317a4 rgya gar skad du/ tsit+ta u lU ka mu kha tan+t+ra nA ma/ bod skad du/ snying tig bkol ba'i rgyud 'ug pa'i gdong can zhes bya ba/ bcom ldan 'das dpal 'jigs byed he ru ka la phyag 'tshal lo// 'di skad
317a5 bdag gi thos pa dus gcig na/bcom ldan 'das dpal 'jigs byed kyi rgyal po/ dur khrod chen po kyi sha na zhes bya ba khang bzang rab tu 'bar ba na/ khrag gi rgya mtsho chen po'i klong// dur khrod kyi ro mang po
317a6 yod pa'i gnas// thod pa brtsegs pa'i gnas// thod pa brtsegs pa'i gzhal yas khang// keng rus brtsegs pa'i grong khyer gyis bskor ba shin tu 'jigs shing skyi g.ya' ba'i gnas de na// 'khor tshogs khro bo
317b1 dang khro mo dang 'bar ba'i tshogs bsam gyis mi khyab pa dang/ma mo mkha' 'gro bsam gyis mi khyab pa'i tshogs la/ 'di lta ste/ ye shes kyi ma mo dang/ srid pa'i ma mo dang/ bka' sdod kyi las mkhan dang/ srin
317b2 mo khro mo'i tshogs bsam gyis mi khyab pa ni 'di ltar// dkar mo'i tshogs dang/ rkun mo'i tshogs dang/ rmongs mo'i tshogs dang/ sbos mo'i tshogs dang/ gtum mo'i tshogs dang/ thal byed ma'i tshogs dang/ sme
317b3 sha can gyi tshogs dang/ma mo la sogs pa'i 'khor na/ sprul pa'i bud med seng gdong ma'i tshogs dang/ stag gdong ma dang/ wa gdong ma dang/ spyang gdong ma dang/ gzhan yang bya rgod ma dang/ kang+ka ma dang/ bya
317b4 rog ma dang/'ug pa'i mgo can la sogs pa/ sha khrag srog dbugs la dbang byed pa/ 'jig rten kyi nad bdag mo// srog gcod pa'i bdag mo/ bdud kyi bu mo dang/ gnod sbyin gyi bu mo'i tshogs dang/
317b5 gza' yi bu mo'i tshogs dang/ brag srin gyi bu mo'i tshogs dang/ klu srin gyi bu mo'i tshogs dang/ las la grub pa'i lha srin gdug pa can la sogs pa bsam gyis mi khyab pas bskor te gnas so// de'i tshe de dag
317b6 gi nang nas las kyi srin mo 'jig rten gyi tshe srog la dbang byed pa'i dbag mo/gsod byed dmar mo mi zas ma zhes kyang bya/ srin mo 'od 'dus shang ka ti zhes kyang bya/ dmar mo chu srin rgyal mtshan can zhes
318a1 kyang bya/zlog byed chen mo pra mo ha zhes kyang bya ba zhig gis/ bcom ldan 'das 'jigs byed chen mo la lan brgya stong du bskor zhing mchod pa byas te/ 'di skad ces gsol to// e ma dpa'
318a2 bo thugs rje bdag/bskal pa bgrangs pa'i 'gro drug rnams// las kyi 'khor ba'i 'jig rten 'di// sgrol ba 'ba' zhig thugs rje'i bdag khams gsum sgrol ba'i mchog 'tshal gyis// srid gsum sgrol ba'i
318a3 dbang stsol cig ces gsol pa dang/bcom ldan 'das 'jigs byed he ru kas/ khams gsum dbang du bsdus sr-id gsum zil gyis gnon// sku yi 'od zer dang gsung gi nga ro dang/ thugs kyi sprul pas
318a4 'khor rnams spro ba bskyed par mdzad de/'di skad ces bka' stsal to// nyon cig srid pa'i khro mo'i gtso// srid gsum 'jig rten thams cad du// mi dge'i cho 'phrul gsad bcad tshogs// bka' dang
318a5 mthun pa'i las ma yin// 'on kyang lnga brgya'i tha ma la// bstan pa 'jig pa'i rU tra'i tshogs/ khyod kyi zas dang skom du bsngo// dam sri bsgral ba'i zhing bcu yin pas// srog dang dbugs la dbang bsgyur
318a6 ro// bka' dang mthun pa'i rnal 'byor la// bsrung dang dbab pa'i las kun byos// mu stegs log lta'i ngan sbyor rnams// zlog cing gsod par dbang bskur ro// don dang mthun pa'i rnal 'byor gyi// las
318b1 rnams ma lus kun byos shig/ces bka' stsal pa dang/ srin mo chen mo sems rab tu dga' ba skyes nas/ dpal chen po'i bka' stsal pa'i lung bzhin du dam bcas te/ gsang sngags kyi srung mar gyur
