CLOSE WINDOW

Gpb027.013
བོད་ཡིག

rgya gar skad du/ shrI lo ka dI pa nA ma tan+t+ra rA dza/ bod skad du/ rgyud kyi rgyal po dpal 'jig rten snang byed ces bya ba/ dpal rdo rje gzhon nu la phyag 'tshal lo// 'di skad bdag gis thos pa dus gcig na/ de bzhin gshegs pa dgra bcom pa yang dag par rdzogs pa'i sangs rgyas thams cad 'khyen pa'i ye shes mnga' ba de/ khros pa'i rgyal po dpal kI la yar bzhugs nas/ badzra he ru ka la sogs pa rigs kyi khro bo dang/badzra kro d+hi la sogs pa rigs kyi khro mo rnams dang/ hUM mdzad la sogs pa rgyan gyi khro bo rnams dang/ de rnams kyi yum dang/ phra men pho mo dang/ sgo ba rnams dang/ go'u rI brgyad dang/ sid+ha brgyad dang/ dbang phyug ma rnams dang/ phyag na rdo rje dang/ 'jam dpal dang/ spyan ras gzigs la sogs te/ 'bras bu'i byang chub sems dpa' rnams dang/ gzhan yang sa dang lam la gnas pa'i lha dang/ klu dang/ nam mkha' lding dang mi'am ci la sogs pa/ lha ma srin sde brgyad dang/ 'khor gyi byang chub sems dpa' rnams dang/ khro bo bsam gyis mi khyab pa'i gnas/ b+ha ga yangs pa'i dur khrod bsam gyis mi khyab pa'i gzhal yas khang/dur khrod las byas pa'i gnas na/ nye ba'i 'khor rnams dang thabs cig tu bzhugs so// de nas stag dang khyi dang spyang ki la sogs pa'i gcan gzan gdug pa gcan dang/ khra dang dur bya la sogs pa'i dur khrod kyi bya mang po yang 'dus so// 'du bar yang 'gyur ro// sku dang gsung dang thugs rnams kyi ting nge 'dzin la snyoms par zhugs nas mnal to// de la 'khor rnams kyis zhus pa/ kye e ma ho// sangs rgyas 'dra ba'i ston pa ni// gud na yod pa ma yin te// ye sangs rgyas pa mngon nas bzhugs// byin rlabs ya mtshan bstan du gsol// byang chub sems ni bskyed pa'i phyir// rgyu la gnas pa'i smon lam gdab// phrin las rnam bzhis don byas te// bsod nams phung po'i sku yang 'byung/ e ba~M mA yA/ de las thugs yang dag pa'i ye shes las dbu dang phyag dang zhabs la sogs pa'i sku mtha' yas pa'i kI la ya chen por gyur to// de nas gsang ba'i bdag po la thugs kyi sgo nas gdams/ spyan ras gzigs la gsung gi sgo nas bshad/ 'jam dpal la sku'i sgo nas gzigs pa'o// gzhan yang 'khor thams cad la gzigs pa yang mdzad/bzhad pa yang mdzad/ glang po che'i ko rlon las kyang 'od byung/ de bzhin du stag gi sham bu la sogs pa las kyang 'od byung bas/ 'khor rnams dgyes par song ngo// de nas byang chub sems dpa' gsang ba'i bdag pos gsol pa/ de bzhin gshegs pa thams cad ni rgyu ma mchis par 'dzum pa yang mi mdzad/ gzigs pa yang mi mdzad/ bzhad pa yang mi mdzad na/ bcom ldan 'das rgyu ci lags/ 'bras bu ci lags/ rkyen gang lags/ khro bo'i rgyal pos bshad du gsol// bde bar gshegs pas bshad du gsol// zhes gsol pas/ bcom ldan 'das dpal kI la ya'i rgyal pos bka' stsal pa/de'i dus la bab na nyan par byos shig/ ngas 'khor thams cad dang/ khyod la yang ma 'ongs pa'i don du bshad kyis/ dper na 'jigs rten du sangs rgyas 'byung ba yang rgyu 'tshal lo// rkyen 'tshal lo// 'bras bu 'tshal lo// dper na rgya mtsho chen por me tog u dum wa ra 'khrungs pa la yang rgyu 'tshal lo// rkyen 'tshal lo// 'bras bu 'tshal lo// dper na 'jig rten du 'khor los sgyur ba'i rgyal po 'byung ba la yang rgyu 'tshal lo// rkyen 'tshal lo// 'bras bu 'tshal lo// dper na 'jig rten na lo tog dang/ 'bru bcud 'khrungs pa la yang rgyu 'tshal lo// rkyen 'tshal lo// 'bras bu 'tshal lo// de bzhin du bdag 'dzum pa la yang/rgyu ma mchis pa ma lags/ rkyen ma mchis pa ma lags/ 'bras bu ma 'chis pa ma lags so// zhes bka' stsal to// de nas yang gsang ba'i bdag pos 'di skad ces gsol to// bcom ldan 'das 'jig rten du sangs rgyas 'byung ba'i rgyu ci lags/ de bzhin du me tog u dum wa ra 'byung ba'i rgyu ci lags/ 'khor los sgyur ba 'byung ba'i rgyu ci lags/ de bzhin lo tog dang 'bras bu 'byung ba'i rgyu ci lags/zhes gsol pa dang// bcom ldan 'das kyis bka' stsal pa/ 'jig rten du sems can sangs rgyas su bgyi ba'i rgyu ci mchis/ rkyen ci mchis/ 'bras bu ci mchis/ 'jig rten du ston pa 'byung bas/u dum wa ra 'byung ba'i rgyu mchis so// rkyen mchis so// 'bras bu mchis so// 'jig rten du zhing pa'i las so nam mchis na/ 'bras bu rtsi bcud 'khrungs pa la rgyu mchis so// rkyen mchis so// 'bras bu mchis so// zhes gsungs nas 'khor rnams la gzigs so// de bzhin gshegs pa thams cad kyi sku dang gsung thugs gsang ba/ 'jig rten snang bar byed pa'i rgyud las/ gleng gzhi'i le'u ste dang po'o//// de nas bcom ldan 'das kyis ched du brjod pa 'di gsungs so// 'jig rten ma rungs pa mchis te/ de nas sems can thams cad la srog 'phrog pa dang/ mdangs 'phrog pa dang/ nyams par byed pa dang/ sha za ba dang/ khrag 'thung ba dang/ 'tshe ba mchis te/ de'i don du lag na rdo rje gsang ba'i bdag po la sogs pa rigs gsum gyi mgon po khyed ni/ mthu che ba dang/snying rje che ba dang/ shes rab che ba yin pas don bya bar byos shig/ ces bka' stsal to// de nas gsang ba'i bdag po la sogs pas 'di skad ces gsol to// kye ma ho rje btsun bka' stsal na// mi mjed khams kyi don bgyid de// sku gsung thugs kyi phyag rgya yis// bdag cag rnams ni byin gyis rlob// gsang ba'i bdag pos zhabs la spyi bos gtugs so// de nas byin gyis brlabs te/ A+oM sarba ta thA ga ta tsit+ta badzra swa b+hA wa At+ma kou0f85ha/A+oM sarba ta thA ga ta wAk+ka badzra swa wa At+ma kou0f85haM/ A+oM sarba ta thA ga ta kA ya badzra swab+hA wa At+ma kou0f85haM/ zhes byin gyis brlabs so// brlabs ma thag tu/ mi mjed sprul pa bkye ba ni/ shwa na mu kha'i sprul pa la sogs pa dang/ rdo rje ya byin la sogs pa gsung gi sprul pa dang/ thugs kyi sprul pa dus bzhi'i rgyal mo ste/ bzhi tshan gsum gyis srog gi snying po phul ba ni/ b+h+yo b+h+yo b+h+yo b+h+yau/ ma mo kun gyis srog kyang yin/e waM ma yA bzhi nyid ni// ma mo kun gyi srog kyang yin// phrin las mtha' ru phyin pa ni// dza dza zhes pa bzhi nyid ni// ma mo kun gyi srog kyang yin// la la ji srid sku yi srog/ la la ji srid gsung gi srog/la la ji srid thugs kyi srog/ bdag cag rnams ni ji srid bar// phur pa bsgrub pa'i grogs bgyi bas// gal te bdag cag 'khus pa na// kI la ya la 'khus pa lags// lus kyang rul zhing myags par 'ong// sems kyang stor zhing brlag par 'gyur// ngag kyang lkugs par 'gro ba yin// de la kI la yas sngags dang/ phyag rgyas shi sa bstan pa 'di gsungs so// lag pa g.yas g.yon bsnol nas ni// mthe'u gnyis ni sbrel nas ni// mdzub mo gnyis ni mche bar bya// sngags ni 'di skad brjod par bya// A+oM badzra sa ma ya daM Sh+ta a wa s+t+waM b+ha ka ya hUM phaT/ de ni sdigs pa'i phyag rgya'i sngags// da ni thod pa'i phyag rgya yis// tshal pa tshal pa gsum du gzhig/ sor mo rgya srubs bzhin du bsnol/ A+o~M badzra gu h+ya dr-i sh+ya sa ma ya haM/ A+o~M badzra gu h+ya dr-i sh+ya sa ma ya hUM/ A+o~M badzra gu h+ya dr-i sh+ya sa ma ya phaT/ de ni gnad kyi phyag rgya'i sngags// da ni gshog pa'i phyag rgya sngags// lag ngar bsnol te gshog par bya// dzaHhU~M baM hoH badzra kI li kI la ya sarba big+h+nAM baM hU~M phaT/ dIp+ta tsakra ban+d+ha ya ban+d+ha ya/ to sha ya/ to sha ya/ bid+h+wan+sa ya bid+h+wan+sa ya/ e h+ye hi b+ha ga wAn/bung+d+ha k+She tri pra ti s+t+waM b+ha ka ya hU~M phaT/ sngags dang phyag rgya de yis ni// lha mo rnams ni gzir bar bya// sngags dang phyag rgya de rnams dang// dpa' bo rnams kyis bsam pa ni// ma mo'i shi sa bstan pa'o// de nas yang bcom ldan 'das kyis ched du brjod pa 'di ched du brjod do// 'jig rten ma mos 'jig rten bkang// sha dang khrag la dbang yang byas// sems can nyon mongs phongs pa la// sprul pa don mdzad de bzhin no// zhes brjod do// de bzhin gshegs pa thams cad kyi sku dang gsung dang thugs snang ba las/ ma mo dbang du bsdu ba rgyud kyi rgyal po 'jig rten snang byed srung ma thems kyi le'u ste gnyis pa'o//// de nas yang bcom ldan 'das la gsang ba'i bdag pos 'di skad zhus so// kye bcom ldan 'das kI la ya chen po/ mang po nyung du bsdu ba'i thabs// rnal 'byor gcig tu 'dug pa la// lha yi bye brag bsdu ba'i thabs// dpa' bo nyid kyis bshad du gsol// zhes zhus so// bka' stsal pa/ nyon cig rigs kyi mgon po khyod// shin tu rnal 'byor byed 'dod cing// bstan pa gnyen po srung byed pas// dam tshig rtsa ba ma nyams shing// brtson 'grus che la dad pa yod// de la gcig pu'i sgrub pa bstan// sgrub las ldog byed nang dbyin byed// dam tshig rtsa ba gang yang med// nang dme byed cing dbu 'phang smod// nyams pa de yi don du ni// de phyir dgra bo dmigs kyi phyed// de yi man ngag 'di yin pas// sngags pa tshad du phyin pa yis// lcags sna lnga las byas pa yi// mngag phur sor ni brgyad pa la// dbal ni chu srin kha nas phyung// rgya mdud spyi bor hUM kA ra// lcum gzhog brgyad la khro bo brgyad// rgya mdud 'og ma'i dbu 'og tu// ma hA pa la zhal yang lnga// zur gsum dbal ni dmar la 'tsher// de lta bu yi mngag phur ni// sngags pas dus gsum bcang bar bya// 'greng ngam 'dug gam nyal kyang rung// 'greng ngam 'dug na sked par sba// nyal nas 'dug na sngas su sba// de la rgyun gyi bzlas brjod bya// 'phro 'du'i sngags kyang de bzhin bstim// me ltar 'bar zhing skar ltar 'khrugs// pha rol byed stems de ltar mthong// zhes gsungs so// de nas gsang ba'i bdag pos 'di skad ces gsol to// rnal 'byor tshad du phyin pa yis// gnas ni gang dang gang du bya// bsgrub pa'i grogs po ji ltar bya// dus tshod gang la zhugs par bgyi// 'jig rten rngan pa ji ltar 'tshal// kI la ya yis bka' stsal pa// nyon gcig rigs kyi mgon po khyod// rnal 'byor bsgrub pa'i gnas rnams ni// yang na ri rtse brag la bya// yang na nags tshal dgon par bya// yang na spang phug de'u bar bya// yang na mi med gnas su bya// sgrub pa'i grogs po btsal ba ni// mgo bo rgya mdud 'dug pa las// skra ni kham par btsal bar bya// ro stod zur brgyad 'dug pa la// ro smad zur gsum 'dug pa btsal// rnal 'byor 'jug pa'i dus tshod ni// phur bu mig dmar rgyu ba yi// dus su bya bar shin tu bzang// de lta bu yi gnas nyid du// rdzas tshogs dgra rnams med par bya// nyi ma dmar thag chad pa la// sngags g.yog mtshan dang ldan pa la// zhing chung blud bu lag tu bskur/kha ni phyogs bzhir bltas nas su// 'jig rten sa la g.yab mos gdab// rngan par chang phud btang nas kyang// ma nyes pa yi dpang yang gzug/ de nas nang du slar log ste// bcu gnyis srung ma'i dbang mo la// ar+g+ha bdud rtsir bcas pa dbul// phrin las rnams kyang de bzhin bcol// zhes gsungs so// de nas bcom ldan 'das kI la ya la/ gsang ba'i bdag pos 'di skad ces gsol ba btab bo// kye gnas rnams gang yin de rnams su// maN+Dal la sogs ji ltar brtsigs// skyang nul chag chag ji ltar gdab// sta gon cho ga ji ltar bya// rdzas kyi phur pa ji ltar bsham// zhes gsol to// bka' stsal pa/ rnal 'byor lha dang pho brang gnas// maN+Dal khru gang gru bzhir brtsig/ ba yi lnga dang gur gum chu// bu ram chu dang spos bsres la// byi dor chag chag legs par bya// de la thig le mang byas la// rigs lnga la sogs khrag 'thung tshogs// me tog tshom bu lnga ru bya// phur pa rnams kyang so sor