232b3 rgya gar skad du// badzra kI la ya gu h+ya man+t+ra tan+t+ra sarba b+hu ta b+hi na/ bod skad du/ rdo rje phur pa gsang ba'i sngags rgyud 'byung po kun 'dul/ bcom ldan 'das dpal rdo rje gzhon nu la phyag 'tshal lo// 'di
232b4 skad bdag gis thos pa'i dus gcig na/bcom ldan 'das zhe sdang rdo rje zag pa med pa'i ting nge 'dzin las bzhengs nas/ 'jig rten gyi khams kyi 'og min sum cu rtsa gsum du 'bar ba'i gtun khung rdo rje tho
232b5 ba rol pa'i gzhal yas khang mngon par sprul te// 'byung po thams cad zil gyis gnon pa zhes bya ba'i ting nge 'dzin la snyoms par zhugs nas// zhal gsum las/ oM badzra kI li kI ya sarba big+h+nAM baM hUM phaT/
232b6 zhes bya ba bsgrags pa las/ 'jig rten gyi khams 'dod pa khams gsum gyi gnas ris su/ 'ur 'ur dang// mer mer dang/ shig shig dang// thor thor du gyur to/ thugs ka nas hUM hUM hUM/ zhes spros shing zhal
233a1 nas drag po'i sngags brjod pas/phyogs bcu phyogs skyong gi gdan la/ 'bar ba rol pa'i khro bo chen po bcu gshegs te rnam par gtams so// nyid kyi snying po brjod pas sprul pa dang yang sprul
233a2 dang/sum sprul bsam gyis mi khyab pa 'jig rten gyi khams khengs par sprul te/ 'jig rten gyi khams thams cad kyang khro mo 'bar ba'i gtun khung srid pa'i khyams khang bang rim gsum dang ldan par sprul
233a3 te// 'di ltar gyi snang ba 'di chags sa// de'i tshe de ma thag rU tra'i sde dang dam log dang/ dam sri la sogs pa khyams khang du tshud de/ 'bros bzhin du thar pa'i gnas med par thams cad kyang ngu 'bod chen po'i
233a4 gnas su lhung ste gnas so// rdo rje khro bo chen po rnams kyang sprul pa dang yang sprul sum sprul du bcas te/ kun nas 'khrigs pa las shin tu sha'i phung po la sbrang bu lding zhing 'du ba ltar gnas par byas so// de
233a5 ltar cho 'phrul chen po kun nas 'khrugs pa las de ma thag par karma he ru ka rdo rje las zhes bya ba/rang gi gnas 'khor gyi nang/ pho brang nas bzhengs te/ zhe sdang rdo rje'i drung du 'dug nas 'di skad ces gsol
233a6 to// bcom ldan 'das 'jigs byed chen po/ 'dod pa'i khams 'di lta bu'i cho 'phrul ston pa ci'i rgyu/ ci'i rkyen lags/ zhe sdang gi bdag pos bka' stsal cig ces gsol to/ bcom ldan 'das 'jigs byed
233b1 chen pos bka' stsal pa/sems dpa' chen po rdo rje las/ ma 'ongs pa rnams la don yod par bya ba'i phyir/ 'di ltar cho 'phrul snang bar byas te/ 'dri ba'i dus la bab pas dris shig/ dris pa legs
233b2 so// 'jig rten gyi khams 'dir gang dge ba srog dang 'dra ba la bar du gcod cing/ dkar po'i las rnam par 'gegs par byed pa tshar gcad pa'i phyir/ 'jig rten du cho 'phrul bstan pa'o// sems dpa'
233b3 chen po dam log dang/dam sri dang/ rU tra'i sde tshar gcad pa'i phyir phur pa gtun khung rdo rje tho bo'i rgyud ces bya ba/ 'bar ba'i khro bo'i rol pa'i las 'di bshad par bya ste/ don yod
233b4 par 'gyur ba'i phyir gus par gyis la yid la zung zhig/ces bka' stsal to// rdo rje phur pa gsang ba'i sngags rgyud las gleng gzhi'i le'u ste dang po'o//// de nas sems dpa' chen po rdo rje las kyis gsol pa/ kye bcom ldan
233b5 'das/dam log dam sri rU tra'i sde// khungs kyi rtsad ni ji ltar gcad// sgrub la bar chod ji ltar bsgral// khro bo'i sngags dang dkyil 'khor gang// gdug pa bsgral zhing mnan pa'i las// 'jigs byed rol
233b6 pas bstan du gsol// ces gsol te gus pas 'dun no// de nas 'jigs byed chen po zhe sdang rdo rjes bka' stsal pa// nga sngon dran pa thog ma'i tshe// bskal pa 'bum phrag 'bum sngon du// sangs rgyas 'jig
234a1 rten sgron ma'i dus// dge slong thub par dka' ba la// nag po thar bas gsang don zhus// de tshe rkun po rkun mo ni// ming sring gnyis kyis pha gnyan byas// rang gi sgrar zhugs log par
234a2 bsgrubs// gzhan la tshul brjod log par smras// de nas nag po rang bag pa// dam tshig nyams pa'i sgor zhugs nas// gangs kyi zhun chu khol ma 'thungs// skye ba de 'phos sdug bsngal myong// thub pa chen po'i
234a3 zhing khams su// las kyi dbang gis 'dod khams skyes// rang thag ru drar nar son tshe// mos pa byas shing 'khor du 'dun// rU tra'i skal pa ma mchis te// skal ngan zhing pas sas kyang dpyang thag chad// 'di
234a4 dag drang ba'i skal ba med// rtag tu 'khor 'gyur rtag tu gzhom// 'di dag lang ka'i grong gdal du// srin po lang ka mgrin bcu'i bu// dung bu mgrin dang kha 'bar ma// zhe sdang ma rungs rags pa
234a5 can// sngon gyi las kyis mtshams sbyar skyes// bong bu lta bu'i rna ba can// mi yi thod phor lag na thogs// spre'u pags pa gos su gyon// kha nas dud pa sngo dmar phyung// bu chung rkun bur rku zhing za// dud 'gro ra
234a6 brkus ra sha za// ra lpags ra mgo brungs su 'tsher// sbyor te srin mo brag phug sdod// lus dang mnyam pa'i ral pa la// mgo gsum sprul zhing ro dag sped// bu chung phyi ba nya yi mgo/ phreng ba grang zhing rlung nag
234b1 dang// kha nas me 'phro chu gzhung zhon// srog chags phra mo kun gsod cing// srog dang dbugs kyis 'tsho ba byed// sngags kyi nus pa log pa'i mthus// las kyi srin po'i rigs su grub// gshog par ldan zhing
234b2 so rno ba// sder mor ldan zhing mi phyugs rku// gsang sngags dam las gtan log pa// dam pa'i sri can byed pa'i dgrar// smo lam ldan zhing sngags tshul spyod// ming yang 'brog te'u nag po dang// nag mo bya yi
234b3 mgo can grags// de dag bu tsha ming sring drug/ mi phyugs phra mo kun yang rku// dge ba'i rna nyan bar chad byed// srog chags za byed dge sbyong brdzu// ming yang skor ber 'bal te'u 'dre byung dkar po beg 'ba'