318b2 to// 'khor na gnas pa'i ma mo gsam gyis mi khyab pa rnams kyang rab tu dga' ba'i sems kyis/ bcom ldan 'das la bstod cing/ bskor ba dang mchod pa rgya cher byas nas/ 'di skad ces gsol to// e ma
318b3 ho dpal chen khrag 'thung tshogs// bdag cag las kyis ma mo shang ka ti'i// bka' dang sgrub pa'i rjes su ni// bdag cag rnams kyang las bgyid pas// bcom ldan 'das kyis bka' la thogs// don dang
318b4 mthun pa'i dbang stsol cig/ces gsol pa dang/ bcom ldan 'das kyis 'khor de dag la bka' stsal pa/ legs so legs so srin mo'i tshogs/ khyod kyis las dang skal bstan pa// bstan pa gnyan po srung ba
318b5 dang// dkon mchog sku dgra gdul ba dang// rnal 'byor don mthun skyong bar gyis// zhes gsungs pas shin tu dga' ste/ rig 'dzin kyi dam can du gyur ro// snying tig bkol ba'i rgyud las 'ug pa'i gdong
318b6 can zhes bya ba las/gleng gzhi'i le'u ste dang po'o//// de nas 'khor de'i nang nas byang chub sems dpa' chen po gsang ba ba'i bdag po zhes bya ba zhig gis mkhyen bzhin du/ bcom ldan 'das la 'di
319a1 skad ces gsol to// e ma ho dpal chen thugs rje bdag/ las kyi srin mo chen mo 'di// da ltar ji ltar rgyu las byung// gnas ni ji lta bu la gnas// las dang bya ba ji lta bu// phyi rabs bstan
319a2 pa srung ba yis// tshul bzhin bsgrub na ji ltar sgrub// ngan sngags sbyor ba ji ltar lags// phan gdags pa yi las ni gang// zlog cing bsrung na ji ltar lags// dbab gsad cho 'phrul sreg mnan
319a3 dang// dbang bskur shi sa bstan pa dang// las rnams ma lus mtha' dag kun// dpa' bos rgyas par dka' stsol cig/ de skad ces gsol pa dang/ dpal 'jigs byed chen pos bka' stsal pa/ nyon cig
319a4 zung zhig rdo rje 'dzin// las dang thugs rjes 'brel ba yis// srin mo'i las rnams ngas bshad kyi// gsang bdag rdo rje 'dzin pa nyon// bskal pa kun bkod bya ba la// las kyi gol ba'i rU tra de// nyid kyis de
319a5 nyid gsang bar btul// srin po'i chung mar gyur pa ni// srin mo nga ro khrag 'thung myos// ral gcig ma zhes bya ba dang/ pha ma gdug pa'i bu mo ni// srin mo shang ka ti zhes grags// gdug pa'i byad stems ngan
319a6 pa yis// 'jig rten phung la khad pa las// dregs pa'i srin po rU tra de// mngon spyod thugs rjes bsgral ba ni// 'dzam gling lho yi zhing khams su// phung po nyal stabs gan rkyal du// ro la gling bzhir gyur pa
319b1 ni// thug pa med par kun tu brkyang// dur khrod chen po brgyad du gyur// srin mo ral gcig dam la btags// bu mo srin mo shang ka ti// ro yi srung ma chen mor bzhag/ phyi rabs drang ba'i cho 'phrul du// rang
319b2 byung mchod rten brgyad sprul te// srung ma chen mo brgyad rnams bzhag/ de nas 'dzam gling sa 'di kun// bkra shis rdzu 'phrul 'byung ba'i gnas// cho 'phrul 'byung bar bka' stsal to// de dag nang nas mthu rtsal
319b3 can// srin mo 'od 'dus shaM ka ri// lha chen tshogs bdag chung mar gyur// lha mo shang ka ti zhes bya// skye 'gro kun gyi srog 'phrog pas// gsod byed dmar mo mi zan ma// srid pa gsum gyi dbugs len
319b4 ma// srin mo khrag 'thung ma zhes bya// yang na zlog byed pra mo ha// phyag na rdo rje dbang gi gnas/ kha che'i yul gyi dur khrod de// mtha' yas kyi ni ri yi phug/ rgya mtsho'i gling gi ma ga do// dur khrod srin mo ro yi
319b5 gling// ma mo gnas ni de na gnas// srung ni mchod rten ka ni srung// las ni rnal 'byor ting 'dzin nyul// nga yi dam la rab tu gnas// dad mos nyams su gang lon pa// de yis dgos pa grub par byed// ces