gzhag/ de la zhag gcig bsnyen pa bya// de nas nang par maN+Dal brtul// phur pa rnams kyang de bzhin brtul// zhes bya'o// de nas yang gsang ba'i bdag pos gsol pa/kye bcom ldan 'das sta gon de ltar byas brtul nas// sgrub pa'i rdzas rnams ji ltar bsag/ ma mo'i rdzas rnams ji ltar bsag/ ling+ga'i rgyu rnams ji ltar bsag/dkyil 'khor thig rnams ji ltar gdab// ces gsol to// kye gsang ba'i mgon po nyon cig/ phur pa'i rdzas rnams ngas bshad kyis// nyung dkar gu gul tshil chen dang// sha chen khrag chen dug chen yin// bswe yi lha mo'i rdzas rnams ni// 'o ma khrag dang mar khu dang// sbrang rtsi dang ni chang rnams so// de bzhin shwa na mu kha'i yang/ khyi thod wa thod spyang thod dang// 'phar ba'i thod pa de bzhin te// de yi nang du rdzas bsags pa/khrag sna stong dang sha sna stong// snying sna stong dang rkang sna stong// shwa na la sogs rdzas su gzhag/ re ma ti yi rdzas rnams kyang// nal bu'i sha la sogs pa ste// du ma nyid du bsags par bya// rkang chen dung dang zhing chen dang// b+han+d+ha rak+ta tsit+ta dang// mtshon cha drug kyang bsags par bya// ling+ga'i rgyud rnams bsag par bya// phyi dang nang gi rgyu las bya// de nas maN+Dal thig kyang gdab// thig bzhi btab pas le'u tshe dgu// gnyis gnyis nang du drang byas te// phyi yi tha ma thig gnyis gdab// de yis cha gsum dag tu 'gyur// gcig la khyams bya gcig la sgo// gcig dbang phyug ma rnams dgod// pho brang zlum por byas pa la// gru gsum bcad pas zla gam gsum// dbus la gru gsum shar gyi sna// gru gsum nag la zla gam dmar// gru bzhi ser po bar khyams dmar// sgo khyams phyogs ni rigs dang mthun// lcags ri mu 'khyud nag po ste// de ltar maN+Dal byas pa dang// dbus su yab dang yum yang dgos// shar gyi sna la sras mchog dgod/ khyams la shwa na re ma ti// de bzhin sgo ma bse mo'o// lcags ri la ni dbang phyug ma// las kyi bya ba gzhung yang bsrang// byin brlab dbang bskur tshul bzhin bya// gu gul tshil chen dud pas bdug/ de nas gru gsum sna la gzhag/ dbang mo che yi phur pa yis// bsgrub bya'i ling+ga brgyad la bzhag/ha ri ti dang ba ri ti// ba ri ta dang ba ri ti// lha lnga dag gis bskur mi tshug/ 'brub khung las kyi dkyil 'khor yang// gzas pa'i lus ngag yid bsgral phyir/ kha khyer gsum dang ldan pa'o// 'dzub gang mthar du brus pa la// 'dzub gang gyen du brtsigs pa'o// rdzas dang lag chas bskor la bzhag/ de yi nang du gzugs bcug la// dgug pa gsum gyis rab tu dgrug/ gdab pa gsum yang de bzhin te// phyag rgya bzhi yi rgya yis gdab// dbab pa'i sngags dang phyag rgyas dbab// phyag rgya drug gis gzer gnan bya// de ltar nges par khugs pa dang// rtsa ba'i sngags la sder mo gdags// rdo rje tho ba'i sngags kyis bsdig khro bo bcu yi sngags kyis gdags// mtshon cha'i dpal ni bskyed pa'i phyir// byug bdug brdeg pa yangayang bya// phung po lnga la brgya rtsa brgyad/ khams dang skye mched de bzhin te// nyis 'gyur nyis 'gyur gdab par bya// gnas gsum bdag tu gdab pa ni// spyi bo snying ga lte ba'o// de nas gso ba'i cho ga bya// tshe yi cho ga rdzogs pa dang// bsdu ba'i sngags kyis bdag la bsdu// sha khrag phung po lhag rol la// ma mo mkha' 'gro rbad par bya// de nas gzir mnan zab mo bya// mnan pa'i sngags dang tshig kyang brjod// de nas gtub pa'i las bya ste// rnon pa'i mtshon ni thogs nas su// tIk+Sh+Na rbad kyis gtub par bya// dum bu gsum gyis las gsum bya// gnan pa'i cho ga bzhin du bya// A+o~M laM hU~M laM suM laM pra ti s+t+waM b+ha ya/ dzam b+ha ya/ mo ha ya/ bA' ga ma ra su sha laM/ de yi steng du don yod ni// grub pa'i pho brang gdab par bya// de nas sbyin bsreg rab byas te// gzas pa bsgral ba'i dum bu de// phyag tshangs pa yis dbul bar bya// phrin las chen po'i cho ga bya// de bzhin gshegs pa thams cad kyi sku dang gsung dang thugs las gcig pur bsgrub pa'i sgrub pa chen po/'jig rten ma rungs pa rlag par byed pa'i rgyud kyi rgyal po 'jig rten snang byed las/ chig bsgrub bstan pa'i le'u ste gsumapa'o//// de nas yang gsang ba'i bdag po chen pos kI la ya la gsol pa/kye bcom ldan 'das ma 'ongs pa rnams la phan pa'i ched du/ sbyang ba dang/ spro bsdu dang/ dngos grub blang ba zhu bar 'tshal lo// kI la yas bka' stsal pa// nyog cig gsang bdag phyag rdor khyod// gang zag bsam pa'i dbang gis ni// bzlas brjod rnams pa gsum du grags// phra mo'i don bstan spro bsdu bstan// dngos grub mchog tu myur ba yin// yid la gsal ba'i kha ru bzlas// mngon du gyur dang nyon mongs drug po ji ltar na// bdag gzhan gnyis ka'i don ci gang// phra mo'i dngos po ci ltar bstan// dngos gzhi med na phra mo min// bdag nyid sbyang dang sems can sbyang// lnga dang gsum gyi mtshan nyid de// mi dmigs stong pa'i bdag nyid kyis// sbyang ba de ltar bstan pa yin// bshig dang mdud dang mnyam par gzhag/ brtag pa gnyis su shes par bya// a ni a la gnas par bya// de bzhin srog kyang phyir mi rgyu// kun brtags yongs su grub pa dang// gzhan gyi bya ba gsum gyis bstan// dang por chags gzhi gang du gtogs// rtsa nag 'byung ba bdun 'gyur yin// bdun 'gyur ji ltar chags gyur nas// bdun 'gyur lo lnga'i nang bar du// dge slong dag gi cha lugs su// a haM brjod pa'i yi ge ru// yi ge gang las gyur pa yin// de dag 'byung ba ji ltar dgag khegs na bsam gtan dngos po yin// de nas a yi don la dpyad// dpyad pas dus rtags ji ltar 'byung// ye shes bskyed pa 'od gsal yin// lam dang dgrod pa'i 'bras bu'o// zhes gsungs so// de nas gsang ba'i bdag pos// kI la ya la gsol pa// e ma khyod la yang gsol pa// kye kye khro rgyal mchog/ rje btsun dpa' bo khyod nyid la// de lta bu yi rnal 'byor la// lam ni rnam pa du ru grags// dpa' bo khyod kyis bshad du gsol// zhes gsol to// de nas yang kI la yas bka' stsal pa/e ma ho khyod kyis dri ba legs// gang phyir khyod kyis dri ba legs// dang por gang zag rnal 'byor la// thog mar dbang gis lam yang bgrod// de nas shes rab grol ba'i lam// de yang dngos gzhi 'di yin pas// gzas pa bsgral bas dngos grub blang// dngos grub rnam pa gnyis su brtag/ dbang rnams rim par bskur nas ni// 'dod pa'i dngos po ci 'dod sbyin// zhes gsungs so// de bzhin gshegs pa thams cad kyi sku dang gsung dang thugs snang ba las byung ba'i phyir/rgyud kyi rgyal po 'jig rten snang byed las/ lam gyi mdzad pa bstan pa'i le'u ste bzhi pa'o//// de nas yang gsang ba'i bdag pos/ bcom ldan 'das la 'di skad ces gsol to// kye kye bcom ldan 'das mgon gyi dpal// gang zag bsam pa'i dbang gis na// sku yi dkyil 'khor bstan du gsol// zhes gsol to// de nas bcom ldan 'das kI la ya chen po des/ dkyil 'khor mngon par grub pa zhes bya ba'i ting nge 'dzin la snyoms par zhugs so// zhugs ma thag tu phyag rgya rdzogs par bzhengs te bka' stsal to// ma mthong rmongs la bstan pa'i phyir// dkyil 'khor gnyis kyi dpes mtshon te// sa 'am stegs bu che'am chung// gnas khang dag dang sbyar bar bya// ji bzhin pa yi thig rnams kyis// 'khor lo rtsibs brgyad dkyil 'khor la// dang por sgrol ba'i dkyil 'khor bya// de nas sbyor ba'i dkyil 'khor bya// de nas gnan pa'i dkyil 'khor bya// blo zhan shes rab chung ba dang// mu stegs can la yongs mi bstan// zhes gsungs so// de nas ched du brjod pa 'di ched du brjod do// yang dag nges pa'i rnal 'byor pas// gnas dang slob dpon byin gyis brlab// slob dpon rdzas kyang byin gyis brlab// chag chag byi dor khrus kyang bya// gnam thig gdab la sa thig gdab// kun gyi cha ru me ri bcad// sor bzhi brgyad dam bcu gnyis sam// dkyil 'khor tshod dang sbyar la bcad// thig rkang bdun la ling tshe brgyad// snam bu gnyis ni phyir 'then la// snam bu nang la thig gsum gdab// re mig khong nas dbyung ba'i phyir// rtsibs brgyad thig ni legs par gdab// rgyas pa ni thod pa ste// 'khor lo rtsibs ni rdo rje'i rwa// shar gyi tshangs thig ngos bzung nas// lho nub mtshams su gdab par bya// de ltar kun tu bskor bar bya// 'khor lo rtsibs brgyad maN+Dal la// e la bcom ldan rgyal po ste// gru gsum la ni phur pa rdzas// phyogs bzhi mtshams bzhi khro bo brgyad// shar nas bzung ste ma nor bar// 'khor lo rtsibs brgyad dag la'o// g.yas zur g.yon zur mdun rgyab tu// hU~M kA ra dang stobs po che// phra men zung re de bzhin dgod// lhag ma'i phra men brgyad po yang// gong ras dag la de bzhin no// 'khor lo kha dog so so ste// rnam pa gsum du shes par bya// nag po dkar po ser po'o// gal te slob mar dbang bskur dang// gal te tshe yi cho ga dang// gal te dngos grub bsag pa ni// gru khyad ljang gu dag la'o// phyi rgyab snam bu gang yin la// ro 'am thig le gang yang rung// phur bu'i srung ma'i gdan rnams te// spel ma nyid du yang dag dgod// rigs lnga'i pho brang gdan tshogs ni// ban d+ha lnga la dbang bskur la// bar snang khams su bzhugs su gsol// gal te slob mar dbang bskur na// a ka ru dang du ru ka/ dri dang sman dang mngar dang 'bru// mar dang tshA rnams blug la bzhag/ bar bar tshogs kyi 'khor lo ni// bza' dang bca' dang btung ba'i tshogs// mang po nyid du bsag par bya// bsgral ba zin nas dbang bskur na// rim par stegs bu brtsigs par bya// mdo mdor bsnyen pa bsnyen chen la// mdo mdor bsgrub pa bsgrub chen no// mdo mdor stong pa'i cho ga bya// de nas tshogs kyi 'khor lo ni// brgya rtsa brgyad dam stong rtsa brgyad// ci nus rnal 'byor pa yis bya// de ni tshogs kyi 'khor lo'o// zhes gsungs so// de bzhin gshegs pa thams cad kyi sku dang gsung dang thugs snang ba rgyud kyi rgyal po/'jig rten snang byed las sku'i dkyil 'khor bstan pa'i le'u ste lnga pa'o//// de nas yang gsang ba'i bdag pos// bcom ldan 'das la 'di skad ces gsol to// kye bcom ldan 'das gsung gi dkyil 'khor 'di zhu bar 'tshal lo// zhes gsol to// de nas dbyings rnam par dag pa'i ting nge 'dzin la snyoms par zhugs so// zhugs ma thag tu sgyu ma chen por sku bzhengs nas/'di skad ces bka' stsal to// gsang ba'i bdag po dus la bab na da nyon cig rnal 'byor dpa' bos bsgrub 'dod na// dang por sa sbyangs bslangs sbran dang// dbang po'i las rnams lha la bya// de ltar las rnams kun la rig bya// yang bka' stsal pa/ gnyis pa phyi nang gnyis kyis sbyang// gsum pa mtshams lnga la sogs bya// bzhi pa chos spyod rnam pa bcu// lnga pa 'jig rten gtor ma gtang// rnal 'byor dbang pos las rnams kyang// dbang po dang ni bskrad pa dang// bcol ba dang ni dgug pa'o// dang po sbyan drangs rab bsngags pa// dzaHhU~M baM hoHe h+ye hi b+ha ga wAn/ b+hin+d+h+ra ya b+hin+d+ha ya/ a pra ti dza hU ru lu ru lu hU~M/brjod pa gsum gyis spyan yang drang// zhal dbye ba yi sngags kyang brjod/ A+o~M pra tIts+tsha hUM/ zhes mchod pa bstab bo// phrin las 'dis las bcol ba'o/ A+o~M sa ma ya pra tIts+tsha hUM/ de nas phrin las bcol ba'i sngags la/sme ba dug gsum phye ma gsum/ khrag gsum sbyar ba'i gtor ma ni// che ge mo la sbyin par bya// de bzhin bkug la zar gzhug sngags/ dzaHhU~M baM hoH badzra ang+ku sha dzaHche ge mo zhig ma ra ya hUM dzaH/de skad brjod la za ru gzhug/ dri yi thig le rang byas la// thig dang tshon yang byin gyis brlab// gnyis