1a1 'jig rten mchod bstod sgrub pa rtsa ba'i rgyud ces bya ba bzhugs so//
1b1 rgya gar skad du/ lo ka sto tra pU dza tan+t+ra nA ma no pi ka san+ta kaM bod skad du/ 'jig rten mchod bstod sgrub pa rtsa ba'i rgyud ces bya ba bcom ldan 'das rdo rje 'dzin pa la phyag
1b2 'tshal lo// 'di skad bdag gis thos pa dus gcig na/ bcom ldan 'das de bzhin gshegs pa thams cad kyi sku dang gsung dang thugs kyi bdag nyid gsang ba chen po rdo rje 'dzin
1b3 pa/dus gsum gyi sangs rgyas ma lus pa thams cad kyi sku dang gsung dang thugs kyi phrin las ma lus pa yang dag par bsgrub par mdzad pa/ mthu dang/ stobs dang/ mi 'jigs
1b4 pa dang/dbang phyug dang/ gzugs kyis 'jigs par byed pa/ gtum po dang/ drag shul can dang/ dregs pa can dang/ stobs can dang/ bzod par dka' ba dag
2a1 myur du 'dul bar byed pa/bde bar gshegs pa thams cad kyi thugs kyi snying po de kho na nyid las phyung ba/ byang chub sems dpa' sems dpa' chen po gtso bo sa chen
2a2 po mthar phyin pa la rab tu zhugs pa/'dod pa'i khams dang gzugs kyi khams su gtogs pa'i dbang phyug lha'i rigs rnams kyi bdag po chen po lcang lo can gyi gnas dang ri
2a3 rab kyi gnas kyi gnod sbyin rnams kyi ded dpon chen po de/'og min gyi gnas lha'i rgyal po'i khang bzangs na bzhugs te/ dus gsum du rnam par bzhugs pa'i sangs rgyas
2a4 rnams kyi sku gsung thugs kyi rnam par 'phrul pa'i 'od zer sna tshogs bkye nas tshig 'di skad du bskul te/kye kye gsang bdag rdo rje 'dzin// khyod ni sangs rgyas thams cad
2b1 kyis// bstan pa dam pa bsrung ba yi// mthu stobs bdag por dbang bskur te// dam tshig chen po de gzigs la// sku gsung thugs kyi gsang ba las// 'jigs byed 'jigs par byed pa yi// sku mchog drag
2b2 po'i gsung dang bcas// gtum po'i thugs kyi shugs phyung la// gdul dka' ma lus 'dul ba'i phyir// sprul pa snga 'phrul phrin las kyis// sngon gyi thugs dam rol par mdzod// ces pa bskul ma thag tu bcom
2b3 ldan 'das de sangs rgyas kyi phrin las mdzad pa'i dus la bab par mkhyen nas/nyid kyi sku gsung thugs zhi ba chos nyid de bzhin las ma g.yos kyang gdul bar bya ba'i yul drag shul can rnams la gzigs
2b4 nas/phyogs bcu nam mkha'i mtha' dang mnyam pa'i 'jig rten gyi khams ma lus pa thams cad du sku'i rnam par 'phrul pa bsam gyis mi khyab pa khro bo chen po'i gzugs 'di lta ste/ sku mdog mthing nag zhal
2b5 dgu pa la/g.yas kyi zhal ni kham nag gtsigs pa/ g.yon gyi zhal ni smug nag bsdus pa/ dbus kyi zhal ni mthing nag khro zhing rngam pa/ phyag g.yas kyi rdo rje 'bar bas g.yon gyi thod khrag dkrug cing gsol ba/
2b6 g.yas 'og ma brgyad na lha chen po bsgral ba'i mgo gcad de bsnams la/ g.yon gyi 'og ma brgyad na klu chen po brgyad kyi mgo bsnams pa/ de dag kyang g.yang gzhi dang bcas pa/ g.yas kyi spyan
3a1 dgu gyen la bzlog pa/g.yon gyi spyan dgu 'phred la gzigs pa/ dbus kyi spyan dgu thur la sdang mig mdzad pa/ khro gnyer drag po dpral bar bsdus pa/ shangs nas srid pa'i rlung drag po 'tshub
3a2 pa/zhal nas bskal pa'i me 'bar ba/ mche ba dmar po bar snang khams su gtsigs pa/ sma ra ag tshom sprin bzhin du gtib pa// dbu skra ral pa kham nag srid pa'i rtse mor 'bar zhing 'khyil ba/ snyan nas
3a3 gdug pa'i sgra chen po 'byin pa/sbrul gyi chun pos yan lag dkris pa/ bdud dang rU tra bsgral ba dang glang po che'i pags pa na bzar gsol ba/ stag gi lpags pas sku smad dkris pa/ khrag dang zhag gi thig le
3a4 dang ri mos brgyan pa// thal chen gyis lus la byugs pa/ thod pa skam po dang rlon pa dang/ sha khrag ra ri can gyis phreng bar byas nas brgyan pa/ zhabs brgyad kyis tshangs pa dang khyab 'jug dang dbang phyug chen
3a5 po dang/brgya byin chung ma dang bcas pa dag mnan pa/ yum chen mo rab tu gtum mo 'jigs byed ma rang gi sku dang mtshungs pa zhig dang mnyam par sbyor ba/ grangs med cing brjod kyis mi lang ba bye ba til gyi
3a6 gang bu bzhin du gyur pa thams cad kyang/oM badzra tsaN+Da sarba duSh+tAn+ta ga ha na da ha pa tsa hUM phaT/ ces bya ba'i gsung sgra drag po 'byin pa/ de dag re re las kyang sprul pa dang sprul pa'i yang sprul bsam gyis mi khyab pa
3b1 rab tu snang bar mdzad pa/'jig rten gyi khams kyi dregs pa can lha'i tshogs dang/ bdud dang/ gshin rje dang/ srin po dang/ gnod sbyin dang/ gza' bdud dang/ klu dang/ rgyal po dang/ ging dang/ ma mo
3b2 chen mo rnams dang/mkha' 'gro'i tshogs dang/ ru tra dang/ mu stegs dang/ srog gi bdag po dang/ nor gyi bdag po dang/ tshe'i bdag po dang/ sngags kyi bdag po dang/ srid pa'i bdag po dang/ gzhan yang
3b3 'jig rten khams thams cad dang/dur khrod chen po dang/ yul chen po dang/ 'dzam bu'i gling gi mtha' 'khob kyi sa dang/ ri'i rgyal po dang/ ri phra mo dang/ rgya mtsho dang/ chu phran dang/ yongs su 'du ba'i shing
3b4 dang/nags tshal chen po dang/ gnas phra mo bsam gyis mi khyab pa dag na gnas pa'i 'jig rten gyi dregs pa can pho dang mo'i rnam par 'dug pa dang/ gtso bo dang 'khor dang khyad par rgyu ba dang/ bran dang
3b5 g.yog gi tshogs dang bcas pa dag gis/rang rang gi gnas nas myur ba dngang zhing skrag la 'jigs pa dang ya nga ba'i sems dang/ dul ba'i sems kyis 'thon te/ bcom ldan 'das de'i spyan sngar rlung drag
3b6 po'i shugs kyis rab tu bskyod pa'i shing bal gyi 'dab ma bzhin du rang dbang med par lhags par gyur te/phyogs bcu'i 'jig rten gyi khams ma lus pa dang/ khyad par du mi mjed kyi 'jig rten gyi khams na
4a1 gling bzhi dang/rgya mtsho chen po dang/ rol pa'i chu klu'i gnas dang bcas pa/ ri rab chen po dang/ ri bdun gyi gnod sbyin gyi tshogs dang/ lha'i gnas 'dod pa'i khams dang/ gzugs kyi khams
4a2 dang/gzugs med pa'i khams dang bcas pa dang/ dmyal ba dang/ yi dwags dang/ byol song gi skye gnas na gnas pa dang/ 'dzam bu'i gling gi sa'i cha na gnas pa'i dregs pa can rnams so so nas rang rang
4a3 gi mdun na drag po chen po'i sku gzi byin dpag tu med pa/gzhan dag gis nye ba'i thugs mi thub pa re re 'dug pa mthong ste/ de dag thams cad tha dad du rang rang gi sde dpon chen po rnams la skyabs su 'gro
4a4 bar byed do// sde dpon chen po rnams ni 'jigs byed chen po'i sku gsang ba pa'i bdag po de la rang gi 'khor dang bcas te skyabs su 'gro bar byed de/ thams cad kyi rang rang gi gzugs dang longs spyod dang
4a5 'khor dang/rgyan dang bzhon pa dang gnas dang nye bar bde bar spyod pa phrin las khyad par ma lus par bstan cing/ ming gi snying po rnams mngon du phyung ste smras so// ma hA de ba e dzaH/ u ma de ba e dzaH/ d+hu dra
4a6 ma du phrag dzaH/dun+ti ma du dzaH/ zhes 'jig rten gyi dbang phyug chen po yab yum bdud pho mo dang bcas pa rnams kyis rang rang gi ming phul ba'o// de nas gshin rje'i ded dpon rang gi tshogs dang bcas pas rang
4b1 rang gi ming dang srog dang bcas pa phul ba// hrIHSh+t-i kr-iSh+Na ya ma pre ta dzaH/ ma ma ya mun+t+ri b+hi tri dzaH zhes phul lo// de nas srin po'i sde dpon rang gi 'khor dang bcas pa'i ming gi snying po// rak+Sha ra sha ra ma ti rak+Sha ma
4b2 shu ti dzaH zhes phul lo// de nas gnod sbyin gyi sde dpon rang gi 'khor dang bcas pa'i ming dang srog gi snying po yak+Sha ku be rak+Sha ta ma yak+Shi ma sha dzaH zhes phul lo// de nas 'jig rten gyi gnod sbyin lha'i sde dpon
4b3 kha ba can gyi dbang pos rang gi ming phul ba/ga~M b+ha b+ha tra d+he ba ta ru ti dzaH zhes phul lo// de nas 'jig rten gyi rgyal phran gyi ded dpon lha'i the bcu gsum gyi bdag pos ming phul ba/ ga~M ta pa sha li ba ra tri saM
4b4 kar sha dzaH zhes phul lo// de nas spyi bdud kyi sde dpon rang gi 'khor dang bcas pas ming gi snying po smras pa// duspra sha~M dza a ka ru ka~M tsa dzaHzhes phul lo// de nas ye shes dang las las grub pa'i dang dam tshig
4b5 gi tshogs kyi bdag mo srid pa dbang sdud ma dang/ral pa gcig ma dang/ mkha' 'gro ma'i tshogs kun gyis rang rang gi ming gi snying po phul ba/ ma ma trag mu tra ra tsa e ka dza Ti ru ru ro tiSh+ta b+hat+to re tu ma ti kha mun+t+ra
4b6 pa tsa la me sha dzaH zhes phul lo// de nas 'jig rten gyi lha btsan po dang/ ru tra'i rigs kyi ded dpon chen po rnams kyis rang rang gi ming gi snying po// de ba a b+hi shu tri ru tra ni dzi ha~M sha~M tri dzaHzhes
5a1 phul lo// de nas 'jig rten gyi bgegs kyi rgyal po dang/ mu stegs byed pa dang/ bdud dmu ba'i tshogs kyis rang rang gi ming gi snying po// bi nA ya ka tir+thi ta ka du mun mun paHdzaHzhes phul
5a2 lo// de nas 'jig rten gyi srog gi bdag po dang/ gnod sbyin klu'i bdag po rdo rje can dang/ bla'i rgyal po chen po dang/ lha'i dbang phyug nag po chen po'i tshogs kyi sde dpon chen po rnams kyis rang rang gi
5a3 ming gi snying po/ging+ka ra tri pa la rA dza badzra bu ru lu dza badzra la ru tri dza ma hA kA la yak+Shi dzaH zhes phul lo// de nas 'jig rten gyi klu dang gza' skar gyi sde dpon chen po rnams kyis rang rang gi ming gi srog gi snying po
5a4 phyung ba nA ga tsi ta hu ya nA ga me k+She tra hu la g+hu he pa sha mi ke hUM dzaHzhes phul lo// gzhan yang 'jig rten gyi khams kyi dregs pa'i dbang phyug ma rungs pa'i 'khor dang bcas pa dag gis rang rang gi lus dang srog