319b6 gsungs so// snying tig bkol ba'i rgyud 'ug pa'i gdong can zhes bya ba las/ gleng slong ba'i le'u ste gnyis pa'o//// de nas yang dag bshad bya ba// bstan pa bsrung bar bya ba'i phyir// las rnams 'og ma
320a1 'di ltar bya/khrag 'thung rgyal mo'i sgrub thabs ni// shin tu dben pa'i gnas dag tu// srin mo'i g.yang gzhi bkram nas su// de yi dbus su dkyil 'khor ni// thig le khrag gi zla gam bya// srin
320a2 mo'i sku yang khrag gis bri// de yi dbus su bzhugs su gsol// snying gi gtor ma mdun du gzhag/ bstod pa'i tshig dang mchod pa ni// dus nyid du ni dbul bar bya// bdag nyid dpal gyi skur bsgom
320a3 nas// sgrub pa'i sngags ni 'dzab tu drang// grub pa'i rtags ni byung ba dang// nub phyogs su ni gtor ma gtang// dgongs pa dam pa de yi tshe// gsang ste gang 'dod bcol ba ni// zlog dang srung dang gsod la
320a4 sogs// ji ltar 'dod pa bzhin du 'grub// snying tig bkol ba'i rgyud 'ug pa'i gdong can zhes bya ba las/ ma mo sgrub pa'i gnad kyi le'u ste gsum pa'o//// de nas yang dag bshad bya ba// spyan 'dren nye
320a5 ba'i snying po dang// las rnams kun gyi gsang sngags ni// dang po bdag nyid gsal gdab sngags// oM badzra ma hA shrI he ru ka ma hA tsaN+Da sarba duSh+tAn ta ka ha na da ha pa tsa hUM hUM phaT/ bdag nyid khro rgyal nga rgyal
320a6 bya// oM badzra pra mo hA ru lu ru lu hUM b+h+yo hUM/ ma mo bskyed pa'i sngags so// dzaHhUM baM hoH badzra pra mo ha shang ka ri dza/ spyan drang nye ba'i snying po'o// badzra pra mo hA dza hUM du dri ma rag mo snying rtsa b+h+yo/ sku'i snying po sgrub
320b1 pa'o// A+oM badzra rag mo kha la rak+sha dung dmar ka ma la b+h+yo/ gsung bsgrub sngags kyi drag sngags so// oM ba lin rak+sha rag mo khA hi hoH me tsa me d+ha rak+ta ru ti khA hi khA hi/ mchod pa 'bul ba'i sngags so// oM kro d+ha ma
320b2 ke na shang ki ma pra du ha ma hUM b+h+yo hU~M dzaHdzaH thugs las drangs pa'i snying po'o// oM ma mo badzra drag rag mo snying la shad srog la dun dun b+h+yo// rag mo kha la kha tshe ma dun rbad rbad/ rak+sha la ling kha baM mugs mugs mA
320b3 ra ya dzaHdzaH badzra pra mo ha b+h+yo b+h+yo/snying shig bkol ba 'ug pa'i gdong can gyi rgyud las/ srin mo'i sngags kyi le'u ste bzhi pa'o//// de nas yang dag bshad bya ba// dam rdzas tshang ba'i gtor ma
320b4 bsag/gdung ba'i dbyangs kyis 'di skad bskul// he ru ka yi dkyil 'khor du// dur khrod chen po'i gnas bsrung na// srid pa yongs kyi sha zan mo// khams gsum srid pa'i dbugs 'phrog ma/ khyed kyi dam
320b5 tshig dus la bab// yul gyi ming ni kha che'i yul// rgya mtsho'i gling ni ma ga do// dur khrod ming ni he chen brdal// mchod rten ming ni ka niSh+ka// ma mo'i ming ni 'od 'du shang ka ti// gnas ni dur khrod he chen
320b6 brdal// srung ni mchod rten ka ni srung// dmar nag 'bar ba'i ral pa can// skad ni mi gcig kha che'i skad// gzugs ni mi ston lag brgya ma// brda ni mi 'phrod lo bal mo// mched la gdung zhing dam la
321a1 gnas// zhing chen g.yang gzhi gdan la gding// dmar chen dam la gshegs su gsol// dus 'dir grub pa stsal du gsol// bka' dang dam las 'das gyur na// he ru ka dpal thugs khros
321a2 nas// dmar smug nang du chig ta re// de skad bstod cing spyan drangs la// mchod pa dus gsum dbul bar bya// nam dang nyi ma'i gung la ni// dmar gyi ar+g+haM bstab cing sbreng// bsgrub pa'i sngags ni 'dzab tu
