301a5 /// rgya gar skad du/ tsit+ta snying khol/ bod skad du/ snying thig bkol ba'i rgyud/ de nas 'jig byed he ru kas// snying thig rgyud 'di bzhag pa ste// 'ug
301a6 pa'i gdong can zhes su grags// bde 'gro'i thun dang bzhi'i snying thig snying gzer sngags dang snying thun dral bas gsad pa'i las/ sbyin sreg nges par gsad pa dang// ngan sngags sbyor ba thams cad
301b1 dang// gtor ma las kyi sbyor ba dang// phan gdags pa yi rnam pa dang// dbang du bsdu zhing shi sa bstan// rabs chad nag po'i thod pa ru// chu sna gtsang dang khrag sna gtsang// sred de yi dam lha ru bsgom// ngan
301b2 sngags sbyor ba 'di ltar bzlas// ma ma snying kha rag b+h+yo b+h+yo/ ma kha rag snying kha rag b+h+yo b+h+yo/ 'bum grangs dag ni them gyur na// 'chi bar 'gyur bar gdon mi za/ khrag gis gnod pa de la gtor// kun kyang rlag
301b3 par rab tu nus// dben pa'i gnas su song nas ni// sa yi maN+Dal steng du ni// mi dang khyi dkar ba glang sre mo'i snying// mi phag rnams kyi g.yang gzhi ma nyams 'ding bar byed// dkyil 'khor gru gsum so
301b4 so'i khrag mi mgo phor pa'i nang du ni// so so'i snying khrag gtor mar bstsal// de yi nang du gzugs kyi rten// shing shun bris pa'i ming rus dang// srog rtsa'i nang du dam du gzhug/ snying gi nang du dam du bcing/
301b5 kha ni bag zan dag gis gcad// dmar gtor arga cha gnyis kyang// de yi drung du gzhag par bya// bdag nyid dpal chen he ru bsgom/ khrag 'thung rim pa bzhin du bya// srid pa bde 'gro'i drod gsher
301b6 las// gang 'dod re re dmigs bya ste// spyan drangs byin brlab dbang bskur mchod/ khram ka stong dang ri rab gling// sa gzhi 'degs dang rgya mtsho gling// bzhi po tshul bzhin bskul bar bya// nyung dkar thal
302a1 chen ske tshe la// rnam gsum bzlas pas gdags par bya// nyi ma dang pos skul bar byed// nyi ma gnyis pas 'gugs par byed// gsum pas srog 'phrog nyams par byed// bzhi pas gsod cing
302a2 'pho bar byed// lnga yi nub mo de dag kun// phur bu sor gsum gdab par bya// yang na gzugs de mtshon gyis gtub// rabs chad thod par bstsal nas ni// gnod par grub pa'i gnas su sba// phrin las rnam
302a3 bzhis gzir gnan bya// des kyang the tshom med par 'grub// yang na dgos pa de rnams kun// ga'u'i nang du bstsal nas ni// 'gro dang 'dug pa'i dus rnams su// gtso mo bzhi po nam grub bskul// nyung
302a4 dkar thal chen ske tshe la// srog sngags gsad pa'i snying po bzlas// de yi nang du gdab par bya/ khrag ni gnod pa de la gtor// yang na de yi phyogs su 'phang// gzugs rnams rabs chad thod par
302a5 bstsal// gnod par 'grub pa'i sa ru sba// gnan pa yang na gong ma bzhin// sdang ba thams cad med 'dod na// myur du de ltar byas pas 'grub// bzlas pa'i sngags ni 'di rnams yin// ma ma trag rag shu mun
302a6 tsa b+h+yo// ru snying khrag kha la rag sha ni rbad thuM ril ril rbad/ ma ma snying kha la rag tish+ta rbad/ thum ri li li rbad/ ma ma ni sha ku ru rag tra kha raM ku ni ku ru ni kha raM b+h+yo/ thum ri li li rbad/ ma ma trag rag sha mu tra
302b1 snying kha rag b+h+yo thum ri li li rbad/ma ma sa ma ya snying kha rag kha thum ni dzas dun mA ra ya ra phaT thun b+h+yo// ma nag sha ba rag mo b+h+yo/ che ge mo sarba ma ra ya tsit+ta ku ling ma ra ya phaT thun b+h+yo/ snying tig bkol ba'i
