod dbus su gnas par bya// rims nad dag gis dmigs pa sgrol// drag po'i gza' yi drag sngags ni// mon pa nag po'i ra rog po'i// thod par snying nang ling ga gzhug/ srog rtsar gri lcags spu gu
42a3 gzhug/yungs kar yungs nag zangs lcags phye// thun du sngags te thod par brab// mA ra pa sha mi ki/ du ru du ru/ ma ti dz+wa la ti dzaH tsa ba ma ni/ ru ru ra hu la/ a tra ta tra pad ma sha ra sha ra shasta/ a mu ka mu ra ru
42a4 phaT/tri ling ka shang+ka du dri/ dzaHdzaHyag sha thun/ bum dril shi ni ba~Mb+ha ba hi/ kha yag kha dun ti/ ru ti shu ti ti trig shu la pra ti/ mA ra ya dzaH/ dbang chen gza' yi drag sngags 'di// drag po'i rdzas la bsngags te
42a5 brdeg/sha rul khrag rul btsos dang rjen// dkar gsum dmar gsum rdzas kyis mchod// nyi zla klad la 'khor ba dang// mon pa nag po 'ong ba dang// sbrul chen gshog can 'khrug pa dang// bar snang 'ja' yis
42a6 khengs pa dang// dgra bo dngos su khrid nas 'ong// rgod dang ri dwags gsod pa dang/ don snying nang khrol ster zhing rol// de lta'i gsod rtags rdzogs pa dang// snying dang long ka hoM mer bsreg/ thun rdzas
42b1 dgra yi yul du gtor// thod pa klu yi brtan sar sba// chu 'khyags ser ba drag tu dbab// hur thum nad kyis glo bur 'chi// kha lkugs rkang lag rengs par 'gyur// gdug pa klu yi drag sngags ni// lung gsum
42b2 'dus pa'i dben gnas su// stegs bu mthing nag gru gsum brus// dgra yi pha mes mgo bo'am// yang na mdze can thod pa ru// dgra yi ming rus bris te gzhug/ gtsang ma'i snod du dkar gsum dang// mngar
42b3 gsum klu sman sna tshogs dang// rtag tu mchod cing mngag par bya// o~M nag po ti pa tsa ya// nA ga rA dzaH dgra bo ha khu la phe shan/ nA ga phos phos/ shig shig/ hu ya hu ya/ ti ya ti ya/ ti pa tsa ti pa tsa/ a sha nag
42b4 po ti pa tsa ya/nA ga rA dza dgra bo mA ra ya rbad/ shag ti rbad/ srog ti rbad/ snying ti rbad/ snying la ril sham sham rbad/[¿]o~M shan nag po pho phe rag u da nA ga rA dza nAn/ thi le nan/ pho li nAn/ drag tu brjod cing
42b5 bsgrub pa yis// me chen 'bar dang chu chen brug/ ba glang sbal sbrul sdom sdig tshogs// shing gcod sa snyil brag ral sogs// lus la shu ba skrang lo byung// stobs ldan gnyen pos drag du gcun// de nas byang
42b6 bltas chu mig tu// ba ling gtang zhing bden pa brdar// thod pa ling gar bcas pa mnan// klu rgyal 'khor dang bcas la gtad// phung po lhag med btang bar bsam// gnas su phyin la bsrung bar bya// dgra
43a1 ni mdze dang rmugs pas 'chi// sde brgyad so so'i drag sngags kyis// 'jig rten las kyi mnar ba yi// bstan pa'i ru tra gdug pa can// ma lus rnams kyi gshed du 'gyur// zhes bka' stsal
43a2 to// drag sngags 'dus pa rtsa ba'i rgyud las dregs pa'i sde so so'i las la sbyar ba drag sngags kyi le'u ste bdun pa'o//// de nas rdo rje 'dzin pa yis// 'jig rten dregs pa can rnams kyi// so so'i rigs
43a3 dang gtan tshigs dang// sde dang las kyi byed pa bstan// sngon gyi 'jig rten khams 'di nyid// phung po nyon mongs la brten nas// nga rgyal dregs pa'i dbang gis myos// rang gzhan kun la 'tshe zhing
43a4 rtsod// gnas ngan len gyis kha khrid byas// legs pa'i lan du nyes par spyod// ma rig rtsa ba yan lag gis// gti mug mun thibs bdud dang klu// nga rgyal stobs kyi dregs pa bdag/ lha dang rgyal po gol sar
43a5 'gyur// phrag dog gza' dang gshin rje'i rigs// 'dod chags ma mo gnod sbyin rigs// zhe sdang btsan dang srin por gol// srog lus 'brel pas bdud ces bya// yi dwags gshin rje rdog rnams
43a6 rje// phra mor rgyu ba snang zhing dregs// de yi don gyis srin por byung// gang gis gnod pa sbyin byed pa'i// de yi rigs dang mtshan nyid do// gang las bskyed pa ma mo ste// skyod byed nus pa lha yin no// gdug cing
43b1 gtum pas mi 'chor ba// gza' zhes bya bar brjod pa yin// blun zhing myos pas klu zhes bya// 'gro ba rigs drug so so la// bdud dang lha dang lha min te// gnod sbyin gza' dang rgyu skar bcas// rgyal chen
43b2 rigs bzhi'i lha yi sde// ma mo srin mo mi yi sde// gshin rje yi dwags sde yin te// klu ni byol song sde yin no// bdud ris pho dang mo yi rigs// ye nas gnas dang blo bur byung// 'thab dang myos dang dregs par
43b3 byed// sred dang chags par byed pa ste// gshin rje las dang zhi bas ste// gzugs can gzugs med dbang can dang// dbang med phyir dang nang khyad par// las kyis rab tu bsgrims pa yi// srin po sha za rgan
43b4 mo can// sprul pa dang ni gzu lums can// rab tu rgyu dang gcig pu gnas// gnod byin gtso dang 'khor gyis brtags// grol ba dang ni rang rgyud de// tha dad rigs ni bcwa brgyad de// gnod cing 'tshe ba'i
43b5 bdag nyid can// lha ni 'dod pa'i gzugs can dang// gzugs med lha ma yin du gtogs// rab tu gdug rtsub che bas ni// lha min mi ma yin du grags// gang las byung dang gang las srid// gang gis
43b6 bskyed pa'i gzhir gyur pa// ma mo zhes su grags pa ste// las dang ye shes bsdus shing phye// phra dang rags pa'i khyad par gyis// che chung gcal dang 'khor du snang// mkha' la rgyu ba'i drag shul can// las kyi
44a1 phung po kho na'o// rgyal po bla rje bram ze dang// dmangs dang gdol pa can rnams kyis// nyi shu rtsa lnga'i yan lag 'gyur// tha dad rigs ni sde yin no// 'di dag thog ma'i las kyi dngos// dngos
44a2 dang rang bzhin mtshan nyid kyis// ma rig 'khrul pa'i gzung 'dzin byung// bdag blta bag la nyal du gnas// g.yo 'gul phra mo'i kun nas ldang// 'khrug cing 'tshe dang rtsod par shar// bsod nams las dang