234b4 te'u 'dre// sa srin klu srin dam srir grags// sho? gam yams kyang srin po'i yul khams gnas// 'dod khams srid pa thams cad nyul// 'jig rten khams kun khyab par 'tshe// thod phreng can dang bzhin mi
234b5 sdug/bdud pho bdud mo'i bu tsha ni// ming sring bcu gcig sde chen bcas// de dag sprul pa bsam yas pa// 'gong po srog bdag mngags pa'i phyogs// spun dgu 'gong po'i phyogs su bsdu// 'gong po 'gong mo
234b6 dpag med pas// dge ba'i bar chod bdud du gyur// srid pa'i bde ba phung bar bsgyur// thar lam bgrod pa log par 'dren// 'di dag log pa rnam gsum ste// rnal 'byor bar lam gang 'dod pas// 'di
235a1 dag rtag tu grub par bya// ngan pa'i lus ngag las grub pas// yang 'byung 'byung po sdug bsngal myong// thar lam gtan bral srid par dmyal// rab tu snying rje dpyang thag chad// brlag par byas na
235a2 yud tsam bde// de ltar shes pas gnan par bya// zhes gsungs so// rdo rje phur pa gsang ba'i sngags rgyud las log pa'i khungs rtsad bcad pa'i le'u ste gnyis pa'o//// de nas yang zhe sdang gi rgyal po rdo
235a3 rje gzhon nus bka' stsal pa// ru dra dam log dam sri'i sde// rim pas dbang bsdu bsgral gnan bya// steng nas khro bo hUM kA ra// sgra 'byin phag dang smig bur bcas// steng gi tshangs pa pho mo yang// gdan du byas
235a4 nas sprul pa rnams// dbang du 'du zhing zil gyis gnon// oM badzra kro d+ha hUM ka ra hUM gardza gardza hUM phaT// shar nas khro bo rnam par rgyal// rnam snyems stag dang bya rgod bcas// shar gyi dri za pho mo'i bdag/ gdan
235a5 du gzir bas sprul pa rnams// dbang du 'dus shing zil gyis gnon// oM badzra kro ta bi dza ya hUM ha na ha na hUM phaT/ shar lhor khro bo dbyug sngon po// sder mo g.yag dang bya rog bcas// shar lhor me lha pho mo'i
235a6 bdag/gdan du gzir bas sprul pa rnams// dbang du 'dus shing zil gyis gnon// oM badzra kro ta nI la daN+Da hUM da ha da ha hUM phaT/ lho nas khro bo gshin rje'i gshed// dur khrod sha ba 'ug par bcas// lho phyogs
235b1 gshin rje'i pho mo bdag/gdan du gzir bas sprul pa rnams// dbang du 'dus shing zil gyis gnon// oM badzra kro d+ha ya mAn ta ka hUM pa tsa pa hUM phaT// lho nub khro bo mi g.yo mgon// gtun khung gzig dang khwa
235b2 tar bcas// lho nub srin po pho mo'i bdag/ gdan du gzir bas sprul pa rngams// dbang du 'dus shing zil gyis gnon// oM badzra kro d+ha Ar+ya a tsa la hUM ban d+ha ban d+ha hUM phaT// nub nas khro bo rta mchog
235b3 dpal// gtum mo byi la pu shud bcas// nub phyogs klu rgyal pho mo'i bdag/ gdan du gzir bas sprul pa rnams// dbang du 'dus shing zil gyis gnon// oM badzra kro d+ha ha ya grI ba hUM hu lu hUM lu hUM phaT// nub
235b4 byang khro bo 'dod pa'i rgyal// mda' snyems spyang mo khra dang bcas// nub byang rlung lha pho mo'i bdag/ gdan du gzir bas sprul pa rnams// dbang du 'dus shing zil gyis gnon// oM badzra kro ta a pa ra tsi ta hUM
235b5 tiSh+Tha tiSh+Tha hUM phaT/byang nas khro bo bdud rtsi 'khyil// rlung 'byin seng ge pha wang bcas// byang phyogs gnod cing pho mo'i bdag/ gdan du gzir bas sprul pa rnams// dbang du 'dus shing zil gyis gnon// oM
235b6 badzra kro d+ha a mr-i ta kuN+Da li hUM ts+tshin d+ha ts+tshin d+ha hUM phaT// byang shar khro bo khams gsum rgyal// gsod byed drod dang sre mor bcas/ byang shar dbang ldan pho mo'i bdag/ gdan du gzir bas sprul pa rnams// dbang du
236a1 'dus shing zil gyis gnon// oM badzra kro ta trai lo kya bi dza ya hUM b+hin d+ha b+hin d+ha hUM phaT/ 'og nas khro bo stobs po che// bskyod chen dom dang byi bar bcas// 'og gi sa bdag pho mo'i bdag/ gdan
236a2 du gzir bas sprul pa rnams// dbang du 'dus shing zil gyis gnon// oM badzra kro d+ha ma hA pa la hUM s+pho Ta s+pho Ta hUM phaT// phyogs bzhi mtshams bzhi steng 'og bcu// rdo rje khro bos rnam par gtams// dbus su ma hA
236a3 de ba dang// ru dra chen po khyo shug bsnol// bdag nyid rdo rje gzhon nu dang// 'khor lo rgyas 'debs dag tu bya// khro bo bcu gcig dkyil 'khor du// kun kyang mthing nag rngam pa'i sku// rdo rje phur pa thod khrag
236a4 bsnams// sprul pa lcags kyu phur pa 'debs// ru dra chen po'i sde dpon rnams// dbang sdud bran du gzir nas kyang// dpa' rtags dpa' bo'i chas brgyad ldan// sa gnon nyi zla pad+ma tshogs// nyon mongs sreg
236a5 pa'i me dpung 'bar// thabs dang shes rab ldan pa la// mtshon cha sras mchog phur pa bskyed// sku stod khro bo chen po la// sku smad phur pa zur gsum mo// gzas pa'i snying dkyil thebs par bskyed// ces
236a6 gsungs so// rdo rje phur pa'i gsang ba'i sngags rgyud las lha rnams kyi rang bzhin dang rtsa ba'i sngags kyi le'u ste gsum pa'o//// de nas bcom ldan 'das khrag 'thung chen po badzra kI la yas bka'
236b1 stsal pa// yid 'ong dben pa'i gnas btsal te// rdzas dang yo byad 'khor ldan pas// phyi dang nang gi mtshams kyang gcad// mtshan dang ldan pa'i b+han d+ha ru// nas nag sngon mo blug par bya// phur bu bco lnga dar
236b2 gyis gril// rgyu rkyen dbang bskur byin brlab bya// thog mar dngos grub kun gyi gzhi// bzhi bcu gnyis dang lnga bcu brgyad// zhi dang khros pa rigs brgya mchod// 'dzab dang bstod pa bskang bshags bya// dza gad
236b3 bdud rtsi lhag ma yis// rdo rje srin po'i dkyil 'khor brtsam// sgrub pa'i dkyil 'khor rnam pa gnyis// gang la mos dang shis pa bris// ye shes khros pa bco lnga dang// pho nya dpung tshogs bcas pa yi// phur pa
