CLOSE WINDOW

Gpb027.024
བོད་ཡིག

/// rgya gar skad du// nA ma badzra dz+wa la tan+t+ra// bod skad du// rdo rje 'bar ba'i rgyud ces bya ba// bcom ldan 'das rdo rje 'dzin pa la phyag 'tshal lo// 'di skad bdag gis thos pa'i dus gcig na/bcom ldan 'das sku dang gsung dang thugs rdo rje'i snying po/ de bzhin gshegs pa thams cad kyi bdag nyid chen po de btsun mo'i dkyil na rtag tu bzhugs so// de nas byin gyis brlabs las byung ba'i longs spyod par mdzad pa'i/rnam par snang mdzad chen po'i gzugs zhal gsum phyag drug pa/ ser po/ dmar po/ dkar po'i tshul du gnas pa/ 'khor lo la sogs pa'i 'dzin pa'i cha byad can// mtshan dang dpe byad du ldan pa de/ 'og min gyi gnas gzhi dang snying po me tog gis brgyan pa/ ye shes kyi rang bzhin rin po che lnga las grub pa tshad dpag tu med pa/ dbyibs dang dog dang khyad par du gyur pa/gru bzhi dang gru chad dang sgo bzhi sgo dang bcas pa/ rta babs dang/ them skas dang bcas pa/ ka ba brgyad kyis rnam par spras pa/ sna tshogs pa'i gzugs la sogs pas brgyan pa/ lha mo la sogs pa'i rgyan gyis bklubs pa ni/nyid las mi gzhan pa'i 'khor rnams dang thabs cig tu bzhugs pa ni 'di lta ste/ bcom ldan 'das de bzhin gshegs pa rnam par snang mdzad dang/ mi bskyod pa dang/ dkon mchog dpal dang/ tshe dpag tu med pa dang/ grub pa gdon mi za rnams btsun mo rnams dang bcas pa dang/ gzhan yang sgeg mo ma dang/ phreng ba ma dang/ dbyangs len ma dang/ gar sgyur ma dang/ bdug spos ma dang/ me tog ma dang/ mar me ma dang/ dri chab ma dang/ lcags kyu ma dang/ zhags pa ma dang/ lcags sgrog ma dang/ dril bu ma rnams dang/ gnyis su med par bzhugs so// de nas bcom ldan 'das rnam par snang mdzad chen po longs spyod par mdzad de/stong gsum gyi stong chen po yang snang bar mdzad pa dang/ gzhan yang dang por nyid kyi dkyil 'khor nang du zhal 'dzum pa mdzad de mi snang bar gyur to// kye/ khyod ni snying rje dang ldan 'gro ba'i gnyen mchog ste// byams pas kun la skyob cing phan mdzad pa// dga' ba'i pad+ma rgyas pa bdag la yod// bde ba chen po btang snyoms bde ba'i gar mdzod cig/ de nas de bzhin gshegs pa dgyes pa chen po de zhal gsum phyag drug par de bzhin gshegs pa thams cad kyis gzigs par gyur to// de nas bcom ldan 'das de bzhin gshegs pa rnam par snang mdzad la sogs pas/ d+hu pe la sogs pa phyi'i mchod pa dang/sgeg mo la sogs pa nang gi mchod pa dang/ me tog ka ni Sh+ka la sogs pa gsang ba'i mchod pas yang dag par mchod de/ phyag 'tshal nas 'di skad ces gsol to// sku gsung thugs kyi bdag po mchog/ de bzhin gshegs pa kun gyi gnas// sku gsung thugs kyi gsang ba rnams// rab dgyes khyod kyis bshad du gsol// zhes brjod pas// nyid kyis gsol ba btab par mkhyen nas/zil gyis gnon pa'i rdo rje zhes bya ba'i ting nge 'dzin la snyoms par zhugs so// oM ma hA shU'u n+ya tA dz+nyA na badzra swa b+ha wa At+ma kou0f85haM// ngo bo nyid kyis stong pa la// bdag dang c hos dang rnam rig dang// gzung dang 'dzin pa rnam spangs pa// stong pa nyid kyi rang bzhin no// stong nyid ye nas gnas pa las// shes pas mthong ba'i yul min te// gang gis ye shes bskyed 'gyur ba// de yis yang dag rnam par mthong// zhes gsungs so// de nas bcom ldan 'das rnam par snang mdzad chen pos/ sems bskyed pa 'di gsungs so// chos kyi dbyings kyi rang bzhin las// snying rje'i yul ni rnam bsgom ste// chos gcig po 'di rtsa ba'i phyir// chos rnams kun dang 'dra bar gsungs// de bas shes rab snying rje ni// theg pa'i rang bzhin kho na'o// gzhan gyi don du sems bskyed phyir// byams dang dga' dang btang snyoms sogs// rnal 'byor pa yis ldan par bya// sems can don la dmigs pa dang// chos tsam la ni dmigs pa'o// mi dmigs pa la dmigs pa yis// tshad med bzhi pa bsgom par bya// de nas rgyu yi sa bon bsam// hUM gnas bsdu ba brtsam pa dang// dkyil 'khor rdo rje kun las skyes// de ru yi ge 'bru bsam mo// yaM raM baM laM taM b+h+rUM hUM/ de nas dgyes pa chen po de/ sku gsung thugs rdo rje'i ting nge 'dzin la snyoms par zhugs te/de nyid sngags kyi bdag po chen por byin gyis brlabs so// brlabs ma thag tu zhal gsum phyag drug par snang bar gyur to// de nas de nyid 'dod chags chen po'i ting nge 'dzin la snyoms par zhugs te// 'khor skul bsdus nas shes rab ma dang dga' bar byas so// de nas yang dkyil 'khor 'byin pa'i sngags 'di gsungs so// oM AHhUM/ sku gsung thugs kyi dkyil 'khor rnams// btsun mo yum gyi b+ha ga la// rim pa bzhin du dgod bya ste// gsang ba yum gyi dam tshig rnams// ldan par bya phyir gdon par bya// de nas thugs rje chen po dang ldan pa'i dkyil 'khor gyi bdag po la sogs pa rnams/ dkyil 'khor gyi lte ba dang rtsibs dang rtsibs mchan dang/ gru chad dang/ sgo bzhi go rim bzhin du gnas par gyur to// de yang rnam par snang mdzad dang/ mi skyod pa dang/ dkon mchog dpal dang/ tshe dpag tu med pa dang/grub pa gdon mi za ba rnams dang/ dkar po dang/ mthing ga dang/ dmar po dang/ ser po dang/ ljang gu'i mdog tu snang ba dang/ 'khor lo dang/ rdo rje dang/ rin po che dang/ pad+ma dang/ ral gri rnams phyag dang po na 'dzin pa/g.yon pas rang dang 'dra ba'i shes rab ma rnams la 'khyud pa/ badzra d+ha ras dbang bskur ba/ mtshan dang dpe byad du bcas pa/ snyan cha dang mgur chu dang/ dpung rgyan dang/se mo do la sogs pas mdzes par byas pa dang/ sgeg mo la sogs pa rnams dang/ dkar po dang/ ser po dang/ dmar po dang/ ljang gu la la sogs rang rang gi mdog dang/ lag cha 'dzin pa rnams kyis dkyil 'khor gyi gdan la 'khod par gyur to// de bzhin gshegs pa thams cad kyi sku dang gsung dang thugs rdo rje 'bar ba'i rgyud las/ dkyil 'khor gyi gleng gzhi'i le'u ste dang po'o//// de nas bcom ldan 'das de bzhin gshegs pa thams cad kyi bdag po dgyes pa chen po de bsnyengs pa mi mnga' ba'i ting nge 'dzin la snyoms par zhugs nas/gnas bsrung ba 'di lta bu gsungs so// dngos po med las dngos po'i tshogs// sna tshogs rnam par 'byung bar 'gyur// ngo bo nyid kyis yang dag par// dngos rnams nyid na dngos med pa'o// chos kyi dbyings kyi khyad par las// rgyu yi dngos po gsal byas te// gnas nas gnas bsrung rnam par brtsam// a yig dang po lnga par ldan// bcu gcig pa yi thig le yis// spyi bo gtsug tu brtag par bya'o// grangs las 'khor lo'i rtsibs bcu pa// rig pa cung zad ser ba las// nyi ma'i dkyil 'khor bsam par bya// steng 'og pad+ma lha chen po// nyi ma'i dkyil 'khor dbus su ni// khro bo zhe sdang gnas las bskyed// zhal gsum phyag ni drug pa ste// g.yas dkar g.yon dmar dbus mthing zhal// phyag gnyis hUM gi rgya bcings te// dang po rdo rje dril bu 'dzin// lhag ma ji ltar 'dod pa yin// snying gar ye shes sems dpa' gnas// hUM/ de las gnod mdzes rgyal po ni// thugs ka nas ni byung gyur te// spyan sngar bka' nod tshul du gnas// rdo rje tho ba g.yas pa ste// g.yon pa na ni zhags pa'o// A+oM sum b+ha ni sum b+ha ni hUM/ gr-i h+Na gr-i h+Na hUM/ gr-i h+NA pa ya gr-i h+nA pa ya hUM/ A na ya ho/ b+ha ga bAn/ bid+yA rA dza hUM phaT/bgegs kyi tshogs ni rab bkug ste// dkyil 'khor rnams kyi rgyan du bya// a ko Ta ya mut+ga ra na// rdo rje phur pa'i khro bo ni// sku stod bdud rtsi 'khyil pa ste// dbyar gyi sprin phung 'dra ba la// bskal pa'i me bzhin rab tu 'bar// in+d+ra nI la'i kha dog 'dra// rdo rje phur bu phyag rnams mchog/ smad ni gsal shing lta bu la// 'od zer rnam par 'phro bar bsam// rdo rje phur bus nges btab na// bgegs lus shin tu mi g.yo'o// oM na maHsa man+ta kA ya wAka tsit+ta badzrA NAM// g+ha g+ha g+hA ta ya g+hA ta ya/ sarba duSh+tAM hUM phaT/ kI li kI la ya sarba pA paM hUM phaT/ hUM hUM badzra kI la ya badzra d+ha ro A dz+nyA pA ya ti/ sarba big+h+nAn/ kA ya wA ka tsit+ta badzra kI la ya hUM phaT/snying ga'i chu skyes nyid gzugs las// hUM yig rnam par byung nas ni/ khro bo bcu yi gzugs su gyur// oM badzra kro ta hUM kA ra hUM/ gardza gardza hUM phaT/ oM badzra kro ta bi dza ya hUM/ ha na ha na hUM phaT/oM badzra kro ta ya mAn+ta ka hUM/ pa tsa pa tsa hUM phaT/ oM badzra kro ta ha ya grI ba hUM/ hu lu hu lu hUM phaT// A+oM badzra kro ta a mr-i ta kuN+Da li hUM/ tsin+d+ha tsin+d+ha hUM phaT/ oM badzra kro ta nI la dan+t+ra hUM/ da ha da ha hUM phaT/ oM badzra kro ta Ar+ya a tsa la hUM/b+han+d+ha b+han+d+ha hUM phaT/ oM badzra kro ta a pa ra tsit+ta hUM/ tiSh+Tha tiSh+Tha hUM phaT/ oM badzra kro ta trai lo kya bi dza ya hUM/ b+hin+d+ha b+hin+d+ha hUM phaT/ oM badzra kro ta ma hA ba la hUM/ s+pho Ta ya s+pho Ta ya hUM phaT/ mi g.yo lta bu'i 'khor ba yi// me stag mang po 'phro ba can// phyogs bcu'i gnas su 'khod par gyur// rdo rje phur bus byin brlabs nas// phyogs bcu'i gnas su rnam par bsam// de nas rgyu yi sa bon las// 'od zer lnga bcu 'phros nas ni// 'od las sprul pa'i khro bo rnams// yan lag byin gyis brlab byas te// yab yum sbyor ba'i mtshams nas ni/ rdo rje'i rigs la sogs pa yis// rang rang lag cha rnam 'phros pas// bar chod bgegs rnams gzhil ba dang// gnas bsrung ba ni byas nas kyang// rdo rje la sogs gur du gyur// sku la sogs pa'i rang bzhin ni// ye nas yin phyir phyag rgya'i bdag/ steng du me yi dkyil 'khor dang// chu yis rnam par g.yogs par bsgom// rdo rje la sogs rnam lnga yis// zhe sdang gti mug 'dod chags dang// nga rgyal phrag dog gcod byed pa'o// sku gsung thugs kyi rang bzhin dang// yon tan 'phrin las rnams kyis rgyan// bgegs rnams rnam par gzhig pa'i phyir// brgyal zhing rab tu brgyal bar 'gyur// mos shing rnam par 'gal 'gyur te// tshig cing rnam par 'bros par 'gyur// nam mkha' dwangs pa'i rang bzhin las// rdo rje la sogs gur lnga shar// steng 'og gur dang sa bzhi dang// bla re dang ni ra ba dang// rtsigs par byas shing bar mtshams med// me stag 'phro zhing rnam par bkrig/ mdangs can kha dog lnga dang ldan// yon tan kun gyis rab brgyan pa// thun mong ma yin bka' yi mtshams// thun mong dbang chen mtshams rnams ni// sa bon yi ge hUM nyid kyis// sku gsung thugs kyi rdo rje ste// dbang chen dkyil 'khor bskyed pa'o// nam mkha'i khams kyi dbus dag tu// yi ge hUM gi khyad par las// a rnams 'bros shing 'dus pa ni// sngon po gzhu 'dra ba dan phyar// du ba'i 'od kyi phreng bas bskor// sku la sogs pa'i rdo rje rnams// rgyu la gnas pa de bzhin te// 'bras bu la yang gnas bya'i phyir// rlung gi steng na yi ge oM// rdo rje gnyis dang yang dag ldan// de steng raM las byung ba yi// dmar po gru gsum rdo rjes mtshan// dmar po'i 'od kyi phreng bas bskor// de yi steng na yi ge oM/ rdo rje gnyis dang yang dag ldan// de steng paM las byung ba yi// ba mo'i mdog la bum pas brgyan// dkar po 'od kyi phreng bas bskor// de yi steng na yi ge hUM// rdo rje gnyis dang yang dag ldan// de steng suM las byung ba yi// ser po gru bzhi rdo rjes mtshan// ser po 'od kyi phreng bas bskor// de yi steng na yi ge oM// rdo rje nyid dang yang dag ldan// de steng laM las byung ba yi// rin chen gru bzhi rin chain brgyan// 'od zer lnga yi phreng bas bskor// rtse mo gcig ni brgyad kyis spras// bya skyibs bya 'dab ldan pa la// rdo rje rgya gram mdzes par gtams// dpung rnam par bzlog pa'i ting nge 'dzin to// nad rnams myur du bzlog pa'i phyir// rgyun du gtor ma bsngo ba dang// mtshams gcod pa yi dus su ni// 'bar ba chen po'i gar dgu dang// ldan pa'i khrag 'thung gsal byas te// mkha' 'gro phyogs skyong la sogs mchod// brda yis mkha' 'gro bod pa'i phyir// spyi bor gar stabs bsgyur nas su// gyen du pheM gyi sgra sgrogs shing// mkha' 'gro ma rnams bskul bar bya// dpa' bo chen po'i gar dgu ni// gdon rnams 'joms pa chen po'i mchog/ de nyid rnam pa dgu po 'di'o// g.yas rkyang pa dang g.yon bskum pa dang/ gyad kyi dor thabs su 'dug pa dang/ 'gying bag tu bzhugs pa dang/khu tshur gnyis dku ru rten pa ni sgeg pa'o// gyad kyi dor thabs su byas pa la/ g.yon gyis 'dzin pa ltar byas nas/ g.yas kyi sor mo gdengs te/ brdeg pa ltar byas pa ni dpa' bo'i 'o// de nyid las g.yas pa'i khu tshur bcangs te/ so bsdams shing mche ba gtsigs pa ni// 'jigs su rung ba'o// de nyid lag pa gnyis bsnol nas yum la 'khyud pa ltar byas pa las/ hi hi ni bgad pa'o// de nyid las ha ha ni rgod pa'o// rkang pa gnyis de nyid las lag pa gnyis dku la brten te/ kha gdangs nas lce brkyang ba ste/ phan tshun du bsnyer zhing bltas na ni gshe bar byed pa'o// de nyid las mig phab ste/ bsnyer nas 'dug pa ni snying rje ba'o// rkang pa dor thabs su byas nas/ g.yon tho ba 'dzin pa la g.yas kyi rdo rje dgug cing/ ha ha zhes brjod cing 'thung ba ni rngam pa'o// de nyid las mnyam pa'i phyag rgya bcas te/tha mar 'dug pa ni zhi ba'o// des he ru ka'i phyag rgya bcas te/ dpral ba'i skra mtshams su bzhag la/ a a e a ra li hoH dza u0f7fhUM baMhoH sa ma ya s+t+waM/ badzra DA ki dr-i sh+ya ho/ sa ma ya phaT/ kha kha khA hi yis b skul bar bya'o// sarba d+hA ki nI/ sarba rak+sha/ sarba yak+sha/ sarba b+hU ta/ sarba pre ta/ sarba pi shA tsa/ sarba ut+mA da/ sarba A pasma ra/ i daM ba li b+huny+dza tha/ pi ba tha gr-i h+Na tu/ dzi g+h+ra tha/ ma tI kra ma/ ma ma sarba kartA ya/ sa twa khaM bi shud+d+he/sa hA yi kaM b+ha wan+tu/ hUM hUM phaT phaT swA hA/ in+da dza ma/ dza la dzak+kha/ b+hU ta ba h+ni te dzo/ rak+kha tsan d+ha/ sudz+dza ma da/ ta la pA tA le/ aT+Ta/ sap+sa swA hA/ i daM ba liM b+huny+dza/ dzig+h+ra/ phul+la/ d+hUp+pa/ mAM sa/siM g+ha/ am+ba/ sap+sa/ kadz+dza/ sA dA/ khan ti/ khu Ni/ pheDa ga ta// a kA ro mu khaM sarba d+harmA NAM Ad+ya nut+pan+na twata ta oM AHhUM phaT phaT swA hA/ nad rnams sel zhing dogs pa med// dug dang mtshon gyis mi tshugs shing// bar chod byed pa'i bgegs rnams ni// 'jigs par 'gyur ba gdon mi za// de bzhin gshegs pa thams cad kyi sku dang gsung dang thugs rdo rje 'bar ba'i rgyud las/ mtshams bsrung ba'i le'u ste gnyis pa'o//// de nas bcom ldan 'das de bzhin gshegs pa rnam par snang mdzad chen po de// mkha' dbyings rnam par dag pa zhes bya ba'i ting nge 'dzin la snyoms par zhugs te/ gzhi yi ting nge 'dzin 'di gsungs so// 'dod pa'i khams la sogs pa yis// phung po khams dang skye mched rnams// rten cing 'brel bar 'byung ba tsam// de nyid snang ba ma yin pa// yang dag par na rang bzhin med// rnam par thar pa'i sgo rnams kyis// stong pa'i bdag nyid ldan