302b2 rgyud las/srid pa'i bde 'gro ma'i thun dang/ ma bzhi'i snying tig dang srog tig gi le'u ste dang po'o//// des kyang gal te ma thub na// bu mo bzhi yi sbyor ba bya// dben pa'i gnas su song nas
302b3 kyang// sa yi maN+Dal steng du ni// so so'i g.yang gzhi bting nas kyang// dkyil 'khor gru gsum bri bar bya// mi yi thod pa'i snod nang du// snying dang khrag gis gtor ma bya// de yi nang du dgra yi
302b4 gzugs// gro ga la bris gzhag par bya// srog rtsa'i nang du bstsal nas ni// snying ga dag tu gzhag par bya// dmar gyi gtor ma ar+g+ha bcas// de yi 'gram du gzhag par bya// bdag nyid dpal chen he ru
302b5 dmigs/khrag 'thung tshul bzhin mchod pa bya// gnod sbyin bdud dang brag srin sman// klu srin bu mo bzhi po bskul// nyung dkar thal ba ske tshe la// srog snying gsad pa'i sngags bzlas la// de yi gzugs la
302b6 gdab par bya// nyi ma dang pos skul bar byed// nyi ma gnyis pas 'gugs par byed// gsum pas srog 'phrog nyams par byed// bzhi pas gsod cing 'pho bar byed// lnga yi nub mo de dag kun// phur bu so
303a1 gsum gdab par bya// yang na gzugs de mtshon gyis gtub// rabs chad thod par bstsal nas ni// gnod pa 'grub pa'i sa ru sba// phrin las gang brtsam de la bya'o// nges par gdon mi za bar
303a2 'grub// yang na dgos pa de rnams kun// ga'u'i nang du bstsal nas ni// 'gro dang 'dug pa'i dus rnams su// bu mo bzhi po bskul bar bya// nyung dkar thal chen ske tshe la// srog rbad gsad pa'i sngags bzlas
303a3 la// de yi nang du gdab par bya/ khrag ni nyams pa de la gtor// yang na phyogs su 'phang bar bya// gzugs rnams rabs chad thod par stsal// gnod pa 'grub pa'i sa ru sba// mnan pa yang ni snga ma
303a4 bzhin// rgyun du de ltar byed 'gyur na// sdang ba thams cad med par 'gyur// de yi bzlas pa 'di yin te// rag mo dun tri rag sha snying shad shad/ rag sha du ling sha tri dza dza snying la shad shad/ rag sha du ni tra phra
303a5 che ge mo/rag sha ro la rbad/ su ru sha ma sha tra dzi/ snying shad shad/ nag sha dza du rag mo kha tshe ti dza dza snying la shad shad/ che ge mo snying la rag sha b+h+yo/ tshal pa dum bu mA ra ya phaT/ che ge mo mu ka stam b+ha ya rbad/ mA
303a6 ra ya rbad/che ge mo ri shi srog dbugs mA ra ya phaT/ che ge mo rag sha ro la rbad/ sa tu sha baM shi na mA ra ya phaT/ snying tig bkol ba'i rgyud las/ bu mo bzhi'i srog tig dang snying tig gi le'u ste gnyis
303b1 pa'o//// ma mo'i snying gi gzer sngags kyis// thams cad du ni brdeg cing gsad// dmar gyi gtor ma ar+g+har bcas// snying sna tshogs tshad de ru blugs// gru gsum dkyil du ling+ga gzhag/ srid pa'i ma mo
303b2 tshogs kyis gtso// stong rtsa brgyad ni rab bskyed cing// spyan drangs dbang bskur byin gyis brlab// zil gyis mnan cing bsdig par bya// mchod 'bul srog snying stong du bzlas// pho nya rnams ni tshul bzhin
303b3 bkye// gtso mo bzhi yang rab tu bskul// ma mo spyi yang rab tu bskul// gu gul dud pa rgyun mi gcad// tsha ba rnam pa lnga yang bdug/ lnga lnga dag kyang dbye bar bya// ma tshogs las ni byed 'gyur bsgom// nyung
303b4 dkar breg cing gzugs la brab// reg mo snying rtsa la b+h+yo// reg mo rag mo snying du ru hUM// reg mo tsa pa la dgra bo'i snying kha rag b+h+yo/ reg mo tsa pa khrag mu mu ma ma b+h+yo// reg mo sems byed snying la b+h+yo// reg mo lta
