222b1 ! byang skor gyi rgyud phyi ma/ bcom ldan 'das dpal kun tu bzang po la phyag 'tshal lo// sngon 'das pa'i dus ma byung ba'i sngon rol na/ srid pa thams cad kyi sems can mya ngan las 'da' ba dang/ the tshom
222b2 bcad pa'i phyir rdo rje sems dpas zhus pa/rdo rje sems dpas yang gsol pa dang/ 'jig rten pa yi chos rnams las// sems can mya ngan ji ltar 'da'// rtag chad mtha' gnyis gang du bsdu// yang dag
222b3 rdzogs kyis bka' stsol cig/de skad gsol pa gsan nas kyang// nyag gcig yab kyis bka' stsal pa// nyon cig g.yung drung yang dag pa// snod kyi 'jig rten kun bzang klong// bcud kyi 'jig rten
222b4 sangs rgyas rgyu// phyi nang snod bcud rnam par dag/ rtag chad mtha' gnyis mya ngan 'das// g.yung drung lha yis yang gsol pa// ston pa rnam gsum gang la bgyi// sdud pa rnam gsum gang la bgyi// gnas zhes
222b5 bgyi ba ji lta bu// gnas la nges pa du zhig mchis// dus zhes bgyi ba ji lta bu// dus la rnam pa du zhig mchis// yang dag rdzogs kyi bka' stsol cig/ nyon cig g.yung drung yang dag pa// ston pa rnam gsum ye
222b6 shes sku// sdud pa rnam gsum rig pa'i gter// 'pho 'gyur med pas gnas zhes bya// yang dag don rtogs dus zhes bya// rdo rje sems dpas yang gsol pa// lha la rnam pa du zhig mchis// 'khor la rnam pa du
223a1 zhig mchis// lung la rnam pa du zhig mchis// yang dag rdzogs kyis bka' rtsol cig/ nyon cig g.yung drung yang dag pa// lha la rnam pa gsum du bstan// 'khor la rnam pa gsum du bstan// lung
223a2 la rnam pa gsum du bstan// rdo rje sems dpas yang gsol pa// rgyud ces bgyi ba ji ltar lags// lung zhes bgyi ba ji ltar lags// man ngag zhes bgyi ji ltar lags// nyon cig g.yung drung yang dag
223a3 pa// rgyud ces bya ba 'brel pa'i don// lung zhe bya ba ston pa'i bka'// man ngag ces bya la lnga'o// rdo rje sems dpas yang gsol pa// yum gyi dbyings zhes gang la bgyi// yab kyi mkha' zhes gang la
223a4 bgyi// blang dor med pa gang gis 'grub// 'khor ba gnas 'di mi 'tshal na// klong zhes bgyi ba ji lta bu// nyon cig g.yung drung yang dag pa// 'du 'bral med pa yum gyi dbyings// skye 'chi med pa yab gyi
223a5 mkha'// blang dor med pa bde chen klong// bde ba chen po'i don rtogs na// blang dor med pa de yi 'grub// gnyis med don rtogs de yi ngang// rdo rje sems dpas yang gsol pa// chos nyid rtag pa'i g.yung
223a6 drung la// sems nyid don gyi la dor na// rtog pa'i lta ba la dor ro// rdo rje sems dpas yang gsol pa// ma zhes bgyi ba gang gi dbyings// mo zhes bgyi ba gang gi klong// ma mo'i gtan tshigs ji ltar
223b1 lags// 'byung ba lnga po gang las grub// sangs rgyas rgyu nyid gang las grub// bde ba chen po'i ngang nyid las// rgyu rkyen gnyis kyis bskyed lags na// 'byung ba gnyis kyi ngang nyid las// 'di la 'pho 'gyur
223b2 mchis lags sam// nyon cig g.yung drung yang dag pa// che bas che ba'i zab mo 'di// che ba'i ye shes rnyed dka' ba// shes rab thabs la brten pas 'grub// ma dang mo yi don rtogs na// ma song ba na nges
223b3 par thob// yid bzhin nor bu ma btsal rnyed// ye shes nyi ma rang las shar// chen po lnga yi ngang nyid du// thams cad ma lus sangs rgyas so// hUM hUM hUM/ ting 'dzin dbang chen dkyil 'khor rim bzhin
223b4 bskyed// bdag nyid dbang chen skur bsgoms thams cad dbang du bsdus// dbu dgu bco brgyad phyag ste zhabs kyang brgyad du bstan// man ngag mdzub tshugs drug gis don rnams tshang bar ston// rdo rje sems