236b4 dkyil 'khor gnas la dgod// gdug cing rtsub pa gzas pa'i gzugs// 'dra 'bag rtsa dang gzugs su bca'// zag pa'i rdzas dang dme khrag byug/ yang na chu sna'i 'jim pas bya// ming dang rus dang
236b5 srog yig gzhug/smug nag dang ni thal dkar bya// lcags thag btags la e la gtod// rta mgrin skur gnas dpang btsugs te// srid pa'i bgegs la zhal lce bcad// mthing nag me 'bar dkyil 'khor
236b6 du// smug nag sngo nag dmar nag 'bar// 'jigs byed khro bo'i sprul pas drangs// dpal gyi pho nyas gnas nas dgug/ sgrub pa'i rdzas dang mchod pa dgod// bco lnga khro bo ma mo gsum// bsnyen dang bsgrub pa
237a1 tshul bzhin bya// mtshan ma mthong ngam dus bab na// phrin las drag po brtsam par bya// drag po'i rdzas dang phur pa dang// lha dang sngags kyi dgongs mtsho sdeb// rta mchog skul gsal gnas nas
237a2 dgug/dbang drag chas su zhugs nas kyang// gsur chen dud pa sgra bcas nas// ma mo 'bod cing dam la bsdu// bkrag mdangs dbrog cing tshe lung bya// gnad sgor gdab cing khrag thun dbab// byang gi pho
237a3 nyas sha khrag bstab// byad kyi ma mos byad du gzhug/ nub kyi khro bos gnas sbar te// lho sgo sras kyi sems lung bstan// nyon mongs bsad nas gso ba shar// rtag pa rgyun gyi ye shes bsgom// de ltar phrin las
237a4 mthar phyung na// tshangs pa'i tshe yang 'jig par 'gyur// zhes gsungs so// rdo rje phur pa gsang ba'i sngags rgyud las khro bo gsang ba'i las nye bar bsgrub pa'i le'u ste bzhi pa'o//// de nas yang zhe
237a5 sdang gi bdag po dpal rdo rje gzhon nus bka' stsal pa// oM badzra kI li kI la ya/ dz+wa la dz+wa la/ pra dz+wa la pra dz+wa la spu Ta spu Ta na sa pa na ye hUM phaT// sarba duSh+taMn hri da ya hUM phaT/ ts+tshin+da ts+tshin+da hUM phaT/ mA ra ya mA ra ya hUM
237a6 phaT/su ru su ru pra su ru hUM phaT/ bi da ya bid bid hUM phaT/ na maHsa man ta bing bing hUM phaT/ u tsuSh+ma kro d+ha hUM phaT/ na maHsa man ta bi shwa d+ha ya be ra be ra hUM phaT/ aM ku sha ts+tshin+da ts+tshin+da hUM phaT// byA g+h+ri pa la sho da hr-i da
237b1 ya hUM phaT/ces gsungs so// rdo rje phur pa gsang ba'i sngags rgyud las sras mchog rtsa ba'i snying po'i le'u ste lnga pa'o//// de nas zhe sdang gi rgyal pos bka' stsal pa/ mtshams med pa la mtshams kyang
237b2 gcad// khro bcus phyogs bcur phur pas gtams// khro bo 'bar ba'i thugs ka nas// 'khor lo rtsibs brgyad re mig la// nyi zla pad+ma'i gdan steng na// ye shes sems dpa'i thugs ka nas// kI la ya yi 'od
237b3 zer gyis// lcags kyi tsha tsha brdab pa ltar// gang la bab pa rdul du rlag/ skor mtshams bzhi dang skor tshoms gsum// smad kyi dkyus tshig drag po las// rak+ta tshar gsum tshar lnga sbreng// rngam pa glog gi dkyil
237b4 'khor nas// rdo rje rdzu 'phrul rnam par 'phrul// dpa' bo khro bo 'jigs par bcas// rigs sngags don la yang dag sbyor// rak+ta'i mtsho dang keng rus ri// mAM sa'i nyor tshogs zhing chen gsur// rngam pa'i mkha'
237b5 'gro tshogs la bstab// rdo rje khro rgyal he ru kas// gtum khro gdug pa thabs kyis 'dul// 'bar ba'i dkyil 'khor kun la mchod// hUM mdzad hUM la ho ste rol// hUM mdzad hUM'u gis thugs dam bskang// gar dgu
237b6 khros pa'i zhal du bstab// stong gsum thams cad phur pa'i lha// bdud 'dul khro bo'i skur bstan pa// phyogs bcu dgra bgegs thams cad kun// dengs par mi byed 'dug gyur na// thams cad ma lus thebs
238a1 par gdab// dam log dam sri rUtra'i sde// 'di dag tshar ni ma bcad na// sgrub la bar chod ma rungs byed// nyams pa bdud ni 'di rnams te// dgra dang bgegs dang bdud tshogs kyang// 'di
238a2 gsum ma thul sku dgrar ldang// de phyir sgrub pa'i rnal 'byor pas// dam sri gnan cing dam log gsad// rU tra'i sde rnams gdul bar bya// bcu gcig dpal dang phyag rgya bzhi// ye shes khro bo bco
238a3 lnga'i thugs// srog dang ldan pa'i ye shes sems// 'khor dang bcas pa'i bdag po bskyed// rang bzhin dkyil 'khor dbyer med bstim// gzir gnon sgrol ba'i sku ru bsgom// sku dang gsung thugs srog
238a4 dbang bskur// zhi ba bsnyen cing khros pa bsgrub// dngos grub kun gyi gzhi ma yin// sman rag gtor ma la sogs pa// phyi nang gsang ba'i mchod pa yis// lo zla'i dus su brtson par 'bad// bsnyen pa'i bdud
238a5 rtsis chag chag gdab// dkyil 'khor byin gyis rlob par 'gyur// rnal 'byor gang la mos pa ni// 'jigs byed e ya dkyil 'khor bskyed// rang bzhin sgrub phyir bstod cing bskul// zhes gsungs so// kI
238a6 la ya gsang ba'i sngags rgyud las bsnyen pa'i le'u drug pa'o//// de nas zhe sdang gi bdag po rdo rje gzhon nus bka' stsal pa// gru gsum mthing nag 'bar ba'i dkyil 'khor nas// bcom ldan
238b1 dpal chen rdo rje gzhon nu ni// dbu gsum phyag drug zhabs bzhi brkyang bskum bgrad// rgyan dang cha lugs ldan pas sgeg sgeg 'dra// bdud bzhi gtan du bcom pas dpa' dpa' 'dra// sku che yan lag rags
238b2 pas 'jigs 'jigs 'dra// zhal g.yas dkar la bzhad pas rgod rgod 'dra// g.yon pa dmar la gdangs pas gshe gshe 'dra// zhal dbus mthing la rngams pas khro khro 'dra// rgyu drug spyan gyis gzigs pas
238b3 snying rje che che 'dra// dug gsum zhal du rdubs pas rngam rngam 'dra// de 'dra'i khro bo 'jigs pa'i skur bstan pas// chos sku mtshan ma med pas zhi zhi 'dra// rdo rje rtse dgus sa dgu'i rtog pa 'joms// rdo rje rtse lngas
238b4 rgyud lnga gnas su sgrol// me dpung 'bar bas khams gsum nyes pa sreg/ kha T+wAM rtse gsum dug gsum rtsad nas gcod// ri rab phur bus khams gsum rdul du rlog/ 'khor lo rgyas 'debs dpal gyi sku la