44a3 de ma yin// las kyi mtha' gnyis g.yang sar lhung// gnag cing mi dge zag par bcas// kha na ma tho lung ma bstan// log pa lus ngag yid gsum gyis// gnas ngan len pa'i rgyun chags 'thud// dus
44a4 gsum phyogs dang bcas pa yi// rjes su 'gro dang bzlog pa yis// 'khor ba brten gzhi dam po btsugs// so sor ma rig srog la gcod// longs spyod 'phrog cing rnam par 'tshe// gzi mdangs 'byor pa sde
44a5 dang bcas// gang yin 'joms shing rlag nus la// rgyud la sdug bsngal skyed byed pa// ma rungs nyes pa 'byin byed las// srog len tshe 'phrog gcod dang sha/ myos 'thibs byi nad rims dang yams// gcog
44a6 'gyel gdug pa'i nang 'bebs shing// rme dang 'khrugs pa rtsod pa dang// thor shod las dang dmod pa yis// rang gi sde las re re yang// kun la khyab pa brgyad brgyad de// drug cu rtsa drug yan lag
44b1 bcas// las kyi dbye ba bsam mi khyab// dregs pa'i bdag po so so yi// rang bzhin dgos pa'i bye brag gis// dus gsum sangs rgyas bstan pa dag/ tshul bzhin srung ba'i dam tshig can// drag sngags las kyi
44b2 dmod pa la// brgya dang bcu gnyis bcu drug gis// nus pa rdzu 'phrul mthu la sogs// rang gi rigs la gang bsngags pa// de dang de la rab sbyar bas// las kyi mtha' la gang dmigs pa// rdo rje can gyis
44b3 yongs grub ste// nga yi stobs dang nus pa dang// mthu dang rdzu 'phrul yon tan tshogs// lus ngag yid kyis rab 'bad pa// gang yin de la mngon par 'byung// de yi thun mong yongs 'grub cing// mthar phyin pa
44b4 yang len par byed// 'di las ma 'ongs rnyog pa can// the tshom bskyed par ma byed cig/ nga dang rgyal ba thams cad kyis// 'di ni rab tu bsngags pa'o// zhes bka' stsal to// drag sngags 'dus pa rtsa ba'i rgyud
44b5 las dregs pa can gyi sde rigs dbye ba bstan pa'i le'u ste brgyad pa'o//// de nas rdo rje 'dzin pa yis// las la sbyar ba'i rim pa gsungs// dur khrod chu gling ri rtse dang// chu 'dus ngam grog 'jigs su
44b6 rung// phung shul nags khrod ma rungs pa// dregs pa las kyi gnas yin no// mi rus mi gsad phung shul sa// rdur zad phe ta rul chad sa// sa smin dri chen ma rungs khrag/ las kyi rten 'brel dmigs pa'i
45a1 rdzas// rta nag dre nag ma he dang// chu glang dang ni stag seng dang// rta dkar ne le rgod dkar dang// dom nag dmu rta ban glang dang// 'brug chen rma bya rus sbal dang/ bya khyi ku ku shel dang
45a2 mi// rgyal mtshan thod pa snying dang khrag/ bdud rtsi 'bru bcud byang chub sems// rang gzugs snying po 'khor lo bcas// rgyan ldan shos cha mthun pa'i rdzas// dam tshig mchod cing brten pa'o// so sor sngags
45a3 pa'i las khung du// thod ngan 'bru nag dug khrag g.yos// rgyu gsum phu sa mtshon cha rnams// gsad pa thun gyi rdzas yin no// rme khrag gsum dang dri ngan gsum// srog chags gsum dang rme rdzas gsum// thabs
45a4 rdzas gsum dang bsreg rdzas gsum// rten sa gsum dang dril sa gsum// bzhugs sa gsum dang dbab sa gsum// kun rdzogs rtsol ba'i sbyor ba yis// chu drag dbab pa nges par 'grub// rigs sul snod
45a5 dang mchod rdzas dang/gnas sbyong byang chub srid 'dor blos// legs slangs yid kyis mthun spyad pas// gang la dmigs pa der gtad pas// chos sku'i gzugs brnyan rten khang la// steng 'og gnas gsum
45a6 bdag po gsum// rgya mtsho'i gting dang ri rab zur// bar snang khams dang nam mkha'i dbyings// bsrung dang bzlog dang gsad pa'i las// dmag dpung bsdu dang dpal skyed dang// rab tu khros dang sbyor ba
45b1 zhig/las kyis pha rol dmod pas bzlog/ ngan pa'i thod pa sna gsum dang// shis pa ma yin sa brgyad du// rten cing 'brel pa 'byung sbyor bas// dmigs pa'i nus stobs gnon par byed// khyad par las kyi
45b2 bye brag gis// rgyal po ya rabs rje dpon dang// chung ma slob dpon mkhan po dang// rab byung khyim pa sngags spyod dang// phyi rol phyogs dang chos kyi grogs// che btsan dregs pas bsnyems pa dang// nga rgyal
45b3 ldan zhing skal ba bzang// kun gyis bkur zhing brjod pa dang// sems rgyud bsrel dang yun gyis drin// nye bar bstan cing slob sbyong gnas// lhag pa'i lha yis rab skyangs te// thun mong nus pa'i stobs rnyed
45b4 cing// yon tan gcig gis rab bsdus pas// tshar gcad dka' ba'i yul yin te// ma lus gang la bsngags pa yis// ting nge 'dzin dang dmigs pa'i grogs// rab sngags brtson 'grus can gyis
45b5 bsgral// gzhan yang zhi dang rgyas pa dang// dbang dang mngon par spyod rnams dang// rdo rje 'dzin pa nga dang gzhan// mtshungs ldan rnams kyis bshad pa bzhin// thogs med nus pa'i stobs kyis spyad// de dag
45b6 gsang ba'i dmod pa yang// dregs pa sde brgyad so so yi// gal gnad snying po 'di dag go/ ya ma du ha na ha na tiSh+ta tiSh+ta ru tra ma ma sod sod/ kha tri dza ma tri dzaHdzaHshog tri dzaH yag sha dzaHda tri dzaH sha tri ba tri dzaH/ tsit+ta
46a1 pra ma ya a mu ka srog la dzaHdzaHb+h+yo/tri tsa pa la ag shug me/ a b+h+ri sha/ a b+hi shu/ tsag kra rag sha sa ma ya dun thum ril li li/ myags myags myogs/ srog la thun rbad/ rag sha srog la phrig
46a2 phrig/a pa ti li ki ni ya ma shri hri sti b+h+ri tri ta na kro ma ri pa tra srog la dun b+h+yo// ma hA yag sha thum ril rbad/ ma ru tsed+ha sha 'gri ba pra ma ling// gsod sgra gcod byed 'phrog byed kyis// ma lus las la bsngags pa
46a3 'gyur// nr-i hur thums dzaH sha truM mA ra ya rbad/ a mu ka mA ra ya nu ma ka ma ru sod sod// gsad pa thun gyi dmod pa'o// byi sha mi ki du ru mi tri ka ta dz+wa la a ta dza la swA hA/ tsa pa ti rA hu la ma hA kro d+ha ka pa shar
46a4 shar ta sha ra ti hU~M phaT/bi shu la du ma gi sha dz+wa la a na/ ma hA tsan+d+ha rag sha hr-i da nr-i ma ya ru tra sa tri byi nA ga rA tsa be ga a nan+ta rag+sha ti san+d+ha rak+Shi na tsit+ta b+ha mi ku ru/ mu hri tsan+d+ha dum bu dum bu/ kha la rag sha thum ri