par bya'o// rten cing 'brel bar 'byung ba tsam// de nyid las ni ma rtogs pa// tha dad ma yin don gcig min// 'gag pa med pa skye med par// rtag pa ma yin chad pa'ang med// 'ong ba med dang 'gro med pa// de bas rgyu yi rang bzhin ni// ngo bo nyid kyis ma grub pas// yod pa ma yin med pa'ang min// bdag dang gzhan yang med pa ste// ci la'ang mi dmigs mi rtog pa// de nyid rnam par thar pa'i sgo// rkyen gyis rang gi ngo bo ni// rgyu ma grub pas mi bsgrub cing// ngo bo nyid kyis ma bskyed pas// mtshan ma med pa'i rnam thar ro// rgyu dang rkyen gyis ma bskyed cing// 'bras bu rang nyid mi skye bas// smon par bya ba'i nges bral te// smon par bya ba rnam thar ro// oM ma hA shU'u n+ya tA dz+nyA na badzra swa b+ha wa At+ma kou0f85haM// dam pa'i don du bsgom pa ni// don dam pa yi sems bskyed la// 'gro ba'i don du bya ba'i phyir// kun rdzob par yang sems bskyed de// byams dang snying rje ldan pa dang// dga' dang btang snyoms sems bskyed de// stong pa nyid kyi rang bzhin las// shugs kyis snying rje'i yul dag 'byung// theg pa chen por grags pas na// thabs dang rab tu 'brel ba'o// gang rnams sdug bsngal nyen pa las// bral bar 'dod pa snying rje yin// byams pas phan pa sgrub pa ste// kun la skyob cing phan par dga'// dga' ba rab tu dga' ba ste// dam pa'i don la 'dun pa'o// chags sdang gnyis dang bral ba ni// bar ma'i sems dang ldan pa ste// don dam pa yis btang snyoms so/ khyab par byed pa'i bdag nyid ni// rigs su ma yin mtshungs pa'i phyir// tshad med pa'o zhes bya'o// dam pa'i don gyi bde chen de/ kun rdzob sems bskyed gzugs rnam gnyis// rdo rje dbyings la sogs pa'i gzugs// sangs rgyas la sogs 'khor lo bskor// mtshan med pa yi ting nge 'dzin// hUM yig dkar po'i khyad par las// gru gsum dkar po yar bsgreng nas// sna tshogs 'od phyogs 'khor sgyur ba// b+ha ga'i rang bzhin rdo rjes mtshan// chos 'byung ye shes rang bzhin ni// dri ma med cing zhi ba'o// de ni nang gi 'khor lo nyid// sna tshogs pad+ma rdo rjes brgyan// de yi steng du b+hUM 'khor lo/ rig mar bcas pa'i snang mdzad bskyed// zhal gsum pa la phyag drug ste// zhal g.yas nag cing g.yon pa dmar// rtsa zhal dbus ni dkar po'o// phyag gnyis rig ma 'khyud nas ni// g.yas na 'khor lo ral gri ste// g.yon na rin chen pad+ma'o// gru bzhi pa la sgo bzhi pa// lte ba rtsibs dang bcas pa dang// gru chad bar khyams rin chen shar// them skas rta babs rnams kyis brgyan// sgo khyud bzhi ni mchog tu mdzes// gar dang rin chen pad+ma dang// rin chen pha gus sgo , 'gram byas// dra ba drwa phyed phyed pa dang// mu tig phreng ba ha ra dang// ya phub rdo rje bcu gcig 'bur// rin chen shar bus phyogs rnams brgyan// chun 'phyang rnams dang ldan pa dang// dar bu khyad kyis rnam par spras// chos kyi 'khor lo ri dwags gnyis/ phyogs rnams kun tu mdzes par gnas// gdugs chen gser gyi yu ba can// gsal 'tsher mdzes pa'i sor phreng can// rnam pa sna tshogs rgyan gyis bklubs// dbyibs dang kha dog khyad par can// tshad rnams dpag tu med pa ste/ gzhal yas brtsegs pa de la bsgom// sna tshogs pad+ma de la bsgom// nyi zla brtsegs pa mnan pa ni// sangs rgyas dam pa rnams kyi gdan// rang gi mtshan dang ldan pa yis// 'dod chags a la sogs yig 'bru// dbus kyi nyi ma'i gdan la sems// ye shes zla ba brtsegs pa bsgom// dkyil na a dang li nyid de/ kha 'thor thabs kyi yi ge ni// shes rab ye shes rnam par spras// mtshan dang dpe byad ldan par byed// shes rab sgra yig bcu drug ni// rnam pa gnyis su gyur pa'o// a A/ i I/ u U/ e A+ai/ o A+au/ aM A/ r-i r-I/ l-i l-I/ ye shes lnga yi rang bzhin las// rigs ldan rnam par snang mdzad ni// cho ga lnga yi spro bsdu yis// ye shes mngon par byang chub pa'o// rgyun du dkyil 'khor ma lus thogs// sku gsung thugs su yang dag ldan// dbang bskur bya ste bsgrub par bya// thabs mkhas thabs dang ldan pa ste// nam mkha' dbyings kyi dbus gnas par// sangs rgyas dkyil 'khor bsgom nas ni// thabs dang shes rab yi ger bcas// snying ga'i pad+ma kha sbyar ba// zla ba'i dkyil 'khor dbus su ni// snang mdzad 'khor lo 'dzin pa gnas// lte ba A+oM gyis mtshan pa la// 'od zer mtshon char ldan pa rnams// byung ste nam mkha'i khams khyab pas// rgyal ba'i tshig drangs klong du gyur// sa la sogs pa'i rang bzhin la/ kha dog lnga yi rang bzhin ni// sna yi rtse mor brtag par bya// bdag nyid chos kyi phyag rgya las// gzugs rnams mthong bar gyur pa ni// mtshon cha mchog gis drangs nas su// pad+ma'i dkyil 'khor thim gyur nas// snying ga'i rtse mor brtag par bya// gnyis su med par rab sbyor ba// 'od zer lcags kyu rnam 'phros pas// ye shes dkyil 'khor rgyun bzhugs nas// A+oM gyis 'dzin par byed pa la// phaT kyis 'phangs pas gsang bar 'dus// ye shes lnga yi bdag nyid ni// sna yi rtse mor brtag par bya// byang chub sems kyi bdag nyid ni// ye shes 'ong ba'i rang bzhin las// zung 'jug ting 'dzin la gnas pas// gsang ba'i dbyings su brtag par bya// ye shes lnga yi dngos nyid ni// phyi nang gsang bar rab brtag pa// gsang ba mchog gi dam tshig yin// nad rnams med cing 'chi ba med// dus min 'chi ba mi 'byung zhing// mtho ris thar pa'i bdag por 'gyur// sngags kyi ngo bos brtags pa na// mtshan ma rnams kyang 'byung 'gyur te// byang chub 'tshang rgya gdon mi za// de bzhin gshegs pa kun gyi gnas// gsang ba dam pa mchog gi sa// 'da' bar mi byed dam tshig yin// blun po gang zhig 'da' byed pa// de la dngos grub mi 'byung zhing// dug dang mtshon dang nad bgegs kyis// bsad nas sems can dmyal bar skye// gang gis gsang ba mi shes par// dam pa'i don la 'jug pa ni// ldangs pas nam mkha' bsnyeg pa 'dra// rnam par dben don mi shes par// thos pa tsam la 'jug byed pa// gang dag bsod nams mi byed pa// skyes bu chen po de dag brlag/ yang dag don gyi rang bzhin la// gtong ba la sogs rnam brgyan pa// 'gal bar mi bya dgag pa min// thabs dang shes rab ldan par bya// rnam par dben pa rab shes nas// gsang ba'i don la 'jug 'gyur te// de yis yang dag rnam par mthong// sgra yi don la 'jug pa min// don dam tshol la dang por ni// dngos po'i rang bzhin gsungs pa ste// don rnams rtogs shing chags med na// gsang ba dam pa sbyin par bya// dbang skur gnang ba thob nas ni// nyan dang bsam pa la sogs pa'i// bla ma'i rgyud la gnas pa rnams// sbyangs shing rtogs par ma byas na// gcer bu lag pa stong par 'gro// de bzhin gshegs pa thams cad kyi// gsang ba gsang chen snying po rnams// rnal 'byor rgyud kyi rjes 'brangs nas// bla ma'i kha nas brtag par bya// de bzhin gshegs pa thams cad kyi sku dang gsung dang thugs rdo rje 'bar ba'i rgyud las/ rten gyi dkyil 'khor bsgrub pa'i le'u ste gsum pa'o//// de nas de bzhin gshegs pa thams cad kyi sku gsung thugs rdo rje'i bdag po dgyes pa chen po de/'khor los sgyur ba zhes bya ba'i ting nge 'dzin la snyoms par zhugs te// gsang ba'i dkyil 'khor bskyed pa 'di gsungs so// rnam par snang mdzad mngon byang chub// zhal gsum pa la phyag drug pa// g.yas dkar g.yon dmar ser ba'i zhal// 'khor lo rdo rje rin chen dang// rdo rje pad+ma rgya gram 'dzin// phyag rgya bzhi dang rab ldan zhing// yan lag bzhi dang gar sbyor bas// cha stod cha smad med pa yi// skya rengs shar ba'i tshe na ni// bsgrub pa chen po brtsams par bya// lha mo klu mo mi mo rnams// bzhin bzang mig gi dkyus ring ba// gzugs bzang gzhon pas brgyan pa dang// dkar zhing 'jam la 'dod par dga'// lo grangs bcu drug lon pa dang// nyi shu rtsa lnga pa'am rung// rigs ldan pa dang yon tan ldan// mdog gzugs na so ldan pa ni// bde bar gshegs pa'i sngags 'grub pa// mngon du nye bar spyad par bya// rgyal rigs la sogs bu mo la// 'dod pa la sogs mnyes byas nas// theg chen mchog gi snod du 'gyur// sme sha can dang gdol pa dang// smyig ma mkhan dang shan pa'i rigs// btso blag mkhan gyi bu mo rnams// rnyed nas dor bar mi bya'o// gsal ldan ma yi rang bzhin la// yan lag brgyad dang ldan byas te// sngags grub 'dod pa gang yin pas// byin gyis brlab pa rab tu brtsam// snying ga smin mtshams lte ba dang// gsang ba'i gnas dang rkang pa'i bar// nyi ma dang ni zla bar bcas// rin chen zur brgyad pad+ma brgyad// me yi dkyil 'khor gru gsum la// phyag rgya bzhi dang rab ldan pa'i// rgyal ba'i bdag nyid gsang las skyes// rigs lnga la ni rab tu dmigs// spyi bo long bu rkang pa'i mthil// a yig rnams kyis them par gtams// gsang ba'i gnas su a dang hUM// gsang ba'i nor bu A+oM bskyed pa// rtse mo phaT ni nag por bsam// de bzhin gshegs pa thams cad kyi// ye shes sa bon 'phel bar byed// rgyal ba rnams kyi bdag nyid pas// rnal 'byor pas kyang bsgrub par bya'o// 'dod chags chen po'i tshul gyis su// ye shes dkyil 'khor kun bsdus te// 'khor rnams thugs la bzhugs pa yis// shes rab ma ni dga' bar bya// oM sarba ta thA ga ta a nu ra ga Na dz+nyA na badzra swa b+hA wa At+ma kou0f85haM// byang chub sems ni byung ba'i tshe// mkhas pas sngags ni phaT ces brjod// a kA ro mu khaM sarba d+harmA NAM Ad+ya nut+pan+na twata ta oM AHhUM/ byang chub sems kyi 'od zer gyis// dkyil 'khor thams cad mchod pa bya// oM sarba ta thA ga ta ma hA pU dza badzra swa b+hA wa At+ma kou0f85haM/ de bzhin gshegs pa thams cad la// gsang ba 'di las gzhan med de// dkyil 'khor thams cad skyed mdzad pa// 'khor rnams sku gsung thugs nyid de// ngo bor bya phyir rim par bya// rgyu yi ngo bo gnas pa rnams// rnam pa gnyis dang yang dag ldan// don dam pa dang kun rdzob bo// de nas bcom ldan 'das dgyes pa chen pos// btsun mo'i mkha' rin po che'i khang par byin gyis brlabs te/ rgyan bsam gyis mi khyab pa dang ldan par byas nas/ phyi dang 'dra ba nyid du gyur to// de nas 'khor sku las bton te/nyid kyis dkyil 'khor 'phro ba'i ting nge 'dzin la snyoms par zhugs nas/ ched du brjod pa 'di brjod do// e ma ho sangs rgyas thams cad kyis// byang chub sems kyi bdag nyid 'di// de bzhin gshegs pa kun gyi gnas// shin tu mi rtog gnas med pa'o// de nas de bzhin gshegs pa thams cad kyis// gsang ba'i mchod pas mngon par mchod de/ phyag 'tshal nas 'di skad ces gsol to// e ma ho rgyal ba thams cad kyi// bla na med pa'i byang chub sems// sku gsung thugs kyis byin rlobs la// rab dgyes khyod kyis bshad du gsol// zhes brjod pas// dgyes pa chen pos de bzhin gshegs pa thams cad la gzigs nas/cang mi gsung bar gyur te/ sku dang gsung dang thugs rdo rjer byin gyis rlabs so// de nas yang 'dod chags chen po'i ting nge 'dzin la snyoms par zhugs nas/ 'khor sku la bsdus so// byang chub sems sprin 'phro ba las// rgyal ba thams cad bskyed mdzad pa// yi ge 'khor lo mtshon chen te// sku yi dkyil 'khor rdzogs mdzad pa'o// b+h+rUM yaM aM muM dzaM maM khaM b+h+yaMhaM taM laM maM/ gI nI d+hUM bu A g+ha dzaHhUM baM hoH/sku gsung thugs kyi dkyil 'khor mchog/ thabs dang shes rab sa bon byung// de 'og yi ge 'brur gyur pa// gsum pa sku rab rdzogs byed pa// cod pan yig 'bru rnams kyis brgyan// i ni hUM khaM/ nam mkha'i khams ni ngos gnas pa// sems can rnams ni ma lus pa// 'od zer lcags kyus drangs pa yis// rgyal ba'i sras su zhugs par gyur// gzugs dang myong pa mtshan ma dang// 'du byed rnam par shes pa rnams// rtag pa la sogs sangs rgyas lnga// rim pa bzhin du yang dag gnas// nam mkha' sa chu me rlung rnams// rdo rje spyan ma la sogs lnga// rim pa bzhin du rnam par grags// mig dang rna ba sna dang lce// sgeg mo la sogs rnam pa bzhi// thams cad du ni yang dag ldan// mig la sogs pa'i rnam shes ni// d+hU pe la sogs grags rnams so// rtag par ma yin la sogs pa// dam pa'i sgo srung dam pa'i thugs// yul la sogs pa'i dbang gis na// thabs dang shes rab rnam 'brel ba// gdung rgyud 'dzin pa'i bdag nyid pas// gsang ba mchog gi dam tshig yin// 'di ni sangs rgyas thams cad kyi// 'da' bar mi mdzad dam tshig mchog/ blun po gang zhig 'da' byed na// de la dngos grub mchog med 'gyur// shes rab thabs kyi phyag rgya las// rgyal ba'i dkyil 'khor rgyun zhugs nas// rdo rje'i lam byung 'od zer gyis// gsang ba'i dbyings su zhu mdzad do// de nas dkyil 'khor thams cad kyi// thugs ka nas ni byung gyur te// 'gro ba'i don kun rab mdzad phyir// chos kyi 'khor lo skor bar byed// don rnams mdzad nas brtul zhugs kyis// nyid kyi thugs kar thim gyur te// ho oM AHhUM ho/ byang chub sems kyi bdag nyid la// lha mos bskul bas phyag rgya gsal/ gsang ba'i dkyil 'khor bskyed mdzad nas// dkyil 'khor thams cad rdzogs pa la// gsang ba'i don rnams ston par mdzad// de nas de bzhin gshegs pa dgyes pa chen pos gsang ba'i dkyil 'khor rdzogs par bskyed nas// 'di skad ces gsungs te/byang chub sems kyi dkyil 'khor ni// dkar dmar [[]dngas []]dang ba'i rang bzhin gzugs// rnam par snang mdzad kyi bdag nyid// mos pa'i dga' ba rin chen 'byung// mtshan mar 'dzin pa 'o d dpag med// mngon par 'du byed don yod grub// gsal bar 'dzin pa rnam shes gnas// mi bskyod pa yi bdag nyid do// byang chub sems kyi rang bzhin ni// 'byung ba lnga yi rang bzhin can// spyan la sogs pa'i bdag nyid can// lam ni sgeg mor bstan pa ste// bcu pa phreng ba ma yi bdag/ bskul ba dbyangs zhes bya ba ste// bskyod pa gar sgyur ma yin no// dri chen spos me'i rang bzhin te// rak+ta me tog mar ni brjod// sha ni mar me kho nar gsungs// dri chu dri chab ma yi bdag/ chags pa lcags kyu zhes bya ste// pad+mar chud pa zhags pa ma/ kha phyed pa ni sgrog yin te// sgra grags pa ni dril bu ma// de bzhin gshegs pa rigs lnga la sogs pa'i 'khor rnams ngo mtshar rmad du gyur nas/rang rang gi spyan rgyas par byas nas/ dkyil 'khor gyi bdag po la/ mgrin gcig dang dbyangs gcig tu bstod pa/ sku gsung thugs kyi bdag po mchog/dkyil 'khor thams cad ston mdzad pa'i// gser gyi mdog dang 'dra ba yi// rdo rje sku khyod phyag 'tshal lo// nges don kun gyi bdag nyid can// gsang ba'i don rnams ston mdzad pa// dri med dbyibs dang ldan pa yi// rdo rje gsung khyod phyag 'tshal lo// ye shes kun gyi rang bzhin can// ci yang sa ler mkhyen mdzad pa// mi rtog ye shes dang ldan pa// rdo rje thugs khyod phyag 'tshal lo// zhes bstod pas// de bzhin gshegs pa nyid dgyes pa chen pos khyab par gyur te/ de bzhin gshegs pa rnams dang tha mi dad par gyur cing/ dbyer med pa ni mkha' dang 'dra ba nyid du mthong ste// dngos