5a5 dang bcas pa/e a nri dzaH sa ma ya srog breng breng dzaHdzaHzhes phul lo// de nas bcom ldan 'das kyis dregs pa can 'khor dang bcas pa de dag dbugs phyung nas mi 'jigs pa byin te 'di skad du/ kye ma
5a6 'jig rten grags pa'i tshogs// khyed rnams nga la ma 'jigs shig/ nga ni sangs rgyas thams cad kyi// sku gsung thugs kyi phrin las bdag/ chos nyid zhi ba chen po yi// thugs rje dang ni ye shes kyis// dus
5b1 gsum 'dus byas 'dus ma byas// skad cig nyid la mngon du gsal// ma 'ongs sems can don gyi phyir// sna tshogs lus kyi gsang ba ston// dregs pa'i sde dpon khyed rnams kyang// thog ma med nas da lta'i
5b2 bar// nyon mongs 'khrul pa'i dbang gyur te// gnas ngan len gyi bag chags kyis// lus ngag yid kyis mi dger spyod// 'khor ba'i sdug bsngal rgyun mi 'chad// na rag chen por lhung nas ni// thar pa'i dus
5b3 med 'byung srid kyis// de bas da lta'i dus mchog 'dir// nga dang sangs rgyas thams cad kyis// sku gsung thugs dang yon tan dang/ mdzad pa'i phrin las rab son la// bsgo ba'i gsung bzhin nyan par
5b4 gyis// las dang srid pa don yod la// mi dge'i bag chags dor bar gyis// bslab pa'i gzhi bzung sems bskyed la// mthu stobs nus pa drag shul dang// sangs rgyas bstan pa'i rjes su spyod// rig 'dzin
5b5 rnams kyi bka' bzhin skyongs// khyed cag rgyal po rje dpon dang// bran g.yog tshul du lus brten pa// dngos grub gsol zhing phrin las sgrubs// gal te de ltar mi byed cing/ gsang ba'i tshig las 'gal byed
5b6 na/khyed kyi lus sems srog gi rgyud// da lta nyid du ma rungs 'gyur// zhes bka' stsal nas dam pa'i tha tshig la bkod nas bzhag go/ 'jig rten pa'i sde dpon gyi tshogs rab tu 'dul ba gleng
6a1 gzhi'i le'u ste dang po'o//// de nas 'dod pa'i khams kyi lha'i dbang phyug chen po yab yum la sogs pa'i dregs pa can gyi 'khor rab tu 'dus pa de dag gis/ bcom ldan 'das de
6a2 bzhin gshegs pa thams cad kyi sku gsung thugs gsang ba'i bdag po chen po la 'di skad ces gsol to// kye ma bcom ldan gsang ba'i bdag/ 'jig rten gnas pa'i drag shul can// 'dod chags zhe sdang
6a3 sred len gyis// gang gis mchod cing brten byas nas// bdag cag rnams ni dga' mgu rangs// khyod kyi bka' lung rjes bzhin du// brtul zhugs 'dzin pa de dag la// phrin las spyod pa'i grogs bya'i
6a4 phyir// bdag cag so so'i gnas dang dus// rang gi sde dang 'khor g.yog dpung// mthun pa'i las dang longs spyod dang/ cha lugs rigs dang bsam pa dang// khams dang byed pa'i tshul dag dang// dam tshig
6a5 sbyor ba'i khyad par dag/bdag cag rnams dang ma 'ongs pa'i// rig pa'i tshul 'dzin don phyir du// ma lus rgyas par bshad du gsol// zhes gsol pas// de nas bcom ldan 'das kyis 'jig rten gyi dregs
6a6 pa can dag gi gtso bo dbang phyug chen po la sogs pa rnams/so so'i las dang gcig tu sbas pa dang/ tha dad du sbyar ba dang/ nges pa dang/ ma nges pa dang/ rim pa dang 'chol ba dang/ phyi dang nang dang/
6b1 gsang ba dang/ sbas pa dang/ 'tshogs pa dang/ 'thor ba dang/ mthun pa'i rdzas dang/ snying po dang/ ma ga pa dang/ gnyer gtad pa dang/ skul ba dang/ rbad pa dang/ bzlog pa dang/ tshar gcad pa dang/
6b2 gzir ba dang/ spogs pa dang/ las sna tshogs pa dag gi sgo nas// rol pa chen po'i gsang ba sku gsung thugs kyi rdo rje dam tshig chen po las phyung ste bka' stsal to// nyon cig 'jig rten dregs pa'i
6b3 tshogs// phyi ma'i tshe na snyigs ma'i dus// dge sbyong chen po'i bstan pa 'di// so so'i skye bo rnams la snang/ nyan thos rang rgyal rnams kyi tshul// rdo rje 'chang ba rnams kyi sku// rgyud dag sa lam rdzogs la
6b4 gsal// spros med chos sku 'du 'bral med// ting nge 'dzin la sbyangs pas 'grub// bsam pa tshe snga smon pa yis// rigs drug so so'i bdag por snang// las kyi dregs pas khyed rnams ni// 'jigs shing
6b5 'jigs par byed pa yis// gtum zhig dpa' la ches dpa' bas// gdul zhing drag par nus pa las// zhi bas 'dul bar mi 'gyur te// rig pa 'dzin pa'i skyes bu ni// stobs ldan dregs tshogs kun 'dul
6b6 ba// khams gsum spyi la dbang sgyur byed// nga dang gnyis med sbyor ba yis// las kyi bya ba rang rdzogs pas// dur khrod chen po rab 'jigs pas// byin gyis brlabs pa'i dben sa ru// sgrib byang bsod nams
7a1 bsags pas dang// bar chod bdud bzlog las la 'bad// mthun rdzas sa la pho brang bzhengs// dam tshig drag po'i rdzas kyis bran// thod mkhar bang mdzod ldan pa'am// e khram grangs dang
7a2 sbyar bar bya// dregs pa'i lus ngag yid gnas brten// ngas bshad tshul dang mthun par dgod// phyi rol sgo sogs rgyan 'jigs ldan// dur khrod chen po sngon du phyung// tsa ra ma he chu glang dang// seng ge glang
7a3 chen rta nag dang// bya khyi lug nag rnga mo dang// stag dang bya rgod khyi phag gnag/ bdud bya chu srin nya rus sbal// rgod dkar rgod gnag rta dkar dmar// so bya dre'u ba glang rnams// rgyal mtshan sha khrag snying dang
7a4 bcas// so so'i mthun pa'i gnas su bsham// 'bru bzang bshos dang dam tshig rdzas// bdud rtsi sha khrag snying sbyar ba// rin chen bcud kyis sbreng ba ni// grangs mnyam yang na phyogs bzhir bzhag/ gdugs
7a5 dang ba dan bla res dang/lda ldi dra ba za ra tshags// 'di la shis shing mthun pas te// stag gzig dom dred 'phar spyang dang/ kAng+ka dur bya bya rgod khra// mi rta bal glang ke le yi// sha rgyus pags pa mgo yis
7a6 bya// mda' gzhu mdung dang kha T+wAM ga/ ral gri chu gri spu gri dang// tri shUl phur pa so mangs dang/ mtshon cha drag pos bskor zhing gtams// mdzes dang mi mdzes snyan mi snyan// dri nga ba dang gdang ba dang// kha
7b1 mngar tsha skyur rtsub pa dang// tsha grang 'jam rtsub dro dang bsil// gzugs sgra dri ro reg rnams kyis// ji ltar 'dod pa bzhin du gtang// de nas rdo rje 'dzin pa des// phyi nang gsang ba'i bsrung ba yis// gnod
7b2 cing 'tshe ba tshar gcad de// bsod nams tshogs kyis rang rgyud sbyang// gzhan phan byang chub sems kyis bsgrub// chos rnams gnas lugs bzhin du sgom/ ma mthong ba la snying rje bskyed// ngo bo skyed rgyu hUM du
7b3 sgom// de las gnod kyi gzhi mo lnga// ye shes 'byung ba lnga ru bsam// steng du rin chen ri rab kyi// dbus su dur khrod gzhal med khang// thod mkhar e tra~M sum cu pa// gzugs brnyan bzhin du ting 'dzin
7b4 bskyed// dbus su nyi zla pad+ma dang// ro bzhi bsnol ba'i steng nyid du// rdo rje 'chang ba'i sku gsung thugs// nga nyid kun la snang bzhin bsam// yum chen khams gsum spyi 'dul ma// gtso dang gnyis med sbyor ba
7b5 las// thabs dang shes rab 'od zer las// e dgu'i rnam pa sa bon tshul// 'phro 'dus gri gug kha T+wAM gsal// de nyid gsal ba'i rgyud sbyangs pas// 'dod khams dbang phyug gtso bo che// lha mo yum dang
7b6 bcas par gyur// seng ge glang chen zhabs kyis gnon// zhal gcig phyag gnyis mthing nag rngam// na bza' ljang nag bklubs ber gsol// gtso chen gri gug tsit+ta bsnams// yum gyi kha T+wAM thod
8a1 khrag bzung// yab yum gnyis med thugs ka nas// ya ma/ dun+ti/ rak+Sha/ yak+Sha las/ phyogs bzhir bdud dang gshin rje dang// srin po gnod sbyin sde dpon dang// yab yum bcas pa gsal bar
8a2 spro// gra he nA ga/ steg 'og tu ni bdud klu gza'i// sde dpon yab yum spro zhing bskyed// de ba/ tri dza/ du tri// gang bzang lha dang rnal rgyal dang// spyibadud sde dpon shar du bskyed/ ma ma~M/ dza ti/ d+ha ki las/ ma
8a3 chen srid pa'i rgyal mo dang// ral gcig ma dang mgyogs byed ma// mo tshogs sde dpon lho phyogs su'o// ru tra/ a b+hi/ ha~M sha~M las/ lha sbyin btsan dmar ril btsan gyi// sde dpon nub kyi phyogs su bskyed/ bi
8a4 tra/ti thi/ rmu du las/ bgegs dang mu stegs dmu bdud kyi// sde dpon byang gi phyogs su bskyed/ tri ya~M/ ra tri sa tri na tri las// srid pa'i srog gi bdag po dang// gnod sbyin klu tshab bdud rgyal po// sku lha
8a5 gsang ba rdo rje legs// nag po chen po chos srung rje// shar lho nub byang sgo bzhir bskyed// phyi rol khyams su dregs pa can// so so'i g.yog 'khor mang po dag/ bka' nyan gsung sdong tshul du bskyed// rang rang
8a6 sngags kyis bstan par bya// dbang po'i tshul du gsal ba dang// 'jig rten rang rgyud so so yi// gnas nas 'od kyis bkye ba dang// gsang ba'i snying pos myur du bod// ting nge 'dzin gyi tshul 'dra ba// rang gi
8b1 gzugs brnyan lus la bstim// rang rgyud ba dang gzugs brnyan 'dres// [¿]o~M AHhU~M/ oM badzra tsaN+DA sarba Sh+tAn+ta ka ha na da ha pa tsa hUM phaT/ sku gsung thugs ldan byin brlab cing/ rdo rje 'chang bas dbang bskur
8b2 bya// dur khrod gnas kyi sgo bzhi nas// bka' nyan las byed sde brgyad kyis// lus ngag gus pas phyag 'tshal zhing// phyi nang gsang ba'i 'dod yon tshogs// 'tshe zhing gdug pa'i bsam pa can// gzugs can
8b3 gzugs med bcas pa yis// dregs pa'i tshogs la mnyes par dbul// sku yi cha lugs so so yi// don rtags mthun pa'i tshig gis bstod// sku gsung thugs kyi yon tan dang// phrin las smos te thugs dam
8b4 skul// rdo rje 'dzin pa'i sku gsung thugs// gsal brtan tshad dang ldan pa yis// nam mkha'i khams kun mthas khyab kun// rang gi yul gsum gsal bar dmigs// dregs pa'i sde dpon re re'i
8b5 drung// rdul snyed 'dul byed gnyen por gnas// phal pa re re'i gnas drung du// sde dpon chen po de bzhin bsam// bka' nyan gsung sdod g.yo mi nus// cung tsam 'da' bar mi spyod cing// rang gi 'dod pa mi