238b5 'khril// khro bo khro mo rab 'jigs 'bar ba'i sku// sku ni me dpung 'bar ba'i klong na bzhugs// gsung ni drag po'i sgra skad 'brug stong ldir// thugs ni mi rtog rnam rtog thams cad 'joms// dpal chen rdo rje
238b6 gzhon nu yab yum la// khro bo khro mo'i tshogs kyis bskor ba ni// hUM chen mthing ga rdo rje thod khrag dang// mda' gzhu rdo rje ri rab phur pa 'dril// sku mdog mthing ga dkar dang dmar ba'i zhal// zhabs bzhi
239a1 brag steng nyi zla pho mo mnan// sgra 'byin phag dang smig bu 'khor gyis bskor// rnam rgyal dkar po rdo rje thod khrag dang// tri shUl 'khor lo ri rab phur bu 'dril// zhal mdog dkar dang sngo dang
239a2 dmar ba'i zhal// zhabs bzhi brag steng brgya byin pho mo mnan// snyems ma stag dang bya rgod 'khor gyis bskor// gshin rje sngon po rdo rje thod khrag 'thung// nr-i mgo dgra s+t+wa ri rab phur bu 'dril// sku mdog sngon
239a3 po dkar dang dmar ba'i zhal// zhabs bzhi brag steng gshin rje pho mo gnon// dur khrod sha ba 'ug pa'i 'khor gyis bskor// rta mgrin dmar po rdo rje thod khrag dang// zhags pa spu gri ri rab phur bu 'dril// sku
239a4 mdog dmar po sngo dang dkar ba'i zhal// zhabs bzhi brag steng klu dbang pho mo mnan// gtum mo byi la pu shud 'khor gyis bskor// bdud rtsi ljang nag rgya gram dbyug tho thogs// sku mdog ljang nag dkar dang
239a5 dmar ba'i zhal// zhabs bzhi brag steng gnod sbyin pho mo mnan// rlung 'byin seng ge pha wang 'khor gyis bskor// dbyug pa sngon po dkar dmar sngo ba'i zhal// rdor thod dbyug pa me thab phur pa 'dril// zhabs
239a6 bzhi brag steng me lha pho mo mnan// sder mo g.yag dang bya rog 'khor gyis bskor// mi g.yo ljang sngon rdo rje thod khrag dang// ral gri zhags pa ri rab phur bu 'dril// sku mdog ljang sngon dkar dang dmar ba'i
239b1 zhing// zhabs bzhi brag steng bden bral pho mo mnan// gtun khung gzigs dang khwa ta 'khor gyis bskor// gzhan gyis mi thub dmar skya rdo rje thogs// rnga yab b+han d+ha ri rab phur pa 'dril// sku mdog dmar skya
239b2 dkar dang dmar ba'i zhal// zhabs bzhi brag steng rlung lha pho mo mnan// mda' stems spyang ki khra yi 'khor gyis bskor// khams gsum rnam rgyal tri shUl mda' dang zhu// sku mdog ljang ser dkar dang dmar
239b3 ba'i zhal// zhabs bzhi brag steng dbang ldan pho mo mnan// gsod byed dred dang sre mo 'khor gyis bskor// stobs chen dud kha rdo rje thod khrag 'thung// zhags pa tho ba ri rab phur bu 'dril// sku mdog dud kha
239b4 dkar dang dmar ba'i zhal// zhabs bzhi brag steng sa bdag pho mo mnan// skyod byed dom dang byi la'i 'khor gyis bskor// khro rgyal kun kyang dur khrod chas kyis brgyan// bskal pa'i me ltar 'bar ba'i klong nA
239b5 bzhugs// shar gyi sgo ba dkar mo lho sgo ser// nub gyi sgo ba dmar mo byang sgo ljang// bya phur skyer phur mchog phur lcags phur bsnams// lcags kyu zhags pa lcags sgrog dril bu g.yon// rang byung khro bo rnams
239b6 kyi mthu dang rtsal// badzra kI la ya yi dus la bab// lha rnams bstod cing thugs dam bskul// sras mchog khro bo bco lnga yis// btab na lha yang rlag par byed// sri can rdul du rlog pa'o// mi bzad drug gi
240a1 'khor dang bcas// sprul pas srid gsum gtams par bsgom// de nas shes pa 'du sar gdab// btab nas bde ba'i sa la dgod// ces gsungs so// rdo rje phur pa gsang ba'i sngags rgyud
240a2 las khro bo la bstod pa'i le'u ste bdun pa'o//// de nas zhe sdang gi rgyal po rdo rje gzhon nus bka' stsal pa// de nas dkyil 'khor yang dag bshad// lus ni lha yi dkyil 'khor bsgom// ngag ni
240a3 gsang sngags dkyil 'khor bsgom// sems ni chos nyid dkyil 'khor bsgom// dben par sa sbyangs maN+Dal bca'// 'khor gnas yo byad blo ldan pas// khro mo yum gyi gtun khung bri// gru gsum rtsa gcig
240a4 'bar ba tsam// yang na bcu gcig bdun yang bri// las kyi dkyil 'khor gru gsum e// rdo ba dag gam sa la bya// lcags sna ljang dang dug shing dang// mi dang bya yi rus pa la// sras mchog phur pa gzi ldan
240a5 bya// gu gul rak+ta yungs kar gyis// sku gsung thugs kyi gzi byin bskyed// ka pA la yi gnas bzhugs nas// rdo rje ngag gi bzlas pa rtsam// sku dang chos nyid gsal ldan pas// bsnyen pa gdeng dang ldan par
240a6 bya// rdo rje dkyil 'khor mchod bstod cing// rang rgyud dag par bshags sbyang bya// 'phro 'dus nye bar bsnyen bya ste// bdun 'bum nyi khri'i grangs rdzogs nas// rdo rje khro bo rol pa sgrub// 'phang dang ldeg 'khrab
240b1 bro brdung dang// nyams dang rmi ltas bzang mthong nas// sku gsung thugs kyi dngos grub blang// rang rgyud byin dang ldan gyur pas// ye shes lnga yi dbang bskur yang// rang dang gzhan la rgyas btab ste// dbang
240b2 dang byin brlab tshul bzhin bya// de nas bdud dang dgra bgegs la// rdo rje kha T+wAM rol pa rtsam// zhes gsungs so// rdo rje phur pa gsang ba'i sngags rgyud las dkyil 'khor sgrub pa'i le'u ste brgyad
240b3 pa'o//// de nas yang zhe sdang gi rgyal po rdo rje gzhon nus bka' stsal pa// gang gis bar gcod tshar gcad phyir// dmigs pa'i ting 'dzin gsum gsal bya// nr-i srog can dang nA srog can// tri srog ldan
240b4 pa bstan pa'i dgra// yid gzugs can dang gdos bcas gzugs// de la de brten srog ces pas// a nr-i su tri pre du ldan// rigs drug sa bon gzung bar bya// gang la bya ba'i dmigs rten ni// 'byung ba'i