303b5 byed mig la b+h+yo// reg mo nyan byed rna ba la b+h+yo// reg mo smra byed lce la b+h+yo// reg mo tshor byed lus la b+h+yo// reg mo srog rgyud rtsa la b+h+yo// reg mo baM la ri li li// reg mo khrag la ri li
303b6 li// reg mo snying la ri li li// reg mo srog la chem che ma// reg mo baM ri li li// reg mo ba shi pa tsa pa tsa la dza dza// reg mo snying rgyud rtsal dza dza// reg mo rtsa rgyud srog la dza dza// reg mo sha rgyud snying la dza dza/ srog rgyud dbugs la dza dza/
304a1 oM ga ga ni ga ga ni/ A kar sha ya A kar sha ya/ gr-ih+na gr-ih+na/ ban d+ha ban d+ha/ ha sa ya ha sa ya/ tiSh+Tha tiSh+Tha/ ga ma ra/ ya dza ma ha ye ma ye ge ye/ reg mo dza/ oM ru lu ru hUM de b+h+yo/ dgra bo'i snying
304a2 la thun/dgra bo'i lag la thun/ dgra bo'i rkang la thun/ brgya rtsa brgyad du bzlas pa de// ma 'grub bar du gzugs ming bcas// spyi yi snying gzer ma grub kyang/ gtso mo bzhi'i snying gzer bstan par
304a3 bya'o// rdzas dang sbyor ba sngar bstan bzhin/ khyad par gsad pa'i las 'di la// gzugs ming ling+ga brdeg dus su// gtso mo bzhi po mnan gcod dmigs// nyung dkar rdzas la brgya rtsa brgyad// rag mo kha la kha
304a4 che ma ma b+h+yo// rag mo klad pa la ya/ rag mo kha la kha tse ma b+h+yo// rag mo snying la ya/ rag mo dbang po la ya/ rag mo kro tsa la snying zan ma thun/ rag mo dun ti ma heng heng/ rag mo sha la dza dza/ srog rgyud dbugs
304a5 la dza dza/rag mo snying kha rag mo dun ting dun da ra ya rbad/ rag mo ma ma shan ting mA ra ya phaT/ ma ma hri hri na ya rbad/ dgra bo nr-i mA ra ya sod sod/ sbas pa'i ma bzhi 'grub mod kyis// shan pa'i snying gzer
304a6 bstan par bya// rdzas dang sbyor ba 'dra ba las// spyang dug nyung dkar la sngags gdab// shan pa bzhi yi nad gcod dmigs/ rag mo snying la shad shad/ rag mo snying la 'ud 'ud/ rag mo snying la thum ril dza dza/
304b1 rag mo snying la dza dza/ rag mo snying rgyud tsa la dza dza/ rag mo da ra yang srog ril rbad/ rag mo snying la hab hab/ rag mo snying la 'ub 'ub/ rag mo dbugs sub ril rbad/ rag mo snying la ya/ rag mo klad pa la
304b2 ya/rag mo dbang po la ya/ ma ma ma ma b+h+yo b+h+yo b+h+yo b+h+yo/ dgra bo lhung 'dug tu dus su gdab bo// gru gsum dpal gyi ling+ga la// yungs dkar khrag gis byugs pa de// srid pa bde 'gro nyid kyis gdab// oM shrI badzra
304b3 mA ra ya/shig kha la za mu dza/ khrag ting shan ting snar ba mA ra yaM thib su ran sha thib/ pra tig nyi thib/ nga ra ya thib/ mu shi badzra khal sub ril/ snying gong chod/ dbang gi ma bkod cing dam mi gnas// the tshom za
304b4 zhing zhe sdang med// las kyi cho ga ma mthong bas// des kyang 'grub par yongs mi 'gyur// de dag lnga dang ldan pa'i mis// las de nges par 'grub par 'gyur// yang tig bkol ba'i rgyud las/ ma mo snying gzer
304b5 btu ba'i le'u ste gsum pa'o//// gal te rnal 'byor pa bdag gis shin tu myur bar las ma 'grub na/ de tshe snying zor bsdus pas bsgral bar bya'o// dkyil 'khor 'dom gang gru bzhi'i dbus su// de ru gru
304b6 gsum khru gang bru// nas sngon phye dang rdo nag til// de tshe ra khrag dag gi sbru// 'bru gtor chang phud rung bar bya// de yang zhing lpags dgra bo'i gzugs// ming rus bris pas/ rang snying nang bcug bag phyes
