236a6 rgya gar skad du/ badzra kI la ya shak+ti a gra rA ga tan+t+ra nA ma/ bod skad du/ rdo rje phur pa mdung rtse dmar po'i rgyud ces bya ba/ bcom ldan 'das dpal rdo rje gzhon nu la phyag 'tshal lo// 'di skad bdag
236b1 gis thos pa dus gcig na/bcom ldan 'das 'og min gyi gnas drag po mthing nag 'bar ba'i gzhal yas khang na/ rdo rje srin po'i lha tshogs dang thabs cig tu bzhugs te/ de'i tshe nyid las mi gzhan pa'i
236b2 'khor karma he ru kas 'di skad zhus so// kye bcom ldan 'das nyon mongs pa sems can rgyu ci lags/ rkyen ci la spyod/ las gang smin bka' stsal du gsol/ zhes zhus pa dang/ bcom ldan 'das kyis bka'
236b3 stsal pa// dang po 'jig rten srid pa'i rgyud// chags pa gnas pa zhig pa las// bar du stongs par gyur pa'i tshe// de yang snod chags bcud chags mnyam// de dus lha yi sprul pa ni// bag tsam rlan 'dus
236b4 gnas pa las// bya rgod dar ma gcig tu srid// gsher la rlan tsam gyur pa las// stag chen dar ma gcig tu srid// de ni srid pa'i sprul pa'o// bya yi tshang 'cha' ba'i gnas/ shar phyogs shel gyi brag kha dkar
236b5 po ri mtho sa gtsang bar/bya dang stag gi lus gnyis ni// ma 'phrad yid kyis chags pas bshos// srid pa'i sgo nga bdun dang chu bur gnyis su srid/ sgo nga bdun po ni/ shel sgong dkar po dang/ dngul sgong skya bo
236b6 dang/lcags sgong nag po dang/ gser sgong ser po dang/ zangs sgong dmar po dang/ g.yu sgong sngon po dang/ mchong sgong smug po dang bdun no// chu bur gnyis la yid ma ches nas/ mchus brtol bas/ bud
237a1 med bzang sdug la 'od chags pa bdun byung bas/bya 'grogs tshang bor ro// bud med bdun gyis ni sgo nga re tshags byas so// srid pa'i byung tshul bstan pa'i le'u ste dang po'o//// de nas
237a2 bud med bdun las/gcig gis shel sgong dkar po brtol bas/ de nas mi dkar mdung tsam la dpral ba na mig gcig yod pa byung/ bud med gcig gis dngul sgong skya bo brtol bas/ mi skya bo ra'i mgo
237a3 can byung/bud med gcig gis lcags sgong nag po brtol bas/ mi nag po lag pa dgu pa byung/ bud med gcig gis gser sgong ser po brtol bas/ mi ser po mig dmar can byung/ bud med gcig gis
237a4 g.yu sgong sngon po brtol bas/mi sngon po sbal pa'i mgo can byung/ bud med gcig gis zangs sgong dmar po brtol bas/ mi dmar po ra skyes kham pa zhon pa gcig byung/ bud med gcig gis mchong sgong smug
237a5 po brtol bas/bud med drug la bzhin bzang sdug la 'od chags pa byung/ gcig nag mo dpral na mig gcig kha na so gcig/ brang na nu gcig yod pa byung/ gcig gcan gzan gyi mgo can du byung ngo// byung
237a6 tshul bstan pa'i le'u ste gnyis pa'o//// de nas mi dkar po mig gcig pa dang/ bud med nag mo mig gcig ma gnyis mchis pa las/ bu dgu mda' gzhu dang mdung thogs pa dang/ bu bco brgyad sgye'u
237b1 ser can bco brgyad byung ngo/mi skya bo ra'i mgo can dang/ bud med khyi'i mgo can mchis pa las/ byis pa sprel mgo nyis brgya/ byis pa byi la'i mgo can nyis brgya/ byis pa bong bu'i mgo can nyis brgya/ byis pa
237b2 khyung gi mgo can nyis brgya ste stong ngo/nyis brgya gcig chan/ mi nag po lag dgu po dang/ bud med bzang mo gcig mchis pas/ bu khye'u gnyis bu mo gsum ste lnga byung ngo/ mi ser po mig dmar can dang/ bud
237b3 med bzang po gcig rtses pas/khye'u gnyis bu mo gsum ste lnga byung ngo// chu bur gcig brtol ba las/ bud med dkar po dbral na mig gcig yod pa/ bud med ser mo ral gcig gnam du bsgreng ba/
237b4 bud med dmar mo lcags kyu thogs pa/ bud med sngon mo dbyug to thogs pa bzhi byung ste/ rtses pa dang skyes lugs kyi le'u ste gsum pa'o//// de nas mi dkar po bu smad bcas pas/ 'jig rten gyi khams su