240b5 snyigs ma zags la bya// yang na bla srog gnas pa dbab// gtso bo 'jag ma dme khrag sogs// srin mo'i khang sa la sogs dang// shing shun zhing ras gang ldan la// gang la bya ba'i ming gzugs bri// srog gi yi
240b6 ge gnad sngags bskor// dbye dgug bstim dang byad du gzhug/ smra smyo rdul du brlag par bya// 'bar ba'i e dang zhal du bstab// de ltar byas na rU tra'i sde// bstan pa'i dgra gsum drungs nas 'byin// oM badzra [(7[)]
241a1 kI li kI la ya che ge mo ta thA ya ta thA ya hUM phaT/ha sa ya ra ha ta na hUM phaT/ shri krin A na ya hUM phaT/ dz+wa la pa ya dz+wa la pa ya hUM phaT/ A be sha ya A be sha ya hUM phaT/ bi ta ya bi ta ya hUM phaT/ ces
241a2 gsungs so// phur pa gsang ba'i sngags rgyud las sgrub pa'i bar chod rU tra bsgral ba'i le'u ste dgu pa'o//// de nas zhe sdang gi rgyal po rdo rje gzhon nus dam log bsgral ba 'di skad ces bka' stsal to// oM
241a3 sum tri rak+sha mA ra ya nan sa du rak+sha nan// bi bi tri dam sri nan/ 'gong po ya na ma sho nan/ 'byung po ya na ma sho nan/ dza dgra nan/ sho dgra nan/ sho nan/ dza dza de ba badzra yag+sho nan/ 'byung po duSh+tAn mA ra ya ha na
241a4 ha na hUM phaT/pa ra bi ta na ts+tshin d+ha ts+tshin d+ha hUM phaT/ bin d+ha bin d+ha hUM phaT/ gr-ih+Na gr-ih+Na hUM phaT/ ha na ha na hUM phaT/ ban d+ha ban d+ha hUM phaT/ oM badzrarag+sha rA tsa tsit+ta zung zung/ kha la rag+sha tsad tsad// kha rag+sha rma sha na rbad
241a5 sto/'khu na dum bu shig shig 'da' na rag sha tsit+ta phyung rbad/ ldog na rag sha rbad/ sdoms ting ting sdoms zung zung/ gtubs gtubs sdoms/ rag sha tsit+ta gtubs/ rA tsa shag thum kha tri rbad// tsa pu tri tri
241a6 tri nan sod/badzra kro d+ha rA dza sid+d+hi a mr-i ta hUM phaT/ oM badzra kI li kI la ya sarba big+h+nAn baM hUM phaT/ bdud tri ma tri tha tri/ shu la tri baM tri ya ma tri/ nA ga tri sa ma tri sum tri pu tri a sha tri/ a sha tri rA tsa tri/ trig nan
241b1 hur thums dza/badzra ang+ku sha ya dza dza/ badzra A be sha ya a/ a pasta ya d+ha ro a dz+nyA pa ya ti a/ hUM snying khrag tsit+ta gu lu nan// baM ts+tshin da ts+tshin da srog rbad/ mA ra ya snying rtsa phyung phyung/ so shig srog rbad/ kha kha ha ha mA
241b2 ra ya hUM hUM phaT phaT rbad rbad/ha na ha na badzra ru tri/ srog la breng breng dza dza thums ril shag da ha da ha badzra srog la dun dun thums ril shag pa tsa pa tsa badzra/ tsit+ta rbad thums ril shag/ ma ta ma ta badzra/ rtsa la
241b3 rbad thum ril shag dz+wa la dz+wa la badzra/srog la hur thum ril shag su ru su ru badzra/ kham nan thum ril shag/ mu ru mu ru badzra/ mu ru mu ru badzra/ dum ling khas thum ril shag/ ka tang ka ye badzra snying gzir sbur
241b4 nan thum ril shag dza yi bi dza ye badzra rA dza tri shu la gzir nan thum ril shag a tsi ti a pa ra tsi te badzra tsa tri du me ru snying la gzir/rtsa spur nan srog la breng breng/ rtsa la dun dun kham shag rbad/ mA ra se na pra
241b5 marda nA ya badzra sarba duSh+tan trig nan rA dza ya ma dza ha ma sha ma tri hur thum dza/du me ma ma srog la gzer thums ril shag oM rni du rni du hUM hUM phaT phaT/ rA dza ni hUM hUM phaT phaT// tri ling sham/ ro ling sham/ kha thun
241b6 tri thun/bur tri dza rag sha ni dza dza/ hUM ma ma pa shaM ku ru ma taM nya ka ra i dan d+ha ti ma ma shI g+h+raM karma kA ra ya/ tri'u tri'u ya na mo sha dza// badzra ma da ni tri dza/ tri mA ra ya dza/ dam sri tri mA ra ya dza/ nA ga rA dza stag sha dza/
242a1 ma nya hi ko sha gar+tha ma ni/ mA ra ya hUM phaT/ sha lung ni ti sta pa la a sho ma b+h+yo b+h+yo hUM hUM phaT phaT rA dza thum a ti rbad/ rA dza zung a ti rbad/ rA dza kha tshings lus stoms dun tri pa ri pa ri stoms/ tsit+ta
242a2 kar pa sha phag pa rA dza stoms/rA dza shag thum khram khra nan/ rA dza a kri pa kri na sod/ thum thum ril ril/ pa tsang shig pa tshang shig chings snyoms sa ma ya/ rig ru thum ril/ bu ru lu ru lu ru lu hUM phaT/ rA dza
242a3 si ti sa ma ya bying hUM phaT/rA dza a ho hUM phaT/ sha ma ru tri ma ho dza/ thum ri li li/ ru lu ru lu sa ma ya s+t+waM/ rA dza sa ma ya ging ga rag pra ma shang ka du ri stoms/ tsakra mA ra ya chings stoms/ oM badzra rag sha rA tsa'i
242a4 tsit+ta zung zung/kham rag sha rtsad rtsad/ kha rag sma sha rmad stoms/ 'khu na dum bu shig shig shig stoms/ 'da' na rag sha tsit+ta phyung rbad/ stoms zung b+huM si rag sha ma ra Na b+h+yo// tri rA dza oM aM hUM mA ra ya stam b+ha
242a5 nan nan// spyi ti spyi ti ma snying kha rag dza dza// oM laM hUM laM staM b+ha nan/ mo ha g+ha ya b+ha gA wAn// shi kri bi kri badzra hUM kA ra hUM phaT/ badzra sum tri rag sha gtubs/ tsi tri mA ra ya hUM phaT/ khyod dam las ldog na/ su tri mA
242a6 ra ya hUM phaT/sa ru ke pa ya/ su ta mA ra ya hUM phaT// badzra sig nan sig nan/ mA ra ya hUM phaT/ trig nan hUM phaT// badzra dug nan hUM phaT/ badzra tsag du tsag du sod/ tsag tsag yer yer sod/ thum myogs sod// raM
242b1 yaM ting bu sod// badzra kI li kI la ya// dzaHhUM baM hoH/ rA dza tsit+ta zung zung khug nan/ dum bu shig ldog na rbad/ s+t+waM pa nan/ he ling nan/ tsa tri rbad/ a tri rbad/ ma tri rbad/ ma he la rbad/ rA dza trig nan rA dza
242b2 hur thums/pa tsang 'dri ma thib ra rA dza rba sbur srog nan/ snying gzir bring shag ya ma rbad/ sarba big+h+nAn/ baM hUM phaT// badzra kI li kI la ya hUM phaT/ badzra hUM kA ra a/ du me nA ga mo trig nan me hur thums dza/ ru
