261a3 / 'phags pa rdo rje nag mo dbang phyug ma'i rgyud phyi ma las/ mngon par gtad pa'i le'u ste bcu gnyis pa'o//// rtsa ba'i rgyud dang bcas pa rdzogs so//// !
261a4 de nas bcom ldan 'das mngon rdzogs kyi rgyal po/thig le'i ngang las snyoms par zhugs nas cang mi gsung bar gyur to// yang byang chub sems dpa' phyag na rdo rje dang/ 'khor 'dus pa'i tshogs rnams
261a5 kyis// thig le'i ngang las bskul ba'i glu 'di blangs so// a kye chos nyid thig le ngang la ci bder snyoms par zhugs so// don nyid dran par mdzod cig chos nyid stong las bzhengs// 'khor bar bcings pa ma
261a6 lus sol cig 'gro don mdzod// the tshom rnam par mchis kyis don rnams bshad du gsol// zhes gsol pa dang/ mngon rdzogs rgyal po thig le'i ngang la snyoms par zhugs pa las bzhengs te 'di skad
261b1 gsungs so// e ma don rnams thams cad bdag gis dgrol bar bya// mthu rtsal 'dus pa khyod kyis don ma 'dus pa kun// the tshom yod pa thams cad dris shig ngas bshad kyis// 'gro don bsam pa thams
261b2 cad bskang bar bya yi nyon// de nas byang chub sems dpa' phyag na rdo rjes las thams cad kha skong ba'i phyir/ 'di skad gsungs so// e ma bsnyen pa nye bsnyen sgrub pa dang// phrin las rnam pa ji ltar
261b3 lags// sngags rnams bzlas pa gang la ci// grub pa'i mtshan ma ji lta bu// mngon rdzogs rgyal pos bka' stsal pa// dang po bsnyen pa bya ba ni// lha rnams nye bar bsnyen pa dang// dman pa'i nye bar bsnyen pa
261b4 gnyis// lha rnams dngos grub stsol 'dod na// bsam pa thams cad kun spangs la// the tshom phra mo med pa yis// rdo rje lta bur mkhregs pa dang// brag chen lta bur brtan pa yis// bla ma dam pa snying rje
261b5 can// gdams ngag kun 'dus dbang rnams rdzogs// chos nyid blo la gsal ba la// mnyes pa gnyis kyis mnyes byas te// dang bas dang po thog ma nyid du mnyes byas la/ gnyis pa rgyud kyis mnyes byas
261b6 la// bla mas gnang ba gnyis rnams ni// dbang rnams gnang ba dang por gces// man ngag gnang ba gnyis pa'o// de nas rnal 'byor chen po des// thog mar rang gnas btsal ba ni// shin tu bar chad med
262a1 pa'i gnas// 'du 'dzi'i rnam pa med pa dang// dngos grub nye ba'i chu mig ste// nad dgra med pa'i gnas chen der// bsam pa thams cad spang ba'i phyir// bya ba'i las rnams thams cad
262a2 kun// ma lus pa rnams rdzogs par bya// sa rnams bdag po las bslang ste// dkyil 'khor maN+Dal mda' gang la// ba yi rnam lngas legs byas te// dang por bsod nams tshogs bsag phyir// yan lag bdun
262a3 pa'i smon lam dang// phyi bshags nang bshags rgya cher bya// mngon par rdzogs kyi 'khor tshogs la// rnal 'byor bya zhing mchod dang bstod// de nas ma mo'i dkyil 'khor ni// zla gam gsum pa tshul bzhin
262a4 bri// rtsa ba'i rgyud las grags pa yi// dam rdzas ma lus tshang bar bya// shin tu dam pa'i mtshams bcad de// rgyu 'grul shor na dngos grub med// bya rnams gnang ba'i tshul du bya// ma 'grub bar du dam du
262a5 bca'// dus kun du ni bsgrub bya ste// ting nge 'dzin ni rnam pa gsum// de bzhin nyid dang kun tu snang// rgyu zhes bya ba bsgom par bya// de nas dbang chen gzhal yas khang// de nas dpal chen he ru ka/ zhes
