46a1 rgya gar skad du/ kro d+ha ma hA ba la tan+t+ra/ bod skad du/ khro bo stobs po che'i rgyud/ dpal khrag 'thung rol pa'i sku la phyag 'tshal lo// 'di skad bdag gis thos pa'i dus gcig na/ khrag 'thung rol
46a2 pa'i rgyal po/'og min chos kyi dbyings kyi pho brang na/ phyi nang med pa'i zhal thal le gzigs pa'i gzhal yas khang pad+ma b+ha ga'i gdan stengs na/ rin po che rnam lnga spras pa'i phyogs bzhi nas ye shes bzhi'i sgo
46a3 shar cing/lha dang lha mo'i tshogs thams cad kyang rol par mdzad cing bzhugs pa'i gnas de na yum dang gnyis su med pa'i rol pa mdzad cing bzhugs so// 'khor karma he ru ka dang/ dom gyi mgo can dang/
46a4 byi ba'i mgo can dang/ mgo brnyan gyi tshogs kyis 'di skad ces zhus so// 'khor gyi mtshan nyid gang gsung lags// rol pa'i phrin las gang gsung lags// gdug pa log lta gdul slad du// snying rje chen pos
46a5 bdag la ston// zhes gsol pas/ de nas bcom ldan 'das khrag 'thung gi rgyal po des/ phyi nang du snang ba thams cad la khros pa'i spyan gyis so sor bye drag tu gzigs so// de nas yum la snyoms par zhugs
46a6 te/mnyam pa'i ngang las khro bo'i skur sprul te/ gdug pa can gyi tshogs rnams la yang rnam par gzigs so// log pa'i lam rnams la yang rnam par gzigs so// sangs rgyas dang byang chub sems dpa'i tshogs
46b1 rnams la yang rnam par gzigs so// de nas 'gro ba sems can gyi don la 'khor rnams kyis bskul bar rab tu brtsam nas dkyil 'khor gyi las la zhugs par gyur to/ khro bo stobs po che'i rgyud las gleng
46b2 gzhi'i le'u ste dang po'o// de nas yang dpal khrag 'thung gi rgyal pos/ dkyil 'khor gyi don gsungs te/ stobs po che yi dkyil 'khor ni// las kyi rdo rje rgya gram la/ kha dog sngon po 'od dang bcas// de yi lte
46b3 ba gru bzhi la// mthing nag gru gsum 'bar ba bri// pad+ma kha dog lnga dang ldan// rdo rje ra ba'i bar du bri// de yi nang du bsam bya ba// sbrang rtsi'i snyigs ma las gzugs bya// gro ga shing shun gang dang gang// dur
46b4 khrod ro yi khrag gis ni// ming dang rus gnyis bris nas ni// dpral bar ming ni bslan par bya// snying gar gru gsum rab brus la// de ru gzugs dang rus su bcas// bcug la bzhag par bya ba yin// de yi
46b5 steng du bsam pa'i lha// sa 'og las ni skur bzhengs la// rdo rje cho ga gsum gyis gsal// sku ni sngon po 'bar bas 'khrigs// zhal gcig phyag gnyis zhabs kyang gnyis// phyag g.yas rdo rje chen po
46b6 'bar// g.yon pa sdig pa'i mdzub mo ston// skra ser gyen 'khyil sbrul gyis brgyan// spyan bzlog gsum gzigs zhal gdangs nas// smin ma rab btegs ag tsom 'bar// stag lpags g.yang
47a1 gzhi'i gam thabs can// ye shes me dpung rang nyid bsgom// de yi sbyor ba rab btang nas// dgug ste gzugs la phabs nas ni// seng ldeng phur pa sor brgyad la// sngon dmar skud pas sbrel la
47a2 bzhag/bsrung ba'i lha dang phye phral la/ sngags kyi 'od zer ma rungs pas// gzung [[]gzugs []]phung rab tu 'jigs par bsam// ye shes sems dpa'i thugs las byung// bzlas grangs khri phrag gsum du bz