po thams cad kyi rang bzhin/mi rtag pa dang sdug bsngal ba dang/ stong pa dang bdag med pa rnams rang bzhin gyis stong/ gzugs la sogs pa dang stong pa nyid tha mi dad ste/ dngos po thams cad sgyu ma dang 'dra bar mthong nas/ci spyod pa'i bya ba la 'jug par gyur te/ spyod lam gyi rnam pa rnams rtag tu sgom par byed do// de bzhin gshegs pa thams cad kyi sku dang gsung dang thugs rdo rje 'bar ba'i rgyud las/ dkyil 'khor bskyed pa'i le'u ste bzhi pa'o//// de nas bcom ldan 'das de bzhin gshegs pa thams cad kyi bdag po dgyes pa chen po de/ sku gsung thugs kyi rang bzhin las gnas bzhin du sku'i dkyil 'khor snang ba zhes bya ba'i ting nge 'dzin la snyoms par zhugs te// dkyil 'khor gyi rim pa 'di gsungs so// nam mkha'i khams kyi dbus dag tu// gzhal yas brtsegs pa bsgom nas ni// zla ba'i dkyil 'khor dbus su ni/sangs rgyas dkyil 'khor bsgom par bya// rnam snang mdzad chen ye shes ni// zhal gsum pa la phyag drug pa// zhal g.yas gnag cing g.yon pa dmar// rtsa zhal dbus ni dkar po ste// shel gyi mdog dang 'dra ba yin// 'khor lo dang po rdo rje rin// g.yas kyi phyag na rnam par bsgom// g.yon pa dril bu pad+mar la// gti mug rnams kyi don mdzad cing// dbus kyi zla ba'i dkyil na bzhugs// mi bskyod in+d+ra nI la'i mdog/zhal g.yas dkar zhing g.yon pa dmar// rdo rje 'khor lo rin chen g.yas// dril bu pad+ma ral gri g.yon// zhe sdang rnam par 'joms mdzad cing// shar gyi rtsibs la yang dag bzhugs// rin chen dbang phyug gser gyi mdog/ g.yas pa nag la g.yon pa dmar// dang po rin chen 'khor lo dang// rdo rje 'bar ba 'dzin pa'i mchog/ dril bu dang ni pad+ma dang// ral gri 'bar ba g.yon pa na'o// nga rgyal rnams kyi don byed phyir// lho yi rtsibs la rnam par bzhugs// dpag med pad+ma rA ga dmar// g.yas pa dkar la g.yon pa ser// pad+ma 'khor lo rdo rje g.yas// dril bu rin chen ral gri g.yon// 'dod chags zad mdzad gzhon nu'i zhal// nub phyogs rab dgyes rgyab tu bzhugs// don 'grub baiDUr+ya gzhon nu'i zhal// zhal g.yas gser la g.yon pa dmar// ral gri 'khor lo rdo rje g.yas// dril bu rin chen pad+ma g.yon// phrag dog rnam par 'dren mdzad cing// byang gi phyogs na rtag par bzhugs// thams cad rang 'dra'i shes rab 'khyud// ral pa'i dbu rgyan snyan cha dang// mgul chu dpung rgyan do shal bcas// se mo do la sogs pa yis// thams cad rgyan dang gos rab can// mdzes par byas shing rnam par bsgom// lA s+ye sgeg mo mdzes pa dkar/ khu tshur 'dzin cing 'gying bag can// snying rje thabs kyis don byed phyir// rtsibs mchan shar gyi ngos su bzhugs// mA le mdzes pa gser bsregs 'dra// phyag na rin chen phreng ba 'dzin// byams dang smon lam don byed phyir// lho yi rtsibs mchan dag tu bzhugs// byi ru dang 'dra gIrti ma// pi wang rgyud ni phyag na bsnams// dga' dang stobs kyis don byed cing// nub kyi rtsibs mchan yang dag gnas// nIrti in+d+ra ljang gu ste// phyag gnyis gar ni bsgyur ba mdzad// btang snyoms ye shes don grub pa// byang gi rtsibs mchan dag tu bzhugs// d+hU pe dkar ser spos phor 'dzin// sbyin dang tshul khrims rnam ldan pas// ser sna 'chal ba'i tshul khrims rnams// don byed mi yi gru la bzhugs// puSh+pe dmar ser me tog 'thor// bzod dang brtson 'grus rnam ldan pas// 'khrul dang le lo can rnams kyi// don byed phyir na bden bral phyogs// A lo dmar ljang mar me ste// bsam gtan pha rol phyin mdzad pas// rnam par g.yeng ba'i don mdzad phyir// rlung gi mtshams su yang dag gnas// dkar ljang gan+d+he dung phor bsnams// shes rab pha rol phyin mdzad pas// gti mug can gyi don mdzad phyir// dbang ldan gra ru rnam par bzhugs// dbu rgyan thams cad rgyan gyis mdzes// thams cad du ni yang dag ldan// gshed mo dkar mo lcags kyu thogs// ye shes me long ldan pa yis// phung po'i bdud rnams 'joms mdzad de// shar gyi sgor ni rnam par bzhugs// mi thub nag mo sbrul zhags 'dzin// mnyam nyid ye shes ldan pas na// nyon mongs rnam par dag byed cing// dam pa'i sgo srung lho na bzhugs/khro gnyer dmar zhing lcags sgrog sdom// ye shes 'od zer rtogs pa'i sa// 'chi bdag sde ni 'joms mdzad phyir// nub phyogs sgor ni bzhugs par mdzad// zhal gcig ljang la dril bu 'dzin// bya ba grub pa'i ye shes 'chang// lha yi bdud rnams rnam par sel// byang gi sgor ni rnam par bzhugs// 'jigs pa'i gzugs can 'jigs pas brgyan// dbu skra khams nag gyen du brdzes// phyag gdub zhabs gdub la sogs rnams// lto 'gro sbrul gyis brgyan cing bzhugs/ khro gnyer 'bru tshugs 'jigs par blta/ smin ma sma ra mig kyang ser// zhal gdangs pa la 'jags kyang 'dril// mche ba gtsigs shing hi hi bzhad// dngos po thams cad 'joms mdzad ma// me stag 'phro zhing rnam par bzhugs// oM d+harma d+hA tu swa b+hA wa At+ma kou0f85haM// dkyil 'khor rnams ni thams cad kyang// yan lag bzhi dang rtag tu ldan// sems bskyed pa ni bsnyen pa ste// dom dam dang ni kun rdzob bo// kun rdzob sems bskyed byin brlabs pa// nye bar bsnyen pa zhes bya ste// 'grub tshe rdo rje bskul ba'o// sgrub pa chen po'i mtha' ru ni// sangs rgyas rnams kyis dbang bskur ba'o// gtso dang 'khor gyi rang bzhin ni// rang rang bsnyen pa'i gzugs 'dzin te// byang chub mchog ni sgom par byed// gzugs sogs phung po'i rang bzhin ni// b+h+rUM la sogs pa'i yi ge yis// sangs rgyas lnga ru byin gyis brlabs// spyan la sogs pa'i bdag nyid rnams// lus kyi 'byung ba sa bon bskyed// mig la sogs pa'i rang bzhin ni// sa bon rnams kyi gsang ba dang/mchod pa'i lha mo rnams su gsal// lus kyi rtag pa la sogs pa// dam pa'i khro bor byin brlabs pas// nye bar gyur pa zhes bya bar// snying ga mgrin pa spyi bo ru// zla ba'i dkyil 'khor bsam nas ni// rdo rje pad+ma 'khor lo dag/ hUM aM A+oM gyis mtshon pa las// thugs kyi rdo rje la sogs bsgom// de nyid shes rab sku rgyal ma// lha mo rnams kyi 'od tshogs kyis// dus gsum phyogs rnams khyab pa yis// ma lus sangs rgyas ngas mchod nas// bkra shis don byed rnams la ni// rang gi thugs sogs rdo rje yis// de la byin brlabs bskul bar bya/ rdo rje thugs 'dzin dpal dang ldan// rdo rje mi phyed gsum byed pa// byin gyis brlabs kyis gnas bya ste// rdo rje thugs dang ldan par bya// rdo rje mi phyed gsum bsgoms pas// phyogs bcur bzhugs pa'i sangs rgyas rnams// de la thugs las byung ba yis// byin gyis brlabs pa'i gnas mdzad do// A+oM sarba ta thA ga ta tsit+ta badzra swa b+hA wa At+ma kou0f85haM// rdo rje gsung 'dzin dpal dang ldan// rdo rje mi phyed gsung byed pa// byin gyis brlabs kyis gnas byas te// rdo rje gsung dang ldan par bya// rdo rje mi phyed gsung bsgom pas// phyogs bcur bzhugs pa'i sangs rgyas rnams// de la gsung las byung ba yis// byin gyis brlabs kyis gnas mdzad do// oM sarba ta thA ga ta wA ka badzra swa b+hA wa At+ma kau0f85haM// rdo rje sku 'dzin dpal dang ldan// rdo rje mi phyed gsum byed pa// byin gyis brlabs kyis gnas mdzad de// rdo rje sku dang ldan par bya// rdo rje mi phyed gsum bsgom pas// phyogs bcur bzhugs pa'i sangs rgyas rnams// de la sku las byung ba yis// byin gyis brlabs kyis gnas mdzad do// oM sarba ta thA ga ta ma hA kA ya badzra swa b+hA wa At+ma kou0f85haM// bsgrub pa chen po byed pa'i tshe// ye shes dpa' bo'i thugs ka yi// 'od kyis mgon po rnams bskul nas// de dag thugs las byung ba yis// rigs mas bdud rtsi bum chu yi// dbang bskur byas te thim gyur nas// rang sngags rdo rje can gyi gzugs// dbu rgyan rnams la rigs lnga dang// rigs kyi bdag po rnams kyis brgyan// oM ma hA shU n+ya tA dz+nyA na badzra swa b+hA wa At+ma kou0f85haM/ oM ma hA A dar+sha dz+nyA na badzra swa b+hA wa At+ma kou0f85haM/ oM ma hA prat+ya be k+Sha Na dz+nyA na badzra swa b+hA wa A t+ma kou0f85haM/A+oM mahA sa ma tA dz+nyA swa b+hA wa At+ma kou0f85haM// A+oM ma hA kr-i t+yA nuSh+ThAn dz+nyA na badzra swa b+hA wa At+ma kou0f85haM// nam mkha'i dbyings kyi dbus gnas par// gsang ba yum gyi b+ha ga la// dkyil 'khor rdzogs par bs gom par bya// sangs rgyas gnas khang rdzogs nas su// dkyil 'khor yan lag bzhi ldan pas// rnal 'byor pa yis bsgom nas su// snying ga'i pad+mo khasbyor ba// rin chen khang par dmigs nas su// gsang ba'i gnas nas pad+ma gsal// de steng sgra yi lha mo ser// phyag na pi wang rgyud 'dzin ma// bsams nas ye shes thugs 'od kyis// rgyal ba rnams ni skul bar byed// shar sgo'i sgra yi lha mo yis// sgra yi mchod pa rgyun mi gcad// yang dag mthong bas rnam par grol// de bzhin nyid du gang blta ba// de yis sdig pa chen po byang// rnam dag gsal ba'i bdag nyid la// mtha' dang dbus su mi dmigs te// mi dmigs pa nyid dmigs par bya// gang gis ye shes skyes gyur pa// de la 'jigs pa phra ba'ang med// stong nyid ye shes chen pos ni// sgrib pa thams cad gcod byed ste// rdo rje lta bur 'joms par byed// gnyis med ye shes bde ba che// gang gis sngags la dmigs pa yis// snying ga'i pad+ma yang dag bzhugs// phyag rgya bzhi yis lha mo rnams// dgug dang bcings dang bsdams nas ni// dril bu mas ni mnyes mdzad de// sgra mthar stong pa thar pa ste// bde bas sa la gnas par byed// thabs dang shes rab gnyis med pa'o// byang chub sems kyi sgra bsgrags pas// rgyal ba'i dkyil 'khor ma lus pa// stong pa'i nga rgyal bskyed par byed// yang dag bde ba rnam par ldan// 'khor ba'i mtha' yas rnam par grol// gang gis dkyil 'khor skyed mdzad pa// stong pa'i nga rgyal chen po dang// ldan par byas te mi dmigs pa// dngos po zil gyis mnan pa yis// dkyil 'khor rnams ni bskyed nas su// sgra rnams ldan pas sgra mthar stong// yod dang med pa rnam par grol// sgyu ma lta bu'i ting 'dzin dang// dpa' bar 'gro ba'i ting 'dzin dang// rdo rje lta bu'i ting 'dzin rnams// skyed par byed pa'i rgyu yin pas// kun la khyab pa'i rang bzhin pas// thabs kyi rim pa'i khyad par gyis// skas kyi rim pa lta bur snang// gang rnams dam pa'i don sgrub pa'i// de bzhin nyid la gnas bcas te// gsang ba'i don la zhugs gyur nas// sangs rgyas sa la gnas par 'gyur// zhes de bzhin gshegs pa rnams kyis mkhyen par gyur te// de bzhin gshegs pa thams cad kyi sku dang gsung dang thugs rdo rje 'bar ba'i rgyud las/sku yi dkyil 'khor bkod pa'i le'u ste lnga pa'o//// de nas bcom ldan 'das de bzhin gshegs pa rnam par snang mdzad kyis// dkyil 'khor gdon pa'i phyir/sngags kyi snying po rnams sku gsung thugs rdo rje las byung ngo// b+hUM bi shwa shung+d+he/ oM dzi na dzi ka lAM dwe Sha ra ti/ hUM badzra D+h-ika mUM d+hA twI shwa rI/ swa rat+na D+h-ika mAM mo ha ra ti/ aM A ro l-ig pyAM rA ga ra ti/ha pra dz+nyA D+h+r-ika tAM badzra ra ti/ hUM lA s+ya sa ma ya s+t+waM/ traM mA le sa ma ya ho// hrIM gIrti rA kou0f85haM/ aM nirti rA ga yA mi/ dzaHd+hu pe pra be sha/ hUM puSh+pe pa A be sha/ baM DI pa su gi rI/ ho gan+d+he tsit+ta// hUM badzra d+ha ro ma hA kro tI shwa r I dz+wa la ni hUM phaT/oM rat+na d+ha ra ma hA kro tI shwa rI ni dz+wa la ni hUM phaT/ oM pad+ma d+ha ra ma hA kro tI shwa rI dz+wa la ni hUM phaT// oM karma d+ha ra ma hA kro tI shwa rI dz+wa la ni hUM phaT// bsnyen pa'i dkyil 'khor rab tu rdzogs// nye bar gyur pa'i dam tshig mchog/phyogs bcu dus bzhi thams cad kyi// rgyal ba sras dang bcas pa kun// rgya dang bral ba'i gzhal yas nas// rang byung dkyil 'khor spyan drang ngo// bdag nyid thugs kyi 'od zer gyis// mtshon cha tshogs kyis drangs nas ni// mdun du dkyil 'khor gsal bar dmigs// tha dad ma yin dbyer med do// e h+ye hi b+ha wAn/ ma hA ka ru Ni ka dr-i sh+ya ho/ sa ma ya s+t+waM/ sa ma ya ho/ dzaHhUM baM ho/ e a ra li ho/dzA dzA dzAH A+oM badzra sa ma ya A+oM/ A+oM badzra sa ma ya aM/ hUM badzra sa ma ya hUM/ swa badzra sa ma ya swa/ ha badzra sa ma ya ha/ A+oM puSh+pe phu a hUM/ oM pra ba sad ka hi// a hUM/ dzaHhUM baM hoH khaM raM swA hA/ oM AHhUM/ badzra d+hU pa d+hU swA hA/oM AHhUM/ badzra te pa te swA hA/ oM AHhUM/ badzra gan+d+he gan swA hA/ oM badzra nI wi t+ye swA hA// oM AHhUM/ badzra ma hA sA twa sa ma ya swA hA/ oM a mr-i te i daM swA hA// sku gsung thugs kyi bdag po mchog/ yon tan phrin las rnam brgyan pa// mi zad rgyan gyi 'khor lor ldan// sku yi dbyig tu bdag bsgyur nas// sku gsung thugs kyi dngos grub mchog/ dbang dang byin rlab mthu ldan pa// da lta nyid du bdag la stsol// oM badzra sa ma ya s+t+waM/oM badzra sa ma ya hUM/ oM badzra sa ma ya phaT// ces dngos grub gsol bar bya'o// oM badzra A be sha A/ oM aM/ bdag nyid gzugs brnyan dbyer med pas// tha dad min pa lta bur snang// ye shes rnams kyi bdag nyid ni// gnyis med tha dad ma yin te// nyid la rol pas nyid la spyod// bdag nyid mchod pa chen po ni// sangs rgyas thams cad mchod pa yin// nyid la rdzogs par longs spyod pa// de yis theg pa chen po mthong// nyid la dbang bsgyur nyid spyod pas// gzhan du spyad par bya ba min// 'gro ba rnams kyis sems bskyed cing// dman pa'i tshogs rnams bsags pa dang// rnam par dben don mi shes pas// spyan drangs mchod bstod tshul bzhin pas// yang dag don la dmigs 'gyur na// gsang ba'i don la dmigs pa ni// ye shes dkyil 'khor rang bzhin te// gsal ba la sogs gang yin pa// mchod dang bstod pa'i bdag nyid can// bdag nyid yang dag gsal gyur na// spyod yul rnams dang maN+Dal la// stong nyid ye shes chen po ni// ye shes rnams kyi rgyu yin te// dri ma med cing 'od gsal bas// ye shes spyan du rnam par grags// ngo bo nyid kyi skur gyur pa// gzugs rnams nyid kyi rgyu yin te// snang ba med cing kun khyab pa// rtag pa rdo rje kun tu 'od// grub pa bskyed par mi bya ste// shes pa'i yul du ma gyur pas// stong nyid ye shes bskyed par bya// rnal 'byor pa yi shes pa rnams// rig pa lnga yi bye brag gis// sa rnams rim par sa sbyangs te// 'jig rten pa dang 'jig rten 'das// mthar thug rtse mo mngon byang chub// dbyings dang ye shes gnyis med pas// chos sku bde ba chen po la// ye shes bzhi yi bye brag rnams// gzugs rnams gnyis la yang dag ldan// thugs rjes 'gro don rdzogs par mdzad// mkha' dbyings gzhal yas brtsegs pa ru// sangs rgyas dkyil 'khor rnam bsgoms te// rang gi rig ma rnam par 'khyud// zas su bshang lci la sogs bza'// bde ba'i ros ni tshims byed pas// gsang ba'i pad+mar gnas khang ldan// zla ba'i gdan dang bcas pa la// byang chub sems kyi bdag nyid ni// dkar dmar 'dus pa'i rang bzhin te// de bzhin gshegs pa kun gyi