305a1 bcad// zur gsum sol phyes byug nas gzhug/ rabs chad thod pa'i snod nang du/ khrag sna gsum dang dug sna gsum// drag po gsum ni dug gi rdzas// smyug ma mtho gang tsam bzhi la// zhing gi
305a2 sgros bskyon mde'u thun rdzas/skyer mde'u zur gsum bug pa la// nyung dkar skyer gzhu cha rkyen rdzas// de ni gsang rdzas yin par grags// dmar gyi gtor ma ar+g+ha bcas// de ni rkang pa bzhi yis rdzas// de
305a3 bzhin kun snang rgyu bsgom pas// sems kyi dkyil 'khor de dmigs la// spyan drang byin brlab dbang bskur te// mchod bstod la sogs mkhas pas bya'o// stong rtsa brgyad kyi snying po ni// thun gyi tshul du bsnyen
305a4 par bya'o// zhag bdun bco lnga'i dus phyi mo// de yi dus la gzung bya'o/ khro bo'i skur bsgom srog snying la// sa ma ya du sa ma du btags bzlas// dgug cing bstim bstim them pa dang/ sgrub pa'i rdzas gsum
305a5 blug/snying la gdab cing brgya rtsa brgyad// phog gsum bzlas pas thun du gdab// sa ma ya du khag baM trag rag sha ma b+h+yo/ snying snying khrag khrag ti thun ma thum bya'o// ma ma sa ma ya ni khug dam dam dza dza// ma nyes
305a6 dpang kun gtsug pa la// dong kha g.yam pas gcad pa'i steng// rang 'dug mda' thun sgrub pa'i phyir// gtso mo re res mda' thun re// brgya rtsa brgyad re bsgrub par bsam// rag dun tra dun dam dza srog sha bo/
305b1 sha du ya ya thib thib/ brgya rtsa re zhing smyug ma dgang// stong gi bu ga bag zan dgab// gtor ma kha phye gzhu bdungs te// ma ma kri sha sha ka ka ba tsa ya mug di ri rbad/ shan ti ya phaT/ snying tring zhung ya sod/ ma sa
305b2 du sang mA ra ya phaT/shig shig ma snying la du dza/ du du ma sha shaM dza/ yang ya ma hri ma dza/ dza tsa ti la shig ya/ ma ma yaM thun/ zung snying du zung/ tsi ta sha bab 'bri sha ba ya/ zang yag ma ma thun yang/ snying kham snying
305b3 te kem/ma ma tri za shig/ ma ma snying mA ra ya dza/ snying tsi ti thun dza dza/ snying shig she mA ra ya dza dza/ sbrang ti mA ra ya ti shig du ga snyu baM ya/ snying kha rag yag sha ba la nr-i ti sod ya/ nr-i ba la sod/ mgo nas chang ba
305b4 la ya ya// ma ma khong gi snying la thun thun/ ti ta kha sha thum ril dza/ ma snying gi sha la ya/ snying du chig ya ma/ yaM thig tsit+ta la yig shan pa dung ya sod/ shag ni ya sod/ gzugs dang khrag gis thod pa
305b5 dgang// cho ga zin nas dur mchad dang// nam phyed lho nas byang du brdeg par bya// 'di la bya rgod gdeng btsugs nas// snying dum bcas pa khyim du 'phang// des thun yang brdeg par bya'o// gtor ma ma mo
305b6 dngos la sbyin// byang shar mtshams nas bya nag bcas// las 'grub nyid du shes par bya// sgrub pa sngags kyi mda' brdeg pa// ma bzhi'i kho na'i snying zor yin// snying tig bkol ba'i rgyud las/ ma bzhi dang
306a1 shan pa mor bcas pa'i snying zor dang/ma bzhi kho na'i le'u ste bzhi pa'o//// gsang ba'i gsang chen de dag nyid// de yi dkyil 'khor dbus su ni// mthing nag gru gsum bri bar
306a2 bya// gting du khru gang bru bar bya// he ru ka yi gtor ma dang// gnod par byed pa'i ling+ga dang// mched dang klas gang gzug par bya// nyung dkar nyung nag bsres nas bsres// 'gri ta kha kha ru ka dang/ gu ti ka