8b6 spobs la// skad cig tsam la don sgrub dmigs// de nyid kyis ni gtso chen gyis// bsnyen cing bsgrub pa tshad rtags ldan// yongs su rdzogs par gyur nas ni// dregs pa'i sde dpon tshogs rnams kyi// so so'i
9a1 gzugs brnyan gsal btab ste// rang gi ming gi snying po dang/ gcod 'phrog yi ge spos te bzlas// dus tshad grangs dang mtshan ma yis// tshad bzung ma nor grub pa yis// rtags la phab ste las
9a2 la sbyar// nga nyid rjes su sgrub byed pas// dregs pa myur du dbang du sdud// zhes bka' stsal to// 'jig rten pa'i ded dpon gyi tshogs nye bar sgrub pa'i rtsa ba'i las kyi gnyer gtad pa'i le'u ste gnyis
9a3 pa'o//// de nas rab tu bshad bya ba// 'di dag kun la ngas bshad pa'i// sde dpon chen po rang gnas nas// bod dang gzhug dang mnyes pa dang// bstod dang thugs dam bskul ba dang// tshig
9a4 brjod 'di yis bstan par bya// thugs rje rnam dag dbyings kyi dkyil 'khor nas// chos sku stong nyid dbyings las ma g.yos kyang// 'jig rten dregs pa'i tshogs rnams 'dul ba'i phyir// khro chen dpa' gtum
9a5 'jigs byed skur bstan pa// thugs dam dgyes bskul gsang ba'i yum dang bcas// ma rtogs shugs kyis 'dul phyir gshegs su gsol// dregs pa'i dbang phyug 'jig rten lha yi gtso// 'dod pa'i lha mo
9a6 bde chen 'byung gnas ma// 'khor tshogs drag shul mthu stobs dpung gi bdag/ khro gtum gdug pa'i rtsal 'chang dpal dang ldan// rdo rje 'chang gi bka' bzhin rjes su sgrub// dam tshig rjes dgongs gnas
9b1 'dir gshegs su gsol// badzra sarba duSh+tan+ta a tan ya e dza b+h+yo/ a gats+tsha sa ma ya hring hring/ dur khrod gsang ba mchog gi dkyil 'khor 'dir// lha chen nyi zla pad+ma'i gdan steng du// bcom ldan khro rgyal rngam
9b2 brjid 'bar ba'i sku// yab yum dgyes par rol cing bzhugs su gsol// snang srid dregs pa ma lus ded dpon gtso// 'dod khams bdag po dgyes mdzad yum dang bcas// lha srin tshogs kyi gtso chen
9b3 'khor dang bcas// phrin las mthun pa'i gdan la bzhugs su gsol// badzra sarba duSh+tan a ta na ya e dza b+h+yo// sa ma ya sti ta badzra hU~M dzaH dus gsum sangs rgyas thugs kyi snying po mchog/ chos kyi sku las
9b4 gzugs sku 'gro don sprul// tshe btsan 'gran zla med pa khro bo'i rje// dbang sdud yum dang bcas la phyag 'tshal bstod// phyogs bcu'i rgyal ba ma lus sras dang bcas// dam bcas bstan pa'i tshul bsrung 'jig
9b5 rten mgon// zhing bcu sgrol mdzad phrin las drag shul can// sde dpon sum cu'i tshogs la phyag 'tshal lo// badzra sarba duSh+tan a ta na ya e dza b+h+yo// na ma A ra li hoH/ dpal chen dregs pa kun 'dul yab yum
9b6 la// sku gsung thugs mnyes mchod pa 'bul ba ni// gdugs dang rgyal mtshan ba dan bla re dang// phreng ba phye ma lda ldi za ra tshags// bdug spos me tog mar me chab bsil dang// gzugs mdzes sgra snyan dri
10a1 zhim ro bro dang// reg 'jam 'dod yon ma lus ji snyed pa'i// 'phags pa'i thun mong mchod tshogs bzhes su gsol// khyad par gsang ba'i mchod pa 'bul ba ni// dus gsum gnas su sbyangs
10a2 pa'i sha rus khrag/dug lnga sman du grub pa'i dam tshig rdzas// stobs mchog nus pa ba ling mchod pa dngos// thugs rjes mthun pa'i ngang gis bzhes su gsol// dpal chen yab yum bka' bzhin rjes sgrub
10a3 pa'i// dbang phyug chen po yab yum mnga' bdag rje// 'jig rten 'das kyang 'khor ba'i cha lugs 'dzin// bka' yi bstan srung sde dpon sum cu la// 'dod pa'i yon tan mchod cing sbyin pa ni// dkar dmar
10a4 ser ljang la sogs mdog/zlum po gru bzhi la sogs dbyibs// che chung sbom phra ring thung tshad// mdzes dang mi mdzes sdug mi sdug/ 'byung ba rten 'brel rol mo'i sgra// glu tshig bstod dbyangs snyan pa'i
10a5 tshig/spos sman bdud rtsi me tog dri// bsreg sungs ba~M sungs dri dang ngad// kha mngar tsha skyur bska ba dang/ lan tshwa spod dang bye skyu dang// 'jam rtsub bsil yang tsha dang bro// so so'i yon tan tshogs dang
10a6 bcas// 'dod dgu 'bul gyis bzhes su gsol// bdud rtsi lnga dang sha lnga dang// don snying lnga dang 'byung ba lnga// dbang po lnga dang yul lnga dang// phung po lnga dang nang grol lnga// 'tshe zhing gsod dang bar du
10b1 gcod// gdug par sems shing log par lta// mi mthun phyogs lngar bcas pa rnams// so sor 'bul gyis bzhes su gsol// badzra sarba duSh+tan a ta na ya e tsa dza b+h+yo/ ma hA ba lin+ta/ a mr-i ta/ su ka ta/ mA~M sa/
10b2 rak+ta/ bi ba ta/ bA su ta/ la ma ta/ i da~M gr-ih+Nan+tu sa ma du/ kha kha/ khA hi khA hi/ bcom ldan dpal chen dregs pa kun 'dul dang// yum chen khams gsum spyi 'dul 'khor bcas kyi// sku mdog 'gyur med me
10b3 long gzugs brnyan bzhin// gsal zhing rtog med snang ba ma 'gags pa// sku lnga lhun grub rdzogs pa'i dngos grub gsol// gsung mchog 'gag med brag cha sgra brnyan bzhin// snyan dang mi snyan grag stong tshangs
10b4 pa'i gsung// gsung dbyangs nam mkha'i mthas khyab dngos grub gsol// thugs mchog spros bral bsam 'das chos kyi dbyings// mi rtog bde chen thabs dang shes rab dang/ rtsol med mi g.yo mchog gi
10b5 dngos grub gsol// yon tan brjod kyis mi lang sna tshogs yod// 'das dang ma 'das mchog dang thun mong gi/ grub pa brgyad dang mthar thug dngos grub gsol// 'jigs pa brgyad sogs zhi dang 'byor pa
10b6 rgyas// log lta mos pa'i tshul gyis dbang du sdud// mngon spyod dgra bgegs 'dul ba'i dngos grub gsol// badzra sarba duSh+tan a ta na ya e dza kA ya sid+d+hi/ bAka sid+d+hi/ tsit+ta sid+d+hi/ gu Na sid+d+hi/ kar+m+ma sid+d+hi/ hU~M hU~M hU~M/
11a1 bcom ldan dpal chen dregs pa kun 'dul ni// dbu dgu phyag ni bco brgyad de// sku mdog mthing nag khro zhing rngam// g.yas kyi zhal gsum smug nag bgrad// g.yon gyi zhal gsum kham nag
11a2 gtsigs// dbu skra ral pa me dpung 'bar// spyan dgu sdang mig bzlog cing bgrad// shangs nas srid pa'i rlung nag 'thor// snyan nas stong gsum 'brug sgra 'dir// sma ra ag tshom me ltar 'bar// mche
11a3 gtsigs srid gsum rtsa ba gcod// phyag dgu g.yas g.yon dang po yis// rdo rje thod khrag dkrug cing gsol// g.yas kyi phyag brgyad 'og ma na// dregs pa'i lha brgyad bsgral ba yi// g.yang gzhi mgo bor
11a4 bcas te bsnams// g.yon gyi phyag brgyad 'og ma na// klu chen brgyad kyi b+han d+ha ru// dregs pa'i snying khrag bkang nas gsol// dpa' bo'i chas brgyad sku la rdzogs// zhabs brgyad brkyang bskum dor stabs
11a5 kyis// khams gsum bdag po sde bzhi mnan// yum chen khams gsum spyi 'dul ma// zhal gcig phyag gnyis mthing nag sku// rdo rje 'phyar zhing thod khrag stobs// gnyis med thugs kyi phrin las kyis// 'jig
11a6 rten dregs pa bran du 'khol// lha srin sde brgyad las la 'gyed// dgra bgegs gdug pa rtsad nas gcod// khro rgyal gtso la phyag 'tshal bstod// dpal gyi bka' bzhin las mdzad pa'i// lha chen dbang phyug
11b1 chen po ni// zhal gcig phyag gnyis sku mdog mthing/ phyag g.yas gri gug tsit+ta g.yon// lha mo u ma de ba ni// sku mdog mthing nag gtso la 'dud// phyag g.yas rtse gsum thod khrag g.yon// seng ge glang chen
11b2 gdan la bzhugs// sde dpon dregs pa kun gyi gtso// yab yum sku la phyag 'tshal bstod// bdud kyi rgyal po'i sde dpon ni// khram shing g.yas la dgra s+t+wa g.yon// bdud rta nag po'i khri la bzhugs// sbyor yum
11b3 bdud mo re ma ti// khram bam g.yas la nad rkyal g.yon// bong bu gwa dmar gdan la bzhugs// gshin rje'i sde dpon chen po ni// be con g.yas la thod dbyug g.yon// sbyor yum gshin rje za byed mo// phyag
11b4 gnyis srid pa'i 'khor lo bskor// yab yum ma he chu glang gnon// srin po'i sde dpon glog phreng can// phyag gnyis thog ser 'dril zhing 'phen// srin mo sbal mgo khrag mig ma// phyag g.yas phur pa khrag phor
11b5 g.yon// yab yum 'brug dang rnga mo gnon// gnod sbyin sde dpon me dbal ni// phyag g.yas rin chen g.yon ral gri// sbyor yum gnod sbyin nag mo ni// phyag g.yas spu gri g.yon spyang mo// stag seng phag mo
11b6 zhabs kyis mnan// gza' bdud ded dpon chen po ni// phyag g.yas mda' gzhu g.yon sbrul zhags// sku smad sbrul 'khril 'brug chen gnon// sbyor yum thog gi bu yug can// g.yas g.yon phyag gis thog
12a1 ser 'bebs// klu rgyal ded dpon chen po ni// phyag g.yas sbrul zhags g.yon nad rkyal// sbyor yum klu mo nag mo ni// sbrul mgo phyag mtshan yab kyi tshul// yab yum chu srin rus sbal
12a2 gnon// phyogs bzhi steng 'og gnas bzhugs pa'i// dregs pa'i ded dpon 'di dag ni// kun kyang sku mdog mthing nag la// khros pa'i cha byad 'jigs tshul can// dur khrod g.yang gzhi'i chas kyis
12a3 brgyan// rang gi tshogs 'dus 'phrin las mdzad// yab yum bcas la phyag 'tshal bstod// gnod sbyin lha yi rgyal po ni// shel gri ba dan dkar po 'dzin// rgod dkar ru bzangs zhabs kyis mnan// gnam
12a4 rgyal chen po ded dpon ni// phyag g.yas ldan dkar g.yon shel gri// rta dkar rngog dmar zhabs kyis mnan// spyi bdud rgyal po gu rum rtse// phyag g.yas ba dan g.yon shel gri// zhabs gnyis rdo rta gro bo
12a5 gnon// dkar po'i ded dpon chen po gsum// shar phyogs gnas la phyag 'tshal bstod// srid pa'i ma mo ded dpon mo// 'khor lo g.yas la me long g.yon// zhabs gnyis 'brug mo mgo dgu