46a5 li li/ma ma sa ma ya trag rag sha trag rag sha ma tri ga na/ ma sa kha ya ku ru ti rtse b+ha li mu ta da ra da ra/ tri ka ra mi tri/ dul dul/ snying khrag la ril ril/ rtsa la thun thun/ trag rag mo hril hril/ shag shag/ shar
46a6 shar rbad/ma ma tsag sha trag tu phrom/ a se la mi byi ru lu ru lu ma ma trag rag sha hril hril shar b+h+yo/ mA ra ya raM hril shar b+h+yo/ shel tra hU~M drag tu rtsar shu te phroM ka ra phroM// phyir ma ti ba shad/ mi ki ri ra hu la shag
46b1 shag hril phob/khrag la tsa ra mu sha b+h+yo/ trag ram thun shag ril ram shar b+h+yo/ bdud phroM kar shu ti phro/ nag hril sen shag sa du ma ya hril b+h+yo/ pra ta pa sha ya ya ma snying ya ma khrag/ ra hu la hril hril shag
46b2 shag/ser ser/ tug tug/ ya ya/ phob phob/ mu ka ye/ ka pa ye/ a pa ye/ hri sti byi krin te/ dza ba ti ra hu la ma hA kro ta ka bab ta shar shal ta te hU~M phaT/ thig nig/ shu ti phroM/ bdud phroM/ mthongs phye/ lcags
46b3 sgrog khrol/mi reng sod/ rkyang rje rkyang mo tsu ru tsu ru/ ho ho/ phroM phro~M/ mu ra mu ra sha/ du ru phroM/ thog hU~M oM sod sod// rlung dang sprin dang rab rgyu dang// phyogs dang rtags kyi tshad ldan pas// dbab pa'i sbyor ba shes
46b4 par bya// steng 'og bar gsum drag po'i las// gzhug dang gtor dang bsreg pa'i dang// bskol dang dgug dang sbreng ba dang// bod dang dmod dang gdung ba dang// gzir dang skor dang gzhig pa dang// gcad
46b5 dang dril ba'i las rnams kyis// smin pa'i lo thog 'joms par byed// nag po ti pa tsa ya na rag sha/ rA dza d+he gu la phe sha rag sha nAn/ phos phos/ shig shig hu ya hu ya/ tir+ya tir+ya/ kA la nA ban+d+ha dgra bo mA ra ya
46b6 dzaH nag po ti pa tsa ya phe sha rag sha dzaH nA ga ka ka la phe sha rag sha dzaHdzaH a sha na nA ga ti pa tsa ya dgra bo ma ra ya dzaH nA ga rA dza shag ti srog ti la rbad/snying la rol/ sham sham rbad/ i sha na nAn/ phe sha rag
47a1 sha u nAn/nA ga nAn thi li nAn/ phi le nAn/ rtsi ri nAn/ a par sod rmag/ dul dul kA la rngubs myogs thibs// mA ra ya 'dus 'dus/ d+ha ra d+ha ra/ d+hu ru d+hu ru/ ru ru/ ra ra/ ti ti/ tri mo ti ti/
47a2 ga ru ga ra gtor dza ma ra te gad/ man dzaHphe sha na rag sha u ta nAn/ b+ha shi ni/ sha ra le/ shu ru mu le/ d+ha ta ma re na/ hu ya hu ya/ ra ti ra ti/ thi ri shag tsag gi nr-i mA ra tri ya ma du ya ma snying ya ma khrag tshal pa ba~M
47a3 ril/nag po ti pa rag sha nAn/ khug ro la ba~M// dgra bo mA ra ya dzaH nag po ti pa tsa/ snying la dzaH shag shan nAn/ khug thum ril rbad/ tsan dri rag sha ro la khug thun kA la snying la thum ril rbad/ kA la sho ro
47a4 snying la trag sha ha ra ka/a mu ka mA ra ya thum ril rbad nAn/ khugs dang 'gro dang las byed pa'i/ rang gi rtags dang ldan pa na/ dmigs pa'i las la sbyar bar bya// zlog dang ma grub 'khyil pa dang// 'byams
47a5 dang sdug dang zad mthar gtugs// gnyan po 'dab ma sna sel dang// bsdu dang spo dang mi zad gter// longs spyod thug pa med pa yis// dbyings kyi ngang du gtad par bya// sde brgyad so so'i ming gi
47a6 sngags// rang skad dmod pa'i yan lag la/ d+he ba a byi sarba b+h+yo bzlog/ pra la dun rtse phob// badzra 'grig sho sa ma ya hri b+h+yo// bsan ti ma ru ru/ ya ma trig b+hu tak+Shi pa lo hU~M/ bzlog bsgyur gdug pa'i drag sngags
47b1 kyis/las kyi mtha' sgyur ma lus par// nga'am nga dang 'dra ba yi// rdo rje 'dzin pa gzhan rnams kyis// phyi nang gsang ba'i las rnams kyis// gang la bsngags pa de dag sbyar// gzhan gyis the tshom mi bya ste// nga
47b2 dang dus gsum sangs rgyas kyis// de la rig par snang ba yin// zhes bka' stsal to// drag sngags 'dus pa rtsa ba'i rgyud las phrin las dmigs pa'i khyad par las sbyar ba'i le'u ste dgu pa'o//// de nas
47b3 rdo rje 'dzin pa yis// yon tan bstod pa 'di gsungs so// hU~M dur khrod chen po'i rol pa'i dkyil 'khor nas// gtum drag me ltar 'bar ba'i gzhal yas na// gdug byed ru tra sti ra'i khri steng na// mdangs ldan
47b4 nyi zla pad+ma'i gdan stengs na// dregs pa'i bdag po rdo rje 'dzin pa'i gtso// bcom ldan dpal chen stobs ldan nag po ni// sku mdog mthing nag rab tu 'bar// sa dgu rdzogs pas dbu dgu bstan// stong pa
47b5 bcwa brgyad ldan pa'i phyag/zhabs kyis brjid pa'i bdud bzhi gnon// dbus mthing g.yas dkar g.yon dmar bas// khro zhing bzhad dang gtsigs pa'i zhal// ral pa kham nag srid rtser 'bar// khams
47b6 gsum ma lus spyan gyis gzigs// shangs kyis srid gsum ma lus rngub// snyan gyis stong gsum 'brug sgras 'gengs// tshems kyis gnod gdug ma lus sgrol// ljags kyis glog dmar 'jig rten khyab// khro
48a1 gnyer 'od kyis dbang du sdud// phrin las rigs kyis dbu la brgyan// bcwa brgyad phyag gi dang po gnyis// dbang sdud rdo rje dril bu 'dzin// g.yas g.yon 'og ma'i phyag brgyad na// dregs pa'i lha
48a2 brgyad b+han d+ha g.yas// tsit+ta srog rtsa g.yon na bsnams// 'bar ba'i chas kyis sku la brgyan// bsrung ba'i lha brgyad sku la rdzogs// g.yas g.yon zhabs kyis dregs pa gzir// ma rungs gdul dka' rnams kyi
48a3 gshed// log lta ru tra 'dul ba'i dpal// 'byung lnga'i bdag mo gnyis med yum// dbu gsum phyag drug zhabs bzhi sbyor// gri gug tri shUl bdud rtsi g.yas// b+han d+ha zhing chen g.yang gzhi g.yon// mthing nag
48a4 'od kyis kun tu khyab// ched 'ga' rigs kyi sprul pa 'di// dbu gsum phyag drug zhabs bzhir bgrad// sku mdog mthing nag khros shing rngam// phyag drug g.yas g.yon dang po yis// rdo rjes dung khrag dkrug