306a3 dang tshed mo rnams// spang ba'i rdzas ni bsres byas na// shin tu myur bar 'chi bar 'gyur// lcags rengs skad 'byin 'chi bar 'gyur// nad ni sna tshogs 'byung bar 'gyur// nad gang 'dod pa khas blangs
306a4 la// bsreg par bya'o// sngon du bsnyen pa zhag gsum bya'o// nyi shu brgyad dang nyi shu gsum// mdun gyi maN+Dal khrag gis byug/ he ru ka yi gtor ma gzhag/ de bzhin kun snang rgyu bsgoms te// sku bskyed spyan
306a5 drangs mchod pa bya// bsdig dang dbang sdud zil gyis mnan// dpal gyi snying po 'bru gsum dang// mo yi srog snying mtshan rtags bzlas// nam langs pa dang ma mo'i dbus na 'dug par bsgom// ma mo bzhi po
306a6 phyogs bzhir gnas// rbad sngags 'khor gyi ma mo yis// 'gags shing gsad cing tshul che mchog dang/ ma mo bzhi po lte bar dmigs// brgya brgya bar du rim bzhin bsreg/ bar du gtso mo bskul bar
306b1 bya'o// sbyin sreg la yang rnam bzhi ste// spyi dang po sad pa dang nad ka 'bebs pa'i rdzas kyis bsreg/ ngos 'dzin nad rnams bskyar de bsreg/ de nas sbyin bsreg rdzogs pa dang/ lam gyi rgya gram 'du ba'i sar
306b2 dur khrod ras dang 'khor lo ni thig le dgu dang ldan/phyogs bzhir ma bzhi'i snying po bri// mtshams bzhir shan pa'i snying po bri// dbus su gtso 'khor bri bya bra// sa phyogs dag tu sba bar bya// cung zad grub pa'i
306b3 rnal 'byor pas// 'khor gyi klu la gtad pa ni// pha mes thod pa'i nang du yang// 'bru sna lnga la sbrul gzugs bya// ming rus tshang bar shing shun bri// 'khor lo'i dbus su gdags parabya// de yang sbrul gyi mgo
306b4 la gdags// sbrul mgo tshon skud kyis bcings la// thod pa'i mdun du btags la bcing// chu mig mdog can 'jigs sar gnon// byang du bltas pas mchog yin te// pad+ma he ru ka ru bsgom// rgya mtsho gling
306b5 bzhi'i klu rnams dgug/tshon skud sor gsum rkang pas dgug/ dmag gi ma mo dbang du bsdus// ma mos klu rnams 'khor gzir bsam// rab ni klu la gtad pa yin// 'bring de bdud dang rgyal po la// sbyor ba
306b6 gong gis bya ba yin// sbyin sreg thal ba rgya mtshor dor// snying tig bkol ba'i rgyud las sbyin sreg dang mnan pa'i le'u ste lnga pa'o//// sems can mos pas dad pa la// ngan sngags kyis ni bsgral bar
307a1 bya'o// 'brub khung sum brtsegs kha khyer la// rtse mo mdor bstan khru gang la// lcags phyes bkang ba'i nang du dza// lho phyogs mgo bstan gtor ma bya// bdag nyid lho ru blta bar bri// gzugs dang
307a2 ming rus ma mos dgug/ma mos mtshon cha 'bebs par bsgom// oM dz+wa la badzra hUM suM b+ha ni/ snying kha la rag sha rbad// subs rngubs rbad/ sug ril rbad/ snying la mug shang shang/ baM ril rbad/ oM ga tsit+ta na 'du
307a3 'du/ma ma shad shad/ mug shang mug shang/ rbad ril snying kha rag ti/ ma b+h+yo snying la rag sha b+h+yo/ thun b+h+yo snying la b+h+yo/ thums thums mang/ su tra pa yang pa yang pa ri sod/ sod yo ni sha ya ma bu hUM phaT/ su tra la ya
307a4 sod/'dra ya na tra dz+wa ri swA hA/ gsad par mi bya dgra bo la/ byad du gzhug pa'i thabs dag la// byi la gwa pa'i 'jug spu dang/ khyi rgya bo'i khrag gis rkang rjes sa dang bsres pa yis// lag mthil dril bas sngags
307a5 'di bzlas// na tso na bu tsi/ mu tu shad shad/ ti sta rbad thum ri li li/ brgya rtsa brgyad ni brjod pa ste/ nyin gnyis pa la lan drug drug nyi ma shar ka rwa'i nang du sbas te/ tshon skud kyis bcing bar bya'o// chu mig