262a6 pa'i lha ni bsgom par bya// thugs kar khrag gi nyi ma las// ma gsum zla gam steng du gsal// de nas dpal ldan dpon g.yog gsum/ tshul bzhin bsgom ste spyan yang drang// mchod pa bya ste bstod pa bya// de
262b1 nas bsnyen pa'i sngags bzlas pa// rnal 'byor man ngag can gyis ni// dang por dam bca' gang yin pa// dmod pa'i rgyun sngags bcu bdun te// kham bu'i rgyun sngags nyin mtshan gsum// sngags kyi sgrub pa tsa
262b2 pa la// thod dgu a shug me yin no// zla gam phag thod ru ru yi// sngags dag yin te de nas yang// badzra kha rag gdon par bya/ khrag thun kha mun drang ba ste// dmod mo nye bar bsnyen byed la// ma mor bsgom ste
262b3 sha khrag bza'// dmod mo ji ltar gsungs pa la// zla drug brtson par bton na ni// ma mo nyid dang 'dra bar 'gyur// sku gsung thugs dang phrin las ni// de dang de la gdon par bya// srog sgrub srog gi sngags
262b4 yin no// las rnams phra mo thams cad ni// ru ru ro ru'i sngags yin no// rag mo ni sha ru ku ru ni// thang sngags kun gyi rbad pa ste// thuM lis snying rtsa 'du 'du ba/ kham bu rnams kyi rbad sngags so// de dang kun
262b5 'dra shes par bya// thang sngags mtha' ni gnan pa ste// lam bu'i mtha' ni 'phang ba'o// sgo nga'i mtha' ni sreg par ste/ khrag thun mtha' ni brdeg pa'o// srog bsgrub mtha' ni gdab pa'o// sngags bsgrub thod pa
262b6 dgu brtsegs dang// sku gsung thugs dang phrin las ni// gnan cing 'phang bar bshad pa'o// bsnyen pa nye bsnyen gnyis dag la/ bar ma chad pa'i 'dzab grangs dang// bye ba dag ni ma skyol bar/ phrin las byas
263a1 na rang re brlag/de dag bar du gdon pa ni/ sha khrag dmar la bzhi blangs la// zhag re dag la gsum gsum gtor// gtor ma bzang na dngos grub che// gtor ma chung na dngos grub
263a2 chung// bzlas brjod kyang ni de dang 'dra/ gtor ma bzlas brjod rdzogs pa na/ lha mo de nyid sku ston 'gyur// 'od dang sgra dang rlung 'tshub 'byung// bud med mdzes pa steg pa dang// dngos grub tshul bzhin ster
263a3 bar 'gyur// de tshe dngos grub blang bar bshad// grub pa bdag kyang yin par bshad// nag mo sngags kyi rgyud phyi ma'i phyi ma las// bsnyen bsgrub kyi le'u ste dang po'o//// de nas gzhan yang bshad bya
263a4 ba// phrin las sgrub pa'i sngags pa yis// shin tu bzlas pa rdzogs pa dang// las 'phro yod pa'i rnal 'byor pas// bzlas pa ma rdzogs gong du yang// lha mo de nyid sku ston 'gyur// gdeng dang ldan pas sgrub pa
263a5 las// kun gyis byas na brlag par 'gyur// dang por bsgrub pa'i gnas btsal ba// shin tu yi dwags che ba'i gnas// rnal 'byor ldan na de ru bsgrub// dang po'i gnas pa'i gnas chen du// dngos grub thob
263a6 pa de ru bya// chu bo chen po'i 'gram dag tu// ma mo nye bas der 'dug ste// rdzas rnams gong du tshogs par bya// de nas mchod sbyin cig sbyin te// nam gyi gung ngam nyi ma'i gung// drag po'i dkyil 'khor gang byed
263b1 bri// thun dang gzugs dang dkyil 'khor dang// las kyi bya ba thams cad kun// mkhas pas byang shar mtshams su bya// rdzas rnams thams cad tshogs pa dang// mngon rdzogs lha la mchod pa bya// lha srin kun
263b2 la dpang btsugs te// mchod cing dag gis mnyes par bya// shwa rde'u dkar nag brtsi byas te// de'i tshe khram la gdab par bya// de la bsnyen bsgrub gang yin pa/ tshul du byas pa'i phrin las kyis// bzlas brjod