gsang// bla na med pa'i byang chub sems// stong nyid dam par sgrub pa'i thabs// dngos grub rab mchog grub pa'o// byang chub sems de rgyu nyid nas// yig 'bru phyag mtshan phyag rgyar gsal// gang la dmigs shing 'dzin pa ni// mtshan ma lnga dang yangadag ldan// bla med byang chub thob par bya// sa dang pha rol mthar phyin nas// bde ba chen po rnam par thob// mi rtog thig le la sogs pa// gang la dmigs par zhig gnas pas// yang dag mngon du mi 'gyur te// nor bu 'od la nor bu bzhin// don dam rigs mthun gang bsgrub pa// rjes su dpogs pa shes pa ste// yang dag lam du zhugs pa yin// thos bsam bsgom pa'i rnal 'byor pas// yang dag lam gyi mthar phyin na// mi rtog ye shes skye bar byed// de yis don dam mngon sum mthong// de yangagasang ba'i dbang gis te// 'jig rten tha snyad btags pa ni// mngon sum rjes su dpag pa rnams// bsam pa'i dbang dang dngos po'i dbang// lam dang 'bras bur mi dgos so// rig pa sbyang nas bde chen te// yang dag mtha' la rnam par gnas// yang dag mthong na rnam par grol// yang dag nyid la 'jug blta ba// yang dag bde ba thob par byed// de bzhin gshegs pa thams cad kyi// sku dang gsung dang thugs dang rdo rje 'bar ba'i rgyud las/ gsung gi dkyil 'khor bkod pa'i le'u ste drug pa'o//// de nas bcom ldan 'das sku gsung thugs rdo rje'i bdag pos/ de bzhin gshegs pa thams cad kyi rang bzhin lhun gyis grub par bya ba'i phyir/ bro gar dang spyod pa rnams phyag rgya yin par 'dod pas/yan lag thams cad dkyil 'khor du byin gyis brlab pa 'di gsungs so// chos kyi 'byung gnas khyad par las// lha dang lha mo'i ngang nyid du// yan lag thams cad byin brlabs na// bskyod bsgul thams cad phyag rgya yin// shes rab thabs kyi phyag rgya las// bde ba'i rol mo rnam 'phros pas// ngag dang lus kyi yod pa rnams// sngags dang phyag rgya yin par grags// rdo rje rigs dang rin chen rigs// shes rab thabs su sbyor ba yis// gnyis su med par sbyor ba ni// rdo rje thal mo bshad pa yin// lag gnyis sor mos nang du bsnol// gung 'dzub mthe bong mthe'u chung rnams// sor mo rtse sprad srin lag bsgreng// spyi yi dam tshig phyag rgya yin// lag pa sor mo rgyab bsnol te// g.yas kyi mthe bong bkug nas ni// g.yon gyi mthe bong rtse sprad pa// rnam par snang mdzad phyag rgya yin// sor mo nang du bsnol nas kyang// gung mdzub la sogs rtse sprad nas// srin lag bzhibs te bsgreng ba ni// mi bskyod pa yi phyag rgya mchog/ sor mo rgyab tu bsnol nas kyang// gung bsgreng rtse sprad mthe bong bkug/ mdzub mo ngos la sbyar ba ni// rin chen 'byung ba'i phyag rgya yin// lag gnyis sor mo rgyab tu bsnol// mdzub mo gnyis ni bsgreng nas kyang// rtse sprad pad+ma'i tshul du bya// mtheb bkug tshe dpag med pa'i rgya// lag g.yon khu tshur bcangs nas ni// dkur brten g.yas kyi sor mo rnams// thal mo sbyar nas gdengs pa ni// gdon mi za ba'i phyag rgya yin// yum rnams rtags kyi phyag rgya ni// thabs la 'khyud cing zur gyis blta// 'jo bsgeg rang rtags tshul 'dzin pa// dril bu dang pos 'dzin par byed// lag gnyis sor mo rgyab tu bsnol// gung bsgreng rtse mo sprad nas ni// bug bug por ni byas nas ni// dril bu 'dzin pa'i phyag rgya yin/ khu tshur gnyis ni bcangs nas kyang// 'gying bag sku ru 'dzin pa la// g.yon du zur mig blta ba ni// rdo rje sgeg mo'i phyag rgya yin// lag pa gnyis kyi sor mo rnams// sor mo rgyab tu bsnol nas ni// rna ltag gnyis su bzung na ni// de nyid phreng ba ma yi rgya// g.yon gyi khu tshur bcangs nas ni// sor mo cung zad bsnol ba la/ kha 'gram bzung nas g.yas pa yi// 'dzub mo bsgreng nas 'gyed pa ni// pi wang tshul 'dzin dbyangs ma'i rgya// lag pa gnyis kyi sor mo rnams// g.yas nas g.yon du skor byed cing// gar thabs sgyur bar byed pa ni// gar sgyur ma yi phyag rgya yin// lag pa gnyis kyi khu tshur gnyis/ kha sprod g.yog pa'i tshul byas te// sna yi tha kar bzung ba ni// bdug spos ma yi phyag rgya yin// lag pa gnyis kyi sor mo rnams// snyim pa'i tshul du byas ni// snying ga'i thad kar 'dzin pa yin// 'di ni me tog ma yi brgya// lag pa gnyis kyi sor mo rnams// sor mo bkug nas gung mo bsgreng// thugs kar mdzes pa mar me ma'i// phyag rgya yin par rnam par grags// lag pa g.yas pa thugs kar mnan// g.yon pa dku la brten pa ni// dril bu ma yi phyag rgya zhes// dpa' bo chen pos rnam par bshad// lag gnyis khu tshur bcangs pa las// mthe bong gnyis ni rab bsgreng ste// 'dzub mo lcags kyu'i tshul du bya// gshin rje 'joms pa'i phyag rgya yin// g.yas dang g.yon gyi sor mo rnams// sor mo rgyab tu bsnol nas ni// g.yas su gdengs nas 'phen pa'i tshul// byas pa mi thub ma yi rgya// lag gnyis rgyab ni sprad nas kyang// mthe chung gnyis dang mdzub mo gnyis// so sor 'khyud nas bsnams pa ni/ khro gnyer ma yi phyag rgya yin// g.yas pa bskum nas g.yon pa yis// dril bu 'dzin pa'i tshul du bya// ral gcig ma yi phyag rgya zhes// dpa' bos rab tu bka' stsal to// de nas bcom ldan 'das de bzhin gshegs pa thams cad kyi bdag po dgyes pa chen pos// sems can thams cad de bzhin gshegs pa'i snying po can yin pa'i phyir/ nyid kyi snying po'i rang bzhin spros pa nye bar zhi ba 'di gsungs so// bdag dang sems can skyes bu dang// byed pa po la sogs pa yi// dngos po'i bdag nyid stong nyid ltar// byis pa rdul las dngos por 'dod// chos tsam la ni dmigs par byed// de nyid phyogs chas mi 'grub cing// gcig min du ma ma yin no// de nyid phyir na de stong min// de stong pa ma yin yod med min// mi skye ma yin skye ba'ang med// rtag min chad pa ma yin la// mtshan med smon pa med pa zhes// de la sogs pa rnam par bshad// de bas dam pa'i don nyid ni// rten cing 'brel ba gang byung ba// sngon dang phyi ma'i mtha' spangs te// ngo bo nyid kyis ma skyes pa// de phyir dri za'i grong khyer 'dra// rten 'brel ngo bo ma skyes pas// skye dang 'gag par mi 'grub ste// yang dag don du mi blta bas// sgyu ma bzhin du rnam par snang// 'jig chags stongs la sogs pa yi// rgyu nyid rten cing 'brel 'byung bas// de bzhin nyid ni med 'gyur te// nam mkha' dang pa'i rang bzhin te// rten cing 'brel 'byung gang mthong ba// de bzhin nyid las bde bar gshegs// kun la khyab par gnas pas na// mkha' dang mtshungs shing mnyam par 'gyur// dngos po rnams ni stong pa ste// stong pa nyid kyis dngos po la// tha dad ma yin dbyer med pas// gzhan du byas pa ci yang med// srid dang zhi ba'i khyad par ni// cha shas tsam yang yod pa min// gang la goms pa der snang bas// sbyin la sogs pa rnam mi 'gal// gzugs la sogs pa'i dngos po rnams// kun gyi rang bzhin chos nyid las// gzugs la sogs pa mthong ba na// chos nyid mthong bas bde bar gshegs// dam pa'i yul du gyur pa na// rnam kun mkhyen pas ma gzigs te// mthong bar bya ba'i rang bzhin dag/ shes rab can gyis rtogs par gyis// 'ga' yang mthong ba med pa ni// de nyid mthong bas chen por bas// stong nyid ye shes chen pos ni// yang dag mthong nas rnam par grol// shes pas mthongaba'i yul med de// lam lnga dag tu tshogs bsags shing// sgrib pa rnam par dag byas te// pad+ma spyan du gyur pa ni// skad cig gcig mngon rdzogs byang chub// pad+ma can gyi ye shes ni// rang byung ye shes chen po ste// dam pa'i don la 'dus bsgom nas// goms pas 'jug tu rang byunga'achar// goms te sla bar mi 'gyur ba'i// dngos med gang yang yod mi 'gyur// yang dag don gyi rang bzhin las// brjod par bya ba'i dngos po dag/ rdul cha tsam yang med pa'i phyir// ci yang gsung du med pa'o// de ltar shes par byas nas ni// gsang ba'i don la 'jug par bya// gzhal yas brtsegs pa'i dbus su ni// sku gsung thugs su bdag sbyor bas// thabs dang shes rab gnyis med pas// lte ba'i steng du yi ge A// bsgom nas snying ga'i pad+mar bzhag/ 'od zer spro bsdu'i sbyor ba yis// de ma thag tu bder 'gyur ro// hUM yig zla bar bcas pa ni// rdo rje mtshon cha mchog 'od 'bar// de bzhin gshegs pa kun gyi thugs// rgya chen rab zab mdor bsdus pa'o// 'di ni rgyal ba thams cad kyis// bla na med pa sgrub byed pa'i// thabs kyi mchog tu gsungs pa ste// bstan pas yongs su grol bar bya// gsang sngags tshul la mi gnas shing// de bzhin nyid don mi rtogs par// tshig tsam la ni gnas byed de// dad med nyes na phung bar 'gyur/ de bzhin gshegs pa thams cad kyi sku dang gsung dang thugs rdo rje 'bar ba'i rgyud las/thugs kyi dkyil 'khor bkod pa'i le'u ste bdun pa'o//// de nas bcom ldan 'das de bzhin gshegs pa thams cad kyi bdag nyid du dbyer med pa'i dgyes pa chen po des// sgyu ma'i dkyil 'khor du bzhengs te// sgyu 'phrul rnam par 'phrul pa'i ting nge 'dzin la snyoms par zhugs nas/ gzhan gyi don du ri mo'i dkyil 'khor bri bar bzhed nas// zhal 'dzum pa mdzad de/[ u0f72u0f7e] b zhugs pa las/de bzhin gshegs pa thams cad kyis mchod pas mchod de/ 'di skad ces gsol to// e ma ho sangs rgyas kye sangs rgyas// bsam pa thams cad yongs rdzogs pa// sku yi dkyil 'khor rab tu dag/dkyil 'khor rab dga' bshad du gsol// e ma ho chos kyi don 'byung ba// chos don dag pa bdag med pa// gsung gi dkyil 'khor dri ma med// dkyil 'khor dag pa dri ma med pa gsol/de bzhin gshegs pa kun gyi bdag/ shes bya la sogs sgrib gnyis grol// ye shes rnams kyis don mdzad pa// thugs kyi dkyil 'khor bshad du gsol// de bzhin gshegs pa thams cad kyis// sku gsung thugs kyi dkyil 'khor mchog/'gro ba dag phyir ri mo yi// dkyil 'khor nyams ni dga' bar bshad// ri bo dben pa ri sul yod// chu klung rnams dang 'bab pa dang// me tog nags tshal rnams kyis brgyan// yon tan thams cad ldan pa yi// nyams dga'i gnas su bsam gtan bya// mang du thos shing skyo ba bzod// brtan zhing rdul la blo gros che// bya ba mkhas pa g.yo sgyu med// 'khor dang 'jig dang rnam bral te// sems can kun la mi 'jigs ster// de ni slob dpon yin pa ste// dkyil 'khor pa yi las bya'o// yid gsal spro zhing bya ba mkhas// dad dang brtul zhugs brtson 'grus can// yid ches ser sna rnam grol te// the tshom mi byed dam tshig ldan// slob ma rnams kyi dam tshig yin// dang por sa bzhi brtags nas ni// de yi sta gon bkra shis la// tha mar dkyil 'khor 'jug pa yin// sangs rgyas dkyil 'khor bsgoms nas ni// rig pa'i me tog bor byas te// sdig pa bshags pa la sogs bya// gos rgyan mdzes par byas pa yi// blo gros can gyi mkhas pa yis// sku gsung thugs kyi dkyil 'khor rnams/ khru bzhi pa'am khru brgyad pa// bcu drug nyi shu rtsa lngar byas// sor bzhi pa nas bzung nas ni// ji srid dpag tshad rgyang grags par// sems can bsam pa'i dbang gis ni// tshad rnams nges par ma gsungs so// gtsang ma'i spu dang a shwata shun// tshad ma rab tu mdzes pa yi// tshon sna lnga skud bu chos bkal// de yis dkyil 'khor thig gdab bo// rang gi rigs kyi sa bon rnams// thig skud ye shes lnga ldan pas// nyi shu rtsa lngar dbye ba nyid// bdag nyid bdag po'i gzugs bsgoms la// dza las nyi ma zla ba'i mig/ de yis mtshon char grangs nas ni// dkyil 'khor rnams la thim par bya// bdud rtsi lnga yi dri yis ni// bskus nas de nas btung bar bya// rdo rje las rab ljang gu ni// karma badzra ha zhes dbyung// thig skud ye shes lnga ldan pa// lte bar khu tshur g.yon gyis mnan// las kun byed par bzung nas ni// nam mkhar btab pa rang bzhin dang// ting 'dzin dkyil 'khor gsal bar byed// gzugs brnyan gsal phyir sa thig gdab// oM badzra sa ma ya su tra ma ti kra ma hUM// shar nas nub bltas lho nas byang// phyi yi phyogs bzhir rab tu gnas// me dang bden bral mtshams gnas shing// grwa bzhi'i thig ni rab tu gdab// dbus su phur pa btab byas te// mu khyud zlum por bskor nas kyang// gra bzhi la sogs sgo bzhir ldan// twa ra Na bzhis klub pa'o// rdul tshon rnams ni bri bar bya// de la rigs rnams sa bon las// lha yi rang bzhin ldan byas te// 'od zer lcags kyus drangs pa rnams// tshon gyi phye ma lnga las thim// ye shes lnga yi bdag nyid can// dkyil 'khor nang du 'dug nas kyang// dkar po la sogs rnam pa lnga// 'dul ba'i cho ga ji bzhin du// dbang ldan phyogs nas bri bar bya// g.yas g.yon mnyam po rgyun mi gcad// tshon gyi phye ma sna lnga yi// dkyil 'khor sdug gur bri bar bya// shar du in+d+ra nI la'i steng// lho dang nub tu ser dang dmar// byang du ljang gu ldan pa ste// dbus su dkar po bri bar bya// 'khor lo rdo rje rin chen dang// pad+ma ral gri la sogs pa'i// dkyil 'khor rnams ni rab tu dmigs// sku gsung thugs kyi sa bon gyis// tshe dpag med dang mi bskyod dang// rigs kyi bye brag shes byas la// rang gi dkyil 'khor dbus su dgod// dad brtson brtul zhugs ldan pa la// de bzhin gshegs pa thams cad kyis// sku gsung thugs kyi dbang rnams ni// rim pa bzhin du sbyin par bya// sdig bshags skyabs su song nas ni// pad+ma'i gdan la me tog gtor// yon phul ye shes spyan phye nas// dkyil 'khor lha yi de nyid bstan// rgyal ba rnams kyi byang chub sems// ye shes chu yis gang ba yi// phyi nang gsang ba bum pa yis// slob ma bdag po'i gzugs su bya// dbu rgyan rdo rje dril bu sogs// bdag po'i dbang ni bskur nas kyang// rigs rnams kun dang ldan par bya// 'khor lo rin chen pad+ma dang// ral gri las rnams dbang du bskur ro// sha khrag dri chen dbang bskur ro// byang chub sems kyi rang bzhin ni// rnal 'byor pas ni spyad par bya// glang po'i sha dang rta yi sha/ sha chen ba lang khyi sha rnams/ khams kyi zas su bza' bar bya// ma dang bu mo sring mo las// rtag tu 'dod pa spyad par bya// gtsang sme rtog pa dang bral na// de nyid rig pa'i brtul zhugs yin// 'di la mi bya ci yang med// bza' bar mi bya ci yang med// de nyid sangs rgyas kun dang 'dra// sangs rgyas kun gyis dbang bskur ro// dus 'di phyin chad rgyal ba'i sras// longs spyod 'byung zhing ngan song sbyong/ ci yang gzhan du 'gyur ba 'grub// thabs dang shes rab ldan pa yis// bla na med pa'i byang chub sems// bdud rtsi rnams dang gang ldan pa'i// rdo rje'i gsang ba'i lam phyung nas// slob ma rnams su thim par bya// de 'di rgyal ba thams cad kyi// dbang bskur ba yi thabs mchog ste// gang gis bla med sgrub pa na// rtag tu 'bral bar mi bya'o// shes rab thabs su gar sbyor bas// gsang ba rnams dang ldan byas te// slob mar dbang bskur chen po sbyin// dngos grub mchog tu gyur pas na// rang gi bka' las rang mi 'da'// 'di ni sangs rgyas thams cad kyis// bde ba chen po grub pa'i thabs// mnyam med rnyed par thob gyur