med sbyor ba'i man ngag gis// rgyal ba rigs lnga spyan yang drang// spyan drang gnyis med bstims par bya// yab yum bcu yi sbyor ba yis// byang chub sems su rang bzhin bya// slob dpon dam tshig sdom ldan pas// byang chub thig skud byin gyis brlab// tshon sna lnga yis gnam thig gdab// dkar la gsal bas sa thig gdab// slob dpon shar du rab 'dug ste// slob ma nub kyi phyogs su 'dug/ slob dpon thugs kar rab tu 'then// slob ma'i mdzod spu dag tu 'then// rdo rje pad+ma'i thig kyang gdab// ces bka' stsal to// de nas yang gsang ba'i bdag pos 'di skad zhus te/ bcom ldan thabs kyis rgyal po mchog/ slob ma'i phyag rgya btsal ba ni// gang gi don du gsungs pa lags// gang gi don du btsal ba lags// bcom ldan 'das kyis bshad du gsol// zhes gsol to// bka' stsal pa/ sha khrag 'bar zhing dbang po gsal// lo tshad lon zhing mtshan dang ldan// bde ba 'dzin la rab tu mkhas// slob ma'i 'os su shin tu sngags// zhes gsungs so// de nas yang gsang ba'i bdag pos zhus pa/ de lta bu yi slob ma yis// dkyil 'khor cha ni ji ltar brtag/ bcom ldan 'das kyis bshad du gsol// zhes gsol to// bka' stsal pa/ slob ma pad+ma can dag gis// dkyil 'khor cha ni brtag par bya// phyogs cha mnyam pa'i tshangs thig la// zur thig cha bsnyam rgya gram cha bzhi snyams// cha chen brgyad du rab tu bgo/tshangs thig phyed la phyed mar gdab// de lnga g.yas g.yon cha bsnyams gdab// de ltar cha chen brgyad gyur nas// dbus gnyis cha yi tha ma la// cha phran du ni thig thung gdab// yang na thig ring btab kyang rung// cha gnyis kun gyi phyi rol drang// sgo cha brgyad las pany+tsa gnas// yang na cha gcig dgu ru bsgo// cha gsum sum cha re re ni// de ni dbus cha gnyis pa'o/ khru bzhi dag tu bstan pa la// yang na nyis 'gyur bstan pa'o/khru re la ni sor re bcad// thig bskor rnam pa gsum du gdab// dang po chos kyi 'khor lo la// gnyis pa rdo rje ra ba'o// gsum pa ye shes me ri ni// lcags ri nag po me ri 'bar// dbang bskur bum pa mang po la// sna tshogs brgyan pa'i byin brlab bya// phyogs bzhi zla gam bzhi dag la// ye shes snang ba chen po bzhi// rdo rje'i gru chad mtha' bzhi la// nag po'i tshon gyis rab dkang ste// ci 'dod las rnams brtag la bya// ma 'ongs rnal 'byor ci 'dod spyod// ces gsungs so// gzhal yas de yi gdan rnams kyang// stag dang khyi dang spyang ki dang/ rmig bu sdig pa gcan gzan sogs// sbrul nag mang po shigs ser shigs/ khwa dang 'ug pa dur bya'i tshogs// 'dab chags mang po lhags se lhags// gser dngul zangs lcags las byas pa'i// bum pa bzang po lnga yang bsag/ lung dang ldan pa'i slob dpon ni// phyogs bzhir re re gzhag par bya// man ngag can la bya ba ni// rgyu la 'bras bus rgyas yang gdab// byin brlab gsum dang dbang bskur bzhi// byug dang bdug pa'i las rnams bya// de bzhin nyid nas bzung nas su// rnal 'byor don ni bya ba ni// drang ba'i don gyis sangs rgyas kyis// rnal 'byor dpa' bos skyed par bya// bka' dang bka' yi 'khor lo yis// phyi nang gnyis kyi mtshams kyang bcad// shin tu rngams pa'i nga ro yis// phur pa bcu la sngags bzlas la// phyogs bzhi mtshams brgyad mtshams kyang bcad// bzlas pa las kyi sngags bzlas la// phyogs skyong bkug pa phur pa gdab// spyi dang thun mong las rnams bya// mang po rgyas pa nga yis bshad// ces gsungs so// de bzhin gshegs pa thams cad kyi sku dang gsung dang thugs snang ba/ rgyud kyi rgyal po 'jig rten snang byed las/gsung gi dkyil 'khor bstan pa'i le'u ste drug pa'o//// de nas gsang ba'i bdag pos 'di skad ces gsol to// kye bcom ldan 'das ma 'ongs pa'i don du/ thugs kyi dkyil 'khor bstan du gsol// gang phyir bdag la bshad du gsol// kI la ya yis bka' stsal pa// dkyil 'khor cha ni bsnyams pa la// nang gi pho brang thig gdab ni// thig rkang bdun pa bdun pa la// zur thig sbal mgo sbal mgor gdab// rin chen zur brgyad nyi shu gcig/ dbus nas pho brang rin chen 'bar// zla gam phyed la sgo bya ba// tshangs pa'i thig la gdab par bya/ khyams ni rnam pa bzhi yod do// sgo ni rnam pa gsum du 'dod// dang po bdag nyid rtsa ba'i sgo// gnyis pa thugs rje sprul pa'i sgo/ khro bo sprul pa'i sgo ru grags// gsum pa rang bzhin gnas kyi sgo// srung ma ma mo'i sgo ru grags// rin po che yi gcod thabs ni// zur brgyad zur brgyad 'bar bar bskor// dbus su bcom ldan yab yum bcas// sgo la sogs pa nyi shu gcig/ 'bar ba re la phur pa re// byin brlab dbang skur byas la dgod// de yi 'bar ba'i stag gso la// dmar po'i tshon gyis dpal gyi gshos// kun gyi kha ru re re gzhag/ de ma dpal bshos bzang po'o// de yi phyi rim ser po la// khro bo sprul pa spel mar ni// phyogs dang phyogs mtshams ma nor gzhag/ de yang sgo dang bcas pa'o// de yi phyi rim bar khyams la// dmar po'i tshon gyis rab bkang ste// g.yas dang g.yon du dgod par bya// de bzhin sgo la sgo ba bzhi// bse mo bzhi ni dgod par bya// lcags ri la ni dbang phyug ma// bdun bdun srin mo 'gros su gzhag/ sked pa rgya mdud rtse mo dbal// rtsa ba zhi ba'i lugs su bya// tshon gyi kha dog so so ni// mkhas pa nyid kyis nan tan bya// re re re ga pany+tsa yang// shing bu nyid kyis bcos par bya// de bzhin gshegs pa thams cad kyi thugs kyi dkyil 'khor yang dag mchog/ rin chen zur brgyad dkyil 'khor ni// gsang ba thugs kyi maN+Dal lo// zhes gsungs so// de bzhin gshegs pa thams cad kyi sku dang gsung dang thugs snang ba/rgyud kyi rgyal po 'jig rten snang byed las/ thugs kyi dkyil 'khor bstan pa'i le'u ste bdun pa'o//// de nas yang gsang ba'i bdag pos/ bcom ldan 'das la 'di skad ces gsol to// ston pa'i bye brag ji snyed pa// mdor bsdus ston pa du tsam bzhugs// sangs rgyas bye brag ji snyed pa// mdor bsdus sangs rgyas du tsam bzhugs// theg pa'i bye brag ji snyed pa// mdor bsdus theg pa du tsam bzhugs// lam gyi rnam pa'i bye brag las// 'jug pa'i sgo ni du tsam bzhugs// dkyil 'khor bye brag bsam yas pa// bsdu na dkyil 'khor du tsam bzhugs// dbang gi bye brag mang po la// bsdu na rnam pa du tsam bzhugs// dam tshig bye brag mang po las// bsdu na rnam pa du tsam bzhugs// lha yi bye brag mang po las// bsdu na rnam pa du tsam bzhugs// lha ma yin dang mi la sogs// sems can bye brag mang po las// bsdu na rnam pa du ru 'dus// zhes gsol to// de nas bcom ldan 'das kyis bka' stsal pa/ bye brag mang po 'di lta ste// phyi dang nang dang gsang ba gsum// don dam ston pa'i bye brag las// bsdu na ston pa gcig tu bsdu// gang zag bsam pa'i dbang gis na// gang+gA'i klung gi bye brag kyang// dpe ru bzhag ste sangs rgyas mtshan// mdor bsdus sangs rgyas gcig tu 'dus// sems can sdug bsngal bsam yas pas// theg pa'i bye brag bsam las 'das// mdor bsdus theg pa gcig tu 'dus// lam gyi bye brag bsam yas pa// bsdu ba'i bye brag lnga ru 'dus// de yang lam chen gcig tu 'dus// lha tshogs bye brag bsam yas pas// dkyil 'khor bsam las 'das pa ste// mdor bsdus dkyil 'khor gcig la 'dus// theg dang mi theg dbang gis na// theg pa'i bye brag mthong la gol// yang dag don gyi lam yin pas// dbang ni rnam pa bzhi ru 'dus// la la glen pa'i rtul zhugs dang// la la sgrin pa'i shes rig dang// la la mdzangs pa'i las thabs dang// la la phyogs mtshams dga' shes dang/kha cig kun rtog yongs su shes// dam tshig rnam pa gsum du grags// lha yi bye brag mang po las// bsod nams che chung dbang gis na// yang nas yang du bsam pa ste// rnam pa gsum du rab tu grags// la la bstod la la la smad// bsdu na rnam pa lnga yin te// gcig tu grags pa rnam pa drug/ de la sogs te mi rnams la// rnam pa bzhi ru rab tu grags// byol song rtsa ba gcig yin te// yi dwags bye brag gnyis su 'gro// sdug bsngal rtsa ba dmyal ba ste// bye brag bgrang na rnam pa gnyis// lhag pa'i sdug bsngal de dang gsum// de ltar rigs drug sems can ni// so so'i bye brag bsam las 'das// zhes bka' stsal to// de bzhin gshegs pa thams cad kyi sku dang gsung dang thugs snang ba ste// rgyud kyi rgyal po 'jig rten snang byed las/ rgyu 'bras kyi bye brag gi le'u ste brgyad pa'o//// de nas yang gsang ba'i bdag pos 'di skad ces gsol to// e ma ho// zhing gi khyon ni ci ltar gda'// mthong na ji ltar grags pa lags// rnam pa du yis mthong ba lags// bcom ldan 'das kyis bshad du gsol// ces gsol to// bka' stsal pa/ legs so legs so don ston na// nga yi yid las byung ba 'di// mthong bar 'dod na grags par gyis// don dam bden med nga la blta// rang rtogs mthong ba nga la blta// thos pa rag lus nga la blta// phyogs gcig pa 'di nga la blta// bden pa'i bye brag nga la blta// drug po mthar phyin nga la blta// rnal 'byor can ni nga la blta// spyod pas mang snyems nga la blta// gnyis ka'i bde ba nga la blta// theg chen spyod pa nga la blta// mtshams sbyor chen po nga la blta// yang dag rtse mo nga mthong zer// des kyang mthong ba shin tu dka'// skye bo phal pas nga mi mthong// nga mthong kun rtogs 'ga' tsam yod// nga mthong zer ba'i rtog ge ba// 'gro ba 'dren par mi 'gyur ro// zhes bka' stsal to// de nas yang gsang ba'i bdag pos/ bcom ldan 'das la 'di skad ces gsol to// don dam phur pa'i rgyu ni ji ltar lags// de yi tshad ni ji ltar lags// de yi dbyibs ni ji ltar lags// de yi grangs ni ji ltar lags// zhes gsol to// bka' stsal pa/ legs par dri ba'i lam gyi mchog/rtogs tshad 'dul ba dri ba'i mchog/ mkhas pa dga' ba spyad pa'i phyir// don bzhi nga yis bshad kyis nyon// rgyu ni dbyings kyi mtshan nyid dag/ rkyen ni ye shes bye brag yin// de ni phur pa'i rgyu ru grags// tshad ni phrin las rnam bzhi ste// sangs rgyas phrin las de las med// don ni bsdu ba rnam pa bzhi// de yi nang du 'dus pa yin// dbyibs ni gzhal yas rgya mdud ste// tshad med bzhi yi sgo bzhir bstan// phyogs bzhi mtshams bzhi lcum gzhog brgyad// rnam thar gsung ni rtse mo yin// grangs ni bden pa'i bye brag ste// de kho nyid dang de bzhin nyid// nam mkha'i tha snyad dpe dang 'dra// de bzhin gshegs pa thams cad kyi sku dang gsung dang thugs snang ba ste/rgyud kyi rgyal po 'jig rten snang byed las/ theg pa thams cad kyi don bstan pa dang/ don dam pa'i phur pa'i bye brag bstan pa'i le'u ste dgu pa'o//// de nas yang gsang ba'i bdag pos gsol pa/kye bcom ldan 'das khro bo'i gdan ni nges pa'i phyir// 'khor lo'i rtsibs ni bcu pa yin// thig gi bye brag bstan pa dang// lha yi bye bragabastan du gsol// ces pas kI la ya chen po de phyag rgya ye shes kyi dkyil 'khor la snyoms par zhugs so// der zhugs ma thag tu phyag rgya chen po'i skur bzhengs nas bka' stsal pa// dkyil 'khor sngags ma bzhin bzhengs la// des kyang de yi rgya yis bcad// thig ni rnam pa bdun btab pa// phyed la pho brang rab byas te// byang nas lho ru drangs nas ni// de la re'u cha dgu ru dgod// re'u cha gcig ni lte ba'i tshad// de phyed kun tu bskor ba ni// 'khor lo rtsibs bcu'i thig tu 'gyur// de bzhin mu khyud de bzhin bskor// de yi dbus kyi pho brang la// thod pa gsum gyis bskor bar bya// mu 'khyud rdo rje'i ra ba ste// sa mchog phye mar btags pa la// nag po'i tshon gyis bsgyur ba yis// 'khor lo thams cad mthing