321a3 drang// snying tig bkol ba 'ug pa'i gdong can gyi rgyud las/ ma mo gnad nas bskul ba'i le'u ste lnga pa'o//// de nas yang dag bshad bya ba// zlog pa'i thabs ni 'di ltar bya'o// sgrub pa tshul du mthun pa
321a4 la// gtor ma'i nang du gdab pa ni// thal chen dang ni nyung dkar la// zlog byed ma yi zlog sngags kyis// nyin gsum bar du btab nas ni// phyogs bcu dag tu gtor byas nas// dam sri bar chod bzlog par
321a5 'gyur// gzhan dag smos kyang ci dgos te// de yi mtshan ni spo bar bya// las skal bzhin du bcol gyur na// phyag na rdo rje'i mthu yang zlog/ oM badzra pra mo ha a lo khas nag mo bam ma thun zlog dzaHhUM b+h+yo
321a6 b+h+yo// thams cad zlog pa'i sngags so// oM badzra pra mo ha he sa ma ya ma mo b+h+yo b+h+yo/ rak+sha rak+sha sa ma ya kha taM kha taM ma thun zlog thun zlog/ dmod dang byad bzlog pa'i sngags so// oM badzra pra mo ha kha la rag mo shag
321b1 sham tsit+ta rbad b+h+yo b+h+yo/lha srin gyi rdzu 'phrul bzlog pa'o// oM ma ma shang ka ti rag mo rag mo// man pram khruM khruM shig shig dza dzaHb+h+yo b+h+yo/ rbod gtong bzlog cing slar gsad pa'o// snying thig bkol ba'i rgyud 'ug pa'i
321b2 gdong can zhes bya ba las bzlog pa'i le'u ste drug pa'o//// de nas yang dag bshad bya ba// rnal 'byor 'khor bcas bsrung ba'i phyir// bsgrub pa gzhung bzhin mthun pa la// bsrung ba'i don du 'di ltar
321b3 ro// bya nag mo'i sgo nga gtor ma'i dbus// rdzas ni nyung dkar thal ba la// zlog byed ma yi bzlog sngags kyis// gsum gyi bar du bzlas nas ni// de yi nang du blug par bya// de nas ras kyi sgye 'ur
321b4 blugs// gang la bsrung bar bya ba'i phyir// lus sam gul du btags gyur na// bsrung ste thams cad thub par 'gyur// oM badzra pra mo ha he dung ling/ nag mo bam srungs// e nu du ha ma phaT snying thig bkol
321b5 ba'i rgyud 'ug pa'i gdong can las// bsrung ba'i le'u ste bdun pa'o//// de nas yang dag bshad bya ba// sangs rgyas bstan pa bsrung ba'i phyir// dgra bgegs 'pho ba'i las byed de// sgrub pa gzhung
321b6 bzhin mthun pa las// gsad pa'i don du 'di ltar ro// gtor ma'i dbus su gzugs bzhag la// snying gi khrag dang bam gyi khrag/ nyung dkar nyung nag ske tshe la// gsod byed ma yi dmod mo bzlas// lus dang
322a1 gzugs la btab gyur cing// sba ba'i sa der mnan na ni// rtags dang mtshan ma myur du 'ongs// gsod byed ma yi dmod mo yis// lha srin sde brgyad srung bar 'gyur// bud med lag pa g.yas pa
322a2 ru// gsum mam mar gyi tshes brgyad la// dmod mo btab pa blugs nas ni// rang rang khyim gyi phyogs su gtor// srin mo'i lag pa zhes bya ba// mi nad mod la 'bebs par byed// yang na rgyun du de ltar
322a3 bya// gsang ba'i dmod mo 'di ltar ro// dza yak+sha nag mo/ rak+sha ma nag mo/ snying la shad shad b+h+yo b+h+yo/ che ge mo zhig mu ma rbad// b+h+yo snying kha rag tshal pa rbad// b+h+yo mA ra na hUM nan/ bam mug he/ rag mo kha tshe de ra
322a4 ya thun b+h+yo b+h+yo/'di dag ma mo'i dmod mo ste// las rnams nges par 'grub par 'gyur// snying tig bkol pa 'ug pa'i gdong can gyi rgyud ces bya ba las/ gsad pa thun nag gi dmod mo'i le'u ste brgyad
322a5 pa'o//// de nas yang dag bshad bya ba// bstan pa bsrung ba'i las bya na// chu 'khyag thog dang ser ba 'bab// de yi las kyang 'di ltar ro// sgrub pa gzhung dang mthun pa la// rabs chad nag po'i thod pa
322a6 ru// dgra bo'i lo tog sngo snar bcas pa blugs// khrag dang dug dang ske tshe la// thugs kyi snying po 'bum du bzlas// las sngags khri thon dgra yul gnan// tsa ra'i khrag gis dmar lam bstan// srid pa g.yo
