CLOSE WINDOW

Gpb030.001
བོད་ཡིག

srid pa rgya mtsho bzhi'i rgyud ces bya ba bzhugs so// rgya gar skad du/ du ra ka pi tan+t+ra/ bod skad du/ srid pa rgya mtsho bzhi'i rgyud ces bya ba/ yab mngon rdzogs rgyal po dang/ yum rigs pa'i rgyal mo la phyag 'tshal lo// 'das dang ma 'ongs kyi mtshams su/'di skad bdag gis thos pa'i dus gcig na/ gser gyi nyi ma'i gdan la/ rig pa'i ye shes gzhal yas 'bar ba ru/ ye shes rang snang gdal ba la/ rigs lnga'i sangs rgyas kyi khri la/ sku ru bla med khrag 'thung brjid pa/ mnga' dbang lhun gyis rdzogs pa/ mdzad pa gar gyi phyag rgyas bzhugs te/ brtul shugs chen po'i mnga' bdag bum pa'i 'khor lo la rin po che'i 'od 'bar ba/pad+ma'i lce la zangs kyi mu khyud 'khyil pa/ gser gyi 'khor lo la mu tig gi 'bur 'phang bcas pa/ srid pa'i sa gzhi la mu tig gi shar bu 'phro ba/bdud rtsi'i thig le hUM bcur 'bar ba/ tshon sbrel bzhi la hUM bzhi brten pa/ chags pa'i 'dab ma la byu ru'i hUM bcu 'bar ba/ rna ba ya hUM bzhis 'brel ba/gser gyi 'khor lo la shel gyi hUM bcu 'bar ba/ 'bur bzhi hUM bzhis bsrung ba/ chags pa sna tshogs rigs la mu khyud mu tig gi hUM bcus la 'khrigs pa las/ zhug pa bzhi la hUM bzhis mdzes pa/yum gyi mkha' lnga dbu ma la phrin las bzhi'i dkyil 'khor chags pa/ dbus rdo rje dbyings ma la rgya bzhi'i lcags dang ldan te sangs rgyas thams cad bskyed pa'i za ma tog tu gnas so// rdo rje 'jigs byed kyi rwa lnga las/ byang chub sems lnga'i char bzhugs pa'i gnas 'dzin pa'i gnas bzhir bab pa/ de lta bu'i yum la sku las hUM bdun ha lnga muM gcig tu shar te/thugs las hUM muM gnyis/ muM bzhi hU~M mtshan gsum du ldan te/ yon tan las b+h+yo lnga bcu drug tu shar ba/ ru mtshon bzhi la b+h+yo bzhi/ b+ha ga bzhi la hUM bzhi/ de lta bu'i yab yum la/ sku'i spyi dpal gyi khro bo bcu la ta kr-ita bzhis bskor ba dang/gsung gsang chen gyi khro bo bcu la ta krita bzhis bskor ba dang/ thugs gdeng chen gyi khro bo bcu la ta kr-ita bzhis bskor ba/ yon tan rdzogs chen gyi khro bo bcu la ta kr-ita bzhis bskor bas/de lta bu'i yab yum la dkar mo'i mdo bcu gsum dang/ nag mo'i mdo bco brgyad dang/ ser mo'i mdo lnga bcu drug dang/ sprul pa'i ma mo brgyad du ldan te thabs cig tu bzhugs so// de nas srid pa'i phra men rgya mtshos 'di skad ces gsol to// yab yum srid pa'i bca' bzhi kun// gtan tshigs rtsa ba ji ltar lags// rdzogs sangs rgyas la bdag nyan 'tshal// yang dag rdzogs kyis bka' stsal pa// phra men rgya mtsho gsang ba'i yum// gtan tshigs rtsa ba 'di rnams kun// srid pa'i rtsa ba mtsho bzhir bshad// phra men rgya mtshos yang gsol pa// srid pa'i rtsa ba mtsho bzhi ji ltar lags// mngon rdzogs yab kyis bka' stsal pa// mtsho bzhi srid pa'i don bshad pa// srid pa'i bya lud rgya mtsho dang// dbang phyug las kyi rgya mtsho dang// bskang lung las kyi rgya mtsho dang// brtan ma las kyi rgya mtsho rnams// yang dag nyid du bshad par bya'o// ma mo srid pa'i rgya mtsho bzhi las/ gleng gzhi'i le'u ste dang po'o//// bya lung srid pa'i rgya mtsho las// dang po bcas dang gnyis pa skongs// gsum pa dgra yi bye brag go/ srid pa'i ma mo thams cad dang// pho yi rigs su gtogs pa kun// srid pa 'khrug pa'i byad bstan pa// nam mkha' smug nag 'thibs pa la// dred mo ral pa 'dzings pa byung// de ni ma mo 'khrug pa'i byad// gnam la seng ge dkar mo dang// 'brug ris sngon mo 'thab pa'i rtags// sa la gnam lcags 'bar ba'i 'khrug/ glang po rba la mchongs pa yis// sa la stag seng 'dzings pa byung// gnam la sprin dmar mched pa yis// sa la bud med ral 'dzings byung// skar mda' nam mkhar 'phros pa yis// sa la dbyig gi nor bu nyams// ri rab rtse la me chen 'bar// sa la lci ba'i zas rnams za// rgya mtsho'i gting nas sbrul gdug langs// sa la me tog bcud dang bral// mkha' la stag mo mchongs pa de// sa la rnal 'byor rdzi bas bskyed// mkha' la bya rgod sder chen 'dzings// sa la gter gyi bcud nyams 'gyur// g.yu sha dkar mo rwa 'dzings pas// sa la dus kyi do ba 'byung// tho rangs seng ge ngu zhing 'bod// sa la rno dbal ngar du 'bab// srod la gser gyi sbud pa sbud// sa la rma bya g.yengs par 'gyur// g.yu sgong sngon mo gnam du yar// lcags kyi ser ba thab tu 'bab// shel dkar nang du dug gis bkang// zangs sgong dmar po thur du 'dril// mi bzad 'bar ba klad la bskor// mi bzad 'bar ba'i nad zer 'byung// nyi ma sprin gyi shugs can 'khrugs// tshub ma dmar po nam mkhar 'phyo// seng ge gangs kyi stod nas lhung// sgo nas shel gyi sgo nga yar// nam mkha'i dkyil nas spr-in chen ral// sa la bong bu'i bcud chen zags// bse sgong khra bo rgya mtshor 'bar// sa la lcug phran zor gyi 'debs// gza' skar 'khrug pa'i cho 'phrul ni// zo ba rgyan gyi rtse mo ru// za 'og sbud lbub min nam pa chags pa ni// de la ltas ngan dgra bzlog bya// srid pa mtsho bzhi las/ ltas ngan gyi dgra ji ltar 'byung ba'i le'u ste gnyis pa'o//// phra men rgya mtshos yang gsol pa// bcas kyi rim pa ci ltar lags// rdzogs sangs rgyas la bdag nyan 'tshal// rdzogs sangs rgyas kyi bka' stsal pa// sa yi 'khor lo sbyangs pa la// 'og gzhi rus sbal khog pa la// gser gyi 'khor lo rtsibs brgyad la// gling bzhi 'khor yug gling phran ldan// mtha' ma lcags ri nag po la// rin chen sna lnga'i gcal bkram ste// rtsibs brgyad steng du klu brgyad bri// 'bru sna lnga yi ngar phye la// zhabs brgyad klu brgyad brdzis par bya// zhabs kyi rtse ni phyi ru bstan// zhabs brgyad bang rim mtha' mas btegs// bang rim lte ba'i pho brang la// dbus su chags 'dzin chen mo la// bud med lnga bcu lnga yis bskor// rdo rje'i ka ba bzhi yis btegs// de steng bang rim bar ma la// dbus su phra men rgya mtsho la// bud med bcu bdun 'khor gyis bskor// rdo rje'i ka ba bzhi yis btegs// de steng bang rim gsum pa la// bum pa zhal lnga'i dbyibs su bya// nang gi dbus su dgod pa ni// dbus su srid pa'i rgyal mo la/ dbyings kyi ma bdun 'byung lnga'i yum// bcu gnyis yang dag dkyil 'khor ldan// mtshams dang yan lag ma klu yang chen brgyad// dang po dung sgong bcu gsum la// mtshal gyis kha mig gshag pa bri// dbus kyi bum pa nyid la'o// spyan gzigs gtor ma phra men snod// kha khyer dang po 'khor bar bzhag/ dar dkar ru mtshon bcu gsum gzug/ thugs kyi bang rim pho brang la// lcags sgong nag po bco brgyad dang// dar nag ru mtshon bco brgyad gzug/ spyan gzigs gtor mas 'khor bar bya// yon tan bang rim pho brang la// bswe sgong khra bo lnga bcu drug/ dar ser ru mtshon de bzhin bya// rgyan gyi gtor ma dgram par bya// yan lag bzhi dang b+ha ga bzhi// sgo nga brgyad dang ru mtshon brgyad// de bzhin gnas su dgod par bya// phyi khyams mda' bzhi me long bzhi// ral gri bzhi dang gur du bcas// gcig gis gzugs med dngos su bskang// srid pa mtsho bzhi las bcas kyi le'u ste gsum pa'o//// phra men rgya mtshos yang gsol pa// bskang gi rim pa gang lags pa// rdzogs sangs rgyas la bdag nyan 'tshal// yang dag rdzogs kyis bka' stsal pa// hUM/ dung mkhar zo ba'i nang shed nas// srid pa'i rgyal mo yum gcig ma// dkar mo mdzes ma shel ltar dag/ sman gyi ga'u bu mang 'dzin// spyan nas zla ba'i dkyil 'khor 'char// thugs las me long ye shes gsal// mi bskyod dbyings nas thugs rje gsal// nam mkha'i mdangs la khyab pa mo// 'gro ba yongs kyi mdangs 'phrog ma// hUM/ yum chen dbu las sprul pa ni// dung sgong 'bar ba dkar po gcig/ mtho ste nam mkha'i dbyings su 'bar// dma' ste rgya mtsho'i gting na nyal// lcags kyi sgo nga rang rdol bas// rigs su sgum thun mchu blum byung// de nas rigs kyi mig dkar ba// rma bya'i bu mo ha lo mgrin// dpral ba'i dkyil na zla gam ni// ri rab kyi zom dang mnyam/ kha dog sna tshogs ni// bder gshegs kyi rigs dang mnyam// spyan mig ni dmar bzlog pas/khams gsum ni dbang du sdud// 'phrag le ni g.yas gong nas// ri rab ni gong ltar 'phen// 'phrag le ni g.yon gong nas// rgya mtsho ni zho ltar bshig/ g.yu sder 'bar ba yis// 'gro drug ni gnas nas 'dren// g.yas kyi 'dab gshog bzhi bcu rtsa gnyis kyis// sangs rgyas bzhi bcu rtsa gnyis rol pa mdzad// g.yon gyi 'dab gshog drug cu rtsa brgyad la// ma mo drug cu rtsa brgyad rol pa mdzad// bskang ngo srid pa'i rgyal mo'i thugs dam bskang// mi la ni srid pa med// bya la ni srid pa yod// mi la ni mtho 'jung med// bya la ni mtho 'jung yod// mi yi glud du bya bzhes shig/gser mkhar ga'u 'bar ba nas// dkar mo'i rgyal mo mi bzad ma// 'bar ma glog gi bang ba can// gser gyi dril zhags sdog cing 'phen// mi 'gyur dbyings nas 'od gsal ma// bya thang dkar ni g.yang zhu ni// mthing nag nam mkha'i na bza' la// gzha' tshon 'bar ba'i mtha' chag can// 'di yi mdangs kyis thugs dam bskang// gti mug nad rnams zhi bar mdzod// rnal 'byor nyams pa skong gyur cig/g.yu sgong kha 'bar nang nas ni// sngon mo g.yu yi 'phur rtsal can// mthing nag nam mkha'i rgyal mtshan can// nyi zer zhags pas skye 'gro 'dren// bya skyin dkar ni g.yang zhu ni// na bza' mthing nag na bza' la// nyi zer dmar po'i 'od kyis mdzes// ljags la glog dmar lams se lam// 'di yi mdangs kyis bskang byas pas// gti mug nad rnams zhi bar mdzod// dam tshig nyams pa skong gyur cig/zangs mkhar dmar po 'bar ba na// dmar mo khrag gi pho 'thing can// sprin dmar mched pa'i na bza' can// byu ru'i zhags pas 'gro ba 'dren// bya lcog 'bar ba'i gyur mo mgrin// chos kyi sgra sgrogs nam mkha'i dbyings su khyab// the brang gnyis las shar ba'i sras gcig ma// mthun pa'i rdzas chen 'di yis skong// gti mug nad rnams zhi bar mdzod// dam tshig nyams pa skong gyur cig/ shel mkhar 'od gsal mdzes pa na// spyan ni zla tshes 'bar ba la// zhal ni g.yu zhal sngon mo ste// g.yu yi smin ma lams se lam// zla tshes zhags pa sdog cing 'phen// mkha' la rgyu ba'i ma mo ste// thugs rje dbyings nas rol pa mdzad// rig byed gsal ba'i thang dkar ni// zla ba tshes gcig dbu la rdzogs// spyan ni khro chu 'bar ba la// na bza' shel dkar mdzes pas brgyan// rig pa 'di yis thugs dam bskang// mu men mdzes pa'i dkyil 'khor nas// mthing nag nam mkha'i go zu la// rdo rje ha yi cha ga can// spu gri 'bar ba lag na thogs// so sor rtog pa'i thugs mnga' ba// tshul khrims ldan pa'i rig pa can// bcos kyi ras ka sku la gsol// gzi yi phreng bas dbu la mdzes// rig byed 'di yi mdangs kyis bskang// gti mug nad rnams zhi bar mdzod// gser mkhar gru bzhi ldem pa na// ser mo rlung gi go zu can// rdo rje rgya gram phra bkye ba// 'dzum pa'i mdangs kyis srid pa gsal// 'dre bya rig byed mdangs ldan ma// zangs kyi zhabs mas lus mdzes shing// 'di yi mdangs kyis bskang byas pas// ma rig nad rnams byang bar mdzod// rlung gi dkyil 'khor zla gam nas// lag na ba dan lce brgyad thogs// bsam pa tsam gyis phyogs bcur phyin// srog chags kun gyi dbugs la nyul// 'od ldan bkrag gsal rlung bzhon ma// spu ru rgyal mtshan mdzes ldan 'bar// lus la bra pha ma tsa ra yang ma ra tsas brgyan// 'di yi mdangs kyis bskang byas pas// ma rig nad rnams byang bar mdzod// hUM/ nam mkha' yangs pa'i dkyil 'khor nas// skye med 'gro ba bkrag gi bdag/ seng ge'i gdangs skad phyogs bcur sgrogs// zhe sdang nad rnams bzhi bar mdzod// seng ge dkar mo'i mdangs kyis bskang// g.yu bya khrag mig mdangs kyis bskang// sems kyi nad rnams byang bar mdzod// byang phyogs rlung gi dkyil 'khor nas// ljang mo steng gsum khyab par 