12a6 gnon// sngags kyi srung ma chen mo ni// tsit+ta g.yas la spyang mo g.yon// dre rta nag mo zhabs kyis gnon// mkha' 'gro nag mo mgyogs byed ma// rgyu zhags g.yas la mtshon grug g.yon// so bya nag mo zhabs
12b1 kyis gnon// nag mo'i ded dpon ma mo gsum// lho phyogs gnas la phyag 'tshal bstod// rdo rje bdud 'dul nag po ni// g.yas g.yon phyag gis thun khrag 'phen// brag btsan srog zan dmar po ni// mda'
12b2 gzhu 'phen zhing dar dmar 'phyar// che btsan 'gong rgyal chen po ni// shang lang dang ni zhags pa 'dzin// dmar po'i ded dpon rgyal po gsum// kun kyang rta dmar zhags kyis gnon// nub phyogs skyong la
12b3 phyag 'tshal bstod// bi nA ta ka bgegs kyi rgyal// phyag g.yas kha T+wAM g.yon thod khrag/ phyi rol skyong ba'i mu stegs gtso// tri shUl g.yas la thod khrag g.yon// dmu bdud chen po phrag med ni// mda' gzhu dang
12b4 ni shang lang 'dzin// nag po'i tshogs kyi ded dpon gsum// bdud rta nag po zhabs kyis gnon// byang phyogs gnas la phyag 'tshal bstod// tshangs pa'i rgyal po srog gi bdag/ spu gri g.yas la nyi zhags
12b5 g.yon// seng ge dkar po zhabs kyis gnon// bdud kyi rgyal po nor gyi bdag/ bdud zhags g.yas la spu gri g.yon// ban glang sna rings zhabs kyis gnon// sku lha'i rgyal po yul gyi bdag/ phyag g.yas rdo
12b6 rje g.yon ba dan// ra dkar gnam ru zhabs kyis gnon// nag po chen po tshogs kyi bdag/ phyag g.yas be con g.yon thod khrag/ rta nag mgyogs pa zhabs kyis gnon// phyogs kyi sde dpon chen po bzhi// sku
13a1 mdog dkar ser dmar nag mdzes// sgo bzhir gnas la phyag 'tshal bstod// sde dpon dregs pa 'di dag ni// khro zhing gtum pa'i tshul 'chang zhing// na bza' g.yang gzhi 'jigs pa'i
13a2 chas// sna tshogs mdzes pa'i rgyan dang ldan// rang gi 'khor g.yog tshogs kyis bskor// sprul pa'i cho 'phrul bsam mi khyab// mchod bstod chen pos khyed bsgrubs na// so so'i tshogs 'dul phrin las
13a3 mdzod// zhes brjod ting 'dzin ldan pa yis// dregs pa'i ded dpon mchod cing bstod// 'di ltar spyod pa'i rnal 'byor gyis// 'jig rten gtso bdag gzhung bzhin bsgrub// rdo rje 'dzin dang gnyis su
13a4 med// zhes bka' stsal to// 'jig rten gyi ded dpon nye bar bsgrub pa rdo rje'i dam tshig mchod bstod kyi le'u ste gsum pa'o//// de nas rab tu bshad bya ba// 'jig rten dregs pa dbang sdud
13a5 cing// tshar gcad las la skol ba'i phyir// byin brlabs gnas pa'i dbang bskur bshad// gsang zhing dben pa'i gnas dag tu// sngar bshad las kyi pho brang bsham// yo byad rdzas kyi khyad par 'phags// ma
13a6 lus par ni gzung bar bya// rdo rje 'chang ba rjes 'brang bcas// mtshan nyid ldan pa mngon sum sbyar// dus kyi grangs dang mtshan ma'i rtags// bsnyen pa'i lung bzhin brtson par 'bad// gzugs brnyan bdag
13b1 po slob ma rnams// khyad par gnas pa'i sta gon bya// bris dang rkos pa la sogs pa'i// sde dpon rnams kyi gzugs brnyan dang// phur pa grangs dang mnyam par dgram// gzhan yang bum pa mchod gtor
13b2 dang// dug gtor thun gtor thun rdzas dang// sha khrag bshos chang bza' btung sogs// rgyal mtshan ba dan mda' dang gzhu// dpa' ba'i chas dang rol mo'i sgra/ rab tu brdar zhing mdzes par bsham// rdo rje
13b3 'dzin pas ting 'dzin gsal// las kyi rgya pos mchod bstod bya// rgyu dang mdangs kyis thugs dam bskang/ bshags dral bcugs sbyang dbab pa bya// mos shing spros bdag dang ba yis// bdud 'dul gtso la
13b4 skyabs su 'gro// bstan pa bsrung bar sems bskyed de// bla ma sangs rgyas rdo rje 'dzin// he ru ka dang gnyis med la// gdug byed log lta 'dul nus pa'i// mthu dbang chen po'i gzhung 'tshal gyis// brtse
13b5 ba'i thugs kyis dgongs nas ni/dkyil 'khor dam par gzhug tu gsol// nyon cig skal ldan rigs kyi bu// dus gsum sangs rgyas sku gsung thugs// gnas pa'i bstan pa bsrung ba'i phyir// spro bas 'jug
13b6 pa khyod lags kyis// mngon spyod brtul zhugs dam pa yis// dam tshig chen po'i sar 'dug shog/ mgon po he ru ka dpal rje// 'dul ba'i 'khor tshogs bcas pa yi// drag shul spyod pa'i pho brang du// mdzes
14a1 pa'i me tog bdag dbul gyis// rdo rje dam tshig 'di bzhes la// dregs pa 'dul nus dngos grub gsol// pra ti gr-ih+Na puSh+pa hU~M/ dpal ldan rdo rje 'chang ba yi// rjes 'jug rigs kyi bu khyod
14a2 ni// thog ma med nas da lta'i bar// bstan pa bsrung ba'i skal ldan te// sde dpon dbang chen dkyil 'khor 'dir// bstan la rab dga'i sems kyis ltos// badzra ya sa ma ya ma d+ha la tsag shu bra be sha ya phaT/ rdo
14a3 rje bdud rtsi dam tshig chu// 'di las dus gsum 'da' mi bya// grub pa'i 'bras bu gnyis yin te// tshul bzhin mi 'da' bros dor cig/ ma hA sa ma ya i dan+te nA ra kAn ShA ba mi la~M/ rdo rje 'dzin pa bka' drin
14a4 che// thugs rjes rtag tu byin brlab phyir// 'di nas rdzogs sangs rgyas kyi bar// mthu stobs dngos grub stsal du gsol// badzra sa ma ya tsit+ta sid+d+hi sid+d+hi hU~M/ thog ma'i sangs rgyas sras bcas kyi// rjes su bsgrub
14a5 pa bdag yin gyis// 'jig rten 'das dang ma 'das pa'i// lha dang dregs pa mthu stobs can// gtso dang 'khor du bcas rnams kyis// sku gsung thugs kyi dam tshig dgongs// rdo rje slob ma rig 'dzin
14a6 la// dbang bskur dngos grub rtsol mdzad pa// nus chen rtags mtshan bstan du gsol// rdo rje 'dzin pa dpal ldan gyis// khri stan chen po'i steng 'dug la/ snod ldan slob ma mdun bzhag ste// dkyil 'khor
14b1 gnas pa'i bum pa yis// sku gsung thugs su dbang bskur bya/ gnyen po gtso dang gdul bya'i yul// dregs chen yab yum 'khor bcas kyi// mdzes pa'i sku gzugs sku yi dbang// so so'i tshig bstod snying po
14b2 dang// smon lam bcas pa gsung gi'o// rang rgyud gnas dag don rtags kyis// chos skur dbang bskur thugs kyi'o// rigs sbyangs stobs la ngang gis gsal// phur pa drag shul rdzas kyis dbang// mchod
14b3 gtor bshos cha sku gsung thugs// ma lus mnyes par byed pas te// yo byad tshogs kyi longs spyod spel// rgyal mtshan ba dan sgra dang bcas// dus rnams kun du mnga' thang rgyas// sha khrag dug gtor thun rdzas
14b4 rnams// dregs pa'i ded dpon dbang sdud cing// pho nya phrin las bskul mdzad de// mngon spyod gdug pa tshar gcad dbang// 'di dag kyang ni gzugs brnyan sgra// don ngo shes pas dbang bskur te// chos
14b5 kun spyi dang dregs pa yi// sde dpon so so'i dam tshig rtsal// thugs rje dang ni rtogs pa yis// rang bzhin don gyis sgrol byed pa'i// dpag med don chen 'dir 'dus te// tha dad mi gnas cig yin
14b6 no// gzung dang 'dzin pa'i bdag nyid kyis// phyi nang 'khor bcas so sor snang// ma lus dbang bsdu zil mnan phy-ir// so so'i snying po tshad kyis bstim// nga rgyal brtan po mdun du skyes// don snying sha rus
15a1 khrag sogs bza'// dug gsum tshar gcad dbyings nas dbyung// gzugs brnyan bstims la rab tu gsal// dbang bsdu las bcol 'dul ba'i phyir// zhabs 'og mnan te bran bzhin
15a2 bsgo// dam tshig rdzas mchod sngar bzhin gso// dam tshig dpag cing bstod skul bcol// 'jig rten lha srin khyed rnams kyang// nga dang sangs rgyas thams cad kyis// zhal mthong lung bstan mchog stsal
15a3 ba// srid pa'i sa bon phra mo yis// da rung 'jig rten las la spyaud// rang rgyud rtsub mos phan gnod sbyor// da ni dka' yi dam tshig bzung// ma 'ongs dus na bsgrub bya dang// sgrub par byed pa de dag
15a4 dang// mnyam par kun la dbang sgyur te// chos nyid rig pa'i rgyal po rdzogs// theg mchog ma 'dres cir yang ston// ma lus myur du rdzogs bya'i phyir// rgyab tshab spyir bor bzhag gnas pa// kun tu bzang po
15a5 nyid thob 'gyur// zhes bka' stsal to// 'jig rten gyi sde dpon chen po nye bar bsgrub pa'i rdo rje dam tshig chen po'i dkyil 'khor du dbang bskur ba'i le'u ste bzhi pa'o//// de nas rab tu bshad bya
15a6 ba// dregs pa'i 'khor tshogs mnyes bya'i phyir// mthun rdzas gzugs kyis bskang ba ni// ri bo'i rtse bo'i chu bo'i mdo// 'jig rten dbang phyug 'du gnas su// skal med yul la mchod sbyin gnas// thod
15b1 mkhar re'u mig dgu sogs sam// yang na gling bzhi ri rab brtsig/ 'bru dang sha khrag sna tshogs pa// rin chen spos sman me tog stsal// dregs pa bdag po so so yi// gzugs brnyan rang gi 'khor dang
15b2 bcas// sku mdog phyag mtshan yongs rdzogs shing// rang gi gdan khri bzhon par bcibs// ri rab thod mkhar yang stengs su// lha chen yab yum 'khor bcas bzhugs// bang rim re'u mig dang po
15b3 gsum// bdud dang gshin rje srin po dang// gnod sbyin gza' dang klu rnams kyi// sde dpon yab yum 'khor bcas dgod// gnyis po la ni dkar po dang/ nag po dmar po nag po'o// sde dpon bcu gnyis
15b4 gnas su bya// gsum pa'i phyogs bzhir sgo srung bzhi// 'khor bcas rang gi gnas su dgod// tha ma gsum mam bzhi pa la// phyi nang gsang ba sbas pa la// gsang ba'i gter dang drag po sngags// las byed
15b5 btags chags lha ma srin// sde brgyad gzugs brnyan gnas su dgod// gtso chen sum cu'i mthun rdzas ni// rang gi gdan nam bzhon pa yi// srog chags gzugs ni lnga'am bcu// brgya 'am stong ngam grub tshad
15b6 bya// skyes pa bud med glang chen rta// ban glang ra lug bya ra khyi// longs spyod skong rdzas sngar bzhin no// sde brgyad phal pa kun la ni// shes ldan mi dang byol song ste// 'dab chags gcan gzan ri dwags dang//