322b1 phyir khrag zor brdeg/seng ldeng phur pa sor brgyad la// srin mo nyid du dbang bskur te// lha klu gnas pa'i rten la gdab// skyin thang nges par 'bebs par 'gyur// thugs kyi sngags la rbad sngags
322b2 sbrel// tad+ya thA dza ri li ri li snying kha rak+Sha pa shang ku ru ma ma raM raM hril hril/ shar shar/ drag drag/ ru tsa ru tsa/ shu ti phroM/ tsa mun dud phroM/ sa man+ta a kar/ du ru du ru phroM phaT/ ser bsgrub dril sngags so/ ma ken
322b3 shing gi ta/rag mo rag mo/ b+h+yo b+h+yo/ dud phroM/ dkar phroM/ shu ti phroM/ sug ti smin/ drag tu tsar hril b+h+yo/ dum dum ma ma hril shag phob/ e ke tra rbad glo bur skyin 'dong phob/ ser ba dbab pa'i sngags so// oM badzra pra
322b4 mo hA/gu shi la/ sa ma ya praM thun praM rag rbad/ nal chem 'ur rbad/ tsag ram me phroM rbad rbad/ thog dbab pa'i sngags so// las rnams snga ma'i steng du yang// shes rab ma'i mtshal dang gser dang// khro chu 'khar
322b5 ba thog lcags dang// 'brug rus nyung dkar rnams la bsngags// thod par blugs te rab sbas bsgrub// snying tig bkol pa 'ug pa'i gdong can gyi rgyud las/ thog ser dbab pa'i le'u ste dgu pa'o//// de
322b6 nas yang dag bshad bya ba// cho 'phrul sngon du bstan pa'i phyir// ltas ngan sprul pa sna tshogs dbab// 'ug pa'i sha khrag spu la sogs// bag phye la sogs gzugs byas la// 'ug pa'i sha khrag sgro btsugs te// ma mo'i
323a1 mdun du gzhag par bya// ltas ngan gzugs ni sna tshogs kyis// 'ug pa'i gzugs kyi tha ma bskor// so so'i sha khrag snying bcas gzhag/ ma mo'i sgrub pa gzhung btsugs la// ltas ngan rgyal mo bskur
323a2 bar bya// rtags dang mtshan ma byung ba'i tshe// nam gung nag la dgra phyogs 'phang// nges par cho 'phrul 'byung bar 'gyur// oM badzra pra mo ha/ e ru ta ba phaT/ rag mo ru lu ru lu ka phob/ tri la dun tshe trab trab sil
323a3 sil phob/seng+ha byA g+h+rA sri la shwa na phob/ gr-i D+ha kang+ka kA kA u lU ma phob/ ma b+h+yo sa ma ya phob/ seng ge stag dang wa spyang tshogs// bya rgod kang+ka bya rog 'ug/ mngon sum dag tu 'byung bar nges// snying tig bkol ba'i le'u
323a4 ste 'ug pa'i gdong can zhes bya ba'i rgyud las/ltas ngan gtang ba'i le'u ste bcu pa'o//// de nas gzhan yang bshad bya ba// ma mo dam la rub pa'i phyir// dbang du bsdu ba'i las bshad de// bdag nyid dpal
323a5 chen he ru ka/thugs las ye shes rab 'bar 'phros// ma mo'i snying gi dkyil du ni// dmar smug 'bar ba'i me dag bsam// de las ye shes sems dpar bsam// gal te dam la 'da' gyur na// bdud rtsi gtor
323a6 zhing sngags 'di bzlas// oM badzra kro ta ma ken shang tri ma trang du ha ma hUM b+h+yo b+h+yo// dza dzaH/ sa ma ya i dan hi na ra kan rak+sha kro d+ha dz+wa la raM/ ma rak+sha pra be sha ya phaT/ de skad ces ni brjod pa ni// ma mo'i snying tig srog
323b1 snying nyid// dmar smug 'bar ba'i me nang du// rdo rje gnod sbyin khro mor gyur// snying khrag thams cad 'thung bsam pas// ma mo nyid kyang brgyal bar 'gyur// de nas las rnams grub pa dang// slar zhing ma mo gso
323b2 bar byed// oM dz+nyA na tsit+ta badzra shang ki hUM/ snying po srog gi snying po bri// zhing chen tsit+ta wa yi snying// gser dang bcas pas shes rab mtshal// zhing chen khug mar bstsal nas ni// 'gro dang 'dug pa'i dus su
323b3 bzlas// las rnams grub par gdon mi za// snying tig bkol pa 'ug pa'i gdong can zhes bya ba'i rgyud las// dbang du bsdu zhing shi sa bstan pa'i bla srog gzung ba'i le'u ste bcu gcig pa'o//// de nas yang