242b3 tri trig nan ru hur thums dza/dun tri pa ri pa ri tsit+ta garba sha yag pa sod/ tri tsit+ta garba sha yag pa sod/ snyan tsit+ta garba sha yag sha sod// dung skyong pa ta mA ra ya hUM phaT/ tig tig zho 'thung skyugs sod/ tsha bang
242b4 mdzod bsren mA ra ya hUM phaT// chu ha na tri dza ya mar na byi dza ya hUM phaT/ sha ma sa ru tri rA dza a ho bru rbad/ rA dza chings chings gtubs gtubs// 'khu na du tsit+ta shig rag sha tsit+ta zung/ rma na rbad/ thub rbad/ rbad
242b5 ti dum rbad/ya rbad ya khra ri b+ha sha ya dza// badzra sho na sa ma ya/ ya ma sho na sa ma ya/ nA ga sho na sa ma ya/ kha rag sho na sa ma ya/ rgyal 'gong rgyal tshe la ma sha/ dom rol khrag 'thung/ snying khrag 'byung po sa ma ya
242b6 dza// badzra dza ra trig rog ta 'byung po mA ra ya snying khrag dzaHhUM baM ho/ badzra aM ku sha dza/ 'byung po tshe la ma sha dom rol khrag 'thung// snying khrag 'byung po 'byung po pra ti pri mo ma sha dom la khrag 'thung/ ro la khrag
243a1 'thung/snying khrag ma la ma la yes yes b+h+yo b+h+yo troM troM swA hA/ oM sarba duSh+tan ti ra ti nan/ rA dza nan/ rbad nan/ tri hur thum dza/ mA ra ya rbad// tad+ya thA tad+ya thA hUM phaT// sarba A na ya hUM phaT/ ni sha ku ru
243a2 yaM/kha sod dbang rol ya ma// thod khrag spyos shig tsit+ta ku lu nan/ snying khrag spyos shig tsakra raM/ rnam shes spyos shig sho na raM// 'dod chags spyos shig su tri kha ram// gzugs phung shig shig/ su ni tri ni yan
243a3 lag chings shig/oM sarba dza ni hUM dza/ nri tri su tri nri hUM dza/ shan tri ni hUM dza/ ka tri ni hUM dza/ gan tri ni hUM dza/ guM guM guM sri can dza dza hUM phaT// oM rtsa hUM ka te pu ra tsa te swA hA/ sri can nan ra dza nan/ he du ma b+h+yo ku ka ka
243a4 re dza dza/he du prid pu ka skye mi skye swA hA/ e ra lig shi na shig he ri ha ti pra ma le shag he ri lig sha li sha li byi/ thuM leng swA hA/ sha li b+h+yo thuM/ na ga tshe na gu tse rgu ru shad ti rbad rbad// badzra badzra badzra badzra/ badzra badzra
243a5 badzra badzra badzra badzra badzra/kha tham kha tham kha tham kha tham kha tham kha tham kha tham kha tham kha tham kha tham kha tham/ badzra yag sha rag sha kro ta kha kha kha/ khA hi khA hi khA hi/ ha ha ha/ hi hi hi/ hUM hUM hUM/ phaT phaT phaT/
243a6 ces gsungs so// phur pa gsang ba'i sngags rgyud las dam log dam sri rU tra'i sde bsgral ba'i drag sngags kyi le'u ste bcu pa'o//// de nas zhe sdang gi rgyal po rdo rje gzhon nus las kyi sbyor thabs
243b1 bka' stsal pa/rnal 'byor don dang ldan pa la// dam log dam sri rU tra'i sde// gnas dang 'khor dang longs spyod dang// chags nas dbang byed shul 'breng dang// 'khor dang longs spyod dbang thang
243b2 dpal// rgyas su mi ster 'phel ba 'grib// dkar sgyur sra rtsi bre sre snyab byed pa// de dag drag po'i las 'dis 'dul// 'jig rten gzhan du 'phang la btang// rdo 'am sa la 'brub khung bca'// rnon po rtsang gis
243b3 bskor nas kyang// nang du 'byung po'i gzugs rten gzhag/ khyi phag spre'u dang byi la'i mgo/ bgegs dang 'gong pa'i rU pa gzhug/ 'brog te nag po mgo dgu dang// dam sri nag mo bya mchu ma// bar du rgyal
243b4 'gong sprul pa brub// byi chings tshul du lto sbyar nas// bla shing sho mang khud du dril// blo rdo pha bong long bu la// mtshal gyis phyogs bzhir srog yig bris// se ba nya thod sdig pa'i rwa// byi ba'i snying dang spyang ki'i
243b5 brun// lam chen rgya gram sa dag ni// zhang po ma dang sprul pa bu// 'og gi rta dang rtse sa'i gnas// bla gnas yin te bla la dbab// rgya grog sked dmar khang sa dang// chu sna'i 'dag la na tshwa dang// srub ka rtswa yi lo
243b6 ma dang// gong gsum lung gnas rtsi 'jags la// gzug bcas shing shun ming rus gzhug/ thal dkar byas te byad thag gdags// gdab dang sreg dang mnan pa yi// rU pa bye brag so sor sbyar// 'brub
244a1 khung thod pa hom la gdags// re ba shug shing tsher mas dgab// dus gsum dang ni dus bzhi drug/ gshed mar gyur pa'i mtshon cha ni// lcags sna lnga yi phur bu dang// stag pa'i beng dbyug tho
244a2 ba dang// gor ma shing phur rdo rje dang// ral gri 'khor lo la sogs pas// drag tu brdung zhing brnag pa bya// mo la mda' thun zor gyis brdeg/ pho la khrag thun gri mtshon gdab// bdun dang bdun gsum gang
244a3 nus par// ma yengs brtson pas brab par bya// sngags drug rgyal po'i las sbyar te// gdab dang mnan bsreg bkar bar byed// ces gsungs so// phur pa gsang ba'i sngags rgyud las/ las sbyor thabs kyi
244a4 le'u ste bcu gcig pa'o//// de nas yang zhe sdang gi rgyal po rdo rje gzhon nus gdon ngos bzung ba'i don du bka' stsal pa// srid pa kun la gnod pa yi// 'gong po pho mo 'di dag ni// rnal 'byor can la
244a5 lha slubs 'jug/phal pa rnams la mi slub 'jug/ bgegs dang 'bras la bgegs slubs 'jug/ yul brgyud gang zag brgyud par byed// skye ba brgyud dang sprul pa brgyud// dngos po brgyud nas gnod
244a6 par byed// rku zhing ngo sbed sna tshogs ston// 'di dag drag tu gdon gyur na// klu bdud klu btsan mes po dang// ma mo mtsho sman ma sru dang// dkar nag rgyal 'gong bcos pa shis// rgyab rten phral nas sna 'dren
244b1 bsad// mi dkar rta dkar 'bag seng dang// lha khang byung na dkar po bcos// mi nag rta nag dar nag dang// lha khang nag mthong nag po bcos// rlan dang na klung chu mig tshan// ko mog rgya mtsho klu gnyan