47a3 las// dus dus su ni phur pas bsdigs// yungs dkar thogs la sngags bzlas la// gzugs brnyan de la brdeg par bya// thugs kyis sa bon 'od zer gyis// las gang byed pa nyid du brtag/ dus bzhir
47a4 dgug cing bstims par bya// mtshan ma bzang po byung ba dang// gnas lnga dag tu gdab par bya// mtshon gyis gtubs la zhal du bstabs// de yis las la nges par ni// 'grub 'gyur 'di la the tshom
47a5 med// sems can tsha bas gdung ba la// char pa'i rgyun rnams rab dbab na// gzhal yas gsal ba'i dbus su pad// de steng nyi ma zla ba bsam// thabs dang shes rab mthu yis gsal// de gnyis dbus su
47a6 bsam bya ba// sbrul gyi chen po'i gdan du bsam// de steng bdag po'i gzugs bsam te// de las 'od 'phros slar 'dus pas// bdag po'i dngos gzhi rab zhu ste// mi shigs don ldan nyid du brtag/ de las
47b1 'phros 'od slar 'dus pas// chos dbyings gzugs brnyan nyid du ste// de la sngags 'di sku ltar byung// oM badzra kro d+ha hUM ma hA ba la hUM// gsang sngags brjod pas sku ru gyur// dbu gsum phyag drug rgyan dang
47b2 ldan// g.yas pa dkar la g.yon pa dmar// dbus ma dud kha lta bu ste// g.yas g.yon rdo rje b+han+d+ha'o// bar ma tho ba lcags kyu'o// tha ma 'dul ba'i phyag rgya bsnams// thugs ka'i hUM las 'bar bar
47b3 bskyed// sgra'am grib ma'i tshul du bsam// de ltar yongs su rdzogs pa dang// ye shes sems dpa' bsam par bya// ting 'dzin sems las 'od 'phros pas// phyogs bcu'i rgyal ba spyan drangs te// bdag gi
47b4 gtsug tu bzhugs par brtag/de la bskor na lan gsum bya// phyi nang gsang ba'i mchod pas mchod// de rjes dbang rnams tshang bar nod// de nas rang bzhin gnas su gshegs// thabs dang shes rab khyad
47b5 par las// 'khor gyi dkyil 'khor gsal bar bskyed// zhal gcig phyag gnyis sku mdog dud// ka ra bI ra'i phur bu'o// sbrul brgyan phur bu'i gdan la bzhugs// sa bon rnams kyis rnam par
47b6 mtshan// sgo bzhi gzhan la de bzhin yin// yab yum thabs dang shes rab kyis// bskyed pa'i sngags kyis rab bskul nas// yongs su rdzogs pa'i dkyil 'khor ro// rdo rje g.yab mos g.yab nas ni// ye shes
48a1 dkyil 'khor spyan yang drangs// dgug dang gzhug dang bstims pa ste// brtan par byas la mchod rdzogs bya// bstod pa byas la bzlas par gzhug/ snying ga'i hUM las 'od 'phros pas// 'og gi klu
48a2 rnams bkug nas ni// bdag gi zhabs 'og tshud par bsam// de la bzlas pa'i snying po 'di'o// oM s+pho Ta ya s+pho Ta ya/ nA ga ta la phaT/ nA ga nA ga dun dun/ hr-i da ya phaT/ de ltar sngags 'di khri phrag
48a3 gcig/rab tu drag par 'di bzlas na// klu rnams rab tu skrag 'gyur te// char gyi rgyun rnams 'bebs par brtag/ de yi mtshan ma bstan pa ni// nyams thag 'o dod 'bod pa'am// sbel gcod skams pa mthong
48a4 ba dang// de nas las la sbyar bar bya'o// chu mig gnyan po'i khar song la// klu rnams sna tshogs gtor ma bshams// de la ba dmar 'o ma sbreng// hUM/ ston pa nga yi bka' bsgo yis// klu chen brgyad la sogs pa
48a5 yi// ba su ri drug 'dir 'dus shig/ so so'i gnas nas bskul bar bsam// bdag gi thad kar 'dus nas ni// ji ltar bgyi zhes zer bar bsam// nga yi gtor ma 'di long la// sems can tsha bas gdung