gar bya// de bzhin rtsibs kyang nag por bya// gru chad ljang gu'i phyi rol du// thod pa'i phreng ba btang bar bya// de yi phyi rim dmar po la// thig le thig le mang du bya// de yi phyir rim sgo khyams la// keng rus skam po spel mar bkod// de yi phyir rim lcags ri la// me ri hom gyi thab tu bya// de nas lha dgod 'di gsungs so// pho brang gru gsum nag po la// thabs chen bdud 'dul yab yum dgod// zla gam gsum la sras gsum po// byin brlab dbang bskur byas la dgod// shar du rnam par rgyal ba ste// rim pa bzhin du rgyas par dgod// stobs po che dang hU~M kA ra// shar stod nub smad gnyis su dgod// phra men 'khor lo'i rtsibs kyi phyir// zla gam bcu la dgod par bya// bar khyams thig le'i steng nyid du// bzlog phur bcu drug dgod par bya// sgo khyams la ni sgo srung ste// shwa na g.yas la re ti g.yon// dbus su srin mo dgod par bya// lcags ri la ni dbang phyug ma// bsnol te rdo rje'i 'gros su dgod// ces gsungs so// de bzhin gshegs pa thams cad kyi sku dang gsung dang thugs snang ba/rgyud kyi rgyal po 'jig rten snang byed las/ 'khor lo rtsibs bcu pa'i maN+Dal bstan pa'i le'u ste bcu pa'o//// de nas yang gsang ba'i bdag pos gsol pa// kye kye bcom ldan rje btsun kun gyi rje// gdug pa rnam gnyis bsgral ba dang// nga rgyal dregs pa gzhom pa'i phyir// rno dbal phur ba sras kyi mchog/ rnam grangs du yod bshad du gsol// kI la ya yis bka' stsal pa// nga rgyal drag po mtshon gyis gzhom// phur pa lha ru byas pa ste// byug pa gsum gyis ngar yang blud// bdug pa gsum gyis dpal yang bskyed// de lta bu yi sras mchog ni// grangs su bgrang bar mi bya ste// gcig dang du ma kho na'o// yang gsol pa/ bcom ldan 'das ming ni gang la thogs pa lags/ grangs ni rnam pa du tsam yod// dgos ched ci yi don du byung// dngos kyi mtshan nyid ji lta bu// zhes gsol to// bka' stsal pa// dbyings dang ye shes gnyis med las// sras kyi mchog ni ston pa byung// ming ni de las thogs pa lags// kun tu bzang po yab yum las// sras kyi mchog tu rigs lnga 'byung// ming ni de las thogs pa lags// rigs la sku gsung thugs kyi sras// sprul pa rdo rje gzhon nu lags// ming ni de la thogs pa lags// de yi sku gsung thugs kyi sras// 'dus pa gsum gyi sras mchog lags// ming ni de las thogs pa lags// dang po grangs kyi rnam pa yang// gcig dang du ma bsam yas pas// dang po kho na gcig tu bstan// dgos pa'i ched dang tshul bstan nas// lnga dang bdun dang nyi shu gcig/ gsum dang bcu gcig drug cu bzhi// brgyad cu lnga dang brgya rtsa brgyad// stong rtsa brgyad dam khri la sogs// bye ba dung phyur sa ya'i grangs// sras mchog nyi zer shar ba yang// 'gro ba 'dul ba'i dbang gis na// brjod kyis mi langs grangs las 'das// rtog ge pa ni rmongs pa'i phyir// brjod du med pa nga yis smra// dgos pa dang ni dgongs pa dang// mtshon pa dang ni lha rnams dag/ 'brel ba dang ni 'brel byed kyis// dgos ched grangs kyi tshul dang ni// brdeg pa'i dmigs la dgongs pa'o// dngos kyi mtshan nyid 'di lta ste// stod ni khro bo chen po la// smad ni so so'i dpal dang ldan// brang gis 'gro ba chen po yis// lhu dang tshigs ni brgyan pa ste// phur pas 'debs shing tho bas brdeg/ zhe sdang rang ga ma dang ldan// de ni dngos kyi mtshan nyid do// yang bka' stsal pa// rkyen ni hU~M las byung ba ste// de yi rgyan yang kI la ya// kI la ya yi mda' zam gyis// gdug pa rnam gnyis sgrol bar 'gyur// zhes gsungs so// de bzhin gshegs pa thams cad kyi sku dang gsung dang thugs snang ba ste/ rgyud kyi rgyal po 'jig rten snang byed las/ sras mchog kI la ya bstan pa'i le'u ste bcu gcig pa'o//// de nas yang gsang ba'i bdag pos gsol pa/ rnal 'byor pa la phan pa'i phyir// ba liM mchod pa'i gtor ma 'di// las rab kun gyi gtor ma ste// cho ga bzang po bshad du gsol// zhes zhus nas/ kI la ya mchod pa'i phrin las rnam par dag pa zhes bya ba'i ting nge 'dzin la snyoms par zhugs so// de la phyi'i lha mo dang/ nang gi lha mo dang/ gsang ba'i lha mo la sogs pas/mchod pa yang phyi nang gsang ba gsum du sbyar nas/ mchod pas yang dag par mchod nas// gsol ba btab nas zhu bar spobs te// e ma sangs rgyas bcom ldan 'das// 'jig rten pa dang 'jig rten 'das// bgegs rnams zhi bar bya ba dang// lha rnams 'go bar bya ba dang// dam tshig nyams pa bskang ba'i phyir// nang dang phyi yi gtor ma rnams// ji ltar 'os shing rigs pa ltar// rang gi 'byor pa'i rjes mthun par// nan tan gyis ni mchod pa dbul/ zhes gsol ba btab bo// de nas yang bcom ldan 'das kyis bka' stsal pa/ 'jig rten pa dang 'jig rten 'das// de rnams mnyes par bya ba'i phyir// rgyun du'am yang na zla ba gcig/de bzhin lo gcig khyud skor dang// bcu gcig dang ni bco lnga dang// brgyad rnams su mi byad par dbul// mdzes pa'i mchod pa'i las rnams kyis// legs par rdzas kun bsdu byas te// rdzas kyi dngos po de dag rnams// brda yi tshig gis bstan par bya// mkha' 'gro la sogs thar pa'i mchog/ gcig pu dpal byed ro la sogs// bzlas brjod la sogs yo byad ldan// tshe ni mchog tu mdzes pa dang// snying po tshims byed mchog yin te// dri zhim dmar po nyid du 'dod// snyan pa'i glu dbyangs blang ba dang// thar pa chen po shin tu mdzes// 'jam pa'i gos su yang dag bshad// gzi brjid dri zhim nyid du 'dod// rig ma la sogs reg las byung// mchod pa nang nyid yin par bshad// nya dang sha chang bu ram chang// zwa dang sran ma la sogs ldan// dri dang me tog la sogs lnga// phyi yi mchod pa yin par bshad/ ces gsungs so// de nas sngags mkhan khrus byas te// sngags mkhan bya ba kun byas nas// nyams dga' ba yi gnas su 'dug/ nub kyi phyogs su kha bltas la// nyid ni tha mar gzhag par bya// lugs ma la sogs lha rnams la// me tog la sogs brgyan byas pa// yang na yid kyis mngon sum 'dug/ bsams te dri yi thig le lnga// dri dang ldan pa'i chu gnyis kyis// rigs lnga yang dag gnas pa ni// rang gi g.yog dang yang dag ldan/ dzaHhUM baM hoHA+oM kro d+hI shwa rI sarba dra byaM sho d+ha ya A+oM hUM tha/ sngags rig pas ni sngags 'di yis// brgya rtsa brgyad du bzlas par bya// dri dang ldan pa'i chu nyid kyis// de nas rdzas rnams btab byas la// rdo rje chu dang dri chen po// nyi zla dang ni dmar chen snod// de ni sangs rgyas lnga rnams te// pad+ma'i snod du gzhag par bya// chu bdag sa bon gyis sbyangs te// de la 'di ltar bsgom par bya/oM AHhU~M swA hA/ sa bon lnga po zla stengs su// rnal 'byor pa yis lnga gzhag bya// de yi bdud rtsir gyur pa ni// mu tig dkar po dri med bzhin// de la 'di yis brtag par bya/ khro bo'i sa bon bsam yas te// rdo rje sbal pa mtshan ma'i mig/ snod kyi steng du gzhag byas te// sngags rigs sngags kyi 'bru 'di yis// oM AHhU~M badzra a mr-i ta hU~M ThAH rgyal po pad+mas mtshon pa'i phyag/ sa bon zla ba dbus gyur pa// sbom po dbang po gnyis kyi bar// sngags rig pas ni bsam byas pas// bdag gi lhar ni bsgom pa yis// de yang rdzas la gdab par bya// rnam pa gnyis kyi rdzas rnams sbyang// snying po phyag rgya sngags kyi lha// spyan drang mchod pa ci rigs bya// yang dag tshigs bcad 'di brjod bya// sangs rgyas yab yum sras dang bcas// gnyen dang gnyen 'dun g.yog 'khor bcas// 'dus pa'i lha tshogs kyis bskor nas// rdo rje sems dpa' mnyes mdzad cing// gnas 'dir rtse phyir gshegs su gsol// stong las sbyar bas rtag tu de nyid dam par 'byung// nam mkha' bzhin las dam tshig nye bar 'gro/ blangs nas bde 'gro bde bar gshegs pa mdzad// dpal chen rdo rje sems dpa' de ni bdag/ A+oM chos sku'i rang bzhin dag pas na// bdag kyang rang bzhin rnam par dag/ de bzhin gshegs pa thams cad kyi// thugs dam dbyings mchog rang nyid ni// sems can 'byams klas ma lus kun// sku mchog bsgrub phyir sbyor bas ni// rgyal ba rgya mtsho kun 'dus pas// sku yi dbyig tu bdag bskyed gcig/ A+o~M rdo rje sems dpa'i dam tshig rjes su bsrung// ye shes sems dpa' nye ba nyid du spyod// dgongs pa'i dam pa bdag la bstan par dgongs// thugs rje'i dbyig gis bdag la chags par mdzod// byams pa'i mchog gis bdag la bde bar skyongs// phun sum tshogs pa ldan pas bdag la bde bar skyongs// byin rlabs mchog gis bdag la byin gyis rlobs// grub pa 'phrul gyis bdag la dngos grub stsol// las rnams kun la bdag gi sems nyid bde bar 'gyur// de nas sngags mkhan mnyam gzhag ste// lha rnams la ni dbul bar bya// de nas sngags mkhan dag pa yis// da ni sngags dang phyag rgya yis// lha yi 'dun pa bskyed par bya// g.yas dang g.yon gyi lag pa yis// brjid pa mtha' nas gang bya zhing// rdo rje thal mo gyen du dbye// mchod pa thams cad dbul bar bya// oM AHhU~M su ra to pa so kA ma le/ mA le badzra a mr-i te ha rAn pra tIts+tsha b+ha ga wAn/dzaHhU~M baM hoH/ a la la ho AH/ pa na peM pe nu su ra to// ti pu pa ra mu sarba ta thA ga ta sing+d+hi hu sa ma yo ta mu/ sarba ma hA su kha sing+d+hi hu/ A+o~M hU~M/ A+o~M e sa hu pe sa hu/ sa ma ya b+hak+Sha hu ru lu ru lu hU~M b+h+yo hU~M dzaHhUM baM hoH A+oM pra tIts+tsha/de nas rang gis bzas byas nas/ tshigs bcad 'di ni brjod par bya// bla ma rnams la sbyin par bya// sangs rgyas kun dang mnyam sbyor bas// sdom pa la ni gang gnas pa// ji snyed sangs rgyas thams cad dang// byang chub sems dpa' rdo rje 'dzin// lha rnams dang ni mi rnams rnams dang// sgrub pa po dang rnal 'byor rnams// de dag khros nas khrag chen po// khyod kyi snying nas drangs te 'thung// i dan+te na ra kan ba ri hri da ye/ sa ma d+hI nAM sa ma ya yak+Sha na da s+thi ro ba b+had badzra/ a mo to kaN/ o~M badzra a mr-i ta A ha roSh+Tha sha sa ma na hUM hrIHtha/ de nas yang dag 'di brjod do// de nas kun la phud spags nas// he ru ka dpal 'khor bcas rnams// dam tshig phud la dbang ba rnams// mchod sbyin he ru dpal bsgom ste// de yi brgyan dang sngags ldan pa// snying ga mgrin pa spyi bor ni// gnas gsum tshul bzhin bsrung byas te// rdo rje thal mo 'dzub mo gnyis// mdun gyi thad kar mdud par bya// gung mo mthe bong gnyis rtse sbyar// gzhan ma rnams ni 'di ltar btang/ A+o~M shrI he ru ma hA badzra/ a ko Ta ya/a ko Ta ya/ pra we sha ya pra we sha ya/ b+han d+ha ya b+han d+ha ya/ to sha ya to sha ya/ mo ha ya mo ha ya/ sarba badzra DAk+ki nI nAM/ hr-i da ya hUM hUM phaT/ shrI he ru ka'i sngags dang phyag rgya'o// sngags dang phyag rgya 'di rnams kyis// yang dag tshul bzhin spyan drangs la// dam tshig sngags dang phyag rgya 'di// brtul zhugs thod pa'i lha mo yis// bstan nas tshul bzhin bzhugs su gsol// A+o~M ma hA kro d+hI shwa rI hU~M phaT// rdo rje lha mo tshogs kyi bdag/he ru ka la phyag 'tshal lo// de nas sngags pas mchod bya ba// gzigs pa rnam pa sna tshogs 'gyur ba'i rgyas thob la// rnam pa sna tshogs 'o byed 'khyud nas mnyes mdzad de// rnam pa sna tshogs bde ba'i mchod pa kun gsol la// rnam pa sna tshogs bde mchog ngo mtshar bstan du gsol// rgyas btab rmongs bcas bsnams su gsol// bde mchog ngo mtshar bde bar bzhugs// hU~M a la la ho// rnal 'byor bde mchog sgyu mar 'phrul// dam tshig bdag la 'jug tu gsol// nyon mongs kun las rgyal bar mdzod// ma lus pa dag bsnams su gsol// nyon