223b5 dpas yang gsol pa// sems can dus min 'chi ba rnams// de las zlog na ji ltar bzlog/ bskang ba'i gnas lnga ji ltar lags// yang dag rdzogs kyis bka' stsol cig/ de skad gsol pa gsan nas
223b6 kyang// yang dag rdzogs kyis bka' stsal pa// sems can dus min 'chi ba de// bskang ba'i gnas lnga 'di rnams so// hUM snang srid thams cad yum gyi b+ha ga ste// dus gsum bde gshegs yum gyi grong nas
224a1 bskyed// dbus kyi che mchog sku dang gnyis med bzhugs// mu mthar khyab pa'i thugs dam bdag skong na// thugs dam skongs nas dbang dang dngos grub stsol// shar phyogs rdo rje rigs kyi
224a2 gtso// rdo rje dbyings phyug mi phyed ma// bskang ngo bskal pa'i thugs dam bskang// lho phyogs rin chen rigs kyi gtso// rin chen dbyings phyug mi phyed ma// bskang ngo bskal pa'i thugs dam bskang// nub phyogs
224a3 pad+ma rigs kyi gtso// pad+ma dbyings phyug mi phyed ma// bskang ngo bskal pa'i thugs dam bskang// byang phyogs las rab rigs kyi gtso// las kyi dbyings phyug mi phyed ma// bskang ngo bskal pa'i thugs dam
224a4 bskang// dbyings kyi ma chen brgyad rnams dang// yul gyi sring mo brgyad rnams kyang// bskang ngo bskal pa'i thugs dam bskang// bskang ba'i le'u ste dang po'o//// rdo rje sems dpas yang gsol
224a5 pa// bstan pa gnyan po 'jig byed cing// lu gu rgyud la 'gal byed dang// sems can kun la gnod byed pa'i// rtag tu gdug pa'i sems 'chang rnams// lus sems so sor dbral ba'i phyir// lha dang dbye ba
224a6 ji ltar lags// rdzogs sangs rgyas la bdag nyan 'tshal// de skad gsol pa gsan nas kyang// ngo mtshar lha yis bka' stsal pa// bstan pa gnyan po 'jig byed cing/ lu gu rgyud la 'gal byed dang/ sems
224b1 can kun la gnod byed pa'i// rtag tu gdug pa'i sems 'chang rnams// lus sems so sor dbral ba'i phyir// dbye ba'i las rnams ngas bstan gyi// nyon cig g.yung drung yang dag pa// 'go ba'i lha dang phral
224b2 ba'i phyir// bya rog 'ug pa'i gung ru la// a dang nr-i yi yi ge bri// rme ba rkang gi dreg pas slan// shog shog gru bzhi tshon re la// lha dang mi yi ming bris la// tshon skud sna lngas byad du gzhug/ rkang du rtsa dur bcug
224b3 nas ni// 'og gi phyin phyogs dag tu bstan// du ra nag pos rkang dur bsdam// ban+d+ha li yi dar gyi gril// a tri sa la'i thag pas bcing// 'da' ra pa ti'i rgyus pas gdags// pa ra ma ti'i du bas gdug/ sri
224b4 sha'i shing la btags nas kyang// thang la phyar te sdang mig blta// a ta ba yi lcags kyis brdeg/ rba na ta yi du bas bdug/ tsa ra ta yi mda' yis brdeg/ gu pa ta'i sar yang mgul du gdags// ma la ta yi
224b5 sgro nas dbyung// me lce 'bar ba'i snying po bzlas// rnar nyan phra ma'i gzugs bris la// lha dang mi yi bar du gzug/ mA ra Na yi sngags kyis dbye// mtshon cha'i phyag rgya bcas nas ni// gzugs kyi bar du brdeg
224b6 par bya// rak+sha ru pa'i sngags kyis gdab// lcags kyu'i phyag rgya gnyis bcings nas// ang+ku sha yi sngags kyis drangs// zhags pa'i phyag rgya gnyis bcing la// pA sha hUM gi sngags kyis bcing// lcags sgrog phyag
225a1 rgya gnyis bcings la// s+pho Ta baM gyi sngags gyis bsdam// dril bu'i phyag rgya gnyis bcings la// g+haN+De ho yi sngags kyis spar// bdag nyid dbang chen skur bsgoms te// pho nya drug cus rten la
225a2 dbab// gong gi las rnams sbyar la bya// des ni mtshan ma 'byung bar 'gyur// des ni mtshan ma ma byung na// 'da' ra pa ti'i sob pa la// ma la ti yi khrag gis bris// gdang ta ga na'i dong du gzhug/ che mchog