48a5 cing gsol// g.yas g.yon gnyis kyi phyag bzhi yis// lha brgyad klu brgyad tsit+ta rol// yum chen zhal gcig phyag gnyis ma// sku mdog mthing nag zhabs gnyis sbyor// g.yas kyis nam mkha' stong khams
48a6 'degs// g.yon gyis 'jig rten sa gzhi gnon// zhal nas 'byung ba lnga 'char ma// dpal chen yab yum byin rlabs las// sprul pa'i dregs pa pho mo gtso// bdud mo nag mo kha rlangs can// zhal gcig phyag
48b1 gnyis sku mdog mthing// khram shing tri shUl g.yas na bsnams// g.yon gyis kha T+wAM zhags pa 'phen// na bza' zhing lpags rlon pa gsol// zhabs gnyis gdug pa'i snying gar gzir// bdud mo nag mo khrag
48b2 'dzag ma// khram ba~M thod rlon phyag na bsnams// sku la zhing lpags gsar pa bgos// bdud rta nag po chibs su bcibs// zhabs kyis bgegs bshugs kyis sgrol// 'chi bdag gshin rje nag po ni// zhal
48b3 gcig phyag gnyis sku mdog gnag/phyag g.yas thos khrag gri gug g.yon// btsun mo yum chen za byed ma// gri gug thod pa phyag na bsnams// yab yum zhing lpags rlon pa gsol// ma he khros dang chu glang
48b4 bcibs// zhabs kyis dgra bgegs pho mo gzir// srin po gsod byed sku mdog gnag/ phyag na ral gri thod khrag bsnams// yum chen gsod par byed ma yang// gri gug mi thod phyag na bsnams// na bza'
48b5 zhing lpags rlon pa gsol// stag seng rol pa chibs su bcibs// gnod sbyin gang ba bzang po yang// zhal gcig phyag gnyis sku mdog sngo// dar nag 'phyar zhing zhing lpags brdeg/ yum chen sha za ral
48b6 gcig ma// yum gyi tshul 'dzin sprul pa mo// zhing lpags gyon te gyi ling bcibs// drag sngags bdag po chen po ni// dbang phyug chen po lha yi gtso// mdog dkar shel gri ba dan 'phyar// na bza' dar
49a1 dkar ber chen gsol// chibs su gnam ru dkar po bcibs// thar pa nag po ru tra'i gtso// mchod gtor dug thun phyag na bsnams// zhing lpags gyon te dom nag bcibs// dmu bdud rje
49a2 dpon nag po ni// dar nag 'phyar zhing sti ra 'drad// ber nag gsol zhing dmu rta bcibs// mu stegs kA la yag sha ni// mthing nag kha T+wAM tri shUl 'dzin// zhing lpags bgos te ma he bcibs// khyab 'jug
49a3 rog ti nag po yang// khram shing dgra s+t+wa phyag gis 'dzin// sprin nag bgos te 'brug sngon bcibs// klu rgyal ba ru Na yi rje// ser nag sbrul gyi na bza' gsol// bum pa rus sbal phyag gis 'dzin// chibs su
49a4 chu srin mgo dgu bcibs// rgyal po har mdzes zhes bya ba// mdog dkar shel gri dar dkar 'dzin// sras mchog 'bar ba dmar po ste// mdung rings g.yas la shan gri g.yon// rdo rje mdzes pa mdog dmar
49a5 po// ru mtshon dgra s+t+wa phyag gis 'dzin// khi le lag dgu 'bar ba yang// mdog gser sprul ba'i lag dgu 'gyed// zhing lpags bgos shing sti ra gnon// drag sngags bdag po gtso 'khor yang// rang gi
49a6 rigs kyi 'khor 'dul ba// so so'i sprul pa bsam mi khyab// gcod par byed pa bdud kyi sde// 'chi bar byed pa gshin rje'i sde// gsod byed shan pa srin po'i sde// gdug rtsub 'chang ba gnod sbyin sde// drag
49b1 rtsal ldan pa lha yi sde// nag gdon 'bebs pa ma mo'i sde// nam mkha' dbang sgyur gza' yi sde// glen lkugs gdug pa klu yi sde// sde brgyad dmod pa'i drag sngags can// mthu dang rdzu 'phrul bsam mi
49b2 khyab// 'khor dang sde rigs brjod mi lang// phrin las longs spyod mi zad gter// yon tan nus pa dpag tu med// zhe sdang can la khros par ston// nga rgyal can la lhag par ston// 'dod chags can la mi
49b3 sdug ston// gti mug can la myos par ston// ser sna can gyis 'phrog par byed// phrag dog can la 'jigs par ston// khyod kyi mi 'dul gcig med kyis// mchod cing bskang ba'i thun rdzas bzhes// bcol
49b4 cing gnyer ba'i las mdzod cig/bstod cing bsgrub pas las mdzod dgyes par mdzod// de nas rang gi snying po dang// 'jig rten dregs pa'i bdag po rnams// so so'i sngags kyi las la sbyar// rdo rje 'dzin pa
49b5 chen po yis// byang chub sems kyis bsam pa yis// ltos dang re ba kun spangs te// sangs rgyas bstan pa rab dmigs nas// drag sngags bdag po nyer bsgrubs na// nga dang sangs rgyas thams cad
49b6 mnyes// rig pa 'dzin pa'i sa thob cing// sems can rnams kyi ston par 'gyur// thun mong ba dang nye ba dang// mchog 'gyur ring ba'i dngos grub kun// dpa' bo de las mngon du 'byung// yon tan
50a1 mchog gi stobs rnyed cing// 'jig rten chos las rab bsngags pa'i// byang chub sems dpa'i spyod pa dang// sa chen po la rtogs pa yi// rlabs chen rnams kyang nus par spyod// mthu stobs nus
50a2 pa bsnyems pa yis// gzhan gyis brdzi bar mi nus shing// rang gi dbang du khugs pa dang// bsgo ba rtsod pa med par 'gyur// zhes bka' stsal to// drag sngags 'dus pa rtsa ba'i rgyud las bstod pa yon tan
50a3 brjod pa'i le'u ste bcu pa'o//// de nas bcom ldan 'das rdo rje 'dzin pa chen pos/ nyid kyi sku 'jigs byed chen po'i lugs su sku sprul te/ thugs chos nyid zhi ba chen po'i ting nge 'dzin la snyoms par
50a4 zhugs nas/sku'i gnas thams cad las 'od kyi dra ba dpag tu med pa phyung nas/ phyogs bcu'i 'jig rten gyi khams thams cad kyi dregs pa can gyi gnas thams cad khyab par mdzad nas/ ma rungs shing
50a5 gdug pa dang gtum pa'i sems dang bsam pa thams cad kyang ma lus par zhi ba byang chub kyi sems dang ldan par gyur te/phan pa dang/ bde ba dang/ gnod pa med pa dang/ brtse ba dang/ yid dga' ba dang
50a6 bcas pas phyogs der snang bar gyur nas/thams cad kyis bcom ldan 'das rdo rje 'dzin pa de la phyag 'tshal zhing 'di skad ces gsol to// kye ma bcom ldan rdo rje 'chang// khyod kyi bstan pa gsang chen
50b1 'di// ma 'ongs pa yi dus dag tu/ rab tu rgyas par 'gyur zhig na// bdag cag 'jig rten dregs pa can// zhi ba'i sems su gnas byas pas// rjes su spyod pa gang yin pa// de la rgyas pa phan par