mongs thams cad gsal bar mdzod// ces gsungs so// de nas yang 'di gsungs so// rgyal ba'i cho ga rdzogs nas ni// lhag ma dag la 'jug par bya// de nas btung dang zas la sogs// zos pa'i lhag ma phud bsres la// lhag ma'i dam la gnas pa rnams// mchod phyir sngags mkhan bsgoms pa dang// bsrung dang spyan drang mchod pa dang// dam tshig sngags dang phyag rgya dang// bzhugs su gsol ba'i phyag rgya dag/ gong nas 'byung ba bzhin byas te// brtul zhugs rtogs pa'i lha mo yis// 'og nas 'byung ba'i sngags bzlas la// yang dag mchod pa dbul bar bya/ A+o~M bung+d+ha DAk+ki nI pra tI ts+tsha mAM ba liM o~M phaT/ A+oM badzra DAk+ki nI pra tI ts+tshi mAM de ba liM hUM phaT/ A+oM rat+na DAk+ki nI pra tI ts+tsha mAM ba liM traM phaT/A+o~M pad+ma DAk+ki nI pra tI ts+tsha mAM ba liM hri phaT/ A+oM karma DAk+ki nI pra tIts+tsha mAM ba liM a phaT/ A+o~M badzra e sa hu/ be sa hu/ sa ma ya b+hak+Sha hu/ ru lu ru lu hU~M b+h+yo hU~M/ dzaHhU~M baM hoH pra tIts+tsha/ rdo rje bcings pa gnyis sbyar te// rgyab sbyar mthe'u chung sbrel te// mdzub mo gnyis ni bsgreng nas ni// bsdams pas las ni thams cad byed// brkyang bskum pa yi tshul bya'o// A+oM DAk+ki nI A kar+Sha ya/ pra we sha ya pra we sha ya/ b+han d+ha ya b+han d+ha ya/mo ha ya mo ha ya sarba badzra DIk+ki nI nAM/ hri da ya hU~M dza/ dzaHhU~M baM hoH DAk+ki nI hU~M dzaH dpal DIk+ki nI'i sngags dang phyag rgya'o// rdo rje thal mo gnyis sbyar te// sbom po gnyis ni dbus su bzung// lhag ma 'khor lo'i tshul du bya// bde ba dang ni pad+ma'i bdag/ de nyid las ni bya ba ni// sbom po gnyis ni btegs byas te// bkug pa de ni rta gdong phyag rgya ste// dngos grub chen po la sogs pa// skad cig gcig gis 'grub pa'o// o~M badzra ba dra ba mu kha/ A kar+Sha ya/ A kar+Sha ya/ pra we sha ya pra we sha ya/ ban d+ha ya/ ban d+ha ya/ to sha ya/ to sha ya/ sarba badzra DAk+ki nI nAM/ hri da ya/ ha ha/ hi hi/ o~M AHhUM/ dpal rta mgrin gyi sngags dang phyag rgya'o// rta yi rgyal po'i sa bon ni// nyi ma'i dkyil 'khor dbus gnas te// mthe bong dang ni srin lag gi/ sngags pas de bsgom bar du hrIH/ sngags mkhan phyag rgya 'di btab nas// gtor ma bdag nyid byin brlabs te// sngags 'di rjes su brjod bya zhing// ci bde bar ni gshegs su gsol// oM AHhUM uts+tshiSh+ta badzra a d+hi tiSh+Tha mAM hUM phaT/ sngags kyi rgyal po de rnams kyis// mchod pa'i cho ga rdzogs par smras// gtor ma'i mchod pas tshims byed pa// rgyud rnams kun gyi rgya mtsho ste// til mar thigs pas kun la khyab// thams cad kun nas bsdus pa 'di// rgyud mchog 'di ru nga yis smras// rgyud rnams bsdus pa'i man ngag 'di// rgyud 'di'i nang du smras pa'o//// de bzhin gshegs pa thams cad kyi sku dang gsung dang thugs snang ba/ rgyud kyi rgyal po 'jig rten snang byed las/ rgyud thams cad kyi gtor ma'i man ngag/las thams cad kyi rgyal po'i le'u ste bcu gnyis pa'o//// de nas yang gsang ba'i bdag pos/ bcom ldan 'das la 'di skad ces gsol to// sangs rgyas kun gyi phyag rgya ni// zhi dang rgyas dang dbang dang drag/rgyu rnams kun la rab gnas ni// gser ram ser po'i shing rnams sam// zangs sam dmar po'i shing rnams dang// dngul lam dkar po'i shing rnams sam// lcags sam nag po'i shing rnams la// rab gnas bya na ji ltar bya// zhes gsol to// bka' stsal pa/ rnal 'byor rtogs pa bsal ba'i phyir/ khyod kyis zhus pa nga yis bshad// legs par nyan pa'i 'khor rnams dang// rnal 'byor dpa' bo'i don ched du// lung bstan lung ma bstan pa yi// mkhas par bslab pa'i bzo mkhan ni// shes rab rnam pa du mar sbyangs// skyer pa lo mig bcu pa dang// nyal po sbal pa'i shing dag la// phrin las rnam bzhi'i sngags bzlas shing// phyogs bzhi rgyas par bzhog par bya// gri kha lho byang shar nub bstan// kha ni 'dzab dang mi 'bral bas// sor brgyad bcu gnyis bco brgyad drug/ sems can rnams dang tshul bstun nas// mtheb gong 'og tu rgya mdud bya// sor bzhi lcum gzhog 'og ma yang// gong ma bzhin du shes par bya// dbal ni chu srin kha nas dbyung// tshig bzhi kun la sbrul gyis brgyan// rtse mo zur bzhi dbal dang bcas// de bzhin lugs mkhan mkhas pas kyang// spra tshil dag la gzugs byas la// dkar po'i shing la zhi ba'i gzugs// rtse mo gnam la bstan la gzhag/ phrin las sngags kyang de bzhin bzlas// lugs ma yang ni de bzhin te// de bzhin dngul la bya ba'o// mdzo mo glang gal dmar po'i shing// thams cad dbang du bya ba'i phyir// gri kha dpa' bo'i ngos su bzhog/ zangs sam 'jon dmar de bzhin te// lugs ma mkhas pas de bzhin bya// shir shing nag po la sogs pa'i// nag po tsher ma can gyi shing// mkhas pas gri kha phar bstan la// sa lcags gnam lcags khro chu las// mi rta mang po bsad pa dang// de bzhin rang thag phal pa'i lcags// de ni mgar ba mkhas pas bya// goms shing mkhas par bslab pa yi// rigs bzhi bzo bos de ltar bya// zhi ba shar la dbang ni nub// rgyas pa lho la drag po byang// slob dpon sngags mkhan de bzhin no// de bzhin bzhin gshegs pa thams cad kyi sku dang gsung dang thugs kyi dgongs pa/ 'jig rten snang byed las/ phur pa rab gnas kyi cho ga'i le'u ste bcu gsum pa'o//// de nas yang bcom ldan 'das la gsang ba'i bdag pos gsol pa/ rnal 'byor yang dag bsam gtan las// yi dam rgyun du bya ba dang// sgrub pa 'jug tu gdags pa dang// sngags la yid ches bskyed pa'i phyir// yang snying man ngag bshad du gsol// bka' stsal pa// hom khung 'brub khung kha khyer gsum dang ldan/ kha la thod pa tshar gsum btang// bang rim la ni rdo rje ste// phyi la me ri yang dag btang// nang du 'khor lo rtsibs brgyad ni// mu khyud rdo rje ra bar ldan// lte ba la ni yaMdang raM// de nas phur pa byin brlabs dbang bskur te// rgya mdud dang po chos kyi sku// bar ma longs spyod rdzogs pa'i sku// zur gsum longs spyod rdzogs pa la// sprul pa rdo rje gzhon nu bsgom// dkyil 'khor lha rnams rdzogs pa ni// phur pa dag la de bzhin dgod// de ltar ting 'dzin gyi sems// spyan drangs pa yi sngags kyis ni// spyan drangs sngags kyang de bzhin brjod// A+o~M badzra kI li kI la ya sa ma ya dzaHdzaH lha tshogs thams cad spyan yang drangs// dral zhing dbab la brtan par bzhugs// ji ltar ji ltar de bzhin bstim// badzra kI li kI la ya na maHya ho/phyag 'tshal ba'i cho ga'o// badzra kI li kI la ya na maHya ho dz+nya ya ru/ de ni yang dag brjod pa'o/ A+o~M badzra kI li kI la ya/ ma hA rak+ta khA hi/ ma hA pany+tsa a mr-i ta khA hi/ ma hA bo d+hi tsit+ta khA hi/ ma hA go ro tsa na khA hi/sngags kyi mchod pa yang dag ste// lha rnams rtsa ba rtsa ba la// btags la lha rnams tshim par byas/ rgyun gyi sngags rnams brjod pa ste// A+o~M badzra kI li kI la ya/ sarba big+h+nAM baM hU~M hU~M phaT/ bdun 'bum grangs ni thon par bya// de nas yang snying rab tu bzlas// nyung dkar nyung nag ske tshe gsum// lcags phye zangs phye rdo phye gsum// gu gul tshil chen sbra tshil gsum// de rnams dgu ka'i sbyor ba yis// gnas gsum dag tu shin tu brdeg/ o~M badzra kI li kI la ya/ pa ra bid d+h+wan/ yaM raM tsakra che ge mo mA ra ya rbad/ badzra kI li kI la ya/ che ge mo mA ra ya rbad hUM phaT/ sems dpa' gsum gyi sbyor ba yis// 'phro 'du yang ni de bzhin no// gzhal yas khang ni gong ma yi// rgyal ba rnams la mchod pa dbul// bza' ba rta la bzhon nas ni// dus gsum bder gshegs mchod pa dbul// brab rdzas dag la sngags bzlas la// lus la brgyab pas rtsa la phog/ rkyang ma ro ma kun 'dar ma// srog rtsa chen po gsum yin pas// byang chub sems ni skam pa'i phyir// sems ni rten dang dbral bar bya'o// 'khor los yan lag gcod pa dang// mu khyud kyis ni sdom pa dang// yaM dang raM gyis bskam shing bsreg/ gang gis brab pa'i rdzas rnams la// yang snying bzlas shing gdab par bya// phur pa dbang dang ldan pa'i phyir// yang nas yang du bdug par bya// de ni bsgrub pa'i 'jug pa'o// sngags mkhan brtan par bya'i phyir// yi ge btu ba'i las rnams kyang// rnam par snang mdzad la sogs te// rdo rje can dang mtshams sbyar nas// dbyangs dang gsal ba'i yi ge la// yang snying gsal bar gsal bar bya// de bzhin gshegs pa'i dgongs pa yis// mtha' yas mchog gi yi ge rnams// btus pas sngags mkhan dag par 'gyur// rgyud rnams kun gyi sngags rnams kun// sngags mkhan mkhas pas btu bar bya// shad dang tsheg bar ma nor bar// g.yal dang sbrid pas bar ma bcad// gnyid chang le lo spangs la bya// yang dag don gyi bzlas pa yin// de bzhin gshegs pa thams cad kyi sku dang gsung dang thugs kyi dgongs pa/'jig rten snang byed las/ phur pa'i yang snying bstan pa'i le'u ste bcu bzhi pa'o//// de nas yang gsang ba'i bdag pos kI la ya la gsol pa/ bcom ldan 'das don thams cad 'grub par bya ba'i phyir/ chos thams cad kyi rtsa ba bshad du gsol/ bde bar gshegs pas bshad du gsol/ ces gsol pas/ bcom ldan 'das nyid bde ba chen po'i rgyan zhes bya ba'i ting nge 'dzin la snyoms par zhugs so// zhugs ma thag tu mi g.yo ba'i skur bzhengs nas bka' stsal pa/ chos su snang ba'i dngos po kun// ye nas snang ba ma yin te// las dang bsam pa'i dbang gis na// dngos po gcig la so sor mthong// gzhi rtsa med pa'i sems nyid ni// chos rnams kun gyi rtsa ba yin// thams cad med mthong med mthong ba// mthong ba med na mthong ba yin/ kha dog dbyibs dang ring thung dang// tha snyad brjod pa kun dang bral// bral ba yang dag lam gyi mchog/ de ni sangs rgyas dngos po yin// sngags dang phyag rgya bya ba med// dngos po kun nas bsam pa yin// bsam du med pa'i sems kyang yin// de ni rtsa ba sems kyi mchog/ tshig dang yi ge dpe las 'das// phyi yi dngos po yang dag yin// nam mkha' bzhin du dang bar mthong// de ni dngos gzhi yang dag yin// byams dang snying rje rtsa ba med// bsdu ba'i dngos po gzhag tu med// mtshan dang dpe byad blta ru med// mchod dang bstod pa bshags su med// bsgom par bya ba bsgom du med// sgom pa dmigs su med pa'o// de na dngos po dngos med par// bsgom pa thams cad bsgom du med// sangs rgyas bya ba brjod du med// de bzhin nam mkha' mtshon pa'i dpe// nam mkha' la yang nam mkha' med// nam mkha' gzhal du med pa la// chos nyid dpe ru gzhag tu med// bsam pa'i dngos po kun las 'das// brjod pa'i tha snyad kun las 'das// rdzas dang dkyil 'khor tshig las 'das// dam tshig bsnyen pa bsgrub las 'das// gzhal yas khang du med par 'das// lha tshogs dkyil 'khor mtha' las 'das// brjod pa'i tha snyad dpe las 'das// thams cad thams cad kun las 'das// byang chub sems ni rang bzhin 'das// phung po khams dang skye mched 'das// sems dang sems su snang las 'das// chos dang chos su snang las 'das// stong pa nyid ni stong las 'das// de bzhin nyid kyang mtha' las 'das// chos kyi dbyings las 'das pa yang// bsam du med pa'i ngang du 'das// yul dang yum can gnyis su med// chos dang chos can gnyis su med// tshor ba rig shes gnyis su med// zla ba chu zla gnyis su med// bya dang sgo nga gnyis su med// mtshams dang bsrung ba gnyis su med// zung dang zung du 'jug pa med// nyin mo mtshan mo gnyis su med// skyes pa bud med gnyis su med// g.yas dang g.yon pa gnyis su