263b3 rdzogs par bya bar bshad// de nas gsad par las byed na// dri yi mchod pa lha la 'bul/ kha yi ro dang khro bo'i bzhin// nga ro drag pos gzer sngags bzlas// byang shar mtshams su chas byas la// me lha'i
263b4 phyogs nas dgug byas te// ting nge 'dzin dang pho nya dang// nyung dkar mda' dang zhabs mas gril// gzas pa bkug la sgo bzhir bstim// drag po'i sngags 'dis dgug par bya// kang pa rU pa nr-i sha ku ru/ A
263b5 kar+Sha ya A kar+Sha ya rbad rma thod ma tiSh+ta mu ka ye swA hA/u ni u ni la mA ra ya dza dza/ du ba'i sgra dang spug cing gdab// thod pa cang te'u drag tu brdung/ kha ti ri mI'i me 'dag la// de gzugs dro bar bsro bar
263b6 bya// lha srin sde brgyad dpang du gzug/ srung ma dag la dam yang bdar// gshin rje'i phyogs su bya bar bshad// rlung lha'i phyogs su dbye bar bshad// ting nge 'dzin dang bdug pa'i rdzas// mi mthun sgro dang
264a1 sngags 'di yis// de yi lus bsrung dag dang dbye// nr-i de ba ka ba e dza la ra tsa phye tsa phye/ a shag a shag sa ma yA phye ya/ bu ta bu ta/ phus phus la/ sen ma phus phus/ srin po'i phyogs su gsad
264a2 bya ste// thun dang ting 'dzin phur pa dang// nyung dkar thun sngags kun gyis brab// bri yis gtubs la gtor mar bstab// zor rnams phog pa dag tu 'phang// ma hA de wa'ang 'jig par 'gyur// rgyud phyi ma'i phyi
264a3 ma las/las kyi rim par bya ba'i le'u ste gnyis pa'o//// de nas byang chub sems dpa' phyag na rdo rjes 'di skad ces gsol to// thun gyi bskul ba ji ltar lags// grub pa'i rtags ni gang la bgyi// so
264a4 so'i nad rims ji lta bu// 'chi bar 'gyur ba'i mtshan ma ci// mngon rdzogs yab kyis bka' stsal pa// lha mo'i thugs dam bskul ba ni// rdzas kyi gtor ma phun sum tshogs// de la dam ni bca' bar
264a5 bya// mchod pa dmar gyi ar+g+haM sgreng// bskong ba mkha' lding zangs mchu can// g.yab pa mchog gi lag pas bya// brdung ba cang te'u rtag tu brdung// 'bud pa mi rkang gling bu 'bud// brdab pa b+han+d+ha'i cha lang
264a6 brdab// rten ni bris sku dag la bya// snang ba tshil chen mar me btang// dri mchog tshil gyi dud pa btang// phreng ba sor tshigs mgo la bcings// mchi ma phyung la 'di skad bod// dpal ldan lha mo 'gro kun byams
264b1 ma khyod// sems can kun la byams kun ma dang 'dra// mi bslu dam tshig dbang gis 'di ru bag tsam spyon// lnga brgya dus kyis mnar ba'i mtha' ma la// bka' dang gzhung bzhin bsgrub pa'i dam tshig bag tsam
264b2 dkon// sku mdog rgyan dang ma yi cha lugs ni// til mar sngon pos lus bskus thig les brgyan// ral pa'i lan bu gcig tu byas pa ni// spyi bo'i gtsug tu le'u brgan thor tshugs can// ro nye rna chas lus la
264b3 brgyan byas shing// tshig mdo drug tu khrag gi thig les brgyan// seng ge mtshungs med gson mas phrag gong brgyan// sbrul gyi ske rags 'ching zhing lag na dar mdung thogs// me ri 'bar ba'i nang na sku bzhugs
264b4 pas// rkang sgrog lcags la byas pa gcig gis zhabs kyi mkhris ma gnyis la brgyan// spyan gsum khrag 'bab sbrul mgo bcu bdun dbu// chibs su dre'u pha la bcibs nas dur khrod gsum tshig rgyu// dgra snying
264b5 tshal bar 'gems shing ma gcig byams ma khyed// tsit+ta ma nyams snying gi rtse mo yang// ma gcig sgrib la drang phyir rnal 'byor bdag la mchis// shing lo rlung khyer sa la ma reg kyang// ma gcig gdan du gding