50b2 bstan// phrin las dang ni lta spyod kyis// khyab pa de las yongs rdzogs shing// grogs dang bran dang dmangs bzhin du// gang gis bsgo ba de bzhin bgyi// dam tshig bsrungs pa'i yon tan dang// rol pa'i ting
50b3 'dzin ldan pa la// bka' las 'da' ba mi spyod cing// gsung bzhin bsgrub pa rab tu spro// bcom ldan rdo rje 'dzin khyod kyis// ji ltar mngags pa'i las rnams ni// bdag cag nus pas myur du bsgrub// byin
50b4 gyis brlab pa gtsor mdzod cig/ces gsol nas rang rang gi gnas su dengs shing phyin par gyur to// bcom ldan 'das kyis 'od zer gyi bkod pa rnams rang gi 'khor gyi snang ba thams cad kyang nyid kyi sku'i
50b5 dbyings su bsdus shing sku nyid kyang chos kyi sku'i rang bzhin du gnas par mdzad do// drag sngags 'dus pa rtsa ba'i rgyud las phrin las kyi gnyer phul ba'i le'u ste bcu gcig pa'o//// drag sngags 'dus pa
50b6 rdo rje rtsa ba'i rgyud ces bya ba rdzogs so//// rgya gar gyi mkhan po chen po slob dpon pad+ma 'byung gnas dang/ bod kyi lo ts+tsha ba bdag bai ro tsa nas bsgyur cing bzhus te gtan la phab
51a1 pa//// rgyal po khri srong lde btsan gyi bla'i phyag dpe la zhal bshus pa las brgyud pa'o////
51a2 rgya gar skad du/ shrI ma hA kA la nA tha g+hu ya tsit+ta tsakra sid+d+hi ma hA hi ta tan+t+ra/ bod skad du/ dpal mgon po nag po gsang ba snying gi 'khor lo dngos grub chen po 'byung ba'i rgyud/ bcom ldan 'das rdo rje
51a3 gtum po gzi byin can la phyag 'tshal lo// 'di skad bdag gis thos pa'i dus gcig na/ bcom ldan 'das rdo rje gtum po rngams pa'i rgyal po nyid/ lcang lo can gyi gnas mchog lhun gyis grub pa'i pho brang chen
51a4 po/byang chub sems dpa' du ma dang bcas pa khro bo rngam pa'i rol pa dang/ 'jig rten gyi dregs pa can pho mo dmod pa'i mtshon cha can dang/ lha dang mkha' 'gro ma mang po 'dus pa'i dbus na/ chos nyid las
51a5 sku bzhengs te/dregs pa can 'dul ba'i ting nge 'dzin la bzhugs te/ de'i tshe de'i dus na/ bcom ldan 'das dpal mgon po nag po zhes bya ba/ gsang ba'i yum dang bcas pa/ sprul pa'i srog gshed dang pho
51a6 nya'i las mkhan dang/sgrol ging shan pa pho mo dang bcas pa de nyid du lhags te rang rtags srog gi snying po/ gdug pa'i dmod pa'i mtshon cha can/ rdo rje gtum po la mdongs gsol du phul lo// smras pa/ tad+ya thA/
51b1 oM shrI ma hA kA la tri yaM dzaHdzaH/ dgra bo mA ra ya nan/ mA ra ya sod/ nag po dgra bo'i sha rgyud snying 'di thon thon/ bdud po dgra bo'i srog la dzaHdzaH/ nag po dgra bo'i bla rtsa la dzaHdzaH/ nag po dgra bo'i snying rtsa la
51b2 dzaHdzaH/nag po dgra bo'i klad pa'i rtsa la dzaHdzaH/ nag po dgra bo'i snying rgyud dbugs la dzaHdzaH/ nag po dgra bo'i rtsa rgyud srog la dzaHdzaH/ tsa dIp+ta tsakra ni hUM/ ma dIp+ta tsakra ni hUM/ bam ni ra hUM b+h+yo/ ma ma cho las la
51b3 gro// ha la ha la hUM phaT/ ces rgyan gyi dmod par phul lo// mgon po gsang ba snying gi 'khor lo nag po'i rgyud las/ gleng gzhi dang sngags ston pa'i le'u ste dang pa'o//// de nas dpal mgon po chen po
51b4 rnam thos sras kyis bcom ldan 'das la 'di skad ces gsol to// ma hA kA la khros pa zhes// kA la 'od 'bar drag shul can// 'jigs byed khros pa'i gzigs mdangs can// sgrol byed shan pa rlung gi
51b5 shugs// rnam par kun gyi mgon gyur pa'i// bsnyen cing bsgrub na ji ltar sgrub// bsad cing lus srog dbye ba dang// ltas ngan cho 'phrul dbab pa dang// drag po shugs kyis bsgral ba dang// lo rtog 'joms
51b6 pa la sogs pa// las rim rdzogs pa ji lta bu// zhes gsol pas/ rdo rje gtum pos 'di skad ces gsungs so// ma hA kA la mthu rtsal can// legs ldan nag po 'jigs pa'i sku// bdud 'dul rnams kyi dbang
52a1 phyug ste// rnal 'byor kun gyi dgra bla yin// rig 'dzin kun gyi srog shing yin// gsang ba'i yum dang sprul par bcas// ri gsum rtse 'dus dben pa'i sar// nags tshal rtsub mo gcan gzan
52a2 'grims// yid 'ong gnas su maN+Dal bsham// gru gsum mthing nag zla gam bstan// zlum po thod pa bdun gyis bskor// gru chad sgo bzhi rdo rjes ni// dbus su gru gsum bsnol ma la// 'brub gnas bzhi
52a3 dang ldan par bya// ga'u steng 'og 'khor lo'i bar// tsit+ta srog rtsa dmigs pa gzhug/ kha sprad skra shad thag pas bcings// steng du dgra bshos nag po bzhag/ lug nag pags pa tsa ka li// mda' nag dar gyis
52a4 brgyan pa dgod// pho rdzas dug dang mo rdzas khrag/ tshogs bo'i dgra ba'i thun yang bca'// mon mo chen po'i thod pa ru// gnag pa'i dgra bgegs bcas la bzhag/ zlum po'i thod pa re re la// dug shing phur bu
52a5 re re dgod// gru chad la sogs maN+Dal te// mthun pa'i dam rdzas 'di dag dgram// sha sna lnga dang bdud rtsi lnga// dkar gsum mngar gsum me tog spos// chang dang la phug tsan+dan rnams// zhal zas rnam pa sna
52a6 tshogs dgram// mtshan ldan thod par rak+ta dang// gtor ma bshams la dbul bar bya// de nas bdag nyid skad cig gis// phyag na rdo rjer gsal byas nas// thugs ka'i sa bon 'od 'phros pas// khro bo mang
52b1 pos gzir bskrad nas// gzhal med khang dag bsam dbus su// bla ma yi dam dkyil 'khor tshogs// bsod nams tshogs rdzogs stong nyid las// hUM las bdag nyid khro bo'i mdun// ma hA kA la 'jigs byed
52b2 che// sku mdog nag po mun pa'i mdangs/ zhal gcig phyag ni gnyis pa ste/ sku la mtha' ber brtsegs pa gsol// chibs su dpa' bo stag la bcibs// phyag na tsan+dan bing chen bsnams// dom dang dred kyis sna
