19b6 / rgya gar gyi mkhan po dz+nyA na gar+b+ha dang/ bod kyi dge slong bai ro tsa nas bsgyur cing gtan la phab pa'o////@#/ / rgya gar skad du/ kro d+ha hUM kA ra tan tra rA dza tan+t+ra/ bod skad du/ rgyud
20a1 kyi rgyal po khro bo hUM kA ra'i rgyud/bcom ldan 'das dpal khrag 'thung gi rgyal po la phyag 'tshal lo// 'di skad bdag gis thos pa'i dus gcig na/ bcom ldan 'das dpal khrag 'thung gi tshogs/
20a2 'og min chos kyi dbyings kyi pho brang na/ mtha' dang dbus med pa'i d+harma d+hA tu/ chos kyi 'byung gnas gru gsum e'i dkyil 'khor 'byams pa'i gzhal yas khang na/ yab yum gnyis su med par lhun gyis sbyor
20a3 ba la bzhugs te/'khor mche ba can gyi tshogs dang/ gshog pa can gyi tshogs dang/ mgo brnyan gyi tshogs mtha' dag gis bskor te/ rang bzhin gyi lhun gyis grub par bzhugs so// de nas mgo brnyan gyi
20a4 tshogs kyis/bcom ldan 'das khrag 'thung gi rgyal po la/ phyi nang gi mchod pas mnyes par byas nas/ 'di skad ces gsol to// e ma gsang ba'i dkyil 'khor na// dus gsum 'du 'bral med par
20a5 bzhugs// gnyis med ye shes rab mchog bsgral// de yi sngags rnams gsungs lags na/ khro bo so so'i dkyil 'khor rnams// bcom ldan mgon pos bshad du gsol// bcom ldan badzra kI la yas// karma he
20a6 ru ka yi tshig gsan nas// phag mgo smig bu'i mgo rnams la// gsung gis 'di skad bka' stsal to// so so'i dkyil 'khor dam pa rnams// nga yis bshad kyis mnyan par gyis// bcom ldan gnyis med gtso
20b1 chen gyi// dkyil 'khor dam pa bstan pa ni// dang po gzhung dang mthun pa yi// sa phyogs de dang de nyid du// rnal 'byor dam pa de gnas pas// rang gi snying gar hUM bsams la// de las 'od 'phros sangs rgyas
20b2 mthong// mchod 'bul la sogs gzhung bzhin du// de la shU'u n+ya tA yis sbyangs// de rjes gzhal yas la sogs pa'i// rgyan dang ldan pa de mthong nas// 'khor lo rtsibs bzhi mu khyud bcas// gru chad bzhi yis
20b3 rnam par mdzes// nyi ma zla ba'i gdan stengs su// hUM chen yab yum 'khor tshogs dbab// sa bon bkod la gsal bar brtag/ drod gsher las skyes yin par ni// mkhas pas brtags te shes par gyis// de
20b4 nas gtso bo'i sems de yis// phyogs bcu'i sangs rgyas rnams bkug ste// bstim pas dbang yang rdzogs par ldan// de la phyi nang mchod pas mchod// gsang ba'i don dam yang dag ste// de yis las rnams
20b5 brtsam par bya// rgyud kyi rgyal po hUM ka ra'i rgyud las// gleng gzhi'i le'u ste dang po'o//// de nas yang 'di skad gsungs te// hUM kA ra yi dkyil 'khor ni// zla gam dmar po'i dkyil 'khor la// mdzes pa'i
20b6 sku mchog gsal ba ni// sngags bzlas pa yis gsal bar gyur// sku gsung thugs kyi rdo rje bsam// bzlas pa'i yig 'bru yang dag dgod// shes rab gsal ba'i yi ge yis// bum pa dmar po 'od dang
21a1 bcas// de yi kha rgyan a shwa ka/ mgul ba dar dmar bzang pos dkris// nyi khri chig stong drug brgya bzlas// mtshan ma bzang po mthong ba dang// las la sbyar bar bya ba yin// thabs dang bcas
21a2 pa'i 'od zer gyis// dang po gnas nas bskul bar bya// de yi las sbyor gang la yang// sems pas yang nas yang du bya// lus la tsan dan dmar po byug/ dgongs dang tho rangs sngags mang bzlas// g.yo ba'i
21a3 rdzas kyi rkyen byas nas// phur gdab gsad pa'i las bya zhing/ dbang sdud 'gugs pa'i las de bzhin// bsgrub na 'grub par gdon mi za// rgyud kyi rgyal po hUM kA ra'i rgyud las/ las kyi dkyil 'khor dbye ba'i
21a4 le'u ste gnyis pa'o//// de nas yang 'di skad ces gsungs so// ser ba dbab pa'i las rnams ni// sbyor ba spyi dang mthun pa yis// dkyil 'khor rtsibs brgyad 'khor lor bri// rdzas ni yungs kar
21a5 khrag skam gu gul gsum/thod pa mtshan ngan dum drug tu// rtsibs brgyad 'khor lo bris nas ni// dbus su a dzi te dza ye bi dza ye ka tang ka de gsum bri'o// zlum po la ni kI la ya 'bru dgu'o// rtsibs brgyad
21a6 phyogs kyi khro bo brgyad// shar lho nub byang rtsibs mchan la// steng du 'og gi snying po bri// rtsibs mchan drug la du yang sngags drug bri// tha ma mu khyud zlum po la// thod pa dbus su bsdus yin pas// 'bru dgu khro