323b4 dag bshad bya ba// las rnams me yis grub pa ste// sbyin sreg las ni 'di ltar ro// shar lho 'brub khung gru gsum ste// dug shing gdug pa'i me spar la// ma mo me lha nyid du bsgom// mchod rdzas rim par dbul
323b5 bar bya// oM badzra kro d+ha pra mo ha raM dz+wa la ni ram ram che ge mo mA ra ya phaT/ brgya rtsa brgyad ni bsreg byas na// tshangs pa'i tshe dang ldan pa yang// skad cig yud la brlag par 'gyur// hu lu mu kha'i rgyud las/ sbyin sreg
323b6 gi le'u ste bcu gnyis pa'o//// de nas yang dag bshad bya ba// gtan 'pho'i las kyi gnan thabs ni// rabs chad thod pa de nang du// dgra bgegs ming dang gzugs bcas gzhug/ sbyin sreg thal ba
324a1 gzugs bcas grub// lha khang mchod rten 'dre gzugs can// lha srin gnas pa'i sar song la// dug khrag nyung dkar sna tshogs brab// oM ma ma rag mo sa ma ya dzaHrbad i shan rak+mo zung/ ma ma rbad/
324a2 laM laM/ staM staM/ dza rbad/ khrag rbud/ tsit+ta zung/ rag mo b+h+yo dzaH/ rag mo sha/ nag mo zung/ mA ra ya dzaHdzaH/ bskal par thar pa'i dus med par bsam// snying tig bkol ba'i rgyud las/ mnan pa'i le'u ste bcu gsum
324a3 pa'o//// de nas yang dag bshad bya ba// gal te las su ma rungs na// bu mo bzhi yi sbyor ba brtsam// dben pa'i gnas su song nas ni// sa yi maN+Dal steng dag tu// so so'i g.yang gzhi bting nas
324a4 su// dkyil 'khor khrag gis gru gsum bya// mi mgo'i phor pa'i nang dag tu// snying dang khrag gi gtor ma gzhag/ de yi nang du gzugs kyi steng// gro gar dgra bo'i ming rus bris// srog rtsa'i nang du bstsal nas
324a5 ni// snying ga dag tu gzhag par bya// dmar gyi ar+g+ha gtor mar bcas// de yi 'gram du gzhag par bya// bdag nyid dpal chen he ru bsgom// bdud dang gnod sbyin brag srin dang// klu srin bu mo bzhi po
324a6 bskul// nyung dkar thal chen ske tshe dang// srog rbad gsad pa'i sngags su bzlas// de yi gzugs la gdab par bya// nyi ma dang po skul bar byed// gnyis pa de nyid 'gugs par byed// gsum pas srog 'phrog
324b1 nyams par byed// bzhi pas gsod cing 'pho bar byed// lnga pa'i nub mo de dag kun// phur bu sor gsum gdab par bya// yang na gzugs de mtshon gyis gtub// rabs chad thod par stsal nas ni// gnod par
324b2 gyur pa'i sa dag tu// phrin las rnam bzhi'i gzir gnan bya// nges par gdon mi za bar 'gyur// yang na de yi dgongs pa de rnams kun// ga'u'i nang du bstsal nas ni// 'gro'am 'dug pa'i dus rnams su// bu mo
324b3 bzhi po bskul nas ni// nyung dkar thal chen ske tshe dang// srog rbad gsad pa'i sngags bzlas nas// de yi nang du gdab par bya/ khrag gis gnod pa de la gtor// yang na de yi phyogs su 'phang// gzugs rnams
324b4 rabs chad thod par bstsal// gnod par gyur pa'i sa ru sba// mnan pa yang ni snga ma bzhin// rgyun du de ltar byas gyur na// sdang ba thams cad brlag par 'gyur// ji ltar 'dod pa bzhin du 'grub// rag mo dun tri
324b5 yak+sha snying la shad shad// che ge mo snying la rak+sha b+h+yo// tshal pa dum bu mA ra ya phaT// bdud kyi bu mo'i sngags so// gnod sbyin gyi bu mo'i sngags la/ rak+sha du ling ma hri dza snying shad shad// che ge mo 'u mu/ stam b+ha ya phaT/
324b6 brag srin mo'i bu mo ni// rak+sha dun ti pra ma sha tri dzaHsnying shad shad// che ge mo'i ro sha sog rmug rmug tsit+ta rbad/ mA ra ya rbad/ klu srin bu mo'i/ nA ga rag+shi dzaHdu rag mo kha tshe tri dza tsit+ta shad shad/ che ge mo rak+sha ro mo rbad