52b3 'dren cing// lcags kyi bya khra phyi nas 'brangs// ce spyang nag po khrag rjes gcod// srog gcod khro bo 'jigs pa'i sku// spu gri mi snying thogs pa dang/ tri shUl rgyal mtshan dung 'bud dang// gsod byed mos pa
52b4 bdun dang bcas// spyan drang mchod dang bzlas brjod cing// de tshe mtshan rtags byung ba dang// sgra dang 'od dang mon nag dang/ ban+de nag po slob dpon dang/ mi nag la sogs byung ba dang// dngos su sku yang
52b5 ston par 'gyur// dpal mgon po nag po gsang ba snying gi 'khor lo nag po'i rgyud las/ bsnyen cing bsgrub pa ste rtog pa gnyis pa'o//// de nas rdo rje gtum po yis// bsad pa'i sbyor ba bshad par
52b6 bya// bam chen mo yi thod pa ru// tshwa ba gsum dang lci ba dang// skra dang dri ma rkang rjes dang// grog mkhar sa dang dar khrag gis// dbang po tshang ba'i 'dra 'bag bya// gu gul rgya tshil dud pas bdug/ thod pa
53a1 sngags kyi 'khor lor gtum// gdug pa'i re bas kha bcad la// bsad pa'i sngags la 'jug par bya// srod dang tho rangs gung gnyis la// mda' re thun re sngags re sprugs// las rdzogs phur
53a2 gdab gris gtub la// dar nag gtum la dkar nag gis// mtshan ngan thod par bcug nas ni// ka rten lha yi khang pa'am// gdug pa gnas pa'i sa ru mnan// oM shrI ma hA kA la tri yaMdzaHdzaH/ dgra bo che ge mA
53a3 ra ya hUM phaT/oM shrI che ge mo kI la ya/ ki ti kI la ya/ mu ka kI la ya/ hri hri dam kI la ya/ pa ta kI la ya/ oM tsaN+Da ma hA ro Sha Nade wa/ tad+ya thA/ che ge mo mA ra ya hUM phaT/ phur pa gdab dang mnan pa'i
53a4 sngags// brjod dang dmod pa drag tu gdab// dpal mgon po nag po gsang ba snying gi 'khor lo'i rgyud las/ bsad pa'i sbyor ba bstan pa'i le'u ste rtog pa gsum pa'o//// de nas rdo rje gtum po
53a5 yis// sprul pa'i nges pa bshad par bya// gri rgod thod pa bam ril du// phung sa gsum dang mnyan sa gnyis// nang du ming rus sngags bris la// kha mig dug dang khrag gis bya// gnas khang sbas na sgra 'byin
53a6 'thabs// gzhan yang wa sprel byi la sogs// sha khrag gzugs byas rang rang rdzogs// gcan gzan gdug pa sgra 'byin cing// gnas khang 'jig dang grong khyer bskor// khra dang 'ug pa srin bya dang// kang ka ti
53b1 pa mdzad la sogs// sha khrag spu la gzugs byas sba// 'dab chags bya gcan khu 'debs dang// 'thab dang sder 'dzings gnas khang 'bab// nya sbrul gdug pa klu gnas sa// sha khrag bsres te gzugs byas
53b2 sba// sa bdag klu yi cho 'phrul 'bebs// ngan sngags khri phrag gsum rdzogs nas// sbyor ba smin pa'i dus chen la// grong khyer phyogs bcur cho 'phrul 'babs// oM shrI ma hA kA la tri yaM dzaHdzaH/ che ge mo ka pA li
53b3 rgyas// hal hal du ling hal phob/ pi sha rtse rlung sing/ khram khram du ling has phob/ ling ling pu ta dun sham dun ling has phob/ nA ga b+ha nu ga du ling has phob/ rtsa ba dmigs pa mi dang po// sngags kyi sbyor ba
53b4 bsdebs pas 'grub// dpal mgon po nag po gsang ba snying tig gi 'khor lo nag po'i rgyud las/ ltas ngan kyi le'u ste rtog pa bzhi pa'o//// de nas rdo rje gtum po yis// lo tog 'joms pa'i las
53b5 bshad pa// drag po'i mi shes thod pa ru// yul lha yul mi ser bsrung lo// zhing khang sa la ling+ga bya// thod par brub la thun gyis gtems// rtol khrag rta yi khrag dang ni// ba mar yugs sa'i 'o ma dang/ ra
53b6 dug spyang dug drag po'i thun// nyung dkar nyung nag ske tshe brdeg/ drag sngags sbyor ba rdzogs pa dang// phyed sba phyed bsregs lhag ma gtor// lo tog 'bras bu brlag pa'i phyir// skyi 'dang 'khyags
54a1 pa ro ltar spungs// oM shrI ma hA kA la tri yaM dzaHdzaH/ rA hu la ya ma snying/ rak+Sha de si be// de wa a tsa yaM tri ya na ga/ trig nan nyag spur ya dza la raM thibs 'dus/ 'ur 'ur khroM khroM hril hril yaM yaM shar
54a2 shar nal nal ser ba drag tu phob/gza' bdud srin po lta klu btsan// rang rang sngags kyis 'dabs bskul nas// 'bras bu lo tog 'joms par byed// mgon po gsang ba snying gi 'khor lo'i rgyud
54a3 las// sar ba dbab pa'i le'u ste rtog pa lnga pa'o//// de nas rdo rje gtum po yis// khyad par drag po bsgral ba'i las// 'khor lo thun brab las kyi gtso// shi sa ar la gtad pa dang// ma grub spogs
54a4 pa'i las mthab ni// rnal ma zlog pa lto dkrug pa// rgya shog rgyu la 'khor lo bri// mu khyud gsum pa bcu bdun rtsibs// sdig pa'am sbrul gyi khongs su bri// gcan gzan khrag dang sri can khrag/ mi dang rta yi khrag
54a5 tu sbyar// rgyu rkyen drug la ling+ka bya// gri rgod thos pa'i nang du'o// nyung dkar nyung nag ske tshe khrag/ thun gyi rdzas su rab tu bsngags// drag sngags mda' dang bcas shing bsreg/ khri gsum sngags kyi bar du
54a6 spangs// 'khor lo rtsang khar bar snang lding// brgya brgya rdzogs nas sngags thun brab// dgongs dang tho rangs srod dang gung// mon pa dang bcas drag sngags sbrel// rdzogs nas 'khor lo ling+ga kun// sha za ging
54b1 ni rtsa 'am ni// yang ni lha khang rnying par mnan// de yis brlag par yang dag bshad// gal te las la mthu med na// bzlog cing dkrug pa rnal ma bya// thod pa mun pa'i 'od khung ngam// gdug pa gnas pa'i sa
54b2 ru mnan// de yis las kun 'grub par 'gyur// ya bag sha ya yin pas na// kun la bya bar ma gsungs so// oM shrI ma hA kA la tri yaM dzaHdzaH/ dgra bo mA ra ya dzaH/ dgra bo'i srog la myogs// tsit+ta
54b3 khas// rak+ta thibs hUM li mA ra ya rbad// dgra bo mA ra ya hUM li ya li// rak+ta thibs tsit+ta khas/ srog la myog la rbad/ dgra bo mA ra ya srog la myog/ hUM ling yaM ling rak+ta thibs rbad/ ngan sngags skye ba rgyun gcod
54b4 de// khyad par mchog gi las su bshad/ mgon po gsang ba snying gi 'khor lo nag po'i rgyud las/ khyad par gsang ba'i las bstan pa'i le'u ste rtog pa drug pa'o//// de nas rdo rje gtum po yis// rdo rje