48a6 ba la// char pa'i rgyun rnams dbab tu gsol// gtor bsngos tshig bshad 'di yang brjod// gal te char pa mi 'bebs na// ka ra bI ra'i rgya lcags gis// gzugs phung thal ba bzhin du ni// brlag par 'gyur
48b1 te gdon mi za// nA ga tsit+ta sa ma ya s+t+waM// sngags kyis gnad la bor ba yis// char kyi rgyun rnams nges par 'beb// gal te char pa ma ster na// dur khrod ras ma blangs nas su// rang byung me tog se 'us
48b2 byug/ldong ros ser pos 'khor lo bri// 'khor lo'i dbus su stobs chen bri// zhal gcig phyag kyang gnyis pa ste// g.yas pa rdo rje g.yon rgya lcags// sngags rnams bzlas zhing klu la brab// 'khor lo'i rtsibs
48b3 la sngags 'di'o// dang por s+pho Ta tha mar phaT// de ltar yi ge brgya pa yis// 'og gi 'khor lo'i yi ge bskul// 'og gi 'khor lo 'dab brgyad dbus// klu gzugs dbu gsum sbrul mgo drug/ g.yas pa ut+pal
48b4 g.yon pa pad// 'khor lo pad+ma'i rtsibs dag la// NaN gyis mgo byas la phaT kyi bzhug/ de ltar yi ge bcu drug dang// rang snying sa bon de rnams kyis// 'od kyi klu rnams bsreg par bsam// dang pos dgug
48b5 dang gnyis pas bstim// tha mas gzir te lcags kyis naN byung brab// de ltar byas na klu rnams kun// shin tu skrag cing sngangs 'gyur te// rgya mtsho'i rlabs nas char gyi rgyun// shin tu rlabs nas phebs par
48b6 byed// de yis 'ong bar gdon mi za// gtor ma bsngos la 'khor lo bkru// ba dmar ra dkar 'o mas gso// klu sman rnams kyis klu rnams gso// gal te char pa che gyur na// 'khor lo steng ma'i steng 'dug
49a1 la// 'og gi sngags rnams gzhug nas bzlog/ sngags des char pa 'chad par nges// bsdu bar byas la rang lha nyid// gsal ba'i dkyil 'khor de nyid lha// 'di ni dkyil 'khor zhes bya'o// drag
49a2 po'i dkyil 'khor rab gsal bri// rgyan dang rol mo dpag bsam shing// 'dod pa'i yon tan rnams kyis rgyan// rgyal mtshan la sogs rgyan rnams kyis// gsang ba'i dkyil 'khor kun la brgyan// las
49a3 'di kun gyi mchog dam pa// rnal 'byor dam pas nyams blangs na// las gang bya bar thogs pa med// dam tshig ting 'dzin ldan pa'i mi rnams kyis// byas la 'bras bu yod ces bya/ khro bo stobs po che'i rgyud
49a4 las/dkyil 'khor dang char pa dbab pa'i le'u ste gnyis pa'o//// de nas bcom ldan 'das khrag 'thung gi rgyal po des/ skrangs 'bur gzhom pa'i don 'di bstan te/ bdag nyid stobs po che ru
49a5 bsam// lce la rdo rje rtse gsum bsgom// nad pa'i lus la ldag par bya// 'bru dgu'i zhabs la nA ga gdags// stobs chen snying po rab tu gces// nad rnams thams cad zhi bar bsam// sman la gdab cing
49a6 khong du gtong// gser la gdab cing phyi ru brlan// tho rangs bya skad ma thon par// sngags rnams btab pas the tshom med// nad rnams thams cad zhi bar bsam/ khro bo stobs po che'i rgyud las/ skrangs 'bur
49b1 gzhom pa'i le'u ste gsum pa'o//// de nas bcom ldan 'das khrag 'thung gi rgyal pos/ sri mnan pa'i don 'di gsungs so// bdud chen pad+ma gar gyi dbang phyug dang/ bdud mo pad+ma gar gyi dbang phyug ma
49b2 gnyis la bu gcig skyes te/rgyal po phung pa'i phung sri/ blon po phung pa'i phung sri/ yul mi phung ba'i sri/ dgra sri/ dme sri/ sgo sri/ chung sri/ dur sri/ rnal 'byor pa'i dam sri/ god sri'o// rgyal po phung ba'i phung sri