225a3 yab yum bsgoms nas ni// sman mo'i sngags dang phyag rgyas gdab// sgrub pa'i phrin las gzhung bzhin bya// nye 'byed kyi le'u ste gnyis pa'o//// rdo rje sems dpas yang gsol pa// dam tshig 'das
225a4 pa'i sngags zer dang// 'jig rten mtshan ma'i byol po dang// lha 'dre drag por g.yos pa yi// ngan sngags rdzu 'phrul ji ltar zlog/ rdzogs sangs rgyas la bdag nyan 'tshal// de skad gsol pa gsan nas
225a5 kyang// ngo mtshar lha yis bka' stsal pa// dam tshig 'das pa'i sngags zer dang// 'jig rten mtshan ma'i byol po dang// drag por g.yab pa'i rdzu 'phrul rnams// bzlog pa'i las rnams ngas bstan
225a6 gyis// nyon cig g.yung drung yang dag pa// ngan sngags par bus zlog pa'i phyir// gtan tshigs man ngag 'di gsungs so// ba ko 'dra ba'i maN+Dal gzhung bzhin bya/ swats+tsha ca ti mang du gdab// phyi yi bshags pa
225b1 gzhung bzhin bya// de nas gsang ba'i mtshams bcad do// las kyi dkyil 'khor gzhung bzhin bya// nang gi sarba ru pa gtong// bskang gso spang skong grangs kyi gdon// bskang ba'i gnas lnga bzhin du bskang// ma
225b2 hA shAn+ti'i cho ga bya// ma mor grags pa kun kyang bskang// yo byad nag po gzhung bzhin gtang// rtags dang mtshan ma zhib tu brtags// rtags dang mtshan ma zin pa dang// bskang bzlog cho ga brtsam par
225b3 bya// des ni mtshan ma zlog par 'gyur// bzlog pa'i le'u ste gsum pa'o//// de nas bskyar te yang gsungs pa// bskang ba des kyang ma bskangs na// dbang gi rgyal po'i skur bsgoms te// rtsa ba gang yin
225b4 ma mo de// ku sha la la gzugs byas te// yan lag bsdus la rgya yis gdab// dman mo lnga bcu rtsa gsum yang// shing shun dag la gzugs bris la// ta ra ba ti'i skud pas gdags// ye shes ma mo bcu bzhi
225b5 yang// che mchog sku ru bsgom nas ni// mgo lus bsnol te gdan du gding// des ni ngan sngags zlog par 'gyur// galate las su ma grub na// brtags te rtsa ba gang yin pa// shog shog dag la gzugs byas
225b6 la// mchog gi phur bu g.yas pas brdeg/ sman mo lnga bcu rtsa gsum yang// 'jag ma dag la gzugs byas la// zangs kyi phur bu dmar pos gdab// dbus kyi ma mo bcu gsum yang// zhing gi shun ma'i ras
226a1 ma la/khrag dang mtshal gyis gzugs byas la// gser ram ser po'i phur bus gdab// des ni ngan sngags zlog par 'gyur// gal te las su ma grub na// dbus kyi che mchog yab yum
226a2 gnyis// spra tshil dag la gzugs byas la// lcags sam nag po'i phur pa yis// thugs ka nyid du gdab par bya// las rnams 'grub par gdon mi za// kI la ya yi sngags brjod pas// chos nyid dbyings su
226a3 gdab par bya// che mchog rtags kyi phyag rgya yis// 'gyur med dbyings su rgyas gdab bo// ngan sngags phur bus bzlog pa'i le'u ste bzhi pa'o//// rdo rje sems dpas yang gsol pa// de ltar ngan sngags
226a4 bzlog nas ni// sngon du snga ma'i sngags zer des// tshe srog nyams na ji ltar gso// rdzogs sangs rgyas kyis bka' stsol cig/ sngon du snga ma'i sngags zer des/ tshe srog nyams na gso ba'i phyir// gsang ba'i cho
226a5 ga ngas bstan gyi// nyon cig g.yung drung yang dag pa// stegs bu 'dom gang gru bzhi la/ 'khor lo rtsibs brgyad de dbus su// pad+ma chen po 'dab brgyad bri// pad+ma chen po de dbus su// rin chen 'bar ba zur
226a6 brgyad bri// de dbus zla gam zlum po la// b+han+d+ha mtshan dang ldan pa bzhag/ rin chen 'bar ba zur brgyad la// lnga la rtag pa'i rgyal mo lnga// gnyis la sme sha pra mo ha// gcig la tshe yi snying po bri// pad+ma chen po