16a1 'dab chags gcan gzan ri dwags dang// sa chur gnas dang dud 'gro tshogs// mthong thos dran pa rnams kyi gzugs// ji ltar nus pa'i grangs kyis bskor// 'di dag bskang ba'i yo byad ni// 'gro ba'i glud du 'bul ba
16a2 ni// rin chen ngar mi rgyan ldan dang// nam mkha' sems kyi gzugs brnyan dang// sku gsung thugs ldan rgyang bu dang// shing glud yul mkhar mtshon pa dang// skyes pa bud med cha
16a3 byad dang// rgyal mtshan ba dan ru mtshon rnams// dregs pa so so'i sku mdog dang// mthun pa grangs mnyam gnas su dgod// mchod gtor bshis cha mar me dang/ gling tshad chung ngu de bzhin no// bzlog bsad
16a4 drag po zor gyi rdzas// sbyin pa'i sa la zor phor du// gru gsum mnyam byas dug khrag dang/ thun rdzas sna tshogs stsal ba dang// gdug pa'i shig gi rtsang phur dang// b+han d+ha dug thun gtor mar bcas// bzhi
16a5 brgyad bcu drug sum cu gnyis// ci rigs sbyar te mdzes par dgod// steng du zhing lpags g.yang gzhi'am// dar nag tshon skud gdugs kyis dbub// tha mar ras bzang yol bas bre// de nas rdo rje 'dzin pa
16a6 yis// gtso chen bskyed cing rdzogs pa dang// dregs pa mchod bstod mnyes byas nas// gzugs brnyan mthun rdzas sngo ba ni// rnal 'byor ting 'dzin nga rgyal bsar// bdud rtsi mchod skyems rak+ta sbreng// sha chen
16b1 spos kyi dri bsung 'bul// rnga chen gling bu rol mo sgra chen bsgrags// mda' chen ba dan nag pos g.yab// hU~M nga ni dpal chen he ru ka/ gdul dka' ma lus 'dul bar byed// 'jig rten dregs pa zas su
16b2 za// khams gsum srid gsum nga yi dbang// snang srid 'khor 'das nga yi bran// nga yi bka' bzhin 'dir 'dus shig/ nyon mongs dbang gis dregs pa yi// lha bdud gshin rje srin po dang/ gnod sbyin
16b3 bza' klu rgyal po dang/ging dang ma mo lha btsan dang/ rang gi sde dang g.yog tu bcas// dam tshig dbang gis gnas 'dir bzhugs// mthun pa'i rdzas kyis thugs dam skongs// ri rab chen po'i yang stengs
16b4 nas// lha chen dbang phyug chen po bzhengs// btsun mo u ma de ba bzhengs// na bza' dar nag ber chen gsol// chibs su seng ge glang chen chibs// khyod kyi cho 'phrul ston pa ni// g.yas na pho rgyud pho nyar
16b5 'gyed// g.yon na pho rgyud las la 'khol// 'khor du 'jig rten dregs pas bskor// dam tshig dbang gis gnas 'dir bzhugs// mthun pa'i rdzas kyis thugs dam bskang// rtsal gyi rgyal po seng ge
16b6 dang// stobs kyi rgyal po glang chen dang// shes ldan mi dang cang shes rta// theg chen glang dang 'dod 'jo'i ba// rin chen lug dang gtsang ldan dang// thos gsang khyi dang mkha' lding bya// khyod kyis bzhes pa'i
17a1 dkor du 'bul// rin chen rgyan ldan ngar mi dang// sems kyi gzugs brnyan nam mkha' dang// sku gsung thugs ldan rgyang bu dang// shing ris yul mkhar mtshon pa dang// pho glud mda' dang mi
17a2 glud 'phang// rgyal mtshan ba dan ru mtshon rnams// nyid kyi sku mdog dang mthun pa'i// rnal 'byor rnams kyi glud du 'bul// dam rdzas sbyar ba'i mchod gtor dang// mthun rdzas ldan pa'i bshos cha dang// snang
17a3 gsal 'od ldan mar me dang// rgyan ldan mdzes pa'i gling tshad dang// mdzes pa'i gzugs dang snyan pa'i sgra// zhim ba'i dri dang bda' pa'i ro// khyed kyi thugs dam bskang phyir 'bul// lha chen yab yum 'khor
17a4 dang bcas// sngon gyi dam tshig rjes dgongs te// mdos glud mthun rdzas bzhed pa'i dkor// sna tshogs sbyar ba 'di bzhes la// sangs rgyas bstan pa khyed kyis srungs// dkon mchog dbu 'phang khyod kyis
17a5 bstod// rnal 'byor sku dgra khyed kyis sgrol// sgrub pa po la bar gcod pa'i// stong phrag brgyad cu'i bgegs rigs rnams// bzhi brgya rtsa bzhi'i nad rnams dang// glo bur gnod pa brgyad cu gcig/ ye 'drog
17a6 gsum brgya drug cu'i tshogs// dus min 'chi ba rnam brgyad dang// gshis ngan 'gum pa bco lnga dang// gzugs can dgra dang gzugs med bgegs// rmi lam ngan dang mtshan ltas ngan pa rnams// zhi dang
17b1 bsal zhing bzlog pa dang// gdul dang tshar bcad las mdzod cig/ ri rab chen po'i shar phyogs nas// srid pa'i rgyal po skos rje ni// bdud rnams kun gyi sde dpon bzhengs// na bza' mthing nag ber chen
17b2 gsol// ral pa nag po mun ltar gtibs// spyan mig nyi zla 'khyil pa 'dra// rno dbal mche ba zla tshes gtsigs// sma ra kham nag srid rtser 'bar// chibs su bdud rta nag po bcibs// khyod kyi cho 'phrul ston
17b3 pa ni// khram thogs bdud sde g.yas nas rol// shod thogs rtsis pa g.yon nas 'gying// snang srid pho bdud khyod kyi 'khor// dam tshig dbang gis gnas 'dir bzhugs// mthun pa'i rdzas kyis thugs dam
17b4 bskang// shugs ldan rta nag la sogs pa// khyed kyis bzhed pa'i dkor du 'bul// rin chen ngar mi la sogs pa// rnal 'byor rnams kyi glud du 'bul// dam rdzas mchod gtor la sogs pa// khyed kyi thugs
17b5 dam skang phyir 'bul// srid pa'i bdud rje 'khor bcas kyis// sngon gyi dam tshig rjes dgongs la/ ji ltar bcol ba'i las mdzod cig/ bdud mo chen mo re ma ti// ma bdud kun gyi sde dpon
17b6 bzhengs// dpal ldan nag mo 'jigs gzugs can// nag mo sha zlog bdud kyi ma// sku la mthing nag ber chen gsol// chibs su bong bu gwa dmar chibs// khyod kyi cho 'phrul bstan pa ni// ma
18a1 bdud 'bum phrag pho nyar 'gyed// nag mo stong sde las la 'dzud// snang srid bdud mo khyod kyi 'khor// dam tshig dbang gis gnas 'dir bzhugs// cang shes bong bu la sogs pa// mthun pa'i
18a2 rdzas kyis thugs dam bskang// srid pa'i bdud mo 'khor bcas kyis// ji ltar bcol ba'i phrin las mdzod// ri rab chen po'i lho phyogs nas// gshin rje ya ma rA dza ste// gshin rje'i tshogs kyi sde dpon
18a3 bzhengs// sku mdog nag po ral pa can// gdug pa'i thod sbul g.yang gzhis brgyan// gcan gzan gdug pa'i pags pas dkris// sha za'i mgo gcad thod du bcings// zhal bgrad mche ba rab tu
18a4 gtsigs// ma he nag po chibs su chibs// khyod kyi cho 'phrul bstan pa ni// gshin rje pho mo pho nyar 'gyed// 'chi bdag gshin rje btsun mo ste// gsod byed mon mo'i tshul 'dzin cing// gshin rje mo yi sde dpon
18a5 bzhengs// rba byed dur khrod chas kyis brgyan// g.yang gzhi nag mo sku la gsol// chu glang nag po chibs su chibs// khyod ky-i cho 'phrul bstan pa ni// yi dwags pho mo las la 'dzud// snang srid gshin rje khyod kyi
18a6 'khor// dam tshig dbang gis gnas 'dir bzhugs// ma he chu glang la sogs pa// mthun pa'i rdzas kyis thugs dam bskang// gshin rje pho mo 'khor dang bcas// ji ltar bcol ba'i phrin las mdzod// ri rab
18b1 chen po'i nub phyogs nas// srin po nag po glog phreng can// srin po'i tshogs kyi sde dpon bzhengs// sku mdog mthing nag 'bar ba la// glog dang 'od kyi phreng bas brgyan// 'brug chen 'ur pa chibs su
18b2 chibs// khyod kyi cho 'phrul ston pa ni// srin po 'bum phrag pho nyar 'gyed// srin mo gsod byed las la 'dzud// gcan gzan gdug pa phyi nas rol// 'khor du snang srid srin pos bskor// srin mo sbal mgo
18b3 khrag mig ma// srin mo rnams kyi sde dpon bzhengs// sku mdog dmar nag 'jigs su rung// lus la khrag gi lwa nag gsol// rus sbal dkar po'i thor tshugs can// chibs su rnga mo gdong drug chibs// khyod
18b4 kyi cho 'phrul bstan pa ni// srin mo kha 'bar pho nyar 'gyed// gdong srin nag mo las la 'dzud// snang srid srin mo 'khor dang bcas// srog gcod srin po yab yum 'khor// dam tshig dbang gis gnas 'dir
18b5 bzhugs// 'brug sngon rnga mo la sogs pa// mthun pa'i rdzas kyis thugs dam bskang// srin po pho mo'i 'khor gyis bskor// ji ltar bcol ba'i phrin las mdzod// ri rab chen po'i byang phyogs nas// gnod sbyin
18b6 yak+Sha me dbal can// gnod sbyin kun gyi sde dpon bzhengs// sku mdog mthing sngon 'bar ba la// me dpung tshub ma na bzar gsol// stag seng rngam pa chibs su chibs// khyod kyi cho 'phrul bstan pa ni// g.yas
19a1 na me dbal 'bar ba la// g.yon na dud 'thul phyu ru ru// gnod sbyin stong sde pho nyar 'gyed// zhub chas 'bum sde las la 'dzud// 'jig rten gnod sbyin 'khor gyis bskor// gnod sbyin chen mo
19a2 blo mon ma// gnod sbyin bu mo gdug pa can// nag mo rdo rje lcags mchu ma// snyan cha rin chen ne'u les brgyan// sku la ba ti nag po gsol// chibs su lcags kyi phag mo chibs// khyod kyi cho 'phul bstan pa
19a3 ni// nor 'dzin mo ni pho nyar 'gyed// blo mon nag mo las la 'dzud// gnod sbyin mo ni 'bum sdes bskor// shan pa gnod sbyin yab yum 'khor// dam tshig dbang gis gnas 'dir bzhugs// stag seng phag
19a4 mo la sogs pa'i// mthun pa'i rdzas kyis thugs dam bskang// gnod sbyin pho mo 'khor dang bcas// ji ltar bcol ba'i phrin las mdzod// ri rab chen po'i steng phyogs su// gza' bdud chen po mi bzad
19a5 pa// rog ti khyab 'jug rA hu la// gza' bdud sde dpon chen po bzhengs// mgo dgu smad sbrul mgo mangs lus// chibs su 'brug chen glog 'gyu chibs// khyod kyi cho 'phrul bstan pa ni// 'brug sgra stong gsum
19a6 ldi ri ri// nam mkha' glog 'od khyugs se khyugs// gza' bran rgyu skar pho nyar 'gyed// thog ser ki kang drag tu 'bebs// gza' bdud stong gi 'khor gyis bskor// gnam sman thog gi bu yug ma// gdong mo
19b1 rnams kyi sde dpon bzhengs// sku mdog dmar skya mdzes pa la// na bza' gu zu mdzes pa gsol// 'brug sgra glog gis 'od la zhon// khyod kyi cho 'phrul bstan pa ni// gza' chen nyi zla klad la bskor// rgyu skar