264b6 phyir rnal 'byor bdag la mchis// shi ka mtshal thig sna tshogs skams pa'i rak+ta yang// ma gcig zhal du rung phyir rnal 'byor bdag la mchis// til gyi zhun mar kong du ma nyams kyang// ma gcig sku phyir bu
265a1 gcig bdag la mchis// mi dbang 'bras bu smin pa skams po yang// ma gcig sgrib la drang phyir bu gcig bdag la mchis// ma gcig ma gcig ces su bod pa yang// dgra dang gdug pa bsgral
265a2 phyir ma gcig myur du byon// dza dza re ma ti dza/ sha brgyud snying la dza/ snying rgyud tsa la dza sha rgyud dbugs la dza/ keM keM sha la keM 'jib 'jib khrag la 'jib/ chem chem rus la chem/ thig le ma ma la b+h+yo b+h+yo/ thun gyi
265a3 ma mo bskul ba ni/phyar ba zhing shun lus la gon// sha chen mur zhing khrag chen btung// zhing sgra'i thag pas 'then nas ni// thugs dam drag tu 'di skad bskul// b+h+yo thun gyi ma mo 'bring ma ni// nam gyi srod la
265a4 'phos pa'i tshe// chibs su bong bu gwa pa chibs// de la gsang ba'i mtshan gsol ba// ma chen bal ma dre'u sna ma// nyid kyi sku ni gcer bu la// g.yas na mdung rtse gsum pa bsnams// g.yon gyis thun gyi khrag spyo
265a5 ma// sngags 'chang kun gyi mchod len cing// rnal 'byor kun gyi sku srung ma// bdag gi gdung nas bos pa'i tshe// de tshe khyed kyis thun phob la/ khrag thun rims su bsgyur du gsol// rims nad dgra la dbab
265a6 tu gsol// b+h+yo thun gyi ma mo chen mo ni// nam gyi gung la bskul ba'i tshe// chibs su dre'u rta rkang gsum chibs// sku ni mthing nag chen mo la// g.yas na nad kyi rkyal pa bsnams// g.yon na thun gyi khrag
265b1 gyi khrag spyo ma// ma chen gsang ba'i mtshan btags pa// ma gcig dpal ldan re ma ti// bdag gis gdung ste bos pa'i tshe// de tshe rims kyi char phob la/ khrag thun rims su bsgyur du gsol// rims nad dgra
265b2 la dbab tu gsol// b+h+yo thun gyi ma mo tha chung ni// nam gyi cha smad bos pa'i tshe// chibs su bya chen nag mo chibs// de la gsang ba'i mtshan gsol ba/ khri sman de ni ldem drug ma// sku mdog mthing nag chen mo
265b3 la// gos su re lde nag po gsol/ khrag zhag 'dres pa'i thig le can// g.yas na dbugs nang rkyal pa bsnams// g.yon na thun gyi khrag spyo ma/ khyod la bdag gis bos tsam na// de tshe rims kyi char phob
265b4 la// thun khrag rims su sgyur du gsol// rims nad dgra la dbab du gsol// trak+sha rak+sha mu tra ma thun b+h+yo/ ma mo'i spyan dgra la b+h+yo/ snyan dgra la b+h+yo/ dbugs dgra la b+h+yo/ thugs dgra la b+h+yo// 'phags pa rdo rje
265b5 nag mo dbang phyug ma'i sngags rgyud kyi rgyud phyi ma las/thun gyi ma mo bskul ba'i le'u ste gsum pa'o//// grub pa'i rtags ni bshad bya ba/ khrag thun grub pa'i man ngag ni// bzang rtags ngan rtags
265b6 gnyis su bshad// gnag na drag po'i mtshan ma'o// dmar la dwangs na bzang ba ste/ khol na myur du 'phang bar bya// rlangs pa byung na grub pa yin// 'grib na sgrib pa yod pa yin// chad na las mi 'grub par
266a1 bshad// sbos na khrag thun rul pa'o// de tshe thod pa 'phen pa'i tshe// rlung phyogs log na las mi 'grub// ba mo byung na las mi 'grub// de tshe thod pa kha gdangs na// de yang las mi 'grub pa
266a2 yin// rang la bltas na 'khor du ldog/ thun khrag khol na sngags pa 'chi// thod pa sgrub na ngan pa yin// dgra la kha bltas de yang bzang// gzang rkod rgyu na de yang bzang// gcan gzan 'grol na de yang