226b1 'dab brgyad la// phyogs bzhir khros pa'i dbang chen bskyed// mtshams bzhir gsang ba'i yum bzhi dgod// phyogs bzhir phyag rgya chen po bzhi// gnyis la thod phreng rgya mtsho gnyis// gcig la tshe yi snying po
226b2 bri// sman mo phye ma don gyis sbyar// dkyil 'khor de yi phyi rim du// bkra shis brgyad kyang dgod par bya// sgo bzhir khro bo bzhi yang dgod// tshil chen mar me rgyun mi gcad// yo byad tshogs pa'i zas rnams
226b3 la// rtsa ba'i sngags kyis btab la bzhag/ ma mo spyi yi phyag rgya bcos// A yuHbya ba'i sngags kyis gdab// dngos grub rtags dang sbyar nas ni// gso bskyed bzlas shing bstim par bya/ tshe sgrub pa'i le'u ste lnga
226b4 pa'o//// rdo rje sems dpas yang gsol pa// thig le'i spyod pa nyams pa dang// dpa' bo'i thig le nyams pa dang// las de slar la zlog pa'i phyir// nyag gcig yab la bdag nyan 'tshal// yang dag
226b5 rdzogs kyis bka' stsal pa// las de slar yang zlog pa'i phyir// nges pa'i man ngag ngas bstan gyi// nyon cig g.yung drung yang dag pa// rtags dang mtshan ma byung ba'i tshe// bsdams pa'i phyag rgya bkrol nas
226b6 ni// dgra yi yul phyogs bltas nas ni// gro ga shing shun ras sogs la// mi de'i ming smras byang bur bris nas ni// de yi lag tu bskur nas ni// shugs sgrol ma yi sngags kyis gdab/ khrag dang dug gi gtor
227a1 ma yang// rabs chad thod par bshams nas ni// yul sa de yi phyogs su gtor// las rnams nges par gdon mi za// snying gi phur bu phyung nas ni// a mr-i ta yis mchod byas nas// dam rdzas gtsang
227a2 ma'i gtor ma la/khu sa ra yi khrag gis sbreng// gang yin de phyogs kha bltas te// gtso 'khor tshul bzhin bskul nas ni// lus kyang gsig cing phyag rgya bsdam// bdag nyid dbang gi bskur bsgom te// dbang
227a3 drag phyag rgya bcas nas ni// gzugs de nyid la tsham rngams bya// drag shul dbang gis bskyod la gtang// de ltar sman mo rnams drag shul gyis dbang du bsdus la gtong/ las mi 'grub mi srid do// 'di ni rom+bu
227a4 gu h+ya tsan+d+ra'i man ngag gi le'u ste drug pa'o//// bsdams pa'i phyag rgya bkrol nas ni// brig sha'i lcags kyis sdom nas ni// bing gi phyag rgya bcas nas ni// rdo rje gnod 'gros gong ma yis// phyogs der
227a5 drag tu btud 'gro'o// yab yum sngags kyis btab nas ni// bing gi phyag rgya drag bsgyur na// des ni mod la las rnams 'grub// lan gsum byas na na bar 'gyur// lan lnga byas na 'chi bar 'gyur// snying gi
227a6 phur bu phyung nas ni// lan gsum drag tu dril byas te// spyi bo dag tu gdab par bya// lcags sna lnga yi phur pa la// dbang drag las rnams gzhung bzhin bya// des ni nges par gdon mi za// mon nam rabs
227b1 chad thod pa la// nang du ma bdun snying po bri// spyi gtsug nyi zla thod phreng bri// chags 'dzin spun gnyis rna ltag go/ tshon skud gnyis kyis mig nas gdags// rak+sha ru tra'i sngags kyis gdab// bing gi phyag rgya
227b2 gnyis bsgril te// drag tu bskul te 'phangs la btang// zhing gi sha tshil ras ma yis// ma mo rnams la gtang rag gtong// las rnams 'grub par gdon mi za// slob dpon pad+ma sam+b+ha ba'i man ngag go/ ngan
227b3 sngags par bus bsad pa'i le'u ste bdun pa'o//// rdo rje sems dpas yang gsol pa// bstan pa gnyan po 'jig byed cing// lu gu rgyud las 'gal byed dang/ sems can kun la gnod byed pa// rtag
227b4 tu gdug pa'i sems gyur na// nan tur 'og tu ji ltar bca'// rdzogs sangs rgyas la bdag nyan 'tshal// de skad gsol pa gsan nas kyang// ngo mtshar lha yis bka' stsal pa// bstan pa gnyan po 'jig byed