325a1 bu ru sha bam shig mA ra ya rbad// snying tig bkol ba'i rgyud 'ug pa'i gdong can zhes bya ba las/ bu mo bzhi'i srog rbad gsad pa'i le'u ste bcu bzhi pa'o//// de nas yang dag bshad bya ba// tshe
325a2 srog nyams pa gso ba ni// maN+Dal pad+ma 'dab bzhi la// dbus su zla gam kha sprad de// dpal chen nyid dang srin mo dgod// pad+ma 'dab bzhi dag la yang// bu mo bzhi ni tshul bzhin dgod// tshe bum b+han+d+ha srub med
325a3 la// snying po sngags dang zas kyis dgab// rgyan chas ldan pas mchod pa dgram// oM AHhUM badzra A yu She dzaH/ puN+ye puSh+tiM ku ru sid+d+hi sid+d+hi hUM// tshe yi snying po zhag gsum bgrang// bar chod bzlog phyir phyag rgyar
325a4 gzhug/bskul ba'i pho nyas tshe dpal drang// drod tshad zin nas tshe dbang bskur// de yis tshe yi sid+d+hi nges par 'grub// snying tig bkol pa 'ug pa'i gdong can zhes bya ba'i rgyud las// tshe bsgrub pa'i le'u ste bco lnga
325a5 pa'o//// de nas yang dag bshad bya ba// ma mo skong ba'i rdzas bshad de// shel smug spyi dkar mo yi rigs// rgyan chas gsal ba rdzas kyi mchog/ mkha' lding smug mo thig le can// nyams chag skong ba'i rdzas
325a6 chen de// skyes pa gtsang ma'i bam gsar ni// ma mo mchod cing sgrub pa'i rdzas// ma mo'i dam rdzas khyad par ni// wa snying mi dang lug smug snying// mkha' lding snying khrag bdud rtsi dang// byang sems dkar dmar rdzas
325b1 mchog ni// ma mo brten pa'i rdzas yin no// gzhan yang sha chen tshil chen dang// 'bras bu mi dbang sha khrag snying// gsur chen dud pa tshil chen me// g.yang gzhi rgyal mtshan phan gdugs dang// rdzas dang ldan pa'i
325b2 gtor ma dang// 'bru chang rtsi chang rak+ta'i tshogs// ma mo mchod pa'i rten bya'o// snying tig bkol ba'i rgyud 'ug pa'i gdong can zhes bya ba las// ma mo'i mthun rdzas kyi le'u ste bcu drug pa'o//// de nas yang
325b3 dag bshad bya ba// ma mo'i rtags dang mtshan ma bshad// rab ni sku ston gsung mchog sgra// 'bring ni me 'bar 'od 'phro zhing// rnal 'byor ci dris smra bar byed// tha ma rmi lam sna tshogs ston// dmar mo bud med
325b4 mche ba can// chu srin rgyal mtshan 'phyar ba ni// rmi ltas rab tu bshad pa yin// dkar mo byung na phan bya 'grub// ser mo byung na longs spyod 'phel// nag mo byung na mthu rtsal 'byung// pho ru byung na las la
325b5 skul// dmag tshogs byung na rbad gsod bya// gcan gzan byung na brnag pa 'grub// du ba mthong na nyams pa gnod// rgod cing byung na dngos grub ster// sbyor ba byed na dngos grub 'grub// rgyang glu len na mchod pa
325b6 ster// dbang rtags ston dang glal gyur na// gtor ma dus su sbyin par bya// mngon sum pa yi cho 'phrul yang// 'brug dang sgra dang thug choms dang// rlung dmar 'khrug dang sgo rdung dang// me dang 'od dang sgo khyim
326a1 'tshags// sna tshogs mtshan ma ci yang 'byung// gang yang med na rtog mi skyed// 'jigs par byung yang mnyam par bzhag/ snying tig bkol ba'i rgyud 'ug pa'i gdong can zhes bya ba las// rtags dang
326a2 mtshan ma bstan pa'i le'u ste bcu bdun pa'o//// de nas yang dag bshad bya ba// 'khrug pa bcos dang bskang zlog phyir// drag po bsad mdos bshad par bya// 'bru sna tshogs pa'i ri rab ni// mchod rten
326a3 kak+Ni'i dbyibs su bya// ri rab gsum ldan bum pas mdzes// steng du dmar mo dar gyi gdugs// phyogs bzhir rgyal mtshan ba dan mnga'// dbus su ma mo'i gzugs gzhag la// snying sna gser g.yu bdud rtsir