266a3 bzang// mi rgod rgyu na de yang bzang// sgra chen byung na de yang bzang// gzhal yas khang bu grub pa ni/ kham bu ldeg gam 'phar ba dang// snum gyis byugs par 'dra na bzang// skam la ser ga che na ngan// dmod
266a4 mo grub na khrag thun khol// zhe sdang me chen bzhin du 'bar/ kha la 'grum bu mang du 'byung// sgong thun 'grub na sgo nga 'tshegs// srog sgrub grub na phur bu 'phar// sku gsung thugs la sogs pa kun// rdzas la
266a5 'od kyang 'byung ba 'gyur// de la sogs pa'i rtags rnams ni// gzhan yang mang du 'byung bar 'gyur// 'phags pa rdo rje nag mo dbang phyug ma'i sngags rgyud kyi phyi ma las grub pa'i rtags kyi le'u ste bzhi
266a6 pa'o//// gzhan yang nad rnams bshad bya ba// dmod pa grub na smyo nas 'chi/ khrag thun grub na bal nad 'ong/ kham bu grub na khrag tu skyug/ sgo nga grub na rgyu gzer 'ong// phag thod grub na gnyan nad
266b1 'ong// shi sa grub na mkhris nad 'ong// sku gsung thugs la sogs pa ni/ khrag thun kho nar bshad pa yin// thod pa dgu dang sngags grub kyang/ khrag thun kho nar bshad pa yin// gnan pa grub na mdze nad
266b2 'ong// de la sogs pa'i nad rnams ni// rnam pa mang du 'byung bar 'gyur// 'chi bar 'gyur ba'i mtshan ma ni// rmi lam dang ni mngon rtags gnyis// rigs dwags gsad na the tshom med// shor ba rmis na lan
266b3 cig gnyis// bskyar nas kyang ni bya bar bshad// ra dang ba lang g.yag bsad na// the tshom med par 'chi bar 'gyur// lug gsad gnyen ni dgra gyur pa// mdor na srog chags gsad pa ni// 'chi ste thun ni
266b4 grub pa yin// bya nag bab na rims nad phebs// tshub nag byung na mtshan ma zab// ba mo skya na 'chi rtags yin/ khro zhing 'tshig na grub rtags yin// sgo khyi ngu na bzang ba ste// ltas ngan 'phebs na rab tu
266b5 bshad// 'phags pa rdo rje nag mo dbang phyug ma'i sngags rgyud kyi phyi ma las las grub rtags kyi le'u ste lnga pa'o//// de nas gnan pa bshad bya ba// klu gdug gnas pa'i sa dag ni// skyon yon rnam pa
266b6 gnyis dang ldan// gnod sbyin drag po'i gnas dag ni// rab mchog dam pa yin par bshad// ma mo tshogs pa'i gnas dag kyang// de yang gnan pa'i sa ru bshad// stag gi kha dang sku gdung 'og/ rgya gram lam
267a1 dang sa dog pa// dur khrod dag dang phug rdugs gnas// gnan pa'i sa ru bshad pa'o// de la gnan pa'i las dag ni// zur gsum pa yi ras dag la// mtho gang dbus su bri ba na// dug dang ra
267a2 khrag dag gis kyang// ma mo nag mo ral pa can// mdung dang ral gri thogs pa ste// bong bu gwa zhon bri bar bya// mtha' ru snying po dag gis bskor// rgyab na e ka tsa ti dang// ma bdun dag kyang sha za ste// yan
267a3 lag nyi shu rtsa gcig la// dbang phyug ma mi tshogs dang ni// ma mo nag mo'i tshogs kyis bskor// bar du gzas pa'i ming dang rus// rgyab tu ri rab rang snying can// de dag la cha'i sbal par gzhug/ de nas zhing
267a4 shun dkri ba ste// mkhar nag lnga yis rgya gram bgyid// nag mo'i thod pa mchod rten nam// glang ru dag gi nang du gzhug/ thun sngags la sogs kun gyi bsnun// de nas re ba dag tu gril// ma mo'i tshogs dang sa