227b5 cing// lu gu rgyud las 'gal byed dang// sems can kun la gnod byed pa// rtag tu gdug pa'i sems gyur na// nan tur las rnams ngas bstan gyi// nyon cig g.yung drung yang dag pa// srog gi rtsa rnams skam
227b6 pa'i phyir// ra sog gro ga shing shun nam// g.yam pa sngon po'i ngos dag la/ khyi khrag ra khrag gsol ba yis// dgra bo'i gzugs su bris nas ni// tsher ma can gyi shing rnams sam// prig sha ba yi shing bu la// ra
228a1 ti dmar po'i 'dre lcags gdab// dgra bo'i gzugs la brdeg par bya// yang na ta ka'i shun pa la// na pa gu ti'i yi ge bris// mgo la mkha' 'gro lnga po yang// tsa ra ma ti ta yis bri// lte bar
228a2 chags 'dzin spun gnyis bri// rkang pa gnyis la ma bdun bri// g.yas pa'i dum bu bzhi po la// phung byed sbas pa'i ma bzhi bri// g.yon pa'i dum bu bzhi po la/ khros pa'i dbang chen bzhi po bri// gsang ba'i yum
228a3 bzhi klad pa'i rgyas// nyi zla thod phreng snying gi dkyil// phra men rgyal mtsho mkhal ma'i dkyil// ye shes tshogs kyi rje mo ni// phud kyi gtso mor bzhugs su gsol// phyi yi sman mo 'khor rnams ni// gdugs rtsib
228a4 khar dang phyug re'o// yang phyin chen mo rgyus pa'o// dus drug rgyu ba'i dgra bo ni// sha ba gnyan dang ba glang ngo// 'di ni nam gyi gung la rgyu// rta dang lug dang ra gsum ni// 'di ni nyin bzhin rgyu ba'o// rje khol drug
228a5 cu rtsa bzhi yang// dus drug rgyu ba de bzhin no// myur du bsgral ba'i sngags rnams ni// gong ma'i sngags rnams bstan pa ni// sngags yung dkar la khri 'bum du// bzlas pas gzugs la brdeg par bya// g.yon
228a6 gyi rme lag gcad nas ni// rang gi dpral ba'i dbyes su gzhag/ bdud kyi chas su zhugs nas ni// skra bshig mig gnas mchil ma dbyung// de phyogs nyid du bltas nas ni// nga ro drag po bsgrags nas
228b1 kyang// g.yas pa'i phyag rgya sdigs 'dzub kyis// sngags 'di drag tu bzlas la brdeg/ snying la zla ba tsi ma sha/ ro la khrag 'thung kang+ka sha zan/ yang tang bar la to/ sha la khyi spyang/ kra he kra he/ badzra b+han+d+ha b+h+yo/ ru lu
228b2 ru lu/khrag skems kyi le'u ste brgyad pa'o//// shrI dz+nyA na'i man ngag 'di srog dang 'dra'o// dge sdig lus la dri ma dang 'dra'o//// rdo rje sems dpas yang gsol pa// bstan pa gnyan po 'jig byed
228b3 pa// lu gu rgyud las 'gal byed cing// sems can kun la gnod bgyid pa'i// rtag tu gdug pa'i sems gyur na// nan tur las rnams ji ltar 'tshal// rdzogs sangs rgyas la bdag nyan 'tshal// de skad
228b4 gsol pa gsan nas kyang// ngo mtshar lha yis bka' stsal pa// bstan pa gnyan po 'jig byed pa// lu gu rgyud las 'gal byed cing// sems can kun la gnod byed pa'i// rtag tu gdug pa'i sems gyur
228b5 na// nan tur las rnams ngas bstan gyi// nyon cig g.yung drung yang dag pa// ji ltar yi dam gnas gsum ni// 'bru sna tshogs pa'i mi gzugs la// mkhar thabs mda' yis brgyan nas ni// sle'u bzang dar
228b6 dkar chas kyis brgyan// yo byad tshogs pa'i sder chas dang// za 'og dag gis rnam par brgyan// le'u bzang sle 'u dgra yi rkyen// rin chen sna bdun rgyan gyi brgyan// ma hA shan+tiM gzhung bzhin brjod// pho rigs
229a1 rnams la gzhung bzhin bsngo// de nas gzhung bzhin bsngos pa dang// sol ba'i dong gru gsum kyi nang du glud phyi rgan du mnan la/ de'i steng dgra gang yin pa'i gzugs ra sog la bris la kha sbub tu
229a2 mnan te/de'i steng du rdo rje rgya gram gyi mnan no// de nas dgra bo'i ming bris te/ 'o dod bos la gtad do// las myur du 'grub bo// smyug rgod la dpag bsam shing gi gzugs byas la/ gro ga'ang shing shun la