49b3 ni// mon nam hor mo spyi rings sam// mon glang phyug gi thod pa ru// chos 'khor dbus su gnan par bya// blon po phung ba'i phung sri ni// spre'u 'am ne tso'i thod pa ru// mdun ma 'dus sar gnan par bya// yul
49b4 mi phung ba'i phung sri ni// mdzo rtol dre'u'i thod pa ru// grong gi dbus su mnan par bya// yang na yul gyi mdo nyid do// dgra sri rta g.yag thod pa ru// dgra zun mtshams su gnan par bya'o// dme sre khyi spyang thod pa
49b5 ru// grong gi dbus su gnan par bya'o// sgo sri phag gi thod pa ru// them pa'i 'og tu gnan par bya// chung sri phag gu'i thod pa ru// mal gyi 'og tu gnan par bya// dur sri wa dang grum thod dam// yang na sre
49b6 mo'i thod pa ru// dur gyi 'dabs su gnan par bya// rnal 'byor dam sri mi dang khyi// phag thod la sogs pa la ni// mchod rten nang du gnan par bya// god sri ri'u lug thod pa ru// ra ba'i dbus
50a1 su gnan par bya'o// de rnams gang byed thod pa ru// 'khor lo rtsibs drug khris pa la// dbus su nr-i dang tri bri'o// dgra la byed na nr-i yang bri// rtsibs drug la yang sngags drug bri// mtha' ma khro
50a2 bcu'i sngags kyis bskor// dbus kyi lte bar gzugs bris la// snying gar rus la dpral bar ming// yan lag bzhi la yig 'bru bzhi// mA ra ya yis mtha' ma bskor// shog bu la yang de bzhin bri'o// sngon
50a3 dmar dkri zhing re bas gtum// bsnyen bsgrub gdab las tshul bzhin bya// zor dang hom dang mnan pa dang// tha mas las su grub pa yin// gang du byed par gru gsum bri// e yi tshogs kyis gzhal yas
50a4 bskyed// stobs po che yi thugs ka nas// dzaHlas lcags kyus bkug cing bstim// thod pa de ru sngas nas ni// stobs po che yi phur gyis gdab// rgya gram mnan cing las bzhis brdung// gang las byas kyang the
50a5 tshom med/khro bo stobs po che'i rgyud las/ sri mnan pa'i le'u ste bzhi pa'o//// de nas bcom ldan 'das dpal khrag 'thung gi rgyal po la/ karma he ru ka dang/ dom gyi mgo can dang/ byi ba'i mgo can dang/
50a6 'khor mgo brnyan gyi tshogs kyis gsol ba gdab pa'i phyir 'di skad ces bstod do// kye ma gsang ba'i bdag nyid gtso// sku gsung thugs kyi rab zab pa// rgya mtsho lta bu'i ngang tshul can// zil gnon chen po
50b1 khyod la bstod// ces gsol pas/ de nas khrag 'thung gi rgyal pos 'khor rnams la 'di skad ces bka' stsal to/ khyod ni bcom ldan nga dang 'dra/ khyod ni khrag 'thung nga dang mnyam// sems can kun la phan byed
50b2 yin/khams gsum snyoms pa'i pha ma yin// zhes gsungs so// de nas 'khor rnams dges nas sku gsung thugs la btud do// de nas khrag 'thung gi rgyal pos 'di skad ces bka' stsal to// nga ni mnyam pa'i
50b3 ngang la 'jog/de tshe gsung pa'i lung chen yang// rgyal po dza zhes khang stengs su// gsang sngags rgyud rnams 'byung 'gyur gyi// shAkya thub pa'i bstan pa la// dbus 'gyur tshal du dar bar 'gyur/ khro bo stobs po
50b4 che'i rgyud las/rgyud yongs su gtad pa'i le'u ste lnga pa'o/// khro bo stobs po che'i rgyud khro bcu rol pa'i rgyud chen po rdzogs so////


CLOSE WINDOW