326a4 bcas// gsal ba'i 'od dang bcas pa dgram// de 'og bang rim dang po la// bu mo bzhi yi gzugs bzhag la// dar dang rgyal mtshan snga ma bzhin// seng stag wa dang spyang ki dang// bya rgod kang ka bya rog
326a5 'ug/brgyad brgyad bang rim bar ma'o// 'bring lug ra dang bya nag khyi// sha dgo gna' gnyan ri dwags dang// srog chags mir bcas brgyad brgyad ni// bang rim tha ma dag la ni// gzhan yang srid pa'i sems can
326a6 gzugs/kha dog tshon gyis ngos bsgyur nas// ri rab tha ma 'khor bar bya// spyan gzigs dkor cha rgyan dang ldan// rang glud chas ldan brgya rtsa brgyad// ma mo 'khor tshogs kun la bsngo// bdag nyid dpal chen
326b1 bsgom byas la/khrag 'thung mchod pa gzhung bzhin bya// tshe dpal drod dang dngos grub blang// zhag gsum bsnyen pa btsugs nas ni// ma mo nyid dang 'khor la bsngo// gnod par gyur pa'i sa ru bskyal// las
326b2 rnams nges par 'grub par 'gyur// de yi las thabs 'di lta ste// dkyil 'khor dbus su g.yang gzhi gding// de la lha bkod rdzas kyis bskor// byang du maN+Dal dris byug la// lug nag g.yang gzhi'i steng du
326b3 yang// nas nag khal lam bre gsum bdal// steng du bskang zlog mdos chen bzhag/ dbus su 'byor tshad skong rdzas la// lho phyogs bsad las 'brub khung du// shar du sgrub pa bdag nyid bzhugs// 'dis ni ji
326b4 ltar bsam pa 'grub// snying tig bkol pa 'ug pa'i gdong can zhes bya ba'i rgyud las/ drag po mdos kyi le'u ste bco brgyad pa'o//// de nas yang dag bshad bya ba// gzhi dang gtso mo'i spyi sngags bstan// oM
326b5 badzra pra mo ha ma ken shang ki ma pra du ha na hUM trag rag mo rak+sha yak+sha dung hi pra mo ya nA ga rak+sha me/hu lu hu lu hUM b+h+yo hUM/ gcig tu dril te bod pa'o// oM rag mo tsit+ta rbad ru ru rbad su ma du ha na ha na dzaHrbad rbad/ oM tsa ka
326b6 ha ha ka laM ba to ra b+h+yo/rak+sha tsakra ba pa ma/ tsi ma ma du kha tsit+ta nan b+h+yo/ spyir rbad pa'o// rag+mo hi liM ki li ki lA ya rbad bu// i dar ri yaM myang yi dang yang/ lu pa ti yang/ ba rog mo ta yang byi li ma ti yang/ ma ma kan
327a1 shang ki pra ma ya/tiSh+ta rbad/ thuM ri li li rbad/ yag+sha rak+sha pra ma ni nA ga rag mo thuM ri li rbad rbad/ tsit+ta tsit+ta kha rag trag rak+sha traM/ ma hA sa ma ya/ ma hA rak+sha traM/ tsit+ta thuM ri li li rbad/ spyir bsad
327a2 pa'i sngags so// snying tig bkol pa 'ug pa'i gdong can zhes bya ba'i rgyud las/ tsit+ta yang snying gi sngags kyi le'u ste bcu dgu pa'o//// de nas dpal chen he ru ka/ dpal gyi thugs kyi rgyud 'di bshad//
327a3 nyon gcig rdo rje 'dzin pa khyod// nga yi gsang rgyud chen po 'di// lnga brgya'i dus su bstan srung phyir// rtsa ba gsum du bsdu bar bya// yan lag lnga la spro byas te// dang po dpal chen spyan snga ru// srid pa'i
327a4 tshe srog bdag mo yis// rang rang srog gi snying po phul// phung byed bu mo spun bzhi yin// rang rtags srog gi snying po phul// 'khor dang bcas pa thams cad kun// dpal chen nyid kyi dam la gnas// bstan
327a5 pa srung ba'i bdag mo yin// dad mos nyams su gang len pa// dngos grub mchog ni gdon mi za// zhes bka' stsal pa dang// 'khor gyi gtso bo dpal rdo rje 'dzin pa dang// srin mo 'od 'dus shang ka ti la
327a6 sogs pa/bu mo dang 'khor du bcas pa thams cad rab tu dga' ba skyes te/ bcom ldan 'das la bstod do// snying tig bkol pa 'ug pa'i gdong can zhes bya ba'i rgyud las/ yongs su gtad pa'i
le'u ste nyi shu pa'o/

CLOSE WINDOW