229a3 gzugs byas te/snying gar khrag gis ming bris la gser g.yu gnyis btags la skos rje drang dkar la bsngos la/ de nas man+ta li'i dar du gtums la/ 'da' ra pa tis gdags so// a ti pa ta'i thag pas
229a4 bcing ngo// 'o dod drag du 'bod do// des dmod mo drag pos thebs te 'ong ngo// lcags dang gser g.yu bsres la/ khol po srid pa zhig 'dzin la bsngos la/ gong du bstan pa'i gzugs dang yas stags
229a5 bsres la/rus sbal gyi shun par gtums la yar la ta'i dong du gzhug go/ ye shes tshogs kyi rje mo'i phyag rgyas gdab bo// des ni dbang po mi gsal ba dang/ dig pa dang lkugs par byed do// lcags dang
229a6 gser dang zangs dang gsum brdar la ya bdud chen po la bsngos la/gong du bstan pa'i gzugs la snga ma'i yas stags bsre la mu la'i dong du gzhug go/ che mchog rtags kyi phyag rgyas gdab bo// de ltar byas
229b1 na glo bur du 'chi bar 'gyur ro// glud zan bre gang ba gcig la gling phran bcu gnyis kyi gzugs byas la/ dkor chas brgyan la yar la shod kyi skyes te re la bsngos la/ de nas 'jam ma la mi'i gzugs byas
229b2 la/gro ga la dgra bo'i ming bris la gzugs kyi snying gar blan no// zan za ba'i tshul byed du gzhug go/ 'o dod drag po 'bod do// de ltar byas na glo bur du thum bur 'ong ngo// rus pa sna tshogs pa spungs nas
229b3 gshin rje'i rgyal po la bsngos la/yas stags de'i gseb tu khams la dgra bo'i gzugs byas la// snying gar ming rus bris la kha nub phyogs su bstan la/ mda' bkang ba'i tshul du bya'o// ci yang rung ba'i zhing
229b4 lpags yang bskon no// gshin rje nag po'i sngags kyis gdab bo// mi nor du ming btags pa sna tshogs pa'i dkyil du rtswa la gzugs byas la/ gro ga la ming bris la/ sa la u ma de wa'i gzugs byas la/ u ma
229b5 de bI'i steng du bskyon la/'dod chags spyod pa'i tshul du byon// ma hA de wa ni b+han dza mA ra ya phaT/ ces pa'i sngags kyis gdab bo// de ltar byas na mkhal sked na ba dang/ pho mtshan skrangs pa dang/ chu 'gag
229b6 nas 'chi'o// dung dang gser g.yu dang bse dang mtshal la sogs pa yas stags sna tshogs dang/ dgra bo'i ming byang bris la/ ra ti dmar po'i pags par gtums la/ pa ti pa la ma naH zhes bzlas te de la
230a1 gdab par bya'o// des ni myur du 'bog par 'gyur ro// gser dang dung dang lcags gsum la/ dgra bo'i ming bris te bsres la/ rdza ma nag po'i 'og tu bcug la/ ba ti tsa ra na'i sngags btab la
230a2 bos shing gtad na rbab dang brag g.yang du 'chi'o// cho ga byed pa'i dus su ma mo'i bdud chas su zhugs// ngo la khrag gis byug la/ bdag nyid mu kha le'am dbang chen gyi sa mA tir zhugs la/ gzhung bzhin du
230a3 las bcol lo// pho rigs phyi ma la las gtad cing las bcol ba ni/ yod na 'khu ldog che la rgyab 'gyur che bas 'dir ma gsungs so// dgra bo bdud la gtad pa'i las so// grags pa gzhon nu'i gdung
230a4 rabs ni// nyi shu rtsa gnyis brgyud pa yi// drag po'i ngan sngags bdun po ni// chu srin gre bar rin chen song ba bzhin// bskal par yang ni mi gtang ngo// rmongs la 'chal bas byin gyur na// dus min bar ni
230a5 srog zad nas// bskal pa bdun du brlag par 'gyur/ gsang ba gtan tshigs kyi le'u ste dgu pa'o//// g.yung drung lha yis yang gsol pa// ma mo gsang chen dkyil 'khor du// sgrub pa'i rtsal gyis dbang
230a6 bskur ba// bdag gis nan tan ji ltar bskyed// rdzogs sangs rgyas la bdag nyan 'tshal// de skad gsol pa gsan nas kyang// rdzogs sangs rgyas kyis bka' stsal pa// nyon cig g.yung drung yang dag
