39b3 /// khro bo gzhan gyi mi thub pa'i rgyud rdzogs so//// rgya gar skad du/ kro d+ha kuN+Da li a mr-i ta tan+t+ra/ bod skad du/ khro bo bdud rtsi 'khyil ba'i rgyud/ dpal
39b4 khrag 'thung gi rgyal po la phyag 'tshal lo// 'di skad bdag gis thos pa dus gcig na// bcom ldan 'das khrag 'thung gi rgyal po yis/ 'og min gyi gnas gzhi mtha' dang dbus med pa/ mi 'gyur ba'i mkha'
39b5 klong rnam par dag pa'i gzhal yas khang na/yum dang gnyis su med par sbyor ba'i ngang la bzhugs pa'i tshe/ karma he ru ka dang/ seng ge'i mgo can dang/ pha wang gi mgo can dang/ mgo brnyan gyi tshogs dang yum
39b6 'thor byed mas 'di skad ces zhus so// e ma ho// gsang ba'i 'od zer 'bar ba yis// gdug pa 'joms pa'i drag po 'di// rol pa'i gdangs sgra 'jigs pa'i sku/ khros pa'i sku mchog bdag la ston// zhes
40a1 rnam par bskul bas/bcom ldan 'das khrag 'thung gi rgyal pos/ bskul ba thugs su chud de/ 'od zer gyi ngang la gdug pa can thams cad bsgral nas/ cho 'phrul gyi ting nge 'dzin las
40a2 bzhengs te/'gro ba 'dul ba'i dkyil 'khor 'di gsungs so/ khro bo bdud rtsi 'khyil ba'i rgyud las/ gleng gzhi'i le'u ste dang po'o//// de nas bcom ldan 'das khrag 'thung gi rgyal po des/ bdud rtsi 'khyil
40a3 ba'i dkyil 'khor 'di gsungs so// bdud rtsi 'khyil ba'i dkyil 'khor ni// ljang nag gru gsum 'bar ba yi// mtha' ma mtshon cha'i 'khor lo bskor// rab tu 'od dang ldan par bri// de yi dbus su bsam bya
40a4 ba// rlung gi gdan nyid bsam par bya// de yi steng du nyi zla'i gdan// de steng brdzus skyes rim pa yis// bdud rtsi 'khyil pa rab rdzogs par// de la dkyil 'khor rab bcug ste// de yis thams cad ldan par
40a5 'gyur// dung gi phur pa tshon gang ba// rab rdzogs byang chub sems las phyung// byang chub sems kyis de dbang bskur// bzlas pa khri phrag gcig tu bya// de nas stag pa'i lo ma la// byang chub sems ni yub yum
40a6 gyis// de yi mtshan ma bri gsal bar// byas la gsang ba'i gnas su'o// de la gdab par byas nas ni// nges par dmigs pa de brlag 'gyur// dus gsum sangs rgyas des bskul na// sems can kun la ngo
40b1 bo nyid// rab tu shes nas don rnams mdzad// dur khrod zhing gi ras ma la// sha ba'i 'khor lo rab brtsams la// de yi steng du gzugs brnyan bya// bzlas pa khri phrag gsum du bzla// de la rlung gi dkyil 'khor
40b2 bskyed// la las khrid de la las brdeg/ de yis lho phyogs bskyal la bzhag/ yang na rang gi gnas su bskyal// dur khrod dbus su de bcug na// de yis gnas la bskyod par nges// gu gul sbyar ma bzang po
40b3 la// gsang ba'i sngags kyis rab btab ste/ khros pa'i sems su gnas byas te// dur khrod me chen rab sbar na// gdon dang 'byung po ma rungs dang// mu stegs lha rnams bred cing brgyal// 'di ni bdug pa'i
40b4 mchog yin no/khro bo bdud rtsi 'khyil pa'i rgyud las// dkyil 'khor dbye ba'i le'u ste gnyis pa'o//// de nas bcom ldan 'das khrag 'thung gi rgyal pos/ bdud rtsi sgrub pa'i don 'di gsungs te/ dkyil
40b5 'khor pad+ma 'dab brgyad la// dbus su sngags kyi bdag po dgod// 'dab brgyad so so'i lha rnams dgod// dbus su bam chen bsgyil la bsgrub// cho 'phrul rtags 'byin rdo rje ka pA la// bkra shis mi 'gyur rdo
40b6 rje ka pA la// dngos grub rtags 'byin rdo rje ka pA la// bkra shis mtshan ldan rdo rje ka pA la// yang na rus sbal khog pa ru// yang na ce spyang thod pa ru// sha lnga bdud rtsi lnga yang blugs// skyobs ni bdud rtsi'i rgyud
41a1 las grags// rtsa ba brgyad la yan lag stong// spyi yi brgyad dang nang gi brgyad// gsang ba'i brgyad dang mthar thug brgyad// yal ga rgyal ba'i dgongs pa mnyam/ kha dog rigs kyis shes par