237b5 sems can thams cad la gnod pa sna tshogs byas/srog gcod pa dang/ sha za ba dang/ khrag 'thung ba dang/ mdangs 'phrog pa dang/ dbugs rngub pa la sogs pa bkren zhing dbul ba rnams byed par 'gyur
237b6 ro// de'i tshe rigs lnga bde bar gshegs pa'i spyan gyis ma bzod nas/ thugs rje skyes te zhi bas bden pa'i chos gsungs pas thul bar ma gyur te/ bcom ldan 'das dpal rdo rje gzhon nur sku sprul te/ zhal
238a1 gsum phyag drug zhabs bzhi gyad kyi dor stabs su bzhugs so// sku mdog sngon po/ phyag g.yas dang po rdo rje rtse dgu bsnams/ bar pa rtse lnga bsnams/ g.yon dang po me dpung 'bar ba bsnams/
238a2 bar pa kha T+wAM rtse gsum bsnams/ tha ma gnyis ri rab phur pa 'dril ba/ skra nyi khri chig stong ba spu bye ba 'bum rdo rjes gtams pa/ smin ma drug glog bzhin 'gyu ba/ spyan dgu tshwa tshwa 'phro ba/ shangs bug drug rlung
238a3 nag 'tshubs pa/snyan drug 'brug ldir ba/ zhal gsum kI la ya dang ru lu'i sgra sgrogs pas sa bzhi g.yo ba/ sku ri rab tsam du bzhengs/ zhal bar snang tsam du gdangs te gsol nas/ 'phongs su bton pas/
238a4 'dod bred nas lus 'dar yed yed/ mig sngo hrig hrig byung nas/ bde bar gshegs pa khyed rang la skyabs su 'chi'o// bdag ma bkum thugs rjes gzung du gsol/ bdag gi bu smad 'khor du bzhes su
238a5 gsol/bdag gi sku mdog dkar po 'di bzhes la zhal g.yas dkar ston par mdzod cig/ der b+ha ga wAn gyis bka' stsal pa/ dngos grub bar chad byed pa'i dgra// gdug cing phung sems ldan pa rnams/
238a6 zung zhig rgyob cig rnam par chings/ shI g+h+raM A na ya hUM phaT/ ces gsungs pas/ khos srog gi snying po/ sa ri sa nya ri sa dzaH/ zhes phul lo// bu dgu dang bco brgyad chung ma nag mo tsho phul nas/ dbang dang byin
238b1 rlabs zhus so// gsad gsol dbab gcad kyis las bya bar khas blangs/ ming btags pa/ rgyal po blo gros spyan gcig pa dang/ chung ma la bdag nyid chen mor ming btags so// des thod pa'i phreng ba yang
238b2 phul lo// bu dgu la 'gong po spun dgur ming btags so// bu bco brgyad la yul blon bco brgyad du btags so// mi ring skya bo ra'i mgo can dang/ chung ma khyi'i mgo can gnyis kyis/ bu stong tsho ded
238b3 nas sems can thams cad la gnod par byed pa la/bcom ldan 'das kyis gzigs nas 'di ma byed byas pas ma thul/ sku'i tsham rngams bstan/ yang zhal du rngub pas/ 'dar zhing mig rig rig tu gyur te/
238b4 zhus pa bdag gi bu smad 'khor du bzhes/ bdag gi gos glang chen gyi ko rlon 'di bzhes la rgyan du mdzod/ ces phul/ bcom ldan 'das kyis bka' stsal pa/ dngos grub bar chad byed pa'i dgra// gdug cing
238b5 sdang sems ldan pa rnams// rings par khug la smrar chug cig/ dz+wa la pa ya dz+wa la pa ya zhes gsungs pas/ khos srog gi snying po/ kar tri dzaHya traM/ zhes phul lo// gsad gso dbab gcad kyi las bya bar khas
238b6 blangs so// ming gnam the'u dkar po ra'i mgo can du ming btags so// chung mas zhing gi g.yang gzhi phul lo// shwa na mu khar ming btags so// bu tsho la the brang stong tshor ming btags so// mi nag po lag dgu
239a1 'khor bcas kyis grir gsod pa'i las byed pa la/bcom ldan 'das kyis ma byed gsungs pas/ kho ma thul/ spu tsham rngams ri rab tsam zhal bar snang du gdangs nas gsol bas gdod bred
239a2 nas/'dar zhing mig rig rig byas nas/ sku mdog nag po 'di yang 'bul/ zhal dbus mthing nag ston par mdzod/ bdag gi chung ma 'di sbyor ba'i yum du bzhes su gsol/ bu tsha yang 'khor du 'bul lo