307a6 rdo ru sbas te gzhug/yan lag bcings te 'gro mi shes// myur du grub 'dod mdo mdor bskul// g.yam pa sngon por gzugs bris la// sngo myogs kyis song bar bsam la/ snying kha rag ni sha ku ru ru kha rag b+h+yo/
307b1 sha sti sta rbad thum ril li li/ gzugs la phab cing btul gyur na// myur du 'chi bar 'gyur/ shin tu rabs chad thod pa btsal te/ de nas khrag gtsang chu gtsang chang phud dang/ sngags 'di zlas la gtor bar
307b2 bya// ma ma snying kha rag snying kha la rag b+h+yo// mi bde ba rnam pa sna tshogs las// myur du 'chi 'gyur the tshom med// thod pa'i nang du dri chen dang dri chu blugs la/ nyung dkar nyung nag de ru blugs// mchod 'bul
307b3 sbyin gtong sbyin par bya// snying tig bkol ba'i rgyud las/ ngan sngags sbyor ba'i le'u ste drug pa'o//// gtor ma'i las kyi sbyor ba yang tshar bcad pa dang/ phan gdags pa'i phyir/ maN+Dal 'dom gang gru
307b4 bzhi la// dbus su bza' ba'i bye brag dang// sman dang 'bru dang shing thog dang// ro dang tshod ma chang gi tshogs// sha khrag bye brag sna tshogs pa// bsogs te de la sbyin par yang// stong nyid gru gsum 'bar ba
307b5 yi// dkyil du srid pa bde 'gro dang// che mchog rim bzhin dmigs par bya/ khrag gi rgya mtsho bye brag las// che mchog gtso mo ma bzhi dmigs// de rnams 'khor yang dmigs par bya// spyan drang dgug pa'i
307b6 bar du ste// brgya rtsa brgyad du bya ba yin// byin rlabs dbang bskur zil mnan te// bsdigs te phud ni bdud rtsir dmigs// nyi shu rtsa gcig dbul bar bya// sa ma ya baM dza/ a mr-i ta pra ti kha raM khA hi/ khrag la
308a1 dgug pa'i brgya rtsa brgyad// bsad pa'i thun yang de dang mthun// rdod ma sha khrag rag sngags la// nyi shu rtsa gcig btags la dbul// ma hA pany+tsa khA hi/ go ro tsa na khA hi/ zhes kun la bstab/ dril
308a2 ba kun la brgya rtsa brgyad bzlas te/gnod pa 'byung/ bsnyen dang bsgrub pa'i sbyor ba yang// rgyun gyi sbyor ba rnam bzhi pa// bsnyen pa'i bdud rtsi man chad ni// sgrub pa kun gyis 'jig pa ste// sbyor ga du yang du
308a3 yang yin// bdun nam lnga bzhi'i bar du'o// rgyu ni nyi shu gnyis gsum tshes brgyad dgu la'o// sbyor ba rgyu ba'i dus su ste// bsnyen bsgrub gnyis la dus tshod med// zhi dang rgyas dang dbang dang ni// las dang rdzas
308a4 dang sbyor ba yin// sems can rkyen dang 'phrad pa yis// de dus srid pa'i ma mo 'khrug/ de dus g.yo zhing bzlog pa'i thabs// dben pa'i gnas su song nas ni// sa yi dkyil 'khor bri bar bya// gtor mar
308a5 rag ta bdud rtsi dang// gsad pa'i thun yang gsog par bya// des ni sngags pa rang gis bcas// gos nag thod nag bcing bar bya// shar du mthing nag gur chen la// lho ru le brgan gur chen dbub// nub tu
308a6 za 'og gur chen la// byang du dar nag gur chen dbub// shar du sran ma lhor yungs kar// nub tu bra bo byang du nas// dbus su gro ni blug par bya// dbus su ri rab gzugs byas te// srid pa bde 'gro dpon
308b1 g.yog rdzas// glud rnams brgya rtsa brgyad du dgod// bdag nyid dpal chen he ru ka/ srid pa'i ma mo dbang du sdud// shar kyi mthing nag gur nang du/ khram kha stong gi 'khor bcas la// glud brgya rtsa brgyad dbul