19b2 tshogs ni zhal la 'char// lha sman 'bum ni pho nyar 'gyed// gdong zor ma mo las la 'dzud// zor gdong srin mo'i 'khor gyis bskor// gza' gdong gnam sman yab yum 'khor// dam tshig dbang gis gnas
19b3 'dir bzhugs// 'brug chen 'ur ba la sogs pa'i// mthun pa'i rdzas kyis thugs dam bskang// gza' bdud gdong mo sman dang bcas// ji ltar bcol ba'i phrin las mdzod// ri rab chen po'i 'og phyogs
19b4 nas// klu bdud nag mo mgo dgu po// klu rnams kun gyi sde dpon yin// sku stod dud kha nag po la// tsha ba'i 'bu srin nyi li li// sku smad dug sbrul nag po la// grang ba'i sbal lcong khra la la// chibs su chu srin
19b5 mgo dgu chibs// khyod kyi cho 'phrul bstan pa ni// klu rgyal stong ni pho nyar 'gyed// klu bran 'bum ni las la 'dzud// klu bdud gdug pa'i 'khor gyis bskor// klu mo yak+Sha nag mo ni// klu bdud ma mo'i sde dpon
19b6 bzhengs// sku mdog dud kha 'jigs bag can// sbrul nag gshibs pa'i ral pa las// mdze dang shu ba'i tsha tsha 'phro// sbrul gyi thul pa na bzar gsol// sbal sbrul nye'u tha ra ra// rus sbal nag po chibs su
20a1 chibs// khyod kyi cho 'phrul bstan pa ni// klu rigs lnga yi sprul pa 'gyed// sa bdag gdug pa'i pho nya gtong// snang srid klu mo'i 'khor dang bcas// gdug pa klu bdud yab yum 'khor// dam
20a2 tshig dbang gis gnas 'dir bzhugs// chu srin rus sbal la sogs pa'i// mthun pa'i rdzas kyis thugs dam bskang// klu bdud pho mo yab yum 'khor// ji ltar bcol ba'i phrin las mdzod// ri rab chen po
20a3 mdzes pa yi// bang rim gnyis pa'i shar phyogs la// gnod sbyin rgyal po gang ba bzang// srid pa lha yi sde dpon bzhengs// mdog dkar ral ka 'bar ba gsol// gnam ru dkar po chibs su chibs// khyod
20a4 kyi cho 'phrul bstan pa ni// gnod sbyin stong ni pho nyar 'gyed// lha dmag 'bum sde las la 'dzud// ba dan can ni g.yas nas rol// go mtshon can ni g.yon nas rol// gnod sbyin lha yi 'khor dang
20a5 bcas// skyes bu gnam rgyal chen po ni// rgyal phran kun gyi sde dpon bzhengs// na bza' dar zab ber chen gsol// rta dkar rngog dmar chibs su chibs// khyod kyi cho 'phrul bstan pa ni// rgyal bran stong sde pho
20a6 nyar 'gyed// graung rgyu phra mo las la 'dzud// theg rgyal phra mo'i 'khor dang bcas// spyi bdud rgyal po gu rum rtse// mi ma lha yi sde dpon bzhengs// sku stod rgya che'i slag pa gsol// 'bum bye smad kyi sham thabs
20b1 can// dbu la shel rmog dkar po gsol// chibs su rdo rta gro bo chibs// khyod kyi cho 'phrul ston pa ni// srid pa'i khyung chen klad na lding// stag seng tshang ma phyi nas rol// sde dpon mched lnga pho nyar 'gyed// ma
20b2 sangs spun dgu las la 'dzud// lha ma srin gyi 'khor dang bcas// skyes bu dkar po sde gsum yang// dam tshig dbang gis gnas 'dir bzhugs// gnam ru rta dkar gro bo chibs// mthun pa'i rdzas
20b3 kyis thugs dam bskang// dkar po sde gsum 'khor dang bcas// ji ltar bcol ba'i phrin las mdzod// bang rim gnyis pa'i lho phyogs nas// ma chen srid pa'i rgyal mo ni// snang srid ma mo'i sde dpon
20b4 bzhengs// na bza' dar nag gu zu gsol// chibs su 'brug mo yid mgyogs chibs// khyod kyi cho 'phrul ston pa ni// tshogs kyi rje mo pho nyar 'gyed// sman mo lnga bcu rtsa brgyad 'khor// snang srid ma mo'i tshogs
20b5 kyis bskor// e ka dza Ti ral gcig ma// bka' yi srung ma'i sde dpon ni// sku la na bza' mthing nag gsol// chibs su dre rta nag mo chibs// khyod kyi cho 'phrul ston pa ni// srin mo nag mo pho nyar
20b6 'gyed// bal mo nag mo las la 'khol// ma mo nag mo sna tshogs sprul// smug nag 'bum gyi 'khor dang bcas// dpal ldan nag mo mgyogs byed ma// mkha' 'gro tshogs kyi sde dpon bzhengs// na
21a1 bza' mthing nag gu zu gsol// chibs su so bya rog po zhon// khyod kyi cho 'phrul ston pa ni// rigs kyi 'kha' 'gro pho nyar 'gyed// sna tshogs mkha' 'gro las la 'dzud// snang srid mkha' 'gro'i
21a2 'khor gyis bskor// dpal ldan nag mo sde gsum yang// dam tshig dbang gis gnas 'dir bzhugs// 'brug dang dre rta so bya sogs// mthun pa'i rdzas kyis thugs dam bskang// nag mo sde gsum 'khor dang
21a3 bcas// ji ltar bcol ba'i phrin las mdzod// bang rim gnyis pa'i nub phyogs nas// skyes bu rdo rje bdud 'dul ni// gnod sbyin ru tra'i sde dpon bzhengs// na bza' mthing nag ber chen gsol// ral pa
21a4 nag po mun ltar gtibs// chibs su rta dre nag po chibs// zhing lpags gyon pa pho nyar 'gyed// ral chas bgos pa las la 'dzud// snang srid ru tra'i 'khor gyis bskor// btsan rgyal srog zan dmar po
21a5 ni// srid pa'i btsan gyi sde dpon bzhengs// sku la dar dkar ras dmar gsol// chibs su rta dmar glog 'gyu chibs// khyod kyi cho 'phrul ston pa ni// dbu la bse rmog dmar po gsol// btsan po kha bzhi pho
21a6 nyar 'gyed// mgyogs pa sde brgyad las la 'dzud// snang srid dregs pa'i btsan gyis bskor// skyes bu yam shud dmar po ni// btsan 'gong rnams kyi sde dpon bzhengs// sku la zab dmar ber chen
21b1 gsol// chibs su rta dmar yid mgyogs chibs// khyod kyi cho 'phrul bstan pa ni// g.yas su bro brdung chi li li// g.yon na spyugs glu kyu ru ru// rta zhon stong ni phyi na 'breng/ srid pa'i btsan 'gong 'khor dang
21b2 bcas// skyes mchog dmar po sde gsum ni// dam tshig dbang gis gnas 'dir bzhugs// dre nag rta dmar la sogs pa'i// mthun pa'i rdzas kyis thugs dam bskang// dmar po sde gsum 'khor dang
21b3 bcas// ji ltar bcol ba'i phrin las mdzod// bang rim bzhi pa'i byang phyogs nas// bi nA ya ka bgegs kyi rgyal// log 'dren kun gyi sde dpon bzhengs// na bza' mthing nag ber chen gsol// chibs su rta
21b4 nag mgyogs pa chibs// khyod kyi cho 'phrul ston pa ni// rgyal chen bzhi ni pho nyar 'gyed// phyogs skyong tshogs ni las la 'dzud// snang srid bgegs kyi tshogs kyis bskor// dbang phyug gu lang nag po ni// mu
21b5 stegs tshogs kyi sde dpon bzhengs// na bza' mthing nag ber chen gsol// chibs su stag seng ma he chibs// khyod kyi cho 'phrul bstan pa ni// sa gzhi kun ni dmag gis 'gengs// bar snang mtshon dang dar
21b6 gyis bkang// nam mkha' glog dang 'od kyis 'gengs// gcan gzan 'dab chags rgyug cing lding// mu stegs nag po'i 'khor gyis skor// dmu bdud nag mo bkrag med ni// dmu bdud tshogs kyi sde dpon
22a1 bzhengs// na bza' mthing nag ber chen gsol// chibs su dmu rta nag po chibs// khyod kyi cho 'phrul bstan pa ni// dmu bdud 'bum phrag pho nyar 'gyed// dmu bran stong sde las la 'dzud// snang
22a2 srid dmu yi 'khor gyis bskor// skyes mchog nag po sde gsum yang// dam tshig dbang gis gnas 'dir bzhugs// stag seng ma he rta la sogs// mthun pa'i rdzas kyis thugs dam bskang// phyi rol nag po'i
22a3 tshogs dang bcas// ji ltar bcol ba'i phrin las mdzod// ri rab chen po mdzes pa yi// bang rim gsum pa'i shar phyogs la/ tshangs pa dkar po srog gi bdag/ lha chen ging gi sde dpon bzhengs// srid pa
22a4 gsum gyi myur mgyogs par// sku la bya rgod thul pa gsol// chibs su seng ge dkar po chibs// khyod kyi cho 'phrul bstan pa ni// ging chen bco brgyad pho nyar 'gyed// ging bdud pho mo las la 'gyed// mi rta
22a5 ra lug bya dang khyi// stag dang bya rgod la sogs pa'i// mthun pa'i rdzas kyis thugs dam bskang// bang rim gsum pa'i lho phyogs la// gnod sbyin rgyal po nor gyi bdag/ sku la dom gyi slag pa gsol// chibs
22a6 su ba glang sna rings chibs// khyod kyi cho 'phrul bstan pa ni// skyes pa brgya dang bud med brgya// nyan thos stong dang sngags pa stong/ 'bag seng mon bu bsam mi khyab// stag seng bal glang spra dang spre// mthun pa'i
22b1 rdzas kyis thugs dam bskang// bang rim gsum pa'i nub phyogs la// rdo rje mdzes pa zhes bya ba// 'jig rten lha yi sde dpon yin// ma thar shel gyi na bza' gsol// kun kyang shel gyi na bza' gsol// ra
22b2 dkar gnam du chibs su chibs// khyod kyi cho 'phrul ston pa ni// 'dzin ging bzhi bcu pho nyar 'gyed// rang gi 'khor sde las la 'dzud// tsa ra bya khyi la sogs pa'i// mthun pa'i rdzas kyis thugs dam bskang/
22b3 bang rim gsum pa'i byang phyaugs la// lha chen nag po chen po ste// bstan pa'-i bsrung ba'i sde dpon bzhengs// na bza' ljang nag ber nag gsol// chibs su bdud rta bra nag chibs// khyod kyi cho 'phrul bstan
22b4 pa ni// lha dmag phyogs kyi dbugs 'byin cing// lha min g.yul ngo rab tu bzlog/ phyogs skyong dpal mgon las la 'dzud// mi rta ra lug bya dang khyi// nag po'i tshogs kyi thugs dam bskang// dregs pa'i
22b5 bka' nyan sgo srung bzhi// rang gi bka' nyan 'khor dang bcas// dam tshig dbang gis gnas 'dir bzhugs// mthun pa'i rdzas kyis thugs dam bskang// dbang chen sde bzhi 'khor dang bcas// ji ltar bcol
22b6 ba'i phrin las mdzod// bang rim tha ma'i phyogs bzhi na// phyi yi lha srin sde brgyad dang// nang gi lha srin sde brgyad dang// sbas pa'i lha srin sde brgyad dang// gsang ba'i lha srin sde brgyad dang/ yang gsang gter
23a1 gyi lha srin dang// drag po sngags kyi lha srin dang// las byed myur mgyogs lha srin dang// brtags shing chags pa'i lha srin dang// sde brgyad 'khor dang bcas pa la// khyed kyi thugs dam bskang ba
23a2 ni// shes ldan mi dang cang shes rta// theg chen glang dang 'dod 'jo'i ba// rin chen lug dang gtsang ldan ra// thos gsang khyi dang mkha' lding bya// khyed kyi bzhed pa'i dkor du 'bul// rin chen rgyan ldan ngar mi