21b1 bo'i las sngags bri// thod pa shar du kha bltas la// oM laM rgyas pa'i sngags dri'o// seng ldeng phur bu'i steng du oM// rgya mdud logs la 'bru brgyad dgod// lcum gzhogs dbal la khro bcu'i sngags// rgya mdud
21b2 bar la chu srin kha sprad bri// logs drug zur gsum dam can gsum gyi sngags// de rjes pad+ma'i khrag dang mi dbang 'bras bu'i sha khrag dang/ khrag sna snying sna tshogs tshad dang// mtshams bcad byin dbab bka'
21b3 bzhin no// thod pa dbus su kha sbub la// seng ldeng phur pa dbus su bkod// phyi ma rdzas rnams kun la dgod// phrin las gzhung bsrang 'dzab la 'jug/ thod pa snar mor bsam byas la// steng du chu yi dkyil
21b4 'khor bsam// oM badzra kI li kI la ya sarba big+h+nAn baM hUM phaT/ hU~M ma ma ba shaM ku ru ma taM nya ka ra i daM d+ha ti ma ma karma shI g+h+raM kA ra ya/ A be sha ya A be sha ya hUM phaT/ mA ra se na pra marda ni hUM phaT/ dpyid zla gsum
21b5 la bsnyen sngags bzlas/kha ba khu 'phang rlung dmar gsum// de rnams byung na 'grub par 'gyur// thod pa snar mor bsam steng nas// lha rnams bsams pas gtso bo'i thugs la gnas// sprul pa bye ba bsam
21b6 byas la// chu bcol ser ba dkar po 'byung bar bsam// oM badzra kI li kI la ya che ge mo'i lo thog la/ shi traM ka ra ka ra ka ra te yi A be sha ya A be sha ya hUM phaT/ oM mA ma ba shaM ku ru ma taM nya ka ra i daM/ d+ha ti ma
22a1 ma karma a dzi te/a pa ra dzi te dza ye bi dza ye/ ka tang ka ye mA ra se nA pra mar d+ha ni ya hUM phaT/ thod pa'i khrag dang snying sna dang// gu gul gsum po thod par blug/ seng ldeng phur pa yungs kar phur
22a2 la gdags// rtags ni thod par me 'bar ro// gong ma'i rtags ni ma byung na// sngags drug dam can dkrugs la yin// pho dang mo yi log men bzlas// rdo rje gsang bas gnad la dbab// de nas dpyid zla tha
22a3 chung la/khrag skam 'bras bu gsum po dang// gtor ma dum gcig ming kun bsre// thod par blugs la yul der phyin// gu gul dud btang bden pa bdar// thod pa chu mig nang du sba'o// phur pa dkyil du
22a4 gdab par bya'o// rdzas sna gsum yang gtor byas la// gar 'bebs ri rtse de la phyin// phrag la thab bya dpang yang gzug/ ston zla gsum la ri rtser bya// ri rtse mthong nas bskul bar bya// ma grub ston zla ra ba
22a5 dgu// 'bring po kun la rab tu shis// ma phebs tha ma gzhi nas spogs// rgyud kyi rgyal po hUM kA ra'i rgyud las/ mkha' 'gro mas ser ba dbab pa'i le'u ste gsum pa'o//// de nas yang 'di skad ces
22a6 gsungs so// phur ni byang chub sems su gcig gyur pa// pa ni sems kyis ma khyab med pa ste/ phur ni rdo rje gzhon nu nyid la bya// pa ni khro bo rnams la bya ba'o// phur ni skye ba med la bya// pa ni thams cad 'gag
22b1 pa med// phur ni rig pa byang chub sems// pa ni thams cad der grub pas// phur ni thams cad byang chub sems// pa ni thams cad kun tu khyab// phur ni thams cad gtso bo'i mchog/ pa ni thams cad 'khor
22b2 gyi tshul// phur ni thams cad skye ba med// pa ni rol pa 'gag pa med// phur ni byang chub sems su gcig/ pa ni thams cad de ru 'grub// chos nyid phur pa thams cad rgyud// bskul ba chos kyi dbyings la
22b3 gdab// thugs rje'i phur pa nyon mongs log par 'khyams pa rnams la gdab// gsang ba byang chub sems kyi phur pa ni// rtog tshog rdung phyir yum gyi mkha' la gdab// mtshan ma rdzas kyi phur pa ni// bsgral phyir
22b4 dgra bgegs gnyis la gdab// rgyud kyi rgyal po khro bo hUM kA ra'i rgyud las/ phur pa'i don bstan pa'i le'u ste bzhi pa'o//// de nas bcom ldan khrag 'thung gi rgyal po des/ 'khor rnams la 'di skad ces
22b5 gsungs so// de nas phag gi mgo can dang// smig bu'i mgo can la sogs pas// gsol ba gdab pa'i phyir 'di skad do// kye ma gsang ba bdag nyid gtso// sku gsung thugs ni rab zab pas// rgya mtsho lta bu'i
22b6 ngang tshul can// skye med don ldan khyod la bstod// gsang sngags bdag po khyod la bstod// theg pa'i rang bzhin khyod la bstod// thams cad mnga' bdag khyod la bstod// rol pa'i bdag nyid khyod la
23a1 bstod// phrin las mnga' bdag khyod la bstod// bdud 'dul khro rgyal khyod la bstod// dbang sdud chen po khyod la bstod// zil gnon chen po khyod la bstod// ces de rnams shin tu dges
nas dges pa'i nga ro byung ste de skad ces bstod do/

CLOSE WINDOW