'gro// khyung gi skad kyis klu bdud 'joms// phrag dog nad rnams zhi bar mdzod// bya khyung sngon mo'i mdangs kyis bskang/kha rlangs nam mkha' sprin du 'khrigs// rlabs kyis nam mkha' khebs par gcod// 'di yi mdangs kyis bskang byas pas// ma rig nad rnams byang bar mdzod// rgya mtsho chen po'i dkyil 'khor nas// dmar mo chu yi 'khor lo can/ khrag gi ral pas stong gsum khebs// 'dod chags nad rnams byang bar mdzod// dud kha 'bar ba'i mdangs kyis bskang// ma rig nad rnams byang bar mdzod// me ri gru gsum 'bar ba nas// me yi 'od las sprul pa mo// ral pa me stag me dpung 'bar// glang chen mdangs kyis gshin rje 'joms// nga rgyal nad rnams byang bar mdzod// glang chen gzugs kyi rgyal pos bskang// ma rig nad rnams byang bar mdzod// gser gyi sa gzhi 'bar ba nas// ser mo rdo rje'i ral pa can// lag na sa yi dkyil 'khor thogs// gti mug nad rnams byang bar mdzod// mi yi rgyal mtshan 'bar bas bskang// ma rig nad rnams byang bar mdzod// dkar mo'i rgyal mo blon mo dang// bar mtshams blon mo gong ler bcas// dung sgong dkar mo bcu gsum la// mtshal gyi thig phran 'bar bas brgyan// dkar mo'i tshogs kyi thugs dam bskang// bskang bzlog chen mo'i dus la bab// dar gyi ru mtshon 'bar ba 'dis// dpung bzhi'i tshogs kyi dpung chen bzlog/ thugs dam chen po skong gyur cig/ dus bzhi dpal gyi gtor ma yis// dbyings kyi ma bdun dus kyi sring// thugs dam chen po skong gyur cig/ dkar mo sgeg la thugs dam dbyings gyi lha// mdog bzang dbyings kyi yum chen la sogs rnams// thugs rje'i dbyings nas shar ba'i grub pa mo// mi 'gyur chos kyi dbyings las phyi rol med// thugs rje mi 'gyur dbyings nas sku sprul pa// gang zag shes bya'i bag chags ci mchis pa// byams mgon khyod kyi spyan sngar mthol zhing bshags/ khyed kyi thugs rje nam mkha'i mtha' dang mnyam// 'gro ba kun la snyoms pa'i thugs rje can// rtog med thugs dam rang gi dgongs nas kyang// nyon mongs sgrib pa ma lus sbyang du gsol// srid pa'i las kyis mnar ba'i sems can rnams// dang po ma rig 'khor ba'i gnas la 'khyams// byams mgon thugs rjes dgongs nas sbyang du gsol// dkar mo 'od gsal srid pa'i rgyal mo dang// dbyings kyi ma bdun dus kyi sring mo lnga// mthun pa'i rdzas dang mchod pa'i yo byad rnams// bsgrub pa'i dus su gnas su bstab byas na// dam skong phrin las chen po mdzad du gsol// dkar mo gshog thogs nam mkhar 'phur pa'i tshogs/ brtson 'grus mthar phyin phyi bshol mi mnga' bas// 'gro drug thugs rjes gnas nas drang du gsol// sems can las kyi bag chags dbang gis na// dam tshig chen po'i bskang bzlog 'di byas pas// srid pa'i dgra ltas ngan pa bzlog tu gsol// srid pa mtsho bzhi las/ dkar mo'i mdos kyi skong/ bya lung las kyi rgya mtsho las/ dkar mo'i mdos bstan pa'i le'u ste bzhi pa'o//// phra men rgya mtshos yang gsol pa// nag mo'i rim pa gang lags pa// rdzogs sangs rgyas la bdag nyan 'tshal// spyi dpal chen pos bka' stsal pa// hUM/ yum gyi thugs mchog 'bar ba las// gser kyi thig le gru gsum nas// btso ma gser gyi slag pa la// rdo rje ha yi phreng bas brgyan// thugs las ye shes 'od gsal ma/ khyod kyi thugs dam bskang ba ni// lcags sgong nag po 'bar ba la// g.yu yi thig phran 'bar ba 'phros// yum gyi thugs las sprul pa ste// mtho yang de ni mi mtho ste// ri rab kyi ni zom las 'phar// dma' yang de ni mi dma' ste// rgya mtsho chen po'i gting nas nyul// sgo nga rang gis rang brdol bas// sha zan mchu gug rigs su byung// bya chen 'di yi dpral ba ni// ri rab 'bum pa'i gtos dang mnyam// dbu la g.yu yi ra 'bar ba// nam mkha'i khams kyi mthongs su slebs/kha yis klu bdud dregs pa ni// 'og gi rgya mtsho'i gting nas 'dren// mig ni nyi zla 'bar ba ste// klu brgyad zil gyis gnon par byed/ kha nas me 'bar rgya mtsho skems// sems ni chags sdang lnga dang ldan// sder mo g.yu sder 'bar ba yis// chu srin nag po'i snying nas 'dren/ kha rlangs na bun bzhin du chags// dung gi gshog 'dab 'bar bar ba las// g.yu yi gshog rtse zer 'phro bas// thags bzangs ris kyi mgo bo gcod// g.yas kyi gshog pa brkyang ba yis// lha yi dbang po'i gnas la khyab// g.yon gyi gshog pa rlabs pa yis// gser gyi sa gzhi 'bar ba gshog/ lto nas 'brug sngon 'bar ba 'khrug kha nas glog 'khyug ljibs se ljib// lce yi rtse las thog chen 'bebs// mig nas lcags kyi ser chen 'bebs// sna nas bu yug tshub mar 'tshubs/ khyod kyi tsit+ta 'bar ba nas// zur phud lnga pa'i cho 'phrul 'gyed// mkhal ma ag ni de ba ste// mchin pa ro gling chen po la// mkhris pa gsod byed chen po ste// mcher pa myos byed 'bar ba la// glo ba skyod byed stobs can te// grod pa sde dpon chen po ste// gnye ma dbang ldan 'bar bar sprul// sgal tshigs 'khor lo bcu drug la// srid pa'i pho rgyud bcu drug sprul// g.yas kyi gshog sbubs lnga bcu drug khrag 'thung lnga bcu rtsa drug rdzogs/ g.yon gyi 'dab gshog lnga bcu drug/dman mo lnga bcu rtsa drug 'char// mdangs kyi thig le bcu gsum la// yul gyi ma mo bcu gsum 'char// dpal be'i thig sgro bco brgyad la// sems kyi ma chen bco brgyad gnas// mjug sgro'i thig le brgyad du shar// snang srid pho rgyud mo rgyud dang// ma mor grags pa thams cad kun/ khyung chen sku yi khyon du rdzogs// klu yi rgyal po nor 'dzin dang// srid pa'i bya khyung 'bar ba gnyis// gnod sbyin bu mo rtag gdong mas// rgya mtsho chen po'i gting nas dkrugs/ kha rlangs nam mkha'i sprin du chags// klu dang byang chub sems 'khrugs nas// srid pa'i ma mo thugs 'khrugs te// de phyir skong zlog 'di ltar ro// hUM/ ser mo 'od bzang mdangs bzang mo// mkha' lding nam mkha'i skar mda' can// 'di yi mdangs kyi thugs dam bskang// dkar mo 'od kyi zer 'phro ma// mthing nag 'bar bas thugs dam bskang// dkar mo shel gyi mdangs bzang mo// tshul khrims rnam dag mdangs kyis bskang// gser bya nam mkha'i sprin dmar mgo/ mgrin bzang mo yi mdangs kyis bskang// dmar mo zangs kyi mig gcig ma// ro 'dren kha 'bar mdangs kyis bskang// nag mo spyang gdong dbugs 'phrog ma// dran byed nag mo'i mdangs kyis bskang// me long ye shes kun gsal ma// sngon mo mdangs kyis thugs dam bskang// mnyam nyid ye shes kun snyoms ma// gser mda' rig pa'i mdangs kyis bskang// so sor kun rtogs ma 'dres gsal// bsgrub bya dmar mo'i mdangs kyis bskang// bya ba nan tan mdzad pa rdzogs// nIr ti ljang mo'i mdangs kyis bskang// bag chags kun gsal dbyings nyid gsal// kro ta nag mo'i mdangs kyis bskang// snang srid longs spyod rgyan du shar// gzi chen dir ba'i mdangs kyis bskang// nyon mongs gnas nas rig pa gsol/ khra ri khra mo'i mdangs kyis bskang// nyon mongs gnas nas rig pa gsal// skad cig gcig la stong gsum khyab// ro za nag mo'i mdangs kyis bskang// dkar mo dpal chen yab la bzhad// ru tshe rkang ldan mdangs kyis bskang// nag mo kha 'bar stong gsum grags// srin mo dri za'i mdangs kyis bskang// dmar mo gzi mdangs 'od 'phro ma// zangs sprin dmar mo'i mdangs kyis bskang// ser mo rlung zhon stong gsum khyab// rig byed gser bya'i mdangs kyis bskang// zhe sdang nad rnams byang bar mdzod// hUM thugs rje'i dbyings nas shar ba'i ma chen rnams// rig pa gsal ba'i ma chen rgya mtsho ma// thugs rje rgyun gyis bdag la dgongs su gsol// nyi zla'i 'od kyis khams gsum gsal mdzad ma// byams mgon thugs rjes bdag la dgongs su gsol// mi 'gyur dbyings nas shar ba gsang ba'i yum// gzung 'dzin spros pa'i mtshan ma gzhom du gsol// ye shes mkha' las kar tshogs rgyas pa'i yum// ma rig mun pa'i ling tog bsal du gsol// 'khor ba'i rgyun gcod thugs rje'i dbyings nas gsal// las kyi mnar ba'i 'gro ba drang du gsol// 'dzum pa'i mdangs kyis dbang chen yab la sbyor// gzi mdangs bkrag la longs spyod mdzad pa mo// yun ring dus nas 'gro ba'i don mdzad ma// chag nyams 'gal 'khrul ci mchis bzod par gsol// lcags sgong bco brgyad ru mtshon 'bar ba yis// nag mo'i rgyal mo blon mo la sogs dang// bar mtshams blon mo kha blon gung blon mo// nyul byed go la la sogs blon mo'i tshogs// thugs dam chen mo dbyings su skong gyur cig/ srid pa mtsho bzhi las/ bya lung rgya mtsho nag mo'i mdos bskang bstan pa'i le'u ste lnga pa'o//// phra men rgya mtshos yang gsol pa// ser mo'i bskang lugs gang lags pa// rdzogs sangs rgyas la bdag nyan 'tshal// rdzogs sangs rgyas kyis bka' stsal pa// yum chen chags pa'i lte ba nas// bse sgong khra bo rdol ba nas// 'dam zan 'dab bzang yang rigs kyi mchu leb byung// ri rab chen po'i byang phyogs nas// shang shang te'u'i gzi mdangs can// lus ni gser gyi bum pa la// gshog pa g.yu yi rdo rje ris// sder mo lcags sder rtse gsum 'bar// mgrin pa zangs kyi 'khor lo la// spyan ni 'bar ba me yi spyan// mchu ni zla gam 'bar ba las// lce ni rdo rje ha ru 'bar// dpral ba zla tshes 'bar ba la// tshigs pa dung gi 'khor lo'i rgyud// tsit+ta rin chen 'bar ba ste// glo ba pad+ma'i rtse zur ldan// mkhal ma mu tig rdog ma las// gnye ma bdud kyi zhags pa 'khyil// mcher pa mchong gi mching bu sde// mgrin pa dbang gi dkyil 'khor la// lte ba zhi ba'i dkyil 'khor 'bar// snying ga rgyas pa chen po ste// gzhug ma mngon spyod dregs pa sgrol// las bzhi'i yon tan kun la rdzogs// srid pa chags byed chen mo la// 'di yi mdangs kyis thugs dam bskang// 'dod chags nad rnams byang bar mdzod// gser gyi bum pa g.yu chag can// cha snyoms ma yi thugs dam bskang// dung gi 'khor lo smin ris can// e ka tsa ti'i thugs dam bskang// nam mkha'i 'khor lo mgrin rings 'bar// nam mkha'i rgyal mo'i thugs dam bskang// nag mo dung gi khol thag can// spyi phud ma yi thugs dam bskang/ khra mo gzi mdangs chu gzhung zhon// sring mo bzhi yi thugs dam bskang// rol pa dung gi mche ba can// dmag dpon bzhi yi thugs dam bskang// dkar dmar 'phyen ma sgra 'byin ma// gru 'degs bzhi yi thugs dam bskang// 'dam bya nag mo gser mig ma// 'dod khams ne mtshan thugs dam bskang// sgrigs ma rgya mtsho'i rlabs la 'phyo// srin mo bdun gyi thugs dam bskang// dung gi spu ris gseng mchu can// shar gyi ma bdun thugs dam bskang// ser mo 'phyo ba'i lding stabs can// lho yi ma bdun thugs dam bskang// dmar mo khrag gi mchu dreg can// nub kyi ma bdun thugs dam bskang// nyul byed sngon mo rlung la 'phyo// byang gi ma bdun thugs dam bskang// nag mo gser mig bum pa'i lus// dus bzhi rgyal mo'i thugs dam bskang// bdud bya nag mo srin skad can// gdong mo bzhi yi thugs dam bskang// bse sgong lnga bcu rtsa drug dang// dar ser ru mtshon 'bar ba yis// ser mo mdog bzang thugs dam bskang// hUM/ mi pham thugs rje dbyings las sprul pa mo// yon tan lhun rdzogs sku 'khrungs phyi bshol med// chags byed cha snyoms kun la bzod par gsol// phrin las drag pos skye shi rtsad gcod ma// e ka dza ti'i sku la bzod par gsol// drag shul spyod pas khams gsum rdul du rlog/ srin mo bdun gyi tshogs la bzod par gsol// thugs rje thabs kyis 'gro don mthar phyin ma// nam mkha'i rgyal mo'i sku la bzod par gsol// dur khrod bskal pa brgyad kyi gnas nyul ma// 'dod khams nag mo'i tshogs la bzod par gsol// thugs rje'i rgyun gyis bring bring dgongs mdzad ma// las kyi srid mo'i tshogs la bzod par gsol// gling bzhi dmag dpon dri za'i 'khor skyong ma// dmag gi rgyal mo'i tshogs la bzod par gsol// ri rab gling bzhi'i khams kyi 'khor skyong ma// gru 'degs chen mo'i sku la bzod par gsol// rnal 'byor kun gyi phrin las mthar phyin