267a5 bdag la// mchod pa tshul bzhin byas nas ni// pho nya btang la gzas pa dgug/ phyag rgya bzhi yi ma nor bstim// klu gdug gnas pa'i g.yon nas 'dzug/ chu mig klu yi kha yang rung// g.yas g.yon rkang 'dom
267a6 bcu bcu pa// klu yi rwa ste de yang rung// chu mig de nas 'dom gang gzhal// klu yi snying ste bzang bar bshad// thebs par myur du gzhug par bya// g.yas su bskor te zhabs mas brdab// rma bya'i sgro yis de
267b1 mtshams bcad// 'phags pa rdo rje nag mo'i dbang phyug ma'i sngags rgyud kyi phyi ma las/ gnan pa'i le'u ste drug pa'o//// dngos grub rgyu ba'i mtshan nyid ni// dang la dang por sngags pa yis// tshul dang
267b2 ldan pa'i las 'di brtsam// tshul ni 'di dag yin par bshad// sangs rgyas dngos grub sgrub pa yi// bar du gcod la las 'di brtsam// dge 'dun dag dang chos byed la// ngan sems pa la las 'di
267b3 brtsam// theg pa spyi la smod pa la// las 'di brtsam par bya ba yin// rnal 'byor srog dang 'bral byed na// las 'di de la brtsam par bya// chos 'khor gnyen po 'jig byed na// de la las 'di brtsam pa
267b4 gces// de la dang po zhi ba ste// thams cad drag pos mi 'dul bas// dang la drag pos 'dul mi bya// ci srid drag po brtsam srid na// rang sems rgyud kyang brlag par 'gyur// phyi ma'i 'bras bu ga la srid// de
267b5 la sangs rgyas thugs kyang chad// dkon mchog gsum gyi bka' yang bcags// mkha' 'gro kun gyi yid kyis khrel// 'jig rten dregs pas zhal lce gcod// rang la bar chad 'byung bar 'gyur// sgrub thabs
267b6 'bras bu mi 'byung ste// snying rje bral bas dmyal bar ltung// gal te rnal 'byor chen po des// cis kyang thul bar ma gyur na// drag po'i las 'di bya bar bshad// zhe sdang chen po bskyed byad kyang// 'bras bu
268a1 brlag par mi 'gyur te// thabs kyi pha rol phyin par 'gyur// de la drag po ma brtsams na// dkon mchog spyi yi chad pa 'ong// zhe sdang 'di ni bsgrubs byas na// 'bras bu thob par the tshom
268a2 med// de la sangs rgyas thugs kyis dgongs// dkon mchog gsum po'i bka' byung bas// mkha' 'gro thams cad grogs byed do// lha srid sde brgyad stongs byed de// rang la bar chad mi 'byung 'gyur// thog
268a3 ma'i snying rjes 'bras bu thob// dpa' bo chen po ngas bshad kyis// phyag na rdo rje khyod kyis kyang// 'gro ba'i don du bshad par gyis// mngon rdzogs rgyal pos de skad ces bka' stsal nas/ byang chub sems
268a4 dpa' phyag na rdo rje la sogs pa'i 'khor thams cad kyis zhal nas gsungs pa la yi rangs te mngon par bstod do// 'phags pa rdo rje nag mo dbang phyug ma'i sngags rgyud kyi phyi ma las/ dngos grub kyi le'u ste
268a5 bdun pa'o//// rgyud kyi phyi ma rdzogs so//// rdo rje gdan du sbas pa'i phyi ma 'di// rdo rje gdan gyi 'og nas brkos// snying por phyung ba'i man ngag phyi ma 'di// bstan pa bsrung ba'i rgyud rnams mang po
268a6 zhig/ston pa'i zhal nas mang po kun gsungs kyang// bcud phyung ba yi gsang ba phyi ma 'di// 'gal ba choms la 'bebs pa'i man ngag dam pa yin// rtsa ba'i rgyud nyid gsal bar byed pa ste// lde mig lta bu'i
268b1 kha bskang rgyud mchog go/rtsa ba'i rgyud ni mun pa lta bur gnas// phyi ma 'di ni mar me lta bur snang// mar me bsgyur ba'i bsod nams dam pa 'dis// mun pa sel ba'i rgyud mchog rtogs par shog/ bdud
268b2 'dul lha yi phyi rgyud 'di// gzhan la yod par 'gyur re skan////


CLOSE WINDOW