23a3 dang/sems kyi gzugs ldan ngar mi dang/ sku gsung thugs ldan rgyang bu dang// shing glud yul mkhar mtshon pa dang// pho glud mda' dang mo glud 'phang// rgyal mtshan ba dan rol mo rnams// nyid kyi sku mdog
23a4 dang mthun pa// rnal 'byor rnams kyi glud du 'bul// dam rdzas sbyar ba'i mchod gtor dang// mthun rdzas ldan pa'i bshos cha dang// snang gsal 'od ldan mar me dang// rgyan ldan mdzes pa'i gling tshad
23a5 dang// mdzes pa'i gzugs dang snyan pa'i sgra// zhim pa'i dri dang bda' ba'i ro// khyod kyi thugs dam bskang phyir 'bul// 'jig rten dregs pa 'khor dang bcas// sngon gyi dam tshig rjes dgongs te// mdos
23a6 glud mthun rdzas bzhes pa'i dkor// sna tshogs sbyar ba 'di bzhes la// sangs rgyas bstan pa khyed kyis srungs// dkon mchog dbu 'phang khyed kyis bstod// rnal 'byor sku dgra khyed kyis sgrol// sgrub pa po la
23b1 bar gcod pa'i// stong phrag brgyad cu'i bgegs rigs dang// bzhi brgya rtsa bzhi'i nad rnams dang// glo bur gnod pa brgya cu gcig/ ye 'drog sum brgya drug cu'i tshogs// dus min 'chi ba rnam brgyad
23b2 dang// gshis ngan 'gum pa brgyad cu gcig/ gzugs can dgra dang gzugs med bgegs// rmi lam mtshan ltas ngan pa rnams// zhi dang bsal zhing bzlog pa dang/ gdul dang tshar gcad las mdzod
23b3 cig/zhes brjod rang gi mthun rdzas bstabs// bskang bzlog gsad dang gso la sogs// ji ltar 'dod pa'i phrin las bcol// gang la dmigs pa de bzhin 'grub// ces bka' stsal to// 'jig rten gyi
23b4 dregs pa can gyi sde dpon 'khor dang bcas pa rnams mchod bstod rgya chen po'i sgo nas nye bar bsgrub pa'i le'u ste lnga pa'o//// de nas rab tu bshad par bya ba// dregs pa'i 'khor tshogs 'di rnams
23b5 kun// ngo bo rang rig byang chub sems// ma skyes dbyings las g.yos pa med// 'jig rten gnas dang mthun 'jug cing// mchod dang bstod pas mnyes 'gyur bas// 'jig rten mchod bstod zhes su
23b6 brjod// phyi nang gsang ba'i bye brag ste// snang dang srid pa'i dkyil 'khor kun// gsang ba'i bdag po de nyid dang// gnas skabs mchod bstod phyi yin no// dag pa'i ting nge 'dzin las byung// rang gi snang ba
24a1 'dus pa'i tshogs// dbang po'i yul gyi longs spyod dang// gtsang sbra'i rtog pa sbyang ba'i rdzas// 'dod chags bzhi dang 'bru bcud rtsi// gnyis med pha rol snang byed pa// rang gi ngang du mnyes byed
24a2 cing// so so'i mtshan dang dpe byad dag/ nges par bstan pa nang gi'o// sems dang sems la bstar ba'i tshogs// thams cad ye nas dkyil 'khor che// ma bcos rang bzhin lhun gyis grub// lung nas ma lus
24a3 'dus pa las// chos gzhan med de yul nyid dang// yul du 'dzin pa snang ba'i bdag/ gnyis med rtogs shing khong du chud// mchod bstod rab tu gsang ba yi// lus las sprul zhing bsgrubs pas sku// 'bru
24a4 bcu sgra yi 'khor lo gsung/rang grol snying po ma bcos thugs// lha klu gnod sbyin btsan dang bdud// srin po gza' dang mo rigs rnams// dregs shing gdug pa khro zhing gtum// myur mgyogs rmugs shing
24a5 'thibs pa dang// dregs dang dbyings pa so so'i sde// ri rab bshos gtsang rgyan dang bcas// 'bru lug snying rtse tsa ru'i dbyibs// dkar dmar bcud ldan dmigs kyis mchod// pha dang rgyal po grogs dag
24a6 lha// ma dang rje khol bran lta bu// brten pa rang gi tshul yin no// che btsan dbang gi dngos grub dang// longs spyod 'phel zhing mngag par blang// rgyud 'jam skyabs che bka' nyan zhing// drag rtsal ldan zhing slar
24b1 mi ldog/shin tu nye ba yon tan te// rang la rtsub cing 'tshe ba dang// longs spyod mi 'byor mi 'phrod dang// glo bur nad kyis gzir byed cing// slar ldog bkra shis nyams pa dang// bsgo ba mi nyan don med
24b2 cing// rang rgyud rtsub cing khengs pa dang// rigs rgyud ma smin kun gyis brnyas// bsam don mi grub mnga' thang nyams// rgyud don sbas pa ma shes skyon// khrims kyi bdag po lta bu'i lha// gnad kyis bcing zhing
24b3 bsgrub par bya// dbang chen pha dang mtshungs pa'i bdud// mtshungs med grogs dang 'dra ba'i btsan// gnod sbyin khrims kyi gtso lta bu// srin po srog la rgol ba'i gshed// gza' rgod lag yan gzhon lta
24b4 bu// sdong bu dug sbrul lta bu'i klu// mo rgyud dbang chen rje dpon ma// mtshungs ldan de yi gnyen por bsgrub// khugs su ma bcug bsgo mi nyan// se long gnad med bdud du 'gyur// bcud phur ma thebs slar la
24b5 ldog/rang gi rab rol ma bzhar g.yel// lto ba ma dkrugs las mi myur// log non ma ldan bdag nyid stob// dbang du ma 'dus bsgo mi nyan// gnad kyi man ngag brgyad kyis ni// mchod bstod bsgrub ste phrin
24b6 las bcol// zhes bka' stsal to// 'jig rten gyi sde dpon chen po rnams kyi zab pa'i mchod bstod gnad kyi le'u ste drug pa'o//// de nas gzhan yang rab bshad bya// 'jig rten dregs pa'i sde dpon
25a1 rnams// drag po'i las la sbyar ba ni// dur khrod gdug pa'i gnas dag tu// rtsa ba'i bsnyen pa sngon song nas// so so'i mthun pa'i rdzas bsar te// drag po'i las kyi khang pa ni// e dbyibs sum
25a2 cu ldan par bsham// phyi nang gsang ba sku gsung thugs// gnas byin brlab dang bskang dang mchod// spyi dang so sor bsngags pa dag/ rab tu bde bar 'dod pas dmigs// gzugs sgra bsam pa'i nus pa
25a3 yis// lus dang lus kyi 'phrul 'khor dang/ srog dang srog gi gnyen po yis// sems dang sems kyi ngo bo las// phyi nang kun tu bsngags pa ste// 'phro 'du 'od kyis drang zhing dgug/ rang gzhan dmigs pa de
25a4 la stim// sha lus khrag sogs ma lus bzas// dregs pa'i sde dpon sku gsung thugs// ma lus mnyes pa 'di yis bya// gang la dmigs pa tshad kyis sgrol// ting nge 'dzin gyi brtul zhugs kyis// bul dang myur
25a5 ba blo yi stobs// 'di la the tshom mi bya ste// rdo rje 'chang chen gsang ba'i bka'// gal te 'bar bas mngon spyod cing// myur du 'pho bar bya ba ni// rno dbal tsha rtsub dri nga ba'i// yam shing gdug pas dbyibs
25a6 ldan btsig/gdol pa rigs ngan shan pa dang// g.yung mo grogs bral khyim gyi mes// spar zhing dug khrag mngar ba la// gzugs brnyan rdzogs par longs spyod pa'i// slar yang dmigs te lhag ma
25b1 dbul// gtso dang 'khor gyi rab phye ba'i// drag po'i tshig gis rab tu bgrang// dregs pa'i bdag po so so yi// che brjod gnad dang bcas pa yis// stab cing sbyin pa rim bzhin bya// drang srong phrin las rdzogs
25b2 par bskul// thal chen dang ni drag po'i rdzas// rme khrag gsum dang gsod byed gsum// mtshon bral rin chen gsum gyi dbyig/ rang byung bkra shis bzlog pa'i rdzas// nang du 'du 'phror sbyar ba ni// sgra tshig ting
25b3 nge 'dzin ldan pas// stobs chen 'khor los dbab cing 'phang// dregs pa 'khor bcas las su dmigs// gzhan yang mchod rdzas gzugs brnyan byas// rab tu bstan pa'i dmigs pas bstim// 'gyu gnas
25b4 sa dang chu phug dang// sra gsher 'thab dang phung shul dang// rgya mtsho'i dbus dang lam po che// mtshon gyis brdegs dang rlung gis bskyal// bag med lhung zhing me chus 'joms// lugs nas byung ba'i rten 'brel
25b5 te// brnag pa'i yid kyis 'dzin phur gdab// gdug byed 'khor dang zas su gtad// ji srid 'khor ba ma stongs par// thar par mi 'gyur las kyi ging// byams dang snying rje'i sems ma rtogs// 'di ltar
25b6 mngon par spyad pa yi// bstan la rab sdang phyir gyur pa'i// rjes 'brang log par lta ba rnams// tshar gcod sgrol zhing 'dul ba yi// zhes bka' stsal to// 'jig rten gyi sde dpon chen po'i phrin las drag po'i
26a1 las la sbyar ba'i le'u ste bdun pa'o//// de nas gzhan yang bshad pa ni// 'jig rten dregs pa rang gi gnad// gsang ba'i snying po drag shul gzungs// kun bsdus dril dang phye mas
26a2 mnan// badzra sarba duSh+tAn// e ka ba ra asta na ya/ ma he shwa ra de ba de bi/ du phrag dun ting ma ya// pre ta bi kr-ista na rak+Sha rak+Sho yak+Sha k+Shi ta// biSh+tI pa tra a sel dza nA ga gu ling sha dzaH/ tsa du tri tsa ra tsa la ma du tri// ma
26a3 ma ru lu man+t+ra rA dza du ma ti/ma kA la ru tra tIk+Sh+Na tir+thi ka tha/ a b+hi shu tri pa sha li ha~M sha~M tri dzaH/ rA dza ging+ka ra/ sa du tri nA tha kA la A gats+tsha/ hring hring dzaH/ bod pa'i sngags so// badzra sarba duSh+tAn e ka pa ra sarba pany+tsa a
26a4 mr-i ta a gats+tsha/ba lin+ta gr-ih+na i ma~M ta grih+Nan+tu ma hA ga Na pU dza kha kha khA hi khA hi// 'di dag sbyar bas mchod par 'gyur// sarba A yu mi tra sid+d+hi pu tra brta na sid+d+hi bu tra ba hu b+ha dra bA su d+ha ra rat+na rat+na puSh+tiM sid+d+hi/ ma hA dz+nyA na
26a5 sarba d+harma gar+b+ha kA ya bAk+tsit+ta sid+d+hi sid+d+hi/pha la sid+d+h-i ma ha sid+d+hi a be sha ya a// ha ha hi hoH rab tu sbyar bas dngos grub blang/ sarba sha tru~M yak+Sha rbad rbad b+h+yo b+h+yo/ 'di yis rab tu rbad par bya/ nr-i hur thu~M~Ms dzaHdzaHsha truM
26a6 tsit+ta mA ra ya rbad/rU pa ya kan+da rbud rbud phaT phaT mA ra mA ra thu~Ms thu~Ms/ ha na ha na/ da ha da ha/ pa tsa pa tsa/ tiSh+Tha tiSh+Tha/ thun rbad thun rbad// 'di yi dmigs pa rab tu gsad/ ma mA ra ya phri pre ta ka hring hring/ tri sha
26b1 pha li rU pa ya/bin+d+ha bin+d+ha/ hu lu hu lu/ rbad nAn la~M nAn/ oM nAn hU~M nAn// sta~M b+ha ya sta~M b+ha ya nAn zhes pa yis ni mnan par bya// sarba mA ra ta ka ra~M ra~M// dz+wa la ra~M dz+wa la ra~M/ s+pho Ta ya s+pho Ta ya// ho ha ya ho ha ya/ ra~M