ma// dbang phyug rtsa brgyad tshogs la bzod par gsol// dus gzhi dbyings nas rang bzhin 'char mdzad ma// rgyal mo bzhi yi tshogs la bzod par gsol// 'jig rten thog dang ser ba'i sna 'dren ma// gdong mo bzhi yi sku la bzod par gsol// bya lung rgya mtsho las ser mo'i mdos skong bstan pa'i le'u ste drug pa'o//// phra men rgya mtshos yang gsol pa// bzlog pa'i las rnams bshad du gsol// yang dag rdzogs pa'i don gsungs pa// bzlog pa la yang gnyis yod de// ting 'dzin rtsal gyis bzlog pa dang// srid pa'i mdangs kyis bzlog pa'o// ting 'dzin rtsal la 'di lta ste// yul dang dngas ma rtsa gsum las// srid pa'i mdog gsum rang bzhin shar// dang po lnga gnyis gsum du ldan// gnyis pa lnga gsum gsum par snang// gsum pa bcu tshan lnga dang drug/ bzhi pa bzhi nyid gar du 'phyo// nam mkha' tshangs pa'i bu ga nas// skar mda' 'bab pa'i tshul 'phros pas// las kyi ba dan bskul byas nas// srid pa'i bskal pa 'od 'bar bas// rtsa yi mkha' 'gro 'od du 'bar// 'od zer lnga bcu drug tu 'gros// dwangs ma'i mkha' 'gro thig le 'bar// bco brgyad 'od kyi zer 'phros pas// yul gyi mkha' 'gro gnas su thim// bcu gsum 'od zer mkha' la 'phros// phung po sgyu ma gnas su bsgral// pho brang gsum gyi dkyil 'khor du// dug gsum rtsa ba rtsad nas bcad// srid pa mtsho bzhi las ting nge 'dzin gyi rtsal gyi bzlog thabs kyi le'u ste bdun pa'o//// mdangs kyi bzlog pa 'di lta ste// bsgral ba dang ni bzlog pa'o// bsgral ba la ni gsum yin te// 'khor lo gsum dang bshags pa lnga// sbyor ba gsum gyi bdag nyid do// srin mo'i gzugs kyi ling+ga la// sgrom bu b+ha ga'i hom khung du// za 'og rkyal pa gser mig can// ltas ngan kun gyi ming bris la// de yi ske ru btags nas ni// sro tsa na yi thag pas btags// 'bru sna lnga la byas pa'i gzugs// pu tra zla ba lon pa la// mgo bo bya yi mgo bo la// lus la ltas ngan spu yis brgyan// lag pa g.yas su 'gyog phur la// g.yon pa mchog gi phur pa'o// rkang pa g.yas pa thog phur la// g.yon pa shing bu'i mchog phur ro// de yi lag tu gong ma gtad// de yi gnas lngar dgod pa ni// sa bon lnga ni dgod byas te// de yi steng du dgod bya ba// ral gri sa bon lnga yis sbyangs// mar me lnga yis gnas lngar mtshon// stong pa lnga dang mnyes pa lnga// grub pa lnga yang de bzhin du// rtog pa lnga yang yang dag ldan// de ltar sbyangs nas bzlog par bya// hUM/ bdag nyid che mchog he ru ka/dbu ni nyi shu rtsa gcig la// phyag ni bzhi bcu rtsa gnyis la// sangs rgyas bzhi bcu rtsa gnyis bsnams// dur khrod rgyan gyis brgyan pa las/ khro tshul drug cu rtsa gcig sprul// dbu la khyung chen 'bar bas brgyan/khyung gi ral pa sprug pa yis// yul gyi ma mo kun spyod de// nam mkha' smug nag 'thibs pa'i byad// dred mo ral 'dzin ltas ngan bzlog/ g.yas kyi gshog zur dang po las// steng gi khro bcu 'bar ba shar// seng ge 'brug sngon 'thab pa'i byad// gnam lcags 'bar ba'i ltas ngan bzlog/ gshog zur 'bar ba gnyis pa nas// gsang ba'i khro bo bcu ru 'bar// glang chen rba la mchongs pa'i byad// stag seng 'dzings pa'i ltas ngan bzlog/ gshog zur gsum pa'i 'od zer las// spyi dpal khro bcu 'bar bar shar// gnam la sprin dmar mched pa'i byad// bud med ral 'dzin ltas ngan bzlog/g.yas gyi gshog zung bzhi pa las// rdzogs pa chen po khro bcu 'bar// skar mda' sa la ltung ba'i byad// dbyig gi nor bu'i ltas ngan bzlog/ g.yas kyi gshog zur lnga pa las// ta kri ta khro bo bcu drug byung// ri rab me chen 'bar ba'i byad// lci ba zas kyi ltas ngan bzlog/ g.yon gyi gshog zur dang po las// srog rtsa'i ma mo bdun du shar// rgya mtsho sbrul gdug langs pa'i byad// me tog bcud nyams ltas ngan bzlog/g.yon gyi gshog zur gnyis pa las// e ka drag mo spun drug sprul// mkha' la stag mo mchong pa'i byad// rdzi ba spyod pa'i ltas ngan bzlog/ g.yon gyi gshog zur gsum pa las// srin mo 'bar ma bdun du sprul// mkha' la bya rgod sder 'dzings byad// gter gyi bcud nyams ltas ngan bzlog/ g.yon gyi gshog zur bzhi pa las// srid mo bzhi dang rgyal mo shar// g.yu sha dkar mo rwa 'dzings dang// seng ge ngu 'bod ltas ngan bzlog/g.yon gyi gshog zur lnga pa las// nyi shu brgyad kyi sprul pa 'byung// rno dbal mtshon gyi ltas ngan dang// rma bya g.yeng ba'i ltas ngan bzlog/ g.yu sgong sngon mo yar ba dang// lcags kyi ser ba thab tu 'bab// shel dkar snod du dug spyod dang// zangs sgong dmar po mthur du 'dril// mi bzad 'bar ba glad la bskor// nyi ma sprin gyis 'khrug pa dang// 'tshub ma dmar po'i rmis kyang snying rtags dang// seng ge gangs kyi stongs nas lhung// shel gyi sgo nga yar ba dang// sprin chen ral pa'i rtags bstan pa// bong bu bcud chen zags pa dang// dbang mo nyi shu rtsa brgyad kyis// ltas ngan bcu gsum slar la bzlog khyung gi mjug sgro brgyad po la// rgyal mo bzhi dang gdong mo bzhi// sprul pa 'od kyi phreng bar shar// bse sgong khro bo'-i byad bstan te// lcug phran zor gyis 'debs pa dang// gza' skar 'khrug pa'i byad byung ba// zor rgyan brgyad kyang rtse la sbud pa chags// de yi ltas ngan slar la bzlog khro bo'i rgyal po khams gsum hUM sgra can// sku la zangs khrab dmar po'i 'od kyis mdzes// phyag na mdung dmar me lce lams se lam// ba dan rtse gsum srid gsum g.yab mos 'debs// g.yas nas bskor bas srid gsum dbang du sdud// glad la bskor bas bdud dpung rdul du bzlog/ srog dbugs gzugs la dbang zhing kun gyi drod la khyab// ltas ngan dmigs kyis bsgral ba'i dus la bab// de nas nyung dkar gyi rgyal pos brab la/ oM rak+sha shrI he ru ka/ byi kram ha kram rbad/ de la du na rbad/ de nas bstab ste/ hUM/ 'jigs byed chen po zhal phyes shig khro bo 'bar ba'i zhal du bstab// ma mo chen mo zhal phyes shig/ dam can rgya mtsho'i zhal du bstab// pho nya chen mo zhal phyes shig/ mche gshog nu ma'i zhal du bstab// dge bsnyen chen po zhal phyes shig/ging chen tshogs kyi zhal du bstab// yas kyi bdud g.yos khA hi/ mas kyi sri langs khA hi/ srin po'i dmags tshogs khA hi/ sngags kyi a b+hi tsa ra khA hi/ bya bsad skyibs ngan khA hi/ de nas bya yi skyibs ngan na// hUM/ las kyi pho nya chen mo ste// lcags kyi bya khra chen mo la// dmar mo nyi ma'i mig can zhon// na bza' sprin dmar mched pa la// rdo rje me stag tshom bur 'phro// nyi zer zhags pa spog cing 'phen// snying zan tsit+ta'i dkyil na gnas// shan pa 'bum gyi 'khor gyis bskor// srog zan chen mo'i dus la bab// sder mo khrag gi dreg pa can// gang la bya ba'i snying 'dren ma// rengs par khug la myur du sgrol// bstims la drag sngags 'bar bas gdab// hUM tsir dung tri tsar las la chum chum sod rbad swA hA/ de nas rno dbal tri rtse la// rdo rje gdan gyis bsgral byas te// de nas me long g.yas g.yon gyi bar du srin mo rkang btsug la bsgral/hom khung nang du yu ba gzug za 'og sbud pas gan rkyal bstan// tsit+ta drung phyung lto bar gzhag/ tsit+ta pany+tsa lnga ru bya// rlangs pa nam mkha'i khams su 'khrigs// srid pa mtsho bzhi las bya lung las kyi rgya mtsho las rdzas kyi bzlog thabs te le'u brgyad pa'o//// phra men rgya mtshos yang gsol pa// srid pa'i bskang lung ji ltar lags// rdzogs sangs rgyas la bdag nyan 'tshal// yang dag rdzogs kyis bka' stsal pa// rtsa ba chen mo mdo 'grel dang// nyams na bskang ba'i rim pa'o// rtsa ba la ni 'di lta ste// rgyal po'i bka' rtags rjes su thob// de ni sku yi sa ma ya// bskyed rdzogs sa bon rgyun mi gcad// 'di ni gsung gi sa ma ya// rig pa'i rtsal ni rdo rjer bsgom// 'di ni thugs kyi sa ma ya// rdzas chen gnas su stab pa ni// 'di ni yon tan sa ma ya// rtse gcig mkha' 'gro 'du byed pa// 'di ni phrin las sa ma ya// sdom pa'i dam tshig rnam lnga pa'o// 'di ni yan lag sa ma ya// 'di ni sa gzhi rdo rje ste// 'das na phung byed sreg par 'gyur// ldan na yon tan gter du 'gyur// bskang na gser dngul bzhu ba bzhin// srid pa'i bskang lung las rtsa ba chen po'i mdo 'grel gyi le'u ste dgu pa'o//// bskang ba'i rim pa 'di lta ste// rnal 'byor sdom la mi gnas pas// de tshe srid pa'i ma mo 'khrug/ma mo 'khrug pa'i byad bstan pa// yid du mi 'ong ya nga 'byung// de la gong gi bam gyis bskang// hUM/ nga ni ma mo kun gyi rje// nga ni rgyal ba kun gyi yab// nga ni srid gsum snying rje'i mchog/ nga yi bka' las ma 'da' zhig/hUM// spyi gtsug g.yu yi rdo rje rtse dgu 'bar// g.yu yi ral pas stong gsum khebs// rigs lnga'i sangs rgyas dbu la rdzogs// bdag gi gang ba'i thig le las// bla na med pa'i yab yum gnyis// pha ma med pa'i sngon du byung// sangs rgyas nyid pas shin tu bgres// 'di yi sems dang yul gyis skong// gnyis med sbyor ba'i 'od zer las// mkha' 'gro brtan 'bar sems ma'i mchog/seng ge brjid pa'i dbu mnga' ba// sprin dkar mdzes pa'i na bza' can// 'di yi sha yis thugs dam bskang// yum dang gnyis su med gyur cig/ gti mug nad rnams zhi bar mdzod// gnyis med sbyor ba'i 'od zer las// mkha' 'gro yang gsal sems ma'i mchog/ 'phyo ba khyung gi dbu mnga' ma// ljang nag 'bar ba'i na bza' ni// phrin las lhun gyis grub pa mo// 'di yi dbugs kyis thugs dam bskang// yum dang gnyis su med gyur cig/ phrag dog nad rnams zhi bar mdzod// gnyis med sbyor ba'i 'od zer las// mkha' 'gro gnyen gsal sems ma'i mchog/ mdzes pa chen mo'i dbu mnga' ma// dmar nag 'bar ba'i na bza' can// 'di yi khrag gis thugs dam bskang// yum dang gnyis su med gyur cig/ 'dod chags nad rnams byang bar mdzod// gnyis med sbyor ba'i 'od zer las// mkha' 'gro 'od gsal sems ma'i mchog/brtan pa glang chen sku mnga' ma// bai DUr+ya sngon pa'i na bza' gsol// 'di yi drod kyis thugs dam bskang// yum dang gnyis su med gyur cig/ nga rgyal nad rnams byang bar mdzod// gnyis med sbyor ba'i 'od zer las// mkha' 'gro bkrag gsal sems ma'i mchog/ mi 'gyur rdo rje'i dbu mnga' ma// btso ma gser gyi na bza' can// 'di yi bkrag gis thugs dam bskang// yum gyi thugs dam skong gyur cig/zhe sdang nad rnams zhi bar mdzod/ khams gsum gsang ba'i yum mchog ma// phra men rgya mtsho gsang ba'i yum// rnal 'byor khros pas srid pa sgrol// rdo rje kha T+wAM mtshon cha thogs// 'di yi gser gyi thig les bskang// rdo rje khro mo khams gsum sgrol// sprin dkar mdzes pa'i na bza' can// tsit+ta brgyus pa'i zhags pa 'phen// nyi ma zla ba'i rgyan gyis mdzes// 'di yi thig les thugs dam bskang// rig pa'i yon tan rgyan mnga' ma// snang srid kun gyi b+ha ga'i dbyings// gcig pu kun tu khyab par mdzad// che ba'i nga rgyal bdag nyid ma// 'di yi dwangs mas thugs dam bskang// rdo rje khros pas zhe sdang 'joms// rin chen khros pas nga rgyal 'joms// pad+ma khros pas 'dod chags 'joms// las mchog khros pas phrag dog 'joms// dkar mo ral gcig yab la bzhed// nag mo g.yu yi phod mthing can// dmar mo khrag gi ral gcig ma// ser mo rlung gi go zu can// dwangs ma brgyad kyis thugs dam bskang// srid pa gsum gyi skyed byed ma// 'di yi lte bas thugs dam bskang// bdud rtsi yongs kyi bcud snyoms ma// 'di yi pho bas thugs dam bskang// nag mo ral gcig 'jigs pa'i gzugs// nag mo ral gcig mche ba can// har ti dkar mo 'jigs pa'i gzugs// dun ting nag mo mche ba can// shan ti dmar mo gshog pa can// grub ting ser mo nu ma can// 'di yi gzhung pas thugs dam bskang// zhing lpags g.yang gzhi'i ru mtshon can// dbu brgya spyan stong 'jigs pa'i gzugs// ma yams chen mo gsang ba'i yum// 'di yi srog rtsas thugs dam bskang// dkar mo gser gyi