te// sa dang pha rol phyin pa yi// lam gyi mchog tu gyur pas na// rang byung ye shes chen po ni// da lta nyid du mthong bar 'gyur// dus min 'chi ba mi 'byung zhing// phyi nang nad rnams sel bar byed// 'khrug dang sdug bsngal brgyad po rnams// 'jigs shing mya ngan 'ching ba med// yams nad 'tshe ba mi 'byung zhing// pha rol dmag tshogs 'jigs par byed// da lta bde dang phyi ma bde// thams cad kun gyi rgyur gyur pa// rtag tu spang bar mi bya ste// 'das na dmyal bar ltung bar 'gyur// sangs rgyas dkyil 'khor rnams bsgom nas// rgyal ba thams cad mnyes mchod de// 'gro ba'i don rnams rdzogs bya'i phyir// sbyin bsreg las rnams rdzogs par bya// gru bzhi pa yi dkyil 'khor la// hom khung khru gang tshad du bya// zabs su khru gang kha khyer rnams// sor ni bzhi pa'i tshad du bya// zlum po gru bzhi zla gam gdengs// gru gsum dkar ser dmar dang nag/ me 'od nges la rdo rje kha// rin chen pad+ma thod pas brgyan// 'khor lo rdo rje rin chen dang// pad+ma ral gri la sogs pa// khung gi mthil du lhag par dgod// shar du khri ste ku sha lho// nub tu pad+ma gru gsum byang// shing gi lha ste mdog dkar la// mchod yon rnams kyis mnyes byas la// me yi gra nas gcad par bya// zhi rtse rgyas par dbang gi sbom// drag po drung pa dag la bya// dri dkar sbrang rtsi tsan+dan dmar/ khrag spos sbyar te bskur bar bya// bsreg shing khru do yam shing sor// bcu gnyis pa yi tshad du bya// dkar ser dmar dang nag po'o// 'o ma tsan+dan mngar gyur pa// dug shing tsher ma can la sogs// so so'i mtshan dang sbyar ba yin// dgang gzar blug gzar so so'i dbyibs// yu ba khru gang tshad du bya// dgang gzar sor bzhi sor gnyis zabs/ kha ran sor gcig dkyil rin chen// ngos la'ang yi ge 'bar ba bsgom// blugs gzar sor gnyis sor gcig zabs/kha khyer sor gcig dkyil rdo rje// ngos la yi ge rnam bsgom nas// gtun khung rang rang dbyibs dang mdog/ ri rab ri bdun mtsho dang bcas// dngul phye 'bras chen dkar po dang// gser zangs lcags dang 'bras chen thug/dung dang khrag la sogs pa yis// so so'i gtor ma mdzes par bya// gser dngul zangs lcags so so'i shing// mgo bo rgyan mdud rtse mo rnams// zlum po gru bzhi zla gam zur// dkyil 'khor rnams ni bsgom bya ste// mtshan mar bcas pa'i gzugs brnyan la// bkug nas phur pa btab nas ni// lha yang rung ste brlag par 'gyur// rgyan chas lnga dang ldan pa yis// yo byad bsangs gtor byas nas ni// ku sha bting nas yam shing la// me spar yi ge gsum pos sbyangs// dkyil 'khor zhal du gyur pa'i me// sa bon mar gyis byug par bya// zhal gsum phyag ni drug pa ste// dang po rang rtags shes rab 'khyud// g.yas gnyis bgrang 'phreng skyabs sbyin la// g.yon pa gun+de rig pa 'dzin// de nas ye shes dam pa'i me// bos nas mchod phul gnyis su med// me lha rnams kyi gzhal yas khang// dam pa'i 'khor lo bsgoms nas ni// las bzhi'i mchod pa rab tu dbul// mar khu til dang dar ba dang// 'bras dang zho dang ku sha rnams// rim par phul te las rnams bstan// mchod dang bstod pa tshul bzhin bya// dbang bskur ba yi rim pa dang// sbyin sreg las rnams byed don du// dkyil 'khor gyi ni cha byad rnams// slob dpon gyis ni bgyer bar bya// slob mas khyer na dam tshig nyams// bla ma spang bar mi bya ste// rdo rje dril bu phyag rgya yang// nam kyang spang bar mi bya'o// dka' thub kyis ni mi gdung ste// bla ma brnyas par bya ba min// gang gis bla ma brnyas byed na// sangs rgyas thams cad brnyas pa yin// dug dang tsha ba'i rims nad dang// gdon bgegs mkha' 'gro'i 'tshe ba dang// tshogs bdag drag pos bsad nas ni// dmyal ba rnams su nges par bsreg/ de bas rin chen bla ma la// rin chen rnams dang lus kyi bar// rjes su rig pa de la dbul// bdag po phyag rgya mnyam bzhag la// dkyil 'khor bzhi ni bskyed bya ste// mgrin pa snying ga lte ba gsang// chu dang rdo rje me rlung rnams// rim pa bzhin du yang dag ldan// rlung gis me ni sbar byas pas// dbang chen gnas su chu bdag bskyed// bza' ba'i kha zas bye brag rnams// rim bzhin du ni mchod nas kyang// pad+ma la ni pad+ma can// thal ba mthar ni rnam par rtags// phung po bud shing bsregs nas ni// bla med dam pa'i me sbar la// dam pa'i 'khor lo rnams bsgom nas// dkyil 'khor thams cad mchod par bya// rims drug gis ni mi tshugs shing// nad do cog las thar bar byed// sku gsung thugs kyi dngos grub kyang// myur du thob par gdon mi za// ma ning bzlas pa byed 'dod pas// dkyil 'khor bzhi yi rang bzhin la// rtag tu 'bral bar ma byed cig/ bdag po'i phyag rgya 'dzin pa yis// rang gi rig ma ldan byas nas// rig ma dang ni dam tshig byas// gsang ba'i pad+mar me tog brlan// dbyibs dang kha dog mtshan ldan pa'i// gsang ba'i ri bong me nyid sbyang// de yi mkha' dbyings dkyil 'khor nas// ye shes bdud rtsi chu rgyun gyis// rgyal ba thams cad rtag tu mchod// rgyal ba ma lus thams cad kyis// sku gsung thugs su byin rlobs shing// sras kyi dam par de 'gyur ro// de nas bcom ldan 'das dgyes pa chen pos/ dngos po 'joms shing zad par byed pa'i ting nge 'dzin la snyoms par zhugs te/ gnas spar ba'i thabs 'di gsungs so// bkra shis pa dang gdul bya dang// zhing du gyur pa'i bdag nyid la// snying gi pad+ma las byung ba// 'od zer 'bar ba'i mtshon cha yis// rnam par shes pa ldan byas te// de nyid gsum gyis rnam sbyangs nas// nyi zla'i steng du yang dag bzhag/he ru kar ni gsal byas nas// hUM hUM hUM gis nga rgyal bya// lcags kyu gri nag 'bar ba 'chang// tsit+ta nang gi lus nyid la// sbyang ba rnams kyi rnam snang mdzad// dkyil 'khor kun dang bcas pa la// rlung dang nyi zla'i steng du bzhag/chos kyi dbyings kyi pho brang gi/ dkyil 'khor thams cad mchod byas te// sbyor ba'i lhums su phaT kyis 'phangs// de bzhin gshegs pa'i sras su byas// de ni de ma thag tu yang// las kyi sgrib pa dag gyur nas// bde ba can gyi zhing khams su// de bzhin gshegs pa thams cad kyis// sras dang spun dgongs dngos grub ster// nyes pa ma lus rnam dag nas// de nyid sangs rgyas kun dang mnyam// go 'phang bla na med pa thob// de nas de bzhin gshegs pa thams cad dang/ dgyes pa chen po nyid dgongs pa gcig tu gyur nas/ mnyam pa nyid kyi don dang/ spros pa rnams tha mi dad cing dbyer med pas/dkyil 'khor gyi rang bzhin du gzigs nas/ 'di skad ces bka' stsal to// phyogs bcu 'jig rten gyi khams thams cad ni dben pa'o// zhi ba'o// bde ba dang ldan pa'o// sangs rgyas kyi rang bzhin can no// zhing khams rnam par dag pa'o// snang ba ni dam pa'i yul du ma gyur pas/ kun tu brtag pa'o// dam pa'i yul ni de'i rang bzhin pas// yang dag pa'i bden pa'o// zhes gsungs nas// de dag gi thabs 'di lta bu gsungs so// rig mar bcas pa'i sems kyis ni// rgyal ba rnams kyi ye shes rnams// rgyun zhugs yi ge phaT kyis 'phangs// slar yang phaT kyis ye shes nyid// klad pa'i steng du 'phangs par gyur// tsa na ka dang nas kyi 'bru// phra mo'i thig la yang ting 'dzin rdzogs par bsgom// de ni bde ba chen po yi// thabs su rgyal ba rnams kyis bstan// de bzhin gshegs pa thams cad kyi// bla na med pa thob par byed// yang dag don la gang blta ba// yang dag mthong na de bzhin gshegs// de nyid mtshan mar dmigs gyur na// glang po rnyed bzhin rjes tshol 'dra// de bzhin gshegs pa thams cad kyi sku dang gsung dang thugs rdo rje 'bar ba'i rgyud las/gzugs brnyan sku gsung thugs kyi le'u ste brgyad pa'o//// de nas bcom ldan 'das de bzhin gshegs pa thams cad kyi bdag po rnam par snang mdzad kyi de kho na nyid kyi phrin las rnam par 'phro ba'i ting nge 'dzin la snyoms par zhugs te/tshogs kyi mchod pa 'di gsungs so// gsang ba'i dbyings kyi dbus dag tu// sangs rgyas dkyil 'khor bsgoms nas su// de bzhin gshegs pa thams cad la// mchod pa bla na med pas mchod// thams cad bdag nyid bde chen sku// yang dag brjod med longs spyod mdzad// mi rtog ye shes 'khor lo bskor// sku gsung che la phyag 'tshal lo// snying gi pad+ma las byung ba// nam mkha'i khams kyi bud med rnams// gdan dang rgyan rnams sna tshogs dang// spos phor la sogs mtha' yas pa// spyan la sogs pa'i rang bzhin la// lha tshogs mdzes pa phul te thim// 'jig rten khams rnams ji snyed pa// rin chen rnams kyis bkang nas ni// dkyil 'khor kun la rgyas par dbul// sha khrag dri chen rdo rje chu// byang chub sems su bcas pa rnams// rta sha khyi sha ba glang sha/ glang chen sha dang sha chen dang// sna tshogs sha rnams thams cad ni// dkyil 'khor kun la rgyas par dbul// shes rab thabs kyi phyag rgya las// rgyal ba'i tshogs rnams rgyun zhugs nas// gsang ba'i pad+mar byung nas ni// shes rab so so'i ba spu nas// lha mo rnams kyi 'od tshogs rnams// byung nas rgyal ba mnyes mchod de// rgyun zhugs ka niSh+ka ra ste// rdo rje las byung ma li ka/u ni ka ni sa bon 'phangs// gsang ba'i pad+mar me tog rlan// ka ra bi kha zhes gsungs te// lha mo rnams ni thams cad kyis// mchod pas dngos grub rab tu ster// de bzhin gshegs pa'i rang bzhin pas// byang chub sems kyi nyi zla ste// srin mtheb gnyis kyis blangs nas ni// sku gsung thugs kyi dkyil 'khor mchod// thabs dang shes rab gnyis med pas// rdo rje pad+mar rab ldan te// sangs rgyas dkyil 'khor ma lus la// dgyes pa'i ros ni tshims byed pa// reg pa'i sbyor ba dbul bar bya// rtag tu rgyal ba mnyes mchod nas// tshogs bsags sgrib pa rnams sbyangs nas// rang byung bla na med pa 'char// rlung me'i dkyil 'khor la gnas pa// bdud rtsi A+oM gyis mtshon pa de// sku gsung thugs dang yang dag ldan// dri ma med cing mdangs 'char ba// ye shes bdud rtsi'i chu rgyun rnams// de yis ye shes sems dpa' mchod// rdo rje gsum gyi bdag nyid can// rdo rje gsum du rnam bsgoms te/ kha dang lce yi dam tshig kyang// rdo rje gsum du ldan byas te// bdud rtsi lnga yi rang bzhin la// rdo rje gsum du byin brlabs te// zos na rdo rje gsum thob 'gyur// rang bzhin gyi ni sbyor sgrol dang// thal chen dag gi sbyor sgrol dang// dbang po yul dus sbyor sgrol dang// mngon du phyung ba'i sbyor sgrol rnams// rnal 'byor pas ni spyad par bya// sbyor ba nyid na sgrol ba ste// sgrol ba nyid na sbyor ba yin// bza' dang btung dang gos brgyan dang// bla re rgyal mtshan 'phan rnams dang// gdugs dang ba dan mdzes pa rnams// bro dang gar thabs bskyod rnams dang// glu tshig snyan par byas pa yis// rgyal ba thams cad mchod par byed// me tog la sogs mdzes pa yis// mngon shes drug dang ldan par 'gyur// rin chen bdun la sogs pa yis// yon tan nam mkha'i mtha' dang mnyam// bdud rtsi lnga yi rang bzhin gyis// dri ma lnga po dag gyur nas// rgyal ba kun dang mnyam par 'gyur// rta sha dag gi dam tshig gis// mi snang ba yi bdag por 'gyur/khyi sha dag gi dam tshig gis// dngos grub mchog ni 'grub par byed// ba lang sha yi dam tshig gis// rig pa 'dzin pa'i gtso bor 'gyur// glang po'i sha yi dam tshig gis// rdo rje'i rigs mchog dam par 'gyur// sha chen dag gi dam tshig gis// don rnams thams cad 'grub par byed// bud med thams cad mchod pa yis// sku gsung thugs kyi dngos grub ster// byang chub sems kyi mchod pa yis// rdo rje 'dzin par bdag nyid 'gyur// rig pa sbyor ba'i mchod pa yis// thams cad bdag nyid chen por 'gyur// sku gsung thugs kyi bdud rtsis ni// ngan song sbyang zhing rnam rtog med// a li ka li'i mchod pa yis// thams cad thams cad 'grub par byed// bza' btung gos rgyan mchod pa yis// mchog gi dngos grub thob par 'gyur// gdugs la sogs pa'i mchod pa yis// yid bzhin rin chen ldan par bya// bro gar bskyod pa'i phyag rgya yis// nam mkha' chu la sogs pa la// 'chags shing rab tu thogs pa med// glu tshig sgra yi mchod pa yis// chos kyi gsung yang thob par byed// mchod pa'i phyag rgya thams cad kyis// mi snang la sogs dngos grub dang// mchog gi dngos grub thob par byed// de nas de bzhin gshegs pa thams cad kyis// rgyud kyi rgyal po chen po la bstod pa'i rgyal po chen po 'dis bstod do// rnam par snang mdzad mchog gi dpal// me long ye shes dkyil 'khor ldan// gzugs dang gti mug rnam dag pa// rdo rje sku khyod phyag 'tshal lo// tshe dpag med pa bde ba che// ye shes so sor rtog pa 'chang// 'du shes 'dod chags rnam par dag/rdo rje gsung khyod phyag 'tshal lo// rdo rje mi bskyod mchog gi dbang// stong nyid ye shes chen po ste// de yi rnam shes zhe sdang 'joms// rdo rje thugs khyod phyag 'tshal lo// rdo rje rin chen 'byung gnas dpal// mnyam nyid ye shes thob byed pa// myong dang nga rgyal dag byed pa// yon tan sku khyod la phyag 'tshal lo// gdon mi za ba mchog gi dpal// bya ba grub pa'i ye shes 'chang// phrag dog 'du byed rnam par dag/phrin las sku khyod phyag 'tshal lo// de nas de bzhin gshegs pa dgyes pa chen pos// gsang ba lhun gyis grub pa'i ting nge 'dzin la snyoms par zhugs te/ man ngag dam pa 'di gsungs so// nam mkha'i dbyings kyi dbus dag tu// sangs rgyas dkyil 'khor rnam bsgoms nas// phra mo'i sbyor ba kun tu brtsam// ye shes lnga yi bdag nyid can// gsang ba'i rdo rje las byung ba'i// bum pa'i rtse mor rnam par bsam// 'di ni sangs rgyas thams cad kyi// dngos grub mchog tu gyur pa'o// de bzhin gshegs pa thams cad kyi sku dang gsung dang thugs rdo rje 'bar ba'i rgyud las/ tshogs kyi dkyil 'khor la mchod pa dang bstod pa'i le'u ste dgu pa'o//// de nas bcom ldan 'das de bzhin gshegs pa'i sku dang gsung dang thugs rdo rje'i bdag nyid/ rnam par snang mdzad dgyes pa chen po des/ shin tu sbyor ba'i ting nge 'dzin la snyoms par zhugs te/shin tu gsang ba'i don rnams thabs ma nor ba 'di lta bu gsungs so// bskyed dang rim par 'brel ba dang// rdzogs dang rim par 'brel ba yis// gsang ba'i dbyings kyi dbus dag tu// sangs rgyas dkyil 'khor rab bsgom ste// sku yi dkyil 'khor ldan byas la// bdag gi de nyid kho na de// byin gyis brlab par bya ba dang// 'khor lo bzhi dang sdom pa bzhi// ldan par byas te sngags bsgrub pa// thabs dang shes rab bde ba nas// gyen du rgyu dang thur du rgyu// rnam pa bcu pa gnyis su 'gyur// srog dang rtsol ba las byung ba'i// rim pa rlung gi de kho na// sngags la dmigs pa zhes bya ba// sngags kyi de kho na nyid do// de la bdag gi de kho na nyid ni// nam mkha' dbyings kyi dbus su ni// sangs rgyas gnas khang rdzogs byas te// zla ba'i dkyil 'khor bsgom par bya// de yi dbus su rgyal ba rnams// rim pa gnyis kyis rdzogs byas te// phyag