239a3 zhes phul bas/bcom ldan 'das kyis bka' stsal pa/ dngos grub bar chad byed pa'i bgegs// gdug cing sdang sems ldan pa rnams// lus ngag rdul phran bzhin du rlogs/ khos srog gi snying po te baM b+h+yo zhes
239a4 phul lo// gsad gso dbab gcad kyi las byed par dbang bskur ming ni bdud rnams rol zhes bya ba btags so// chung ma'i lag tu rdo rje gyin [[]byin []]dbang bskur/ ming btags pa rdo rje ya byin zhes b
239a5 ya'o// yang mi ser po mig dmar po chung ma dang bcas pas/ thams cad gsod kyi 'dug pa bcom ldan 'das kyis 'di ma byed byas pas nyan du ma 'dod nas/ sku'i tsham rngams ri rab tsam du byas/ zhal bar
239a6 snang tsam du gdangs nas gsol bas/gdod bred nas 'dar zhing mig rig rig tu byas/ gos stag lpags rlon pa 'di yang sku'i sham thabs su bzhes/ chung ma 'di yang sbyor ba'i yum du bzhes/ bu gnyis
239b1 bu mo gsum ste lnga yang 'khor du bzhes su gsol/bcom ldan 'das kyis bka' stsal pa/ dngos grub bar chad byed pa'i dgra// gdug cing sdang sems ldan pa rnams// mngon spyod tshul du
239b2 sgrol bar gyis// hUM kA ra a gsungs pas/ khos srog snying/ e baM b+h+yo// zhes phul lo// dbang gis mngon spyod tshul du sgrol cig par bskur ro// ming ni gza' mig dmar du ming btags so// chung ma la dbang
239b3 bskur lag tu rdo rje byin nas/rdo rje de byin du ming btags so// yang mi dmar po ra skyes la zhon pa chung ma dang bcas pas/ bstan pa 'jigs pa'i las byed kyi 'dug 'di ma byed pas/ kho ma 'dod nas/ sku'i
239b4 tsham rngams sku ri rab tsam/zhal bar snang tsam gdangs nas gsol pas/ gdod bred nas 'dar zhing mig rig rig byas nas/ bdag gi sku mdog dmar po 'di yang bzhes/ zhal g.yon dmar la gdangs par
239b5 mdzod cig bdag gi chung ma yang sbyor yum du bzhes zhing/bdag dang bu tsha yang 'khor du bzhes su gsol// zhes zhus so// bcom ldan 'das kyis bka' stsal pa// dngos grub bar chad byed pa'i
239b6 dgra// gdug cing sdang sems ldan pa rnams// gtogs shig grogs dang bral bar gyis// ha sa ya ra hri da na gsungs pas/ khos srog snying e waM b+h+yo/ zhes phul lo// dam nyams kyi mgon ma byed cig ces dam
240a1 bsgrags so// ming btags pa/ btsan shu bo rdo rje zla ba zhes pa ming btags so// chung ma la dbang bskur/ rdo rje bse byin du ming btags so// mi sngon po sbal pa'i mgo can/ chung ma dang bcas
240a2 pas/mdze nad gtong zhing 'dug pa/ bcom ldan 'das kyis 'di ma byed byas pas/ ma 'dod nas sku'i tsham rngams/ zhal gsum phyag drug zhabs bzhi gyad kyi dor stabs su 'dug phyag g.yas dang po rdo rje rtse
240a3 dgu bsnams/g.yon dang pos me dpung 'bar ba bsnams/ bar pa gnyis na rdo rje rtse lnga dang kha T+wAM rtse gsum bsnams/ tha ma gnyis ri rab phur bu 'dril/ zhal bgrad mche gtsigs/ smin ma dgu glog bzhin
240a4 'gyu/spyan dgu tshwa tshwa 'phro/ shangs sbubs drug rlung nag 'tshubs/ snyan drug 'brug ldir/ zhal gsum kI la ya dang ru lu'i sgra sgrogs/ b+h+yo dang hUM dang phaT byas pas/ sa gzhi g.yo ba dang/ 'ur 'ur dang/ chem
240a5 chem byung/skra nyi khri chig stong/ ba spu bye ba rdo rjes gtams pa/ me 'bar bar sprul te/ sku ri rab tsam zhal bar snang tsam bskyed nas bstan pas gdod bred nas/ 'dar yed yed/ mig rig rig byas nas/
240a6 bdag bu smad dngabacas pa 'khor du bzhes shig/ bdag gi sbrul rigs bzhi gdug pa'i rgyan 'di yang bzhes la/ phyag gdub dang/ zhabs gdub mdzod cig chung ma yang sbyor yum du bzhes shig zhus pas/
240b1 bcom ldan 'das kyis bka' stsal pa// dngos grub bar chad byed pa'i bgegs// gdug cing sdang sems ldan pa rnams// phob cig rnam par gzir bar gyis// a we sha ya zhes gsungs pas/ khos srog snying