lcags kyu can// dmar mo dung gi zo ba can// srid pa'i me dang rlung gis bskang// rgya mtsho rlob pa'i mthu mo che// ri rab bsnyil ba'i rngam stabs can// mdzes pa'i tshul gyis 'od 'phro ma// brtul zhugs za byed 'jigs pa'i sku// phrin las 'byung po kun 'dul ma// ral pa can gyi 'khor 'dul ma// za byed me za brag gyon ma// dbang po mdun gyi thugs dam bskang// mgyogs ma chen mo lha yi sring// khyung lding ma ni gshin rje'i sring// g.yag mgo ma ni klu yi sring// sder mo can ni gnod sbyin sring// 'phar rtsa bzhi yi thugs dam bskang// spyan gcig lha yi dmag dpon ma// ral gcig gshin rje dmag dpon ma// mchu 'jib klu yi dmag dpon ma// las mkhan gnod sbyin dmag dpon ma// nya sha bzhi yis thugs dam bskang// dkar mo gzugs ldan mdangs mdzes ma// dmar mo me yi mdangs 'phrog ma// sngon mo ral cings glog bas mgyogs// dmar nag rus sbal chibs su bcibs// dmar mo sbal pa nag po zhon// sngo bsangs sha ba chibs su bcibs// ser mo rlung la 'phyo zhing 'gro// ser skya 'phar ba lce brgyad zhon// rnam shes brgyad kyi mdangs 'phrog ma// 'di yi 'bras bus thugs dam bskang// dung gi spyang mo mgo mangs ma// lcags kyi spyang mo mche ba can// zangs kyi spyang mo lce mangs ma// gser gyi 'phang mo mdangs 'phrog ma// 'di yi rus pas thugs dam bskang// lha yi bu mo dung skyong ma// gshin rje'i bu mo dri snoms ma// klu yi bu mo 'od 'phro ma// gnod sbyin bu mo shan pa mo// 'di yi sha yis thugs dam bskang// de ba'i bu mo lha mo dbang// dpal chen bu mo dpal mo dbang// 'jog po'i bu mo klu mo dbang// gnod sbyin bu mo shan pa mo// 'di yi khrag gis thugs dam bskang// dpal chen thugs kyi bka' sdod ma// dkar mo zhi ba'i las byed ma// ser mo rgyas pa'i las byed ma// dmar mo dbang gi las byed ma// ljang mo mngon spyod las byed ma// sgal tshigs 'di yis thugs dam bskang// zlog sgyur chen mo mdzad du gsol// dbang chen mo rnams bskangs pas na// dbang byed pho la mi 'tshal lam// rdzogs sangs rgyas kyis bka' stsal pa// tshangs pa chen po mgo lnga pa// 'di yi klad pas thugs dam bskang// klad gzer nad rnams zhi bar mdzod// gnam ging dkar po mig gcig ma// 'di yi mig gis thugs dam bskang// mig gi nad rnams zhi bar mdzod// brgya byin ser skya chen po la// 'di yi snying gis thugs dam bskang// sny-ing nad thams cad zhi bar mdzod// lha chen b+h+riM gi ri ti la// 'di yi mtshan gyis thugs dam bskang// mchu se'i nad rnams zhi bar mdzod// 'khor lo khyab 'jug chen po la// 'di yi lte bas thugs dam bskang// sbo yi nad rnams zhi bar mdzod// lha chen stobs bzang ser skya la// gru mo bzhi yis thugs dam bskang// yan lag nad rnams zhi bar mdzod// skos rje drang dkar chen po la// 'di yi pho bas thugs dam bskang// pho mchin nad rnams zhi bar mdzod// kI la yak+sha chen po la// 'di yi mkhris pas thugs dam bskang// mig ser nad rnams zhi bar mdzod// 'byung rigs spun dgu chen po la// 'di yi srog rtsas thugs dam bskang// stod gzer nad rnams zhi bar mdzod// sa bdag phag chen dregs pa la// 'di yi mchin pas thugs dam bskang/ khrag gzer nad rnams zhi bar mdzod// srid pa'i klu bdud dregs pa la// 'di yi glo bas thugs dam bskang// mdze nad thams cad zhi bar mdzod// nor lha chen po'i bdag nyid la// 'di yi mkhal mas thugs dam bskang// za khu'i nad rnams zhi bar mdzod// rnam sprul rgyal chen rigs bzhi la// yan lag bzhi yis thugs dam bskang// zha grum nad rnams zhi bar mdzod// gshin rje chen po gzugs nyid la// 'di yi gnye mas thugs dam bskang// 'dus pa'i nad rnams zhi bar mdzod// rU tra chen po gzugs nyid la// dam rdzas lnga yis bskang byas pas// smyo 'bog nad rnams zhi bar mdzod// byang sprin dmar po'i gzugs nyid la// 'di yi mcher pas bskang byas pas// mcher nad 'bar ba zhi bar mdzod/ srid pa'i bam skong gi le'u ste bcu pa'o//// srid pa'i ma mo thugs 'khrug ste// lnga brgya dus kyi tha ma la// ma mo'i kha rlangs sprin du 'khrigs// nad kyi bskal pa sna tshogs 'byung// de yi skong lugs ji ltar lags// nyag gcig yab la bdag nyan 'tshal// yang dag rdzogs kyis bka' stsal pa// 'jigs byed chen po'i thugs ka nas// rgya gram 'bar ba'i yi ge yaM du sprul// snying rje chen po'i sa bon baM du sprul// shes rab chen po'i sa bon raM du sprul// btang snyoms chen po'i yi ge ma ru sprul// ye shes chen po'i ri rab swa ru sprul// skye med nam mkha'i ye ge e ru sprul// ri rab ri bdun gling phran 'khor yug bcas// dpag bsam shing dang pad+ma'i shing chen dang// tsun da'i shing dang 'dzam bu'i shing chen dang// sgra sgrogs shing dang bcas pa'i yon tan la// nyi zla gza' skar rgyan rnams rdzogs par ldan// srid pa'i lha bran mang po rang bzhin gnas// srid pa'i chags lugs de ltar chags// sprul pa'i gnas lugs 'di ltar lags// ri rab g.yu yi bum pa la// lha chen tshangs pa chen po dang// kun tu bzang mo thabs cig bzhugs// ri rab bum pa'i shing mtshams su// gnam gyi dkar po mig med dang// rgyal po lnga ru mdangs la gnas// shing dang lo ma'i mtshams su yang// lha chen ser skya chen po dang// rgya mtsho nyi ma'i mdangs su gnas// ri rab bum pa'i lcog bzhi na// lha chen b+h+riM gi ri ti dang/ khros pa'i dbang chen rang bzhin gnas// ri rab phyi yi lcog bzhi la// lha chen 'khor lo khyab 'jug dang// thugs kyi dgyes sde bag la gnas// lha chen stobs bzang ser skya dang// sbas pa'i ma mo bzhi po rnams// gra bzhi dag la rang bzhin gnas// ri rab khong seng sked pa na// skos rje brang dkar chen po dang// chags byed chags snyoms rang bzhin gnas// dpag bsam shing gi rtsa ba na/kA la bdud kyi rgyal po dang// nam mkha'i rgyal mo rang bzhin gnas// dpag bsam shing gi lo ma la// 'byung 'byung rings yang rigs spun dgu'i cho 'phrul dang// e ka chen mo thabs gcig bzhugs// ri rab rmang gi gra bzhi la// sa bdag phag mgo chen po dang// gru 'degs bzhi po thabs cig gnas// srid pa'i rol mtsho bdun po la// phung byed dregs pa'i klu bdun dang// srin mo bdun po thabs cig bzhugs// dpag bsam shing gi sum cha la// de ba nor gyi bdag po dang// 'dod khams ne mtshan rang bzhin gnas// ri rab bang rim bzhi po la// rgyal po chen po sde bzhi dang// las kyi sring bzhi rang bzhin gnas// dpag bsam shing gi rtsa ba na// gshin rje rU tra'i gzugs nyid dang// dbang mo che brgyad rang bzhin gnas// rnal 'byor nyams ni 'khrugs pa dang// sems can kun la sman slad du// bskang ba'i rdzas rnams 'di ltar lags// yang dag rdzogs kyis bka' stsal pa// ma mo bskang ba'i rdzas rnams ni// lha mo yongs 'khyud de bA yis// lha rnams srog gi 'jigs 'gyur nas// ma mo rnams la rdzas phul ba// ri rab g.yu yi bum pa la// shugs kyi rgyal po drug po la// bud med gtso mo drug po bskyon// nyon mongs drug po sbyang ba'i rdzas// ri rab bang rim bar ma la// glang chen gzugs ni bcu bzhi ni// bag chags gti mug sbyang ba'i rdzas// stag gzig la sogs bcu bzhi ni// bag chags nga rgyal sbyang ba'i rdzas/ khyung dang rma bya bcu bzhi ni// bag chags 'dod chags sbyang ba'i rdzas/ khyi dang seng ge bcu bzhi ni// zhe sdang bag chags sbyang ba'i rdzas// ri rab bang rim tha ma la// sems can mi la phan slad du// gnam la 'phur dang chu la 'phyo// sa la skye ba dgu yi rdzas// bzhi brgya rtsa bzhi sbyang ba'i rdzas// nam mkha' dpag bsam shing gi lo ma la// til gong bdud rtsi bum par bcas// sems can srog dang mdangs kyi rdzas// dbang byed pho yi rdzas rnams ni// gser skyems phra men skyogs lnga la// phung po lnga ni sbyang ba'i rdzas// gsal ba'i me mar brgyad po ni// rnam shes tshogs brgyad sbyang ba'i rdzas// dar sna lnga yi ru mtshon ni// dug lnga'i bag chags sbyang ba'i rdzas// stag gi rgyal mtshan 'bar ba ni// nga rgyal ri bo sbyang ba'i rdzas// nyi ma'i 'khor lo 'bar ba ni// ma rig mun pa gsal ba'i rdzas// shwa dang khram shing mang po ni// phung po'i nad rnams sbyang ba'i rdzas// mkhar thabs mda' la sbrul 'khril ba// phung po'i bdud rnams 'joms pa'i rdzas// gur gyi dbye ba gang lags pa// ngo mtshar lha la bdag nyan 'tshal// mda' bzhi rgyal mtshan gnam du ye re re// ye shes bzhi yi me long 'od lam lam// ral gri rgyal mtshan dmag dpon bzhi// srid pa'i gur chen lnga ni ldings se lding// ston zla gsum gyi ngo shed la/ khri gdugs brdal ba'i shar phyogs nas// dar dkar gur phub ldings se lding// de yi sgo khyud g.yas pa la// dri za'i khram thogs ye re re// de yi sgo khyud g.yon pa la// smra bo lag rings rgyangs se rgyang// bzhi zur ma gcig ldems se ldem// zhabs brgyad ma gcig khrigs se khrig/ shar gyi gur bdag sgo phyes shig/dgun zla gsum gyi ngo shed la/ khri gdugs brdal ba'i lho phyogs nas// mthing gi gur phub ldings se lding// de yi sgo khyud g.yas pa la// gshin rje'i khram thogs ye re re// de yi sgo khyud g.yon pa la// smra bo lag rings rgyangs se rgyang// bzhi zur ma gcig ldems se ldem// zhabs brgyad ma gcig khrigs se khrig/ lho yi gur bdag sgo phyes shig/ dpyid zla gsum gyi ngo shed la/ khri gdugs brdal ba'i nub phyogs nas// byi ru'i gur phub ldings se lding// de yi sgo khyud g.yas pa la// klu bdud khram thogs ye re re// de yi sgo khyud g.yon pa la// smra bo lag rings rgyangs se rgyang// bzhi zur ma gcig ldems se ldem// zhabs brgyad ma gcig khrigs se khrig/ nub kyi gur bdag sgo phyes shig/ dbyar zla gsum gyi ngo shed la/ khri gdugs brdal ba'i byang phyogs nas// gser gyi gur phub ldings se lding// de yi sgo khyud g.yas pa la// gnod sbyin khram thogs ye re re// de yi sgo khyud g.yon pa la// smra bo lag rings rgyangs se rgyang// bzhi zur ma gcig ldems se ldem// zhabs brgyad ma gcig khrigs se khrig/ byang gi gur bdag sgo phyes shig/gling bzhi mi la sman slad du// glud kyi bye brag ji ltar lags// yang dag rdzogs kyis bka' stsal pa// lus ngag yid gsum dag bya'i phyir// 'bru sna gsum la rten bcas te// phung po lnga po dag bya'i phyir// snying po lnga yis don mtshon nas// nyon mongs lnga po dag bya'i phyir// rin chen lnga yi zer spras te// dbang po lnga po gsal bya'i phyir// spos chen lnga yi dri yis brgyan// rgyal po chen po'i gzugs gcig la// mgron bu'i so la byu ru'i lce// zho sha'i snying la long tang mig/ mu tig klad la zer mo'i skra// thabs chen lcags la shes rab zangs// yan lag bzhi la ba dan bzhi// rnam shes brgyad la mar me brgyad// g.yas pa rin chen gser dang dngul// g.yon pa byu ru mtshal dang spos// 'bras srang phyed la ma trang gzugs// g.yas su zla ba'i 'khor lo la// g.yon du nyi ma'i 'khor lo bri// phywa dang dmu rje btsan po dang// gnam khyi dkar po ldem pa dang// bdud la re sde 'gong yag dang// btsan la btsan rje yag pa dang// btsan la skyes bu'i lung btsan dang// chu srin rgyal po ku be ra// shan pa byang sprin dmar po dang// lha la Ar+ya dzam b+ha la// dri za zur phud lnga pa dang// rgyal po chen po sde bzhi dang// sa yi lha mo brtan ma dang// nyi pa sad kyi 'khor tshogs dang// snang srid ma mo 'khrug pa la// mthun po'i rdzas chen 'di 'bul na// 'bru sna lnga la ma trang gzugs// mgron bu'i so la sogs pa yi// longs spyod 'phan bzang bcu gsum po// srid pa'i bgegs chen bcu gsum gyis// lhu gsum de ni bcu gsum dang// mgo dang bcu gsum glud du 'bul// srid pa mtsho bzhi las skos byang chen mo'i le'u ste bcu gcig pa'o//// phra men rgya mtshos yang gsol pa// dbang chen rgya mtsho ji ltar lags// yang dag rdzogs kyis bka' stsal pa// rdzogs pa'i thig