41a2 bya// bdud rtsi chen po'i ril bu bya// bsnyen bsgrub gsum gyi rim bu sbyang// gsang sngags gzhug la a mri ta// sngags rnams rab tu bzlas pa gces// de nas rnal 'byor dngos grub blang// ril bu chen po
41a3 bza' bar bya// bcud len dngos grub thob par 'gyur// bdar la zhi khro'i lha la gtor// bdud rtsi mchog sgrub ces bya'o/ khro bo bdud rtsi 'khyil pa'i rgyud las// bdud rtsi sgrub pa'i le'u ste gsum
41a4 pa'o//// de nas bcom ldan 'das khrag 'thung gi rgyal pos/ gtor ma gtong ba 'di gsungs te// rin chen snod du gtor bsags la// raM yaM khaM gis bsreg sbyang bya// gtor ma stong pa nyid du
41a5 bsam// gtor ma'i nang du hUM gcig bsam// rtsa ba'i sngags kyis khro bor bsam// hUM gnyis khro bcu sras dang bcas// hUM las mi bzad phur pa drug/ dzaHhUM baM hoH spyan yang drangs// mgron gyi lha rnams spyan
41a6 drangs shing// hUM hUM hUM gis bstim par bya// oM AHhUM gsum gyis byin brlabs la// 'dod yon drug gi lha mor bsam// rtsa ba'i sngags kyis mgo drangs la// badzra yak+Shas dbul bar bya// phrin las bcol ba'i
41b1 tshig gis bskul// dngos grub bar chad byed pa'i bgegs// gdug cing sdang sems ldan pa rnams// lus ngag rdul phran bzhin du rlog/ thal mo brdab cing phrin las bcol// de ltar rtag tu byas pa na// mkha'
41b2 'gro rnams kyang mngon du 'gyur/khro bo bdud rtsi 'khyil pa'i rgyud las/ gtor ma'i le'u ste bzhi pa'o//// de nas bcom ldan 'das khrag 'thung gi rgyal pos/ sems kyi don bstan te/ sems ni chos kyi
41b3 dbyings nyid las// cir yang snang ba cir yang med// chos nyid yang dag rdo rje 'dra// ma bcos chos nyid mnyam pa nyid// ma rtogs pa yi sems can la// zhi ba dbang dang drag po dang// rgyas pa la sogs mang du
41b4 bstan// byang chub sems gyi rang bzhin te// zhi ba yang ni byang chub sems/ khro bo yang ni byang chub sems// rtogs pa rnams la dbang chen po// byang chub sems kyi don rtogs na// zhi khro rang gi byang chub
41b5 sems// rtogs na rang dbang chen po thob// 'dus pa thams cad mi rtag pa'o// 'dod na chos kyi dbyings su 'dod kyang nga ru 'dzin// chags na sku dang ye shes gnyis la chags kyang 'dod chags rgyu// zhen na sku
41b6 dang ye shes gnyis la zhen kyang 'khor ba'i rgyu// byang chub sems kyi rang bzhin ni// chags pa med la zhe 'dod med// mnyam pa nyid du bzhag pa ni// thams cad mi 'gyur gtor ma yin/ ye grub yang// sems
42a1 rnams thams cad chos nyid do// nyon mongs bdud la ye shes rtsi// bdud rtsi zhes kyang de la bya// thams cad chos nyid ngang la gnas// chos kyi dbyings las g.yos pa med/ khro bo bdud rtsi 'khyil
42a2 pa'i rgyud las/lta ba'i le'u ste lnga pa'o//// de nas bcom ldan 'das khrag 'thung gi rgyal po la/ karma he ru ka la sogs te/ 'khor rnams dgyes nas 'di skad ces zhus so// e ma ho khrag 'thung rgyal po
42a3 legs so legs so// ji ltar khyod kyi bstan bzhin du/ khyed kyi thugs rje'i byin rlab kyis// bdag la rab tu bshad pa'o// ma dag 'khor ba'i don du ni// bcom ldan 'das kyi bdag la lung bstan du
42a4 gsol// bcom ldan 'das badzra kI la yas// karma he ru ka'i tshig gsan nas// 'di skad ces bka' stsal to// e ma ho/ bde ba slad ma'i lung ston yin// gdug pa slad kyi tshar gcod yin// ye shes sprul pa'i
42a5 sku mchog yin// spros med mkhyen pa'i thugs mchog yin// zhes bka' stsal to/ khro bo bdud rtsi 'khyil pa'i rgyud las/ rgyud yongs su btad pa'i le'u ste drug pa'o/ khro bo bdud rtsi 'khyil pa'i rgyud rdzogs
42a6 so////


CLOSE WINDOW