med// thabs dang shes rab gnyis su med// me dang du ba gnyis su med// kun rdzob don dam gnyis su med// ces gsungs so// de bzhin gshegs pa thams cad kyi sku dang gsung dang thugs kyi dgongs pa// 'jig rten snang byed las/ chos thams cad rang bzhin gyi lta ba bstan pa'i le'u ste bco lnga pa'o//// de nas yang gsang ba'i bdag pos/ bcom ldan 'das la gsol pa/ kye kye sangs rgyas sa ru mngon nas gsungs// gsungs pa'i don ni ji ltar lags// lam dang sa la brten pa'i phyir// gang zag dbang po rab 'bring gi/ phan tshun nus pa'i dbang rnams shod// ces gsol to// smin pa'i lam du bsten pa la// phan dang nus la ngas bshad kyis// nyan pa po yi blo la rtogs// dang po shes rab rnam pa gsum// mkhas shing mang por sbyangs pa yis// theg pa phyogs ni med pa la// spyi dang rang gi mtshan nyid shes// sngags mkhan mkhas pa de yis ni// dang po sa yi las rnams bya// phyi nang gnyis kyis sbyang sa la// sa la stegs bu brtsig par bya// dkyil 'khor cha ni mnyam pa la// thig bzhi btab pas le'u tshe dgu// le'u tshe re re bskor bar bya// phyogs bzhir phyag rgya ma nor bzhag/ rdo rje dang ni 'khor lo dang// rin po che dang pad+ma dang// las kyi phyogs su rgya gram bzhag/ tshon gyi kha dog phyogs dang bstun// bum pa bzang po lnga rnams su// rin po che la bya bar bshad// dkar po dang ni ser po dang// dmar po sngon po de bzhin ljang// bum pa kha dog nges par bya/ kha tshar ma nyams ras dag la// sngags kyi rgyal pos gdab par bya// tA la rgya shug dkar po yis/ kha rgyan yang ni bya ba'o// yab dang yum dang shes rab thabs// sbyor mtshams byang chub sems kyis ni// bum pa'i nang du byang chub sems// gang la gang bas dgang bar bya// ting 'dzin dkyil 'khor bskyed par bya// rang bzhin dkyil 'khor spyan yang drangs// ye shes bdud rtsi chu rgyun dbab// so so'i las dang mtshan ma'o// stegs bu stegs bu bsham par bya// lha rnams ngo bstan dam tshigabasgrag/ ltas dang rmi lam lta ru gzhug/ ngag gi nyes pa bsal ba'i phyir// so shing byin la so rtsa brud// phrin las bzhi yi dngos grub brtags// srung ba'i lha mos byin brlabs pa'i// bsrung skud dpung pa g.yas g.yon gdags// snod du rung dang mi rung ba// brtags shing bsdams shing sbyin par bya'o// lus kyi nyes pa bsal ba'i phyir// bum pa gang ba so so'i dbang// ming dang bum pa phreng ba dang// cod pan dril bu rdo rje'i dbang// me tog rnams ni phan pa'i dbang du 'dod// b+han d+ha phur pa la sogs ji snyed pa// rdo rje rgyal po'i dbang ni yin par 'dod// de ltar sngags mkhan rgyal po mkhas pa yis// ngag gi dbang gi rdzas rnams brten par 'dod// phyag rgya yum mchog pad+ma'i snod chen de// rgyal rigs rje'u rigs bram ze'i rigs dang ni// gal te gdol pa'i bu mo grags mo rgyal// rdo rje be'u ltar gzhibs te lus ni gdan du bya// de bzhin gsang ba'i dbang ni sbyin par bya// bsam gtan dngos po sgrub pa'i phyir// shes rab ma yi dbang yang sbyin// rdo rje rigs dang pad+ma'i rigs// las kyi rigs dang rin chen rigs// de bzhin gshegs pa'i rigs rnams kyis// bu mo bcu gnyis bco lnga dang// nyi shu rtsa gnyis sum cu lnga// yang na rtsa lnga bcu drug go// mang por thos la dad pa yod// theg pa'i sgo yang mang du shes// pad+ma can gyi bu mo de// lus la bde ba ji snyed pa// dga' ba bzhi dang rab tu ldan// bde ba 'dzin pa shin tu mkhas// pad+ma khwa yi gdong pa la// byang chub sems ni thig ler gnas// dang por gnas pa'i man ngag 'di// byang chub lam du bde bar 'gro// de ltar goms shing reg pa ni// bzhi pa'i dbang nyid yin par 'dod// lam bgrod pa yi rim pa'o// de bzhin gshegs pa thams cad kyi dgongs pa/ 'jig rten snang byed las/ lam gyi dbang bstan pa'i le'u ste bcu drug pa'o//// de nas yang gsang ba'i bdag pos gsol pa/ kye bcom ldan 'das drag po snying gzer gdab pa'i phyir// phur pa'i mda' zam ji ltar gdags/ zhes gsol pas/ kI la ya de drag po 'dul ba'i ting nge 'dzin la snyoms par zhugs so// de nas 'bar ba chen po'i sku khro bo chen po rgyan dang ldan par bzhengs nas/ bka' stsal pa/ bum pa'i hU~M las hU~M brgyud de// hU~M las hU~M brgyud de bzhin hU~M// smug po gur 'dra ye shes sems// kI la ya yi bzlas pa la// ma rA ya yi las kyi sngags// gcig la gcig brgyud mda' zam gdags// phar 'phros pas ni gzas pa bsgral// tshur 'dus bdun tsho gsum la 'dus// dbang bskur byin rlabs lhag par bzang// dkar nag mtshams su thal phyung ste// sku gsung thugs su gzim mdangs bskyed// bsnyen pa dus kyi drag po'o// bsnyen pa dang ni nye bsnyen po// bsgrub pa dang ni bsgrub chen po// dus bzhi dus su bzlas pa ni// ji bzhin pa yi bzlas pa yi// yang gcig bsnyen pa rab tu bya// me tog tshom bu rab tu dgram// sbams pa'i phur bu rab tu dgod// ting 'dzin dkyil 'khor bsgom par bya// rang bzhin dkyil 'khor spyan yang drangs// spyan drangs bzhugs dang mchod pa dang// bstod cing gshegs la phrin las rnams// bsnyen pa'i dus kyi dkyil 'khor la// sngags mkhan gyis ni nan tan bya// de nas bsnyen pa bsdu byas te// ji bzhin pa yi spyod pa bya'o// de bzhin gshegs pa thams cad kyi dgongs pa/ 'jig rten snang byed las/ sras mchog gi 'dzab kyi le'u ste bcu bdun pa'o//// de nas yang snying po lha sngags kyi rim pa zhus pa/ kye bcom ldan 'das/ dkyil 'khor la ni dkyil 'khor te// dkyil 'khor dam pa bshad du gsol/ zhes pas bcom ldan 'das cho 'phrul snang ba zhes bya ba'i ting nge 'dzin la snyoms par zhugs ma thag tu/dkyil 'khor mngon par sprul pa 'di gsungs so// hU~M hU~M/ A+o~M badzra kro d+ha hU~M kA ra/ badzra d+hA tu dI pa ya ti hU~M hU~M hU~M/ A+o~M badzra kro d+ha bi dza ya hUM badzra d+hA tu lA s+ye ki hU~M hU~M hU~M/A+o~M badzra kro d+hA nI la daN+Da hU~M/ badzra d+hA tu ta na pa ta hU~M hU~M hU~M/ A+o~M badzra kro d+ha ya mAn+ta ka hU~M/ badzra d+hA tu sh+ma shA na pa ti hU~M hU~M hU~M/ A+o~M badzra kro d+ha Ar+ya a tsa la hU~M/ badzra d+ha tu mu sA lI hU~M hU~M hU~M/ A+o~M badzra kro d+ha ha ya grI wa hU~M/badzra d+hA tu tsaN+Da lI hU~M hU~M hU~M/ A+o~M badzra kro d+ha a pa ra dzi ta hU~M/ badzra d+hA tu sha bya ti hU~M hU~M hU~M/ A+o~M badzra kro d+ha a mr-i ta kuN+Da li hU~M/ badzra d+hA tu byI mi ta hU~M hU~M hU~M/ A+o~M badzra kro d+ha trai lo kya bi dza ya hU~M/badzra d+hA tu ma ra Ni hU~M hU~M hU~M/ A+oM badzra kro d+ha ma hA ba la hU~M/ badzra d+hA tu tsun+da ya ti hU~M hU~M hU~M/ A+o~M aM hU~M sa ma ya ho// sa ma ya s+t+waM/ ra ho haM/ ra ga yA mi/ badzra ang+ku sha dzaH badzra pA sha hU~M/ badzra s+pho Ta baM/ badzra g+haN+De hoH pad+ma yo ge nI/pra we sha ya phaT/ A+o~M A+o~M A+o~M/ hU~M hU~M hU~M/ phaT phaT phaT/ s+pha ra NaphaT/ dz+ha dza/ dz+ha dza/ dz+ha dza/ dz+ha dza/ dz+ha dza/ dz+ha dza/ dz+hadza/ dz+ha dza/ dz+ha dza/ dz+ha dza/ badzra sU ka ra mu kha hU~M/ badzra i Shu sa mu khI hU~M/ badzra byA g+h+ra mu kha hU~M/ badzra gr-I D+ha mu khI hU~M/ badzra tsa ma ra kha hU~M/ badzra kA ka mu khI hU~M/ badzra ha ri Na mu kha hU~M/ badzra u lU ka mu khI hU~M/ badzra di bI mu kha hU~M/ badzra pre ta mu khI hU~M/ badzra bi Da la mu kha hU~M/ badzra bak+Sha ti mu khI hU~M/ badzra shwa na mu kha hU~M/ badzra pa tI mu khI hU~M/ badzra sid+ha mu kha hU~M/ badzra ti tI la mu khI hU~M/ badzra tik+Sha mu kha hU~M/ badzra na gu la mu khI hU~M/ badzra tak+Shu mu kha hU~M/ badzra ka mi ki mu khI hU~M/ hU~M hU~M hU~M/ ha ha ha ha ha ha ha ha/ he he he he he he he he/ e waM ma ya/ b+h+yo b+h+yo b+h+yo b+h+yo/ dzaHhU~M baM hoH/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ b+h+yo b+h+yo b+h+yo b+h+yo b+h+yo b+h+yo b+h+yo/ A+o~M AHhU~M/ A+oM sarba ta thA ga ta kA ya badzra swa b+hA wa At+ma kou0f85haM/ A+o~M sarba ta thA ga ta wA ka badzra swa b+hA wa At+ma kou0f85haM/ A+oM s arba ta thA ga ta ga ra tsit+ta badzra swa b+hA wa At+ma kou0f85 haM/A+o~M sarba ta thA ga ta rat+na mu ku tra badzra swa b+hA At+ma kou0f85haM/ A+oM sarba thA ga ta karma badzra swa b+hA wa At+ma kou0f85haM/ dza dzaH/ s+pha ra Na phaT/ dzaHhU~M baM hoH badzra kI li kI la ya sa rba big+h+nAMn baM hUM phaT/dIp+ta tsakra A+o~M ru lu ru lu hU~M b+h+yo hU~M/ A ga ts+tsha ya A ga ts+tsha ya/ pra we sha ya pra we sha ya/ ban+d+ha ya ban+d+ha ya/ to sha ya/ to sha ya/ badzra DA k+ki nI hri da ya hU~M hU~M phaT phaT/ A+o~M badzra kI li kI la ya/ ma hA badzra sarba daSh+taM sa ma ya mu dra pra we sha pra b+hany+tsa kra hUM phaT/dzaHhU~M baM hoH e h+ye hi b+ha ga bAn dzaHhU~M baM hoH A+o~M kI li kI la ya dIp+ta tsakra A+o~M ru lu ru lu hU~M b+h+yo hU~M/ dr-i sh+ya ho/ sa ma ya hU~M/ sa ma ya s+t+waM/ e a ra l+li/ hring hring hring/spyan drang ba'i sngags so// de nyid las rdo rje thal mo bsnol te spyan drang bar bya'o// dzaHhU~M baM hoH badzra kI li kI la ya/ dIp+ta tsakra A we sha a a a/ zhes bstim par bya'o// de nyid las rdo rje thal mo sbyar nas bcings te/dzaHhU~M baM hoH badzra kI li kI la ya/ dIp+ta tsakra kA ya wAk+ka tsit+ta sa ya tiSh+Tha badzra lhan/ de nyid las dam tshig dbang gi phyag rgya bcas la/ rdo rje thal mo bum pa ltar byas la/ sa ma ya a b+hi Shi Sh+tsa mAM/ zhes dbang bskur ro// hU~M sa ma ya hU~M/ dam bca' ba'o// de nyid rdo rje thal mo rgyab tu sbyar nas// mthe'u chung gnyis lu gu rgyud du byas la/ mdzub mo gnyis mche ba ltar byas la// A+o~M badzra kI li kI la ya/ badzra sa ma ya daMSh+ta a wa s+t+waM b+ha ka ya hU~M phaT/de nyid las rdo rje thal mo so sor bsnol te/ A+oM badzra ang+ku sha dr-i sha sa ma ya s+t+waM/ badzra a gu h+ya/ sa ma ya phaT/ gdan la bor ba'o// de nyid las rdo rje thal mo gshog pa ltar byas la// dzaHhU~M baM hoH/ badzra kI li kI la ya/ sarba big+h+nAn baM hU~M phaT/ dIp+ta tsakra ban d+ha ya ban d+ha ya/ to sha ya to sha ya/ bi d+hAn sa ya bi na sa ya/ e h+ye hi b+ha ga wAn bud+d+ha k+She tri s+t+waM b+ha ka ya hU~M phaT/ zhes gzir bar bya'o// de nyid las rdo rje thal mo snying gar bzhag la/ o~M bud+d+ha shrI he ru ka bud+d+ha kro d+hI shwa rI s+t+waM/ A+oM badzra a mu ka shwa ra ya na maH/ oM badzra shrI rA ga sa ma yA ya na maH o~M shrI badzra kha T+wA~M ga pra dz+wa la yA ya na maH oM badzra g+haN+De pra tsa la yA ya na maH a ti pu ho/pra tI ts+tsha ho/ ta thA ga ta ban+da naM ka ro yA mi/ de bzhin gshegs pa thams cad kyi dgongs pa/ 'jig rten snang byed las/ snying po sngags kyi le'u ste bco brgyad pa'o//// de nas yang gsang ba'i bdag pos gsol pa/ bcom ldan 'das gang zag bsam pa'i dbang gis na/ thebs dang bzlog pa'i mtshan nyid gang// bcom ldan 'das kyis bshad du gsol/ ces gsol pas/bcom ldan 'das kyis gdeng chen po zhes bya ba'i ting nge 'dzin la snyoms par zhugs so// de nas bka' stsal pa// ma rungs pa la phur pa gdab pa dang// thod pa la sogs gnan pa dang// zor kha 'phang ba'i dus ngas bshad par bya'o// de bzhin du zla ba bcu gnyis lo gcig la dbang phyug chen po sgyed gdong nag po dang lha mo u ma d+he wA+e gnyis zla ba de yi bcu gnyis la skye 'gro srang la 'debs shing nyul ba'i dus/ byas na drag po'i las rnams thebs pa'i dus/ de yang