le chen po dang// rtsa ba sngags kyi snying po bshad// 'bru gsum gser gyi sgom bu ni// shel ltar dag pa'i thig le can// A+oM ni ye shes rdzogs pa'i sku// AHni sna tshogs spros pa'i gsung// mthing nag hUM ni thugs kyi ste// gcig tu gyur pa'i rin po che// skye shi med par sdug bsngal spangs// 'du 'bral med phyag rgya'i mchog/ dus gsum thig le gcig tu 'dus// thig le rnam gsum gcig gi ngang// kun 'dus byang chub sems chen po// rtag chen g.yung drung rgyal ba'i sku// gnas su bgrod pas thabs mchog ste// gzhan nas 'ong ba ma yin te// bsgom pas rang gi sems las 'byung// rnam shes hUM ni rtag pa ste// skur gyur ye shes sems dpa' la// bde chen 'od zer 'phros pas brjid// rdo rje sngon po rtse lnga pa// yab yum gnyis su med pa'i ngang// le brgan hUM gi sbyor ba'i dbyings// kun tu bzang mo bde ba'i mkha'// sangs rgyas sems can gnyis ka'i yum// rdo rje sems dpa' sangs rgyas gtso// 'bras bu gyur pa bde ba'i mchog/ hUM/ kun gzhi bde chen snying po la// sku gyur kun tu bzang po ste// bde chen 'od zer 'phros pas brjid// he ru ka ni za byed pa'o// go ro tsa na 'og min gnas// ma chags pad+ma bde ba'i mkhar// rdo rje rkyang pas spyod pa'i lam// rdo rje rgya gram grub pa'i sa// a dkar skye 'gag med pas dbyings// skyon bral zla ba'i gdan la bzhugs// sgrol ma rlung gis btegs nas su// 'og min gnas mchog khyad par du// kun tu bzang mo'i skur bstan pas// 'gro ba kun gyi dpal du che// dwangs ma chen po'i ye shes te// ye shes chen po nyid kyi gnas// gser gyi nyi ma 'od kyi gtso// 'od kyi thig le nyi ma'i gdan// bcud kyi gtso bo nyid kyi bdag/ rnam shes gtso bo byang chub sems// skyon bral nyid kyi phyag rgya che// sku gyur mngon rdzogs rgyal po la/ khams gsum thams cad sku yi dbyig/ sku las ye shes 'od 'phros pas// gsung lnga mi bzad mdzod du gsal// thugs la ye shes rgya yis btab// rtsa brgyad rtsa bran stong bshad cing// thams cad dbang gi rang bzhin te// bdud rtsi lnga ru rang gnas kyang// stong gi 'jig rten thams cad na// rtogs pa'i mthu dang grub pa'i mthu// rtsal dang ldan pa bsam yas kyang// 'gran zla med pa'i gcig pu nyid/ khams gsum bya ba'i ngang nyid na// phyi dang nang dang gsang ba yi// nor bu rin chen 'bar ba bzhin// kun gyi re skong gcig pu nyid// byang chub sems kyi ngang nyid ni// skyon dang bral bas dag pa nyid// thabs dang shes rab ngang nyid ni// bsgrub pa'i lam du ming btags kyang// ci la mi brten bsgrub dang bral/ khams gsum he yi ngang nyid de// yang dag he ni gcig pu nyid// dgyes pa chen pos stob par bshad// srid gsum khrag gi rang bzhin te// chags pa dbang chen gcig pu nyid// 'thung zhing sdus pa'i sgra ru brjod// snod bcud kha yi rang bzhin te// mtshan ma'i rtog pa ma lus kun// za yin stong pa nyid du bshad// theg pa'i bye brag bsam yas kun// gnas dang gnas kyi khyad par rnams// sa yi khyad par bcu dang gsum// rgyu 'bras khyad par lhun gyis grub// bla med ye shes mchog gi sa// dbang phyug las kyi rgya mtsho las thig le'i le'u ste bcu gnyis pa'o//// rtsa ba'i snying po 'di lta ste// bla med khrag 'thung sku yi snying por gsal// A+oM la 'gro ba lnga yi snying por rdzogs// de la spyi dpal bcu dang ldan// A+oM A+oM A+oM A+oM A+oM A+oM A+oM A+oM A+oM A+oM/ phaT phaT phaT phaT/ AM AM la dwangs ma lnga po rdzogs// bder gshegs gsung gi snying por shar// de la gdeng chen bcu yi dbyings// AM AM AM AM AM AM AM AM AM AM/ phaT phaT phaT phaT/ khrag 'thung thugs kyi snying po la// hUM hUM las ye shes lnga tshan lnga// de la gsang chen bcu dang ldan// hUM hUM hUM hUM hUM hUM hUM hUM hUM hUM/ phaT phaT phaT phaT/ swA swA la 'byung ba lnga po tshang// khrag 'thung yon tan snying po ste// de la rdzogs chen bcu dang ldan/ swa swa swa swa swa swa swa swa swa swa/ phaT phaT phaT phaT/ dbang phyug las kyi rgya mtsho las rtsa ba sngags kyi le'u ste bcu gsum pa'o//// phra men rgya mtshos yang gsol pa// srid pa'i ma mo thugs 'khrugs pas// nad dang mtshon gyi char pa dang// ltas ngan byad kyi dgra thabs dang// dus min 'chi dang mu ge dang// me dang rgyal po'i chad pa 'byung// de yi bskang zlog ji ltar lags// yang dag rdzogs kyis bka' stsal pa// de yi bskang lugs bstan pa ni// srog gis bskang ba 'di ltar ro// hUM/ sku ru bla med khrag 'thung brjid// gzungs mar dpal 'bar khro mo rtse// sems su mkha' 'gro rnam lnga gsal// rgyan du 'od chen sna tshogs brjid// 'khor du gsang ba'i yum bzhi gdung// yul dang thugs kyi dgyes sde shar// gnas su khros pa'i dbang chen bzang// khri ru chags byed chags snyoms spags// gdeng du bu mo spun drug che// mchod par srin mo bdun mo bzang// gter du gar gyi mkha' 'gro sbas// mkha' la bu mo spun gnyis 'gro// thugs rje las kyi srin mo che// dpung rnams dmag gi rgyal mos 'joms// bka' bzhin las kyi dbang phyug mdzad// yum chen thugs kyi cho 'phrul las// 'byung ba lnga yi cho 'phrul 'byung// 'byung ba sa yi ngo bo la// rnam snang gsal gyi ngo bor gsal// shel dkar dgu brtsegs 'bar ba'i nang shed nas// rnam par snang mdzad sku ni phyed nub tsam// me long lta bu'i ye shes rang bzhin shar// 'byung ba rlung gi rang bzhin las// yang gsal g.yos kyi ngo bor sprul// rgya gram dgu brtsegs 'bar ba'i nang nas ni// don yod grub pa'i sku ni phyed nub tsam// bya ba nan tan ye shes rang bzhin shar// 'byung ba chu yi rang bzhin las// gnyen gsal 'bar gyi ngo bor sprul// byu ru dgu brtsegs 'bar ba'i nang shed nas// 'od dpag med pa'i sku ni phyed nub tsam// so sor rtogs pa'i ye shes rang bzhin shar// 'byung ba me yi rang bzhin las// 'od gsal 'bar ba'i ngo bor sprul// mu men dgu brtsegs 'bar ba'i nang nas ni// rin chen 'byung ldan sku ni phyed nub tsam// mnyam pa nyid kyi ye shes rang bzhin shar// 'byung ba nam mkha'i rang bzhin las// bkrag gsal gnyen gyi ngo bor sprul// rdo rje dgu brtsegs 'bar ba'i nang nas ni// mi bskyod pa yi sku ni phyed nub tsam// chos kyi dbyings kyi ye shes rang bzhin shar// srog chags bkrag dang mdangs nyams na// bskang ba'i cho ga 'di ltar lags// yang dag rdzogs kyis bka' stsal pa// hUM/ nag mo g.yu yi kha ran can// mkha' klong yum gyi rdzas su 'bul// tshon lngas mdzes pa'i rgya ran la// mdangs ldan dar gyis brgyan pa ni// rgyal mo lnga yi thugs dam bskang// nam mkha' shel mig bcu bzhi la// tshon lnga gzhan gyis spras pa ni// phra men rgya mtsho la sogs te// rje mo bcu bzhi'i rdzas su 'bul// nag mo rgyar na g.yu chag can// srid pa chags byed rdzas su 'bul// ser mo dar dkar kha chag can// cha snyoms ma yi rdzas su 'bul// dkar mo gser gyi mtha' chag can/ e ka tsa ti'i rdzas su 'bul// sngon mo dung gi mtha' chag can// nam mkha' rgyal mo'i rdzas su 'bul// ljang mo sna tshogs mig mangs ris// gling bzhi spyi phud rdzas su 'bul// gser mig sna tshogs mtha' chag can// dmag dpon rgyal mo'i rdzas su 'bul// g.yu mig tshon lnga gzhan gyis spras// gru 'degs chen mo'i rdzas su 'bul// dmar mo khrag gi pho mthing can// srin mo chen mo'i rdzas su 'bul// nag mo g.yu yi pho mthing can// sa bdag chen mo'i rdzas su 'bul// sngon mo g.yu yi gzha' tshon ris// rdo rje gar dbang rdzas su 'bul// shel mi gser gyi pho mthing can// srin mo bzhi yi rdzas su 'bul// dkar mo bdun dang ser mo bdun// dmar mo bdun dang ljang mo bdun// nyi shu rtsa brgyad rdzas su 'bul// g.yu mig dung gi cha ga can// brtan ma bcu gnyis rdzas su 'bul// hUM/ ri rab g.yu yi zom rtse la// gsang ba'i yum gcig mkha' 'gro ma// rnam par rtog bral kun bzang mo// skye med ma mo kun tu bzang// sku med ma mo rtog bral sku// sku med kun tu bzang mo la// bya chen khyung gi gzugs po che// dug lnga rags pas gzugs po che/ khyung gi gzugs kyis thugs dam bskang/khyung gi sgo nga g.yu sgong 'bar// srog med gzugs kyis thugs dam bskang/ khyung gi gshog 'dab dkar la 'tsher/ khyung gi mdangs kyis thugs dam bskang// gsang ba'i mkha' klong yum gyi b+ha ga las// sems can las kyi sku ni mtshon pa ste// sems kyi rang bzhin 'od gsal ma// skyon gyis ma bsgribs 'od gsal ma// glang chen gzugs kyis thugs dam bskang// gti mug rags pa'i gzugs po che// e na ya ni gzugs kyis bzlog/ gi'u waM bdud rtsi sman gyi mchog/ stobs bcu glang chen thugs dam bskang// thams cad snyoms mdzad kun gyi yum// gsang ba'i gnas nas phrag dog 'joms// ye shes don gsal lhun gyis grub// thogs med khyung gis thugs dam bskang// phrag dog rlung gi mkha' la 'phyo// shes rab mthar phyin khyung chen gzugs/ khyung gi dbyugs kyang gzugs kyis thugs dam bskang// hUM/ thams cad sbyor mdzad yum mchog sku// sbyor ba mthar phyin dbyings su gsal// mkha' la rlung chen pho brang nas// thugs rjes 'byung ba'i skur bzhengs shig/mdangs ldan phung kas thugs dam bskang// 'dod chags gzugs ni 'od 'bar sku// chags pa'i 'bras bur mdangs su shar// chags pa'i nad kyis zin pa la// rma bya mdongs ldan khrag gis bskang// skye med mo ni lhun rdzogs sku// shes rab gsal ba'i rang bzhin gsung// thabs la mkhas pa'i ye shes thugs// gang gis mi bskyod gsal ba'i spyan// rdzu 'phrul mdangs ldan drod kyis bskang// nga rgyal rags pa'i rdzu 'phrul gzugs// dar du drag cing mdangs su che// 'di yi drod kyis thugs dam bskang// mkha' la glang chen pho brang nas// kun du byang chub sems chen po// rtog bral nam mkha'i mdangs can ma// skye 'gag med pa'i mdangs kyi bdag/ zhe sdang rags pa'i gzugs kyis bskang// rtsal gsum khyon du rdzogs pa yi// stobs kyis gcan gzan zil gyis gnon// 'di yi sems kyis thums dam bskang// ri rab g.yu yi bum rtse la// rin chen g.yu mig ser gyis spras// le brgan 'bar ba'i gdugs kyis bkab// phra men skyogs lnga'i mdangs kyis mdzes// rigs dang mthun pa'i ru mtshon lnga// phyogs bzhi dbus dang lnga la'o// mdangs dang dkrag gis thugs dam bskang// gcan gzan rgyal po drug po la// dkar la mdzes pa'i rgyan gyis brgyan// mkha' drug rgyal mo'i thugs dam bskang// hUM/ lhun gyis grub pa'i bdag nyid can// thig le 'od kyi klong dkyil nas// dpal 'bar nyag gcig sems ma'i sku// thugs rje sna tshogs dbyings nas 'char// gzhogs phyed na zhing dbugs mi bde// rma bya'i bu mo ha lo mgrin// skyin dkar g.yang zhus thugs dam bskang// ji ltar snang ba'i bdag nyid sku// nyi ma 'bum gyi 'od zer can// kun la khyab gdal 'od gsal can// ma skyes dbyings nas phyag rgyar gsal// ha phreng 'bar ba'i gzu thog lcam// thang dkar g.yang zhus thugs dam bskang// skrang 'bur nad rnams zhi bar mdzod// hUM/ skye 'gro ma lus gso mdzad ma// 'gro ba gsal ba'i mig gcig ma// b+ha ga gsal ba'i lhun rdzogs ma// dug gsum gsol mdzad khyab pa mo// ri skegs mdangs kyis thugs dam bskang// hUM/ mtshan ma'i rnam rtog lhun rdzogs sku// lta ba 'gyur med byang chub sems// spyod pa spros med spros dang bral// ma byung ma skyes dbyings nas gsal// shang shang mdangs kyis thugs dam bskang// rnam rtog spros bral mtshan med sku// stong pa 'gyur med kun la khyab// khyab gdal chen po sbas pa'i sku// ye shes thugs yang sbas pa'i sems// gsung snyan ni tsos thugs dam bskang// hUM/ dbyings kyi ma mo skye med ma// rnal 'byor rig pa'i thugs mtshon ma// dam tshig nyams pa'i rjes gcod ma/ khu byug mdangs kyis thugs dam bskang// zhe sdang rnam dag khros pa'i sku// gtso mo chen mo dbyings nas gsal// ci la thogs med spyod pa mo// kun gzhi dbyings nas