244b2 bcos// drag ri gzar po ri rtse zang// brag dmar btsan bdud klu yang bcos// gad phug khang stong thigs pa can// khang rul dam can bsad pa rtsom// sbrang bu sbur ba ba lang mdzo// gnag mthong sa bdag sa
244b3 srin bcos// bya dang bud med ral pa can// khyi mo nag mo dam can bsad// rta dang bu chung spre'u dang// byi la btsun pa rgyal 'gong bsad// ma smad ming sring bu chung can// pho mo'i grogs dang rog sa
244b4 'gras// rgyal 'gong pho mo srog rtsa gcad// btsun pa sprang po ngan pa'i btsos// beg te ltog 'gong drung nas gdon// de la sogs pa dud 'gro'i tshogs// 'byung po la sogs tha dad rdzu// nges par brtag la
244b5 gnad srog gtem// be phur hor smug bya yi mchu// sprul par bcas pa rdul du brlag/ spun gsum sprul par bcas pa yang// rgyab dang phral nas brlag par bya// klu gdon gnyan sogs brid cing bsdig/ dkor
244b6 du mnga' gsol 'gong po rnams// dkor 'bog rgyal khrims la la bkar// bsgrub pas 'khor byung dam log bslus// shi sa'i 'khor lo bskor zhing mnan// gso ba chu bo'i gzhung la btang// rbad pa phyir
245a1 bsad log 'khor bskor// smyo 'bog skar chu yungs kar dang// gu gul bdug cing brab par bya// sde gnod nang nub dus gsum brdung// dus dus gnad la phur bu gdab// phung po bsreg cing
245a2 sha khrag bstab// 'khrul pa'i rtog gzhi gnan par bya// mchod rten lha khang rgya gram lam// rnal 'byor mal 'og them sgo dang// phyugs ra bres dang ma sgyed sogs// gang la gnod pa'i lam gnas su// gnan pa
245a3 byas na nus pa 'jig/ces gsungs so// rdo rje phur pa gsang ba'i sngags rgyud las rtags kyis ngos bzung zhing las kyi gnad bcad pa'i le'u ste bcu gnyis pa'o//// de nas yang zhe sdang gi rgyal po rdo
245a4 rje gzhon nus bka' stsal pa/ras sam gro ga shog shog gam// zhing ras la sogs 'khor lo yi// rdzas la srid pa'i lto ba bri// gcod pa'i 'khor lo rtsibs bzhi pa// bsad dang mnan dang bzlog dang
245a5 bskrad// gso dang srung dang shi sa dang// ji ltar dmigs pa de bzhin bri// pho dang mo yi 'khor lo brtsam// sngags dang srog dang ming yig dgod// bsrung ba rdo rje khong par bri// bu smad nor phyug gang
245a6 dmigs gdags// gu gul mu zi sgog pa sogs// sme rdzas gdags shing dud pas bskor// 'byung po lha yi phra men bcas// srid gsum khyab cing nyul byed pa// 'di dag ma bcos ma bkar na// byas pa'i las
245b1 rnams don med 'gyur// 'di dag bcos bkar sprul pa bsgral// 'jig rten khyab cing dbang byed pa// dam log sde gsum dngos po'i srog/ shi nas rang srog rang gis bcad// srog dang ming dang shes pa'i
245b2 rten// snying gi dkyil 'khor gnas pa de// pho g.yas mo g.yon bskor bar bsgom// 'gugs par byed pa hur thums dza// ya ma trig nan 'bru bzhis gzir// mA ra ya rbad gcod pa'i mtshon// dgug dang bcing
245b3 dang bstim dang gzhug/brul dang rtseg dang gtor dang bskrad// bsad dang bsreg dang gnan dang bkar// sngags kyis so sor gang dmigs pa// skyes bu shes rab rig pas zung// zhes gsungs so// rdo
245b4 rje phur pa gsang ba'i sngags rgyud las srog gi 'khor lo bskor ba'i le'u ste bcu gsum pa'o//// de nas yang zhe sdang gi rgyal po dpal rdo rje gzhon nus/ lha rnams las la gzhug pa 'di gsungs so// dang
245b5 po dbyings las ye shes bskyed// stong bdag med pa'i snying rje bsgom// rig pa gnas pa'i sgyu 'phrul hUM// rtog pa gzhil cing zhal yas bskyed// 'brub khung b+ha ga khro mo'i gtun// gsang ba yum gyi dkyil 'khor
245b6 du// 'di ltar snang ba rnam par bsgyur// rdo rje khro bo'i gtun tshogs kyang// gsang ba yab kyi phur pa bskyed// rdo rje 'khor lo'i mkha' gsang nas// 'bar ba'i khro bo phyung nas kyang// phyogs bcur dregs pa'i
246a1 gdan la gdab// khro bo khro mo'i mkha' klong nas// za byed 'gug pa'i pho nya 'gyed// dpa' bo dpa' mo'i sbyor mtshams nas// sras mchog rdo rje khro bo bskyed// dbang bskur byin brlab gzi byin
246a2 bskyed// dkyil 'khor rnam gsum lha tshogs la// spyan drang bzhugs bstim mchod bstod bya// so so'i snying pos bsnyen byas te// thugs dam bskul zhing pho nya 'gyed// ye shes sprul pa pho nya rnams// mgyogs
246a3 byed thugs rjes mngags pa'i ging// srid gsum thams cad gang byas te// srid pa'i khyams khang btson dong du// rdo rje phur pa'i gru char dbab// sngags kyi 'khor lo me ltar 'bar// lcags kyi tsha tsha brdab pa
246a4 bzhin// drug gi pho nyas las la sbyar// phyag rgya rnam bzhis kun tu khyab// drag po'i rtsal ldan kun gyis grub// bsod nams tshogs chen rdzogs pa dang// sngags grub dbang dang ldan pa la// 'dul sdom rnam
246a5 par dag pas kyang// 'di dag tshar bcad dngos grub thob// de dag ldan par ma gyur kyang// 'di dag bsgral las ma byas na// dngos grub bdud kyi lag tu shor// shin tu brtson pas bsgral bar bya// dus
246a6 gsum rgyun du gsad cing gnan// de ltar byas na 'bras bu thob// ces gsungs so// rdo rje phur pa gsang ba'i sngags rgyud las pho nyas tshar bcad pa'i le'u ste bcu bzhi pa'o//// de nas yang zhe sdang gi
246b1 rgyal po rdo rje gzhon nus// sri can drungs nas 'byin pa'i las bka' stsal to// mi yi srid pa dang po la// dbus kyi ri bo mchog rab srid// ri rab kyi ni dbus nas yar// dpag bsam shing gi ljon shing
246b2 srid// dpag bsam shing gi rtse mo la// bdud pho thod pa'i phreng ba dang// bdud mo nag mo bzhin mi sdug/ tshogs pa'i ming sring bcu gcig ni// gang na dkar po'i las dar la// de na phung ba'i sri can te// 'di
246b3 dag rnal 'byor can gyis gdul// rgyal dang blon dang dmangs dang gsum// dgra sri dme sri sgo sri dang// chung sri dur sri god sri dang// dam sri dbyal mo'i gong sri mnan// rgyal po phung byed phung sri ni// rigs