240b2 he saM b+h+yo phul lo// mdze dang 'bras phol klu rdzongs su chug cig/ ces las bcol/ ming klu dengs po zhes bya bar btags so// chung ma'i lag tu rdo rje byin nas dbang skur ming btags pa/ rdo rje phag byin
240b3 no// bud med rnams kyis zhag gi mtsho la gnas pas zhag gi zo ris phul lo// rak+ta'i mtsho la gnas pas rak+ta'i thig le phul lo// de nas bcom ldan 'das bka' stsol zhus pas/ bcom ldan 'das kyis
240b4 bka' stsal pa/bran dang bka' nyan pho nya'i tshogs/ khyed kyi dam tshig dus la bab// sngon chad ji ltar dam bcas pa'i// mngon spyod phrin las myur du mdzod// ces gsungs pas/ 'khor tshogs srog gi snying po
240b5 phul ba/shwa na mu khas/ su ru su ru badzra phul/ bdag nyid chen mos/ mu ru mu ru badzra phul/ ya byin gyis/ ka tang ka tang badzra phul/ de byin gyis/ dza ye bi dza ye badzra phul/ phag byin gyis/ a pa ra dzi ta badzra phul/
240b6 bse byin gyis/ a dzi te badzra phul/ ma bdun dang sring mo bzhis/ thal chen gyi tshom bu phul/ bcom ldan 'das kyis bka' stsol zhus/ bcom ldan 'das kyis bka' stsal pa/ rdo rje gsang ba'i bka' las
241a1 sdig chen gang zhig 'da' byed pa// stobs chen khro bo chen po yis// klad pa tshal pa brgya ru khos// nyon cig bgegs dang log 'dren tshogs// nga yi bka' las 'da' ma byed// ces gsungs pas/
241a2 ma bdun gyis srog gi snying po phul ba/ ma ma ba shaM ku ru/ ma taM nya gar i dan/ ces phul lo// sring mo bzhis srog snying/ mA ra sai na pra marda na hUM phaT/ ces phul lo// srung ma thams cad kyis/ d+ha ti ma ma karma
241a3 shri g+h+raM ka rA ya phul lo// ming btags pa/ rdo rje gar gyi dbang phyug ma// rdo rje gsal ba glog 'dzin ma// rdo rje kun bzang mthu mo che// rdo rje ye shes chen mo/ rdo rje gsang chen 'od 'bar ma/ rdo rje gsung sgrogs
241a4 chen mo/rdo rje sgrol ma za byed ma/ zhes ming btags so// shar gyi dkar mo rdo rje spyan gcig ma// lho yi ser mo rdo rje ral gcig ma// nub kyi dmar mo rdo rje dbang sdud ma// byang gi sngon mo rdo rje las mkhan
241a5 ma'o// btul zhing dbang bskur ming btags pa'i le'u ste bzhi pa'o//// de nas bcom ldan 'das kyis dregs pa can pho ni btul/ mo ni sbyor ba'i yum du byas/ bu rnams ni 'khor du byas/ rgyan cha lugs
241a6 ni ldan par byas te/rang la rang ngo mtshar ba'i bstod pa ni/ dpa' bo sgeg po 'jigs su rung ba dang// dgod dang gshe dang 'jigs par ston pa dang// snying rje rngam dang zhi ba la sogs pa// sku yi brnyan po
241b1 shin tu bstan gyur te// zhal g.yas dkar la bzhad pas dgod dgod 'dra// zhal g.yon dmar la gdangs pas gshe gshe 'dra// zhal dbus mthing la gnag pas khro khro 'dra// rgyud drug snying rjes zin pas che
241b2 che 'dra// sku che yan lag rags pas 'jigs 'jigs 'dra// rgyan dang cha lugs ldan pas sgeg sgeg 'dra// gdug tshogs zhal du rngubs pas dpa' dpa' 'dra// chos sku mtshan ma med pas zhi zhi 'dra// rdo rje rtse
241b3 dgus sa dgu'i rtog pa 'joms// rdo rje rtse lngas rgyud lnga gnas su sgrol// me dpung 'bar bas khams gsum rtog pa sreg kha T+wAM rtse gsum dug gsum rtsad nas gcod// ri rab phur bus khams gsum dbang du
241b4 sdud// de 'dra'i khro bo 'jigs tshul bstan pa yis/ khams gsum sems can zil gyi gnon par byed// dpa' bo chen po khyed la phyag 'tshal bstod// rang gis rang la bstod pa'i le'u ste lnga
241b5 pa'o//// oM badzra kI li kI la ya// ta thA ya ta thA ya hUM phaT/ ha sa yar hri da ne hUM phaT// shI g+h+raM A na ya hUMphaT/ dz+wa la pa ya dz+wa la pa ya hUM phaT/ A we sha ya A we sha ya hUM phaT/ bin+d+ha ya bin+d+ha ya hUM phaT// su