308b2 bar bya// lho phyogs kyi ni gur nang du// ri rab gling bzhi 'khor bcas la// glud ser brgya rtsa brgyad du dbul// nub phyogs kyi ni gur nang du// sa bzhi 'debs pa'i 'khor bcas la// glud brgya rtsa brgyad
308b3 dbul bar bya// lho yi phyogs kyi gur nang du// rgya mtsho gling gi 'khor bcas la// sbrul dang sdig pa gnyis brgya dbul// ma tang gi ni gzugs dag la// yan lag dag la shan pa dgod// 'og la bdud chen
308b4 king ka ra// 'khor ni bdud la zhu bar bya// ma chen lnga la zhu gsol gdab// gling la srog glud dbul// rta 'dre kun la mthun rdzas dbul// spyi yi las la mkhas pas bgyi// de la gos gon glud du
308b5 dbul// mdos dang gtor ma dgra phyogs bskyal// nam gung bskyal bar shin tu gces// nad kyi thun gyi bshu bar bya// nyams pa dag la thun sna dbul// de nas mtshams gcad/ sna la mdos kyi sel bya/ bar
308b6 du tshe dgug tha mar dgra la mdos kha bstan// sems can rnam smin bdo ba yang// lo gsum bar du gnas par nus// snying tig bkol ba'i rgyud las/ gtor ma'i sbyor ba dang phan gdags mdos kyi le'u ste
309a1 bdun pa'o//// de nas ma mo dbang du bsdu? ste/ blta bas bsdu dang spyod pas bsdu// blta bas bsdu ni 'di rnams te// phyi nang srid pa bde 'gro ma// 'byung ba bzhi las srid pa la// thams
309a2 cad 'byung ba'i rang bzhin yin// de nas mi dmigs pa ru bsgom// de ni blta ba'i dbang sdud do// spyod pa che mchog he ru ka ru bsgom// rak+ta'i mtsho la gnas bcas mo// dbu yang rdo rje tshal pa la// dbu nas
309a3 rgyab tu 'gems par byed// gnam lcags ngur mos mgo nas rgyab tu 'gems// sku yang rdo rje rdul du rlog par byed// bdag nyid phyag na gnam lcags ngur mo bsnams par bsgom/ ma mo rang dbang med par
309a4 srog gnyis nas drang/'dar bar bsgom par bya'o// snying tig bkol ba'i rgyud las/ dbang du bsdu ba dang shi sa bstan pa'i le'u ste brgyad pa'o//// de nas dam tshig bstan pa ni/ spyi yi dam tshig thun mong
309a5 las// ma mo'i sgos dam 'di ltar bsrung// rdzas dang yo byad ldan par bya// ma mo'i rgyu dus shes par bya// dam nyam dag dang 'phrad mi bya// bsnyen pa'i lha yang gsal bar bsgom// ma mo'i snying po ma nor
309a6 bzlas// nyes pa chung la mi bya'o// slob dpon dgra la bsgrims dam bya// su la yang ni mi bstan pa// ma mo la dang sgrub pa po// 'di ni ma mo'i dam tshig go/ rang gi srog bzhin bsrung bar bya// snying tig bkol
309b1 ba'i rgyud las/ma mo dam tshig bstan pa'i le'u ste dgu pa'o//// rgyud 'di ji ltar 'byung ba'i khungs ni/ d+ha na sang shi ta dur khrod bsil ba'i tshal du dgongs pa mdzad pa las/ ba ri ta ka'i khang pa'i nang
309b2 nas ya mtshan che ba'i d+harma 'od kyis bskor ba 'di byung ngo// srid pa'i ma mo 'du ba dang/ mchod pa byed pa dang/ phyag byed pa nyams su byung bas/ slob dpon la yang bar chad btang ngo// de nas slob dpon gyis
309b3 kyang mchod rten bde byed brtsegs su byon pas/ma mo sha dang khrag gis brid dbang du 'dus par mdzad pa las/ nang par 'gro kar ma mo rnams byung ba las/ khyed rang gi srog snying khyer las shog byas pa las/
309b4 ma mos der 'ongs so// de nas ma mo rnams dbang du 'dus so// de nas slob dpon gyis kyang dur khrod bsil ba'i tshal du sbas pa la/ btsan po la dgra langs nas blangs pa lags so// ma mo rnams kyi snying
309b5 tig bkol ba'i rgyud rdzogs so////


CLOSE WINDOW