rgya bzhi dang ldan pa la// snying gar ye shes sems dpa' gnas// rang gi bdag po'i cod pan can// thabs dang shes rab rnam 'brel te// yan lag bzhi ni shin tu mdzes// dkyil 'khor bzhi ni bskyed byas nas// dkyil 'khor bzhi dang ldan par bya// bdag gi de nyid rim gyis ni// rlung gi de nyid yang dag 'jug/ dang po rang nyid byin brlabs nas// dkyil 'khor kun dang ldan pa la// sbyor ba'i cho ga las byung ba'i// 'khor lo bzhi rnams rab tu dmigs// chos dang longs spyod sprul pa dang// bde ba chen po'i 'khor lo che// pad+ma pad+ma las byung ba// sa bon yi ge rnams kyis mtshan// sum cu rtsa gnyis mtshan 'chang ba// sems dpa' rnams kyi yi ge dang// lte ba la ni yi ge ho/ haM yang// de nyid 'gog pa mya ngan 'das// bde ba chen po rdo rje'i sku// dang po bum pa'i dbang du gsungs// lam gyi 'bras bu'i tshul 'chang ba// rigs bzhi'i sa bon phyogs dag tu// ngag gi lam gyi lte bar hrIH/ denyid lam du gsungs pas na// longs spyod mdzad pas longs spyod sku// gnyis pa gsang ba'i dbang yin no// bden pa bzhi yi rang bzhin dang// thugs kyi ye shes rtse gcig pas// lte ba'i steng na yi ge hUM// thabs dang shes rab bsdud par byed// de nyid rnam pa kun 'byung ba// chos kyi sku yi bdag nyid pas// gsum pa shes rab ye shes so// thun mong mtshan dang ldan pa yi// rnam pa gnyis su 'gyur bas na// phyogs mtshams dag gi rigs kyi rnams// sa bon gnyis kyis mtshan ma las// lte bar A+oM yig rnam par bsam// sdug bsngal bdag nyid ldan pas na// sprul pa'i don rnams rab mdzad pa// bzhi pa'i don nyid 'byin pa'i dbang// bden pa bzhi yi bye brag gis// chos dang ye shes rnam ldan pa'o// yan lag bzhi pa'i rang bzhin dang// snying po phyag rgya sngags rigs pa// cho 'phrul bzhi dang rnam ldan pas// dgongs don 'brel ba rab sgrub bo// rim pa gnyis dang rab ldan zhing// brjod pa thams cad 'dus pa yin// lus kyi rtsa ni ji snyed pa// sum brgya drug cu ldan pa la// rnam pa drug tu bstan pa yin// de nyid gsum gyi bdag po ste// thabs dang shes rab bde chen rtsa// de kho na nyid gsum du 'dus// bdud rtsi lnga yi bdag nyid pas// bdud rtsi lnga ni 'byung bar byed// de nyid bdud rtsi lngar 'gyur ro// 'byung ba lnga yi rang bzhin dang/ kha dog lnga yi rang bzhin gyis// gyen dang thur du rgyu ba'i rlung// srog dang rtsol ba zhes bya ste// rnam pa bcu pa gnyis su 'gyur// de yis 'byung ba'i rim pa yis// gsang ba'i gnas ni thams cad du// sngags kyi de nyid yang dag 'jug/ zung 'jug ting 'dzin gnas gyur na// gang du bslab par mi bya'o// sngags kyi de nyid 'dir gsungs pas// rnal 'byor rnams kyis shes par gyis// gang la sangs rgyas gnas gyur pa// de nyid gsang ba dam pa ste// de bzhin gshegs pa'i spyod pa yin// rnal 'byor rnams kyis de shes na// yang dag don la zhugs pa yin// stong nyid ngo bor gnas pa yin// tshad med bzhi yang zil gyis gnon// 'dod chags chen po'i tshul gyis ni// ye shes bde ba thob par byed// phyag rgya bzhi dang yan lag bzhi// de ltar chos kyi sku dang ni// thun mong mchog tu gsungs pa yin// de nyid sa bon bdag nyid pas// phra mo'i thig le gsal bar byed// 'di ni sangs rgyas thams cad kyi// byang chub chen po bla med pas// sku gsung thugs su bdag sbyor bas// sngags la dmigs pa thob par 'gyur// sngags la dmigs pa'i bdag nyid kyis// stong nyid ye shes thob par byed// de nas bcom ldan 'das de bzhin gshegs pas// yang sngags bsgom pa 'di gsungs so// sngags la dmigs pa'i lus kyis ni// byang chub sems kyi rang bzhin dag/ sbyor ba'i lhums su 'phangs pas te// pad+ma zla ba kha sbyar ba// de yi tshangs pa'i bu ga nas// 'od zer 'phro 'du'i sbyor ba yis// dbug ni thig le nyid du bzhag/ yang na sngags la dmigs pa yis// byang chub sems kyi rang bzhin dag/gsang ba'i gnas su zhu bar byed// 'od zer rnams kyis rang bzhin gyi// byang chub sems ni zhu mdzad de// mi rtog ye shes skye bar byed// lus dang ngag dang sems rnams ni// sngags la dmigs pa'i mtshan ma dag/'dar zhing sprugs par 'bar ba dang// bar snang dag la gnas par byed// de nyid zhu bar gyur pa dang/ khams kyi zas dang rnam bral te// mi rgod dbugs ni zhi ba dang// dal bar 'gyur ba 'byung bar 'gyur// de nas smig sgyu lta bu dang// du ba srin bu me khyer 'dra// mar me'i tshul dang nam mkha' bzhin// brtan nas chos sku bde ba che// ye shes sku mchog de nyid 'bar// zla ba drug dang bcu gnyis dang// bco brgyad dag gis 'grub par 'gyur// gang tshe des kyang ma 'grub na// drag shul tshul gyis bsgrub par bya// blo dman rnams kyis bsgrubs gyur kyang// tshe 'di nyid kyis 'grub par 'gyur// 'di ni rgyal ba thams cad kyi// bskyed pa'i zhing du rnam par grags// gang gis thos dang klog pa dang// 'chad par byed dang sems pa dang// tshul bzhin sems pa 'chang ba rnams// ngan song las ni rnam par grol// mtho ris thar pa'i bdag por 'gyur// gang gis 'di la mnyam bzhag na// rnam par shes pa ye shes 'gyur// zab mo'i don la snang 'gyur te// sku gsung bde ba mngon byang chub// de bzhin gshegs pa thams cad la// 'di la gshegs pa'i gnas med de// 'das dang da ltar ma byon rnams// chos kyi sku la dam mi 'da'// chos kyi sku yi yon tan chen po ni// thams cad du ni snang bar byed// ces brjod pas/de bzhin gshegs pa nyid de bzhin gshegs pa nyid la gnas par gyur te/ longs spyod par mdzad cing byang chub par mdzad pas/ de bzhin gshegs pa thams cad kyis kyang gzigs par mi 'gyur te/de ci'i phyir zhe na/ bskyod pa med cing mi brjod pa dang/ mi rtog pas mthong ba dang/ thos pa dang/ rtogs pa'i gnas med do// dus thams cad du snang ba'i lam las 'das pa dang/ kun la khyab pa'i mtshan nyid pas/ nam mkha' dang 'dra ba nyid du mthong ste/ de bzhin gshegs pa'i spyod yul la 'jug par 'gyur ro// de bzhin gshegs pa thams cad kyi sku dang gsung dang thugs rdo rje 'bar ba'i rgyud las/gsang ba man ngag gi le'u ste bcu pa'o//// de nas bcom ldan 'das de bzhin gshegs pa thams cad kyi bdag nyid dgyes pa chen pos/ dpung rnam par bzlog pa zhes bya ba'i ting nge 'dzin la snyoms par zhugs te/khro bo'i dkyil 'khor du mngon par 'du mdzad do// de ci'i phyir zhe na/ lha dang klu dang lha ma yin dang/ nam mkha' lding dang/ mi'am ci dang/ lto 'phye chen po dang/ gnod sbyin dang/yi dwags dang/ dri za dang/ sha za dang/ 'byung po dang/ skem byed dang/ brjed byed dang/ smyo byed dang/ mkha' 'gro la sogs pa thams cad gti mug 'di dag gis rgyu 'bras kyi don la ma rtogs shing/ mtshan ma med pa dang rnam par bral te/ mtshan ma la mngon par chags pas/ ngan song gsum du yang bskal pa mang por sdug bsngal zhing mi bde ba nyams su myong nas/ las dang las kyis rim par srin po chen po rnams su skyes te/rgyu mi mthun pa'i dbang gis shin tu gzings shing sdang ba dang mi sdug pa dang dri ba dang/ dregs pa can la sogs pa'i gzugs su gyur nas/ sems can thams cad la 'tshe bar bgyid/ mdangs 'phrog par bgyid/ gnod par bgyid/ sdug bsngal bar bgyid/ bred skad 'don par bgyid/ yid mi bde bar bgyid/ 'khrugs pa dang mya ngan du bgyid/ srog dang bral bar bgyid/ 'joms par bgyid/de'i slad du/ dregs byed rnams zhi bas phan par mi 'gyur te/ khro bo'i dkyil 'khor du rnam par bsgyur na/ sems can thams cad la phan 'dogs par byed pa'o// de nas bcom ldan 'das dgyes pa chen pos/khro bo'i dkyil 'khor du mngon par 'du mdzad pa ni/ zhing khams 'bar ba'i klong na/ rdo rje gzhon nu nyid rdo rje rgyas 'debs ma dang/ sgyu ma'i skur bzhengs te/ gnyis su med par bzhugs so// gzhan yang dpal khrag 'thung hUM kA' ra dang/ rnam par rgyal ba dang/ gshin rje'i gshed po dang/ rta mgrin dang/ bdud rtsi 'khyil pa dang/ dbyug pa sngon po dang/ mi g.yo ba dang/ gzhan gyis mi thub pa dang/khams gsum rnam par rgyal ba dang/ stobs po che rnams/ rdo rje sgra 'byin ma dang/ rdo rje snyems ma dang/ rdo rje dur khrod bdag mo dang/ rdo rje gtum mo dang/ rdo rje skul byed ma dang/ rdo rje sder mo dang/ rdo rje gtun khung ma dang/rdo rje mda' snyems ma dang// rdo rje gsod ma dang/ rdo rje bskyod ma rnams dang gnyis su med par bzhugs so// gzhan yang skul ba'i phra men ma phag gis mgo can dang/ stag gi mgo can dang/ sha ba'i mgo can dang/ byi la'i mgo can dang/ seng ge'i mgo can dang/ g.yag gi mgo can dang/ gzig gi mgo can dang/ spyang ki'i mgo can dang/ dred kyi mgo can dang/ dom gyi mgo can dang/smig bu'i mgo can dang/ bya rgod kyi mgo can dang/ 'ug pa'i mgo can dang/ pu shud kyi mgo can dang/ pha wang gi mgo can dang/ phya rog gi mgo can dang/ khwa yi mgo can dang/ zer mo'i mgo can dang/byi ba'i mgo can rnams dang yang thabs cig tu bzhugs so// de bzhin gshegs pa thams cad kyi sku dang gsung dang thugs rdo rje 'bar ba'i rgyud las/ khro bo gleng gzhi'i le'u ste bcu gcig pa'o//// de nas bcom ldan 'das de bzhin gshegs pa dgyes pa chen po nyid khro bo'i dkyil 'khor du mngon par 'du mdzad nas/ srid pa gsum gyi dregs pa can 'dul ba'i phyir/ mi g.yo ba'i ting nge 'dzin du bzhugs pa la/'khor rnams kyis 'di skad ces gsol to// rdo rje gzhon nu'i rig 'dzin rnams// srid pa rdo rje sgrub mdzod cig/ srid pa'i rdo rje phur pa'i lha// ye shes khro bo bsgrub par 'dod// ngang nyid rdo rje chos dbyings las// 'bar ba'i khro bo mi bzad pa// sku yi dbyig tu bdag skyed cig/ thabs kyi spyod pas 'gro don du// byams dang snying rje gang 'dul ba// sangs rgyas phrin las rdzogs mdzad nas// dbang dang byin rlabs 'dir stsol cig/ ces brjod pas/ slar khro bo'i dkyil 'khor du bzhugs pa la/ zhing dang spyod yul gyi mchod pas yang dag par mchod de/ phyag btsal nas 'di skad ces gsol to// rdo rje 'jigs byed gzhon nu'i sku// 'jigs pa'i gzugs can 'jigs par byed// gdug pa chen po'i mdog 'dra ba// zhal gsum phyag ni drug pa ste// zhal g.yas dkar zhing g.yon pa dmar// rtsa zhal dbus ni mthing nag zhal// rdo rje dgra s+t+wa rdo rje g.yas// me dpung phur pa zhags pa g.yon// glang chen ko rlon ya ba kor// gdug pa sbrul gyis rnam par brgyan// gcan gzan stag gi sham thabs can// dkyil 'khor dam pa bshad du gsol// de nas bcom ldan 'das rdo rje gzhon nu nyid zil gyis gnon pa rdo rje zhes bya ba'i ting nge 'dzin la snyoms par zhugs so// dam pa'i don du bsgom pa ni// srid gsum rang bzhin med pa ste// dngos po rnams su rnam par bsgrags// dngos rnams nyid na dngos med pa'o// A+oM ma hA shU n+ya tA dz+nyA na badzra swa b+hA wa At+ma kou0f85haM// phyi dang nang 'dir gnas pa rnams// stong pa nyid kyi rang bzhin las// kun rdzob don du sems bskyed phyir// snying rje yul ni snyoms par byed// rgyu yi sa bon nges pa las// 'di las sprul pa'i khro bo ni// rdo rje rigs la sogs pa ste/khros pas zhe sdang gti mug dang// nga rgyal phrag dog gcod byed pa'o/ khro bo rnams ni thams cad kyi// byang chub sems kyi sprin dag las// hUM b+h+rUM oM b+h+rUM traM b+h+rUM hrI b+h+rUM ha b+h+rUM// des ni de ma thag tu yang// mtshon chen rab tu 'bar ba rnams// phyogs mtshams kun tu rnam par gtams// nam mkha'i khams kyi rdo rje sku// ba spu bu ga thams cad nas// rdo rje 'byung ba byung nas ni// phyogs mtshams kun tu 'degs par byed// sku stod me ri 'bar ba dang// de yis rnam par g.yos pa dang// chu yis g.yos pa'i nang du ni// chos kyi 'byung gnas dri med pa'o// mtshon chas de ma thag tu yang// lha klu gnod sbyin dri sa dang// yi dwags 'byung po dregs byed rnams// 'dar zhing rab tu brgyal ba dang// rnam par tshig nas bros 'gyur te// mod khrag skyug cing 'gas par byed// phyag na rdo rje nyid dang ni// brgyal zhing rab tu myos gyur nas// 'dar zhing rab tu skyug par 'gyur// de nas bcom ldan 'das dgyes pa chen pos/ de dag thams cad brgyal ba bslang ba'i phyir/ sku gsung thugs kyi bdag por byas te/ phyogs mtshams bsrung bar byas nas/dkyil 'khor du zhugs pa dbang mnos te/ mna' bor nas/ sku gsung thugs kyi dkyil 'khor bsrung ba dang/ bskyang ba dang/ zhi ba dang/ bde legs su gyur pa dang/ bka' bsgo ba nyan par dam bcas shing mnas bor ba'o// de nas bcom ldan 'das dpal rdo rje 'jigs byed chen pos/ btsun mo'i b+ha ga la/ dam tshig chen po'i dkyil 'khor du byin gyis brlabs te/ gru bzhi pa la sgo bzhi pa// 'khor lo rtsibs brgyad mu khyud bcas// bar khyams sgo khyud ldan pa la// rta babs rnams kyis mdzes par brgyan// ha ra ha ra phyed nyi zla// dril bu dar dpyangs 'phan la sogs// thod sbrul la sogs brgyan pa la// pad+ma nyi mar bcas pa dang// phyogs skyong rnams kyang gdan du byas// dkyil 'khor thams cad bskyed bgyid pa// de yi dbus su bsam par bya// mdun du hUM kA ra bsgoms la// rgyab tu stobs chen gzhag par bya// shar du rnam par rgyal ba ste// lho dang nub tu gshin rje dang// rta mchog nyid ni bsgom par bya// bdud rtsi 'khyil pa byang nyid du'o// me yi gra la dbyug pa ste// mi g.yo ba ni bden bral phyogs// rlung mtshams gzhan gyis mi thub la/ khams gsum rnam par rgyal ba ni// dbang ldan mtshams su yang dag gnas// rang dang 'dra ba'i shes rab ma// sprul pa'i phra men ma rnams ni// g.yas dang g.yon gyi phyogs na gnas// de bzhin gshegs pa thams cad kyi sku dang gsung dang thugs rdo rje 'bar ba'i rgyud las/ gzhi yi ting nge 'dzin bstan pa'i le'u ste bcu gnyis pa'o//// de nas bcom ldan 'das de bzhin gshegs pa dpal khrag 'thung rngam pa chen po gzi brjid dang ldan pa des/sku gsung thugs rdo rje'i ting nge 'dzin la snyoms par zhugs te/ ting nge 'dzin gyi dkyil 'khor bskyed pa 'di gsungs so// nam mkha'i dbyings kyi dbus su ni// sangs rgyas gnas khang rdzogs byas nas// lte ba'i dbus su nyi ma la/ khro bo zhe sdang gnas las skyes// 'jigs byed rdo rje gzhon nu nyid// zhal gsum phyag ni drug pa ste// zhal g.yas dkar zhing g.yon pa dmar// rtsa zhal dbus ni mthing nag zhal// rdo rje dgra s+t+wa rdo rje g.yas// me dpung zhags pa g.yon na bsnams// sku stod glang chen ko rlon dang// sku smad stag gi sham thabs can// dang po'i phyag gnyis shes rab 'khyud// dbu la thod skam phreng ba dang// thod rlon rnams kyi do shal byas// mi yi rus pa rgyan dang bcas// phyag dang zhabs dang snyan la sogs// lto 'phye dag gis rnam par brgyan// dom dred pags pas dkris pa dang// mi sdug 'jigs su rung ba dang// smin ma sma ra mig kyang ser// zhal gdangs mche gtsigs ljags kyang 'dril// thod khrag 'thung zhing ha ha bzhad// zhing la 'bru tshugs bltas nas ni// zhal nas