241b6 ru su ru hUM phaT/mu ru mu ru hUM phaT/ ka taM ka te hUM phaT/ dza ye bi dza ye hUM phaT/ a dzi te hUM phaT/ a pa ra dzi ta hUM phaT/ mA ra sai na pra marda na hUM phaT/ hUM ma ma ba shaM ku ru/ ma taM nya ka ra i dan hUM phaT/ d+ha d+hi ma ma
242a1 karma shI g+h+raM ka rA ya hUM phaT// sngags kyi le'u ste drug pa'o//// de nas gsad pa'i las bstan te// smyo 'bogs bsad dang grir bsad pa// klu nad bsad dang rims kyis bsad// dang po smyo
242a2 'bog bsad pa la// smyo ru gzhug ste bsad pa dang// 'bog tu gzhug ste bsad pa dang// lkugs su gzhug ste bsad pa dang// ltas ngan phab ste gsad pa'o// smyo 'bog gi le'u ste bdun pa'o//// de nas
242a3 gri ru bsad pa la// mtshon grir bsad dang 'gags grir bsad// me gri chu grir bsad pa dang/ rbab grir g.yang grir bsad pa'o// grir gsad pa'i le'u ste brgyad pa'o//// de nas klu nad kyis gsad pa
242a4 la// mdze nad btang ste bsad pa dang// 'bras nad kyis bsad pa dang// phol du btang la bsad pa dang// klu rdzings bcu la gsad pa'o// klu nad kyis gsad pa'i le'u ste dgu pa'o//// de nas rim gyis
242a5 gsad pa la// bal nad bsad dang gag pas bsad// rgyu gzer bsad dang mkhris pas gsad// rim gyi le'u ste bcu pa'o//// de nas gso ba'i las bstan te// rdzas dang sngags dang ting 'dzin gyis// smyo
242a6 'bog can de gso ba dang// nad pa tshabs che gso ba dang// sri'u gso dang gsum yin no// dang po smyo 'bog gso ba ni// phur bu'i dgongs par bzhugs pas su// sngags grangs mang du bzlas pa yis// blta
242b1 ba bsar zhing rdzas kyis bdug/drag po'i las kyis gso ba dang/ nad pa tshabs chen gso ba dang// gang gnod ba yi mdos byas la// gta' ra gta' lug mang du gzhug/ gta' thabs bco brgyad gzhung
242b2 bzhin bya'o// sri'u gces pa gso ba ni// lus srung phur bu bla sgongs dang// sngags mdud srung 'khor rab gnas gdags// chu gtor mang du btang ba dang// tsha tsha gdab dang d+harma gdon// dkar chos gzhung du
242b3 bya ba dang// des kyang phan par ma gyur na// rdo rje'i sgrub pa gzhung btsug bya'o// gso ba'i le'u ste bcu gcig pa'o//// de nas dbab pa'i las bstan te// bdud kyi ser ba ji ltar dbab// gza' yi ser
242b4 ba ji ltar dbab// btsan gyi ser ba ji ltar dbab// klu yi ser ba ji ltar dbab// thog dang ltas ngan ji ltar dbab// de rnams man ngag shes par bya'o// dbab pa'i le'u ste bcu gnyis pa'o//// de nas
242b5 gcad pa'i las bstan te// bdud kyi ser ba ji ltar gcad// gza' yi ser ba ji ltar bzlog/ btsan gyi ser ba ji ltar bzlog/ ma mo'i ser ba ji ltar bzlog/ mi nad phyug nad ji ltar bzlog/ ltas ngan rmi
242b6 ngan ji ltar bzlog/gcad pa'i le'u ste bcu gsum pa'o//// de nas smyo ru gzhug pa'i rdzas// rta dkar thod pa'i nang du bsag/ thang phrom ra dug ra mo shag/ ra rog gcin dang ming byang gzhug/ ngan
243a1 sngags so mo'i gling bur bzlas// nyung dkar bzlas shing thun brab bo// dra dang dun b+h+yo badzra sad sad mA ra ya phaT/ gzhug tu dgra yi khang pa g.yas su sba'o// 'bog tu gzhug pa'i rdzas ni/ seng ge
243a2 dkar mo'i snying shun du// dug sna'i tshogs dang khrag sna'i tshogs// dgra yi ming byang bcas pa gzhug/ nyung dkar gling bur ngan sngags bzlas// tri du ni shag mA ra ni rbad/ ra ra si khyud/ ces dgra yi khang pa 'am/
243a3 gdong ngam lus la phog par brdeg go/ de nas ltas ngan dbab pa ni// bya pho dkar po'i gsob nang du// ltas ngan thod pa lnga bsags te// srin bya dang ni gla ba dang// sreg pa dang ni 'ug pa dang// sbrul gyi thod