54b5 drag po 'jigs pa che// mgon po nag por mtshan gsol ba// las la phrin las 'di yis bskul// hUM// che btsan dpe med mgon po nag po ni// sku la dar nag 'jol ber gsol// dbu la sbrul gyi ral pa
54b6 can// mi yi thod pas dbu la brgyan// gdong mig dmar la mche ba gtsigs// stag gi sma ra me ltar 'bar// snyan cha mgur chu mi thod dmar// gser ka rin chen sku yi rgyan// zhabs la l+h+wam ti l+h+wam po
55a1 che// chibs su dpa' bo stag la bcibs// phyag na tsan+dan bing chen bsnams// gsor zhing klad pa'i rgyas su 'debs// song zhig khong gi snying phyung zhig/ lha chen mgon po nag po khyod// nga la sdang
55a2 ba'i dgra bo 'di// myur du sod la rnam par rgyob// smyo ru chug la 'bog tu chug/ lha chen mgon po nag po dang// lha mo nag mo gnyis su med// lha mo nag mo gshegs su gsol// lha mo nag mo chen po ste/ sku
55a3 mdog dmag nag ral pa can// g.yas na bdud kyi khram shing bsnams// g.yon na nad kyi rkyal pa thogs// chibs su dre'u rta rkang gsum chibs// dra ba dgu yi he le bkal// khyod kyi thugs dam dus la
55a4 bab// sku yi sprul pa'i las mkhan ni// mun pa nag po gtum bag can// sku mdog nag po mun pa'i mdangs// tri shU la yi rtse mo la// mi ro dmar po'i rgyal mtshan phyar// dar nag ru mtshon chen po yis// lha
55a5 srin sde brgyad dmag dpung sdud// mgon po nag po las la b+h+yo// gsung gi sprul pa'i las mkhan ni// mon pa nag po 'jigs pa'i sku// sku mdog dmar nag 'jigs pa la// ma he'i rwa dung chen po yis// snang
55a6 srid lha 'dre sgra yis 'bod/gtum chen nag po las la b+h+yo// thugs kyi sprul pa'i las mkhan ni// lcags kyi mun pa gsod byed de// sku mdog sngo nag rngam pa'i zhal// lag na spu gri tsit+ta bsnams// spu gri'i dgra
55b1 bo'i khong gshags nas// tsit+ta phyung nas gtso la stob// bdud kyi mos pa nag po bdud// bdud nag 'bum gyi sna drangs nas// nyams pa'i dgra yul dmag gis 'gengs// lho phyogs gshin rje chen po
55b2 brgyad// khyod kyi 'khor dang g.yog yin pas// gcan gzan mang po pho nyar 'gyed// byang phyogs gnod sbyin chen po brgyad// lcags kyi bya khra 'jigs par sprul// nyams pa'i sha dang rus pa 'dral// dur khrod
55b3 gnas kyi ma mo brgyad// b+h+yo dang dza yi sgra sgrogs shing// nyams pa'i dgra la zor thun 'bebs// lhan chen mgon po nag po ste// ma hA kA la mthu rtsal can// bstan pa 'jig pa'i dgra bo 'di// dkon mchog
55b4 gsum gyi sku dgra yin// rnal 'byor yongs kyi spyi dgra yin// sngags 'chang bdag la brnyas btsugs so// srung ma khyod la phod btsugs so// zhes drag tu bskul bar bya'o// de nas yang dag nges gsungs
55b5 pa// gsang ba mchog gi sgrub pa ste/ chos skyong mgon po dpal mgon mchog/ oM ni ye shes lnga yi dngos// rdo rje 'dzin pa'i ngo bo nyid// shrI ni bdag gzhan yongs kyi dpal// mgon gyur dpal 'bar chen po
55b6 nyid// ma hA che btsan dpe med de// kA la 'od 'bar drag shul can// tri zhes sgrol ging shan pa bskul// yaM ni drag po rlung gi shugs// dzaHnyid dgugs pa'i lcags kyu yin// dmigs pa gang yin dgug pa
56a1 ste// gsang ba mchog gi bdag po la// khams gsum mthu chen bdag po ste// ma hA kA la khyod la 'dud// gang dag gsang ba'i snying po la// mos sam yid la byed pa yis// khams gsum dbang
56a2 du sdud pa dang// srid gsum zil gyis gnan pa dang// me dang rgyal po chu dang dug/ ma rungs gcan gzan la sogs pa// 'jigs pa che las yongs su thar// tshe dang dbang thang la sogs pa// longs spyod
56a3 'phel zhing dbul ba sel// dpag bsam ljon bzhin rgyas pa dang// nad dang sdug bsngal rab zhi nas// 'jig rten mi nub rgyal mtshan du// grags pa chen po bla med 'gyur// mgon po gsang ba snying gi 'khor
56a4 lo nag po'i rgyud las/mgon po la phrin las bcol ba dang/ bstod pa dang yon tan bstan pa'i le'u ste rtog pa bdun pa'o//// mgon po nag po mo rgyud gsang ba dngos grub 'byung ba zhes bya ba/ bod
56a5 kyi ban+de khri btsan rdo rje la gtad pa'o// sa ma yA/ rgya rgya rgya/ kA thag kya/ rgya rgya rdzogs so//// de nas gnod sbyin chen po rnam thos sras kyis bcom ldan 'das la 'di skad ces gsol to// ma hA kA la
56a6 khros pa che// rnal 'byor kun gyi mgon gyur pa// nyid kyi sgrub pa de ltar na// sprul pa srog gshed las mkhan de// sgrol byed shan pa'i las mkhan gang// rdo rje gtum pos bka' stsal pa// ma hA kA la 'od 'bar
56b1 ba// rnal 'byor kun gyi dgra bla yin// de yi las mkhan mon pa dang// las kyi ma bdun pho nya mngag/ las kyi mtha' ru bzhag pa yin// lcags kyi mun pa khrag 'thung ni// nag po spyi ring sol dum 'dra// ri
56b2 nag brag nag logs la bsngags// bya rog rta rog mon nag khrag/ g.yag rgod brag nag sa la sbyar// gru gsum mthing nag khyi nag mgo/ yang na mon nag rabs chad thod// a mu ka yi gzugs dang
56b3 bcas// dar nag gur dbu thun gyis bsad// gdug pa'i drag sngags 'di dag bzlas// dun du trag du thum b+ha ti srog breng breng dun tri dzaH/ bdud po dgra bo'i srog la dzaHdzaH/ oM sai ra phrum phrum la ga re khas ha
56b4 he/slad ni slad ne dgra bo'i srog tsa le tsa le mA ra tsa hUM dzaHhUM dzaH/ mA ra ya rbad/ bror btegs phur gdab gris gtub la// mun pa'i gling du gnan par bya// mgon po gsang ba snying gi 'khor lo'i rgyud las/
56b5 lcags kyi mos pa spyi ring mngag pa las/ phyi ma'i rtog pa brgyad pa'o//// de nas rdo rje gtum po yis// srog gcod mos pa snying 'byin te// dkar po phyA sangs mngag par bya// dar dkar nas sam rgya shog
56b6 la// lha khang rnying pa'i ka rten sa// cong zi ha shig rgya tshwa dang// ra dkar rta dang bya dkar khrag/ bsres te lte bar 'khor lo bca'// 'brub gnas e gting ga'u bca'// dar dkar gur phub drag sngags