246b4 ngan hor mo sbyi rings mgor// chos 'khor dbus su gnan par bya// blon po phung ba'i phung sri ni// pha wang ne tso spre thod du// mdun sa chen por gnan par bya// dmangs rnams phung ba'i phung sri ni// spre'u mdzo
246b5 rtol thod pa ru// yul gyi dbus dang yul mdor mnan// dgra bos phung ba'i phung sri ni// rta dang g.yag dang ra thod la// so mtshams lam gyi rgya gram gnan// dme yis phung ba'i phung sri ni// g.yi dang gsa'
246b6 dang spyang thod du// grong brdal chen po'i dbus su mnan// sgo sgo sri can langs pa ni// khyi dang phag pa'i thod pa ru// gnas pa'i sgom pa'i them par mnan// skye rgyud gcod pa'i chung sri ni// khyi phag phru gu sre bya'i
247a1 mgor// ma gnas mal gyi 'og tu mnan// rigs tshan gnas pa'i dur sri ni// se bya grun pa wa thod du// dur gyi 'dabs su gnan par bya// rnal 'byor pho mo'i dam sri ni// mi phag ra khyi'i sog
247a2 pa la// mchod rten dkyil 'khor 'og tu mnan// dbyal mo gong gi sri can ni// khyi dkar sha ba'i thod pa ru// lam dang la btsas chen por mnan// nor phyugs god 'grams god sri ni// lu gu be'u ri'u thod
247a3 du// nor phyugs gnas pa'i ra bar gnan// phung bar byed pa'i sri can ni// tshe rabs sngon gyi lan chags 'ded// dus 'di nyid du 'bab par 'gyur// rnal 'byor rnams kyi sku dgrar 'gyur// sri can bsgral
247a4 ba'i zhing yin pas// gsang ba'i gnas su 'dus tshogs nas// slob dpon sku la phyag 'tshal te// gnod par byed pa'i phung sri dang// sdang bar byed pa'i dgra bo gnyis// sbrags te rgya gad drag pos
247a5 brgal// sangs rgyas bstan pa khyod kyis bshig/ dkon mchog dbu 'phang khyod kyis smad// dge la rgyab kyis khyod kyis phyogs// yon bdag rnams la gnod pa byas// sngags 'chang rnams kyi sku la bsdos// tshe
247a6 rabs snga ma'i lan chags pa// sdang bar byed dang gnod pa'i bgegs// skad cig tsam gyis phung bar bya// gru gsum 'bar ba 'dir stsol bas// nor gyis dogs pa'i ming rus 'di// rdo rje khro bo 'khor bcas
247b1 kyis// khyed kyis byin gyis brlab tu gsol// sri can 'di las 'dre che med// sri can 'di las tshe ring med// tsha ba'i dbal dang gson gyi bdud// gshin gyi lcags su che ba'i sri// chung sri rgyal blon dmangs kyi
247b2 sri// rje khol zhang po tsha yi sri// pha sri bu sri phu nu'i sri// dgra sre dme sri yod med sri// dur sri god sri sgo sri rnams// sri can ma lus gdul ba'i phyir// dpal chen khro bo skur bsgoms nas// thams cad rdul du
247b3 brlag par bya// rdo rje gzhon nus phur gdab bya// gshin rje nag po'i lto bar gzhug/ ya ma rA dza'i zas su sbyin// ma mo rnams la mchod par 'bul// pho nya rnams kyis dgug 'dren bya// ri rab chen po'i rmang du
247b4 sba// gshin bu rje yi lag tu gtad// rgya mtsho chen po'i gting du sgyur// mtshon chen 'bar ba'i rtse mos bcad// rdo rje phur pa'i dpal gyis gdab// ye shes rnon po'i rtse la gtong// rag ta 'bar ba'i rba la
247b5 g.yengs// yungs kar gser mde'u be mdu gzug/ gu gul sbyar ba'i dud pas bdug/ dug gi gtor mas myos su gzhug/ lcags phye zangs phye'i dbal gyis bcad// gtun khung rdo rje tho bas brdung// khro bo
247b6 rol pa'i tshogs su dbul// pho mo'i snying la snying gzir gdab// de ltar byas na gdon mi za// las rnams brtsam pa thams cad 'grub// ces gsungs so// rdo rje phur pa gsang ba'i sngags rgyud las sri gdon
248a1 mnan cing brub pa las kyi le'u ste bco lnga pa'o//// de nas zhe sdang gi rgyal po dpal rdo rje gzhon nus/ sems dpa' chen po la/ bstan pa bzung ba gtad pa 'di gsungs so// kye kye
248a2 gsang ba'i bdag po dpal// sems dpa' chen po'i rig 'dzin rnams// bstan pa dus kyi tha ma'i tshe// lnga brgya dus kyi snyigs ma la// sems can nyon mongs snyigs ma rgyas// de ru log pa rnam gsum
248a3 gyi// bstan pa dar zhing thar lam bgegs// rnal 'byor can rnams slu bar byed// dngos grub thob pa'i bar du gcod/ sems can kha lo log par sgyur// kun kyang ma rungs phung bar byed// de ru skal ldan don
248a4 yod cing// dngos grub thod dang rtags phyin dang// dpal 'phel dbang thang dar ba dang// 'bru dang bang mdzod ldan pa dang// bde skyid bsam pa 'grub 'dod pas// rdo rje phur pa sngags kyi rgyud// phrin las
248a5 gsang ba rdzogs pa'i lung// 'bar ba'i khro bo rol pa 'di// spyad cing zung du gzung bar gyis// zhes gsungs te cang mi gsung bar bzhugs so// sems dpa' chen pos gsol pa/ bcom ldan 'das zhe sdang gi
248a6 bdag po chen po/ma 'ongs pa don yod par bya ba'i phyir// khro mo 'bar ba'i gtun khung dang// khro bo 'bar ba'i gtun tshogs// gtun khung rdo rje tho ba bka' stsal pa ngo mtshar ro// a la la ho// rjes su yi rang
248b1 ngo// don thams cad lhun gyis grub par bya'o// zhes gsol te 'khor dang bcas pa rjes su yi rangs te mngon par bstod do// bcom ldan 'das zag pa med pa'i ting nge 'dzin la snyoms par zhugs te/ cho
248b2 'phrul slar btul te gnas par gyur to// rdo rje phur pa gsang ba'i sngags rgyud las gtad cing bzung ba'i le'u ste bcu drug pa'o//// u rgyan gyi mkhan po pad+ma thod phreng gis// bi d+yot+ta ma 'bum sde'i tan+t+ra
248b3 las phyung ba/bod yul dbus kyi bsam yas bdud 'dul sngags pa'i gling du/ lce dz+nyA ku ku ra dang/ brang ti dza ya rak+Shi tas bsgyur te/ mkhar chen bza' 'tsho rgyal la gtad cing gdams pa/ rdo rje phur pa gsang
ba'i sngags rgyud las gsang ba'i phrin las rdzogs pa 'byung po kun 'dul zhes bya ba'i rgyud rdzogs so/

CLOSE WINDOW