dbyings su sbyor// mkha' lding mdangs kyis thugs dam bskang// ji ltar thogs med lhun rdzogs sku// nga phrag dog yang rgyal khros pa'i thugs mchog ma// skyon bral rnam rtog spros med ma// sems nyid mi 'gyur chos kyi dbyings// gser mig mdangs kyis thugs dam bskang// dbyings nas sku 'khrungs gsang ba'i yum// brtson 'grus lhun grub mthar phyin ma// rang bzhin 'od gsal sems ma'i mchog/ snang ba thams cad chos kyi dbyings// glang po'i mdangs kyis thugs dam bskang// gsang ba'i b+ha ga'i mkha' dbyings nas// mtshan med mi 'gyur nam mkha'i sku// skyon gyis ma bsgribs dag pa'i gsung// thabs dang shes rab gnyis med thugs// snar snang ba dkar dmar byung mo rkang mar mdangs kyis bskang// glang thabs nad rnams zhi bar mdzod// hUM gsang ba'i dbyings las gter 'chang ma// gza' skar rdzogs pa'i rgyan mnga' zhing// rang bzhin lhun gyis grub pa'i sku// gting dpag med pa'i dbyings nas shar// nam mkha' han gyi thugs dam bskang// srid pa'i dbang sgyur mthu mo che// shin tu rnyed dka' gsang ba'i yum// rang bzhin 'od gsal klong du 'khyil// rgyal ba'i sku dang ye nas mnyam// gshog sder lto 'gro'i mdangs kyis bskang// rnam grol ma rig mun pa sel// ye shes lnga ldan gsal ba'i thugs// mkhar ltar yangs pa'i thugs mnga' ma// sbed byed mdangs kyis thugs dam bskang// gsang ba'i 'od 'bar bkrag chen ldan// sus kyang ma rtogs gsang ba'i yum// skye med dbyings nas shar ba'i sku// sems can las kyi mdangs 'phrog ma// de ba hi ta'i mdangs kyis bskang// mdongs pa'i nad rnams zhi bar mdzad// ye shes rje mo bcu bzhi la// thun mong mthun pa'i rdzas kyis bskang// glang chen stag dang gzig la sogs// ku ku ra tsa'i gzugs sogs dang// bcu bzhi phrag bzhis thugs dam bskang// stag mo dar ma'i mche ba ni// zhe sdang za byed kha 'bar ma// ltag par rdo rje rtse lnga 'bar// gzha' tshon 'bar ba'i ri mo can// ye shes rje mo'i thugs dam bskang// hUM/ khams gsum za ba'i mnga' bdag mo// tshogs kyi gtso mo 'jigs pa'i sku// g.yang gzhi ru mtshon phyar nas su// na tsho za byed chen mo la// nges med ldem bu'i snyigs mas bskang// mkhal sked nad rnams zhi bar mdzod// thig le bcud bsdus dkyil 'khor nas// gdong brgya 'jigs pa'i cha lugs la// stag lpags g.yang gzhi'i na bza' can// snyoms byed chen mo 'jigs pa'i sku// gzi chen ldir ba'i snyigs mas bskang// pho mchin nad rnams zhi bar mdzod// 'jigs pa tshangs pa'i rtse la gnas// sprin dkar mdzes pa'i na bza' can// b+han d+ha stod skor glad la sdeb// ral gcig mi bzad 'jigs pa'i sku// byi kra tri yi snyigs mas bskang// ske mjing nad rnams zhi bar mdzod// hUM/ me ri gru gsum 'bar ba nas// srid pa'i drod la nyul byed ma// mu trig zar bu gos su gsol// bde ba chen po'i gnas nyul ma// be ta li ka'i snyigs mas bskang// chu so'i nad rnams zhi bar mdzod// zla gam rlung gi dkyil 'khor nas// nyag gcig dkar mo mdzes ma la// gur gum lcag yu glad la bskor// dngas ma'i gnas rnams nyul byed ma// gor ra ha ta'i thugs dam bskang// lgang pa'i nad rnams zhi bar mdzod// zla gam dbang gi dkyil 'khor nas// dkar mo ral pa 'khyil ba mo/ kha T+wAM ga yi mtshon cha thogs// shin tu 'jigs pa'i sku mnga' ma// ku ku ra tsa'i snyigs mas bskang// stod gzer nad rnams zhi bar mdzod// sog kha gdengs pa'i dkyil 'khor nas// nag mo mche ba'i dpung rgyan can// 'khor lo 'bar ba lag na thogs// shin tu 'jigs pa'i sku mnga' ma// myur ba srid 'gro'i snyigs mas bskang// rgyu gzer nad rnams zhi bar mdzod// rgya mtsho zlum po'i dkyil 'khor nas// dmar po khrag gi pho mthing can// rgya mtsho chen po glad la bskor// bshan pa 'bum gyi dbus nas 'gyings// brtson 'grus wa yi snyigs mas bskang// mdze shu'i nad rnams zhi bar mdzod// hUM/ rlung nag 'khrug pa'i dkyil 'khor nas// ser mo rlung gi go zu can// shin tu mi bzad 'jigs pa'i sku// mi kri bya kri'i snyigs mas bskang// lhog nad skam pa zhi bar mdzod// hUM/ nam mkha' yangs pa'i dkyil 'khor nas// sku ni dkar mo mdzes pa la// lag na dar dkar ru mtshon bsnams// 'joms byed chen mo las kyi yum// dge bsnyen chas su zhugs pas bskang// dmyal ba'i nad rnams zhi bar mdzod// mthing nag 'bar ba'i dkyil 'khor nas// nag mo lcags kyi ral pa can// dar nag ru mtshon lag na 'phyar// 'joms byed chen mo las kyi yum// dge bsnyen chas su zhugs pas bskang// drag shul gzer nad zhi bar mdzod// le brgan dar gyi nang shed nas// dmar mo khrag gi mchu 'jibs ma// dar dmar ru mtshon phyar nas su// 'joms byed chen mo las kyi yum// dge bsnyen chas su zhugs pas bskang// smyo 'bog nad rnams zhi bar mdzod// ljang nag 'bar ba'i dkyil 'khor nas// ser mo rlung gi ral gri'i so// lag na dar ser ru mtshon thogs// 'joms byed chen mo las kyi yum// dge bsnyen chas su zhugs pas bskang// tsha ba'i nad rnams zhi bar mdzod// hUM/ thugs rje dbyings kyi dkyil 'khor nas// me long ye shes rig pa gsal// mgyogs ma chen mo lha yi sring// dung sgong 'bar bas thugs dam bskang// snying nad 'bar ba zhi bar mdzod// rig pa rtsal gyi dkyil 'khor nas// mnyam nyid ye shes rig pa gsal/ khyung chen lding ba gshin rje'i sring// gser sgong ser pos thugs dam bskang// snying nad 'bar ba zhi bar mdzod// chags pa dbang gi dkyil 'khor nas// so sor rtogs pa'i ye shes gsal// dmar mo klu yi sring gcig ma// zangs sgong dmar pos thugs dam bskang// snying nad 'bar ba zhi bar mdzod// phrag dog las kyi dkyil 'khor nas// bya ba grub pa'i ye shes gsal// nag mo gnod sbyin sring mo ste// bse sgong khra bos thugs dam bskang// snying chu'i nad rnams zhi bar mdzod// lcags mkhar gru gsum 'bar ba na// nag mo ral pas stong gsum khebs// snying zan tsit+ta'i dkyil na bzhugs// bdud kyi ru mtshon phyar nas su// srid pa'i lha 'dre dam la sdud// nges med da ru rtse'i yang cha'i 'bras bus bskang// 'od gsal rma bya'i gdugs kyis bskang// mig ser nad rnams zhi bar mdzod// hUM/ khrag gi rgya mtsho'i klong dkyil nas// srin mo 'dod chags mi bzad ma// bya rgod dar ma'i snying gis bskang// sgrib byed nad rnams zhi bar mdzod// 'od phung 'khrigs pa'i dkyil 'khor nas// srin mo 'khor 'dul mi bzad ma// gtsos mo dar ma'i khrag gis bskang// glo bur nad rnams zhi bar mdzod// nam mkha' yangs pa'i dkyil 'khor nas// srin mo nam mkha'i cha byad can// spyang mo dar ma'i lce yis bskang// lce nad 'bar ba zhi bar mdzod// gcan gzan spungs pa'i dkyil 'khor nas// 'khor 'dul chen mo sku sprul nas// phag rgod 'bar ba'i mkhal mas bskang// 'on pa'i nad rnams zhi bar mdzod// gzha' tshon 'bar ba'i dkyil 'khor nas// srin mo kha 'bar stong gsum grags// 'phar ba rkan rdebs 'bras bus bskang// za khu'i nad rnams zhi bar mdzod// 'dab chags mang po'i dkyil 'khor nas// srin mo nag mo gshol thogs ma// dred mo 'bar ba'i mcher bas bskang// mcher ba'i mkhun nad zhi bar mdzod// bud med mang po'i dkyil 'khor nas// srin mo spyang gdong dbugs 'phrog ma// bya gcan gsod byed mkhris pas bskang// mkhris nad 'bar ba zhi bar mdzod// hUM/ lcags mkhar dgu brtsegs 'bar ba nas// nag mo mi bzad 'dzem bag med// drib len btsos rka'i mgo bos bskang// 'brum bu'i nad rnams zhi bar mdzod// hUM/ sbrul nag gdengs pa'i dkyil 'khor nas// 'brog mo 'bum gyi kha blon mo// tsu nad rigs pas thugs dam bskang// sha bkra'i nad rnams zhi bar mdzad// hUM/ dud mkhar zo ba'i nang shed nas// dkar mo nyag gcig sems ma'i mchog/ g.yu bya sngon mo sna tshogs mdog/ spyan ni bskal pa'i me dbal 'bar// gsung gis khams gsum gnad la 'dor// sder mo lcags kyu 'dril ba 'dra// gshog 'dab yi ge dza bris pas// rmu yi tshogs rnams 'dul bar mdzad// lkugs pa'i nad rnams zhi bar mdzod// mthing gi gur phub lding pa nas// sngon mo g.yu yi ral pa can// bdud bya nag mo lcags mig ma// mchu ni byu ru 'bar ba la// skad ni srin po'i gdangs skad can// gshog rlabs lha srin dbang du sdud// srid pa bya yi ltogs rtogs 'dod yang nad can// 'di yi khrag gis thugs dam bskang// smra ba'i nad rnams zhi bar mdzod// byu ru'i gur phub lding pa na// dmar mo dung shing mkha' la 'gro// dur khrod lha srin gdug pa'i bya// gser mig 'khyil pa'i 'od 'phro zhing// za 'og 'jol ber lus la gon// srog chags dngangs pa'i gdangs skad can// lha srin 'dul ba'i bya skad can// 'phyo zhing sbregs pa'i nad rnams zhi bar mdzod// gser mkhar gru bzhi spras pa na// ser mo 'phur ba'i lding stabs can// mon bya ti pa byu ru'i rwa// btso ma gser gyi slag pa la// skad ni nam mkha'i gdangs la sgrogs// 'dod chags rgyal mo 'di yis bskang// glo sub nad rnams zhi bar mdzod// hUM/ shar phyogs nam mkha'i dkyil yangs nas// dpal gyi mdangs 'phrog na bza'i gzi// dri za mgo bcad khrag gis bskang// lho phyogs nam mkha'i dkyil yangs nas// dpal gyi khrag 'phrog nam mkha'i gzi// gshin rje'i mgo bcad khrag gis bskang// nub phyogs nam mkha'i dkyil yangs nas// dpal gyi drod 'phrog nam mkha'i gzi// klu bdud mgo bcad khrag gis bskang// byang phyogs nam mkha'i dkyil yangs nas// dpal gyi drod 'phrog nam mkha'i gzi// gnod sbyin mgo bcad khrag gis bskang// nam mkha'i khams kyi glog ma srin// dam sri 'di yi thod pas bskang// bar snang khams kyi glog ma srin// dam sri 'di yi snying gis bskang// sa yi phung byed nag mo ste// dam sri 'di yi 'bras bus bskang// byang shar stag sman zor ba gdong// 'di yi lag pa g.yas pas bskang// nub byang bam srin dred mo'i gdong// 'di yi lag pa g.yon pas bskang// lho nub 'brog srin chu srin gdong// 'di yi rkang pa g.yas pas bskang// shar lho ba lam dre'u sna ma// 'di yi rkang pa g.yon pas bskang// dung gi spyang mo mgo dgu ma// spyang mo dar ma'i snying gis bskang// lcags kyi khyi mo mgo dgu ma// spyang mo dar ma'i snying gis bskang// lcags kyi spyang mo mgo dgu ma// lcags kyi khyi mo'i snying gis bskang// zangs kyi 'phar ba lce brgyad ma// 'phar ba rkan rdeb snying gis bskang// gser gyi wa mo rdzu 'phrul can// wa mo 'di yi snying gis bskang// lha yi bu mo mdangs 'phrog ma// nges med 'di yi sha yis bskang// gshin rje'i bu mo dri snom ma// nges med 'di yi khrag gis bskang// klu yi bu mo khrag 'jibs ma// nges med 'di yi rus pas bskang// gnod sbyin bu mo las 'khan ma// nges med 'di yi dbugs kyis bskang// lha chen bu mo lha mo dbang// 'di yi khrag gis thugs dam bskang// dpal chen bu mo dpal mo dbang// 'di yi khrag gis thugs dam bskang// gnod sbyin bu mo legs mo dbang// 'di yi khrag gis thugs dam bskang// 'jog po'i bu mo klu mo dbang// 'di yi khrag gis thugs dam bskang// tshangs ma rdo rje mgo bzhi ma/ khro mo rdo rje gzig gi mgo khyab 'jug rdo rje dred mo'i mgo/ gzhon nu rdo rje pha wang mgo/ dbang mo rdo rje dom gyi mgo/nag mo rdo rje khyung gi mgo/ dbang mo rdo rje dred kyi mgo/ shar phyogs gling khams zla gam du// dar dkar phyar ba gsar gting nas// rta dang bong bu dre'u dang rkyang// rmig pa zlum por gtogs pa'i rigs// shar gyi ma bdun thugs dam bskang// phung po'i nad rnams zhi bar mdzod// chu lha rdo rje chu srin mgo/ be con rdo rje phra yi mgo/ srin mo rdo rje stag gi mgo/ za ba rdo rje phag gi mgo/ gcig spyod rdo rje bya rgod mgo khrag 'thung rdo rje rta yi mgo/phrag dog rdo rje gzig gi mgo/ lho phyogs gling khams sog kha la// mthing nag phyar ba gsar bting nas// ba dang mdze dang sha ba gnag/ rmig pa kha brag gtogs pa'i rigs// lho phyogs ma bdun thugs dam bskang// tshor ba'i nad rnams zhi