dpyid zla ra ba'i tshes bcu gnyis la/ 'khor brtan ma rnams dang bcas nas nyul te/ dus der drag po'i las gang byas kyang thebs so// de bzhin du 'bring po'i bcu drug la/'khor bdud bzhi dang bcas pas nyul bas thebs so// de bzhin du tha chung gi nyi shu gnyis la/ 'khor ma bdud dang bcas pas nyul bas thebs so// de bzhin du dbyar zla ra ba'i tshes brgyad la/'khor gza' chen po dang bcas nas nyul bas thebs so// de bzhin du 'bring po'i tshes bco lnga la/ 'khor klu bdud dang bcas nas nyul bas thebs so// de bzhin du tha chung la yab yum dang ma mo thams cad ltad mo la yengs pas las mi bya'o// de bzhin du ston zla ra ba'i nyi shu gsum la 'khor ma mo yongs dang bcas pas nyul bas thebs so// de bzhin du 'bring po'i tshes bcu bdun nas gnam stong gi bar du/ 'khor rgyu skar dang bcas pas nyul bas thebs so// de bzhin du tha chung gi tshes brgyad nas stong bar du/ 'khor lha chen po brgyad kyis byas nas nyul bas thebs so// de bzhin du dgun zla ra ba'i tshes bcu gsum nas bcu drug gi bar du/'khor gnon sbyin dang bcas nas nyul bas thebs so// de bzhin du 'bring po'i nyi shu gnyis nas stong gi bar du/ 'khor gshin rje dang bcas nas nyul bas thebs so// de bzhin du tha chung gi nyi shu gnyis la lha srin yongs su kha lo bsgyur nas/ sems can srang la 'debs shing/ rtsis kyang 'debs/ srog sdud pas thebs so// de bzhin gshegs pa thams cad kyi dgongs pa/ 'jig rten snang byed las/ drag po'i las thebs pa'i dus bstan pa'i le'u ste bcu dgu pa'o//// de nas yang gsang ba'i bdag pos/ bcom ldan 'das la gsol pa/ kye drag las kyi bzlog pa ni// dus tshod gang dang gang la zer/bcom ldan 'das kyis bshad du gsol// zhes gsol pas/ dgra 'dul chen po'i ting nge 'dzin la snyoms par zhugs nas bka' stsal pa/ rnal 'byor pa yi drag po'i las rnams ni// rang la ldogs pa bdag gis bshad// drag po'i las ni ci byed kyang// phyir ldog pa yi dus tshod ni// dpyid zla ra ba'i tshes bcu bdun dang bcu dgu la byas na ldog/ de bzhin du 'bring po'i tshes dang brgyad la ldog/tha chung gi gnam stong la ldog/ de bzhin du dbyar ra ba'i tshes gnyis dang lnga la ldog/ de bzhin du 'bring po'i tshes bdun la ldog/ tha chung gi tshes bcu gcig la ldog/ de bzhin du ston zla ra ba'i nyi shu lnga la ldog/de bzhin du 'bring po'i tshes gsum la ldog/ tha chung gi tshes gnyis la ldog/ de bzhin du dgun zla ra ba'i tshes brgyad la ldog/ de bzhin du 'bring po'i nyi shu dgu ldog/ de bzhin du tha chung gi nyi shu bdun la ldog de ni ldog pa'i sde pa ste/sngags mkhan gyi rtog pa bsal ba'o// de bzhin gshegs pa thams cad kyi sku dang gsung dang thugs kyi dgongs pa/ 'jig rten snang byed las/ thebs ldog pa'i le'u ste nyi shu pa'o//// de nas yang gsang ba'i bdag pos/ bcom ldan 'das la gsol pa/ kI la ya yi sku gdung mchog/ de ring bdag la bshad du gsol/ bcom ldan 'das kyis bka' stsal pa/ dkon mchog bstan pa bshig pa dang// tshe srog bar du gcod pa dang// bkrag dang gzi mdangs phrog pa dang// bar chad byed pa'-i dgra bgegs rnams// gro ga la ni ming bris la// gur gum bzang po dme khrag gam// nan tan nyid du byas pa de// dur khrod sa'am phung shul sa// bkra ma shis pa'i sa la ni// dang por brko ba'i las rnams bya// rak+ta bdud rtsis sbyangs pa yis// 'jim pa 'bi 'bi byas pa'i nang// ming dang gzugs de rab tu bzhug/kI la ya yis mgo drangs la// a ko Ta yas sham bu byas// mA ra ya ni dbus su bzhug/ snying po rdo rje gzhon du ste// glo 'bur bcu ni khro bo bcu// de bzhin phra man phra thabs dang// sprul pa rnams ni bar bar du// gnas dang yul gyis ma mo dang// shwa na dang ni re ma ti// de bzhin sa bdag bzhi po yang// phyi yi pad+ma'i sna la bzhag/ gdan gyi pad+ma'i 'jug dag la// dbang phyug ma ni yang dag bzhag/bgegs rnams gnan par bya ba'i phyir// mched rten sngon po nag po yis// bgegs kyi ling+ga gnan par bya// bye ba bdun 'bum grangs snyed kyi// mchod rten la ni lhar byas la// bgegs ni bskal par mi thar zhes// nga yis smras pa yongs su bsgrag/ gal te rlung la 'debs byed na// bi tsi ram+ba yang dag mngag/ gal te chu la 'debs byed na// chu sman 'debs byed rab tu mngag/ gal te me la 'debs byed na// gtsug phud lnga pa yang dag mngag/ de rnams kun gyi snying po ni// bar bar ma nor de bzhin gzhug/ A+oM badzra kI la kI la ya/ sarba big+h+nAM baM hU~M/ tri che ge mo mA ra ya a ko Ta ya a ko Ta ya hU~M phaT/ bsnyen pa bdun 'bum sngon du bya// sngags mkhan rgyal pos yang dag ni// drag po bgegs kyi las su bya// de bzhin gshegs pa thams cad kyi sku dang gsung dang thugs kyi dgongs pa/ 'jig rten snang byed las/ las gcig rdung gi man ngag mchog gi thabs chen po/tsha tsha mchod rten gyi rim pa'i le'u ste nyi shu rtsa gcig pa'o//// de nas yang gsang ba'i bdag pos/ bcom ldan 'das la gsang ba'i lam gyi sbyor ba zhus pa/ kye bcom ldan 'das shin tu gsang ba'i lam 'di bshad du gsol/zhes pas shin tu gsang ba'i ting nge 'dzin la sems par bzhugs te/ shin tu gsang ba'i don 'di lta bu gsungs so// tshogs kyi lam dang sbyor ba'i lam// mthong ba'i lam dang bsgom pa'i lam// bar chad med pa gang yin pas// bskyed pa dang ni rdzogs par 'brel// nam mkha'i khams kyi dkyil 'khor du// sangs rgyas dkyil 'khor ma nor bskyed// sku gsung thugs kyi dkyil 'khor ni// bdag gi denyid kho na ste// byin brlab dbang bskur bya ba ni// 'khor lo bzhi dang sdom pa bzhi// rang nyid byin gyis brlabs byas na// thabs dang shes rab ldan pa yis// sngags mkhan mkhas pa gang yin pa// gyen du rgyu dang thur du rgyu/ rnam pa bcu po gnyis su 'gyur// srog dang rtsol ba las byung ba// rim pa rlung gi de kho na// sngags la dmigs pa zhes bya ba// sngags kyi de nyid kho na'o// de nas bdag gi de kho nyid// nam mkha' khams kyi dbus su ni// sangs rgyas gzhal yas rdzogs rjes la// thabs dang shes rab dkyil 'khor bsam// de yi dbus su rgyal ba rnams// cho ga gnyis kyis rdzogs byas la// phyag rgya bzhi yi rgya yis gdab// snying gar ye shes sems dpa' gnas// rang gi gtso bos dbu la brgyan// sems dpa' gsum gyi sbyor ba yis/ thabs dang shes rab 'brel pa ste// yan lag bzhi dang rab tu 'brel// de dang dkyil 'khor bzhi ru 'brel// dkyil 'khor bzhi ni brtan par bya// bdag gi bsam pa rdzogs pa dang// rlung gi bsam pa yang dag bya// rlung bcing bya ba ma gtogs par// bsam gtan bya ba yod ma yin// de ltar rang nyid byin brlabs pas// sbyor ba'i cho ga las byung ba'i// 'khor lo bzhi rnams rab tu dmigs// chos dang longs spyod sprul pa rnams// bde ba chen po'i 'khor lo'o// pad+ma 'dab ma las byung ba'i// sa bon yi ge rnams kyis mtshan// sum bcu rtsa gnyis mtshan 'chang la// khro bdag 'jigs pa'i yi ge dang// dang po'i yi ge haM gis mtshan// de nyid 'gog pa bde ba'i lam// de ni bde ba chen po'i sku// de nyid smin par byed pa yi// dang po bum pa'i dbang du gsungs// tshogs kyi lam dang sbyor ba'i lam// dbang mchog de la gnas pa'o// 'bras bu lam gyi tshul 'chang na// ngag ni tshangs pa'i gsungs dbyangs mtshungs// lte ba la ni yi ge hrIH// de nyid lam du gsungs pas na// longs spyod rdzogs pa longs spyod sku// mthong ba'i lam dang bsgom pa'i lam// gsang ba'i dbang du yang dag 'gro// bden pa bzhi yi rang bzhin can// thugs kyi ye shes rtse gcig pas// lte ba la ni yi ge hUM// thabs dang shes rab mtha' dag tu// de bzhin rnam pa kun 'byung bas// chos kyi sku yi bdag nyid pas// shes rab ye shes gang yin pas// bar chad med pa'i lam du 'gro// gsum pa shes rab ye shes dbang// thun mong mtshan dang rnam ldan pa// rnam pa gnyis su 'gyur bas na// phyogs mtshams dag ni rigs rnams kyang// sa bon gnyis kyi mtshan ma ste/ lte ba la ni yi ge A+oM// sdug bsngal bdag nyid ldan pas na// sprul pa don mdzad gang yin pa// 'khor lo tshogs chen bzhi pa'i dbang// mya ngan mi 'da' thugs rje yis// sku gsum lhun gyis grub pa'o// rtsa ni chu yi khams yin te// byang chub sems kyis gang bar gnas// de snyed rnam pa ji snyed pa'ang// sum brgya drug cu yang dag gnas// byang chub sems ni sprin gyi khams// thabs kyi cho gas kun tu rgyug/ rang byung ye shes brag yin te// kun 'dar kha phye 'od gsal mthong// phra mo'i thig le nA da dang// 'od ni sangs rgyas thams cad kyis// byang chub chen po bla na med// sku gsung thugs kyi sbyor ba yis// sngags la dmigs pa thob par 'gyur// sngags la dmigs pa'i sbyor ba yis// stong nyid ye shes mthong bar byed// sngags la dmigs pa'i rang bzhin gyis// thabs kyi bye brag mang po ni// bsam gyis mi khyab man ngag ste// me dang rlung gi sbyor ba yis// dang po dga' ba bskyed par byed// gnyis pa dga' ba'i dga' ba bskyed// gsum pa shin tu dga' ba bskyed// bzhi pa mchog tu dga' ba bskyed// sbyor ba'i mtshams su phaT kyis 'phangs// pad+ma zla ba kha sbyar ba// de yi tshangs pa'i bu ga nas// 'od zer 'phro 'du'i sbyor ba yis// dbugs ni thig le nyid du gzhag/ sngags la dmigs pa'i byang chub 'grub// gsang ba'i gnas su zhu bar byed// 'od zer thabs kyi byin rlabs kyis// byang chub sems ni rab zhu bas// mi rtog ye shes skye bar byed// lus ngag yid kyi sbyor ba yis// dang po sngags kyi drod tshad ni// 'dar ba dang ni sprug dang 'phar// bar snang dag la phur bar byed// de nyid thabs kyi man ngag ni// bying rgod sbubs ni rab zhi nas/khams kyi zas dang rnam bral nas// dal bar rgyu ba 'byung bar byed// de nas gzugs kyi mthong ba'i chos// smig rgyu lta bu'i rnam pa dang// du ba lta bu'i rnam pa dang// srin bu me khyer 'dra ba dang// mar me'i tshul dang nam mkha' bzhin// 'od gsal zung 'jug bde ba che// ye shes bde ba de nyid las// zla ba drug dang bcu gnyis dang// bco brgyad bcu drug sum cu gnyis// de bzhin skye ba gcig gis 'grub// gal te des kyang ma 'grub na// snon pa'i tshul gyis bsgrub par bya// 'phags pa'i thugs rje ma byung yang// rang rig ye shes blo ldan na// mi tshe gcig gis 'grub par nges// 'di ni rgyal ba thams cad kyis// rnam par grol ba'i lam du grags// lam mchog rgyal ba mngon pa 'di// nyan dang 'chad dang klog pa dang// de bzhin yi ge 'bri mchod dang/ kha ton sbyin pa bsgom pa rnams// rnal 'byor rab kyi skal ba ste// ngan song gsum las rnam par thar// rgyu mthun 'bras bu der bzhag nas// skye bas mthong ba'i gang zag la// srid pa tha ma skye bar 'gyur// gang gis 'di la mnyam gzhag na// sa rnams kyi ni ming yang med// rnam par shes pa ye shes mchog/ zab mo'i don rnams mthong gyur te// sku gsum bde ba mngon byang chub// mya ngan mi 'da' mi bkri drang// 'di las gshegs pa'i gnas med do// dus gsum rgyal ba thams cad kyang// chos kyi sku las yongs mi 'da'// chos sku'i yon tan chen po ni// gang zhig rgyal ba'i zhing gi khyon// de bzhin gshegs pa thams cad kyi sku dang gsung dang thugs kyi dgongs pa/ 'jig rten snang byed las// lam gsang ba'i man ngag gi dngos grub bstan pa'i le'u ste nyi shu rtsa gnyis pa'o//// de nas bcom ldan 'das kyis ched du brjod pa 'di brjod do// 'jig rten dag gi mi rnams kyis// sangs rgyas gzugs ni mthong mi 'gyur// de bzhin nyid la sogs pa yang// bltas nas mthong ba ma yin