230b1 pa// bsgrub pa'i las kyi dbang rnams ni// ngas gsung pa la the tshom med// ngas gsung pa la nan tan bskyed// ces bka' stsal pas/ g.yung drung lha yis yang gsol pa// phyi dbang chen po bdag la stsol// nang
230b2 dbang chen po bdag la stsol// gsang dbang chen po bdag la stsol// spyi dbang chen po bdag la stsol// de skad zhus pa gsan nas kyang// rdzogs sangs rgyas kyi bka' stsal pa// phyi nang gsang ba'i dbang rnams
230b3 ni// nga yi rgyud kyi thugs la gnas// nga yi thugs kyi gsang rgyud ni// gting nas gzungs la khyod la gtad/ khyod kyi sems la brnag par gyis// lcang lor bcas pa'i b+han+d+ha 'di// nga yi lag tu gzung nas
230b4 ni// snod ldan khyod la dbang bskur ro// b+han+d+ha mdzes pa'i dkyil 'khor du// bde chen gsang ba'i dbang bskur ba// ltag sprod zur gsum bde chen 'dis// ma mo thams cad bsgrub bya'i phyir// bdud
230b5 rnams thams cad zil gyis gnon// rkyen drug dbang du bsdu ba'i phyir// sgrol byed dag gis dbang thob shog/ dung chen dag gis dbang bskur bas// snang srid thams cad bsgrags pa bzhin// deng gi yon
230b6 bdag bu khyod kyang// chos kyi dbyings kyi sgra sgrogs shog/ ma mo sgrub pa'i dbang thob shog/ zhing chen dag gis dbang bskur bas// zhing gi khyad par bres pa bzhin// bdud bzhi g.yab kyi bor nas ni// hUM gi me
231a1 chen 'bar ba yis// bdud bgegs zhi bar bsregs pa bzhin// 'bar byed chen po'i dbang thob shog/ rnga chen dag gis dbang bskur bas// rnga ni gsang ba yum gyi ngang// shes rab thabs kyi sgra
231a2 sgrogs pas// thabs kyi phyag rgya bskyod nas ni// rnga yi bye brag 'di las byung// gsang ba rnga yi dbang thob shog/ zhing mchog dag gis dbang bskur bas// thor tho rgya mdud khro bo brgyad// thugs kyi sprul pa'i gra
231a3 yang 'gyed// sked pa'i rgya mdud gra brgyad la// gsang ba'i ma mo brgyad phyung zhing// thugs kyi 'od zer phyogs bcur 'gyed// rtse mo dag ni zur gsum la// srid pa'i ma mo dbang du bsdu/ khams gsum thams
231a4 cad dbang du sdud// zil gyis gnon pa'i dbang thob shog/ rak+ta mAM sas dbang bskur bas// ma mo gsang chen dgyes pa 'dir// sgrol ging chen po skar ltar bkram// rak+ta'i rgya mtsho mtsho ltar rlabs// ma mo
231a5 sgrub pa'i dbang thob shog/tshil chen gsur gyis dbang bskur bas// srid pa thams cad dri snom zhing// dri yi mchod pa dam pa 'dis// gsang ba'i ma mo dri la dad// gsur dang dri la snom pa mo// ji ltar gong du
231a6 bcol ba bzhin// bsgrub pa'i las rnams bsgrubs pa bzhin// las kyi dbang rnams bsgrubs nas ni// dpa' bo chen po'i spyan snga ru// 'khu ldog bran ltar mi byed cing// sems kyi dag pa nyer bzhag cing// ma
231b1 mo'i las dbang 'di bskur bas// sgrub pa'i bran pho bran mo bzhin// las dbang chen po thob par shog/ sarba ta thA ga ta kA ya badzra swa b+hA At+ma kou0f85ha~M/ sarba ta thA ga ta tsit+ta badzra swa b+hA wa At+ma kou0f85ha~M/ sarba ta thA ga ta w
231b2 Aka badzra swa b+hA wa At+ma kou0f85ha~M/sarba ta thA ga ta pU tsa badzra swa b+hA wa At+ma kou0f85ha~M/ sarba ta thA ga ta a nu rA ga badzra swa b+hA wa At+ma kou0f85 ha~M/ ma mo gsang chen 'dus pa 'dir// snying po lnga yis dbang bskur bas// de ring ph
231b3 an chad bu khyod kyi// tshe yang shin tu ring ba dang// dngos grub gzi chen thob pa'i phyir// rang rtags gsang ba'i dbang bskur ro// 'di ni ma mo rang rtags kyi// dbang chen lags te dbang gi mchog/ sgrol ma