bar mdzod// grub pa rdo rje pu shud mgo/ rlung mo rdo rje sha ba'i mgo/ bum pa rdo rje seng ge'i mgo/ gsod byed rdo rje spyang ki'i mgo/ mi mo rdo rje kyung ka'i mgo/gtum mo rdo rje phag gi mgo/ rgan byed rdo rje khyung gi mgo/ nub phyogs gling khams zlum po ru// dar dmar phyar ba gsar gting nas// 'dam zan ma ni sha zan dang// sgum thu la sogs rigs gsum pa// sbrul dang sdig pa la sogs pas// nub phyogs ma bdun thugs dam bskang// 'du shes nad rnams zhi bar mdzod// sna tshogs rdo rje ba glang mgo/ klu mo rdo rje sbrul gyi mgo/ bdag nyid rdo rje kun grags ma// bum sna rdo rje srin mo'i mgo/ dmar ser rdo rje ra yi mgo/ bum sna rdo rje sprel gyi mgo/ ljang nag rdo rje 'ug pa'i mgo/ byang phyogs gling khams gru bzhi la// dar ser phyar ba gsar bting na// spra dang sprel dang shang shang dang// mi la sogs te gdong pa can// byang phyogs ma bdun thugs dam bskong// 'du byed nad rnams zhi bar mdzod// sman phran yongs kyi bka' sdod ma// bod khams skyong bar mtshan grags pa'i// phra men gser skyems mchod pas bskang// rims nad thams cad zhi bar mdzod// ri rab gling bzhi'i gtor ma ni// rdo rje rgya gram mig mang ris// rin chen sna lnga rim brtsegs tshul// dpag bsam shing bu bdud rtsi'i bcud// lha srin sde brgyad bskor phyag 'tshal// tsu ta'i shing dang gel pa'i shing// 'dzam bu'i shing dang sgra sgrogs pa// phyogs bzhir byu ru'i skas btsugs nas// gtor thogs gzhong thogs lha bran rnams// byang chub shing la skyes shing mchod// ri bdun bang rim brtsegs pa'i tshul// ro drug rgya mtsho sna tshogs mdog/ bum pa bdud rtsi chu mig zhi// lha ru grags pa'i gsos su che// lcags ri 'bar ba'i mtha' bskor can// srid pa pho rgyud mo rgyud dang// ma mor grags pa kun gyi gnas// sprul pa'i 'khor lo thams cad la// snang srid gzugs kyis bskang byas pas// yon tan nam mkha'i mtha' dang mnyam// mchog dang thun mong dngos grub thob// bskang lung las kyi rgya mtsho las srid pa'i srog skong gi le'u ste bcu bzhi pa'o//// phra men rgya mtshos yang gsol pa// shin tu byin rlabs chen po dang ldan pa'i he ru ka la/dbang bskur ba'i rim pa 'di/ dus 'dir bdag la bstan du gsol// yang dag rdzogs kyis bka' stsal pa// dbyar dgun ston dpyid ra ba yi// brgyad dang gnam stong nya la bskur// sangs rgyas kun la dbang bskur zhing// srid pa gsum la dbang sgyur zhing// mkha' 'gro dbang phyug dbang du sdud// 'jig rten dgos pa thams cad 'grub// dbang bskur gnang ba ma thob par// gang zhig sngags la 'jug bya dang// nyan dang sgrub pa byed pa rnams// 'khor lo srog shing me dang 'dra// ngo bo nyi shu rtsa gcig ste// rdo rje rgyal po'i dbang dang ni// rdo rje slob dpon gyi dbang dang/ 'bar ba chen po'i dbang dang/'khor lo sgyur ba'i dbang dang/ rgyal thebs spyi blugs kyi dbang dang/ rdo rje rgyal thebs kyi dbang dang/ karma'i dbang dang/ ging gi dbang dang/ nyan pa'i dbang dang/ phrin las mthar phyin gyi dbang dang// thabs dang shes rab kyi dbang dang/ rdo rje tshe'i dbang dang/ dngos grub rnam gsum gyi dbang dang/ mthu stobs phun sum tshogs pa'i dbang dang/ 'chad pa'i dbang dang/ de bI yum gyi dbang dang/rgyan chas rtags kyi dbang dang/ longs spyod rdzas kyi dbang dang/ rol pa chen po'i dbang dang/ phyi nang gsang ba'i dbang ngo// thog mar bdag la gang gnang ba// de ni slob ma de la sbyin// phrin las gzhung thub 'dzin pa la// rang rtags rdo rje dril bu sbyin// sgrub pa'i don mchog lhur len par// rdzas mchog bzang po'i dbang rtags sbyin// 'chad cing ston par byed pa la// gser gyi glegs bam bzang po sbyin// bsgom pa'i dbang dang ldan pa la// rin po che yi phreng ba sbyin// zab mo'i dbang mchog ldan pa la// mthing ga le brgan cod pan sbyin// bla ma mchod pa'i rim pa la// 'dzam gling rin chen gang ba dang// rta dang glang po dud 'gro'i tshogs// rdza dang shing las skyes pa yi// de yi grangs de dbul bar bya// 'di dang ldan pa'i bu mchog ni// sangs rgyas sems can thams cad la// yid ci dga' bar dbang yang bskur// ma mo mkha' 'gro bran bzhin khol// tshe dang longs spyod phun sum tshogs// ngan song gsum po kun spangs nas// bla med 'bras bu thob par 'gyur// tshe zad 'chi bar nges pa yang// tshe dpag med pa thub par 'gyur// dbang phyug las kyi rgya mtsho las dbang gi le'u ste bco lnga pa'o//// bzhi bsdus pa yi dkyil 'khor nas// rtsa brgyad stong dang tsakra brgyad// snying po gnyis te rdzogs pa'i lung// rim gyis bshad de bye brag dbye// grub pa'i mchog ste spyod pas bstan// mthar gyis bgrod de gnas su byung// de la hUM nyid ring por spros// thig bzhi ldan pa'i dkyil 'khor nas// kun nas zlum pa'i thig le ni// bzlas pas skye shi sdug bsngal spangs// shrI ma hA su kha badzra bo ng+hi hUM ho// lta spyod rnam bzhis thag bcad de// chags sdang rnam gnyis rtsad bcad nas// bag chags rnam gnyis dbyings su dgod// nga rgyal phrag dog gnas 'gyur te// sgom sgrub rnam gnyis rnam par spangs// gti mug chen po yang dag nyid// yang dag sku lnga mngon par shar// de la gsung lnga yang dag grags// de la thugs lnga rtog pa med// yon tan lnga yang mngon par shar// phrin las lnga yang yang dag mdzad// de la bla med he ru ka/ dpal 'bar kro TI shwa rI'i sku// sbyor bas skye shi rtsa ba gcod// bcu drug sa la ma mngon par phyin// dbang phyug las kyi rgya mtsho las bzhi bsdus thig le'i le'u ste bcu drug pa'o//// khru brgyad pa yi dkyil 'khor du// sbyang dang bsrung ba'i las rnams bya// srad bu tshon gyi cho ga bya// 'og gzhi 'khor lo rtsibs bzhi bri// dbus su 'khor lo rtsibs bzhi la// dbus su hUM muM yab yum bskyed// oM sarba ta thA ga ta shrI he ru ka hUM phaT/ dbu dgu phyag ni bco brgyad la// zhabs kyang rnam pa brgyad du bstan// gshog pa rdo rje 'bar bas gtam// dur khrod chas brgyad sku la rdzogs// kro tI shwa rI sa ma ya hUM phaT/ yab dang gnyis su med pa ste// cha lugs thams cad gtso dang mthun// 'khor lo bzhi la gsang ba'i yum// tsa ra ma nu phaT/rat+na da ru phaT/ pad+ma gur pa ya phaT/ gar se traM ta ya phaT/ dkar mo nyi ma'i ga'u can// ser mo rin chen 'od 'bar ma// dmar mo pad+ma'i bcud 'dzin ma// ljang mo rdo rje rgya gram can// phyi yi shar gyi 'khor lo la// dngul gyi phur pa bcu po dang// sgo bzhir mchog gi phur pa bzhi// yab yum mkha' nas khro bcu dgod// sgo bzhir ta krita bzhi po dgod// badzra gar b+ha kI la ya phaT/ rat+na gar b+ha kI la ya phaT/ pad+ma gar b+ha kI la ya phaT/ karma gar b+ha kI la ya phaT/ mai tri kI la ya phaT/ ka ru Na gar b+ha kI la ya phaT/ lo ka kI la ya phaT/ bi ru kI la phaT/ gar b+ha kI la ya phaT/ yag+sha kI la ya phaT/ sarba du sha phaT/ sing+ha shi ri phaT/gar sha he phaT/ dzag sha phaT/ oM ma hA shU'u n+ya tA dz+nyA na badzra swa b+hA At+ma kou0f85haM/ A dar+sha a haM/ sa man ta a haM/ pra ti bek+Sha Na a haM/ kr-it+yA nuSh+Tha na a hAM/ kA ya badzra swa b+hA ba A t+ma kou0f85haM/wA ka badzra swa b+hA ba At+ma kou0f85haM/ tsit+ta badzra swa b+hA ba At+ma kou0f85haM/ dzaHhUM baMhoH thugs rje byams snyoms 'gyur ba med pa'i sku// hUM lnga 'brel ba'i gsung las 'gro don mdzad// thugs lnga mi rtog cir yang sa ler mkhyen// sku gs ung thugs kyi gtso la phyag 'tshal bstod// thugs rje dbyings rdzogs k+ta'i rgya mtsho 'khol// dpal chen khro tshogs zhal du mchod par bzhes// dam rdzas rnam lnga rang byung bdud rtsi lnga// dug lnga bcom pas ye shes mchod par bzhes// srid pa'i sha chen spungs pa'i ba liMta// 'khor yug rtogs pa'i mchod pa chen por bzhes// de nas thugs kyi bsnyen pa bya// oM shrI he ru ka kro tI shwa rI kI la ya hUM phaT/ shar gyi 'khor lo'i lte ba la// ling+ga 'od 'bar nub tu bstan// sna tshogs dri yi thag pas gdags// rten dang mtshan ma snying dang bral// chos nyid bka' yi bden pa bdar// gsum ldan don dang ldan byas te// dril cing 'byung ba gsum gyis sbyang// dmigs pa'i phyogs bcur khyab par bya// lhu dum phral te zos bsam nas// de nas zhi ba'i me la bsreg/ thal ba gnod pa'i sa ru sba// phyi ba'i rkyal par gzugs bcug la// nyi zer zhags pas btags nas ni// rgyal po de la de bas kyang brab par bya// oM shrI he ru ka dan la du na rbad/ kha 'dar ling/ myogs mug rbad phaT swA hA/ shin tu 'gul na thun du 'phang// dbang phyug las kyi rgya mtsho las spyi dpal phur nag gi le'u ste bcu bdun pa'o//// stong pa nyid kyi ngang nyid las// lho yi 'khor lo'i gdan steng du// yab yum mkha' nas oM yang 'od 'phros pas/ khro bcu za byed bzhi ru gsal// gser gyi phur pa bcu dgod nas// sgo bzhir seng ldeng phur pa dgod// yag+sha kI la ya phaT/ rag+sha kI la ya phaT/ bi shwa kI la ya phaT/ bi sha kI la ya phaT/ te sha kI la ya phaT/ ke sha kI la ya phaT/ be sha kI ya ya phaT/bi sha kI la ya phaT// d+h+ri sha kI la ya phaT/ tra sha kI la ya phaT/ ka sha phaT/ bag sha phaT/ ru tri phaT/ rag tri phaT/ dbang dang byin brlab ldan par bya// mchod dang bzlas pa gong bzhin bya// lho yi 'khor lo'i lte ba la// gru bzhi b+ha ga'i dbyings nyid du// bdun dang ldan pa'i gzugs nyid la/ yan lag hUM la gsang bar phaT// snying gar mA ra ya dang ldan// lung gsum ldan na a yis bsdu// steng gi phyogs bcur khyab par sbyangs// yan lag bzhi la ta krita sbyar// gdab pa gong gi sngags kyis gdab// lhu dum phral te bstab par bya// de nas rgyas pa'i sbyin bsreg bya// thal ba gnod pa'i sa ru sba// stag mo dar ma'i rkyal pa ru// gzugs dang dug gi rdzas sbyar la// lcags dang zangs kyi gzer gyis gdab// oM shrI he ru ka/ dur ba kha thun rbad/ rag+sha dza dur b+h+yo// li kra thun tri chum/ srog la yang swA hA/ 'gul na nyi zer rta la bskyon// dbang phyug las kyi rgya mtsho las phur nag gdeng chen gyi le'u ste bco brgyad pa'o//// de nas skad cig gsum pa la// nub kyi 'khor lo'i dkyil nyid du// yab yum thabs dang shes rab las// gsang ba sngags kyis bskyed bya ba// zangs kyi phur pa bcu bkod nas// sgo bzhir skyer ba'i phur pa dgod// hUM kA' ra kI la ya phaT/ bi dza ya kI la ya phaT/ nI la daN+Da kI la ya phaT/ ya mAn ta kI la ya phaT/Ar+ya kI la ya phaT/ ha ya grI wa kI la ya phaT/ a pa ra dzi ta kI la ya phaT/ a mr-i ta kI la ya phaT/ trai lo kya kI la ya phaT/ ma hA ba la kI la ya phaT/ dza la phaT/ ke dur phaT/ rig sha phaT/ ha te phaT/ dbang lnga byin gsum ldan byas nas// mnyes dang bstod pa'i las su bya// bsnyen pa dmigs pa'i don du ldan// nub kyi pad+ma zla gam du// gdug pa drag po'i gzugs nyid la// yan lag lnga po thams cad la// mnan dang sbar ba'i sngags kyis bskor// dza yis drangs shing phaT kyis bstim// nyi zla ldan pa'i rgyal ba yis// rten gyi phyogs bcur sbyar byas nas// hr-IHla hUM gis bsdu byas te// yan lag ta krita sbyar bar bya// lhu dum phral te zos bsam nas// dbang gi sbyin bsreg de bzhin bya// thal ba klu la gtad de gnan// zangs srin glang dmar srog rten du// rten gyi gsal phur drag pos brab// A+oM shrI he ru ka/zir ba kha thun li kri chum/ srog la ya ya/ khrag la thibs swA hA/ dbang phyug las kyi rgya mtsho las phur nag gsang chen gyi le'u ste bcu dgu pa'o//// de nas skad cig bzhi pa la// byang gi 'khor lo'i dkyil nyid du// yab yum thabs dang shes rab las// lcags kyi phur pa nag po bcu// sgo bzhir rgod kyi thig phur dgod/ badzra tra tri da kI la ya/ kha thun ta tra kI la ya/ re ma ra ti kI la ya/ ru sti ru si su tra kI la ya/rag+sha