khrag 'bab hi hi bzhad// zhag gi thig le tshom bur bcas// thal ba rak+tas mtshan pa dang// 'jigs pa'i dpung yang 'jigs par byed/ khro bo'i dkyil 'khor bsgom par bya// snying gar ye shes dam tshig gnas// de nas 'dod chags chen po yis// gsang ba'i pad+ma rgyas mdzad nas// byang chub sems kyi 'od zer dang// gsang ba'i dbus su thim par bya// byang chub sems kyi sprin dag las/khro bo'i dkyil 'khor thams cad ni// thugs ka nas ni byung gyur te// khro bo'i dkyil 'khor nyid du zhugs// A+oM badzra ku mA ra ma hA kro ta hUM phaT/ A+oM badzra kro ta hUM kA ra hUM/ gardzagardza hUM phaT/A+oM badzra kro ta bi dza ya hUM/ ha na ha na hUM phaT/ A+oM badzra kro ta ya mAn+ta ka hUM/ pa tsa pa tsa hUM phaT/ A+oM badzra kro ta ha ya grI ba hUM/ hu lu hu lu hUM phaT/ A+oM badzra kro ta a mr-i ta kuN+Da li hUM/ tshin+d+ha tshin+d+ha hUM phaT/ A+oM badzra kro ta nI la daN+Da hUM/da ha da ha hUM phaT/ A+oMbadzra kro ta Ar+ya A tsa la hUM/ b+han+d+ha b+han+d+ha hUM phaT/ A+oM badzra kro ta a pa ra dzi ta hUM// tiSh+Tha tiSh+Tha hUM phaT/ A+oM badzra kro ta trai lo kya bi dza ya hUM/ b+hin+da b+hin+da hUM phaT/ A+oM badzra kro ta ma hA ba la hUM/s+pho Ta ya s+pho Ta ya hUM phaT/ sarba ma ma hUM sarba yo gi nI ha ha a phaT a swA hA/ rdo rje 'jigs byed gzhon nu'i tshul// zhal gsum phyag ni drug pa ste// dbus kyi nyi ma'i dkyil 'khor gyi// gdan la brkyang bskum tshul gyis bzhugs// steng phyogs hUM mdzad ka ra ni// zhal g.yas ser zhing g.yon yang dmar// dbus zhal sku ni dmar po'o// dang po gnyis ni rig mar 'khyud// 'khor lo ral gri g.yas pa na// rin chen pad+ma g.yon pa na// 'og tu stobs chen bzhag pa ni// g.yas dkar g.yon dmar dbus gnag sku// dang po rig mar 'khyud pa dang// g.yas pa tri shul ral gri 'dzin// g.yon pa rin chen pad+ma'o// rnam par rgyal ba dkar ba ste// g.yas pa nag cing dmar ba'i mdog/ rang gi rig ma dang pos 'khyud// dbyug pa dkar po ral gri g.yas// rin chen pad+ma g.yon pa yin// shar gyi rtsibs su gzhag par bya// lho phyogs gshin rje 'joms pa ni// zhal g.yas gnag cing g.yon pa dmar// rtsa zhal dbus ni ser ba ste// phyag gnyis rang gi shes rab 'khyud// g.yas pa tho ba ral gri la// g.yon pa rin chen pad+ma'o// nub phyogs rta mgrin dbus kyi zhal// dmar zhing dkar ba sngo ba g.yon// phyag gnyis 'khyud pa rig ma la// pad+ma dang ni ral gri g.yas// 'khor lo rin chen g.yon yin te// bdud rtsi 'khyil pa zhal gsum ljang// g.yas dang g.yon ni dkar dang dmar// dang po gnyis ni rig ma la// 'khyud cing rgya gram ral gri 'dzin// rin chen pad+ma g.yon pa ste// byang du brkyang bskum tshul gyis gnas// me yi phyogs su dbyug sngon can// zhal g.yas dkar zhing g.yon pa dmar// sku zhal dbu ma dkar la ser// dang po gnyis ni khro mor 'khyud// g.yas pa dbyug pa ral gri ste// g.yon gnyis rin chen pad+ma'o// mi g.yo mgon ni bden bral phyogs// g.yas dkar g.yon dmar dmar ser zhal// dang po gnyis ni rig ma 'khyud// 'khor lo ral gri g.yas pa na// rin chen pad+ma g.yon pa na// dpal ldan gzhan gyis mi thub pa// g.yas pa dkar zhing g.yon pa dmar// dmar ljang dang pos rig ma 'khyud// rdo rje ral gri g.yas pa g.yon// rin chen pad+ma 'dzin pa ste// rlung gi mtshams su yang dag gnas// dbang ldan grar ni gzhag bya ba/ khams gsum rgyal ba zhal gsum pa// zhal g.yas g.yon pa dkar dang dmar// sku dang dbus ni ljang skya yin// phyag gnyis rig mar 'khyud pa la// lcags kyu ral gri rin chen pad// g.yas dang g.yon gyi phyag tu bsgom/khro bo dag ni thams cad kyang// rgyan cha rdo rje 'jigs byed 'dra/ khro mo rnams ni rigs kyi mdog/ rang rang lag cha 'dzin par byed// phra men rnams kyi mgo dang sku// ci yang 'gyur zhing sna tshogs thogs/ khro rgyal ye nas yin pas na/ de bzhin nyid kyi dbyings nas ni/ khro bo'i dkyil 'khor rnam 'phros te// nam mkha'i dbyings su brtan par gnas// de nas dpal chen khro bo'i rigs// bskul ba'i phyir ni sngags 'di brjod/oM badzra sa ma ya s+t+waM/ A+oM badzra sa ma ya hUM/ A+oM badzra sa ma ya ho/ thabs dang shes rab gnyis med pa'i// byang sems ho yi bar bzhag ste// chos sku byang chub sems su gnas// sgyu ma'i phyag rgya 'od 'bar te// thabs dang shes rab ldan byas la// bsnyen pa dang ni nye bar bsnyen// bsgrub dang bsgrub pa chen po yis// gsang ba'i phyag rgya rgyas mdzad de// rjes su sbyar ba brtsam par bya// de nas dkyil 'khor thams cad ni// nam mkha'i dbyings su brtan par gnas// de yi ye shes lnga bdag nyid// gsang ba'i bum pa las byung ba// 'khor lo bzhi la rab tu dmigs// gang zhig 'di la mos 'gyur ba// rdo rje rig pa 'dzin pa ste// bla na med pa thob par byed// rgyab kyis phyogs shing 'dun pa med// blun pos mi shes log par blta// gshis ngan dag tu shi gyur nas// 'o dod 'bod cing ltung bar 'gyur// de bzhin gshegs pa thams cad kyi sku dang gsung dang thugs rdo rje 'bar ba'i rgyud las/sku gsung thugs kyi dkyil 'khor bskyed pa'i le'u ste bcu gsum pa'o//// de nas bcom ldan 'das de bzhin gshegs pa rdo rje 'jigs byed chen po des/mchod pa'i sprin mngon par 'byung ba zhes bya ba'i ting nge 'dzin la snyoms par zhugs te/ bdag dang gzhan la phan pa'i phyir/ mchod pa dang bstod pa'i rgyal po 'di gsungs so// bdag po'i phyag rgya mnyam gzhag la// mi dmigs thugs kyi dkyil 'khor nas// dkyil 'khor thams cad spyan drang ngo// A+oM badzra kro ta shrI he ru ka ma hA badzra A gats+tsha ya/ A ga ts+tsha ya/ pra be sha ya/ pra be sha ya/ b+han+d+ha ya b+han+d+ha ya/ to sha ya to sha ya/ sarba DA ki nI hr-i da ya hUM phaT/ srid pa'i phur bu bsgrub pa dang// dbang dang dngos grub blang ba'i phyir// ye shes khro bo gshegs su gsol/ khro bo chen po gshegs nas kyang// rtags dang mtshan ma bstan pa dang// kI la ya yi dngos grub stsol// de bzhin gshegs pa thams cad la// phyag dang snyan dang rgyan la sogs// mchod pa bla na med pas mchod// sangs rgyas dngos grub thob bya'i phyir// rgyal ba thams cad mnyes mchod de// bdug pa me tog mar me dang// dri chab bshos dang yi gar 'ong// rtsub cing tsha ba rnam sbyar te// dkyil 'khor kun la dbul bar bya// 'bul bar bdud rtsi rang bzhin dag/sku gsung thugs su rab ldan pas// sku gsung thugs su byin rlabs te// sku gsung thugs kyi dkyil 'khor mchod// oM AHhUM ma hA sa ma ar+g+haM pra tI ts+tsha hUM/ de bzhin nyid du rab gnas pas// thugs rje chen po 'byung bar byed// bdag dang sems can bsgral ba yin// reg pa sbyor ba mnyam bzhag na// bdag nyid mnyes par tshim par bya// phyag rgya chen po'i bdag nyid kyis// yum gyi gsang ba'i pad+ma ru// bde ba thugs kyi rang bzhin las// lha mo rnams su spros nas kyang// dkyil 'khor thams cad mchod par bya// gzugs dang sgra la sogs pa yi// 'dod pa'i yon tan lnga rnams kyis/khro bo'i dkyil 'khor mnyes byas na// mnyes byas ma lus rnam dag nas// lha mo rnams su spros nas kyang// dkyil 'khor dngos grub rab mchog sgrub par byed/ khro bo'i dkyil 'khor dam pa can// bkug nas ba ling sbyin par bya// bdud rtsi lnga dang zas lnga la// ming dang mtshan mar bcas nas ni// bkug nas rdo rje phur pas gdab// rdul du byas te tshogs la dbul/ khro bo'i dkyil 'khor thams cad la// sna tshogs sha rnams phul byas na// dkyil 'khor ma lus mnyes par 'gyur// de nas ar+g+haM mchod par bya// he ru ka yi gnas bcu dang// dur khrod chen po'i gnas brgyad nas// dpal chen 'khor bcas spyan drangs te// dur khrod mchog gi gnas 'di ru// zhing chen gsar rnying ti rar bcas// dmar gyi ar+g+ha rgya mtshor 'khyil// mkha' 'gro 'bar ba'i tshogs bcas rnams// ma lus gshegs shing mnabs su gsol// mchod pa'i yo byad thams cad ni// nag por byas te dbul bar bya// ma tshogs rnams la bstab pa ni// skra bcing gcer bur phyung nas ni// thal ba rak+ta zhag gis mtshan/ khro bo'i ngang du tshul brdung ba/kha nas zhag dang khrag 'dzag pa// lag pa thod khrag thogs nas ni// hi hi bzhad cing spyugs pas gdab// so so rnams kyi ming phyung nas// bos nas zhal du bstab par bya// de nas khro bo'i dkyil 'khor la// bstod pa'i rgyal po 'dis bstod do// hUM/ rang bzhin rnam dag dbyings nas bskyed pa'i cho 'phrul bston// thugs rje chen po thabs mkhas pa// gdug pa 'dul phyir sku sprul pa// 'jigs byed he ru ka la phyag 'tshal lo// zhes brjod pas dgyes pa chen po de nyid mnyes par gyur te// sngags kyi spyod pa 'di gsungs so// ji bzhin gsungs pa'i dbang sogs ldan// byang chub spyod pa'i rnal 'byor pas// byang chub sems ni mi spang zhing// rdo rje phyag rgya la sogs dang// dam pa'i chos kyang mi smad cing// nam kyang spang bar mi bya'o// mi shes pa'am blun pa la// gsang ba bstan par bya ba min// bdag nyid yongs su spangs nas ni// dka' thub kyis kyang gzir mi bya// rtag tu sdom pa bskyang ba ni// bdud rtsi lnga dang sha lnga za// dkon mchog la gnod gsad par bya// gsang ba'i bud med 'dod pa spyad// byang chub sems ni ma byin blang// gsang ba'i don du rdzun nyid smra// sbyor ba'i rgyud las ci bsngags pa// de ltar rim pa bzhin du bsrung// sangs rgyas dkyil 'khor bsgoms nas ni/ ma traM rnams kyi gzugs brnyan la// dgug cing bstim pa byas nas kyang/ khro bo'i nga rgyal hUM bsgom ste// lcags kyu gri nag 'bar ba yis// tsit+ta phyung nas sbyar byas te// mgo bo snying ga lte ba dang// gsang ba'i las bzhi so so rnams// go rim bzhin du 'jug par bya// gdug pa can rnams gdul bya'i phyir// thams cad thams cad ci bde bar// thams cad thams cad bya ba yin// de bzhin gshegs pa thams cad kyi sku dang gsung dang thugs rdo rje 'bar ba'i rgyud las// mchod pa'i sprin rnam par 'phro ba'i le'u ste bcu bzhi pa'o//// de nas bcom ldan 'das de bzhin gshegs pa rdo rje gzhon nu/ dpal khrag 'thung rngam pa chen pos bdug pa can bsgral ba'i phyir/bsad pa las kyi rgyal po mchog gi ting nge 'dzin la snyoms par zhugs te/ phrin las phun tshogs pa 'di gsungs so// dang po sa gzhi yongs brtags nas// bskrad dang mtshams bcad rdzogs byas te// gsang ba dbyings kyi dbus dag tu/ khro bo'i dkyil 'khor bsgoms nas ni// phur pa byin gyis brlab pa brtsam// rdo rje phur pa'i khro bo dag/ thugs ka nas ni byung gyur te// 'jigs pa'i gzugs can 'jigs par byed// A+oM badzra kI la kI la ya sarba big+h+nAn baM hUM hUM phaT// spyi bor gzhal med bsam nas kyang// hUM mdzad dkyil 'khor brtan par bzhugs// 'og tu stobs can bzhag pa ste// rnam par rgyal ba la sogs pa'i// phyogs rnams kun tu brtan par gnas// rtse mo ngos dang bcas pa la// ma tshogs rnams ni bzhag pa yin// bde bar gshegs pa rnams kyis byin rlobs shing// me stag 'phro zhing gzi brjid 'chang// e yi gdan la nges par bzhag/ nyung dkar rgyal pos brdeg pa dang// gu gul tshil chen gyis bdug ste// mchod pa rnams kyang dbul bar bya// gang 'dod las rnams bcol byas la// rang rang mdun du bzhag pa yin// gzhan yang rdo rje phur pa bcu// gru chad gru gsum bskor bar bya// de nas dkyil 'khor spyan drangs te// mchod pa rdzogs dang ba ling bsngo// mngag gzhug gsum pa'i sbyor ba dag/ snying gar ma yi dkyil 'khor la// yi ge dza ni gzhag bya ste// 'od zer lcags kyus drangs nas ni// gzugs sam ri mor thim par bya// phyag rgya bzhi yi rang bzhin gyis// dgug cing sdom dang dgug par bya/ dzaHhUM baM hoH/ badzra a ku sha hUM/ dza dza dza/ dzaHhUM baM hoH/ pra be sha ya hUM/ A be sha ya a a/ gzugs brnyan rnams ni zhing chen gyi// thal ba ske tshe lan tshwa dang/khre dang ju tshe srub ma'i lo// phub ma grog mkhar sa rnams la// rak+ta bdud rtsis sprus nas kyang// smug nag snying gar ming rus gdags// dkyil 'khor lho nub gru chad la// 'brub khung gru gsum byas nas ni// nang du gan rkyal bzhag par bya// bkug nas phebs par gyur pa dang// gu gul tshil chen bdug pa dang// rdo phye dug dang khrag las kyang// gtor ma rnams ni za ru gzhug/ phra men rnams dang mgyog ma rnams// glo snying za zhing dbang po 'thog/ de ltar nyams par byas nas ni// bstod pa byas nas gnyis med bstim// de nas bzlas pa byed 'dod na// bdag nyid las kyi ting 'dzin zhugs// snying gar nyi ma'i dkyil 'khor bsam// de nas bzlas pa'i yig 'bru 'am// hUM yig rnam par bsam nas ni// phur pa'i khro bo'i gzugs byung ste// phyogs bcu dag tu gshegs nas kyang// 'gro ba'i don rnams rdzogs byas te// rdo rje phur pa la thim bya// 'bum phrag gcig gam sa ya'am// bye ba bzlas te dbang bskur na// ting 'dzin bsnyen pa rdzogs byas te// gzir mnan byas la gsad par bya// dam tshig chen po'i dus la bab// sprul pa chen po'i dus la bab// phyag brnyan chen po'i dus la bab// shwa na mu kha'i dus la babs// bdag nyid chen mo'i dus la bab// mthu rtsal phyung ba'i dus la bab// byang chub mchog tu sems bskyed cing// dus gsum rgyal ba'i gdung 'tshob pa// rig 'dzin bdag cag rnams la ni// gdug cing sdang ba'i dgra bgegs dang// bdag [[]bdud []]dang bar du gcod p a rnams/khro bo chen po'i byin rlab kyis// yud tsam gyis ni 'dir bkug nas// mngon spyod tshul bzhin bsgral ba dang// lus ngag rdul du bshigs nas kyang// sdug bsngal nyams su myong bar mdzod// oM laM hUM laM/s+t+waM b+ha nan// mo hA ga ya b+ha ga wAn// shri badzra hUM kA ra hUM phaT// badzra kI li kI la ya/ dzaHhUM baM hoH/ sarba big+h+nAM/ kA ya wA ka tsit+ta/ badzra kI li kI la ya hUM phaT/ A+oM badzra kro ta hUM kA ra phaT/ hUM kA ra hUM a a a/dzaHhUM baM hoH/ A be sha ya a/ dngos grub bar du gcod pa'i bgegs// gdug cing sdang sems byed pa rnams// zung zhig rgyob cig rnam par chings// gtogs shig grogs dang bral bar gyis// rings par khur la smra ru chug/ phob gcig rnam par gzir bar gyis// nga yi dbang du gyur nas ni// bsgo ba'i bka' rnams nyan par gyis/ hUM pa ra bid+yAn hUM phaT/ tshin+d+ha tshin+d+ha hUM phaT/ bin+d+ha bin+d+ha hUM phaT/gr-i h+Na gr-i h+Na hUM phaT/ ha na ha na hUM phaT/ ban+d+ha ban+d+ha hUM phaT/ ta thA ya ta thA ya hUM phaT/ ha sa ya ra ha sa ya ra hi daN+Da hUM phaT// shI g+h+raMa na ya hUM phaT/ dz+wa la ya dz+wa la ya hUM phaT/ pra be sha ya pra be sha ya hUM phaT/ b+hin+d+ha b+hin+d+ha ya hUM phaT/ bran dang pho nya bka' nyan tshogs/ khyed kyi dam tshig dus la bab// sngon chad khas blangs dam bcas bzhin// mngon spyod phrin las myur du mdzod// ha na ha na badzra// da ha da ha badzra// pa tsa pa tsa badzra// ma tha ma tha badzra/ dz+wa la dz+wa la badzra/ su ru su ru badzra/ mu ru mu ru badzra// ka taM ka ye bi dza ye/ a dzi te a pa ra dzi te mA ra se na pra marda ni hUM phaT// rdo rje gsang ba'i bka' las ni// sdig can gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren rnams// nga yi bka' las 'da' ma byed// hUM ma ma pa shaM ku ru ma taM nya ka ra i nan// ta ti ma ma karma shI g+h+raM kA ra ya hUM// gdug cing sdang sems ldan pa yi// lha'am 'on te bdud kyang rung// nga la bar du gcod pa rnams// mthu dang rdzu 'phrul med par byos// sarba A na ya hUM// ta thA ya ta thA ya hUM// rdungs shig rdo rje 'bar ba'i gtun// dam las 'da' byed sdig chen rnams// rdo rje me dbal snying bsreg nas// lus ngag rdul phran bzhin du rlogs/ khro mo 'bar ba'i gtun khung du// rdo rje tho bas brdung byas nas// lha yang rung ste bsgral bar bya'o// kha thaM/ rdo rje phur pa gdab bya ba// bdag nyid khros pa'i nga rgyal can// shin tu gsal bar byas nas ni// gzas pa po yang gsal byas te// rdo rje phur pa mchog 'od 'bar// shin tu 'jigs pa gsal byas la// rang gi sngags ni brjod bya ste// thal mo sbyar thabs gsor nas kyang// ting 'dzin khugs par gyur pa dang// snying ga mgo bo lte ba dang// dpung pa gnyis dang brla gnyis la// phur pa'i khro bo rdzogs byas te// g.yon pas rke nas bzung nas ni// g.yas pa'i rdo rje'i tho bas brdeg/ oM na maHsa man+ta/ kA ya wAka tsit+ta badzra nAn/ g+ha g+ha g+hA ta ya g+hA ta ya/sarba duSh+tAM phaT// kI la ya kI la ya sarba pA paM phaT/ hUM hUM badzra kI la ya/ badzra d+ha ro A dz+nyA pA ya ti/ sarba big+hAM/ kA ya wAka tsit+ta badzra kI la ya hUM phaT/ oM a ko Ta ya mu da ga ra hUM phaT/ hUM hUM hUM/ A+oM badzra kro ta yak+sha kha kha khA hi khA hi// 'bar ba gtum chen rngam pa la// mdzub mo gnyis ni bsgreng nas kyang/ kha 'gram gnyis su bzung byas te// rdo rje gnod sbyin khros pa yis// yid kyi yul du bstabs nas ni// 'khor lo la sogs mtshon cha yis// gzugs brnyan phye mar gdab par bya// A+oM hrIHSh+t-IHwi kr-i ta ya nan hUM phaT// thod pa gzhung dang bcas pa yi// hom khung gru gsum sgo can du// raM zhes bya bas me spar te// ye shes me lha bos nas kyang// ngang du 'khor lo bsgom nas ni// gdug pa can rnams bsreg par bya// snying rjes bsgral ba'i dam tshig ni// gsad cing gnan pa ma yin te// phung po rdo rjes gtam byas nas// rnam par shes pa rdo rjer bsgom// A+oM badzra kI li kI la ya hUM phaT// nam mkha'i khams kyi de bzhin gshegs// 'od zer rnams kyis drangs nas ni// thams cad thugs kar thim par 'gyur// rlung du gyur pas oM AHhUM// bde ba chen po'i rtsa nyid nas// dam tshig rin chen gsum po dang// rim par byung nas sna bug ni// g.yas nas g.yon du zhugs pa la// spyi bor tshon gang ma rag par// yi ge 'bru gsum tshon re bas// hUM nyid zhu ba a la thim// a nyid oM gyi bdag nyid zhu// byang chub sems su gcig pa ni/ kha dog gsum gyi rin po che// 'od zer spro bsdu'i sbyor ba yis// zhi ba nyid du 'gyur ba yin// gsang ba'i gnas ni thams cad du// rim pa min pa ma yin pa'i// gsang ba'i dkyil 'khor rab tu dmigs/ khro bo'i dkyil 'khor chen po 'di// byang chub gzhol zhing mang du thas// dad pa brtson 'grus rab ldan pas// lha nyid nye bar gyur pa la// dam tshig ma nyams brtul zhugs can// drag shul sgrub par 'dod pa yi// rnal 'byor rnams kyis bsgrub par bya// ma mo'i gnas dang sdong gcig dang// ri bo ri sul rnams su ni/ khros pas bsgrub pa rab tu bya/ khro bo'i dkyil 'khor bsgom nas ni// mtshan ma ming du bcas pa rnams// gsang ba'i pad+mar bcug nas ni// zla ba gzas ni zin pa'i tshe// drag shul gyis ni bsgrub par bya// mi yi rus pa las byas pa'i// bcu gnyis pa yi tshad rnams la/ khro ba'i dkyil 'khor bsgom nas ni// gcig gam bcu gcig rtsa gcig par// bdag nyid gang sgrub 'dod pa yis// gang la bya ba'i gzugs nyid kyi// mtshams dang dam tshig rdzogs pa'am// bsnyen pa tshang nas gdab par bya// rdul du byas la tshogs la dbul// bcu gnyis bdun yang nyi shu rtsa gcig dang// rtsa lnga dgu dang mar gying ngo// nam dang nyi ma'i gung rnams la// brtul zhugs can gyis bsgrub na ni// zla ba gcig gis nges pa ru// 'chi bar 'gyur ba gdon mi za// de bzhin gshegs pa thams cad kyi sku dang gsung thugs rdo rje 'bar ba'i rgyud las// phrin las phun sum tshogs pa'i le'u ste bco lnga pa'o//// de nas bcom ldan 'das rdo rje 'jigs byed chen po la// rdo rje gzhon nu'i 'khor 'bum phrag du mas mngon par bstod pa// bskal pa'i me bzhin rab tu 'bar// nyon mongs 'ching bar byed pa'i phyir// dbu skra kham nag gyen du 'khyil// mtshan ma thams cad rnam 'joms pas/ khro gnyer glog stong 'gyu ba ste// yon tan thams cad rgyas mdzad pa'i// smin ma sma ra mig kyang ser// log par blta ba'i tshogs rnams la// sdang mig btsug nas gtum par mdzad// mche ba zang yag gtsigs pa ni// skye bzhi rtsa ba gcod pa'i tshul// zhal gdangs rngam pa'i cha lugs kyis// 'khor ba ril ming mdzad pa po// sgra sgrogs hi hi'i gad rgyangs can// gdug pa can rnams nyams par byed// spyugs pas mthor zhing g.yeng ba la// zhal nas bdud dang srin po sogs/ khrag 'bab 'khor ba'i zhag gis bskus// zhe sdang 'joms mdzad stag lpags can// gdug pa sbrul gyis rnam brgyan pa// gti mug 'joms mdzad glang chen ko rlon gos// 'dod chags zad mdzad rig ma 'khyud// gdug pa 'joms pas mthing nag zhal// nyon mongs ma gos chags pas dgyes// g.yas g.yon dkar dang dmar ba'i zhal// ye shes lnga bdag rdo rje thogs// mtshan ma sreg mdzad me dpung can// zhags pas mi gtong 'ching ba la// rdo rje dgra s+t+was 'joms pa'o// rdo rje ngan song gsum dag 'jig/ phur pas bdud kun 'joms pa yin// rdo rje che mchog stobs po che// 'jigs pa chen po 'jigs par byed// dga' ba chen po mgu bar byed// yon tan thams cad 'byung bar byed/ khros pa'i dkyil 'khor 'byung bar byed// thams cad kun gyi bdag po'o// zhes bstod pas/ khro bo'i dkyil 'khor thams cad la gzigs nas/ thams cad kyang gzi brjid chen po dang ldan par gyur te/ bzhugs pa la snying po ngo mtshar rmad du gyur te/khro bo'i dkyil 'khor gyi sgrub pa'i thabs 'di lta bu gsungs so// gsang ba'i dbyings kyi dbus dag tu/ khros pa'i dkyil 'khor bsgom bya ste// lcags sam nag po'i shing rnams la// mgo bo rgya mdud rtse zur gsum// ngos rnams khro bor rnam bsgoms te// btab na lha yang rlag mdzad pas// gzugs sam ri mo bris nas ni// mtshan ma ming du bcas pa la// bkug nas rdo rje phur pas gdab// de nas gang du bya ba'i gnas// ma mo'i gnas dang chu klung dang// lam gyi bzhi mdo shing gcig drung// dkyil 'khor 'og la sogs pa ru// bdud rtsi 'khyil pa'i phur pa yis// sngags bzlas gru gsum brkos nas ni// thod pa kha sbyar nang du ni// gong gi gzugs brnyan bcu gnas kyang// phur pa rnams kyis spyi bo ru// ri rab gling bzhi bris nas ni// steng du don yod grub pa ni// yi ge hUM las bskyed byas te// rtag tu brtan par bzhugs par bya// bdag nyid 'bar ba'i gar la sogs// stang stabs rdzogs nas bro brdung bya// rdo rje brjid gnon phyag rgya yis// phur pa rnams ni byin ldan te// bgegs lus rnam par mi g.yo'o// slob dpon dag la brnyas byed dang// dam tshig gnyen po 'dral ba dang// rnal 'byor spun la 'khu ba dang// rnal 'byor bar du gcod pa rnams// gnod byed ma lus gtan mas phyung/ khro bo'i dkyil 'khor bsgom byas pas// gdug pa can la sogs pa rnams/ mnan dang gzir dang bskrad pa dang// rdul du byas la tshogs la dbul// dam tshig can gyi bdag po rnams// bos nas las rnams ma lus bcol// bgegs rnams myur du gzhom pa dang// bsod nams dam pa 'phel bya'i phyir// rgyun du ba ling sbyin par bya// snod bcud gdug pa can rnams te/ khro bo khro mo rnam bsgoms te// thams cad ma lus zhi bar byed// de nas bcom ldan 'das rdo rje 'jigs byed kyis/ dpa' bar 'gro ba zhes bya ba'i ting nge 'dzin la snyoms par zhugs te/ bskrad pa'i cho ga 'di gsungs so// dur khrod 'bar ba'i dbyings nyid du/khro bo'i dkyil 'khor bsgom nas ni// ma traM rnams kyi gzugs brnyan la// kun tu rdo rje phur pas gdab// de yi gsang ba'i gnas dag tu// hom khung gru gsum sgo can la// gtsang thod rgyan gyis mdzes brgyan pas// byin za dge ba raM spar te// drang srong rnams ni g.yab mos bod/ khro bo'i dkyil 'khor bsgoms nas ni// dang po me sbyang spyan drangs te// gdan dang sku khrus bsil bar bya// las la gzhug cing brtan bzhugs gsol// phyag dang mchod pa tshul bzhin bya// bstod nas gshegs su gsol ba dang// rang gi dkyil 'khor dag la thim// bdag nyid khros par byas pa yis// yang na zla ba'i dkyil du bzhag/ rnam shes hUM gis bsdus brdungs te// ye shes rlung gis 'phen par byed// de yis phyogs bcur 'phros par bsam// ma rungs pa ni tshig bsam nas// de ma thag tu bder 'gyur ro// gsang ba'i dbyings kyi dbus dag tu/ khro bo'i dkyil 'khor bsgom nas kyang// gzugs brnyan dag ni byas nas kyang// bkug nas de yi gzugs nyid la// ral gris dum bur gtubs nas kyang// dum bu dum bur chad bsam na// 'chi'am yang na skam par 'gyur// zin pa'i sems can bsrung ba ni// skud pa nag pos bcings nas kyang// dgug cing bstim pa rnams byas te// ral gri dgra s+t+wa mtshon cha yis// de nyid dum bur gcad par bya// rdul du byas nas bsreg par bya// dkyil 'khor rnams la mchod par bya// phyin chad bgegs rnams bsrung don du/ khro bo'i dkyil 'khor bsgom par bya// 'debs byed yi ge lnga po rnams// gnas lnga dag tu rnam bkod de// lus bsrungs khros pa thams cad kyis// ba spu'i bu ga thams cad gtams// mi rtog zhig nas ldan byas te// de yis dub par gyur pa dang// rdo rje'i bzlas pa'i rim pa bya// spyod lam kun tu ma nyams par// lha de nyid du rtag tu bsgom// 'di ni rgyal ba thams cad kyi// yang dag don gyi snying po bas// rtag tu 'bral bar mi bya'o// de bzhin gshegs pa thams cad kyi sku dang gsung dang thugs rdo rje 'bar ba'i rgyud las/dkyil 'khor gyi bdag po bstod pa dang/ mnan pa dang bsgral ba la sogs pa bsgrub pa'i rim pa rnams bstan pa'i le'u ste bcu drug pa'o//// de nas bcom ldan 'das de bzhin gshegs pa dgyes pa chen pos// de bzhin gshegs pa thams cad dang/ byang chub sems pa' rnams la/ sngags kyi rgyal po bstan pa'i gzung ba 'di ched du brjod do// kye ma sangs rgyas thams cad kyi// bla na med pa'i byang chub sems// 'da' dka' de bzhin mi gshigs pa// 'da' bar mi mdzad dam tshig yin// phyogs bcu dus bzhi rang bzhin dag/de bzhin gshegs pa'i ngo bo nyid// rang gi rtog pa phra rgyas kyis// so sor smin cing sdug bsngal ba// grol bar bya phyir bla med rnams// bstan phyir rdzogs longs spyod par bstan// 'og min bla med gnas mchog tu// mgon po bdag nyid chen po ngas// rdo rje 'khor lo bskor ba rnams// ljags kyi dbang por bkram nas ni// kun gyi don du gsungs pa ni// de bzhin gshegs pa thams cad dang// byang chub sems dpa'i dge 'dun dang// rnal 'byor rnams kyis brtan por gzung// 'gro ba'i skye bo ji snyed par// yi ge 'bri mchod sbyin pa dang// nyan pa dang ni klog pa dang// 'chad dang kha ton byed pa dang// de sems pa dang sgom pa rnams// de bzhin gshegs pa'i ngo bo nyid// bla med byang chub thob par 'gyur// gang zhig 'di la mos 'gyur ba// rgyal ba rnams kyis rab bsngags pa'i// yon tan thams cad 'byung bar 'gyur// sa yi khyad par bgrod nas ni// bde ba chen por 'gyur ba yin// sangs rgyas kun gyi byang chub sems// sku gsung thugs kyi gsang ba rnams// rtogs shing 'dzin par byed pa dang// rtag tu 'chang ba gang yin pa// de nyid nga dang 'dra bas na// sku gsung thugs kyi dbang rnams dang// gsang ba'i don ni bstan pa yin// dngos po rnams kyi dam tshig kyang// mthong zhing thos nas rtogs shes yin// dam pa rnams kyi dam pa mchog/ de bzhin nyid du gnas bcas nas// grol thar lam dang 'khor ba rnams// ji ltar brjod kyang chos mchog ste// de bzhin nyid las nyams pa med// de bzhin nyid ni de bzhin pas// de la de bzhin gnas mi bya// gang gis de bzhin gnas gyur na// de bzhin mthong bas de bzhin gshegs// de bzhin nyid kyi dbyings nyid la// btsal ba med pa'i btsal sems te// dmigs pa med pa'i dmigs pa dang// sgom du med pa'i sgom pa yis// shes rab gsum gyi bdag nyid can// sa rnams ye shes bskyed 'gyur bas// yang dag mthong nas lhun gyis 'grub// de bzhin gshegs pas rab bsngags pas// 'phags dang byis pa'i skye bo dang// rang dang gzhan gyi skye bo rnams// gang zhig 'di la dad 'gyur na// dam pa 'di dag gnas pa yin// de nas bcom ldan 'das de bzhin gshegs pa'i 'khor de dag thams cad kyis mgrin gcig dang dbyangs gcig tu 'di skad ces gsol to// sku gsung thugs kyi bdag po mchog/ spyan ras dri med 'od mdzad pa// bdag cag kun gyis mthong bas na// dpa' bo chen po khyod phyag 'tshal// de bzhin gshegs pa thams cad kyis// yang dag rtogs shing 'dzin pa la// rab tu mos pas dus gsum du// dpa' bo chen po bzhin phyag 'tshal// byang chub 'phags dang gzhan rnams kyis// don 'di 'dzin cing 'chang ba dang// rtogs nas smra bar byed pa la// ston pa bzhin du bdag 'tshal lo// gang gis ming tsam 'dzin pa yi// don 'di sgrub par byed pa na// g.yo sgyu med cing gus ldan pas// dpa' bo bzhin du bdag phyag 'tshal// dpa' bo'i bstan pa bla med pa// yi ge med pa'i gsung mchog ste// chos rnams kun gyi rang bzhin la// ston pa bzhin du bdag phyag 'tshal// zhes brjod pas/ bcom ldan 'das de bzhin gshegs pa thams cad kyi bdag po dgyes pa chen po des/ nyid kyi dkyil 'khor gyis shin tu mnyes par gyur te/dngos po thams cad sgyu ma dang 'dra bar mthong nas/ sku gsung thugs rdo rje la zhugs te// cang mi gsung bar gyur to// de nas de bzhin gshegs pa la sogs pa thams cad dang// byang chub sems dpa' la sogs pa thams cad kyang sku gsung thugs rdo rje la zhugs so// zhugs pas phyogs bcu dus bzhi'i rang bzhin thams cad gcig gi rang bzhin du dbyer med pa'i mnyam pa nyid kyi rang bzhin du gyur to// de bzhin gshegs pa thams cad kyi sku dang/ gsung dang/ thugs rdo rje 'bar ba'i rgyud las/ mnyes pa dang yongs su gzung ba'i le'u ste bcu bdun pa'o//// de bzhin gshegs pa thams cad kyi sku dang/ gsung dang thugs kyi gsang ba'i mchog dam pa'i gsang chen ces bya ba'i rgyud/ rnal 'byor gyi ma chen mo de kho na nyid stong phrag brgya pa las/ rdo rje 'bar ba'i rgyud ces bya ba'i le'u ste bcu bdun pa rdzogs so//// rgya gar gyi mkhan po dz+nyA na gar+b+ha dang/ bod kyi lo tsA ba dge slong rin chen bzang pos bsgyur cing gtan la phab pa rdzogs so//// dge'o//

CLOSE WINDOW