231b4 chen mo'i drag shul gyis// bdud bzhi zil gyis gnon pa dang// rkyen dbang thabs kyis 'dul ba dang// de bzhin gsang chen dkyil 'khor du// man ngag rgyud kyi don bstan pa// kun gyi thun mong ma lags
231b5 te// 'di bstan gzhan la bshad gyur na// sa bon mes tshig bzhin du 'gyur// snod ngan zhabs su zags pa na// nas ngan tshigs pa bzhin du 'gro// don 'di gzhan la mi spel te// rang gi sems la 'chang ba
231b6 na// dngos grub dam kyang rtag tu thob// mthu dang gzi brjid thams cad 'phel// dngos grub chen po thob par 'gyur// ces bka' stsal to/ man ngag dbang gi le'u ste bcu pa'o//// gnod 'dul lha
232a1 yis yang gsol pa// ma mo ngos 'dzin ji ltar bzung// mngon rdzogs yab kyis bka' stsal pa// ma mo ngos bzung 'di ltar bzung// sems nyid ma bcos mu kha le// sems las bskyed pa'i bu mo
232a2 bcu gsum dang/dbyings kyi ma mo bcu bzhi dang/ ye shes ma mo nyi shu'o// snang srid kun khyab shwa re ma// thugs dam bskang ba'i yum chen lnga// dgra rnams bsgral ba'i shugs sgrol drug/ drag shul dbang chen ma
232a3 mo bdun// gnod byed snying gcod srin mo brgyad// bka' sdod las kyi blon mo dgu// yang dag dbang gi rgyal mo bzhi// sems las skyes pa'i ma mo bzhi// dam la gnas pa'i sring mo bzhi// yid la gzhung pa'i
232a4 mdza' mo bzhi// lus las bskyed pa'i bu mo bzhi// ma mo kun gyi gtso mo bzhi// bdud rtsi sbyor ba'i rgyal mo bzhi// phur bu bsgrub pa'i blon mo bzhi// ma mo kun gyi bdag mo bzhi// las la shis pa'i bran mo
232a5 bzhi// da lta dbugs 'phrog lha mo bzhi// ma mo rtsa khro bdag mo bzhi// dgra bo'i snying 'phrog lha mo bzhi// kun gzhi gnas bsgyur bu gcig ma// gling bzhi gnas bsgyur grags mo rgyal// stong gsum dbang bsgyur
232a6 badzra shwa rI ma// dgra bo dbang bsgyur dpal ldan re ma ti// 'jig rten dbang chen sman mo'i tshogs// gshin rje'i gtso mo nyi shu gcig/ las mkhan ma mo brgyad bcu gcig/ byang shar mtshams kyi snying
232b1 gcig ma// thugs kyi sprul pa nag mo bdun// nag mobadun tshogs nag mo nyi shu'i tshogs/ sku'i sprul pa dmar mo bdun tshogs/ dkar mo nyi khri'i tshogs/ gsung gi sprul pa dmar mo bdun tshogs/ dmar mo nyi
232b2 khri tshogs/thugs kyi sprul pa smug mo bdun tshogs/ smug mo nyi khri'i tshogs/ yon tan ma mo ser nag bdun tshogs/ ser mo nyi khri'i tshogs/ phrin las sprul pa ljang nag bdun tshogs/ ljang nag bdun cu'i
232b3 tshogs/ma mo ngos 'dzin kyi le'u ste bcu gcig pa'o//// g.yung drung lha yis yang gsol pa// snang srid thig le ji ltar bsdu// mngon rdzogs yab kyis bka' stsal pa/ snang srid thig le 'di ltar bsdu/
232b4 de yang gang zhe na/ yid dang kun gzhi dang/ rnam par shes pa las/ ma mo thig le rgyur gsal te/ ma mo lhun gyis rdzogs pa'i thig le dang/ ma mo gnas kyi thig le dang/ ma mo lung gi thig le dang/ ma mo sgrub
232b5 pa'i thig le dang/ma mo sprul pa'i thig le dang/ ma mo thabs kyi thig le dang/ ma mo shes rab kyi thig le dang/ ma mo sku gsung thugs kyi thig le dang/ byang chub sems kyi thig le dang/ kun nas zlum pa'i thig
232b6 le zhes kyang bya/klong yang pa'i thig le zhes kyang bya/ brjod du med pa'i ye shes kyi thig le zhes kyang bya/ ma nor ba zhes kyang bya/ gtan la 'bebs pa zhes kyang bya/ ma bcos pa zhes kyang bya/ rgyu rkyen med pa zhes
233a1 kyang bya/ma 'gags pa zhes kyang bya/ ye gnas chen por gnas so// ma mo snang srid thig le'i le'u ste bcu gnyis pa'o// byang bskor gyi rgyud phyi ma rdzogs so////


CLOSE WINDOW