te tra kI la ya/ he te kha rag kI la ya/ da dur pra ti kI la ya/ ru bi su tri kI la ya/ gar b+he lang te kI la ya/ rig sha kro ta kI la ya/ rig sha phaT/ gar b+he phaT/ ru be phaT/ ki ta rad ta phaT/ byin brlab dbang gis mdzes byas nas// mchod dang bzlas pa gong bzhin bya// byang gi pho brang lte ba la// ma taM bzhi yi ling+ga la// lus kyi phyogs su nges par sbyar// ta krita yan lag bzhi la'o// hUM gis a yi 'od bsdus nas// mkha' la bab nas phaT kyis spro// lhu dum phral te zos bsam na// rdo rje brag g.yang 'jig par 'gyur// de bzhin drag po'i sbyin bsreg bya// thal ba gnod sbyin brag la gtad// gto ra lto ba yang nag po'i sbud pa ru/kha gsar bre bo'i lto bar gzhug/ gsal ba'i mdongs dang bcas par gzhug/ zi ra nag pos brab par bya// oM shrI he ru ka zu ra ta kraM snying la rbad/ kha sa da ro che la rbad/ na rA tsa dur rbad swA hA/de nas sbud pas sprugs pa na// nub ka'i 'od dang nam langs nas// srin mo dmar thag zer du 'phro// ru pa se tra gu la ka pi ru tra kha du ya sa to rbad// thig le'i nad rnams 'byung bar 'gyur// dbang phyug las kyi rgya mtsho las dkyil 'khor phrin las kyi ngo bor bstan pa'i le'u ste nyi shu pa'o//// phra men rgya mtshos yang gsol pa// pho yi skong lugs ji ltar lags// yang dag rdzogs kyis bka' stsal pa// de nas pho rigs mchod 'dod na// ri rab chen po'i dkyil 'khor nas// ri rab bum pa'i nang du ni// tshangs pa mgo lnga'i gzugs su bya// ri rab bum pa'i shing mtshams su// dkar mo mig gcig gzugs su gnas// shing dang lo ma'i mtshams su ni// brgya byin dbu rta'i tshul du gnas// ri rab bum pa'i lcog bzhi la// b+h+riM gi ri ti'i gzugs su gnas// ri rab phyi yi lcog bzhi la// 'khor lo khyab 'jug gzugs su gnas// ri rab bum pa'i gra bzhi la// stobs bzang ser skya'i gzugs su gnas// dpag bsam shing gi sked pa la// skos rje drang dkar gzugs su gnas// dpag bsam shing gi rtsa ba na// kA la bdud kyi gzugs su gnas// dpag bsam shing gi sked pa na// 'byung rigs spun dgu'i gzugs su gnas// ri rab rmang gi gra bzhi la// phag chen po yi gzugs su gnas// rol mtsho bdun gyi nang du ni// srid pa'i klu bdun gzugs su gnas// dpag bsam shing gi sum cha la// nor lha chen po'i gzugs su gnas// ri rab bang rim bzhi po la// rgyal chen bzhi yi gzugs su gnas// ri rab byang shar mtshams su yang// byang sprin dmar po'i gzugs su gnas// dpag bsam shing gi rtsa ba na// rU tra chen po'i gzugs su gnas// de yi mthun rdzas bstan pa ni// rgyal po chen po'i gzugs gcig la// yan lag lnga la rin chen dgod// gong ma 'dra ba'i gzugs gcig la// me mar brgyad kyis mdzes par bya// gong ma 'dra ba'i gzugs gcig la// dar sna lnga yi tshom bus brgyan// rgyal po'i gzugs dang 'dra gcig la// stag gi rgyal mtshan lag tu bskur// gong ma'i gzugs dang 'dra gcig la// nyi ma'i 'khor lo lag tu bskur// rgyal po'i gzugs dang 'dra gcig la// glang po che la zhon pa bya// gong ma 'dra ba'i gzugs gcig la// shod kyi rde'u thogs par bya// mi nag gzugs su byas pa la/ khram shing lag na thogs pa bya// 'brang rgyas gcig la mi thung dgu// phyogs mtshams dbus su dgod par bya// sbrul 'khyil pa yi steng du ni// phag gi mgo can lta bur bya// 'brang rgyas gru bzhi pa gcig la// klu rgyal bdun gyi gzugs su bya// gong dang 'dra ba'i gzugs gcig la// ne'u le thogs pa gcig tu bya// gling bzhi ldan pa'i 'brang rgyas la// rgyal chen bzhi yi gzugs su bya// thod pa mtshan ngan nang du ni// ra khyi'i khrag dang 'bru nag chan// sme bzhi rgyan dang ldan par bya// 'brang rgyas zla gam kha cig la// za 'og mda' la bse glud ldan// bre chag sad phye bre bzhi la// lcog mo b+han ng+ha'i gzugs byas la// mkhar thabs mda' yis rnam par brgyan// zhing gi 'phan gyis rnam par brgyan// spyan gzigs zas dang ldan pa 'di// de ni pho rigs spyi yi rdzas// hUM/ ri rab g.yu yi bum pa la// chags pa'i longs spyod spyad pas grol// shel dkar mdzes pa'i slag pa la// g.yu yi thig phran 'bar ba can// dbu la nyi ma'i phreng bas brgyan// phyag na gser gyi phreng ba thogs// yum dang gnyis su med pa ste// srid pa kun la longs spyod mdzad// 'dir byon tshe srog glud longs shig/ srid pa de yi bka' nyan ni// pha ma med po'i ngang las sprul// sku ni gangs ri 'tsher ba la// dung gi ral pa thor tshugs 'khyil// srid pa gsum gyi byad mkhan de// 'dir byon tshe srog glud bzhes shig/ srid pa de yi bka' nyan ni// 'od kyi rdzu 'phrul las sprul pa// rin chen 'bar ba'i na bza' la// zhabs la nyi ma'i phraing bas brgyan// sku la longs spyod brgya brgya sprul// 'dir byon tshe srog glud bzhes shig/ me las sprul pa'i srid pa de// a 'bras shing gi slag pa la// me tog ha yi phreng bas brgyan// lag ni pA k+Shi'i phreng ba thogs// sbrul nag stong gi sku rags can// 'dir byon tshe srog glud bzhes shig/ nyi ma'i 'od las sprul pa ste// btso ma gser gyi slag pa la// mu tig shar bu'i 'phra thig can// nyi ma'i spu gri glad la bskor// 'dir byon tshe srog glud bzhes shig/ chu yi skyar las sprul pa ste// gser dngul 'bar ba'i slag pa la// mu tig 'bar ba'i shar bus brgyan// zla ba'i 'khor lo lag na thogs// 'dir byon tshe srog glud bzhes shig nam mkha'i mdangs las sprul pa ste// dpag bsam shing gi sked pa nas// gser mkhar ni ser po la// gser sgo ni thabs se thabs// g.yu bad ni sngon pos bskor// de yi ni nang shed na// sku la sprin dkar g.yang gzhi can// gzha' tshon 'bar ba'i mtha' chag can// 'dir byon tshe srog glud bzhes shig/ dpag bsam shing gi rtsa ba la// rin chen ni stegs bu la// lcags kyi ni mu khyud can// srid pa ni zhing 'dzin te// lcags kyi ni slag pa la// rdo rje ni ha yis brgyan// lag na mdung dmar zangs se zang// tshe srog ni glud bzhes shig/ dpag bsam shing gi rtse lkog na// lcags mkhar ni sngon po la// bse yi ni mtha' bskor can// zangs kyis ni sgo stsal lo// ma hA de wa lha chen po// zhing lpags g.yang gzhi'i na bza' la// thod pa 'bum gyi mtha' bskor can// be con 'bar ba lag na thogs// srid pa gsum gyi mthu mo che// 'byung rigs spun dgu'i 'khor gyis bskor// mdos bdag chen pos mdos bzhes shig/ sgod ma kha yi sprul pa ste// sa bdag phag chen mi bzad pa// chu srin 'bar ba'i slag pa la// mu tig shar bu'i ga shas brgyan// lag na chu srin rgyal mtshan thogs// mdos bdag chen pos mdos bzhes shig srid pa'i mtsho bdun nang shed nas// phung byed dregs pa'i gzugs su snang// dbu la yid bzhin nor bus brgyan// phyag na don yod zhags pa bsnams// mkhar la yid bzhin char 'bebs shing// rgya mtsho mtha' bzhi rba rlabs nas// klu bran thams cad cho nge brdung// 'dir byon tshe srog glud bzhes shig/nam mkha'i khams na gnas pa ste// ma hA de wa lha chen po// btsun mo u ma 'khor dang bcas// baiDUr sngon po'i slag pa la// gza' skar thod phreng phreng bas brgyan// lag na dung gi zo ba thogs// nor lha chen po'i ming nas byung// mdos bdag chen pos mdos bzhes shig/ rgyal po chen po sde bzhi yang// 'jig rten skyong bar mtshan grags pa'i// lha mi yongs kyi 'khor skyong zhing// lha ma yin gyi g.yul bzlog pa// kha dog las bzhi'i mdog tu gsal// rgyan rnams rin chen shar bus mdzes// dbu la sangs rgyas lnga yis mdzes// phyag na rin chen phyag rgyas mdzes// mdos bdag chen pos mdos bzhes shig/nyi ma byang shar mtshams shed nas// dpag bsam shing gi rtsa ba na// keng rus brtsegs pa'i gdan steng na// dam rdzas lnga la longs spyod cing// zhing chen g.yang gzhi'i slag pa la// rak+ta'i thig le 'bar bas brgyan// thod pa tshar gsum sku la brgyan// rigs bzhi sbrul gyi rgyan gyis brgyan// srin mo 'bum gyi dbus nas 'gying// mdos bdag chen pos mdos bzhes shig/ nyi ma byang shar mtshams shed nas// bse mkhar ni khra bo la// dngul gyi ni mtha' bskor cing// zangs kyis ni sgo gsal la// de yi ni bdag mo la// lus la zangs kyi slag pa la// dung gi thig phran phreng bas brgyan// g.yon pa lcags kyu 'bar ba la// g.yas pas spu gris gsod cing gcod// mdos bdag chen pos mdos bzhes shig/ srid pa'i bskang lung las pho skong gi le'u ste nyi shu rtsa gcig pa lo//// phra men rgya mtshos yang gsol pa// brtan ma'i bye brag gang lags pa// yang dag rdzogs kyis bshad du gsol// rdzogs sangs rgyas kyis bka' stsal pa// lha mo brtan ma'i bye brag rnams// ngas bstan pa la sems thud cig/dkyil 'khor bzhi yi byang shar du// maN+Dal gru gang 'khor rgyud las// dbus su yab yum bskyed byas te// dpal gyi gtor ma btegs byas te// bcom ldan che mchog he ru ka/ mdzad pa mthar phyin che ba'i sku mnga' ba// thugs rje rgyun gyis 'gro don rdzogs par mdzad// yab yum gnyis med bka' yi gtor ma bzhes// thod pa rlon pa'i phyag rgya mdud la/ oM shrI he ru ka kro ng+hI shwa ri sa ma ya a mr-i ta ba liM ta khA hi/zhes bstab bo// bcom ldan dpal chen he ru la// dkar mo bcu gsum 'khor gyis bskor ba ni// thugs rje las kyi 'bras bu mchis par mdzod// muM daM Sh+ta yo gi nI a mr-i ta khA hi/ bcom ldan dpal chen he ru la// nag mo bco brgyad tshogs kyis bskor ba ni// thugs rje las kyi 'bras bu mchis par mdzod/ kha mun pa ti ya hUM b+h+yo khA hi zhes bstab// bcom ldan dpal chen he ru la// sku yi khro bo bcu drug bskor ba ni// sku mchog 'bar ba'i phrin las mdzad du gsol// oM shrI he ru ka A gats+tsha ya shAn+tiM khA hi/ zhes bstab/ bcom ldan dpal chen he ru la// gsung gi khro bo bcu drug bskor ba ni// gsung mchog 'bar ba'i phrin las mdzad du gsol// oM shrI he ru ka b+ha ga bAn gar+b+ha ba liM khA hi/ bcom ldan dpal chen he ru la// thugs kyi khro bo bcu drug bskor ba ni// thugs mchog 'bar ba'i phrin las mdzad du gsol// oM shrI he ru ka tsit+ta kha s+t+wa mA ra ya khA hi/bcom ldan dpal chen he ru la// rdzogs chen khro bo bcu drug bskor ba ni// yon tan 'bar ba'i 'phrin las mdzad du gsol// swA shrI he ru ka rat+na ke tu puSh+tiM khA hi/ bcom ldan dpal chen he ru la// sprul pa'i bu mo brgyad kyis bskor ba ni// bka' yi gtor ma 'di 'bul gyi// las kyi 'bras bu mchis par mdzod/ kro tI shwa rI ba sA ta rag ta khA hi/ bcom ldan dpal chen he ru la// ser mo lnga bcu rtsa drug tshogs kyis bskor ba ni/ bka' yi gtor ma 'di 'bul na// las kyi 'bras bu mchis par mdzod// kro tI shwa rI tsit+ta rag sha de ba kha dur ni khA hi/ bcom ldan dpal chen he ru la// shwa na mu kha'i tshogs kyis bskor ba ni// sku yi 'bras bu mchis par mdzod// kA ya du ra ka to ya ti khA hi/ bcom ldan dpal chen he ru la// gsung gi pho nya'i tshogs kyis bskor ba ni// ku ma rA tsa kha dur tri ka nar khA hi/bcom ldan dpal chen he ru la// thugs kyi pho nya'i tshogs kyis bskor ba ni// thugs kyi phrin las 'bras bu mchis par mdzod// rak+sha kro d+hI shwa rI ta ri ka ta ra khA hi/ 'jigs byed yab yum 'khor bcas la/kha 'bar rtsa 'dren brgyad kyis bskor ba la// thugs kyi phrin las grub par mdzad du gsol// tsa dur kha sa ba ti rag ti rag dur khA hi/ de nas dpal chen yab yum la// bdud mo bzhi dang gnod sbyin bzhi// sman phran bzhi yis bskor ba rnams// bka' yi gtor ma 'di bzhes la// las kyi 'bras bu mchis par mdzod// srid pa'i phra men rgya mtsho la sogs pa la// srid pa gsal ba'i don du gtad pa'o// sgrub mchog rnal 'byor rnams dang 'phrad par shog/ srid pa'i brtan ma las kyi rgya mtsho'o// srid pa mtsho bzhi'i le'u tha ma ste nyi shu rtsa gnyis pa'o//// rgyud kyi rgyal po chen po srid pa mtsho bzhi'i rgyud ces bya ba rdzogs so/

CLOSE WINDOW