57a1 bzlas// rdzogs dang 'khor lo ga'ur bcas// lha yi khang par sbas par bya// smyo 'bog nad kyis nges par na// myur du brlag par ngas bshad do// rA tsa tsa pa la a shug me rA tsa srog la hriM hriM/ ud
57a2 mad bya sangs la sham sham tsi tra ha la yang ti par rbad// khri gsum mngags la bar chad spangs// mgon po gsang ba snying gi 'khor lo'i rgyud las// dung gi mos pa srog gcod spu gri mngag pa'i le'u las/ phyi
57a3 ma'i rtog pa ste dgu pa'o//// de nas rdo rje gtum po yis// mon mo lcags kyu mngag pa ste// rdo rje sder can gtum mo khros// mngag pa'i pho nya las mkhan mo// dur khrod gnas su bsgrub par bya// sme
57a4 sha 'bru nag dug gtor rten// las kyi thod pa mtshan ngan du// a mu ka yi gzugs dang bcas// dme khrag dug sna gnyan mtsho'i chu// sngags te thun gyis yongs bar bsnun// las rdzogs ling+ga skud pas
57a5 dril// ma mo'i gzugs kyi zhabs 'og gzhug/ klu mo nag mo gnas sar mnan// ma trag rak+sha nag mo ting lam b+h+yo/ nag mo dun snying las la b+h+yo// mun rag+sha tsa mur kha la b+h+yo/ khrag 'thung khol ba mtshan rtags
57a6 yin// rlangs dang mdog 'gyur rtags yin pas// dgra la zor 'phong brnag par bya// mgon po gsang ba snying gi 'khor lo nag po'i rgyud las// khrag 'thung mon mo las la mngag pa'i le'u ste/ las kyi phyi ma'i
57b1 rtog pa bcu pa'o//// de nas rdo rje gtum po yis// gdug pa mos pa gzer 'debs kyi// drag sngags dam pa bshad par bya// klu gnyan gdug pa'i dben gnas su// de yi sa la maN+Dal bya// dri spos sman
57b2 gyis chag chag gdab// gnyan ra dgu yi shing sna la// 'ongs ra bong yang byas te rten du gzugs// sbal pa'i lto bar 'khor lo bri// sbal nag khrag dang sbrul dang ni// ba dmar rak+ta mdze khrag la// thun
57b3 dang 'khor lo bri bar bya// dkar gtor klu sman sna tshogs bsag/ gdug pa klu yi gzugs byas la// gdug pa gnas sar de yis mnan// de yi gsang sngags 'di dag go/ nA ga hu ti nA ga du ru ha nA ga du le he
57b4 'dus sa ma ya// dgra bo'i rtsa la ha la ro ga nan// dz+wa la ni dz+wa la ni shu khram myags thib la// la btsas pha long rda ba drug/ dar mda' za'u bshos bu rten// srog snying rdzogs dang dgra bo'i gnas// de nyid mthong
57b5 ngam phyogs kyi rir// kha bstan sprul pa dpag med dbab// las ni srog la shan pa 'gyed// de yi gsang sngags 'di dag go/ badzra tra pa du kha thum tri dza dzaH/ rU pa sarba gu yaM ka sa li ti rgyal hal hal du ling has
57b6 phob ya// zhes gsungs so// dpal mgon po nag po gsang ba snying gi 'khor lo'i rgyud las/ mon pa gtum bag can las la mngag pa'i le'u ste/ las kyi phyi ma'i rtog pa bcu gsum pa'o//// de nas rdo
58a1 rje gtum po yis// las kyi ma bdun mngag pa thun gyis sbyor ba bshad// rabs chad thod pa dri ma spangs// nang du khrag dang dug chus dgang/ gru gsum spags ma'i nang ral du// steng na a mu ka
58a2 ye gzugs// khrag la dug gi thun brdeg pa// nyung dkar nyung nag ske tshes brdeg/ ling+ga thun brab gnan pa bya// khrag thor dgra yi gnas la 'phangs// de yi drag sngags 'di dag go/ trag rak+sha ha la dgra bo mA ra
58a3 dzaH// tsa thun mA ra ya thun sod// sha thun sod/ mA ra thun sod/ ru ru nag mo mA ra ya thun sod/ ma ma muk+ti 'gri na thun sod/ ma ma ka thun te ka sod/ ma ma rbad thun mA ra ya thun sod/ shag shag rag mo thun
58a4 mugs mA ra ya thun sod/mgon po gsang ba snying gi 'khor lo nag po'i rgyud las/ gcan gyi ma bdun gyi gsad pa ste/ las phyi ma'i rtog pa bcu bzhi pa'o//// de nas gnod sbyin chen po rnam thos sras
58a5 kyis bcom ldan 'das la 'di skad ces gsol to// mgon po nag po zhes bya ba// mtshan don ngo bo gang la bya// bsgrub pa'i tshul ni ji lta bu// las kyi bye brag bstan pa gang// rdzogs par 'khor la bshad par
58a6 mdzod// rdo rje gtum pos gang gsungs pa// mgon po nag po zhes bya ba// rnal 'byor kun gyi mgon gyur yin// ngo bo ye shes sprul pa las// ye shes sku ste rdo rje che// de las sprul pa dpal 'bar ba// dam
58b1 chos bsrung ba'i srung ma ste// rdo rje snying pos lung bstan nas// bstan pa de la mngon sangs rgyas// las kyi pho nya mngag pas te// bdud rgyal la sogs 'jigs pa'i 'khor// las kyi mgon po zhes su
58b2 bshad// bsgrub pa rnal 'byor dbang phyug gis// bstan pa'i bla srid nyer bzhag ste// dkon mchog bla ma'i don du bsgrub// rtsa ba'i sngags la nan tan bya// de rdzogs ga'u las la sbyor// de rtags sngon du 'ong ba
58b3 yin// gal te las 'gor dam tshig bshags// las mtha' 'khor lo drag pos bya// bzlog dag dkrug pa drod med spangs// dpa' bo gcig pa bsgrub pa ni// spu gri snying gi 'khor lo yin// ga'u 'khor lor
58b4 sgrub pa ni// nag po snying chos can zhes bya// ga'u gsang ba e rung bsad// las kyi mon gsum lto sdebs pas// gsang ba snying gcig bsgrub pa yin// las ka gang byed dregs pa'i sngags// mgon po'i rtsa
58b5 sngags de la gdags// mtha' ru las sbyor gang yin bya// yi ge rmad byung gsang ba'i rgyud// dam tshig ldan zhing lta ba rtogs// dbang thob rgyun du bla ma 'khur// de la nus pa dpag med de// rdo rje snying po ngas
58b6 gsungs so// zhes rdo rje snying pos gsang ba'i bdag po la gsungs te/ 'dus pa'i 'khor rnams thams cad rjes su yi rangs te/ mngon par bstod do// mgon po gsang ba snying gi 'khor lo las/ 'khor la
59a1 gdams pa'i le'u ste bco lnga pa'o//// dngos grub chen po 'byung ba zhes bya ba'i rgyud rdzogs so//// sa ma yA/ na ra kan/ lo ts+tsha ba gnubs sangs rgyas ye shes kyis bsgyur cing
59a2 zhus te gtan la phab pa'o////


CLOSE WINDOW