CLOSE WINDOW

Gpb027.020
བོད་ཡིག

rgya gar skad du/ shi rag sha sa mu gu tan+t+ra/ bod skad du// dpal khrag 'thung bde ba chen po longs spyod rdzogs pa'i sku la phyag 'tshal lo// 'di skad bdag gis thos pa'i dus gcig na/ bcom ldan 'das gsang sngags kyi mnga' bdag/rigs sngags kyi rgyal po// dpal khrag 'thung 'bar ba chen po ri ma la ya'i rtse mo la bzhugs te/ de nas 'dre srin gyi 'khor rnams kyis/ gnod sbyin dang/ gza' dang/ bdud dang/ klu dang/ bse yi skyes bu bzhi dang/ bse mo nyis brgya lnga bcu dang/ mi ma yin gyi 'khor gyis bskor ba'i tshe na/ mngon shes drug 'khrul can gyis bcom ldan 'das la 'di skad ces gsol to// kye 'bar ba chen po rnal 'byor pa la/sems ngan pa dang/ gzhan gyis 'tshe zhing 'joms pa dang/ dge ba dang ting nge 'dzin gyi gegs dang/ chos byed du mi ster ba thams cad thabs kyis 'dul ba'i dus la bab par lung bstan du gsol/ston pas bka' stsal pa/ 'gro ba'i don du zhu ba legs kyi nyon cig phyi nang snod bcud 'dus pa'i chos thams cad nam mkha' khyab par don mdzad de/ chos kyi sku ji lta ba bzhin du/ sprul pas 'gro ba'i don mdzad do// de nas 'jigs pa'i phyag rgya ru sprul lo// de 'dre srin gyi tshogs kyi 'khor rnams 'dus nas/ rgyal mo bzhi'i srog gi snying po 'di phul lo// kang ka da re dza dzaH tsa mun da re dza dzaH shu la da re dza dzaH ku la da re dza dzaH zhes phul bas/khrag 'thung gi rgyal pos rin chen 'bar ba'i ting nge 'dzin du bzhugs nas/ 'gro ba'i don mdzad do/ bse sgrom dmar po'i rgyud las// gleng gzhi'i le'u ste dang po'o//// de nas dpal khrag 'thung gi rgyal pos// bswe mo'i sgrub pa da'i gsungs so// dkyil 'khor mda' gang gru bzhi la/ khrag dang 'o ma mar khu rnams/ sbrang rtsi la sogs chag chag gdab// dbus su gru gsum mthing nag la// 'khor lo rtsibs bzhi mu ran bcas// sgo bzhi twa ra Na yis brgyan// dbus su khrag 'thung rgyal po'o// shar du kang ka da re dgod// lho ru ku ma da re dgod// nub tu shul la da re dgod// byang du tsa mun da re dgod// rabs chad thod pa'i nang dag tu// ra khrag khyi khrag phag khrag dug sna tshogs// hom khung zur la gzhag par bya// zur gcig ba men rA nang du// sbrang rtsi zhag dang snying sna tshogs// de ni mchod pa'i rdzas rnams so// zhal du bstab pa'i rdzas rnams ni// bra ma'i bram mo yang hom dag cha gcig dgod// bse mo bzhi yis phur lha bzung// 'khor lo bzhi la gtam gyi gdab// bdag nyid dpal gyi ting 'dzin ldan// bse mo bzhi yi srog snying brang ba'o// bse sgrom dmar po'i rgyud las/ dkyil 'khor bca' ba'i le'u ste gnyis pa'o//// khrag 'thung gi rgyal po des/ lcags kyu'i phyag rgya bcas nas srog gi snying po nas drangs te/ kang ka da re dza/ ku ma da re dza/ tsa mun da re dza/ shu la da re dza/ gzugs rnams rab tu ston 'gyur te// las la 'di skad bskul bar bya// tse'u ri tsag srin a nir ti/mA ra ya a ku sha dza dzaH snying za ba tsit+ta ma la ra shor la khrag 'thung/ kang kang king king/ sha la tri ti hUM phaT/ oM badzra kI li kI la ya/ ha sa ra na ha ta na ha ta na ya/ ma ma sarba big+h+nAn baM hUM phaT/A be sha ya A be sha ya hUM phaT/ shi g+h+raM A na ya shi g+h+raM A na ya hUM phaT/ dz+wa la pa ya dz+wa la pa ya hUM phaT/ tA tha ya tA tha ya hUM phaT/ bi ta ya bi ta ya hUM phaT/ shu la shu la bu la da ra dza dza ni/ yo gI shwa ri nI/ badzra tsit+ta su/ki badzra na mA ra ya phaT/ bse sgrom dmar po'i rgyud las/ sngags kyi le'u ste gsum pa'o//// de nas khrag 'thung gi rgyal pos/ drag po'i las la gzhug pa 'di gsungs te/ zhal du bstab pa'i 'khor lo bri// dbugs len ma ni rbad par bya// bi da ya yi sngags kyis rtsibs mchan bskor// hom khung nang du bse mo bskyed// zhal du bstab pa'i rdzas rnams ni// ling+ga tsho gsum bcad de lag tu thogs/ hom du bstab cing shu la shu la'i sngags bzlas shing// dz+wa la raM gyis me sbar zhing// bi ta ya nas spel zhing dbul// de nas ling+ga sgrub rdzas la// rabs chad nag po'i thod pa ru// yi dwags khyi mo'i spus gtums la// thag pa nag po btags la bskor// thal ba nag po rlung la 'phyar/ lhag ma khro bo'i zhabs 'og mnan// mnan pa'i dus su khri yang bzlas// zla ba nyi ma'i nam phyed gtad// ces gsungs so// mar khu dang zhag dang khrag gsum bdud kyi bu mo la sbreng/khrag dang a mr-i tas dam ba dar ro// sbrang rtsis dang mar dang thud sbyar la srog bdag gi bu mo la gtad do// mi mgo dang bse phor dang/ ba men gyi rwa dang mdzo ru la bzlas pa'o// bse mo'i sngags kyi 'khor lo bskor ba khrag 'thung gi rgyal pos de skad gsungs so// bse sgrom dmar po'i rgyud las/ las kyi bya thabs kyi le'u ste bzhi pa'o// rdzogs so//// slob dpon pad+ma 'byung gnas kyis// lha sras lcam sring la gnang ste bsgyur zhing gtan la phab pa'o////

CLOSE WINDOW