te// so so'i las kyis de ltar mthong// gal te ji snyed mthong na ni// de nyid rgyal ba dam pa'o// nga yang sus kyang ma mthong ste// nga mthong zer ba su yis mthong// de yis nga ni mthong mi 'gyur// rang rig ye shes bya ba ni// sems can kun la mnyam par gnas// de nyid mthong na mthong ba yin// mis kyang mi la mthong ba med// de bzhin lha la sogs pas kyang// sangs rgyas gang yang mthong ba med// stong pa nyid kyi don rtogs na// sangs rgyas sangs rgyas mthong ba yin// sems la sems kyis bltas pas na// mthong ba med na mthong ba'i mchog/ de yi bsgom pa bsgom pa min// bsgom du med na sgom pa'i mchog/ de bzhin brjod du yod ma yin// brjod du med na brjod pa'i mchog/ de bzhin blta ru yod ma yin// blta ru med na lta ba'i mchog/ de bzhin bsam du yod ma yin// bsam du med na bsam pa'i mchog/ sangs rgyas sangs rgyas zhes bya ba// mtshan dang dpe byad med pa yin// ngag dang gsung dbyangs med pa yin// tshig dang tha snyad med pa yin// sems dang dran rtog med pa yin// thugs dang bsam du med pa yin// las dang dkyil 'khor med pa yin// 'khor ba mya ngan 'das pa med// zung dang zung du 'jug pa med// don dam kun rdzob bya ba med// thabs dang shes rab bya ba med// skyes pa bud med bya ba med// nyin mo mtshan mo bya ba med// de ltar thams cad med mthong na// sangs rgyas bya ba sangs rgyas yin// de bzhin gshegs pa thams cad kyi dgongs pa sku dang gsung dang thugs kyi dgongs pa/ 'jig rten snang byed las zag pa med pa sangs rgyas bstan pa'i le'u ste nyi shu rtsa gsum pa'o//// de nas yang gsang ba'i bdag pos bcom ldan 'das la gsol pa/ kye bdag cag yongs la/ bdag dang gzhan la spobs pa bskyed du gsol/ dga' ba bskyed du gsol/ bka' stsal pa/ sems can rnams la phan pa'i don ngas bshad par bya'o/ khyed cag dag dga' ba bskyed par gyis shig/ sngags mkhan dga' ba skyed pa'i phyir/ khyad par gyi dam tshig dang/ khyad par gyi lta ba dang/ khyad par gyi spyod pa dang/khyad par gyi ting nge 'dzin bstan par bya'o/ khyad par gyi dam tshig bstan pa ni/ slob dpon smad par mi bya ste// ngan song gsum las thar mi 'gyur/ khyad par lta ba bstan pa ni// ci yang med pa'i sems nyid la// bcos su yod par ngas ma bstan/ khyad par spyod pa bstan pa ni// rig ma dag la spyod pa ste// bza' ba'i zas la sngags la bzlas la// dam tshig can rnams spyan drangs te// gdug pa rnam gnyis tshogs la bstim/khyad par ting 'dzin bstan pa ni// spyi bo haM la mgrin par hrIH/ snying gar hUM la lte bar A+oM// yi ge gang yin yan lag la// thabs kyi sbyor bas 'od du zhu// de nyid yongs su khyab pa las// nyal ba rgyun gyi ting 'dzin ni// drug po bkag nas nyal ba'i tshe// 'od gsal mthong bar nga yis bshad// sku gsung thugs kyi dam tshig dang// yan lag nyi shu rtsa brgyad nyid// dam tshig kun gyi gzhi dang rtsa// spyod pa sdom rtsol spyad kyang// lta ba ma nyams dam tshig yin// mo rnams kun la smad mi bya// gdol pa mo yang dang du blang/ khyad par rigs can gces par gzung// de yang dam tshig rtsa ba yin// sngags dang phyag rgya rgyun mi gcad// de yang dam tshig rtsa ba yin// tan gaN spyod pa rgyun du spyod// de yang dam tshig rtsa ba yin// zhes gsungs so// de bzhin gshegs pa thams cad kyi sku dang gsung dang thugs kyi dgongs pa/'jig rten snang byed las/ mdo'i dam tshig bstan pa'i le'u ste nyi shu rtsa bzhi pa'o//// de nas yang 'dus pa rnams kyis/ bcom ldan 'das la 'di skad ces bstod do// dmar nag gru gsum 'bar ba'i dkyil 'khor nas// bskal pa'i me ltar 'bar ba'i skur bstan pa// shin tu mi bzad dpal chen rdo rje'i sku// zhe sdang thugs mchog yak+Sha he ru ka/ ye shes sku mchog rig 'dzin 'khor gyis brgyan// dmigs med thugs ni don dam dbyings na gsal// gsung gi nga ro stong gsum gang bar sgrogs// sprul pa'i byin rlabs khro bcu dbyings nas 'gyed// sku mdog mthing nag 'jigs pa'i rgyan gyis brgyan// g.yas kyi zhal mdog ljang nag bstan pa ni// phrin las bcol ba thams cad 'grub pa'i rtags// g.yon gyi zhal mdog dmar nag bstan pa ni// dbang drag rnam gnyis dus gcig rdzogs pa'i rtags// skye shi rtsad nas gcod pa'i mche gtsigs shing// bdud dgra nyes byed thal ba'i rdul du rlog/ rdo rje rtse dgu phyag na bsnams pa ni// sa dgu 'joms shing ye shes dgu dang sbyor// rdo rje rtse lnga bar na bsnams pa ni// rgyud lnga sbyang zhing sku lngar 'dren par mdzad// rdo rje ye shes me dpung bsnams pa ni/ khams gsum 'khor ba'i bags chags sreg par mdzad// rdo rje kha T+wA~M zhing chen bzung ba ni// bdud bzhi thal bar rlog cing dbang du sdud// rdo rje ri rab phur bu 'dril zhing 'debs// 'gal byed ma lus thams cad sgrol ba'i rtags// glang chen stag lpags zhing chen rgyan gyis brgyan// che btsan dpe med khams gsum rgyal por bstod// thod sprul la sogs sku la brgyan pa ni// gdug pa thams cad zil gyi mnon par mdzad// bskal pa'i me dpung 'bar ba'i klong na bzhugs pa ni// dug dang bag chags ngan pa bsreg pa'i rtags// rngam pa'i zhal nas hU~M sgra 'brug stong sgrogs pa ni// bdud dang srin po'i sgra skad zil gyis mnon// zhabs gnyis brkyang bskum tshul du dbyings dang sbyor// zhabs gnyis gyad kyi dor thabs gdug pa 'dul// sprul pa'i byin rlabs phyogs bcur sprin ltar gtibs// thugs rje rtse gcig breng breng rgyun mi dgongs/ A+oM badzra kI la kI la ya sarba big+h+nAM baM hUM hUM phaT/ ces bstod do// de bzhin gshegs pa thams cad kyi sku dang gsung dang thugs kyi dgongs pa 'jig rten snang byed las/kI la ya la bstod pa'i le'u ste nyi shu ste rtsa lnga pa'o//// de nas yang bcom ldan 'das la gsang ba'i bdag pos zhus pa/chos kyi phung po yang mang por bshad du gsol/ ston pa'i phung po mang po yang bshad du gsol/ gnas kyi phung po yang bshad du gsol/ 'khor gyi phung po mang po yang bshad du gsol/ dus kyi phung po mang po yang bshad du gsol/zhes gsol to// chos kyi phung po bka' stsal pa/ chos kyi phung po ni gsum ste/ lung dang rgyud dang mdo'o// ston pa'i phung po ni gsum ste/ sku gsum gyi bye brag go/ gnas kyi phung po ni gsum ste/'og min pad+ma can gyi gnas dang/ ri rab ri'i rtse mo dang/ mi yul gser gling la sogs pa'o// 'khor gyi phung po ni gsum ste/ phyi dang nang dang gsang ba'i 'khor ro// dus kyi phung po ni gsum ste/bya ba byed pa'i dus dang/ dus kyi mtha'i dus dang/ skad cig ma'i dus so// zhes gsungs so// de bzhin gshegs pa thams cad kyi sku dang gsung dang thugs kyi dgongs pa/ 'jig rten snang byed las/ phun sum tshogs pa'i bye brag bstan pa'i le'u ste nyi shu rtsa drug pa'o//// de nas bcom ldan 'das kyis mchog tu dga' ba zhes bya ba'i ting nge 'dzin la snyoms par zhugs nas de bzhin gshegs pa thams cad dang/byang chub sems dpa' chen po rnams la/ sngags kyi rgyal po 'di bstan par zung zhig ces ched du brjod pa 'di ched du brjod do// e ma sangs rgyas thams cad kyi/ byang chub chen po bla na med// 'da' ka de bzhin gshegs pa yi// rgyal po'i phyag rgya mchog gi rtags// 'da' bar mi mdzad dam tshig mchog/ phyogs bcu dus gsum de bzhin gshegs// de bzhin gshegs pa'i ngo bo nyid// brag khung kha ni byang du blta// nyi ma 'char ba'i skabs med ltar// so sor smin cing sdug bsngal ba// grol bar bya phyir bla med gnas// bstan phyir longs spyod rdzogs par bstan// lcang lo can gyi gnas mchog tu// mgon po kun la snyoms pa ngas// rdo rje'i 'khor lo bskor ba las// ljags kyi dbang por bdar nas ni// chos rnams kun gyi snying po 'di// kun gyi don du gsungs pa 'di// 'khor gyi byang chub sems dpa' dang// sangs rgyas de bzhin gshegs pa rnams// rnal 'byor don ni bstan par zung// so so'i skye bo ji snyed pa// yi ge 'dri mchod sbyin pa dang// nyan dang 'dzin dang klog pa dang// 'chang dang kha ton byed pa dang// de sems pa dang sgom pa dang// de bzhin gshegs pa'i ngo bo nyid// bla med byang chub thob par 'gyur// gang zhig 'di la mos gyur pa// rgyal ba rnams kyis rab bsngags pa// yon tan thams cad 'byung bar 'gyur// sa yi khyad par bgrod nas ni// bde ba chen po 'byung ba yin// sangs rgyas kun gyi byang chub sems// sku gsung thugs kyi gsang ba rnams// rtogs shing 'dzin par byed pa dang// rtag tu 'chang ba gang yin pa// de nyid nga dang 'dra bas na// sku gsung thugs kyi dbang rnams dang// gsang ba'i don du bstan pa yin// dngos po rnams kyi dam tshig kyang// mthong bzhin rtogs na rtogs pa yin// de bzhin gshegs pa'i de bzhin mchog/de bzhin nyid du gnas bcas nas// mu stegs la sogs skal med bzhin// mgon po kun gyi thugs rje yis// las 'phro can dang 'phrad par shog/ gang gi de bzhin gnas 'gyur ba// de bzhin mthong ba de bzhin gshegs// de bzhin nyid kyang dbyings nyid las// rtsol ba med pa'i rtsol sems dang// dmigs pa med pa'i dmigs sems dang// bsgoms du med pa'i bsgom pa yis// shes rab rnam gsum bdag nyid can// sa lam ye shes thob 'gyur bas// ye dag ye shes mthong 'gyur ba// de ni lhun gyis grub pa yin// de bzhin gshegs pas rab bsngags pas// 'phags pa byis pa'i skye bo dang// rang gzhan dag gi skye bo rnams// gang gis 'dir dad gyur pa la// dam pa 'di la bstan pa yin// de nas bcom ldan 'das kI la ya'i rgyal po la/ 'khor de dag thams cad kyis/ mgrin gcig dang dbyangs gcig tu 'di skad bstod pa'o// sku gsung thugs kyi bdag po mchog/ sku gsung thugs kyi snying po'i bdag/ sku gsung thugs kyis kun la khyab/ bdag cag kun gyis mthong phyag 'tshal// de bzhin gshegs pa thams cad kyi// yang dag ye shes rtogs 'dzin pa// rab tu mos pas dus gsum du// dpa' bo khyod la bdag phyag 'tshal// byang chub snying po can rnams kyis// don de nyan cing 'dzin dang 'chang// bsgoms nas gzhan la ston pa ni// ston pa bzhin du bdag phyag 'tshal// yang dag ye shes rgyud rgyal 'di// mthong dang mos dang 'bri dang nyan// gang gis ming tsam 'dzin pa yang// ston pa bzhin du bdag phyag 'tshal// ton pa bstan pa bla med las// mgur gyi bum par dril nas su// ljags kyi dbang por bkram byas te// ye ge chos rnams kun gyi rgyu// ston pa bzhin du bdag phyag 'tshal// zhes gsol to// de nas bcom ldan 'das de bzhin gshegs pa kI la ya'i bdag po de nyid kyis 'khor la shin tu dga' bar gyur te/ chos thams cad sgyu ma'i dpe brgyad dang 'dra bar mthong nas/ sku gsung thugs kyi snang ba sku gsung thugs rdo rje la snyoms par zhugs par mdzad do// 'khor rnams la gzigs nas cang mi gsung bar snang ngo// de nas de bzhin gshegs pa'i 'khor dang// byang chub sems dpa'i 'khor dang// cho 'phrul dang rdzu 'phrul 'bar ba'i 'khor rnams kyang ston pa'i byin rlabs kyis/ sku gsung thugs rdo rje la zhugs so// zhug pas de bzhin gshegs pa thams cad chos nyid mnyam pa nyid du dbyer med par gyur to// de bzhin gshegs pa thams cad kyi sku gsung thugs snang ba'i dgongs pa/ 'jig rten snang byed las/ yongs su gtad pa'i le'u ste nyi shu rtsa bdun pa'o//// de bzhin gshegs pa thams cad kyi gsang ba dam pa gsang chen las/'jig rten snang byed rdzogs so//// rgya gar gyi mkhan po dz+nyA na gar+b+ha dang/ zhu chen gyi lo ts+tsha ba bai ro tsa nas gtan la phab pa'o// ka co zhang gsum gyis kyang zhus te dag/

CLOSE WINDOW