243a4 pa bcas gzhug go/dung gi gling bur nyung dkar sngags la brab// sang sang phyi phyi thal saM khyung// tri tri ro ti mA ra ya dun ya/ dgra'i khang pa'i 'gram 'og tu sba'o// de ltar byas na ltas ngan 'ong// de nas lkugs
243a5 su gzhug pa ni// ra dkar gnya' nag srog rtsa'i nang// mi be bo gsad pa'i lce// khyi dkar snying dang ra dkar snying// ri bong mgo khrag ming byang gzhug/ ngan sngags lcags kyi gling bur bzlas// nyung
243a6 dkar sngags shing thun blugs brab// rbad su rbad su khrag ti rbad// nang na rbad rmi na rmugs// 'gyel ba klong phu brlag tu brlag/ bshos skaM mo/ mA ra ya/ them pa'i 'og tu sba'o// de ltar byas na lkugs par
243b1 'gyur// de ltar smyo 'bog lkugs dang gsum// ltas ngan dbab pa'i le'u ste bcu bzhi pa'o//// grir gsad pa'i thabs 'di la/ dang po mtshon grir gsad pa ni// gru gsum mthing nag dkyil 'khor
243b2 brtsig/dbus su gru gsum bri la ro sol byug kha ru rlung khyer phye 'jam brdal// nang du sdod cig dor rta bting// rkang rjes la stsogs ling+ga bya// mgo bo lho nub mtshams su bstan// rkang pa byang shar mtshams su
243b3 bstan// snying gar ming la dpral bar dus// 'doms su bla dgas bri la glan// phur bu bzhi dang rtsang gnyis ni// dmar po byugs zur gcig tu dgod// zur gcig b+han d+ha gcig gi nang/ khyi dmar snying khrag
243b4 ra dmar snying/khrag dang 'bru sna'i tshogs phye la// gtor ma chen po byas la dgod// zur gcig chang phud bse phor gang// de nas rnga gling sgra sgra bsgrags la// gsur chen spos kyi dud pa btang// ma ru tse yab
243b5 yum bskul ba// hUM mthing nag gru gsum 'bar ba'i klong dkyil nas// srog la mnga' mdzad gnod sbyin ma ru tse/ khrag mdog dmar po bse yi lan phran can// spyan mig nyi ma'i 'od zer skar ltar
243b6 'khrugs// smin ma glog 'khyug bar snang go skabs 'byed// shangs nas bu yug rdo rje thog chen 'bebs// dgyes pa'i zhal bzhad tshems ni spu gris gtams// rngam pa'i ljags 'dril bskal pa'i me ltar
244a1 'bar// ag tshom dmar ser dug gsum rtsad nas gcod// snyan nas 'brug stong sgra sgrogs de ri ri// sen mo lcags kyu'i rtse ltar 'dzin cing 'gugs// ba spu'i nang nas gnam lcags zhun ma
244a2 'khrugs// me lce ban thabs gsum gyis char chen 'bab// zhabs kyis bsam pa'i gnas su yud kyis phyin// na bza' dmar po sprin gyi g.yang gzhi gsol// nyams pa'i snying phyung chang bar bcug nas
244a3 gsol// dus la bab po gnod sbyin ma ru tse// bcol ba'i las rnams myur du 'grub par mdzod// hUM gnod sbyin ma ru tse yi thugs dam dgyes bskul la// yum gcig rdo rje gar gyi dbang phyug ma/ khros pa'i sku
244a4 mdog khrag gi mchin pa 'dra// mi bzad rdo rje'i lcags kyu'i phur pa bsnams// spyan nas khrag gi mchi ma phrul lu lu// snying rje mi mnga' dam nyams sgrol bar mdzad// phyag na rdo rje phur bu 'dril zhing
244a5 'phen// dus la bab po gar gyi dbang phyug ma// dam nyams gri ru bsad pa'i las mdzod cig/ nr-i ang+ku sha dza dzaH/ mngon du khugs par bsam mo// de nas rjes brtags te/ gdab las gar song song du mi
244a6 bya'o// mi gdab pa ni/ gru bzhi la zur dod pa byung na mi gdab bo// srin mo ral pa gtibs pa 'dra ba byung na mi gdab bo// sbrul 'khyus lta bu byung na mi gdab bo// rta bla mo 'am/ mug pa 'khyud pa 'dra ba byung na
244b1 mi gdab bo// byis pa'i rkang rjes 'dra ba byung na mi gdab bo/ khab bam snyung gis gtsags pa 'dra ba byung na mi gdab bo// de bla khugs pa yin no// de ma byung bar du bsgrub bo// gdab pa ni// phur bu bzhi