26b2 tsa ya ra~M ku ya zhes pas ma lus bsreg par bya// mA ra sha tru~M thun b+h+yo thum ril b+h+yo na he thun// a be sha ya b+h+yo// dmigs pa 'di yis 'phang bar bya'o// badzra uts+tsha Ta ya phaT a gri sarba b+h+yo bzlog/ sa ma ya rbad sa
26b3 myags bzlog/pha rol nus pa 'di yis bzlog/ ma hA b+ha ri sha ya a b+he sha ye pra tsa ya/ be tsa ya be tsa ya zhi bas lugs dbyung chu dbab pa'o// nA ga gra he bi tsa ya phroM phroM hril hril/ shar shar/ ra~M na tsa ga ne phroM
26b4 hril shar shar phob phob// drag pos bzlog cing bstab pa'o// ma hA shAn+tiM puSh+tiM wa sh+yaM ku ru mA ra ya dza ya karma ma li a mu ki sid+d+hi su sid+d+hi ka ra swa sti swA hA// phrin las thams cad rab bsgrub pa'i// mthun pa'i rdzas
26b5 dang ting 'dzin gyis// las kyi khyad par so sor dbye// gnas sgyur dang ni grub pa'i mtha'// snying rje byams pas rab skul zhing// kun tu khyab pa'i mchod sbyin bya// zhi dang rgyas dang dbang du bya// drag pos
26b6 bsgral zhing tshar gcod pa'i// las kun rang gzhan don du spyad// 'jig rten gnas shing srog dang snying// yi ge gsal bar rang 'byung gnas// mngon du rgyu ba thugs ka ste/ ring thung pho mo khrag
27a1 dang dus// chags sdang snying srog snying rje gtser// rdo rje pad+ma rlung dang gnas// thabs dang shes rab chos can dang// chos nyid las dang 'bras bu yis// mi 'tshang gnad 'tshang bong dang
27a2 drang// grogs dang ldan pas las la sbyar// zhes bka' stsal to// 'jig rten gyi sde dpon chen po rnams kyi las sna tshogs kyi rtsa ba'i snying po gnad kyi le'u ste brgyad pa'o//// de nas yang dag bshad bya
27a3 ba// 'jig rten dregs pa'i gtso chen rnams// tshul bzhin rab tu bsgrub pa yis// grub cing nye ba'i rtags rnams ni// nyams dang rbad rtags rmi lam rtags// 'di la so sor 'byung 'gyur te// dga' zhing
27a4 mdangs ldan stobs rnyed dang// bde dang rtogs pa spro bskyed cing// mngon rgyu yid kyis gdeng thob kyis// nyam nga bag tsha dogs med cing// nus ldan phrin las mthar phyin rtogs// 'di dag la sogs rim
27a5 par 'byung// lus 'jam dbugs kyis mi gnod cing// yang zhing brtan la khyad par dga'// nad dang gdon gyis brdzi mi nus// 'byung ba'i nus pas mi skyod cing// kha dog dang ldan sdug cing mdzes// 'di la
27a6 sogs pa lus 'byung gda'// ji ltar bsgo ba gzhan gyis 'dzin// rang dang sangs rgyas rnams kyis gsungs// mthun pa'i tshul gyis mi dor la// snyan dang mi snyan ci brjod rnams// tshangs pa yi dbyangs bzhin
27b1 du 'ong// grag thos tsam gyis dbang du byed// tshul mdzes 'jug pa dag gi brda// gang la brtsams pa de 'grub cing// ma zhum mi spor mi 'dor bas// dbang dang ldan zhing mi g.yo la// gsang ba'i mthu stobs
27b2 rab tu thob// yid kyi yul du brda 'byung ba'i// snga phyi de ma thag pa'o// bag chags ma yin rmi lam ni// rgyal po mkhan po slob dpon dang// che btsan rigs ldan rgyan bcas ldan// gcan gzan 'dab chags
27b3 dud 'gro dang/skyes pa bud med bus pa sogs// rang gi gnas su lhags pa ni// nye bar 'grub pa'i rtags yin no// bran 'bangs mngag pa'i tshul 'chang zhing// bka' bsgo las byed nyam pa rtags// ring
27b4 ba'i gnas nas glu len cing// rgyang mig blta ba g.yel ba'i rtags// rang la chad pa'i las rtsom zhing// nyes lan 'ded pa bzlog pa'i rtags// zas skom 'dod cing 'khrig lan bsnyag/ rang nyid gnong 'gyod
27b5 ma skongs rtags// 'dzom zhing ngud mos 'debs byed pa// ma dag lus snang nyams pa'i rtags// rang gi bsgo ba mi nyan zhing// slar zhing tshul la 'khol 'dod pa// gnyen pos dbang du ma gyur rtags// mtshon
27b6 cha brdung zhing tshad ma ldan// nus med bya ba mi 'grub pas// sngags kyi nus pa ma grub rtags// gzhan 'dod rang la med pa dang// rang gi yod pa 'dod med rnams// mchod bskang thun rdzas ma tshang rtags// sha
28a1 rus khrag sogs longs spyod cing// ngo mthon rab tu che ba na// las byas 'grub pa'i rtags yin no// pha rol dmag tshogs ma byung zhing// sgo med khang par bdag zhugs la// ngan sngags gzhan
28a2 gyis bzlog pa'i rtags// bye brag sde brgyad so so ni// mi dang dud 'gro 'dab chags sogs// pho tshogs nag po bdud kyi rtags// mo tshogs rgyan bzang ma mo ste// che btsan 'bag seng gtsug lag khang// bus
28a3 pa spra spre rgyal po'i rtags// mi rta khra spyang ri dwags ni// brag btsan ri btsan rtags yin no// chu gnas dud 'gro klu yi rtags// ma he ra lug mig mangs dang// mun pa bu yug gza' yi rtags// skyes pa chas
28a4 bzang 'byor pa can// ri mtsho la gnas gnod sbyin rtags// nya pa shan pa bya pa dang// dmag gi go mtshon srin po'i rtags// 'di dag sngar bshad bzang ngan sbyar// bye brag sgrub pa'i rtags su 'gyur// zhes
28a5 bka' stsal to// 'jig rten gyi sde dpon chen po bsgrub pa'i rtags kyi le'u ste dgu pa'o//// de nas gzhan yang rab bshad pa// dregs pa can gyi khyad par rdzas// mdzes pa'i gzugs brnyan sku yi
28a6 rten// ming nas bod pa gsung gi rten// phyag mtshan dam pa thugs kyi rten// lug g.yag dkar po sbal sbrul nya// glang rta sngon po rin po che// g.yul bshams myur bsgral bya gcan dang// rnel bu shel nag bya
28b1 nag dang// rta lug khyi dang rgod gnag dang// rang phag bya khyi dkar po dang// kla klo ra rog dom khyi gnag/ sbrul nag bya rgod ra skyes dang// rta ra bya khyi dmar po yi// snying khrag mgo dang rgyal mtshan ni// lha klu
28b2 gnod sbyin srin po dang// ma mo bdud dang rgyal po ging// gshin rje gza' dang btsan rnams kyi// rim bzhin so so brten pa'i rdzas// rab tu gsang ba'i nyid yin no// e ldan gdug bcas rgyud med kyi// thod
28b3 pa mtshon cha phur pa dang// dug khrag rin chen drag po'i 'bru// kun tshogs rab tu gsad pa'i rdzas// klu bzung snod ni sha khrag bcas// rub bzangs rigs med myur song chu// myu gu sna tshogs dri ldan rdzas// chu
28b4 drag dba' rlabs dud pa'i rdzas yin no// mchod rten ri rab rgya gram bcas// rme rdzas rigs ngan mgo bo gsum// dmigs pa'i 'bab rdzas pad+ma ni// slar la bzlog pa'i rdzas yin no// nad gdug ba~M ril mgo
28b5 rkang rnams// rab tu mnan pa'i rdzas yin no// dug khrag tshogs dang mtshan ma ngan// dmigs pa'i rten la 'phang ba'i rdzas// ngan pa'i sa yi rten khang dang// gdug cing rab tu tsha ba'i shing// 'bru nag dug khrag
28b6 bsres pa'i rdzas// gzhan yang dbang can dregs pa'i 'khor// so so'i rigs dang sder bcas pa'i// mthun dang mi mthun gtsang dang sme// bsngags pa'i kun rdzas shes par 'gyur// ma 'ongs dus na rdo rje
29a1 'chang// rang gi rig 'dzin byang chub sems// brtul zhugs can gyis 'grub pa yis// dbus dang mtha' 'khob yul rnams dang// sangs rgyas zhing gi 'jig rten khams// kun nas sde dpon g.yog
29a2 bcas pa'i// yid dang dngos po'i lus can rnams// khams dang rigs pa bsam pa dang// skyed pa brten gnas yo byad dang// ma lus rdzogs par rab tu rtogs// shes ldan mig can rnams la ston// de tshe dregs
29a3 pa'i gtso chen rnams// da lta nga yis gdams pa yin// yang dag don la ma 'da' cig/ khyed rnams kyang ni dus nam zhig/ las kyi gnas ngan len spangs te// byang chub sa la myur 'gro yis// de bas bka' yi dam
29a4 mnos la// ji ltar dmigs pa bzhin sgrubs shig/ gsang chen nga yi bstan pa'i tshul// phyi rol phyogs la sogs pa yis// nyams shing smas par mi 'gyur bas// rgyas shing bstan par khyod kyis byos// zhes bka'
29a5 stsal to// 'jig rten gyi sde dpon chen po'i rten rdzas dang las kyi gnyer bsgo ba'i le'u ste bcu pa'o//// de nas bcom ldan 'das de bzhin gshegs pa thams cad kyi sku dang gsung dang thugs kyi bdag nyid
29a6 gsang ba chen po'i sku'i rnam par rol pa chen po de dag nyid kyi sku la rab tu bsdus pa mdzad de// dgyes pa'i gsung gis 'di skad ces bka' stsal te/ kye ma 'dus pa'i 'khor tshogs rnams// bdud dang gshin rje
29b1 la sogs pa'i// 'jig rten dbang chen gtso chen rnams// mthar thug mya ngan 'das nas kyang// dus gsum sangs rgyas thams cad kyi// bstan pa'i tha tshig sgrub pa dang// rnal 'byor lam gyi grogs mdzad
29b2 phyir// drag po'i sku gsung thugs nyid dang// yon tan phrin las sna tshogs ston// phyi ma'i dus na rig pa 'dzin// skyes bu brtson ldan rnams kyis ni// gnyis su 'dzin par yong mi bya// yul snang phyi nang ma lus
29b3 kun// rang rig sems kyi rgyal por bsgrub// de ni ma bcos yul mi bral/ ma tshang ma lhung bdag po med// gnyis med mnyam nyid lhun gyis grub// nges 'gyur spang blangs rtsol sems bral// ma lus rtsa ba snying gi
29b4 srog/de nyid shes bya rab tu blang// dbang gi rgyal po 'char bar 'gyur// gal te nga dang dregs pa can// so so rang rgyud ldan pa yis// gnyis 'dzin yid kyis rtog dpyod cing// mtshan mar rab tu sgom
29b5 byed pa// rkang med khams gsum bgrod 'dod cing// mig med stong gsum blta dang mtshungs// bdud bzhi dga' bskyed par byed/ de bas rigs mchog ma rnams kyis// gsang bdag nga nyid shes par
29b6 gyis// zhes bka' stsal nas/ nyid kyi sku gsung thugs kyi dkyil 'khor chen po chos nyid de bzhin nyid spros dang bral ba'i dbyings su thim par mdzad do// 'jig rten gyi sde dpon chen po 'khor dang bcas pa chos sku
30a1 mthar thug tu sgrub par gdams pa'i le'u ste bcu gcig pa'o//// dregs pa can gyi sde dpon 'jig rten mchod bstod sgrubs pa rtsa ba'i rgyud ces bya ba rdzogs so////


CLOSE WINDOW