244b2 la 'ur blangs nas gdab bo// oM kro d+ha ni/ kro d+ha ni/ pa tra pa tra/ shu la shu la/ d+ha sha grI wa hUM phaT/ rtsang dmar po gnyis gdab la// yak+Sha grI wa mA ra ya rbad/ king mo snying kha rag rbad/ gtor ma lag tu blangs
244b3 shing skul/phud de'i dus su gtor// de nas 'gas grir gsad pa ni// 'jag ma la ni mi ru bya// 'jag ma la ni rta ru bya// skud pa sngo dmar ske nas gdags// phur pa gcig la btor nas bzhag/ shog bu la
244b4 ni dgra gzugs bri// rta yi snying gar gzhug pa'am// yang na mi yi snying gar gzhug/ yam shud dmar po'i snying po bris// mi yi mgo yi nang du gzhug/ 'jag ma'i mi de 'jag ma'i rta// la ni bskyon la de ru
244b5 bzhag/bshos bu zur gsum mtho do la// ra khrag gis byug de rtsar bzhag/ mda' dmar gcig la ra snying gdags// stag ras ra 'breng dmar po gdags// nam mkha' ljang bu dmar po la// rten bca' dar
244b6 dang rnga dmar gdags// bse phor phud gtsang bkang ba la// mar gyi zhags pas brgyan la gtang ngo// yam shud dmar po bskul ba ni// hUM gyad kyi sku mdog dmar po ni// sku la bse khrab dmar po
245a1 gsol// dbu la gser gyi 'gying thod bcings/ g.yu yi mche ba gtsigs shing bzhad// g.yas na bse mda' dmar po bsnams// g.yon na gse gzhu dmar po bsnams// chibs su rta dmar zhur
245a2 po chibs// sku la dar dkar ber chen gsol// dam tshig nyams pa'i snying nas 'dren// bstan pa srung bar zhal gyis bzhes// 'gags gri gtang ba'i dus la bab// bcol ba'i las rnams 'grub par
245a3 mdzod// nr-i aM ku dza dzaH rbab gri g.yang grir gsad pa ni// mda' klong bcu gsum bsad pa ni// bshos bu khro bo bcu gsum la// mda' bkra bcu gsum gzug par bya'o// shog bu tshon gang bcu gsum la// lto
245a4 gcig rus la lto gcig ming// gnyis bris mda' la gdags par bya// zan gyi kong bu bcu gsum la// nang du ra khrag bkang la bzhag/ de ni gri se bskul ba ni// hUM rgyal po gri se mthu bo che// chibs su dkar
245a5 po gzi mig chibs// sku la za 'og ser bkra gsol// phyag na shel gyi rdo rje rtse dgu bsnams// bzhugs ni byang shar mtshams na bzhugs/ khram thogs bcu gsum bcas pa yis/ dam nyams dgra bo dbang du
245a6 sdud// rbab gri g.yang grir gsad pa dus la bab// bcol ba'i las rnams 'grub par mdzod// nr-i ang+ku sha dza dzaH me gri chu grir gsad pa ni// hom du sbyin sreg me yis bsad// 'ug pa'i tshang rtsi hom chag
245b1 gang// bcug la dkyil du ming byang gzhug/ nyung dkar dug thun lcags phyes sbar/ khu le lag dgu bskul ba ni// hUM skye bu chen po ging ka ra/ khu le lag dgu mthu bo che// chibs su nag bkra rting
245b2 dkar chibs// sku la za 'og ber chen gsol// ral gri skya 'jam phyag na bsnams// dam nyams dgra bo gtub la me la bsreg/ bcol ba'i las rnams grub par mdzod// nr-i ang+ku sha dza dzaH gri ru bsad pa'i
245b3 le'u ste bco lnga pa'o//// khu le lag dgu'i srog sngags la// ging ka ra ging ka ra/ ma pa ri ma pa ri// sa pa ri sa pa ri/ yu ti sha ti/ stir gi te/ ra ga rak+Sha ma/ rak+Sha ma/ a na ye/ ging chen ging ka ra/ pa tra
245b4 pa tra/ti ti shed/ ti ti shed/ si li li/ mes mes/ che ge mo dza dza raM raM// rtag tu bzlas pa'i snying po ni/ oM yak+Sha grI wa mA ra ya rbad/ ging mo snying kha rag rbad/ kro ta ni kro ta ni/ pra ti pra ti/ shu la shu la/ d+ha sha g+h+rI
245b5 wa hUM phaT/ri ri d+h+ri/ dir dir// shaM shaM sang sang/ tri ta tri ta dun b+h+yo ya/ rta thod la khrag gis gtad khram 'di bri'o// che ge mo 'di btsan gri la gtad do// bya dkar po'i ske ru sngags btags la gta' ru gzhug
245b6 go/smyug ma tshigs dgu pa gcig la/ dar dkar btags la g.yab bo// che ge mo 'di bdud kyi rgyal por mgo bkrag med la gtad do// bdud kyi rgyal po sa lu nag po la gtad do// che ge mo 'di bdud kyi
246a1 rgyal po re ti 'gong yag gtad do// bdud kyi rgyal po mgo dmar ser la gtad do// che ge mo 'di bdud kyi rgyal po sma me 'gag gi rgyal po la gtad do// gsung zab mo'i rkyen mo la gtad
246a2 do// 'gong lcam khra me la gtad do// dmu bdud/ btsan bdud/ dgra lha/ srog bdag dpe dkar/ sa bdag the brang/ 'gong po/ ya ma/ klu mgo la gtad do// che ge mo 'di shar dri za'i btsan la gtad do// lho
246a3 gshin rje'i btsan la gtad do// nub klu btsan la gtad do// byang gnod sbyin btsan la gtad do// gzhan yang snang srid kyi lha 'dre thams cad la gtad do// gtad khram gyi le'u ste bcu drug pa'o//// de
246a4 nas klu nad kyis gsad pa// dang po mdze nad gtang ba ni/ rdzas phag pa rog po'i thod pa ru/ rdza las byas pa'i sdig pa'i gzugs// bsregs pa'i nang du ming byang gzhug/ de nyid phag thod nang bcug la// sgril
246a5 byed cho gas bsgrub pa bya// zhag dgu mtshan bzang ci thon bya// chu mig nub ltar nan par bya// phol du btang nas bsad pa ni/ phag nag stag ne'i thod pa ru// rdzas dag la sbal pa'i gzugs// yang bsregs de
246a6 nang ming byang gzhug/de nyid phag thod nang bcug la// sgril byed cho gas bsgrub pa bya// zhag dgu mtshan bzang ci thon bya// chu mig lhor lta dag tu mnan// 'bras su gang la bsad pa ni// phag pa gli greg thod
246b1 pa ru// rdzas las byas sbrul gyi gzugs// bsregs pa de nang ling+ga gzhug/ de nyid phag thod nang bcug la// sgril byed bsgrub pa'i cho ga bya// zhag dgus mtshan ltas thob gyur nas// chu mig shar du bltas
246b2 par mnan// klu nad rdzings su gzhug pa ni// phag pa'am mdze pho'i thod pa ru// rdzas las byas mdzo mo'i gzugs// bsregs pa'i nang du ming byang gzhug/ de yang phag thod nang du gzhug/ zhag dgu bar du
246b3 bsgrub pa bya// mtshan ma bzang thob brtan gyur na// byang lta gdol pa can tu gtad// de bzhin byas na don grub nges// de ltar man ngag dam pas bya'o// klu sgrub nag po phag mig gi sgrub pa/ wa'am phag mgo la
246b4 brten te/sgrub pa gzugs te grub pa dang gnan par bya'o// klu nad btang ba'i le'u ste bcu bdun pa'o//// de nas rims kyis bsad pa ni// mkhris pas bsad dang gag pas bsad// rgyu gzer dang ni
246b5 bal nad do// de la mkhris pas bsad pa ni// yid ches shwa na mu kha'i rgyud// bsgrub pa thabs kyis lag tu blang// gsod thabs gsang ba'i man ngag ni// mnan bsreg 'phang gsum las sbyar te// thub brab
246b6 phur bu gdab par bya'o// de nas gag pas bsad pa ni// yid ches bdag nyid ma yi rgyud// lag tu sgrub pa thabs kyis blangs// bsad thabs gsang ba'i man ngag ni// mnan bsreg 'phang gsum las sbyar
247a1 te// thun brab 'phur bus gdab par bya'o// de nas bal nad dkyis bsad pa// yid ches tsha ba yang gter rgyud// lag tu blangs pa sgrub thabs so// bsad pa'i man ngag bstan pa ni// mnan
247a2 bsreg 'phang gsum las brtul te// gang du thun brab phur bu gdab// rgyu gzer dag gis gsad pa ni// ma mdun sring bzhi'i las yin te// man ngag gnad ni sna tshogs kyis/ zor kha'i las ka kho nas
247a3 bya'o// rims kyis bsad pa'i le'u ste bco brgyad pa'o//// de nas bstan 'dzin dbu smod dgra bgegs la/ dregs pa pho drug mo bdun bskul// zhes bka' stsal to// de nas karma he ru ka la sogs pa'i
247a4 rdo rje srin po'i lha tshogs dang/'jig rten pa thams cad kyis// bcom ldan 'das kyis gsungs pa la mngon par bstod do// bstod pa'i le'u ste bcu dgu pa'o//// rdo rje phur bu mdung rtse dmar po'i rgyud
247a5 ces bya ba rdzogs so//// bse sgrom dmar po'i rgyud///


CLOSE WINDOW